سفيان : لا مارديتش عليك اللومة ولاكن كون كنتي مراتي كنت غانغوت عادي ونتصرف نفس تصرف اسد واي واحد غايديرها .. راه نتي وتكوني فبلاصتو غاتغوتي عليه لاسمح فيها ومشات للخطر .. عرفتي اش دارت فشركة ولامعرفتيش نااس راه كانو غايتخنقوو فساانسوورااات وداك ساعة فكيها مع لاسيرونص .. ولاكوموند لي جبنا ضاااعت ... وابار هادشي البنت كانت غاتوقع ليها شي حاجة الله يحفظ كون هبطات من دروج راه مغاتوصل تاالهنايااا كتكرب الله يستر .. داكشي باش انفاااعل .. دابا يبرررد وتصالحو
لامار : يمممممشي يزززمر مغانتصااااالح مع حد
حياة : وعلاش غاااايتصالحو ... حشومة يدير ليها هاد الحالة مالها عنها عشرة دالعقولا
حياة : وراه تانا هادي ختي .... تفو عقلية وحدة عندكم الى طاحت البنت تسبيييوهااا فالام ... ويلا طيحتوها نتوما مايكانش لي يحاسبكم ..الحكووومة العليا مكيحاسبها حد
حياة : وهانتي سمعتيه راه داها معاه غي اللخدمة ترجعي لدار تلقايها
لامار :كيفاش داها هاكاك وال جاااعت
حياة : راه هز صاااكها كااامل ودا تا آييس معاها ..
سفيان : صاافي نساي هادش بلا شوهة كتر وطلعي غسلي وجهك و كملي خدمتك بشوية عليييك ... ولا تبغي نخرجو انا وياك نتغداو ؟
لامار : الا معندو مين يدوز ....
خرجااات وحياة بدات تخنزر فيه وتبعاتها خلاتو غي مطلع حاحبو
سفيان : وهادي مالها تااهي؟ ...
طلعات لامار لبيرو ديالها لتخات لباااب ...شافت لبلاصة د قسم لقات غي بلاااصتها و كلسات تما كتبكي
لامار : الله على بنتي الله كااااانت غاتوقع ليها شي حاجة بسباابي ( كتشم فداك مخدة لي كتلعب عليها) حبييييبة ديالي سسسمحت فيها .... كون وقعاتليك شي حاجة غاااانتسطا غااانحماق ..
بقات تما كتبكي تابردات قلبها ومشات لحمامات غسلاات وجهها و كلسات قدام لبيسي تلهى فالخدمة رتاحت ملي عرفاتو داها معاه غي لبيرو .. قالت صافي يكون سافر بيها لشي جزيرة سيير فين تشوفهوم .. .. شوية سمعات دقان ودخل سفيان هاز الغدا معاااه و شد ليها داك البيسي
سفيان : معندناااش حنا لي كيخدمو جيعانين ...
لامار : معندي منين يدوز اسفيان
سفيان : ديريليو منين يدوز بسيف عليه ... شدي راه عارفك كيعجبك لفروماج بزايد .. ( عطاها ديالها )
سفيان : صافابا ؟؟؟ ماااعمركم تناقشو مشااكلكم ونتوما معصبيين ولا تاخدو شي قرار ... خليو تاتبردو وتكون هضرة اخرى .. نتي بحال الغافية وهو لييصوونص راضعو وتشعلو بجوج كيغاديروليها ؟ خلي تاااتبردو وهضرو ..
لامار : على هو مايعرفش يطفا شوية علاش ماشي هو لي يقول تانبرد ونهضر ولاهو كيعرف غير يعرعر وانا خصني نسكت باش مانكبروها .. ماااااخلا ماسمع ليا
سفيان : حتى نتي ماتبقايش تدي على هضرتو فاش يكون معصب .. راه مكانش عارف راسو اش كيقول .. خصك تشوفيه شحاال هادي قبل مايتزوج بيك كيف كان .... غي كنسمعوه جااي عنندنا لدار كنعرفوووو الاعصااارر غايوقع شحال من المرة الواليد كيقولك غايدخل عليا من السور بطموبيل ههههه.. دابا راه شوية ولا مهدن تااكلما بزاااف مور ماحيت من كندا تبهضت فيه ولا واحد اخور وكيضحك ويقشب انا راه عمرني كنت شفتو كيضحك ديما حاجبو مهزوز ... الوليد كان كيحطهم فسرواالووو فاش كان كيسمعو جاي ولا عيطولو .. هههههه محضرش لكنزة دالواليدة وهرررب خاااف غي منوو هههه واحد نهاررر جااا رون الداار .. سييمانة وزاج مابغاش يتجمع ... هو راه هاكاك دااايررر مجعورر طوووفاان خلاتها جدة ههه هاكا كانت كتعيط ليه
لامار : ههه عبرات عليه ههه فيضااان الله يستر كيفيييض توشيه شوية مشيييتي .. فاش كيكون مهدن تقول هنا نبااات مكاينش بحال هاكا فرزانتو .. غاابتقنندش شوووية ويهز داك الحاجب غازير سمطتك وقلب على شي طريق كتحرج ... تفوو
سفيان : ولاكن قلبووو بيض دغياا تلقااايه رجع مااكيشدش فخاطرو .. خصو غير يخرج داااكشي
سفيات : ودابا شي سمعيه شي ميكي عليها اانتي متبقايش تنبشي فكل كلمة .... حمدي الله لي تبدل وماجيتيش فالزمااان ديال شحال هادي كيف كان ..
لامار : وراه جيت فداك زمان نيت .... تا مات الواليد ديالك عاد تهدن شوية .. كان عندو نمر سميتو روووبن ... ربع يام هو فالكلينيك معطوب هرس ليه العنق والرجل عوووقوو ماعرفتش اشمن حرر رد عليه واااش ضربو مع الحيط ولا زططم فيه ولا اش دار ليه ... كان عايش معاه فالعدااااب غا هو مشا جيت انا بلاصتو يرد عليا حرو
سفيان : وهانتي قلتيها بفمك هههه غي كيرد الحر.. راه هاكاك داير هو ...عاوتاني لي دااز عليه ماشي سااهل .. راه نكون بلاصتو ناشي غي نولي معصب راااه نتخلخل .. داكشي لي خلاه يكون مجعور هاكاك ودغيا كينفاعل ..مابقااش عندو الخاطر يتحكم فراسو ...
لامار : عرفتي انا الى درت شي حااجة وغوت عليا فالبلاصة و الله مانخاف مكنحملش فاش كييييسكت ويبداا يخخخنززرر و يجاوبك غاااااابشوية لا كنننعرف داااك ساااع البراااااكين غايتفركعو ... داك الهدوء ديالو خطير هو لي كيخوف .. ييييخخ
سفيان : ههه يسمعك يبوقل مك .. وماشي غي هو حنا كاملين هاكاك سيري طلي على يونس.. شهر العسل ياحسرة كركرب صاحبتك من الدروج على قبل سروال تعكسو عليه
لامار : اويييييييلي
سفيان : كون مافرقتهمش كون هرسها...ما واحد ختها ياحسرة مشات خبعات غي راسها خافت يجمعها تاهي هههه زهركم طيحكم فينا اش غادي نديرولكم
سفيان : كون عرفناه كون مشينا نقتلوه باش مانتكاثرو ربعة اخرين منا ويكرهو البنات زواج ...ههه مهم انا غادي نمشي وجمعي خناينك ماتديش على اسد وتهزي فخاطرك راه غي تخلع على بنتو عادي
لامار : على هي كتبت فبلاصة وحدة ؟ راه كتخطط بزاف فين غارد ليها لبال كنقول يمكن غي كتلعب مكيعجبنيش نحبسها .. كنبغيها تكون بحريتها حتى الى طاحت تعول على راسها تنوض ماشي ديما عنداك عنداك...راه غااطلع بلا شخصييية وديما تعول علينا حنا نوضوها ...
سفيان : سي فغي وقوليليه هاد الهضرة يفهم ..
لامار : وراه هاد الهضرة هو لي علمهاليا يا حسرة
سفيان : ههه يقولون ما لا يفعلون عادي عادي غي تخلع عليها فعلا طلقوها بحريتها مي الخطر حضييها راه الى خطاتنا هاديك نلوحو راااسنا فشي واد انا بعدا مانتخليش راسي عايش بلا بيعا دابا وتوحشتها..
لامر : مغاتكونش قدي .. معرفتش منين جابت هاد تشيطين حق الله بزاااف بزااااف... جنييييية .. ماعندهاش تصرفات طفلة عااادية كادير شي حوايج انا كبييرة ولله لاقدرت نديرهم ..هادي غي شهراين اسد دار فيها 8 دتيليفونات 2 طاحو فلاشاس و 2 لاحتهم من الشرجم و2 لحد الان فعداد المفقودين ...
سفيان :ههههههه وديالي نسيتيه هههه
لامار : على نتا غي تيليلون ونضاضر لي خشاتهم فعينين اييس وراسو كبير تاتهرسو عليه.. وسعتك لي باقي تاملبستيها يلاه وصلات لاحتها ليك فالما
سفيان : اووودي فسبيييل ضحكتها تهرسني تانا ..الله يجعلها دير لي دارت بربي تاهي تهرس ونا نبوس بحال هاديك ييضربووها
لامار : راه نتوما لي كتخسرو ليها تربية
سفيان : تخسر ولا تكلس والله ويقسيها شي واحد فيكم ... ماعندها ماتخسر ضايرين بيها عمامها تبارك الله الحلوف على لاخور الريح معندوش منين ندخل
لامار : انا هازة الهم نهار تكبر وتبغي تزوج شكون هذا لي يزعم يتناسب معاكم
سفيان : لييييييه الشرررررف يدي قسسسسم لييه الشرف .. ماشتيش نتي لاولدتي شي ولد اخوررر يطلع كيشبه لينا عاد غاتزير عليها القضية ..شتي نتي ولدي غي لبنات حسن هههه راه باين الولد لي غاتولديه كيف غايطلع ههه ولدي اختي غي لبنااات نصيحة ههه ( نااض يمشي ) ومسحي دمييعات مكيجيوش معاك امرات خويا لغزالة هههه
لامار : كااااملين ولفناه .. عساك نتي لي مقربة منو ..وهانتي شكون بحالك دغيا لقيتي صديييق و صديييقة هههه
حياة : ههههه بصح .... ولاكن .. سفيان مكنعتبروووش غير صديق اختي
لامار : نعام !!!!
حياة : معرفتش .... زعما .... ففففف.... غي نقول ؟
لامار : شنو عندك ؟ هضري مالك
حياة ناضت شدات لباب ورجعات كلسات
حياة : ختي .... كنبغييييييه بزااااف
لامار : اويلي وحدي ؟؟؟؟؟.
حياة : والله تاااااكنبغيه .. منهار اول مرة شفتووو .. قلبي كيييتحرق فاش كالقاه مامسوقش ليا ...
لامار : ويلي على مامسوقش ليك هو وقتو كامل معاك
حياة : اه ححقا .. بصح كيف كيعاملني كيعامل كاع لبنات عادي معندي تاشي تمييزز ...ولاكن فشكل . كيعانلني بااااارد وكيحسبني باقااا صغييييرة .. كيف شي صاااحبو وصافي .. كيتعرف على بنات حدايا ويبدا يقولي نختار معاه شكون حسن ... و يهضر معاهم حداايا .. ويجاوب فتيليفون ويبدا يتعنب عليهم مكيدرليش قيمة ... هو مامعتابرنيش كيف انا معتبراااه اختي
للمار : نااااااري عليك احياااة حبك طاح على حجرة ....مالقيتي فيمن طيحيي غي فيه .. هو راه كيبام ساهل وضريف ولاكن صعييييييب تشديه ... سفيان من النوع لي كيبغي لبنات كاملين وفنفس الوقت ماعينو فحتى وحدة .... كاع لبنات ديالو لي شافها بغا منهاااا ... واش عاارفة شحال من وحدة عندو ؟؟؟
حياة : عاارفة عاارفة ... لدرجة حافضة سمياتهم كاملين كتر منو ... بقوة مكيهضر معاهم حدايا .. ويبدا يوريهم ليا ويقوليا تفكري معايا سمية هادي نيييستها .... وديما مغالط فيهم .. عااارفة عندو بزاف ولاكن تاني عارفاه ماكيبغي تاشي وحدة .... عمرو هضرليا على شي وحدة ...كلهم كيضحك معاهم ويبدا يعاير فيهم فاش يقطعو ...
لامار : ديلمو عاطي لعين كولشي لاسقين فيه .. موحال واش كايبغي شي وحدة .. وهو عاااايش حيااتو عارفاه كيداير ... ولاكن ياااا حياااة سفيااان نهار يبغي دبصح .... غاايكرهها فجد الحب ومايجي منو ... هذاااا تشوفيه داير هاكا وضحوووكي وبااااسل وضريف .. رااه عندو نيشااان نيشان .... كلمة جوج يسلقها مع الحيط
حياة : وراه هادشي كامل عاارفاه .. كنت معاه نهار وحدة جات عندوو يمكن كاان معاها شي نهار ومابقاش عااقل عليها وبدات تعلي فيديها هو يلتخها مع الحيط خلاها غي دمايات خوووفني طريق كاملة ونا كنرجف ورجع كيضحك عاااادي بحالا مدار والو .. كيخدم يديه بزاف ديما مضااارب تاوليت كنخاف منو بعد مرات ...كيكون ضاحك غي يتزايد معاه شي واحد فالهضرة ينفخلو الحنك .. كيخدع ناس بداك الضحك و الضرافة تاكيعطبهم ... عارفا سلبياااتو كاااملين وحاضرة لمدابزات ديالو وعارفاه لادرت معاه هاه ولا هاه تصفا ليا ... ولاكن واخا هاكاك كنبغيييييه اختي ....
لامار : والله تابقيتي فيا هههههه ... راه خنا لعيالات عزيز علينا هاد نوع هه كامونيات .. لي ولفانهم واحد كالم يجينا بلا شخصية ههههه غاصبر وصافي ...و انا راه وصيييتك زعماا وماديتيش على وصيتي واجي تججربي دابا ...واجي اختي اجي تجربي الحب ديال هادو .. راه قالها بفمو عاض فيهم كلب مجعور .. مكيديو الوحدة تاكيسخسخوها ..مالك اختي حايا لتمارة بيديك ههه هربي هربي فللتي شوفيلك شي دكتور صاحب عمران ولا من دوك لي كوتش كيكونو كااالم وكيعرفو يتصرفو ماشي بحال هاد المساعير
حياة : واااالو منو نخلاق .. انا كيبانلي غاهو كولشي كيبانو ليا غي خبيش ..المشكل هادشي من طرف واحد.. هو معارفينيش تاواش كاينة كنموت غي بووحدي ..مانسوقش ليا كاع .. وفنفس الوقت ديما كيهتم بيا وهضرتو زوييييينة وكضحكني كيقابليني .. كيسول فيا لامريضة .. كيوصني ديما نمشي عند ماما.. فاش كنمشي كيسيفط معايا لي كادو لخواتاتي ...كجيني حنيييييين بزاف تا كنطييييح فهاد الايجابيات كيبانو تاني سلبيااات لي كيقتلووني .. قووة البناااات و انا كيحسبني صغيرة ديما كيقول ليا عمو ويعنكش فيا بحال كي كيظير قسك كتجيه يمكن غي قدها ... وعمرو بين ليا شي نهار بلي معحب بيااا والووو ديما كيقولي غي الخايبة لفاارة لبقرة لقزمة سنااافر
لامار : ههههه .. سمعني احياة ... جبدتي ليا للموضوع فواحد الوقت لي ختك زيرو خاطر وفواحد زمان لي اعتزلت تحرمايات هه كون جيتني عام قبل كون عاونتك ههه مي دابا درت عقلي شوية زعما حيت واحد الراجل عندي ديما كيقولي ندخل سوق راسي ومانبقاش نلاسق فعباد الله ويلا عرفني دخلت تاني بيناتكم نوجد فخيضاتي لقريص والعضان وختك باغا تمشي لعمرة باغا نتوب زعما .. .. ولاكن غانقولك واحد الهضرة .. من حقك اختي قلبك وماعشق و سفيان وخا هاكاك راه سعدات البنت لي طيح فيه.. لانو من نوع لي شاابع تسركيل و البنات وتعناب..نهار غايبغي .. غايبغي شي وحدة نيشان والله لاشاف لغيرها لانو صافي كيقتنع بيها ... لانها هي لي ميزها عليهم كاملين وكيكون شابع تكهم فالبنات.. عمرها لاشافت منو حس الخيانة وهاد نوع نهار كيبغيو كيبغيو بكل صدق ووفاء .. حيت مدام ختاااارك فوقت لي كل لبناااااات ضايرين بيه فابور ومشا اقتنع بوحدا ويجيبها بالغلا الا وراه صافي طااح فيها ديال بصح ... سفيان ربماا كيشوفك ديما ولفك كتحجه صغييورة عزيزة عليه .. عمرو شي نهار طاح فبالو انو يقدر يبغيك ... مافكرش فيها باش يولي يشوف لعنك بنظرة اخرى ... خصو شي طريقة لي يقول : زعما نكون مع حياة؟ خصو تباني ليه فعلاقة ماشي صحبة وصافي ... دابا نتوما بحالي انا و اسبرو .. نفكرو فبعضياتنا لاا .... هاكاك هو .. وتيقيييني نتي من النوع المثاالي لي يصلاح ليه وغانكون فرحانة لا كنتي من نصيبوو ..ومزغرتة عليه مو .. ياك هو باغيها محترمة وماناتفاش حجباتها وا راه نتي .. غي خصو يفتح عينيه
حياة : وكييغاندير اختي نفتحهوم ليه راه لاماشا تزوج بشي وحدة والله تالوح راسي
لامار : اربي سلامة .. هادشي كون كان هنا اسبرو كان غايفيديك دومااج لقيتيه سافر ... مااعرفتش حاولي تبيني ليه
حياه : نعترف ليه زعما
لامار : لا ماشي لداك درجة ... مي بيني ليه شوية .. بعد مرات غبري عليييه خليه يحس ببلاصتك خاوية ... بعد مرات اهتمي بيه ... فاش يكون مقلق ضحكيه .. حاولي تانتي تقربي منو وماتبقايش لاعبة دور غي د صديقة .. ماتخليهش يدوي مع لبنات قدامك ديري راسك معجبكش المنظر ماشي نتي كيضحك معاهم ونتي معاااااوناه لااا
حياة : واالو والله ماكيفففهم ...
يلااه غاتهضر هو يحل لباب طل عليهم
سفيان : واجدات
لامار : اااه صاافي ... يالاه احياة
ناضت هزات صاكها و لبسات كوستييمها .. وخرجو و هو شاد قهوتو فيدو وتيليفون فيدو لاخوور .. ولامار كتشوف فيهم .. حياة غارقة فيه بنظراااتها وصلو لباركينغ ولامار بالعاني ركبات لور خلانها حداه ... وانطلقو .. هو صايك وصونا ليه تيليفون دار الكيييت
سفيان : وي اسد
اسد : مال تيليفون لامار طافي فيناهي ...
سفيان : هاهي معايا .. لامار تيليفونك طافي ؟؟
لامار شافت لصاكها جبداتو : وي طفا مارديتلوش لبال
سفيان : قااااتلك طفا ليها مارداتش ليه لبال
اسد : على هي كترد لبال لشي حااااجة .. فينكم ساليتو !
سفيان : اه سالينا راه لقيتينا غاديين لداار ...
اسد : دوزها ليا للشركة
سفيان : واخا صاااافي ...
قطع عليه ..
لامار : اش قالك
سفيان : قالي نجيبك لعندو لشركة
لامار : مااابغاش نمشي عندو
سفيان : هااء .؟ واماتشوفيش بنتك
لامار : اوا يجيبها هو للدار ..
سفيان : وباركا من العكس سيري عند راجلك الله يهديك ....
ضورات راسها لزاااج ... وسفيان صايك وحياة كتشوف معاه سااااهية فيه ... وهو يضور عنها وبدا يضحك وكيضور فراسو ... ولامار بقالها غي تقققرصها تجمع راسها ..
سفيان : اسبحااان الله ازين
حياة : اء!!!! ( جنعات رايها وقادات الكلسة )
لامار : هههههههههه
سفيان : واضحكي نتي هههه الاخت يمكن شبهات فيا شي حد
حياة : ااااه .. غي واحد الجرو كان عندنا فدوار محطوووط منسووط كان كيخلني بلا نعاااااس
لامار : ههههه عطاتك اوليدي
سفيان : ههه ( قرب عنها براسو ببغمزة ) هي راني مخليك بلا نعااااس
حبيبي الأصم الجزء 194
محتوى القصة
التنقل بين الأجزاء