حبيبي الأصم الجزء 197

بانليهم يونس جاي هاااز قسم عندو وهوما يبتسمو وككلس 

يونس : شتي هاد البنت عندكم بالله تاادير شي موصيبة ... على يدها الحرب العالمية غاتجدد

لامار : اش درتي عاوتاني اجنية

يونس : مالقيتهاش لهيه كتجبد فالحوووت وتخنقهم وتعطي لشيوااايششش ديالها قالك ياكل ...جاوها قرااابين وصغييوريين وبدات تجبببد وتبجغهم فيدها عاد غسلت لييها

لامار : اوويلي والله تااايددبحها باابااهاا.. عرفتي داك الحوووت راه مهددين بالانقراااض مربيهم هنا غي باش مايتصيدوش

يونس : اوا مبروك عليهم مابقواش غي مهددين ... انقرضووو ...

لامار : نااااري .... غانمشي نشوف واش كاين شي اثر راه لاشافهم ياااكلها ... معرفت كندير لهاظ البنت والله تا قرببت ربطها مع رجلي .. يااااك الخاانزة ياك شييوايش بقا بجووع ؟

نااضت لامارر تشوف لاكانت خلات شي حاجة حدا داك لبحيرة دالحووت .. لقات كولشي كلاهم ايييس و لباقي راهم فالما .. حمدات الله لي اسد مكيشوفش لتما بزاف .. ومشاات رجعات لعندهم 

لامار : شفتتوو لولاد كييداايريين ههه

يونس : هههه اودي مرحبااااا بيهم .. تااحنااا مسااالييين ههههه .. 

شووية كيبان ليهم اسد جاااي لابس سيرفيييت كحلة وسبادرين وكاسكيط مرجعها لوورررر .. ووقفات ارييج سلماات عليييه بلابيز وكلسو مجمووعين ..ورجاااء باااقي كتحط على طبلة

لامار : فين سفياااان ؟؟؟ هدا موحال واش ناض

يونس : وقفت عليه تادخل لدوش الى كمل نعاس على لاشاس منعرف ههه

اسد : ( هز عندو قسم ) مالها فازكة ؟ فين فزززكتي حواايجك ا لفارة

لامار : ااء .. لا ر راه كنت كتعلب حدا لابيسيين داكشي علاش ..راك عارفها نباااشة .. رااه شمس حرة دابا ينشفووو ليها ...

اسد : نوضي بدلي لبنت ..ملول حضيها ماتمشيش ل لو لاك .. ضاعو لي بواسون مااضيعش تاهي نوضي غاضربها لبرد 

لامار : ععععع!!!!! نتا واش كتخلي عينيك هنا فشي بلاصة ؟ 

يونس : معامن جايا ديريها هههههه

ناضت لامار قبل لايشعل ... مستغربة كيفاش معلقش ... عاد ردات لبال للبالكون كيطل على داك البحيرة .. طلعات بدلات ليها من جديد حيدات ليها الفازكين ... وهبطات عندهم كلسو مكلساها عند اسد كيعجبها تلعب فبراصلي ديال يدو .. 

شووية كيجي تا سفيااان كان لابس شورط دجين فاااتح ومطوي من تحت كامل مخبوش .. و تييشورت كحلة مزييرة على عضلاتو ديال لاكوست .. وصبادرين و داير نظاظر ماارون مهبطهم تالنييفوو ... ديما مشندر ...وسلم على ارييج بتعناااااق وكلسو كيفطرو ضااااحكين ..

يونس : عطيهاليا اسد دارت فيا جنوووون .. اجي انا نوكلك .. كتمصص بدوووك شفااايف غاااليغزهااا من نيييفها 

اسد : ( مدهاليه ) هااك قتلاااتتني ...

عطاها ليه وجر لامار لعندو متكيها على كتفو معتقها بيد وشاد كاسو د القهوة بيد ...

سفيان : والله تاااحرااام عليك ااسد .. كنتي غير تفييقني عرفتي على خلعة ضررربت ماعرفتها نقزاات من الباالكون ولا هبطات على درووج طررررررت بالله

اسد : الله يهديك لباب كانت مشدودة كيغادير تهبط 

سفيان : داك البنت عندك انا كنتوقع منها كووولشي تقدر تريييب دار ماشي غي تفتح باااب .. واااشووووفي فيا .. علاش نعستي معايا وصبحتي معاهم هادي هي الكلمة .. نااري غااانتوحش دييينمهاا 

اسد : تووحشها هي علاش غاتوحش مهاا

سفيان : هههههه احاااااضي رزززقك ماعندي مايتسالك 

اسد : ( باس ليها راسها ) على عندي من غيرها نحضيه .. 

لامار : ( طلعات فيه عينيها زنكها قدامهم) كي مصندل 

يونس : البق ماايززهق عندو ... هههههه ( رجع جمع ضحكتو فاش شاف عند اريج ) ريييجو ؟؟؟؟ ماااالكي ؟؟

اريج : ( تزيراااااااات جاتها الردة ) ا. ا انا غااانجي .. 

لامار : اااجي ااجي .. نووووضي معايا . سرربي 

نااضت معاها للامار ومشااووو كيجريو تررد ..

ايد : ياك لاباااس ( غمزة متسائلة) ؟

سفيان : كلات شي حاجة ماشي هي هاديك ؟؟؟؟ 

يونس : ااه مسكينة كلاات شوية من دوك الحيونات المنوية دغيا مرضووها هههههههه 

اسد : وايييلي 

سفيان : كتدوي بصح؟؟

يوني : مالكم تصدمتو ... نتوما عندكم المني انا عندي ماء زمزم! ... احترموني راه غانولي اب زعماا ...

سفيان : ارسوول الله

يونس : وي .. و توأم ...

اسد : ( بزززق داك القهوة ) الاطييف .؟..

يونس : مااال اصلكم ؟ انا على يقييييين ان الولاد هوما السعادة 

اسد : لا خصك تكون على يقين ان نفسك المطمئنة فالقريب العاجل غاترجع الى ربها راضية مررضية مرركككفصة مااافيها مايتلبق .. ما السعادة داكشي ديال الخيال العلمي 

يونس : والله تاحرااام عليك بالله .. هادي هي مبروك 

اسد : لي والد بحال قسم كيقول مبروك ؟؟؟ 

سفيان : ههههه غي ضاااحكين معاك اخوويااا .. مبرووووك .. وهانتا العود درتي التريكة 

يونس : واش الولاد صعاب زعما ؟ .. هي نبروفيتي فهاد تسع شهور علاما يجيييو .. نعييش بعدا انا و المواطن ديالي 

سفيان : لاا على حد علمي مواطنك غاتبداه المعاناة من دابا ....ربع شهور غايعيش لاجئ معووز .. غايطراكسي وخايف بحالا دايز على لقنابل فاي لحظة يقدر يفركع شي حاجة و 5 شهور لي بقات غايعيش مداحس ... و ربعين يوم صاااايم ... ومنبعد كيحكمو عليه بالسراح المؤقت كيولي يمشي ويجي تحت راية الاستعمااار ... 

اسد ضربو بالباكية د السيكاااار .. 

يونس : فين نتا عارف هادشي ؟ محمل شي وحدة ؟ 

سفيان : تاا ريييح .. راه غا خوكم خبرة

اسد : صاج فام نتا ! 

يونس : شكون محمل المسخوط 

اسد : زيييد زيد .. مع خوك خصو غي شكون يورثو .. 

سفيان : الله و اكبر .. لاكنت القضية فيها الورث . اخويا موالدش ... تبناني ولا شوف اش دير ... 

يونس : خليونا من المزاح .. هادشي لي قال سفيان كاين ! 

اسد : وكطلب مني مبروووك ! 

سفيان : ماضربك حد على يدك هههه .. ما ظلمناهم لاكن نفسهم كانو يظلمون 

اسد : ( هبط فيه نظاظرو ) ولابااس ملي طلعتي مسلم

سفيان : لا كنننعبد الحميرر ... لاوااه 

اسد : مكتعبدهمش فيك غي فعايلهم ... شكون حملتي مم ! 

سفيان : الله اكبر شهاد الباطل بانتلك عندي شي حالة مدنية .. حامل هاد ساع غا الهم

يونس : ديالمن 

سفيان : ديالك نتا لي غاتزيد جوج على قسم .. جوج دقة اصاحبي واش قالولك غايتقاضاااوو لي كوش من دنياااا ..

يونس : ماتحلعوش فيا الله يرحم باكم ...

سفيان : ها علاش كنقولكم خليوني دراااسي 

اسد : ششرب شرب قهوووتك تبع هذا .. الولاد هوما احسن حاجة تقدر تطرالك فحياااتك .. هوما صعااب سي فغي ... بصح حلاوتهم ملي يضحكو ليك فووجهك ويشدو فيدييك ويشوفوك بين الالاف دناس وماتباليهم غير نتا يمدو يدهم عندك .. وتكون ناعس بليل حتى تحسهم ناضو وجاو نعسوو فوق ضهرك ... مغادي تحس بالحياة و الاستقراار وتحس بحالاوة الدنيا .. حتا تشوف عينيهم ..

يونس : متصووورش شحال متشوق ليهم اخويا بالله .. اودي لهلا يخطييك علينا وخلاااااص .. والله يخليييي ليييك هاد البااااسلة ... سسسمعتي باابا كيهضر عليك .. اش كتشووفي فداك تيليفون ( كانت مسغولة فتيليفون ديونس بواحد صبيع كطلع وتهبط وريوكها سااايلييين حالة فمها )

غي باسها وبدات كتعرنن شتت ليها الانتباااه كانت مممررركزة .... وطلقها فلارض تتلللعب مع شيواويش ديالها ... 

وجات لامار و اريج كلسوو معاهم كيكملو فطووورهم .. كيضحكو 

يونس : فيين تيليفوني ؟؟

اريج : ماشفتوش كان غي هنا على طبلة

اسد : جا دووورك هه

سفيان : يا اما غاتلقاه فلاشاس و لا فشي محبق .. ولاكن مادمنا فجردة غااتلقاه ففم شي حووووتة ههه 

لامار : ههه ررااه عنددها صبر نجيبو ليك ههههه 

نااصت حيداتو ليها عطاتو ليه ..

اسد : حضي حوااايجك الوقت عندنا خياابت ...

اريج : ناااري غانكلها ليييكم شي نهااااررر ...

لامار : كوولشي هنا باغين ياكلوها ولاكن غي نتي لي نخليك تاكليها .... حيييت غاتهنيني منها واحد شوية وترجعي تقيايها ههههه .. ما هادو لاكلاوها

مشات على عيني ضبابا تاحاجا مكتكر فيهم باش يتقياو 

سفيان : باااانتلك اختي عندي شي واااالدة باش نتقيا تا انا .....

اريج : ههههه قلتييها ليييهم 

يونس : وهادشي كيتخبع احبيبتي ..

اسد : مبروووك عليكم ... ..

سفيان : مبروووك اختي . دابا مايقدش يكركبك من دروووج ههه عندك افونطاج بعدا 

يونس : شششش هنيييناا 

اسد : . كيضربك ياك ؟؟؟؟ 

لريج : هههه .. ( شافت عندو ) نقوووول 

يونس : ( عنقها عندو ) نضضربها وماانخلي لي يضرررربها ( باسها فحنكها )

اسد : والله مكتحشم ...

لامار : تكااايس ليا على صاااحبتي ... 

يونس : نتوما كتخرجو بنادم على طوعو يضرررربكم بلا الاه الا الله .. العكس ظيالكم معرفت منين كتستوردوه ... ديري لا منديريش ...ديري لاا منديييريش ..حتى كتجيبوها فضلوعكم شنو غادي نديرو ليكم ههههه 

اسد : فلخر كيرجعو يتمسكنو ويضورو فشي عينين يردوك نتا الغالط ...

يونس : وااايه ترجع تبغي تقطع يديك من الججددرر لي حطيتيها عليهم .. 

اريج : وبااااز .. جرحها وملس فوووقها

يونس : وهانتي ماشي غي انا هااهي تاصاحبتك

لامار : لاااا هههه صراااحة لااا كيضبط راسو .. ( شافت عندو هو كيتفرج فيها كيلعب بخصلات شعرها ) ولاكن مصاااااب كون كاان كيرضب هدااا كيينفي دييريكت ههههه 

اريج : هههه اودي شايفا بعيني .. داكشي باش كنكمدها ونسكت ههه فكل الاكوال كنقول اللهم دق ولا العقوووبات ديال خويا اسد هههه 

اسد : لا تالدق مامتافقينش .. ماعيشينش فقرن 18 ... لي يحكر فيه الراجل على لمرا بكتافو ... كاين شي مايتحل بالفم هو هداك .. مكاينش حطليها الخشيبات و بدا معاها من زيرو غا تفهم ...

يونس : اولله تاكيخرجو الواحد على طووعو ....

بقاوو داويين وسفيان طاوي رجلييه رجل على لتخور على واحد كرسي كيشوف فتييليفون ويضحك مع راسو ...

يونس : ( طل عليه ) علاش كتوحم ليك 

سفيان : على خلا دار بوك .. تفرقو عليا مامحمل حد اعباد الله 

اريج : اوييييلي 

لامار : شنووو!!!حمل ؟ 

سفيان : يالاااه ... سير قنعهم نتا دابا الى ماعنديش دراري كيقراو فالمدرسة واحد غانختنو مور العصر ...

صونا للامار تيليفون وبعدات كتهضررر مدة عاد رجعات عندهم 

لامار : حبيبي ماما دااايرة كسكس .. وعااارضااا عليينا كاملين للغدا .. تما حتااا خالتي مامات حيااة وشيمااء .. وراه عارضت علينا كااملين نتغداو عندها كتوصي وكتعااود ...

اريج : توووحشت خالتي رقية مسكينة علاش عدبات راااسها ...

يونس : كون جات هي بلا منعدبوها 

اسد : شكون تما كاع ؟ 

لامار : اغي خااالتي .. مراة ضريييفة مسكينة 

سفيان : وي ديجا شفتها ضرافات مسكينة .. 

لامار : اش قلتو دابا؟ تمشيو ...

اسد : الى مكاينش شي حد اخور تما داكوغ .. كاين شي براني راك عارفاني .. 

يونس : معرفتش .. حشومة نهجمو عليها كاملين .. واش مكاينش لبراني ؟ 

سفيان: غي صبري اختي لامار طاسيلتنا معندهومش مع بنادم ههههه 

لامار : زعما مكنعرفهومش ههه غي خاااالتي بوووحدها .. راه فخبارها غاتجيو و بغات نتغداو عندها 

يونس : مسكينة لهلا يخطيها ... مي صراحة كون عرضنا ليهم حنا علاش ننديرو ليها تمارة ...

اريج : نتا غاتصاوب بحال كسكسوووها .. ناااااري تفكرت دوك الكصااااعي ديااالها نوض يلاه نمشيو سالو ريوووكي 

اسد : هاهي غاتنوضك بلا خاطرك 

يونس : ملي جات غي فكسكس ماعليش عنداك طلللبي ليا غي شي قنفد معمر وصافي ... 

لامار : صاافي اسد نمشيووو؟...

اسد : داكوغ مغاردوهاش فوجهها .. مي غاطلعي تجمعي الحوايج هوما لولا .. باش منهنا لطيارة ديريكت ...

لامار : اصلاا جاااامعا ديييجا لي غانحتاجو ... 

اسد : اوا لقا تما شي رحيل .. فاااالييز وحدة ماتزيديش عليها .. تالتما وشري 

لامار : تسطيتي ؟ فاليييز يالاه دقسم .. مالك غاتهزهوم فوق ضهرك ... 

سفيان : صافي غااتمشيو هاد العشية ؟؟؟ نبقا انا بوحدي 

اسد : عاالله مانجيش لقاااك رديتي دار ديسكو 

سفيان : ههههههه والله تافكرة واعرة بالله .. بااار لتحت ... و براتش لفوق .. منداكشي 

يونس : ( ضربوووو بواحد البواط ) خاص نعاود تربية لديييلمك 

سفيان : ( مخبع وجهو من دقة ) هههه ولا عليكم ههه فيها كتشوفو ههه

اسد : شفتي داك البحر لهيه 

سفيان : مالو 

اسد : غانشربوو ليك الى مدرتيش عقلك .. 

سفيان : ( جمع راسو ) لل لا صافي عمرة مقبوولة

لامار : نمشيو ورا العصر ؟ 

اسد : وي ... عارفة اش كيتسناك بعدا ورا منرجعو ؟

لامار : عاااارفة 

يونس : ونتي عاارفة ؟

اريييج : عااارفة مالة الحجاااب غايخلعنا .. نديروه علاش لا .... 

لامار : هههه متافقين ههه على خوت كيدايرين ... انا غانطلع مغانتعطلش 

اسد : اييييه ( ضارت عندو وهضر معاها غي بالعينين فمهاتو هضر على لحوايج )

لامار : صااافي غالبس جلااابة ...

يتبع ...