حبيبي الأصم الجزء 199

لاماررر دبات تضضرب فصدرها وكتكحب الماكلة وحلات ليها ولبنات غايتصطاو بضحك..... بسييييف باس نسااااوها كياكلو ويضحكو و رقية وعيشة ماعارفينهم مالهم .. سالاو الغدا وحطو ديسييرر مجمعيييين .. 

اريج : حرقتني كررشي هه الله يخرج هاد ضحك على خير وصافي ههه

عيشة : انا عا قوليليا علاش كضحكو من قبيلا 

اسد : ( بغمزة لامار زعما اش كاين)

لاملر : ههه والو والو تالمنبعد ونقوليك ههههه

رقية غي ساااكتة و كضور الموس د ديسير فيديها وكولشي سااكت نزل عليهم ضيم من ورا داك الضحك كااامل .. تاشافو رقية نزلو دموعها ومسحاتهم 

حياة : خااااالتي ؟؟؟؟؟.

لامار : مامااا .. ؟؟ 

رقية : ( مسحات دموعها و شافت عند اسد لي تاهو كيشوف فيها باستغراب ) شوف اوليدي .. قلبي انا مكيخبنييييش ... مغاااتحط رجلييك غي فيييييين تربح .. فين مامشيتي ملائكتك مغايديوك غي لطريق د الربح اولدي ... حيت نتااا عمرك صرفتي الشر فشي واحد .. ماداو والديك من موراك غي الرحمة ....شفتي هاد الكلسة لي دايرين و ضاحكين ... و الله كون ماااااااكنتي نتا اولدي لا كلسناااهاا 

اسد : علاش الحاجة ؟ اش درت !! 

رقية : جمعييتينا اولدي .. وجمعتي ولميييييتي حداااك الله يحفظك ليهم ... 

اسد : لا بالعكس ... حنا عائلة وحدة لا !

رقية : عمرني اولدي ماااتجمعو عليا الحباب على طبلة .. تاجيتي نتا وخوتك الله يحفظهم نورتو ليااا داري بوجهوكم .. ماعمرني ما شششفت ختي فرحااانة لبناتها هاكدا ومبقاااتش هازة ليهم الهم .... ماعمرني شششششفت بنييييتي كضضضضحك من قلببببها .... جمعتييييينا اولدي جمعتيييينا وحدتي علينا الهم .. الله يخليك ديما واقف كي الجبل .... نت الي جامعنا وجامع خوتك حداك ( يونس وسفيان غير كيرمشو ) كنددعي اولدي ربي فهااددد العوااشر ... ربي يخليييك ويحححفظك لينا.. نتا ولدي نتا ماشي غي راجل بنتي ... بغيييتك عمرك ماتخيب اوليدي .. 

لامار ناضت كاااع مشات دخلات لبيت قسم وكلساات ورقية كتمسح دموعها 

اسد : ماتقوليش هاد الهضرة ... حنا واحد كيكمل لاخور ... حتاا انا كون مكنتوش نتوما ومكانوش دراري مكنتش غالقاا عائلة ... 

رقية : ربي يخليك ليهم ويخليهم لييييك ... فرحتي كبييرة لي دخلتو عليااا وجيتو لعندي ... تهلاووو فخوووكم اوليداتي ... راه والله ويخطاكم ماتلقاو تا عتبة حنينة لي تحطو عليها الراس من غيرو

سفيان : الله اودي الحاجة ... هذا راه بانا ماشي خونا 

يونس : ربي بوحدو لي عارف شكون هو فقلبنا ... راه لاخطانا نتسطاو كاملين ههه

اسد : دابا مالكم على هاد الهضرة ههه واش لي خلاتو بنتك لبارك تكمليه ليوم هههه الحاجة انا معاااهم وغانبقاااا مكعس لواليدهم طريق ... على انا فين غانمشي ههه 

سفيان : ( ضرب على رجلو ) حتى نخليوك حنا تمشي هههه 

يونس : اوا يجرب شي واحد يقيسو لينا .. هدا راه نقتلو عليه 

اسد: الله واكبر .. مين نزلات عليكم هاد المحبة !.. 

لامار سمعات لباب وطلعات عينيها لقات خالتها عيشة ومسحاات دموووعها 

لامار : اء ؟ خالتي ... 

عيشة : بنتي ؟؟؟؟ مالكي 

لامار : لا والو ... غ غي .. 

عيشة : ماتديش على ماماك ابنيتي راك عارفة قلبها كيداير ...غي معزتو عندها لي خلاتها تهضر ..

لامار : عارفة لي كاين غ غي جاوني دموع وصافي

عيشة : وانوضي غسلي وجهك نتوما مسافرين زعما ... نوضضي مايشوفكش راجلك هاكدا ..

ناضت لامار لدوش غسلات وجهها ورجعات كلسات معاهم واسد عنقها عندو عرفها كانت كتبكي .. تاوقفو يمشيو 

اسد : لامار خليك شوية مع ماماك .. عندي شي حاجة نقضييها ونرجع نمشيو 

لامار : اه واخا ... متتعطلش صافي ؟ 

اسد : لاااا .. 

اريج : خليني معاها ايونس حتا انا مزال 

يونس : هانتي كالسة ... واش غاتعطل ااسد ؟ 

اسد : ل الا نص ساعة هاكاك .. 

يونس : اه صافي منها يوريني سفيان فين كيبني دارو ونتلقاو فالمطار ... بلا مندوز على اريج تاتجي معاكم

اريج : ااه صاااافي انا مع لاماررر 

اسد : الحاااجة شكرااا على الغداا الله يعطيكم الصحة ... ( شاف عند عيشة ) شرفيينا بمجيبتك مرة اخرى

عيشة : الله يحححفظك اولدي نتووووما لي اجيييو عندي... طريييق سلاامة والله يوصلكم سالمين غاانمين 

رقية قربات و عطاتو مصحف صغييير دارتولو فيجيبو 

رقية :ولادي كاملين عاطياهم مصحف يحفظهم ... تانتا خليييه عندك اوليدي ..وهذا لولبدب يونس وهدا لسفيان

سفيان : اووه شكرااا الحاجة

اسد : شكرا .. رمضااان مبارك سعيييد ... ( شاف عند لامار لقاها غي كتشوف فيه ) حبيبتي مالكي هه .. 

لامار : لاوالو منشوفش فراجلي هاء .. واش ماشي لشركة ؟

اسد :لا لواحد الجمعية ... ( جا ماشي ورجع لبيت قسم ولامار متبعاه بعينيها ) 

دخل عندها لقاها نااااعسة و طالقة يديه موراها وابتسم هبط باااسها فراااسها عاد مشا خرج ولامار فلباب كدير ليه بايباي وهو هبط فدروج عطاها بوسة فهوا وغمز لييهااا بضحكة خلاها غي كضحك وكتشوف فيه .. تاهبط و شدات لباب دخلات .. 

اسد دار نضاضرو وخرج لقا سفيان ويونس واقفين قدام طموبيل كيضهرو

يونس : صافي اسد نتلاقاو فالمطااار 

سفيان : ( سلم عليه ) طريييق سلاااامة ... دعيو معانا 

اسد : غاتبقا غي هنا مغاتخرجش هاد ليوماين ؟

سفيات : لا يمكن ندوز هاد الويكاند فكندا .. 

اسد :مزيااان يلاااه رد لباال ( ضرب ليه على كتفو ) راك بعععقلك زعما مانحتاجش نووصييك ...

سفيان : لااا كوون هاني ..

اسد : يلاه يووونس نص ساعة ونكون تما ... 

ركب فطموبيلتوو ومشااا و تاهوما ركبو انطلقو يمشيو فين كيبني سفيان دارو .. 

لامار دخلات لقات اريج دخلات تكااات حدا قسم على سرير ... مشات طلات على رقية وعيشة وحياة لقاتهم كيغسلو لمواعن 

لامار : ندير معاكم شي حاجة 

عيشة :لا ابنتي غي كلسي حدا مرات لووسك راها عيانة مسكينة ردات مصارنها كاااملين كاع مكلااتتتو مكلسش تادقيقة فمعدتها ... هاهي حيااة معانا 

حياة :غي سري اختي حدا بنتك نتوما غاتسافرو دابا شوية ...بلا متوسخي جلابتك

لامار :واخا وماتبقاوش هنا مخشيين خرجو كلسو معانا شوية 

رقية :هاحنا نساليو ونديرو واحد بريريد د اتاي ونجيو

خرجات لامار عند اريج بانتليها طلعات ليها السخانة وغطاتها بايزار 

لامار : ناااري اريج كون غي كلستي ..صعيب عليك الحااال شوفي حالتك 

اريج :لا لا اش غااانكلس .. نمشي حسن معاكم .. نبقى انا بلا يونس شهر تسطيتي

لامار : هههههه حمقة( كلسات حداها تاهي متكية ) شوووفي اش دارو فينا .. مانقدوش نبقاو بلا بيهم تا نهار واحد لا .. شي قبول مجهد هدا دايراه ليهم ماماهم قبل ماتموت ....

اريج : هوما لي منهم الغلاط فيهم واحد القاعدة كييحطو لينا كولشي فيهم .. عائلتنا ... اب و ام و اخ و زوج .. كووولشي .. هوما لي كيفششونا بلا قياااس ... تاكنوليو مدمنين على ريحتهم ... 

لامار : ع عرفتي ... لبارح مقديتش ننعس .. جاني واحد الوسواااس قبييح .. كنبقى نتخيل كون اسد توقع ليه شي حاجة و قلبي كيتزير .. فففف

اريج : ماتبقايش تفكري هاكا تانا كتجيني هاد الحالة بعد مرااات .. غي نعلي الشيطااان وصافي ..

لامار : معررفتش .. تاماما شفتيها قبيلة ... انا وياها كنحسووو ا اريج .. انا راه شابها فيها هي كتحس بالحاجة قبل ماطرا ...

اريج : اعووود بالله اصاحبتي اش هاد الفال على السيد وحنا مسافرين زعما .. دوزي تكاي هنا حداااا بنتك باركا من االافكار الخايبين ... 

لامار : جبداااااتها هاد نهار مابغات لاتفيييق .. نعساات نيشان 

اريج : واخليها تشبع نعاس .. تاهاد الصهد كيرخي الواحد .. فين ماماك يجيو يكلسو درنا ليهم تمارة ليوما ....

لامار : كيغسلو لمواعن دابا يجيو ... عرفتي البلاصة فين كيبني سفيااان واعرة .. غيير يكمل دار عندو نسكن انا هههه داير ليها شي فصالة من داكشي على دوقو ..داااكشي مووووووديغن وراني اسد لبلان .. 

اريج : معرفتش فين .. تانجيو ونمشي نشوفها .. تاهو عندو دوق لمسخوط البارطما ديالو فكندا من مأثثة داكشي غير هو فين مامشيتي تصاوور لبناااات بدو بياس هههه ..

عند يونس و سفيان ....

سفيان : سييييررر نييشااان عاد ضور على ليمن .. 

يونس : بعدتي اصاحبي على المرافق كاملين 

سفيان : اش غاندير بيهم باغي الراحة ... كاينة طموبيل ربع ساعة هانا فالمدينة ..

يونس : منهنا ! 

سفيان : وي منتما ضوورر .. 

ضار يونس و بقاو ماششين فطريق طويييلة غي الشجرر تاااافرااااناااااا بجججججهد ماعرفش منين خرجات ليه واحد طموبيل من وسط الغابة كون مكانوش دايرين سمااااطي طانو غايتزدحووو .. وداك طموبيل قطعات ليهم طرييييق 

سفيان : شكووووووون هاد وووووولد القححححححبة ..

يونس : ليوووم نقتل دييييمو 

نتررر السانتير و نزل من طموبيل مشعشع . ... هو ينزل واحد من داك طموووبيل بضحكة استفزازية على وجهو وبداو ينزلو رجاااال من طموووبيل غي الحلووف على خوووه هازين المضاااا .... 

سفيان : حسااااااابت زااااامل دباااك راك فهوووووليود ... خوووووي طرييييييق قبل مانخويي لخوووويا قلااااويييييه تححححرك

~~

الجيش الروكاني فهاد ساعة 

- وهاااادي مكنتش على لبال 

-منين خرج لينا هدا تاني

- اويلي شكون هادو 

- ياكما داك لعصابة غلطو وسيفطوهم ليونس و سفيان 

- يكونو من العصابة ؟

- هدا بابات اسد حيا من القبر 

- يكون باهم 

- ناري ياكما المقدم لي فدوار دحياة؟

- اويييييلي شكووون هادو 

صافي هاني لخصت تعلليقكم😂

~~

عند اسد .. 

وصل لداك القاعة فين دايرين الحفل ديال الجمعية .. كانت فالخرجة ديال لمدينة فواحد البلاصة هادئة وبعيدة على لبشار ودخل باركا طموبيل بعيد باش مايشوف حد طموبيلتو تما ويعيطو لصحافة ...

(فسيارة لوررر مرقاباه )

- ليون .. صافي رااه وصل .. هاهو قدااااامي 

ليون : مزياااان صوورو ليا فاش يكون نااازل .. وردو لبااال راه مسااااهلش ..

- لا كون هاني راه جا بوحدو مامعاهش لبوديكارد .. وهو راه واحد وحنا ثلاثين .. 

ليون : لااااا ماشي هادي هي الهضرة لي بغيت قتلييك ماديرو والو واش باااغي يصفيها ليك ! 

- نقتلو حد والديه حنا كاع 

ليون : اهاه وعدنان غايدوزها ليك ؟ بلاااااا متتتصرف من راسك ودير اش كنقوليك بالحرف حنا بغينا غي يتخلع عليه ويجي عاااد نطلقوه ... مابغيناش نقتلوو

- صااااافي فهمنااااا .. خدمتي راني عارفا ماتمليش عليا نتا ...وحدليا فلوسي ومتقويش الهضرة 

ليون : فلوسك دازو لحسابك ... غير يغيييب حبسوووه عنداك دييرو شي حاجة هو كيشوف ولا يمشي يشوف وجهكم راه نهار نطلقوه غايصفيها ليكم واحد واحد ... 

- صافي اصااااحبي واش غاتجي توريني خدمتي وجهنا مخبي .. حنا نتسناوه غي يشرب ديكشي ويغيب نهزوه ... 

ليون: يالاه راني معول عليييكم .. 

قطع عليه وعيط على طموبيل لي قريبة من تما 

- هاهو جاااااي ردو بالكم مزيااان و تأكدو بلي كولشي هو هداك .... المفعول غايسري فدمو ف 2 دقايق ماشي كثر ... كونو واجدين تهزوه ....

- حاااضر اسيدي ....

نزل اسد من طموبيل وهداك كيصور فيه ... وسيفطو لليون .. وهو مشااا بجيهة القاعة .. تاقرب لتما عاد كانو طموبيلات بزااف ... وناس كولها فلباب كتسنا غي شااافوه تجمعووو وواحد لبنت هازة بلاطو فيه الحليب و تمر .... رسم على وجهو ابتسامة صفرة .. وخرج داك المدير يسلم عليه .. غير شاف فعنيه حس بيه ماشي هو هداك ... 

محمد : مرحبااااا مرحباااااا اسيدي شكرااااا بزاف لي شررررفتينا وسمحلينا معطلينك على سفرك.. زيد تفضل .. 

اسد زاد معاه كيشوف فيه غي بجنب جاه كيهضر بزززربة وعنيه مثابتنيش ويديه بحالا كيترعدو وعنقووو حممررر بحالا كان مجيف ....وزاد استقبلوه وواحد لبنت لابسة تكشيطة وهازة تمر و حليب خدا الككاااس .. غي قربو ليه يشرب ...مع نيفو عندو كتر من السلوووقي .. شم فيه شي ريحة ماشي هي هاديك ... ودار راسو بحال شربو و رجع حطو وماكلا والو وهوما كيستقبلوه هو لاحظ داك السيد كيشوف لواحد بلاصصة مطووول .....مابغاش يضورر يعرف اشكاين ... و هز تيليفون عندووو دار الكاميرا .. وبانتليه طمووبيل كحلة عامرة برجال ملتمين ...لقاه لتما كايشوف .. و رجع تيليفون لجيبو مافاهمش اش واقع .. ودخل بعدم الاكتراث ... 

- صااااافي راه دخل ... وشرررب داك الحليب 

-مزياااااان غير تسمعوه طااح دخلو نتوما لولا ديرو راسك الكارد ديالو وهزوه .... 

عند يونس و سفيان ... 

شهاب : مرحبااااا مرحباااا .. عاااااااش من شااااافك 

يونس تلاح عليه جيييفووو ولسقو مع طموووبيل 

يونس : مزززياااااااان لي جيتي برجليك حسااابنا باقي ماااسالاش ... جااااايب الحممممية آ لي كيبيع طرمتوووووو لزوامل . مقاااااادش عليا بوحدك ولا شنووووو 

سفيان غي سمع عرفو شكووون ودخل فدوك رجال طووول وعرض مكاين غي ركاالي وهوما كيهدو عليه بدوك سبديووووفا وكيبع فوجهو وعاطيهم الشحححححط .. وهزما معولين غي على المضااا وهو ركاليه كيصلو تالراسهم .....ويونس كيييكرووووشي فشهااااب تادم طوووش من نيفووو تاجا واحد من لووور جررو عليييه هاز عليه موووس ويونس شدووولييه يدوو باش ماايقيييسش وجهووو وسفياااان ضاارو بيه ستة بيهم وشي وحدين عاد كيخرجو من وسط لغابة بسيفوفهم كيشوف معاهم كيغايدير ليهم كولووو كييييينهج كي شي ثووورررر ويديه جااااامعهم بووونية تاكيشوفو طوموبيل جات بلي فيها د السررررعة وكسيرات عند رجلين دهاداك لي هاز الموس على يووونس وخرج من طموبيل

عدنان : اش واقع هناااا 

- شكووون نتا !!!!! 

عدنان ( شدو من عنقززو مززيررر عليه) انا لي غاااانننننحي دييييييييلمك لي متتهزييييتيش تقوووووود

عطاااه ببونية تااضاااررر وجهووو ولاحو من يدوو ومشا عند هاداك لي هاز الموووس على سفياااان جبدووو حيدو لييه و ضربو لكرشووو ببووونية تازعزع مصارنوو و يونس ضاار عند شهاااب ضرب ليه رااسو مع زاااج تاولا كولو دمايات وخلاه تما معلق ..راسو واغل فزاج طمووبيل ..ومشا كيجري عند سفياااان لي تجمعوو عليه دايرينو فالويط ودخل هو وعدنان معاااه كيضربوو فييهم بثلاثة بيهم لسقووو ضهروهم مع بعضياااتهم وكيضورو كيشوفو فيهم وهادوك غي من عينيهم كيخلعوهم ... فنفس الرحم ترباو ومن نفس الثدي رضعو دم سخووون كيجري فعروقهم ونفس قووووية ورجلة حااارة وقفة جبااال متججردين .... ملاقين كتااافهم ومشكيل ثلاثي الموت وسطهم ..... ودخلووو فيهم دخلة وحدة مكااين غي الركااااااالي و البونيااات وسفيان لي طاح فيدو كييعوج ليه راسو تاكيهرس ليه عنقو وكيضربو مع الشجرة كيطيح كااااووو ويوننس تشاادد مع واحد كيحيد ليه السييييف تاااضربو بيه لكتقوووو وطوووش الدم عى وجه عندنان... مع كان سخوون فيه دم دغيا جراا ... وبداك الحرارة دالجرررررحة وحريقها ضوورو عندو شادو من عنقووو و هرسليه ظهرو على رككبتوو ولتخووو فالارض ...وسفيان وعدنان كييضربو وكيشوفو ليونس لي كتفووو كيشررشر وعاطين الشششحط يديهم ورجليهم بحالا دخل فيك رموك تاطيحوهم معطوبين .. بقااا غي واحد لي فجيهة عدنااااان لي هاز سييييف عليه ... شدووليه تاااااجررح يدوووو لاخور كيجبدو وعدنان مزيير عليه ويديه كتتتقطرررر بددددم تاااحيدوليييه وضربو بيه لعنقووووو فتقو ليه وطيحو فالارض عطاه رككككلة وحدة لكرشو غييييب ... وبقاااو كينننهجووو كيشوفو فيهم طااااايحين بحال زبييييب فالارض شي باقي كيتحرك وشي غييييب ودميااااات بحالا دابحيييين بقرة كانو عشرة بيهم .... معاااامن جااااووووو مع مساااااعييييير ابتهاااال ... وسفيان ضار لعند يوونس كينهج 

سفيان : قااااااااسك ولد القققققحححججبة 

يونس :( كيرد شعرو لور كيقطر عليه بالعرق ) ماشي شي حاجة ( ضار عند عدنان لي كف يدو كيقطر بدم تاهووو تحل ليه كاامل ).

سفيان : شيييييييت ..... ( هز ليه يدو ) يالااااه اصاححجبي دغيت يخيطو ليكن هااااادشي شنو هاد الخراااااااا تاني علاش كاتشوفو فيا ابناااادم زيدو دم كيخرجكوم ( كلهم كينهجو وكيقطرو بالعرق و عروقهم باااااارزيييين فعنقهم ويديهم هنا فين بانو كيتشااابهو ديال بصح مسعووورين ) 

عدنان : موااااااقع والو... غير جرح بسيط نتوما بيخير ؟؟؟؟

يونس : صاافاا صاافاا....

عدنان : شكون هادو ؟ شنو بغاو منكم ..... 

سفيان : وااااحد زاااامل دييييييلموووو ... ( ضار عندو بانليه مغغييييب مايحتاحش يزيدو ) 

يونس : بحالا شايفك فشي ببلاصة ..

عدنان مجاوبوش ومشا لطموبيلتو كيحيد فتيشورتو و قطع منها نص لواه على يدو وهز قرعة دالما عطاها ليهم .. ولي بقا من شوميز ربطو ليونس فكتفو و سفيان كيشوفليه لداك الوشام لي فيدو باسم رتاج ...

عدنان : شفتيني فالانيفيغسيغ .. 

يونس عاد وسع عينو وتا سفيان تفكرو ....

يونس : ااااه وي .. دابا تفكرتك ... كنتي شريك خويا لا ؟ 

عدنان : لا ... خوه ... 

يونس : شنو ؟؟؟؟؟ 

سفيان : !!!؟؟؟؟؟؟؟؟ 

عند اسد .

دخل لداخل مرحبين بيه وكيعرفوه على ناس و اسس الجمعييية وواحد معاهم تايقلوهم يطلقوه دغيا مزروب ... وهو قرب عند واحد مجموعة دالاولاد صغار وداك المدير مرافقو كيحاول يضحك مايبينش ... تاتدخلات المؤطرة ودوات معاهم بلغغة الاشارة و اسد كيفمها حيت هي لي تعلم ليها قبل لغة شفايف ...

- عرفتوو شكووون هادا ..... 

دوك الوليدات بقاو غي كيرمشو معاها كاع ماعرفوه وهو طلع حاجبو باستغراب .... وهبط على ركبتو تعرف عليهم بلغة الاشارة .. وضحك ليهم وناض شاف عند داك المدير ووما ليه يتبعو وبعدو عليهم 

(على برا )

- رااه باقي موقع والو .. كنشوفو فيه من زاج واقف عادي ... مزال مغايكون سرا للمفعول فيه ؟ 

- ميمكنش ... راااقبوه .... ياك درتو لا دوز لي عطيتكم ! 

- اه اشاف بتدقييييق .. وبقيت واقف تااخلطت كلشي بيدي ... 

- رااقبوه مزيان يمكن عاد غايسري فيه ..

عند اسد 

اسد : اش واقع مم ؟ 

محمد : اا لا ل والو اسيدي .... 

اسد : شنو كتحاول دير ..

محمد : ( هز واحد موشوار مسح العرق على جبينو ) والو اسيدي ...

اسد : علاش هاد الدعوة ؟ 

محمد : ا . ك كيف سبق و وقلت ديجا .. ل لواحد م من رجالك .. بغيناك تشرفنا فالحفل 

اسد : اهاه وشنو اخر .. !؟ 

محمد : اه حيت اولاد بغاوك 

اسد : لي علا برا .!

محمد : اه اسيدي 

اسد : بغاوني و هوما مكيعرفونييش ؟ كيدرتي ليها.. ممممم !؟؟؟ ( هداك صافي شوية يبول فسروالو من هاد الشوفات لي كيدير فيه وسواارتو كيضورهم فيدو ) علامن كضحك نتا !؟ عليا ؟

يونس : كيفاش ؟؟؟؟ 

سفيان : واش نتا خوه ؟ شقييقو ! نتا هو عدناااان ؟؟؟؟

عدنان : ماشي خوه غي هو بوحدو 

يونس : هااكداك هي قوليا نتا هو عدنان ..... كانت كتهضر عليك الوالدة ... 

عدنان : ممم مزيان .. كانت مفكراني بعدا 

سفيان : وي .. نتا اي ماتفكرتيهاش ...عطاتك خاطرك تسمح فلي ولداتك طول عاد سنين ! عاد بنا ليك ولا شنو!!!!! ممممم .. 

عدنان : وعلاش نتوما لي ماتسولوش! ياك سامعين عليا ... ولا معنديش اهمية ...( بطنز ) باااركا غي الاخ الاسد ....

سفيان : علاش سيتكم عندنا شي معلومة اخرى عليك لي نلقاوك بيها من غير اسمك ! وعدنان موجود فكاااع الربووووووع ... 

يونس : فين كنتي هاد مدة كاملة وعمرك جيتي تزووورها ملي كانت حية .. دموووعها نشفووو عليك نشفووو .. كتبات بسرقوليا ولدي وتصبح بيها ... طول حياتها دموع على جوج ولااااد ترزااااات فيهم ... نقولو واحد معدور ونتا! 

عدنان : علاش شكون لاخور! 

يونس : ونقولو حنا ماسولتيش فينا ..... وخوك ! اسد .. لي هو شقيييقك يااا حسرة .. هو اش دااار ليك ؟؟؟؟

عدنان : حساباتنا قدام ... 

سفيان : اشمن حساااااب هدا لي يخليك تلغي اخوتو فخطرة ؟؟؟! 

يونس : غاايكون شتت ليكم رززقكم و بسابو باااك انتحر ونوض رعب فداركم ... اوا حنا راه دار فينا هادشي وباااااقييييين كنشوفو فيه احححسن اخ فدنيا ..... حيت حنا كنشوفو شنو ورا الحيط ماشي غي اش قدامو .... حيييت حنا كنعرفو الاخوة .. وكنعرفو الدم ... وكنعرفو المعنى ديااال كلمة خوووويا ....

عدنان : اش كترون ؟ علامن كتتهضر

سفيان : كنتي نتااااا لي مفرووووض تكون واااقف مع خووك فهاد الفترة لي كنا حنا بعاااد عليه .. كنتي نتا لي تشد فيديه نهار طلق منها كوووووولشي .. نتتااااا ... 

عدنان : اشمن فترة !!!!! علاش امتى نتوما بعدتو على بعضياتكم ونتوما ديما مجموعين 

يونس : صافابا ! واش معارفش حنا امتى تجمعنا ؟ حتا ماتت الوالدة .. اما سفياااان راه حتا لهاد العام عاد تجججمع معانا .... 

عدنان : سطوب سطوب ... مفهمتش 

سفيان : شنو لي مفهمتيهش ؟ 

عدنان : اشمن فترة بعدتو فيها على بعضياتكم! علاش ماتربيتوش معاه ؟ 

يونس : لا .. هو هرب من دار ملي كانت عندو 10 سنين ... مكانش كيعاملو الواليد مزيان ورباه راجل اخور 

عدنان : ششششنووو ؟؟؟؟؟؟؟؟؟ 

سفيان :علاش نتا الاخ المصوون اش كيحاسب ليك ! 

عدنان : صبرو نفهم .... ( قررب كولو كيييتتترعد وملامحوووو تخشبو ) اسد ماترباش معاكم ؟ رباتو الوالدة بلاصة اخرى 

يونس : قلنااا ليك لاااا .. هووو معااشش معانا .. الوالدة راه تحرمات منكم بجوج ويلا جينا لصح تحرمات منااا كاملين .. حنا كنااا حداها ومكنتش كتللحق لينا بقوة المشااكيل .. كل واحد رباااا راسو بوحدو مااااربانا حد .. حنا ماعرفنا العائلة تاااتزوج اسد وتجمعنا .. عاودلنا نتا علل العائلة لي تربيتي مع الجدود و العمام لي هربوك لبرااا وحرموك تعيش مع مك لي واخا مبرتي مارجعتيش لعدنها ماتت وعمرها تاشافتك ... انا لي سمعت كلامها لخر قبل ماتموووت .. كتووصينا نهااااررر نتحمعوو بيك و باسد نقولو ليكم شحااااال تمنااااات نترباو تحت جناحها وشحاااال تمنات تشوفكوم قبل ماتموت .. كانت بغا غي نتشوفنا مجموعين ... سفياااان ترباااا بوحدو ونااا بوحدي وخا فنفس الداااررر كل واحد مكيشوف لاخور غي على طبلة الماكلة عمرنا عرفناااا شنو هو طعم نتجمعو ونضحكو مع بعضياتنا واحد يشكي على لاخوررر تااكبرنا .... وتا اسد راه تااكككبر ولا لاباس عليه و مات لي رباه عاد ولا الواليد طاااامع فرزقو ويغا يرجعو ليه وبدات كل مرة الوالدة تعيط ليه بشي سبة باش يجي لعندنا وتما تعرفنا عليه ... حنا مكبرناش معاه كون مكانش كيجي فاش مرضات الوالدة كاع منعرفوووووه كنشوفوه غي فتلفزة .... 

سفيان : وهو وخااا تخلات عليه ومحمااتوووش من هداك لا حاشا واش نقول عليه الواليد ... مع دالك غي كيسمعها مريضة كيجي ... 

عدنان : ( جاتو الخنننقة وشد على صدرو كيطلع نفس بسيف حيت مريض بالقلب وتكا على طموبيل ورجع شاف فيهم ) علاش هرب ؟ 

يونس : دااكشي قدييييم 

عدنان : ( تلاح عليه جيييفوووة مغنننندف ) بغيبيييييت نعععععععؤف اش درتو لخووووويااااااااا ( رجع كيتنفس وبعد عليه ويونس كيشوف معاه ) علاش هررررب

يونس : الواليد مكانش كيعاملو مزيان .... واخر مرة كان تقب ليه ودنيه 

عدنان مصدووووم كيشوف فيييييييهم 

سفيان : داكشي علاش هو مكيسمعش دابا .... 

عدنان شاف عند سفيان مقاااااادش يتنفس ... كيييسسستوعب هادشي .. كيفاش مكيسمممعش ....

مدير : ل لاااا لا .. غ غي ... 

اسد : ( كيقرب لعندو ) غي اااش 

مدير : ( قلبو بغا يسكت و اسد كيقرب عندو خطوة باخرى الرعب ) صااافب صااافي ا انا غانفهمك ... 

اسد: ( وقف ) فازي ... 

مدير : ولاكن عفاااك اسي اسد ... عفااك لامغطي عليا ... انا مداير والو ... انا غي تحط سلاح عللى راسي 

اسد : واااامنللخررر منلخر .. شكاين ! 

مدير : و .. وحدين جاو شدوني صباح ( كيعاود ليه كااااه لبلان )

اسد: دااابا هاد دراما كاملة وهاااازز من ووووقتي و مأجل السفر ديالي ... باش انا نجي عندك لهنا تلعب عليا ! وعلاش لي مااتقولش هادشي منلووووول حسابتك مكنتش غانجي ؟ .. انا نسسستقبلهم ماشي هوما !!!

مدير : سلااااح كان عند راااااسي اسيدي مااااشي لخاطري تيقني كانو غايقتلوني هانتا شوووف ضهري كيداير ... معرفتش باغين منك .. مكانش عندي خيااار سممحليا اسيدي عفاااك عيييت نرغب فيهم وماسمعوش لياااا ( هبط على رجليه و اسد طلعووو وقفو ) 

اسد : ( ضرب ليه على كتقو ) من بعد ونتفاااهمو.. هادشي مزال مااسااالاش...

طلعو وهبطو وخرج .. 

( عند دوك رجال ) 

-معرفتش فين مشااااو ... بعدووو 

- دخل عندهم شوف اش كاين 

- كيفاش غاندخل وانا وجهي مخبي

- حيدو ودخل مغايرد ليك حد لبال ... دخل شوف اش كاين .. يقدر يمشي يخوي بينااا داك الشارف سررربي راه دازت كتر من ربع ساعة خصو يكوون فقد الوعي دابا .... 

حيد لقناع ونزل من لور د طوموبيل و مشا جيهة القاعة ..غي نزل ..ديمارا لي صايك خبع طموبيل وسط شجر .. و هداك ماشي كيهضر فتيليفون تكيدددخل فصدروو وطلع معاه راسو جاه طويل عليه و اسد معلي فيه حاحبو وحيدلو تيليفون ولوا ليه عنقوو فيدو تاتقرط وطلقو تلاح فالارض .. وضربو بداك تيليفون وزاد 

هداك معرف اش واقع علاش قطع عليه حيت هوما طوموبيلتهم حدا فين حاط اسد طموبيلتو بعاد على لقاعة وعيط على واحد اخور

- اااش وقع مال تيليفووونو طفا 

- معررفتش اسيدي يي ( سمع ظقة فسرجم تققلب لقاه اسد معوج فيه عنقز مبتيم هو يتخخطف وطاح ليه تيليفون ولاخور قلب دنيا بألوووو ماعرف اش وقع واسد كيدير ليه بصباعو نززل عندي وهداك بقا غي كيسرط رييقووو كوووولشي خسر ليهم و عاق بيهم ) اش غانديرو دابا 

- ( الراجل بي معاه ) مووصيبة .هاد خينا بصح مساهلش ... ( كيصوني لاخور ) عااق بينا ... عاااق مشينا فيها 

يلاه كيهضر فتح فليه لبااب وهزو من حوايجو لاحو لبرا... كانو غي هوما تما حيت كولشي فلقاعة لداخل و داك بلاصة مخبية وسط الشجر ... 

وجبدهم بحال لفيييرراان كيجبد ويلوح لبرااا وبقا ينفض يديه كيشوف فيهم.. من عينيهم زورق بانوليه كولشي اجانب اما لوجه مغطي كيبانو غي العينين

اسد : ( بالانجليزي ) شكون نتوماا !!! 

- ( وقف ) نتاااا لي شكووون 

اسد: اهاا ؟

- حيد منهنا حنا مكنعرفوكش 

اسد : ( جبدوووو من حوااايجوووو علاه تالفوق كيشووف فيه مززير على سنانو ) شكوون مسييفطكم ... ( بانليه واحد جاي غايضربو وضربو بيه كورهم بجوج فالارض وهز واحد اخور عندو مجيفو بيد ولوخرا كيحيدلو على وجهو القناع يشوفو ..وهداك وووسع عينيه ملي شااف طمووبيل دشاف ديالهم لاخور لي جايا مكسيرييية جيهتهم واسد مقادش يسمعها باش يعرف... عرفو غاايدخل فيه حيت هداك قانل مأجور يدير كولشي باش ميتفضحش .. تسلت من اسد ونقز تلاح ورا طموبيل و اسد حس بالارض كتهز تحت رجليه عرف طموبيل جايا يالاه غايضور تاكان طموبيل دخلااات فيييه وترفع تاااااااالفووووق وتخخخخخبط فالارض مع الشششجرة هبط عليها شقااات ليه رااااسو وطاح بدميااااتوووو وهوما كااملين شهقوووو وهداك لي صايك كينهج وكيقولهم يسربيو يركبووو يهربو .... 

- ااااش ددددرتي وااااش حمااااااقيتي 

- راااه شااف وجججهك ووجهك الحمار لاخوررر وااش باغين توموتو بلاااصتوووو .. هززز لاخور لي لهيه دغيا يلللللااااااه 

- مشيييييييينا فيها مشيينا فيها 

مشاو كيجر لي طيحهم اسد وداروهم فطموبيل وكسيراو مشاو ... واسد طايح فالارض ولا كولو دمااايااااات وراسو كاااع تفتتتتق وصبعانو كيتحركو ثقاااال تاحبسو فخطرة وعنيه تشدو ..

عند لامار .. 

داها نعاس هي و اريج تاااكيفيقو على غووووتة من قسسسم وناضت لامار مخلزعة كتتتسكت فيها بحالا عضاتها شي حاجة حمرة معصورة كتبكي 

للمار : باسم الله عليك ابننتي ... باسم الله عليك صااافي صاافي انا حداك اماما صااافي 

جبدات ثديها ترضعها والو مابغاتش تشدها ودخلات رقية وعيشة كيسكتوها تاسكتات بقات غي كتنخص وتشوف بعويناتها

لامار : مااال حبيبة ديالي .. ماال بنتي ها ؟

اريج : خلعاتها شي حاجة ؟؟ شوفي ياكما عضاتها شي حاجة 

قسم : ( كتنخصص حمرة بالبكا ودموع على خدها ) بب باه .. يييي غغغغ بااه باه 

لامار : هاا!! ارييج سمعتي ( بضحكة ) قااالت باه ..... قولي ماه .. قولي مااامااا .. ممماااما ... خلي بننننتي حبييبة ( عنقااتها ) عاودي قوليييهااا .. فنة ديال قالت باه سبقتيه هو ياااك عيت نوصي فيك تقولي ماما.. غايفرح الى قلتها ليه غير يحي نفرحوه ياك ؟عاودي قوليها

~~

روكان غي غاتعترف ليه غايسمع 

ماسمعش 

روكان غي يدير العملية يسمع

ماسمعش 

ااه صافي يمكن فاش يطرطق لبوشونة 

ماااسمعش 

ااه غير طيح لامار على دروج غايسمع

ماسمعش 

صافي واقلة فاش تزاد بنتو غايسمع اول غوتة 

ماسمعش 

ودابا قالك الحادثة غايسمع بيها

بقاو تما تحلمو 😂😂😂 كطيروني 

انا راه مهمتي نلعب على اعصابكم اصلا 😂😂😆😆😆

يتبع 😆😆