غي سمع عدنااان ديك لهضرة برد دم فعروقو باغي يكدب ودنيه باغي يدير تي حاجة مهم مايتيقش هادشي ... هادشي مكاينش .. ميمكنش يكون .. ميمكنش خوه تتقاس منو شعرة ووهو عاايش ... بحالا تكب عليه ماء مثلج ووقف عليه الموري كولشي فيه حبس وبرد .. تامن العين عحزات ترمش ...حس بقلبو كيتآكل بالندم على السنين لي ضااعت وهو بعيييد علي خووووه شقيقو لي من لحمو ودمووو وزاايدها كان كيحاااااربو فيييهم ويحاول يكمل ماخلا زمان عليه ... بدوون حتا شي سبب شراا عدااوتو من سراااب .. عداوة خوه لوحيد ولي كان هو كولشي فحياتو ..رغم انو ماكينش شي حاجة لي تخليه يكرهو من غيير الوسااوييس لي كااانت فدماااااغو ولي ولدوها فيه جداه وجدو وخلااتو يحقد عليه ...ولاكن حتا يسمع هادشي! مابقاذكيفكر لا فشو دار و لا شنو كان غايدير .. من غير جملة خوووه تربا بعيد و هرب من ظار ووتقبو ودنيه وهو ميسمعش! مقدرش يستوعب .. ميقول يمكن حلم نفيق منو .. يمكن كدبة .. يمكن ضحك باسل ... حقيقة ؟ لا هي لي مغايتيقش ....ماقااادرش يتييق بلي خووه ولد مو و باااه ولي تغطاو بنفس المانطة و لي تزااااد وحطوه فيديه .... تتقبووو ودنيييييه وهو مامعاش ... علم اله اش دوز عليه وهو مكاينش معاه يحميه .. خوووه داااك الصغيير .. ولي كانو صغاارر .. وحنييين . وكينزل راسو زييعد على صداع .. علم الله اش كان يدوز عليييييييه ... ودينيه ... خسر ودينه ... الدنيا كدووور بيييه وحس بالعرووق ديال قلبو تشنجو وتنفس صعااااب علييه حط يديه علي قلبو كييحرقوووو او بالاحرى كيييييتحرق ومتبغاش يبين قدامهم ضعفو ... صورة اسد وهو صغير بين عينيه مقاداش يشوفو دابا ملي كبر بجبرووتو .. لا.. كيشوفو هو غي داك الضعييف الصغيييرر .. وكيتخيلو بين يدين راجل براني مكرفص عليه ولي كان كيضن تهلا فيه ووصلو لهادشي كيكتشف بلي تقب ليه ودنيه ..... شاف عنهم و عنيه حووومرر وعروقو بارزين ...كيهضر بصوووت شبه مبحووح وشفايفو صعااب عليه يحركهم .. بااقي .. باااقي عندو جرعة امل يكونو غي ماعارفينش اش كيقولو .. ولا يمكن مسمعش مزياااان
يونس وسفياان بقااااو غير كيشوفو فييه كيفااش تصدم من هضرتتهم وداير يديه علي قلبو ونفس كتطلع بزز كينهج باش يطلعها ...ولاكن فنفس الوقت محاافض علي وقفتو الرجولية وشهاامتو وحجباانو عاد مازادوو تعقدو كثر من اللول
سفياان:(مطلع حاجبو ومربع يديه) علااش؟؟؟! مكتعرفش خوووك ولا شنوو ؟؟؟؟!
عدناان: (عيينه مارمشووش من صدمة وكيتنفس بحاال شي وحش شاااف فريسة دياالو وكيتسنا غير لفرصة ينقض علييها ماكرهش داك باهم يلقااه قداامو غايتقب مو كاامل ماشي غي ودنيه مكرهش يططححنوووو بين يدييييييه .. تتججججنننن ولاكن على وجهو الهداااااوة و القوة ديالو تلاشاااااااات بسباب ضيق د قلبو وهو اصلا عايش بصمامة وحدة من ورا الحادث .. اي صدمة و اي قلق كيأثرو عليه وقوتو كاملة كتمشي و التنفس كيتخنق فيه ....
عند لامار
رجعات نعسات قسم غي بسيف وتكاو غي حداها
عيشة : ياكما البنت فيها الخلعة
رقية : بسيف ماتكون فيها الخلعة وهي مربيا مع مجحوم
لامار : الله يهديك اماما راه مولفاه ... ماعمرها دارت هاكدا يمكن قرصاتها شي حاجة
اريج : بحالا تعطلو هادو لا ؟
لامار : قالي نص ساعة ويجي ودابا دازت ساعة
حياة : وايمكن باقي مشغول
رقية : اوا ومغاتعطلوش على طيارة
لامار : لا لا راه غانمشيو فديالو
رقية : كيفاش ؟
حياة : اسد راه عند طياارتو اخالتي كيمشي فسها بوحدو
اريج : هاء ؟ ماسمعتيهش غايمشي هو و سفيان يشوفو الدار و اسد مشا بوحدو ...
لامار : ( تنهدات ) اوا نتسناو ...
عند دراري ...
سفياان ويونس غير كيشوفو فيه كيفاش تصدمو عينيه و كيتسااائلو على السبب لي خلا عدنان واسد رغم انهم خوت شقاق مايشوفوش بعضيااتهم .. وشنو خلا عدنان يكون ماعارفش حقيقة خوه ؟ علاش طول هاد سنين مفارقين رغم انهم كيعرفو بعضياتهم ....
يونس: (بحيرة ) واش اسد منعك تجي عندو ؟؟. ولا انت لي ماعندكش سووق فخووتك ... علاش ماتجمعتيييش معاانا ..عطيني سبب مقنع يخلي اخ يبعد علي خوتو طول هاد لمدة بلا مايسول ولا عييلهم وعلى موو؟
يونس مادار حتي ردة فعل غي كيشوف فيه معلي حاحبو حيت بصح حالتو ماشي هي هاديك ماشي ديال يتشاااد معاه
سفيان: (اصلا مامرتااحش لييه غير شافو شنق على خوه ومشا ليه عطااه بونية حتي طاااح فالارض بعدو عليه ) واش انت مرييض فكررك طلق سييد رااه مجرووح ..
عدناان: (خنزر فسفياان سااخط وناااض ليه جاااهل شنق علييه حتى جييفو وحاالتو متوحشة ساخط ديال بصح)بان لييك غييييير خوك لي مجرووح وخويااا لي تقباات ودنييه نسكككت اناا
سفيان: ( عطااه ضربة بالكووع حتي بعدو علييه) هداك خوونا كامين .. وحنا مابيناتاش لفرق الى نتا جاي تالدابا ديرو ؟ ... حنا كولنا خوووت ويلا ماباغينش قود .. ماباش تهجم على خويا مجروح وانا وااقف غاتشوف وجهي لاخور .. ولي باغيه راه فالقبر سير عندو ...
عدنان : مااات !!!
يونس : انتحر
عدنااااان ضررررب فرويضة د طموبيل بررركلة
عدنان : فااااااااااك ععععععععععع ( بدااا يضرب بركاااااالي وكيييينهج كيحس براااسو ظغاايبرد تااايحبدو من تحت ترااااب و يااااكل عضاااامو تاخس براسوو قوتووو فشلات .. ركابيه خانوه .. بكولو وعرضووو تلااااشى .. وهو يشدو سفيااااان زحل لبااب د طمووبيل و كلسوو ويووونس عداااه يشرب .. لي تايوونس عرقاااااان جرحة مطلعة ليه سخااانة ...
عدنان غي شد القرعة دالما فيديه كيحاول يتنفس
يونس : عدنااان ...حنا خوت كيما درنا كنبقااو خوووت ... وكيما انت خو اسد حتي حنا خوتو .... الواليد خدااا الجزااء ديالو فالدنيا قبل من الاخرى ....واخا عيا مااايحفرر ليه .. اسد راه مكيحفر ليه حد ... عيا وضربة مكجي غي فيه .. ومات معدب مات موتة لي تاوحد ماايتمناها لشي حد ... فاللحظة لي عفا عليه اسد.... هو مااعفاش على راسو ... و انتحر ...واشنو قبح من هادشي كاامل عاد غاديرو ... اسد مابقاش الولد الصغير لي كتعرف .. هو راه كبر ...وقاااد ينتقم لراااسو بلاا بيك نتتا .. وراه كرهو فعييشتووو .. غير هني مخك .. وجمع شملك بيه ...
عدناان بدات دنيا كدوووور بيييه كيشووف فيه كيحس بهضرة يونس حنين ومتفهم على سفيان ... وصدرو باااقي كيييتزير و والنفس كتخرج بالضييق والنهيييج ... كيحس بقلبو يقدر يتوقف فأي لحظة رغم مقاومتو يتنفس ويطلع السوفل ولاكن حريق غالب عليه .. بدا يحل لقرعة د الما يديه ميترعدو وخطفها ليه سفيان حلها ليه وهو باقي مخنننززر ماعرفش علاش ماتسرطش ليه .. وعطاها ليه ..
شرب جوج جغماااات وخوا لبااقي علي وجهو وجسمو حتي شهق ... وعااود طلع نفس من الاعمااااق ... بقااا جالس مكاالمي دقائق معدودة وترولاكسا باش يتقادو دقاات قلبو حيت ماحدو كيتعصب ولعروق كيتزييرو وتيليفون مكيسكتش بلي ميساج كيوصلو معندوش القوة لي يهزو ولا يشوفو ......
ليوون عيا يحااول يتصل بداك الرجااال كيييقطعو علييييه تاولا كيمشي ويجي خاف كيومو تفضحو وهو البوس عاطيه منهنا تالغدا يجيب عدنان خي ولا ميت .. شاف الى معندوش الوقت ويقدر عدنان يرجع يطفي نمرة هو يسيفط ليه غي تصاور لي كتن نازل اسد من طموبيل .....
الكوبطيرات د المراقبة دياال اسد كيضورو كل نص ساعة على المدينة ... وهوما يرصدو سيااارتو ....وعلمو رجالو حيت كلهم عنهم تعليمات ان اسد دابا غايكون فطيارة ميمكنش يكون باقي ... مشاو رجال لطموبيل ديالو ... لقاوها خاوية وانتشرو فداك لبلاصة حتا لقااااوه طااااتيح وهي تنوووض رويييينة بالكووبطيراااات هزوووه قبل ماايسيق شي حد لخبار من الصحافة وعلمو عاادل .... ماوصلو لكلينيك ديالو تااااكان مرووون برجاالوو وطموووبيلاااااتهم وروينة الكحلة د الاطبااااء وعادل كيحاول يتتتصل بواحد من خوتو مابغاش يعلم لامار خاف يوووقع ليهم كي المرة لي فاات فاسبانيا ماااقبببلش يخبروها ... حيت تاوها طاايح بدميااااتووو وراسو مشقووق وغايب على دنيا الى ان الرعب ديالو وهيبتوووو حاااااضرين
عند لامارر...
متكية شادة عنها مخدة وساااااهية تاسمعات
فااقت قسسم كتجبد يديداتها وهزاتها كتكسل فيها عندها باقا مخسرة
عادل : سي .. س سي اسد ... سي اسد لقييينااه مضروووب ... ي ي.. م .. معرفناش واش ميت ولا حي .. ي يمكن باقي حي .. معععرفتش ... ( مسطريسي ماعارف راسو اش كيقول )
يونس غي سمعووو مقد يقول والو سكككت ليه الحس فخطرة .... وسفيان حيد ليه تيليفون وعدنان كيشوف معاه يحاول يفهم
سفيان : اش كاين اعاااادل ؟؟؟؟؟؟
عادل : سي اسسسسسد رااااه مضروووب .. اااجييو دغيا لكلينيك .... راااه حالتوو خطييييرة و ماعرفش تاواش مييييت ولا حي تجمعو علييه ودخلووووه ..... الحالة فاش جبنااااه مكتتبشششرش بالخييير ...
حبيبي الأصم الجزء 200
محتوى القصة
التنقل بين الأجزاء