عادل : دارو معاهم كااع الوسائل وراهم جابينهم نكملو معاهم هنا ... ولاكن ملي ماقالوش وهوما تحت تعديب ديال ضو .. اكييد ماعارفينش بصح فين المقر ديال هاد العصابة ....حيت كيتعاملو غير بتليفون مع واحد منهم ... حنا عارفين هاد العصابة مزيااااان شكون هي وعارفين تاااسبب علاش هوما قصدو سي اسد ... قصدوه حيت بغاو يبتزو بيه واحد الشخص قالولينا انهم مكانوش باغيين يآديوه ... ولاكن ملي عاق بيهم وشاف وجههم خافو على راسهم وواحد فيهم ضربو بطموبيل ...وهاداك لي ضربو تاهو شيديناه وراه جاي...
سفيان : شكون هاد الشخص لي غايبتزووه به !!!!
عادل : هو نفس الشخص لي يقدر يورينا بلاصة هاد العصاااابة نيييت ..
يونس : كنعرفوووه ..
عادل طيح راسو ووسفياااان وسع عينيه
سفيان : لا ... ماشي هو ياك ...
عادل : لاسف اه .. هو واحد منهم .. وملي قرر الانسحاب بغاو يردوه ويبتزوه باسد ... بخوه .. ( عرفها عادل مؤخرا من بعد اعتراف دوك القتالين ) لي هو الوحيد لي يقدر يخسرو عدنان ... راه رجالنا جبدو كاع الاتصلات لي دازت بيناتهم من تيليفونات ديالهم وسيفطهوملي درناهم فضوووسي تتيفيق سي اسد يلقا ملف واجد
يونس : كيفاش عدناااان ؟؟؟؟
سفيان : انا من لوووول كنت حاااااس بيها عندو شي يد فخادشي مايجيش السيد ويطيح كريز غير هاكاك ....( مغننندددف مزير على يدو )
عادل : دابا هو الوحيد لي يقدر يقولينا فين نلقاوهم .... ناسناو عليه غير يبرا ويوقف على رجليه بعدا
سفيان : مغاااااانتسنا حد يبراااا انا يمممممشي يمووووووت .... ( مشااا بززربة جهة الشوومبر دعدنااان و هوما تبعوه كيجريو )
عند عدنان ...
عدنان دخل بزززربة لشووومبر ديالو ... ورتاج جابتليه الكابل كتقفقف ... كيخلعهااا فاش كيهضر تحت سنانو مكتقدش عاد تقول لا ... وهو فهاد االحالة كتر ... وغي كتشووف سميتها الموشومة فدراعو عاد مكازيد تفشل .. كل مكانت حاقدة عليه غي شافت دموعووو وحنية قلبوووو نسااااات كولشي فخطرة وحدة ورجع حل باب قلبها كيف ما لول ليه .. حيت هي بغاتو بنظراتو لي هاز فيهم حنية كبيرة فاش كان غي كيشوف شي متشرد فزززنقة كيتعااامل معاه بشكل اااخخخر .. وفاش كانت غير لاشاف دموعها كيعنقها عندو ويحاول يضحكها كتنت كتحس بداكشي خارج من قلب وماشي غير تمثيل ..... بغات هادشي فيه وتعلقات بيه من طيبوبتو وملي شافتو كيفاش اعتدر من خوه اهتز قلبها من جديد ولات متأكدة ان وراء عدنان القاسح كاين طفل صغييييررر متربص ... مشا برونشاه مع الشارجور ... وبدا كييشعل فيه بزززربة ... تااشعل ودخل ل ليميساج ديالووو ... يشوف واش فعلا تهديدات ليوووون ...مكانوش من فراغ ... وبصح يكون هو سباب فغيبوبة اسد .... حيت لاكان هو السباااااب فهاشي لي وقع ليه خوه عمروووو غايسااامح راسو وغايرجع للقتيلة من جديد من بعد ما تاب منها وغسل يدو من دم ... بدا كيقلب ويديه كترعدو كيتمنى مايكونش ليون سبااااب .. تكيدخل وكييلقا ليون مسيفط ليه صور فاش كاان اسد يلاه نازل من طوموبيل وكاتب ليه .. خوك فقبضتنا يا تجي .. يا غاترزا فأخوتو .... كيقراه وكيعاودوو كيتمنى يكون غي عينيه لي مكيشةفوش مويان .... ضبابة كدوز على عينيه تاطاااح ليه تيليفون من يد الارض وشد على الحيط ورتاج جاا كتجرري شداااتو
رتاج : عدنااااان اشوااااقع ؟؟؟؟ تتننننفس مزيااااااان ... اجي معاياااا ( جراتو من متكياه عليها كتفها كاح بقوة ماتقيل ....و هو ماااحاس بواالوووو قلبو كيضرب بججهد وتكاتوو على سريييير بنشقة نفوس ... وحطات ليه جهاز د النبظات فيدو تاااكتحل لباااا بجهد ودخل سفيااااان عينيه بحال العااااافييية حووووومر )
شفيان : بععدي من طريق ( دفعها وينس دخل كيجري محلف عليه غي هو شااافووو هاكاك و عينيه فااسقف وكيشهق بززز وهوو يترااجع ) مااالو ؟؟؟؟؟
رتاج : ( دفعاتو يبعد) بقااااا بعيييد ...
يونس : عدنااان ؟؟؟؟؟؟
سفيان : شتي لاكنتي كديرها بالعاني غي باش متقوليش فين كاينين دوك الملاااااب بربي انا لي غاااانخنقك
يونس : سفياان نعل شيييييطان تسيطتي ولا مالك .. عادل خرجو معاايااا .. رتاج نعيطو على لوخرين ؟؟؟؟
رتاج : لا غي خرجو عفااااااكم خصو غير مهدأ ... شاف شي حاحة فتيليفونو ووقع ليه هادشي خرجووو ...
سفيان مشااا هزز تيليفون دعدنان من ارض و ضار شاف فيه لقاه فداك الحالة برد فيه كولشي كيقول ارا غير مايوقع ليه والو كيف مكان الحال كيبقى خوه لي شحااال سمع بيه من عند ماماهم..وكان كتمنى يتلاقاه شي نهار تاهو .. شوية تفكر الى هو سباب اسد هو يخرح ولتخ داااك لبااااب ..
رتاج دارت جهار الاكسيجين لعدنان وضربات ليه المهدئات فسيروم لي ركبات فيدو بمشقة نفوس بسباااب التزيييرة لي داير للحمو .. تاااااهدا شوية صدرو مابقاش كيطلع ويهبببط ... و هي السماعات فودنها وكدوز على صدرو وكتسمع ضربات قلبو مع ساعة لي فيدها .... ورجعات شافت فيه بخوف وحب كبير فعينيها ...
سفيان : مابقييييت عارف والو من غير كون مكانش هو كون اسد واقف على رجليه داباا.. هداك راه نهااررر تزاااااد .. تزاد خصييصااا غيي بااااش يععدددب اسد فحيااتووو مايجيش يمثل علينا دابا الاخوة و القنفاااحات وهو سبااااب د كولشي ظاك دراما ماااشي معايا انا ( عدنان متكي على لبااااب كارز على سنانووو ..كان ناااض من سرير باغي يلبس سبردينتو كيحس براسو فاشل ولاكن النار لي فيه لداخل شاخدة هي لي وقفاتو وهضرة سفيان كتسمع ليه)
رتاج : مااااالو هو لي ضربو؟؟؟؟؟ رجوع الله
يونس : سفيااان ... تهدن راك معصب وماعرفش راسك اش كتقول ... السيد راه مريييض .. صافي ميك عليه ... ونتا شتي ماشي هو سباب راه تاهو مهدد الله يحسن العوان ...
رتاج : كيفاش مهدد ؟؟؟؟؟
يونس : العصابة لي كان معاهم .. باغا يكيطيها .. وباغين يردوه باي طريقة وقالو ارا نخوفوه بخوه باش يرجع ...
رتاج : وشدييتيهم؟؟؟؟
سفيان : راه دااااكشي لي كنحاااجيو من قبيلة ..
رتاج : ولاكن متقووولش عليه هوو السبااااب رااااه عاااايش بصماااامة وحدة ... حاولووو عليه ....كاملين كنغغغغغلطوووو ... اه فعلا هو آذى اسد ولاكن ندم .... العيب و العاار الواحد لي ماعتدرش ومعترفش بغلطو ... وعدنااان اعتدر من خوووه و بلاصة اسد فقلبووو موحال تكون عندكم حتى نتوما ... واكيد ملي غايفيق اسد غايتقبل اعتدارو .. ياك الامر بيناتهم
ماتسوق ليها حد وخرجو وعادل تبعهم وهي بقات غي كتشوف مزيرة على عينيها ودموع هابطين باااينة ماشين عنهم بدات ترعد بالخلعة.....
عند سارة واريج وحياة ..
تحل بيهم السانسور ونزلو فطابق لي فيه لامار وجوهمم شاحبيييين كيتمشاو بزز جارين رجليييهم
حياة : لبنات ماما كتعيط غانخرج نهضر معاها ونجي ..
اريج : سييري
مشات حياة وهوما وصلو لشومبر لي فيها لامار ... شافوها وهوما يتصدمو .. فييدها قسسسسم حاضنة عليها تنعسااااات فصدرها واسبرو كالس حداها فالكرسي ..
سارة : اء ؟؟؟؟؟
اريج : هزات بنتها ؟؟؟؟؟ ( حلات لباب بزربة وومات لاسبرو يخرج عندها وهو شاف عند لامار وشاف فيها ورحع ناض ) هزااااات قسم ؟؟؟ صافي وعات بشنو ضاير بيها ؟
اسبرو : وااايه راه رتاج حطاتها عليها ودرنا المخاد فالارض ... باش زعما تخلع علييها .. وكان توقعنا صحيح ... كانت غاطيح وشداتها وهزاتها عنظها كتسكت فيها تانعساتها ..
اريج : ماقالت تااكلمة
اسبرو : لااا ... من قبيلة وهي هاكاك كيف كتشوفي .... كاين شي خبار على سي اسد
اريج : قلينا كيييتقططع وماقادرين نديرو والو باش نعاونوه .... كيفاش غاانقولو هادشي للامار وحنا ماعارفينوش تا امتى يقدر يفيق ... اذن غير خليها فهاد الحالة حسن ليها
سارة : لا .... لا ماحسن والو .... مااتنسايش عندهم بنت شنو دنبها .... ربي دار الام والاب باش واحد لا طاح ينوض لاخورررر ... لاااا لامار خصها ضروري تفيق وتكون فوعيهااا ...
اسبرو غي كايشوف مع سارة من تحت لتححت
اسبرو : فيين داوه دابا
اريج : طلعوه لايطاج ديالو
مشااا اسبرو كيجري ... واريج وسارة دخلو عندها واريج حيدات منها قسم بشوية حيت نعسااااات ... و حطاتها فكونتها ...
اريج : وي .... تقدري . انا غانمشي نشوف يونس فين هو ... ها قسم حداك .
خرجات وسارة جرات كرسي وكلسات حدا لامار
سارة: ( تنهدات مدة ونطقات ) ختي لامار ... انا عارفاك دابا مغاتهمكش هضرتي ... غاتسمعيها ولاكن ماغدخليهاش لدماغك حتى نمشي بمدة ... عاد ترديها مع بالك .. حيت انا حاسة بيك .. فاش كندخلو لحالة بحال هادي .. كيوووليو كاع الحوايج كيوصلو لدماغنا معطلين ... من غير دوك الدكريات الزوينة لا .. دقييقين فمواعدهم ... كيقتلونا .. كيعدبونا .. كيحرقوناا ...بقد مكانو زوينين بقد مكيرجعوو اقسح من ضربة سيف ... كتولي ايامك .. غير نتي و الحيوط ... كتراهنو شكون ينهار فيكم لول ..صعييب .. صعيييب بزاف تحطي حياتك كاملة فكفة ... وشخص فكفة اخرى ... حيت الى فقدتي داك الشخص.. الحياة كيطيح كفتها فخطرة وحدة ... مكتبقاش عندها لا كتلة لا معنى .. ونهار كنعطيوهم داك الاهمية ... كنقوولو بلي عمرنا غانفقدوهم ..بحالا كنكونو ضامنين انهم دايمين هه! ...لا ا لامار .. لا اختي ... تا حد مدايم .. مدام عمرك اصلا مؤقت ... كيفاش غايكون شخص دايم ليك ؟ .. ( كتنهد)... ربي خلقنا وخلق منا ازواج ... نكملو بعضيااتنا ونعيشو على قبل بعضياتنا ونتعاونو على الحياة ... ماشي نديروهم هوما الحياة ... خصنا من لول نكونو مستعدين وعارفين اننا تاحاجا مدايمة و الارض لي تحت رجلينا غايجي نهار لي تنهار .. اه صعيبة ولاكن خصنل نتعايشو معاها ... حيت كون كااانو غايبقاو معانا ديما دوك ناس لي كنبغيو ... مغاندفنوش بوحدنا فقبر واحد اولا! ... هادشي مكيعنيش انك ماتبغيهش لا... منحقك تبغييه ديما معاك ... ولاكن راه مغاتعارضيش مشيئة الله اذا قدر ! لامار اسد راه باقي معانا... وباقي متشبت بالحياة ... الى كان هو فداك الحالة كاملة ومتشبت بالحياة علاش نتي طلقي منها ؟ ... هو كيحاارب.. كيقااوم يرجع ليكم.. بادليه تانتي نفس الحرب ... حيت عندكم بنت وكتستحق كل الصبر ... خصك توعاي بهادشي الامار .. خصك تعرفي ان ربي داركم بجوج باش هو لاطاح نتي توقفي ... ويلا طحتي نتي هو يوقف .. اسد محتاااج يحس بيك قوية ... كيفما نتي حسيتي بيييه ودخلتي لهاد الحالة راه حتى هو بحالك ... اسد دابا راه غيبوبة .. ونتي خصك تعايشي مع هاد الامر على قبل بنتك ... حتا يفيق هو ... خصو يلقاااك كيف خلاك .. وتنوضي وتوقفي وتكوني الامراة لي بغا هو فغيابو .. وتوقفي على خدمتو ودار و عائلتو حتى يرجع ... تيقيني ماغايبغيش شي خليفة يخلفو كتر منك نتي ... نوضي و بيني لعاالم ان اسد الى طاح .. مرتو مغاطيحش .. ومرتو كاينة ... فهاد الازمة اختي لامار .. كااع لي كانو كيتماو سقوطو غايفرحو .. كاع القردة غاينوضو يشطحو حيت طاح السبع ... نوضي بيني ليهم ان لبوئتو كاينة وواقفة حتي يرجع هو .. ماتخلي حد يخرب ليه اش بنا ... اعدائو لي باغين غير يستغلو سقوطو كتارر .. خرجي ليهم ... لوحي عليك غطا هاد الصصصدمة ( كتشوف دموعها نازلة على عينيها وهي باقا فنفس وضعيتها كتشوف فلحيط ودمعة نازلة غي بوحدها ) انا راني حاسة بيييك ... وعارفة صعيب تجاوزي هادشي .. نتي فواحد الحالة لي الكوابيس لي كنعرفو حنا كيعيشوهم بليل ..نتي كتعيشهم حتى كتفيقي على هاد الواقع ... ما فنعاس كتكوني فقمة الراحة ..حتى كتفيقي عاد كيبداو لي كوشماغ ... خصك تعايشي .. خصك توقفي على رجليك وتصبري و تكوني نتي هي اسد فغيابو .. ماشي ضعاافي ... هو ماضعيفش ... وماشي تنهاري هو مكينهارش .. ومتستسلميش هو مكيستسلمش .. خصك تكوني شجاعة .. حتى الى مقدرتش غير مثلي تيقني مغايلاحظ حد الفرق ... انا عارفاك المدة لي عشتي مع اسد غايكون فتل ليك فيها الضعف .. وقتل فيك التشاؤم .. وقتل فيك الاستسلام .. ولاكن المسكل انه واخا قتلهم ..الجسد ماتخلصش منهم .. حيت بعد مرات الجسد كيحتاج انو يدفن الحوايج لي ماتو فيه باش مايتعفنش .. وهاد التعفن لي طاري ليك دابا غير من دوك الحوايج المييتين فيك .. دفنيهم ونوضي ... نوووضي الامار .. نوضي ...انا عارفة بلي فهاد الحالة ..اقبح حاجة تقدر طرا ليك هي شي يحد يرغم عليك تسمع الحقيقة .. ولاكن ديما مكتفيدنا غي الحاجة لي مكنبغيوهاش... دوا مر ولاكن مكنبراوش بلا بيه ..والحقيقة تاهي مرة ولاكن مغانوعاوش بلا بها ...تيقيني هاد الحقيقة غاتنفعك بزاف ... نوضي الامار وقفي .. حتى الى كان سانسور ديال ووقفوك خاسر .. كاين دروج .. درجة درجة ... حتااا توقفي .. وحنااا معاك .. كتفي رهن اشارتك شدي فيه امتى ما بغيتي ووقفي .. وكوني اكيدة ان ظلامك الى فقد القمر لي كان مضوي عليه.. باقي بيك نجوم .. صحاابك ماماك خوتك بنتك .. كلنا معاك تايرجع قمرك يضوي من جديد ... انا مغاتغرينيش بسكوتك حيت انا عارفة هاد الصمت ماهو الا طرجمة لضجيج لي عندك لداخل .. انتصري على نفسك.. انتصري عليها باش تنتصري على الضعف ...مخصوش ينتصر عليك حيت هو مكيتقتلش غي كاييخليك بين موت الحياة ...عيشي ضعفك غير بينك وبين الله عز وجل وخرطي عندهم بكااامل قوتك.. نووضي ووريهم شون هي لامارر .. وقفي ووريهم بلي مور سبع لبوؤة .. وتدكري ديما اننا
حنا بين يدين الله . ان بسط فهو رحمان و ان قبض فهو رحيم ...
حبيبي الأصم الجزء 206
محتوى القصة
التنقل بين الأجزاء