انا: (دموعي نزلو) سحابلي نتا مختالف.. سحابلي بلي كتخدم عقلك هو اللول وكيسول عاد كيتصرف..... انا عشت فدار ذكورية بزاااف داكشي علاش هربت وفاش جيت لعندك وسلمتك راسي حيت شفت فيك انسان كيضبط اعصابو ومتفهم... شفت بلي غنعيشو مزيان انا وياك... ويلا ولدت بنت منخافش عليها منك... حيت مغتكونش بحال بابا... مي نتوما كلكم بحال بحال... حتى لهنا براكة انا غنمشي وعمركم ماتشوفو وجهي... وهاد المرة غادي نتسنا حتى نطلق بالصح....... جيت نمشي وهو يجبدني من يدي تنترت منو ومع كنت حدا الدروج زلقت وانا نطيح
ادم: (بصدمة) نوميدياااااااا.... نزل كيجري لعندها وهو مخلوع
ادم: نوميديا تقصحتي.. جاوبيني حلي عينيك
انا: (شادة يدي) زعما تخلعتي عليا بلا ماتبقا تمثل عليا.. جيت نوض وهي ضرني رجلي
ادم: صبري نعاونك.. جا يهزني وانا نبعد عليه
انا: ويااااااك تقيسني صافي نتا ميشرفكش تقيس وحدة بحالي.. انا غير موسخة..... خنزر فيا ادم ومشا خرج وزدح الباب.. وقفت شديت فالسلم وطالعة للبيت
انا: هئ هئ مصدقتيش ا ادم.. خسارة حبي ليك مي علاش مكرهتكش.. علاش مزال كنقول بلي عادي هكا الرجال كاملين... علاش كنحاول نلقالك تفسير... احح على قلبي لي مقدرش يكرهك.. مي غادي ندمك على هادشي لي قلتي... وعلى كدوبك نتا وياسين لي متاكدة كان متافق معاك.. طلعت لبيتي تكيت فبلاصتي..
*عند ادم*
غير عرفت من ياسين بلي نوميديا مشات لمراكش تخدم.. شديت الطريق وعوال نتصالحو ونخبرها بلي حنا مزالين مزوجين حيت القاضي صاحبي وتافقت معاه وخا بزز باش قتانع.. وعلمت ياسين بكلشي.. درت هكاك ياكما تجي تعتارفلي بحبها مي للاسف مدارتهاش..... وصلت لمراكش كنت جايب معايا البيتزا حطيتها فوق الطبلة وطلعت دوشت... كنت نازل حتى كنشوف اميرتي جالسة وشعرها فازك كاتبان سيكسي.. وقفت قدامها وهي توحليها..... والباقي راكم عارفينو.... مي لحد الان مزال ممتيق بلي كدبات عليا خرجت وخليتها مي جلست غير فالجردة خفتها تهرب... بقيت كنفكر وكنحاول نلقا مبررات اولا انا لي غلطت ومعرفتش.... تلفت وانا نوض طلعت لبيتها لقيتها ناعسة.. جلست حداها وكندوز يدي على شعرها
ادم: علاش درتي هكا.. كون غير صارحتيني فاللول والله مانقوليك شي حاجة.. نقدر نتقلق فاللول مي من بعد غنرجع عادي.. مي نتي بتصرفك حطيتيني امام الامر الواقع... مقادرش نتخيل بلي نعستي فاحضان شي حد من غيري... عنقها وبدا كيبكي بحال الدري الصغير... هز راسو ووجهو حمر ودموعو نازلين... كنبغيك اه مي نتي هنتي كرامتي وغادي دفعي الثمن... ناض خرج ومشا لبيتو دخل نيشان للدوش
*عند نوميديا*
خرج وهي تحل عينيها.. نزلو دموعها من الفرحة انه كيبغيها بزاف والدليل بدا كيبكي عليها.. ومن الحزن انه متيقهاش وربط الشرف بنقطة دم... تنهدت وناضت دوشات وتوضات.. وبدات كتصلي ودعي الله يبين الحقيقة.. من المفروض هاد الليلة دوز زوينة مي هما بجوج دوزو اكفس ليلة... نوميديا على ظلم حبيبها ليها... وادم على خيانة حبيبتو
صبح الصباح فقت نضت للطواليط كنتمشا غير بشوية.. غسلت وجهي وقضيت حاجتي.. خرجت لقيتو واقف مخنزر
ادم: 5 دقايق بغيت الفطور يوجد ياله تحركي
انا: (تجمعو الدموع فعيني) ادم عفاك رحمني والله مقادة نوقف
ادم: (شدها من يديها) بلا حماق ديالك وتحركي قبل ماندير شي حاجة انا مبغيتش نديرها
انا: شنو غدير كثر من هاد الكلام لي كيقتل.. شنو بقا عندك مادير
ادم: عنديي دونك بلا ماتستافزيني وتحركي ديري الفطور... خرج وخلاني مصدومة... تنهدت ونزلت بشوية عليا دخلت للكوزينة وبديت كنوجد الفطور وكنبكي... بديت كنحطليه الفطور حتى كملت ونزل جلس يفطر وانا رجعت للكوزينة.. جلست كنبكي ومقداش نشوف فيه
ادم: (وقف عليها) غادي نمشي نكمل اليوم الخدمة باش هاد العشية نرجعو للرباط
انا: وشكون قاليك انا راجعة معاك
ادم: (شدها من شعرها) تسالا وقت الحرية وهاد المرة اترجعي لدارك يعني داري اناا
انا: (باستهزاء) علاش نتا عندك دار ياك ساكن مع والديك
ادم: بانلي نتي مكتنفعش معاك الهدرة
انا: لا منافعاش وحيد يديك.. متخلينيش ندير شي حاجة متعجبكش
ادم: ومزال كتهددي ال*حبة
انا: (هزيت يدي صرفقتو) ال*حبة هي مك اللي معرفاتش تربيك... شدها كيصرفق فيها حتى رجعات كلها حمرة.. ولاحها فالارض وتلاح عليها.. مارس معاها بعنف ومحسش بحجم الالم لي كتحس بيه وغواتها لي ملا المكان كامل... ناض لبس حوايجو وخرج وخلاها مليوحة هكاك.....
انا: سلام عفاك انا تزوجت والبارح كانت ليلة الدخلة.. وانا مزال عذراء مي البارح منزلش الدم وبغيت نعرف شنو كاين
الطبيبة: (فهمات) اوكي اجي نديرو فحص... ناضت نعسات فوق الباياص من بعد ماحيدات سروالها قلباتها ورجعات للمكتب ديالها... نوميديا لبسات وتبعاتها
انا: شنو كاين
الطبيبة: البكرة عندها انواع كثيرة وكاين واحد النسبة قليلة من البنات لي كيتولدو بدون بكرة لي نتي وحدة منهم
انا: يعني؟
الطبيبة: نتي معندكش بكرة داكشي علاش منزلش الدم.. مي لقيت بلي تمارس عليك بعنف وحيت نتي مزال مضيقة مخاصكش ديري دبا حتى علاقة حيت تقدر تجيك شي ايموراجي وضروري من الراحة.. وتاخدي هاد الدوا لي غادي نكتبليك باش يبرا الجرح لي عندك.... كنوصيك الراااحة حتى تبراي ولا غادي تجيك شي ايموراجي الله يحفظ
انا: واخة وعفاك كتبيلي شهادة بلي انا كنت عذراء والمهم شرحيلي حالتي
الطبيبة: اوكي.... قدات الطبيبة الشهادة خديتها وخرجت.. مشيت جلست فواحد الجردة وشديت ستيلو وورقة وبديت كنكتب... كملت وجبدت ظرف حطيت الرسالة ومعاها الشهادة... كتبت العنوان ومشيت للبوسطة خلصت عليها باش توصل فاسرع وقت.. وخرجت مسحت دموعي.. جيت نقطع الشانطي مي منتابهتش للطموبيل لي كانت جاية بسرعة.. محسيت حتى طيراتني من بلاصتي طحت فالارض وانا نغيب...
تجمعو الناس على نوميديا وعيطو للاسعاف.... دخلوها نيشان لغرفة العمليات وواحد الفرملية قلبات صاكها وهزات تيليفونها قلبات لقات مكتوبة ادم حبيبي.. وهي دوز نمرتو
عند ادم لي كان ناادم على داكشي لي دار وهو يرجع للدار.. ملقهاش وتعصب شوية صونا تيليفونو شافها وهو يجاوب بالزربة
ادم: فيينك
الفرملية: سلام اسيدي راه مولات التليفون دارت كسيدة ودبا فغرفة العمليات
ادم: كيفاااااش.. اينا صبيطار
الفرملية: ********.. قطع عليها وركب طموبيلتو وغادي بأقصى سرعة... وصل ومشا سول الاستقبال وطلع بقا واقف قدام غرفة العمليات.. ودموعو شادهم بزز
ادم: (كيهضر مع راسو) انا السباب.. انا السباب يا ربي خود من عمري وعطيها.. منقدرش نعيش بلا بيها.. انا غلطت مي ندماان والله... خرج الطبيب وهو يطير عليه ادم
الطبيب: اوكي هاهيا الفرملية سير معاها.. مشيت مع الفرملية خدات الدم لي محتاجة حبيبتي ورجعت جلست حدا الباب كنتسنا... دازت شي ساعتين خرج الطبيب وانا نوض لعندو
ادم: دازت العملية مزيان ياك
الطبيب: اه الحمد لله مي هاد اليومين غادي نحطوها تحت المراقبة الى دازت 48 ساعة مزيان راه غتكون بخير
ادم: ان شاء الله غدوز مزيان... مشا كيطل عليها من الشرجم... انا اكبر حمار على وجه الارض... عارفك غادي تكرهيني من حقك.. بدا كيبكي دازت واحد الفرملية شافتو وبقا فيها
الفرملية: ندخلك عندها مي متقولها لحد
ادم: (بفرح) اه اه شكرا بزاااااف... دخل عندها مشا شدليها يدها وبااسها.. سمحيلي احبيبتي عفااك غير فيقي وندير داكشي لي بغيتي.. بغيت غير تكوني بخير.... ناض باسها ففمها وخرج...... هكا دازت يومين وهو غير حداها ممشاش للدار.. كان ناعس حتى جات الفرملية عندو
الفرملية: سي ادم فيق
ادم: وي شنو كاين نوميديا فاقت
الفرملية: نو مزال مي راه دخل الطبيب عندها وغالبا غادي تفيق من هنا ساعة
ادم: الحمد لله
الفرملية: غادي نحتاجو شي حوايج ليها
ادم: (وقف) اه وخا انا نمشي بالزربة نجيب حوايجها
الفرملية: اوكي.... مشا بالزربة دخل للدار وهو ينتابه لظرف هزو وحلو.. حل الرسالة هي اللولة مع اول سطر قرا.. سد الباب ومشا جلس وبدا كيقرا..
《لا اعلم حقا هل يجب علي قول حبيبي او مغتصبي.. لا اعلم هل احبك او كل هذا الحب تحول الى كره....... ادم نتا طعنتيني فشرفي وكرامتي.. نتا قتلتيني وقتلتي حبي ليك.. الشرف فالعقل، فالقلب ماشي فنقطة دم... كنت مخلصة ليك ومعمري ماخليت شي حد يشد حتى يدي... مي نتا متقتيش.. محاولتيش تفهم ولا تقلب.. كون قلتيلي ياله نمشيو للطبيبة نشوفو واش كاين شي مشكل... كون مشيت معاك بدون تردد.. حيت من حقك... مي معندكش الحق تعايرني.. معندكش الحق تغتاصبني.. كرهتيني فيك.. وكرهت راسي كثر... غادي نمشي بحالي مبغيتش نشوفك مرة اخرى.. حيت غادي تبانلي غير لحظة اغتصابي... متقلبش عليا ومتحاولش تهضر معايا.. حيت هاد المرة ماشي بحال كل مرة... تمنيت كون بالصح طلقتيني وتزوجتي هاديك.. على الاقل غادي نساك مي كانت غتبقا صورة ديالك زوينة... غادي نقول انا لي خطيت وانا السباب... مي دبا لا ماشي انا السباب.. ربي خلقني بدون بكرة شنو بغيتي ندير... ادم بينتي على مستواك المتدني ووعيك المنعدم رغم شهادتك العالية... اكرهك》
ادم نزلو دموعو بانتلو ورقة اخرى حلها وهو يلقا شهادة قراها مي مفهمش مزيان.. طلع لبيتها هز البيجامات دياولها ولبسة باش فاش تبغي تخرج جمع الصاك... ونزل ديمارا مشا نيشان للصبيطار... طلع لقا الفرملية
ادم: فاقت
الفرملية: اه اجي معايا نوريك بيتها ونيت راه خاصها تلبس شي حاجة دبا
ادم: اوكي... بقا واقف حتى تاكد من الغرفة ومشا قلب تما على طبيبة نسائية.. رغبهم يدخل لول حيت غير بغا يسولها.. دخل
ادم: السلام عفاك ممكن تشرحيلي شنو كاين فهاد الورقة... خداتها من عندو وبدات كتقرا
الطبيبة: هاد البنت لي تدارليها الفحص كيبين بلي هي معندهاش بكرة
ادم: كيفاش زعما
الطبيبة: كاينة نسبة قليييلة من البنات تقريبا شي %5.. كيتزادو بدون بكرة.. يعني خلال اول ممارسة حنا مولفين كيخرج الدم مي فهاد الحالة لا مكيخرجش الدم مي راه باينة بلي باقة بنت حيت كتكون مزيرة ومقصحة.. هادشي كيبان للزوج عادة
ادم: (حط يديه على راسو) اوكي شكرا وسمحيلي
الطبيبة: نو عادي مي حاول تعتاذر منها.. وغنقوليك ماشي من السهل انها تسمحليك وبالاخص الى كنتي معايرها
ادم: احم اوكي شكرا... خرج من عندها وجلس فالارض شد راسو.. ياربي اش غندير دبااا..... ناض مشا وصل لعندها وهو يحل الباب..
حل الباب لقاها متكية وكتشوف فالسقف تقدم عندها بخطوات بطيئة.. حدر لعندها جا يبوسها فراسها وهي تبعد وجهها.. تنهد وجلس فالكرسي
ادم: كيبقيتي
نومي: الصمت
ادم: هضري عفاك.. غوتي وعايري نوضي ضربيني غير متبقايش ساكتة...... كتقتليني هكا...... دارت وعطاتو بالظهر بقات كتشوف فالفراغ حتى نعسات... اما هو بقا كيشوف فيها وكيفكر شنو يقدر يدير...... دوزات نوميديا سيمانة فالكلينيك.. وطول هاد المدة مهدراتش معاه... اليوم غادي تخرج دخلات عندها الفرملية كتعاونها تلبس
الفرملية: باينة راجلك كيبغيك بزاف عرفتي فاش ياله سمع الخبر جلس كيبكي.. وفاش خرجوك كان كيطل عليك من الشرجم ويبكي حالتو كتقطع القلب... حافظي عليه باينة كيبغيك بزاف.... كملاتليها وخرجات اما نوميديا غير ساكتة وكتشوف... دخل ادم وتنهد
ادم: نوميديا الى واجدة ياله نمشيو... وقفات ومشات وهو تابعها من اللور وهاز صاكها.. وصلو للطموبيل ركبو وهو يديماري... وصل للدار... نومي غير شافت الدار بداو دموعها كينزلو.. شافها ادم هكاك بقا فيه الحال.. وهو يرجع خرج من تما خلاها فالطموبيل وسد عليها... وهو مشا للدار جمع حوايجو وحوايجها.. حطهم فالكوفر وهو يديماري.... اما هي حطات راسها على الشرجم بقات هكاك حتى غفات.... بعد مدة وصل ادم مبغاش يفيقها وهو يهزها طلعها لواحد البيت حطها فوق الناموسية وغطاها
ادم: (باس راسها) كنبغيك.. نزل هز الصيكان طلعهم وسد الباب ديال الدار عاد مشا يتقدا شنو خاصهم... رجع حط داكشي فالكوزينة مشا طل عليها لقاها جالسة فواحد الكرسي فالبالكون.. تنهد وخرج مشا لبيتو بدل ونزل وجد الماكلة.. دارليها حقها فالبلاطو وطلعوليها
ادم: نوميديا اجي تاكلي شوية
نومي: الصمت
ادم: المهم هاهيا الماكلة.. خرج من عندها وهو معارفش شنو يدير معاها من بعد ساعة رجع لعندها لقا البلاطو كيفما حطو
ادم: (جلس على ركابيه قدامها) عفاك كولي شوية ميمكنش تبقاي هكا واش بغيتي تقتلي راسك.. شدها من يديها
ادم: عفاك تهدني نديرليك لي بغيتي غير كولي وارتاحي.. جرها لعندو وعنقها وهو كيبكي
نومي: لا لااااا اه ياربي اشمن دنب درت عفاك متغتاصبنيش الله يعطيك الستر.. طلق منييي انا مبغاكش انا كنكرهك سمعتي كنكرهك... هئ هئ حيد يديك متوسخنيش كثر ما انا موسخة😭😭😭😭
ادم: (طلق منها) صافي انا غادي نخرج غير تهدني... خرج من عندها دخل لبيتو وبدا كيهرس اي حاجة جات قدامو.. ضرب المرايا بيديه... بدات يديه كتسيل بالدم... حيد تيشورت ديالو وعينيه حومر وصدرو كيطلع ويهبط... خرج من البيت تصادف مع نوميديا خارجة حيت سمعات الصداع مي غير شافتو هكاك ويديه كتقطر بالدم تخلعات... وبدات كتجري تبعها ادم وهو يشدها.. هزها وظهرها ملاصقة مع صدرو
نومي: وااااااع طلق مني هئ هئ.. اش بغيتي عندي.... بقات كتضرب ديك اليد لي شادها بيه حتى شافت فيدها الدم وهي طل على يديه لقاتها كتسيل.. دورات وجهها شافت فيه لقاتو مغمض عينيه وباينة عليه مقصح
نومي: (بهدوء) مال يديك
ادم: (تصدم) غير تجرحت.. حطها وهي بدات كتشوف فيديه من بعيد
نومي: سير للكلينيك
ادم: (بابتسامة) لا بلاش ماشي شي حاجة انا غادي نداويها
انا: ممم اوكي.. انا طالعة لبيتي
ادم: (بحزن) واخة... طلعات تحت انظارو.. مشا هو كيحيد جاج من يديه وهو فرحان على الاقل حس بلي عندو امل مادام سولاتو... اما نوميديا طلعات لقات صاكها محطوط... هزات بيجامة ودخلات للدوش... دوشات ولبسات بيجامتها نشفات شعرها بالفوطة.. وتحشات فبلاصتها نعسات...... كمل ادم وطلع لعندها.. حل الباب بشوية لقاها ناعسة... والماكلة مزال محطوطة معجبوش الحال.. جلس حداها وبدا كيدوز يديه على شعرها
انا: واااااااااااع... دفعاتو وبدات كضرب فيه اما هو بقا جالس مخليها على خاطرها... بقات هي كضرب وتصرفق حتى عيات وجلسات كتشوف فيه وهو فيه لطراس ديال صباعها... جمعات رجليها عندها وبدات كتبكي
انا: خرج عليا مبغيتش نشوفك ولا نشم حتى ريحتك.. كتجيبلي الردان.. كنكرهك وغنبقا كنكرهك حياتي كاملة... خررررج.... حدر راسو وخرج.. ناضت غسلات وجهها ومشات سدات الباب بالساروت عاد رجعات لبلاصتها بقات هكاك حتى نعسات.... ضرباتها الفيقة وحسات بالموت ديال الجوع.. ناضت حلات البيت ونزلات للكوزينة.. حلات الثلاجة وهي تلقا بيتزا مطايباش هزاتها وشعلات الفران حطاتها فيه ووجدات عصير الليمون بالزربة.. كملات وجلسات فالطبلة دالكوزينة وبدات كتاكل.... عند ادم لي حس بالحركة فالدار نزل وهو يلقاها كتاكل فرح.. وهو يرجع لبيتو تلاح ففراشو ونعس... اما نوميديا كملات وجمعات داكشي غسلاتو.. حلات الثلاجة هزات الشكلاط وطلعات لبيتها دخلات وسدات الباب.. حطات الشكلاط فوق الكوافوز عاد نعسات........ هكا دازت سيمانة مرة كتسكت مرة كتنوض تغوت وضربو وهو ساكت.. حتى لهاد الصباح كان جالس فالجردة حتى وقفات عليه
انا: بغيت نرجع للرباط مغنبقاش حياتي كاملة محبوسة هنا
ادم: مغادي نرجعو حتى تسامحيلي
انا: (حطات الموس على يديها) والله تا نقتل راسي الى مرجعتنيش
انا: سير من حدايا مكنحلمكش... ادم تعصب وهو ينوض اما انا بقيت متكية حتى داتني عيني فالجردة
ام ادم: بنتي نوميديا فيقي
انا: (كنحك فعيني) ممم
ام ادم: نوضي ابنتي كولي شي حاجة ووجدي راسك راه غايجيو العائلة يباركوليكم
انا: وخا اخالتي... دخلت لقيتهم حاطينلي الماكلة.. جلست وبديت كناكل حتى شبعت... طلعت لبيتي وجدت الدوش وتحشيت فيه رخيت عظامي حتى ارتاحيت فيه مزيان... عاد خرجت لابسة بينوار... بديت كنشف شعري وكنفكر شنو نلبس حتى دخلات خالتي وفيديها كارطونة
ماما: حتى انا ابنتي.. كيدايرة لباس عليك بنتيلي فشكل
انا: لا اماما مكاين والو غير مع العيا ديال الطريق وصافي
ماما: اوا الحمد لله
بابا: (باسلي راسي) الله يرضي عليك ابنتي
انا: امين
ياسين: ختي كيدايرة
انا: حمد الله
ياسين: عارف بلي غتكوني مقلقة مني.. مي راه كون مدارش هكاك gاع متكونو مع بعضياتكم دبا
انا: ممم اوكي
ادم: نقدر نخطف مراتي واحد شوية
بابا: خود راحتك
انا: شنو بغيتي
ادم: توحشتك.. جيت نمشي وهو يشدني.. شحال قدك تبقاي هكا
انا: حتى طلقني
ادم: (تنهد) معمرو مغايجي داك النهار.. غير تهناي
انا: دبا من اللخر شنو بغيتي
ادم: بغيت نسمع صوتك توحشت غناك شحال هادي ماغنيتي
انا: مافيا لي يغني
ادم: عفاك غير اغنية وحدة
انا: (تنهدت) اوكي.. بدا كيضحك وهو يبوسني وهرب الصراحة جابلي الضحكة.. مشيت عند سارة قتليها طلقلي لحن《say you love me》جابلي ادم الميكروفون وبديت كنغني
Say you love me to my face
I need it more than your embrace
Just say you want me, that's all it takes
Heart's getting thorn from your mistakes
Cause I don't wanna fall in love
If you don't wanna try,
But all that I've been thinking of
Is maybe that you're mine
Baby it looks as though we're running out of words to stay
And love's floating away.....
عند ادم لي كان متبع معاها وبقا فيه الحال فاش شاف عينيها مغرغرين.... كملات نوميديا الغنا ديالها وهي طلع بالزربة لبيتها.. لاحت صاكها وصباطها وجلسات فالارض كتبكي... تبعها ادم حل الباب لقاها جالسة فالارض كتبكي جلس حداها وعنقها
ادم: غادي نصلح كلشي كنواعدك.... خرج مشا للطواليط لي برا دوش وخرج غير بفوطة مدورها على نصو دخل للبيت... كانت نوميديا ياله لبسات وغادي تنزل وهي ضرب فيه هكاك.. قلبها بدا كيضرب وهي تحدر راسها.. شافها هكاك ادم وبدا كيضحك قربليها.. وهو يحط يدو على حنكها
انا: (بعدات بالزربة) عفاك متقسنيش.. والله تنغوت دبا حنا ماشي بوحدنا.. غادي نشوهك مع والديك
ادم: (باسف) متخافيش مغاديش ندير شي حاجة مبغيهاش.. بعد من قدامها وهي خرجات كتجري.. هبطات لتحت
اب ادم: صباح الخير ابنتي
انا: صباح الخير عمي لباس
اب ادم: حمد الله... بدينا كنفطرو شوية نزل ادم مغوبش
ادم: بالصحة فطوركم
ام ادم: جلس اولدي تفطر
ادم: لا مقديتش غادي نمشي للخدمة دبا
ام ادم: واخة اولدي
ادم: خليتليكم الراحة... خرج وانا بقيت حتى كملت فطوري وطلعت لبيتي هزيت تيليفوني
انا: (بجدية) غادي نصيفطليكم العنوان ومن هنا نص ساعة لقاكم كتسناوني
...: اوكي... لبست حوايجي
وقاديت مكياجي هزيت نظاظري وصاكي ونزلت
ام ادم: فين غادا ابنتي
انا: غادي نمشي للشركة
ام ادم: (كطلع وتهبط) غادي تمشي هكا
انا: اه فيها شي حاجة
ام ادم: عارف ادم غتمشي
انا: لا مي راه خدمتي هادي خاصني نمشي
ام ادم: واخة... خرجت لقيت البوديكارد كيتسناو
انا: غادي نمشيو للشركة
الكارد: واخة الالة... حلي الباب اللوراني ركبت وركبو هما القدام وكسيرا للشركة.... من بعد دقائق وصلنا.. دخلت للشركة وهما تابعيني من اللور... تلاقيت نسرين لي غير شافتني وهي تجي وقفات عليا وكطلع وتهبط فيا
نسرين: (مخنزرة) محشمتيش
انا: مناش غادي نحشم
نسرين: واخدة راجلي
انا: ههههه ضحكتيني والله... نتي عارفة مزيااان بلي عمي هو لي بزز ادم يخطبك... وكان مفهمك بلي مكيبغيكش كاين هادشي ولا لا
نسرين: (تعصبات) مي المهم كان خاطبني.. ونتي جيتي تزوجتيه
انا: كنظن مسمعتيهش مزيان البارح... حنا مزوجين هادي 6سنين... وفالفترة فين خطبك كنا غير مدابزين ودبا تصالحنا فهمتي..... نسرين تفقصات وهي تهز يديها بغات تصرفقها وهو يشدها الكارد وزير على يديها
انا: (صرفقتها) عمرك تهزي عليا يديك الخانزة... كملت طريقي وخليتها... دخلت للبيرو ديالي ياله جلست وهو يدخل ادم مخنزر
ادم: علاش مقلتيليش غادي تجي
انا: وعلاش ياكما صحابليك غادي نبقا جالسة فالدار
ادم: (شاف رجليها) اش هاد العرا الالة راكي مراة الرجل
انا: (باستهزاء) الرجل فينو gاع مشفتو
ادم: (جا شدها من يديها وزير عليها) متعصبنيش انوميديا.. انا كنحاول نصلح داكشي لي درت مي متزيديش فيه
انا: سير هضر مع هاديك لي كنتي خاطبها جاية تعاير وتقولي انا سرقتك ليها وبغات gاع ضربني... هاد المرة تهضر معايا غادي نصيفطها للصبيطار....... ادم خرج معصب مشا نيشان عند نسرين... دخل وشنق عليها
ادم: الحمارة اشداك لنوميديا
نسرين: هي خداتك مني.. انا لي كنبغيك ماشي هي
ادم: سمعيني مزيان يا اما تبعدي من مراتي ولا غادي تجمعي حوايجك وتمشي من هنا
نسرين: لا عفاك خليني فخدمتي
ادم: اوا احتارمي راسك الى بغيتي تبقاي هنا... خرج وزدح عليها الباب
نسرين: (بحقد) غادي ندمكم..... مشا ادم للبيرو ديالو كيخدم ومرة مرة يطل على نوميديا غير من الشرجم لي كانت غارقة فالخدمة.... وصلات ل13 ونومي مزال غارقة فوسط الوراق
ادم: (تنهد) على خاطرك.... خرج ادم وعيطات نومي على السكرتيرة طلبات قهوة.... جابتهاليها وجلسات كتخدم... وصلات 8 ياله كملت الملف
ادم: (دخل) نوضي براكة عليك واش معيتيش
انا: هانا كملت.. جيت نوض كنت غادي نطيح كون مشدنيش
ادم: ماالك
انا: والو غير العيا ويمكن حيت مكليتش هاد النهار
ادم: (تنهد) غادي نمشيو دبا ناكلو ولا غادي نتصرف معاك تصرف اخر... هزها بين يديه وهي حطات راسها على صدرو... دخلو للاسانسور وهو يضرب فنسرين بقات كتخنزر فيهم اما هو gاع مداها فيها.. ونوميديا مغمضة عينيها gاع مشافتها... هبطو ركبها فطموبيلتو وصيفط لي كارد يمشيو بحالهم.. ديمارا مشا نيشان للريسطو.. دار لعندها لقاها ناعسة
ادم: (كيحرك فيها) نومي فيقي
انا: ممم
ادم: (كيلعب فشعرها) فيقي تاكلي ونمشيو نعسو
انا: (تكات عليه) بغيت نعس ديني للدار
ادم: واخة احياتي.. قادها وهو يكسيري للدار... دخل هازها بين يديه
ام ادم: مالها
ادم: والو غير نعسات انا نطلعها للبيت
ام ادم: واخة.... طلعها حطها فوق الناموسية ومشا جابليها بيجامتها.. حيدليها سبرديلتها وكسوتها.. لبسها بيجامتها وغطاها.. عاد بدل هو حوايجو ونزل لتحت.. لقاهم كيحطو العشا وجلس
ام ادم: فين مراتك
ادم: راه نعسات
ام ادم: ولدي اش داك اللبس لبسات مراتك فالصباح
اب ادم: واش الالة سوقك
ادم: هي متعودة تلبس هكاك مغتجيش فنهار واحد تغير بشوية بشوية.. ياله بالصحة عشاكم..... ناض دخل للكوزينة هز كاس دالحليب وطلع......
ادم: نوميديا نوضي شربي غير كاس دالحليب
انا: مقديتش خليني نعس
ادم: نو مغادي تنعسي حتى تشربي هاد الكاس... جلسها وجلس موراها متكية عليه حتى شربها الكاس كامل... حط الكاس وقادليها بلاصتها وتحشا حداها... استغل العيا ديالها وهو يجرها لعندو حشاها فيه ونعس وهو معنقها..... صبح الصباح فاقت لقات ادم ناعس ولايح يديه عليها.. دخلات للحمام من بعد ماصيفطات ميساج للكارد... خرجات لبسات حوايجها
هزات صاكها وهي تنزل.. كانت ديك الساعة 6 دالصباح... لقات لي كارد كيتسناوها ركبات وشدو الطريق للشركة.... وصلات لقاتهم مزال ياله كيسيقو.. دخلات نيشان للبيرو ديالها وبدات كتخدم....
عند ادم ياله فاق ناض دخل الطواليط دوش ولبس حوايجو نزل لتحت
ادم: ماما فين نوميديا
ام ادم: مكايناش هنا علاش واش مكايناش فبيتها
ادم: (تنهد) لا المهم انا غادي لخدمتي... خرج ركب طموبيلتو وكسيرا... وصل للبيرو ديالها طل عليها لقاها محشية فالوراق وكتشرب القهوة... دخل للبيرو ديالو وجلس كيخدم حتى هو..
هكا دازت 2سيمانات مكيهدروش بزاف كيتلقاو غير فبيت النعاس.. ونوميديا كدوز نهار كامل غير فالشركة...... اليوم عندهم اجتماع على واحد المناقصة ونوميديا لي كانت مكلفة بالمشروع...... هزات وراقيها ودخلات لقاعة الاجتماعات لقات كلشي جالس
انا: هاد الاجتماع غادي يحضرلو غير مجلس الادارة نتمنا من الباقي يخرج
نسرين: وعلاش
انا: كنظن كلامي واضح.... خرج كلشي بقا بابا وياسين وادم وعمي... بالنسبة للشركة ديالنا هاد المناقصة مهمة بزاااف.. ويلا خديناها وزدناها على المشروع لي درنا دبا الشركة غادي ترجع كيف كانت وحسن ان شاء الله... داكشي علاش انا بغيت نقوليكم المشروع غير نتوما.. حيت مكنتيق فحد
اب ادم: عندك الحق ابنتي
انا: دونك نبداو الاجتماع.... فرقت عليهم شي وراق وبديت كنشرحليهم
بابا: (باعجاب) بهرتيني
اب ادم: الله يرضي عليك.. مسكينة تعدبات كتخرج بكري ومكترجع للدار حتى الليل
انا: كندير غير خدمتي.. غدا ان شاء الله المناقصة كنظن ياسين وادم هما لي يحضرو ويقدمو البروجي
ام ادم: واخة... طلعات حلات الباب وهي تصدم... اويلي جري عتق مراتك راه من تحتها بحر ديال الدم..... ادم سمعها وهو يقطع وكسيرا..... وصل وطلع كيجري دخل وهو يتصدم بداك المنظر... هزها ونزل كيجري حطها فالطموبيل وماماه حداها وكسيرا للكلينيك.... وصلو هزها ودخل كيجري ويغوت شافوه وهما ياخذوها منو ودخلوها للبلوك
ادم: توقعليها شي حاجة غنموت
ام ادم: (مخلوعة) ان شاء الله مغيوقعليها والو.. دعي معاها......... بقاو كيتسناو شي ساعتين عاد خرج الطبيب
ادم: (عاق مناش خايفة) كوني متاكدة وخا يكون لي يكون عمري نخليك.. دبا نعسي خاصك ترتاحي راك خسرتي الدم بزاف هاد النهار
انا: واخة... حطيت راسي على صدرو ونعست..... صبح الصباح ناض ادم خلا نوميديا ناعسة ونزل وصا ماماه عليها.. ومشا للكلينيك... دخل عند الطبيب
ادم: امضرا شنو كاين فالتحاليل
الطبيب: فالتحاليل ديال الدم لي درنا لمراتك خرجاتلينا واحد المادة سامة
ادم: كيفاااش
الطبيب: البنية الجسمانية ديالها ضعييفة وهذا راجع لانها مكاتاكلش.. وكنظن انا وبعض الاطباء لي طالعو على التحاليل.. انه شي حد كيعطيها هاد المادة السامة... وحيت اصلا جسمها ضعيف زائد انها حاملة.. خسرات الجنين.. ونقدرو نخسروها حتى هي
صاحبة العيون الزرقاء الجزء السابع
محتوى القصة
التنقل بين الأجزاء