جلول ميق فيه:داك بوشعيب ايشريه ليك؟؟ مهم (حط ايدو على البيسي مع ابتسامتو المعهودة) هاد الآلة فيها آخر ماخرج فالوينداوز.. وينداوز سبعة طبعا (وجهو قاصح و كمل) و فيه حتا ديك اللعبة ديال كاندي كراش🍭🍬🍫🍰
عماد حط يدو على البيسي كيتلمس فيه :واااااااو.. هادشي وااعر
تششش باااق...كان لبيسي لي تسوطا قدام جلول و مبقاش أكيد بغا يخدم😣
جلول شاداه لبكية:ويييييع حق مونااناا حتا ربيت عليه الكبدة كتر من مي
عماد:نتا أصلا معندش جد بوك لكبدة
و علق...لحارسة غا سمعات تفرغيع و جات كتجري
وديعة:اويلي مي تا أش درتي
جلول:وااا حق ربي لفوقاني ما أنا
وديعة:وشكون من غيرك نغ(عاايقة بيه)شتي هاد لبيسي راه غلا منك كووووولك
جلول:شنااوااا😲انا راني كلي ب 20 ألف و بلا صانديلة
...........
عند مروى لي طالعة فوق السلوم و كتعزل فلكتوبة حتا بان ليها عماد جاي كيجري
مروى:شوف أنا مكنتيقش هاد لخزعبلات ولكن معاك نتا و هاد لعائلة ديال 36 حق مولانا حتا تبدل تفكيري 180 درجة
عماد:ايه ايه نتي راه معرت كيفاش حتا باقا صابرة معانا
و مشا لجيهة لخرا عند كاميليا لي كانت كتعزل فسيديات تاع الأفلام من نفس الرف لي فيه مروى غير هيا من جيهة لخرى
عماد:نتي هاد سيديات كاااملين و فلخر كتبقاي عاصرة على داك كمال و نيهال
كامي:ماشي سوقك اه غنتفرج فيهم كلهم
مروى:شهاد تناقد
عماد:تي سيري و نتي معلقة لفوق كيطايرا بقر...و نتي(على كامي)هاد سيديات عندك واعرين من للخر خااصك تفرجي فيهم
مروى بدا كيميل بها السلوم بشويا بشوياا:واااا داااك صكع بوونواارة(باااق طاحت على الرف لي طاح بدورو على كامي لي مسيكينة ديما كتجي فيها دقة حيت كانت لقدام و مروي لور...عماد غا بان ليه داك المتظر و هو يعلق)
كامي:اوالله لا بقات فيك ألمتعوس..
و دغيا ناضت واخا طاح غوقها داكشي كاامل حيت مولفة...مروى لي بقات مشبحة فوق من داكشي..كتشوف فسقف و شادا نظاظرها لي تشخشخو...و تجمع عليها كلشي حتا وديعة
مروى:وا مييي ايدي مشات فخبر كان
كامي:سكتي من تبوحيط...راه غي طاح بيك السلوم
وديعة بصدمة:طااح بييها سلووم؟؟
ليلى(لي كتشرف على لمكتبة):لا لا هدشي غيكون خطير
مروى:وييييع غيقطعو ليا يديا
جواد(لحارس):الاا مالك جيتي حتال دبا و تكلختي😤راه غتكون غير تهرسات
وديعة:غيير تهرساات
كامي:تي باراكة متبقاي تعودي فلهضرة
ليلى غوتات:سيييكيييريييتييي عيطو على لمستعجلات ديال لمدرسة يجيو يهزوها
مروى:توما مالي تشللت...هاني غادا غا بوحدي
تبعاتها كامي لي جابت جلول و مشاو كلهم
جلول كيتلمس ليها فيدها:المرقة...وا لمرقة
مروى:نعاام
جلول:الله يعطيك جن نعام...ويييع قمعة
مروى:تاا قوول و لا سير فحالك بسع مني
جلول:واش تشللتي
كامي:شكايبان ليك
جلول مطول الشوفة:كتبان ليا وحدة مشيتها كي دجاجة لقارقة
مروى مداتهاش فيه و بدات كتحرك فيدها باش تأكد واش تهرست
خبطاات صفاء أمين لكتفوو :ياااك كنقوولييك قوة القرااية كتسطي ..كووول..كوول..😒
زكاي ليا على وليدي ونتي يالكاسولة بغيتي تخرجيه بحالك نتي و رتيل راه باقي منسيتش ليكم ديك شوهة..راه وصلها ليا لحارس لعام تصحبونس مقلوبة بيا لقفة(صفاء و رتيل حالين فامهم)كول اوليدي مديهاش فدوك لعتروسات
كنضن بلي عرفتو شكون هو امين...هو خو صفاء و مروى و هنادي...واحد لعبقري منو مكاين...كيقول لمروى و هنادي نتوما ماعارفين والو...فعمرو 9 سنين حتاهوا معاهم فنفس لمدرسة ولكن مكيحملش يتلاقا معاهم حيت غيشوهوه...بزقوول قزمي و داير نضاضر فزرق بلق و شهيب و شعرو رطب نازل ليه على جبهتو
نرجعو للطبلة لي مخلاو فيها لمروى وااالوو...بقات ليها كفتة وحدة...بانت ليها واحد ليد مكمشة كتسلت كان لحاج أمجد
مروى:وااا بااا أمجد تا شتك طمعتي ليا فرزقي
أمجد:سميتي عبد لمجيد امسخوطة جدها
مروى:ايوا جمع يديك
الخاج:راه رزقي هادا...كولي بحالك بحال دراري مالك من دونهم لي تاكلي لكفتة...مسبعينك على حمارة عرقانة
امين:شهاد لجهل أبابي
امجد:كول اوليدي الله يرضي عليك و تهز; من قدامي...خليني مني لهاد لمنتوفة ما تفاكيينا مع هنادي خرجات مروى عنتفكو من مروى غتخرج نتا وا تريكة مسخوطة هادي عندك امحمد
امين:واpappy نتا فهاد لعمر خاصك تشد تسبيح و تشد الركنة
امجد:وااا تشدك لموت متبقا طلقك
زهرة:برا و لباس الله يحفضو
امين حلف لاسكت:نتا بحالك راهم كيتسناو رمضان بفاااارغ الصبر باش يكفرو على دنوبهم و نتا كتفلسف
الحاج تصدم:ايه لمك عيرني غير من بعد ما كبرت ليك الشان و المرشان كتردو ليا هوك
محمد:اداك لمسخوط...مربيتكش بحالاكا...طلب سماح من جدك
الحاج بدا يتمسكن:خليه يعاير...غيجي واحد نهار و غتندم(بدا ميزيد فصوت)غااا تننددمم واحد نهار ملي غنتبع الحاجة كلتوم(مرتو)
هنا طاح لكرسي بكامي ولكن متوعتاتش حيت مولفا
منال:وييع متبقاوش تجبدو سميتها فهاد دار لا تصدق مريبة لينا فوق ريوسنا
الجد كمل:ايه غيجي واحد نهار نهز جلابتي متعرفوني فين زدت
بوشعيب:ألا متقولش هوك الواليد...(سنغع امين)ادا بلمسخوط تا شتك كاتراد مع جدك
هنادي:صافي صافي بدلو لموضوع
جلول لي كان غا ساكت و كيبقلل:امي...بغيت سبردينة...غدا عندي ماتش
زهرة:شحال كتلبس اوليدي
جلول بفخر:42 اخالتي
مروى:رجليك طول منك
رتيل:رجليك طول من حياتي
صفاء:رجليك كبر من طموعي
امجد:رجليك طول من لساني
ضار كولشي كيشوف ف الجد
جميلة:ايه شتكم حكرتو ليا على الطفل
كامي:حاشا أجيجي(جميلة)أهو ولدك كيكبر غا من رجليه
الجد:و من لسانو
مروى:بان ليا مخو من تحضيري مبقا كبر
عماد:كنتي مطلي عليه
محمد:بااان ليا مافيكم لي ياكل نوضو تهزو تركدو
طلع كولشي ينعس إلا صفاء و رتيل لي بقاو كيفكرو فحريرتهم
كلشي ضار تصدم فرتيل...حتا لحارس لعام لي دار ليهم اشارة بيدو باش يخرجو بلا ميهضر حيت رتيل عمرها ما دوات بحالاكة....صدمة قوية
مشات مروى لطبيب باش تحيد لفاصمة يعطيها تقرير باش تلعب لماتش...و مشات من بعد نيشان لفيستيير باش تلبس توني
عند جلول لي مضارب هو وحد دري على توني
جلول:تا طلق راني كنقوليك راه ديالي
وائل لي كان مبوووودر عليه: تاا سير اصاحبي راه حنا لي فلفرقة لحمرة
جلول:وانا ماشي سوقي طلق نطلق
وائل جر تريكو و خلا جلول لمحكور كيفركل
جلول:تسنا تسنا نمشي نلبس لبسة ديال لمضاربة و هانا معاك
وائل:تا زيد قالاك لبسة تاع لمضاربة
جلول:اتا غا تسنا ماتمشي فين
مشا جلول مابانت غا مروى جرها من توني
مروى:وا داك سكع بو نوارة تا طلق شكاين
جلول:واحد خونا حكر عليا
مروى:ولكن سير شوف رتيل ولا صفاء انا مالي
جلول:نتي لي لقيتك لولة زيدي قدامي
شد ليها فيدها ومع هو قصير ولا كيبات بحال ولدها
جلول:ها حنا غنشوفوك كيغتولي احلوف الغيس
مروى:شكووووون حكر ليا على هويا جلوول
وائل:انا...كين شي منقديو
مروى:شتك كتستفزني...واقلة مكتعرفنيش
وائل:واراني نيت مكنعرفكش...و دبا ممكن تحيدي من طريق خليني ندوز
جلول شعال لعوافي:نااارييي عيرك
مروى:يدوز على مك تران بلا فران
وائل خنزر و كمل طريق حتا كيحس بيها نقزات عليه من لور شاداه من شعرو..شدليها يدها و دورها قدامو و لاحها بشوية هي مرضاتش و تلاحت عليه ولكن ولد لحرام كان سريع ودغيا شدليها يدهاو هي كتفركل كيلحولي لي محيد ليه راسو
جلول حال عينيه:واانااريي هادي مروى ولا كدبت
مروى:تا طلق...طلق نوريك
وائل:واتي رصاي راني متاقي فيك وجه الله
و هي تنقز عليه بواحد مولاتي عضة حتا طيرات ليه اللحمة😤دفعها حات مزدوحة
وائل:بربي حتا مصعورة
مروى:تعالا نوريك فعايل لمصاعير
شاف فيها بلا مبالاة و خرج و هي بقات كتحرق غا بوحدها
جلول:صافي ألمرقة تهدني
مروى قلزات ليه و خرجات و دارت ليه اشارة باش يتبعها
مروة:دابا غير قوليا مالك معاه
جلول سرط ريقو:دابا هو ياكي.. خدا ليا التوني لي باغي نلبس انا ياكي.. و انا بقيت كنتجار معاه عليه ياكي.. و غلبني
مروة حلات فمها:شنو؟؟
جلول:دبا غا تهدني انا نشرح ليك
مروة باقا عرقانة من الجهد لي دارت:خرجت على السمعة ديالي على ود تريكو ديالو
جلول:اواه التريكو ديالو ؟؟.(بدا يهز فيديه) تي شنايا هاد السمعة لي فاضحانا بيها.. ماتفوتش البنة ديال كسكسو مي غير سكتي
مروة:جلووول.. السمعة راه هي... والو والو.. زيد قدامي اوجه الكباري....
"" دخلو للتيران كانوا يلاه غيبداو""
كامي:جلولتي.. شوية ماكنا غنلعبو بلا بيك
رتيل:توما فين كنتو راه وا درنا التسخينات
مروة:فين صفاء و اعضاء الفرقة لاخرين؟
كامي:راه من صباح و هي تضور فيهم فالساحة باش يسخنو
المدرب جاي كيجري:البارودي (على مروة) را ه خاصك تسخني
مروة شافت فوائل:غا خليني ا استاذ انا اصلا سخونة
"" كلشي تكرشخ عليها بالضحك الا كامي حيت مفهمات والو.. و حتا جلول مافاهم والو فير كيبغي يبين ضراسو المسوسين""
صفاء كتنهج:تفو على تفكير عند جد جدودكم مفلعص
كامي:مالكم؟؟
"" صفر الحكم باش تبدا المباراة.. الكرة عند وائل فالفرقة لاخرة و صفاء و مروة و رتيل كيتجارو معاه باش ياخدوها.. مروة ضد فيه عيات ماتدفع و واالو... صخرة و كتحرك""
"" ندوزو عند جلول و كامي لي كيضورو على التيران و حاطين يديهم مورا ضهرهم.. و كولشي مقاتل الا هوما""
جلول ميق فيها:تيي نوضي راك نتي لي ضريفة.. راه دارت ليه هااااه(ضرب بونية فالخوا) و ضرباتو برجلها بحال هووك (هز فراقشو) و طاحت عليه بكود.. وا نااري
..
"" كانت ديك المسيميمة ديال رهام كتلعب فالفرقة لاخرة (الا عقلتو عليها) و مع هي مبعكة نوعا ما.. دغيا قدرو صفاء و رتيل يحاصروها و ياخدو منها الكرة و خلاوها في حسرة
جلول كان قريب من الگول ديال لاخرين حتا غوتات"" رتيل:جلووول .......
"" جلول مبغاش يتكلم و باقي كيشرح لكامي لي حتاهي حالا فمها فتعاويدو الخاوي.. ""
جلول:و دارت ليه براسها هااااه...
"" مع شيرات ليه رتيل بكورة مع هز راسو خبطها و ماركاها""
"" تحسب بيت عند لاخرين.. وائل لي شاف فمروة باستفزاز و هي كتغدد.. واصلوا اللعب كأن شيئا لم يكن.. و مروة و صفاء و رتيل بزز باغين ياخدو لكورة اما جلول و كامي فبااقيين كيتحتو و واقفين حدا الگول
كامي:جلول كتعرف تلعب الكورة؟؟
جلول:اش هااد النيفو ؟؟ انا راه عيط عليا المونتاخاب و مابغيتش!! يااء.. قاتليك مكنعرفش.. مسطية نتي لا؟؟
كامي:وااو سعداتك علمني ما حد الماتش باقي ماسالا
جلول:هانتي.. اول حاجة.. الكورة خاصها تكون فليسرية.. و مني تكون باغي تماركي و يدفعك ولا يعكلك شي قندوح..
كامي:غيديرو ليك ضربة عزاء؟؟
جلول:لا كتعطيه ضربة النمر المقنع للراس.. و الا مشا تا عكلك.. عكليه و خشي لمو الكورة ففمو.. و الا حبسك شي واحد باش ماتماركيش... هز الكورة بيديك و لوحها لصاحبك و لا ماركيها نتا نييت.......... كامي نفخات على ظفارها:داكشي ساهل!!
"" و اخيرا استاطعو البنات ياخدو الكورة بعدما شافهم وائل مقاتلات باش ياخدوها عطاها ليهم (على ما بان ليا) اما مروة فمن قوة الفرحة.. بان لييها جلول و كامي حدا الگول ديالهم""
مروو:كاامييلياا. وااا كاراميلو
"" و اخيرا شافت فيها""
مروة:هااكيي ماركيي و عندااك تعطيها لجلول
"" و كالعادة كامي تقلبو ليها الفيزيبلات ديال مخها و خدمات ليها السركولوجيا العكسياا... . خدات الكورة من عند مروة و لااحتها لجلول المهبول لي لاحها لوائل""
#و_انتهى الشوط الأول
صفاء:تي مالك مع داك البوگوص؟
مروة عضات فمها بالفقصة:هاداك راه بلااان معااه.. حگر ليا على جلول و تفاهمت معاه
جلول كينهج :واتي نووضي راه هو لي تفاهم معاك.. تي بركتي تعضي كي الجروة.. مروة الجروة.. وييع صاوبت الشْعيرْ (الشعرchi3r زعما) وااا كاامي.. وا تي اجي تسمعي راني وليت نجيب عبد الحافيظ (نجيب محفوظ)
صفاء:و مالك تنهج اش كنتي كتدير.. الكيدار لاخور
مروة :و دابا شنو نديرو مع داك وائل؟؟
رتيل:بعدا مالكم معاه.. عاودي ليا
جلول كيفرنس:راه انا لي دابزت معاه لول
صفاء:تا شدرتي ليه الكافر بالله
مروة:عودات ليهم كلشي من طق حتال سلام عليكم
صفاء ركلات جلول :وا راه الديفو من هاد الكيدار
جلول:آي قصحتيني اصفيفو.. ألا السفة...
كامي:بصح اجلول ديفو منك
جلول:ديفو؟ ؟ملي توب ديال الخياطة؟؟
مروة:راااك توب دالخياطة وانا هي البرا غنبقا ندگ ندگ فيك
جلول :ألا يااه.. ماتدگيش. اي.. كتقصحي
كاميليا :صافي متحگروش ليا على جلولتي
البنات كلهم:حنا كلنا معاك اجلول راه نعاايروك و مانخليو لي يعايرك..
جلول دمعو عينيه كيف العادة
صفاء:ايوا خيااار.. هاهوا بدا
جلول:ايوا فگوس
كامي:حامض🍋🍋
جلول :ياك اگرملو ؟!
مروة :سكتونا دبا شنو نديرو؟؟
رتيل:سااهلة.. نباالييو به نوريوه البارودي علاش قادين
كامي:ممكن تعاودي تشرحي راني مفهمتكش
صفاء:هاااهيا تسطات تاني.. ضربيها ارتيل لراس ياااله يرجع ليها الطانطو....
كامي:صافي راه غير كنضحك.. يلاه نعلمو بقية الفريق باش نبدلو الاستراتيجية ديال اللعب
"" بدا الشوط التاني بحماس كبير و الفريق كامل كيتقاتل بحيت علموهم البنات بالخطة.. و جلول لي باقي حاط يدو وراه و كيضور حتا غوت عليه الحكم""
الحكم:اداك الطرامواي كحل.. بغيت نفهم غير كيفاش حتا خلاوك تدخل تلعب.. ماتنفع ماتضر كي حليب الحمارة
صفاء:و تا بغيت غير نعرف ما محلك من الإعراب غير كتنگر
رتيل:و تا ياك مالاعبش.. لاش خاشي نيفك.. و داك طرامواي كحل بغيتو يخرج فيك..
كامي :قاليك كيحليب لحمارة هيهيييو
جلول مخرج عينيه:غير خليه هاد الساعة ماكين الحمار قدو.. غاواقف يتشمش و كيتخلص من الفوق☺️
الحكم تعصب مابانت ليه غير واحد الحجرة شير بيها على حلول و لكن خوا عليها..
جلول:وييع على حول🙄
كامي:جلول هاك كورة😂
"" هاد المرة جلول خداها و طوعها الفووق حتا خرجها و خداوها الفرقة لاخرة""
صفاء:بغيت غير نعرف واش هادوك رجليك ولا مسلفهم
رتيل:وا بالي اجلول راه غنخسرو.. تعالا حنا نمشيو لهيه و خلي هاد الفردات [السفة و المرقة (صفاء و مروة)] يتبعو داك الصگع
جلول:و گرملو مسكينة حگرتو عليها حيت مامعاهاش واليديها
مروة:وا صافي هاد الديسك حفضناه.. سير تلعب
"" مشاو صفاء و مروة عند وائل لي كانت عندو الكرة.. وقفات السفة قدامو و المرقة عطاتو واحد مولاتي ركلة للرجل تا لواتها ليه جا طايح جرها معاه طاحو بجوج.. و مع لأطباء ديال المدرسة خاصهم غير السبة.. خرجوهم بحجة انهم اقدرو يكونو تهرسو.. ""
"" نمشيو عند جلول لي هز الكورة فيديه و غادي كيجري و جيش ديال البنات ديال الفرقة لاخرة تابعينو و هو عاجبو الحال.. ""
جلول:حياك الله اجلول حتا يوليو يتبعوك الفتيات.. فيينك ابا جوني شوف وليدك..هاباش خايبة تكون تيتيز مامخلينيش حتا نلعب
و الحكم تابعو كيصفر و هو كيضحااك:ياحليلو كيشجعو فيا
"" ما حس براسو حتا جا مزدول فالارض و فوقو رتيل.. تعكلو برهام لي كانت باركة فالارض كتبكي حييت تهرس ليها ضفرها""
"يلاه ناضت رتيل يغات تعرعر حتا شداتها صفاء و مشاو عند جلول لي باقي مليوح كيبكي:احح النجومية شحال صعيبة
صفاء:تشا نووض المرعون ولا نرفعك ضحكتي فينا العديان
رتيل:جلولتي ياك انا كنبغي ليك غير الخير؟
جلول حبس البكا:الرتيلة مالك؟
رتيل بهمس:عرفتي شكون ضربك؟؟
جلول شد ليها رجلها :گولي شكون لاحافضااك
كميليا:نااري قال شكون
صفاء:متبقايش تقلديني
رتيل:هاديك سميمو دياال رهام
"" ناض جلول بثقة عنق رتيل ما الجنب و هو قصر منها و هيا كذلك شي لي خلا كامي و صفاء و بقية اعضاء الفريق يتصدمو حيت هاد الجوج خطان متوازيان لا يلتقيان""
"" ندوزو عند توم و جيري.. مروة لي كانت گالسة فوق الباياص على اعسابها حيت مزال باغا تكمل الماتش مقابلة مع وائل لي غير مبالي خاز ديك مكعب الأحجيات كيضور فيها ممسوقش
خلات حتا مشا الطبيب و شيرات عليه بقراة صغيرة حداها و خرجات و هو تبعها لقاها گلسات فوق الكراسة كأن شيئا لم يكن مشا گلس حداها.. وائل باستفزاز :مالك عاقداهم مشا عليك الراجل؟؟... مروة متسوقاتش و كملات التفراجتغامزو جلول و رتيل على رهام لي عندها الكرة.. تحاماو عليها.. جلول ضربها براسو و عكلها جات ساجدة.. هنا صفر الحكم
رتيل:اويلي المسخوك حنا قلنا نضربوها عير من التحت...
جلول:ويلي اش قالت ستغفرطلاه العلي العظيم
صفاء بقلة حيلة و من بعيد:حتال دابا عاد دكرتي الله
الكافر.. راه بغات تقول ليك:تضربوها بلا مايعيق حد اقليل النية
جلول ربع يدييه :لااااا..باااينة وتااا راااه بنتك هي البااطروونة دياال الدرب...الله يجيييبك على خيير...بنتك راااهاا حاافضة طرييق الغاابة كتر من الحلووف..أسي البشير اللله يرضي عليييهاا...
""جميل شااف الحااج أمجد كيهرنن وهو ينقز على البشير شدوو من لحيتوو...جلول شااف القضية حااامضة انضم لبااه...هز طااسة وبداا يعطي لبشيير لرااس..شوية بداا يغني متبع رييتم لي عطااه صوت ضرييب الطااسة مع صلعة البشير..""
""حتااا بداا دااخل تااني وهااز عكااازو وبداا يعطي البشيير الكرش لي مقنبلة من بعد ما جميل شدوو من رجلييه وجلول من يدييه..حتاا حسوو بييه ترخاا وهووما يهزووه باتجاااه البرمة..""
هادي هي رجاء البايرة. هي الباطرونة ديال الدرب كل مرة مع واحد. هي بنت الشهبة مرت البشير لي عندهم 3 العزارى كلهم شمكارى خارجين للطريق. اولهم حمودة لي مسمينو الشَوْ تابعو عبد الباسط تابعو زيكو. استغربتو كيفاش بحال هاد العائلة ساكنين فحي راقي بحال هداو هوما غير مزاليط. انا نعاود ليكم.. ايوا راه هاد الفيلا غير وارتينها من واحد عمهم عمرهم ماشافوه غير سمعو الورت و جاو يتسابقو
نرجعو عند جلول لي كان كيتزعلل فالجردة و الكلب واقف حداه و كيشوف فيه
جلول بنظرات بريئة:تذوق خبِيْز؟؟
لكلب بدا كيشمشم فيه.. جلول:يا حليلي ولا كيبغيني
صفاء غوتات من دار دالكلب لي كانت كتنقي فيها :وا راه شم فيك ريحة خووه
جلول ضار عند الكلب:كول كول اعطعوط متديهاش عليهم راه كيغيرو منك
صفاء عوتاني:تا بعد ليا من بنعطية دبا تعاديه بهبالك
جلول هز كتافو و بدا يفلي للكلب لي هو هاسكي كحل و فيه لبيض بعينين زرقين بحال المحيط
جات صفاء و جرات عطعوط(كنبغي نعيط عليه بنعطية ولكن كيبقا فيا اللعاب) من السمطة و هي كتعيب فجلول..
ربطاتو و طولات ليه السمطة لواحد الغرض غتعرفوه
صفاء و الشر كيبان فابتسامتها المعهودة:جلول تبعني
جلول:حاضر يا مولاتي
عند كامي لي لابسة كسوة قصيرة و كتفرج فالحلقة الاخيرة ديال مسلسلها المفضل و كتاكل حتا دخلات عندها هنادي لابسة سروال بيجامة و تريكو لاغج و شادة راسها بفوطة حيت عاد خرجات من الدوش
هنادي:شكاديري؟؟
كاميليا:شششش... كنتفرج فبوراك
هنادي :هاد التيتيز؟؟
كاميليا:واه
هنادي :الله يا ربي الله و الله حنا فالمغريب ضايعين من بحاال هاد المخلوقات.. حواء ولدات فتركيا و خرات فالمغرب
كاميليا:شتي علاش انا باغاه تركي!!
هنادي :نتي راه آخرتك فهد ولد خالتي
كامي ميقات فيها:شناوا!! هاداااك
هنادي:و متكدبيش.. ماكنتيش كتبغيه فاش كنتي صغيرة؟
كامي:ماكانش عندي الذوق
هنادي :واهاحنا غنشوفو!
حتا دخلو صفاء و رتيل مشعكات
#فلاش_باك
دخلات صفاء عند رتيل لي كانت كتضرب فصاك ديال البوكس.. بغات تخلعها و هي تكربع مع واحد الكرسي... غير شافتها رتيل و بلا متفكر عطاتها واحد الدقة للظهر
صفاء:اععععع اديك الحمارة راني بنت عمك
رتيل :واراك نتي لي جايا تسلتي
جمعات صفاء ايدها و عطاتها واحد مولاتي دقة حتا غوتات و من هنا بدات المضاربة..سالاوها و تلاحو فوق الناموسية كينهجو. رتيل:الله.. كانوا عندي شي هوايش حايدتهم
صفاء:كون غير بردتيهم فرجاء
رتيل :امالك معاها اناري (عودات ليها صفاء)
رتيل:مكفاتهاش ديك النتفة ديال داك النهار؟؟
صفاء:باااقاا عاقلة؟!
***احم..غادين البنات كيتسركلو هوما و جلول و هازين الزريعة ياكلو و يدفلو حتا دارت مروة عند جلول:هاداك المكلخ.. تا نقي الزريعة دبا يجيوك الحناش
جلول:يجيوني حتا الأفاعي تي اش دخلك..💭 ياك المصارن مصارني؟؟وا سكتي
رتيل هبطات زعما غتحايد صباطها:طلقوني على هاد الكافر بالله جلول هرب مورا كامي:وش كنتي معايا؟ راني مسلم
صفاء:تا موحال تا واش مختن گااع
رتيل:انا نعاودها ليه!!
كامي:الاا. وش معقلتوش فاش جا براهيم الحلاق ضرب ليه حسانة و ختانة.
جلول خبط راسو:متقولوووهاااش...لاصوص كيكون فيه مطيشة😰
كامي:هههه و مالها باش كتكون حمرة اعبيقة
جلول حط يدو ففمو كيفكر:يااا بسخونية كيصهد و كيتزنك يا كي تفقص
رتيل:لفقيص هو لي غديرو ليا المجرتل😡
جلول:وا توما انا راني عارف مطيشة غا فلعدس و لوبيا
صفاء:تفو كمارت الزلط وجوه لفقر و لميزيرية
مروى:حيدو حيدو
""خدات لفلفلة من عند كامي و حطاتها فمقلة...حطات بصلة تسلق...ايه تسلق...خدات مطيشة يابسة هي لي كاينا فثلاجة كملاتها غا بخيزو و 3 لحكاك ديال مطيشة الحك...دخلو لبناات يعونوها ""
كامي:شحال ندير ديال لبزار
صفاء:جوج معالق كبااااار
""اما تحميرة رتيل بقات غا كاتكب فيها بغاتها تجي حمرا...شدات مروى ديك لبصلة معساتها بفورشيط و كباتها فلمقلة...و شعلو عليها لفورنو لكبيييير حد حدو...و تخنات كامي تقلب على طبسيل""
كامي و هي كتشوف فجلول:من اللخر شكون هرس الطبسيل
جلول غمض عينيه:حق موووولانا ما انا...اصلا شنو كيعني طبسيل...انا لا اتكلم اللغة العربية😣
رتيل:لوجييييك اعلال القلدة
صفاء:غا هنيونا راه لواليدة مخلياه عند الشهبة
نقز جلول:اااانا نحيبو
مروى:تجيك فراس اوجة التيمومة عارفاك ناوي على يخزيت
جلول:حميمتك بلا متخافو ااناا نمشي نحيبو ياك كتيقو فيا
رتيل:هو من ناحية تيقة ماكيناش...
جلول:وا صافي كونو هانين انا غنمشي نجيبوو
داارت صفاء عند رتيل وابتااسمو ابتساامة كبييييرة شيطااانية..😈
جلول :يااا حلييلي غاااا تجي تييتييز (على يخضر لك العينين)
طلق عبد الباسط جلول لي طااح على ترمتو نااض حكهاا ومشااا كيجريي عند الشهبة لي كاانت فالكوزينة....
جلول :ميي الشهباااة...عاااايييوو..
الشهبة :باسم الله الرحماان الرحييم😱 (شدااات فقلبها)
جلول :ماالي بنت لك جن..😑
""نقز الشو لي كاان كيااكل والدغمة كتباان قداااش من حنكو..""
الشو :على كاااين شي جن فالكحل..
جلول ميق فييه :اييواا صاافي اااش يعرف بوبريص فالشكلاط وآااااصلا نتاا لي حاال كاابينتك....تااا بيض بعداا...وتاا وجهك كي وجه المووتة..سبحاان الللله فيينماا كنشووفك..كنتفكر وجه جدة كلتوم الله يرحمها. 😒
السلالة المجنونة الجزء الثاني
محتوى القصة
التنقل بين الأجزاء