دازت جوج اسابيع يمكن عند اي واحد تكون عادية لكن تيفاوين كنت كلها سكانيرات وتحاليل ومن طبيب لطبيب ماشي غي العملية واجي خاسو اتأكد من كلشي اسبوعين بالزربة دازو وتيفاوين تعلمات بزاف فولفات الدار بسرعة كبيرة ولات كطيب لراسها قدرات تولف على صداع انور اليومي لي كيجي سكران وكتدعي الله اهديه عرفاتو شكون عرفاتو نفس الشخص لي دوا معاها داك النهار عرفاتو مول الدار لي ساكنة فيها حيت محمد غي كاريها عرفات بزااااف ديال الحوايج على المدينة وكتخايل النهار لي غتشوف فيه العالم من جديد باقي خوها مقالش ليها على العملية ولكن كيقول بلي عندها امل كبير وغترجع تشوف فهاد الاسبوعين محمد بدا كيعلم تيفاوين تكتب كيعطيها ورقة وكتخرمز فهو ملي كانت صغيرة وكتشوف علمها تقرا وتحفض وخا البنت حرام تهز الورقة والقلم وكيحفضوهم سورة الفاتحة كتصلي بيها فقط تيفاوين استتناء تيفاوين يا تيفاوين فين غيوصلك هادشي
ماشي محمد وتيفاوين لي تغيرات يومياتهم انور ايضا فشحاجة تضافت على حياتو وهي تأنيب الضمير بقا فيه الحال بزاااااف من الهدرة ديالو مع تيفاوين
وهاد التأنيب معذبو بزااااف فهو مكيحملش انقص من حياة شي حد اجيو شكون انور شكون هاد الشخص لي غيخربق تيفاوين؟؟
انور شخصية غامضة وكلشي كيعرفو فالدرب كاع الدراري معايشر معاهم ماخلا حد ولكن حتا حد مكايغرف عليه شيحاجة منين جا واصلو فين كاين هادي اربع سنوات باش جا لهاد الدرب كانت فعمرو 19 عام شرا الدار لي هوما فيها حاليا كاملين سكن فالطابق التاني وكرا الطابق اللخر والاول والسفلي فيه قاعة رياضية عامة معندوش خدمة بل حر ولكن عندو مع البيسيات وكيجبد فلوسو كيبيع ويشري غير من البيسي شخصيتو ضارب الدنيا بركلة ولكن جدي عينو كاع مازايغة مكيتفلاش على بنات الناس حياتو تعرف على شي جوج بنات ومكملش معاهم وغنصدمكم هاد الانسان عندو من الماضي ما يكفيه لي يخليه ميرتابطش وتكون عندو علاقة غير شرعية مع اي وحدة عكس صحابو وبيناتهم كيتعتابر معقد بلا قياس
انسان لي خدام كيجمع الفلوس باغي اطور راسو براسو
وجمع ما يكفيه اشري بقعة ارضية بغا ادير مشروع ديال العقارات والحاجة لي معروف بيها فحومتو يتيم
شاف انور فتيفاوين اول مرة اشوفها وابتاسم ابتسامة خفيفة واخيرا شاف الي قلقها زعما لي مقلقة منو هه
جلس جنب محمد وجلسات حداهم الضاوية كيهضرو بشكل عفوي وتيفاوين لي بوحدها ساكتة حيت ممولفاش الجماعة خصوصا مع الرجال وقفات شافت فيها الضاوية
يمكن حسات بيها حشمانة وقفات معاها مشات تيفاوين كتحسب خطواتها وقفات حدا واحد الخاوية بليصة محفورة داير بيها الحجر فيها خشب وشاعلة فيها العافية محطوط عليه طاجين كيطيب واخا كاينة الشمس ربعات حداه فوق من حجرة
الضاوية : مالكي
تيفاوين رفعات راسها كتقلب على الصوت
حطات الضاوية يدها على تيفاوين
تيفاوين : مامولفينش نبركو مع العزارا
الضاوية: مافيها عيب خوك معانا
تيفاوين : العيب مابقيت عارفة لي عيب ولي ماشي عيب
الضاوية تبسمات قلبات الطاجين
الضاوية: باينة بنين
ضحكات تيفاوين كتفكر ايامها مع الواليدة ديالها معمرها هضرات معاها من النهار لي جات
شاف فيها على غفلة من محمد باينة صغيرة بزاااف
مستحيل تكون نفسها لي هضر معاها داك النهار جمالها بسيط وخفيفة على القلب
قاطع محمد مابين كلماتو على الخدمة وبلا ميحس
انور : علاش ناضت
دار شاف فمحمد عاد استدرك الموقف لي حط فيه راسو وابتاسم ابتسامة مزيفة لمحمد لي مطلع حاجب ومنزل لاخر مستغرب
انور : لا متفهمنيش غلاط ولكن راني قلت ليك تجي مع ختك بجوج حينت باينة ممرتاحاش
كيحاول القى تفسير لكلامو
محمد : لا متقولش هاكا حنا باقين محافضين على العادات ديالنا و هاد الجلسة لي دايرين ناقصة
جمع الوقفة
محمد: زيد زيد نوجدو غيكون الغدا طايب
مشاو للوتو ديال محمد جابو الخبز والموناضا والكيسان وبركو
قلبات الضاوية الطاجين لقاتو واجد
تيفاوين : خالتي الطاجين طايب
الضاوية : اييه يلا نوضي حيت انحطو الغدا
تيفاوين : خالتي غي حطي ليا شوية فالخبز وصافي
الضاوية: وعلاش
تيفاوين :انبقا انا هنا
الضاوية دارت شافت فمحمد لي كان عاطيها للهضرة مع انور
ربعات تيفاوين فوق سداري كتفكر فموضوع العملية التوتر باين على وجهها
برك حداها محمد كيهز النفس ويخرجها
دار شاف فيها عرف مالها
محمد: انا غنخرج
تيفاوين : فين ماشي
محمد: دغيا غنرجع عندي واحد الغراض
تيفاوين هزات راسها وهبطاتو بمعنى اه
خرج سد الباب من وراه مقلق وقف حدا الباب معارفش اش غيقول لتيفاوين
تحطات يد انور على كتف محمد فيقاتو من سهوتو
انور :مالك اصاحبي لهاد الدرجة
محمد: اه بزااف
انور : فين غادي دابا
محمد: غنمشي نشري واحد الصاك ونرجع
انور : ياك مانمشي معاك
محمد: لا اصاحبي يلا جيتي وصلتي خالتي
انور : اه يلا سير بلا منعطلك
هبط محمد وسط الدروج خاصو يرجع اجمع حوايج تيفاوين وقف انور حدا الباب كمش فمو يلا بغا ادق وهو يرجع لور طلع بحالو دخل خدا دوش وبرك شاد البيسي ديالو حاس بشحاجة ماهياش
انور : والا منجحاتش العملية واش نطلب السماحة لا بلاش باين محمد مافراسوش
معارف مايدير هادشي جاه صعيب وقف وخرج هبط كيشوف فباب دار محمد
كانت تيفاوين كتدور فالدار عادة جاية بجلابتها متوترة حاسة بلي خوها كذب عليها ولكن علاش واش غدير العملية وامتا اووووف اووووف هادو باغين اقتلوها بمجرد ما كتفكر العملية كيدق قلبها وكتشدها الخلعة ياك واعدها مكاينة لا عملية ما والو معرفتش هاد البنت كفاش غترجع شوفها بلا عملية
بعدا الخلعة قاتلاها غادة جاية وغادة جاية حتى سمعات صوت الدقان
تيفاوين :خويا
مشات نيشان للباب باغا تحل الباب
تيفاوين : خويا
شوية وقفات كمشات حجبانها محمد عندو السوارت شكون هادا لي جاي فهاذ الوقت قطعات حسها
انور :تيفاوين
تشوكات ملي سمعات سميتها على لسانو نفسو اشنو بغا
انور: تيفاوين كتسمعيني
تيفاوين معرفات مادير خايفة الى جا خوها
انور : عارفك غتكوني كتسمعيني
تيفاوين تشجعات : اشنو بغيتي سير بحالك
انور على الاقل كتسمعو : بغيتك تسمحيليا
تيفاوين طلعات حجبانها : اش بيني وبينك اولد الناس باش نسمح ليك
انور حدر عينيه باينا من هضرتها محاملاهش
انور : مقصدش نجرحك بكلامي
تيفاوين : سير بحالك مابغيتش الصداع مع خويا
انور: مغتسمحيش ليا
محمد: انور
دار انور بسرعة كيشوف فمحمد لي هاز الصاك توتر
انور : لا والو جيت بغيت كندق عليك الباب ولكن كيسحاب ليا رجعتي
تيفاوين شدات حناكها ناري على حصلة
محمد: عاد جيت علاش باغي شيحاجة
انور : لا مبغيت والو غي بغيت نسولك ياك ماخاصينك الفلوس على ود العملية
محمد: لا الله اكتر خيرك مخاصني والو
انور: صافي
دار انور طلع بحالو شاف فيه محمد
محمد: هادا مالو عارفني مخاصني لا فلوس لا والو
جبد السوارت من جيبو وحل الباب سدو من وراه تفاجء بتيفاوين لي حاطة يديها ورا ضهرها ومتكية على الحيط
تيفاوين : محمد انا عملية شرح ليا عفاك
تيفاوين كتحك فيديها حيت متوترة وخوها محمد كيشوف فيها
تيفاوين :مغتقول والو
محمد: انجيك من اللخر نتي لي غاديري العملية
تيفاوين داكشي لي طاح ليها على البال هو هداك
تيفاوين : انا
محمد: اه نتي مقلتليك والو باش متخلعيش بحال هاكا
تيفاوين كيدمعو عينيها :ياك قلتي ليا مغتكون حتى عملية غيخربقو عينيا
محمد: لا متخافيش مغديريهاش عالى عينيك
تيفاوين : العملية العملية غنموت ياك شحال من وحدة بغات تولد دارت عملية وماتت وشحال من واحد
تيفاوين :لا غيقتلوني انا مبغيت نشوف حد اللهم العمش ولا العما
محمد: وراك عمياء والعمش فتيه
تيفاوين: قلتي ليا مكاينا تاعملية غي دوا
محمد: واا تيفاوين ومغتشوفيش بلا عملية
تيفاوين :بغيت نهضر مع با ويما بعدا
محمد تنهد ووقف : واخا انا غنمشي نعبئ ونجي
تيفاوين : التليفون لي عندي فيه الفلوس
محمد: لا مافيهش غي كيصوني انا غنرجع دابا
خرج محمد هبط حتى لتحت جبد تيليفونو ودوز النمرا
محمد: الو... الحمد لله... لباس عليها نتومالباس عليكم......ياك ماخاصاكم شي حاجة... يما بغيت نهضر معاها.... واخا اراها.... الو يما لباس... شوفي غندوز ليك تيفاوين متقوليش ليها على ولد تيليلا امي حتى نهضر معاها انا..... لا مكاين والو انا غندوزها ليك
طلع محمد كيهضر مع مو وكيضحك معاها حل ودخل كيعيط على تيفاوين داير راسو فرحان
عطاها التيليفون وشير ليها براسو متقول والو
شدات تيفاوين التيليفون كتهضر مع مها وكتعبر على مدى اشتياقها ليها حتى بدات تبكي وتنخصص ومحمد كيهدأ فيها حيت ماقايل ليهم والو على العملية
حتى بدات مها تبكي ايسحاب ليها توحشاتهم
قطعات عليهم وبقات كتبكي على حرها
تيفاوين : صافي صافي لي ليها ليها الى نجحات نشوفكم من جديد والا لا الغالب الله
يوم الاثنين كتلبس تيفاوين جلابتها كانت السبعة ديال الصباح وهزات صاكها وباين عليها القلق وكانها هازة جبل على ضهرها حيد ليها محمد الصاك وخرجو مع الباب سدو محمد من وراه بالساروت كان انور واقف كيطل عليهم مخبي من الدروج الفوقاني قال محمد لتيفاوين يلا وتمشاو شاد ليها فيدها
طلعو ومشاو للكلينيك وصلو اكيد دخلوها عبرو ليها الطونسيو بدلات حوايجها وبركات فغرفة خاصة كتسنى نوبتها حتى وصل منتصف النهار عاد علموهم من بعد جات واحد الفرملية طلبات من محمد اخرج حيت اتحسن شعرها لتيفاوين ولي دجا قالها ليها محمد
خرج محمد وجلسات الفرملية حداها حيدات ليها الزيف وطلقات ليها شعرها الكحل والحريري واخا قصير حد الكتاف رجعاتو ليها على جنبها الييمن وكتحسن الجهة الييسرية وتيفاوين كتبكي وكتواسي الفرملية فيها وتصبرها ومن بعد ساعة نقلوها لغرفة العمليات وهي كتودع فخوها محمد وكتصبر راسها دارو ليها البنج وبدات كتغيب حتى مشات وبداو فالعملية
من بعد ساعتين خرج الطبيب لي مكلف بالعملية
كان محمد كيمشي ويجي وكيبرك ويوقف متوتر
وقف الطبيب كيشوف فيه : سي محمد
محمد شاف فالطبيب حالتو متوترة ماشي هيا هديك
محمد : اشنو وقع ختي بخير
الطبيب حك راسو بصراحة وقعو بزاف ديال الحوايج
قاطعو محمد مخلوع : اشنو وقع سربي دوي
الطبيب طلع حجبانو بأسف : للاسف فشلات العملية
الطبيب: طلع ليها الطونسيو وطرينا نوقفو العملية حاليا
محمد:وختي بخير
الطبيب : ماوقع ليها غنستأنفو العملية تا الغدا ونكملوها وبلا ما تخاف العملية بالليزر مغتأترش عليها
محمد: وامتا غتدار العملية التانية
الطبيب :كما قلت ليك غدا انشاء الله
محمد رجع شعرو لوراه كيتنهد معصب مقلق خلاه الطبيب ومشا لخدمتو خلا محمد معلق ماضارب حساب لهادشي منين خرج ليه
كتصوني عليه الضاوية جبد التلفون جاوبها فنفس الوقت خرجو تيفاوين اديوها لبيتها وهو كيهضر فالتلفون مع الضاوية حتى وقفات عليه
الضاوية : كيبقات بنتي تيفاوين
محمد: الحمد لله اخالتي على كل حال بصراحة العملية منجحاتش
الضاوية: يالطيييف ياربي ودابا
محمد: اودابا هانتي كتشوفي غتدير عملية اخرى
الضاوية:الله ياربي مسكينة
محمد: شكون قال ليك بلي غتدير العملية
الضاوية: وشكون من غير انور اوا واش هادا موضوع اتخبى بعدا
محمد: اودي غي خليها على الله دعي معانا اخالتي دعي مع ختي
الضاوية: الله يشافيها ويصبرك اولدي واش انور مجاش
محمد: لا غيكون مشغول
جلسو كيترقبو حتى فاقت تيفاوين وهي كتقيا بسباب البنج فاقت كتعيط بسمية مها وكتهلوس ملي فكدات عاد بدا كيهضر معاها محمد وكيضحك معاها
تيفاوين : خويا واش غنولي نشوف
محمد: اه انشاء الله انشاء الله
تيفاوين :وامتا غنخرج من هنا
محمد: غدا فالصباح غيقلبو ليك راسك باش نعرفو امتا غتخرجي
تيفاوين: انشاء الله
ودعاتهم الضاوية وخرجات بحالها خرج محمد هضر مع الطبيب لي مكلف بتيفاوين وشرح ليه الوضعية واخا عيا مايقنعو بلي خاص تيفاوين تكون دراية على هادشي لكن محمد دفع ليه الفلوس وتحمل المسؤولية لاي حاجة الا وقعات لتيفاوين
محمد بات مع تيفاوين فهي ملي نعسات فوسط الليل ناض فرش الصلاية حداها وبقا كيدعي ربي باش تنجح العملية وتبرى تيفاوين وترجع كتشوف هي من اعز الناس لي على قلبو وميقدرش اخصرها وبغاها تشوف الحياة من جديد بقا كيسجد ويركع ويدعي حتى اذن الفجر صلاه وتكا شوية يرتاح
صبيحة يوم التلاثاء انور فايق مقلق ملي سمع خبار تيفاوين من عند الضاوية معارف راسو اصلا علاش اتقلق عليها
انور : اش واقع ليا علاش كنخمم فيها مسمحاتش ليا
تنهد معاجبو حال
انور : اووف اف اف
ناض جمع الوقفة وهبط لاصال ودخل كيتريني ابرد راسو شوية
اما فوسط الصبيطار محمد كانوعينيه حمرين وباين عليه العيا شاد كاس ديال القهوة كيشربو بزز وكيتنهد ويستغفر مولاه على هاد البلاء لي بلاهم الله
جبد تليفونو شاف شحال الساعة كانت فايتة التسعود ووقتها لتيفاوين باش اديرو ليها العملية الثانية كما قال الطبيب توجه محمد لغرفة تيفاوين لي لقاها اكيد فايقة كتدعي الله لراسها بالشفاء
كيصوني تليفونو لمحمد
محمد: الو انور
تيفاوين خدات تركيز من بعد ماسمعات سمية انور لكن حاولات تشتتو مبغاتش تسمع والو على الشمكار
سول انور على حالة تيفاوين وواش خاصاهام شي حاجة وقطع وبقا محمد كيدوي مع تيفاوين حتى دخلات الفرملية دات تيفاوين باش ابنجوها
مسكينة مجايبة خبار بلي غدير عملية تبنجات ومشات فنعاسها دخل الطبيب ابداو فالعملية
ام محمد فكانو دموعو كافيين باش ادويو على الحزن لي فيه كيمسحهم ويهبطو بلا مايتشاور معاهم برك على كرسي خايف خايف بزااااااااف لا ماتنجحش العملية
انور ربت على كتف محمد وشاف فيه
انور: كتبكي اصاحبي
محمد شاف فيه كيمسح دموعو بالزربة
محمد:انور
انور : ختك عزيزة لهاذ الدرجة
محمد: وبززااااف
انور : الله اشافيها
خرج الطبيب هاد المرة مبتاسم وبشرهم بلي العملية نجحات مية فالمية
عاد رتاحو عاد اطمأنات القلوب لي كتبغي تيفاوين
محمد وانور تعانقو فرحانين لهاد الخبر
انور: على سلامتها الحمد لله
محمد كينتاضر اخرجوها من غرفة العمليات اشوف حالها كيف بقات
انور : غتكون بخير وغتولي بخير
محمد: لي داز عليها ماشي قليل وغي الحمد لله لولا صبرها اعلم الله
ضرب انور على كتف محمد: وباقي صغيرة وكلشي كيتعوض ونتا غتكون ديما معاها ياك
محمدشاف فيه بتاسم حيت هو لي حاس وفاهم الوضع ام انور فمعارف والو: غنبقى معاها الا بغات وغنوقف معاها فجنبها ملي تحتاج ليا
خرجوها لتيفاوين فالباياص كتقيى وهي مغمضة بفاصمة بيضة العينين ملوية على راسها بالعرض كامل
محمد وانور تبعوهم حتى دخلات للبيت ديالها قادو ليها الصروم والدم وخرجو بيدما فاقت بالكامل
انور : محمد قول ليا واش ختك عمية خلوق
محمد شاف فيه بأسف : لا لا
انور جاه الفضول : وعلاش
محمد مخلاهش اكمل كلامو : غي مكتاب وصافي
انور : الله اصرف المكاتيب على خير
تاصلات بيهم الضاوية سولاتهم على العملية وقالو ليها لي كان
انور شاف راسو زاد فيه حيت من اصلو معندو حتى علاقة صداقة قوية مع محمد
انور : محمد الله اجيب الشفاء
محمد: امين شكرا وقفتي معايا
انور : الله اودي انا مدرت والو
خرج بحالو وهو مباغيش باغي ابقا حتى تفيق ولكن خاصو ابعد هادشي فصاليحو وفصالح الجميع
دازت سبعة ايام على مرور العملية لي دارت تيفاوين كانت عبارة على زيارات كاع لي كيعرف محمد جا عندو
ام تيفاوين فغتخرج من الصبيطار هاد النهار
الطبيب : بنتي تيفاوين نوصيك الفاصمة اياك وتم اياك تحيديها حتى تمشي عند الطبيب والا
تيفاوين : غي تهنا اسيدي منقربش لها
محمد: غير كون هاني تيفاوين عارفة بقيمة عينيها ومغتغامرش ياك اتيفاوين
تيفاوين بتاسمات وطلعات راسها وهبطاتو بمعنى اه
خرجو من عند الطبيب ومشاو بحالهم ركبها اللوطو وحط ومشاو للدار بركات تيفاوين على سداري
ام محمد فبرك حداها وجبد تليفون كيخربق فيه
تيفاوين : اش كدير
محمد: كنخربق فالفايس
تيفاوين: الفايس
محمد: الفايسبوك
تيفاوين: اشنو هو البايسبوك
محمد: البايسبوك هههههه😂😂😂
تيفاوين :علاش كتضحك عليا
محمد: والفايسبوك الفايسبوك
تيفاوين : اه 😁😁 الفايسبوووووك اش هادشي عاوتاني
محمد : هو واحد الموقع كنهضرو فيه مع الناس كنصيفطو تصاورنا كنلوحو فيه منشورات فيه بزااااف ديال الحوايج
انور : واش انا كنهضر ليك على قلبي لي جرحتيه ونتي كتقولي ديتي الذنوب
تيفاوين : عرفتي اشنو والله لا جاوبتك وبقا تما محمد ايجي دابا وقوليه جيت عندك تاني
مشات تيفاوين لبيتها سدات عليها وخلاتو كيدوي مع الباب
جلسات تيفاوين كتفكر فكلامو جرحاتو ولكن قالت غي الحق اشمن حق اجرح قلب الناس مكانتش كتصور راسها اتجرح شي حد دخل محمد للدار كيعيط على تيفاوين وجدو الكاسكروت وبركو يمضغو وهما كيهضرو على العروبية وناسها لي تواحشاتهم تيفاوين
محمد : تيفاوين مخبية عليا شيحاجة
تيفاوين : لا لا اش غنخبي
محمد: ولايني وجهك
تيفاوين : وجهي مامالوش غي تهنا تصبح علي خير
خرجات من الصالون كانت شوية غتفرش
مشات غسلات يديها ومشات لبيتها صلات العشاء من بعد ما اذن وتكات حتى داتها عينيها جا محمد بغا افيقها باش تعشا ولكن حلفات لا ناضت ليه وقفها حتى نعسها فبلاصتها وغطاها سد الشرجم وخرج من البيت
وسط الدوار على سطح دار مبنية من الطين والحجر واقفة تيفاوين كانت صغيرة فعمرها الدموع بارزة فعينيها والخوف واضح عليها والزيف طاح على كتافها
تيفاوين : عفاك ايطو راك غتموتي
على حافة السطح واقفة بنيتة لابسة قفطان مقهورة باينة على وجهها كتشوف فالارض وترجع راسها كتمايل وتبعد
يطو : انا ميتة مبغيتش مبغيتش
هزات يديها وكتمسح على وجهها بعنف حتى حمار وكتمسح عنقها وهبطات لكرشها وهي كتقول لا لا مبغيتش
حلات تيفاوين عينيها مباشرة قدام محمد لي كيشوف فيها شوية ميل راسو وكيتسنى اش غيوقع
تيفاوين سدات عينيها
الطبيب : مالكي علاش سديتي عينيك
شاف فيه محمد ورجع شاف فتيفاوين
تيفاوين دارت جهة الصوت
وحلات عينيها من جديد
امام البارتما ديال محمد واقف انور كيدق الباب وكيعيط على تيفاوين و بشوية كيدق ويدق مملش حتى دازت نصف ساعة
محمد : والله الا انا لي كبرتها لشي وحدة بحالك
واخا ماشي مشكيل مبغيتيش تجاوبي
طلع للبارتما ديالو دخل طالعة ليه وتكا كيفكر فراسو شوية جبد كارو دارو على فمو هز التيلي ديالو وبقا حاضيه وكأنو كيتسنا اش يدير طاحت على بالو تيفاوين حرك راسو يمين شمال مبغاش افكر فشحاجة اخرى من غير المشروع ديالو خدمتو علاش طيح ليه تيفاوين على البال اصلا ياك غي سكايري هو طاح عليه الضيم سكايري كلمة عجيبة كتقيس الوتر الحساس ملي يتفكرها كيخشي الكارو فمو كأنو غينسى هاد الكلمة عمرو سمعها على راسو شكون غيقولها ليه ياك صحابو وبحالو من غير محمد والضاوية لي غي كاع الى قالو ايقولو الله اهديك
حل تيلي ودخل ليوتوب كتب سكايري كيتسنى معناها لي حافضو على ضهر قلب
ضار شاف فالكارو لي تلاشى وبغا ياكل فيديه طفاه ودار يديه من وراه كيتسنى فالعجب لي غيخرج من يوتوب
واخيرا خرجو صور مشرملين حل فمو كيشوف تصور تيفاوين عليه صورة داك المخلوض لي وجهو مجروح وسنانو كحلين....
ضحك بدون شعور كيقول فراسو واش انا هاكا واش انا حتى حد واش بلاتي ولكن انا سكايري وفكرت فرضى غيري ومفكرتش فلي خلقني
بعض الدموع كدل على الالم ديال الناس طاحو الدموع من عينيه وهو متكي على ضهرو كيدوزو الدميعات لودنيه حس بيهم ناض برك مسح دموعو بالزربة وكأنو مكيسمحش لراسو يبكي مبغاش اضحك على راسو شي نهار ملى يافكر انو بكا حياتو غريبة حزينة وشخصيتو محطمة وكينسيها بالشراب والكارو هادا ماكنسميوه بلية ماشي حل
الطبيب: مالكي علاش سديتي عينيك
كتنفس بصعوبة شداتها الخلعة ممصدقاش دمعو عينيها
محمد : ختي مالكي
كتفكر الضلام لي عايشة فيه كتفكر كيفاش كانت كتعيش مها ديما تخرج تقلب عليها الى تعطلات خايفة لا تمشي ومترجعش ايام وايام وهي فالحزن
محمد وقف تخلع عليها حط يدو على كتافها كيشوف الدموع فعينيها
محمد : واش نتي بخير علاش كتبكي
مسحات دميعاتها وخدات نفس طويلة
تيفاوين : خويا
حلات عينيها بتتاقل جاو عينيها فعينين محمد لي قريب منها
تيفاوين : محمد نتا باقي عينيك زرقين
حلات عينيها على وسعهم
تيفاوين : خويا كنشوفك اه كنشوفك
محمد كيمسح دموعو ممتيقش تيفاوين دارت جيهة الطبيب
والطبيب مبتاسم لفرحهم
تيفاوين : اه انا كنشوف شفتك شفتكم
هزات يديها لي كيرجفو كتشوف فيهم مسحات على وجهها ممتيقاش
تيفاوين : كنشوف كنشوف ياربي لك الحمد وليت كنشوف
عينيها كيدمعو وقلبها بغا يسكت
الطبيب : على سلامتك على سلامتكم المهم واخا تهدنو شوية
محمد: واخا واخا
الطبيب طلب من تيفاوين تنوض فحص عينيها سولها عدة اسألة اش كتشوف
خاضك ضروري تولي تلبسي نضاضر ضد اشعة الشمس حتى تولفي ماشي ديما ولكن مرة مرة خاصة ملي تخرجي
محمد : واخا ادكتور
الطبيب : هانا غنكتب ليك الطقطيرة مرة فالنهار
محمد : شكرا
وقفو خرجو بحالاتهم وتيفاوين كتسد عينيها وتحلهم ومحمد حاضيها وكيضحك علي تصرفاتها
ركبو اللوتو محمد ضار السمطة لتيفاوين لي كتشوف حالة فمها
تيفاوين : علاش كضحك
محمد : زدتي فيه مالكي اول وحدة تشوف كاع
تيفاوين : وعلاش كنتي كتبكي
محمد دار عندها بالزربة طلع حجبانو وعوج فمو
محمد : انا كنبكي هههه لا نتي مكتشوفيش مزيان
تيفاوين : لا والله تا شفتك
محمد: لا واش تصطيتي انا نبكي ولاش هه
تيفاوين : شتك شتك مرضيتيش
محمد بقلل عينيه حال وكيحك بصبعو على لحيتو وكانو تفكر شي بلان
محمد : عرفتي اشنو تفكرت واحد الحاجة هههههه
تيفاوين : اشنو
محمد : لا والو خليني صايك دابا
تيفاوين :قول قول والله تا تقول
محمد: قلتي ليا قبيلا عينيك باقين زرقين على امتا كبتبدل لون العينين
تيفاوين تفكرات وهي تموت بالضحك على راسها
محمد شاف فيها : ايسحاب ليا مغترضايش
تيفاوين : هههه الله الا هههههه
محمد : الله الله معامن انا
تيفاوين : فيا الجوع
محمد : هههعهه هادشي لي ضارك
ضارت كتشوف فالجاجة ابتاسمات
تيفاوين : شوف السما زرقاء ياه شجرة كيقولو المدينة مفيهاش الشجر الديور انا كنشوف
محمد شاف فيها بتاسم دار مركز مع الطريق
محمد : غتشوفي اختي بزاااااف ديال الحوايج ايعجبوك انشاء الله
تيفاوين : انشاء الله
دازت يومان وتيفاوين ممتيقاش نهاءيا بلي غتولي تشوف حياتها غتغير من الاسوء الى الاحسن
كانت واقفة على نموسية خوها كتنقز وتعاود بحال شي درية صغيرة شوية تخربقو ليها الملامح تفكرات انور ملي كان كيدق يليتو يدق وتقول ليه سمحت ليك سمحت ليك حتى سمعات القفل ديال باب الدار كيتحل دخل محمد
هبطات من فوق النموسية بالزربة
وخرجات من البيت
تيفاوين : خويا رجعتي بكري
محمد : عارف عارف الشهرين قربات تكمل وخاصني نبقى مع ختي شوية
تيفاوين : اه بلا متفكرني
محمد: يلا لبسي حوايجك غنخرجو ندورو شوية
تيفاوين : بصح
مشات كتجري لبسات جلابتها الزرقة ولبسات فولارها الكحل وخرجات عند محمد
محمد : كوني غي مرة كي البنات وتعطلي شوية
تيفاوين دفعاتو : زيد زيد بغيت نتسارا كازا كاملة
خرجو ركبو اللوتو وشدو الطريق
محمد : اليوما غنمشيو لجامع الحسن التاني
تيفاوين : ههه بغيت نشوفو ونشوف البحر
محمد : ههههه
وصلو للجامع وبقا محمد كيقلب فين احط لوتو وقف كيتسنا واحد العساس اما تيفاوين كتمنضر فالبنات لي طالقين شعوراتهم ولابسين الشورطات ومرة مرة كتضور تشوف خوها واش كيشوف لي جاها عجب
كتسد عينيها وتحلهم ضربات عينيها فواحد السيد واقف مع واحد الانسة شاد ليها فيديها واقفين فواحد القنت بعيدة على الناس لاسق فيها وهي حالة فمها كضحك وكيقرب وجهها من وجهو
تيفاوين : ويلي ويلي
محمد ضار عندها : مالكي
ضارت بالزربة شافت فيه وكتقلب على اش تقول
تيفاوين : لا والو تفكرت كاع معيطنا لبا
محمد : اه عيطت ليهم
دمارا اللوتو وسطاسياناوها ومشاو جيهة الجامع كيدورو تيفاوين كتنقز من بلاصة لبلاصة كي الهبيلة
حلفات تدخل للجامع عند العيالات لكن محمد مخلاهاش تقدر توضر عارفة متسول حد ودغيا تنسى الطريق
سلتات ليه طلات دربات دويرة ورجعات لقاتو داير حالة كيقلب عليها كاع العيالات لي خرجو من الجامع كيسولهم ومخلا فيها لي تنسى باش تعلم متسمعش الهضرة وقفو كيشوفو البحر شوية
وعاد سارات معاهم امشيو اياكلو شحاجة
داها لواحد القهوة قريبة وبركو خداو سندويتشات حيدات تيفاوين ننضاضر وحدرات راسها تمضغ على خاطرها ملي سالات السندويش ديالها هزات راسها مكتجي غي عينيها فعين واحد الشخص غتكون سنو فايتة التلاتين هو بدورو كاين كيشوف فيها شوفات ماشي تا لهيه حدرات راسها بالزربة كتشوف سولها محمد واش بغات شيحاجة اخرى قالت ليه لا اوا وقفات معاه باش اخلصو شافت فداك الشخص شافت فيديه لي صبعانها مخشية فصبعان البنت لي معاها
ايييه دوك الجوج هما دوك الجوج لي شافتهم قبايلة واش مكيحشموش
هز داك الشخص عينيه لقاها كتشوف فيه شاف فيها متعجب لكن نغزها محمد شدات فيديه مخلوعة
محمد : مالكي
خرجو من القهوة
تيفاوين : يلا نرجعو للدار
محمد : واخا
ركبو اللوتو ومشاو بحالهم
باركة تيفاوين مع الضاوية كيتغداو ويدويو
الضاوية : ويديك بنينة تبارك ولايني حااااار
تيفاوين : ليبزار تغالط ليا مع سكنجبير ههه
الضاوية: يلا خليني نطلع ننشر راباقي خاصني ندوز عند
سلمات الضاوية على تيفاوين وطلعات عند انور تجمع ليه الدار وهو فيها نيت وكالعادة الروينة تابعاه ونكير الضاوية فوق من راسو وكغير عادتو غي ساكت مكيجاوبهاش والضاوية حسات بيه
الضاوية : مالك اانور
انور رفع راسو شاف فيها : مماليش
الضاوية : والله تابيك شحاجة
بقا كيشوف فيها
انور : شتي ذيك البنت لي للتحت ديك خت محمد
الضاوية : اه تيفاوين مالها
انور: بصراحة قلت ليها شيحاجة جرحاتها
الضاوية : اه عاوداتليا مديرش فبالك تا نتا
انور : بصراحة ولو كانت عندي ختي منبغيش لي يجرحها
الضاوية : وقولها لمحمد وطلب منها السماحة
انور : اشنو اشنو ههههه لمن محمد كضحكي عليا لا
الضاوية : ممم' عرفتي اشغدير دابا هي غتكون طالعة للسطح تنشر الحوايج طلع عندها طلب السماحة وهبط بالزربة راهي قلبها كبير اتكون نسات ديك الهضرة
انور متعجب : هي فالسطح بوحدها
الضاوية : اه اه طلع سربي وعنداك اشوفك شي حد من الجيران
انور وقف بالزربة خارج : متخافيش
كانت تيفاوين كتنشر وشادة فالحبل كتخمم فانور نيت بينما هو واقف حدا باب السطح كيشوف فيها معارف ميقول ليها بغا اهبط لكن قرر اتشجع
تيفاوين هزات السطل ذازت بسرعة حداه مهبطة راسها مقدراتش تشوف فيه
لكن هو تجرأ وشدها من كتفها باين عليه الغضب عليها ضارت بسرعة طاح السطل فالارض شافت فيه حالة عينيها مخلوعة
انور : مطلبت منك والو علاش كلشي كيقول بلي نتي حنينة ولكن قلبك قاسح بحال الحجر
هي غي ساكتة كتشوف فيه كترجاه بعينيها احيد يديه شاف فعينيها لي ميرجفو من وراء النضاضر عاد لاحضها كتشوف فيه شافت فعينيه وفيديها لي مربوطة فالسماء وسط يديه طلق يديها بشوية هي رجعات لور هزات السطل وضرباتها بجرية
اما هو واقف بحال الى مصدوم
انور : هادي كتشوف
واقفة سادة عليها الباب كتنهج شداتها اكبر خلعة فحياتها
لا لا مسامحة ليه مساحة غي اعطيها شبر التيساع وصافي اش داها لهادشي كامل كون قالت ليه مسامحة ليك ميوقعش هادشي كامل تحل عليها الباب وسط موجة افكارها المرونة
محمد شاف فيها متعجب شايف الخلعة نايضة فوسط عينيها
محمد : مالكي
تيفاوين : ماماليش
محمد : فين كنتي
تيفاوين : كنت فالسطح ننشر
محمد شاف فالسطل : علاش السطل مهرسا ليه يدو
تيفاوين : لا والو اخويا
حيد ليها نضاضر من وسط يديها شاف فيهم كلاو الدق
محمد : اشواقع ليك اتيفاوين
تيفاوين :لا والو غي طحت فالدروج
محمد : طحتي موقع ليك ياك
تيفاوين : لا متخافش را السطل ونضاضري لي طاحو ماشي انا
هبطو الدموع دارت يذيها على وجهها كتمسحهم وكأنها هي ام هاد الولد لي مات لكن هي مخايفاش علي الولد اكتر ماخايفة على مصير تيليلا
تحطات يد على كتفها ضارت بسرعة وعلى عكس توقعاتها
محمد : من الصباح وانا نقلب عليك يلا نهبطو يلا
تيفاوين : بغيت نبقى شوية هنا كنحس براسي كنتنفس
محمد : واخا ولكن متعطليش انا غنمشي نجيب ماناكلو ونرجع
تيفاوين طلعات راسها وهبطاتو بمعنى واخا
وقفات كطل من الشريجم الصغير لي فالسطح كتشوف لي جاي ولي غادي كتشوف الكبير والصغير كتشوف كفاش الحياة قصيرة شافت خوها دايز غادي برجليه تبعاتو بعينيها حتى غبر وبقات كتشوف فواحد السيدة غادية مع راجلها هاز بنيتة صغيرة كيضحكو
تيفاوين : علاش حنا المرأة لي تضحك مع راجلها قليلة الحياء علاش منخرجش ونضحك نقرى ونتعلم بحال هاد الناس علاش معيشينا فالضلمة علاش نتزوج بواحد قدي جدي واش هادشي لي بغا ربي ولا لي بغاو كنحس براسي تقهرت ياربي اشنو هو الحل
تيفاوين : عرفتي شحال من عام وهي عايشة فالعداب حتى جاب ليها الله داك الولد واعلم الله راجلها اشغيدير ملي يسيق الخبار اقدر اقتلها
محمد: اشهاد الجهل مالها اشدارت ليهم لا حول ولا قوة الا بالله من ناحية الولد ولا باه
تيفاوين : العيشة المرة لي صعيبة ام الموت مكتوبة علينا كاملين
وقفات خرجات من البيت محمد شاف فيها
محمد تنهد : ايييييه الله ارحمنا كاملين
و خرج تبعها
تيفاوين : قلتي ليا غدير ليا بحال تلفونك
هز محمد حجبانو وشاف فيها
تيفاوين بتاسمات : غي كنضحك معاك هههه
محمد: فين وصلتي فدروسك شغتك مكتراجعي والو
تيفاوين : اووووف مليت مليت
محمد : مستحيل اتيفاوين الى بقيتي بحال هاكا مغديري والو
تيفاوين : لا راني ساليت
محمد : يلا جيبي دفتارك نشوف
تيفاوين : واخا واخا
مشات لبيتها وجابت دفتار وواحد ستيلو زرق
محمد : يلا بركي نشوف
بركات حداه حل الدفتار وكيشوف ويخنزر فيها
محمد : اشهاد الكتبة ياك قلت ليك كتبي فالسطر
قلب الصفحة الاخرى
محمد: فين غادا فين علاش كتكتبي قبل من الخط الاحمر
تيفاوين : ونتا لي كتقول ليا نفوتو
محمد : ومتقربيش متقربيش ليه معامن انا معامن
تيفاوين : وعلاش كتغوت دبا بناقص من هادشي كاع
شد راسو وتنهد تاففف محمد: الى مكتعرفيش تكتبي وتقراي راكي بحال الحجر مكتسواي والو وحنا لي قاريين ومطفرناهش ماعساك نتي
تيفاوين : هانتا قلتيها اش غانستافد من هادشي كامل راني كتر من الحجر غي خليني
محمد: مباغاش تقراي القرآن
تيفاوين : لا بالعكس من قلبي
محمد: وكي غاديري ليها قراي هاد الجملة قراي
تيفاوين : اووووف
بقات كتشوف الكلمة على شحال
تيفاوين : ا... ك.... م اكم
محمد :اكل
تيفاوين : اكل ا.... س.... ا...... مة
محمد: اهاااه
تيفاوين : اكل اسامة اسامة اسامة
محمد: وكملي
تيفاوين : اكل اسامة معرفتش هاد الحرف
محمد : ت
تيفاوين : اكل اسامة تفااجة
محمد : حيدي عليا الله نتي مغتعلمي والو واش سمانة وانا وياك فتفاحة
تيفاوين : وراني معرفتش
محمد : عرفتي اشنو كتبيها كتبي هاد الجملة
تيفاوين هزات ستيلو باغا تكتب
محمد : وسعي وسعي لهيه ملي تسالي جييي نشوف
جرات الطابلة وبقات نص ساعة وهي كتكتب فالجملة
محمد : ساليتي
تيفاوين : بلاتي بلاتي
محمد غوت : وسربي اوووووف
تيفاوين : واخا واخا
هزات الدفتار ومشات عندو
شد الكتاب شاف فالكتبة وشاف فيها وشاف فالكتبة وشاف فيها
محمد : فخبارك عمرني شفت برج خليفة يلا عرفت كفاش نوصل ليه
تيفاوين : اشناهو هادا تاني مخبازة
محمد : بغيت غي نعرف فين غادا وعمرني فحياتي شفت شي حد بادي من اللتحت وغادي بحال الى طالع فالسلوم
تيفاوين : وصافي هادشي لي كنعرف انا
محمد : دبا هادشي نسميوه عرف
لاح عليها الكتاب وشداتو
محمد : شتي نتي القرآن كلمة وحدة منو مغتقرايهاش
تيفاوين : لا لا غنقراه
محمد : ههه باينة
تيفاوين : ودبا تشوف
محمد : راني كنشوف غي خلينا ساكتين
هزات دفتارها ومشات لبيتها
ام محمد فبقا كيضحك
محمد : على الله تولي فيك النفس
كان سمانة قد طارت كرساتها تيفاوين على دفتارها كتقرى وتكتب واي كلمة شافتها كتهجاها على الاقل ولات عارفة الحروف باتقان وكتكتب مقاد خاصها غي تدرب على القراءة ولات كتخرج بوحدها لكن حدها حد الحومة لي ساكنة فيها
كعادتها سدات دفتارها وبقات كتخمم فالبلاد فانور
تيفاوين : زعما ولاد البلاد ايكونو زوينين بحال هادو وخويا بعدا كيحمق يلا فهمت تيليلا علاش غي سايرة تخمم فيه اعلم الله حالتها بعدا راجلها مسايق خبار الله اخليها رجلة واخا يكون ميت هادا اودي الحكرة الحكرة واش ربي لي بغا لينا هادشي ولا حنا لي بغيناه الصبر الصبر وصافي
وقفات مشات الكوزينة هزات جوج دراهم والسوارت لبسات عباية كحلة مزوقة بالزرق ومزيرة من جهة اليدي قادات فولارها لبسات نضيضراتها وخرجات من الدار مبتاسمة كالعادة هبطات من الدروج بخطوات تقال تمشات كتشم الهواء الملوث ديال الدار البيضاء مشات عند مول الحانوت لي كتاخد ديما الخبز وعمرها فاتو
تيفاوين : السلام عليكم بغيت عفاك خبزة
مول الحانوت: مبقاش ابنيتي الخبز
خرجات من عندو وقفات حدا الباب معرفات مدير واش اتبقى بالجوع حتا يجي محمد ولا اشنو
دفعها واحد الراجل بغا ادوز كمل طريقو وهي تدخل عند مول الحانوت
تيفاوين : عفاك اعمي واش كاين شي حد كيبيع الخبز قريب من هنا
مول الحانوت : اه كاين خبز الدار را قريب لهنا مع الدورة من هنا سيري ديريكت اتلقايه
تيفاوين : واخا الله ارحم ليك الوالدين
خرجات من المحل ضربات الدورة كما قال ليها دخلات فوسط زنقة وتمشات نيشان كتقلب على مول الخبز
تيفاوين الجزء الثاني
محتوى القصة
التنقل بين الأجزاء