دازو ساعات كثيرة... و حطات الطائرة اخيرا فوق التراب الأسترالي. . واخا السفر كان طويييل و عاد عفت تعذبات فيه عفت بزاف .. بوحدها و معاها نعمة اللي كاتحرك بزاف و عيات و عاد قتلاتها كرشها كل شويا كاترد. .. نزلو من الطيارة و كان الصباح .. وقفات حتى خدات الباكاج ديالها .. و دارت الإجراءات و شرات بيي ل دبي .. تما قررات تستقر. . هي جات لهنا غي باش اللى قلبو عليعا مايلقاوهاش. . بغات تلفهم .. خرجات كادور شويا حدا المطار على ما و صل وقت الرحلة الجاية. .
خدات شي حاجات ل نعمة و مشاو كلاو ف ماكدونالد و لعبت نعمة شويا حينت جاها الملل .. و مشات خدات تيليفون جديد و دارت فيه رقم دولي .. كملو دورانهم و قري وقت الطيارة .. عاودات رجعات للمطار و دارت الإجراءات .. و بقات كاتسنا وقت الرحلة ...
سمعات النداء .. و مشات طلعات .. جلسات ف بلاصتها و نعمة فوق رجليها ماكاتبغيش تفارقها. . و من الجهة الاخرى جلسات حداها امرأة باينة من ملامحها عربية .. امرأة كبيرة ف العمر و باين النور على وجهها ..
دارو حزام الأمان .. و قلعات الطيارة .. و مع صعيب شويا .. عفت حسات ب خاطرها تروعات .. لاحظات المرأة ملامح عفت المنزعجة و هي تدوي:( بلهجة فلسطينية) : بنتي .. واش حاسة براسك مزيان ؟؟
حركات عفت راسها بالإيجاب و لكن ملامحها كايبينو العكس المراة: نوضي ا بنتي سيري للحمام حالتك ما عجباتنيش. .
عفت: لا لا مافيا والو .. مانقدرش نمشي و نخلي بنتي بوحدها
المرأة : غي نوصي ا بنتي هاهي معايا .. و لا ياكما خفتي مني .. راني غي حداك ماعندي فين نمشي ..
ناضت عفت و خلات حداها نعمة اللي دغيا جمعات غوباشتها و بغات تبكي .. غي المرأة بقات كاتحزرها. . أما عفت دخلات للحمام و ردات غي المرار و وجهها صفر و شنايفها بيضين. .
رجعات لبلاصتها و هزات نعمة اللي تخشات فيها
المرأة : بنتي .. حالتك ما عجباتنيش. واش مريضة ؟؟
عفت:والو.. مافيا والو. يمكن غي بالطيارة
المراة: ولو ا بنتي الطيارة ماكاديرش هاكاك .. اممم و لا ياكما. . حينت وجهك مخطوف فيه اللون .. ( ابتاسمات) أمم إلى ما خفت نكذب واقيلة حاملة
خرجات فيها عفت عينيها مصدومة: كييفااااااش! ! لا لا مستحيل .. غي العيا و صافي
المرأة : اممم واخا ا بنتي اللي بان ليك .. ولكن انا رآه والدة 6 ديال النفوس و عاد بناتي و عيالات ولادي شفتهم قدامي .. نتي ا بنتي مللي توصلي ماترخيش على راسك و سيري شوفي الطبيب .. و إن شاء الله يكون خير ..
عفت: أن شاء الله.
بقات عفت جالسة كاتلعب مع نعمة و تلاهيها و المرأة كاتقرا القرآن ..حتى نعسات نعمة و بقات عفت حاطة يديها على خدها و باينة فيها مهمومة. .
شافتها المرأة هاكاك و هي تهز راسها بيديها و حطات راسها فوق رجليها و بدات كادوز على راسها ف حنان و تقرا عليها القرآن. . حسات عفت بالراحة اللي دغيا تقلبات بكا و تنخصيص. . كاتشهق و تبكي بصوت منخفض. . و المرأة مخلياها على راحتها حتى تفشات. . مسحات عينيها و ناضت : سمحيلي ليا ..
المرأة : باينة فيك ابنتي عانيتي و قاسيتي بزاف .. راه لا يكلف الله نفسا إلا وسعها. . طلقينا ا بنتي فيد الله ..
عفت:عييت ا الآلة عييت .. مابقيتش قادة .. حاسة براسي هازة هموم الدنيا ..
المرأة : عاودي ليا ا بنتي .. يمكن ترتاحي .. و رآه انا غي امرأة غريبة ماغانآذيك ماغاندير ليك والو ..
عفت بحال عطاتها الضو الأخضر .. بدأت كاتعاود و تبكي .. ساعتين و هي كاتهضر و تدوي .. حتى المرأة بدات كاتبكي معاها .. بقات فيها .. كيفاش بنت صغيرة عانات هادشي كامل ..
كملات و مسحات عينيها و هي تقرب ليها المرأة و باست ليها راسها و دوات : انا ا بنتي سميتي نوال. . أصلي فلسطينية .. كنت ف فلسطين عايشة و عائلتي ناس مافحالهمش. . انا كنت الكبيرة .. عندي 17 سنة و كنت زوينة .. كان الحرب بدات .. دمرو المدرسة و دمرو فين كنا عايشين .. ولين ساكنين غي ف مخيمات .. شفت واليديا
و خوتي كايموتو قدامي و خوتي اللي كبار عتاقلوهم. . بقينا هاكاك حتى لنهار اللي جا ل عندنا شي ناس من الخليج. . فيهم أطباء و مستثمرين .. بغاو يعاونونا. واحد من الأطباء اللي كان مشرف على حالة خويا الصغير آخر واحد بقا ليا .. عجبتو و تغرم بيا .. و تزوجنا و مشات معاه ل دبي .. و خديت معايا حتى خويا .. كان راجل طيب .. تهلاي فيا و غرقني حب و حنان و عطف .. عوضني على غاع سنين الحرب اللي عشت .. رزقنا الله ب 6 ديال الأولاد. . و ربي بغاه و خداه .. دازت عليا فيعا و لكن رضيت بحكم القضاء و القدر ... و بقيت عايشة مع ولادي .. و دابا كنت عند واحد فيهم ف أستراليا. . ( شدات ل عفت ف يديها) سمعي ا بنتي .. انا عاودت ليك قصتي باش تعرفي باللي مورا العاصفة كايجي الجو الزوين .. نتي ربي بتالاك و متاحنك. . و نتي صبرتي و ربي غايجازيك. . و هادي بداية جديدة ليك و ل بنتك. . إشارة من آلي باللي مازال كايتسناك مستقبل زاهر .. نتي ما عندكش فين تمشي ف دبي .. ماعارفة حد. . ياك؟،
عفت: ااه. .
ابتاسمات نوال:اوا صافي طاحت و صبناها. . انا عندي عمارة .. ساكنة ف برطما كبيرة و جوج من ولادي كل واحد مزوج و ساكن ف وحدة .. و باقيين شي برطمات خاويين. . وحدة فيهم اللي عجباتك جلسي فيها. .
عفت: لا لا ماكاين لاش ا مدام ..
نوال :أولا انا ماشي مدام .. انا سميتي ماما نوال .. و ثاني حاجة .. نتي راك دابا بحال بنتي .. انا ربي ما رزقنيش البنات .. عندي غي الأولاد و نتي غاتكوني بنتي .. انا خديت وعد بيني و بين نفسي و ربي شاهد عليا .. غانبقا معاك حتى توقفي على رجليك .. و ترجعي قوية .. و تعوضي غاع سنين العذاب اللي دوزتي ..
عفت: بدات كادمع: ماعرفتيش اش غانقوليك ..
نوال: ماعندك ماتقولي. . نتي بنتي دابا . و بنتك بنتي .. مرحبا بيك عندنا .. و من قلبي كانتمنا ليك الخير و النجاح و الربح. .
رتاحت عفت نسبيا واخا باقي خايفة .. حينت داكشي اللي داز عليها ولا صعيب عليها تيق فالناس .. و لكن عاد المرأة رتاحت ليها .. بحال شي طوق ديال النجاة تمد ليها. . بحال شي حبل ترما ليها و هي وسط البحر كاتواجه الأمواج الهايجة. . حمدات الله و شكراتو و دعات ربي يوقف معاها و مايخيبش ظنها هاد المرة ..
حطات الطائرة ف مدينة دبي .. المدينة اللي كل واحد فينا كايتمنا يزورها. . ناضت عفت هازة نعمة و من وراها نوال لابسة عباية زوينة وراقية و شال ديال الحرير و وجهها فيه نور غريب .. و ف يديها تسبيح. .
دارو الإجراءات .. و خرجو من المطار .. جا الشيفور كايجري هز ليفاليز. . و تبعوه. . عفت غي كاتبلق ف عينيها .. هاد المدينة الحديدة اللي غاتعيش فيها .. عمرها فكرات حتى تخرج من مراكش هاهي مشات ل كندا و سيدني و دابا دبي. . لقاو اوطو آخر ما كاين ف السوق .. نزل منها شاب زوين .. ف مقتبل العمر .. ملامحه حرشين و كحلين و طويل و صحيح. . و لابس شيك. . جا دغيا تحنا باس يدين نوال و راسها و كايبتاسم. . شداتو من يده و جابتو حظا عفت اللي هازة نعمة ..
نوال:ولدي .. هادي بنتي عفت .. جات معايا
مد ليها يديه و سلم و عليها بابتسامة و وجهو مطلوق و مبشور و كايجيب ف نوال ..
نوال: بنتي هادا ولدي الصغير فهد ..
عفت متوترة و حشمانة: م.. متشرفين .
فهد:الشرف ليا .. أمم الحاجة ياكما تعذبني فالطريق .. مشيتي و خليتي علينا بلاصتتك توحشناك بزاف ..
نوال: اوا عاني رجعت و جيت بصداعي تاني
باش ليعا راسها:اش هاد الكلام ..
عفت بقات كاتشوف فيهم و عجباتها علاقتهم. .
مشاو و ركبو فاللوطو و كان فهد اللي سايق و حداه و نوال و عفت اللور ..
من بعد نص ساعة ديال الطريق .. واخا الليل و لكن دبي زوينة فالليل .. كلها ضواو و عصرية بزاف لا علاقة مع المغرب .. عفت بقات حاضية الشوارع و البنايات اللي كبار حتى دخلو ل حي راقي ... و وقفو قدام عمارة كبيرة و طويلة .. و باينة راقية .. قدامها بزاف ديال العساسة. . اللي غي شافو نوال جاو كايجريو كايسلمو عليها و كايقولو ليها على سلامتها. .
دخلو مع الباب اللي كان كله بالرخام .. و عفت حشمانة و غادية منزلة راسها .. طلعو شي دروج و وقفو قدام باب كبير ديال الخشب المنقوش. . كان محلول و قدامو امرأة زوينة بزاف .. باقي صغيرة .. شعرها طويل و كحل و لايحة عليها شال و لابسة عباية ديال الدار منبتة و راقية .. و صندالة طالون و دايرة ماكياج. . و حداها خدامة فيليبينية هازة مبخرة فيها ريحة العود و البخور ..
بدأت هديك المرأة كاتسلم على نوال و فرحانين حينت شافو بعضياتهم. . نتابهات هديك المرأة ل عفت و هي تقبطها نوال من يديها و قرباتها حداهم : هادي بنتي عفت .. غاتسكن معانا ف العمارة ..
سلمات عليها بابتسامة على وجهها ..
نوال: هادي نور .. مرات ولدي فهد
عفت: متشرفين. . مرحبا بيك عندنا ..
دخلو للدار اللي كانت كبيرة و كلها صالونات و ريحة العود مالية الارجاء. . جلسو ف صالون خليجي بامتياز لونه ذهبي و بيج .. و كان محطوط القهوة الي ضرورية عندهم و معاها حلويات شرقية و شوكولا. . قدمو لعفت و رحبو بيها و محسسينها باللي هي وحدة منهم و كايعرفو ها من شحال هادي .. لا ولد نوال لا مراتو كانو ضريفين. . و نور كل شويا كاتهز نعمة و تبوسها. . داز شويا و سمعو الحس . حتى دخلو 3 ديال الدراري صغار .. جوج بنات تويميات تكون عندهم ديك 6 سنين و ولد عنده 9 سنين .. جاو تلاحو سلمو على جداهم و فرحانين. عاد تبعهم راجل حتى هو طويل و عريض و عندو نفس ملامح فهد غي هو كايبان كبير عليه .. سلم على نوال و جلس ..
نوال: و هادو. . باست الولد هادا إباء و هادو الزوينات جنى و هيا. . ولاد ولدي جابر .
نوال شافت فيه و قالت: جابر .. فينها لمار .. ياكما عيانة. . مالها ما نزلات ..
جابر : اححم اا لمار خارجة .. دابا تجي.
نوال دارت براسها لا حول ولا قوة إلا بالله و فهد شاف ف نور و غمزها. . أما عفت مافهماتش نظراتهم و اش قصدو بيهم و مالهم مع هاد لمار ...
جات الخدامة علماتهم باللي العشا تحط .. و تجمعو على السفرة اللي كان فيعا أشهى الأكل .. الخليجية و الفلسطينية. . بقات عفت كاتاكل بشويا و كاتوكل معاها نعمة اللي غي مخشية فيها حينت باقي ماولفاتهمش. . و عاد نظرات جابر اللي ختارقوها. ..
سالاو و ناضو عاود للصالون و حطو ليهم الشاي ..
نوال: بنتي عفت .. دابا نتي غاتباتي معايا هنايا و حتى ل لصباح انشاء و طلعي تشوفي الدار .. و كرة خرا مرحبا بيك بيناتنا
عفت حشماتة: ترحب بيك الجنة .. و الله مارعرفتش اش نقوليك .. حشمانة منك ..
نوال:راني بحال ماماك . نوضي ها الخدامة توريك فين تستاراحي. . و دي حتى بنتك تنعس .. راه عييتو بالطريق .
ناضت عفت و هازة نعمة و تمنات ليهم ليلة سعيدة و مشات .. و بقا جابر متبعها بعينيه ..
نوال تنهدات: اييه مغربية .. كون تشوفه اش داز عليها مسيكينة. . الكلام كثير و السكات حسن .. دابا هي وحدة مننا و ممانبغيش نسمع باللي شي واحد فيكم قلقها. . راها بنتي ..
نور: الله يكون ف عاونها مسكينة و باقي صغيرة و زوينة بزاف .. غاعما سحابني هاديك بنتها .. الله يخليها ليها ( قالتها و فعينيها حزن كبير)
لاحظها راجلها فهد و زير على يديها و دوات نوال:و حتى نتي ا بنتي الله يرزقك الذرية الصالحة و شي وليد تفرحي بيه نتي و ولدي فهد ..
نور: اميين يا ربي ...
كملو جماعتهم و كل واحد ناض انساحب ل دارو. . و نوال مشات طلات على عفت لقاتها ف سابع نومة .. غطاتها و خرجات لبيتها حتى هي تنعس .. أما ولادها .. ف فهد طلع هو مراتو لدارهم. .و كايحاول ينسيها ف الحزن اللي مدفون فيها .. 3 سنين و هما مزوجين و مارزقهمش الله بوليدات و تزوجو عن حب .. أما جابر ف طلع هو ولاده و صورة عفت قدام عينيه و متشوق يعرف قصتها. . ولادو نعسو و هو بقا كايتسنا مراتو اللي همها هما الفلوس و الماكياج و الشوبينغ و الخريج مع صحاباتها أما راجلها و ولادها هدوك آخر همها ...
▪▪▪▪▪ صبح صباح جديد على مدينة دبي ..
كانت عفت كاتفطر مع نوال و نعمة حداهم كاتلعب. . كملات و ناضت هي و نوال طلعو توريها الدار ..
دخلات عفت و بقات كادور فيعا و تقلب و نعمة حداها كاتلعب. . و نوال نزلات تشوف شي حاجة .. عفت سدات عليعا الباب و بقات كاتشوف ب إعجاب فالدار .. حمدات الله مللي سهل ليها الأمور .. و هاهي دابا غاتسكن فدار زوينة و ماشي بوحدها مع ناس ضريفين. .
للحظة حسات بضبابة على عينيها .. و دوخة خلاوها تطيح فالأرض فاقدة الوعي و الدم عمر حوايجها و نعمة حداها. . شافتها هاكاك و حماتها بكا و الباب مسدود عليهم ...
بقا رعاد مدة فنفس الوضعية وهما غير كيشوفة فيه تشجع جياس وحط يدو على كتفو رعاد دار عطاه كروشي طيحو الاورض ورجع شنق على قيس كيغوت
رعاد:نتوما سباب ..خرجتو علينا...بسبابكم خرجت على راسي..دفعو ودار كان حداه بوطو ديال ضوء بقا كيضرب فيه بكل جهدو وخا هلك يدو ولكن داك لوجع مقارنة مع لوجع لي فقلبو ولوجع لي تسبب ليها فيه مكيسوى والو ..بقا كيغوت ويضرب تجمعو شي ناس عليهم كيتفرجو واغلبيتهم كفاهمينش اش كيقول ..حيتاش اغلبية هدرتو كانت بالفرنسية مخلطة مع الانجليزية ..ناض عندو جساس شدو من لور وجبدو دفعو جيهت طوموبيل ..
جساس:تهدن ..دبا ماشي وقت تفقد اعصابك ..طلع وباركة من تبرهيش ..(شاف فناس صاعر) مكنشطحش لقرودة هنا
طلع رعاد ويدو كلها مورمة ومنفوخة جساس تبعو طلع وكسيرا موقف حتى لكلينيك شاف فيه رعاد مخنزر وبلا ميهدرو نزل دارو ليه جبيرة حيتاش الحمد لله متهرس غير تشق ليه لعظم ..خرجو فسكات شافو جساس متاجه في اتجاه المعاكس لطوموبيل
جساس:هييييه سيريوس بوي..
رعاد دار خنزر فيه ورجع كمل طريقو خذا تاكسي لاوطيل وطلع دخل نيشان لدوش فتح لما بارد ودخل بيه بكسوتو واقف حاط يدو على لحيط وذكريات تعذيبو ليها والهدرة لي كان كيقولها ليها كلها كتفوت قدامو وغير مكيزيد يكره راسو
رعاد:علااش ...علاش اذيتها واذيت راسي بهاد شكل ...علاش يا ربي...علاش عندت ومسمعتش ليها ...(جلس فشلان ولما كينزل عليه محس غير بدموعو تخلطو مع لما..بقا مدة هكذاك ..خرج لبس غير شورط وهز قرعة ديال ويسكي جلس كيشربو سيك بلا ميخلطو محس غير براسو غاب ماشي نعس ...مفاق حتى لغذ ليه على صوت تيليفون كيصوني حل عينيه بصعوبة ...كيتمنى انو كاع داك شي لي وقع غير كابوس وغادي يحل عينيه فبيتو فكندا عفت ناعسة حداه ونعمة تكون داخلة عليهم تتكور كيف عادتها حل عينيه كيبان ليه ظلام من زاج ديال لسويت ..ناض بتثاقل هز تيليفون لقاه المساعد ديالو وتصدم فتاريخ ديال نهار ومن ساعة لي فاق فيها وزيد عليها كتر من 80 مكالمة بلا لميساجات مهم تيليفون كان غادي يطرطق ...ساعة كانت ل 3ديال ليل نعس نهار كامل بنهارو وليلو ..كأنو كان كيحاول ميفيقش ...وهو هكذاك رجع اامساعد.كيتاصل بيه جاوبو بصوت غليظ
رعاد:اش كاين مالنا على هاد صداع ؟
المساعد:مسيو سمحلي ولكن لحاجة
رعاد توكض وقلبو قفز من بلاصتو:مالها ..الحاجة شنو عندها؟
المساعد:خاصك ضروري تجي
رعاد قطع عليه ولبس سروال دجين مقطع وتريكو بلا مونش رمادي فوقها شميز دجين محلولة وطاوي ليها ليدين هبط كيجري خز طوموبيلتو وشد لوتوروت بين مراكش وكزا محسش بطريق معرفش كيف دار حتى لقا راسو قدام لفيلا فين هما دخل لقا المساعد ديالو والخدم كلشي فايق والحاجة فبيتها خارج من عندها طبيب زاد فيه ودخل همو الوحيد هو يشوف مو ..طول طريق وفكرة انو ممكن يفقدها كانت غادي تخرجلو عقلو شحال من مرة كان يسهى على طريق ويتوكض فاخر لحظة...دخل عليها كيجري وقف كينهج شد يدها بغا يبوسها وهي تخطفها منو ودورات وجها كانت باينة عليها لمرض صفرة وعينيها محوطين وشفايفها بيضين وناشفين ...
رعاد بترجي:الوليدة..شوفي فيا..مديريش فيا هكذا ..الله يخليك متزيديش على مابيا
الحاجة ضغطت على زر فوق راسها حتى جات داخلة عليها المساعدة:مبغيت حتى غريب يدخل عندي لبيت ..كلشي يخرج
المساعدة مفهمت والو بقات كدور فعينيها مشافت حتى حد كان غير رعاد
لحاجة شافت فيه بنظرت غضب وخيبة:رعاد.ولدي عمرو ماكان قاسي ودمر حياة ناس..ولدي لي ربيت وكنعرف كان طول عمرو كيفكر بعقلو وميظلم حد..بسبابك لبنت تجلات..(بدات كتبكي بحرقة)الله يسمح ليك من ذنبها...اما هي تجلات وخلات ذنبها وذنب بنتها على رقبتك ...
الحاجة بلغوات:خررررجج....خرررجج عليا..انا غضبانة عليك ليوم دين ...انا متبريا منك ...الله ياخذ حقها فيك....الله ياخذ حقها فيكم ...بقات كتغوت حتى غيبات اما هو فمكانش فهاد العالم تسند على الحيط وهبط معاه كيشوف فالفراغ وكيستوعب كلام الحاجة وهدرتها لي دخلات ليه فاعماق قلبو كتنهش فيه ....
خل طبيب شاف كتخرج من فمها كشكوشة بيضة صونا فلبلاص لكلينيك يسيفطو ليه اومبيلونص ..حيتاش لي كان خايف منو طاح فيه بقا كيدير ليها فالاسعافات لي تقدر تخليها مستحملة الوضع بلما وصلت الاومبيلونص ..لفيلا ترونات شي طالع شي هابط وبعض لخدامات واقفين عند باب لحاجة كيشوفو حالتها وبقات فيهم هي مرة مزيانة وحقانية وعزيزة على كلشي ..اما رعاد مفاق من قلبتو حتى سمع صوت لومبيلونص قالبة جردة شاف فالحاجة لقاهم هازينها دايرينها فشاريو مخرجينها بقا متبعهم عير بعينيه رجليه فشلو عليه مقدرش يزيد خطوة يتبعها حتى قرب منو المساعد هزو من كتفو
رعاد:انا سباااب ..كلشي مني...ضيعت حياتي وضيعتهم معايا...(غوت بحرقة باعلى صوتو وضرب الفولا) ااااااااااااااااه.....الله يا ربي اي عقاب نستحملو الاالوليدة ...وصل قبل من لوبيلونص بشوية كانت ديك لحظات بحال نار كتحرق فيه حتى شافهم وقفو ومدخلينها لكلينيك مقدرش يقرب منها بقا تابعها وعينيه عليها كيشوفها صفرة مفيهاش نقطة ديال دم معلقين ليها سيروم شداتو لفرملية دخلوها الانعاش.. جلس فقنت جامع رجليه بحال شي ولد صغير بوحدو ضايع على وليديه معرف ميدير معرف فين يحط الراس رجليه ويديه تربطو عقل كيفكر فديك لي فنات حياتها عليه حتى رجعاتو راجل بسبابو معرف واش حية ولا ميتة والاخرى لي خذات بنتها ومعارف فين مشات ..بقا تما قريب 2 سوايع عاد خرج طبيب وعلامات الخيبة على وجهو شافو رعاد هو والمساعد ديالو ومربية نعمة ومساعدة الحاجة لي لحقو عليه ناض قاصدو بلا ميهدر جاوبو طبيب
طبيب:دعيو معاها ...درنا لي علينا والباقي فيد الله
رعاد بتردد:شنو كتعني
طبيب:الحاجة دخلات فغيبوبة(طلع رعاد فيه عينيه مصدوم) ..سكر انخافض ليها بزاف وطونسيون صغيرة حتى هي ..كنت وصيتكم تبعد على اي صدمات او اكتئاب ..هذا لي خفنا منو ونطلبو من الله شفاء ..الله يصبركم ..ربت على كتفو وزاد خلاه واقف كيشوف فالفراغ..مشا عندو المساعد ديالو
المساعد:سي رعاد خلي ايمانك بالله قوي ان شاء الله ترجع تصح وتشوفها مزال حداك
رعاد ببرود:بغيت نشوفها..
المساعد:منضنش يخليوك دبا هي مزال فالانعاش
رعاد شاف فيه:مكنشاور حد ..كنقولك لي خاصو يندار ..بغيت نشوفها ودبا
المساعد تنهد معرف ميدير هو عارفو مزيان الا تسيف عليهم تما مستحيل يهدا ..مشا مسطين على سعدو ووعدو عند طبيب بقا معاه حتى قنعو يخليه يدخل عندها جات عندو فرملية طلبات منو يتبعها باش يلبس كسوة معقمة خاصة بالانعاش ..عطاتها ليه ووراتو منين يدخل عند لحاجة خرجات وخلاتو لبس ودخل بخطى ثقيلة عندها بيت بارد وصوت آلات كيكسر الصمت المميت ديال لغرفة قرب منها كتر وحط يدو على يدها وركع على رجليه
رعاد كيهدر بالانجليزية :الوليدة ..سيدة حياتي ..نوضي حلي عينيك ..متتخلايش عليا حتى نتي ...فيقي وديري فيا ما بغيتي..تعقلي منين كنت صغير وضربت جون ولد مستر البيرت ...علقتيني فالباب ..نوضي وعاقبيني ضربيني وديري لي بغيتي غير فيقي ...منقدرش بلا بيك ... سمحيلي الوليدة سمحيلي مكنتش انا...مكنتش لخاطري.دبا عرفت كلشي وندمت ..ندمان على كلشي ...متزيديش على ما بيا الا مشيتي وخايتيني انا نضيع ..متي هي دنيتي ...كنواعدك نلقاهاهم فين ما مشاو ونرجعهم وخا يبقى فيا غير عرق واحد نرجع لي ضيعت بيدي ..(باس ليها جبهتها بوسات خفاف) كنبغيييك...
خرج لقا المساعد ديالو كيستناه بلا ميشوف فيه
رعاد:كيفاش حتى قدرات تخرج من لفيلا وانا مانعها تعتب لباب ؟
رعاد:مخدم معايا لبهايم انا ..عندي وع بالي مخلي مورايا رجال ...دبا غادي تمشي وتعرف فين مشات انا متأكد مغاديش تخىج على المغرب بغيت تسول فكاع المحطات ديال لكران وتران وحتى المستشفيات ومخافر لبوليس مهم اي حاحة طيح ليك فالبال متمنع حتى بلاصة ...
خلاه ورجع لدار طلع كيطير لبيتها دخل كيدور بعينيه وكيقلب فصوالحها على اي خيط يقدر يوصله ليها ...ملقى والو حتى الكسوة لي خذات حاجة قليلة .. رجع لبيتو جلس على طرف نموسية بقى ساهي مدة كيفكر فشنو يدير ...جا فبالو لباسبور ديالها وديال نعمة ..معرفش علاش شك بلي تقدر تكون وصلات ليهم ناض كيخلف فالخطوة وصل حل لكوفر وتصدم لوراق مخربقين جبد كلشي فالارض مصدوم وكيقلب ويعاود بحال لحمق ...ملقاش وراقيها ووراقي نعمة
ناض كيمشي ويجي وقلب اي حاجة جات حداه رون المكتب وخرج من تما صاعر ..هز تيليفون ودوز المكالمة..
لمساعد ديالو..
رعاد:شوف دبا طلع لمطار وتسول تما عليهم
..دبا ..فهمت
قطع عليه واتاصل بجساس
رعاد:فين ما كنت بغيتك دبا طلع لكازا ...نتا لي رونتها ونتا لي غادي تحل ملت ديلها هاد الرمانة ...
جساس:اش واقع مالك صاعر؟
رعاد:اش واقع (بلغوات) اش واقع .. مواقع والو غير مرتي هربات من تحت راسك والحاجة كضيع من بين يدي ...بربي لعزيز وتوقع لشي وحدة فيهم شي حاجة منعقل عليك..لحد الان مزال داير صبر ولعقل معاك على وديت العشرة ولكن دبا ...هنا وصطوووب
جساس تصدم من الخبار لي سمع :انا جاي ......
بقات عفت مرمية فالأرض و حداها نعمة بغا يخرج ليها العقل بالبكا و الدم غاماكايزيد يخرج .. و من حسن حظها .. نور كانت نازلة من دارها حتى كاتسمع صوت نعمة كاتبكي و تغوت .. دقات عليهم و تاحد ماكايحل. . دخلها الشك و مشات عيطات ل نوال و راجلها .. و فرع الباب و دخلو .. و تصدمو بداكشي اللي لقاو .. بدأت نوال كاتبكي و نور مصدومة هزات نعمة كاتسكت فيها .. أما فهد هز عفت بين يديه و نزل كايجري و هما تابعينه. . خرجو هاكاك .. و توجهو لأقرب كلينيك. . دخلو من جهة المستعجلات و خداوها من عندهم دخلوها ل بلوك. .
نوال:ويل الشيطان باش جينا .. لا حول ولا قوة إلا بالله. . تدعقنا مللي شفناها هاكاك .. يا ربي تعاونها و توقف معاها .. تعذبات بزاف و باقي كاتعاني و تقاسي. .
عيط فهد للشيفور. جاب ليهم عبايات و شي حاجات لنعمة حينت باقي كاتبكي باش تلاها. .
دازت ساعة و جوج .. عاد خرجات عندهم الطبيبة .. ناضت عندها نوال دغيا واخا رجليها كايضروها
كلهم بانت على وجوهم الدهشة من غي نوال اللي كانت شاكة
نوال: علاش مالها .. ياكما وقع ل تيلاد شيحاجة
الطبيبة: المدام .. عندها نقص كبير ف التغذية .. عاد زيد فقدات بزاف ديال الوزن ف مدة قصيرة الشيء اللي خلا جسمها يولي محتاج ل بزاف ديال الفيتامينات و المعادن .. و عاد نفسيتها اللي كاتنعاكس على صحة الجنين .. خصوصا إلى كانت أول مرة غاتحمل. . هادشي كامل سبب ليها ف فقر دم حاد .. هو اللي سبب ليعا زيف كان يقد تخسر فيه الحنين كوم ما لطف الله .. حالتها دابا يمكن نوصفوها أنها خطيرة نسبيا. . خسها تعطي الراحة ل راسها .. و تأكل مزيان أكل صحي .. و تتبع الدوا ديالها اللي غانوصف ليعا و اللي غايخسها تاخدو طول فترة الحمل ديالها .. و نتمنا ليها الشفاء و خسها تبع مع شي دكتورة نسائية. .
استأذنات منهم الطبيبة و مشات مخلياهم شافقين على حالتها ..
شافوها مخرجينها من البلوك .. وجها صفر مافيهش قطرة ديال الدم و ناعسة .. خداوها لغرفة زوينة .. و لصقو ليعا السيروم. . مشات نور و فهد من بعد ما طمأنوا عليها و خداو معاهم نعمة اللي عيات بالبكا و نعسات .. و بقات جالسة حداها نوال كاتقرا عليعا القرآن و تدعي معاها يكمل ليعا الله و يبارك ليعا فهاد الحمل ..
بدأت كاتفيق عفت و كاتحل ف عينيها بشويا ... و خاسر بجسمها مطحطح بحال طايحة من شي دروج. . فتحات عينيها مزيان و وضحات ليها الرؤية ..
عفت كاتنين : انننن. . بغيت .. بغيت الما. .
وقفات دغيا نوال و عاوناتها تجلس و عطاتها تشرب نوال : الحمدلله على سلامتك ا بنتي .. الحمدلله. . خلعتينا عليك.
عفت و صوتها باح : اش وقع ليا .. مابقيتش عاقلة على شيحاجة ..
نوال: انا قلتها ليك نعال الأول نتي بنتي . و ابنا مستحيل نرجع ف كلامي ..
عفت: باراك الله ليك .. فين نعمة ؟؟
نوال: راه مشات مع نور و فهد للدار .. شحال بكات مسيكينة. . اححم بنتي عفت .. مبروك عليك
عفت شافت فيعا بهدم فهم
نوال: مبروك عليك ا بنتي .. كنت حاسة و الله .. الله يكبره ف عزك و يقدرك على تربيته بوحدك و يجعله فال خير عليكو على باباه.
عفت باقا مصدومة و الهدرة كاتعاود ف وذنيها مامتيقاهاش
عفت: صوتها غادي و كايعلا: لا .. لا .. مايمكنش. . هئ هئ انا مبغيتوش. . هئ هئ
نوال: الرجوع الله اش هاد الكلام
عفت: كاتبكي و تغوت: لا مابيتوش. مابغيت حتى حاجة تربطني بداك الحيوان ... انا بغيت نحيدو. . هئ هئ قولهم يحيدوه ليا ..
نوال: أعوذ بالله. . بغيتي تقتلي روح بريئة. . اش ذنبها هي باها خايب .. هااا... بغيتي اللي يجي يقوليك قتلي نعمة .. راه روح ماعندها حتى ذنب فاخطاءك نتي و راجلك .. من حقه يتزاد و يكبر .. و من الواجب عليك تبغيه و ترعايه. .
عفت: هئ هئ ولكن انا مانقدرش.. انا باراك عليا غي نعمة .. كي غاندير و انا بوحدي فهاد البلاد ..
نوال: كل واحد كايخلاق برزقو. . و انا معاك .. اللي ثقالت عليك خفافت عليا .. و عاد نتي راك عارفة تربية الدراري الصغار .. ها نعمة كبرتيها. .
عفت: نكبرو باش فاللخر يجي داك الحمار ياخدو مني ..
نوال: هداك رآه باه. . و ولدكم ما عندو سوق ف مشاكلكم. . و نتي دابا كاينة هنايا شكون غايوصل ليه باللي حاملة .. شوفي غي مرات ولدي فهد .. قلبي واجعني عليها .. كون لقات تعطي مال الدنيا باش يرزقها ربي ب شي وليد و لا بنيتة و نتي بغيتي تخلاي عليه .. هنا غاتبان قوتك .. مللي تولدي و تكملي قرايتك و توصلي ل هدفك .. غاتبرهني ليه باللي نتي ماشي ضعيفة.. و بيه و لا بلا بيه قادرة تعيشي و تعيشي ولادك. . خسكي توضعي هادشي تحدي بينك و بين راسك .. تقراي و تكافحي حتى توصلي و ديك الساع غاتلقاي وليداتك ف جنبك. . هما عائلتك و حبابك. . عمرك ماغاتحسي براسك وحدانية. و شتي انه ولده يتزاد بعيد عليه .. راه هداك أكبر عقاب يمكن تعطيه. . واخا انا ضد هاد الفكرة .. و لمن نتي باينة غاتخبي عليه ..
عفت غي كاتبكي و تسمع للهضرة
نوال:و الله يرضي عليك ا بنتي .. الله يرضي عليك .. راك مريضة و فيك فقر الدم .. خسك تاكلي مزيان و تبعد على الستريس و أي حاجة تعصبك. . هادشي على مصلحة ولدك اللي جاي. .
ماجاوباتهاش عفت و تقلبات للجهة الأخرى و عطاتها ب ظهرها كاتفكر ف حريرتها و هادشي .. حتى كاتقول تهنات و كاتجي شيحاجة تنغص عليها. هي اللي كانت كاتمنا تولد هاهي دابا ماباغاش. يمكن كون كانت ف ظروف خرا غاتكون أسعد وحدة أنها حاملة قطعة من حبيبها فاحشاءها. . و لكن دابا هي كاتفكر انه غايبقا ديما كايبرطها بيه .. واخا تهرب حتى تعيا غايجي نهار اللي غايعرف .. ت حتى ولدها غايبغي يعرف شكون باه. . بقات كاتفكر حتى داها النعاس بفعل الأدوية. . و نوال حداها كاتحسر على حالتها ون كادعي معاها ربي يرجع ليعا عقلها باش ماديرش شيحاجة تغضب الله و تندم عليها من بعد ...
خرجات عفت من الكلينيك و هي غي كميشة كاتمشا. كل مرة كاتضعاف كثر .. وصلو للدار و حلفات عليها نوال حتى تبقا معاهم .. وافقت و جلسات عندها حينت خسها المقابلة و عاد الفلوس اللي عندها قادينها حتى تولدي عاد تقلب على خدمة .. أما السكنة رآه مهنية منها ..
▪▪▪ كانت ناعسة فالبيت اللي عطاتها نوال و حداها نعمة كاتلعب حتى دخلات عندها .. هازة ف يديها شيحاجة ..
نوال : بنتي عفت .. ياكما فيقتك؟ ؟
عفت: لا كنت فايقة. .
جلسات حداها
نوال: شوفي شنو جبت ليك معايا ..
عفت بفضول: شنو
نوال: مرات ولدي كاتعرف واحد المحل كايبيعو فيه حوايج تقليديين. .و وصيتها تجيب ليك هادا علاه يعجبك. .
عفت: خداتو من عندها: و لكن ماكاين لاش ا ماما نوال
نوال: كاين قالاك. . من عاداتنا خسنا نحتافلو بالمرأة الحاملة . و مابغيتش نسيك ف بلادك و جبت ليك هادا
عفت:وج الله ا ماما ماكاين لاش
نوال:نتي مالك..انا فرحانة بيك .. نتي ماعليك غي تقادي و تلبسي و كلشي لآخر هلى حسابي..
نوال: إلى باقي قلتي هاكا نتخاصم معاك.. يالاه مسحي عليا خنونتك و نوضي توجدي راسك .. بغيت بنتي تكون هي أحسن وحدة ف الحفلة ..
ناضت نوال خرجات و بقات عفت كاتقلب ف القفطان فرحانة .. كان أزرق و مطروز بالصم و فيه حجيرات. . ناضت دوشات مزيان ليعا و ل نعمة .. و خرجات نشفات ليها شعرها و لبسات ليها كسيوة ف الحمر و جمعات ليها شعرها مزيان. . جات زوينة .. عاد دازت ل راسها .. صايبات شعرها و لبسات القفطان اللي جا على فصالتها. . و جا مع طايتها زوين بزاف .. برز مفاتينها. . عاد دازت ل وجها دارت مكياج مامعيقش. . جات زوينة بزاف .. دارت اكسسوارات و بقات جالسة كاتسنا. . حتى دخلات عندها نوال هازة مبخرة . قربات حداها و بدات كاتبخرها و تبخر شعرها بريحة العود. .
نوال: تبارك الله عليك. . الله يحجبك و يحفظك من العين
باست حتى نعمة و بخراتها. .
خرجو مشادين و عفت حشمانة. .
كان الصالون عامر و كلشي العيالات لابسين عبايات ف الألوان راقيين. . و طالقين موسيقى خليجية و محطوطة القهوة و الحلويات الشرقية. . ناض كلشي كايبارك ل عفت .. و نور باستها و باركات ليها و جراتها جلساتها حداها. . و جات عندهم امرأة كبيرة .. قالت ليعا تعطيها يديها و بدات كاتنقش ليها نقش خفيف و لكن زوين .. كملات ليها و دازت نقشات للي جالسين. بقات عفت مقصرة مع نور و كاتسنا الحنة تنشف و قبالتها لمار مرات جابر. . غي كاتسوط و تخنزر. ماحاملاش هاد الاهتمام اللي عاطيين ل عفت و دايرين ليها كي الما القليل. .
بدأت كاتوريها يديها و فرحانة: لا لا عجباتني هاكا. .
لمحات نوال الخاتم اللي متوسط صبيعات عفت .. خاتم الزواج اللي كان عطاها رعاد مللي عرض عليها الزواج ف باريس. . ابتاسمات و عرفات باللي واخا غاع داكشي اللي كاظل تعاير فيه و تقول كتكرهو. . راه غي غضبانة عليه .. مللي باقي خاتمه ف يديها. .
ناضو العيالات كايشطحو و لمن غي ب الشيكي. . فقسو عفت و هي تنوض بدلات الأغنية و دارت الشعبي و بدات كاتلوز و تحير. . شحال هادي ما شطحات. . حسات باللي حيدات منها غاع ديك الطاقة السلبية .. جلسات و خلات كلشي مبهور بجمالها و رقصها. . و لمار غي كاتشوف فيها شوفات ديال القتيلة.
تحط العشا اللي كان خليجي .. و انضامو ليهم حتى الرجال .. بداو كاياكلو و جابر ماحيدش عينيه عليها حتى خوه و لمار لاحظو هادشي. .
كملو و كلها تفرق ل دارو. . عفت سلتات حوايجها و لبسات بيجاما. . و تخشات حدا نعمة فرحانة بهاد النهار .. حسات باللي مابقاتش بوحدها. و فرحانة ب الحنة اللي خرجات ليعا زوينة و حمرة. .
بقات مقابلة يديها ومرة مرة كتتبسم وتشوف فنعمة لي حتى هي نقشو ليها صبع بقات كتتقلب حداها
نعمة:بابا..دودو ...ماما..(حطات يديها صغار فوق من كرشها) ديدي
بقات معاها بالهدرة والوعود الكاذبة حتى نعسات وهي جفاها نوم حطات يدها على كرشها
عفت:غادي ندير لي فجهدي باش عمرو ميوصل لينا ..مغاديش نخليه يحرق قلبي عليكم بزوج ...
نعسات وهي كتحلم بحياتها لي جاية تكون حسن ...فصباح فاقت بكري صابحة نفسها مروعة عليها ناضت رضات كاع لي فجوفها وخا هكذاك ممقلقاش ..كتحس بطاقة غريبة فيها جبدات تيليفونها ودوزات المكالمة لارا بقى كيصوني كتر من 3 المرات عاد هزات لا كتنهت
لارا:بفف ..بفف..الو..
عفت كطنز عليها:شي ماتش سخون هذا
لارا:تفو ينعل لي حطك عندي هنا...مخك مسخ
عفت:وا شفتي نتي انا اش قلت ...نتي لي مخك مسخ كيمشي غير لدوك صوالح ...
لارا:كلشي هو هذاك وحتى فلوس لي سيفطيلي راه خرجتهم ولكن ..استاعنت بواحد صديقة باش حتى الا قلبو بسميتي ميوصلوش ليك...وحتى لوراق هي لي خذاتهم بسميتها وسيفطناهم ليك بسميتها والايميل ديالها ...ومع هي سافرات لمدينة اخرى مبخلاتش عليا منين طلبتها عاوناتني
عفت:زين مدرتي...شكرااا بزااف عمري ننسى خيرك
لارا:سيري تق*** راه غادي نبدا نخسر معاك دبا ..حنا راه خواتات وخيرك ساابق ...دبا قوليل اش غادي ديري..؟
عفت:غادي نبدا من جديد انا ووليداتي..
لارا:وليداتك؟
عفت:انا ..انا..انا حاملة
لارا غوتات غوتة وحدة ونسات راسها :لااااااا ميمكنش..مبروووك ..ناري رعاد غادي يطير بالفرحة الا عرف
عفت:لااراااا..اش كتقولي نتي حماقيتي لا...متندمينيش لي قلتها ليك...هذا ولدي انا...فهمتي
لمار:لبيبي سيتر جاية لعندهم ...ودوام ميخلص حتى لظهيرة ..وان شاء الله بكون رجعت
جابر تنهد وهي خرجات نافخة ريشها ومحملاش الوضع
نوال:خليها اولدي على راحتها ...راه حفايدي يجلسو معايا ويتوانسو هما ونعمة
جابر تنهد وقلب شوفة فعفت لي كانت كتوكل نعمة ومرة مرة فين كتاكل هي
فهد لاحظ تصرفات خوه ومعاجبوش الحال وشاف بلي عفت مراداش البال ليه من اساس:مدام عفت...شنو ناوية ديري..تقراي ولا تخدمي ولا شنو مخططاتك
عفت:ان شاء الله ندفع لشي جامعة نقرا الهندسة الالكترونية ..انا دبا عندي العام ثاني مبقاليش بزاف وناخذ الاجازة ديالي ...
فهد:ما شاء الله ...مجال الاذكياء وصعب على حد علمي
عفت:صعب ولكن الا كانت عندك الارادة وكتبغي الحاجة فغادي تكون راسك فيها
فهد:فين قريتي العام الاول ..فالمغرب؟
عفت:نصف العام فالمغرب وكملت فكندا فالمعهد العالي
جابر:وينو زوجك؟
عفت سكتات مبقاتش جاوبت
نوال هزات طوسط دارت فيه لفرماج:كولي ابنتي راه اسئلتهم مكتكملش
فهد:الا بغيتي ناخذك تشوفي جامعات لي مهتمين بهاد المجال وتشوفي لي تناسبك ...
عفت:معليش بلا منعذلك
نور:اشمن عذاب ..نوضي بلا عجز عليك ..وخليلي هاد لكتكوتة ليا اليوم
ناضت عفت حشمانة باست نعمة :مامي غادي تجلسي مع طاتي حتى نجي ونرجع مع البابا ونجيبو ليك باربي لي قتلك
نعمة ضحكات ليها وتعلقات فنور:بابي ني وسطح
عفت:ااه تغني وتشطح هههه
خرجات هي وفهد وتبعهم جابر :بلا متتعطل على شغلك انا ناخذ الانسة طريقي هديك
فهد بنبرة جدية:جابر خليك فاشغالك .(كرز على الجملة)والمدام عفت مكتعطلنيش
جابر زاد طلع فطوموبيلتو بلا ميجاوبو وبقى حاظيها حتى طلعات سلباتو باناقتها وجمالها والاكثر تعاملها مع بنتها ...
عفت:سمحلي بزااف غادي نعذبك معايا
فهد ابتاسم ليها ابتسامة اخوية:نتي راكي دبا فمثابت ختي ..اي حاجة بغيتيها متحشميش وعتابريني خوك لكبير ..
عفت :شكرا بزااف جميلكم معرفت كيف ندير نرجعو ليكم
مشاو لعدة جامعات ولكن مكان حتى منفعة مبالغ رسوم ديالهم غالية بزااف عيا فيها فهد باش يعاونها ولكن كان رفض هو جوابها
فهد:دبا بقالك حل واحد ..كاين جامعات كيمنحو منح لطلبة ولكن خاصك دوزي امتخان خاص بيهم
عفت:ندوزو معنديش مشكل ...
فهد:البوم غادي نسوليك شي معارف ليا وغذا صباح نمشيو
عفت :سمحلي بزاااف ..والله حشمانة منك
فهد عنكش ليها شعرها:نتي غير ارتاحي وتهلاي فلكتكوت لي جاي وفالمشاغبة لي فدار....
دازت 3 ايام والوضع على ماهو عليه ...كان جالس رعاد فالمكتب ديالو من بعد ليلة طويلة فالمستشفى رجع خذا دوش باش يصحصح كمل وجلس كيشوف فتصويرة لي حاطها فوق المكتب كتجمع عفت والحاجة ونعمة وهما كيضحكو تصويرة خذاها ليهم فجأة وطلعات كيف بغاها كتجمع كل معاني لفرحة عندو اهم 3 ديال الاشخاص فحياتو ودبا فرحتو تبخرات وحدة بين الحياة والموت والاخريات معرف ليهم طريق وهو لي يشوفو دبا يقول زاد اعوام واعوام فظرف 3 ايام ...سمع دق فالباب تنهد وعطى الإذن لشخص لي كسر العزلة ديالو..دخل المساعد رعاد غير شافو بلا مقدمات
رعاد:كاين شي خبار؟
المساعد بتوتر:صراحة...حنا...
رعاد:شوف نطق بلي عندك بلا سوسبانس الخاوي ..
المساعد:صراحة لقينا سميت المدام فسجيلات المطار هي ولبنت ...فالاول مبغاوش يعطيونا معلومات ولكن بفضل سي جساس سهلات علينا طريق وعطاونا المعلومات ..
رعاد:وفين مشات؟
المساعد:الوجهة كانت سيدني ..هذا لي قدرنا نوصلو ليه
رعاد مستغرب:سيدني!؟شنو لي ياخذها تما !؟؟؟ ....شنو دار جساس؟
رعاد ناض مهدود لي يشوفو من شكلو يعرفو هاز بزاف ومتحمل فوق لقياس..مشا رجع لمستشفى شاف اوضاع الحاجة من بعد تاصل بجساس دار هو وياه فكافي ..مشى لقاه سابقو تما كيستناه دخل جلس شاف فيه جساس
جساس:صباح كنت عند الحاجة..قالي طبيب بلي داخلة فغيبوبة ..انا
رعاد خنزر فيه:شنو عرفت مزال على عفت؟
جساس:كاينة فسيدني ...
رعاد:منضنش تجلس تما..عفت مكتعرف حد تما
جساس:عفت سبق ليها تغربات فبلاد مكتعرف فيها حد ونتا ادرى بهادشي...والا عولات وهربات فصعيب نلقاوها
جساس دار داك شي لي قاليه رعاد و سيفط شيفور جابو لمستشفى فين مشاو بزوج عند الحاجة كانو واقفين كيشوفو فيها من زاج ..حيتاش ممنوع يدخلو عندها ..حتى فيقهم سيتو لي غير شاف رعاد عنقو وبقى كيصبر ويواسي فيه ...من بعد جلسو فكراسة واحد حدا الاخر كتشوف 3 الاجسام مستفين فنفس الجلسة حاطين ريوسهم على الحيط حتى كسر رعاد صمت رعاد:سيتو بغيت منك خدمة ؟
سيتو:نتا امر وانا نفذ
رعاد تقاد فجلستو:كيف كتعرف..انا منقدرش نبعد على الحاجة ..تقدر تفيق فاي وقت وضروري منبقى فجنبها ..وفنفس الوقت باغي نرجع مرتي فين ما كانت..ومن غيرك مبقات عندي ثيقة حتى فشي حد(جساس تقرص من كلاهو وتنهد) منقدرش نأمن شي بنادم فهاد الموضوع ..وفسيدني نتا كيف كنعرف عندك معارف تما تقدر تلقاها
سيتو:كون هاني غادي ندير لي فجهدي حتى نلقاها نتا عطيني غير المعلومات الكافية لي تقدر توصلني ليها وشي صور ليها ..من حسن الحظ كنعرف ادم ...ادم سيزر ..ضابط فميلبورن ولاية فكتوريا..يقدر ينفعني وهو صديق قديم وبيناتنا مصالح
جساس:وانا من جيهتي اتاصلت بواحد من العملاء لي كنعرف تما وبفضل معارفو تما غادي تسهال علينا نلقاوها..(حط يدو على كتف رعاد)متقطعش لياس ..
رعاد ناض:نخليكم عندي ميدار ..
مشا وخلاهم تما متبعينو بعينيه
سيتو:فينغادي هذا!!!الا بقى هكذا غادي يخسر كلشي ..انا ممرتاحش لهاد الهدوء لي هو فيه
جساس:دير لي قالك ...هو راه مراقب متخافش عليه..رجالي ورجالو مكيفارقوهش
سيتو:دبا شنو قصتك مع مرتو الماس مفهماتني والو قاتلي هما الا بغاو يقولولك
جساس:قصة قديمة ...دبا خلينا نلقاوها ومن بعد تفهم ..
رعاد رجع لمراكش مشى الاوطيل اتاصل بقيس وطلب منو باش يشوف غصون والاخير لبر طلب ديال وجابها لعندو ..لقاوه كيستناهم فمقهى الاوطيل جلسو وغصون مستغربة من طلبو مع 2 ديال ليل
غصون بخوف:عفت واقعة ليها شي حاجة؟
رعاد:عفت متاصلاتش بيك هاد اليومين ؟
غصون:لااا...شنو واقع ؟
رعاد:قيس ..عفت مكتعرف حد فيكم ..وانا متأكد مستحيل تستعين بعائلتها..نتوما لي تقدر تجي عندكم هنا؟
قيس:حما مشفناهاش من نهار لي كنت نتا وياها فنايت..
رعاد :عفت مختافية هي ونعمة ..الا كتعرفو اي حاجة الله يخليكم قولوهالي.
غصون:الا هربات مستحيل تلقاها..صاحبتي وانا عارفاها..الا كرهاتك عرف بلي غادي دير لي فجهدها باش عمرك توصل ليها
رعاد مستحملش يزيد شي حد يهبط لي المعنويات هو مستحيل ييأس حتى يلقاها نتض شكرهم وعتاذر منهم لي جابهم فداك الوقت ..خلاهم كيشوفو فبعضياتهم..ورجع لكازا..
دازت 4 شهور والحال على ما هو عليه قلبو عليها سيدني سفاها على علاها مخلاو حتى بلاصة ممكن تكون لجآت ليها ولكن بلا فايدة ...والحاجة طول هاد 4 شهور وهي عايشة غايبة ...اما رعاد فرجع مكيصحاش ..اليوم صباح رجع لفيلا دوش باش يصح شوية من بعد ليلة كيف ليالي لي دازو دوزها فلكلينيك على امل يشوف مو كتحل عينيها ...جلس لاوي فوطة على نصو وفوطة كيمس بيها شعرو همل راسو بكل ما للكلمة من معنى نفسيتو زايدة وكتتأزم خدمتو مقابلها غير المساعد تحت اشراف جساس لي مشا لدبي هو والماس ..سيتو رجع لنيويورك ولكن الاتصال دائم بيناتهم ..جلس ساهي كيشوف فتصويرة لي محطوطة فوق طابل دنوي تصويرة نعمة وهي مجلخة بشكلاط وكتضحك ..ابتاسم لا اراديا توحشهم بزاف غصة تحكمات فانفاسو ناض قلب تصويرة مبغاش يشوفها وتزيد على مابيه ...لبس ورجع لكلينيك لقا فرملية خاجة كتجري من بيت الحاجة قلبو تزير ومقدرش يزيد يشوف اش واقع حتى كيلمح نفس لفرملية راجعة مع طبيب كيزربو ...دخل طبيب لي لقى الحاجة حالة عينيها ولكن مكان حتى استجابة معاه كأنو عقلها مكاينش عيا معاها كيدير ضوء فعينيها كيشوف البؤبؤ كيوساع وكترمش ولكن مكتتحركش رجع كينغز فرجليها ونفس شي جامدة ..عرف بلي بسباب صدمة جاتها جلطة دماغية تلفات خلاياها ورجعات ميتة وهي حية مجرد الالات لي مساعدينها على صمود ..خرج لقا رعاد عند لباب علامات الخوف على وجهو ولونو مخطوف
طبيب:الله يصبرك اولدي
رعاد بصدمة:ماتت؟!!!لااا.لاااا
طبيب:كالم..مزال لعمر طويل..شوف اولدي زيد معايا
لمكتب نفهمك حالتها
مشى معاه رعاد وعقلو مرفوع دخلو وطبيب شد بلاصتو وطلب من رعاد يجلس
طبيب:دبا الامر بين يديك..الام ديالك ...مكان منخبي عليك حالتها مكتصرش...(رعاد كلما كيسمع شي كلمة حلقو كينشف ولحروف كيتلفو عليه)هي دبا غايبة وخا حلت عينيها تقدر تسمعك وتشوفك ولكن متجاوبك ومدير حتى ردت فعل ...وزيد عليها بسبب 4 شهور ديال الغيبوبة عندها التهاب في صدر وجلطة في ساق ...مجرد الاجهزة لي متاصلة بالجسد ديالها لي مخلياها مزال فالحياة ..وهذا مجرد عذاب ليها...القرار ليك الا بغيت نخليو الاجهزة متاصلة بيها ..والا بغيت ترحمها من لعذاب لي هي فيه نفصلو عليها الاجهزة ...
رعاد مقدرش يجاوبو ومبغاش يتفهملو حتى حرف من لي قالو ..واش كيطلب منو يعطيهم امر باش يقتلو ليه مو ..لي كبراتو ورجعاتو على ماهو عليه ناض وخلا طبيب مزال كيهدر خرج مكيشوفش حداه وجملة وحدة كتردد فدماغو
"""عفت:الله ياخذ فيك الحق...الله يحرق ليك قلبك كيفما حرقتي قلبي وقلب بنتي..بغيت يجي نهار لي نشوفك بوحدك كيف الكلب..مدمر ومعندك حد...""" وصل لباب لكلينيك وفيقو من سهوتو صوت كلاكسون ديال طوموبيل بقى كيشوف حواليه حتى بدى كيضرب لي جات حداه وكيسب ويعاير فراسو
رعاد:انا سباااب...انا سباااب....عاقبني انااا..انا لي
ظلمتها ..انا لي درت كلشي ..الوليدة لاااااا..لاااا(دخلو رجالو شدوه وهو كيتنتر ويسب فيهم)طلقوتي اولاد ل**** طلقوني ا ز****...انا لي خاصني نتعاقب انااااا...طاح على ركابه كينهج ورجالو عند راسو وناس اجتامعو كيتفرجو فيه ..واحد من رجالو اتاصل بجساس لي كان فاجتماع ولكن غير شاف نمرة استأذن وخرج جاوبو
جساس:كاين شي جديد
....:سيدي ..سي رعاد حالتو مكتسرش...خرج من لكلينيك رون كلشي
جساس:شوف غادي تاخذوه الفيلا وممنوع يخرج منها ...انا غادي نتصرف..
قطع معاه وقلب الاتصال للام ديالو طلب منها تمشي فالحين لكازا وتشوف الوضع ومتخليش رعاد بوحدو وترض عليه شنو واقع وداك شي لي كان روعة ومن حسن الحظ كانت فرباط على خاطر خدمتها خلات لي بين يديها وطلعات لكازا الوجهة لكلينيك غير وصلات عرفات من الاستقبال دكتور لي مقابل الحاجة ..مشات واستفسرات منو الوضع وكانت صدمة قوية عليها وبالخصوص انو الحاجة كانت اخت بنسبة ليها انهارت كتبكي وطلب فيه تشوفها لبى ليها طلب ديالها ودخلات كانت الحاجة مغمضة عينيها
روعة:ما بيل...صافي سخيتي بينا.. بغيتي تمشي وتخلينا...فيقي الله يعطيك ستر ..فيقي ياك كنتي كتحلمي تشوفي حفايدنا يلعبو قدامك...فيقي باش تسمعي "جدة"منهم ...فيقي راه انا منقدرش نكبرهم بلا بيك...(هزات يدها باستها وكانت باردة)اخخخ يا لحنينة فين كان مخبي هاد شي ...رعاد ...واش بغيتيه يحماق راه نتي لي عندو ...نتي عارفاتو شحال متعلق بيك...اما جساس فنتي عارفة معزتك عندو ...فيقي على قبل ناس لي يبغيوك...كمت عارفة بسبابها غادي يوقعو المشاكل ملي دخلات لحياتنا تقلبات ..فرقت بين لصحاب..وبسباب فقصتها نتي فهاد الحالة ..
دخل طبيب وطلب منها تخرج ..خرجات واتاصلات بجساس لي طاح عليه الخبر صاعق بحال جمرة غوت وهرس لي جات قدامو وكيلوم راسو ...وندم ندم شديد على لي دار .. داز شهر وروعة مع رعاد كتحاول تقنعو باش يوقع على اوراق طبية باش يفك معانات الام ديالو لي طول هاد شهر وهي فنفس الحالة ..حتى لنهار لي قرر باش يرجع بحالو ل كندا .. من نهار حط رجليه فالمغرب و هو غي ف المحاين و الهموم. . واخا الأطباء عارضو فكرته و لا كن بقا مصر .. جاب طيارة خاصة كلها معدات طبية و خدا الحاجة فيها و توجه لمقر العمل ديالو الجديد .. فين قرر يكمل حياتو .. واخا مابقات عندو حياة و هو كايشوف أمه كل نهار كتموت بشويا بشويا قدام عينيه و يديه مكبلين. . و حبيبته و روحه ماعارفها ميتة و لا حية .. قطع اتصاله بكلشي .. لا جساس لا صحابه ...ذنوب عفت لي ظلمها وحرق قلبها رجعو فيه وتحرق قلبو فاقرب ناس ليه ...حرمو الله منها كيف حرم الام من ضناها ..رجع انسان اخر جدي فوق لقياس مبقاش فقاموسو كلمت احاسيس..دفن راسو فالخدمة ونقل مقر خدمتو رئيسي لنيويورك ومقدرش مزال يزيد يجلس فكندا ..لي كل ذكرياتو فيها مع الحاجة وعفت ...لي خسرهم بيديه....
♡♡♡♡ بعد مرور أربعة أشهر ♡♡♡♡
كي كل ليلة .. عفت باقي جالسة عند نوال ف دارها. . متكية على جنبها و نعمة مخشية فيها. . كاتعاود ليها ف قصة حتى غفات. . باستها و تقلبات للجنب لآخر. . بقات حاطة يديها على كرشها اللي كبرات شويا .. واخا مابايناش بزاف. . فالأول خافت و لمن قالت ليعا نوال باللي عادي كل وحدة ولاحظ كي كاتكون كرشها فالحبالة. . حسات ب البيبي كايتحرك. . باقي ل دابا ماعرفتش اش عندها .. فينما مشات للطبيبة ماكايبانش ليهم .. و يحال كل ليلة. . طلقات العنان ل دموعها اللي ولاو الونيس ديالها من نهار حطات رجليها ف دبي .. كل ليلة خسها تبكي و تفش قلبها هاد تنعس .. بقات هاكاك حتى سمعات الباب تحل .. كان غي ضو خفيف اللي مشعول. . مسحات دغيا دموعها و تقادات ف الجلسة .. دخلات عندها نوال لابسة بينوار طويل و دايرة شال على راسها .. قربات حداها و جلسات. . مدات يديها و حطاتهم فوق خدها اللي كان باقي فازك بالدموع. . و عينيها حمرين. . محسات دمعة خانتها و طاحت. .
تنهدات نوال: راه قهرتي راسك ا بنتي. . إلى ما فكرتيش فراسك فكري غي ف الروح اللي ف كرشك رآه كاتحس بيك .. اجي اجي قربي عندي ..
قربات لعندها و حطات ليها راسها ف حجرها و بدات كادوز على شعرها ب حنان. .
نوال: خوي قلبك و ماتبقايش ساكتة. . راه الكلام دوا. .
عاودي ليا و خففي الحمل عليك ...
عفت : صوتها مخنوق بالبكا:عرفتي ا ماما نوال الإحساس مللي كاتحسي انك ضعيفة و ماكتستاحقيش اي حاجة تدارت على ودك ... فاش كاتولي تحسي راسك غي زايدة ماعندك قيمة و ماكاتسواي والو كاتولي كاتبان ليك الدنيا كحلة و كاتولي متشائمة.. منغلقة و بغيتي غي تبقاي جالسة بوحدك.. بحال نتي عالة على المجتمع .. كلشي كاينفر منك .. و مللي كاتشوفي شي حد كاضحك كايجيك بحال ماعندوش غاع المشاكل و انتي اللي خديتي أكبر مشاكل فهاد الدنيا .. كاتقولي باللي الدنيا ماكاتعدلش.. علاش مامنحقيشش حتى انا نفرح .. عيييت.. عشت بزاف ديال الحاجات خايبين.. بت شحال من ليلة فالزنقة و بالجوع و البرد.. عشت ف حي عامر ب متشردين.. بعت لحمي.. كنت كلا مرة كانطلع نشطح قدامهم كاندير حجرة على قلبي.. ماللي كانشوف نظراتهم اللي كلها شهوة.. بحال شي فريسة بغاو ينقضو عليها .. ينهشوها.. و مالي جا هو .. بحال داك الفارس اللي كايجي فوق العود ديالو. بحال القصص و الروايات االلي كنا كانقراو مللي كنا صغار.. هو كان حقيقة.. عتقني و خرجني من الظلام للنور.. بدل ليا طريقة التفكير ديالي.. خلاني نحس رأسي طايرة فالسما بحال شي طير حر .. و لكن حتى هو صدق بحالهم .. هزني حتى للسما و خبطني.. كنت كانبغيه بزاف.. ما مرة ما جوج كنت بغيت نعاود ليه على حياتي و الماضي اللي مستحيل يتدفن.. حينت بيه كايتبنا المستقبل. و لكن ديما ماكايبغيش يسمع ليا .. علاش ماقدراش نساه.. يمكن هو أكثر واحد فيهم اذاني.. حينت كنت كانبغيه و مازال ل دابا .. بغيت نساه.. بغيت نكمل حياتي و نكون قوية .. بغيت نعيش ل رأسي و لولادي.. مابغيتش نبقا كل ليلة كانعمر وسادي بالدموع عاد نعس.. عاونيني ا ماما نوال 😭😭😭 عاونيني نسا و نخرجو من بالي و حياتي...
ردات عليها نوال : سمعي ا بنتي و حلي ودنيك مزيان.. ماكاينش شي حد فهاد العالم مادازش من واحد المرحلة خايبة ف حياتو.. واحد المرحلة كاتخليك ماتعرفي واش تزيدي ب خطوة للقدام او لا تبقاي واقفة ف بلاصتك.. خايفة تبداي من اول و جديد .. هذا هو اخيب موقف يمكن الانسان يتحط فيه ..واش تنساي و لا تسناي شي معجزة.. تجي تخرجك من هاد القوقعة اللي خاشية فيها راسك.. داكشي باش خسك ترجعي قوية كي كنتي.. و ترمي هاد الذكريات ورا ظهرك و تنسايها..
هزات فيها عفت عينيها عامرين دموع: و لكن ا ماما.. راه الانسان مستحيل ينسا.. الانسان غي كايحاول يتناسا.. كنت قريتها مرة ف واحد من الكتب ديال احلام مستغانمي * الانسان ينسى كل شيء إلا الأشياء التي يود نسيانها *
نوال:هذا هو الخطأ اللي كايطيح فيه كلشي و نتي خسك تعيقي بيه ..حينت كلما قلتي بغيت نسا هاد الحاجة راه كاتفكري فيها.. يعني ماخرجتيهاش من بالك .. الحل الوحيد اللي كاين هو انك تحاولي تعايشي مع الماضي و التجارب سوا خايبة لا وزينة.. تولفي تعيشي بيهم.. و مع الوقت راه غايولي وجودهم ماكايختالفش على انعدامهم.. خسك تواجهي ذكرياتك و ماتهربيش منها .. حينت يمكن حاجة بسيطة غي كلمة و لا ريحة تجي تفكرك ف حوايج سنين و نتي كاتحاولي تنسايهم.. كاتفتح ليك مواجع قدام.. و ترجعك ل نقطة الصفر.. اللي غانصحك ا بنتي هو واجهي.. ماتخليش مشاكلك تبقا كاتاكل بالداخل ديالك بحال فاش العافية كاتاكل الربيع. ...
عيشي.. راجعي نفسك .. غني ..ضحكي.. خرجي. ولادك محتاجين لامهم تكون قوية .. حتى حاجة ماكاتهدها.. خلي ثقتك ف راسك كبيرة و عمرك باقي تفكري ف هدرة الناس .. بكي و غوتي وولكن بينك وبين نفسك عمرك تخلي شييحد يشوف ضعفك.. عطي قيمة ل راسك و عمرك تقولي بالل نتي محتاجة ليه باش تكملي.. لا نتي كاتكملي راسك براسك.. هو اللي غادي يضربوه الحيوط و يندم حينت فرط ف جوهرة ثمينة بحالك..قلبها بيض.. الله يسر ليك ا بنتي و يعطيك كلما تمنيتي.. و يقدرك على تربية وليداتك..
مسجات ليها دموعها و باست ليها راسها و ناضت ..
نوال: نتمنا يكون كلامي عندو دور .. و تديري بيه .. و انا ديما ف جنبك. . تصبحي على خير ا بنتي ..
مشات نوال و بقات عفت شحال كاتأمل ف السقف و كلام نوال كايدور ف بالها. . فاللخر رمات العكز و الغطا باش مغطية. . و ناضت. . هزات صلاية و حوايج ديال الصلاة طوال .. توضات وو توجهات للقبلة. . صلات قيام الليل و دعات ربي يسمح ليعا و يغفر ليها أي حاجة خايبة دارتها. . طلباتو يقبل التوبة ديالها .. و ربي رحيم بعباده و تواب رحيم. . بكات و دعات مع واليديها بالرحمة و المغفرة. . و مع بنتها و البيبي اللي ف كرشها. .
كملات و ناضت تخشات فبلاصتها و ف بالها حاجة وحدة .. إنها تبدل و ترجع قوى و حسن من قبل ..
▪▪▪▪ أصبحنا و أصبح الملك لله
فاقت عفت من مور ليلة بكات فيعا بزاف .. و لكن قدرات تخرج بنتيجة و بشخصية جديدة و هدف خسها توصل ليه.. فاقت على لمسات نعمة ..
بقات كاتهر فيعا و تبوس و نعمة فرحانة كاضحك حتى حسات ب البيبي تحرك ..
تكات على ظهرها و حطات يديها على كرشها و هو يهرب للجهة الأخرى. . ابتاسمات و قالت: اااح عليك يالمغيار. . ماخليتيناش نكملو ضحكنا. .
نعمة بقات كاتشوفيها كاتدوي بوحدها
عفت: ههه اجي اجي شوفي بيبي
قريات حداها مافاهمة والو
شدات يديها و حطاتها فوق كرشها و هو يتحرك عاود .. هزات فيها نعمة راسها كاضحك
عفة: شتي بيبي زوين ..
نعمة فرحانة: بيبي ...
عفت: قولي ليه خرج خلاص باش نلعب معاك ..
قربات ليها نعمة و باست ليها كرشها و كاتدوي معاه و هضرتها مامفهوماش و لكن باين فيها فرحانة ...
ناضت وجدات الدوش ..و دوشات ليعا معاها. . خرجو و نشفات ليها و لبساتهاا كسيوة سخونة شويا مع ليبا و بوط قصير و جمعات ليها شعرها غرينات. . اما هي لبسات سروال ديال سبور و تيشورت ابيض فيه لاكوسط و سبادرين بيضا. . جمعات شعرها شفنجة مهملة ة خلات وجها طبيعي و خرجات .. لقاتهم يالاه كايفطرو. . جلسات و حطات نعمة فوق رجليها ..
نوال: صباح الخير
عفت: صباح النور .
نوال: كي صبحتي ا بنتي ..
عفت: بيخيييير. . اححم ماما نوال بغيت نطلبك طليبة
نوال: على راسي و عينيا
عفت: اححم دابا انا بغيت ندير الحجاب ياك .. و ماعندي حنى حاجة طويلة .. عافاك إلى عندك شي عباية طويلة . نلبسها حينت خارجة عندي رونديفوو مع الطبيبة ..
نوال:اوا الله يعطيك عقل. . حرام عليك على هادشي التاس كايطلبوه. . و عاد مبروك عليك ا بنتي احسن قرار خديتي و الله نتمنا حياتك الجديدة تكون زوينة
عفت: اميين يا ربي
كملو فطروهم و ناضو طلعو عند نور .. حينت نوال غاع عباياتها كبار .. حلات لهم و دخلو عندها .. قالوها ليها ت هي تعطيها احسن عباية عندها. . باقي جديدة .. فرحات حينت بغات دير الحجاب .. و قالت ليعا بغات تمشي معاها لعند الطبيبة .
رجعات عفت ل دار نوال .. و لبسات غي حوايج خفاف و فوقهم العباية اللي كان نصها كحل و النص لآخر بلون كاسي و فيها وريدات ف الذهبي. . و كاتسد من القدام. . اصلا كرشها ماكاتبانش و زادت غبرات تحت العباية. . دارت ماكياج خفيف .. و جمعات شعرها مزيان و دارت الحجاب مم الفوق فالكحل .. عجبها راسها من ديما كانت هادي امنيتها. . شحال باباها و ماماها كان غايكونو فرحانين كون دارتو و هما مازال عايشين .. تنهدات و هزات ساك صغير ف الذهبي ديال شانيل. . و خرجات ..لقات نور حتى هي لابسة عباية زوينة و حداها نعمة واقفة ..
شافتها نوال و جات عندها: تبارك الله عليك ا بنتي .. زادك الحجاب نور على نور .. الله يحجبك من العين و يجعله ف ميزان حسناتك. .
عفت : اميين يا ربي
نور: جيتي غزال تبارك الله كنتي زوينة و زدي زيانيتي. .
عفت: لا لا بغيت ندوز نشري ليها حوايج.. و مش نقيس ليعا ..
خرجو كاملين .. نور و عفت قابطة فنعمة .. لقاو اللوطو فيها الشيفور. . ركبو ب 3 اللور .. مشاو اول حاجة عند الطبيبة .. دخلو عندها و دغيا جات نوبتهم حينت كان عندها الرونديفو....
دخلات عفت و بقات نور برة مع نعمة ..
الكبيبة:مدام عفت السلام ..
عفت: أهلا دكتورة. .
الطبيبة: اوا اجي نشوفو تاني واش غايبان لينا شيحاجة و لا لا ..
تكات عفت و عرات ليعا على كرشها و دارت ليعا جيل و بدات كادوز عليعا. ..
الطبيبة: امممم .. باقي ما باين والو ..
عفت: هههه كي ديما
الطبيبة:أمم نتي شنو بغيتي ..
عفت: اللي كان .. المهم الصورة الحسنة و يكون ب صحيحتو
عفت: دكتورة .. انا دابا دخلت ف شهري 5 .. و باقي كرشي صغيرة .. ياكما حينت فيا فقر الدم حتى ولدي غايتاثر. .
الطبيبة: نو ماعندك علاش تخافي. . ولدك صحته مزيانة.. غي نتي من السيدات اللي كاتكون عندهم كرش صغيرة
فالحبالة. . ااه و حاجة خرا .. كلشي ولا عادي .. تقدري ترجع تمارسي نشاطاتك اليومية عادي بحال قبل .. تجاوزتي مرحلة الخطر .. غي دواك تبقاي تشربيه فالوقت ..
عفت: شكرا دكتورة ..
ناضت ودعاتها و عطاتها تصاور ديال ليكوغرافي. . و خرجات عندهم .. فرحات نور بالخبر و مشاو لأقرب مول .. دخلو و شرات ل نعمة الحوايج اللي خاسينها. . و حتى هي خدات حوايج للحجاب و عبايات راقيين. .
نور: اووف عييت .. يالاه نرجعو بحالنا باراك
عفت: أمم لا باقي خسني ندير واحد الحاجة ..
نور: اش ؟؟
عفت: قلبت ف غوغل على شي مدرسة مزيانة و لقيت وحدة و خسني نمشي ليعا دابة
نور: اشمن مدرسة ؟؟
عفت: ل نعمة
نور: ياك باقا صغيرة
عفت: لا لا رآه قربات تقفل 3 سنين .. بغيت ندخلها باش حتى لسانها يتسرح و تولي كتهدر مقاد. . و عاد انا غادي نبدا القرايا إلى نجحت ف الامتحان و ماكاينش اللي يقابلها. .
ركبو فاللوطو و خداهم الشيفور للمدرسة اللي بغات عفت .. كانت مدرسة أمريكية. . يعني كلشي فيها بالانجليزية ..
عفت خرجات فيها عينيها ب صدمة:كي.. كيفاش .. واش مايمكنش بلا باباها؟؟
المديرة: نو مانقدروش. .
عفت بحزن: و لكن انا وياه مفروقين. .
المديرة: فهاد الحالة خسنا وراق الطلاق .. و لا الموافقة ديالو على شكل وكالة
عفت: حنا مازال مامطلقين. . هو ف بلاد آخر ..
المديرة: دونك ديري طلاق غيابي. .
عفت: الصمت و عينيها عمرو بالدموع .. صافي كلشي حتى لهنا و سالا .. غادي طلق منه .. واخا هي اللي ختارت الهروب و تبعد منه .. و لكن مافكراتش ف الطلاق. .
لاحظات نور ملامحها اللي تقلبو دغيا للحزن مم بعد ما كانت متحمسة تسجل بنتها ف المدرسة و هي تنطق
نور: مدام .. واش ال ضمنها شي حد عندو جنسية اماراتية. . تقدر تسجل ؟؟
المديرة: وي بطبيعة الحال ..
ابتاسمات نور و عفت ملامحها تقلبو ل فرحة و امتنان ل نور ..
عيطات نور ل فهد و عاودات ليه كلشي و قبل بفرح. .. جا عندهم و قدرو يسجلوها على سميتو. . خلصات عفت الواجبات. . و عطاوها الزي المدرسي. . و خرجو من تما فرحانين. .
مشات نور مه فهد و عفت مع الشيفور .. وصلات للعمارة و نزلت .. و مارداتش لبال. . ل جابر اللي كان حتى هو نازل من اللوطو ديالو .. سحره جمالها و شكلها بالحجاب .. فكل هاد 5 آشهر. . ماقدرش يتقرب منها حينت كانت ف دار نوال. . و ظابا هاهي بوحدها. . نزل دغيا و تبعها هي اللي كاتمشا بشويا فالدروج أما نعمة سبقاتها طلعات.. يالاه بغات تطلع واحد الدرجة. حتى حسات بيد جراتها بزربة. . حبسها مع الحيط و قرب منها حتى مابقا كايفصلهم والو .. شد يديها بجوج و بغا يبوسها بجهد و هي كاتفركل و شاد ليها فمها بيديه الأخرى. . يالاه بغا يحط شفايفو فوق شفايفها حتى كايسمعو التخرشيش و شي حد جاي. ....
شدها كايقرب منها بغا يبوسها بزز و هي كاتبكي و ترجف و وجهها رجع حمر .. تفكرات نهار جساس .. و رجع ليها كلشي .. ماحملاتش راسها. . حتى سمعو الحس. . و والو هو غايب بغا ينقض على فمها بحال الوحش. . عينيه ولاو حمرين كايخلعو و أنفاسه على وجهها سخان كي العافية .. عيات تدفع فيه حينت سمعات شي حد طالع و ووالو ... حتى ستسلمات لهاد الحالة .. و بقاو غي دموعها نازلين. . قرب ليها كثر. . و غمضات عينيها. . حتى حسات بيه تجر من قدامها. . حلات عينيها مفزوعة و بان ليها فهد دفعو على الحيط و نزل عليه بتسرفيقة. . بداو كايدابزو و يتغاوتو أما هي طاحت الأرض جالسة على ركابيها. . كاتكبي و سادة وذنيها ماقاداش تسمع الغوات. . حتى حسات بوجع خطير ف كرشها اللي ولات قاسحة كي الحجرة. . شدات فبها و حماتها غوات حتى هي .. سمعوها و جا عندها فهد كايجري. .
فهد: عفت .. عفت جاوبني .. مالكي .. عفت
عفت غي كاتبكي و شادة ف كرشها مخلوعة. .
نزلت نوال و نور و تجمعو كلشي ... هزها فهد كايجري و تبعوه. . خداوها لأقرب كلينيك. .
دخلوها و بقاو برة .. فهد معصب غادي جاي .. و نوال كاتبكي .. حتى تم جابر داخل .. غي لمحو فهد و هو يمشي بزربة جرو من دراعو و بلا ما يعيق. . و خرجو ل برا ...
فهد:اش جابك تاني ل هنا ( بالغوات)
جابر: قود عليا .. غي حشمت
و ما رجعتش ليك الدقة. . أ ولد مي و با ...
فهد: معصب و غي كايسوط و يغوت: حشمتي هاااااا... عندك الكمارة علاش تحشم. . طول حياتي كنت كانحتارمك حينت خويا الكبير .. و لكن ليوم طحتي من عينيا. . واش قد ختك الصغيرة .. البنت اللي مادازش عليها قليل .. جات تحاما بينا و كتقلب على الأمان بيناتنا نتا نضي بغيتي تعدا عليها المكبوت. ...
جابر هاز صبعو و كايهدد فيه: بربي و تزيد تقلل عليا احترامك ا قليل الترابي حتى ندمك ...
فهد: اييه قليل الترابي حينت انا اللي كنت شاد البنت كانشلقم فيعا بزز .. سمع نقوليك .. آخر مرة سمعتي ... اااااااخر مرة نلقاك كادور بساحتهاا. . حينت ديك الساع غانسا باللي نتا خويا ..
جابر: انا عفت باغيها. . سمعتي .. و تاحد ما يقدر يبعدها عليا .. بغيتها على سنة الله و رسوله ...
فهد بدا كايضحك بجهد: هههههههه.. لا واش من نيتك .... السيدة باقي على ذمة راجل آخر و نتا طامع فيعا تجيبها امرأة ثانية .. لا واش من نيتك و لمار غاتقبل. .غي تسمعك قلتي هادشي غادي تقلب عليك الدنيا ..
و الله إلى لا زوينة هادي .. سمع آخر كلام عندي غادي نقولو ليك. . عطي البنت التساع .. حينت من اليوم هي تحت حمايتي. . البنت باقي مزوجة خليها تربي بنتها و ولدها ف خاطرها. . و لا غادي ندمك ...
ضرب فيه و مشا مخلي جابر كيغلي
و ف فمه كلمة وحدة عفت غاتولي ديالي. ..
ف المشفى ... عفت ناعسة و ف يديها السيروم .. و نوال و نور حداها .. بدأت كاتحل عينيها و الوجه اللي كانت كاتحس بيه قبل خف شويا .. حلات عينيها اللي كانو حمرين بالدموع .. حطات يديها مخلوعة فوق كرشها و بدات كاتبكي ...
عفت: انننن. . ولدي .... اممنننم. ..
نوال: عفت بنتي .. على سلامتك .. كي كاتحسي ..
عفت: ولدي.. هئ هئ ياكما وقعات ليه شيحاجة
نوال : لا لا الحمدلله كلشي بخير
عفت: هئ هئ خفت بزاف ... هئ هئ حسيت بيه تكور و تجمع و كرشي قساحت و مابقاش كايتحرك. ..
نوال: اااه قالت لينا الطبيبة غي من الأعصاب و الخلعة .. خسكي تفادايهم. .
عفت: الحمدلله هئ هئ. .
نوال: اش وقع ليك حتى وليتي هاكاك .. واش دايقك شي حد ..
عفت بدات كادور ف عينيها : اححم لا والو .. غي تفكر شيحاجة و صافي ..
نوال ب شك: راه دوينا ا بنتي .. حاولي تنساي ..راه كاتجيبيها غي ف راسك و ف ولدك .. الله يفك وحايلك على خير
عفت: اميين ..
سالات السيروم . و رجعوا لدار و هي غي كاتشوف و دور ف عينيها . خافت فهد يقوليهم شيحاجة .. و خايفة من جابر لايعاود يتقرب منها ...
كان الليل و جالسة فالبيت حتى دخل عندها فهد قاليهم بغاها على شي حاجة ديال الجامعة .. غي شافتو قفزات ز الدموع تجمعو ف عينيها .. دخل و جلس قدامها
فهد: عفت .. بلاما تخافي .. انا عارفك مادايرة والو .. هو اللي تمادى عليك و رآه ربيتو. . اللي بغيت نقوليك ماتخافيش عمرو مازال يطوف ب ساحتك. . نتي ديها غي ف الامتحان. . ياك كاتوجدي بعدا ؟؟
حركات راسها بالإيجاب و عينيها عامرين دموع ..
فهد: اوا الله يسهل عليك .. نساي هادشي اللي وقع اليوم حينت عمرو غايتعاود. . ديها غي ف صحتك و فولدك. . و اللي خساتك انا عاني ف مقام خوك الكبير ...
عفت: شكرا بزاف .. الله يعطيك ما تمنيتي. . و سمح ليا
فهد: شكرا ماكايناش بين الخوت. . يالاه تصبحي على خير ..
ناض خرج من عندها و تكات هي حظا نعمة اللي كانت ناعسة .. تنهدات و بقات كاتقرا القرآن باش ما تفكرش عاود فاش وقع اليوم .. بقات هاكاك حتى غفات و نعمة ف حضنها ...
صباح جديد و نهار جديد ... فاقت عفت ف الفجر .. اصلا مانعساتش الليل كامل بالخلعة .. صلات صلاتها و بقات جالسة كاتراجع حتى وقفات 7 .. ناضت و دعات الله يوفقها ف امتحانها. . غسلات وجهها و سنانها و لبسات كسيوة طويلة فالشيبي و دارت معاها شال بيج بحال صباط و هزات ساك كحل صغير فيه وراقها. . فيقات نعمة غي ب 66 كشيفة و لبسات ليها الزي المدرسي. . و دارت ليعا غرينات و خرجو عندهم .. لقاو كلشي مجموع كايفطر. . جلسات عفت و ف حجرها نعمة ..
نوال: فطري ا بنتي .. مللي جلسي ما دقت شيحاجة
عفت: و الله ا خالتي ماعندي منين يدوز
فهد: ههههه شحال عادي واقيلة ماحسيتي هاك.
عفت: وا من نهار الباك .. يالاه خسنا نمشيو ..
نوال: الله يسر ليك ابنتي و يدوز كلشي مزيان ..
فهد: يالاه نوصلك معايا ..
خرجو و ركبو فاللوطو ور عفت كاتدعي ف خاطرها. . وصلو نعمة هي الأولى عاد عفت .. نزلات من بعد ما تمنا ليها حظ موفق. . دخلات الجامعة اللي كانت زوينة بزاف .. و معروفة .. كانو بزاف ديال الطلبة كايتسناو ممن مختلف الجنسيات .. وصل الوقت و دخلو .. دوزات النهار كامل امتحانات ف بزاف ديال المواد. . و مالقاتش مشاكل حينت كانت موجدة ليه مزيان ..
وصلات 4 عاد خرجو .. و عاد تنفسات شويا حينت صايبات مزيان .. فضلات تمشا على رجليها حينت نصحاتها الطبيبة بهادشي .. بقات غادية ف طريقها و كاتدوي مع ولدها و تدوز على كرشها بيديها
عفت: بصوت طفولي: حبيب ماماه ... إنشاء الله غادي نجح و كلشي غايكون مزيان .. و تجي جتى نتا و تونسني نتا و ختك ... شحال متشوقة نهزك بين يديا و نشوفك كاتكبر قدامي .. (تنهدات) شحال باباك و الحاجة كانو كايتمناوك. . ولمن هادشي اللي مكتابب. . (حسات ليه ركلها) اااح. . ياك الخايب كاضرب ماما .. دابا غاتبدا كاتمشي معايا للجامعة و تقرا معايا .. داكشي باش خسك تكون ذكي حينت غاتقرا و نتا ف الكرش ..
هزات راسها و لقات الناس كايشوفو فيها كاتدوي مع راسها بحال الحمقة. . ضحكات على راسها و كملت طرقها .. جبدات تيليفونها و دوزات لابيل ل لارا
لارا: الو
عفت: الحووووب. توحشتك
لارا: عليها كل شويا كاتسولي
عفت: وااا صافي ياك مقلقة من عفت حبيبتك .. راه غي الدنيا و نعمة و زيدي الحمل .. و عاد الجامعة
لارا: عاذراك. . جربت حتى انا مع بنتي و شفت .. أمضرا تقبلتي فيها ؟؟
عفت:هاني عاد دوزت الامتحان
لارا:اوا يكون خير انشاء الله. .
عفت : احححم لارا ...
لارا:غاقولي اش عندك
عفت: احححم واش عمرو سول ؟؟
لارا:ااااخ يا عفت .. حالتو كانت كاتقطع القلب .. قسحتي قلبك بزاف ا صاحبتي .. ماعرفتش اش خلاك تولي هاكا.. عرفتي شحال سول عليك قلب كندا كاملة من بعد ترف باللي مشيتي ل سيدني و حتى هي ماخلاش من جهدو فيها ..
عفت: و فين هو دابا
لارا: حتى حد معارف .. مابقاوش هنا ف كندا .. غبرو
عفت: تنهدات : اوا يحس و ولو غي بشويا من النار اللي حرقني بها .. يتعدب غي شويا من داك العذاب اللي ذوقني. .
لارا: عارفة هاد الكلام ماشي من قلبك .. المهم نتي نساي عليك هادشي . دابا ختاريتي وا خسك تكوني قدها و قدود. . توقفي على رجليك و توريه باللي قادرة تعيشي بلا بيه و ترجعي قوية ..
عفت: واييه أهم حاجة على قبل ولادي .. يالاه ا لارا نخليك دابا . سلمي على سهيل بزاف .. و وياك وياك شي حد يعرف بلاصتي. ..
لارا: واش كانلعبو هنا .. سرك ف بير. . تهلاي فراسك ا عفت و ما تفورصيش على راسك و انشاء الله يكون خير ف الامتحان ...
فهاد الشهور ماتغيروش بزاف ديال الحاجات .. عفت دخلات ف شهرها 8 ... تقبلات ف الجامعة و بدات الدراسة ... و كي ديما متفوقة .. نعمة حتى هي ولقات المدرسة و تسرح ليعا لسانها .. ولات كاتدوي مزيان ...
أما رعاد .. حالته غي ماكاتزيد تكفاس. . و لا شخص واحد اخر .. بحال هزيتي واحد و حطيتي واحد اخر .. قاسي .. مغرور .. ماكايضحكش. . دافن راسو غي فالخدمة .. ف مدة قصيرة قدر يحفر سميتو و يتعرف ف امريكا كاملة .. بالرجل الغامض .. حتى جد ماعارف شيحاجة على حياتو الشخصية .. و لكن معروف بأعماله و بالصفقات اللي عمرو قدر يخسر شي وحدة .. ف وقت قصير قدر يكتسب شهرة كبيرة .. ولا حديث الصحافة .. و قدر يكسب حتى أعداء. . رجال أعمال قدام ف الدومين. . اللي جا وهو و خدا ليهم بلاصتهم ... هادي حالته نيت اليوم .. عندو فالليل حفلة مهمة .. غايحضرها شخصيات مهمة .. فيها غادي تعقد صفقة مهمة .. بخصوص شي آبار ديال البترول ..
كيف كل صباح .. خرج من الغرفة ديالو اللي كلها لونها كحل .. بحال حوايجو. . منو نهار مشات عليه عفت و هو حازن. . و رجع اللون الأسود هو لون حياته .. لابس حوايج رياضية كحلين .. توجهو هو الأول عند الحاجة اللي مخصص ليعا جناح كامل .. كله معدات طبيبة متطورة و ممرضات مكلفين بيها ... مي هي باقي كي خلاها .. جثة هامدة .. عايشة بالأجهزة .. غرفتها باردة بحال جسمها اللي ولا ضعيف .. جلس حداها و باس ليعا راسها و يديها .. و ميشوف غي صدرها الي كايتهز و دقات قلبها اللي كايتسمعو. ..
رعاد:صباح الخير يا نور عيني...شفتك ستحليتي نعاس المعجازة..كبغيتيش تنوضي خلاص ..(بغصة)توحشتك الوليدة ..توحشت حنانك ..توحشت ابتسامتك ودعواتك...توحشت خوفك عليا واهتمامك...توحشت غواتك وتقليقتك عليا ومني...توحشت نشوف نظرت الفخر فعينيك بيا بعد كل نجاح..توحشت كلشي فيك ...محشوماش عليك تعذبي ولدك هكذا...مكافيكش عذاب عفت لي خلات دنيتي ظلام من موراها ...توحشت نفرح ..بغيت فرحتي ترجع شمل عائلتي يتلم ...عارف ممنحقيش نطلب ..ولكن انا ندمان على كلشي (باس يديها) سمحي ليا ..(سكت شوية وكمل هدرتو بنضرة كلها انكسار)اليوم نجاح جديد ..هه(ضحكت استهزاء)اليوم احتفال جديد كيف لي سبقوه بعذابي وباش نتأكد كيف كل مرة بلي ظلمي ليها خذا ربي حقها فيا ..وحقق ليها دعوتها وبقيت كيف الكلب بوحدي وقلبي محروق عليك وعليهم....(سهى بنظرتو لبعيد) الوليدة متوحشتيش صوت نعمة وضحكتها (بابتسامة) انا بعدا نبيع عمري غير نشوفهم وخا لاخر مرة فحياتي...(ناض باس ليها يدها بوسة حارة وباس جبهتها) حبيبتي نخليك دبا ...ليل ونرجع نطل عليك..مكرهتش نلقاك فقتي وصحيتي كيف الاول وحسن ...
خرج ورجع رعاد القاسي ..الغامض ..هبط لصال لي دايرو فدار لعب قريب ساعة فطابي رولون وقلبها لعب شوية ضورصو وسكوات وكتاف وليزابدو طلع دوش دوش لبس كومبلي اسود وهبط لقاهم موجدين ليه فطورو فطر وخرج تاجه لشركة راجع شي وراق وحقق فوراق المناقصة جديدة مزيان لي بسبابها كاين احتفال فليل ..شاف فالبيسي ديالو لبروجي لي بسبابو تصدر الشركات كلهم لي كانو منافسين ليه ..ولي كان سباب باش كسب هاد المناقصة ...لقا كلشي هو هذاك هز ليوس ب ديالو ...وجلس كيوقع شي وراق حتى دخلات عندو سكرتير ديالو جايبة ليه ملابس الحفلة حطاتهم ليه وخرجات ..ناض بدل ولبس كومبلي اسود كولو ودار ساعتو فيدو قاد شعرو ولحيتو رش بارفانو ..شاف فساعة لقاها 9 ديال ليل نخارو داز طاير بسيف ماهو مغرق راسو وسط لوراق وممنوع منعا باتا يعطي رتحة لراسو رجع كيعاقب راسو بنجاحات مكيفرح ليهم حد معاه وهو براسو مكيفرحش ليهم ...خرج اتاجه لمقر الحفل لي كان فاوطيل ماريوت ماركيز لي فيه وحدة من اكبر قاعات المؤتمرات فنيويورك ...كان دنيا مقلوبة صحافة وناس من مختلف الجنسيات رجال اعمال ودبلوماسيبن نساء المجتمع راقي .وزراء ورئساء من مختلف البلدان كان حدث عالمي اكيد ما النشرو متعلق بذهب الاسود نفط ..لبترول العملة صعبة ...مكان غير لغة المال كتهدر... البساط الاحمر مفرش على طول مدخل الاوطيل ولكارد منتاشرين ..البوليس مهم الحصار خوفا من وقوع الكوارث .. لأن الاوطيل دبا كيضم ناس عندها نفوذ واعداء ..وشحال ما كنتي ناجح شحال ما الخطار كيكون كيحوم عليك وحياتك مهدة فاي لحظة ...دخل رعاد وكيف كل حفلة داخل بوحدو هو والمساعد ديالو لي مفارقوش طول هادالمدة.. عكس الضيوف الاخرين لي ضروري من المرافقة نسوية معاهن ميهمش واش مراتو صاحبتو او مرافقة خاصة ..مهم العنصر نسوي...وهذا لي كيخلي الانظار كتر على رعاد ..البعض منهم رجع كيقول بلي معندو قلب لهذا مبعد على مجال الاحاسيس وخا عياو ميقلبو وينبشو فحياتو الخاصة ولكن الغموض طاغي ....دخل بكل رجولة وقوة شخصية جلس فالمكان المخصص ليه ..من بعد ما كاع الحضور وصلو ..طلع مدير شركة لي تعاقد معاها رعاد شخصيا كيرحب بالحضور وترحيب الخاص كان من نصيب ضيف شرف لي هو "الرجل الغامض...رعاد هينري..بزنس هيلك""" قدم الكلمة ديالو و عطى فكرة شاملة للمشروع وطلب من رعاد يقدم لبروجي ديال شركتو...لبى رعاد طلب ديال وطلع بكل ثقة كيهدر والمشروع من موراه كيبان فشاشة كبيرة كلشي تصدم كيفاش قدر انو يختازل نصف سيولة ويرجع ليهم الارباح ونقص اليد العاملة باربع اضعاف..كلشي عتارفو بذكائو وبلي فعلا يستاحق ياخذ المشروع ..ويستاحق لقب لي تعطى ليه والمكانة لي وصل ليها فمدة وجيزة...كانت الاضواء مطفية مجرد الهوم سينيما لي كتعرض المشروع ومبيانات للارباح والمواد بارقام تدقيقية كلشي كيشوف فشاشة وصمت سيد الموقف من غير صوت رعاد لي كيتسمع وهو كيشرح كل نقطة..حتى كيتسمع صوت طلقة كسر صمت المكان وتشعلو الاضواء ......
... كيتسمع صوت طلقة كسر صمت المكان وتشعلو الاضواء ورعاد وقف جامد قابض جيهة اليسرى قريب من القلب وسائل سخون بدا كيتدفق منو مجرد يديه لي عمرو بدم هما لي عرفو طلقة فين تاجهات طاح الارض وشريط حياتو كولو داز من قدامو ..معرفش علاش جات فبالو صورة لي كان حاط فالمكتب ديالو .. جامعة عفت والحاجة ونعمة فرحت حياتو ... نساء كتصرخ وبعض رجال كيهربو نسا لي معاهم وتحل باب طوارئ ..تقلبات دنيا..وتبلع الباب رئيسي لفندق..صوت الاسعاف قلب الانحاء...تجمعو المساعد وبعض العملاء لي كيشوفو رعاد غايب والخوف فعينيهم المساعد كيغوت باش يزربو يسعفوه....
داز نهارها فروتين بين الجامعة ونعمة و حديثها دائم مع لبيبي ...اليوم تشهات لبسطيلة بدجاج ..ناضت وجداتها والفرحة فعينيها ...ولكن معرفاش علاش قلبها مقبوض وممهنياش ..بقات كتتعوذ من شيطان وكتبتاسم لريحة لي كتشهي ...وكتتسنى غير فوقاش توجد ...وجداتها وجلسو كيستناو ففهد يدخل ..كانت هي ونور ونوال ونعمة كتراجع بعض الجمل والكلمات ...دخلات عليهم لمار وولادها شدات تيليكوموند وقلبات لحفل لي كتستناه بفارغ صبر مع هي هذا ممتبعا غير الحفلات وندوات بحكم هي سيدة اعمال فهذا كينفعها نكون عارفة صغير ولكبيرة فمجالها ..فهاد الاثناء عفت كانت دخلات لحمام مع ثقل مبقاتش كتقدر تتحكم فراسها وكل خمسة ولا عشرة دقايق تلقايها فالحمام ..خرجات لقاتهم كيتفرجو وجلسات معاهم كتشوف نعمة كتكتب وحاضية معاها لتغلط حتى سمعات صوتو فالاول سحاب ليها غير كتتخيل ولكن طلعات عينيها فلبلازما وكتبان ليها صورتو كبيرة واضحة قلبها فز من بلاصتو توحشاتو بزاااف ..تبدل زاد تفورما على قبل نظرتو غريبة طريقتو وقفتو حركاتو بقات كتبعة كلشي ودموعها نازلين وشهقاتها كيزيدو ويرتافعو حتى كيسمعو صوت طلقة نارية والكاميرا كانت عليه شافتو شاد جيهت قلبو ناضت كدوز صباعها على صورتو فتلفازة وشادة فكرشها بيد كتبكي وتشهق
عفت:لااااااا ....لااا يا ربي..لاااااا ..رعااااااااااااااااد غوتات غوتة بحرقة كلشي تصدم منها ولي زاد صدمهم لون عبائتها سكرية لي تلطخ بدم مجاو فين ينوضو عندها ..حتى كانت جثتها مسطحة على الارض وضاية ديال دم زايدة وكتكبر تحتها.....
الأم العازبة الجزء الثامن
محتوى القصة
التنقل بين الأجزاء