أنقذوني عبيقة كيبغيني الجزء السابع

غير شااافتو فحالا شااافت العلام..قلبها بدا كيضرب كيضرب بجهد غادي يخرج من بلاصتو ..كانت متكية فالناموسية...بدات كتحاااول تنوض..بالزربة وصل لعندها ..مانعها من الحركة...

أيلول:راه عييت من هاد النعسة !!

عبيقة:واخا انا نقاد ليك المخدة..

هزها فحال الريشة دار وراها لمخدة ..قادها فبلاصتها وغطااا ليها نصها..

عبيقة:كيف بقيتي !!

أيلول:لابااااس ..

.جر واحد الكورسي حداه جلس وعم من جديد واحد النوع من السكون القاااتل..هي ساااكتة وقالبة وجهها حشماانة مابغاتوش يشوفها هاكا الوجه كامل زرق والعين منفوخة..وهو حاني راسو على يديه كيلعب بيهم ..كيتلف بالوقت باش مينزلوش ليه الدموع ..وماباغيش يبكي باش متقولش كيشفق عليها.إييه عبيقة بشحمه ولحمه شاداه البكية على بنت وهادي أقل حاجة يقدر يدير على ود البنت لي كيبغي..من بعد أخد ورد كبير ومشاداة دمااغية قرر يكسر داك السكون ..ماشي عبيقة لي يتلف ويدوخ فبحال هاد اللحضات ..جا باش يخفف عليعا ماشي يكمل عليها..

عبيقة:حبي فيك الجوع...

حركات راسها بلا وهي مازال قااالبة وجهها عليه..تنهد بحيرة وناااض ..جر كورسيه مضورو لجيهة لي كتشوف فيه...حط لكورسي قريب منها وجلس.هز ليها يديها لي ممهرسااش.مقربهاش لفمو بزاااف هو تحنااا لعندها..وبااااسها بحراااارة مطول فالقبلة..لدرجة تبوريشتها وصلاتو..علا فيها عينيه لقاها على وشك الإنهيار..والدموع فالحااافة ديال عينيها..حرك ليها راسو بالزربة بمعنى لا متبكيش..مقرب جوج صباااع لعينيها حاابس الدموع قبل ماينزلو..

عبيقة:دابة عاودي ليا شنو طراااا..

أيلول:(تنهدات) تلقااا ليا شفاار

كانت ماماها لي وصاتها..حيت الطبيب سولها وباغي يعلم البوليس..

عبيقة:(ضحك باستهزااء)من إمتى وباباك ولا شفاااار..

خرجاات عينيها مصدومة كيفاااش حتى عرف..

عبيقة:شفتك سكتي...علاش تتكدبي عليا !!

أيلول:لي فيا كافيني متزيدش عليا 

عبيقة:علااااش صربك..

أيلول:(كتبكي)حيت سقطت ..هو ديما كان كيحلف عليا..

ناض لعندها معنقها جنب ..كحازت ودارت ليه بلاصة حداااها ..طلع تكاااا هو ويااها كيمشط ليها شعرها بصبعاانو وكيسكتها 

عبيقة:(كيتمتم)ولد الق**بة هادا..ماغاديش تبقااي معاه فالدار..غير صبري أحبي..غادي يولي غير يتمنا يشوفك وماغاديش يلقااك

أيلول:كان ديما حاااگرني ..ديما العصا..أيغد عييت منو عيييين من العيشة معاااه

زاااد جرها ليه كتر...ماقاادرش يهضر ولا يعبر ..داكشي لي كيحس بيه فهاد اللحضة لي خي كتعااود ليه فيها كيفاااش حتى ضربها والهضرة لي سمعها..كبير بزاااف والهضرة متقدرش توصفو ولا تعبر عليه

باقين على نفس الوضعية هو معنقها وهي شااادة ليه فالتجاكيط..مزيرة عليه..طل عليها لقاااها نعسااات ..حالا فمها شوية والريق هاااابط...بتااسم عليها..جبد كلينيكس من جيبو مسح ليها جنب فمها بشوية وبحذر خاايف لا يقصحها وتصدق فاايقة ..تسل من حداها غير بالشوية..نزل من الناموسية غطاها وخرج فحالو..

تقريبا شي نص سااعة وكان رااجع هاز فيديه كراااطن ديال البيتزا والطاكوس والفريت..حل الباااب بشوية لقااها مازال ناااعسة ..تقلبااات حتى عيات ولكن ديك اليد معنكشاااها..حط الكراطن فوق الطابلة ..ومشاا لعندها كيفيق فيها..حتى فااقت حاالة غير عين والعين التانية أصلا مابغاتش تحل ليها مع كاملة منفوخة..

أيلول:(بصوت نعساان) مااالك..

عبيقة:ماناويااش تعشاااي..

أيلول:(توگدت)مكرهتش والله..

عبيقة:(مشا جابهم وجا) هااانا تهليت فحبي..

أيلول:شنو جبتي ليااااا

عبيقة:(حطهم فحجرها)بيتزا..طاكوس.فريت..

أيلول:جبد جبد قتلني الجوع...

عبيقة:علاش ماوكلوكش هنا ولا شنو!!

أيلول:(دبلات عينيها) وكلوني غير واحد الزلافة ديال الصوبة ديال البصلة.(خرجات لسانها)ياااااع 

عبيقة:ههههه هبيلة والله...

حل ليها الكرااااطن ..قطع ليها وخلاها تاكل على خاطرها..ومرة مرة وملي ترشق ليها وملي تفكرو ..تتوكلو شوية..

كملات كولشي ..ولاو دوك الكراطن فحالا ضربهم الكسوف ..مسحااات جناب فمها بالمنديل لي عطااها عبيقة..جمع داكشي دارو فالسلة ديال الزبل لي تما فالبيت نيت..ومشااا تخشااا معاها تاني مزاااحمين فديك الناموسية..

عبيقة:قلتي ليااا عطاوك استدراااكية ياك..

أيلول:اه ..

عبيقة:(بأمر)غااادي دوزيها..

أيلول:لااااااااا.

عبيقة:غادي دوزيها وغادي تنجحي فيها وغادي تلوحي عليه ديك الكااارطونة لي فاااضح لينا بيها ك**رنا

أيلول:أيغد مابغيتش..

عبيقة:حبي مابغيتيش تحنتيه وتنجحي ..سمعي ليا هضرتي..

أيلول:معرفتش ..بغيت نجح ونوريه بلي انا ماشي مكلخة كيف كيقول علياااا..

عبيقة:إوااا شفتي..صافي غادي دوزيها ياااك..

أيلول:(كتفكر)اه صافي..

عبيقة:(باس ليها راسها ) هاكا نبغيك ..يالاه نعسي رتاااحي ليك دابة

سمعااات ليه هضرتو وسدااات عينيها وديك السااااعات كانت نعسااات ومشااات عند الله

دازت ديك الليلة ومشااا عبيقة فحالو بعد ما تهنى على أيلول وطمن عليها ..خرج من السبيطار مع 3 ديال الصباااح ماخرج حتا غطاها وباس ليها راسها..ركب فموطورو ..غااادي فشوارع كازا لي كانت شبه خاااوية وكاااان واحد البرد خفيف كيضرب ليه فشعرو .غاااادي وكيفكر فهادشي لي طرااا ..حتى لقااا راسو وصل للدرب..حط لموطور ودخل..سمع صوت التلفاازة جاي من الصاالة ..غمض عينيه وسدهم كيتحلف على رياااض..مشا بالزربة لصالا..لقاااه نااعس كل رجل فجيه ..حال فمو ..الواااضح أنه كاان كيتسنااااه..نزل على ركاابيه ..كيمشط ليه فشعرو بيديه ..باااس ليه راسو وهزو لعندو مطلعو لبيتو..كيف عادتو غادي بيه وكيبوسو من فمو من حنكو ومن جبهتو..دخلو لبيتو هو نيت بغا ينعسو معاااه ..حيد ليه القميجة والسروال خلاه غير بالسليب والإكسا..خشاه فالفراااش وغطااه..بدل حوايجو بسروال التوني وتيشورطة.ونزل لكوزينة يشوف ما يتغسل ماعزيزش عليه يخلي الوسخ....لقااا داكشي لي طيب لريااض باقي كيف هو ماكلا منو وااالو ..ضرو على ولدو خاااطرو بزاااف ..غسل دااكشي وطلع تلاح بالنعاااسو معنق ولدو لعندو وماعاقلش على الدنيا...

غير رجعااات لدار هي ومعاااذ ولقااات العربي فديك الحااالة تشفااات فيه حتى برد قلبهااا..وعرفااات بلي "الله يمهل ولا يهمل "...

وجااا الصباااح وطلعااات الشميشة..مشاات لعند أيلول مع 9 باش تخرجها..لبساااتها توني ومشطااات ليها شعرها ..خلصااات السبيطاار من الفلوس لي خدااات للعربي لي كاان مخبي مع حواايجو..شدو طاااكسي وكاانو فالدرب..طلعااات بنتها لبيتها وخلاتها ترتاااح ..خارجة دير ليها ماا تاكول..

ودااازت 15 يوم ..لي بقااات فيهم أيلول فالبيت مكتخرجش گاااع منو إلا لابغااات تدخل لطواليط ..حتى من الماكلة كتجيها حتال عندها ..وجهاا براااا من غير شوية الزروقية تحت عينيها..يديها مزال مجبصة...فهاد المدة عطاتها لحفاااضة وشافت المواد لي جابت فيهم ناااقص هوما لي خدمااات عليهم مزيان .. وهادشي كااتامل تحت تعليمات عبيقة لي كان كل نهار يعيط ليها ويخليها دير مكبر الصوت ويبدا يحفضها ويراااجع معاااها ..ماخلاش فجهدو فينما لقااا شي كتااب شراه باش يحفضها ويعااونها..توحشاااتو بزاف وتوحشها كتر ..كيصبر راسو بلي غير غادي تنجج كولشي غادي يتقاااد وكولشي غادي يولي مزيااان ..

أما سي العربي فراااه ربي انتااقم منو ملي جااو ليه دوك الجووج فرشخوه لا والزوينة گاااع ملي لقااا العضم مشقق ليه فضهرو صدق خاااسر زبااالة فلوس فالطريطمو..فتيحة قااالبة عليه وجهها ..كطيب ليه ماياكل تحط ليه وتمشي تاكل مع بنتها..لي مطلش عليها ولا سول عليها گاااع لا كيف بقاات ولا واش واكلة ولا شااااربة..

حاااطة الكتوبة فالارض كااملين مشتين وشااادة واحد لعندها معنقااه وسادة عينيها كتحفض ..والتلفون محطوط فوق الناموسية ولابيل دااايزة..

أيلول:الصين كتميز بالصناااعة وخاصة الإلكترونيااات لي هوما الحواسيب والهوااتف النقاالة ..

عبيقة:هااا برافو ساهلة هانتي حفضتيها..كملي..

إيلول:بففففف وااا عيييت والله..

عبيقة:(بأمر)حفضي مابقا والو..

أيلول:(كتمسكن)وا يدي ضاراني كتعطيني لحريق..

عبيقة:الله يمسخك..ياك مشيتي لطبيبة وقالت ليك كولشي مزياااان..

أيلول:استااذ بغين إستراااحة غير 10 دقاايق عفاااك

عبيقة:بفففف واخة ..يالاه الالة هااا حنا حبسنا لحفاضة ومن بعد..

أيلول:كنبغيك..

عبيقة:(لحضة سكون وتأمل)وأنا كتر والله ..ربي لي عاالم أ أيلول..

أيلول:عاارفة عااارفة..

عبيقة:حتى قلت مستحيل نبغي من جديد .وبنتي نتي قلبتي ليا موااازين حياتي للأحسن .كنبغيك وقليلة فحقك💙

أيلول:ياااربي يخليك ليااا يااا ربي..

عبيقة:كتعرفي ربي غير دابة ..

أيلول:ونتااا كتعرفو باااااز

عبيقة:الله يسمح لينا وصاااافي..

أيلول:(تفوهاات)جااني النعاااس..

عبيقة:كملي درس ديال الصين وسيري تنعسي..

أيلول:حماقيتي ولا ماالك ..عرفتي شحال باقي فيه 

عبيقة:ماااتبغيش نعااود لهضرة..

أيلول:أيغد عفااااك..

عبيقة:ما كاين لا أيغد لا كريط..حفضي..

أيلول:ففف (هزات لكتاب) أما بالنسبة للفلاحة فكيتميز بتنوع فالمحاصيل المزروعة كنلقاو الحبوب .الشاي والحوامض كيسااعد فهادشي عدة عوااامل...(سكتات)

عبيقة:كملي مالكي تسالا ليك لحجر..

أيلول:نسيت...

عبيقة:العواامل المساعدة هي المناااخ والتربة ..سبعين ألف مرة وأنا كنعاااودهم ليكم ورااهم غير جوج مرضتيني..

أيلول:صافي صافي متعصبش ليااا أنا نحفضهم دابة 

وعلى هاد الجو كملو ليلهم فالحفااااضة ..االليل كيضل يحفض معااها والصباح يصبح خدااام..عكسها هيا تضل مكوزة طرمتها لغربي..

ودازت يوماين وجاا نهار الإمتحاااان ..جات ماماها الصباح فيقتها غسلات ليها وجهها..عونااتها فلباااس حوايجها ..ومشطات ليها شعرها..جابت ليها الفطور ..فطرات على خاااطرها..بغااات تمشي معاااها ولكن مخلاتهاااش بحجة غادي غير التكرفص والشمس عليها..أما هي راه داايرة مع عبيقة يوصلها....عطااات لبنتها 20 درهم وخلاتها تخرج .غادة وكدعي معاااها بالخير..

وقبل مااا تفوت دربهم كااان عبيقة كيتسناااها ..شافتو من بعيد طاارت لعندو معنقاااه بيد وحدة ممصوقاااش للبشار لي كيشوف .أصلا حتى حد مايقدر يشوف غير لا بغاااو عبيقة يسعر...وحتى هو ماشي من العاااگزين عنقها لعندو حتى هزها من الأرض..بااايسها فحنكها وحطها للأرض..

عبيقة:(شاد ليها يديها ومهبط راسو شوية لعندها)توحشتك...

أيلول:(حشمات)أحم يالاه غادي نتعطلو ..

عبيقة:يالااه...

ركبااات فالموطور قاد ليها الكاااسك وركب قدامها ..فرمشة عين كان قدام المدرسة...نزلها وبقااا كيراااجع معاها ويعاااود ويااا ويلها لا نسااات شي حاجة الودنين كيتجبدو...حتى كتبدا تطلب فيه عاد كيطلقهااا ...

بقاا معاها حتى صونااات الساااعة ..باستو فخدو دغيا شاااكراه على المجهودات لي دار معاها ولي باقي كيدير على ودها..فالمقابل تمنى ليها التوفيق مخليها تمشي تدخل تبني مستقبلها ..حضاها حتى دخلات ..عاد مشى فحالو ..حتى هو عندو مسؤولية وعندو ولدو ماغاديش يبقا مقابلها غير هي..

نفس السيناااريو تعااود غير هو هاد لمرة تعاود للأحسن..لمرة لي فااتت كانت دايخة ومفاهمة والو ..هاد لمرة عارفة شنو تكتب فورقتها.. كانت القااعة شبه خاوية نضرا للمستدركين قلال ..تفرقو الوراق مع 8 بيلة ..قرات النص كتر من مرة حتى ستوعباااتو مزيااان عاد بدات بعد ما سمات الله كيف وصاااها حبيب القلب ..تقريبا جاوباات على النص ولي معرفااتش ليه نقلاتو من عند لي معاها حيت حتى هي وراااتهم...

كملات فساعتين ونص وخرجااات فحالها ..هازة راسها لسما مقتخرة براااسها ماشي فحال لمرة لولة ..خرجات فحال الأطرش فالزفة..

غير خرجات مع البااب ضورات راسها يمين شمال مابانش ليها ..نفخات فمها وعودات طلقاتو بغضب..خشات يدها لي صحيحة فجيبها وكملات طريقها للدار باش ترجع فالعشية...وقبل ما توصل لدارهم ب10 دقااايق كان عبيقة على رجليه معاه ريااض جايين لجيهتها وكيبتاااسمو ليها..رياض لي غير شاافها طلق من عبيقة ومشاا كيجري لعندها كيحااول يتعلق فيها وهي معوناااه بديك اليد لي عندها...

ملي شافت القضية ممسلكاهاش تحنات لعندو على ركبتها مخلياه يعنقها على خاااطرو ..

رياض:توحشتك المعواااقة..

أيلول:بزاف عليك...

عبيقة:ريااااض حشومة..

رياض:أمالك أصاحبي راه غير شاد فيها..

عبيقة:تشد فيها حيط هيا...

رياض:صافي صافي...

أيلول:غير خليه .عارفاه كيضحك..

عبيقة:يااااك إوا سري...رياض عطيها العصير...

وصلوها حتال بااب الدار عاد مشاااو فحالهم لدارهم...فالعشية لقاااتو كيتسنااها دوزات لمتحان ..كملات ومشااا عرضها لريسطورو ...ضحكو ونشطو ..فرحااان بيه لأقصى درجة وهي كتر غادي طير لسماا السابعة ..كيبغي يشد فيها على حساب يدها لي دايرة ليها الجبص ..حتى كيبكيها عاد كينوض يبوس ليها راسها ويطلب منها السماااحة..كيعجبو يشوفها كتعصر باش طيح دوك جوج دميعات ..وكيعجبها ملي كيجي يحزرها وكيعاااملها معاملة خاااصة معاملة الأميرات..

وهاكا دازو تلتيااام ديال الإمتحااان وكيف قالت لماماها ولعبيقة ملي سولوها كيف دوزات...حسن من اللول بألف درجة .. ودازت 10 أيام كطير فحال البرق ..دازت فرمشة عين...دوزوها غير تلفونات وهضرة من نص ليل حتى كيطلع الصباااح ..

مخشية فبيتها ..ملمدة فماانطة حيت الشتاا كتصب وكاين لبرد ..كطل من الشرجم على الشتااا لي عمراات لحفاري لي فالدرب..ريحة الترااب لي فاازگ بما الشتااا ماالية المكااان ..الساااعة تشير إلى 1 بعد منتصف الليل ..شادة التلفون فيدها كتسناااه يعيط ليها كيف عااادتو ..فات لوقت لي مولف يصوني عليها فيه ولي هو 12 ديال الليل...تأفأفاااات بملل وخشات التلفون تحت من المخدة ..غطات راسها ونعسااات..ماكاملاش جوج دقاايق حتى تسمع لڤيبرور لي خلاها تنوض قاافزة...غير شافت نمرتو ..طلعات حاجب ونزلات لاخر ..جاوبات منفخة فحالا كيشوف فيها...

عبيقة:ألو عمري...

أيلول:ألو..

عبيقة:هو مااالو تاني..

أيلول:مالوش.....

عبيقة:مال حبي ...مالك أيلول..

أيلول:سااااعة وأنا كنتسنا مبقيتش فيك...وزيد مخلوعة غدا من النتائج ..ومعيطتيش گاااع تسول فيا...

عبيقة:راااك ديما فالبال أحبي وربي لي شااهد عليا..

أيلول:وعلاش معيطتيش...

عبيقة:خرجت رياااض يتسارا شوية ..شحال هادي مخرج ..إوا وملي جيت ها أنا عيطت ليك ..

أيلول:(بتفهم)اااه عندك الحق رياض هو اللول..

عبيقة:يخليك ليا العمر...إوا قولي ليا..

أيلول:أش نقول ليك...

عبيقة:شاداك لخلعة ولا ؟؟

أيلول:بزاااف ..هاد لمرة لا سقطت يقتلني العربي..

عبيقة:إلا سميتو رااجل يحط عليك يديه..بربي حتى ندفنو حي..

بتااسمات بخبت ..بلعاني كتبغي تجبد ليه هاد الموضوع بااش تسمعو كيدافع عليها وباغي يحميها...

أيلول:عارفة أبروسلي..

عبيقة:غدا غادي نمشي معاااك..

أيلول:لا راه غادي تمشي معايا ماما..

عبيقة:وأنا منشوفكش ..

أيلول:دابة تشوفني إنشاء الله..

وكملو سهرتهم المسائية لي مكتخلوش من كلمات الغزل والحب..والإشتياق والشوق ..

فاقت لالة مولات الحسن والجمال حتال 12 ..وكون مافيقاتها ماماها كون والله ما تفيق ولا تزعزع..هي أصلا سهرات لبارح بليل زائد هاد الجو البرد والشتاااا كيجيب النعاااس ..ناضت لطواليط ..قضات حاجتها على خاطر خاااطرها ..نزلات كتكووسل فالدروج ..وفطريقها تلاقات بالعربي..لي مازال محشم ولا بغا يتردع..لاح ليها جوج كلمات سممها بيهم خلاها هبطات كتفيبري بالأعصاب..

العربي:عاااد فايقة..غادا تشوفي النتائج باين عربونك بلا ماتمشي التشوهي تاني جلسي فداركم وأول سراااح نزوجك ليه..مكلخة..

وبهاد الشي لي قال ليها گااع ديك الطاقة الإجابية لي زرع فيها عبيقة لباارح وديك التقة فالنفس مشات وتبخراات فحال الدخان ورجع ليها التوتر والخوف من المجهول..نزلات عند ماماها لكوزينة كتقفقف ..جرات كورسي وجلسات بدون ماتكلم مع فتيحة لي شافتها ملي دخلات...

فتيحة:عاد فايقة على السلامة ..

شاافتها مااجاوباتش ومع كانت عاطياها بالضهر..ضارت عندها لقااتها كتهضر مع راسها بصوت خااافت فحال المسعورة ..كتسول وكتجاوب راسها بطريقة هستيرة..لاحضات انها فحالة ماشي طبيعية ومشات عندها كتزعزع فيها بخوف..

فتيحة:بسم الله عليك اكبيدتي...أيلول ماالك ابنتي مااالك...

ماجاوبتهاش ..عنقتها من كرشها وبدات كتشهق وكتبكي ..وفتيحة كدوز ليها يدها على راسها..لي فهمااات انها مخلوعة من النتاائج...وبدات كطمن فيها..

فتيحة:ياااه على هبيلة ..راك ناااجحة الحمقة .مسحي دموعك ودوزي تفطري..راه طيبت ليك البيض لي كيعجبك..

بعدااات وجهها من كرشها وهزات فيها راسها ..وعينيها دامعين..فتيحة كطل عليها وكتسناها اش باغا تقول..

أيلول:(شهقات) طيبتي البيض بزيت لعود ؟؟

فتيحة:يشويني فيك أزرگة الطرمة..بعدي عليا نوض نطيب لغدا..

أيلول:فين هو الحنان انبع الحنااان..أري داك لبيض لهنا...

حطات ليها البيض والقهوة والكومير..مخليااها كتاااكل وهي تتنصب فالغدا...حتى طااب لغدا وهي مازال جالسة حداااها ماباغاش طلع لعند لعربي ولا تشوفو ولا يشوفها..وحتى ملي طاب لغدا وشاافت ماماها غادي تحط .طلبااتها تصااوب ليها طبسيل بوحدها...وبعد ٱصراااار كبير منها عاد واقفات ماماها وقادات ليها طبسيل مخلياها تتاكل بوحدها فالكوزينة..وهي طلعات لصالا ..كملات ماكلتها على خاطرها وطلعات تلبس حوايجها ومع مازال دايرة الجبص مالبسااات غير بزز ..سورتااات لبااب ..جبدات تلفونها وجلسااات تخربق فيه بين ما وصل لوقت وتمشي هي وماماها ...

ماكاملاش ساعة كانو فالمدرسة ..قدام الباااب بالضبط ..نفس السيناريو كيتعاود ..كولشي مسطريسي كولشي باغي غير يبكي والتوتر غالب على الجو...خلات ماماها مجمعة مع لعيالات وهادي هي حال فتيحة فينما مشات خاصها تجمع..ومشات لجيهت لبااب معنقة لگرياااج باش يالاه تشد بلاصتها وميدفعوهاش لبرااا ..

هاااهو المدير جااي هو الحارس ديال لبااب هازين الطابلو وجايين ..من بعيد بانت ليها الخااانة ديال الناجحين قليلة وديال السااقطين كتيرة..كحلات بالعماااا والبكيااا شداتها...الخرية. "حشاااكم " قربااات تنزل ليها...وغير حط الطاابلو بدااا الداافيع والزحاام كولشي تعرم على داك الباااب ..ومع هي دايرة لجبص حتى حد مدفعها ولا قرب ليها..خدااات راحتها وهزات منااخرها لسما ..دقت لحضة الحسم ..دقت لحضة لحقيقة ..صغرااات عينيها وهي كتشوف فالطاابلو..ومع هي متشائمة مشااات كتقلب على سميتها فلائحة الراااسبون..ملي ملقااتش سميتها فرحت ومقدتها الدنيا..

بالزربة قلبااات عينيها لجيهة التاانية..الخانة السااادسة لقااات سميتها مجبدة..بقوة الفرحة والصدمة ..طلبااات لبنت تقراااها ليها..

أيلول:أختي..ختي..اه اه نتي نتي مولات النضااضر

البنت:نعام اختي..

أيلول:الله يسهل عليك قراي ليا ديك الخانة الساادسة شنو مكتوب فيها...

البنت:ويلي يا ختي ماقاريااش..

أيلول:يالاه حطني الكار ديال العروبية..قراي يعطيك السترتر

خشات نضاضرها فوجهاا ونفخات ريشها وبدااات تتقرااا ليها..

البنت:أحم مكتوب تما أيلول الهاااشيمي..

وقبل ماااتكمل وتنطق الكنية ..كانت دفعات لبنت حتى جااات طايحة ..خارجة من داك المجمع جيهت ماماها تضحك حتال ودنيها ..

أيلول:فتيحة نجحت نجحت وااا نجحت..

فتيحة:(كتزغرت)يوووويوووو فرحي وسعدي ببنتي نجحااات ليا..

تعاانقو وبداااو يتغاااوتو تما وكولشي كيتفرج فيهم..أيلول تضحك وتغوت بواحد الصوت غريب عجيب وفتيحة كتزغرت..الحاااصول دارو الحلقة تمااا ولي ما ضحك دا مايعااود..

من رااااس الدرب جااية وكتزغرت ..فرحااانة ومقاداها فرحة..والجارات كيسولوها وهي تجاااوبهم معنگرة ومخنفرة ..أما واحد أيلول فتحلات بيااس ديطاشي ..وملي تتقول ليهم ماماها راه نجحات ..تتفرع فمها حتال ودنها والضحكة حتال دروس لعقل...

من الكوزينة سمع تزغيرتها ...بالزربة خرج من البااب كيطل تبعو.دغيا رياض. لي خرج مابين رجليه كيطل ..دغيا ولا حتى هو كيبتاسم ..حيت أطوماتيكمون فهم بلي نجحاات..

رياض:واش أيلول تزوجات ...

عبيقة:(عقد حجبانو)شناااواا

رياض:ومالك اصاحبي علاش تيزغرتو..

عبيقة:(ضربو لقرفادتو بشوية) راه نجحاااات الزمر..

رياض:لعجب حتى نجحااات ديك المكلخة ..

شدو من قرفااادتو ضااربو بركلة مدخلو للداخل..

عبيقة:تحرك غسل دوك طباسل البرهوش..

رياض:وااا هزاتو النفس على صحيبتو ..وااااع عنيبة

ضحك على هضرت ولدو وبقااا حاضيها كيف جاية كتمختر وتنفخ فريشها..خلاهااا حتى شافتو وتلاقااو لعينين وضربها ليها بغمزة..خلاتها طاايرة فالسما الساابعة ..بالزربة جرااات ماماها حشماانة من الغمزة وحشمااانة من الشوهة لي دايرين تما لي عاااد لي سرااات معاها ملي شافتو ..

بستة وستين كشيفة بااش جرااات مها ودخلاتها لدار ..بالقوة الفرحة لي فرحاانة فتيحة بيها ..مخلاتهااش حتى تحيد سبرديلتها ..جرااتها من يدها مطلعاااها فالدروج للصالا ..لفين متكي لعربي..

فتيحة:دخلي جلسي رتاااحي ليا الحبيبة(زعما كتفقصو)

أيلول:واخا الكبيدة...

العربي:سكتونا ولا خرجو علياا..

فتيحة:ااه سكت متغوتش ليا على بنتي رااها دااات لباااك وفقصات ليا لعدياان..

العربي:دات لباك.هههههه نكتة هادي .إلا كنتي كتدبي باش منوضش نفرشخهاا غير تهناي سلسولي ضارني معندي ليها الجهد ..ولكن غير نبرا نفرشخ جد بوها ..

فتيحة:العربي خليني معاك مزيااانة..قلت ليك نجحات هي نجحات ..

العربي:باينة نقلات ..شكون عطاك النقلة النقاالة..

أيلول:(وقفات غادا كتعوج)ماما أنا فبيتي ..عييت(عوجتها)

العربي:علحماااار تاع بوك..

فتيحة:وراك عايرتي غير راسك...ههههه

العربي: تاتعايريني دابة(بغا ينوض ليها)أأأي ضهري

ناااضت تضحك وخلاتو مفقوص ..غادي يطرطق بالعصاب ..نيش ان نزلات لكوزينة تطيب لغداا ليهم..

غير دخلات لبيتها سورتااات لبااب ..فرحاانة ..مع حيدات لقميجة مع سمعات تلفونها كيصوني وشكون من غيرو لي عندو نمرتها ..حبيب قلبها وتوأم روحها..الشااب لي ملكها وأسر قلبها ولي تربع على عرش قلبها ..جاوبااات وهي فرحانة والفرحة غادي تتقز من صوتها..

أيلول:أأأألووو(عوجاتها)

عبيقة:(عيبها)أأأأالوووو لحنيها نتي حسن..

أيلول:ههه كتقمع فيا ..

عبيقة:مبروك النجاح الخاايبة 

أيلول:الله يبارك فييك..

عبيقة:كون سقطتي لمك كون درت ليك النكح العشوائي..

أيلول:وعلاش...!!

عبيقة:وگااع لحفاضة لي حفضتك والسهير يضيع..

أيلول:يااااك كتهددني..

عبيقة:كنهددك حلالا طيباااا...خاصنا نحتافلو العمر!

أيلول:وفين بالسلامة...

عبيقة:فين ما حبيتي ..انا ونتي ورياض فحال شي عائلة صغيرة..

أيلول:إنشاء الله بب

عبيقة:يخليك ليا الحب..

أيلول:(بجدية)شكرا ..شكرا لوقفتك معايا ملي دخلت لسبيطار ملي خرجت منو شفتك كنتي تابعنا بالموطور باش ماخلينيش بوحدي .. شكرااا حيت سهرتي معايا وحفضتيني بفضلك نجحت والله ..نتا نعمة بالنسبة ليا...معمرني ضنيت غادي نقدر نبغي شي واحد ولكن نتا شي حاحة بالزااف ..أول حب وآخر حب..عرفتي جمعت بزاف ديال الشجاعة باش نقول ليك هادشي ..هادشي لي خبيتو وكون زدت خبيتو دقيقة كنت غادي انفاجر..بآختصار وباش منطولش عليك كتر كنبغيك ..

سكتااات كتسناااه يجااوبها ..ولكن سكوتو دام كتر من جوج دقايق ..حتى سمعات صوت ديال التنخصيص ..صوت ديا شي حد حابس الدموع بزز..

أيلول:أيغد.أيغد مالك جاوبني..

عبيقة:قطعي لعن بوك بيكيتيني...

وقطع عليها مخليها تضحك عليه ومتفااجئة من ردة فعلو لي جاتها غير طبيعية ..

أيلول:ولاهيلا قطع عليا الحمار لاخر..وأنا لي من صباح وانا نتعنب عليه...انااري يكون بصح كيبكي ..ناري على حبيي

جالس كيمسح فدموعو لي خانوه ومعرفش إمتا نزلو ليه وهو فحاالة من السكون والتأمل وصوتها مع كل كلمة كيدخل لمسااامع قلبو وكيضورو مزيااااان تما حتى كيستوعبهم وكيلمس فيهم الصدق ..حتى دخل رياض على غفلة...بالزربة قلب وجهو ماسح بالزربة مااا تبقى من الدموع ..

رياض:بابا ...مالك...

عبيقة:(مازال ضاير) لا والو العمر...

رياض:وضور عندي مخاصم معايا. 

عبيقة:(ضار) ههه هبيل نتا بالرب...

رياض:(بعد ما حقق فيه مزيااان)لاااااااا متقولهاااش كنتي كتبكي ...

عبيقة:ألاا ا صاحبي دخلات ليا شي حاجة فعيني ..جيتي جيتي اجي شوفها ليا...

رياض:(تمتم)لا شفتها ليك مانتا فخير..

عبيقة:قلتي شي حاجة..

حرك راسو بالسلب داااير فيها البرائة 

..وتحرك لجيهت عبيقة...طلع فوق النااموسية باش يوصل لمستواه ..قرب من عينو كيحقق فيها. ملي مابان ليه والو نفخ فيها جوج مرااات ...باسو من فمو وهبط من على الناموسية ..وبحركة خفيفة تلاح فوقها جاار معاه رياااض معنقو...بقااا مدة طويلة حاال عينيه كيفكر فهضرتها وكيستحضر الطريقة باش هضرات ..كمية الحنااان لي دوات بيه باقي لحد الٱن كيتردد فمسامعو ..بعد أخذ ورد مع نفسو ..طل على رياض لقاااه مشااا عند الله نعس... تكاااه على المخدة بحذر باش مايفيقش ..غطااااه ..لبس تجاكيطتو وهز سوارتو وخرج فحااالو..

مسافة نصف ساعة كان قدام الكاراااج ..بلاصا الموطور فالدخلة ..ودخل كيتعنگر بمشيتو الرجولية بآمتياز ..سلم على الدراري لي فرحو بمجيتو ..راقب الخدمة بالزربة ..خلاهم ومشا لكوزينة ومعاه حتى السيمو ..بعد ماا قاد الآلة ديال القهوة وخلاها تعصر ..ضاار عند سيمو كيشوف فيه بشوفاااات ممفهوماااش ..

سيمو:أماالنا على دوك الشوفااات..اش تما..

عبيقة:(بجدية) صااافي أنا قررت ..

سيمو :آش قررتي أصاحبي!!

عبيقة:أيلوول..

سيمو:مالها ...

عبيقة:كنبغيها ..كنبغيها هي لي باغي نكمل معاها حياتي ..صافي خديت لقرااار.. 

سيمو:(بفرح) متأكد..

عبيقة:تنقول ليك كنبغيها وتتقول ليا واش متأكد...

سيمو:بغيت غير نتأكد...اجي لهنا اجي(عنقو) فرحت ليك الخاااوة والله..

عبيقة:اشنو ندير داابة ناويها حلالي باغي نكمل معاها حياتي .هي ورياض وانا ..

سيمو:شااام ريحة شي عرس جاي فالطريق..

عبيقة:ههه لا كتاااب ..

سيمو:ولا ماكتابش..

عبيقة:نكتب جد بوه صحة...هاديك الهبيلة ديالي متفرقني عليها غير الموت والا قدرااات بعداااا

سيمو:اوووه معرفتكش ..

عبيقة:خاصني نخطبها يااك ..

سيمو:هادي حاجة باينة...

عبيقة:اه اه ..غادي تمشي معايا ياك نتا ولمادام..

سيمو:أنا معاااك..

عبيقة:واا عليه..يالاه انا غادي دابة حتى نعلمك بالجديد...

سيمو:تهللااا..

لبس تجاكيطتو ..خارج مبتاااسم وراشقة ليه ..وقف حدا الموطور جبد التلفون ..دوز أول نمرة بانت ليه ..نمرت حبيبتو وأميرة قلبو....

بعد ثواني معدودات ردااات على المكاالمة بعد ما سدات عليها فالبيت...

أيلول:ألوووو.

عبيقة:هااا أخيرا رديتي ..

أيلول:متعطلتش بزااف ..ماكاملاش دقيقة بين ما دخلت لبيت..

عبيقة:ديك الدقيقة ساوات ليا عااام..

أيلول:أي..

عبيقة:مالك..

أيلول:ضرني قلبي ..هادشي بزاف عليا..

عبيقة:خلعتيني لمك...

أيلول:يتخلع عدوك الحب..

عبيقة:كبيدة ..ضروري سمعتيني ضروووري نشوفك...

أيلول:علاش ...!!

عبيقة:عندي شي هضرة خاصني نقولها ليك...

أيلول:فخباارك تخلعت..واش شي حاجة grave..

عبيقة:وا تتجي و تعرفي ..دابة اش درنا...

أيلول:اممممم معاش..

عبيقة:دابة نيت !!

أيلول:خلي حتا يقرب لمغرب يكون العربي مشا لجاامع..

عبيقة:على هو مازال كيمشي لجااامع !!

أيلول:اه..

عبيقة:نكون فبلاصتو منعااودش نذكر الجامع..(ضحك بعذوبة)..

أيلول:علاش..

عبيقة:نسااي.. ملي تخرجي من الداار علميني...كنموت عليك..

وقطع المكالمة مخليها حايرة وغاطسة فدوامة من الأفكاار السلبية لي تراكمات عليها خاصة بعد ما قال ليها باغيها فشي موضوع ومحددش ليها طبيعة او نوع لموضوع ....

دااازت ساعتين ونص على المكالمة لي دارت بيناتهم..وهي مخشية فبيتها ..حتى سمعات لأذاان المغرب كيأذن ..بالزربة قفزااات ملي سمعااات باباها كيهضر مع فتيحة.

العربي:افتيحة طلقيتي أري ليا الصلاية ..راه المغرب وذن...

مشات طايرة لشرجم تسنااات حتى بان ليها العربي خرج وضاار مع الزنقة...

تمشااات لجيهت ماريوها حلاه كتقلب على متلبس وكتهضر مع راااسها...

أيلول:تف تف الناس ملي يسمع الوذاااان ينوضو يصليو وأنا غادة نتلاقا مع واحد أستغفر الله..الهداية من عندك يا ربي..

جبدااات جلابة كحلة كلاااص لبساتها منها لسليب والسوتيامات...جمعاات شعرها كوبشوفال وخرجات شي زغيبات من القدام..دارت غير ماسكارا وعكر خفيييييف ..لبسات صندالة كحلة من دوك المزغبين..وقبل ما تخرج صونات لعبيقة..

أيلول:ألو أيغد ..اه انا أنخرج دابة ..ااااه عرفتها عرفتها صافي كون هاني...لا بلا ما تجي تديني انشد طاكسي..

ومع عارفة ومتأكدة بلي العربي كيصلي وكيبقا فالقهوة حتال لعشاااا يصليه عاد يجي..كان عندها الوقت لكافي باااش تلاقااه وترجع...نازلة فالدروج كتعيط على ماماها باش تعلمها بلي هي خاارجة..

أيلول:تيتيحة..تيتييحتي...فتيحاااااا وفينك الصحبيية ..

خرجات من الكوزينة هاازة مغرفة...

فتيحة:هااانا مال طواسل مك مصدعاني...

أيلول:فتيحة ياك انا بنتك..

فتيحة:لا غير مربيااك اختشيييي

أيلول:(تكاات على الحيط) اهئ أهئ نيهييييي كنت عارفااها كنت عارفاها.

فتيحة:أتگعدي من التبوحيط ودوي اش بغيتي دوي..

أيلول:انا خارجة والله منتعطل...بالله

فتيحة:وفين بالسلامة ..واشنو نقول لباااك..

أيلول:غادي نتلاقا غير مع شي بنات كانو كيقراو معايا قالك محتافلين بالنجاح فواحدالريسطو ساااعة والله منفوتها..

فتيحة:(طلعتها وهبطتها)تسنااي هنا..

دخلات بالزربة لكوزينة مخليااها كتردد"يا ربي تسمح ليا يا ربي" رجعات بالزربة مدااات ليها 100 درهم..تلاحت عليها عنقتها وباستها بعد ما قالت بسم الله وشدات لفلوس كمشاتهم فصدرها حدا التلفون...وخرجات بالزربة متوجهة لطريق الرئيسي باش تشد طاكسي....

شداااتها جرية وحدة حتال آخر الشاارع.هازة جلابتها فوق الركبة مخلية غير الكولون كيباان ..جرات غير باش ميتبسل عليها حد ولا يوقفها وتوصل لسي السيد..لا الأخت واتقة من نفسها أوييي..وصلات كتنهج .أول طااكسي صغير بان ليها ركبات فيه ...

الشيفور:لفين إنشاء الله !!

أيلول:café nutella..

الشيفور:بسم الله..

مساافة ربع ساعة كااانت قدام القهوة بالضبط قدام لبااب لي كان عبيقة وااقف كيتسناها بعد ما علماتو ملي كانت فالطاكسي بلي ركباات..

واقف فالبااب مفرق رجليه بحال لعابة الكورة خاشي يديه فجياب التجينز لكحل لي محكوك من الركابي شوية ..مع قميجة رماادية ..وسبريديلة كحلة مستيلية ..مرجع شعرو كاامل لور بطريقة ساحرة زااادته وسامة على وسامة..مطراسي لحيتو الزعرة لي كتولي تلمع ف الشمس بلون ذهبي ..مكمل إطلالتو بسااعة فضية..

وقف كيشوف فيها بعينيه الزمرديتين كيتفحص أدق تفاصيل جسمها بالجلابة ..عجباتو ببساطتها وعجباااتو كتر الجلابة..عكسها هي لي تلعن فراسها لي لبساات هاكة ..خاصة بعدما شافت نضراتو ليها لي عجزات تفسرها ..وخاصة كتر ملي شافت أناقتو و وسامتو الطااغية ...

طلعات فدوك جوج الدريجاات بشوية عليها..قربات منو مرتابكة ..تقول أول مرة تلاقاااه ..رماات عليه السلام هازة فيه رااسها حيت طويل عليها..مدرقة عينيها على الشمس بيديها لي فيهم براسلي خفيف ..

بتاااسم ليها بالزربة وجمعها قبل ماتستمتع بيها وبدون مينطق بحتا كلمة ..ضرب الضورة راجع للقهوة ..مفهمااات والو ..واضطرات تبعو خاصة ان بالها مشغول من الموضوع لي باغي يهضر معاها فيه...تابعاااه حتى طلع لطاااج لفوقااني ..بالضبط فين عتاارف ليها بحبو بطريقة مازال لحد الآن كتحلم بيها وتفكرها..غير هاد المرة القهوة عاامرة بالكراسا والطبالي وفيها شي ناااس ..عكس المرة لي فاتت كانت طبلة وحدة الوسط وفوطوي جنب الحائط الزجاااجي لي كيطل على للبحر ..

جر كورسي وجلس ..وماااا ليها براسو تجلس ..جرات حتى هي كورسي أونفااص ليه حطاات التلفون فوق الطبلة ..وحطات يديها كتلعب بيهم..نوع من التوتر خطير وسكوت يخطف الأنفااس ..مرتاحتش لهاد الوضع خاصة انها مولفاا بسالتو وهضرتو لي مكتسالاش ومكتخلااش من الغزل والكلام الحلو...حتى قرر يوضع حد للصمت ..نطق بصوت حاااد خلاها تزيد ترتاكب..

عبيقة:CV..

أيلول:الحمد الله ونتا..

عبيقة:بيخير...

أيلول:هاااا اش بغيتي تقول ليا..

عتاادل فالجلسة وحنحن ..عاد هضر

عبيقة:مقدرتش..مقدرتش

أيلول:مقدرتيش شنو !!

عبيقة:نكمل فهادشي..هادشي لي فيه انا ويااك ممسلكناش ..

بلعاات ريقها لي مهبط غير بزز..

أيلول:بمعنى !!

عبيقة:بمعنى عييت من هاد الدخول والخروج بالتخبية فحالا شاافر ..فينما نبغي نشوفك الا حاگا العربي ..حگا منقدرش .حتى من التلفون هو اللخر متندويش معاك فراحتي..طلع ليا هادشي فرااسي..بالرب 

مكتجاااوبش فقط كتشوف وتسنااه اش باغي يصنع ..قلبها كيضرب بالجهد بطريقة عنيفة غريبة ..كتشوف فيه كتسنااه يسالي هادشي ..يسالي هاد لعذاب لي حاساه داابة..

هز فنجان القهوة لي كان محطوط فوق الطابلة ..رشف منو جوج المرات ورجعو لبلاصتو ببرودة ..حك على لحيتو وهو كيشوف فيها مربعة يديها لعند صدرها كتسناااه شنو غادي يقول.. مربعااهم بحال شي تلميذة فالإبتدائى تعرض فالمحفوضات..استرسل فالكلام بنضرة كذوب الجليد...

عبيقة:بصراحة عييت وفكرت مزيااان ولقيت الحل..

وقبل ماااينطق ويقول ليها الحل لي لقااا..وقفاات وخبطاات بيديها الطاابلة..حتى لفتاات ليهم الإنتبااه..

أيلول:شووف الشريف ديك الهضرة ديال الأفلام الميكسيكية ..ديرها فالخبز وكولها..قهرتيني غير بالضوران فالزناقي فاللخر جاي تتعوج ليا بحال شي مونيكة ..(كتعيبو)مقدرتش..عييت لقيت الحل..راه أنا لي كنت صابرة عليك ودرت شي حوايج معمرني جربتهم على ودك..

عبيقة:أيلول شششش الناس كيشوفو .

أيلول:أفااكيو على بوهم وعليك تانتا..أفااار الدقيق الصفريطي لاخر..

عبيقة:(كارز على سنانو)جلسي نهضروووو الزمر

أيلول:تجلس على الشوك أكحل العفطة..الله يعاونك..

دفعااات لكورسي حتى طاح مخلية كولشي كيشوف فيها مشوكي ..وعبيقة كتر..دااارك الموقف ورجع لوعيو...حط لفلوس دغيا فوق الطبلة وهبط كيجري ..خارج كيقلب عليها بعينيه عارفها اتكون مبعدااتش..سرح عينيه مزيان عاد بانتليه غادة كتمشاااا..بجرية وحدة وصل ليها.جارها لعندو من مرفقها ..كان ناوي يسلخ مها عصاااا على ديك الهضرة ..يعايرها..ينقي ليها ودنيها..ولكن غير شاااف عينيها معمرينهم دموع ..تحول غضبو للحزن..بالزربة عنقها لعندو..

عبيقة:ششش علاش كتبكي دابة

دفعاااتو بكل ماتملكه من قوة حتى بعد عليها..

أيلول:أهئ بعد عليا..الكذااب

عبيقة:فاهماني غلط بالرب..

أيلول:لا فاهماك مزيان..دابة لاش تابعني عطيني شبر لا 5 ميترو التيسااااع..

عبيقة:گاااع داكشي لي كنت مخطط ليه ريبتيه..

أيلول:كنتي مخطط تذلني وتطيح بكرامتي لا يا حبيبي معمرك تحلم بيها..

عبيقة:بالله نرجعو لقهوة ونهضرو..لا لا القهوة لا تشوهت فيها..

أيلول:عبرت عليك ومازال نزيدك لامفرقتينيش هاد الساعة..

عبيقة:(شد ليها يديها وهي كتنتر) ومعزت رياض عندك الا ماسمعيني ..راه انفوت فز**مل بوك شي دقة..

أيلول:وي شنو 

عبيقة:متحركيش من هنا 2 دقايق نجيب لموطور ونجي..

حركات ليه راسها باه غادي كيتمشا باللورانية باش متهربش ليه وكيردد.*متحركيش انا دابة جاي*

وغير ضااار باش يحيد للموطور ديك الحديدة لي متتخليهش يطيح..هزاات جلابتها حتى بان نفس الكولون لي بان قبيلة وجرااات نفس الجرية😂😂 غير هاد لمرة لعكس فالأول جرات باش تجي عندو ودابة كتجري هاربة منو...

وغير حيدها وركب فالموطور بان ليه عويطة كيجري..

عبيقة:بنت الحرااام..(بالغوات)وهبطي الجلابة أبنت الق****بة لكولون كييان..

كيشوف فيها مصدوم وهو مديماري الموطور ومتوجه ليها...

وبسرعة كان وصل ليها حااابس عليها الطريق ..بغاات تهرب من الطريق لاخرة فحالا قرااا أفكارها ..نزل بسرعة البرق شااادها من مرفقها تيديها وتيجيبها بعنف..

عبيقة:واش باغا تسطي أصل مي ..هااا أدوي العافية الكحلة...

أيلول:طلق تااا طلق..

عبيقة:وهازا ليهم الجلابة ..موريااهم الكولون ..(قرصها من فخدها حتى غوتات)هاااا لي يعري لفخاض .ها لي يوري الكولون...

أيلول:واالا اي طلق الحگاار ..

والله مانعاود اطلق..

طلق منها ..مخنزر فيها..

عبيقة:لا غير عاودي نيت..دابة أتركبي ولا نهرس مك...

ماجاوباااتش كتافات بأنها تهز كتافها بمعنى لا...

شاف حتى عيااا وهزها فارق ليها رجليها بزز(صفيو النية) مركبها فوق المطور القدااام وهو وراها ولكن هو لي صاايق....لاح عليها كويرتو لي كانت فصندوق الموطور ..

عبيقة: شدي غطي فخاضك..

محساتش بالطريق وهي مبورشة بلحيتو لي تدقها فعنقها ولا نفسو الدافية لي كتضرب فيها ولا ريحتو لي سطااتها خاصة انها مخلطة بريحة الگااارو..وقف الموطور قدام البحر بالضبط حدى الصخر فين كاينين كراسا طوال ديال لخشب نزلات عاد نزل هو ..كيقاد فحوايجو

كيقااد فحوايجو مخنزر فيها ..عكسها هي لي مربعة يديها لعند صدرها كتحرك فرجلها الليسرية بالزربة بطريقة عصبااتو ونرڤزااتو ..جلس فالكورسي ديال الخشب شااد على رااسو كيتنهد بتعب ..كيدود يديه على شعرو حتى كيقرب يطير الزغبة من بلاصتها بحر لعصااب لي عصباتو .بزز باش شاد عليها راسو ميعطيهاش شي قتلة لعصااا مقااادة ..طلع فيها عينيه لقااها سااهية كتشوف فللبحر عاطيااه بالضهر وبااقة كتلعب برجليها ..عصبااتو ببرودو دمها..

مد يديه بالزربة شد يدها مجلسها حدااه..

عبيقة:جلسي ونتي ضريتيني فكر كرييي..

وغير كمل جملتو لي قاالها بالزربة نتاابه لدموعها ..

عبيقة:داابة غير علااش كتبكي علاااش..

أيلول:مضرني غير نضل كااادبة على فتيحة على ودك الغدااار..وهانا دابة نيت كاادبة عليها..

هزات يديها لسما كتدعي..

ياااربي تسمح ليااا يااربي (شافت فيه)كدبت على ود واحد غدار...

كان ساهي فيها كيبتاااسم على هضرتها حتى حسها سكتااات عاد جمع الضحكة ودار فبلاصتها التغوبيشة..

عبيقة:ساليتي البرهوشة..

أيلول :مازال ماساليت...ملي مقدرتيش تااكل ليا دماغي ونتا تسوسني(خبطااات صدرها بحرقة)ومضرني كتر طالع تبوس نازل تبوس..الله يعطيني السيدا فهاد الشلاقم..

عبيقة:واااع نتي بزااف والله..شششش صافي انا نشرح ليك كولشي..

هزات كتاافها بالرفض..جرها لعندو معنقها جنب..حاكمها نيت عيات تنتر ومقدراتش تفلت منو ..

عبيقة:عييت من هاد الدخول والخروج بالتخبية معاك اه عييت وبزاف ..

أيلول:وطلق مني ملي عييتي طلق مازال تاتعاود فيها..

ورك عليها بصبااعو حتى قصحها وتبتااات للأرض..عاد كمل هضرتو..

عبيقة:بمعنى بغيت ناخد راحتي معاك ..بغيت ملي نخرج معاك تكون يدي بيدك وقدااام البشاار متخافي من والو ..من عندي يعااود لكرو بنادم غير على ودك نتي باش تكوني أليز..ملي تخرجي بوحدك يكون خااتمي فيديك..باغيك وباغيك مراااتي ..

توسعو عينيها وحلات فمها بصدمة .. فهااد الحضة ماشي غير عينيها لوساعو لهلا يوريكم اش وساااع..

فهااد الحضة ماشي غير عينيها لوساعو لهلا يوريكم اش وساع..

أيلول:ولكن..ولكن نتا قلتي..

عبيقة:ولكن مخليتينيش نكمل هضرتي..

بعد عليها يديه..وقف وخشا يديه فجيابو ..وكولشي طرااا فرمشة عين فحاال الحلم...نزل على ركبة وحدة مااد ليها يدو لي شاد بيها بواطة فيها خاتم بسيط من الذهب للأبيض فيه حجرة كتبري صغيرة ...

عبيقة:أيلول الإسماعيلي بنت العربي لي شخصيا مكنحملوش..بنت فتيحة نسيبتي لعزيزة..واش قابلة تزوجي بياااا..قابلة تشاركيني حياتي..تشاركيني عالمي ..تشاركيني ولدي ..

واش قابلة نكملو حياتنا مع بعضياتنا حتى لآخر نفس ..

أيلول:(غوتااات حتى صمكات ليه الطبل ديال ودنيه)واااااااع قابلة قابلة..

مشااات طااير لعندو معنقااه وهو مازال راكع ليها..حتى كاان غادي يطيح وهو يكالي بيديه..

أيلول:(وهي معنقاه)قابلة نكون مراتك قاابلة

عبيقة:هههههه وبلاتي نوقف الهيشة..

بعدااات حتى وقف ..شد ليها يديها لي مدااتها ليه قبل مايطلبها هو منها..ضحك عليها ..لبسها لخاااتم باس ليها كف يديها وهو كيشوف فعينيها..

عبيقة:تطيري كون ما الشوهة لي شوهتيني كون رجعتك لقهوة تاكلي الحلوة لي كنت موجد ليك...

أيلول:(عوجات فمها)خسااااارة..

عبيقة:اييه ماعليش ناكلوها حلااالا طيبااا بإذن الله..

عنقها كيهمس ب" كنبغيك أيلولتي" مخليها طاايرة لسمااا السابعة بعداااات من حضنو كتشوف فيه بتمعن كتر من جوج دقاايق حتى جابت ليه العجب فراسو..عاد نطقااات العافية الكحلة بالكلام لي خلاااتو يشد كرشو ويتمرغ فالأرض..

أيلول:تف تف تف ماااشافنا حد ..شوف يالاه لهييييهااات فين كاينين النااس وعاود طلب يدي..

عبيقة:(كيضحك)وااهيا ناري واش نتي بصح لا من نيتك..

أيلول:ومالك يالاه تانا بغيت يقولو ليا ياااه واااو قولي اه قولي اه..ميمتك أأيغد ميمتك...

ملقااا ما يقول من غير يضربها ليها بوسة مسكتها وفنفسو حاامد الله عليها..

ايه يا عبيقة ايه بتشلقم وبتحمد الله لا ياخويا من طرمتك ولا من ريتك...

مدة طويلة وهو على نفس الحال كيبوس واخد راحتو ..خصوصا ان المكان خاوي..حتى كيفيقهم من سهوتهم صوت راجل لي كان جاي لجيهتهم ..

الراجل:شلقم أولدي شلقم..تبارك الله على شباب الغد..

مع شافو جاي وصاحبو وراه رجع أيلول وراااه لي شدات ليه فكتافو ملي شافت دوك الجوج واقفين كيشوفو فيهم باستحقار ..وتفزعات كتر ملي قشعات اللبسة..لبسة رجال الأمن..

أيلول:(بصوت خافت)ناري لبوليس ..

عبيقة:(بنفس النبرة)شش ماتخافيش..

البوليسي1:أش تديرو هنا!

عبيقة:داكشي لي تيديرو الناس..

البوليسي2:وا مابان لينا حد كيشلقم من غيرك..

خشا يدو فالجياب السروال كيهضر بأريحية مطلع حاجب ومنزل لاخر..بنضرة واتقة كيجاوب..

عبيقة:مكنضنش القانون مانع عليا نبوس مراتي..

البوليسي1:قاليك مراااتي أقديمة أولدي هادي ..

البوليسي2:ولناااافرض بصح مراتك ..ديها وحو***ها نتا كاااع..فدااركم 

عبيقة:(بعصبية )أحتارم راسك السي اش هاد لهضرة راك رجل أمن..

البوليسي2:تتغوت من الفوق..أرو لي كارط ناسيونال..بوشتى صوني لسمحمد يجيب لفارگونيط نديوهم يتشلقمو على خاطرهم فالسيلون..

أيلول:الشااف انا مجبتش لاكارط..

البوليس : وقاصر من لفوق..ويتك ويتك على لكتكوتة معندهاش لاكارط..واليديك عارفينك معاه..

أيلول:(كتبكي)والله اشاف..هئ هئ الشاف انا راه ..

عبيقة:(بالغوااات)سكتيناااااا..

معوداتهاش معاه ..زادت تخبات ورااا ضهرو كتنخصص بوحدها..مد لبوليسي لاكارط ديالو ..خلاه يتهجاااها على خاطرو 

البوليسي:تاا ورق ليا هنا خونا تركي ..شوف الجنسية..

البوليسي2:البقلاوة اون بيغسون..

مشااا لبولسي لطوميبلتهم كيهضر فلا سلكي مع مول لفاركونيط او بالأحرى كيتضاهر بهادشي باش يخلعهم ..بقااا معاهم غير لاخر...نفذ صبر بطلنا لي ولا كيغلي ..جر معاه لبوليسي بعيد على أيلول ..خشا يديه فحيبو جبد لبزطام..خدا منو 500 درهم ..خشاها لرجل للأمن فجيب سترتو .وربت عليها وهو كيشوف ليه فعينيه..

البوليسي:شحال تم..

عبيقة:500درهم..

البوليسي:دابة هضرتي ..شد

مد ليه لاكارط..ومشا فحالو غادي وكيهضر مع صاحبو..

البوليسي:اصافي ابوشتى الصرف فالجيب نتحركو دابة...

عبيقة:(بصوت عالي)أتباارك الله على الأمن الوطني

دفل فالأرض كااره الموقف ورجع عند أيلول لي كانت كترعد بالبكا ..جااا يقرب ليها يعنقها دفعاتو كتبكي..

أيلول:دابة يرجعو ..

عبيقة:ههه خوافة..زيدي نمشيو..

أيلول:للدار؟؟

عبيقة:وفين بغيتي نمشيو..

أيلول :ماغاديش تعاود تطلب يدي لهيهااات ..

حرك راسو كيتمتم لا حول ولا قوة الا بالله ..ركب وركبااات وراه معنقااه من كرشو لي ماكيتبلاقااوش ليها يديها متكية على ضهرو لي كان فعلا الضهر الحامي ليها بكل ما تحمله الكلمة من معنى..

شدهااا جبدة وحدة موقف حتال ريسطو لي مولف كيجيبها ليه..بسيط .زوين ونقي..نزلها شاد ليها فيديها مع الجلابة وهو لابس لكلاص تحلف عليهم مزوجين ولا مخطوبين ..مازال مخلوعة ومضهشرة من البوليس غير غادة وساهية وماعارفاش فين تحط رجليها جاب الله هو مگودها...

كالعادة ختار طبلة معزولة على النااس..عطاهم السرباي الموني وغبر فحالو...بعد ما كان كيقراا ومتمعن فالموني هز راسو كيسول فيها وعينيه مازال فالموني..

عبيقة:هااا اش بغات لحب..

لارد من طرفها ..هز فيها راسو ..حاط الموني بتعجب حاابس ضحكتو .لايضحك عليها وتصدق مندمااه ..جلاخة وعارفها..كانت مجبدة يدها قدامها كتشوف فالخااتم بتركيز كبير .ومرة مرة تقرب وجهها ليه باش تشوفو عن قرب..ممركزااش كااع معاه ولا شنو تيقول ليها..حبس ضحكتو بمشقة الأنفااس كيسول فيها..

عبيقة:الحب مالك..(دوز يدو حدا وجهها)إيهووو..

أيلول:هااء اش كاين..

عبيقة:أسبحان الله ..فين سهيتي..

أيلول:يااختي حمقني هاد لخاتم..

عبيقة:لخاتم حمقك وختك لاش..

أيلول:ههه متديش عليا أسهيت..

عبيقة:ههه حمقة بالرب اش تاكلي بعدا !! 

أيلول:على دوقك العمر..

عبيقة:اححح على العمر..

عيط على السربااي طلب ليه وليها طبق من السمك المشكل مع عصير الفواكه..كلاو حتى شبعو .لا تصحيح كلا أ وكلها حتى شبعاات مع الأخت المصونة كانت مشغولة بالحضية فالخاتم تقول غادي يهرب ..

وكيف دخلو خرجو ..وصلها لبللاصتهم المعلومة ..قبل الدرب ب 5 الدقايق ..نزلات من الموطور كتهبط فجلابتها ..عطاتو كويرتو لي كانت حاطة على ركابيها ساترااا بيهم فضيحتها..

عبيقة:علمي مالين الدار نهار الخميس حنا عندكم انشاء الله..

أيلول:علاش جايين وشكون توما

عبيقة:اللهم طولك يااا روح واقيلة عاد طلبت يدك دابة ويمكن باغي نتزوج بيك..

أيلول:يمكن ياك ..وملي ممتأكدش نخليك حتى تأكد..

عبيق:(بعصبية)أيلووول ..نهار لخميس علمي ماماك سمعتي نهار الخميس.

ألول:صاف صاف فهمنا..(عضات شفتها لتحتانية بتوتر) شداتني لخلعة ..

بخفة جرها من خصرها مسلم عليها بلابيز فحنااكها بجوج..ومصيفطها فحالها كتغزل بالخلعة حيت عارفات راسها قفراااتها بالمعقول حيت لعشا أدن بنصف ساعة ..وقبل ماتدق فالباب حيدااات لخاتم مخبيااه فبلاصتو المعلومة صدرها عاد دقاات....

قالت بسم الله فخاطرها عاد دقااات ماكاملاش جوج دقايق بااش حلات عليها فتيحة لبااب كتشوف فيها بسخط ..بالزربة جرتها من كتفها مدخلاها لكوزينة..سمعو صوت لعربي من لفوق كيستفسر على شكون كيدق ..بارتباااك جاوباات فتيحة.."غير واحد السعاية مسكينة طالبة ضيف الله" وطلعااات ونزلات فبنتها ..عاودو سمعو رد العربي.."ضيف الله أمدخليهاش ألالة نقصنا صداع الراس"..عوجاات فمها كتعيب فيه ..حتى قفزااات من حر للقرصة لي ليعااااتها ماماها ..كاتمة صوتها لينزل باباها ويلقاها بحوايج لخروج يعرفها خرجات.. فتيحة:أدوي أزرگة الطرمة هادي هي ساعة ونص جلستي عام...ادوي المتعوسة بستة وستين كشيفة باش تااق راكي ناعسة فللبيت.. أيلول:أحححح تقصحت.. عاودااتها بقرصة خرى خلاتها طير وتنزل..حلات لمجر كانت مخبية فيه الفوقاني ديال لبيجاامة..حيدات ليها الجلابة بالزربة وعطاتها تلبس الفوقاني مع الكولون ..خبات الجلابة وقالت ليها تطلع لبيت دغيا والا تلاقاااها وسولها تقول ليه هبطت نشرب..وفعلا داكشي لي داارت لحسن الحض متلاقااتوش حيت كون سولها كان يعيق بيها يعيق.. تنفصاات الصعداء وهي متكية فوق ناموسيتها كتسترجع أحدات ليوم بفرحة بااينة فعينيها..مكيرجعها من عالم أحلام اليقضة غير معااد لي دخل عليها كيف للعجااجة..

معاد:واااا الزمرة.. أيلول ..أيلوول ..

أيلول:تااا مالك الزبل اش بغيتي.. 

معاد:قالت ليك ماما زيدي تخشي فوجهك..

أيلول:اوكي..

ومع جااات تنوض جاتها صندالة نيميرو 37 لكماارة ..كان معاد لي خبطها بصندالتها خارج كيضحك عليها ..

أيلول :واااع وامييي وادوي مع هاد لقواد تاع ولدك.. جاب الله رد لباب معاه قبل مايخرج كيضحك عليها اما كون سمعها العربي ويوريها القواد شحال ساااوي.. كلات بالزربة تقول كيتسابقو معاها..وتسناتهم حتى سالاو وناضت مگفضة على جلايلها ..حلفات علب مها لادارت شي حاجة ..خلاتهم معجبين فيها ..جمعات الطبلة ومسحاتها مزيان..شطبات ونزلات لكوزينة غسلات لماعن لي كانو معمرين لافابو وسيقات الكوزينة كااملة..عاد جلسات فصالامونجي شادة ضهرها لي تقسم عليها.. فتيحة:الله يربي شي حمار مات فللبحر لي بنتي ناضت تشقااا.. أيلول:احم راني كبرت الواليدة مابقيتش صغيرة..

فتيحة:(عنقاتها)أفرحي وسعدي ببنتي.. 

أيلول:ماما بغيت ندوي معاك..

فتيحة:ومالنا اش سايرين نديرو دروك..

أيلول:(جمعات لهوا ففمها وهدرات بالزربة)واحد الولد قاليا باغي يجي يخطبني نهار الخميس..

فتيحة:(مبهوضة)يخطبك...ونتي فين تتعرفيه الكلبة تي دوي.. أيلول:ولا اماما مكنعرفوش راه كيسكن حدانا قاليك شافني وعجبتو ..لاعقلتي راه هو لي تلاقينا معاه فالمول داك نهااريااات.. 

فتيحة:(كتفكر)ااااه ..داك الزين كامل بغاك تي هههههه 

أيلول:وا ماما حرام عليك.. 

فتحية :لا لا تابنتي زينة زييييينة.. 

أيلول:شنو نقوليه دابة.. 

فتيحة:مرحباااا بيه..

بزز باش شدات راسها متنوضش تضرب لمها القعدة هنا من قوة الفرحة ..جاوبات ب أوكي وناضت طالعة فحالها لبيتها حتى دخلات وسداات عليها عاد عبرات على فرحتها طلعات فوق الناموسية وبدات تنقز تضحك...

معقلاتش على راسها بالضبط إمتا نعسات ..لي عاقلة عليه هو بقااات سارحة فأفكارها كتخيط وتفصل مع راسها ..حيدات عليها المانطة .تكسلات مزيان حتى سمعات عضوماتها طرطقو..خشات يديها تحت من المخدة جبدات التلفون ..تفاجآت من الكم الهائل ديال المكالمات لي لقاات ..بتاسمات فسرها ملي شافت 25 مكالمة لم يتم الرد عليها من عبوقتي💙

..كتباات ليه ميساج ديك الساعة نيت..

"صباح النور عمري .قالت ليك ماما مرحبا بيك"

رجعاتو لبلاصتو وغير خشات رجليها فالصندالة وناضت من الفراش ..حتى بان ليها الضو ديال التلفون خارج من تحت المخدة عارفاااتو كيصوني ...طارت هزاتو جاوبات مبتاسمة..

عبيقة:صباح التوووت لي عليه كنموت

أيلول :صباحو ..

عبيقة:ماقارياش ليوم..

أيلول:أيغد هههههه واش حمق راني عطلة ..

عبيقة:دخت والله حتى دخت ..معرفتش من الفرحة والله..مامتيقش راسي..

أيلول:ههه واش فخبارك راه الهضرة راه انا لي خاصني نقولها ليك..

عبيقة:شنو خاصني نجيب معايا وشكون نجيب ..تلفت أأيلول بالرب..

أيلول : تكالما أبب.جي غير نتا وباراكا عليا أنا لمهم هو نتا عندي..

عبيقة:كبيدتي كنبغيك والله..

أيلول :عاارفة عمري وأنا كتر ..

عبيقة:قلتها لريااض!!

أيلول:وشنو قال!!ناري باينة تقلق ياك؟ أصلا من حقو كون كنت فبلاصتو وبابا غادي يتزوج غادي يبقااا فيا لحال بزااف ...ففف على زهر..

عبيقة:هههههه وبالرب تاكتسالي معايا..واش عارفة رياض يتقلق منك..أبلعكس فرح بزاااف وباغي لعرس ألالة..

أيلول :لعرس!!

عبيقة:وي...

أيلول :ناري انا غادي ندير لعرس وغادي نركب فالعمارية ونلبس تكاشط ونبدل وااااع انا فرحانة فرحاااانة..

عبيقة: ههه تستااهلي كتر العمر.. يالاه نخليك خدام الحب..

أيلول :تهلا فراسك ..

قطعات عليه المكالمة مرجعة التلفون لبلاصتو..طوات فراشها ولأول مرة فالتاريخ يمكن من الفرحة...عاد نزلات تفطر ..حتى عرگتها مزيان.. غسلات لماااعن أنا بعدا تخلعت أنا تزعزعت ..

عاد طلعاات قلباات فالصالا على ماماها ملقاتهااش .مشات لبيت عاد لقاتها كتطوي فالتصبين ..

جلسات حداها كضور فعينيها ..ومرة مرة تجر تطوي بياسة ولا تنهد بصوت عااالي حتى تقفزها من بلاصتها .. ..وفتيحة عاايقة بيها حاامية فيها البيضة باغاها تعرف واش قالتها للعربي ولا لا...حتى قررات تنهي عدابها وتروي عطشها ..

فتيحة:هضرت مع باباك ف الموضوع..

قلشات ودنيها وحلات عينيها كتصنت باهتمام مبالغ فيه..

أيلول:اهاه واش قال ليك..

فتيحة:قاليك مرحبااااا بيه..

أيلول:(تعجبات)وبهاد لبساطة..

فتيحة:اه...

أيلول:(بعيون دامعة)أصلا قال ليا هو باغي غير يتهنا مني الله يجعلو يكون حتى سراح معندوش إشكال..

(بتاسمات من القلب فرحااانة أخر همها هو باباها هاد لحضة ..هضرتو ولات تدخل ليها من ودن وتخرج من الودن لاخرة.. المهم هي ساعدتها وتكون مع الراجل لي كتبغي ..وتعوض معاه على الأقل جرح الطفولة .. باست ماماها معنقاها ومزيرة عليها ..عاد رجعات لبيتها مخلية فتيحة كتسترجع الحوار لي داااز بينها وبين راجلها على طبلة الفطور.. كانو غير بوحدهم أيلول ومعاد مازال ناعسين..

فتيحة:العربي بغيت نهضر معاك...

العربي:(وهو كيدهن الزبدة البلدية فالخبز)كنسمعك..

فتيحة:أيلول جاو فيها الخطاب ..

العربي :هههههه أباراكا من المزااح على الصبااح

فتيحة:كندوي معاك بصح..

العربي:وشكون هو هاد الصگع لي ساخطة عليه مو... (باستهزاء) قالت ليك باغي يخطبها..

فتيحة:شافها وعجباااتو ..وتبعها حتى عرف الداار وملي جيت نخرج الزبل ..جا عندي وقاليا راه ناوي لمعقول اوا وقلت ليه مرحباااا.

العربي:ونتي واخدة قرارك لاش جايا تشاوري معايا..

فتيحة:لا ماشي هاكاك.أنا..

العربي:(قاطعها)ششش ياك غادي نتهنا من كمارتها ومن شوفتها كل صباح اوا مرحبااا بيه..

فتيحة:هادشي عيب وعار عليك بنتك يا حصرة ..

العربي:واشنو بغيتيني ندير..

فتيحة:لقليلة گااع سولني غير فاش خدام ..منين أصلو ونتا تاسميتو مسولتيشااي عليها..

العربي:تنسول السلگوطة عليه راه هيا لي جايباه وتعطيني كااع لمعلومات لي باغي نعرف..(عاايق بيها)

وقف خارج من الكوزينة كيردد"صبحاتو الله"..

رجعات من رحلة الإستذكاار على الدمعة لي طااحت من عينيها ..مسحاااتها مخلية المجال لدموع آخرين يطيحو ويتسباقو وحدة مور لاخرة ..تتبكي بحسرة على زهر بنتها وعلى الأب لي عطاها الله....مسحات دموعها بعد مااا خوات قلبها وخوات شوية من داكشي لي هازا من لوقت لي بدات فيه أيلول كتكبر يعني من لي دارت 10 سنين تقريبا...ورجعات لطويان لحوايج وهي خدامة كتفكر فشنو توجد الناس وشنو تلبس بنتها وكل ما يخص بهاد النهار لي جاي..

فنفس النهار فالعشية ..بعد ما دارو كاسكروط ..خرجات فتيحة مع ولادها متوجهين لأقرب شاريع حداهم فين كاينين المحلات ديال لحوايج والبياعة والشراية حاطين الحوايج فالأرض..لابسة تجينز زرق مع بودي بيض خاشياه فالسروال وبوليرو طويل فحال لعبااية مع صندالة مزغبة ..طالقة شعرها ومقادة شوية لماكياج..خارجين يتقدااااو لخطبة ..فرحانة بكل ما تحمله الكلمة من معنى أنها غادا تصوق لخطبتها مع حمار أحلامها..بعد ما جرو معاهم معاد لي ملي عرف أيلول غادي تخطب شبع عليها ضحك... ضحك عليها ضحك الدنيا والدين..عارف ختو فنيانة ومسالية ..هاهوما دابة واقفين عند محل لبيع الملابس التقليدية..كيتاواو على واحد الگاندورة باج مخيطة بالذهبي بارد ..دايز مع خصرها حزام خفيف ذهبي وفدقة فجناب قصيرة ..واصلة بلكمايم حد لمرفق..مع سلهام لاصق فيها نازل من بداية الضهر للأسفل..

فتيحة:اوي اوي قويتي علينا الشريف..

الرجل:واهادا هو تمنهم أختي.

فتيحة:لاوااه نتا بان لذا ماباغيش تبيع..

الرجل:راه الصم الحر هاداك..400 درهم هو تمنها..

فتيحة:300 ناخدها من عندك...راه مازال ناخد البلغة من هنا اوا نقص شوية لاتكونشاي قويصح..

الرجل:(بحرج)وخليها تقيص بعداا وعاد نشوفو .

فتيحة:لا قياصها هو هاداك..دابة اش درنا ..

الرجل:اش غادي نقول ليك غلبتيني الله يربح..

بتاسمااات بنصر ..مصيفطة أيلول تقيص فحين بقات هي تتشوف فالصبابط والبلاغي...

ماكاملاش 5 الدقايق حتى خرجات أيلول هازة بجوج صبيعات لگاندورو من الأرض ..مبينة خصرها نحيف نوعا ما ..معا عندها الكرش شوية...كتبان فحال الأميرة بدلك السلهام...مخلية شعرها مطلوق..

بتاسمات للمرة التانية بنصر كأنها مبتاخرة بدوقها ..

فتيحة:الصلا على النبي ..الصلا على النبي..

أيلول :كي جيت!!

فتيحة:ماشاء الله غزاالة...

أيلول:وشنو غادي نلبس فرجلي..

فتيحة:تسناي

(مشات جابت بلغة باج من الداان فيها خميسة ذهبية وخارجة منها شاشية صغيييرة باج( لي كتكون فالقب ديال الجلابة. )

حطاتها ليها حدا رجلها لبساتها وكملات طلتها لي جات مواتية ..متناسقة وأنيقة..

فتيحة:عجباتك!!

أيلول:وااعرة كتحمق...

فتيحة:متأكدة ..ماشي تنمشيو للدار وتقولي ليا معحباتنيش..

أيلول:لا للا واعرة ..تخافييششش ماما..

دخلات حيداتها وعطاو لسيد يجمع ليهم شنو شراو وخرجو يكملو دورانهم....

وجدات فتيحة كولشي للنهار لكبير ..شرات التمر المعمر بالكركاع ..الحلوة بأشكال وأنواع ...جابت حتى اللحم والدجاح والبرقوق والخبز ..خملات الداار من ساسها لراسها ..فرحانة لأقصى درجة لفرحة بنتها خاصة بعد ما شافت فرحت أيلول ..لي كل نهار إلا ماطلاتش لكمارتها جوج ماسكات متنعسش ..وفينما تبان ليها فالبلان تنوض تقيص لگانضورة وتبدا تفرنس كي الحمقة ..تااا واحد النهار حصلتها فتيحة لابساها ..عطاتها جوج قرصات من تحت جدور للفخاض أما ملي قلبتها ولقاتها مكمشة شواتها بالصندالة خلاتها تبرد فيها وداتها للمصبنة .

أما عبيقة طاير من الفرحة ..تافق مع سيمو يجي هو مراتو معاه يخطبو ليه ..داار نهار معاهم مشاو شراو كل ما يخص الخطبة ..من الحوايح والتمر والکاطو ...مجبدة فبيتها دايرة لوجهها ماسك ودايرة ليزيااات كتصنت للأغاني مكونسونطرية مع راسها ..ومرة مرة كتجاوب عبيقة لي كيصيفط ليها ميساج من الخدمة..حتى بدااا كيصوني تلفونها..بالزربة قفزاات حتى تشقق ليها وجهها مع الماااسك..

عبيقة:ألو بب..

أيلول:ألو حبي صافا ..

عبيقة:الحمد الله ونتي..

أيلول:ملي هضرت معاك راني بيخير..

عبيقة:توحشتتتتتتك بزااف..

أيلول:(تنهدات)أنا كتر..

عبيقة:بغيت غير إيمتا يوصل غدااا..

أيلول:أنا فرحااانة والله..

عبيقة:مابقااا والو العمر ونتجمعو فدار وحدة..

أيلول:إنشاء الله ..

كملو هضرتهم لي عاامرة حب وغزل وغرااام وضحك ونشااط وهادا هو الجاانب لي كيحمااق عليه عبيقة فشخصية أيلول أنها كتهضر مطلوقة وبعفوية ولي رشقااات ليها كتقولها ....

بعد ما كملات مكالمتها مع حبيبها أوبالأحرى خطيبها إلا كتاب وكمل كولشي على خير وبيخير..موراها ب 10 دقايق عيطات عليها فتيحة تغدااا ..فالأول مابغاتش تمشي تفاديا للقائها مع العربي ..عارفاه غادي يسممها بكلامو ويخسر ليها فرحتها..ولكن شحال قدها تهرب منو ..المكتوب مامنو هروب..لبسات بوليروها وجمعات شعرها ..خبات التلفون عاد خرجات..لقاتهم مجموعين على الطابلة كيتسناو فيها ..قالت السلام وجلسات فالسداري لي جنب معاد..وكيف كانت متوقعة طراااا..

العربي :من صباح وحنا كنتسناو فيك ..عاد طفات عليك الشمعة..

أيلول:كنت كنقلب على تريكويا..

فتيحة:قولو بسم الله..كلات ديك المااكلة لي معرفتها كيف هبطات بديك الفقصة لي ديما فاقصها باباها لي من المفروض يكون هو لي حاميها ويكون أقرب شخص ليها ..لازم يكون هو الحب الأول فحياتها..بعد ما كملات دوك جوج دغمات ..ماجات فين تنوض خارجة فحالها حتى عاود عطاها الضربة القاضية ....

العربي:فين غادا ألالة لعروسة..

أيلول:لبيتي..

العربي:وهاد الطبلة شكون يجمعها والماعن شكون يغسلهم!!.

يالاه جات تجاوب وهي تنقز فتيحة عاتقة الموقف..

فتيحة:انا نغسلهم..سيري نتي ..

ولكن هيهات تم هيهات معامن هي..

العربي:هي دابة انا كلامي زايد ناقص..هي لي غادي تغسلهم ومنعاودش لهضرة...

ونيت ماعاوداتش معاه لهضرة ..رجعات لبلاصتها تسناتهم حتى كملو ..أو بالأحرى حتى كمل العربي لي مسح الطبسيل 

(بعدا سهل عليها الغسيل🤣)..عاد جمعات الطبلة وشطبات ..وغير نزلات للكوزينة وبدات الغسيل ..بداو معاها دموعها لي كانو كيهبطو فحال الشتااا ..بردااات غدايدها فالبكا من بعد قلباتها غنا وشطيح ..كملات داكشي على خاطرها ..وطلعات لبيتها كأن شيأ لم يكن .... ونفس الشيء لي كانت كدير كل نهار ..يصوني عليها حبيب لقلب يهضرو حتي يعيااو ...لكن هاد لمرة كان الأمر مختالف هضرو على خطبتهم وأول خطواتهم فالمستقبل .. نعسات وهي كتسمع لكيفاش غادي تكون حياتهم مع بعض ..كمية الحب لي بيناتهم كبيرة متصوصفش ... نعسات مخلياه كيهضر بوحدو ..حتى سمع شخيرها لي ولفو ..إلا ما سمعوش مينعسش ....

الصباح مع جوايه ديك 9 ..فاقت أيلول بعد معاناة خاصة أنها سهرات بزاف بليل..لقات فتيحة جامعة ليها سطولة الحمام بصاكهم ومطيريالهم..صيفطاتها هي اللولة عاد مشات تكمل الطياب .. بعد ما كملات التحميمة ..دازت عند الكوافورة ..قادات شعرها بوكلي خفيييف ..ورجعات فحالها كانت ديك الساعة شي 12 ونص..لقات كولشي موجود ..الصالون مفرش على حقو وطريقو ونقي..ريحة العود كتشم منين و منين ..الماكلة طايبة أواجدة والكيسان والطباسل مستفين موجودين فالكوزينة ..طلات على ماماها وعلماتها بلي جات ..عاد طلعات لبيتها أول حاجة دارت ..سورتات لباب عاد صونات لعبيقة .. عبيقة:ألو الحب .. 

أيلول:ألو ..معاش غادي تجيو!!

عبيقة:واحد ساعة وأنا معاك ..توحشتك.

أيلول:تا أنا ..ياربي تكمل علينا بالخير ..

عبيقة:اللهم أمين.. 

أيلول:يالاه انا مشيت نقاد راسي.. 

عبيقة:متحتاجيش ..نتي أصلا قمر..

أيلول :بزاف عليا....باي.. وما إن قطعات معاه ..حيدات الجلابة لي كانت لابسة ..جمعات شعرها بزيف حياتي غير من القدام ..مخلياه مطلوق اللور....جبدات گااع لماكياج لي تكساب ..حطاتو حداها فالأرض وجلسااات ..وبدات تتقاد ..خدمات ماكياج كونتورينغ ممعيقش بزاف ..مع فاراجو مارون مايل البرتقالي ..مع عكر حمر بااارد وأيلاينر خط رقيق ..جبدات عينيها بماسكارا ...دارت نفس لماكياج لي دارت فالعيد ميلاد حيت هو الوحيد لي كتعرف ليه أصلا... جبدات گاندورتها من الماريو بعد ما صلحتها فتيحة فالمصبنة..لبساتها ولبسات لبلغة ..قادات شعرها غير بيديها ..ومشات لمرايا كتشوف فراسها ..كانت راضية عن مضهرها 100% ..بتاسمات شوية ضحكات ..شوية بدات كتهضر وكتسبل فعويناتها ..كتمتل تزعما وكتشوف ملي غادي تهضر كيف غادي تكون.. 

أيلول:(كتشوف غير بنص عين فالمرايا)..

أحم لي قالها بابا أنا معاه..لا جات معيقة حسن نبقا ساكتة ويقولو لا السكوت علامة الرضا..أويلي ولا قالو هادي ماباغاهش .اه قابلة..نووو جات معيقة..ففف.. كملات البروڤاااا ديالها مع المرايا.مخلية فتيحة غاارقة حتال ودنيها فالطياب ..بستة وستين كشيفة فين لقات ربعة الدقايق لبسات فيهم حوايجها ورجعات هبطات تكمل ما بدات ..لبسات قفطان جوهارا أخضر ملكي مخيط بالباج مع شال باج... فبيتها كتصوني لعبوقتها لي ماكانش كيجاوبها ..زادت نسبة التوتر فدمها ..تسمع الصونيط فالداار .دقت لحضة الحسم ..حانت لحضة الحقيقة ..

ما إن سمعات الدقان ..وقفات بتوتر واضح على ملامحها ..حلات الباب وخرجات كطل من الدروج ..كتبان ليها فتيحة حلات الباب كترحب بالسيمو ومراتو مروى ..عياات تجبد بااش تشوفو كيف جا ولكن والو ..حتى بانو ليها غادي يطلعو لفوق وهي ترجع فحالها..

فتيحة:مرحبا وألف مرحبااا نهار كبير هدا..

مروى:ترحب بيك الجنة أخالتي.... 

دخلاتهم لصالا فين كان جالس للعربي بجلابة صفرة وطربوش مغربي حمر (هاداك لي تيديرو لولاد الصغار ملي كيتختنو).. دخل السيمو هو مراتو هازين فيديهم شنو جابو...ناض كيسلم عليهم وكيرحب بيهم بحفاوة.. ..موراها ب دقيقة .. دخل عبيقة مع ولدو رياض ..لي كان مدابز يطلع داكشي لي شرا ..رما السلام..تلفت العربي يشوف عريس الغفلة..غير جات عينيه على رياض وبسرعة البرق تفكرو..طلع عينيه لعبيقة وهنا تصدم كتر ..وحل عينيه على مصراعيه.. 

العربي:نتا اش جاي دير هنا !.. 

سيمو:واش كاين شي مشكل... 

عبيقة:أحم السي العربي ممكن نهضرو جوج دقايق الا جات على خاطرك..

العربي:خرج عليا....

عبيقة:نهضرو ومن بعد ..نخرج ..كلمة الرجال..

فتيحة:ياك لاباس أولدي..

العربي:(وقف) تبعني .. 

خرج العربي متوحه للبيت لي مقابل مع الصالا..طمنهم بعينيه وتبعو...بالزربة تداركات الموقف ورجعات ترحب بضيوفها.. لقااه كيمشي ويجي وغير شافو وقف كيتربص بيه كيف النسر.. العربي:هضر اش عندك ..ختاصر ودردب مع الباب..

عبيقة:بسم الله .. 

جلس فوق السداري حاط رجل على رجل وطالق يديه على المخاد كيشوف فيه بنضرة تقة حادة ..جرأتو خلات العربي يجلس بلا هواه مقابل معاه ومتفاجأ..

عبيقة:أنا جيت على سنة الله ورسوله باغي نخطب فبنتك.. العربي:(قاطعو)معندي بنات للزواج.

. عبيقة:من الاخر أيلول غادي نتزوج بيها وختار نتا الطريقة ...يا نهرب انا وياها وديك الساعة سيرتك تولي على كل للسان والمبادئ والأخلاق راحت فكلام فاحش ..يا نديها بعزها وتكون حتى نتا رافع راسك ..هااا اش قلتي..

العربي:تت تتهددني ! 

عبيقة:نووو مازال ما وصلنا للتهديد ..الا بغتي نوريك الشونتيو مرحبااا..

العربي:بنتي هي لي ماغاديش تديها.. 

عبيقة:والرب العالي حتا هي لي غادي ندي..

العربي:نتا راك والد..

عبيقة:مطلق ومن عام الفيل ..وربي حلل الطلاق وأيلول هي لي غادي ندي ..

العربي:لاااا هي لاااا..

عبيقة:(وقف)اول نتا لي جبتيها فعضيماتك...لمرة لي فاتت تهرستي من ضهرك لمرة الجاية منضمنش ليك فين..هو هادا الله يعاون..

ورجع لعندهم فالصالا ..بالزربة تبعو العربي مسكتو قبل ما يهضر.. 

العربي:مرحباااا بيكم مرحبا...فتيحة عمري أتاي.. 

جلس عبيقة مبتاسم باتسامة نصر ..مخليهم غير مصدومين فيه وكيتسائلو شنو قاليه حتى خلاه يوافق ماعارفينش راه السي العربي خاف على عضيماتو ...

يتبع ...