حبيبي الأصم الجزء 210

ناضت لامار هبطو هي وسفيان حيدو داك الحوايج .. و لقات اريج مادة ليها كااس دالحليب و التمر واخا مدايزش ليها هاد نهار ولاكن مابغاتش تفطرو ..... فرقو صيامهم ومشاو لبيت صلاااة صلاااو ...وخرجو ...

لامار : فين رتاج و اسبرو ؟ 

اريج : راه كتبو ليا مسج راهم مع بعضياتهم غايفطرو فشي ريسطو مع حياة وسارة ... 

لامار : اااه داكوغ ... 

مشاو لطبلة و يونس مكلس عندو قسم كيوكلها .. لي محساش كاع بالحرمان حتى الى مكاينش باباها عمامها معوضينها على كولشي واخا كيبقا الاب هو الاب ..كلسو كيفطرو مجمووووعين كيحاولوا يتبسمووو بززز وخا الخاطر والو ..سالاو و طلعات اريج و يونس يشوفوه تاهوما .. بقات غي لامار و قسم وسفيان .. 

سفيان : لامار ... اش غانديرو مع صحافة دابا ؟

لامار : راه داكشي لي شاغلي بالي ... لاشافني شي واحد هنا .. غايكدبو خبر اننا فالعمرة و يبداو الاشاعات اول اشاعة غاتخرج هي ااننا تفارقنا ولا كلقنا مايحدهالناش الطبيب .... داكشي علاش غانصبر هاد الشهر مانخرجش من المنطقة .... تالعيد ويحن الله ...

سفيان : وي .... داكشي لي بغيت نقوليك تانا ... وماتخفيش الخدمة راني واقف عليها والشركة داسد راه واخدة ل بوز هاد الشهرررر كولشي كونجي... فكل الاحوال كنتو موقفين كولشي هاد الشهر ... ومنهنا العيد بحول الله .. الى كان باقي مافاااق . عاااد غايكون المشكل ديااال بصح

لامار : مابغيت نفكر فوالو دااباااا ... بغيت غير نبقا حدااه ... انا عندي امل يفيق دابا و بعد شوية ولا غدا ... مكنشوفش انو غايفيق ورا شهر ... لي شاغلي بالي دابا هو رتاج ..

سفيان : علاش

لامار : ضاروري تجيبها ليا اسفيان .. راك عارف منقدرش نخرج دابا ... جيبها ليا عفاك 

سفيان : ولاكن علااش

لامار : ( تنهدات ) هي وعدنان راه كيبغيو بعضياتهم .. وانا قبيلة جريت على عدنان وقتليه الى باغيني نسامحك ماترجعش .. وهو قبل ... ومشااا 

سفيان : نو ! متأكدة مشا 

لامار: اااه .. مشاااا فخطرة وحدة ... كان فعنيه رغبة كبيرة ااننا نسامحوه .. احساس الندم قبييح اسفيان .. وهو فضل يمشي ولا يبقا وحنا مامسامحينوش .. صراحة كون مان شي حد اخور كون قالي سمحي و لا لهلا . مهم يبقا هو حدا خوه ..ولاكن عدنان حسيتو عطاااني قيمة و عطا لغلطو قيمة و ندم عليه( تنهدات) وفاش مشااا هي تقلقاات بزاف ... وقاتلي حرمتها منو وشي هضرة اخرى درت راسي ماسمعتهاش ... كانت معصبة ماشي مشكل ... وحتى انا هضرت معاها قاسحة .. هي مسكينة خلات خدمتها وجات عندي.. ونا باش جازيتها مكنتش حاسة براسي كاع بحالا مدروكية 

سفيان : سمحيلي ولاكن ماجاتش عندك غي بوحدك ... جات تاعلى قبلو هو 

لامار : عارفة .. مهم جات ... ووقفات معانا ... و انا عارفة قلب رتاج كيداير .. كتعصب دغيا ولاكن بيض ... جيبها ليا اسفيان منقدرش نبقا مخاصمة معاها تادقيقة ... خصنا نوضحو كولشي ... هي و اريج كيعنيولي بزاف 

سفيان : ( مدة ساكت )صراحة منكدبش عليك تانا مامرتاحش لعدنان ملي عرفت اش دار فيكم ... ولاكن فاش كنفكر مع راسي كلقا.... كلقا انااا براسي عائلتي كونو ليا نفس الفكرة على اسد و خلاوني مانحملوش من تعاوديهم عليه.. خصوصي اني كنت محملو دنب إفلاااسناا وانتحار الواليد .. ولاكن ملي تقربت منو لقيت شخض اخور .. وملي عرفت سبب لي خلاه يدير ديكشي سممحتلييه كتر ووليت كنلوم عائلتي لي تعداو عليه... دونك حتا عدنان غايكون بحالي .. مخصناش نتسرعو فالحكم على الحاجة تاانتقربو منها ونشوفو المشكل من جوج جوايه ماشي غي من وحدة وعمر نتيقو شي حاجة ماشفناهاش بعينيها .. فاش كنفكر هاكا كالقا راسي خوالت نفهم عدنان شوية ولاكن هادشي مكعطيهش الحق انو يدير داكشي كامل .. حتى لشرف خوه لا سطوووب ...كرهني فيه

لامار : انا لاااا ..مكارهاهش اسفيان... ومعمرني كرهت شي حد ولا غانكره .. انا غير بغيت نحمي عائلتي و بنتي .. كون اسد ماشي مشكل و لاطن اسد لي يحمينا مكاينش .. كنخاف يكون باقي داك العصابة ماشدوهمش كاملين ويرجعو تاني و يآديولي بنتي ... و من جيهة اخرى كنحس براسي مزال محملاه دنب غيبوبة اسد ... غي غانبقا كل نهار نسمع ليه هضرة ماتعجبش ليه اللهم خلي تايفيق خوه هو يعرف اش يدير معاه ... بكل الاحوال تاهو غي ههددوه ماشي لخاطرو ... ومنها نعرف واش فعلا هو باااغي فرصة اخرى ولا بافي ناوي على الغدر .. اسد علمني مااانتيقش بزاف وديما نحط جوج احتمالات .. واحد سلبي و لا هور ايجايي و ندير بحسابهم .. لاكان عدنان شخض مزيان راه غايقبل يدير اي حاجة يكفر على دنبو .. ويلا كان لا .. راه غايكون هدفو غير يبقا معانا ويزيد يدمر .. ولاكن منين مشا ... كنضن كيستحق فرصة اخرى ... انا ماحرماهش من خوه .. نهار يفيق اسد يجي عندو داك ساع بيناتتهم

سفيان : الله يصاااوب وصافي ... صعيبة يشتتو ليك الوالدين الشمل و نتا صغير .. فاش كتكبر عاد كتلقا المشكل ... كنوليو نتحاربو نجمعو الشمل عاوتاني حيت كيف مكان الحال .. كلقاو اننا غي حنا لي عند بعضياتنا معندنا حد اخور ...

سفيان : مهم خلينا من هادشي .. ماعرفاش فين تكون رتاج ! اشمن رسطو ؟ 

لامار : معرفتش تاهبط اريج وسولها 

سفيان : غانسول حياة ....

نااض هز تيليفونو ورجع ضار عند لامار 

سفيان : تحتاجي شي حاحة نجيبهاليك ؟ 

لامار : لا لاا اخويا ... 

دار ليها ابتسامة وخرج ... وهي بقات مربعة على السفررررررة و كتتتنهد .... كييييفاش غادير تكمل هادشي من موووراه شافت لبنتها لي كلسها سفيان فكرسي ديال الماكلة كتلعب بيديها وتاكل ردات راسها كاملة مجخطنة بلي صوص .. هي الوحيدة لي كتقويها وتخليها تزيد تصبر و تقاوم ...وقربات عنها باست ليها يديها المجخطنبن وهزاتها عنها مزيرة عليها كتبوس على راسها ... 

سفيان خرج ومشا لطوموبيل دار الكيت ديالو وخارج كيفتحو ليه لبيبان

سفيان : حيااة .. فينكم 

حياة : كنا كنفطرو دبااا ماشين لدار 

سفيان : باقين فربسطو 

حياة : اه باقين غانوضو دابا علاش ؟ 

سفيان : معاك رتاج 

حياة : اء ؟ ا اااه .. معايا ... 

سفيان : واخا قوليلها تكلس تما تسناني بوحدها انا جاي عندها 

حياة : هاا ؟؟؟ و و علاش ؟ 

سفيان : صافي احياة ماشي وقت الاسئلة دابا 

حياة : احم ... راحنا كاملين هنا .. علاش بغيتها بوحدها زعما ؟؟؟؟ 

سفيان : غاتبقاي هاكا كتسولي ؟! .. سيفطلي لادريس مسج انا جاي عندها ... 

قطع عليها وحياة بدات تغزز فسنانها ورجعات مشات عنهم لطبلة كانو كيهز صيكانهم 

حياة : ( بغيرة حارقة ) رتاج .. غي كلسي .. قالك سفيااان جاااي عندك 

رتاج : عاارفاه علاااش جاي ومابغاش نهضر معاه ... 

هزات صاكها ومشات وبقات حياة غي كترمش وشافت عند سارة وهو يتبعها اسبرو 

حياة : عارفة شي حاجة ؟ نتي لي بتي معاها قاتلك شي حاجة ؟ ياكما تكون بيناتهم شي علاقة ؟ 

سارة : مكككنضنش اوييلي ؟ راه كبيرة عليه حماقيتي .. 

حياة : فين كبيييرة فين .. راهم قد قد ولا هي صغيرة عليه بعام يمكن .. 

سارة: داوية من نيتك 

حياة : وعلاش يبغيها بوووحدهم مافهمتش ؟؟؟؟ 

سارة : وعلم الله اش بيناتهم .. نتي عارفاها طبيبة يمكن شي استشارة ... 

حياة : موهبم زيدي زيدي ... نمشيو عند لامار هي لولا ...

سارة : يالاه .. نشدو طاكسي من لهيه ... 

مشاو شو طاكسي ورتاج كانت ديمارات مشات راكب معاها اسبرو 

اسبرو : وااالوو مااامفاااك معاك .... اش واقع 

رتاج : واش مغاااتسكتنيش ابنادم شحال كتزنزن .. صاافي مابغاش نهضر معاه رشقاااااتلي 

اسبرو : وااااعلاش ؟؟؟؟؟ وعلاش من قبيلة ونا كنقوليك نفطرو مع لامار مابغيتييش شنو تماااااا فاااالت ليا ؟ دازتني شي حلقة !!!!! 

رتاج : واش خضك تخشي كرومستك فكولشي ازمر

اسبرو : وهااا هي طاحت وصبنااها ؟ واااديني عند لامار دابا نشوفو اسد.. 

فرااانااات بججهد تاتقفز 

رتاج : نزل شد طاكسي 

اسبرووو: وااامششششطبااااا هادي ... امالك معاهاااا اابلغغلة لقبور ؟؟؟؟؟؟ نوضتووها ؟ صاااافي قشبلتووووهاااا ...طول العام ونتوما سمن وعسل و لوز مدردر ... خلييتووو تالعواشر لي كتصالح فيه ناس و تنعل شيطااان عاد نتوما فتحتو ليه لباب و قولتو ليه تفضل دار داااارك ... 

رتاج : سير عند داك صااحبتك لعزيزة تعااود ليك .. نزل

اسبرو : صااافي هادي هي لا مار وختي وكتتررر من مي ... والقناافاااحاات... ولاات صاااحبتي لعزييزة غي انا .. زعما نتوما لبنات كتتتصرعووو زواق فالهضرة باااااز .....وااا هانا ناززل مابغيتيييش تهضري هي غاتقولي كولشي ... اواااا عالله لقاكم مدااابزين الى مالقيت لبوكم ريوس انا ماشيي اسبرو لي كاايشنشن وماااكيفشفشش..

نزلاتو فطرريق حدا ريسطوو ومشات وهو بقا غي كيشوووف ... ومشا كيتسنا دوز شي طاكسي تابانت ليه لاند روفر دسفياان باركات ونزل منها داخل ... هو يمشي عندو 

اسبرو : ومكااااين حد غاجي لهنا 

سفيان : مشات ؟ 

اسبرو :غاسمعات سميتك وهي تكحل بالعما ..و عيطات جبد ... اش بيناتكم .. 

سفيان : مووووصيبة تاهادي بحالا ناقصين حنا .. طلع طلع 

طلع اسبرو معاه لطموبيل وديمارا زاد 

سفيان : ماعارفهاش فين غاتكون مشات 

اسبرو : غاتكون مشات غالدارها تنعس ... سمعتها قبيلة حجزات طياارة راه غانسافر غدا .. 

سفيان : ل لاميغيك ؟ 

اسبرو : لا لحد سوالم ... وفاين غاتشد طيارة فنظرك .... واقووليا شنو تماا كيلغج ؟؟؟؟ واش مدابزين.. دغياااا راه البيضة كتغليلي فطاس 

سفيان : نوضاتها هي ولامار ... لامار جرات على عدنان .. ولوخرا قاتليها علاش ... 

اسبرو : وااايلي فاااتني شلااا آ العود ... كيفاش كيفاش ؟

سفيان : صافي سكتنا ماعندي مورال دالهضرة دابا ... 

كسيرا لمنطقة B ومشا باركا حدا لفيلا ديالهم لقا طموبيلتها تما .. ونزل صونا فالانترفون .. والو مجاوب حد .. ورتاج خرجات من دوش كتنشفف شعرها سمعات صونيت وشافت من الكام بانوليها وهي تجاهلهم ومشات كتتتكمل تنشاااف .. تابان ليها سفيان فالكام تتعععصب خافت ييهرس لباب وهي تطلق شعرها ولبسات عليها قبية بلا يديييين بااردة و شورط قصير ديالها بوويض ديال نااايك ... و كلاكيطة كحلة وهبطات حلات ليهم وربعات يديها على لباب 

رتاج : اش كاين!!! 

سفيان : دابا غي قوليلي واش بنتليييييك عندي لخاطر لي يبقا تابعك كندق فلبيباااان .. بغينا نهضرو معاك دقيقة مغاناكلوكش ...

رتاج: دااك المووضوع لي جاااي تهضر معايا فيه .. ماااباغاش انا نهضر فيه .. 

دفعها ودخل وتبعو اسبرو كي دجاجة .. وهي صاااطت وتبعاتهم ... دخلو لدار ورجع ضار عندها مربع يديه 

سفيان : واش منيتك منوضاها مع صاحبتك .. على ود واحد ماخلا مدار فيك 

رتاج : ها عللاش قتليك ماباغاش نهضررر .. مغااانتفاهموش من الاحسن بدل الموضوع ولا سير 

سفيان : لا غانتافهمو بسيييف عليك ..مغانمشي منهنا تانديك معايا.. السيدة لي فيها كافيييييها ...

رتاج : ابصح ؟؟؟ وحناااا بناالييك كنحصدو السعاااادة ؟؟؟؟؟ كلناااا لي فينا كاافينا وكلنا اسد بقاا فينا ماشي غي هي ... هادي من جيهة ..من جهة اخرى اه صاحبتي وعزيزة عليا وبحال ختي .. وللاكن رااااه ختي لادرات ليا داكشي غانتقلب عليها .. 

سفيان : اش دارت ليك ؟ بغات تحمي عائلتها عييب!! ... وهاد عدنان كون كان بغااك كون داك معاه ... كون جا عندك لتمااا ... ماديريش لامار سبة ... انا كون كنت فبلاصتو وكنبغيك ... و ديرلي لامار هاكداك غانشد فيديك ونزيييييد ... هي مقاتلوش بعد من رتاج قاتلو بعد مني .. ولامار كاينا فالمغرب ونتي كاينة فامريكا .. بعداااتو غي من لمغرب ماشي من اقطاااب الكون ... لي كيبغي يتبع رزقو تالمريج ماشي يتسنا السبة لي يبعد فيها ...

رتاج : انااا مكككندوييش عليااا ا سفيان انا مولفاه كييف كاين كيف مكاينش ... اناا لي مابغيتش هو يتحرم من خووووه .... انا لي عارفة قلبو شنو فيه و كيداااير ...وعارفة شحال من ناادم .. وباغي يبقى مع خوووه ...اما انا عندي هانية .. ارا غير هو يكوون هو مرتاااااح .. دخل هادشي لمخك ومتبقاااوش داوين خاوييين

سفيان : ( تنهد ورجع شعرو لور وضار كيشوف فيها ) رتاااج كلسي الله يرضي علييك نهضرووو كلسي .. 

كلسات رتاااج كتشووف لفوق ماحاملاش .. كتلعب برجليها بالتوتر .. واسبرو غي شاد حنكو وكيتبع معاهم ماباغي يفلت والو ... 

سفيان : لامار راه واخا تشوفيها هاكاك رااااه دغيا كترجع معاها الندامة .... ماخضكش تدي عليها ارتاج.. وحدة بلاصتها راه دابا كتصرف بلا عقل ... وااااش نتي تشوفي هاد عدنان كوووما تصبري ...واش عارفة شنو هي كوما يعني سييييير واااش يفيق واش لا ... ماتقوليش حنا كاملين بقا فينا .. هي راه مابقاش فيها هي راه كتموووت ...راه مغاتكونيش بحالها ... عرفتي كون دفناااتو تحت التراااب كانت اهون من هاد الكومة .. وملي كتفكر شكون سباب .. شكون فنظرك ؟ ... نقلاتو مسكيينة لبييتوو غير باش توهم راسها رااااه كاين وحنا عااارفينو انو مكاينش ... جثتو وصافي بحالا كتشوفي فشي صورة ... روحو ففين هي ؟ اختي قولي الله يحسن العوان ... راه ملي سمعت قطعات لواحد منهم رجليه بجوج بلااا ماتحن ...راه تفيلييبيييت ...حنا رجال ومنقدروش عليها ... راه خصنا نعدروها ... دارت هاكداك وانا كنوافقها الرأي .. حيت عدنان عااارفينو خونا على الراس و العين ولاكن راه الى بقا .... كاين معاه غي المصايب ... ولي كيعرفهم يحححدهم ليه راه كوما ... بحال وااالو يآديو بنتها كااااع .. باش عرفنا حنا غب لي شدينااا لي كاينييين... لامار كتحاول تحمي غي عائلتها وهي محرماااتوش من خوه .. رااااه هووما لي حرمووه منو وحرمونا منو كاملين ... وهاهو بقا كاع فين هو هاد خوه! غايبقا يشوف فجسد ؟ ... هي كتقوليك نهار يفيق يجي عندو بيناتهم .. اما دابا مكاينش اسد .. كاينة غي هي .. مغاتقدش على لمصايب الى حاو كاملين بوحدها ..وهي باقا كتقول وكضن ...ان لو مكانش عدنان كان غايكون أسد معانا ... وباقا منساااتش اش دار فالماضي ...وراه صعيب يتنسا .. كون جاها او جانااا فشي وقت كسن من هادا و اسد صحييح و اعتدر منا ...كنا غانتقبلو اعتدارو وننساو .. حيت غانبردو دقة ونقولو ماشي مشكل كولشي داز .. ولاكن دابا ميمكنش حيت بسباابو كنعاانيووو ...من زهرو جا فهاد الوقت لي كولشي محملو الدنب ... ولي كولشي تكب فخطرة و ثقلات ليه الكفة .. غانعطيك مثاااال بسييييط ووحاولي تفهميه ..( رتاج شاافت عندو ) فاش كضربي رجليك مع شي طططبلة وككتححرقي تاكيتلوا قلبك علاش كضربي طبلة ؟ شنو دنبها هي لي ضرباتك لا ؟ ...غي جاتك طريق ... خيت كون مكانتش هي مغاااضربيش .. وكتردي عليها حرك وغي كتبرد دقة كترجعي تاكلي فووقها عادي .. اما فاش تكوني كتحرقي راه تقسميها على زوج وماتحسيش رغم ان لااااا دنب لها .... اوا راه هاكاك عدنان ... راه حرناااا كامل ردييناه عليه ... واش هو غي مو دات خوه معاه و حملو دنب تعاستو واسد ماعندو تاددنب وشوفي اش كان باغي يدير ليه كون لقا اسد كامبو كو راه شتت ليه الشمل .. وبغيتي لامار لي بسبابو ترزات فيه تحن ؟ ...مانكروش ان تاهوا مخلاااا مااا دااار ... اااه عارفينو ندم ولي ندم كيتعاقب باش نشوفو واش يستااهل فرصة اخرى ... رتاج نتي برااااسك راه خصك تندمييييه.... راه تانتي مدارش فيك قليل ...ماقلتش ليك فرقيه ولاكن ربيه ... لي دار الدنب كيستاهل العقوبة .. ومنبعد عاااد كااايجي الاعتدار و السماح ... نتي لي صاحبتها زعما وخصك تكوني واقفة معاها فهاد الازمة ... كتزيديها همك ماشي حشومة .... هي بغات تجي عندك ولاكن مضطرة متخرجش من المنطقة ... باش مايشوفهاش شي حد ويكددبو خبر العمرة ديالهم وينوضو يبحثو .. و طلباتني نجيبك عندها .. ندمات لي هضرات معاك هاكاك و نتي عارفة قلبها كيدار ... حشومة هادشي نوضي يلاه راه محتاجانا كاملين حداها .. ماشي تالنهار الصعيب نسمحو فيها ... وهاظ نهار زعنا هو نهار لول لي وقفات على رجليها نتخلاو عليها فلول د طريق ؟ 

رتاج : لا اسفيان صافي مابغيتش ... صافي خليني .. مكانش عليها تصرف هاكاك تفكر شوية ... عدنان تعاقب بما فييييه الكفاية باركا غي مرضو ... تاهو عاااش فالمعاناة حياتو كاملة تانهار لقا بنت خوه حرمتوووه منها و الله تاحراااااام عليكم .. انا لي شفتو كيفاش كان كيهضر مع خوووه والله وتجمعو نتوماااا كاملييين ..لاااشكلتو تا الربع من حبو ليه ... 

سفيان : رتاج .. حنا كولنا مضغوطين ومعارفين اش كنقولو ولا كيفاش كنتتصرفو .. معندناش تاوقت نفكرو فكلامنا قبل مانقولوه ... هاد الفترة حنا محتاجين لبعضياتنا وواخد مايتقلق من لاهور ويراعي ظروفو ...وعدنان ... دابا يرطع .. حنا مغااانفرطوش فيه .. اه بصح محمممملتش اش دلر ليهم وجن جنوووني ومابغاتش تسرط لي .. معنديش مع بنادم الاناني و لي كيبغي غي راسو... كون خويا عاش ضاااحك ندمو وملي عانا صافي نندم عليه .. ولاكن اش غاندييرو كيبقا تاعو الاخ الكبيررر .. خلي تاتفوت هاد الازمة بعدا اما دابا راه كلمة جوج غااااانشششعلو .. ونشوفو موضوعو داك ساع .... وقولي الله ينعل شيطااااان وزيدي قداامي ..

رتاج بقات غي كاتشوووف . .

اسبرو : اشووووفي عندي نتي هااااه ( ضارت عندو ) شتى الى ماااتكعدتيش نحلف بحلوفي تاتردي هاد الشهرررر درمضاان كاااامل مع اسد فاش يفيييق حيت هاد الفاااااززز ديريكت لراااااسك ... وتشدي حداه السرير .... واش حنا نصااب مصاب غااا فاقت ووقفات على رجليها نتخاصمو معاها ...حنا كندييو على لاماار حنا ؟ عرفتي الربع د الثلث دياال النصف المجزأ كم يساوي ؟ وراه هوووو العقل ديالهاا... هي اصلاااا التركيبة الجينية ديالها ناقصها شي صبغي .. واش لامار كيديو عليها ؟ هاديك راه تقولك نصليو جمعة فنهار الاحد و نحصدو فليالي و نعيدو فالمولود قوليلها ييه بصح ....هاديك انا تنوض تهروييييينييي ونقوليها الله يخلف ..حيت بحال قلبها و الله مكااااااين ولا غاتلقااااايه وضوري العالم كامل .. نوووضي تكعدي من تما باركا ماتزلعو كي اللبن الحامض شحال فيكم دالفشوش .. انا رااه نهار اللول جرراات عليا كاع وقاااتلي سير مانشوووفش وجهك .. وملي رجعت عندهم دااااابزت معايا عاوتاني قاااتليك علااااش مشيتي قتليك سييييررر ماتمشيش علاش ديتلي الري .. مهم هي دااابز و الله كبير .. وهاكاك تلقايها دابا كتقول على عدنان .. و ماعقلتيش اش دارت لاسد .. سير مانشوقش وجهك وايمبيسي دراما .. تلتلايم دازت عليها كي جهنم ومشات عندو تاني علااااااش خلييييتني ... هاديك راااه الفراناااااات مععندهاااش مااااشية عالله وصافي حيدي نتي من طريق لابغا تعيشي ولا غادخل فيك .. ويلا دخلات فيك تقولك علاااش جيتي قدامي هانا ضريتك دابا وتكلس تبكي معاك .. واش غي جا الروكان وتسطا عليها ؟ رااه دير لي دير فلخر كيتنادم معاها الحال .... الى ديتي عليها راه خصك بولون بحالها .. انا ندي على قسم ومانديش علييها .. لاكنت معصبة كتررر .. شي مضغيه شي غااا سرطيه ...دااكشي باش ربي عطاها رجل صمك كون كان يسمع كااع اش كتقول وهي معصبة كون راهم كيطلعو ويهبطو فالمحاكم ... نوضي زيدي قداااامي نمشيو شحال غاااتلوي فداك شنااايف ... ماعقلتيييش رمضان لي فات كيفاش دوزناه معاها ؟ فين عمرنا تجمعنا على شي طبلة تاجينا عندها و فتحات لينا باب دارها ودارت فينا التقة العمية عمرها شدات شي باب و لا دارت شي تصرف يحسسنا بارنييين .. ياك دارها ديما ومزالا هي دااارنا ... عمرك حسيتي برتسك عندها ضيفة ؟ عقلتي نهار شافتك مقلقة من هداااك لي دابا ظايرة عليه هاد الكارثة ..ونااااضت كتنفز وهي حاملة على المنصة كتغني علييييك باااش تضحكك وداك اسمهان تابعاها كتقول ليها لا يجووز لاا يجووز... مااعقليتيش ! .. صاافي نسيتي كوووولشي ... 

رتاج : اذ كتخرررربق انا مانسيت والو غير مععصبة منها 

اسبرو : واتوضي نوضي تكعدي ضربي راسك مع الحيط جوج ضربات ... وزدي عند صاااااحبتك ماشي تانهار لي محتاجانا فيه نخويو عليها ... وخلاتها الشاااعرة نااانسي .. اخااااصمك آه ااسييييبك لاااااه ... 

بقات غي كتشوف فيهم غي من تحت القصيييصة و القب و سفيان مربع يدو ..

سفيان : واش غااتنوضي ولا غانبات هنا 

رتاج : هاااهي ناااايضة .. 

نااضت طلعات فدروج كتلوح رجليييهااا بداك كلاكيطة .. وطلعات تبدل حوايجها 

هااااكداااا هوما ابطاااالنا ... كيدابزوو ويتقااتلو ومايخليو مايديرو ولا يقولو .. ودغيااا كينسااووو عمر الحقد مكان فقلبهم .. كيبغيو غي شوية دالتحزاااررر ... وهاهوما ضاااحكين ناااشطين ... 

لبسااات سيرفييييت كحلة و شدات شعرها لفوق عادي مبببعثر معندها كانة .. وهزات صاكها ومشاووو لمنطقة عند لامار ... .

دخلوو باركاو كانت طموبيل د يونس و اريج تما ... و خرجووو ورتاج بقات فطموبيل تاحل عليها سفيان لباااب وحياة كتشوف من الزااج 

سفيان : غااانوليو نعاودو داك الزبوور عاوتاني تاهنا... شحفتني شكوي بيك الله 

رتاج : بعددد مني .... صافي ردني فحالي ... مخلات مقاتلي قبيييلة وضربتني من فوق .. ديني فحالي 

سفيان : واخا ...

تحنا عنها هزها وهي كتتتفرركل وحياة طرططقات عينيها واسبرو مشا دخل.... سفيان ضرب لباب برجليه...وهي هازها فوق كتااافووو وحياة دمعووو عنيهاا ومزيرة على يديهااا مقاداتش تشوفو فداك المنظر.... دخل لداار ...و لامار شافتها ووقفات كانو كاملين كالسين فصالون.. اما قسم غي شافت الهزة بدات كتكهكه وتموووووووت بضضضضضضحك تاضحكاتهم كاملين بداك الضحك لي كدير ..وتشيير بيديها عندهم زعما شوفو وترحع تنقز وتصفق وتضحك ... ولاحها على الكانااابي كينفض فيديه

سفيان : هاا امااانتك سخسخاااااتني ... 

لامار غي كتشوف فيها وقسم كتموت بضحك ومشا عنها هزهااا

سفيان : نديييرليك حتى نتي هاكااا هااا ؟؟؟؟؟؟ بشوي عليك اشنيولة غاتسسكتي قلبك صاافي صااافي ههه ( كاتموت بضحك وبااااسها بججهد ) غااااناكلك .. الحمد الله غي لي سمممعت ضحكة ديااااالك ( كيبوس فيها )

رتاج سكدات راسها وكلسات على الكنابي معوجة شفايفها وكتشوف فالارض و لامار كاتشوف فيها بابتسامة واريج مافاهما والو ... وسارة و حياة وواقفين واسبرو ضرب رتاج ملووررر تاقفزها

اسبرو : هيييوا ...غانباتو هنا .. نووضي عنقيها 

رتاج : بعدددد مني ( تحت سنانها ) 

لامار : لاااا ... معنيدي ماانديير بتعناااقها 

رتاج : ( كتفرك فصبعانها ببنرررفزة) وعلاش بغااااني نجي ...

لامار : باااش انا لي نععننننقك ...

نااضت عنهااا وعنقااااتها ورتاج غيي يااابسة و لامار دغيا كيدمعو عينيها ورجعات مسحاتهم وشافت عندها علات ليها راسها 

لامار : سمحي ليا لاقتليك شي هضرة ماش تالهييه .. مكنتش عارفة راسي اش كنقول .. عارفة معزتك عندي ياك ... ( بابتسامة ) امرات لوسي المستقبلية

رتاج : ( كترمش بعينيها كتحبس داك دمعة ) لوااه زعتر 

لامار : ههههه ومالها ماشي بصح ههه علاش لا 

حياة بقالها شوية وطييييح وسارة كتشوف فيهاا باسى قالت ياكما هادشي بصح نيييت .. تكون بيناتهم شب حاجة ... ومشات حياة كتجري لطواليط لي فداك الطاابق قبل ماتهنار حداهم ...وسارة تبعاتها 

رتاج : ( كاترمش بيعينها فلاارض ) ع .. علاش بغيتني ... 

لاماى : هاء؟ ؟ امتى بغيتك ياك نتي لي جيتي عندي .. شكون قالك اجي 

رتاج : ( شافت عند سفيان ) علااااش كاتكدب عليااا

سفيان : اودي نتوما لي يبقا حداكم تهبلوه ... بيناتكم ابيضاوة ... 

مشا خرج لبرااا .. و يونس كان كيهضر فتيليلون يلاه سالا وانضم ليهم بانتليه اريج غي كترمش وكلس حداها طالق يدو موراها 

يونس : مال هادو 

اريج : بحالي بحالك ولله مافهمت شي لعبة ...واااا الشعب .. اش واقع ؟ 

لامار : مواقع وااالو .. غير صااااحبتك مقلقة مني حيت جرييييت ليها على مستر الفرشة 

رتاج : لااامااررر 

لامار : نوووضي يلاه معايا لبييرو و نهضرو 

ناااضو بجوج لبيروو واسبرو عاد ككيعاود لاريييج وهي مطرطقة عينيها

اريج : شوفلك على الغووولة .... لبنت مصاب قلنا وقفات على رجليها جااات كدااابببز دابا نوري لمهاااا 

يونس :نكدب علييكم ..والله معجبني تصرف لامار .. صافي لي غلب يعف ... علاش تجري عليه بداك طريقة ... كنخاف غير يفيق اسد ويشحرهم ليها 

اريج : نتااا سكت .. نستي اش دار فيهم ...

يونس : ونسيتي سارة اش دارت لينا ؟ مالها دابا معانا ؟ الحقد والكراااااهية مكيوصلو لوااالو ... بنادم ندم و اعتدر صافي الله يجججعل البراااكة ... الراجل لامشا تاطلب السماحة عرفيه الى خرجها من قلب القققلب ... راه مكيطلبش سماحة بسوهووولة وصعييب عليهم ماشي بحالكم نتوما .... 

اريج : فففف مشااااااكيل .... نتا مغاتمشيش لتراويح ؟ 

يونس : راه لقيتيني ماشي دابا ( بااسها فحنكها ) بسلااامة .. 

مشا يونس لقا سفيااان فلباب داير يديه فجيااابو وزيدو معاه ...حيت من العيد لكبير مع اسد لي علمهم صلاة ماطلقوش منها .... ومشاو لتراويح .. 

عند لامار ... 

لامار : ححسن لينااااا وليه ارتاج ... الى بقا ماهو مرتاااح ما انا مرتاحة .. حتى ننسى بعدا غي اش دار لينا و نتعدا ديكشي .. اما دابا منقدرش نفتح ليه باب داري بسهولة ..نكدب عليك مااابقيت كنتيق فحد .. بغيت غي نختبرو واش يستاهل فرصة تانية كنخاف يكون باقي ناوي على الغدر . ولا داك العصابة بااقي شي وحدين منهم تابعينو ... معععرفتش مخوفني وجودو .. انا محرمتكش منو ... واش منعتك شي نهار تهضري معاه ؟ ياك رغم اش دار لينا ...ديما كنت كنقولليك راه نتي كيبغيك د بصح ارتاج اولا ؟ انا عمرني وقفت فعلاقتكم باش تقوليلي هاكداك ( رتاج غي دايرة راسها فالارض ) بغييت غي نحمي عائلتي ...... ومااااحدي غانشوف قسم كااتقوليه بابا ... راااه قللبيييي كيتتتققققطع ارتاج ( تنغنغ صوتها بالبكا ) راااه مانسسممححش تعيط بابا لشي واحد من غير اسد وهو حي .... مننننقدرش تااانتخيلها ... اسد عااااايش وني تقول بابا لواحد اخور راه غاااانحماااق ( دموع نزلو ليها ) الله يجعلها عمرها كامل تقول غي ماما .. ولا تقول بابا لشي حد من غيرو .. حسييت ان اسد صافي مغاايبقاش .. مااابغيتش نلغي دورو واابوووتو .. منقدرش نسمعهااا ونصبررر ... ماغاتحسيش بياااا حتا تكوني ام ... رتاااااج راه بززز باااش كنتقوي فرااااسي راه غي توشيني شووووية نطييح لارض .... ضعييييفة بزاااف من داااخل اختي ضعيييييييفة .. هاادشي لي طرا الاسد كيييقتلني بلا مااانمووت ... الى نتي درتي هاكا حيت تحرمتي منو غي شوية انا ماعرفاااش امتى يقدر يرجع .. ويقدر لا ....كنتخيل شي نهار نفيييق ولقاااه صافي مااااات .. راه متقدرييش تحسي بلي كننحححسو ... الاماااان ديالي مشا .. لي كنت كنعييش على قبلوووو مشا .. لي كنت نشد فيدو ونزيد خطوة لقدااام ططططلق من يدي ... دااوه مني ولاد الحراااام ... ماعرفتوووش واااش هاااني واش كيتحرق ولا مرتاح ولا كيضحك ولا كيبكي .. كنشووف غي جججثة ...اااسد فيييين هووو ؟؟؟؟؟؟ فين هو لي كان منور ليا دااااري فييييييييين .. 

كلسات على لكرسي كااتبكي وناضت رتاج عندها عنقاتها كتبكي معاها 

رتاج : ششششش اختي صاافي عفاااك دااباا يبرى احبيييبة وبطيرررجع ليك غي ازززمة وغااادوز صااافي سككتي عفااااك ( رجعاات زيرات عليها ) سمممحححيلي يلا زدتك حتى انا .. سسمحي ليا عفاك لاقتليك داك للهضرة قبيلة راه كنت معصبة وكرررهت رااااسي ... سمحي ليااا 

بعدات لامار عليها وهزات كلينيكس بدات تمسح علينيها وشدات كااس دالما شرباتو وبدات تقوي فراسها ... ولات كيف داك البيضة ....الغشا من برا كيبان قاسح غير تقيسو يتفقص وتخرج سااااايحة من دااااخل ... 

كلسات على لكرسي كتنهد و تجمع فصووتها لي دكدكو البكا 

لامار : ماشي مشكل نسيت كولشي .. مكنديش على صحاابي .. عارفة كلاكك ماخارجش من القلب ... وسمحيليا على الطططرشة .. ياااكما ضراتك 

رتاج : هههه باقا كتوزوز حرام عليك .. وصايمة منقدش تانخبيها بالماكيياج ... مهم بعدا تبقالي دكرى منك ههه ..

لامار دارت ضحكة خفييييفة دغيا جمعاتها غي من شفااايف لبرا ما لقلب فيين هو الخاطر لي يضحكو ...

رتاج : مهم اختي ... انا كنا حجزت لطيارة غدا .. حيت وينسطون كيسفط ليا لي مسج وكيقولي لامارجعتش مغتبقاش ليا بلاصة معاهم ... مابغيتش نفاق هضري معااايا من قلبك... لامحتاااااجني غااااانككلس معاك ... والله مانشي .. يمشي كلينيك يجي وحد اخور ... 

لامار : اش كتروني ... سيري لخخخخدمتك ... اش غاتبقاي ديري معايا هنا .. انا رااني هنا محبوسة دابا هاد الشهر كاااامل ... غي سيري اختي لخدمتك صاافي .. اسد دابا معاه الاطباء ديالو ودابا يفيق ان شاء الله وندير اكبررررررررر ححححفل فالعااااااالم نعرض على الناس كاملين ونجمع كاع الخوووت وندير اكبر صدددددقة ... ارااا غير يفييييق .. وتا اسبرو خصو يمشي عندو امتحانات بزاف وتيليفون راه بيناتنا ...

رتاج : مهم اريج راه غاتبقا معاك ويلا حتاجيتي اي حاجة ماتردديييش ططلبيها مني نجي تالعندك فالحاال ... وفاش تكون عندي شي فسحة راااه غاااانجي نشوفكم ونرجع ... وغي تحسي براسك مخنوقة صوني عليا وهضري تتلصباااح 

لامار : سييير اختي قابلي شغالك .. حنا بيخر والله....

رتاج : ماااااااتحلفيش الامار مااتحلفيش ... ( بعد مدة كتشوف فيها ) كوووني قوية .. كوني قوية عفاك

لامار : كندير لي فجججهدي ... ( علات يديها ) هانتي كتشوفي 

رتاج : جلوسك على داك الكرسي داسد هنا فالبيرو .. كنشوفك غي نسخة منو .... رباا وعرف اش ربااا

هبطات راسها الارض كتنهد ولامار كتشوف فيها 

لامار: سيري عندو ... نسيه شوية ... وااسيه تاهو بعدا مااايبقاش بوحدو 

رتاج : على انا عارفا فين مشا بعدا .. سفيان قاليا الصح ...كون بغاني كون داني معااه وهو خضو غي السبة ... انا غي بغيت يبقا مع خوه انا والله تااا هااانية ... لي خلاني نتصرف هاكاك معاك ... حيت شفت كولشي تجمعو عليه .... وهو راه عايش بصمامة وحدة وخايفاه مايتحملش 

لامار : كيفااش !؟؟؟

رتاج : داك العملية لي درنا ليه فايسبانيا... راه تلفات ليه جوج صمامات وعايش غي بوحدة تتقدر تبوشا ليه فاي لحظة حياتو موقووتة ... ولعملية ماباااغيش يديرها عياو فيه فاسبانيا مخلاو مدارو معاه رفض كيقولهم مامحتاجش حياتي تكون طويلة... مكرهتش انا يدوز لي بقا من حياتو فرحاااان آلامار ماتعرفي يمكن يتوقف قلبو فاي لحظة... ( دمعو عينيهااا )

لامار : اش كتقولي ؟ ففففففف منين كيسلاط علينا هادشي .... مكاناش فخباري ارتاج والله مكاااان فخبااااااااررري ... دابا كااايموت ؟؟؟؟؟؟

رتاج : مابغيتش نقولها بهاد طريقة ولاكن الى مدارش العملية د الزرع .... اي ازمة و اي ضرف صعييب و لا اعصاااب غايكونو ممييتين ليه ... واش انا غي جيت وانفعلت عليك هاكاك ... 

لامار : يااربي السلامة شفتي لاوقعات ليه شي حاجة قبل مايفيق اسد .. وفاق ومالقاهش موووووصيبة كحلة ... رتاااج اختي معولة عليك سيري قلبي عليه فين ماااااكان وقنعيه بهاد العممملية ..د

رتاج : واااش كضحكي عليا .. فين غاالقاه انا ؟؟؟؟؟ مكنعرفو فين كيكون وفاش كيغبر كيطفي كاع تيليفونات . هانا لقيتو كاع ... هداك غايسمع ليا ؟ ربي يكون معاه وصافي ... 

لامار : مووووووصصصيية وصافي ... ماقدو فيل زادو فيلة ....على تريييكة كيداريين حرااااااام واشو كتهمهم صححتهم عاطينيها غا لاعصااااب و الخدددمة والتفكريررررر و الكاااارو و الشراااب ... حرام واش يقولو نتهلاااو فصحتنااا هي لي غادوم لينا ...كيخليييو تاكتنزل عليهم الضربة وحنا لي غااانعانيو ....بحال دابا اسد ... عاارف عندو مراة وبنت و عائلة .. ومشا عند هادوك بووحدوووو مامسلح مااوااالو وهوما كانو طاااشمة ... بنادم تايلا مكانش كخاااف ..دفاش يدير مسؤولية خصو يخاااف حيت مكيبقاش بوحدو .. تاكيجيبوووها فرااااسهم .. وهاو المسخوط لاخوور مرتو حااملة بتواااام ومشااا تاالعند هادوك كون طرات ليه شي حاجة حرام واش كيفكرو بعقلهم ... حمد الله غي لي مساقتش ليه الخبار كن دارت ليه روينة

رتاج : الله يحححححفظهم وصافي ربي معاهم ما هاد تريكة ماشي ديال الخوووف ..

سمعات الغوات د قسم ونااضو لقات اريج كتسكتها و مشات هزااتها 

اريج : راها وسخاات الخااانزة ... عطني نبدل ليها

لامار : مغاااتخليكش ... غانمشي نبدل ليها نقلت ليها حوايجها هنا منقدرش نبدل ليها حداه ...

دخلات لواحد لبيت غي تما و رتاج قالت لاريج تصالحو .. وهي تجي حياة وسارة كانو فجردة كيهضرو وكتسكت فحيااة وكلسو ..

رتاج : لبنات سمحولي قبيلة خرجت بلا منوصلكم .. كنت معصبة شوية 

حياة متكردش عليها 

سارة :ماااااشي مشكل .... هانية 

حياة : ( ضارت عنها ) وووشنو كااان نعصبك 

رتاج : والو غي مشكل وتحل 

حياة : ممم مزيان لي تححل ( زطمات عليها سارة تسكت ... وحياة كاترد لقلبها باغا ططرطق بالغيرة من رتاج مكرهاتش تنوض تنتفها لي دات منها سفيان ) 

سارة : غانوض نصاوب ليكم شي ديسير بااارد .... الاعصاب بانتلي متوترة

اريج : انا ماعندي منين يدوز معدتي مروعة 

سارة : نتي غي كويس دالحليب باركا عليك ... 

مشاات هبطاات لكوزينة ... ورتاج ماعرفات حياة مالها كدير فيها داك شوفات فلخر جبدات تيليفونها وبقات ملهية فيه تاخرجات لامار هازة قسم عنها .. و كلساات معاهم .. وسارة طلعات ديسير تاحد مابغا ياكل غي كيشوفوو والخاطر واالو والممرضين كل مرة يطلع ولا يهبط شي واحد .. تاجااو يونس و سفيااان و اسبرو .. هازين معاهم الصحوور داتو سارة لكوزينة .. وكلسو مجموعين .. 

لامار : ماحدكم مجموعين بغيت نطلب منهم واحد الطلب 

يونس : الله يسمعنا خييير 

لامار : لي عندو شي دار ينساها .. بغييييييت كلنا نبقاو هنا معاه ... حتا يفيق ... يقدر فاش يحس بينا مجموعين ويشم ريحتنا يتحسن كتر ...كل واحد ياخد بيتو وخليونا هنايا هادي داارنا كاملين .. الهضرة حتى ليكم نتوما ( احياة وسارة ) 

سارة : صافي اختي لي بغيتي.. الى موقفناش مع بعضياتنا فهاد الازمة فوقاش نوقفو 

لامار : اما نتا ا اسبرو و نتي ارتاج غاترجعووو لمسؤولياااتكم .. نتاااا خصك تقابل امتحاناتك وماتخليش شيماء بوحدهاا... و نتي ماضحيش ببلاصتك فالكلينيك راك دمرتي عليه تانتي 

سفيان : تصالحتوو بعدا ولا نوض نشد مك من داك الشعر 

رتاج : تصااااالحناااا ... ويلا رااجل حط يديك عليه ( بتتحددي ) 

سفيان : غانوووض لمك 

حياة غي كتفرك فيديييهاااا محاملاش راااسهاااا والبكية شادها ... 

يونس : سكتووونا .. ماماك قلتي ليها شي حاجة 

لامار : لا لا حسن بلا ماتعرف ..عنها السكر وتاهي على سبة مافيا لي يسمع خبارها تاهي باركا غي خلعة وحدة .. صافي فخباارها راحنا فالعمرة .. ومنهنا العيد مايدير الله ...

سفيان : قسم نعساااااات مسكييينة .. قاااديها معدبة

لاماار : ( شافت عنها كانت فيديها ) حبييييبة ديالي منعساتش ليوووم مزياان بكاات بزاف .. غانوض نديها لبلاصتها 

سفيان : لامار تانتي طللللعي تنعسي .. ديري ريفااي ونفيقو لصحوور ...طلعي ترتاحي بلا متبقاي فايقة تسهري ... راه باقيلك شوية وطيحي ..

لامار : صااافي واخا وعنداااكم يديكم نعاس ... تاتشرق عليكم شمس ... باااتوو هنا كاملين اطونسسون يمشي شي واحد ... وحياة وسارة تالغدا وجيبو حوايجكم مابغيا حد يمشي 

حياة : صااافي غي بقاي على خاطر اختي وصحي لينا .. 

لامار : يالاه خلييتكم ... اه حيااة .. بليز ونتي سفيان غدا خدمولي على داك دوسي دشركة جديدة لي دخلات معانا مزيان ولا جيبوه هنا نتعاونو فيه ...

سفيان : ساااهل امرو غي طلعي تنعسي ونساي عليك الخدمة دااابا ..

لامار : وعنداك يمشي شي 

مشااات لامار هازة قسسسم وطلعات وهوما كيشوفو معاها بقااات فيهم بزااف وجههها منهااااارر بلا بيه . ماهي لابسة البيض .. ماهو حداها ...

سفيان : مسكينة ... باغا تحس بدار عامرة باش ماتردش لبال لغيابو ...

يونس : اودي ميغانديرو نعوضو بلاصتو والله وخا يكونو مية د الخلق .....( تنهد ) رييجو نوض ااحبيبتي تااانتي ترتاحي .. يلاه ... 

سارة بقات غي كتشوف كيفاش كيعاملها و ابتسمات كانت خااايفة مايقدرش يتخطا اش دارت ليه فرحات دابا لي لقا فعلا لي تستاهل كلمة حبيبيتي ...

مشاااو هو وياها لبيتهم و رتاج تااهي نااضت مشات لبيت اخوورر ... وسارة تبعاااتها تاهي باش تخليهم بجوج وبقات حياة غي كترمش وهو شاف عندها 

سفيان : عمو مغاااتنوضيش تنعسي

حياة : ماافيااااش .. 

سفيان : نوضي اجي معايا 

حياة : فين ؟؟؟؟ 

سفيان : ياك مافيكش نعاس ... ويلاه ونسيني على الاقل ديري شي حاجة 

حياة : لا باش ... شووووف لي جيتي معاها تمشي معاك ... 

جات ماشية وجررها من شعرها المجموع ديال حصان ...و زيدها قدااممو 

سفيان : الالغاز ديريهم مع علي بابا ..ماشي معايا...

زيدهاا قدامو بلهلا يطرييييه ليهاا ومشاو لطموبيل طلعاتت ركبات لقدام مفاهمااا والو ولا فين داايها وتاهو طلعع غي كااايتنهد صدرووو ثقيييييل وديمارا خرج ... وسارة فرحااات كتشوف من الزاج ووتنقززز 

سارة : يااااي والله الى دااهاااا ...

ضارت موراها بانت ليها رتاج كتفرش بلاصتها حيت غايبااتو كاملين فداك الجناح ... فيه ناموسية كبيرة و صالون صغير بلي فوووطوي و حمام وبالكون ... وبيت اخور فيه سرير صغير 

سارة : احم رتااااج ... 

رتاج : مممم

سارة : علامن كنتي كتهضري فطوموبيل وقلتيلي غاتبقاااي على قلبو وهو الحيااااة و منعرفت شنو ...

رتاج : شكون ؟ 

سارة : ونا لي كنسولك... جاني الفضول وصافي وااش كتبغي تانتي شد حد 

رتاج : مكنبغي حد هاد ساعة غي قلبي لموضووع 

سارة : موهييم سمحلي نسولك ومدايريهاش مني قلة صوااااب 

رتاج : سوولي 

سارة : واش بينك وبين سفيان شي حاجة ...

رتاج وقفات مسمرة بنفس وضعيتها كانت كاتفرش جمدات وضارت عندها وبدات كضحك 

رتاج : نعام ؟؟؟ 

سارة : لا حيت قبييلة قالت ليك لامار مرات لوسي ... وراه هو لي بقااا ... 

رتاج : ههههههه .. لا احبيبة .. باقي واحد اخور 

سارة : يوونس ؟؟؟ ااويييلي ؟ اسد ؟ 

رتاج : اااه اسد ههههه وسيري داك ساع وجديلي شي شومبر فين كنتي نتي ههههه 

بدات كتفرش وتضحك وسارة مافهاات واالو 

سارة : قووليلي نييشاان شكون ؟؟؟؟ سفيان ياك ومابغيتييش تقوليها 

رتاج : اشمن سفيان الله يهدييك هداااك بحاال خويا وكتر ... حنا هاكاك داايرين مضاااسرين وصافي كيفاش فكرتي هاكا .. 

سارة : وااحيت سمعت قاتليك مرات لووسي وهو لي كاااااين 

رتااج : قتليك باقي واحد ااخووررر .. اسد عندو خوه اخخوورر ...

سارة : هاء ؟؟ ( صغرات ملامحها ) كيفاش ؟؟؟؟ صصبببري ااااااااااه لي كانت كدوي عليه خالتي ابتهال الله يرحمهااا ... كانت كتقولينا عندها شي ولد اخور سمييتو .... عمررر ولا معرفت .. بكال سمية عمراان 

رتاج : مال عقلك متلفو عمران ههه عدناان

سارة : ااااااه عدنااان .. واااش رجججع مسكيين ؟؟؟؟ نااااري شحال كانت كتتتتبكي عليه 

رتاج : اااه راه رجع شحاااال هادا .. وعلاقتهم كانت متوترة شوية مي دابا حمد الله تصلح سوء الفهم 

سارة : وفين هو عمرني شفتو ؟ علاش مجاش !

رتاج : جا غي عندو شي ظروووف وصافي ....

سارة : هاكاك .دابا نتي وياااااه مممممم 

رتاج : ماااا امممممم وااااالو .... مابيناتنا والو غي لامار كتخربق وصافي... اجي تنعسي اجي 

حيدااات سيرفيت بقات غي بشورط و سوتيام ديالو بحكم صهد وشعلو كليمة وتخشات ففراشها كتشووف لتيليفون 

وسارة تاهي حيدات حوايجها بقات غي بكولون و ايكسا وكلسات حداها كتلوي فشعرها تجممعو مربعة رجليها 

سارة : دابا نتي وسفياااان مابيناتكم والو ادن 

رتاج : مالك اولي لسقتيلي فهاد سفيان ياكما عينيك علسه هههههه على ماكنعرف كبيرة عليه ههه

سارة : هدا مااااابقاااالي انا .. ماشي انا .... ر.. راه حياة 

رتاح : ( تنفضات ) واااااايلي 

سارة : وقبيلة راه فهمااات غللااااط ... 

رتاح : ويلي ويلي ونا نقول مالها كدير فيا داااك شوووووفات فين هي ؟؟؟؟؟ 

سارة : شفتهم خررجو بجوج مشاو 

رتاج : ححلفي ؟ واش تاهو ؟

سارة : لا غي هي هاد ساعة ...

بدات كتعاود ليها و رتاج حالة فمها ... اما اريج ويوووونس دارو غي فيلم ونعسات فحظظنوو وهو كيمشط فشعرها وساااااهي بداكرتوووو وتاهي واخا عنيها فتلفازة مراهش تما كاع ... عقلهم غير مع اسد ....ودكرياتهم زوينة معاه ...

لامار دخلات للجناح ديالها ... و الممررضين خرجو .. وشافت عندو بضحكة 

لامار : حبيبي ياااااقي فايق ؟ عارفة الى مغايديكش نعاااااس حتا نججييووو انا وقسم حداك ياك ؟.. هاكااا كييينعس حبيبي .... 

مشات دارت قسم فالكونة ديالها و لبساتها لباس الواقي تاهيي .. ودارت ليها كمامة نففساااتها شوية منين تنفس... ودارتها من جنب ديالو فين كتكون ديما وهزات يديها ودارتهم فصببعووو حيت ديما كينعس هاكاك و بقات تبتسم كتشوف فيهم ... ومشات لدريسينغ لبسات احسن مكييييعجبووو .. وبارفاان لي كتعجبو .. وقدات شعرها بحالا بصح راه فايق ... ودارت فوقها 

للباس الواااقي ونعسااات حداااه تاهي بقشووية على صدرو وسوووفلاااات مزياااان .. عاااد نطقات

لامار : أسسدي ... دوزت نهار صععيب شوية ... كنت غاااانخسر صااااحبتي .. ولاكن حمد الله شديت بزمام الامور ... علمتيني ديما ما نعس ولا نحط راسي على المخدة تااايكون كولشي مريييكل ... و لاكت ضيعتها شوية مع عدنان ( كتهضر وتشبك صبعانهم ) مكانش كيحسااابتني احبييي مرييض والله ... رجعات معايا الندامة .. مصاب كون غير بقا ... كنخاف توقع ليه شي حاجة ومشابعش منكم غانتحمل الذنب كامل وعمرني نسمح لراسي ..ففففف غاندير لي فجهدي نصلح الامور غانشوف عادل يقلب ليا عليه ... مي بعدا حتا يفوت هاد الشهر .. هاكا احسن اسد ياك ؟ ... قسم شبهاتو فبيك ... فخباارك ... ماعجبنيش الحااال .. باباها هو باباها.. مايدي حد بلاصتو .. ( مهبطا شفاايفهاا بالفشوش ) ماتقول لاحد باااه ... . تقوليهااا غي ل اسدددي ... مهم انا عاارفاك معزيييزش عليك كترة بنادم داكشي باش درتها ليك زكااارة وجبتهم كاملين لهنا هههههه باش تعصصب و يتحرك فيك داك دم وينفضو العروق وتفيق خلاص... ففففف هدا غي نهار لول وداز عليا بعام علم الله احبيبي كيغانكمل بلا بيك .. شوفي عندي هاه .. راه اي نهار مافقتيش فيه محسوب عليك غانجرجرك عليه مضوبل و متريبل ... ااحقا عررفتي شنو لاحضت قبيييبة ... حياة وااقلة تقلقات ... قلت لرتاج مرت لوسي .. ونسيييت ال حياة مارعارفاش الى كاين شي لوس اخور من غير سفيان ففففف ضيعتها معاها تاهي كنزينها منهنا ونفردكها منهنا هههه ... مهم تالغدا ونفهمها شفتوو دابا خرجها ... عالله يتقربو شوية من بعضياتهم وتنيسه تاهي شووية .. اااييه عاارفة احبيبي مخصنيش ندخل وندخل سوق راسي و بيناتهم و لاكن بلا متععصب عاادي مكتعرفنيش ههه ... فففف . رجع معااايا عدنان بندااامة ... زممر تاهداك علاش مشا ؟ يخ كااتسمعو غي لي كتبغيو ... دابا هو شكون يواسيه ... باينة كيبغيييييك الباااسل ... شوف شحال كيبغيوك معايا .. حاسديني تافيك ... مالك عزيز مالك هههه .. خلييه بحرا تاهو يتعدب شوية الاناني لاخور ...ياك نتا كتقول خلي الواحد يترباااا .. ويلا عوج نسرحوه ومنفرطوش فيه ... غير يدوز هاد الشهر ونولي نخرج والله تااانقلب عليه زنكة زززنكة هههه .. وتقدر تكوون نتا فقتي داااك ساع .... قسم كانت مخسرة ليوووووم بزاف .. ولاكن غي شافت سفيان هاز رتاج ردات لينا دار مسرحية شي ضحك كانت كدير يضحكك بلاهلا يطريه ليك ههه .. مهم هادا هو تقرير ليوم نتمنى نكون مانسيت ليك وااالو هه ..صراااحة كاين شي حوايح اخرين درتهم .. ولاكن لاقلتهم ليك غاديريلي طاطاااح ههه من الاحسن بلاش ... نخليك تنعس فراحتك بلا منعصبك عاوتاني وتخرج فيا داك العينين ههههه .. ( شافت عندو ) تصصبح على خييير حبيبي ... و الله يجعلو صبااااح مشرررق .. فااااتح فيه عينيك لشمممس .. تبااات براحة و تصبحنا ببفررحة ...

باستو فيدو وغمضااات عنيعا وقلبها باااااقي كايضرها كتحاول تبردو وتعااايش وتقنع راسها انو معاها ... ونعساااااات .. وقسم مزير على صبعو .... ولامار على يدو .... وجنااااحهم طفااا انواارووو ... مضلم حيطووو .... حاازن على مووولاه ...

عند سفيان و حياة ... 

وصل تااالبحر وباركا طموبيل ونزل وهي نزلات تبعاتو وحيد سبردينتو و طوا سروالو ومشا كلس فرملة ... وتاهي مشات كلسات حداه 

حياة : علاش جيينا هنااا ...

سيفان : حاااااس براسي مخنوق ... وهاظ لبلاصة كتريحني ... فاش كنشوف فالمواج هاكا ...كتمشي وتجي ... كنتخيل اني حاط عليها همي وكتديه معاهااا تلوحو فشي قنت ... كنرتاح شوية 

حياة : راه ماااحدكم كديرو هاكا ماحد اسد كايزيد يتأزم .....رااه حاس بيكم كاملين ....

سفيان : ماشي لخاطرنا احياة .... تاقلت صااافي ايامنا تقااادو ... وتجمعنا ... . ورجعت تانا وسط عائلة ....هاهو رزاونا فييه .. مكنبغيش نقول هاد لهضرة ولاكن تايطيح فبااالي الى صبح شي نهار ميت اش غانيدر ؟ غانبصم عليها بالعشرة تانولي قتال ...

حياة : ففففففف على هضرة .... تسطيتي.. قول اعود بالله من شيطان الرجيم.. وتفائل خير يجيك الخيييررر ... ومخصكش تت

يلاه كتهضر تاحسااات حط على كتفها ررااااسو بقااات غي مصصصمرة سارطا هضرتها فالنص ... وهو مربع يدو ومغمض عينيه حاط راسو على كتفها ... وساااااااكت غي نفسو لي طالعة هباطة وتاااهي جمداااات... لحم تبورشات ليها ....وسفيان غي كايشوف فلبحر وساااااااكت ... 

حياة : سفيااان !!!! 

سفيان : شششششش 

سكتات تاهي خلاتو على خاطرو .. شعرو الرطب كيهرها فعنقها .. وشافت عندو بانلبها مغمض عينيه ... سهااااات فيه وضو الكمرة ضارب فوجهو والمنارات دالبحر .. و بسرعة ارتسمات ابتسامة خفيييفة على فمها .. يدها باغا تهز بوحدها تقيس فيه وحابساها بزززز... كتشوف نفسو كطلع ثقييييلة بحلا كيستنشق بمشقة الانفس .. و عياااااء كبير واضح على وجهو ... خلاااتووو مدة تاااارتاااااح على كتفها .. وتاهي سهات غي كتشوف فييه محساش بالوقت شحال داز .. تاطلع رااسووو كيرد فشعرو لووور وكيحاول يحل عينيه مزياااان واضح انوو غفاا .... وشاف عندها وهي مبتسمة فيه 

سفيان : ياكما فيك نعاس .. نردك ؟

حياة : لا .... غير خليني .. 

سفيان : ( ابتسم ليها تاهو ) بغيتي تبقاي معايا ؟ ... وخا غانبقا غي ساكت ! 

حياة : ممم ( حركات راسها بآه ) ...

تنهد وضار لبححررر ... 

حياة : سفيااان .. ماديرش هاكا ... خوكم دابا يبرا .... 

سفيان : و الى مابرااااش ( ضار عنها ) 

حباة : مااافهمتش علاش متشائم

سفيان : هه! حيت انا طول حياااتي متفائل وماديت من تفااائل وااالو ... قلت نجرب تشائم ربما يصدق لي حسابي هاد مرة .. 

حياة : علاش كتهضر بحال هاكا اشنو ناقصك ؟؟؟؟؟ راه كاينين ملاقين حتى مايااااكلو وحامدين الله 

سفيان : هههه شنو ناااقصني هههه ( بدا يحك فلحيتو ويضحك عاض على شفتو وهي مستغربة فيه ) منااقققصني والووو ... 

حياة : اكيد مناقصك والو ... عندك كاع اش كايتمنى الواحد ! بصحتك ... بعينيك .. بوودنيك ... بجااادبيتك ... خدمة ..دار ...طموبيل ... 

سفيان : المظااااهرررر خداعة اعمووو ... خداعة ... ( شاف عنها ) بعد المرااات احياة .. مكنحتاجوش غير هاد الحوايج باش نقولو مناقصنا الو .. بعد المرااات كيكونو ناقصينا شي حواج يقدرو يجييو لاي واحد عااادين ولاكن حنا لا ....كنكونو فأمس الحاجة ليهم .... مغاااتعرفيهمش نتي .. راك باقا صغيرة على هادشي

حياة : وااااش نتا ديما ضور ضور وتقولي صغيرة .!! لي كنعرف انا كاااع مكتعرفو نتا 

سفيان : ( ضحك ليها وتكا راسو على يدو كيشوف فيها ...لعينيها مباشرة وهي داك نظرة كتخلخلها ) شنوووو كتعرف عموو ديالي مم.!؟

حياة : ( توتراات وبدات ضور فعينيها ) ماتبقاش تشوف فيا هاكاااك ( ضارت عندو لقاتو باقي كيشوف فيها بنننفس الطريقة ) رااااه قتليك ماتشوفش فيا هاكاك كتوترني ( غير مبتسم فيها وفلخر ضارت تاهي عندو عينيها فعينيه كترمش فيه ) كك .. كنعرررف بزاف دالحوايج ... كنعرف ان الانسان ... ملي كيكون ناقصو الاهتمام ... الماديات مكايعوضوه حتى الربع .. حيت طموبيل مغاتقولكش صوك بسوية وعليك ورد لبال لصحتك ... و عضلاتك الى مرضتي مغايسهروش معاك ... و فلوسك مغايتشوشوش على تعطلتي بليل ... و دارك مغاتراقبش ليك اش كتاكل وتخاف عليك من التسمم .... بعد مرات الواحد كيحتاج غير لبحال هاد العبارات لي يحس براسو كاين شي حد راد ليه لبال ....

سفيان بقا غي كيرررمش فيها فعلا جاتو على لاكس 

حياة : كنننعرف بزاااف دالحوايج اسفيان .. لي نتا كيحسابتك مكنعرف والو ... غيرر حل عنيك مزيان .... مرانيش صغيرة لداك الدرجة ..... 

سفيان : تيقني احياااة ... و الله كون كنت بلاصتك حتا نتفيكسا فعمري و مانكبرش ... الكبااار حياتهم صعيية .. خليك صغيرة ... خليييك ديما عمووو ... و غانبقا نديما كنحسبك صغيرة ...باش عمرني نخليك تعاني .. لي كيعانيوه معايا الكبارات.. نهار نشوفك كبيرة غاتعاني احياة ..

حياة : ( كترمش ) اش كتقققصد ؟ 

سفيان : شفتي قتليك راك باقا صغيرة على تفهمي بزاف الحوايج ...

حياة : راه نتا لي كتهضر ومكتوضحكش

سفيان : دابا تفهمي كلامي واحد نهار .. غاتوضحو ليك ليام بلا مندخل

عند سفيان و حياة ... 

وصل تااالبحر وباركا طموبيل ونزل وهي نزلات تبعاتو وحيد سبردينتو و طوا سروالو ومشا كلس فرملة ... وتاهي مشات كلسات حداه 

حياة : علاش جيينا هنااا ...

سيفان : حاااااس براسي مخنوق ... وهاظ لبلاصة كتريحني ... فاش كنشوف فالمواج هاكا ...كتمشي وتجي ... كنتخيل اني حاط عليها همي وكتديه معاهااا تلوحو فشي قنت ... كنرتاح شوية 

حياة : راه ماااحدكم كديرو هاكا ماحد اسد كايزيد يتأزم .....رااه حاس بيكم كاملين ....

سفيان : ماشي لخاطرنا احياة .... تاقلت صااافي ايامنا تقااادو ... وتجمعنا ... . ورجعت تانا وسط عائلة ....هاهو رزاونا فييه .. مكنبغيش نقول هاد لهضرة ولاكن تايطيح فبااالي الى صبح شي نهار ميت اش غانيدر ؟ غانبصم عليها بالعشرة تانولي قتال ...

حياة : ففففففف على هضرة .... تسطيتي.. قول اعود بالله من شيطان الرجيم.. وتفائل خير يجيك الخيييررر ... ومخصكش تت

يلاه كتهضر تاحسااات حط على كتفها ررااااسو بقااات غي مصصصمرة سارطا هضرتها فالنص ... وهو مربع يدو ومغمض عينيه حاط راسو على كتفها ... وساااااااكت غي نفسو لي طالعة هباطة وتاااهي جمداااات... لحم تبورشات ليها ....وسفيان غي كايشوف فلبحر وساااااااكت ... 

حياة : سفيااان !!!! 

سفيان : شششششش 

سكتات تاهي خلاتو على خاطرو .. شعرو الرطب كيهرها فعنقها .. وشافت عندو بانلبها مغمض عينيه ... سهااااات فيه وضو الكمرة ضارب فوجهو والمنارات دالبحر .. و بسرعة ارتسمات ابتسامة خفيييفة على فمها .. يدها باغا تهز بوحدها تقيس فيه وحابساها بزززز... كتشوف نفسو كطلع ثقييييلة بحلا كيستنشق بمشقة الانفس .. و عياااااء كبير واضح على وجهو ... خلاااتووو مدة تاااارتاااااح على كتفها .. وتاهي سهات غي كتشوف فييه محساش بالوقت شحال داز .. تاطلع رااسووو كيرد فشعرو لووور وكيحاول يحل عينيه مزياااان واضح انوو غفاا .... وشاف عندها وهي مبتسمة فيه 

سفيان : ياكما فيك نعاس .. نردك ؟

حياة : لا .... غير خليني .. 

سفيان : ( ابتسم ليها تاهو ) بغيتي تبقاي معايا ؟ ... وخا غانبقا غي ساكت ! 

حياة : ممم ( حركات راسها بآه ) ...

تنهد وضار لبححررر ... 

حياة : سفيااان .. ماديرش هاكا ... خوكم دابا يبرا .... 

سفيان : و الى مابرااااش ( ضار عنها ) 

حباة : مااافهمتش علاش متشائم

سفيان : هه! حيت انا طول حياااتي متفائل وماديت من تفااائل وااالو ... قلت نجرب تشائم ربما يصدق لي حسابي هاد مرة .. 

حياة : علاش كتهضر بحال هاكا اشنو ناقصك ؟؟؟؟؟ راه كاينين ملاقين حتى مايااااكلو وحامدين الله 

سفيان : هههه شنو ناااقصني هههه ( بدا يحك فلحيتو ويضحك عاض على شفتو وهي مستغربة فيه ) منااقققصني والووو ... 

حياة : اكيد مناقصك والو ... عندك كاع اش كايتمنى الواحد ! بصحتك ... بعينيك .. بوودنيك ... بجااادبيتك ... خدمة ..دار ...طموبيل ... 

سفيان : المظااااهرررر خداعة اعمووو ... خداعة ... ( شاف عنها ) بعد المرااات احياة .. مكنحتاجوش غير هاد الحوايج باش نقولو مناقصنا الو .. بعد المرااات كيكونو ناقصينا شي حواج يقدرو يجييو لاي واحد عااادين ولاكن حنا لا ....كنكونو فأمس الحاجة ليهم .... مغاااتعرفيهمش نتي .. راك باقا صغيرة على هادشي

حياة : وااااش نتا ديما ضور ضور وتقولي صغيرة .!! لي كنعرف انا كاااع مكتعرفو نتا 

سفيان : ( ضحك ليها وتكا راسو على يدو كيشوف فيها ...لعينيها مباشرة وهي داك نظرة كتخلخلها ) شنوووو كتعرف عموو ديالي مم.!؟

حياة : ( توتراات وبدات ضور فعينيها ) ماتبقاش تشوف فيا هاكاااك ( ضارت عندو لقاتو باقي كيشوف فيها بنننفس الطريقة ) رااااه قتليك ماتشوفش فيا هاكاك كتوترني ( غير مبتسم فيها وفلخر ضارت تاهي عندو عينيها فعينيه كترمش فيه ) كك .. كنعرررف بزاف دالحوايج ... كنعرف ان الانسان ... ملي كيكون ناقصو الاهتمام ... الماديات مكايعوضوه حتى الربع .. حيت طموبيل مغاتقولكش صوك بسوية وعليك ورد لبال لصحتك ... و عضلاتك الى مرضتي مغايسهروش معاك ... و فلوسك مغايتشوشوش على تعطلتي بليل ... و دارك مغاتراقبش ليك اش كتاكل وتخاف عليك من التسمم .... بعد مرات الواحد كيحتاج غير لبحال هاد العبارات لي يحس براسو كاين شي حد راد ليه لبال ....

سفيان بقا غي كيرررمش فيها فعلا جاتو على لاكس 

حياة : كنننعرف بزاااف دالحوايج اسفيان .. لي نتا كيحسابتك مكنعرف والو ... غيرر حل عنيك مزيان .... مرانيش صغيرة لداك الدرجة ..... 

سفيان : تيقني احياااة ... و الله كون كنت بلاصتك حتا نتفيكسا فعمري و مانكبرش ... الكبااار حياتهم صعيية .. خليك صغيرة ... خليييك ديما عمووو ... و غانبقا نديما كنحسبك صغيرة ...باش عمرني نخليك تعاني .. لي كيعانيوه معايا الكبارات.. نهار نشوفك كبيرة غاتعاني احياة ..

حياة : ( كترمش ) اش كتقققصد ؟ 

سفيان : شفتي قتليك راك باقا صغيرة على تفهمي بزاف الحوايج ...

حياة : راه نتا لي كتهضر ومكتوضحكش

سفيان : دابا تفهمي كلامي واحد نهار .. غاتوضحو ليك ليام بلا مندخل

تنهد ورجع ضار تاني كيشوف لبحر خلاها غارقة اسئلة .. وكيرجع دماغها كيدق بموضوع رتاج ... الى كانو مع بعض .. هو اش كدير معاها هنا .. علاش مايكونش معاها هي ... هادي ماشي خيانة ليها ؟ 

حياة : سفياان

ضار عندها غي براسو : ممم

حياة : نتا مكتخبي عليا والو .. وكاع لبنات لي كتخرج معاهم حافظهم ليك كتر منك ....

شفيان : اوا!

حياة : علاش خبيتي عليا ... انك ... انك كتبغي رتاج 

سفيان :نعاااام !؟؟؟؟ 

حياة : متتتنكرش .. راه سمعت بودني ملي قالت لامار ل رتاج مرات لوسي و نتا كتسمع ... علاش خبيتي عليا الموضوع !

سفيان بقا غي كيرررمش جاتو الضحكة وحابسها بزز كيشوفها كيفاش كتهضر كترعد وحححمرة .. وحايس داك الضحكة ورجع شاف فيها 

سفيان : ماااشي ضروري كولشي نعاودو ليك ... كاين يزاااااف دالحوايج مخبيهم علييييك اصغييييورة ( جبدها منيفها ) تاتكبري وتولي تفهمي فيهم .. نعاودهم ليك 

حياة : مممم صغيورة .. انا غي صغيييييورة .. بضحتك بموالين العقل .... عرفتي تختااار ( دموع بغاو يخرجو ليها هو كيشوف فيها )و انيقة ... ولاباس علييها .... و دددكية ... والاهم كبييرة ... 

سفيان : وزوييييينة و بريييئة .... و شعرها كييييعجيني .. لا كيييسطيني ...وعينيها ففففف قصة اخرى ... ( حياة تعمرو عينيها بدموع ومابغاش تيبين كتعض فشفايفها بززز تحبسهم) حركااااتها ... دللعها .... طريقة دهضرتها فاش كتبدا تعبر بيديها وتشير تاكتقرب تعوريني كتر منا عمى فيها ... عينيها لي كيضرو ملي كتحصل ... عصبيييتها لي مكتبغيش تبينها وترردهااا حمممرة مزنكة تخليني تانمشي و وضرب شي حاجة مع الحيط تشخشخها وتبرد فيها جنون .. حشمتها ووقااارها .... بساااااطتها و لي كيساااالي معاياااا غيييرتها عليا ... 

حيااة : ( صوت مغنغن) مممم .. مزيااان .... ( ضارت لجججنب كتعض فشفايفها قلبها كيتقطع ) الله يكمل بالخييير ... واتيتو بعضياااااتكم 

سفيان : عااااارف .. اصلا مكاينش لي غايواااتيني بحالها ... هاديك تخللقات لياااا بوحدي .. نفس البنت لي كنت كنرسم فمخيلتي .... جابها الله تالعندي ... وماتواتينيش هههه ... 

حياة : ممم صافي .. مزيان ... و .. واش تقظر توووصلني ؟ جاني نعاس 

سفيان : متأكدة جاك غي نعاااس اعمووو الصغيييورة 

حياة : اااه ... نعااااس ... يلاه وصلني 

سفيان : صافي سخيتي بياااا ولا شنو 

حياة : ( بزززعفة ) وااااش حمق .. واش كالس كتتشكر فوحدة وجايبني انا معاك لهنا .... جييييبها هي و تغزززل بيها فوججهها ماشي فضهرها مع وحدة اخخخرى ... واااش بنات الناس عندك لعبة ... هي لي مفروووض تجيبها معاك لهنا ماشي انا 

سفيان : شكووون هي ؟؟؟؟ 

حياة : هادي لي كالس كتتتمدح فيها دابا وتغزل قدامي 

سفيان : ااااه مالهاا ؟؟؟؟ 

حياة : بديتي تطنز عاوتاني ... نوض وصلني لدار .. مغااانعرفش نرجع بوحدي

سفيان : شفتي .. قتليك رااااه بزاف دالحوايح مغاااتعرفيهمش ههههه ... حيييت باقا صغييورة ...

نااض ووقف كينفض فسروالو ومد ليها يدو مبغاتش تشد فيه خلاتهاليه مطلوقة بقا غي كيشوف ويضور فراسو ...ونااضت راسها كتنفض من الرملة .... يلاه غاتمشي تااشفتووو قرب ليها وطلعات راسها فيه متوووترة فلبها غااايسكت .. وهو كيشوف فيها بججدية وقرررررب ليها بزااااف وقرب لشعرها حيد ليه الباااانضة و طلقووو على كتااافها كيقادو على عنينيها 

سفيان : مرة اخرى فاش تكوني معايا ... مااااتجمعيهش... 

حياة : ب . بعد ..طلق ( بعدات ) حمااقيتي 

سفيان : اش فيها لابغيت نشوف شعر عموو ؟ 

حياة : ياااك عندك وااحد اخوررر كيعجبك لاااا كيسطييك .. سيييير عندو 

سفيان : وااحد اخور ؟ ( عوج معاها راسو لمستواها ) دياالمن

حياة : ماافيا لي يهز هبالك دابا ..نتا راه مكتقاضاش

جات ماااشية وهو يجرها تااااااتزدحات فيه وشد وجهها بييدووو وهي ججمدااااااات داتهل كاملة برداااات عليها .. و هبط عندها رااااسو بححكم قصييييييرة عليييييه وقااااس شفايفهاااا بشفايفو ببشووووووية تاااطلعات معاه السخاااانة ظقة وحدة .... شحال وهو مشهيهم وموووقرهم ... ماقدش يتحكم فراااسو مزال ولي ليها ليها....وهي طرططقااااات عينيهااا ...الصصصدمة ماخلاتهاش لا لا تقاااوم لا تنساااجم... نفسوو سخووووووونة كضربها لفمها وتزيد لقبلة دفئء وحلاوة ...... اول مرة فحياااااااااتها غاتجرررب شي قبلة بحال هاكدا كاملة ولات ترعد والقلب غايطيح فكرشها بحالا كتغتصب ... باسها بالخف عاد رجع انقض على شفااايفهااا هاد المراة دياااال بصح ماقبيلة غا داااق ....مغمغض عيييينووو كيخرج فيييهم كووووولشي لي مقااادرش يقوولو . .... جنونو لي راد على شفايفها و فنو فالتقبيييييل و مزج اللساااان مع خركة شفااااايف و خطووورة اروع قبلة مع الموااااج تحت الكمرة خلاوها قرابة تفقد الوعي ... شاد وجهها الصغيييررر بين يدو و شعرها مغطييييه .. كلااااااهم ليهاااااا على المهل بالبيان وولاد ابتهال فنااااااانين فلغة التقبييييل ..... حرارة الريق كتجري ليهم فالدم ... متوااارثة ....تااااحس بيها غااتسخف ...عاااااد طلقها وشفايفو حماااااارو كتر ما هوما حومر ...كايقطرو بريييقها ...وهي مططرطقة عينيها مصدووومة بلا حركة وهو كيشوف فيها ... مال هادي ! تااااازعزعها عااااد اتخطفاااات و وشدات على ففففمها ... وهو كيشوف فيييها وعينيه ولاو صغااااارين 

حياة : ( كترعد كاملة ) وو .. و .. واش ... واااااش حممممممااااقيتتتي 

سفيان حرك ليها راسو بآه مع تبسيمة ...بقد ما كتجنن بقد ما فاتنة .... وهي تلاح عليه كضضضرب فصدروووو 

حياة : والله مكتتتسواااااا علاش تقررررررب لياااااا ... عمممر ولد المراااا ماحط عليااا يدو ونتااااا ببب ببببس .. فففففففف( مقداتش تقولها) علاش تقرررب ليا تفوووو ... واااش نتا كتبغي وحدة اخرى وكااالس كتخووووونهاااااا واش ظعنندكش ضمييييير ...علااااااش كتلعب ببنات ناس علااااااااش شكوووووون قالك قررررب لياااا ياكما حسااااابتك انا بحال لوووو خرين 

شدها تاني ..

سفيان : ششششششش .. ماطرا والو ششششش ... ماحسيييتش برااسي .. حسابتني هي .... 

حساة : ( هبطووو دوك دموع لي كانت كااابتة وضرباتو لصدرو ) بععععد مني ماااااتقربش ليا ... ملي حساااابتك هي سييييير عندهاااا بعععد مني انااااا تفووووووو ... 

دفعاتو ومشات كتجري وهو تابعها كيضحك تالقاها ماشيا فواحد طريق اخرى وجرها من يددهااا داها لطموبيل ركبات ولتخات عليه لباب وضورات راسها لزاج كتغزز فشفااايفهاااا وتجنن مااااحملاتش الموووقف وهو غي كايشوف فيها من تحت لتحت ... تااوصلو لمنقطة غي بااركا نزلات بززززرربة مشات كتججججري هاربة تلاقا مع عينيه .. وهو عاد نازل بشوية عليييه ....خاشي يدو فجياااو متبعها بعينو ... وطلع ديييريكت لدوش هههه

اما حياة مشات ديريكت لبيت غي شعلات ضو بانوليها سارة و رتاج ناااعسين وقللات منووو باش مايفيقوش.وبدااات تشووف فرتاج ماعرفات تغير منها ولا تندم ... لي تقربات من واحد ديالها .... ضرررها قلبها .... وبقااات تشوف فيييها وتخيل كيفاش كان كيتززغزل بيها .. وهاد لبوسة لي باس حياة و شفايفهم لي تلاقاو رتاج ديما كدوقها من عندو بقات تشوف فيها و قلبها كيتغزز بالغيرة خصوصي ان رتاج جدااابة جسد رياااااضي منحوووث وكرشها مخدووومة و صدرها مشدود بشرتها مبروووونزية عكس حياة لي بييييضة .. و كتشوف لشفايفها صغاار و المنفوووخيين وكتقلاااا غي بوووحدها .... وهي ضوررر بزبة باش ماتبقاش كتفرج فيها حيت هي مراة وتعجبات بيها عساك راجل... ومشات ربعات فوق سريرها الغضب كيفور من ودنيها ... وهي كتفر كيفااااش بااااسها وترجع تغمض عينيها وتعض فالمخدة بالححس .. بقات الوقت كامل غي كتمشي وتجي فلبيييت محملاتش راسها بمجرد مكتفكر فالقبلة .. كل مرة دخل لدوش تغسل فمها وترجع تخرج ... تاسمعات ريفااي د سارة كتصوني .. وهي تشعل سارة لفايووز بدات تشوف فيها مصغرة عينيها

سارة : حياة ؟؟؟

حياة : فيقني ريفياي ديالك

كاطلع معاها وتهبط لقاتها باقا بنفس حوايجها

سارة : نعستي نتي بعدا ... بلاصتك باقا هي هي 

حساة : نعست نعست

سارة : احم ..باغا ندوي معاك ولاكن ماشي دابا تالغدا بخصوص داك موضوع رتاج عاودات لي كولشي

حياة : اودي بلاش تانا سفيان عاودلياا

سارة :حللفي

خلاتها و مشات لدوش واريج تاهي بدات تصوني ليها ريفاي ونااضت مخخسرة كتشوف جيهة يوونس ناعس وطالق يدو تحتها ... وناضت بززربة لبسات بينوار مووف باارد طويل .. وبدات كتفيق فيه 

اريج : يووونس .. يونس نوووض يونس

يونس: ( تقلب ) ريييجوو خليني احبيبة مزال 

اريج : نوووض باش تصحر ... نخرج من دوش لقاك باقي ندوش ليك فبلاصتك

مشات لدووش غسلات وجهها وجمعات شعرها وغطات شي طبايع فعنقها لاتشوه ...و خرجات لقاتو كالس كيحك فليحيتو ضحكات ليه وخرجات تلاقات مع حياه وسارة خارجين ... وسارة كتسكد الزيييف

اريج : بنات .. رتاج باقا ناعسة 

سارة : اااه باقا فيقناها مابغاتش 

اريج : انا لي كنعرف لهاديك 

دخلات عندها وهوما هبطو لكوزينة .. لقاتها نااعسة وشعرها مغطيها ووجات عند ودنها وغوتات بجهد

اريج : عدناان عدناااان عدنااان جاا جااا جااا ..

ناضت رتاااج مخخطووفة بززربة وهي تشوف عندها صدرها كايطلع ويهبط

رتاج: اعود بالله من شيطاان الرجيييم 

اريج : ههه لقيت ليك الكوووود ههه نوضي تكعدي غسلي وجهك سربي

رتاج : طيييرتيها مني .. تفوو 

ناااضت بزربة لاحت عليها الايزار و لبسات حوايجها يلاه خارحين وهوما تبانليهم لامار خارجة تاهي فوقها غي بينوار طوييييل غوز بيبي وعينيها منفوخيين

اريج : نعستي مزياان احبيبة 

لامار : ممم .. كيفاش غانعس حدا راجلي ومانعسش مزيااان .. 

رتاح : خليتني معاه قسم 

لامار : بلا منيفقها راه عندي كاميرا ديالهم فتيليفون لافاق واحد فيهم غاتعلمني لالاغام ... يالاه باش مايودن علينا هنا ..

هبطووو مجموعين لكوزينة كل وحدة كتوجد وسارة وحياة كيحطو على طبلة .. شاعلين غي ليفايوووز ... تاهبط يوونس بالعكز جار رجلو عين مفتوحة وعين لا .. 

ومشاو لطبلة وبقاا يشووف لكرسي د اسد خااوي ضرووو قلبو ومابغاش يبين وكلس .. وهي تجي لامار 

لامار : سفيان باقي مافاق ؟ واسبرو!

رتاج : انا غانمشي نفيقو ( ضارت عند حياة ) قصدت اسبرو .. ولاهور تفيقو حياة ههه

حياة : ها ؟ .. طلعي نتي نيت 

رتاج : لا غي طلعي نت.. وماااتعطلوش لايمشي صيام فخبر كان

مشات رتاح كضحك غامزة لسارة وحياة بقات غي كترمش وطلعات ماحااملاش رااسها علاش هادي مكتغيرش عليه ولا شنو ... ماشية وكتلوح الخطوات فدروج وعقلها سارح تاوقفات حدا بيتو ... وبقات تغزز فضفارها

حياة : اولي على شوهة غايحسابلو غا بغيت وحدة اخرى .. اش غانقوليه .. حبيبتك سيفطاتني نفيقك الله يعطيهم حبة بجوج ... تفوووو على ممواقف كتحطي فيهم راااسك احياة ... نمشي فحالي حسن لي ... ويبقى مسكين بلا صحور ... فففف اش غاندير ... نقوليهم مابغاش يفيق ؟ ويلا فضحني ... صافي قوليليه فيق وصافي وخرجي .... وااصلا مايمكنش ندخل بلا ماندق ... ويلا مافتحش ليا نقوليهم منقدرش ندخل عليه هاكداك ... ( هزات يديها تدق وهيزتجمعها عندها )ويلا فتح! والله لااافيقتو بووبنااات لاخوررر ...

يلاه غااضوررر تمشي وهي تلقاه واقف مرربع يدو فباب واحد لبيت اخور كيسمع ف اش كتقول ومبسم ... وطرطقات عينييها

حياة : هااء ؟؟؟ س سسفيان ؟ 

سفيان : هااا بيتي ا لمقلوبة ماشي هداك 

حياة بدات غي كتسررط فريييقها و ترمش 

حياة : اا اا .. م .. مكنتش جايا تفيقك ..جيت جيت ججبييت ... جيت غي باش ندي حواجي ... ح حيت انا .. هنا كنت بايتة 

سفيان : فليطواااليط ؟ 

طلعات معاها سخانة كيفاش تقلبات قد هاكا ونسات الى هنا طواليطات تقلبو عليها الكولوارات بالتلفة وشافت فالارض مززنكة وهرباااات وهو بقا يضحك

سفيان : هبيييلة وقالولها عشقي هههه

مشات رتاج فيقات اسبرو خرجات شاداه كينطحوه الحيووط خايفاه يطيح كيتمشى كيشي سكراان 

رتاج : زييد ابنادم اريج جيبي شي حبل نجرو هاادا زييييد 

جراتو تاكلساتو وطاح على طبلة نعس 

وسارة جايا ببلاطو تادخلات فيها حياة لي كانت هابطة كتجري 

سارة : اهاااااا غابشوية عليك

حياة : يي . ااحم . .ص صااافي راه فيقتوو ( شدات كرسيها وكلسات ) 

سفيان : ( هابط فدروج ) ماافيقني حد .. فقت بووحدي كون عولتو عليها كون فيقات لاشاس تصحر ... 

روون ليها فشعرها وكلس وهي كتغزز فضفارها ولامار عاد جايا وهي اشوف الممرضات طلعو .. تتبعاتهم لجناح 

لامار : شنو غاديرو تاني ؟ 

ممرضة : نظافة وصافي الالة( كانو هازين لي لانجيت الفازكييين و المعقمات لي كيديرو لجسد ديالو باش يبقا ديما نقي ) 

لامار : (قربات حيدات ليهم داكشي ) هادي مهمتي انا .. مزال مخلاقت هادي لي تقيس فرراااجلي ... 

ممرضة : ااء .. ح حنا .. حنا غي 

لامار : من ليوم انا لي مكلفة بنظااافتو ... تفففضلو ... وماتبقاوش طلعو بلا ادني لجناحي بهاد الشكل .. بنتي ناعسة غاتفيق يلاه(اشارت ليهم للباب)

ممرضة : حاااضر الالة ... 

مشااو وهي حطات داكشي تاطلع تنظفو ...وهبطات عنهم كلسات ... بقاو كيفيقو فاسبرو بسيف باش علا الراس وكيهضر برا عقلو ... وحياة غي كتغزز فشفايفها بتوتر و لامار غي كضور مععلقتها وكتشوف من تحت لتحت فكرسي د اسد لي فمقدمة الطاولة خاااااوي ... كان خصو يكون دابا هنا معاهم .... هبطات دمعة بالخخخف مسحاتها بيدها بلاا متعيق تاحسات بشي حد شد فيدها ...وضارات بعينيها الحووومر عندها كانت اريج مبتسمة ليها بمعنى صبببري ... وهي تبادلها نفس الابتسامة وبدات كتاااكل وكتتتبكي وكولشي كيشوفو فيها .... كتخشي معلقة وراااا لوخرا بززززربة ودموع هباطين و كتننخصص فلخخر لاحت داك المعلقة ونااضت كتجججري وطلعات فدروووج مقداااتش تصبببرررر مزال وهوما بقاو غي كيشوفو وسفيان جر كرسي ديالوووو وناض كاع مشا .. ولوخرين بقاو غي كتنهدو صعييييبة تأقلم مع الوضع .... صعيييبة تولف غياب دشي واحد كان ديما هو الاول فحياتك .... صعيب دوز ليك الماكلة بلا مايكون هو .... تعياااااي تووهمي راسط انو غايرجع واحد نهار ولاكن كيبقااا جهلك لامتى .. هو لي كيقطعك .. امتى غااااايكون هاد نهار ..كون كان عندها غي شي نهار محدد تسنا و تبرد بيه الانتظار .. هي ماعرفاش اش كاتسنا .. غي كتحارب تبين راها قوية ولاكن من لداخل ... تقيسها رييييشة تتنهااارررر ....

تاواحد مجاتو الشهية يكمل داك الصحوورر ... وناضو .. سفيان خرج لبراا واقف وداير يدييه فجيب وحياة كطل عليع من الزاج .. ويونس مشا لبيتو وتبعاتو اريج .. وسارة طلعات تاهي تقرا ما تيسر من القرآن ... واسبرو تاهو مشا لبيتو حااااازن ... 

لامار طلعات لجناحها و غسلات وجهها وخرجات عندوو كتحاول تبتسم كتحسو كيشوف فيها وكيحس بيها ... ومشات كتنطواي و تمسح ليه بشووية تحت عنقو وبين صبعااانووو و فصدرو ودوك لي لانجيت معقمين ... وغطاتو كتمسح فدموعها صعيب تأقلم وتشوفو غي جسد هامد .. مشات لبسات لباس الصلاه و ربعات حداه فسرير شادة قرآن كريم وكنقرااا بترتيل قمة فالخشوووع و دموووع كييينزلو ..... 

عند حياة ...

باقا واقفة فزاج كطل عليه كيفاش مخنوووق .. تاحسات بشي حد موراها وضارت لقاتها رتاج وهي توتررر

رتاج : ششش ... مالكي ؟

حياة : لا واالو ... غ غي وووااالو 

جات مااشية وشداتها 

رتاج : صبببري ... خليني ندوي معاك شوية 

حياة : شوفي ارتاج .. ق قبيلة غير خرجنا وصافي.. مابيناتنا والو 

رتاج :ههههه علاش خرجتي ليا مع حبيبي ها ؟ ههههه 

حياة : اش كتقولي .. لااااا ..مااشي هاكاك .. غ غي ص صدييقتو 

رتاج : اووه بصح ههههههه .. مالكي هبيلة مالكي 

حياة : علاش ؟ 

رتاج : انا راه مابيني وبينووو والو ا لحمقة... راحنا بحال الخوت هو كيحسبني ختو ونا كنحسبو خويا 

حياة : اء ؟؟؟؟ مايمكنش .. هو قالي انووو نتوما مرتابطين وزايدون لامار قاتليك مرات لوسي 

رتاج : واش الناس كيتيقو بسفيان ..هاداك نص هضرتو طنز ..وزعما نتي كتكوني معاه كتر مني... عاد غانوريك انا فيه ... ولامار مقصداتوش هو ... راه باقي عنهم خوهم واحد اخوررر .. وهو لي كنبغي انا ...ماشي سفياااان ا لهبيلة 

حياة : كيفاش ؟؟؟ 

جراتها وكلسو كتعاود لييها وحياة طرطقات عينيها وترسمات على فمها ضحكة ماتش تحكمها ...خرجات بعفوية من الفرحة ...

حياة : دابا نتومااا ماابينااتكم وااالووو 

رتاج : واااااالووو وعمر يكون 

حياة : ااء ... ( جمعات راسها ) ش شوفي انا راااه مكيهمنيش الامر عادي .. ومنعد . 

رتاج : ههههههه تتي بقالك شوية تنقزي على لكنابي و كاتقولي عادي ... حمقة .. ( ناضت وقفات ) جيتوووو مع بعضيااااتكم .. تاهو راه كيحماق على البنت لي ماناتفاش حوااااجبها 

حياة : ( هبطات راسها ) لا اااختي ... قبيلة كان كالس كيمدح فشي وحدة ملي ماشي نتي ...ادن شي وحدة اخرة كيبغيها عمرو مدح فشي بنت هاكداك

رتاج : وتقدي تكوووني نتي .... 

حياة : انا هههههه كضحكي علياااا ولا باغا ضحكني بزز... زعما انا كنبان ليه ؟ مااكيشوفش تالعندي وكيحسبني غي بنت صغيييرة 

رتاج : انا غي قتليك ... يلاه تصبحي على خير الفجر قررب يودن .. نصليوه عاد نعسو ... اسد راه محتااج لصلاتنا ودعائنا معاه فهاد الشهر الكريم .... 

حياة : اااه بصح اختي ... 

ناااضو طلعوو .... وبداااا يووودن الفججر ... وكولشي فرش سجاادتو فبيتو بيينو وبين لي خلقو ورااااافع كفوفو لسسسسمااا .. لامااررر .. يونس .. اريج موراه ... رتاج سارة حيااة .. وسفياان .. واسبرو ... و عدنان فمكاااان ما .....كل واحد وكيفاش داير .. كل واحد و طبعو كل واحد وشكلو ... ولاكن جامعهم دعاااء واحد .. كتقطع النفس و ينطقو بزز عليها بصوت بحوووح ... و قلب مجرووح ...واصرار لحوووووح ... كيترجاو الرحمان بكل الجوااارح وحرارة الرووووح ...

أذهب البأس ربّ النّاس، اشف وأنت الشّافي، لا شفاء إلا شفاؤك، شفاءً لا يغادر سقماً، أذهب البأس ربّ النّاس، بيدك الشّفاء، لا كاشف له إلّا أنت يا ربّ العالمين.اللهمّ إنّي أسألك من عظيم لطفك، وكرمك، وسترك الجميل، أن تشفيه وتمدّه بالصحّة والعافية، لا ملجأ ولا منجا منك إلّا إليك، إنّك على كلّ شيءٍ قدير.اللهم اشفه شفاء ليس بعده سقمًا أبدًا..اللهم خذ بيده اللهم احرسه بعينيك التى لا تنام و اكفه بركنك الذى لا يرام

و احفظه بعزك الذى لا يُضام و اكلأه فى الليل و فى النهار و ارحمه بقدرتك عليه

أنت ثقته و رجائه يا كاشف الهم، يا الله يا مُفرج الكرب يا مُجيب دعوة المُضطرين .أذهب البأس ربّ النّاس، واشفِ وأنت الشّافي

لا شفاء إلّا شفاؤك، شفاءً لا يغادر سقماً.أذهب البأس ربّ النّاس، بيدك الشّفاء

ولا كاشف له إلّا أنت يا ربّ العالمين، آمين.اللهمّ إنّي أسألك من عظيم لطفك، وكرمك، وسترك الجميل

أن تشفيه وتمدّه بالصّحة والعافية.اللهمّ لا ملجأ ولا منجا منك إلّا إليك، إنّك على كلّ شيءٍ قدير.ربّ إنّي مسّني الضرّ، وأنت أرحم الرّاحمين.اللهم البسه ثوب الصحة والعافية عاجلا غير اجلا ياأرحم الراحمين.

اللهمّ ألبسه ثوب الصّحة والعافية، عاجلاً غير آجلٍ يا أرحم الرّاحمين.اللهمّ اشفه، اللهمّ اشفه، اللهمّ اشفه، اللهمّ آمين.اللهم اشفي مرضانا ومرضى المسلمين شفاءً لا يغادر سقماً

اللهم يامن تعيد المريض لصحته وتستجيب دُعاء البائس اشفي كل مريضاللهمّ ربّ النّاس، مذهب البأس، اشفه أنت الشّافي، لا شافي إلّا أنت.اللهمّ إنّا نسألك بكل اسمٍ لك أن تشفيه.لا إله إلّا الله الحليم الكريم، لا إله إلّا الله العليّ العظيم، لا إله إلّا الله ربّ السّماوات السّبع وربّ العرش العظيم، لا إله إلّا الله وحده لا شريك له، له الملك وله الحمد وهو على كلّ شيءٍ قدير.الحمد لله الّذي لا إله إلّا هو، وهو للحمد أهل وهو على كلّ شيءٍ قدير، وسبحان الله ولا إله إلّا الله والله أكبر، ولا حول ولا قوّة إلّا بالله.أسأل الله العظيم ربّ العرش العظيم أن يشفيك، أسأل الله العظيم ربّ العرش العظيم أن يشفيك.

يتبع ...