حبيبي الأصم الجزء 212

حياة بقات غي كااترمش وهو ضار لبيسي بانليه تحفظ وبدا يأمبريميه كيضحك وهي عاااد سرات معاها وقفزات 

حباة : لاااااا ابناااااادم مال عقلك موووسخ ... مااقصدتش داااااكشي .. ( مع راسها : لعاد درجة كتشبهلووو اناري ) 

سفيات : ( عينيه فليبيسي داير راسو مامركزش معاها زعما ) نعام!! 

حياة : واالو ( نااااضت معععصبة ) مرة اخرى متعااااودش دوي معايا .. صااافي 

سفيان : ويييينو ... زين كعا.. احي نتصالحو اجي نشريليك مونيكة ههه

حياة : على نتا عاد غاتشريها راهم غي ضايرين بيك .. 

سفيان : ( بدا ييجمع الوراق وعطاهم ليها ) هاكي ديهم ليها البريهيشة هاااكي ...

حياة : ( جات تشدهم عليه وعوج يدو عندو وابتسم فيها وجبد عويناتو الرماديييين لي كيلمعو بقات غي كتفادا انها اشوف فيه قبل مادوب تبسيمة عندو دمااار ) عطييني

سفيان : واااضحكي بعداااا ....

حياة : علاش غانضحك ؟ على الضحك لي درتي فيااا

سفيان : لا .. على لغمازات لي عندك وكيستاهلو نعلن حرب ونحفر عليييهم ...

حياة : ( بدات تشوف فييه تاني وترها مكتعرفو كيتغزل ولا تاني كيطنر) اا .. مم .. مم .. ع ععط عطني ...

سفيان : كليتي لساانك ههه صراحة عادراك .

. عندك لذيييذ ... غي ديال الماكلة( بانتلو قربات تسخف كتسرط ريقها ولات حممممرة ) شدي شدي دووسي ... غي كنطيسطي معاااك اش نقول لوحدة داير معاها فالعشية نتلاقاااو ههه .. ملي عجبك الحال قد هاكا اذن غي نقراااا عليها هاد الكلمات تاهي ..

شداتو عليه بزززعفة مكتشوفش عندو 

حياة : سييير قرا عليها تاالفااااتحة ( ماشية وكتبركم ) والله يجعلني نقراها عليكم بجوج فشي سطافيط ) 

مشااات بزززرية وهو تكا على لكرسي مبببتتسم تتتكككقفزز من الخخخلعة د زددخة لي دارت للباب غي ربي ماتهرسات ..... 

مشات حياة عطات دوسي للامار ومشات لبيرو ديالها معصبة .... بدات لامار كتقرااه ووقعات على داكشي هو يصوني عليها عادل 

لامار : وي عادل 

عادل : مدام لامار .. ناس لي كنتي طلبتي نسيفط ليهم دعوة للاجتماع .. راه علموني من شركة بلي راه فلاصال كيتسناو ...

لامار : ممزيان ...جااا ااراس الكبير ؟ انا بغيت هاااداك لي كيقوليهم شا شا... را را ... يعني لي يتحكم ليا فيهم كاملين .. خصني غي هو نقنعو .. منقدرش نقنعهم كاملين خصني الكارطة الرابحة اعادل ..

عادل : لااا لااا كوني هانية هو لي جبت ..اصلا غير سمع اجتماع مع الروكان شخصيا .. جا من هولاندا 

لامار : هوما كاملين اسبانيين ياك ؟ مكاينيش شي شركاات مغربية شيكاتهم هاد الشهر! 

عادل : لا كيف قتليك غير هاد الربعة د شركات لي مفروض يتخلصو غدا .. وهدا لي جاي الى قدررتي تقنعيه غي ضربي كولشي على حسابو ..الشركات كاملين غااايقبلو ... يدو واسعة معاهم وكيتيقو فيه .. وهو معامن كنتعاملو يعنني لاقال ليهم لا.. راه لا... ويلا قال اه .. كولشي يواافق ..

لامار : مزيااان .. داكشي لي طلبت قبيلة منك قلتي ليهم يوجدوه ؟ 

عادل : وي وااجد .. خصو غي توقيعهم .... 

قطعات عليه ووقفات لبسات الفيست ديالها .. وصونات لحياة دخلات عندها 

لامار : ها ضوسي واجد وموقع .. فاكسيه ليهم .. ليوم مغانجيش لهنا تالغدا ...لاكااانت شي حاجة مهمة علميييني... الى سول فيا شي حد مامسالياش.. 

هزات صااكها وخرجات و تا سفيان خرج ومشاااو هبطو لباركنيغ .. ركبو و زادو .. وهي غي كتقرب لشركة ديالو ركابيها كيييترعدوو ... تاااوصلو قدااام لباب لكبيرة .. وبقات كتشوف مع البنااااية معمرها مادخلات هاد الشركة وهو مكاينش ... كتحس بحالا اول مرة غاتعتب فيها ... عارفا مزيان هاد الشركة شنو كتعني ليه ... الى مشات حتااا مقدارتش تقنعهم وتدخلو الابنااااك يسددو ليهم .... كااارثة .. نزلو من طموبيل وسفيان شاف عندها ....لقاها متووترة غاااتبكي ....

سفيان : غاالقاو شي حل الامااار ....

وومات ليه براسها و دارت نضاضرها يهبيو ضعف عنيها ... ونزلات 

كلشي كان لداخل متوتر كيتسنا فالمجية د الروكان حيت ديما فاش كيغبر ويرجع كيدير ليهم تفتييش عااام .. ويفيريفي كولشي .. حسابتهم هو لي جاي ...مدام عاقد اجتماع ماعرفينش الى لامار لي عاقداه من غير سوكريطير الخاصة ديالو .. زااادت معععلية راااسها والمشية بالقياااااس و وااااثقة .. بداك الطااالون لي صوتو كيتسمع وكيوخي بانوثة خارقة ....وشعرها كيديه الريح تاوصلات لباب و تحلات ليهم ودخلات هي وسفيان كولشي لي شااافها بقااو واقفين فبلاصتهم متبعين ليها العين ... ديييما مووولفين يشوفوها .. ولاكن كتكون فشكل .. كتتبسم للكل وكتمشااا بعفوية .. مي دابا كيشوفو نسسسخة عن اسد .. داخلا مخنززرة وكتمشا بززربة وخطوات مقادين وضهر مستقيييم وراااس معليااااه مكتشوف حد قدااامها ...و اناقتها السوداااء ... غير اسد فوطو كوووبي زرع فيها كووولشي منو .. كولشي يدا يلاحظها ويقولها ....اصلا عقلها كولو دابا مع داك الاجتماع ...بداو كيحيوها براسهم تادخلات لسانسور و طلعات للايطاج دالمكتب ديالو عاد حيدات النظاظر ... وهي تلاقاهم الكاتبة لي كان عالمها عادل بحضور لامار و كانت كاتسنا فيها ...هوما ماشين وهي موراهم كتهضر 

- صاافي راهم جاي .. المندووبين دشركات الاخرى ... وحتا موسيو خوليو مول اكبر مجموعة شخصيا حاضر .. وهو زبووون قديم .. العقد و الصفقة لي طلبتي وجداناااهم ناقصهم غي تواقيع سيادتكم .... غاتلاقايهم على لمكتب امادام ... والكرسي د موسيو اسد فصال الاجتماعات واجد .. حيت هو لي غايترأس ياك ؟ 

لامار : ( بكل ثقة ) ااه ... هووو ....

خلاتها واقفة ... ودخلات لمكتب و سفيااان معاها دخل حيد الفيست ديالو وكلسو كييشوفو فداك الوراق و قراوهم ...راجعهم مزيااان و بدات تنهد لامار 

لامار : اش غاندير دابا ؟ يرضاااو زعما بهاد الحل ؟ اس بالك 

سفيان : بانتلي فكرة دكية .... فرصة زوينة هادي ... تصدير بنص الثمن ... راه فرصة مكاينش لي غايرفضها .. وهاد العام مغايهزوش الهم للسعلة مدام شركة روكان غاتصدر ليهم بنص الثثمن فحين ان سوق كامل زاد 3 دراهم على كل غرام .. الشركة دروكان طيحات النص ... كتعويض على تأخيرها فالاداء .. فكرة دكية فنفس الوقت حافظت على سمعة الشركة ....تاحد مغايدير هاكا ... 

لاماار : هي لي قدرت نفكر فيها فاش كنت فلبيرو .. ويلاكن مكفايانيش ..حيت صعيييب يتيقو فيها .. و هاد الصفقة غاتكدب لهم العذر لي غانعطيو .. غايقولك مدام اشركة قااادة تصدر جوج دالبواخر بنص الثمن ... مقاداش تخلض 4 د شيكات ؟ 

سفيان : عادي كاين جواب منطقي .. حاليا مقاداش اه ... ولاكن منبعد غاتقد .. ياك الباطويات مغايخرجو تالاخر السنة .. ماشي غدا .. 

لامار : هادشي لي كنتمنى يقنعهم ... درنا شكل المقايضة ... ولاكن صعييب خاااص شي حاجة لي تخليهم يثيقو فينا ااننا غانخلصو .. ولي يقنعهم يقبلو الصفقة ويوقعو لينا لعقد ديال تأجيل الاداء 

سفيان : خصك تركزي على داك خوليو هو لي فيديه كولشي بحثت عليه لبارح شوية ملي قالها لينا عادل ... يدو طوييييلة وحاكم كولشي ...تالوخرين الى موافقوش و هو وافق راه غايوافقو بزز عليهم .. هاداك دايرهم كي الخاتم فصبعو ... ركزي عليع قنعيه غي هو ديري اي طريقة ... الى تقنع هو 

. المشكل صااافي غايكون تحل ...

لامار : اكيد راه معنديش شي خيااار اخر .. عالله مايكونش راسو قاسح ومالقاش معاه مشكل ..

سفيان : هادي هي الحاجة لي معمرها طاحت لي فبالي ... الغفلوووس موجووودة ومقادرييينش نخلصو ... لابد من التوقيع 

لامار : راه تما فاش بقات .. وانا خصني نوهم ان الفلوس مكايناش دابا ... غانلقاو شي حل .. لي مررضني داباا هو اشمن اجل غانعطي ؟ انا معارفاش امتى اسد يقدر يفيق .. هوما غايتيقو فيا لاقتليهم غانخلص ليكم فهاد نهار .. ماشي منعرفت ...امتى 

سفيان : الى كاع تزيرنا نعلمو داك الحيوان يوقع معندناش شي حل اخور 

لامار : الى علمناه غايعرف اسد واقعة ليه شي حاجو ويستغل الظرووف وينوض يبعيها هو كاع 

سفيان : منفكروش سلبيا .. دابا تجهزي غي لهاد الاجتماع .. وسيري ماتخليهمش يتسناو مزال .. وانا غانراجع هادشي لي عندو هنا... واش كولشي هو هداك ...

لامار : مزيان ركزلي عفاك على كاع الشيكات امتى خلاصهم وتأكد الى مابقاوش شي وحدين فهاد الشهر من غير هادو لي هنا دابا ..

سفيان : حااااضر 

لامار : خلينا نبينو لاسد ... بلي موووراه الرجال و مراة ... وتاحاجا من املاكو مغانسحو ليها ضييييع و حنا كاينين .....

حيدات الفيست ديالها بقات غي بالغوب .. وناااضت وووتنفساااات معمقة 

لامار : غاانيدرلي لي فجهدي وهاد الشركة توقف على رجليها .. واخا ندير اخر خيار يبقا ليا..

هزاات الملف ديالها وسفيان دعا معاها ومشا كلس فالكرسي د اسد حل الكومبوتير لقا الكود طبعا غايكون غي لامار ... غلط فالحاولة الاولى ورطع كتب زاد على اسم لامار قسم هو يتحل و صورة لامتر نهار ولدات وقسم فوق صدرها فشاشة بقاااا يشووف فيها ويتمنى يرجع ليهم ... وهي مشات باتجاه لصالة الاجتماعات ... نار توتر كتاكل فيهااا وصرااااع بين السلبي و الايجابي . واش غاتقدر ولا لا . واسد ففراشو غارق فسباااتووو طويل ..... كولشي كيتسناا لداخل يدخل عليهم الروكااان ... وقفاااات حدا لباااب و دمووع تجمعو فعينيهااا خايفة مااتنجحش ... خايفة تخيب ضن اسد .. وضرب ليه كاع اش بنا فشخصيتهاا فزيرو ... خايفة يضيع مجهودو والشركة لي خلاها ليه الراطل لي رباه امانة فعنقو ... خايفة متكونش فمستوى الزوجة لي كتعوض راجلها فغيااابو ... وفنفس الوقت متتتحححسسرة على غياب اسد وكيفاش راه غير الى غاب شوية راه كولشي يقدر يدمر .. عاد عرفات وجووود اسد شحال مهم وعرفات ان كل خطوة من خطواتو كتسووووى بزااااف.. عرفاتو الى مكحط الراس على المخدة تاااكيحط الجبال كاملين لي كايكونو على كتفو نهار كامل ..عاد عرفات الحمل لي كان هاز بوحدو ... شدا على لبوانبي ويديها كيترعدو ... 

لامار : ياااااربي تعاوني ... اللهم لاسهلا الا ماجعلته سهلا .. فانت تجعل الحزن اذ شئت سهلا ..

بدات تعاود ففداك دعاء وشفايفها كيترعدو ومسحات دموعها بطراااف صبعانها وشافت الفوق كتحاول تستعيد نظظرة اخخررى .. وتخبي الضعف عنها لداخل ... ورسمات ابتسامة زائفة على فمهااا بسييييف ... ووودخخلات ... تفتحااات لباااب و كلهم شااافو لجيهتها ... كيتسناو اسد لي يدخل.. حتى كيتفاااجأو بسيدة انيييقة وتجمل كل معااااني الانوثة و الجمااال .. طبعا شافينها فالجرااائد و المجلات.. ولاكن اووول مرة غايوشفها مباشرة ... كولهم قفوووو ترحيبا بييها وهي دخلااات بتمختيرهاااا ... و خطوة متنااسقاا مع لوخرااا .... تاوصلات لكرسيها لي هو فالاصل داسد وومات ليهم براسها يكلسووو .. وكلسات ... محافظة على الابتسامة ديالها ونطقااات بالاسبانية .. 

لامار : مرحباا ليكم .. نتمنى تكون مكانتش رحلة متعبة ... 

- لا لا ابدا ... حمااسنا نلتقيو بالسيد اسد .. كان اقوى من تعب الرحلة ... 

- صراحة متخايلناش انك غاتكوني حتى نتي فالاجتماع 

خوليو غي كالس وكيشووف فيها ... كان بكووستيم زرق وهو غليييض شوية وقصييررر وصلع و لحيتوو خفيفة زعرة فيها زغيبات بشيب وعينيه زورق وكيبان اربيعيني ... او ربما خمسيني . ولاكن مهلي فرااااسو بزاف .. 

- واش السيد اسد مغايحضرش الاجتماع ؟ 

- فين هو السيد اسد ؟ 

لامار : هاهو فيا مشفتوهش ؟ هههه ... 

بقاو غي كيرمشو معاها وهي ضحكتها زوييينة كتسلب العقول 

لامار : مكاينش فرق بين اسم اسد و اسم لامار ... كيبقاو غير اسماء ... اما حنا شخص واااحد ... اتقسم لنصفين وصااافي .. 

خوووليو تنتنح ونطق بصوتو الخشن الغليض ...

خوليو : عجبني جوابك ...

لامار : ( شافت عندو باهتمام عرفاتو حيت ديجا كينة صورتو مع دوسي ديالو ) وحتى انا عجبتني اناقتك ... كااايعجبني الواحد المحافظ على المظهر الانيق ... حيت كنكون متأكدة انو كيفما حريص على اختيار ملابس مناسبة.. غايكون حريص تا فاختيار قرارات مناسبة ...

خوليو : ( عجبو الحال ) اكيد ... كيف ولا .. وحنااا فزيااارة لملوووك الاناااقة ... هنداما .. و شخصية 

لامار : ( ضحكات ورجعات لور بالكرسي ) نتمنى مايكونش خاب ظنكم وجيت انت بلاصة راجلي 

خوليو : ابدا ... كييف قلتي نتوما واحد ... الامر مكيشكلش معانا فرق ... و بيني وبينك ... كنرتاح فالخدمة مع النساء اكثر ... حيت هوما اكثر الكائنات عاااااطفة .. و لاكن مستحيل يخدموها فالجد ... داكشي باش كنعشق الخدمة معاهم .. كيخليو مسائلهم ااشخصية على جنب .. وكتعاملو آلااات حساااابية .. يقدرو يلبيو لزبون العملية لي بغا واخا تكونو مستحيلة ... يحطو ليه الحل .. بالباقي و المقسوم .. والمقسوم عليه ...كيتعاملو باسلوب الزبون ملك ... والملك لايرفض له طلب .... 

لامار : آلاااات حسااابية اكيد .. ولاكن بضمييير( فهمات شنو باغي يوصل ليها و عطاتو ) و بمبادئ و احترام .... فعلا .... كنتعاملو باسلوب ان الزبووون ملك .. ولاكن ماشي إلاااه .. باش نلبيو كاع فرائضو ... 

- السيدة لامار ياريت لو اننا نعرفو سبب اجتماعنا ليوم ... 

للمار : اكيد مغانطولش عليكم .. انا متأكدة انكم كاملين مارادينش لبال .. انا شركتنا غدا خصها تخلص ليكم السلعة دالباطويات دافريل .. لي عطاتهم ليكم غي شيكات .. 

- ابصح ؟ 

لامار : مية فالمية مغاتعرفش حيت الااشعارات غايعلمكم تالغدا .. ولاكن قلت مافيها باس نعلمكم قبل... عندنااا واحد المثل بالمغربية كاايقول نسبقو الفرح بليلة ... وبغيت نقولها ليكم ....قبل مااايوصلكم الاشعاار لي كتقيو فيه ... باش تعرفووونا الى اووفياااء كترررر من اجهزتكم لي نتوما مبرمجيييينها ... 

خوليو : بمعنى ؟

لاما : بمعنى اننا ... مناااسينكمش فرزقكم .. ومفكرينو واخا نتوما لي مواليه ناسيينو ... وعاارفين ان غدا خصكم تخلصو .. وماعمرها كانت فتاااااريخ مجموعة شركااات الروكان البحرية .. لي فخاااامة الاسم تكفي ....شي شيييك ماتخللصش عندها فوموعدو ...كااينة ولا لا ؟ 

خوليو : بالطبع .. من هاد النااحيو ... GRKN دقييييقة فمواعدها وومعقولة ... مكنحتاجوش اننا كل شوية نطلو على موعد الشيك ...حيت عندنا يقين تام انو غايتخلص فموعدو قبل طلووع الشمس ... الروكان صاارم فالمسائل المالية وكولشي عندو مضبوووط ... وهادشي باش سمعتو تجارياااا هااائلة عاااالميا .... وكنصصدر العنوانين .. وصراحة مكاينش هاد البيزنيس مان لي محاسدوش و انا منهم ... معندناش شك فهاد المسألة ...

لامار : فوواالا .. ولاكن شركة الروكان البحرية طبعا مامعصوماااش من الازماااات ... كيف كتعرفز كاملين و غاتكونو شفتو الاخبار .. شركتي الجديدة لي تتفتحاات .. والجزيرة لي كتصدر ليها الورود ... و المدرسة .. فهما تفتحو من الرصيييد دهاد الكروب ... وهاد الشيء هو لي خلا الشركة طيح شوية فازمة مالية ... وملي كلفني راجلي انني نخلض لناس شيييكاتهم .. لقيت ان الرصيد ميمكنش ليه يسسدد ليكم المبلغ ... بغيت نعلمو بهادشي ولاكن هو دابا فالجزيرة د الورود وكيف كتعرفو الريزو باقي مدخل ليها .. مغانقدرش نوصل ليه باش نعلمو وماعرفاش امتى يقدر يرجع باش لقاو شي حل .... حيت هوما تما فاختبار لواحد النوع د الزهور النادرة واش يقدر ينبت على تربة الجزيرة و عنهم بافين ابحاااث طويلة ... ( كتمنى دوز عليهم هاد الكدبة وتا الطريقة و الشوووفات باش كتهضر و صووتها الزوين كيخليهم ينسااااو اش كتقول ويسهاو غي فيها )

خوليو: هههه شيء عجيب . كيفاش مشااا يبحث على وردة ناذرة على تربة جزيرة ... وهو عندو وحدة فدااار!!!! 

لامار : ( بقات غي كتشوف وبدلاتو تبسيمة واخا محملاتش الموقف ولاكن لصالحها) شكراااا ... احم نكمل ليكم قصدي وقصد الاجتماع ..... طلبت نشوفوكم شخصيا ونحاول نلقا نعاكم حل يرضيكم ويرضينا ... وطبعا توصلت ليه ..هو تصبرو علينا شوووية بينما وجد ليييكم المبلع ... وفالمقابل الشركة كتقترح عليكم صفقة لي معمرها تعقدات من قبل .. وهي انها .... غاتصدر ليكم المرة الطاية جوج دالبواخر د المرجان الخام .. ولاكن بننننص الثمن .. يعني الى موالفين تاخدوه ب 2 دلاملاير .. غاتاخدوهم غير بمليااار ... وهادشي طبعا من مور ماتكون الشركة خلصاات دييينهااا كاااامل عليكم ..يغني هاد الصفقة غييررر هدية ماشي مقااابل يعني غانقومو بالواجب ونزيدكم كادو على التأخير من الفوق .. وهاكا لاوصلنا لهاد الاتفاق مع بعضياتنا بالتراضي... بلا مايدخل تاواحد .. ولا تلتاجئو للدعوة و يدهلو الابناك الدولية .. هادشي علاش شخصيا خصصت من وقتي.... غير باش انا لي نتفاوض معاكم و مابغيتش نسيفط ليكم شي حد وصافي .. وجوهكم مااااشي ديااال هادشي ... او لا لاا سيد خووليووو ؟؟؟؟ 

خوليو : لي فهمت من هضرتك .. هو غدا منقدوش نستلمو المبلغ ! 

- ميمكنش الالة .. حنا شركتنا راه كتسنى هاد المبلغ باش تقدر تسترد تاهي شهر جاي .. صدرااات راه خصها تسترد و باش تسترد خاص الشركة لي صدرات ليها تخلص ... خاصك تكوني عارفة هادشي .. ميكنش نوقفو الخدمة .. 

لامار : اكيييد غااااتلقاو شي حل .. ميييمكنش .. السيد خوووليووو كااامل معاكم .....ولي كنعرف عليه عقل مضاااعف لعشرة دالعقووول ... و تاحجا مكتصعاااب عليه ( هي راه مكتعرف عليه والو ولاكن ضروري من المرطوب ..لااماار و اجرك عالله) غاااايحير ليكم فهاد المسألة ؟ ضروري زمغايكون شي رصيد احتياطي تستردو بيه ... ميمكنش يكون غبي لهاد الدرررجة هههه .. كنعرفوووو من ادكيااء الزززبنااااء لي معانا ... ومايديرش رصيد احتياااطي لااااا ...

خوليو : ( عجبوووو الحال تمدح فيه وتفااااخر) طببعااا .. انا ديما مسسسبق الزمن ب جوج خطواااات ... ومكنعطي حتا كنعرف راسي غانشد .. ومكنقبل تاكنعرف طلبي غاااايتقبل ....ولااابط منخلي احتياااااطي .. امادام لامار 

لامار : ( كتفرك فيديها من تحت الطاولة باش مايبانش توترها حيت بحالا بغات تفهم هادا فاش عينو) مزياااان الواحد يسبق الزمن بجوج خطوات ...ولاكن فعوض مايبقا كيشوف غير مع خطواتو ... يشوف شوية مع الارجاء ... يقدر المتساابقين لي معاه يكونو فااااتوه بربعة ... ههههه ماااعليناااا .... اذن غاااتحل ليهم المسألة (لحناتها) سيد خوووليو 

خوليو : وشكون غايقدر يحل ليهم مشاكلهم من غيري ههه 

لامار : شفتو لي قتليكم .. هدااا هووو الس خوووليو .. حنا مغاااندوزوش هاد الخسارة اكيد غانعوضوها ليكم بالصفقة لي دويت ليكم عليها مغاتلقاااوش بحالها ....والمرة جاية غاتاخدو ااسلعة بنص الثمن .. ولاكن ( بدات كتتعوج فعينيها و تشوف لخوليو لي جاها حيط قصير ) حااولو انكم تقبلو لينا هاد الازمة و تراعيو ظروووفنا ... وراه اول مرة زعما الشركة تطيح فهاد الموقف وماشي من مستوااها .. نتوما عاارفينا معقووولين ... واصلا منقدروش نخسرو كليووون بحال خووليو ... اسمك زوين بالمنااااسبة اش كييعني! 

خوليو : ( سابح فبحر عينيها ) غانكدب عليك لاقتليك عارف 

لامار : اكيد معناه مغايكون متعلق الا بالجمااال و الشخصية .. وإلا كييفااالش غااايوااااتي مولاااااه ... 

خوليووو تفتحوو ليه العنين وهي كتتعررف تلعب على الوريد .... والوتر الحساس .. حيت شافت مابغاوش يقتنعو ...

للامار : ااحم ....( رجعات لور ربعات يديها ) راه تقدروو تاخدو وقت تفكرو فيه عاد تردو عليا ..نوو بروليم ..

خوليو : لالا ... منحتاجووش نفكرو ... موافقين .. ( بععون ممعجججبو ) 

لامار : (قلبهااا رفرف ) موااافقين ؟؟؟

-اء ؟ لا .. مااانقدروش .. خووليو اش كتقوول ؟ 

خوليو : ششششش .... اكيد غايخلصو لينا .. راه شركة الروكان علامن كنهضرو . .. فاش غايتوفر المبلغ اكي غايخلصو ...ياخدوووو راحتهم .. مالو القمرر كييييصدر ليييهم الجمال بلا مقاااابل ...وحنا لي مصدرين ليهم شوية د سلعة نتسناو مقااابل ! ( شاف لمندوبين ) تضاااهيو القمر فعطائو!...

لامار : هي نتا تااايق فسمعتنا ؟؟؟؟؟؟ 

خووليو : ( ضار شااااف عندها باعجاب كبير ) تااايق فعيييينييك هاد المرة ...

لامار : اووه! وتقدددر تيق فيهم.. للدرجة تيوقع على هاد العقد لي ماافيهش أجل معين لتسديد الشيك؟ 

خويلو : ( بلا تفكير ) مواااافق ( ساهي فيها ) 

لامار : نووو!!!!

مييييمكنش ... عطينا بعدا غير شي ااجل نتسناو فيه

لامار : مكرهتش ولاكن حنا مكيعجبناش الكدوب .. ومعارفينش امتى الشركة تقدر تعوض رصيدها واش ليوم واش غدا واش بعدو ... ولاكن مدام خوليو تااايق فعيني كيف قال ... فانا كنعطييكم وعد اول ماتقد الشركة تسدد ليكم المممببلغ ... غاايدوز لحساااابكم فووورا 

خوليو : صافي موافقين .... حنا كاملين موافيقين ... ( شاف فيهم وهو يومي ليهم بعينيه زعماا وافقو وتاهوماا طييحو راسهم حييت مكيقدوش يتناقشو معاه ) 

لامار : اووه شككرررااااا بزاااف سيد خوليوو.. غييير هو خاص ضرووري تسنييو على هاد القعد .. لي كيقووول بلي شركاااتكم لي صدرات السلعة .. قااابلة اننها تعطي لشركة لاستردات منها .... مهلة تخلص فيها حتاا لنهاررر لي يكونو للفلوس ولجدين ... ضروووري من توقيع 

خوليو : قلم ..

لاامار : ( بببفرحة ) حاااضر 

بضضضحكة وحماس مداتو ليه و خوليو بدا يقرا فداك العقد .. لي غايضمن للامار ماتخافش انهم يدفعو شيكات ديالهم حيت صااافي عندها عقد كيقول يخلصو فوقاش مابغاو ومتافقين بالتراضي ... خوليو طلع عينو شاف فيها مطوول بشوووفة ماككرة و رجع هبط على داك لورقة وقع وودوز ليهم تاهوما وووقعووو ومدو ليها دوضسي وعطاتهم الصفقة تاني وقعو عليها .. وتنهداااااات عاد رجعات فيها الروح ...

لامار : سووووووبررر ... ودابا تقدرو تعطيوني شيكاااتكم ؟؟؟؟؟ 

بداو يوشفو فبعضاتهم وداك خوليو قاليهم يعطيوها ... غي عطاوها وهي تقطعهم قدااااامهم 

لامار : دابا اتففقناا وبالتراااضي ... شركتنا كتقول تخلللصكم نهار لي يوجدو لفلوس ونتوما قلتو موااافقين ( وقفاااات ) تششششرفت بمعرفتكم ... و منين غايدخلو الفلوس لحسااابكم فواحد الموعد لي لا انا لا نتوما عارفينو غانتشرف بيكم كتر... ولاكن لي كونو متيقنين منو انو هاد الموعد قرييب وخليو عندكم امل كيفما هو عندي ( عينيها تعمرو بدموع ) .. ويلا بغيتو ديرو خييررر كتر دعيو معايا هاد الموعب يقرب ... محتاجة ل هاد الدعاء .. 

هزات داك الملف فرحااانة صافي قضات الغراض ودات اش بغاااات عاااد تهنااااات ملي صااااافي مايقدوش يدفعوو داك الشيك .. تا الى دفعوه عندها دليل ... واصللاا مكاينش شييك .. صافي قطعاتهم قدامهم ...وخلاتهم يوقعو غير بالمهل وحلاوة اللسان.. دخلات لمكتب ...وهي تغوووت بججهد بالفرحة 

لامار : وووقعوووووو اسفيااااااان وقعوووو 

سفيان : ( وقف ) كتتتههههضري بصح 

لامار : (وراتو ليه) شووووف هااااااهووو .. صاااااافي تحيييد الهم علينا ... اه بصح العقد كيقووول بلي الفلوس غايتخلصو نهار يكونوو الفلوس و لاكن الواقع كيقوول نهار يفيق اسد .... موااااافقين اسفياااااان مواااافيقن .. غانطييير بالفرحة .. الهم تزاااح 

سفيان : الحمد الله الحمد الله .. خصنا دابا غير اسد يفييق و تكمل فرررحتنا .. مهم انا شفت كولشي تا الشيكات بااااااقي موعدهم ... وكوولشي خلصو اسد قبل مايمشي للعمرة .. ( لامار هبطات راسها وهو هاد عااق ) لااا لا قصدت زعما ...

لامار : تعايشنا لدرججة تيييقنا كدددبتناااا اسفيااان .. قربنا نوولفو ... واش هادشي كيعني مغايرجعش!!!! 

سفيان : اش كتقوولي ؟؟؟ هادي هضرة داابااا

لامار : ( مسحات دمعتها ) دير راسك مامسعمتي والو .... كمل اش كنتي كتقول ..

سفيان : قتلييك ...بلي بقاااو غي هادو ... كاع شييكااات تقريباا فيهم تالعام الجاي ...

لامار : الحححمد الله ودابا غانطمن على هاد الشركة و نعس على جنب الراحة .. 

سفيان : انا غانمشي نسول لتحت واش مكاين تاشي مشكل ونطمنو على كولشي ونمشييو فحالنا ...

لامار : صافي واخا .. 

مشا سفيااان وهي كلسات على لكرسي د اسد.. وضارت جيهة زاااج .. وكتشوووف مطططولة وداك العقد فيدها .. محملاتش راسها ... الطريقة لي هضرات مع خوليو بيها ولاكن مكانش عندها بديل ... دموع بقات دوز تاني على عينيها وهي كتشوف لهاد البيرو وشحال كلسات على هاد الكرسي غي الفرق انها كانت كتكلس على رجلييييه وهو كيكون كالس فيه شحال ضحكو وشحال قلبو بعضياااتهم .. هاد الحيوط شااهدين على علااقتهم كيفاش كااانت قوية .. وباقيا .. سمعات دقة خفيف فالباب ومسحات دمعتها باالخف وضارت بالكرسي بانليها من زاج خووليو شافت فيه باستغراب ... وآمراتو يدخل .. ودخل ثم آدنات ليه بالجلوس 

لامار : باقي شي مشكل ؟؟؟؟ 

خوليو : ( بمكر ) وي باااقي ...

لامار : يمكلي نعرفو 

خوليو : ( جبد من جيب د الكوستيم ديالو شيك ديالو و وراه ليها ) نسيتي شييك دشركتي ... مقطعتيييهش 

لاامار : ااااه !!!.. بصح.... التلفة ( جات تمد يديها وخطف هو يدو تاااوسعات عينيها فيه بخوف ) 

خوليو : تو تو تو .. ماشي بهاد السهولة الغزالة .... 

لامار : اححترم راسك!!!!! 

خوليو : شييك ديالي باقي عندي ... اه نتي تهنيتي من لوخرين لاكن انااا باقي ... 

لامار : ولاكن العقد راك سنيتي عليه 

خوليو : ولاكن الشيك باقي عندي...نعدررك باقا جدييدة فعالم الاعمال ...ويمكن ماعارفش ان الشيكات .. هوما تخلقو باش يتخلصو فنهاااارهم ... يعني من يدك .. لجيبي ... داروهم غيير باش منهزوش الفوس فجيينا كاش ... وكيعطيونا هاد الورقة كتعني ضمااانة ناخد فلووسي .... غير حنااا كتجاااررر كبار ..كانديييرو هاد البليزير فبعضياااتنا و نمشييو تاا لتاريخ لي كيكتبو لينااا التاجر .. اما دابااا الى بغيييت نمشي ... نقدر نتيري فلووسي واخا الموعد غدا ... فهمتي الغزالة ؟ ... يعني راه من حقي ... العقد لي عنك صااالح الى مكانش شيك فيدي ... ويلا كان ...العقد ماعندو باش ينفعك .. كفتي ثقيلة على كفتك ...

لامار : ( صرطات ريقها طططلع دكي ) ممم ... وشنو المطلوب مني باش تعطييني الشيك 

خوليو : لي مطلوب منك راه باين .. واصلا من قيبيلة ونتي تلمحي ليه ...راه فهمتو .. وقااابل به

لامار : شنو هو ؟؟؟؟

خوليو : هههه طبعا .. .. من حقك تدلعي ... ومن حقك تتداعي الغبااء فهاد المسائل .. ومن حق الراجل انو يفهمك رغم رفضك ... بغيتي يتقطع الشيك ؟ .. هي غاتقبلي ... انا وياك ندوزو واحد اليلة زوينة ... ياك رااجلك لي يخلق مشكل غايب ؟ مكنضنش كاين شي مانع ... الشركات لوخرين سينياو معاك صفقة ياخدو سلعة بنص الثمن .. و خداو تعويضهم .. ولاكن شركتي انا مكتستردش في كتصدر ... ومزال مخديييت تعويضي ..... هادا ماشي عدل! ( لامار كتغزز فسنانها ) ميكنش جييت تالمغرب وماااندوقش فاااكهتوو ...

لامااارر ضارت بيها دنيااا اش كيقوول هادا .. رجعات القداارة من تاااني !!!!! هاكا كانت نهار غبر باباها كولشي ولا يشوفها جسد .. ودابا ملي غبر اسد تعاودات الكرة ؟ .... اش هاد الحصلة ديال الكلاب ...

بقات غي كتشوف فيهم مكرهاتش تنوض دابا تصررفقو وتبزززق عليه ولاكن كتفكر كلام اسد .. لي كيقول ليها خصها تفكررر بعقققلها قبل من شي حاجة اخرى ...رجعات بالركسي لور كااتشوف فيه وكتفكررر وهو مراقبها .... بلانات لييييه مزيان وغيزات ليه الشغل .. وكتشوف لداك العقد فيديها والشيك فيدو .. لاتقطع داك شيك .. معنهاا مناش تخاف داك ساع ... ضحكاااات بطراف شفايفها ...وقرباات تاني عندو واخا مششمأزة ولاكن غير بالمههل خصها تمشي على خطى اسد وتكون ادكى اكتر ..وضرب لبعيد

لامار : وعلاش لا ... اش فيها ! انا امراة ونتا رجل... و جامعانا غريزة .. ولي مطلوب منا ...هو نفهمو بعضياتنا ولو بالإيحاآت ..... انا وميت نتاا فهمتي . غانتفااهمو اناا وياك ..

خويليو : وااااوو .. شخصصصيتك كتهبل .. كتعجيني المراة بحال هاكا لي ثايقة فراسها ...و مكتحشمش من غرائزها ... 

لامار : تانا كيييعجبني لي معندو علاش يحشم هههه ... اكيييد نتا مغاتفهمتش هاد الجملة للاخيرة كيف انا قاصدها ... ولاكن عندنا بالمغربية كتعني واحد المعنى اخر ... لي كنطابق عليك تماما ... عطيتي الشيك

خوليو : نووو ... حتاااا نتأكد ...

لامار : هادي هي تااايق فيعيني ؟ ماشي مشكل ... خليك حتا تأكد اني صادقة معنديش مممشكل ...

خوليو : اوطيل 

لامار : لا ... نتا غااالي منقدروش نرخصوك فاوطيل ... اجي عندي لدااااري 

خويليو : نووو !!!! متأكدة ..

لامار : سسسيي ... اش فيها ... اصلا راااجلي مكايش .. وداار خاوية .... نتسلاو شوية معااااك... و لي عاق بينااا نقولو انه عشاء عمل ... ولاكن تانا عندي شرطي .. 

خوليو : طلبي 

لامار : غير تعتب منطقتي .. تعطيييني الشيييك 

خوليو : قااااابل ... 

لامار : مفااااهمييين دابا ... غانتسناك .. مع السبعة ...

خوليو : وحتا انا مغااانتعطلش عليك ( ناض وقف وشد الكوستيم ديالو ) موعدنا مع ااسبعة ... ومنليوم هاد الساااابعة ...غاتولي عندي احسن توقيت .. رقم حظي 

لامار : وااااالا عليك .. غاادي تررررصخ ليييك فداكرتك هاد السبع ... واخا ترجع لكرش ماماك و تعاود تخرج مغانتساناش ليك ... 

ضحكات ليه وتاهو ضحك تابانو ضروسو وخرج و سفيان داخل عدنها مكيشوف معاه

سفيان : شكون هادا

لامار : ( متبعاااه بعينيها فزاج ماشي بعغغغضب كبييير على وجهها )خووووليييو ... لي عطاه الله عقل وهو مصر يبقا حيوان ....

سفيان : ااش بغا ؟؟؟؟ 

لامار : مزااال ماقطع شيك ديالو ولد الحرااام .. بالفرررحة ديالي نسيييتو .. عرررف يبعب عليا ...دار راسو هو الوحيد لي موافق تما باش انا منقدرش نتوقع انو هو لي مغايعطنيش شيك فييهم .... طلع مسخووط مع راسو .... 

سفيان : وااش قال ليك دابا ؟؟؟ 

لامار : على مكتعرفش الرجااال .. جااا .. كيدير شووونطاج .. مقااابل داكشي لي غايكيطيح فبالك دابا 

سفيااان زيييير يديه وناض بزربة كيييجري موراه وناااضت تاهي شداااتووو وقفات قدامو 

لامار : كككككلس حمااااقيتي ماتندمنيش حيت عاودت ليييك كلس 

سفيان : ططططلقي الااامااار .. هداااااك جااا العااافية برجلييييه ... واااش عارفة راسك اش كتقولي !!! عند بالو صاافي غي راااجلك غااايب ساااحة خوات لبه ولا شنو! خصووو يدخل لمخو لاغاااب ولحد باااقي لي غااايسيفط ديلمووو لقبر حافي ...

لامار : اكيد جااا العااافية برجليه .. و اسد مغاايبش . هو عند بالو غايب .. ولاكن اسد راه ساااكني هنااا ( اشارت لقلبها ) داكشي لي كان غااايتصرفو .. غانتصرفو بلاصتو ... ولاكن الى مشيتي تبعتيه نتا مغايعطيناش الشيك ومغانصورو منو والو وحنا لي ضاااايعين ...

سفيان : الحيواااان .. ( كيززفر ) 

لامار : .. ماشي هاكا كيتحلوو المشاااااكل .. ماشي بالعنف .. كان قالي اسد شحال هادي لاجينااا نحلو كاع المشاكل بالبونية كون راه دنيا فنات شحال هادي .. خليييني تاننتتممكن منوو و ناخدو من مصلاحتنا ... وسير دير فيه اش بغيتي ... ( كلسااات كتعاود لييه اش باغا دير ) 

سفيان : زيييجي زعما ؟؟؟؟ 

لامار : على ماشتيهش كي حال فمو كي ضبع ... شفتي هاداك لي كيحسب راسو دكي ... كيشووف كاع لي ضايرين بيه مكلخين .. داكشي علاش مايتوقعش مني نجيبو فشبكة ... نووض دابا نمشبو نووحشششت اسد و بنتي .. ونتسناوه يجي برجليه للعااافية .. 

ناااض معصب وهي هزات الفيست ديالهااا وداك الملف وخرجو مشاو لطموبيل وزادو للمنطقة ... لامار مابغاتش تقول لسفيان امتى بضضبط غايجي باااش مايكونش فدار عاررفااه غاينووض يدير شي مصييبة قاتلو فليل وصااافي ... مشات لدااار دخلو لقاو اريج كتووكل فقسسسم و رقية حداهاااا صفففرررة وباينة كانت كتتتبكي ... غي شافت لامار نااااضت كتجري عنها عنقاااتها كتبكي و لامار تاهي دغيا بكاااات 

رقية : الله ياااااااااربي الله .. الله ياااااااربي غلى ولددددددي الله ... الله على كككككبببببببدتي تشواااااااات ... ( غااتسخخخف ) 

لامار : ماااماااا تهههدني عفاااك راااكي مرييييضة .. تهدددني داابااا يبرااااا 

رقية : ( كتتتبكي بالجججهد وصووتها تغنغن بقوة مابكات ملي جات وقتلتها ليها اريج ) الله ياااااااااربي وللللمن خلاااااا بنتوووو ولمن خلا مرتووووو .. اللع ياااااربي وخلاهم بجووووج يتاااااامى . الله يااااااااخد الحق فلي بغا يرزييينا فييييه الله ياااااااااربي وككبددددددتي كتتتشوااااا وماقديتش نشووووف ولدي فالفرااااش .. وانا فرحاااانة و نضل ندعي الله يقبل ليكم و فرحانة ببنتي و راجلها مشاو يشوووفوووو مقام النبي .... علاااااااش ابنتي عللاااااااش واااااش انا ماشي مييييمتك وعلاش تاااااكلي ضربة بووووحدك ..

لامار : (مشات كتمسح ليها دموعها ولامار اصلا ديالها مكيتمسحوش ) مااابغيتش نخللعك وصافي ... داابااا يبرا بلا متتتهضري بحالا ماغايفيقش بزاااف دناس كيدخلووو لكووما ماشي اسد هو اول ولا لللخخخر 

رقية : ويااااابنتي و غي قوووليلي منيييييين كبتي هاد الصبببرررر الحنييييينة ديااالي .. و ربي عطااااك الصبرررر .. لا فعزووو باااك لا فمرررض رااااجلك وااااقفة حححرة .. ياااابنتي و عطني من صببرررك ومن قووووتك لي باقا واااقفة على رجلييييييك ( طاحت على لكنااابي فشلانة وسفيان مشا بزززربة جابليها كاااس دالما و قسم بدات تبكي خلعها للمنظر و بعداتها اريج كتسطتها ) 

لامار : ( كالسة حداها كتشربها ) صااافي اماماااا عفااااك ممتكمليييش عليا .. ششررربي .. 

سفيان : الحاااجة راااه دابا يبرا مسألة وقت وصاااافي حاااولي على صحتك 

رقية : شوااااوني فوليييييييدي شواااااااوني فوووليييدي ... الله يااااااخد الحق وشمن دااار هاااادي بلا ولييييدي و اشمن عيييييشة .. رزاااااونا فيه الله يرزييييييهم فهاااا نهااارررر .. الله يااااربي الله

يتبع ...