لامار : هوووو لي دارها ولد الحرااام هوووو ( مشااات حلات لبسي بزززربة وسفيااان كييهضر غي فتيليفون طريق كاملة مسكتش)
احد المدراء : تاحنا داكشي لي شكينا ملي عيطو لينا ... مستحيل نتوما طلبو داك الكمية كاملة و اصلا ديبو فيه الماكس .. هادشي مايديروش تاولد صغيييرر بلا عقل ... مكاينش لي يطلب حمولة وديبو عندو عامر ....سي اسد كان عاارف انو غايغبر مدة على الشركة شارجا لينا الماكس د السلعة لي تقدنا فهاد 3 شهور لي مكانش غايجي ... معرفتش علاش تطلبات دااك الحمولة كااااملة ... فالنفس الوقت سيفطتو ايمااايل لكاااع لي كناخدو عليهم .. بأن شيكات ديالهم غايتخلصو هاد الاسبوع ودايرين معاهم بليزير .. واش غانخلصو شيكات ولا غانخلصو الحموولة لي داخلة وفين غانفرغو 20 باخرة ! .. ومااشي حتى مفررقين ... كلهم لشركة وحدة ... .
مشات ولامار بقات كتشوف فداك الببسي للحسابات ودخلات لايمايل دشركة ... لقات بزاااف كولشي كايسول واش الشركة غاتباااع داكشي علاش باغا تخلص كاع الشييكات ولا المدير جديد باقي يدير شي قرااار ... وكولشي تروووووووون وكاع لي شارييين الاسهم كيتتتصلو خايفين لايهبطو فالبورصة ...تيلفون عند المسؤوولين والمدراء مكيييسكتش
- خصنااا نعرفو ان هادشي اكبر كاارثة تجااارية وقعات ... الاسبوع لي كيتخلص فيه غي شييييك وااااحد خصنا نكونو شهر مادخلنا شي حمولة ....لان الشيكات ديالنا غااالييين ارخص واحد فيه 950 مليون ومجال الثروات البحرية راه معروف سلعتو غالية ... رااااه كارثة يتخلصو 270 شيييك فنفس الوقت يتخلصو 20 باخرة فورية الدفع فالابحااارر .. رااااه معمرها كاانت فعالم لبيزنيس .... سي اسد كان داير سيااااسة الرأسمالية ديالو ومكيخرجش درهم واحد تكيكون دخل 10 .. الى تخربق شوية النظااام كوولشي غايدمر .. حيييت حنا دقيقين فهادشي ... شيكات منظمين والحمولة تاهي ... راه يتلاقا كولشي فنهار واحد .... دماااررررر لاسم الروكان فالبورصة ....
لامار : عععععرررررف مزياااان يييييينتقم الكككككلب ولد الككككلب ( ضربات بججهد فالبيررو ) مووووتووو على يدي غاااتتتتكون
- من لول كان خصكم تاخدو معاه الحيييطة و الحذر .... كان ناوي على الغدر ... سي الروكان لافاق وعرف بهادشي يححححرقو ويحرقنا كااااملين مكيحملش لي يلعب مور ظهرو ...
لامار : هو كان دار عينو على هاد المجموعة وبغا بشتتها باي طططريقة ....
عدنان : ..... وااااااش هادو حميييييررر بالودنييين ؟؟؟؟؟؟ كان عليهم من بعد الطططلب يسيفطو تأكيد لي يووقع عليه المدييير االفرررعي .. عااااد يبححرو بالحموولة شنوو هاد التخررربيييق
العمريوي : هوما حسابتهم نتا لي غاتكون طلباي .. حيت فاش كيكون الطلب عن طريق هاد اشركة الام يعني مؤكد .. مكيكونش فيه نقاش ... كون طلباتو شي شركة اخرى من المجموعة غايتاصلو بيا .. ولاكن خرج من المدير العااام دالشركة الرأس .. ميمكنش يترفض ... وهوما ولفو معانا سنيييين كنخدمو هاكدا ...اي حاجة متخرج منهنا مافييهاش نقاش .. و دوزيااامون ...شكون هذا لي يطلبو منعندو 20 باااطووو بالماكس ديالو والدفع فوري فنهار وا ويرفض ويقلب يأكد عاد .. ... راه غايغنيهم الله ...
عدنان : شركتك نتااا يمكلها تخلص ؟؟؟؟؟
العمريوي : اه كان يمكليها كون مدفعوش تا الشييكات يتخلصو ... دابا يا ايما تخلص الحمولة ... ولا تخلص الشييكاات ديال اانااااس ....
سفيان : هضرووو مع هاد الشركات وحدة وحدة وحاولو تفهموهم ان الامر ماشي بيديكم وشيك غايتخلص تالموعد لي كان معطي ليهم ... هاد القراار ماشي حنا لي درناه.. ووقع شي غلط
عدنان : غانخسرووو الكلياااان اسفيااان ماشي لعب دراري هذا
لامار : فعلا ... مغايبقاوش يثيقو مزال ...
العمريوي : مجموعة الروكان عمررر دارت شي حاجة بحال هاكا وكولشي كيثيق فيها وفالمعقول ديالها ... ميمكنش تلعب معاهم هاد اللعب ....يعني غي نشوفو كيف نديرو نفكو هادشي ... وحتتا كاااع الى خخلصنااا ...الحمولة معندهاش فين تفرغ ديبويااات عندي بلان .... مصاب نخدمو غي داكشي لي عندنا و ونصدروهوم ....
عدنان : اشمن افلاس حتا نتا ...... انا هناا باش كاااااع الشركات لي من تحت تأسيس د اااسد يبقاو كيف مااااهوما وماتقيسهم شعععرررة تايرجع ويلقا كولشي كيف خلاااااه ..... ونبييييع دمي وهادشي يتخخخحلص ..وننقبلش تا حساب من حسابات الشركات الفرعية لي يخخخلص هاد الكارثة .. الغلط ديالي انا متبعتش طارق للبيرو و ماهنيتش هويا منو ... انا لي غانخلص تاسنتيم مايخرج من الحسابات الفرعية ....وتاخسارة مغاتكون
العمريوي : المدام عندها الحق .. شركات يتكلفو كل وحدة حسابها غايكون عااامر .. لاتجمعو وكل وحدة باش تكلفات غانفوتو هاد الازمة حيت ميمكنش شركتي تخلص بوحدها .. وغي هادي ديال الاستيراد راه دخلت ربح كثير هاد الاسبوع قااادة تحل المشكل
عدنان : راااه قلت قراري تاسنتيم من لي خدم فيه اسد مغااااايضيع .... انا غانفك هادشي .. مغانقيسو تاحاااجا من حساباتو .
دقاات الكاتبة
الكاتبة : صالة الاجتماعات واجدة ...
لامار : هاحنا جاييين ...
ناضو مشاو للاصال .... كان ضو فييها قليل ومظلمة غي الشاشة لي مشعووولة كلها تخطيطات و ميزانيات... وكل مرة كينوض واحد يششرح وهوما كييقيدو ويناقشو ...وعدنان كيحاول يتتعرف على كاع السياسات والانظمة لي كان خدام بيهم اسد .. لقاه كيدير استراتتيجيات دكككية ميطيحوش على عقل تاحد عاد عرفو علاش ناجح حراميي فتجارة ... بدا يتعرف على رصيد كل حسااااب فداك المجموعة ويضرب حسباتو باش تاواحد ماينقص بغا اسد ملي يفيق يلقا الشركة تعلاات ماشي زادت هبطات الارض ... هو قاااري ادارة الاعمال فاحسن جامعة فالمانيا و عارف كيدير يتعامل مع هادشي وسبق ليه كان سيير شحال من شركة ومكانش كيكمل حيت هو الحلم ديالو متتححف ... لي دايا تخلااا علييه ولا حلمو غي ينقد هادشي وحط كاع لفلوس لي جمع باش يفتتحو جمدها فحساب الشركة ... سلاو الاجتمااع وطمنو المدراء بلي غايلقاو حل باش تهدا البلبلة شوية .... ومشاو المممكككتب العرق كتتتصب معاااهم ...
عدنان : واش حسابتك ساهلة ... صعييب تلقاااا مدير عام تيق فيه تاني .. وصعيب واحد يدخل بهاد المبلغ بهاد السرعة ... على الاقل غايبدا يحطهم بشوية...
لامار : حنا نحطو الاعلان لبيزنيس ماان لي فهاد لالبست عند اسد ونشوفو .. اصلا منضب بحال هادا غاااايتسااابقو عليه ...
عدنات : غايتساابقو عليه كون كان لبارح مااشي ليووم ... راه فاش االشركة كدخل بزااف كتر مكتخخخررج ... كطيح فسوق البورصة ... دابا تشوفي اللخبار الاقتصاد فالعشية .. اكيد غايكيحو الاسهم .. راه 20 باطو هذا .. ومغانخرجو منو والو .. غانبيعوه خااام .. مغانخدموهش ...كولشي غايشك الى عندنا شي ازمة .... غايخافو يستثمرو مبلغ بحال هاداك ...وزيدي عليها عارفبن اسد غيبوبة وانا مزال مكيعرفونييش مزيان باش يتيقو فيا
لامار : شنوو زعما ااشركة فاش كانت فالصدارة واسد واقف على رحليه كولشي كان كيتسابق يشري غي اضضغر سهم فيها ويتتبحلسو ويتمناو غير يكلسو معاه فالبيرو ... ودابا لي كتواجه اززمة ييغبرو ....
كلساات كتفككرر وعدنان مشغووول
لامار : ( قفزات ) عععرفتي شنو تفكرت .. عندي واحد الكليااانة فلامار فلاور .. كنا درنا انا وياها غدااء عممل وتعرفنا وبقينا على اتصال وعاد كيف عرضات ليا الامسية العيد ومكانش عندي الخاطر ورفضت ... تاهي سيدة اعمال وكانت قاتلي بغات تسثمر هنا ... وملي طلبتها من اسد رفففض بحكم مكانش محتاج لشي حد ... زعظا تكون مزالا باغا ؟؟؟؟؟ بعدا هاااديك كنعرفوها وضرييفة و سمعتها مزيانة مابيهاش ...
عدنان : شكون هادي
لامار : هي باها واقلة خليجي .. مولات شركة انايدا للميك آب... راه عندها ماركة دالتجميل بسميتها ..ANAIDA ...كانت كتاخد من عندي لي بووودغ ديال الورد ... تعاملات معايا بزاااف .. و معقولة ... تقدر تقبل اقتراااحي ....اصلا عي لي كانت باغا تدخل شريكة هنا ..
عدنان : غايكووون مزيااااان لاهضرتي معاها ... مدام ثقة فهي حسن من شي حد تاني ينوي الغدر
لامار : لا لا هادي اصلا نااااجحة و مامحتاجاش لفلوس باغا غي تستثمرهم ... سميتها وااااقلة عاايدة .. ولاكن معروفة بأنايدا .. كانت مزوجة ومات الزوج ديالها وورثات عليه كولشي ولات سيدة اعمال دابا .... راها بعلقها ماشي شي وحدة ضغيرة تكون عنها شي 35 و لا 36 عااام ...هي لي غااااتفكنا من هاد الحريرة اعدنان ....
عدنان : داااكووغ الى شرات النسبة ديال طارق .. غانخلصو ااشيكااااات ... و الحمولة ونشوفو كنديرو ليها
لامار : كولشي غانلقاو لييييه حل
عدنان : اكييييد غالقاااو ليه حل ... تاااحاجا .. تاااااحاجا ماااضيييييع لاسد وخا ددددرهم . .شفتي درهم ماييضيعش .. بغيتو يفييييق على الامور هانية ... مااااشي على المشاكيل ... مابغيتش درهم تنقص منعندو كيف خلا هادشي كيف غايلقاه ..
لامار : هو اصلا كون جات فشي مجموعة اخرى معندوش مشكل غايقوليك الله يحرقها .. ولاكن هااادي كيييعزهاااا ببزااااف مغايبغيهاش ضيع .. حيت امانة من الراجل لي رباااه وهي اقدم وحدة ومن ارباحها دار كولشي داكشي
عدنان : منغيير الضياع الامار ... مخصوش يتشفا فيه شي حد .. عررفتي شحال من واحد كيشوف لبورصة خصو غي امتى شركة الروكان تهبط ويييشد بلااصتها ... وشحال من واحد حاسدو على النجاح ...مزاااال متزاد هدا لي يفرح لخسارتو وانا كاااين .. مغانخليش ليهم فرصة يفرحو تا بدرهم واحد ضاع .. والصدارة غايبقا محتلها ونفدي دمي ونخدم ليل ونهار ....
لامار : غانعيط داابا لانايدا لاكانت فكازا نتشاوفو ونهضر معاها مغاترفضش ليا الطلب ... ولاكن راه خضنا نقلبووو دابا كنديرو نخلصو الحمولة راه غاتوصل منها 15 ساعة ...
لامار : اااه داوية منيييتي ... اه عارفة بلي مضطراش نبيع مجوهراتي .. ولاكن راه لفلوس منقدرش نسحبهها من لي كونت ديالو بلا بيه ... صافيي واحد المزاد كاين بليل غانحطها فيه .. ياك غاترجع بالربح .. اوا صافي نرجع نشريها على لي شراها
عدنان : وباش عرفتي غالقا لي نبيع ليه كولشي
وباش عرفتي نتي هاديك يردهاليييك ؟؟؟؟؟؟ وعلااااش تفففففرررطي فكادو منو ... دابا هادي هضرة تقال؟؟؟؟ يعني هذا لي كاالس هنااا مصالح لوالوووو تاتحي نتي تقولي هاد الهضرة!!
لامار : اش كتخربق مقصداش هادشي
عدنان : ملي غاتبيعي نتي شي حاجة ديالك .. انا شنوو دوري هناا ديكوور ؟؟؟؟ جيت نتكا على لكرسي ؟؟ ...اااخخخرر مرة نسمعك خرجتي هاد الكلام على فمك ... ويلا مشيتي قصتيي شععرررة من حوايجك بررربي مغااانسمح ليك الى يوم الدين ....اهانة هاادي بالله ...
لامار : اشمن اهانة مقصدت والو .. وزايدون انااا عارفة خسرتي بزاف دالفلوووس حطيتيهم فحساب شركة جامدين باش شدتي بلاصتو ... مالك كطببعهم علاش تقتل راسك .. ماتاخدش من الحسااباااات ماااتاخدش من عندي ..منين غاتجيبهم
للامار : (تنهدات ومشات كلسات على لكرسي ) عدنان... راه تانتا عندك حياتك وربما خدمتك انا ماعارفاكش اش كدير .... مغاتقدش على هادشي بوحدك ..سلعتو غاااالية .. منيييين غاتجيب داك المبلغ؟ خصنا نتعاونو عليييه ... حنا يد مابيناتناش هادشي ...وعلاش داك ليبغيل عندي و لي بيجو الى مغاينفعوناش دابا فالشدة ... تااااباش نبيع شي حاجة من جزيرتي ميمكليش ... معاطيني تا حق ... كولشي خصو يوقع عليه عاد يدوز
عدنان : حيت عارفك قيللة العقل .. كون عندك الحق كون بعتييها ... صااافي هضرنا معاك نساااااي هاد الموضوع عندي منين نجيب لفلوووس ...
لامار : متأكد ؟؟؟؟
عدنان : هضرنا معاك لا ؟؟؟ واش اسد براني عليا راه خويا هاداك نعطيييييه تاعيني لابغااهم ماشي جوج دريال ...
سفيان : يمكن خلاص ديال الكارد د منطقة A قالها ليا عادل ....هو لي سححب .....عاطيه اسد الحق حيت هو لي مكلف بخلاصهم .. راه خرجو شي وحدين منهم كونجي وخصهم يتخلصو ..
عدنان : .250 مليون كاملة غير على شي وحدين شحال كياااخدو هادو فالشهر !!
حبيبي الأصم الجزء 221
محتوى القصة
التنقل بين الأجزاء