حبيبي الأصم الجزء 223

انايدا خلاتها اريج غي كتبرقق علامن جاااات تفووووح ... تبببسمااات ابتسامة صفرة وسلموو عليهااا ومشاااوو ....عااد تنفسوو كانو بحالا مخنووقين حداها بقوة البخ ... وهبطو مشاو

لباركينغ ... 

عند عدنان وسفيان .... 

كالسين فالباااررر شيشة محطووطة على الطبلة وقراعي دالشرااااب ... واحد القررع تماااا مفررع رجلييييه راخي كرو ... ورجالو واقفين عند راسو والقحبات غي يكضورو وييغمزوو فعدنان وسفيان ووحدة عيات تمااصي على كتتتاف سفيان من لور و تقييس فعنقو وهو مبرزط غي كيحيد ليها يديها اما عدنان مازعموش عليه ... وغي دخاخان ديال دلكاروو كتعطعط ...

القرع : اووودددي اسي اعدنان كاتجيبك عندنا غي المصلحة 

عدنان : واش غايجيبني عندك مثلا .. طلقنا .. واجد ولا لا .... 

القرع : هاد الفلوس كااااااملة شنو غاديير بيها غي قوليا ....

عدنان : وانتا علاش مدخل راسك فهادشي.. سربييينا ... عندك حطهووم معندكش نقلبو بلاصة اخري ..

القرع : وتبدلنااا ماشي حشومة عليك وحنا معرررفة ؟؟؟؟ هههه ( علا يدو وقرب عندو واحد منررجالو همس ليه فودنيه ومشا ) هاهوما غايجبوه ليك .... ولاكن راك عارف 

عدنان : بببلا متحفي ليا كري دابا ... الى نتا عاطي سيمانة انا غانعيطك 24 ساعة يكونو عندك ... 

القرع : راه هااادشي باش كتعجبني الخدمة معاك ( ضار شاف عند سفيان لي كااالس مربع بيديه مطلع حاحبو معاجبوش المنظر ) شششكون هاد الشااااب .. شي واحد نقصتيه من العصابة تاني 

عدنان : غانقصووو من عمرررك لاعاودتي جبدتييه ..كتعرفني انا خليك معايا نا ... ( ابتسم ليه ) وبلا منخسر خيليني عاجججبك ...

القرع : هههههه ( بدا يطللع واحد ضحكة سكرانة و كب كاس عطاه لسفيان وسفيان غي كيشوف معاه ) شششد .. ججغغم ليك ...ميمكنش دخل ليلاصة السعادة والزهو وتخرج مغبوش .. عجباتك شي وحدة سيير على حساااابي عندنا نقاااا ...

سفيان : لابغيت ن*وي مغانحتاجكش تعرض عليا ( شد عليه داك الكاس وخواه ليه فكاسو وحطو ) وهذا شربو نتا .. نهار نكون جاي باش نشرب ااانا لي غانخلص عليييك ... وووجد لينا هاد ال**وي دغيا نمشيو فحالنا ... 

القرع : ( بدا غي كيشوف فيه وقلبهااا ضحكة وشاف عند عدنان ) ولدك .. مغاتولدش قدو ... غايكون غي خوك ... 

عدنان : محسابتنيش ولا فيك فضول العيالااات ....وهدااااك قللللب عليه .... امتى غايوجدو هاد الفلوس مغاااتقطعهمش ليا من *بك ...راني مزروب ... 

قرع : تهههددن تهههدن ماااالكم معصبين ههه ... 

جاو الرجال ديال داك لقرع جايبين الفاليزااات فيديهم شدوهم عليهم دغيا ومشاااو وهو يصصصفررر .. وضار عندو عدنان ...

القرع : راك عارف 

عدنان : حتا نتا راك عارف ... 

مشا عدنان وسفيان حطو داك الفلوس كاش فالكووفررر ... وركبو و سفيااان تكا على لكوسان كيشوف 

سفيان :ففففففف فااايانلي ... 

عدنان : ( ساط تاهو ) نمشيو نفيرسيوهم دابا باش نتهناااااووو .. 

كسييراو مشااااو ... ولامار اريج تاهوما ركببو فطموبيييل ولاماررر كضحك بزز لداك انايدا لي كيفتح ليها الشييفورر لباب لور ...غي مشات لامار شافت عند اريييج وططططرطقو بضضضضحك 

لامار : غاااااااجلي ... نينيننيييي 

اريج : موووون مااااغي ععععععع 

كسسيرااااووو كيضحكو شادين طرريق.. وعدناان وسفيان تاااهوما ... كل واحد فين كان كيييحاااارب باااش مايضيع حتا سنتيم من اسد ... اسد لي كان كييظن عمر شي واحد غايتشوش عليه فين كاين .... عمر ضن ش يحد غايسول فيه الى مرض ... كان كيضن معندو حد ومعزووول ... صدقوو عندو خوووت وزوووجة لي ييقتلووو على قببلووو ويييحطو راسهم فالعاافية ... هوووو ناااعس كوما وهوم ساهرييين لييييل توقف شركتو لي تعدب عليها على رجليها .... وماااينتصر عليه تااااحد ...ويبقا اسم الروكان كيرفرف فالعالي حنا ويلا كان روووكان طاح ..

عدنان مشا فيرسا الفلوووس تحخخلص الحمووولة ومشا لبيرو هو وسفيان بداو يتصلو بشركات لي كيعرف عدنلن فالمانيا ... عقدو صفقات سريعة غي فتيليفون و الفااكس ... بااع لسبعة ديال الشرككات ... ووتهنااا فنفس الوقت كسبو كليان جداد .. لامار و اريج عاد وصلو للمنطقة ودخلو لريييسطو كلسو على لبحرر وقسسم حطوها كتلعععب فالررمملة و بدات تصوني على سفيان عدنان باقا مزعماتش عليه مزيان ...

سفيان : ( كان كيفاكسي شي وراق دالصفقات يد فلاب توب ويد فيتيلي و عدنان كيوقع و يرجعو يفاكسيو ) وي لامارر ... 

لاماار : اش دررتو ؟ فينكم .. راك مع عدنان 

سفيان : وري راحنا فالببيررو 

لامار : فاش تساليو اجييو عندنا لريسطو لي كنكلسو فيه ديما .... صاافي ؟ 

سفيان : واخااا ... اش درتي نتي ...

لامار : صاافي رااه قبلااات ... 

سفيان : لللععزززز امرات خويا .. 

قطعات عليه وقالها لعدنان عاد تهناو من هاد المشكل وعاد تنفسو كيف عباد الله .. سلاو خدمتهم ومشاو للميناء شافو واش السلعة وصلات .. وعلموه ترجع تشارجا تمشي لالمانيا تاحجا ماتنزل لديبو ... عاد مشاااوو لرييسطو مسخسخين ... كانت شي الحداش ديال ليل ...دخلو لقاو لامار واريج كااالسين تمااا كيشربو قهوة واريج شادة كاسها د الحليب ... طمنو لامار بلي لفلوس لقاوها خباو عليها تسلفو من نوار ... وبداو يعاودو ليهم على انايدا قتلهم بالضحك كييعيبوووهااا ... وقسم بقات فيد عدنان تاداها نعاس عندووو ...

اريج : عرفتي اعدنان الله يصصبرك وصااافي .. ناااري مكتتقششرش .. كانت باغا تولدني بنت الحرام قبل الوقت 

عدنان : هههه انا واش غانشد معاها الحذييث بحالكم .... 

سفيان : ( داير كلستو المعتادة متكي على لكرسي وطالق رجليه على وااحد اخور وشاد تيل ) اودي ملي سلكات لينا داك البلاااان لابغات تححلب حتا عتروس حدانا سسمن وعسل .. 

اريج : غاجلي غاجلي غااجلي يفففف ببحالا غي هي لي تزوجات ... ياختي غير فيق اسد شوفو كيدرو تصدروها اوووو بزاااف على لعياقة .... 

لامار : هههه اسد فين غايشوفها الله يهديك هو نص المدراء لي عندو مزال مكلسش معاهم كاملين .. اش غاتجي دير فشركة تخدم من دارها واصلا معنها مايدار عدنان كاين دابا لاكان شي اجتماع ولا مؤتمر وصافي تقابل غي اسهمها ...

اريج : جااتني لصصقة مزال تبقااا تجي عندك تللدار هانا فين قلتهاليك ... داك ساع اسد غايلوحها من دروووج ... هو معندوش مع داك الانواع غاتقيييه فللبلاصة 

لامار : ( تنهدات ) الى فاق يلوحني تانا لا بغا ... ارااا غير يفييييق ... 

عدنان : لاااماااررر ..

لامار : ( شافت عندو ) مم ؟ 

عدنان : كيف درتو تعارفتو نتي وخويا ؟؟؟؟ 

لامار جاتها ضحكة فكرها فليااااام ... و بقات غي كتبتسم ...فجأة ترسمات فعينيها لحظة لي فتح عليها لباااب وهي مادة شفايفها بوووسة .. ولحظة لي شافت روبن عندو فالدااار وبقات تضحك وعينيها دمعو ...اريج غي كاشوووف فيها دايرة يدها على حنكها

لامار : ههههه اش غانقووليك ... القصة طويييييلة .. ومافيها ميتعاود هههه .. موهيم تقدر تقول عليها صدفة جمعاتنا .. 

عدنان : بغيت نعرف عليه بزاف دالحوايج ... وااش باقي فيه داك الفشوووش ؟ ههه ... كان مفشفش بزاف 

لامار : هههه لا ماشي بزاف مي كيطلعو منوو مرة مرة ... الى بغا شي حاجة كتترر ههههه

سفيان واريج كيشوفو فيهم كيفاش كيهضرو عليه وعينيهم كيلمعو ... اكثر جوج دناس لي كيبغيوه كتر من راسهم ....

عدنان : وي بصح فاش كيبغي حاجتو كان كيولي اضرف مخخلووووق على وجه الارض .. 

لامار : بزاااف ... كيخرج واحد الصويت ديال دراري صغاارر ويبدا يطلب مستحيل ترفض ليه طلب ... عو واحد عفااااااك زويييينة ( كتمسح دمعتها ) ..شحال توحححشت نسمعها .... حنييين فنفس الوقت قااااسح ومكيبغي لايدوز الحاااجة كيييجرح فدبرة تاكيندمك علاش غلطتي . . ولاكن غي يودوزها ... كينسى كولشي عمرووو حتا يجبدهلك ولا يفكرك بيها ....

عدنان : ممممم مااااتبدل فيه والو اذن ... واخا كبر 

لامار : ششفتي يعيا يكبر وااااالو داك طفل صغير ساااااكنو لدااااخل ... 

عدنان : مكرهتوووش يفيق فاقرب وقت باغي ندوز معاه سنين كتر .. باغي نعوض 30 عام ديال الفراااق .. فاش جييت نعوضها ورجعت عندو هووو غااااب ... على دنيا 

شفيان : ( مكحملش بحال هاد المواقف وبغا يبدل ليهم الموضوع ) وحنااا متعوضنااااش الخوااا .. انا مرت بااااك 

عدنان : ( شاف عندو ) اش غانعووض فيك نتا كان معاك ييونس 

سفيان : كان معايا ريييح العاتية ... يونس انا وياه كنا بحال طوم و جيري راه تااجا تنفا عندي عاد تعرفت عليه ولينا خوت بحال ناس .. 

ارييج : باااركا بااااركا بحالا زعما كان غايدوزك كنت عزيز عليه وخا هاكاك .. نتا لي مكنتي كتحمل حد .. وخرجات عليك مراهقتك 

سفيان : شوفلك باربي كدافع على راجبها هههههه الله يجيب لينا لي يدااااافع علينا تااااحناااا ...

عدنان : يونس امتى غايجي ا اريج ؟ 

اريج : على هو حسابتك فاش غايجي غايعلمني هههه .. والله مقااالي كاع .. تيقولي منبعد وصافي 

بقاااوو مهاودين تاطيحهم النعاس ... وناضو مشاو لدااررر وتا عدنان مشااا معاهم شاف اسد طمن عليه كانو يلاه سالاو ليه كاع الفحوصات وبدلو ليها الفاصمات ديال راسو ... كلس معاه شوووية عاد مشا لدارو تاااهو يننعس ... و اريج تاهي طاحت دودة تامن يونس عيا يصوني ليها لقاها نعسات .. وشفيان دخل لبييتو دوش وخرج لبالكون كيكمي وكيصوني على حياة تيليفونها شاعل ولاكن مكتجاوبش عصباااااتو ديال بصح .. وكيتحلف عليها تايشدها .... وطاح نعس تاااهوو ... لي منعسش هاد ليلة هووو القرررررع كييفكررر غي فسفيااان و علم رجالو يجيبوليه كاااااع خبارو صورتو مابغاتش تخرج ليه من االبااال غي كيفكر فيه ويضور كاسو دااشراب فيدو وييعض على شفايفو بخركات انننثوووووية ويتشها فيه .....

جاا صبااااح جدييد ... لامار طفات تييليفون كاااع خاافت من شي اتصااال من عادل يغير ليهااا االمزاااج كااامل تاني مافيها لي يسمع شي كارثة و تقلبات على جنب لاخر معنقة يد اسد ومكملة نعساها ... واريج صابحة كترد وكرشها بدات تباان شوووووية صباح كامل وهي كتشوفها مع المراية ...طلعو ليها لفطور غي لبيتها مقداتش تهبط ... وسفيان صبح نااااعس جابد عليها رجل فالشرق ورجل فالغرب شاد سرير كاااامل بكتافو ... معنق وسادة عندو ناعس عليها وشعرو منفوووش ... 

اما عدنان فاق بكككري لبس حوايجو الرسميين .. قاد شعرو بارفانو وسعتووو ... صاوب لراسو قهوة شربها بالخف وخرج تاجه لششركة ... ولا كيتشابه ليهم مع اسد .. منلووورر كيبانو شخص واحد فالملامح لي مبدلين وصاف .. ومفاوتين شوية فالطول ... اسد زايد عليه...واخا تاعدنان بوطو ظيال ضو مي اسد طويل ... وديما مخخنزرين معلين حاجبهم بحالا مقلبوين ليهم الباطويات ... اتجه لبيرو جات الكاتبة كتعلمووو بالاجوندا لقاها بلااااااان ديال بصح حيت اللجنة الخارجية سيفطاتلو التعيين ديالو كمدير للمجموعات لوخرين لي فاسبانيا و الميكسيك والدانيماارك و الجزر لقا راسو كولشي تككككب عليه خصو ضروري يمشي فكل وحدة يدير اجتماع مع المدراء ويتعرف على السياسيات شد على رااااسو لان فعلا بزاااااف ....لقا ليوم حجزو ليه طيارة وعندو موعد مع انايدا غاتجي منهاا لساعتيين ... 

نااض سبق بالجولة على لوزينات لي تما باش يربح الوقت ... بقا غي كيتسائل امتى اسد دلر هادشي كااااامل وهو باقي صغيييير وكيفاش كيسير هادشي كامل بوحدو ..... كمل الجولة ديالو ومشا رجع لشركة يتلاقا بانايدا باش يسافر فالعشية ... وصل لبيرررو ودخل مكيشووف فححددد بنادم كيحسابت ليهم معفرين وهوما هاكاك دايرين معنهمش مع البشار ....حط الفيست ديالو فالعلاقة ديالها باقا غي بشوميز طوا ليها الكماام لفوووق ويدو كيبانو مشعرين بشعر خيفف وساعة فضييية فيديه كتلمع... ودخلات الكاتبة 

- موسيو عدنان ... السيدة انايدا وصلات هاظي 10 دقايق .. واش تبغي ندخلوها دابا هي والمحامي ديالها ؟ 

عدمان : وي دخلووهمم ... 

كلس على الحافة د البيييرو مربع يدو وكتافو مطرطقين ... وهوما دخلووو مبتيسمين وهي طاااايرة بالفرحة لي تحقف حلمها ودخلات لهاد لمكتب واخا مكاينش فيه اسد داخلا كتحيد فنظاظرها بتبعكيك ديالها وكتشوف مع المكتتتب و ديكور ديالو .. غي شااافت فعدنان بقات مبهوضة شحال كيتشابهووو .. حيت شافت اسد مرة وحدة فالشركة د لامارر .. رححب بيهم وكلسو فوق ليفوطوووي .. وغي النحااامي لي كينوب عليييهاا فالهضرة و والمسائل القانونية سنياااوو الورااااق كاملييين ... ومشا المحاامي هي وقفات سلمات عليها عينيها لسقووووو فيييييه هازة النشاشة ديالها ... زعما الصهد وهو البيرو كيليماتيزي مي ضروري من العياقة 

انايدا : فغييييمون فغييييمون فرحاااانة بزززااااف ... مبرروك علينااا الشرااااكة 

عدنان : ( خطف يدو مابغات لاطلقها ) نتمى تكوني عندك حسن ظننا وفالمستوى دلمنصب لي تعطاا ليك ... معندنا مانيدرو بمششكل اخر هاد الساعة 

انايدا : اوووووه مون ديو كتهددني من دابا هههه 

عدنان : لا غي الوضوح زوين ... 

انايدا : اكيييد اسي عدناااااان ( كتلحنهاا ) وحتى نتاااا مبروك عليك االمنصب الجديد 

عدنان : متحتاجيش تباركي .... انا هنا غي مؤقت ( كيشوف للملف ويرد عليها ماطلعش فيها تاعينو ) 

انايدا : ااااحم .... اا .. نشربو شي حاجة بهاد المناسبة 

عدنان : اااه ( فرحات تاحلات عنيها وهو يشد الملف ديالعا وشاف عندها ) ولاكن ماشي دابااا ( تجمعات داك الضحكة صعقها ) 

انايدا : ااء . شش شي مشكل ؟ 

عدنان : مساافرر .. ( مشا كيلبس الفيست ديالو ) ... مهم الاعضاء المسؤوولين غادي يزيدو يفهموك مزيان... ومتحتاجيش كل مرة تجي .. كلشي غايوضلك فللايميييل ... 

انايداا : ااااه ... صافي واخا .. ولاك ضرووري كيعجني نوقف على فين حاطة فلوسي بيدي .. ونحضر الاجتماعات اانا مكككنقبببلش نكون عنصر مستتررر 

عدتان : ( شاف عنها ) ممم اخختياااارك ... ( مد ليها يدو ) نتي تعرفي ... تششرفت بيك انااايداا 

ابتسمااات لييه لي نطق سميتها بلا رسسمية حمقاتها شخصيتو وهي كتشوف للمعصم ديالو وشااام دسال الععققررب زوييييين وسلامت عليييه يلاه حطات يديها فيديه خطفها دغيااا .. وهز سوارتو ومشا وهي بقات غي متبعاااه مبتسمة

انايدا جاات عندها لكاتبة وخرجااات بواحد المشية مبعككة ... فرحانة ومععفرررررة فالارجاء زعما احتارمووووني راني مني للمدير خخخ ... ومشات لبيرو ديالها كتشوووف معاه وبدات كتصدرر اوامراها يغييرو ليها الديييزاين ....

عدنان مشا للمنطقة ... لقا غي لامار لي فايقة هبطات عندو هي وقسسم... وقاليها المستجدات ... و علمها انو غايسافر للمجموعات لي برا المغرب .. طلع عند اسد تاني كلس معاه مدة كيهضر نعاع ويودعو ... لانو على الاقل غايغبر اسبوع .. وهبط تاني وودع قسسم ولاماار ومشااا ... وكلسات تما تاتي كتسكت فقسم لي ولات فين ماتشوف شي حد خارج تلسق فيه .... تاهبط سفيااان بشوورط و سبادرين وتيشوت غي معلقة فعنقو طااالق عضاالاتووو وهاز كاغطابل سبور ... وكاسكيط قالبها لوورر ..

لامار : ناااااري مسكتها غي بسيف على عدنااان غاتبكي عليك حتى نتا ...

سفيان : هههه مغغنتعطلش عليها ظغيا نرجع نخرجها معايا ...

لامار : كورة تاالاني 

سفيان : وي عندنا ماتش ... ونجججي نخرج قسسووومتي نتغدا انا وياها على ضوووء الشمووووع... حيت غانتوشحها 

لامار: اودي بحالا تافقتو... تاعدنان سااافررر 

سفيان : وووي راه عيطليا قبيلة 

لامار : شحال غاتبقا تانتا فكندا 

سفيان : معرفتش بضبط امتى تسالي جلسة تصوير ... عندي جوج اشهارات ... هضرتي مع حياااة ؟؟؟؟ لبارح ركبات فجد والديا السكككررر مفهمتش علاش ماباغاش تجاوب راني حالف فداك المشقوووف تانشخشخو 

لامار : ههه بانليا مكتخليكش تنعس هههه ججرب شنو كنتي مدوز عليها مسكينة ... رااه هضرات معاها اشناء وقاتليها غاتجي سيمانة جااية .. غي هنينيا 

سفيان : اوا مزيااااان ... اذن غاااناخد سيمانة تانا بربي داك الشركة لدددخلت ليها وهي مكايناااش ... 

لامار : مممم هادشي عندك مججهد 

سفيان : اوا شنو غير اجي وحب هههه

لامار : غاتعترف ليها ؟ 

سفيان : مدام سمعات اذن غانقولها ليها .... عجبها تزوج وتشد معايا طريق وتصبر على غيرتي وقسوحتي تباركالله مابغاتش غانبقا تابع والديها تاتسالي قرايتها .... اجججي قسوووم واحد البووووسة لعمووو يمشي 

هزهاااا باسها بججججهد تابكاها عنكشها بلحيييتوو ... مهاوشين ... وطلعاتها تلعب حدا باباها باش ماتبكيش عليه عاد خرج مشا .....

حطاتها حدا اسد و اييس كلا المقوتة ديالو وعقموه وجا تاعو عنهم وهي دخلات عندها اريج و بداو يهضرو كام مع اسبرو و رتاج لانهم كانو بجوج فواحد الريسطو 

اريج : فين خليتو شيماء 

رتاج : راها فنيويورك هي .. هاد بوراس جا لهنا غي حيت عندو واحد سطاج ...

لامار : امتى غاتجيييو

اسبرو : اناااا منقدرش تاالعيد الكبييررر بديت دابا السطاج 

اريج : ونتي متجيش لرزقك ههههههه 

رتاج : منتيكم داويين ... علاش مااايفكرينيش غي بابيل مفهتش .. داك نهار فالكام مابغاش تايشوف عندي .. علاش كيدير هاكدا اش درت ليه كاع .... باينا مكيبغينييييش

لامار : مزاال متسرطاتش ليه سميتي كانيش بسميتو ههههه 

رتاج : راه غي كنقولها بضضحك هو سمتو رييكي تاكتنتفقص عاد كتعيط ليه عدنان ... ناااري شحال فيه 

اريج : نتي خربشتيلو رجولتو كاملة اصاحبتي اجججي حرزي زمممررر والله تاولا حنين وضرييييف صراحة ورجووووولة خصك تشوفي كيف كيعامل قسم باينا غايكون اب زوين ... 

رتاج : ممم زيااااان .. نحزرو ماشي شايطة ....

اسبرو : ( عطاها صبع ) هاااكي .. شوفو دابا اش كتقول... وغي يصوني عليها تبدا تغبن وطيحهم بجغامي .. 

رتاج : ( ضرباتو ) بزااااف عليك 

اسبرو : على داك نهار مكنتش كتشلقمي فيدو كون مادخلت كون طيرتيليه شي صببيع ... 

اريج : عررفتي راه دخلات معاه واحد الشرييييكة جديدة هي العنصر النسوي للوحيد لي تما اجي حضي ررزقك هههه غاطير ليك بيه وبقاااي مع الكااااانيش داك ساع هو ينبح ونتي زغرتي

رتاج : شكون هادي ؟؟؟؟؟؟؟؟ 

لامار : اناااااايدا ههههه وااااع كتتهبل بزين ورشاقة وكتعرف تهههضضضررر ومتوااااضعة 

اريج : ناري شكادير لتواضع وكرييييمة لدرجة عطات لفوريان طموبيل مرصعة بالالماس كااااادووو .... ونزيييييييدك ميييييمة ههههه يعني قوادسها مسرحين و عنها خبرة مغايلقاش مشكل ...دجاجة بكامونها 

رتاج : خدامة معاه ؟ 

لامار : ايه الالة وديما غاتكون معاه فلبيرو اصلا بجوجهم غايكلسو تما ههه مقابلين الوجه عند الوجه والضحيكات والغميييييزات

رتاج : تفووو يطلييهااا وانا مالي مادوياش معاكم كاع .. نوض نتا غايمشي عليك الحال شحال غاتجخر فداك لاباااااااي غززز الكاس تاهوووو .... قودو نتوما وياهاا ..انااا عاطية العز لرااااسي مكتهمنيييش تكون لي بغات تكون وانا مالي ماالو حبيبي باش نغير عليه ولا مخليلي توام فعنقي حمد الله صولووووو نقدر من غدا نجيب سيد سيدو .. سميتها انايدا قلتو ؟ عندها انتسقرام؟ نشوفو غاكمراتها 

اريج : مكتهمهاش قالك ههههههه

لامار : غاتجيب سيد سيدووووو هههه

اسبرو : ( كيخرخر فداك لاباي ) سيد سيدو ؟ هادي غي وقفوه قدامها غاتحيب راسها كااااااع ... شششفتي نفدي زبي لي باقي بميييكتو الى غاتعزي راسك نتي نوضي تقوووودي لاتصدقي شادة طيارة دابا وداك عملية د الخصية المعلقة لي كتسناك تخليه تما معلق ما هو ثامل ماهو ب*لاويه ...

قطعو عليهم الابيل ورتاج ركبات فيهاااا القرييينة شكون هادي لي غاتولي خدامة معاه ... طريق كاملة وهي ترهرنن على اسبرو طيباتلو راسو كتقلب عليها فالانستاكرام ..... 

وهاكا دازو الاياام علييييهم .....عدنان دار جولة على الشركات كاملين كل يوماين راه فدوولة ... دوز سيييمااانة ديال تماارة مشافش فيها نعاااااس ... كيدير لي فجهدو تبقااا الشركة فالصدارة وماطحيش بحالا ديااالو ماشي داسد كيخدم منيتو .. وكاع الافكار لي عندو حطهم تما . ... 

ووومن بعددد اسبووووووع كااامل بلياليه و نهوراتو علييييهم .... 

رجع عدنااان للمممغرب اول ماارجع يلاه حطاتو الطيااارة مع التسعود ديال ليل ... مشا لبس تاني عليه الرسمي .... كوستاااار فخم كحححل حيت عندهن مؤؤتمر ..ومشااا للمنطقة كان موحش قسسم ماخلا ماااجاب ليها فليييكادو و الحوايج غرقها العاب كتر ماغارقة ... ومشا تاني طل على اسد على ما توجد لامار حيت خصها تحضر تاهي بصيفتها مديرة فرعية .. لبسات تاعي غوب طويلة بالبيدين كحلة سااااامبل و جمعات شعرها لفوق مع صباط عالي وساعة خفيفة فاليد وكيف العادة زيرو مكياج هازة غي بوشيت .. و اريج دخلات معاها قسم لبيتها كتلعب معاها .. هاد الاسبوع ولات متحسنة ونقصها الردان بزاف تفتحات ليها غي الشهههية ومابقاتش مزاجية .....عدنان ولامار شدو طريق ديريكت لمؤتمر .... كاع ليبيزيس مان جاو يعرفو عليه ... ومجاهمش فرق كبير بينو وبين اسد... لامار بقات غي حداه معنها كانة ماحملاش راسها حيت ديما هاد المؤتمرات كتكون فجنبو هو وفاش كتشوف دابا لجنبها كتلقى عدنااان ... الصحافة كيصورو وعدنان كيحاوب بلباقة على اسئلتهم و المشروبات ضااايرة .. تاكدخل اناايدااا بواحد الغوووب موووف مققققزبة مشدودة غير لواحد الجنب بواحد الوردة كبيرة من الثوب د الغوب ... وجايا كتفرنس وتبعكك.. والحارس الشخصي ديالها موراها ولامار تنفسات الصعداء مافيها لي يدوي معاهااا ..... .

سفيان تاهو كمل الطورناج ديالو ورجع للمغرب بلييييييل معععطططل حدو لاح الفاليييز ووراقو وطاح نعععسسس بسبرديينتوووو مسخسخ .. اريج كانت كطبطب على ظهر قسم لي نعسااات معنقة دبدوب جابوليها عدنان ...وهي تسسسمع الصداع ماااعرفات شكون جااا 

اريج : بحالا شي حد لتخ لباب ؟ يااااك لامار وعدنان فالؤتمر يلاه مشاو ! يكونو جاو ؟؟ ممررضين يالاه سالاو ؟ ياربي ياكما اسد ؟؟؟؟؟؟ 

ناضت لبسات بينوارها مفزووووعة تشوف اش واقع .... وخرجات .. يلاه غاتشعل ضو دالكولوار تاحسااااات شششي حددد هزههاااااا ودددلخهااا لبييييت وشششد لباااااب مزييييررر ليها على فمها باااااش متتغووووتش

تااحسها سكتااات عاد بدا يحيد يدو هي تووسع عينييييهها 

اريج : يوووووووونس ؟؟؟؟؟؟؟؟

نقزات عليه بككل جهدهاااا وهو هززهااا عندووو معنقهاااا كيبوووس فيهاااا وهي غاطييير بالفررررحة 

اريج : نااااااااري وااااش كنحححلم حيااااتي هاداا نتاااااا ( طااارت تاني كتتتعنق فيه) 

يونس : شششش احبيبة غاتيفيقيها ههههه ( جابها قدامو كيشوف فيها و هي مامتيقاش ) توووووحششششتك بزاااااااف اعمممممري وااااخا فييييك سمحتي فياااا ( نزلها عندو خاشيها فيه وهي شدات وجهو غبرو صبعانها فلحيتو ) 

اريج : .. نااااااري علاش ماقليتي وااالو تخخخخلعت معرفت شكون حيت تاحد مكاين .... وعاد قبيلة هضرنا علاش ماقلتيليش 

يونس : بغيت نديرها ليك سوبرااايز ... ( هز ليها وججهها عندو باااااسها ففمهااا مطوول ) تووحشتك ووتوحشت ولااااادي ...( هيبط لكرشهااا فتح ليها لبينوار وكيبوسها شاد خصرها عندو ) ...

اريج : ااااح كتتهههرني ههههه يوووووونس هداااا ههههههه 

هززهااا وحطها على السريير وجا فوقهااا 

يونس : ممممم شنوووو ؟؟؟؟ ( خاشي راسو فعنقها) بديني باحح من دايا رااااا يالاه وصصلت زعمااااا ...

اريج : متكااااش على ككككرشي ناري جاي بعافيتك ههههه.. حبي جيتي نتا وسفياااان؟ 

يونش : مممممم اه ( كيهضر راسو فعنقها كيبوس ) توووحشششت رررييييحتك .. ( طلع راسو فيها ) شششفتي لدييييييلمك رااااااني حالفها فيييك وتقووولي ليااا مزال بغا تكككلسي تاندبح والديك من القنت اقنننت ... زوووجت انا باااش نهضر معاك ونحكو مع المخدددددة الممممفششة .... 

اريج : هههههه ناااري نااااري جاي بعافيتو هههه 

يونس : ( هبط تاني كيبوس فيها شد ليها شفايفها مابغا يطلقهم وتاهي متجاوبة معاه تاداز لعنقها عضهااا بجنون تاغوتات وشد على فمها كيضحك ) ششششش غاااتفيقي اابنت هههه

طلع راسو شاف عند قسسسم وقررب حداها بشششوية باسها على راسها وباسها فيديداتها 

يونس : تووشحت هاد الغزااااالة ... شحال زوينة وهي ناعسة ... على تعنيقة دايرة لهاد الدب 

اريج : يالاه جابو ليها عدنان من الالعاب كاملين شداتو غي هو .. 

تكاااا على يدو ميشوف فاريج 

يونس : علاقتو هو ولامار مزيانة ياك 

اريج : لا للاااا نساااووو كاع الماااضي ...( شدات وحهو ) والله حتا توووحشتك بلااااا قيااااااااس ... 

يونس : نتي لي بغتي اش غانديرلييك ( جبدها عندو طلعها فوقو كيبوس فيها وكيييحل لبيينوراااا ويدوز يدو على كرشها ) معدبييييينك ياااااك ؟؟؟ 

اريج : ههه لااااا ..هاد سميانة مزيااان فاتني الحال ... 

يونس : ( خشاها فيه كيبوس بوسات مبعثرين فانحاء عنقها وصدرها وكيهضر ) بغيت غير امتى نشوفووووهم كيدااايرين ... بغيتوهم بنوووتاااات يحال هاد ااقمر ( لقسسم ) 

اريج : انن شاااءالله ... تانا كنقيل نشوف فيها باين غانجيب بحالها ...

يونس : خليلي سنفووووورتي غاااتكبر الكريييشة غاااتجي معاااااك اريييجووو ....

اريج : هههه نوض نوووض خود ليك دوووش ترتااااح غاتكون عيان 

يونس :لااا ماعيانش باقي قاد على واحد الخمسة نوصلو بيهم الفججرررر ونعس 

اريج : لواااااه عششششرة ....

يونس : انا جاااااي ليك 

باااااسها ونااااض يدوووش وهي غي كضحك فرحانة ناضت كتحل ليفاليززز توجد ليه حوايجو وتشوف اش جاب ليها فليكادو ...

لامار وعدنان كهماتهم انايدا بالهضرة تاقربات لامار لعدنان بالحس 

لامار : عيييت يالاه نمشيو هاد خيتي مغاطفاش 

عدنان استأذن منهم غايمشي والصحافة جات تاخد الصور الاخيرة و انايدا تخشات حدا عدنان كتتتقززززب و تبووووزااا ... عاد مشاااوو لدار وصلها حدا لباب تنزل ..

لامار : طوموبيل دسفيان كانت محطوطة لهييييه اش جابها لهنا ؟ 

عدنان: يمكن وصل تلاقاوه بيها الكارد .. قبيلة قالي راني نازل من المطار معاه تايونس 

لامار : بصصح ؟؟؟؟ .. مزياااان توحشناه نيييت ... مسهم تصبح على خيرر اخوياااا وشكرا ...

عدنان : منعاودش نسمع هاد شكرا ... بوسليا قسم تالصباح وندوز نشوفها باقي مشبعتهاش ... 

لامار : صاافي هي نتسنااااوك للفطططووور ؟؟؟؟؟ 

عدمان : مممم ... ( بدا يفكر واش معندو والو ) دااكووووغ صافي ... غانجي ....

لامار : يلاااااه كود نايييت ... 

نزلاات هازة صاكها وطلعات بغات بنتها ساااعة حشمااااات دق عليهم ...كاااتشوف ضو باقي مشعووول عارفاهم ماشي ديال الله الله ومشات لبيييتهااا حيدات حوايجها ودوشاااات ... لبسات غي سيرفيت بغات تنعس وهي كتشوف لكونة د قسم خاوية والو حسااااات متقدرش تنعس لاماكنتش حداها وهي تسيفط لاريج مسج ....

لاماار : اداك الهييشة بغييت بنتي ... شوفي كديري تجيبيها ليا ....

كتباتو ومشات تكات حدا اسد شاعلات تلفازة دارت فيلم .... وهزاااتت يدو عنهاا وهي تققفففقززززز وشافت عندو وحطات وحهها على وججههووو مخلوووعة ...

لاماار : ااسسسد ؟؟؟؟؟ ( مخلوعة ) اسد حححبيبي ماااااالك ؟؟؟؟؟؟ ... اش هاد الحرررااااااارة ياااااربي طاااااايب .. 

ناااضت مخلووووعة كتقييس فيه و فداتو كاملة ويديييها كترعدو و كككككتبببكي .... ومشات كتقلب كي الهبيلة على مييزان لحرارة دارتو ليه لقات 41 تخلعاااااات ... كااان سخووووون بزااااف ... ومشات كتتتتجري لتيليفون عيطات لطاقم ديالوووو وهي كتتتتغززل بالخلعة تالممرضين هبطو ينعسو .... بدااااات كتتتبكككي بججهد وتبوووووس فييديييييه مخلوووووعة .. وهوما جااااووو كيييجيريووو ... طلللعووو لامار حلات ليهم باب الحناح كتتتغووت بالخخلعة و خرجووهااا لبرااا ... 

وسفيان ويووونس خرجو كيجرووو سمعو صداااع ماعررفووو اش واقع 

يوونس : لاااماااررر ( سلم عليها بالخف مخلوع ) مالك اش واقع .

سفيان : اشش كاااااااين ؟؟؟؟؟؟؟ 

لامار : اسسسد .. ا اسد .. حراااررتو 41 ... طاااااااايب ييييدييه كيحرقوووووو .. معرفتش شنووو هااااادششششي ... ( كتبكي وتتررعد وجرها سفيالن عندو كيسكتها ) 

سفيااان : ششششش مغايكون وللو ششش تههههدني .. عااااادي يطراو بحال هاد المسائيل راه مريييض زعماااا ... 

ارييج: يااااااربببيييي تنجججججيه علاش ترتفع ليه الحرارة دغيا ...يلاه خرجو منعندو الممررضين ملاحظو والوووو ...

يونس : تهدددنو دابا ماتسبقوليناش الخاايب .... واش موالف الامار كتغير درجة الحرارة ديالو ؟؟؟؟؟ 

لامار : لااااااا لاااا عمر تبدلات فيه شي حاااااجة منهااررر دخل لهاد الكومة وهو بارد كي ثثللج .... عنداكم تووووقع ليه شي حااااجة ولله حححتاااااا نحمااااااااااق ( كتتتررررركل هبطات الاررررض كتتتتتتتبكي)

يونس : اش كااتقوووولي .. مغايكون وااالوو نشاءالله.. ماااتخلعييييش

خرج دكتور من عندو وتلاحت عليه لامار غايسكت ليها القلب بالخلهة 

لامار : دكتورررر مال رااااجلي ... شنو عندو ؟؟؟؟؟

سفيان : ياااااك لابااااس ؟؟؟؟؟

دكتور : عادي عاااادي معندكم مناااش تخااافو .. راااه هادي حاجة ايجابية ....مزياان لي الجسد ديالو ولا يصدر اشاارااات وييتغيير مع الطبيعة ويتحسس بالبيئة لي ضايرة بيه ... مرةة مرةة تقدرو تشوفوه حرك شي حاجة منو ... يقدر ييرممش .. عاااادي مخخخصكمش تخخحلعووو ... غي الجسد كيتحسس للبيئة المحيطة به من جديد وكيتسعد الخلايا الحساسة ديالو .. 

لامار : كيييفاش ززعمااا ؟؟؟؟؟؟؟ اشارة على انو غايفييييث ياك ادككتور 

دكتور : مااانبغيوش نعطيوك امل فارغ .. ولااكن الغيبوبة لي كاتكون طويلة المدى وكتعدى شهر ... عادي يوقعو فيها هاد المسائل ماش غي الحرارة .. راه يقدر يحرك ييديه .. راااسو .... كيف قلت يرررمش كااع بعينيه ربمااا ... اما امتى يفيق راااجع للدماغ ديالو منقدروش نحددو حنا ...

يونس : دابا حالتو مسقرة مكاينش شي خطر عليه ؟ 

دكتور : لا لاااا غير تهناااااو مكاين تاشي خطررر ... الممرضين معاه و راه عطيناه ايباري غايهبطو الحرارة ديالو ... ماتخلعوش على قبل هاد الامورررر ... 

لامار : وامتى غانننعررف رااجلي فاااق ادكتوررر مدام غاييرمش كاع ويحرك يدو ومايفيقش ( بالبكا)

دكتور : غاايحل عيينيه طبيعاااا مدة طويلة ماشي رمشة .. غايشوف للعند للشيء مبااشرة ... ملامحو غايتغيرو .. خطوط وجهوو .. بحال الشخص فاش كيفيق من النعاس ... راه فنعاس يمكن يتقلب يمكن يتحرك ... ولاكن الاستيقاظ بوحدو... مهم سمحوليا خصني نمشي دابا ... ممرضين غايبقاو نعاه تاتهبط الحرارة ديالو باش متبشش ليه شي تأثيرات

يونس : ششكرااا ليك ادكتورر ... تففضل ...

سلم علييهم ومشا وتا الطاقهم خرج ... عاد كلسات لامار على واحد الفوطي تما فالكولوار كترد النفس شادة على قلبها بحالا مشاااات من دنيا وجاااات .. 

سفيان : مخصكش تبقاي تخلعي من هادشي الامارر راه عايش ماااشي ميييييت بسيف يتغيرو فيه بزاف دالحوايج 

لامار : كولشي تعمر عليااا... الفرحة ديال يمكن صافي غااايفيييق ... والخخخخخلعة تكون طرات ليه شي حاجة بغييييييت نتتتسطا ... 

يونس : ( كلس حداها ) مغايطرا ليه والووووو وعائلتو فججنبو .. حسبيه بحالا غي مرتاااح ناعس وعطيه وووقت تااايبغي يرجع على خاطر خاطرو حنا غانبقاو نتسناوه وعمرنا نملو وراه زعما قلتهاليك لبارح فتليفون ومسعتيش هضرتي ... ماتبقاش تفكري غي الافكار السلبية 

لامار: ( شافت عندهم ) على سلاااامتكم بعدااااا .... تفززززعت مابقيت كنشوف لوالو كيف وصلتو بعدا بيخير .. مرحباا ايونس ... 

يونس : ماشي مشككككل .. سيري دابا تنننعسي و خوي رااسك من هاد الافكااااررر الخايبة ... وخليك حدا راجلك راه مغايمشي تالشي بلاصة ويسخا بيك ووبنتو 

سفيان : وي نوضي تنعسي حسن .. وماتخلعيييش ... 

نااضت و تاهوما دخلوو معاها شافوه باسو على راسو توووحشوه يونس حتا جاوه دموع بقا شحال كالس حداه شاد على يدو وسفيان واقف كيشوف فيه ولاماروناعسة حداه كتبكي و تنخصص باش تحححبسها .. 

سفيان : وصااافي الامار حسابتك مكيحسش ولا .. مغايبغيكش تبكي بحال هاكا... نوضي غسلي وجججهك ... نوض ايونس تنعس ماديروش هنا كنااازة ... اسد خصو غي الوقت دابا يرجع حسن منلي كااان 

لامار : ( ناضت كتسمح دموعها وتقوي راسها ) نووض ايونس تنعس غاتكونو عيانين بطريق تعطل الحال ... اريج حبيبة عفااااك جيبلي بنتي .. 

ناااضو خررجو واريج جابت ليها قسسسم .. ورجعو لبيتوهم ينعسو وااخا طااار ليهم بالخخخلعة ... سفيان شعل كارو وخرج البالكو كيتنهد .. ولامار بقات تمااا كتسنا لممرضين يخرجووو .. شاداليه على ييدوو حاطاها على قلبها حساتها بردات شوووية ... وغي كتبكي مابغاتش تسككت وكتبوس فيديه تامشاااوو الممرضين قادو كولشي و اجهزة الانذار لارتفعات تاني .. ونعساات على صدروووو عمراتو بدموع 

لامار : خخلعتنييي عليييك ا اسد ... حشومة عليك احبيبي ... ( كتبوس فصدرو ) كيغانيدر انا نعيش يلا بيك كيييغااااندييير .. بسيف مصبرة راسي بججثتك البااااااردة ما كون راااني حمااااقيت .... 

بقات معاه مابغاش يجيها نعاس تاسنعات تليفون وهي تخطف شافت لنمرة لقات عدنان تخلعات علاش غايصوني فهاد ليل ؟؟؟ 

لامار : عدنان ؟؟؟؟ 

عدنان : ختي لامار سسممحلي صونيت هليك فهاد ليل ماقيدتش نصبر ... بداو يجيوني شي احلام على اسد طيرو عليا نعاس .. خويا صافا ؟؟؟؟؟ راه محيدش من بالي ؟ ياكما واقعة ليه شي حااااجة ؟؟؟؟؟؟؟

لامار : ( حبسات البكية باش ماتخلعوش ) ل ااا لاااا م مطرا وااالو 

عدنان : متأكدة ؟؟؟؟؟ صوتك معجبنيش ؟ مال اسد ؟؟؟؟؟؟ 

لامار : راه قتليك مطرا والو ... غي حيت يلاه فايقة من نعاس ...تهنى راه مكاين والو والله 

عدنان : دااااكووغ ... سسمحيلي فيقتك ... تصبحي على خير .... 

قطعات عليه وبدات غي كتبكي دغياااا حس يخووه ... وتكات حدا اسد تنعس .....و عدنان غي كالس فصاالووون عريااان لابس غي شورط وكيتنهد ... اش هاد الكوابيس .... وناض لبيتو مع عندو مرايات طوال بانليه كتفووو وبدا يقيس داك الاسم لي موشوم فيه وكييتتتسم ... ورجع تكا ففراشو جبد تاني تصاااوورها كيتفرج فيها ... تاداه نعاس ... 

جااا صبااااح جديد ..... 8h20

سفيااان مع طار ليه نعاس بالخلعة على اسد مرجعش ينعس كاااع ليل كامل هو سهران مع الكاااررووو نعس يالاه نص ساعة بالحساب وناض دووووش عليه يصحح صلا الصبح ومشا يقلب مايلبس كيحك فشعرو ...عارف ليوم الاثنين غاااتجي حياااة ... حيت عندهم اجتماع مهم مع التسعود مييمكنش ماتجيش .. لبس عليه سروال بلو نوي و شوميز بلو سييل مطرطقة عليه وكرافاط رقييييييقة ... مع ساعة و صباااط انيق قاد شعرو لواحد جنب .... ورخرج كان كوولشي ناااااعس وهبط فدروج كانو كينطوايو الخدماات نطوياج ديال صباح ابتسم ليهم وجات عندو رجاء 

رجاء : موسيو سفيان فطورك واجد نحطوه ليك 

سفيان : مزال فاق حد !! 

رجاء : لا مزال اسيدي 

سفيان : مزيان .. انا غنفطر برا ... 

خرج كيشوف لسعتو معطططل على الاجتماع ... باقي ليهم نص ساعة ... بحرا يوصل ... دييمارا طموبيلتو وداز على ريسطو هز معاه قهوة كيشربها فطموبييييل وزاد لشركة مخبي عينيه بنظاظزر مااارون حيت صبحو منفوخين بقلة نعاااس ... وصل لشركة ومشا ديريكت لريسبسون حيد نظاظرو وياريتو ماحيد كاع لي واقفين تما سهاو فعينيه الزجاجين ....

سناء : صباااح الخيير سي سفيااان على سلامتك 

سفيان : افييين الحووووب ... حياة جات ؟ 

سناء : لا اسيدي مزال .. ولاكن راه شوية وغاتجي ... 

سفيان : سووووبر ... الاجتماع واجد 

سناء : اه اسيدي .. باقي ليه 5 دقايق ... 

سفيان : مزيااان ... بسلامة اغزاااالة 

ضربها لينبفها وطلع فسانسوررر ديما باسل معاهم ... ووصل لكلوار فين كاين البيررو ديالو وشاف لبوسط ديال حياة وضحك بشششررر قرب يشوفها كالسة تما ويخررج منها الزيت تاني .. ضحك لكاتبة ديالو ناشط ودخل لبيرو كيوجد لراسو الاجتماع .. تادقات عليه الكاتبة ... 

- سي سفياان ... لاصال واجدة .. 

ناض هز وراقو ومشااا لاصال كيقلب بعينيه ماابنتش ليه كرسيها باقي خاوي حيت وجودها ضروري هي لي كتنطق باسم لامار وكتقيد اش فاتها فالاجتماع باش تكتب تقرير ....وابتسم ليهم وكلس .. كيتسناو رئيس القسم لي مترأس الاجتماع يجي ... وبقا كيلعب بستيلووو ديالو كيتسنهاا هو غي حياة تيااان توحشهااا ..... 

حدا باب الشركة ..... 

وصلاتها طاااكسي ... حبسسات .. وخلاصتها .. وحلات الباب تنزززل وضرب فيها داااك الريح شعرها كااامل داه ... كاع لي كانو اقفين فباب الشركة ضارو كيشوفووو ... نزززلات وشدات للبااب بشوووية ... وحيدات نظاظرها دارتهم فوق راااسها ... كانت بميني كحححل طااالع بالصداااف حتا لسرة .. ومعاه ليباموووس و صبااااط عاااالي ككحححل و شوميز مخشية فالميني ازرق ملكي ثوبها مهلهل ومعنهاش يدين ... صددااف الفواقا كاع مفتوحين جييهة ااصددر لي مقنبل لقداااام و الميني مزيييرررر على ليهونش ديالها و الطرمة لووررر مرطططقة واااقفة ... و فعنقها شااال خفيف معقود كحل و هازاا بووشييت كحلة وظفراانها طوال مصبووغيييين بالكرووونة و فالسبااابة جوط خواتم رقاق حدا الظظفر ... ششعرها كولو مبووكلي مقطع كوووب على طووولتوو كحححل ناصع كييلمع ...مطلوق حتا لخخصررهاا و لافرووونش كيديها الرييح .. عينينهااا مخدووومييييين باتقاااان ... الايلاينرر مجججبددد رقيق وشفااررر كثيفيييين وعكككررر كرووونة و هايلايتر .. وحلاقات رقاق كوحل زااااادت كتمختترر وكولشي عينيه لاسق فيها كيتسائلو شكون هادي ؟؟؟؟؟؟ ماشية بثبااااات و مععفرة مكتشوف لحححدد وايتسااامة خفيفة على شفافيها وكولشي مزززززلع فموو فييهاااا وفلاطااي ديالها المثيييييرة وشعرهاااا الفااااتن ... ودخلات لشركة تاني كولشي كيلتتتفت ... وكيسول شكون هادي واش دخلات جديييدة ؟؟؟؟ طلعات فساانسووررر ومشااات كتتمختتررررر وكاع البنات كيشوفو فيها وكيشبهوهااا ... وشي غيراااان منهاا حيت كتباان قنننننبلة داك الشركة كاملة ... تاوصلات قدام البووسط ديالها حطات لبووشيت ودارت لابروش ديالها فجنب شوميز لي فيها سميتها HAYAT FADIL وهزات ملفها ومشاااات لصاالة الاجتمعات دقات استأذنات بالدخول ...حلات لبااااب وكولشي الللتتتفت كيشوفو فيهها كيطلعوه ويهبطو وسفيااان ضربو البرفاااان ديريكت طلع عييييينووو هاااازها من رجليها لراااسها وهي ممممبتسمة ايتسامة خطييييييرة غي بجنب فمهاااا كتقلي فيه ااااااااخر عررررررق......

يتبع ...