يونس : هااااكداك قوووليااا ؟ ( شاف عند حياة ) وبرديها اختي وصافي .... بيناتكم حنا هنا حد مكيدخل فلاخووررر ... ختاريتو بعضياتكم شغلكم هداك
حياة : ( غير كتشوف ) مختاااااريت حد انا
ولاااات ححمممرة ويوني كيشوف فسفيان ويضحك كيشوفو جات نوبتو .... نزلات عليها هي الححشششمة ولات مزنكة ما عدنان مكيهضرش بزاف غي كالس وكيشوف فيهم داير بحال اسد معنهم مع قوة جموع ... مانقدها من داك الموقف غا تيليفونها لي صونا
حياة : ش سمحولي نوض نجاوب ..
سفيان : شكون كيوصني علييك.
حياة : غي سااارة شكون غايصوني علياااا ( ناضت ماشية ) وووي ساااارة .. لا اختي راني عند لامار ...
مااشية و كتهضر دازت من حداه وهو عووج راااسوو متبعها من لور كيشوف فدااااك السروال كييييييف مطرطق واريج كضحك عليه داير ليها واحد شووووفة ديال هادوك لي كيوقفو فراس درب يتزللو على لبنات ... غا سفيان مطططلع حاجبو معاجبوش الحااال ...
هبطااات لاماارر وقسم .. هبطات معاها تا ايييس .. و طلقاتها كتلعب معاه و كتحاول توقف مع ليفوطوي تاجات حياااة دازت من حداه باش ترجع لبلاصتها هووو يجججرها لعندوووو كككلسها حداااه معنقها ... حشماااات فحوايجها عند بالها كيشوفو فيها ولا حشومة ...هوما عنندهممم عاااااادي كل واحد باش مشغول ... طلعات عينيها فسفيان لقاتو كيشوووف فيييهااا وهي تهههبطهم ... معنقها حيد ليها داك الكاسكيط كيلعب فشعرها بصبعااانووو ومركز معاهم كيهضرو .. غا هي لي غاااطرررررطق تماااا ماهوما ألييييز كيهضرو ...
يونس : داااباااا يفيق اختي و تنساي كووولشي .... و الله تاطللعتي صباااارة معندي مايتسالك ....
عدنان : معندهاش خيار اخر ... بنتها محتاجاها
يونس : ولاكن اعدنان انا لي عشششت معاهم ... عنهم واكد العللاااقة فشششكل ... اقل تفصييل فيها كيرد ليه لبااال ... صراحة اي واحد ميقدرش يصبر يفقد اهتمام بححال هاداك ...
عدنان : هاااااحنا معاها ... فاش ماحتاجتنا مرررحباااا ...كندير لي فجهدي باش قسم ماتحسش بشي نننقص تايرجع ليها ....
سفيان : والله ونوقفو معاها غشرين بينا .. لاعوضناها تا الربع ديالو الله يهديك ... حنا برلسنا محتاجين ليه ... راه تاكلسة مكتتتكمل لييينااا
حياة غي سكتات وضورات راسها لزاج حرااام واش يتغلب ليها فالهضرة .. وبدات غي كاترمش من شحااااااال هادي وهي كتسنى وتمنى هاد الهضرة ودابا خايفة يكون غر طامع فيها بحال لبنات لخريييين .. وفنفس الوقت باقا غضبانة من داك الدق لي عطاها وسط الخدمة وحالفة تندمو عبيه .. واخا هاكاك قلبها فرفر مع هضرتوو تاسمعاتو
سفيان : حيااااة
حياة : مم ؟؟
سفيان : شكووون لي قاليك لبسي بحال هاكدا ؟ شكون لي وراك هادشي
حياة : تاااااحد .. عججججبني وصافي .. وااش حسابتك مكنعرفش نلبس بوحدي ولا شنو
مابغاتش ترد عليه تاوصلوو قداااام واحد رييسطوو لي غايتعشااوو فيها ... ونزلوو مجمووعين دخلو كانت طابل ديالهم مججهزززة على برا فواحد لبسباس زويييين ... يونس كيف العادة بلباقتو كيجر ليها الكككرسي ديما ... ما سفيان معندو عارض غي ككللس .. وحتى هي كلسات حداه ... و تعشاااووو فجووو هادئء كيتخللو حديث طريف ومواضيع متعددة اغلبها على اسد ....و عدنان مكلس قسم على طبلة مقابلة معاه كتعض فالمصاصة د لبيبرون ديالها بسنانها كياكلوها ....
اما لاماررر غي مخشية حدا اسد وكتشوف فيه وتدوز صبعانها فللحييتووو حتى كيغبرو وترجع تخخرجهم .... و فلخر هزات يدو باستها وحطاتها على وجهها
لامار : اسد ... واش مزااال باقي باغي تختبر فالصبر ديالي مم ؟ ... عييت والله تاعييت ... كل صباح كتقول غالقاك فايق و كنخيييب شوف سحال دازت من صباح دابا .... اول حاجة وليت كندير هي كنشوف لعينيك واش تحلو .. توخشت غي تفيق على حظنك و صوتك المبحوح .. صعيبة تكون عابش فحاجة و تلقا راسك مرغوم تعيش خاجة اخرى و تبدا تأقلم مع عادات جداد بلا خاطرك ... حبيبي نتا عارفيني انا شنو كنسوا بلا بيك ...وااعدتني و ماوفيتيش .. واعدتني تبقا ديما معانا .. بنتك توحشااااتك بزززاف ... ولات كتشوفك فعدنان تصوررر !!! ... نتا غي معانا ومقادين نديرو ليك والو ... هانتا حدايا وكنحسك بعييييييد .. فشي بلاااااصة انا كاع معارفها كتشوف فيا تانتا من بعييد وماقادينش نقربو ... واخا كنشد فيديك ... كنحسهم خاوين .. جسدك خاوي مافيهش اسد ... فين مشيتي ؟ فين غاتكون دابا ؟ ... كلنا كنضحكو كلنااا كنخرجو ... كلناا كنتأقلمو ...ولاكن تيقني مور كل ضحكة ... القلب حزييييين ... كل واحد فينا فهاظ الدار مزال مضحكش ... اخر مرة ضحكنا فيها كانت هي المرة لي فطرنا مجموعين ومشينا لدار ماما ... من تما ماشفناش الضحكة...هادي لي كنديرو مخارجاش من للقلب ابدا .. لان القلب باقي حازن .. ومكتحلا ليه تاحاجا ونتا بعيد ... خوك عدنان ديما كيجي عندك ويهضر معاك بزاف شي حوايج مايقدش يقولهم لينا ... ومايقولهمش ليك حتا نتا لا كتتي فايق ... كيعاودليك كولشي... سفيان كدالك ... كيجي يكلس حداك هنا ... ويبقا مدة كيشوف فيك .. كنحسو كيهضر غير بعينيه ... اما يونس ماعرفتش مالو مكيبغيش يشوف فيك ... ومكيبغيش تايكلس فششي بلاصة مولف يكلس فيها معاك ... وكيبين بلي هوووو لي قوي فينا ووصباااررر زعما .. ولاكن دموع قلبة كيباااانو واضحيين ... ( تنهدات ) عييت مانمثل .. عيت مانبين راني متأقلمة .. عيت مانبين ليهم راني ام وزوجة قوية ... ولاكن واحد نهار غاتخرج من العاااشقة ديالك و حبيبتك لي متقدرش تعيش بلا بيك وغانفجر ونضرب كولشي فزيرو ....الصبر كيتقاضااا ... خايفة على بنتي داكشي عللش مغلفة راسي بغطاااا قاسح ... وبسباب الوعد لي عطيتليك اني نتهلا فيها ...هادشي غلاش باقا واقفة على رجلي ... مانا توووووحشتك بزاااااف آ اسد ( كتكبي ) تووحشت حححضنك .. توحششتك ونتا كتزعف عليا ... هضضضضرتك والبحة دصووتك عينييييك الغاارقين .. شفايفك كيتحركو .. مشيييتك ... توحشت كولشي فيك .....
بدااات غي كتبكييي على صدرو كاع داك الصبر لي كتكون مصطنعة حداهم كيجي حداه كيتلاشى ....
--حتى انا ... حتى انا احبيبتي توحشتك بزاف ... وتوحشت نحرك يدي ونشد فيديك .. توشحت نضضمك ... توحشت نشد على صبعانك ملي تشبكيهم فيدي ....كنتحرق من داخل ملي مكتقدرش ...كنتحرق ملي كيكونو دموعك سايلين عليا ومقادش نمسحهم ... ياك ديما كنقوليك ماتبكيش دموعك غالين ؟ عارفاهم نقطة ضعفي مع دالك كتبكي ؟ علاش كتحرقيني بيهم ... باغي نرجع ... ولاكن مكتبانليش الطريق ... معرفتش علاش هاد ضلام كامل .. مكنشوف والو ا لامار هنا !! كتشوفك غير نتي فاش كتجي و شفافيك كيبانولي وسط ضلاااام كيتحركو ويخاطبوني ... عينيك ... كيبانولي عامرين ب الدموع ... كنكون فواحد الظلام قبيح ..... كتجي بحال القمررر و كضوي ... وترجعي تمشي !!! علاش كتمشي ؟ فين كتمشي وتخليني ؟ ... فين بنتي ؟ تاهي كضوي عليا .. علاش مكيناش ليوم معاك ؟ مسحي دموعك ...باغي نشوفك مرااااة ... نتي قوية ..ماتحرقينش بدموعك كتر من هاكا .. حبيبة راه باغي نشد على يديك مكرهتش .. ماعرفتش علاش مكيبغيوش يتحركو صباعني .. مالهم ؟ باغي نوض نهز قسم من الاارض حيت كانت كتبكي ونتي كنتي فدوش ... ماقدرتش ... علاش عدنان كيبكي ؟ علاش كتبكيو ؟ علاش لي جا عندي كيبكي ؟ .. واش كصنو بدموعكم كتخففو عليا !!!!
حبيبي الأصم الجزء 227
محتوى القصة
التنقل بين الأجزاء