خرج يعقوب واميرة فرقاات رجليها وعطاتها لبكى كترعد بوحدها والحكة غلبااهاا
هبط يعقوب مع الدروج وهوا كيدوز المكالمة.. كان الحوار بالفرنسية ... غادي وكيهضر لقا صيدلياات سادين رجع لدار وطلع فطوموبيل وزاد.. حتا وصل لوحدة لقااها حالة. خدا من عندهاا شي دواء ورجع بسرعة... طلع لعندهاا لقاهاا مزال فبلاصتها كتشهق وكتقزقز بالبرد ومقدراش تلبس حتا سروالهاا
يعقوب : يلاه حبيبة نوضي معاااياا لحمام
اميرة : علاش
يعقوب : ونوضي خلاص
لوات اميرة عليها داك ليزار وخرجت كتجر رجليها وهوا شاد فيها حتا دخلها لحمام
يعقوب : هاكي شدي هاد الماء توضاي بيه دابااا بيدماا نوجد ليك دواء لاخور
اميرة : واش نديرو مع الماء ولا كيفاش
يعقوب : لا غا كبي فيديك وبدااي بحالا كتوضااي عادي غيبرد عليك
اميرة : واخا
يعقوب ؛ ودغياا
اميرة : واخاا تخليني نتوضى فخاطري عفااك
يعقوب : (بجدية ) انا راه ممسليش داباا باش نقيم عليك ولاا باغي حتا نقيسك توضاي باش ترتاحي وتخفاف عليك دغدغتيييه بالصابون د ريحة والحكان كن غا غسلتي بشموان ديالي حسن من الصابونة ولا غاا بالماء كااع.. جلسات اميرة فوق لاساش علات ليزار غطات غا من قدام قبالت يعقوب وبدات كتوضى بيه وهيااا كتوجع ودموع هابطين بالحس باش يعقوب ميعليش عينو فيها.. هوا كان مشغول هز بانيو د التصبين غسلو. وكب فيه الماء دافي وكب فيه سوائل جابهم من الصيدلية خلاهم وعلى عينو ف اميرة
يعقوب : وشداك تسولي على هادشي . غنجااوبك ومرا خرا متسولينيش سمعي ديك السيدة الله يرحمها انا نقدر نقوليك صافي من واحد جانب ديال الحب وكداا نسيتهاااا فمراا .. ومن جانب اخر بنتي صافي اماا هياا بحالا عمرهاا مكانت كااع باقي شي حاجة خرا
اميرة : لا صافي
يعقوب : صافي عشتي مبقيتيش مريضة وكتوجعي
اميرة : لا والله حتاا مزال كنتقطع بالحريق غا سولتك
فاطمة : اناا بنتي خرج عليها ولدك عمر ليهاا كرشهاا وطلقها ودابا هاهياا ترزيت فيهاا ماعرفتها شمن قنت شدت ولا فين طجت وغداا عندنا الجلسة خرجو لياا بنتي ولا والله اليوم نطيح روح
راضية : (بهدوء ) ضوري دار كلهاا الا لقيتي بنتك هاهياا ديهاا بلاما تفرعي ليناا راسناا
فاطمة : والله حتا نجيب ليكم البوليس ونطوفكم على هاد العذاب لي عذبتوني وهاد الشوية لي شويتوني فبنتي
حنان : جري طوالك ولا ميعجب حال بغيتي صواب حنا ماليه بغيتي خزيت حناا لي كنقريوه لناس ماشي غير ساكتين وحاذرين راس راه خيفانين منك.
فاطمة : اييه زيدووني .. فالأول قتلتو ولدو وشويتوني فيه وشحال وانا هازة بنتكم عندي ولكن سركم هانتوماا فين قلبو على لي يهزهاا ليكم من هناا تبقاا على طول الأياام هجالة ونتوما ديرو فالبخوور باش تلسقوهاا لشي مسخوط لواليدين
فاخيته : (دارت يديها على جنبها ) بنتي بزااف عليك فمك لاحسو كلب بنتي تزوجاات وراها ففرانسا مع راجلهاا كيتك نتي صغيرة وجايبة ليك كرش معرفنااهاا منين وجايا تلسقيهااا فيناا اما بنتي تزوجت بها..... الله يرحموا بلاما نذكروا بالعييب. ولكن بلاما تهضري على بنتي الا لحقتي غاا الوسخ ديالهاا لحسي الأرض ترررر يااا وليدي هههه حقة قالت غتبقاالي هناا تزوجهاا سيد الرجااال عندو شخصية وعائلتو شهواا منهم تشهى غاا تجلس حداهم . وهانتي الا كذبتينااا اجي نوريك تصاااور وخرجي لعند جيران يعطيوك الخبااار.. ماشي بحال فمك خانز تقول كلب بال فيه وعطات الزفورية ديالو
راضية : سكتي نتي شوفي فاطمة خرجي بحالك عليناا دري سيرو قلبو عليه قتلوه ذبحوه سجنوه بينااتكم ماشي حنا لي صيفطنااه وكلت عليك الله فهاد الطعنة لي كطعني فينا .
اميرة : اه نلبس غا صباطي ونهبط موراك . هبط يعقوب فالأول طلع فالطموبيل كيمسح فيهاا من الشتواا .. عاد هبطت اميرة موراه لابسة نفس العباية زيتي مع الأكحل . ولواة على عنقها شان من البرد شدت الباب ويعقوب حليها باب طوموبيل طلعت حداه وسدتهاا وديماراا.. غادي مع الطريق
يعقوب : دابا مزيان على بارح
اميرة : اه الحمد الله
يعقوب : ملي تكوني كتمشااي متجمعيش رجليك سيري عادي وبشوية باش ميبقاوش فخاضك كيتمحزوا مع بعضيااتهم راه طيب ليك اللحم وتولي ليك البلاصة كحلة ردي بالك مزيان. وملي نكونو راجعين ناخد ليك واحد الكريم بقاي دهنيه ملي تجي تنعسي باش حتا داك شوية دالكحولة لي عندك تحيد
يعقوب : المهم هاحناا وصلناا لشارع مكسيك.. غنباركي طوموبيل هنا ونتمشااو شوية صافي
اميرة : اه واخا
يعقوب : (خرج ) يلاه هبطي حبيبة
هبطت اميرة شد ليها يعقوب فيديهاا وبقااو غدين فداك الشارع طويل... "مكسيك"
تما مأكولات شعبية وبوتيكات وخضارا كيبيوا دخلو لواحد المطعم لقاوه مخلط. ومشاو لواحد اخر صغير وزوين المنضر ديالو وخاوي جلسوا تما ..
.... مرحبا بيكم عندنا شحاب الخاطر
يعقوب : بغيتي شي حاجة شنو تاخدي
اميرة : معرفااش
يعقوب : المهم غا سير انا نرجع نعيط ليك
...اهاه واخا مرحبا...
مشا راجل ويعقوب زاد عند اميرة
يعقوب : مالكي شنو جرا ليك تاني
اميرة : معرفتش شنو عندهم تلفت اش غنقوليه
يعقوب : كلشي كاين وحتا الا مكانتش ها باتيسري حداهم وكلشي موجود قدامهم
اميرة : كنشم ريحة دالحريرة
يعقوب : بغيتي حريرة شهوتك فيها قولي
اميرة : اه مكرهتش
يعقوب : (همس فوذنها ) يجيبوهااا لقطيطة ديالي علاش لاا.
شير ليه يعقوب جاا عندو
يعقوب : شي جبانية دالحريرة منداكشي الرفيع اه وتكون كبيرة
اميرة : ههههه
يعقوب : (نعت ليه بعينيه ) وشي طاجين مشحر الله يحفضك
.... بزيت العود ؟
يعقوب : ضروري وكاامون
.... هيا الأولى
مشا السيد ويعقوب عينيه خارجين من تليفون كيكتب ويشوف ف اميرة ويرجع يكتب وعينيه معاها بعويناتهاا وبرزانتهاا جالسة فوق الكرسي كتشوف فالناس .. قرب عندها يعقوب
يعقوب : كتعرفي تقراي !
اميرة : اه شوية ولكن واش بالفرنسية ؟
يعقوب : لاا عربية
اميرة : اه كنعرف
يعقوب : هاكي شدي تليفون قراي هادشي..
شداتو منو اميرة وبداات كتقرا
أحبك بجنون العقلاء .. وعقل المجانين ولهفة المحرومين واكتفااء المترفين أوليس هاذ انفصاام حب لا يعرف للمنطق طريق ...! أحبك عدد السموات السبع وطول والعرض الأرض ... أميرتي فوق كل شيئ...♡♡
#yaakoub
قراتو اميرة وهزت عينيهاا فيه لاح ليها غمزة بالخف وتكاا بيدو على طبلة
كملو فطورهم على حقوو وطريقو كيسخو مصيرناتهم والشتاء خيط م السماء كيتفجوا فيها.. سلاو وناضو خارجين مع الأزقة د طنجة دايزين من حدا واحد الراجل عندو كروصة ودراري مجوقين عليه كيشريو من عندو قرب يعقوب وهوا واميرة لقاو ليطااان د كرينطي (كران فالجهة الشرقية ) كيصاوب لهادا فكومير ولاخور كيعطيه درهم جوج
يعقوب : تاخديه
اميرة : كيف داير مداقوا وشنو هوا
يعقوب : هادا غاا الحمص دايرين ليه هاد اللعبة
اميرة : نتا كيعجبك
يعقوب : ماشي بزاف . انا ناخد ليك ودوقيه الا عجبك نزيدك
اميرة : اه واخا غا طريف
مشا يعقوب مد لسيد الفلوس وقطع ليه طرف كبير مدو يعقوب لأميرة ذاقتو
اميرة : يااه شحال لذيذ
يعقوب : عجبك
اميرة :اه زوين هاك تاكل شوية
يعقوب : لاا غاا بصحة
كلاتو اميرة بشوية عليهاا ومكل ليها يعقوب كلينكس تمسح يديهاا.. وشد ليها فيديهاا حتا وصلو لبوتيكاات الكباار جرهاا يعقوب داخل بيها لداخل .. لقاو واحد البنت طويلة وشعرها مطلوق اسقر لابسة سروال دجلد ولا فيست فوق خصرها كتبان غا القيحة من التحت ..
اميرة : فين غنمشيو
يعقوب : غير لهنى
.... مرحبا
يعقوب : شكراا عندكم حوايج شتوية
....وي عندنا كلشي ولكن واش نساء ولا رجال
يعقوب : نساء
.... اه وي هانتاا هنا شوف معايا لي بغيتي كبابط لي مونطوا صبابط فجهة خراا لي حب الخاطر كاين
يعقوب : شكر..
كيهضر معاها وعينيه فالحوايج ضور وجهوا ومشا لبلاصة لي معلقين فيها المنطوات والحوايج طوال.. بدا يجبد ويشوف القياس وتيكي ديالوو.. واميرة مربعة يديهاا كتشوف فيه.. ضار عندها وبدا كيقيس ليهاا ومولات المحل عطياهم العين كتشوف الانسجام لي بيناهم
اميرة : لمن هادا
يعقوب : الصمت
اميرة : الصمت
.. ختار يعقوب جوج طوال واحد واصل حتا لقاع فالبلو مارين والأخر فالبيج لون مفضل ليعقوب.. طلو تحت ركبة شوية....عطاهم ليهاا تصاوبهم ليه ومشاا لصبابط خدا ليها واحد ارضي وبونتيو طويل وعالي شوية فاللون اسود..
وخرجوا مشاو لمحل اخر
اميرة : مقلتيليش هادشي ديالمن
يعقوب : لأميرتي امن غيكونو فنضرك امم
ضحكات وعجبها الحال. دخلو لمحل اخر فيه الكبابط د الصوف وسراول
.. خدا ليهاا جوج سراول ديال التوب عبرو عليها.. وخرجوا هازين متقلين.. غااديين مع داك شارع رجعوا لطوموبيل..حطو داكشي تما ورجعوا تاني بدلو الطريق وقوة كروصات كل واحد اش هاااز .. شد فيهااا ومشااو مجمعين حتا لقاو راسهم حدا صور المعكازين والمدافع .. وقف يعقوب اميرة تما ولتاقط ليهاا صورة ومشاا حداهم تصورو بجوجهم ... داز مول كروصة خراا غادي وريحة كتشهي موراه حس بيها يعقوب وسولها
يعقوب : بغيتي شي حاجة
اميرة : لاا مخصني والو
يعقوب : يلاه زيدي اجي..
بدات الشتاء كتنشنش جرها يعقوب ومشاو جلسو فبارادة ديال الطرامبيا (طوبيس) مغطي من الفوق وفيهاا مقاعد
اميرة : كتعجبني الشتاء نمشي فيها
يعقوب : هانتي شوفيها من هناا غتمرضي.. اطط اطط انا
اميرة : فين غتمشي
يعقوب : انا جاي
ناض يعقوب مشاا فديك شتيوة قطع شانطي ومشا لجهة الأخرى واميرة كتسوف فيه.. وقف حدا مول الكروصة كيهضر معاه واميرة مخرجة يديهاا من جهة اللور كطيح عليهاا الشتاء حتا رجع يعقوب هااز جوج زلفاات فيديه د ببوش
ناضت كريمة هبطت نيشان مع الدروج حلت الباب بشوية كطل وهيا تلقاا اسماء مفرنسة فالباب لابسة سروال جلد كحل وليبوط لركبة وقميجة طويلة تحت خصرهاا وشان ملوياه فوق راسها بشكل عشوائي وشعر زعتر خارج من جنااب. هازة فيديهاا بوكي مشكل.. وكرطونة كبيرة فيديهاا
كريمة : اهلاااان نهار كبير مرحباااا دخلي
اسماء : هههه هاناا جيت بلا نواية (كتسلم )
كريمة : مرحباا يااختي نورتي زيدي طلعي
اسماء : هاكي شدي اختي
(طالعين فالدروج )
كريمة : مكانش عليك تكلفي راسك اختي
اسماء : ههه ماشي مشكيل
فاخيته : اهلان شكون جاناا
اسماء : ههه هجمة صحيحة
دخلت عندهم اسماء حيدت ليبوط ديالهاا وعاد بدات تسلم عليهم
راضية : نهار كبير ابنتي كيف دايرة ماماك وخوتك
اسماء : لابااس ماشين ونتي الحاجة كيف بقيتي لاباس
راضية : الحمد الله ابنتي . بنات نوضو وجدو اتاي
اسماء : مكاين لاش خليناا غا جالسين
راضية : لاواه نوضو .. واش جيتي غا بوحدك
اسماء : ايه جيت غا بوحدي صيفطاتني ماما عندكم غدا ان شاء الله نديكم معاياا حيت بعد غدا غيكون داك حزام ولا ماعرفت ههه
هز يعقوب راسو فوق المخدة وجر اميرة عندو كتر لسقها مع صدروا ودخل صباعيه فشعرهاا. وجرهاا لعندو ..
شتاء كطيح والضوء الله داخل مع السرجم ديال صالون لي جالسين فيه... ترخاا يعقوب وطلق رجليه وزيرت على اميرة بدييه مور ضهرهاا علات اميرة عينيهاا لقاات جبهتوا مكمشة وحجباانو واحد طالع واحد هابط...وعينييه كيدوبو... جرهاا لعندو وقرب فمو لعندهاا وطبع قبلة الشوووق طويلة وبعد راسو كيشوف فعينيهااا وجها حمر وذنيهاا كيزفروا وقلبها كيطلع ويهبط بسرعة
اميرة : سمحلي انمشي لطواليط (بغات تنوض )
يعقوب : (جرهاا ) انا نديك
اميرة : عفاك بغيت نمشي لطواليط
يعقوب : طلقيهاا هنا احبيبة بحال بحال
اميرة : عفاااك الله يرحم والديك
يعقوب : اوك سيري..
طلقها يعقوب وناضت كتهبط فبيجامتها لي طلعهاا بيديه جرت سندالة ومشات لحمام سدات عليهاا الباب وهز يديهاا كتمسح فمهاا ومشات لابابو كتفل وتغسل فمها. بقاات غاديا جاية غاادية جاية كتطلق الماء وتخويه غاا هكاك غسلات وجهها وخرجت تمت غاديا البيت وهوا يعيط ليها ..
يعقوب : ميرا
اميرة : نعام
يعقوب : اجي
اميرة : اناا ندخل لبيت ونجي
يعقوب : اجي وسيري ...
مشات قربت حداه اميرة وهوا ينعت ليهاا بيديه
يعقوب : جيبي لياا داك تليكومند عاد سيري وجربي دوك حوايج واش جاوك ولا نبدلوهم ...
هزتو اميرة عطاتو ليه ومشات لبيت ردات الباب عليهاا وحيداات حوايجهاا ولبساات بزربة داك السروال لي جاب ليها د توب ولبست معاه بودي كحل لاسق على اللحم وعاد لبست داك المونطو واصل ليهاا حتا لقاع رجليهاا وخرجت عندو
اميرة : شوف
يعقوب : ووواو جااك زوين ومستور مزيان بصحتك شوفي اخور
اسماء : ايوا نتوما عندكم قاعدة وقيلة كتوريو السروال ولا ماعرف اشناهوا المهم زعمة البنت بكر . ايوا الحمد الله كنت سولتهاا قالت ليا دوزات دخلتها على خير . ايوا غا ماما لي طلعت فالأول شافتها
فاخيته : علاه....؟؟؟؟؟؟
حنان : حلفي كيفاش هادشي
راضية : واش زعمة كتقولي خرجوا سروال ولا كيفاش
اسماء : ولااا خوياا مبغااش قال لماما مراتي ومسوق حد فيهاا ..ولكن انا ملي سولتهاا قالت ليا داز كلشي بخير وعطات لماما داكشي حيت خافت يديرو ليها سحور ولا شي حاجة فهمتوااا
فاخيته : شي لعبة تماا واش معودات ليك والوو على زواجهاا الأول
اسماء : ومسكينة قالت ليا كانت خايفة من راجلها ومع زواجها اول ومعارفة والو مقدراتش تخليه يقرب ليها ايوا حتا تكتابت لخوياا ههههه
فاخيته : لاحول ولا قوة الا بالله شهاد البنت عندي
راضية : صاافي سكتيناا داباا مطرا والو..
فاقت اميرة على بوسة من عند يعقوب فعنقهاا. هراتهاا وناضت مخلوعة
يعقوب : ههههه نعستي كااع
اميرة : مفطنتش بيك ملي جيتي ..
يعقوب : يلاه نوضي تعشااي هاانا جبتو
اميرة : وعلاش جبتيه مزال شبعانة
يعقوب : من مورا العصر ونتي شبعاانة حتا لدابا عشاء راها وذناات وبااز
ناضت اميرة كتحك عينيهاا كتشوف فطبلا كتلقااهاا عامرة بميكات عامرين وطيسان عاطية منهم الريحة دالمااكلة كتشهي..مشات لطواليط غسلات يديهاا وجهها ويعقوب مشا حيد حوايجوا خرج غاا بشورط كيف عادتو تكاا كيجبد ويقااد فداكشي. رجعت اميرة جلست فجنبو من جهة خرا د سداري
اميرة : مجاكش البرد
يعقوب : اصلاا صهدت مع المشي يلاه قولي باسم الله كنت غنجيب الخفيف سااعة قلت هاد الساعة مهيا غاا دتغماس
اميرة : ههههه احح دجاج مزال سخون
يعقوب : غاا بشوية عليه هزي فورشيط هاهياا حداك وجبت حتا. شلاضة د الخضرة الا عجبااتك
اميرة : اهه كتعجبني باسم الله..
يعقوب : خاصناا غداا نرجعوا لرباط
اميرة : بصح !!
يعقوب : وي ملي خرجت عيطت لياا ماما وقالت لياا ضروري نجيو قلت ليها من بعد غا شي 3 ايام خرا قالتلي والو. ديك جنية مشات لداركم
اميرة : شكون
يعقوب : اسماء مشات تجيب عائلتك على حساب حزام.. غاا زادو فيه بهاد التخربيق
اميرة : هه ايوا راه عندهم عادة معليش.
يعقوب : عداات د والو هادو.. صباح عروسة يخرجوا سروال .. اش غيشوفو فيه كااع الكنز كيتقطر . كتبقاا هاديك مسئلة بين الراجل ومراتو وبس.. الا دخلات الأم د البنت او د راجل مفيها باس باش تطمأن على بنتهاا عادي ولكن باش عالم يتفرج غاا زادو فيه
اميرة : هاد القاعدة كيعاودو عليهاا فالعروبيات بكثرة الله يستر وصافي
يعقوب : وي وكاين حتا فالمدن.. وحتا هاد الحزام وهاد الفال وهاد غسل رجليه بالبري د الغنم ولا ديري فكرشك خبزة ونتي ملابسة من التحت والووو وتمشي بيهاا من دار راجل لداركم وتجبديهاا وتقصميهاا على ناس شدق شدق لواااحد شهادشي ياا بنادم ماافيه وسخ ماافيه عرق تففففف كيمرضني بحال هاد المنضر وكتحراافلك مع لي تالفة ليهم الشيارة
اميرة : اوااه على خبز اول مرة نسمعهااا
يعقوب : كاين لي عمرك مسمعتيه كيطلع القلب كولي بلاماا نزيدو نهضروا فهادشي المهم نتبعوا الرأي د ماما وصافي
يعقوب: اهاااه.. علاش جايبك لهنى ندوز بيك الوقت !! ولا مصاحب معااك !! ولا باغي نفسد.. اناا تزوجتك على سنة الله ونبيه قدمت الحلال هوا اول والشيئ لي راضي عليا بيه لي خلقني يعني حلالي وديالي وعندي الحق فيك.. وربي عز وجل ..قال " هن لباس لكم وانتم لباس لهن " نتي مكديري لا عيب ولا عاار ولا حشومة قدام رجالك يعني معندك علاش تبقااي ديري معاياا هادشي كل مرة. تفاهمناا
اميرة : الصمت
يعقوب : يلاه نوضي بغيت نشوفك بيهم... حلاوة ديالي كيف غطلع فازي بب
رجعت اميرة دخلت وسدت عليها الباب .. حيدت بيجامتهاا خلات دوبياس ديالها من التحت ولبسات شوميز فالحمر فوق الركبة وكمامو طوال.. لبست فوق منو بينوار غليض دالشتاء وجمعات شعرها وخرجت غاديا نيشاان جهت يعقوب ضور وجهوا شااف فيها
يعقوب : شنو قلنا ؟؟
اميرة : الصمت
يعقوب : ليالي دخلت د الشتاء ولا !! مالك غبرتي وجايا بهاد البطانية
اميرة : (جلست حداه بصوت منخفض ) وملقيت منلبس فيه مكيغطي والو ومرتاحيتش فيه عفاك خليني غا هاكا
. يعقوب داير يدو تحت راسو متبع خطواتهاا وهياا جاية حداه داير ابتساامة جانبية... قربت العندو وفتح ليها ذرعانو
يعقوب : زيدي
قربات عندو وخدودهاا محمرين وصدرهاا كيطلع ويهبط..شدها من يديها وجرها فوق منو وجر الغطى عليهم
يعقوب : هاحناا تفاهمناا ديريهاا من اول بلاما نقولها ليك امم
اميرة : الصمت
يعقوب : مالكي
اميرة : والو
يعقوب : وهزي عينيك
.. هزات اميرة عينيهاا كتشوف فيه فعويناتو وخصلات شعر لي هابطة على عينيه وصدروا المنحوت وهابط خيط مزغب من فوق الصرة ديالو هابط حتا لقاع.. وهوا كيدوز يدو على وجهها وبين وذنيهاا بمدعبااات خفيفة جرها لعندو كتر وفتح رجليه دخلها فوسطهم وزير عليها شدهاا من خصرها كيدوز يديه عليها بحركات دائرية طالع مع ضهرهاا حتا وصل لعنها شدو بين يديه وجرها لعندو يلاه بغا يحط قبلة ففمهاا وهيا تبعد وجهها ودارت اشارة براسهااا (لا) رجع تاني شدها بقوة وقربها لعندو طبع قبلاات متتالية فعنقهاا وهيا كتعوج راسهاا من قوة التبوريشة لي طالعة معاهااا شد ليها وجهاا الصغيور بيديهاا وجرو لعندوو وطبع قبلة طويلة فمهاا متبعة بالعضات خفاف وصبعوا كيحل ليها فمها كتر لي هيا كتبغي تبعدوا وهوا مكيزيذ غير يزير عليها ويخدم معاها بالقاصح دخل يدو فشعرهاا بقاا محكم ليها راسها ويد اخرى رجعت كتساارا على ضهرهاا طالعة هابطة خشى يدو من تحت الشوميز وبقاا طالع بيهاا لفوق كيزير على لحمها بيديه وهيا قلبهاا غيخرج من بلااصتو بقوة الدهشة والخوف لي شادهاا كشوف فيه بعينين كيترجااوه يوقف وراسهاا كيتحرك يمين شمال. بحالا كتقولو لاا بالحس.. ولاو كيهضرو غير بعينيهم يعقوب عايش اللحضة مع صغيرتو عكس اميرة لي كتمنى غاا تفك..
هزت اميرة عينيها المدمعين شافت فيه وفمها كيترعد بقوة الخوف وكتذكر الحريق والوجع لي تحملاتو داك اليوم معاه مقدراش يتعاود نفس الشيئ
اميرة : شوف عفاااك اناا مزااوكة فيك لميمة ديالك انا مبقييتش قاادرة على هادشي حس بيا عفاك كندير شي حاجة فوق طاقتي وممعوداش عليهاا مزيرة فوق متصور😢😢 خليني الله يرحم والديك نوض بحالي وعذرني راني ماشي لخاطري وحتا من الحريق مزال فيا سمحلي بزااف
يعقوب : معليش نوضي
ناضت فوق منو اميرة كتهبط حوايجهاا وغادية بسرعة للبيت محمدات الله حتا دخلت وسدت عليها وطلقت نفسها حيدات داك الشوميز بسرعة ولبست بيجامة خرا دالقطن فاللون شيبي جمعات كاع الحوايج دارتهم فالماريو ومشات طلعت فوق الفراش وجرت الغطى فوقهاا كضور فعينيها...
يعقوب : طلق نفس عميييق وقلب وجهواا كيدوز يدو على شعروا شد تليفون ديالوا طلق الكونكسيون كيجمع مع خالد وصحابوو حاول يتلف شوية حتا داه نعاس بلاماا يحس براسو..
• اصبح الملك لله •
ناضت اميرة كتحك فعينيها.. الليلة ماضية طاحت كاو فالبلاصة نعست. ضارت موراهاا لقات بلاصتو باقة خاوية ناعسة غا بوحدهاا ناضت كتهبط فحوايجها و خرجت لبرا لقاات ضواو كلهم مزال مشعولين والتلفازة حتا هياا ويعقوب ناعس والبطانية طايحة فالأرض مشات بالحفى حتا لعندو هزتها من الأرض وغطاتو بيها وكتقادد ليه مور ضهروا.. وهزت تليكومند نقصت من تلفاازة و مشات الكوزينة غسلت وجهها وحلت ثلاجة جبدت دوك ميكات لي تما كتقلب شنو فيهم لقاات عصائر وكيكات فرديين والخبز والفروماج بقات تقلب فالكوزينة لخاااوية حلات بلاكرات لقات غا ميكات خاويين تما حلات بلاكار لي لتحت لقات فيه 4 طباسل كبار وجوج طبيسلات صغار وكرطونة د كيسان جبدتهم وغسلتهم بالماء مزيان ومسحتهم بحوايجها وبدات كتستف داكشي فطبيسلات وكتخرج تحط فالطبلة بالحس .. جلست مربعة يديها وعاطياه العين مرة مرة تشوف فيه حتا فاق على صونيت د تليفون ..
يعقوب : وي
خالد : صيفت ليك مسج دخل شوفو
يعقوب : اوك واخاا ...
شد يعقوب تليفون فيدو كيشوف، واميرة كطلع وتهبط فعينيها
اميرة : صباح خير
يعقوب : (مضور وجهوا ) صباح الخير
اميرة : نعستي هنا ! معذب
يعقوب : الصمت
اميرة : سمحلي على بارح متقلقش عليا عفاك
يعقوب : الصمت
اميرة : مكتهضرش معايا ؟
يعقوب : نن غير كنقرا واحد مسج وصافي .. معليش على لبارح ماشي مشكيل عادي
اميرة : واخا الحمد الله
يعقوب : (كيتكسل) شهادشي حاطة
اميرة : فطور وصافي
يعقوب : المهم انمشي لحمام و نخرجوا . كولي الا بغيتي نتي
اميرة : واخا..
ناض يعقوب دار تليفون فشارج حداها ومشا لبيت هز فوطة ودخل لحمام على عينين اميرة لي حضيااه... هزات مدلينة كتاكل فيهاا ونص كاس دالعصير ومشات البيت كتشوف اش غتلبس .. هزت عباية كحلة مطروزة من الضهر بالطاووس صغير... نفس اللون والأحجاار صغيورين. وليبوط لي خدا ليها يعقوب وشانهاا الطويل مزين من القنت ديالو بحجيرات حطاتهم فجنب ورجعت خرجت بقات جالسة كتفرج حتا خرج يعقوب هاز حوايجو فيديه ولاوي عليه فوطة دخل نيشان البيت بدل حوايجوا وخرج هز صباطو وجلس كيربط فسيور ديالو
يعقوب : يلاه نوضي لبسي حوايجك
اميرة : اجي تاكل بعدا
يعقوب : لا بلاش انا لتحت
اميرة : واخاا
مشات لبيت لبست حوايجها بسرعة وقدات زيفهاا ورمات على ضهرها واحد جهة دالشان عطاتهاا واحد جمالية .. هزت زيف وخرجت غطات داك الماكلة وطفات التلفازة يلاه بغات تهبط مع الدروج وهيا تشوف تليفونو حيدت ليه الشارج وهبطااتو فيديهاا .
خرجت اميرة وشدت الباب حل ليها الباب من الداخل دخلت وعطاتو التليفون
اميرة : هاك تليفونك
يعقوب : اوووه نسيتو كنت انضرب طريق وفتالي نرجع ليه
اميرة : واخا فين غتمشي
يعقوب : فين مكان المهم نودعوا طنجة .. باش فعشية نرجعوا لرباط
اميرة : اه واخاا صافي..
ديمارا يعقوب الطوموبيل نيشان لبلاصة جميلة بزاف لي هياا رميلات المعروفة بقصرها وبغباتهاا بيرديكاريس .. وصلو وخرج يعقوب شاد فيد اميرة ومبتاسم فوجهها. دخلو لكافي معروفة تما كطل على البلايص الجميلة والمنتزهاات فطروا تما وخرجوا مساريين طالقن رجليهم غادين مع طرف الغابة لي فيها الحيوانات .. ورجعوا قلبو الضورة غاادين جهة البحر كانو صحاب الجمل دايزين من تماا شافتهم اميرة وعجبها الحال غطييح من الفرحة بزاف داهاا يعقوب باش تشوفهم ..
يعقوب : نركبك عليه
اميرة : لااا لا غيعضني
يعقوب : لااا ميعضش اجي جربي
اميرة : لااا عفااك منقدرش بلاش غيطيحني
يعقوب : واناا غنشد فيك مالك ويلا طحتي نوضي اش فيهاا كاع
.. شد ليهاا فيديها وجرها حتا وصلو عند السيد طلب منو يعقوب تركب عليه .. وحناه ليها الأرض
....... يلاه اجي نطلعك
يعقوب : لاا غاا جلس انا نركبها عليه غير شدو نتاا
.... لي بغيتي
يعقوب : يلاه بشوية...
طلعهاا يعقوب وهيااا كترعد فبلاصتهاا خايفة لا يطج بيهاا ولا يضرب ليهاا شي طيحة وقفوا داك الجمل كيسايس فيه مولاه زايد بيه ويعقوب كبهضر مع السيد وبالو مع اميرة حتا داها وهيا مسارية فوق منو فوق الرملة والبحر هاايج. عاد نزلهاا وخلصوا يعقوب واميرة ملهووووفة على البحر اول مرة توصليه اول مرة تشوفو مباشرة وتعرف عليه الفرحة مغمورة فعينيهاا واخاا البرد كيبس والجو مغيم زادت ليه .. حنا يعقوب فالأرض كتب اسم اميرة وحداها اسم يعقوب وجبد تليفون كيصور وهبط اميرة حنات حداه عنقهاا ودار احسن سيلفي مع دوك الأسماء شوية وهيا تجي موجة مجهدة ومسحات دوك الأسماء ويعقوب واميرة كملو طريقهم بدات الشتاء كتنشنش وغاادياا تجهاد حيد يعقوب الكشكول طويل من عنقو ولواه على اميرة فوق راسهاا وجبد طربوش من جيب ودارو فوق راسو
يعقوب : خليك هاكا مغطيا مزيان عندك تمشي مروحاا انا هاد الجو كيغلبني يلاه رجعوا
اميرة : انمشيو لدار
يعقوب : لا غنمشيو لطوموبيل ونضورو شوية فالمدينة عاد نرجعوا يلاه زيدي دغيااا شتاء بداات تجهااد كتر...
وصلو هوا وياها لطوموبيل حتا كانو فزكوا ... ديمارا يعقوب ومشا المرجان دخلو هوا وياها اول مرة اميرة غندخل ليه وتشوفو عن قرب موالفة تشوفو غير فالاشهار.. دخلات ليه بحالا يعلم الله فين دخلات.. مشا يعقوب تقدا الحلوة لي وصاتو عليهاا امو فالميساج لي صيفط ليه خالد.. وخداا خرابق خرين لدار واميرة غاديا كتشوف فالشكلاط والفرماج على اشكال قرب عندهاا يعقوب وحنى على وذنيهاا
يعقوب : لي بغيتيه خوديه شنو مكان
اميرة : واخا ناخد هادا
يعقوب : انا قلت ليك لي بغيتي ويلا باقاا مزال خصك شي حاجة خراا هزيها
اميرة : لا غا هاد الشكلاط
يعقوب : واخا خودي منو جوج لوحات ولا 3
اميرة : واخا
هزت اميرة 3 بكيات طوال د الشكلاط ومشات مور يعقوب خلص كلشي ودارو ليها فبلاستيك وخرج متقل واميرة معاوناه فجوج ميكات دار كلشي فالكوفر من لور .. وطلعوا هوا وياها مشاو لدار . بدل يعقوب لافيست ديالو وبدا كيجمع حوايجوا واميرة هكاك جبدت شنطتها كتستف فيها حوايجها
يعقوب : جبدي داك المونطو طويل لبسيه تغطااي مزيان هاد البرد قاصح
اميرة : نلبس جلابتي حسن غنمشي حدا خالك بحال باك ب مونطو
يعقوب : (بالزعفة ) فقه يااا ودي قريتي بزااف هادا معرفتي وشي حاجة خرا....... الله يجيب
اميرة : علاش انا شنو قلت
يعقوب : واش هدا واصل حتا لقااع وغليض وعاد غتلبسي تحتوا حوايج جاك معري ولا ناقص ؟؟ جااك حشومة زعمة راعيتي لخالي نتي ايوا بااز لبسي لي بغيتي
اميرة : مالك كتغوت انا غير قلت ليك علاش معصب علياا هاكا
يعقوب : قلبي عليا هاد ساعة مفياا لي يهضر
حنات اميرة عينيهاا الأرض دموع عندها على شفرين دغياا كدمعهم جمعات حوايجها خلات غير كبوط بالعنق فالأسود وسروال نفس اللون .. خرج يعقوب هاز شانطتو هبطهاا التحت لطوموبيل..سد موراه الباب مشات اميرة لواة عليها شان وطلت فالزنقة بان ليها يعقوب غادي على رجليه شدتو ورجعت بدلات حوايجهاا كاملين وقادات داك المونطو ولبساات زيفهاا وقدات حالتها ولمطت الفراش خلاتو مقاد وخرجت هازة فيديها شانطة حطتهاا فالدروج وجلست فالصالون كتسناه
بعد شوية رجع يعقوب حل الباب وطلع عند اميرة لقاات جالسة قمة الأناقة وجمال وتااهاااا الأزرق غامق (البلو ماري ) وعطاهاا واحد الجمالية زايدة .. عجبتو يعقوب وهيا لابسة العصرية المحتشم ..
يعقوب : الا سليتي يلاه نمشيو
اميرة : اه سليت هاد الماكلة غتبقاا هنا هيا وهاديك لي فثلاجة
يعقوب : قلت ل وليد يجي خليت الباب مفتوح دابا وهوا طلع تكلمي لمراتو بغاات تسلم عليك
اميرة : حتا هيا غتجي ولا
يعقوب : لا خليتها كتعجن قالت لياا نقولك تمشي عندهااا عارفة دار ولا نديك
اميرة : ياك دار لي نمشيناا عندهاا فالأول !!
يعقوب : اه
اميرة : وصافي انا نمشي عندها واخا
يعقوب : يلاه ديك ساعة نعيط ليك ملي نكون غادي..
اميرة : واخا.
هبطت اميرة مع الدروج وخرجت مع الباب غادية فطريق طلقات مع وليد سلم عليهاا من البعيد .. ويعقوب متبعهاا بعينيه حتا شافها دخلت لدار حيت فنفس الحي ..
طلعت اميرة عندهاا لقات سهيلة كتخمل الدار سلمات عليها ومشات عند رحاب عنقااها وجابت ليها سهيلة كرسي تجلس عليه جلست حدا رحاب شادة العجينة كدلك فيهاا.
الأرملة الصغيرة الجزء 15
محتوى القصة
التنقل بين الأجزاء