اميرة: باسيدي (حنات على يديه ) غير لبارح نعست معطلة داكشي علاش مفقتش بكري
سي مصطفى : الله يرضي عليك ابنتي شفتك بديتي كتسلوكي فقرايك شحال مرجعتي
اميرة: لا كل نهاار كنراجع باش منساا والوو.
سي مصطفى: واا يلا فطرتي نوضي تعرضي عليا داكشي
اميرة: صافي انا سليت دابا
سي مصطفى: يلاه بداي..
اميرة : ا....
-----------------
باريس / فرنسا
الساعة تشير 9:00 ليلا
حميد: على سلامة سي يعقوب
يعقوب: الله يسلمك ابا شريف هاالكونطاكط فطوموبيل ديها لباركينك
حميد: واخا اولدي
ياعقوب : ماما لفوق !
حميد: مشفتهاش مبانش ليا اليوم
يعقوب: واخاا هانا مشيت...
دخل يعقوب للفيلا لي كبر فيها ملي جا لفرانساا وقبل ميموت الاب ديالو مكبيراش بزاف حلوة وضايرة بالشجر والغرس عندو ذكريات جميلة وكل بلاصة كيشوف فيها كتفكروا فشحال من حاجة... طلع عند الام ديالو لبيتها لي موجود فطابق الثاني ملقاهاش سول عليها وحدة من خدم
يعقوب: سميرة مشفتيش ماما
سميرة: راها مع لين فبيتها طلعات ليها سخانة بزاف ومسكتاتش من البكاا عاد مشا طبيب من هنا..
يلاه سمع يعقوب هاد الخبر طار لبيت لين مخلوع على بنتو حتا دخل لقا ختو ومو معاها يلاه نعسات..
خرجات ربيعة لي مقدراتش تحبس الدمعة من عينيها وبنتها كتصبر فيهاا من بعد موت ام لين ويعقوب مدمر ولا عصبي كتر من قياس لدرجة تغير طبعوا مع مالين دار وبالأخص الأم ديالوو..
اسماء: ماما انا غنخليك دابا نمشي بحالي راه حاتم خليتو واحل مع انيس راه يكون كيبكي وغدا ان شاء الله نجي فصباح ونقيل هنا معاكم
ربيعة: واخا الله يرضي عليك ابنتي حميد يوصلك ويرجع
اسماء: اه داكشي لي غندير ماما صافي خلي يعقوب على خاطرو يلاه احبيبة تصبحي على خير
ربيعة: حتا نتي ابنتي ..
مشات اسماء بحالها وخرجات ربيعة للجردة جلسات فوق واحد فوطوي وكتبكي جاتها قهرة علاش منعرف .. ويعقوب نعس حدا بنتو لي مزال تريبية صغيرة كتصمط كيشوف فيهاا ودموع نازلين من عينو بحال الشتاء كيتفكر زواجو ومعاشرتو مع مراتو والمحبة لي كانت بيناتهم ضاقت بيه باس بنتو وناض دخل لدوش طلق عليه الماء وبقا حاضي بنتو من مور زاج وهيا غارقة فنعاسهاا توضى وخرج بالبينوار لبس شورط فوق ركبة ودار فوقية ديالو وطلق صلاية وقام الصلاة كيقرا بخشووع وتجويد ويطول فالسجود دعى لله يبدل عليه هاد ساعة بساعة خرا جمع صلايتو وناض طفى الضو يلاه بغا يدوز ريدو دالشرجم وهيا تبان ليه مو دايرة يديها على راسها وكتشوف فالارض والجو بارد برا...دوز الريدو لبس صندالتو وخرج هابط فالدروج عيط على سميرة طلع تبقا مع لين بيدما يطلع وخرج عند الأم ديالو لي حساسة بزاالف وكتبغي ولدهاا بشكل زاد عن حدو وكتغير الا عطا وقتو كولو لشي حد اخور وخلاهاا. سيدة مكبيراش بزاف مزال وجها منور ومجبد كتلبس غير قناضر وفرشات والعبيات وفولار مكتحيدوش من فوق راسها. جلس حداها يعقوب وبقا كيشوف فيها وهيا ملي شافتوو عاد ما زاد قلبهاا طاب
يعقوب: ماما تلفت حتا شنو غنقول ليك..
ربيعة: الصمت
يعقوب: عارف راسي كنغلط معاك بزاااف وبالخصوص فهاد الفترة القصيرة لي دازت عصبية طغات علياا مبقيتش كنتحكم فراسي شوفي هانا حداك ديري فياا مابغيتي انا مزاوك فيك غير قلبك ميتغيرش من جيهتي راني امي واحد منسواااش عارف ..وليت مقصر مع الله ومعاك ومع نفسي ومع لين هضري امي قولي شي حاجة
ربيعة: (كتنخصص) الله ياااربي معندي منقوليك غير الله يهديك على نفسك
يعقوب: (عنقهاا) وعفاااك اميمتي نبوس ليك رجليك راكي عرفاني منقدرش نشوفك غضبانة علياا ولا مقلقة من جيهتي
ربيعة: ايوا راه حنا بحال بحال. انا كنت باغا باباك وكنت كنقول المرض لي فيه الله يجعلو فياا اللهم نموت انا الاولة ولاا يموت ونتشواا مكنت كناكل فخاطري مكنت كنعس فخاطري كان من بعد الله عندي غير هواا كان نفسي ياا ولدي كان ونيس ديالي كان المعين ديالي (كتشهق ) هاد الحرقة لي فقلبي راه ياااا ولدي ميعلمهااا غاا لي خلقني صعيب هادشي يتوصف عمري بغيت وسخ دنيا كنت ديما كنقوليه سي عبد الفتاح انا يكفيني معاك غاا الماء والخبر وليدات صالحين لا غير. الربح لي كان عندي فهاد دنيا هوا وليداتي يبغيو الله ويبعوا سيرة المصطفى عليه السلام والحمد الله ربي لحقني بداكشي لي تمنيت ولكن حرمني من هداك لي بغيت (كتلهت ) نتا ربي نزل الايمان فقلبك وتبعتي طريق الله وختك هاحنا زوجناها بولد ناس خوك هاهوا كيقرا صعيب تهز مسؤولية بوحدك وبلا معين سوى الله ياااربي عيني وشوف من حالي
يعقوب: (كيبكي بحرقة في صمت)
ربيعة: هانتا مراتك ماتت ويمكن راك تكون حاس بياا ولا كترر الله يهونها علينا وصافي
يعقوب: (كيمسح دموع ) الحمد الله على كل حال لعله خير امي هانااا معاك من دابا لفوق مغديش نخليك الله يقدرني نكون كيفماا بغاني
ربيعة: ملي مات باك راك نتا الوحيد لي كنت كنشوفك قبالتي ماشي غير ربيت عليك الكبدة طيبتهاا لدرجة غير كتخرج كنبقا حاضيا السرجم ايمتا تجي غير متخلينيش اولدي مفيا لي يتكوا مرة خراا
من بعد ما فشات ربيعة قلبها على ولدها حسات براحة وهواا حس بالقوة حط راسو على رجليها وبقات كتحك ليه راسو يعاود ليها وهيا تعاود واخا حطو العشاء وعيطو عليهم مبغاوش حتا تحرك البرد قاصح فساعة متاخرة من الليل عاد دخلو كل واحد مشا لبيتو.. يعقوب دخل لقا سميرة كترضع لين وكتراري بيهاا عطاتها ليه وخرجات وهوا سد الباب وبقا غادي جاي وهيا فيدو حتا نعسات وحطها فبلاصتها ونعس على ضهروا يلاه غمض عينيه وهيا تفيق كتزوي ناض مخلووع عطاها بيبرو وبقاا كيراري بيها حتا خوات رضاعة من الحليب وناضت كتبكي وحل ماعرف ميدير ليها مقدرش يعيط لوحدة من خدم ويبقا معاها فنفس الغرفة فساعة متاخرة من ليل ومبغاش ينوض مو لي عيانة وخاصها ترتاح ومبغاش يخلعها. بقاا واحل يمشي ويجي وشتااء بدات كتطيح وكضرب فزاج دالسرجم ملقا ميدير هزها فيديه وتم خارج خاف مو ينوض من صداعهاا رجعهاا لبلاصتها خلاها كتبكي وطار بالحفاء الكوزينة دار الماء يسخن وجبد البواطة دالحليب غبرة دارهاا وكب عليها الماء حط شوية على يدو لقاهااا حامية رجع كيضرب ضربة ويخطاهاا تالف جبد التلج لي فالعلب فالفريكو حطهم فبانيو ودار بيبون يبرد شوية وهوا كيسمع بنتو حلقهاا غيخرج بقوة البكاا شاف حتا عيا مبقا ليه صبر حل بيبرون وزاد عليه حليب بارد من تلاجة وشدها وطار البيت كيمخض فيهاا لقا البنيتة ولات زرقة بقوة البكاا وكترعد بردات هزهاا وسد الباب عطاها البيبرون وبقا غادي جاي بيها وكيبكي معاهاا وكيهلس عليهاا ويسكت فيها ب الله الله.. حتا سكتات وقبضات الرضاعة. وعينيها بقاو كيتسدو شوية بشوية حتا نعسات وطلقات الرضاعة حطها فبلاصتها وبقا كيصوط.. رجع الكوزينة عمر ليها بيبرون حتا الفم ورجع سد الباب وتكا حداهاا ناعس نص نعسة خيفها ترجع تفيق..
بقا ليل كولو حاضيها يلاه كتقلب كينوض مخلوع حتا اذن الفجر ناض توضا وصلا هز قران رجع لبلاستو تغطا بالمانطة وجلس كيقرا حتا بدا يبهر الحال لبس سروال كحل وكبوط خفيف كحل وتقاشر فالبيض وطربوش فوق راسو وخرج للبالكون كانت شتاء بدات تفتر وريح مجهد بقا كيطل فالبالكون لقا حميد فاق وكينقني الجردة من وراق الشجر لي طايحين ويجر الماء بالشطابة لي بقا محضن..
يعقوب: با حميد صباح الخير
حميد: اصباح خير اولدي بكرتي اليوم
يعقوب: عيان شوية.. عيط ليا على سميرة طلع عندي دابا
حميد: واخا اولدي راها فالكوزينة انا نقولها ليها
دخل يعقوب وسد باب البالكون مزيان من البرد باس بنتو وتم خارج هابط مع الدروج وهوا يطلاقا سميرة طالعة كتكسول ودايرة واحد شدة دالزيف شعرها خارج مع الجناب وكوستيم دالخدمة سروال مزير وقميجة قصيرة
يعقوب: شهاد لباس شهاد بخنوق لي دايرة على راسك واش خدامة ولا عندي استعراض هنا
سميرة: اسمح ليا اسي يعقوب لباسي عادي مفيه حتا حاجة عيب
يعقوب: طبعا عادي عند عاهر... ماشي عندي انا سيري لبسي شي بيجاما طويلة وغطي داك راس براكة من شطارة فالتوب وبلاما تخليني نقول شي كلمة ماشي ديالي
هبط يعقوب كينتر فالدروج طالع ليه الخز لراسو خرج لجردة عند حميد بقا مجمع معاه.. حميد راجل كبير فالسن من الجالية المغربية لي مشا حارك وملقا لا خدمة لا والو بقا غا كيضور كل مرة فاش كيبريكولي باش ياكل طرف دالخبز وكان محافض على صلاتو ديما كان كيشوف يعقوب كيصلي فاحد مساجد بمدينة باريس حتا تلاقا مع يعقوب مباشرة وتكلموا وعاود ليه ليه على حياتو وطرح عليه يعقوب الفكرة يخدم عنو وخدموا عندو ومهلي فيه ممخليه يحتاج حتا شي حاجة وحاسبو فبلاصت باه لي مات ..
-----------------
راضية : يابنتي معرفت منقدم مناخر
فاخيته: علاش امي عجلو بهاد العرس علاااش ياك قلتو غاديرو الخطوبة ومن بعد عاد العرس علاش هاد الزربة كاملة واش حنا راحلين
راضية: ابنتي بحالي بحالك والله مفهمت شي حاجة عيط ليك باك مشيت هضرت معاه قالي بلي هضر مع احمد وباه دري وقالو غيديرو العرس مور العيد الأضحى
فاخيته: لاحول ولا قوة الا بالله منسمحش ليك يااحمد لا دنيا لا اخره هاد الكوية لي كاويني
راضية: ابنتي تبتي راسك الا بنت جاها ولد ناس علاش لاا دعي معاها بالتيسير راه هيا لي عندك
فاخيته: امي حسي بياا راه حاسة بلي بنتي مقدراش على هاد زواج راها مزال صغيرة ومعارفة والوو
راضية: مع رجلها تعرف كلشي وراه شرط عليه باك وقاليه منبغي نسمع حتا شكوة من عندهاا وصلي على نبي.. انا راني وجدت ليها قميص بالراندة ومشيت عطيت لعبار ديالها لواحد خياطة غتخيط ليها قفطان وهاد سيمانا نمشيو نشريو ليها الحويجات لي غتحتاج والذهب راه عندها 3 دمالج وفاتم والسنسلة وحوالق كلشي عندها راني ديراهم فالماريو.
فاخيته: وهاد العريس مغيجيب والو غياخدها غاا هكاك ولا شنو
راضية : على ماقال ليا باك غيديرو ليا فيها الطلبة وغيجيو غير خوتو وشي خولاتو وعمو. وغيجيبو قوامهم
فاخيته: اش غيجيبو
راضية: ايوا حويجات والحناء والحلوة وغيجيبو خاتم وغيخيطو ليها جلابة وداكشي لي جابو تبارك الله
راضية: هههه وسعي خاطرك وتفائلي راه مغادي يكون غاا الخير. هبطي شوفيهم فين وصلو فداك البيت واش سلاو ولا مزال
فاخيته: علاش شنو كيديرو التحت انا غير سلمت طلعت نيشان عندك ملي سمعت هاد الخبار محسيت براسي حتا لبست وجمعت حوايجي وقلت ل احمد ديني عند امي دابا..
راضية: ايوا غاا زدتي فيه حتا نتي راه مريم واميرة وحنان مرات خوك هبطو هزو الفراش وراهم كيسيقو ويجمعوا دنياا
فاخيته: انا غنمشي نحيد هاد جلابة نلبس شي حاجة ونجي
راضية: واخا انا هابطة نشوفهم فين وصلو...
يا بائع التذاكر لا تبع لحبيبي الغربه إن جاءك إكذب عليه وأخبره أن لا طائرات ولا قطرات لا تذاكر لا بلاد خارج هذه البلاد.. متى سنلتقي...
يوم يشبه يوم نفس الروتين كتعيشو اميرة شغل البيت حفاضة نعاس مراجعة... راضية وبنتها فاخيته وعيلات خوتهاا كل نهار كيمشيو يتقداو لأميرة حويجات لي غتحتاج .. واميرة كتبقا بوحدهاا فدار كتحي عندها سكينة دوز معاها الوقت كولوو حتا يرجعوا مالين اقترب عيد الأضحى وكلشي كيوجد ليه احمد وفاخيته قرروا يعيدو فدار مجموعين سي مصطفى واحمد مشاو يشوفو حوالة لي غيعيدوا بيهم خداو جوج حوالا وضروبا صغيرة بنسبة للعرس وعيلات تجمعوا كلهم كيوجدو الحلوة ويعمروا فسطولة حتا بقا يومين للعيد عاد سلاو...
-----------------
كل هاد المدة ويعقوب مقابل بنتو ليل ونهار وحتا ام ديالو مكيتكلش عليهاا واخا كتبغي تشدها عليه وتنعسها معاها ولكن هوا مكيخليهااش كيعطيها ليها غا بنهار.. شافهاا عيانة براسهاا مكتقدر لا طلع فالدروج لا تاكل غاا مهلوكة ومكيبغيش يعيط لوحدة من خدم ويبقا غا هوا وياها. مبقاش كيشبع نعاس فخاطروا كتبات كتبكي وهوا مقابهاا يراري بيها حتا تنعس يلاه يحط راسو على مخدة وكيقول صافي غنعس وترجع تنوض. يلاه كينعسها عوتاني ويخرج يبقا يدور فالكولوار حتا كيوصل لبيت مو كيسمعها غير كتخنخر وتوجع كيسمع غا انين ديالهاا ويرجع يطلل على بنتوو يجلس فالدروج يحل الواتساب يتلف بيه كيلقاا كلشي ناعس يرجع يسدو ويبقاا هاكا ليل كولوو حتا مبقاش ليه الجهد مبقا كيلقا الفرصة لا لقرايتو لا محاضرة لا للأمسيات القرآنية تليفونو مكانش كيسكت من صوني.. غير كيعتذر لكاع ناس حيت ضروفو مكتسمحش انه يمشي.
السيدة ربيعة كانت عوالة تمشي هيا ويعقوب للحج ولكن لضروفهم هيا مريضة ويعقوب ملقا كيف يدير ومشطون على بنتو مقدرش ..كلف يعقوب حميد يشري أضحية العيد ويديها الكرنة تذبح حتا نهار العيد عاد غيجيبوها .. ويجيب لوازم لي غيحتااجوا..
بالضبط وبيوم عرفة صباح الحال فاق يعقوب وحداه لين ناعسة.. شاد التلفازة كيتفرج فالحجاج و كيردد معاهم لبيك الله مالبيك لبيك لا شريك لك لبيك... حتا كيجيه اتصال من رقم مجهول... هز تليفون وجاوب عليه...
يعقوب: سلام عليكم
.... الو يعقوب!
يعقوب: اه شكون معاياا
.... انا ايمان صاحبت هند الله يرحمهاا عرفتيني
يعقوب: اهاه وي ختي شنو
..... محتاجة نهضر معاك ضروري
يعقوب: وي تفضلي
.... ماشي فتليفون بغيت نشوفك مباشرة
يعقوب: سمحي لياا ولكن شنو بيني وبينك باش نتشاوفو مباشرة وفاش محتجاني هضري هناا
... مغديش ناخد راحتي ومغاديش نعرف كيف ندير نشرح ليك
يعقوب من بعد مرجع من الصلاا مشا لعند مو لقاها فالصالون بدلات لين ليكوش ولبساتها حوايج غلاض من البرد وعطاتها الرضاعة وكتلعب ليها فيديها وضحك معاهااا مشا باس لمو يديها وراسهاا وبارك ليها فالعيد فطروا بجوجهم فصمت حتا واحد مقدر يهضر ولا يجبد شي موضوع حتا دخلات اسماء هيا وراجلهااا ولدهاا ومعاهم وليد خوها لي جا من لندن كان كيقرا تماا عاد رجعات روح فربيعة وعاد ابتسم يعقوب ايواا وشدوهاا تعنااق وبوساان عاد بدات الهضرة وجمامع ملي قربات العشية عاد مشاو يجيبو الأضحية دالعيد.. عيدو مجموعين اسماء فرحانة بلين كتقفزها وليد شد مو بتعنيقة وتعاويد يعقوب شدها مع حاتم داز نهار نوعان ماا ممل حيت عيد هوا فالبلاد مع العائلة والاحباب...
طاح ضلام وتفرقات الجوقة فدار سي مصطفى ها لي داخل هالي خارج تجمعوا غاا العائلة بوحدهم اميرة دخلات لبيتهاا شداتها الخنقة وضيق يلاه كتفكر هاد زواج فلحضة كيتخطف لون وجهاا... تبعاتها فاخيته لبيت لقاتها جالسة على الارض وعطياها لنحيط.. حسات بيهاا مقدراش على هاد زواج بلاما تسولهاا وبلاما تحاول تفهم علاش هاد الدموع طاحت فالارض وعنقاتهاا وشدوهاا بكا بجوجهم فاخيته كان قبلهاا طايب خاصهاا غاا فين تفقيه.
فاخيته: نوض ابنتي من الارض اجي نهضروا انا وياك
اميرة: خليني امامااا جالسة غا هنا مبقا ليا ميتقال (كتشهق
فاخيته: الله ينزل عليك الرضى ابنتي لاما نوضي راه انا كتر منك قلبي طااااااايب اكتر واكتر متصوري راه غير كنتلف وصافي قلبي محرووق عرفتي شنو هوا محرووق ونوضي اجي جلسي حدايا هنا
فاخيته: سمعي لي عطا الله عطاه هاد الزربة لي زربو عليناا هاد ناس ممزيناش وحتا بابا فعوض ميمنع هادشي وافق عليه مكرهتش لو نهزك ونرجع معاياا ويمشيو يضبروا راسهم ولكن باباا مغيعجبوش الحال ومفياا لي ينوض شي صداع ولا نسمع شي هضرة.
اميرة: ماما سمعني عمرني شكيت ليك وعمرني بكيت عليك وعمرني عاودت ليك لي فقلبي.. انا واخا كنبان فرحانة ومخصني حتا خير ولكن انا خصني شحال من حاجة.. انا واحد انسانة كنعرف بينو وبين لي خلقني عمرني قربت لحرام عمرني مشيت فشي طريق ماشي ديالي.. جدي حرمني شحال من حاجة واخا رباني مزيان ولكن كنت قنطانة مكنخرج لزنقة بوحدي منطلل لا فسرجم لا فصطح مندير صحبات مندير تليفون غاا شفل ودار وحفاضة مدرسة كنمشي ليها بالحراسة نبغي ناخد غير شي حاجة راسي خاصني حتا تخرج معايا الميمة. شنو فيها الا خرجت بوحدي ومشيت جلست غاا فشي جردة وطلقت عيني مع لي غادي ومع لي جاي وشميت هواء ورجعت ولا مشيت لقراية بوحدي ولا نمشي لجامع بوحدي... انا معاهدة الله انني عمري منقرب لحرام ولا نكذب ولا نخون ولا نعصي الله فكل صلاتي كنت نصلي ونعاهد الله على هادشي فقط نلقاا حرية في حدود ولكن هوما كانو كيحسسوني بلي متيقينش فياا وبلي الا انا خرجت بوحدي غندير شي حاجة ممزيناش. ماما الا حتا واحد مكيتيق فياا.. تيقي فياا نتي وغدا عند الله نطلقااو الا كنت كنكذب عليك.. وداباا خرجني من القراية وبغا يزوجني لواحد انا مكنعرفو مكندريه. باسيدي كيعرف الشرع الله يااك وعلاش مدارش شرع الله.. على اقل نجلسوا مجموعين ونشوف انا هاد السيد ونوافق عليه بقلبي صافي ماشي انا نقول ايه وقلبي مغير.. ماما وقت القديم ماشي هوا داباااا وحتا انا مطلبت حتا حاجة صعيبة ولا عيب !! يرضيك اماما هادشي عفااك عفاك خليني بحال نفسك ومتكونيش بعيدة عليا بالخصوووص فهادشي وجاوبيني بصراحة
فاخيته: مصدومة فبلاصتك وحاسه بيك حيت حتا انا نفس الشيئ زوجوني بزز مني واخا انا مكنش باغاااه ولكن واخا هكاك صبرت وبركت على نفسي وحاولت نعيش معاه وسبحاان الله باباك عقليتوو بحال جدك نفس شيئ يريت لو كان بيدي نعاونك ولكن منقدرش غنخرج عليك وعلى راسي..
وشنو الحل داباا فين غيوصل هادشي وفين غنوصل اناا
فاخيته: ماتعرفي ربي شنو مخبع ليك ابنتي الحمد الله على كل حال دابا مبقا لينا منقولو حنا غنصبروا ونفوضوا امرناا لله. ولي دارهاا ربي هيا لي غتكون
سكينة تقلقاات بالمعقول وخرجات اما اميرة مدوراتش وجهها جيتها واخا بقاا فيها الحال ولكن مبغاتش تهضرهاا.. تلفات ملقات مدير هبطات لعندهم لتحت تشوفهم فين وصلو ، لقاتهم شادين الحديث فنفس الموضوع ديال الزواج هزات جوج ياجورات حطات وحدة فوق وحدة وجلسات عليهم كتسمع شكيقولو وفاخيته كتشوف فيها بنص عين وحابسة الدمعة فعينيهاا غاا بزز مقدراتش تصبر وناضت من حداهم
فاخيته : حنان شوفي معاك داك البرقوق راه يكون تعسل انا طالعة لفوق
خرجات فاخيته وناضت موراها اميرة سدات الباب بساروت وشدات السرجم حيدات بيجامتها لي كانت لابساها جبدات واحد البواطة من الماريو مخلط فيها الشبة مع المسك دهنات بيها تحت الابط والجسم ديالهاا كامل ومور وذنيها وفرقبة ديالهاا باش متعراقش وتكون فيها ريحة زوينة.. لبسات لي سوتيان ديالها فالاابيض وشرط ابيض ولبسات البودي يلاه هيا كتخشي فيديها وهيا دق فاخيته بالجهد وتعيط
فاخيته : اميرة حلي حلي ناس جاااو هاهوا وصلو
اميرة يلاه سمعااتها القلب ديالهاا بدا كيضرب بالجهد بحالا روح غتخرج منها خشات داك البودي بزربة ولبسات سروالها هيا كطلع فيه وكتحل الباب.
دخلات فاخيته وسدات الباب لبسات لبنتها القفطان فالبلان كاصي مطرز ومخدوم باليد بالسقلي الذهبي حر.. جلساتها فوق نموسية طلقات ليها شعرها تبارك الخالق شعر طويل واسود قوي ومسبسب عمر شي كوافورة شافتوو ولا قطعاتو ولا تصبغ كيوصل ليها لخصرهاا.. مشطاتو ليها لالة فاخيته ودموع فعينيها كتخايل راسهاا اليوم هاهيااا حداها بنتها غدا بعد غدا مغديش تلقاهاا فين هياا!! راها عند ولد ناس احساس مغتحس بيه غير الام لي متعلقة ببنتهاا وعطاتها لولد ناس.. مشاطو خلاتو مطلوق ودارت ليها شوية دالكريم مرطب فالوجه كحلات ليها عينيهاا بالكحل الحر مدقوق على اليد حتا بداو عينيها كيوزوزو ويدمعواا مسحات وقدات ودارت ليها زيف فوق راسها ورضاتو لور ضارت لمراية شافت راسهاا ورجعات قلبات الشوفة باش متبكيش.. جبدات ليها فاخيته شربيل دالصم الحر.. ودارت ليها حويلقاات والذهب ديالهاا.. يلاه هيا كتركب ليها سنسلة وهيا تسمع زغاريت قلباات الدنياا ومريم قريبة تفرع الباب ب دقاان..
فاخيته (حلات باب ) شكاين مالك
مريم: وخرجي اصحبتي تسلمي على ناس راهم جابوو جقلة دالناس
سي مصطفى: خدام فالاوطيل سيد بعقلوو ومحتارم غيسكن بوحدو قال غيكري قريب الخدمة المهم غيسكن بوحدو وتكون البنت مهنية تجي فقاش مبغات وتمشي فقاش مبغاات
راضية: ايواا على الله انا نمشي نقول هادشي لفاخيته سي مصطفى: دابا يقولوو ليها احمد غاا جلسي اجي راه توحشناا عمارت الدار
راضية: ههه كون تحشم ونتا مزال مبغيتي تبدل
سي مصطفى: الحب معندوش عمر محدد ومغديش نكونو بحال سيد الخلق
راضية: وراه درناا حفاد هههه وحفادناا قربو يولدوو
سي مصطفى: الله يجعلناا نربيو حفايد حفادناا ونوضي اجيي...
دازت سيماناا ويعقوب على نفس الحال لي هوا فيه مرض وضعاف ومشطون من جيهت بنتو لي صبحات مريضة طالعة ليها السخانة.. بايت ليل كولو وهوا فايق معاها واسماء كتراري بيهاا.. تغرغوا ليه الدموع فعينوو مبيدو راسو مابيدو لأم ديالو مابيدو لبنتو لي مريضة نعساات لين ونعسات معاها اسماء.. ويعقوب مشا لصالة كبيرة لي ضايرة بسراجم د الزاج كيباان غير الغيااام بقاا تماا حتا داه نعاس ،، فاق على صوت تليفونو كيصوني..
يعقوب: الوو
ايمان : يعقوب انا ايمان راني جيت وبغيت نشوفك فينك
يعقوب: انا غير فدار فين غنشوفك
ايمان : نتلقااو فشي كافي الا بغيتي
يعقوب: واخا اجي ل.....
ايمان: صافي واخاا..
ناض يعقوب كيحك عينيه صبحوا منفوخين بالصهير وقلة راحة لبيتوو لقا اسماء مكيناش وحتا لين دخل لدوش طلق عليه الماء سخوون.. دوش وتوضى وخرج بالبينوار والفوطة ملويا عليه لبس حوايجوا سروال اكحل وتريكو فالحمر والمونطو من الفوق وكشكول ملون بين الحمر والكحل دار طربوش فوق راسو ولي زيكوتور فوذنيه وليغات فيديه ولبس سبرديلا عاالية كحلة هز تليفونوو لسق ليه ليزيكوتور ودارو فجيبوو هز كونطاكط دطوموبيل وخرج داز من حدا بيت مو لقاها كتصلي داز حدا صالة لقا حاتم شاد لين كيلعب معاها فيديهاا واسماء كتبرد بيبيرون باسهاا فجبهتهاا وهبط مع الدروج داز الكوزينة لقاا مكاين حد يلاه كيوجدو الفطور خوا واحد نص كاس دالحليب سخون شربوو ودوز معاه واحد بتيبانة وخرج على الباب اللوراني لقاا حميد كيمسح ليه طومووبيل باس ليه راسوو وديماراا زاد...
وصل يعقوب للمقهى يلاه داخل مع الباب وطالع فالدروج وهز تليفون باش يصوني عليها يشوفها فين وصلات وهياا تعيط ليه.. جالسة فواحد طبلة حدا سرجم كيطل على البجر من جهة عاالية.
ايمان: يعقووب هااانا
بعقوب: (قشعهاا ) اوك
سلام لباس
ايمان: ( مدات يديها ) مرحباا نهار كبير هاداا
يعقوب: (حشم ميسلمش ومد ليها يديه ...شكرا اختي
ايمان: تفضل جلس ، كيف بقيتي
يعقوب: (كيقادد الجلسة ) الحمد الله على كل حال ماشين
ايمان: كيف بقيتي من جيهة هند !
يعقوب: انا اريد وانت تريد والله يفعل ماا يريد بغاهاا وداهاا والحمد الله على قضاء الله
ايمان: فعلا ولكن حبك ليهاا كان كبير بزااف واخاا تعياا متصبر
خرج يعقوب من قهوة ركب فطوموبيلتوو وزاد والهضرة د ايمان كلهاا كضور ليه فراسوو مشاا لقهوة خرا داخلة فالدروبة دخل ليهاا فيها اكثرية المسلمين ورجال كبار فالسن جلس مع واحد مجموعة كيجمع وكيتفرجوا للجزيرة للأحداث لي فيهاا والحروبات والموتى لي ف سورياا وناس كلها كيهضروا عليه جابو ليعقوب براد داتاي مشحر بنعنااع وشيبه وفليوا واللويزة هادا اتاي المفضل عندووو بقا كيتفرح معاهم وكل مرة يجبدوا موضوع فشكل حتا آذن الظهر ناضوو اهل الدين توجهواا للمسجد دخل يعقوب جدد الوضوء ديالوو وحيد تقاشرو حطهم فجنب صلاو مجموعين و كل واحد فين شد القنت شي كيصلي شي كيقراا القرآن يعقوب واحد شيخ مسن جلسوا مع الإمام كيتناقشوا فمواضيع دينية..
الأرملة الصغيرة الجزء الثاني
محتوى القصة
التنقل بين الأجزاء