اميرة : مشينااا بنيتناا اختي ولي بغاا فيناا شي شر لهلا يكتبوو ويلا انا كنت باغا الضرر لشي حد الله يعطيه ليااا كيف كنت كيف مزالة وحاامدة الله ويلي كان جمعناا ف دار وحدة مات الله يرحموا
وصال : شغادي نقولك دار فيك الله خير هاد المراا ميعيش معاهاا غا لي مفقلبو رحمة كرفصااتني فحياتي وخرجت شلا هضرة فيك وفياا الله ياخد فيها الحق
سلمات اميرة على اسياا عادي ورجعت جلست حداا سمية كتشوف فيها وجهها عامر بالحبوب والكلف ولابسة بيجامة على قدهاا وملوية على راسها بزيف حيااتي.. ومفرقة رجليها كضور وتقلب بشوية واسياا جالسة فوق الكرسي من جهة لهيه ونزهة وفاخيته جالسين حداها فوق النموسية ...
جلسوا كيهضروا ويشدو فلغاا فاخيته خرجات هيا ونزهة واميرة بقاات معاهاا واسياا غاا ساكتة طالقة وذنيهاا تدي متعااود سولاتهاا سمية على زوااجها وفرحاات ليها وطلباات سمية منها تشوف تصااور قرباات اسياا حدا ختك وعينيها خارجين.. دخلت اميرة لملف الصور وعطاتها تليفون تشوف كدوز وحدة بوحدة فرحاات ليهاا وباركت ليهاا وعوداات ليها من بعد ما خرجات اسياا على شنو دازت منو تكرفيص وجوع والمرض وحريق دالولدة وساتهاا اميرة وحولات تصبرها بكلام الله.. وصلات 11:00 د ليل عاد عيطو ل أميرة خرجت عندهم لقاتهم شربو اتااي وغيحطو العشاء جلساات فالطبلة لي جالسة نزهة وامها وجداتهاا وخرين... ضاحكين ومقشبين . فتحات نزهة الكام كتهضر مع ربيعة ودوزات ليهاا اميرة .. وفاطمة كتاكل جنابها باغاا تعرف شكون هادي ..
فاطمة : شكون هاد المراا
اسيا : مرات خالو د راجلها قالو
فاطمة : مالو معندوش مو
اسيا : عندو راها فرانساا سمعتهاا كتقولها لسمية
فاطمة : اراا مينوعروا نشوفو كذوبهم فين غيوصل مكاين لا فرانسا لا سيدي زكري
اسيا : ايواا مانعرف
فاطمة : سمعي مني اناا نقوليك هادو راني حاافضااهم
اسيا : المهم انا فين غنعس،
فاطمة : دخلي لعند ختك نعسي حداها فالفراش ولا فرشي،حداهاا
اسيا : هاناا غاديا
فاطمة : اجي حتااا تاكلي دجاج
اسياا : كهمني هاد اللحم والحلوة صافي شبعت
جلست كضور فعينيهاا فاطمة وعينيهاا غاا على اميرة ونزهة كتهز الوز فشدق دالخبز وتوكلهاا واميرة فرحااانة وكضحك من قلبهاا واحد انسجاام بيناتهم جميل . كاينين 3 مجالس د نساء وحدة فوسط الدار براا وجوج فالصالون كل وحدة من جهة غاا ساكتين الا طبلة لي جالسة فيها اميرة والعائلة هومااا لي ناشطيين .. سلاو عشاهم وناضو الجيران خرجوا بحالهم واميرة كتخمل الطبالي معاهم وتفزك فالزيوفة وتجي تمسح الجلد دطبلة..
سمع سعيد غوات نسيبتو من الكوزينة كان كيجمع الزبل فميكة باش يخرجواا وهواا يخرج كاارز على سنااانو باغي ينتش جنااابوو... حتا وقف عليهم
سعيد : مال جدر بووك محيحة علينااا كليتي شربتي شفتي بنتك وخرجي دردبي سيري لداركم علاش جالسة عاااد باش هواا يدخل مدرم فيك
فاطمة : (بصدمة ) ياااك اولد راضية كتخرج فياا عينيك وكتجليني من دار بنتي وكلت عليك الله
سعيد : دار راجلك لوااه خرجي عليااا مشفت منكم غااا ويل لاش عااد مزال تابعينييي صافي سيري بحالك بعد غدا سبووع بنتك اجي وغبري
فاطمة : الحق فياااا عطينيي وااخااا الله ياخد فيكم الحق السحااارة الهجيج الله يعطيكم مصيبة الله يشتت ليكم شمل الله يشتت ليكم الشمل...
مشاات هزت صاكها من حداا نساابهاا وحتاا هوماا ناضو بحالهم غااديين كل واحد كيذرمج من جهة. غادياا جنب يعقوب كتقول الله يشتت الشمل
يعقوب : ملي يتشتت ديري الحنة فيديك وشطحي..
مشاات كتنذب وتغووت دخلات لبيت بنتهاا لي حتاا هيا كانت واقفة فالباب دايرة يديهاا على كرشهاا مقدراااش حتاا تزيد... جمعاات حوايجهااا وهياا كتنتف وتغوووت وبنتهاا باغاا تشد فيهاا.. دفعااتهاا فوق النموسية وخرجت هابطة مع الدروج وخرين تابعينهاا كيلبسوو جلالبهم فالدروج سمعت اميرة غواات سمية والبكاا يلاه خلفت غادياا لعندهااا ويعقوب شدهاا دفعهاا لداااخل وسد الباب بالجهدد...
اميرة : خليني نمشي نشوفهاا
يعقوب : مغتمشي فين جلسي فبلااصتك يضبرواا لراسهم..
اميرة : ولكن حشومة اي
يعقوب : و والله لا خرجتيييه صاافي اشبااقاا غديري مزال خليهم يشربو البحرر
اميرة : (جالسة فوق الكرسي ) الصمت
يعقوب : المهم غدااا نخرجواا ومن بعد كيف يذبحوا ويساليو ويدوز هاد السبوع غنرجعوا ب ليل
اميرة : علاش كدير هاكا هياا مسكينة هادي سيماناا وهياا والدة وتسناونااا حناا نجيو عاد دارو كلشي متاابع 3 ايام اليوم وبعدو السبووع غا على وذناا علاش نمشيو ف ليل
يعقوب : ميراا غنزيدو نجلسواا غنسمعوا شي حاجة خراا كتر ولا طراا شي حاجة وانااا على اعصاابي كنبقاااا نغلي ومكنصبرش ف هادي نقطة خصك تعرفيهاا وتردي بالك مزياان هادي دااازت حيت احتارمت عائلتك حيت انا فدارهم وخالتي فهمتي المهم خليناا من هادشي
اميرة : بقاا فياا الحال بزاف
يعقوب : وتيقي ولا متيقيش ولااا مااعرفت واش كاين شي حد ولا لاا غااا زايد حتاا مراا خرجت ماا فقلبهاا طول وعرض
اميرة : لا حول ولا قوة الا بالله. اجي ونتاا لي داخل عندي هناا بلا حياء بلا رياء كيف جاتك وعائيلتي براا
يعقوب : جيت نغتاصبك عندك شي مانع !!
اميرة : وكنهضر نيشاان وانت داخل حداا خالي والميمة ونااس
يعقوب : واش عندك شي عقل ولا تسوطيتي فراسك .... اول حاجة راه جدك لي قالي هبط بحالك لتحت عند مراتك تنعس زيد عليهاا انا كاانت نيتي نمشيو الاوطيل ونهنيو راسناا ماشي نبقاو مزموتين هنا من عند بناادم
اميرة : الصمت (كترمش )
حيد يعقوب حوايجواا حطهم فوق البيروو صغير د اميرة بقاا غاا بشورط كيضور
يعقوب : ديالمن هاد البيت
اميرة : ديالي
يعقوب : اوااه
اميرة : والله هادا هوا بيتي من نهار جيت لهنى وهاهواا مزال قالت ليا الميمة مكنخلي حد ينعس فيه ولا يحط فيه شي حاجة حتا نجي انا ليه
يعقوب : دابا جيناا لهيه بجوجنااا وغنشركوه (نعس على ضهروا ) الله اجي حكي لياا راسي
اميرة : لا حكهاا نتااا
يعقوب : نعلي شيطااان اهااد القزمة
اميرة : (ضارت عندو ) شناهوااا
يعقوب : اييه وعود د شطااابة مفيك لا لحم لا شحم غاا العضم خالياا من الدسم
زاد يعقوب بلاماا يشوف فيهااا دخل فواحد الجهة فيها خياطيين وطرازااات. وناس صحااب اللباسي فواحد الدرب باركاا طوموبيل وخرج خرجت هياا موراه.. مد ليها يدو شد فيهاا وبقااو زايدين ..مع ديك الزنقة حتاا دخلوو لواحد محل كبير ونقي كيباان فيه كلشي جديد...
يعقوب : تماا غا نساء دخلي عندهم وشوفي لي باغاا
اميرة : مغنعرفش اش غنهز
يعقوب : زيدي...
ضور يعقووب عينو فحوايج حتاا حاجة معجبااتووو بان ليه زواق فالأول قال صافي اناا لقيت..
يعقوب : سلام (حاني عينو الأرض )
صاحبة المحل : عليكم سلام مرحباا
يعقوب : (كيشوف فاللباسي ) بغيت شي شي حاجة تكون جديدة ونقي وعمرهاا تلبساات
صاحبة المحل : (تعجبت ) اهاه مرحبا تكشيطة ولا قفطان ولا جابادور ولا شحاب الخاطر
اميرة : عندي غاا تليفون يعقوب اختي مكنعطيه لحد. سلمي على عائلتك..
ضورت اميرة وجها لي حمرررر ودموع مغرغريين ليها فالعينين... لعند يعقوب شدات فيه وزادوو خلاوهاا مشوكياا... طلعوا وزادو..
يعقوب : مالك عوتاني شكون هادي
اميرة : الصمت
يعقوب : هضري خلاااص
اميرة : هادي كانت نوضات ليا الصدااع مع السيد لي كنت مزوجة بيه وشفت منهاا شلاا عاار.. تفكرت ديك ايااام صراحة قااصحة..
يعقوب : نساااي معليناا...
كملو طريقهم لدار. دخلوو طلع يعقوب كيف عادتو عند رجال واميرة دخلات لقاات نساء معمريين دنياا مشات لبيتها نيشاان تحط داكشي وتبدل عاد تخرج عندهم... يلاه شدات الباب وهياا تحلها فاخيته دخلاه عندها..
الأرملة الصغيرة الجزء 20
محتوى القصة
التنقل بين الأجزاء