خرج يعقوب من المسجد والشتاء كتنشنش ومشاا لدار يلاه دخل ريحة دالكسكس عاطية حتا لبراا دخل لقاا انيس كيلعب مع لين فالصالة لي مقابلة مع الجردة وهياا كضحك واسماء مقابلاهم ولالة ربيعة متكية عياانة..
يعقوب: معليناا نوضي دابا سيري شوفي لين راهاا تكون فاقت
اسماء: خليت انيس كيتفرج فطيور الجنة وحضيها
يعقوب: اوك واخا انا غنمشي لبيتي نعس شوية
اسماء: رتاح اخاي الله يعاونك.
هبط يعقوب لبيتو سد عليه وحيد حوايجواا بقا غا بالكالسون كحل لاسق على لحم تلاح فوق نموسية وشد تليفون طالع هابط فالفيس ويدخل لباج ديالوو يشوف اش تما.. طلعات ليه ايمان دايرا ليه جيم على كاع تصاورو ومكومنطياا ليه على شحال من ستاتي.. دخل لبروفيلها لقاهاا دايرة تصاورها.. كلهم مقزبين ومثيريين ومكياااج مخلات ليه فين يزيد.. دار ليها جيم على جوج ستاتيات اللولة فبروفيلهاا وخرج. مدازتش 2 دقائق وهيا توصلو انفيت من عندها.. بقاا هز صبعوا وكيخمم واش ياكسيبتي ولاا لاا... !! قبلها عندو وقادد الجلسة صيفطات ليه مسج فبلاصة...
ايمان 💬 : شكراااا ليك يعقووب..لباس!
يعقوب💬: مرحبا مزيان وانت
ايمان💬: الحمد الله
يعقوب 💬 : Vu
ايمان: يعقوب سمح لياا بزاف يمكن صدعتك معاياا ولكن عطيني اخر كلام نعرف راسي من رجلي
يعقوب: ايمان سمحلي ليا ولكن داك شي لي باغا نتي راه مغطلقايهش فياا انا ومغنقدرش نلبي ليك شي لي باغاا..فهمتي
ايمان: من ايناا ناحية زعمة وضح ليا كتر باش نفهم
يعقوب: غنجيك من لاخر باش تقطعي ياسك وتفهمي اش كاين .. امي مريضة وعندي بنت مسؤوليتي صعيبة وكبيرة وعندي اخ صغير راني هاز مسؤولية ديال دار اختي ...زواج خاصك تعطي للمراءة حقهاا فكلشي وانا منقدرش.. الحاجة الوحيدة لي باغيهاا دابا لي يربي ليا بنتي وتكون بخير لا غير..
ايمان: vu
يعقوب: المهم هادشي قلتو ليك باش تفهي انا معندي غراد فزواج ولا فمرا ولا فحب ولا حتا الحاجة..عارفة كلامي مغديش يعجبك ولكن قلت ليك غاا لي كاين..
ايمان: يعقوب واخاا حتا انا بغيتك تزوجني غير على قبل بنتك واميمتك. غتكون بحال ماما وبنتك معاياا ميخصهاا حتا خير.
خالد: قول جايب مربية على سنة الله ورسوله وصافي هههههههههههه
يعقوب: 😒 تفوو
الوقت كيطير دغياا ومكيجي فين يوصل ليل حتاا كيكون صبقوا نهار فدار سي مصطفى مكاين غاا توجاد جري علياا نجري عليك ولضيق الوقت ولاو يضربوها ويخطاوها من بعد ماا دازت سيمانا دالخطوبة تفاهم اب يونس مع الحاج مصطفى وسي احمد على العقد د زواج حددوا النهاار والوقت .. فاقت اميرة من نعاس راسها دايخ وشعرها طالع فسمااء.دخلات لطواليط غسلات وجهها ونشفاات مشات لصالة لقات كلشي جالس كيفطر شي كيحسب ناس لي غيعرضو عليهم شي كيهضر على شكال دالحلوة لي غيشريو ولي غياخدو العروسة يلاه شافوهاا حماوها لزغاريت وصلاة على نبي جلسات على طرف د سداري حدا مرات خالها يلاه مدات ليها كاس د اتاي هبطات فاخيته مع الدروج كتنهج وغاديا جيهت بيت بنتهاا
فاخيته: اميرة تبعيني لبيتك
اميرة: واخا (تبعااتها
اميرة: هانا ماما شنو
فاخيته: شوفي اليوم غنمشيو ديري شهادة طيبية ياك باش يجمعوا ليك الورااق فمرا بعد غدا غتمشي ديري العقد
ولو فدار وحدة ومدة هادي وخوال اميرة مزوجين عمرهاا زعمات عليهم ولاا ضسرت ديمااا هضرتهاا فحدود لا مع حنان ولا كريمة ديما فدار حسبينها هيا صغيرة مكتفهمش وكاع الهضرة مزال صغيرة عليها معرفوش ان البنت غتكبر وغتزوج وغتولد خاصهاا تعرف كلشي وراسهاا يعمر باش تعرف كيفاش تصرف فهااد الحيااة ولكن كان العكس البنت كبرات بحال ديك الحجرة فين محطيتيهاا تبقاا „ اميرة ديماا نقية وديما مقابلة راسهاا ولباسها ديما نقي عمرها خلات شي حد يهضر فيها ولا يشوف فيها شوفة ناقصة.. دخلات لبيتها جبدات حويجات من الماريو ملابس الداخلية فلون الوردي وتيشورط خويطات وشورط تحت الركبة فالابيض وقندوة فالغوزة بسفيفة نقرية عندها فتيحات من جناب وزيف حياتي حطاتهم فجنب نموسيتها وهزات بينوار طويل بكمام طوال وفوطة ومشات الحمام حطاتهم تما ورجعات لكوزينة لقات مكاين حد هزات ميكة مخلطة ريحان الورد خزامى ورجعات حمام سدات عليها الباب علقات البينوار والفوطة وبدات تحيد حوايجهاا وهيا كتخايل راسها عند طبيبة جلسات فوق الكرسي طلقات شعرها وفرقاتو على جوج جيهات طلقاات الماء وبدات تمشط فشعرها ودير شمبوان شللات وجمعاتو بقراسة وبدات تحك نقات راسهاا تحت الابط والفرج وشللات مكتخلي لوسخ فين يشد هزات بانيو صغير كبات فيه الماء سخون من رشاش وخوات عشوب وزادتو المااء بارد دفاتو شوية وجلساات فيه ترخي عضاامهاا شحال.. شللات ولبسات بينوار ولوات فوطة على راسها جمعات الدنيا وخرجات دخلات لبيتها سدات عليها ونشفاات بالفوطة هزات بواطة ديالها لي مخلطة بالمسك والشبة دهنات بيهم تحت الابط وفرقبتهاا وبين فخاضها مزيان بدلات حوايجهاا طلقاات شعرها نشفااتو بالفوطة ولواة عليه زيف حياتي حلات السرجم وهبطاات الريدو ديالو وبقات كطل من موراه حتا دخلات عندها حنان..
حنان: هاناا جيت بالصحة
اميرة: الله يعطيك صحة اختي جبرتيني كنطل شوية شحال هادي مخرجت لزنقة
حنان: هانتي غتزوجي ويبقا راجلك يخرج ديماا
اميرة: مااعرفت ياااختي والله حتا تالفة
حنان: جلس جلس بعدا نقولك شنو كاين
اميرة: هانااا قولي حتا انا محتاجة نسمعك
حنان: كوني غييير مزيانة مع راجلك ومتخليهش يغضب منك وتلبي ليها رغباات ديالو والله حتا تفوزي بيه عرفتي راه ختارك من دون ناس زعمة قلال عليه بنااات ومغيخصك معاه خير
اميرة: معنديش تصاور والله مكنتصورش قليل عندي غير فتليفونات خوالي وماما صافي
يونس: اهاااه اوك الالة المهم يدوز العرس ويكون خير تهلاي
اميرة: ان شاء الله حتا نتاا........
4 ايام مزال العرس مهياا الا ايام قليل بداو العائلة كيجيو من كل جهة لي فمكناس فاس شمال ومن العروبية دار عمرات بداخل والخارج والبز خيرات الله لي جات كتجيب معاها 3 / 4 ها لي مزال كيرضع ها لي كينقز واميرة فين ما مشاو تبعاهم كتلقط موراهم وتقادد موراهم بقا يومان لحفل الحناء ..جاو ممولين افراح ركبو الأضواء على برا وزينو الباب ب "زفاف مبارك " مكاين غاا طناجر دطياب داخلين حطو كلشي فالكراج لي مزلج مصبوغ وكبير شاد نص مساحة فدار حيت دار كبيرة فيها 120 متر ... سي مصطفى واحمد ولادهم ورجال لي جاوهم من كل قنت كلشي بدل حوايجو واستعذوا لذبيحة بقرة كبروا الله اكبر وعيلات زغرتوا على ذبيحة كيطلو غير من الدروج كلها وشنو شاد وكل واحد باش مكلف فشغل دار
.. اما اميرة واحلة غير مع عيلات لي عندها شي دري تنعسوا دخلو لبيتها ولي عندها شي بنت تمشط ليها تصيفطها لاميرة .. طلع ليها الخز وهكاك صابرة. كتفكهاا غا حنان ضور ضور وتمشي طلل عليها فين وصلات...
ليلة دالحنة تجمعوا عائلة بالمدح النبوي وذكر الله بالبنادر وتعارج اميرة لبسوها قميص بالرندة فالابيض بشربيلو فنفس اللون وليزار دالعريسات فوق راسها مشبك وشعرهاا مطلوق.. خرجوها بزغاريت جلسوها فوسط الصالون فوق جوج مخدات وناس ضايرين بيهاا جابو الطبق كبير ومبيخرة محطوطة فوسط خاررج منهاا ريحة العود والند.. حيدو ليها ليزار لي فوق راسها وغطاو ليها كتافها بتوب اخر فرقو ليها خصلات شعرها.. خلطاات حنان الحنة والريحان والحرمل فزلافة كبيرة مع صابون البلدي وزيت العود وبداو يشققوا ليها شعرهاا بيه سلاو ليها شعرها من راس لقاع فرقوه على جوج وضفروه ليهاا وجمعوه لبسوها زيف حياتي وردو ليها ليزار فوق راسهاا. جمعو ليها كمام وبداو يدهنوا ليها يديها ورجليها بالحنة خلاوها ليها واحد شوية ورجعوا مسحوهاا ليها.ودارو الفال لبنات لحاضرين معاها جلسوها مع ناس فوق درزو ليلتهم ناشطين فرحانين طلقينها على تقشااب فوجات اميرة معاهم حتا نسات الدهشة لي شداها من جيهت العرس تعشاو مجموعين وبقاو مقصرين حتا لآخر ساعة كل واحد شد بلاصتو شي فرش فصالون شي شاد بيتو اميرة دخلات لبيتها مداحسة مع عيلات لي منعسين ولادهم فبيتها لقات دراري مزندحين فوق فراشها بدلات حوايجها لبسات قندورة عادية ديال الدار ..هزات بطانية فرشاتها فالارض يلاه هيا قدات المخدة باش تنعس وهيا دخل حنان..
حنان: المهم فرشي شي فوطة على مخدة باش متدبغش ليك الحنة المخدة
اميرة: صافي واخا اختي انا نشوف شنو ندير فوقها...
شدات اميرة بلاصتها بقات كتقلب يمين شمال طار ليها النعاس مداتها عينيها حتا لشي وقت. صباح نهار الحنة دار عاامرة بضياف كلشي كيوجد الفطور على حقو ..حنان وفاخيته وجدوا لاميرة حمام والحويجات لي غتلبس. سعيد مقابل ممولين د الافراح لي مدخلين الطيافر وطبايق والكرسي لي غتحني عليه العروسة وسكر مغلف ولوحة كبيرة مكتوب عليها الف مبروك اميرة يونس.. وشريطات ف لون الأخضر معلقين فيهم خميسات وجدو صالون لي غتحني فيه ومنعوا يدخلو ليه دراري باش ميرونو حتا حاجة. ناضت اميرة حتا قربات الظهر بحنيكاتها حمرين خرجات ملقات حد كتسمع غير الهضرة لفوق دخلات حمام غسلات وجهها وخرجات كتمسح وهيا طلاقاا كريمة خارجة من الكوزينة طالعة بسينية د اتاي..
اميرة: صباح الخير مكاين حد والاا
كريمة: اتباارك الله وصلاة عليك ارسول الله.. العااااشق فالنبي صليو عليه يويويوري
كيف صبحتي
اميرة : هههه لباس الحمد الله واش كلشي خرج
كريمة: هزي داك طبسيل دالحلوة وتبعيني راه كلشي فالسطح
اميرة: (طالعين ) خلاكم با سيدي طلعوا
كريمة: راه صباح كولوو وهوما فالخزانة كيركبوا فيها داروها تما وفرشناها
اميرة : احسن والله
راضية: هااا نوارة ديالناا جات حاا الحبيبة هااا بنتي 😢😢 لي غتخوي علياا دار وتخليني بوحدي....
سدات اميرة الباب وبدات كتقفقف بوحدهاا حيدات الحوايج لي من الفوق وبقات غا بدوبياس طلقات الماء جلسات فوق الكرسي كتسنى حتا دقاات حنان الباب فتحات ليها ورجعات لبلاصتها بزربة
حنان: هاي هاي نااااس حشمااانين احم احم
اميرة: الصمت
حنان: عري نشوف داك الخير لي هازة
اميرة: وصااافي نتي غسلي لياا غير شعري انا غنغسل لحمي
حنان: شوفي عري بشوية وبخاطرك ولا والله حتا ندير شرع يدي فيك ههههه
ضارت ربيعة عطات لولدها بالضهر ويعقوب بقاا هز بنتو وكيشوف ف الأم ديالوو حس انه مبغاتووش يتزوج بيها
خرج وسد الباب رجع لبيتو حط بنتو فبلاصتها وغطاهاا ورجع هبط مع الدروج خرج مع الباب لقا حميد كينقي فالشجر ويجمع الوسخ لي فالارض... جلس يعقوب فطرف ديال المحبق كبير مغروص فيه ليمونة.. جبد تليفون وطلع نمرة د خالد يتاصل بيه..
خالد : داباا انا غنهضر معاك نيشاان شووف اصاحبي متخمم فحتا حاجة كلشي واااضح وباين بنت صغيرة ونتا واخا تكون غاا جالس فدار راك مغتقدريش تربيها وتكون بيها وامك هكاك راه ضروري خاص شي حد يبقاا معاهاا..نوض اصاحبي تزوج وبدا حياتك من جديد متبقااش شاد على راسك هاكاا
يعقوب: وامي اش ندير معاهاا
خالد : معندك مدييير فلاخر راهاا غتفهم كلشي وغتولف وكأنا شيئ لم يكن
يعقوب: دابا شنو ندير
خالد : وهضرت معاك اصاحبي سير هضر مع هادي وشوف معاهاا
يعقوب: الصمت
خالد: سمعتيني ولااا
يعقوب: امم
خالد: عارفك متردد وحاس بيك ولكن الا عندك شي حل اخور هنتا قضي غراد
يعقوب: اوكي هاد العشية نشوفها ونشوف اش ندير
خالد: الله يسخر وباش مكان رد عليا
يعقوب: صافي كون هاني
خالد: يلاه تهلاا عبير كتسناني التحت
يعقوب: اوك الله يعاونك
........................................
قطع يعقوب مع خالد الهضرة وبقا كيقلب فنوامر حتا طلع نمرة د ايمان بقاا هاز صبعوا واش يصوني ولااا لاا. محس براسو حتا صونى عليهاا...
جميع الناس المعروضين جاو كل واحد شاد بلاصتوو كلشي كيتجرجر بتكاشط وقفطاان مكاين غير مرارش... وسربياات كيفرقو الحلوة واتاي والمملحاات..
لبساات زينة العرايس اول لبسة ليها (لبسة طنجاوية) اسمها "الشدة " كدخل بيها العروسة شادة عينيهاا طلعاات فأبهاا حلة نوور سااطع من وجهها كلشي وتاها وكلشي جاا قدها بحالا مفصل عليهاا بعد نصائح لي عطاتها الزيانة كيفاش دخل وايمتا توقف وايمتاا ضور عند ناس... تبعات كلامهاا اميرة بعدما شاافت راسهاا فالمرايا وفرحات براسهاا خرجوا من البيت بقات فيه غير الزيانة والمساعدة ديالها طلعات مع العروسة هيا ونكفاات بزغااريت دخلات العروسة وكل واحد كيطل من جهة يشوف. شي كيكبر على نبي شي.. مزال صغيرة غصبوهاا عندهاا زهر...كل واحد حال فمو فجهة وفاخيته غير شادة فقلبها ومفتونة ماعرفاات هاد الليلة فين غتصفي برزات العروسة والعائلة تجمعوا عليها كيتصورو معاهاا بقات جالسة شوية ورجعوا هبطوهاا... يلاه وصلات حداا بيتها وفتحوا الباب....
بشرى: رحيمو اجي هانا فصاالة
رحيموا: نتي هنا شكديري (مشاا
يونس: (فتح باب ) هانا جيت
سكينة: باسم الله رحمان الرحيم تجيك فراس الحرامي ولد حرام تف تف
الأرملة الصغيرة الجزء الثالث
محتوى القصة
التنقل بين الأجزاء