يونس: وشغادي نقوليك راه فهاد الوقت صعيب باش تلقااي شي حد ممدزوش فترة وكدوز
اميرة: الصمت
يونس: تقدر تبغي شي بنت غير باش دوز وقتك وطفي نار شهوتك فيها وصافي وهيا هكاك تاني كتلقاا عندها مشاكيل وصداع وباغا تهنى وكتحاول تبعد وكتقلب على شي راجل يحس بيها
اميرة: (جاهاا الفضول ) وشحال من بنت عرفتي نتا
يونس: هههه ويلا جيت نصارحك راه نتلف فالحساب فين ممشيت نعرف وحدة جوج ماخراا مشيت مخيمين فطنجة ومع تماا خير راكي عارفة
اميرة: (طاح عليها الضيم ) واخا المهم انا غنهبط بحالي دابا راه جاني البرد
يونس: لاا مزال جلسي حتا لبلاتي تغطاي مزيان
اميرة: لا غا خليني نهبط بحالي لتحت حسن لياا
يونس: اميرة وجلسي ولا معجبتكش هضرة لي قلت ليك! ياك نتي سولتيني وانا قلت ليك لي كاين
اميرة: (كتخرج الهضرة غاا بزز ) لاا لا عادي هديك حياتك ونتا حر فيها انا مدخلنيش
يونس: اهاااه حياتي هيا حياتك دخلي فاش مبغيتي وهضري فاش مبغيتي انا غير بغيت نوضح ليك لي كاين ماشي نجي ونتهرب من هنا ومن هناا.
اميرة: الصمت
يونس: عادي هاد المرحلة كلشي كيدوز منهاا سواا كان ولد ولا بنت.
اميرة: هه سبحان الله على فكرة عندكم
يونس: اميرة خاصك تعرفي ان حناا فواحد بلاد زيرو متخدم متقرا وطفروا متوصل المهم نهار تخلاق هز الصماط ديالك وسير تخشى فشي قبر مدام مكتلقا مستقبل فهاد الحياة كتعطيها غير لزهواا والقصاير تلف وقت وصافي
اميرة: استعن بالله هوا لي خلقك وهوا لي قادر يرزقك واش كتشوف انك الا مشيتي قصرتي ودرتي ودرتي راه غتنوص فالصباح غتلقا المستقبل فيديك دار وخدمة وطوموبيل وكداا...؟؟ اكيد لااا اولا ضيع داكشي لي عندك غير فالحرام ثانياا راه غتهلك صحتك وضيع وقتك وتعصي ربك وشنوا الفايدة من هادشي والو غاا الخصاارة وحياتك تزيد تكفس كتر مااهيا واش يحساب ليك ان هاد ناس لي عندهم ديور ومسك عليهم الله وبخير راه طاح عليهم من سماء ؟؟ المخير راه كان كيهز غا الصنادق من المارشي ولا من المارساا باش يجيب غاا طرف دالخبز حتا لقاا راسو بالتعب ديالو وصل واخا مكانش فبالو داكشي..
يونس: الصمت
اميرة: متوقفش حني لله وطلب الله واستعين بيه وغيكون غاا الخير.. ودير سبب ماشي غير تصلي ودعي وتجلس تسنى داكشي يدق بابكم لاا سير قلب ودير اسباب وحاااشة سيدي ومولاي يخيبك ونتاا داق بابو
يونس: (كيضور فعينيه ) امم بصح ان شاء الله يكون خير
اميرة: اه اه ولكن دابااا لا راه منقدرش والله عفيني الله يحفضك
يونس: شنو سباب احبيبة علاش زعمة
اميرة: عندي عذر داباا ومنقدرش
يونس: كيفاش زعمة ديلاش هاد العذر ؟؟
اميرة: ااووه.. وااعندي عذر ماشي لخاطري حتا نغتسل ويحن الله
يونس: 😳😳😳🙄😒😒😵😦😣😠 ...
شوفة د يونس تغيرات ماعرف راسو باش تبلاا بحالا شي حد طرشوا كز على سنانوو وزير على يدوو وحبيب الحبااب مزال منشور خاب ظنو..ناض من عليها ودخل لحمام يبرد على خاطروا واميرة مزال كتقزقز بحالا كانت مسافرة فتران وباقى فيها الدوخة بقات كارمة فبلاصتهاا خايفة عندك يرجع ليها... تقريبا 20 دقيقة عاد خرج شاف فيهاا بنص عين ودار ليها واحد الاشارة بحالاا كيقول (واخاا فيك عقلي فيها ) جبد باكية دالكارو من جيب و هز فوقية ديالو لبسها وخرح واميرة بقات كضور فعينيهاا حتا غلباتهاا الضحكة
اميرة: ههههههههههههه ونااري امي كرشي ههههعههه ويلاه قبض ياارب ليك الحمد والشكر ملي جات الله على راحة واخيرااا رتاحيت ههههههههه مصاب تبقا فيا شهر على اقل غاا نولفوا بعدا هههههه اناري كرشي
جاتهاا هيستيرية ديال ضحك واخيرا رتاحت مشات شدات عليها الباب بالساروت حيدات حوايجها بدلات لبسات قميص خفيف وقصير شوية غسلات وجهها ورجعت لطبلة عرات على داكشي وعطاتهاا لسريط وهيا كضحك وتخايل داك الموقف لي كانت فيه مع يونس.. مكلتهاا قليلة ولكن محساتش براسها بقات على دوك طباسل نزيد غاا هادي لا تزيد غا هادي حتا نشفاات كلشي.. وكرشها ولات بحال السلة كتقلقل بالماء والماكلة غا بوحدهاا.. نيت كانت مهلوكة غطات داكشي ومشات تكات فبلاصتهاا حتا داهاا نعاس...
يونس طلع لسطح تكا على الحيط ودوز نمرة يهضر مع صاحبو ويسوط حتااا فات الحال وبدات شتاء كتنقط والريح كيجهااد. عاد شد باب سطح وهيط مشا لكوزينة شرب الماء طل على ناس لقا كلشي ناعس مشا لبيتو يلاه بغا يحل الباب متفتحلووش والوو عيا فيه بقا كيدق بشوية والو مكاين جواب..كيعيط بشوية لأميرة والو حتا هيا مسافرة ف سبع نوم!ة...مبقلا حل شحال كيتسنى وملقا غا الصالون يقبل عليه مشا طلق مانطة فوق واحد سداري وتخشى وصطها بقا كيتقلب يمين شماال حتا داه نعاس
..
🌱أصبحنا واصبح الحي القيوم 🌱
فاقت فاطمة كيف عادتها مشات لكوزينة ودات مقراج دالماء يطيب تعمر اتاي... غسلات ماعن وخرجت لصالون لقات يونس مشير بنعاس حط مخدة فوق راسو من شعا دالشمس لي داخل مع سرجم ...
فاطمة: اويلي مالوو هادا ناعس هنا علاه معندك بيت ياوليدي ! يوونس اايوونس (كتهزوا
كفضات اميرة على دراعهاا هزات كلشي دخلاتو لكوزينة مسحات الطبلة ورجعات لبسات طبلية دبلاستيك جبدات الصابون وعطاات لحكان غسلات الصغيرة على الكبيرة.. خرجات لقات مكاين حد غير سمية هابطة كتشطب الدروج دخلات لبيتها هزات المواعن لي تعشات فيهم هيا ويونس غسلاتهم وستفات كل حاجة فبلاصتها دخلات فاطمة تشعل سخان..
اميرة : خالتي اديري شي حاجة
فاطمة: لا غير نشعل سخان وصافي ندوش
اميرة: واخا بصحتك
بقات فاطمة عاطية لأميرة العين بشوية فشغالهاا وتاويلها كيف كتحط.. خرجت وبقات اميرة كتشقى وتهز فجلايلها وتقاد فشانها لي يتعوج من كل جهة..جففات الكوزينة وخرجت خلاتها تنشف..رجعات لبيتها خملاتو وقدات ليه غطاا ديالو.. ورجعت خرجت لصالون لقات مكاين حد لي خرج خرج ولي فشي جيهة راه فيها طلعات سمية سخفاانة عاد داخلة تجمع الكوزينة لقاتهاا كتشعل..
سمية: وبااز قلت ليك غير دخليهم اناا جاية علاش غسلتيهم
اميرة: اويلي واش نتا مصطي ولا معندك شغل ايوا ملي يعرف با سيدي بايت معايا مبقا عندي وجه نشوف فيه
يونس: ومالك مع صاحبك راه من حقي نعس معاك ونخرج معاك ونكون معاك فينما كان
اميرة: هادشي عندك نتااا معنديش انا
يونس : ايوا تباتي راه غنبات وسليناا لبسي دغياا ويلاه
اميرة: وخرج راه خاصني نبدل حوايجي
يونس: لا
اميرة: هاالعار خرج خليني
يونس: ومتباتيش!
اميرة: وداباا نوض نلبس حوايجي ومن بعد نشوف
يونس: (خارج ) المهم انا هضرت هانا لتحت نتسناك
خرج يونس واميرة طرقات الباب بالسوارت دخلات لحمام دارت دوش خفيف من غير شعرها وخرجت بدلات حوايجها لبسات قميصها وجلابتها دالعرس وقدات زيفها وزينات عينيها بشوية د كحل لبسات خاتم ديالها دزواج وذهب ديالهاا لبسات تقيشراتهاا وصباطها هزات صاكها وخرجات تبعات يونس لقاتو فطوموبيل خوه كيتسناهاا سدات باب زنقة وطلات عليه
يونس: حبيبة طلعي
اميرة: 😍 شريتي طوموبيل ولا شنوو
يونس : (ديمارا ) نوو غير د كريم مخدمش اليوم وخديتها
اميرة: يااه كتعرف تصوك سعداتك
يونس: نعلمك ؟
اميرة: مكرهتش والله
يونس: من بعد ان شااء الله .قوليلي!
اميرة: شنو
يونس: شنو غندخلو فيديناا
اميرة: معرفاش وقيلة والو
يونس: نوو حشومة باتيسري لي حداكم تكون فاتحة!
اميرة: وقيلة اه
يونس: اوك ناخدو منها شي حاجة..
وصلو لدار هبطات اميرة وقفات حدا طوموبيل ويونس مشا لباتيسري شرا عصير والحلوة رجع لقا جيران كلشي مجموع على اميرة كيسلموا عليها... عطا سلام لناس وصونى فدار الحاج مصطفى.. من قوة الفرحة هبط الحاج يفتح يلاه حل الباب فتح يديها يعنق بنتو اميرة طارت فعنقواا تعنق وتبووس ليه فراسوو وتبوس ليه يدو وهوا يهربهاا.. سلم على يونس واميرة طلعات كتجري فالدروج وتعيط لجداتها طلقاوهاا لدروج كلشي كيعنق ويبوس بحالا عام مشافوها وفاخيته وجهها دابل بقوة البكا فهاد ايام لي بنتها خوات الدار...
جلسوا العائلة مجموعين واميرة معنقة امها تشاركوا الهضرة ولي قصم الله ويونس كيدير شي شوفات فاميرة زعمة نوضي ولا غنباتو هنا وهيا كتقلب وجهها مكتشوفش فيه.. تغداو وكل واحد شاد قنت فالهضرة فاخيته ناضت لكوزينة كتفرق رغايف وراضية كطيب فيهم واميرة جماعة مع حنان جمعات كمامها ودخلات لعندهم لكوزينة...
اميرة: نعونكم فشي حاجة ؟
راضية: لا غا جلسي كيف دايرة مع ناسك
اميرة: مزيانة ناس ضريفن
راضية: ايوا منخافش عليك الحمد الله
فاخيته: الصمت
اميرة: ماما متوحشتنيش
فاخيته: (عينيها مغرغرين بالدموع ) بلااتي ونهضروا ان شاء الله
يونس: (ناض بالزربة ) هيهي والله لا عتبتيه دوزي لهنى
اميرة: هااناا شنو
يونس: (كيسد الباب ) خاصناا نهضروا
اميرة: (جلست ) هانا شنو
يونس: (جلس حداهاا ) انا لحد الأن مزال كنحتارمك وكنت متفهم معاك عارف انا بنات كيخافوا من دخلة وكدا اناا عارفك مزال صغيرة وكداا وخاصك تولفي بلاصة جديدة وناس جداد عاد تقدري طلقي وتاخدي حريتك
اميرة: (حبس ليها الريق فالحلق )
يونس: انا فاول كنت كنقول هادي مبغيهاش عكس داباااا بااااغيك لدرجة كبيرة بزااف واخا نعرف راسي نفني اي واحد يجي فطريقك .. جدك تبارك الله عليه عاد عرفتواا حق المعرفة بالخصوص فهاد النهار... وحبيت عائاتك بزاف وكنحمد الله حيت لقاني بنت بحالك
اميرة: الصمت
يونس: اناا غنلبي ليك حقك كا زوجة حتا حاجة متخصك معاايا واخا نسعاها هادي اللولة الحاجة ثانية بغيت حقي كا زوج تصرفي معايا عادي تلبسي تعراي نعاشرك معاشرة زوج وزوجة ياك عارفة حلال من حرام لاا ؟؟ وتبارك الله عليك معندي منقول فيك ولكن علاش كتهربي مني وعلاش ديما قمعاني وصراحة وكنقسم ليك بالله كون كانت شي بنت خراا منديرش معاهاا هادشي كاامل... ولكن انا قلبي بغااا وحدة وباغي نحطها فعينيي تيقي بياا.. انا ان شاء الله غنخدم سيماناا جاية ومستاعد اي حاجة طلبتيها تجيك.. عفااك تقادي معايا حيدي منك هاد الحشمة زايدة ورخي راسك معاياا خليني نحس بيك وتحسي بيااا ونعيشوا حياة زوينة.. هادشي ديالك راه صعيب يتقبلوا شي حد اخور انا عارف كبرتي فعائلة محافضة وكدا ولكن هادا مكيعنيش انك تقطعي عليا الماء وضو واصلا كلشي ساهل معندك منااش تخافي (شد ليهاا فيديها ) عفاااك اميرتي بلاما تجيبي لياا اعذار ممنهاا والوو وتهربي راسك... شنو قلتي
اميرة: كلامك فوق راسي انا موافقة
يونس: يسسسسس وااو مزيان داباا مزيان
اميرة: لكن بشرط
يونس امااا هوااا!
اميرة: انا فعلا فياا الحشمة زايدة ماشي غير منك نتااا انا حتا بنت بحالي بحالها نحشم نلبس حداها ولا نتعرا حداهاا ولا ندوش مع شي حد تقدر متيقنيش ويجيك هادشي غا تبوحيط كيف كاقول نتا ولكن تيق بيااا اقسم بالله الذي لا اله الا هوا مكنقدر ولا لخااااطري صعيب علياا بزاف
يونس: ايواا!
اميرة: فعلا محتاجة وقت باش نولفك وباش نتعايش نع حياة الجديدة ولكن معليش نتا مطلبتيش شي حاجة حرام ولا عيب.. من حقك غير هوا عندي اخر طلب الا نتا قديتي بيه (تنهداااااات ) حتا انا هانا ليك..
يونس: اووك اما هواا ؟
اميرة: انا بغاااك تبدل حياتك فمراا من زيرو.. احم. تبعد على جميع محرمات هاد قصاير لي كتقولي وهاد الكارو وهاد حياة لي تخلي ربي يغضب منك.. وحاجة مأكدة هيا صلااة بغيتك تصلي وتصوم وتقوم ليل وتزكي وتصدق وتقول الحق تعيش وربي راضي عليك ديك ساعة غنكون انا مرتاحة فنفسيتي ومهنية والعيب والعااار علياا الا مدرتش لي يرضيك
يونس: الصمت
اميرة: انا عمرني فكرت فزواج وكان عندي حلم فهاد الحياة متحققش مع الاسف وحياتي تقلباات وتزوجت بيك. واخا خير فيما ختاره الله ولكن انا بغااك ماشي كيفماا نتا دابا تعصب تهز كارووا لاا بغيتك تهز القرآن وتوجه القبلة قرا وبكي لله هوا الوحيد لي يقدر يعينك ..
يونس: هداية تجي من بعد داباا بلامااا تجبدي ليا هاد الفلسفة حامضة الله يخليك
اميرة: دابا هاد كلام جاك حامض ياك حشومة عليك والله
يونس: واانتي باغاني نرجع داعيشي وصافي هههه .
اميرة: سبحان الله كلهاا وتفكيروا منقدر نقولك والو دابا ملي تقتنع بهادشي لي قلت ليك هانا حداك...
الأرملة الصغيرة الجزء الخامس
محتوى القصة
التنقل بين الأجزاء