خالد: زديقي امضرا فين وصلتي راه كنت كنصوني عليك وكنلقاا بواط فوكال
يعقوب: كنت مزال موصلت فاش كنتي كتصوني
خالد: ايول فينك دابا امضرا مشيتي ولا مزال
يعقوب: لا انا مزال فكازا مع سي عمر عاد غنشد طريق
خالد: وايلي واش سي قزابري ههه دوزو لياا نهضر معاه
عمر: واش هادا سي خالد
يعقوب: اييه هاهواا بغا يهضر معاك ..
عمر: آلوو اهلان امولاي
خالد: الله الله عااش من سمع هاد الصوت توحشناك يااخي والله
عمر: وحتا انا عاد جيت للمغرب بعد الحج كيف دايرين مالين دار كلشي مزيان
خالد: الحمد الله وانت العائلة كلشي بخير
عمر: ايظاا حبيبي الله يسلمك زورناا راه مدة مصلنا الرحم
يعقوب: (كيتمنضر ويشرب كافي )
خالد: وكنت تماا والله ولكن رجعت نتشااوفو فالقريب الله يحفضك اخي
عمر: شكرا سلامي للعائلة سلام عليكم هاك يعقوب
يعقوب: ايوا خالد
خالد: والمهم باش مكان رد علياا اش درتي راه بالي معاك
يعقوب: عارف لي كاين المهم رد بالك غا مع لين الله يحفضك عنداك طيح فوق فراش ولا تقاس بشي حاجة
خالد : حشومة كااع المااسخ تقول هاكاا راه عبير مهلياا فيها ومرة مرة كنمشيو انا وياها نشوفو خالتي ربيعة
يعقوب: واخا و خالتي باقا مع ماما !
خالد: وي مزال هيا وبناتهاا
يعقوب: واخاا معليش مهم بيناتنا تليفون..
خالد: واخا الله يعينك سلام
يعقوب: سلام
عمر: مشطون ياك
يعقوب: بزااف والله واحد راس كيقولي تراجع واحد كيقولي غاا زيد وكلشي على الله
عمر: يعقوب انا راه كتر منك وعندي تجريبة فهاد الحياة.. لي نبغي نقوليك راه عندك مسؤولية كبيرة والحل الوحيد هوا تزوج باش تربي بنتك وتكمل قرايتك وتكمل حياتك بحال كاع ناس..
عمر: والحاجة لي نقصاك انا نكملهاا ليك نتا دابا درتي الخطوة الأولة انك جيتي المغرب وناوي تقصد دار البنت يااك ايوا دابا زيد توكل على الله وسير الله يعينك
يعقوب: راسي كيغلي كيغلييي
عمر: عرفتي شنو نوض سير رجع فحالك وهنيناا
يعقوب: الصمت
عمر: مالك ديماا تالف ماالك وصافي سيري وبقاا على حالتك عادية وهانتاا مهني
يعقوب: المهم نخليك دابا هانا غنمشي على الله.
عمر: جلس شرب كاسك بعدا حتا تغدا وعاد سير.
يعقوب: معندو منين يدوز والله غاا خليني هاد الساعة حتا يحن الله
عمر: هاد قصوحية راس لي فيك هيا لي غتخرج عليك جلس فبلاصتك هانا جاي..
ناض سي عمر وبقا يعقوب داير يد على راسو كيخمم تالف ليه الرأي هز كتاب من فوق كوان جلس يقرا فيه كيتلف حتا رجع عمر هاز قصرية صغيرة دالرفيسة ..
عمر : جر هاد سينية لطرف
يعقوب: وعلاش اصاحبي مكلفين راسكم حشومة كاع
عمر: عارفك كتعجبك وكول وخليهاا فيد الله
يعقوب: وجلس نتا
عمر: هانا جااي غا سمي الله
مشا عمر لكوزينة ويعقوب كيدوز بالمعلقة على قصرية بحالا كيبردهاا... حتا رجع هاز بلاطو فيه شلايض والكفتة مشوية وعصير...
يعقوب: يهديك الله لمن حاط هادشي ودوز تجلس ولا نوض بحالي
عمر: ترساا فبلاصتم ولا نخصر معااك الله (جلس
يعقوب: شرفتي ياا صاحبي
عمر: 😒 بقاا عا نتا صغير هيا الا نوضتي ودرتي لينا شي عراسية فاعلة تاركة
يعقوب: غندير نبك لواه غاا عول داكشي لي بقاا
عمر: كول كول الله يعفوا
تغداو صحاب وهوما مجمعين ناضو صلاو الضهر لبس يعقوب تقاشرو وجلس فطرف دالكاتري كيسد فسيور دالصباط وعمر واقف حداه هاز ليه محفضة ديالوا وجاكيتوا ناض يعقوب فتح ذرعانوا لسي عمر عنقواا بالجهد ..
يعقوب: دعيلي بتسير راك خوياا
عمر: متوصنيش يعقوب أخر كلامي مهماا كان الألمك مريرا ومهماا كان القادم مجهولا. افتح عينيك للأحلام والطموح فغدا يوم جديد وغدا أنت شخص جديد الله معاك..
خرج يعقوب هاز المحفضة ديالو فيدو وجاكيط وكلينيكس فيد لوخراا كيمسح بيها مشخشخ بالروااح مشا لباركي فين مخلي طوموبيلتو تما طلع و وحط حداه لوازم ديالووا وتوكل على الله شاد طريق لمدينة المحمدية .. حتا وصل حدا لاكار وحبس فواحد قنيتة هز تليفون ودوز لمكالمة ل إيمان...
تييت... تيييت... تييت.📞
ايمان: الوو
يعقوب: سلام لباس انا وصلت حدا لكار فين داركم نتوماا
ايمان: الحمد الله انا نصيفط خويا عندك صبر شوية
يعقوب: غير عطيني لا دريس انا نجي ديريكت
ايمان: لا غا تسنى شوية..
يعقوب: اوك (قطع
قطع يعقوب وخرج من طوموبيل هاز بورطابل فيدو كيضور فدوك جوايه حداا لي بوتيك لي كاينين تماا... تقريبا ربع ساعة حتا جاه اتصال..
يعقوب: وي
هشام: سلام خويا انا خو ايمان فينك نتا
يعقوب: اه وي انا حدا لاكار واقف حدا طوموبيل كحلة
هشام: اااا....... اه وي واخاا انا جاي..
قطع يعقوب وبقاا واقف متكي على طوموبيل داير رجل فوق رجل سااهي حتا وقف حداه هشاام سلم عليه وزادو على رجليهم حتا وصلوا لدار فحي شعبي وجيران كيجمعوا من سطوحة شي كينشر زرابي على زنقة شي كيشطب حدا دارو ومنوض عجااج موراه وكل درجة دالباب مجموعين فيهااا عرام د حشايشية... دخلوا لدار طالعين فالدروج هشام فالأول ويعقوب موراه وجيران شي هابط شي طالع كيطلعوا ويهبطوا فيه وهوا كيخوي ليهم الطريق حتا يزيدو عاد يتبع لاخور حتا وصلوا لطبقة ثالتة غير دفع هشام الباب تحل دخل ويعقوب بقا واقف فالباب
هشام: دخل مرحباا بيك
يعقوب: شكرا..
هشام: تفضل جلس
يعقوب: (حرك راسوا بالايجاب )
هشام: الوالدة واااااا الوالدة وفينك
أم: هشام هانا فالكوزينة
هشام: وزيدي اجي ها سيد جاا (جلس حداه )
أم: (خارجة كتمسح يديها فالفوطة د جلايل ) مرحباا مرحباا زارنا حبيب الله (سلمات عليه بيديها وهوا خطف يدوا )
يعقوب: المهم جيت قاصدكم والمقصود الله طالب منك اشريفة بنتك ايمان على سنة الله ورسوله الى قبلتي علياا وكنضن راها تكون عودات ليك كلشي علياا..
ايمان : اه عودلت ليهاا كلشي ومتفهمة الأمر
الأم: ايوا هادي هيا حالة الدنيا الله يتاويناا على خير وربي يشد ليك فصحة دالميمة ويخليليك وليداتك
يعقوب: هه عندي غير بنيتة مزال كترضع
الأم : اييه وكيف طرا يااولدي حتا ماتت امها
يعقوب: 😣 الشريفة انا مباغيش نجبد هاد الموضووع الله يرحم ليك الواليدين المهم لي محتاجينهم على ود بنتكم قولوه لياا وهاد السيماناا خاصني نرجع بحالي وخاص اموري كلها تكون مسالياا ان شاء الله
الأم: ايوا راك عارف اولدي لي كاين بنت لي غتزوج خاصها تاخد لي يخصهاا وتقوم راسها ودير ليلتهاا..
يعقوب: تكفيكم 4 ايام!
الأم: ايوا اولدي شهر ومنسليوشاي
يعقوب: (تعجب ) ؟؟؟؟...؟ ايمان فاش هضرنا
ايمان: احم المهم يكون خير صافي ان شاء الله
الأم: ايوا يابنتي نتي مقلتيش ليناا هادشي بعدا كون وجدنا غا على بكري
يعقوب: المهم بعد غدا ان شاء الله نتكاتبوا من بعد ديري لي بغيتي ونبينا عليه سلام...
حليمة: ايوا وصداق!
يعقوب: الصمت
الأم: اويلي سكتي
ايمان: (تحت اللسان ) نوضي اسخط تكعدي من هناااااااااا تفو
يعقوب: ايمان المهم من بعد نهضروا صافي
ايمان: صافي واخا ولا عليك
يعقوب: المهم سلام عليكم
الأم: اويلي جلس تغدا معانا بعدا حشومة كااع
يعقوب: الشريفة مجيبانيش عندكم الماكلة هاد ساعة المهم الله يجيبناا فصواب ومع ولاد ناس لي حسن مناا شكرا على حسن الضيافة وسمحولي
الأم : اويلي هادي ماشي دخلتك اولدي وحشومة كااع نردوها فساعة خراا ان شاء الله...
يعقوب: ان شاء الله (ناض
خرج يعقوب وسدات موراه الأم الباب يلاه وصل لدروج وهوا يسمع زغاريت قالبة دنيااا لفووق غلبو الضحك حتا وصل لباب زنقة خرج لقاا هشاام مجوق هوا ودراري د الحومة. زاد ومضارش موراه...
يعقوب: خوتهاا عائلتهاا الموقع لي ساكنين فيه حتا حاجة مكتخليك مطمأن... كلشي كيفهم كلشي كيعطي رآيوا نااري دخت بالمعقوول وحق الله
خالد: اهاااه هيا القضية حامضة عندهم.. اممم
يعقوب: وي جلست غااا بزز وتكرهت وصراحة راه شي حاجة شداني اصاحبي على هاد الزواج... واخا انا مضطر عرفتي راسي ولا بحال مولينيكس كيضور فأقصى سرعة... ومكيحبسش (كيهضر والدموع مغرغريين ليه فالعين ) اووووو ف معذب
خالد: يعقوب نتاا غتزوج بالبنت ماشي امهاا وماشي عائلتهاا...واصلاا بعاد عليك مرة فالعام هبطهاا عند عائلتها والله يعاون راه ماشي غتسكن معاهم ولا غيسكنوا معااك حاول تفهم الله يرضي عليك.خمم فبنتك وراسك وامك... سمعتيني...
--------------------------------
بعد مرور شهرين.....!
وصال: شنو دابا ندخلوا عندهااا ولا نخليوها عوتاني
سمية: وغير دقي واش اعباد الله غتبقاا هاكا لا ماكلة لا خروج
وصال: اووف وحلناا معاهاا
سمية: شنو واش نقوليهاا لي كاين ولا نبقاا عوتاني ساكتة
سمية: (حطاات السينية فوق طبلة ) اويليييييي وعلى حالة وليتي فيهاااا
وصال: علاش دايرة فراسك هادشي حشومة عليك اميرة ربي غيفك كلشي على خير متمرضيش راسك حتا من عائلتك تبدلتي معاهم
سمية: وييه جات ديك نهار خالتي فاخيته من فاس يلاه وصلات جات عندناا نيشان مفكوورة بالبكاا كون غا مشيتي معاهاا عند جداتك وبقيتي معاها غير شي يوماين ورجعتي
وصال: مصاب كون غا هضرات معاهاا بحال ناس وعطاتها وقتها كيف مكان الحال كتبقاا هاديك ميمتك
اميرة: الصمت
وصال: فطري كولي شوية
اميرة: الصمت
سمية: اميرة علاش هاد عناد كامل
اميرة: انا مفياا لا لي ياكل ولا لي يهضر ولا لي يخرج ولا لي يشوف شي حد.. انا قلبي طاااااايب وبزااااف ومجروحة بزااف ماشي بضرورة نعاود ونقول اش بياا.. حيت وحده عالي وعالم باش كنعاني.. انا مبغاش نزيد نمرض راسي هادشي علاش بغيت نبقاا منعازلة عارفة نهار لي جاو عندي عائلتي قصرت فحقهم بزاف وعارفة مشاو وهوما مجروحين من جهتي ولكن ماشي لخاطري المهم من بعد تمشي معايا خالتي لدارنا ونشوف عائلتي ونطلب منهم المسامحة ... المهم هزو هاد الماكلة وخليوني نعس شوية
وصال: (كتعيط ) خالتي ااااخالتي
اميرة: وهضرت معاكم علاش كتعيطي ليهاا نتي صافي
فاطمة: (داخلة ) نوضي تخرجي يلاه تحركي
اميرة: الصمت
وصال: سمية نوضي نخرجوا
سمية: نوض احبيبة عفااك
فاطمة: وخرج اسمية تبع مرات خاك
اميرة: خالتي
فاطمة: هضرة وحدة هضرتها معاك نوض تكعد
.. خرجات فاطمة وقفات فالباب وتبعاتهاا اميرة لابسة بيجاما طويلة بنص كم وشان ملوي على راسها سدات باب بيتها وتبعات عجوزتهاا وصال وسمية متبعينها بعينيهم...
وصال: شوفي تبااارك الله نتي صغيرة علياا بزاف ونقولك صراحة عقلك مفقه على عقلي وربي عطااك عقل وتباتة ورزانة لي قليلة فهاد زمان بنت فعمرك تلقاهاا مقنتة فليسياات مع شي ولد القحبة.. غنقولك واحد الهضرة وتبقاا هناا شتي يونس .....(سكتات) انااا لي كنعرفواا وكنت كنشوف معامن كيخرج وفين كيباات شغلوا كان غير يتزلل بالبناات فزنايق ويبات يخيط فالدروبة وهواا سكران ونهار سمعت عمي بغاا يخطبك لولدوا والله متيقت اووووو كيفااش هادشي. اميرة؟؟ ب يونس ؟؟ لا لااا ونتي بنت دربناا وكلشي عارف داركم كيف دايرة وكلشي عارف اميرة شكون واش تكون واخاا نتي غاا فداركم والله ماتسدي لشي ولد لمرا فموا عليك كلشي باغي يوصلك ومقدرش ونهار تزوج بيك يونس تردع!! عرفتي شنو هيا تردع!! هياا فعلا انسان تبدل من عند الله وحنا عمرناا كناا نضنوا انه غيتبدل تيقي بياا وحسبيني ختك كبيرة ولا صحبتك ولا شنوا مبغيتي يونس قلبوو كبير وضريف بزاف غاا صحاب راك عارفة بلاوه وحل فراسوا فاول كان كيستهزء بهاد الزواج ديالوا معااك فلاخر كلشيي حس انه كيبغيك واخاا فمدة قصيرة وكيف كتقولي نتي معاشرك مااا والوو يقدر هادشي يجيك فشكل ولكن هادشي لي كتب الله...
تلفتات اميرة موراها خشات يديها تحت المخدة وجبدات مجموعة من الصور د يونس وعينيهاا كيدمعواا..
اميرة: من نهار خرج اختي وانا تالفة ولفت نشوف تصاورو وحدة بوحدة.. شوفاتوو خلاتني نرتاح ليه باينة عليه ولد ناس خلا فراغ كبير تعلقت بيه وربي شاهد اول مرة كنحس براسي كنبغي وفعلا كنبغي من قلبي ماشي غير كنهضر..
وصال: سمعني والله ودرتي بكلامي حتا تربحي وتكوني فرحانة انا كنت كنبغي كريم قبل منتزوجواا وعاشرتوا قبل العرس الا كانو جوج متفاهمين وكيبغيو بعضياتهم صافي هناا وحبس هادا هوا الأهم اختي دابا شنوا
اميرة: صافي غندير بكلامك...
وصال: واخيراا....
ناضت وصال وقفت حدا اميرة وحنات شداتها من راسهاا وباستهاا من جبهتهااا..
اميرة: ههه واهانا جيت الا مزال ليكم شي حاجة انا نديرهاا ..
🔔🔔
فاطمة: سمية سمعي حديد وقف حدا باب وصوني فالباب سيري شوفي شكون وقيلة جاو
اميرة: 😰
سمية: يسس (مشاات كتجري لسرجم (شكووون....
فاطمة: (كتمسح يديها ) واش هومااا
سمية: ااااه ماماااااا جاو جااااو انا هابطة نفتح
خرجات فاطمة تابعة بنتهاا وصال حطات مطيشة وموس من يديها وطارت موراهم طل من الدروج واميرة تبعاتهم مفهماات حتا زفتة.. تبعات وصال الدروج كطل حداهاا حتا كتشوف سمية معنقة يونس وامهاا معنقا راجل اخر غريب اول مرة يشوفوه..
اميرة كتمطش راسهااا باغا تشوف يونس بوضووح ولكن متمكناااتش حيت ماشي بوحدوا لي جاا...حتا شافتهم قربوا لطابق لي جالسين فين رجعات اميرة جوج خطوات باللور معرفات واش تبقاا واقفة تعنقواا ولا تمشي تخبع فشي قنت..
تلفات اميرة شداتها بجرية لكوزينة وشدات الباب كتفتف غا بوحدها وكتسمع الهضرة كتقرب حتا وصلوا لفوق ودخلوا لصالة وهيا كتحاول تسنت وتسمع صوت يونس ولكن والو كتسمع غير صوت حماتها وناس لي جاو مع يونس..مفهمات والوو ولات كتسنى غير ايمتاا دخل وصال ولا سمية لعندهاا شققاات الباب يلاه بغات طل تشوف واش يبان ليهاا شي حد حتا كتشوف شي خيال حدا الباب غادي يدخل قفزااات من بلاصتها كترعد
كريم: باسم الله الرحمان الرحيم شكديري هناا
اميرة: ااه لا والوو (كترعد ) غا اناا هنا
كريم: ومالك جالسة هنا غا بوحدك والضوء مطفي وباب مشدود
اميرة: ااه لا كنت خارجة اناا كنت خاارجة
كريم: واخا مدي ليا واحد القرعة دالماء من الفريكوا نعطي لناس يشربوا
اميرة: واخا صبر نضريها ليك ولا نعطيها ليك غاا هكاك..
كريم: غير اريها هكاك
اميرة: (مداتها ليه ) هاك
كريم: شكراا..
شد كريم منها القرعة وهياا شدات فقلبها بقوة الخلعة جلساات فوق الكرسي كتنهد حتا دخلات وصال لعندهاا
وصال: شكديري هنااا اويلي انا حساب لياا فبيتك حتا قالي كريم نتي هناا مالك
اميرة: واش تماا يونس معاهم وشكون تماا ؟؟
وصال: هادو خوالو داز عليهم فقنيطرة وجاو مجموعين ولد عمتوا
اميرة: يونس معاهم ياااك
وصال: اويلي راه فالبيت سيري لعندواا الحمقة
اميرة: اختي مرعودة والله مقدراااش نشوف حتا فوجهوا
وصال: علااش تافقناا حناا علااش ؟؟ بلا مرض ونوضي راه وقيلة كيبدل حوايجوا..
اميرة: واخاا انا غادياا..
خرجات اميرة من الكوزينة وصال وقفات عطيااها العين وهيا غاديا بخطوات بطيئة حتا شافتها حلات الباب دخلات وسدات موراها الباب...
دخلات اميرة علات عينيهاا لقات يونس عاطيها بالضهر لابس شورط تحت الركبة فالكري وسبادري كحلة... لقاتوا كيلبس تيشورط ديالوا بقات واقفة وهوا ضار بشوية عليه فهاد الشهرين يونس لي خرج من دار ماشي هوا يونس لي رجع. عكس محسن راسوا شعر خفيف ولحيتوا وكتافوا عراض وزياان .... شاف فيهااا بشوق وحنين ومحبة وهيااا عينيهاا مغرغرين بالدمووع وكتشوف فيه باشتياااااق
.بلاماا يتردد ولا يدير حتا شي ردة فعل ضحك وفتح درعااانوا واميرة دابت فصدرواا عنقااتوا بالجهد لي عندهااا ..
ولد خالي عطاني طوموبيلتوا المهم من دابا واحد 5 ايام نمشيو بيدما نجمعواا امورناا..لعلى وعسى هاد الحياة تقاد معاانا شوية وشي ناس حتا هوما يطلقواا راسهم..امم 😒😒
اميرة: 😵😵😵😵😵😵😵😵😵😵
اميرة : لا لااا منقدرش نمشي لاا
يونس: وعلاش لا
اميرة: منقدرش نبعد على عائلتي ايونس انا هنا وتوحشتهم بزااف شحال مشفتهم وعاد نزيد نبعد عليهم لا منقدرش والله
يونس: وراه غتمشي معايا ونهار لي يكون عندي خاوي ولا كونجي نجيبك عندهم علاش انا غنخليك غاا تما شهاد فهامة
اميرة: واخا هكاك منقدرش نبعد صعيبة علياا بزاف
يونس: اميرة خدمي عقلك واش دابا نتي ساكنة معاهم دابا نتي هنا كتمشي تشوفيهم كل نهاار مالك على هاد فهامة عوجة وعلى هاد قصوحية راس. انا قلت ليك لي كاين حن علياا الله وجبرت خدمة مزيانة. ونهار يكون كونجي ولا غاا نهار خاوي نديك عندهم ومرة مرة نخليك تبقاي معاهم سيمانا وكتر ونرجع موراك
اميرة: 😭😭😭
يونس: والله العضيم حتاا حرام عليك علاش كتعصبيني هاكاا. ياك المرة فايتة بسباب هضرة بايخة خلاتني نزيد ومنشوفش مورايااا اميرة اناا راسي مقلووب ومتزيديش ترونيني عفااك خليك مسااعفة ويلا بغيتي تمشي عند داركم داباا نديك تبقاي معاهم ونهار لي غنكون غادي نجي موراك نهار قبل وتجمعي حوايجك وتقادي اموري باش غير يصبح الحال نشدوا طريق..
اميرة: اه صافي بغيت نمشي
يونس: وعفاااك راني صاابر غابزز لميمة لاماا تفهمي والله وكان شي حد اخور ميدير معاك هادشي لي درت معاك انا. تيقي بياا بلي باغيك وناوي نهزك فوق راسي وعهد سيدي ربي ابنت ناس منخليك تخصي من شي حاجة
اميرة: الصمت ).... صافي واخا سمحلي
يونس: (عنقها ) قطيطة ديالي نتي نمووت فيك
دفئ وحنان ومحبة صافية ونقية حساتهاا من جيهت يونس بكلامكواا وبعينوا لي كيبرقوا كتشوف فيه وعينيهاا مغرغريين اول مرة!! كذوق طعم الحب اول مرة كتعرف انا زواج ماشي هوا شغل وتمارة والولاد وصدااع وكدااا وكداا.. زواج فيه شي حوايج زوينين بزاف كيحس بيهم غير لي كيبغي بصدق... ومتفااهم مع الطرف تاني.. الا كان هادا غير حلم اميرة مبغااتش تفيق منواا ويلا كان حقيقة بغااات تبقا عيشاها طول حيااتهاا.
يونس: المهم هههه احم انا خارج لبسي شي حاجة غطي يديك وخرجي سلمي خوالي صافي بحرا حتا هوما يتعرفوا عليك.
اميرة: ☺☺ اه واخاا انا نتبعك
يونس (باسها فخدها ) اناا عنديي الفنووون
اميرة: (تشوك لحمها وجمدات فبلاصتها ) 😅
خرج يونس وشي كيشوف فشي عاد ضحكات ليهم دنياا وعاد خاطر الدفى وعاد قليب حن.. ضحكات اميرة وشوفاتهاا مشتين هناا وهناا ولهيه بحالا كتقلب على شي حاجة تالفة ليهاا احساس لي حسااتوا مع يونس اول مرة تحس بيه واول مرة تعيشواا تلفات بالمعقوووول.. حلات الماريو كتقلب فحوايجها لقاات كابة طويلة شوية ويديها طوال لبساتها وقدات زيفهاا وغطات شعرها خارج من الجناب وخرجات بشوية دخلات الصالة لقات كلشي جالس تلفات معرفت شمن جهة تشد ولا شكون لي غتسلم عليه فالاول بقات حاصلة..
فاطمة: زيد ابنتي هادا خويا علي وهادا خويا توفيق بوليسي. وهادا ولد لوسي فؤاد.
تقدمات اميرة حنات راسها ومدات يديها لرجال كبار و شافت فؤاد وحنات ليه راسها وابتسمات بحالا كتسلم عليه ورجعت باللور. بان ليها شيخها جالس حداهم مشات حنات ليه على يديه تبوسهاا ولكن هوا خطفها..
شيخها: حشاك حشاك ابنتي الله يرضي عليك..
رجعت جلست حدا سمية يونس عجبوا تصرف لي دارت اميرة حيت مسلماتش ولكن فؤاد كون دفنووه وميطيحش فهاد الموقف حس راسوا بحالا شي حد قجوا..
يونس: هههههه.. وصراحة وي كانوا عارفين غير انا بغيت هاد الفترة نرجع واحد اخور كيف باغاا مراتي ونرجع بالفايدة ...سمية كانت دايرة خدمتهاا منخافش عليها هه
اميرة: 😐 مفهمتش اينا خدمة كيفاش
جبد يونس تليفون من جيبو وهوا ضاحك دخل الواتساب والكنفيرسسيون لي بينو وبين ختوا ورا لأميرة كلشي هضرة والتصااور كانت كتصورهاا كتبكي او ساهية او كتهضر فاي ساعة وبلاماا تحس اميرة وكل مرة كان يونس كيسول سمية امضرا فين هيا شكدير واش خرجات واش نعساات واش كلات.. سمية كانت كتعاود ليه كلشي على اميرة شيئ لي خلاا يونس يتغير على ودهاا ويصلح راسوا براسوا... ويرجع منو الكاينة..
يونس: هادشي لي خلاني ناخد هاد قرار ..ونزيد نتعلق بمراتي كتر وخاصني نقول ان ربي جعل ليا خير فهاد الزواج والحمد الله كان بالي ديماا معاك وكنت كنبغي نعرف خبارك ونشوفك ايوا الغالب الله.
اميرة: الصمت
يونس: وتغدااي مالناا
اميرة: يونس بغيت نطلبك طليبة
يونس: اهاه شنو هوا
اميرة: واخا تبقا تخليلي تليفونك بعد المرات حتا انا ندخل ونشوف شنو كاين ولا نتفرج فشي حاجة..
اميرة: خالي اييه عندك الحق ولكن راس الواحد متقدريش تعرفي شنو فيه خصك تحافضي على راسك وهادشي فديننا الحنيف راه حرام ومعاشرة ديال واحد ماشي حلالك راه كتعتبر البنت زانية واش عارفة هادشي
سمية: ياك المعاشرة بين زوجين حلال ؟ وسيري سدي عليك البيت نتي وراجلك وعطيه حقوا خليناا من ضاركم هاد الفتوة عطيهاا غاا راسك وانا خليني
اميرة: انا شكل وانتي شكل اخوور اسمية راه يعرف خوك هادشي راه موصيبة
دقائق قليلة حتا كيتفزع فيها يونس واميرة من بلاصتهم ... بالصداع لي جاي من برا كلشي كيغوت.. طار يونس من بلاصتوا خرج واميرة هزات الفولار من حداها وقداات حوايجها وتبعاتوا كتجري
دخل يونس لقا اسيا وجها فلابابوو وامهاا كتخوي عليهاا الماء وكلشي مجوق عليهااا وهيا كتعرعرر..
يونس: شوفي حالتها صعيبة بزاف راه وجها هبط ليها كلو وحتا جنب اليمين من شعرها لحم تخرخر ليها المهم انا غنديك تبدلي الجو عند عائلتك يااك وانا غنحاول منين نضبر الفلوس باش يديرو ليها العملية بابا معندوش راكي عافة ولي كان عند كريم راه خلص بيه عملية دالعين
اميرة: الرحيم الله يفكهاا عليكم صعيبة بزاف ولكن ابتلاء
يونس: المهم غنخلي ليك تليفون ديالي لاخور هوا صغير وعادي فيه الواتساب المهم تقضي بيه فهاد المدة بيدماا نمشيو وناخد ليك لي قلت ليك صافي
اميرة: معنديش مشكيل مصاب دابا غير ختك تشافى وتولي بخير
يونس: ترونت والله غاا تابعة وتبعاني
اميرة: لاا مكتاب الله وكيتصرف فيه متقولش هاكا يونس: هادا مكان ها سمية جات طلعي دغيا
وصلو لسبيطار دنيا عامرة حيت قربات ساعة زيارة بقا يونس واميرة وسمية كيتسناو فالباب حتا يحلو باب د الجناح .. مشا يونس جاب كرسي عطاه لأميرة تجلس عليه بقا هوا واقف غادي جاي وسمية متكيا على الحيط حتا دخلو الفرمليات ب آسيا فوق البياص وهازين ليها السيروم وامها وصال وخوها وباها وخوالاتها وخوالها كاع العائلة تجمعات فالسبيطار مشا يونس وسمية واميرة كيتجراو باش يشوفوها ولكن فالبلاصة دخلوها الجناح لي فيه القاعة خاصة بالمحروقين... بقاو كيتسناو حتا ضرباات ساعة وحل السيكيريتي الباب كلشي دخل يشوف حبابو وحتا هوا دخلو لأخر قاعة لي فيها اسياا... معلقين ليها السيرو وضاربين ليها الشوكة كتبرد عليها داك الحراق. وجهاا كامل بوماضاا منعسينها على المخدة غير كترمش..
كلشي كيهضر معاهاا ويسولها وهيا مكتجاوب حد غير كتهزهز راسها. بقات اميرة واقفة بعيد مقدرات لا تهضر ولا تبقاا ساكتة... حتا هضر ليها فوذنها يونس
يونس: المهم يلاه نمشيو من هنا
اميرة: واخا يلاه
راضية: السلام عليكم ياك لباس عاد سقنا الخباار
اميرة: الميمة جيتي (عنقاتها ) توحشتك
فاخيته: يونس اش طاري اولدي..
جاو عائلة اميرة مباشرة ملي سمعوا الخبار كلشي تجمع على اسياا يطلل عليها كل واحد داخل بميكة شي ديسير شي سقاطة سلموا العائلات مع بعضياتهم وبقاو جالسين واحد نص ساعة وستأذنوا يمشيو...
وصلها لدارهم وهوا سااخط حتا كيقول هاهياااا تقدات وتعوج ليه من الجنب.. دخلات اميرة لدارهم ويونس طلع معاهم لفوق بقا جالس معاهم شوية ورجع خرج.. اميرة دخلات لبيتها لي توحشااتو ورجعات الذكريات من جديد..بدلات حوايجها وخرين ستفاتهم فالماريو وخرجت جلست معاهم. كيهضروا على نفس الموضوع ديال آسيا بقاو هكاك نهاار كامل.. اميرة جاهاا احساس غريب وغريب بزااف حسات بنقص من جهة عائلتها جداتها أمها خالتها وعيلات خوالهاا وحتا من خوالهاا رجعوا كيهضروا غير بالقياس وغاا ساكتين..جدها لي كان هوا صديق وهوا الرفيق وهوا الأستاذ كتشوف فيه بحالا شي راجل براني عليها فين ديك حبيبة.. بنيتو.. ديالي ..المرضية.. تلميذة ديالي.. فقط سلام عادي وهضرة عادية عينيهاا تغرغروا كتشوف فيهم واحد بوااحد ..علاش منخليها ومخلينهاا تحس بحالا مكيناش..؟؟؟ اميرة لأول مرة كتحس براسها انها غريبة وبحالا عمرهاا كبرات فهاد الدار! وبحالا عمرهاا كانت بيناتهم ديك العلاقة القوية..واش زواج كيخلي العائلة يتبدلو على بنتهم ويخليوهاا غريبة بيناتهم " اميرة حطات عينيها حداهاا علاش مكيهضرها حد علاش ممعبرها حد كتبكي فصمت واي دمعة هبطات كتمسحهاا بزربة باش ميشوفها حد وكتحاول ترمش بزاااف باش عينيها تصفى من الحمورة. والدموع لي كيتكااثرو...
حطوا العشاء مجموعين وهيا بيناتهم يلاه كتمد يديها وتوخر لور وترجع تهز وترجع باللور.. كانت جالسة حداهم بحالا جاالسة على جمر خاصهاا غير ايمتاا ينوضو وتنوض حتا هيا تمشي لبيتهااااااا تبكي فخاطرهاا وتخرج داكشي لي خازنوا خاطرهاا...
بقاو كينوضو واحد بواحد كلها غادي لبيتوا وحتا من آميرة صافي جهدها تسالا ولات بااغا غير ايمتاااا تمشي تعرعر فخاطرها...استأذنات من البقية ودخلات لبيتها سدات عليها ومشات هزات المخدة خشات راسها فيها كتخرج الحرررررررررر لي فقلبهاا تجمعوا عليهاا من كل جهة قديم والجديد ...حاسة براسها معندهاا زهر لا فالقرايا ولا زواج ولا عائلة طاح عليها الضيم لي خلاهاا ليلة كلها على مطولهاا وهيا كتشهق حتا سخفاات فبلاصتها..
-----------------
3 أياام دوزاتها اميرة فدارهم تنوض تعاونهم فالشغال ديال دار وتجلس معاهم ولا كتمشي لبيتها تنعس ومرة مرة يصوني عليها يونس تهضر معاه حس بيها حتا هوا مخنوقة ولكن مكانش كيبغي يسولها ولا يضغط عليها باش تعاود ليه هيا بقات ساكتة وهوا خلا كرة فيديهاا ملي تبغي تعاودلوا غتجي وتقوليه كلشي ولات تابعة غاا ريزو فين ممشاا باش يشد ليها ويوصولها مسجات الواتساب... باش تهضر معاه ومع سمية ومرة مرة كانت كتصوني على اسياا تطمآن عليهاا.. هاد ايام لي جلسات فيها مع أهلهااا خلاتها توحش يونس كلاموا تعامل ديالو معاهاا حنانواا نضراتوا حسات انه هوا الوحيد لي كيبغيهاا هااد ايام خلات اميرة تحس انهاا معندهاا حتا اهمية عند عائلتها وان يونس هوا الوحيد لي كيبغيهاا ولات تمنى غير ايمتاا تمشي عندو وتخرج من هاد الكآبة لي هياا فيها حتا صونى عليها يونس وعلمها توجد راسها فعشية غيدوز موراهاا باش صباح بكري غيشدو طريق القنيطرة...
جمعات اميرة حويجاتها
..وهيا ساخية ومااا ساخية باغاا تبقاا ولكن هادشي لي شافتوا من عائلتها خلاها تقول اللهم نخرج نمشي مع لي باغيني ولا نبقة نتعذب... فالعشية وجدات حنان ومريم كسكروط حطوا فوق الطبلة مشات حنان عيطات لأميرة لقاتها كتجمع حوايجهاا...
حنان: اميرة فين غادا
اميرة: راه غيجي مورايا يونس بلاتي شوية غنمشيو غدا
حنان : اه ايوا الله يجيب ليكم التسير خرجي ديري معانا كسكروط راه خالتي كتسناك
اميرة: واخا اختي انا جاية.. خرجات حنان وحطات اميرة صاكها وجبدات عبايتها بالعلاقة من الماريو طلقااها فوق فراش وخرجات...تجمعات معاهم شدات طرف دالحرشة كتغمس زويتة وتاكل حتا وصل يونس طالع هوا وسعيد كيهضروا فالدروج..
راضية: هادا وقيلة يونس جا
حنان: اه باين غير من صوتووا
يونس: سلام عليكم بالصحة وراحة.
راضية: الله يرضي عليك اولدي جلس اتاي ولا قهوة
يونس: لي كان الحاجة الله يرحم الوالدين
جلس يونس مقابل مع اميرة كل مرة يهز عينو فيها كيلقاها ساهية وعينيها مذبالين وجههاا مخطوف.. جلس كياكل سعيد دخل الكوزينة يغسل يدو.. واميرة ناضت مشات لعندوا.. جبدات ليه الهضرة على سمية فالاول رفض انه يجبد معاها الموضوع وان هادشي بعيد عليها ولكن هيا اصرت انهااا تهضر معاه وتقوليه على سمية انها كتبغيه ومتلهفة ايمتاا تزوج بيه فاخر لحضة...هضر وخرج لي عندوا وعطا لأميرة اخر هضرة وعد انه كيبغيهاا حتا هواا وغيخطبها فالقريب...فرحات اميرة بزاااااف بهاد الخباار لي غتفرح بيه سمية.. خرجوا بجوج وبقاو غالسين مجموعين غا الصمت هضرة عاادية
يونس: اميرة شنو مشينا
اميرة: لي بغيتي
يونس: واش جامعة امورك!
اميرة: اه كلشي مجموع...
يونس: ويلاه بدلي حوايجك ويلاه. سيادنا خليناكم على خير (كيسلم )
هزات عبيتها البيضاء على شكل كسوة عندها جبادة فالكمام ومسروفة من الوسط طويلة كتوصل حتا الارض وقدات شانهاا نفس ستيل... فلون شيبي فاااتح ومع جنابو شبكة مذهبة.. هزات صاكها حرفات بيه وصباط بيض عالي شوية.. هزات شانطة باش تخرجهاا
يونس: غا حطيها انا غنخرجهاا
اميرة: لا نعاونك معليش
يونس: وهزي غا رسك خرجي انا نخرجهم
خرجات اميرة لقات شيخها كيفطر ولوسها وخوالو سلماات على كلشي وعنقات حماتها ولويساتها ويونس كيهبط فالشوانط حطهم كلهم فالكوفر وطلع سلم على كلشي.. وهبطوا بجوج طلعوا فالطوموبيل وزادو على بركة الله. طلق يونس اناشيد دينية وغادي فالطريق كيتجمعوا هوا واميرة حتا خرجوا على المدينة.. كيخططوا اش غيديروا وكيفاش غيكملوا حياتهم ... اميرة طلبات من يونس تليفون وقبل عطاه ليها بقات داخل اليوتيوب كتقبل تشوف هناا ولهيه...دروس.. امسياات اناشيد كدوز،هادي ايه هادي لاا.. حتا وصلات الأغنية على شكل فيدوا د الله الله... #نزار ايديل وعبد الرحيم الصويري كتسنط ليها عجباتهاا بزاف وبقات كتعاودها كل مرة ويونس كيهضر معاهاا وهياا كتجاوب معاه فكل كلمة.. ضار عندهاا كيشوف الفيديو حيت عجباتهاا واحد البنيتة فيه كتوريه يشوفها .. محس براسوا هوا واميرة حتا خرجوا عينيهم فرموك كبير دخل فيهم تييييييييييت تيييييييييت تيييييييييت تيييييييت تيييييت....
الأرملة الصغيرة الجزء السادس
محتوى القصة
التنقل بين الأجزاء