وطرقت باب قلبي وأنسيتني أسوء الذكريات . -------------
#أميرتي ..تعرفي على غيري اعشقي غيري تزوجي غيري سأكذب إن قلت لك لا يهمني بل يهمني وجدا يهمني لا تقلقي فليس أمرك ما يهمني بل أمر من ستكونين معه سأخشى عليه منك
اعلمي أني سأبقى بينكما ولن أترككما ستبدئين مقارناتك بيننا بشكل تلقائي عندما يغازلك ستتذكري مغازلاتي لك عندما تقولين له أحبك لن تكون قوية ومفعمة كما يجب لأنك ستتذكرينني وتتذكرين أنك قلتيها لغيره مسبقا وغدرت به عندما ينظر لك ستقارنين نظرته بنظرتي
عندما يتحدث ستقارين صوته بصوتي عندما يضحك ستقارين ضحكته بضحكتي وسأكون ان الفائر في كل تلك المقارنات السابقة
وستندمين إن كنتما في يوم في مكان وحدكما سأكون ثالثكما أعدك بذالك صغيرتي
لن تستطيعي محو كلامي ولا أماني ولا ذكريات
هذه وحدها تضمن لي أنني لن أخرج من جسدك... أميرتي كان الله في عونك فهذه اخر كلماتي
عبد الكبير : بالنا معاها ومكرهناش نمشيو نشوفوها ولكن الغالب الله اولدي حتا انا صحة بدات تقلال
يعقوب: عارف لي كاين اخالي لهلا يخطيكم عليناا
نزهة : مسكينة دريوشة عمرنا سمعناا منها العيب كنا بحال الخوت ومزالين والله كون غا جات معاك وتفوج شوية
يعقوب: مرا خرا ان شاء الله دابا حتا نفضيو هاد الامور عاد يحن الله
عبد الكبير: دابا صافي سليتي كلشي
يعقوب : ايوا يلاه درنا العقد لبارح وعطيتها شي براكة باش توجد بيها امورهاا ايوا وغنمشيو بعد غدا الا كتاب
نزهة: جيتي مزروب هاد المرة ياا يعقوب كنتي تجي وتبقاا معاايا ب 15 يوم بكثر اييه داكشي بحالا غاا لبارح
يعقوب: ايوا ياامرات خالي هادا حال دنيا ومعند الانسان ميدير حتا انا عقلي مبقاش معايا تشغلت بلين وامي والامتحنات غا خليها على الله
عبد الكبير: ايوا درتيها مزيانة بعدا ملي جيتي وشوفتيناا كن سقنا الخبار كن بقا فينا الحال
يعقوب: منقدرش اخالي نجي ومنشوفكمش راك فبلاصت الوالد الله يرحموا
عبد الكبير: ونوض اولدي رتاح نعس شوية ولا تكى راك عيان
عبد الكبير: وغا بشوية شدي عليك الباب خلي الولد ينعس
نزهة: كون هاني تصبح على خير
من بعد مخرج يعقوب من دار ايمان بقا كيضور فشوارع المحمدية متلف الوقت حتا قربات العشية ورجع لكازا داز لسويقة تقدا ديسير ولحم والحلوة من الباتيسري ومشا لعند عموا سي حمزة اخ الاكبر للأب ديالو ستقبلووه بزغاريت ونشااط فرحوا بيه وفرحوا بزااف ملي شافوه كاع لي فدار. دوز ضيافة معاهم ديك ليلة بايتين مجمعين حتا تأخر الوقت وعموا ومرات عمو قدموا ليه بعض النصائح حيت حسو بيه مجروح بزااف وهازة مسؤولية تقيلة
داز ليل غير عادي فدار العم ديعقوب ليل كولو منعس وهواا غير تخماام فزواجوا وحياتو كيف غتكون وفين غتسالا.. صباح بكري...لبس صباطو وهز المحفضة ديالوا هبط بالحس فالدروج وهوا كيتلفت موراه مباغي يهضر مع حد ولا يحصروا حد خرج مشا لكافي فطر فيها.. واتصل بالايمان توجد راسها 11 دنهاار غيطلقاو عند العدول يتكاتبوا.. قطع واتصل بخالد يطمئن على بنتوا وامو ساعة خرجات ليه روينة خرا من الجنب أم ديالو دخلوها لسبيطار هنا راسو وقف هنا مبقاا كيقشع والو... كان مصمم انه يمشي فديك الساعة ولكن خالد تمكن انه يهذنو ويتبتو... قطع ومشاا لعند العدول وصلات الساعة وجات ايمان وهوا غاا زاعف وساخط على الوضعية ..تكاتبوا وناض يعقوب خرج وايمان تبعاتو عطاها وقتها واخا مفيه لي يهز حتا راس هضر معاها فجميع المواضيع بالاختصار وتوجد راسها لأنه صافي بعد غداا يمشيو...وصلها لدارهم هيا وامهاا وشد طريق لرباط عند خالو سي عبد الكبير.. سيد متقاعد رئيس مجلس العلمي ..عندو مكانة خاصة فقلب يعقوب كيحتارمواا وديما يجي يشوفوو...! دوز معاهم وقت هوا والزوجة ديالوا وليداتو المزوجين تعشاو مجموعين كل واحد مشا لدارو بقا غير يعقوب وخالو ومراتو والبنت الصغيرة ديالهم...
دخل يعقوب لبيت سد عليه وبقا كيشوف فالسقف تفكيير فتفكييير.....ليل على مطولو حتا صبح الصبح...
نزهة: نوضوا ؟
عبد الكبير: لا غا خليه ينعس معندوا مينوض يدير
نزهة: حرقني قلبي عليه
عبد الكيرة: خليه حتا يبرد راه هادشي مااشي ساهل
نزهة: يحسن عوان ميمتوا مسكينة
يعقوب: (هابط فالدروج ) سلام عليكم صباح الخير
نزهة: صبحات دارنا منورة بوجودك اولدي
يعقوب: (حنى على يديها ) الميمة تانية الله لا يخطيك علينااا يااعمرات الدار.
يعقوب: (حنى على يد خالو ) صباحك مبروك
عبد الكبير: جلس اولدي جلس الله يرضي عليك نعستي مزيان
يعقوب: هه الحمد الله
نزهة: شنو تشرب اولدي!
يعقوب: غير قهوة كحلة
نزهة: وقول باسم الله زيد لطبلة
يعقوب: لا عا خليني مفيا لي ياكل الله يجازيكم ويقوي خيركم
نزهة: ايوا متعشيتي مفطرتي غا تبقا بجوع مالك هاكاا ؟
يعقوب: الصمت
عبد الكبير: ؟؟؟؟؟
نزهة: يعقوب هضر اولدي
يعقوب: الصمت (داير يدو على راسو
عبد الكبير: استغفر الله اولدي وقول ان لن يصيبناا الا ما كتبه الله لنااا
يعقوب: داااااقت داااقت بيا بأقصى درجة...
نزهة : 😢😢 ملقيت ليك جهد اولدي ومصاب كون همك تجمع فياا وتبقاا نتااا هاني ولفتك ملي كنتي صغير وقول ربيت عليك الكبدة واخاا نتا بعيد قلبي كيتهز عليك مبيدي مندير
يعقوب: (عنقها ) كلامك هادا كااافي الحمد الله على كل حال
عبد الكبير: والله يرضي عليك ويفرشك ويغطيك بيه لاماا كول شوية انا مزاوك
يعقوب: (جر يديه باسها ) والله محشمت فيه ولا رديتو فوجهك ولكن اقسم بالله الا قلبي حااس العااافية شاعلة فيه راه غير ربي متقل علياا بالصبر وساااكت ودابا انا غنخليكم في آمااان الله بلاما تحصروني لا نفطر لا نتغداا...خيركم سابق من شحال هادي وانا ملي جيت راه جيت عندكم نيشان بلاماا تعيطولي ولا حتا تعرفوني هناا.. وان شاء الله كنواعدكم تحسن الأوضاع ديالي نجي عندكم
عبد الكبير: خليه انزهة خليه راه لي فيه يكفيه حاول اولدي تصلح امورك وترتب حياتك انا بابي وداري ديما مفتوحة فوجهك فاي وقت ومنسمحش ليك الا كنتي محتاج شي مساعدة ومطلبتيهاش متي...
يعقوب : اااااااااه (تنهذ ) هادشي كافي والله راكم قلتوا لي كاين الله يجازيكم (كيسلم ) خالي تهلا فراسك وهاناا معاك. خالتي وامي ثانية الله يرزقك الصحة وطول العمر
نزهة ؛ 😭😭😭😭
.............
هز يعقوب حويجاتو لبس صباطوا وزاد طلع فطوموبيلتوا وبقاا غا زايد معارف راسو لا فين غادي ولا شمن اتجاه شاد حتا وصل الواد ابي رقراق... جلس فطرف ديالوا وبقا بينو وبين نفسوا كيهضر ويخطط اش يدير... دوز نهار غاا فالدوران من جهة لجهة لقا واحد الجردة كبيرة جالسين فيها ناس.. جلس فطرف ديال الكرسي وبقاا طالق عينو فالغادي وجاي حتا كيشوف مرا جايا بالكوتشي فيه بنيتة صغيرة من البعيد بقاا مراقب ديك الكوتشي حتا قرب حداه... وقفات المرا كتشري الكبالة ديال الذرة وديك البنيتة كتفركل وتبجغط ويعقوب متلهف بغا يهزهاا حيت شاف فيها لين بنتو مقدرش يصبر كتر ..ناض بشوية غادي فجيهتها... حتا قرب وامها ملاهيا كتخلص الراجل... حنى على بنيتة باسها فجبهتها وبقا كيغرغر ليهاا فمهاا كيحاول يهرها ضرت الأم لقاتو كيلعب معاهاا مدارت حتا ردة فعل خلاتو على خاطروا...
يعقوب: ممكن نهزهاا
....اه واخا معليش
يعقوب: شكرا
هزها يعقوب فرحان ليها وكيبوس ويقفز فيها وهيا طايرة بالفرحة... رجعها بلاصتها وحط حدا راسها 100 درهم شافتها ام ديالها ورفضات انه يعطيها ليها
مصطفى: اخر كلامي معاك هوا نوضي وسكتي ولا والله لا وصلتي لهنى هانا غاادي ونرجع عوتاني نلقااك مزال هاكا والله لا حطيتي رجلك
... سعيد اجي لهنى
سعيد: هانا الوالد شنو
الحاج: انا غادي نمشي لدار الجنازة نشوف سي عبد العزيز وعائلتوا كيف بقاو من نهار الدفين مرجعت المهم شوية ونرجع.. وخرج شوف خوتك كل واحد حاميها فقنت ومرضيينش بقضاء الله ...
سعيد: واخا صافي
الحاج: يلاه سلام عليكم (خرج
سعيد: نوضي امي من الدروج باردين انا نجيب ليك الكرسي
راضية : الخير لي ديرو فياا هوا سير عيط ليا على طبيب قولو يحل هاد الباب نشوف بنتي راني غنحماق ولا غطرا فيا شي حاجة
سعيد امي راه ميمكنش هوا قالينا ممنوع نشوفوها دابا حتا تحل عينيها ويحن الله
راضية: حيد خليني نمشي نشوف ختك... (هبطات مع الدروج )
سعيد: سمية عفااك صبري راه عييت منهضر معاك هادا مكتب الله دعي ليه بالرحمة والمغفرة وربي يلحقنا بيه مسلمين
سمية: مقدرتش نصبر اسعيد مقدراااش خوياا حبييي الحنين فيااا ماااااااات واش عرفتي شنو معنااتهاا مات صافي مبقا عندي لا لي يحن فيااا ولا لي يعرفتي حتا شكون انا.. من صغري وهوا مزيان معايا عمرو خلاني نتخص من شي حاجة وملي نكون غضبانة هوا يجي يقشب غلياا ويضحكني بزز مني... هوا لي كان كيحس بيااا مقدراش نتخااايل مشااا مقدراش ندخل لعقلي انه مات ومغديش يرجع تمنيت نلحقوا ومنبقااش سعيد انا اليوم مدمرة مقهووورة بزاااف
فاطمة: نوضي شوفي شكون كيصوني وخليو الباب محلول راه العزاية مزال كيجيو علاش كتشوه
سمية: ماشي انا شديتو انا غنهبط نشوف شكون
(هبطات)
الحاج: سلام عليكم ابنتي كيف بقيتو
سمية: (حنات على يديه ) عمي الحمد الله صابرين غاا بزز 😭😭
الحاج : الله يتقل بالصبر الوالد هناا ؟
سمية: اه كاين طلع عندو راه الفوق مع الرجال
... طلع سي مصطفى لعند رجال لقاا دنياا عامرة وأب يونس داير يدو على راسو وكيبكي فصمت مصدووم على فراق ولدو لي مقدرش يصبر عليه سلم على كلشي وجلس كيصبر فالاب وخوه وعائلتوا لي جاهم موتو على غفلة.
فاطمة: اختي الموت ملي كتجي مكتعلمش والمرض ملي كيجي مكيشورش غير الله يجعل ربي يفرجهاا ويخففها من عندو
جارة 2: ونخليوك الحبيية الله يتقل عليك بالصبر...
فاطمة: الله يجيكم الخير وسمحولي...
فاطمة أم يونس طبعهاا حدودية مكديرش معارف بزاف .. ملي كيتزل ربي قضاء ديالوا كتصبر ولكن بعد فترة عاد داكشي كيرجع عليهاا ومكتفترش من البكاا ودابا جاوهاا 3 د أزمات فدقة وحدة... الأولة خاطرهاا هزها من جيهت بنتها والثانية تشواات فموت ولدهاا والثالثة محروقة من جيهت اميرة مرات ولدها وبنتهاا الثانية لي فهاد المدة ولفاتها ورباات عليها الكبدة ودارت بلاصة خاصة فقلب حماتهاا عياات متصبر ولكن معند انساان ميدير. واخا الصبر كيجي بعد المرات ضبر.
فاخيته: (نعسات على صدر بنتها ) شهاادشي تكتاب عليك ابنتي شهاد القدرة لي نزلات عليك ونتي مزال صغيرة مزال معرفتي راسك فين هواا
سعيد: بلاماا تزيدو تمرضوا فيها الله يخليكم وصافيي واش هاد الهضرة مكتجيكم غاا داباا...!
عمرات دنيا على اميرة وكل واحد كيبكي فجيهة واميرة غير كطلع عينيها وترجع تهبطهم علات ليها الممرضة المخدة باش تقاد فالجلسة وحاطة يديها حداها وحدة معلقة فيها الإبرة... اما عنقها مكتقدر ضور فحتا اتجاه ضارها من كل جهة كتشوف غير مستقيمة.. وراسها كيضور بحالا فيه الدوخة..شوية بشوية بداات تذكر شي حوايج بحال لقطات كيدوزو حدااا عينيهاا وهيا مرفووعة بحالا مكاين حتا واحد حدااهاا غير كتخاايل شوية وهيا طلق واحد الغوتة حتا قلبااات الدنياا الكلهاااا كلشي تفزع منها وكلشي كيحاول يهضر معاهااا ويعرف مالها وهياا غير كتعرعر.. حتا لشوية سمعات (صبري الله يرحموا مسكين ) ضارت بشوية لجهة شمال لي جالسة فيها جداتهاا شافت فيهاا بعينين محرووقين وحوومر بحالا معمر فيهم الدم...
اميرة : الميمة شكون مات ؟؟
سعيد: يلاه نخرجوا خليوهاا ترتاح
ممرضة : الله يعطيكم الستر راكم غير تزيدو تكملوا على ما بيها وصافي خليو السيدة ترتاح..
اميرة: اجيو لهنى شكون مااات شكووون
الدكتور : جا )شهاد الصداااع شكون لي غوت!!
ممرضة: راني وحلت مبغات حتا وحدة تخرج تخلي المريضة ترتاح
راضية: لاحول ولاا قوة الا بالله غاا موصيبة ومعرفنااا منين جاات...
اميرة: جوبووووني انااا شكوون مات شكووون
الدكتور: صافي كلشي يخرج من هناا
مريم :يونس الله يرحموا مات اختي مااات ترزينا وتشوينا فيه كلناااا الله يصبرك اختي هادااا منقول ليك
اميرة اول مرة تصدم صدمة العمر غير عينيها لي كيشوفوو والجهد والوو تنهداااااااااااااااااات وسدات عينيها والممرضات كيخرجوا عائلتها واحد بواحد بقاو معاهاا غير الفرمليات والطييب كيديرو شغلهم واميرة غير الدمووع هابطين شلااال وحلقهااا غيخرج من بلاصتوا بخال شي حد مقجوج وشريط الحدث ديال داك النهاار كدووز مع عينيهاا كتهز عينيهاا وترجع تسدهم والدموووع هابطين بحالا خاوية عليها سطل دالماء حوايجها تفزكوو كيحاول يصبرها الدكتور والفرملياات ولكن والووو مكتجاوب حد غير الصمتتتت. اضطروا يضربوا ليها إبرة تهدنها وتنعس..... وداكشي لي كان نيت...
فديك ساعة لي كان فيها يونس واميرة شادين الطريق لقتيطرة محسوش براسهم حتا دخل فيهم رموك هاز الحوت وترفعات بيهم الطوموبيل من قنطرة عالية شوية وتحتهاا الماء حتا جات فالقاع على جنبها ولمشيئة الله وقدره الجهة لي فيها يونس هياا لي كلات الرمح ومجاات غير فيونس لي تعجن فداك الجنب عاد طاحت طوموبيل للأرض فديك ساعة اميرة عنقها تقرض والشوفة الوحيدة لي خطفاتها من يونس هياا وجهوا صدروا يدو كلشي دمياات وزاج متكووك فالجسم ديالو وفقدات الوعي ديالهاا اما يونس.. فديك الساعة مول الأمانة خدا امانتوا تجمعوا الناس لي كانو غادين مع داك الطريق عيطوا للاسعاف وديبناح جاو هزوهم من تماا وجمعوا طوموبيل وداوهم لسبيطاار..
يا باقة الحزن كيف ارتحت في قلبي ومن أهداكي لي فزدتي في تعبي أمن نهر الهموم ارتويت فأربتني ام لك في الدمع منية فمني تنهبي ........
يوم يشبه يوم نفس الحال كتعيشوا اميرة قاطعة الماكلة ليل ونهار غير سيروم كيدوز مكتهضر مع حد.. مكتنعس ليل ... غير دموع هابطين بلا حس دهورات حالتهاا كتر ماهيا عليه... واخا يدخلوا عائتها ويهضروا معاها ويسلموا عليها ويحاولو يخففوا عليها وهكاك والو غير العينين كيشوفو فالارض والقلب طااييب... دوزات اميرة 15 ايام فالسبيطار صباح نهار كيف عادتو ممل وكحل فعينين اميرة الساعة تشير 🕠 5:30 د صباح.. غير هيا والله فلاشومبر ديالها قنطات من فراش وبغات غاا تنوض تسرح رجليها وقفات الابرة لي كيدوز منها السيروم وعلقاتها وناضت بشوية عليها ورجليها كيترعدوا جرات صندالة من تحت الفراش لبساتها وقفاات ورجليهاا كيتهزواا بحال شي مرا فعمرها 100 عام بقات شادة فالحديدة دالفراش غاديا بخطوات بطيئة حتا وصلات وقفت حدا السرجم كطل من الداخل ومسرحة عينيها فالزاج كينشنش عليه الشتاء والجو بارد برا وطوموبيلات شي جاي شي غادي وناس بداو يخرجوا كل واحد غادي لخدمتوا ... رجعت حلات الباب وخرجات غاديا فالكولوار وشادة فالحيط وعينيهااا طايبين مبقاتش قادرة حتا تسدهم من قوة الحريق وصلات الدروج وحنات جلسات فواحد القنت وكمشات رجليها وهياا كترعد وراسها كيتهزهز وسنانهاا كيتقرقبوا بقوة البرد وكمها كيمسحوا خدودهاا لي ولاو بحال مطيشة بقوة الحمورة سداات عينيها بغات تنساااااااا بغاات ترتااح بغاات تفك وغير الصورة ديوونس قبالت عينيهااااا مكتفرقهااش ضحكتوا تقشابوا الغضبة ديالوا حنان والعطف لي عطاهاا لي عمرهاا بغات واليوم بغات وتكواات.
شهقاتها كيتسمعوا من قااع الدروج وانينهاا والشي لي فقلبها كتخرجواا.. محساتش براسهاا شنو كدير حتاا غوتااااات لربي لي خلقهااا باعلى صوت (يوووووووووووووووووووووووووووو ووونس ) 😭😭😭😭😭😭😭😭 (بصوت مرتفع وبحرقة )
اربيي يااااا مولاااي اش درت فحكمك باش نتعذب هاكا ياااحبيبي علاش خديتي مني اغلى معندي علاش حرمتيني من انسان لي بغيا اول مرة فحياتي..! علاش ياربي عقبتيتي بحال هاكا يااربي الا انا مقصرة فحقك نفني عمري بدعوات والصلاوات حتا الضوء نهار منشوفوش نبات ساجدة راكعة ليك غير متاخدش مني لي بغيتوا حياتي كلها دابا غنعيشهاا هاكا!! صافي انا دابا ضعت ؟ انا دابا مت معاه ؟ قلبي روحي حياتي اميرة كلشي فياا مااات!! بقيت جسد بدون روح!! مولاي مووولاي كتسمعني!! ياااربي جوبني طفي هاد العافية لي فقلبي وخليني نفيق من هاد كئابة لي طاحت عليااا!! فرجهاا يااارب عفاك فرجهااااا مولاااي نترجاااك مولاااي بأسماءك الحسنى وصفاتك عليا لوجه خير خلقك. عفاااااك ربي مقدراش نستحمل كتر من هاكااا عفاااك مستااعدة نكون معاه فالصغيرة والكبيرة ولي طلبهاا مني حاشة واش نردها ليه مولااي حبيبي ربي قلبي غيطرطق ربييي يااخلاقتيني ورزقتيني... واش يرضيك هادشي لي انا فيه! يااارب انت حنان حن فيااا وفاجيهااا فاجيهااااا فاجيهاااا يوووووونس يوووونس يووووووووووووووونس
------------
ماذا لو كان ذالك اليوم كذبة... لو ان المصيبة وهم... لو ان الصراخ النواح العويل هلوسات... ماذا لو أنك الأن هنا بيننا.... لو أن الضحكات كانت حقيقة
... لو أن منادتك كانت واقع... أيا ليت الموت كان بعيداا.. أيااا ليت الموت كان بعيدااا.... #يونس
.....فشيتي خاطرك شوية ابنتي ونوضي الله يصبرني ويصبرك
اميرة: (كتشهق ) علااش مالك شنو عندك اخالتي
...... انا سميتي فطوم ونوض ابنتي سير لبلاصتك ملي يصبح الحال نجي عندك ونهضر معاك
..
الممرضة: (خارجة كتكسل) شهاد الهرج والمرج لي دايرين ليا هنا واش هادا حمام جايين كتكسلوا لياا فيه ولا شنو شكون مولات هاد الحلوق الصعر ان شاء الله متخليو لا لي ينعس لا والو تجيو تكهنوا ليا هناا
اميرة: اسئل الله السلامة والعافية والعياذ بالله ومالك اخالتي شنو تاني كتر من هاكا
فطوم : ماتت ليا بنتي ترزيت فيهاا وهيا لي حنينة فياا وكانت كل مرة داياني لسبيطار وتجيب ليا الماكلة وتبات معاياا مشاات وملي نضت نسخن الماء نتوضى سمعتك كتغوتي وتفكرت بنتي
اميرة: لا يصيبنا الا ماكتبه الله لناا لاحول ولا قوة الا بالله
فطوم: اييه وداباا هانا كنعااني غا بوحدي والله معايا
اميرة: الله يكون معاك ويخفف مانزل عليك
فطوم: امين نخليك خاصني نهبط التحت عندي الحصة لي تصفياا
اميرة: خالتي الله يشااافيك من عندوا وربي يهز ضرورتك فالقريب بلا متمحن ولا تعذب
فطوم: ياارب امين وها البراد عندك وطبسيل ديك ساعة ملي تسالي نجي موراهم وكولي الله يرضي عليك
اميرة: واخا الله يكتر خيرك... يلاه حلات فطوم الباب لقات عاائلت اميرة كلها واقفة فالباب كانو داخلين عندها فتحات ليهم الطريق دخلو عندها وهيا مشات بحالها
سلموا عليهاا وضارو بيها شي جالس على فراش حداها شي واقف كلشي كيسولها وهيا كتجاوب غير اه لباس الحمد الله....
سعيد: مجاش عندك الطبيب!
اميرة: مزال
فاخيته: ايمتا غيجي نشوفوه فقاش يعطيناا نخرجوها
راضية: وراه ولات بخير
الحاج: متسبقوش الاحداث راه عنقها مزال فيه كولي شوية ابنتي دابا!!
اميرة: الحمد الله
الدكتور: سلام عليكم ممكن كلشي يخرج ؟
الحاج: بغيناا غا نشوفوها قبل متسالا زيارة الله يرحم والديك
الدكتور: غنخليكم تشوفوها غير عطيوني شوية دالوقت دابا وديك ساعة دخلوا عندها
احمد: يلاه زيدوا نخرجوا
الممرضة: عفاكم ميبقاا حد !!
خرج كلشي شي جاي شي غادي فالكولوار..
الدكتور: اميرة على سلامتك اليوم فعشية غتخرجي ان شاء الله
الدكتور: وغتبقاي بكولي فعنقك حتا تبراي ان شاء الله انا غنكتب ليك امتا ترجي عندي باش نشوفك كل مرة صافي
اميرة: واخا
الدكتور: سمعي ابنتي الله يرضي عليك نتي مزال صغيرة ومزال حياة قدامك تعلمي،شحال من حاجة وتعرفي شحال من حاجة هادشي ماشي ساهل ولكن غتجاوزيه كوني على يقين..
فاطمة: لا حول ولا قوة الا بالله .الله يصبرناا ويعيناا المهم سيرو نتوما انا غنديها معايا ويحن الله...
خرجات فاطمة شادة ف أميرة هيا وسمية حتا هبطوا لطابق السفلي فين كاين باركينغ وعائلتها بقاو هابطين بشوية وكل واحد فيهم مصبر ولا شاف رحمة دخلت عليه هبط سعيد كيجري فالدروج وصل عندهم
سعيد: واخاا معليش طوموبيل د اسماعيل هنا انا نوصلكم بيها
كريم : وهوما باش غيمشيو
سعيد: طوموبيل د باباا هاهياا هنا يمشيو فيها
كريم: وغاا سيرو متسعين حنا ناخدوا طاكسي وصافي
سعيد: وصافي زيدو يلاه
فاطمة: الله يجازيك اولدي... بقاو واقفين كيتسناو حتا دور سعيد طوموبيل وقف حداهم طلع كريم لقدام وفاطمة واميرة وسمية وصال لور ..طريق كلها واميرة غير دموع شلال من عينيها وحاطة راسها على صدر عجوزتهاا اماا سمية كتبكي بصمت وكتشوف من زاج د طوموبيل ويونس مرة مرة يعلي عينو فيها كيلقااهاا على نفس الوضع حتا وصلو لدار . نزلات اميرة وعلات عينيها نفسها كطلعهاا بزز وفمهاا كيتهزهزز بقوة رعدة لي فيهااا كريم كيحل الباب مشات حداه يلاه حلهاا وطلعات كتجري فالدروج واللهفة شداهاااا... تبعاتها فاطمة وصال وكريم وسمية بقات واقفة مقدرات لا دخل ولا تهضر ولا والوو..
سعيد: سمية صافي عفااك
سمية: اهئ اهئ 😭😭😭😭 😭اجي ندخلو لداخل بعداا..
رباب: شنو سليتي ولا مزال
ايمان: مزال غناخد غير شي شوميز طويلة شوية وصافي شريت غا مقزب اجي نشوفو هاد بوتيك
رباب: ههه وصافي ملي تمشي تما شري
ايمان: ضروري غنشري تما المهم دابا ناخد معايا لي غنحتاك
رباب: شوفي هادي
ايمان: امم شحال عادي اختي
....250 درهم
ايمان: اوااه عجباتني ديري شي تمن زوين
... وصراحة هداك تمنهم اختي مفيها متنقس
ايمان : امم وخا جمعيها ليا
رباب: ايوا صافي
ايمان: باقا غناخد مكياج
رباب: اوواه ناوية طرقي هاد الفلوس هاد الليلة!
ايمان: بحرا نبرع راسي ومولاي سلطان ههه
دخلات اميرة لبيت بحالا جاهاا الصعر كتغوت وضرب فراسها وفالفراش وتغوت على حرررر جهدهااااااااا مقدراتش تشد راسهاا ولا تصبر خاطرهاا ولا تحاول تهذن نفسيتهاا بقا يونس بعيد واقف فالباب وصال كتحاول تعنقها باش تسكت فاطمة كترغبهاا وتزاوك فيهاا بلا بكااا كتر من هاكا حيت ملي كتشوف اميرة بحالا كتشوف ولدهاا وكتزيد تشوى عائلة بأكملهاا مدمرين لاا نعااس لا ماكلة لا راحة بحال جالسين فوق الجمر كيحرق فيهم... اميرة كضور عينيها فكل قنت هناا ولهيه كل بلاصة كدكرهااا باعز واغلى معندهاا ( يونس!)
🌱اصبحنااا واصبح الملك لله وحده 🌱 وقف يعقوب بطوموبيل حدا دارهم صيفط ليها مسج.. ( 💬 هبطي انا التحت ) شافت الميساج وهبطات وهبطوا معاها خوتهاا وامهاا كيبكيو ويودعوهاا لابسة جلابة بيضاء وشان رهيف كيبين شعرها الزعر وخصلات شعرهاا خارجة من الجناب والمكيااج وضفيرات وطالون خارجة كتقرقب بيه هز ليها خوها جوج شوانط كل وحدة ياا وحدة... حل ليه يعقوب الكوفر دارهم تما..وشد وطلع طلعات ايمان حداه وزاد شاد الطريق المطار... جلسات على جنبها شمال كتشوف وتحدق فيعقوب وهوا مضورش وجهوا جيهتهااا. عقلواا مرفوع كيخمم غير ايمتاا يوصل .. داز من حدا مرجان وقف طوموبيل خلا ايمان ودخل بعد لحضات خرج ورجع لطوموبيل بلاستيكات صغار فيهم عصيير ويوغورت ومدلينات وماكولات غدائية عطاهم ليها بلا ميهضر زادد مع طريق والحرر خارج من عينيه حتا وصل المطار .. بعد 3 سعات وصل يعقوب لفرنساا حس ان روح عااد رجعات فيه هبط غادي باقصى سرعة وايمان شعلات نمرة د فرنسا وتليشارجات الواتساب وجلسات كتجمع مع صحباتهاا... حتا وصل يعقوب لدار حل ليه حميد الباب وقف طوموبيل فبلاصتها يلاه بغاا يحل الباب وهوا يحلهاا ليه خالد يلاه خرج عنقوو بالجهدد كيتساالموا
طلع يعقوب فالدروج كوزينة جاتهم بحالا تحت الارض كطلع 5 درجات عاد كتوصل لصالة لي كتشوف فالجردة يعقوب فالاول وايمان موراه يلاه شافتو امو فتحات درعاانها ليه عنقاااتو حنا على ركابيه وبقا كيبوس ليها فيديهاا سلم على عبير من البعيد بلاما يقيس يديها... وخالد مد ليه لين لي كانت فحجر عبير عنقهاا بكل ماا فجهوااا وكيضوور بيهااا
ربيعة: واش هاداا صواب هااادا لبارح مهبطاات تجلس معانا ولا تعشات واليوم هكاك واخا قلناا غتهبطوا بجوج شهاد طبيعة عند هادي وختك هناا زعمة
يعقوب: واخاا انا نطلع نعيط ليها دابا
ربيعة: يلاه سير دغياا وهبط
.. رجعات ربيعة لطبلة كتستف مع سميرة حطو الفطور وتجمعوا كلهم مجمعين.. يعقوب طلع بشوية حل الباب لقاا ايمان لابسة غير دوبيااش كتبدل حوايجهاا فالبلااصة رجع شد الباب وبقاا كيتسنى حتا تخرج هياا قشعاتو مدارت حتا ردت فعل ومهشراتوش..
يعقوب: هه لا حول لبسي لبسي وزيدي يلاه.. (خرج لدروج ) سميرة سميرة (كيعيط
سميرة: ويي هاناا
يعقوب: حطي لي فيديك وطلعي عفااك..
سميرة: (طالعة كتجري ) وي هانااا سي يعقوب شحاب الخاطر
يعقوب: دخلي شوفي الله يحفضك بدلي لين راها وسخات وري لايمان كيف دير عفاك باش مراا خرا منعيطش ليك ونتي فشغلك
سميرة: اهااه واخاا صافي
يعقوب: اناا هابط ديك ساعة هبطي معاهاا نتي..
هبط يعقوب.. وسميرة عمرات سطل صغير دالماء دافي وكلينيكس وزيف رطب غسلات ليها ومسحات ليها ولبسات ليها ليكوش وليبات جوج من البرد وهيا كتفركل فبلاصتهاا وايمان دايرة يد على يد كتشوف وكضور فعينيها...
سميرة: هااهياا لابسة مقادة تهزيها نتي ولا اناا
ايمان: اناا نهزهاا غير اري جمعي نتي هادشي وصافي..
جمعات سميرة دنياا وهبطات هيا وايمان لابسة كسوة طويلة وزيف ملس كيزلق من فوق راسها.. مشات سميرة لكوزينة وايمان هازة لين فيديها سلمات على حماتها بلاما تهضر وهكاك عبير واسماء ومداات يديها لخالد وحاتم لي حشموا ميسلمووش عليهات وهيا مادة يديها.. يعقوب: اجي جلسي هناا.
ايمان: واخاا 😊
يعقوب: اري لين عليك فطري فخاطرك
ايمان: لاا غير خليهاا لياا عجبااتني ..
معاذ : صبااح نوور (كيتفوه )
ربيعة : عاد فايق بااز
معاذ : ايوا معنديش شركات لي غيخليوني نصبح نا.....
ربيعة : ماللك
معاذ : لاا والو شكون هادي
ربيعة : هادي ايمان مرات خوك
معاذ : اام ااه مزيان مشرفين اختي.. (جلس )
يعقوب: المهم هادو عائلتي هادي ختي وهادا رجلها ولدها صغير هوا لي خرج كيجري من هناا هادا خوياا وهادا صاحبي وهادي مرات صاحبي وختي ثانية وهادي ميمتي ايمان مرحباا بيك فدارنا وفوسط عائلتي.. حداهم غنهضر معاك وغنقول كلامي انا تزوجت لسنة الله ورسوله ضروفي صعيبة ونتي راكي عرفااهاا وعرضت عليك زواج وقبلتي (مبغاش يفرش القضية ) المهم الهدف الطلب ديالي هواا بنتي تكون بخير وعلى خير وامي تحتارميهاا وديريها فمقام امك منبغي حتا شي حاجة ناقسة وحاشة واش يخيبناا الله ومزال نهضروا فهادشي كتر..
اسماء: الله يدوم وتفرحوا بحياتكم
خالد: يواا نتمنااو تكون نهااية د الهم لي كنتي هااز فخاطرك
يعقوب: وييه سميو الله بعداا
معاذ: ؟؟؟؟ (شكدير هادي هناا )
.. فطروا وكل واحد ناض يشوف شغلوا كلها فين مجمع... يعقوب طلع لبيتو هاز لين فيدو تبعاتو ايماان لقاتو طالق رجل وتاني رجل فوق نموسية وكيلعب مع بنتوو وهوا كيموت بالضحك عليهاا...بقات ايمان واقفة فالباب كتأمل فيه حتا هز عينوو فيها
يعقوب: ايمان! شي حاجة
ايمان: اه لاا والوو غا كنشوف فيكم،
يعقوب: كنلعبوا انا وهاد القبيحة مشفتينااش
ايمان: هه وي شفتكم يعقوب!
يعقوب: وي
ايمان: ممكن نخرجوا الا بغيتي
يعقوب: فين باغاا تمشي
ايمان: فين مبغيتيي نتاا معندي حتا مشكيل
يعقوب: اووك ايمتاا
ايمان: واخا من داباا منكرهش
يعقوب: شحال ساعة داباا
ايمان: 11:30
يعقوب: امم اذن مزال الحال حتا تؤذن الظهر نصلي وعاد نخرجوا صافيي! ونخرجوا معانا لين
ايمان: اهه واخاا .. فقاش مبغيتي
لبسو لين مونطو صغير فالبيج وصبااط طالع بحال بوط فنفس اللون وطربوش وكشكوول داير على عنقهاا.. ايمان لبساات مونطوا طويل فالموف وسروال جين ودارت زيف فوق راسها... يعقوب دخل توضى يلاه هوا خارج كيمسح يدو سمع الآذاان .. هز صلاية فرشها فجنب وقام الصلاة وايمان هزات لين وخرجات بيها لكولوار تمشي وتجي بيها سالا يعقوب صلاتو وناض لبس جاكيط وكشكول علا عنقو هز صباطو لبسو وجبد المحفضة ديالو صغيرة كيجمع فيها لوازم ديالو ..وخرج هبطو هوا وايمان علا باب لوراني دخل يعقوب لكوزية عمر لين بيبرون ديالهاا بالسميدة جارية.. وقريعة صغيرة د الماا وزويفات صغار وخرج تبع ايمان لي وقفات حدا طوموبيل كتسناه .. شافهم حميد حل ليهم الباب ورجع جلس فبلاصتو.. طلع يعقوب وطلعات حداه ايمان وخرجوا بسرعة وسد موراهم حميد ودخل..
يعقوب: حتا لفين
ايمان: فين مبغيتي
يعقوب :نمشيو لشي كافي حسن عنداك لين يضربها البرد
ايمان: امم واخاا
يعقوب: اووك
زاد شوية حتا خرج من علا المدينة والجو باارد حتا وصل لواحد الكافي علا طريق وحداهاا جردة صغيرة ودراري كيلعبوو تماا.. حبس فالباركينغ ودخلو هوا وايماان لداخل جلسو غير التحت حدا سرجم كيتفرجوا فدراري صغاار...
جا لعندهم النادل خدا طلب ديالهم بعض لحضات رجع حطو ليههم ومشا..
بقا يعقوب كيداعب لين فيديها وفرحان معاهاا وايمان غير حادرة الراس..
الأرملة الصغيرة الجزء السابع (الفصل الثاني)
محتوى القصة
التنقل بين الأجزاء