عاشقة الثراء الجزء العاشر

مشات ديريكت للبيت و بقى جلال قدام علي و علي مصدووووم و كيطلع و ينزل فيه ...

- علي .. ياااكمااا بلغتي " عينيه على نقطة الدم

- جلال .." جرو من قرفادتو" .. بحاال والو تكون ضسرتي. .!!

- علب .." شبعات نطنز" .. ههههههههههه وا صاحبي ماوصلاتش لهاد الدرجة .. طل على راسك واش ذبحتيها ولاشنو!!

- جلال ..ضربو بقبضة يدو لصدرو" سووق مك .. ماتخلينيش نخيااب مع حبك .. سير قود ريح لهيه تا ترجع ديك خيتي منين جبتيها .. قلاوي ديال والو ...

طلع تبع الطبيبة ماداهاش فعلي لي كان مكرشخ ورااه .. دخل عليها لقاها مطلعااا لعبير رجليها فوق المخاد و مفرقاهم لبها .. كانت ديرة ليگات طبية و و تتفحصها و المى مغطية وجهها بالمخدة .. وقف فالباب و كروازااا رجليه كيشوووف غيها تا سالات .. حيدات الليگات و جمعات لعبير رجليها .. عقمات يديها بالجيل الخاص بيها و جمعات ادولتها..

- الطبيبة ..ماعندك لاش تخافي امدام .. ماشي شي حاجة گراف .. حاجة بسيطة..

- جلال .. " قرب ليهن و تنحنح .." شنو عندها ..

- الطبيبة .." ماكانتش عارفاه وراها قفزات و ضارت شافت فيه " ..احم ..ماشي شي حاجة لي صعيبة ماعندكم مناياش تخافو.. السيدة عندها جفاف فالمهبل ديالها ...

- جلال .. "طلع فيها حاجبو" ..كيفاش جفاف و انا بانت ليا فازگة !! ميمكنش !!

- الطبيبة .. من الطبيعي تشوفها فازگة كنضن فبداية العلاقة ... لكن فالممارسة مالاحضتيش واش كان جفاف ولا مكانش .. هادش يلي خلااها تنزف ..و الاحتكاك المكثف لي تعرض ليه المهبل ديالنا هو لي خلاها تجرحات من الداخل ..لكن ماشي شي جرح عميق .. نقدرو نقولو تحردات داكشي علشا تدفق شوية ديال الدم ....

- جلال .." مخنز. و عروقو خارجين" .. شنو غانديرو دابا!!

-الطبيبة .. حاليا العلاقة الجنسية ممنوعة .. حتى تفوت عشرين يووم او على الأقل 15 يوم .. غايكون الجرح برا .. و نيت غاتكون استعملات الدوا لي غايعالج ليها هاد الجفاف لي عندها.. و من بعد تقدر تمارس علاقتها الجنسية عادي ..

- جلال ..عشرين اش اختي!!

- المى ..عشرييين يووووم .. هههه

- الطبيبة .." شافت فألمى" .. و النضافة .. طبعا ضرورية لكن زوج مرات فاليوم فقط ماتبالغيش .. خودي هاد الغاسول باش توضاي لي وصفت ليك فالروشيتا حيت هو لب يقدر يحافض ليك على نسبة حموضة المنطقة ..المنتوجات لاخرين غايكونو مجهدين و غايقتلو ليك البكتيريا لي كاتحمي البيئة المهبلية ديالك من الميكروبات .. و نتي بااين لبا فيك تتغسلي بزااف ..

- المى .. واه و خصوصا مؤخرا .." شافت فجلال بنص عين ..

- الطبيبة .. نو الماكسيسمو ديك زوج خطرات فاليوم كامل تغسلي .. و الريحة او الكريمات لي فيهم ريحة مجهدا طبعا ممنوعين منعا باااتا ...و حتى لي لانجيت من الأحسن بلاش منهم هاد الفترة ..

- المى .. امم واخة ..

- الطبيبة .. و بالشفاء انشاء الله..

خرجات الطبيبة بعد ما استئذنات منهم بعد ما عطاتو الروشيتا ديال الدوا لي خصو يشري ليها .. نزلات عند علي .. اما جلال بقى تما كيشووف فيها مصغر عينيه .. 

- جلال .. هاد بنت الكلب غا كاتخرا ماطبيبة ما تا وزة ..

- المى ... " ناضت لوات عليها فوطة كانت بجنب السرير و تاتمشا حداه و تمخطر " .. عاارفه شنوو تديير نتا لي معاارف والو .." هزات مناخرها كيف العاده" .. عييت نقووول ليك حبس وجعتيني و ماكاتفهمش ..ولا دير راسك مكاتسمعش .. و لا اصلا ماهامكش لي كيهمك هو .." شافت فحجرو" .. هو لي صايگ بيك ..

- جلال ..." ضربها ليها بتخنزيرة و داايزها الكلام ..و جرخا من نيفخا قربها ليه اكثر" .. يا بنت ال.." سكت و عاود شاف غيها" .. هاد اللسان ديلمو لي مبري منك غانحيدووو و نعلقو ليك فودنيك ..

- المى .."ضربات لو يدو" ..وا طلاااق ..

- جلال .." طلق منها مخنزر" .. سير دوشي بينما جا الدوا ..

قلبات فيه عينيها و مشات تتعوج و تدندن قدامو .. خلاتو تيحرك رااسو بنفاذ صبر بهاد الخبر المؤسف لي جاه على غفلة و ماكان قاري حسابو .. هز فوطة و مشا للدووش لاخر ..

فهاد الوقيته المى كانت دغيا دوشات و رجعات للبيت .. لبسات دو بياس ديالها مقطنين و عليهم بيجامة فالغوز بيبي كيووت .. قصيورة واصلة حد الفخض .. جلسات فالكوافوز تتمشط شعرها بعد ما نشفاتو غير بالفوطة ..و سهاااااات انعكااس صورتها على المرآت .. حنيكاتها موردين .. شفايفها كانو منفرجين بابتسامة عمرها كانت على وجهها .. عينيها تيبرقو و هذا انذااار من قلبها .. حطات المشطة و بقات تتشوف فراسها .. تساائلات فديك اللحظة .. 

شكون انا ..!! و شكوون هادي لي فالمراية .. هادي مااشي المى .. !! هادي عبير .. هادي ديك لي كاتحاول تخبيها من زمااااان و ماتبينش لأي وااحد ضعفها !! ولا قلبها!! و لا حبها!!! من لي وعاات و هي كاتحاارب بااش حتى واحد مايقدر يملق قلبها .. علاش دابا كي كاتولي تشوف جلال تينبض قلبها بقوة ..علاش كي كيقيسها كدووب!! هادشي كووولو سولااات عليه راسها .. غمضااات عينينا بالجهد و عاودات حلاتهم .. حطات يدها على قلبها لي كان تينبض بعنف .. دورات راسها و هي تجي عينها فالسوارت ديال جلال ...

كانت الفلاشة الحمراء لي قال ليها عليها مرتضى قدام عينيها .. 😲.. حسات برجفة فقلبها .. مابغاتش تخونو مرة اخرى واخة متعودة .. ولكن دابا مابقااتش قادرة .. خصوصا انها اعترفاات لراسها بلي بصح ولات تتحس من جهتو بشي حاجة ..لكن فاات الفووت على الندم .. الانساان الى حط رجلو في جهنم .. مكيقدرش يهزها للجنة مرة اخرى .. و داكشي لي شافت مع جلال كان بمتابة جنة ليها .. تنهدات و ناضت هزات ديك الفلاشة مشات تتجري لبلاصة لي فيها حوايجها هزات اللاب توب ديالها جلسات فوق الكنابي و فتحات الباب .. باش تقارل معاه ليجي جلال . .. حطاتو فوق رجليها و بدات كاتخوي فيه محتويات ديك الفلاشة .. و يديها كاع كااع يرجفوو .. فهاد الوقيتة جلال كان جاي يدخل للبيت تا بانت لو السيدة شادة اللاب توب و رجليها تترعبدهم .. قبل ما تشوفو .. رجع للور مبتسم بالجنب و عينيه كيف النقطة تالدم بدااو يعمرو عرووقووو .. كااع العصباات لي فجسمو تزيروو و تشدووو .. زير على قبضة يدو و ركى الأكل لي كان جاب ليها ضربو بالحيط و نزل ديريكت للجردة ضرب بقبضة يدو شجرة تا شرشرااات يدو بالدم ...

.... زير على قبضة يدو و ركى الأكل لي كان جاب ليها ضربو بالحيط و نزل ديريكت للجردة ضرب بقبضة يدو شجرة تا شرشرااات يدو بالدم ...عض على شفتو و شااف في يدو بعصبية .. 

- جلال .. تفووووو فااااك ..فاااااااك ..

جلس فالكراسي لي فالجردة .. و سنانووو مزال عاضرع على شفتو التكتية وصل الطوووب ديالو فالأعصاااب .. هاين عليه يمشي يفجر القنبلة فوجهها .. و يقووول ليها رااني عارف بغذرك و خيااانتك ..

هااين عليييه يروووح يكسر راااسها و يخليييها تتطلب السلااكة معااااه ولكن لي بدااا كان مصمم عليه... مصمم يتبعها للأخير .. و الصبر لي عمرو صبروو مع اي واحد قرر يصبرو معاها و يخليها تعاقب راسها براسها حيت تعارفات مع واحد بحال مرتضى و تعاونات معاه ضد جلال .. و لي كان مصبرووو .. هو انهااا بنتوووو عبيير ديالو .. لي كان مسميها بأنجل .. ضحك بالجهد كي تفكر هاد اللقب ... عصر عينيه بصباااعو و زااد ضحك .. كيفااش انجل تتحول لشيطااان .. كيفاش عبوورة تتحول لوحدة خااينة و هو لي كان كي تيشووف عينيها فالماااضي كينسااا همو !! ...

تنهد و ناض اتجه لعندها للبيت .. كانت كملات كااع شغالها الجاسوسية .. و حطات اللاب توب فبلاصتو كي كان مخبي .. و السوارت تا هوما رضاتهم بلاصتهم .. اتجهات للناموسية و هزات تيليفونها تتخربق فيه .. هو كي دخل شافها حانية راسها على التيليفون .. و دور راسو لجهة فاش كان حاط سوارتو .. بانت لو الساروت محطوطة كيف خلاها .. ضحك بالجنب و مشا للبلاكار كان مخلي فيه حويجات ديالو... خذا بوكسر و سروال کري ديال السورفيت .. مع تيشرت أسود .... دوز شعرو بصبااعو .. هادشي و المى تتشوف فيه بنص عين ..

- المى ...فين عشاياا!! مزال ما وصل !!

- جلال .. " زير على قبضة يدو .." رميتو .. نعسي تال صباح و كولي ..

- المى .. " دلات شفتها" .. بفف اصلا مابقاش فيا الجوع ..

- جلال .. حسن .. 

هز سوارتو حطهم فجيبو و تيليفونو .. هذا البكية تاع الكاروو ديالو تا هي و تم غادي خارج تا وقفاتو ..

- المى .." باستغراب" جلال فييين غادي؟؟

- جلال .." وقف بلا ميضور عندها .. اصلا ملي دخل للبيت ماتلاش طلع فيها راسو " .. عندي مانقضي..

- المى .." طلعات فيه حواجبها" ..اهاااه .. غرض .. فهاد الليل ! ماشي تكمل السهرة مع شي وحدة اخرى. . مزاال ما شبعتي ..!!

- جلال .." كيتعجب لوجهها المقزدر .. ضار عندها مخنزر" .. عندي ميداار فالخدمة .. نعسي .. و توليب غاتبقى هنا .. جيت نديها هو هذاك .. مجيتش غانصيفط لي يجيبها .. يالله تكمشي مافيا لي يزيد معاك الضربة حيت غااتعصبي ديلمي بالهضرة دوالو ...

خرج خلاها حااالة فمها من هاد التعامل المفاجيء ..!! كيفاش كان ناشط و بيخير دازو بزااف تاللحظات قدام عينيها .. وجهو تبدل كيف قالت الطبيبة ماخصووش يعاشرها لمدة عشرين يوم... جا فبااالها انو باااغي منها غير الجسد فقط .. و فااش لقااا بلي كاتقدرش مؤقتا قلب عليها الفيستااا!! 

- المى .." ضربات فخاضها" .. ياااك اولد الحرااام .. و انا لي كنت ندماااانة على لي كندير فيك .. واا سرك نييييت ..

رجعات ناضت هزات البيسي .. شافت داكشي لي خوات فيه مافهمات منو تا وزة بالحق عرفااتو متعلق بالخدمة ديالو من خلال التصاميم ديال البواخر و الغواصات لي فلي ضوسيي ..سداتوداكشي بعد ما صيفطاتو لمرتضى فالإيمايل ديالو و تنهدااااااات بالجهد...

- المى .. لكل فعل رد فعل .. و نتاااا لي بغيتي .. ناضت لبلاصتها تكاات فيها و بقات حالة عينيها ..

-المى .. قال ليك غرض فالخدمة ... انا بغيييت ليك البرووود الجنسي فهاااد اللحضة الهيلالي ..

غمضااات عينيها بعصبية .. هادي هي المى فينما تشم خباار من الطرف الثااني واخة يكووونو غير فخياالها .. لازمها تنتقم و ماتخليييش عندها الصرف .. بالحق لي خااايب هو يبقى الصرف عند جلال و هي ماعارفاااش كيفاش ديردوو هو ......

صاااگ الاوطو ديالو بأقصى سرعة .. ماكانش حاملها ولا حامل راااسو .. مابغاااش يشوووف عبنيها .. كاع لحظااتها الزوينة داازو قداام عينووو .. جر من المجر ديال الاوطو قرعة تالمشروب فتحها و گربع منها .. و باالو مزاال مع ضحكتها و عينيها لي تيضياااقوو كي تضحك و لا تفرح .. عض حنكو من الداااخل حيت فعلا كان مضرور من جهتها و كااااع لحضااتها الزوينين .. تحولو في غمضة عين للحظات خياانة و غطر .. وقف الاوطو قدام القصر و طلع ديريكت لبيتو .. تلاح فوق النموسية على كرشو .. فينما مشا يلقى مصيبة تابعاااه .. لاح القرعة والمشروب و غمض عينيه .. كان بدا يتقل فالشرااب دغيااا دااتو عيينو .. 

صبااااج جديد و الصباح زائر جميل.. يأتي في موعده كل يوم ..،فخير ما نستقبله به هو أن نحمد الله أن أحياناً بعد ما أماتنا و ان نشكره على نعمه و خيرااته علينااا ..لكي تكون خير بداية ليوم جديد .. لكن .. واش كوولشي كيحمد الله على نعمو علينا!!! .. واش كلشي كيبقنع بلي قسمها ليه الله!! و السؤال الأهم .. واااش ربي غايرزقك و نتا مكاتشكرو مكاتحمدو و حتى ابسط فرائضو مكاتأديهاش!! 

هذا حال المى .. كاتبااات طامعة و تفييق طامعة .. حتى فأحلامها تتحلم بقصر و ناس اغنياء !! حب المال وصل لدرجة الهوس عندها .. و عشقها للثروة حط ضبابة على عينيها على الحياة كيف خصها تكون!! يمكن لو كان عندها وازع ديني بسيييط مكانتش غاتكون هكذا .. يمكن لو كانت تتقي الله فراسها و فالنااس لي كاضرهم معاها مكانتش غاتعيش هكذا و مكانتش غاطمع فلي ماشي ديالها !! ..اي واحد من النااس كيحلم بالفيلا و الطونوبيل و الفلوس مشتته ولكن الفرق كيبقى فكييفااش كيتحققو دوك الأحلام .. 

كينين زوج طرقاان ..يا الصعيييب الجد و الإجتهاد و الكد و المثاابرة و العمل بكرامة و شرف .. يا الطريق الساهل و هاد الطريق كيختاروها الأغلبية .. طريق مفرشة بالورد لكن ااخرها شوووك .. طريق الهلاااك لي كل شيء فيها مبااح .. لا شرف كيبقى ولا حياة كيف الناس بكرامة تتبقى .. و هادي هي الطريق لي سلكات المى .. طمعها خلاها تحط يديها فيد ناس مكيرحمووش .. الأول .. طمعها بالفلوووس بااش يتجسس على خصمو .. و الثاااني تا هو طمعها بالفلوس .. لكن بااش يحصل عليها .. و يخليها ماناقسها تا خير ..يعمر ليها داك الفراااغ لي عندها من جهة الثرااء .. كان بامكانها تختار واحد .. تمشي فطريقو .. لكن هي قلبها مال للثاني و الأول ماقدراتش تقول لو لا و حتى فلووسو راهي مامستغنيااش عليهم .. يعني كيف كيقوولو بغات الزبدة و فلوس اللبان ..و لكن لي كيبغيها كااملة .. كيخليها كاااملة و الطماااع مكيلقى فين يحط الراااس .. غاتولي لاهي بديدي و لاهي بحب الملوووك .. 

فاقت تتكسل كي دخلات لها الشميسة للبيت .. ناضت جلسات فوق السريرها .. شافت فجنابها .. ديك الدقيقة بقات تتحقق فالمكان و فراسها .. تنهدات و رجعات لها الذاكرة الباارح .. قفزات من فوق السرير و حطات يديها على رايها .. هزات تيليفونها تشوف شحال الساعة لقات ميساج من مرتضى .."هكذا نبغيك الغزال ..".. كرهات رااسها و كرهات داكشي لي دارت .. جلسات فوق السرير .. و عضات على شفتها

- المى .. " مغمضة عينيها" .. اااش دبت انااا اش درت ..ناضت وقفات مرة اخرى .. غدرتو و هو تاااق فياا!! ميمكنش .. اش درت ...

بالعصااب لي فيها هزات تيليفونها و ضورات لمرتضى لي جاوبها فبها ساع" ..

-مرتضى" .. الزيييين .. نص الفلووس لي بقااو هايوصلووك لحسابك مكافئة على عملك الجيد .. ههههههه

- المى .. يديها كاااع تيترعدووو". .شوووف نقوووول لبك .. هادي اااخر مرة غانتصل بييك ولا تواااصل معاايااا كاتسمع .. هاااداااا ااااخر طلب غاتطلبو مني .. و الا كنقسم لييييك غانعترف لجلال بكووولشي و ليليهااا ليهااا امرتضى .. 

- مرتضى .. " بضحكة مستفزة .." ..توتوتو لالا لا ماتقوليش هاد الهضرة الغزاالة .. دابا نتي وحدة منا .. تخاايلي معايا واحد ينقص .. البااقيين غايطيحو .. حشووومة .. نتي وحدة منااا و منقدرووش نتخلاو عليك ..

- المى .."ماكرهاتش لو كاان قداامها .. لحمووو تنهشها"... عطيييني بالتيييثااار ابنااادم .. عطيني بالتيييقاااار .. كنحلف لييييك ماغايعجبكش حاال انا اكثر وحدة تقووول عليها متهورة و فساااعة الغضب تتعمااا لي البصيييرة .. 

- مرتضى .. اووووه .. توتوتو تخلعت انا .. اوووه غاتعصب علينا و غايهزوا المااش. " سمات ضربة فوق الطابلة .. كان مرتضى لي ضرب المكتب بيديه" .. بربييييي و ماتمشييي گوووود تا نورييك الوجه التاااني .. راني دويت المرة الأولى .. و كلاامي ماتبغييش نعااودو ..راك عارفة اش غانقوول ..و اااش غاندير .. 

- المى .." يديها كيرجفوو و عينيها بغاو يدمعوو .. " .. مرتضى .. ماغانقدرش نزيييد نغدرووو بليييز فهمني .. 

- مرتضى .. ههههههههههه كاتبغيييه ازويونة ..!! ههه ولد الق** فينما يدووز حدى شي وحدة طيح فييه .. عساااك وحدة معااه صبااح و عشية ..شووفي ازوينه .. هذاك ميصلاااحش ليك .. كيبدل البنات فحال تقااشرو .. شوفي ليك غيرو .. و سيري تلاحي تا نحتاجك و غانتصل بيك ..

قطع عليها خلاها عينيها ماقاادااش ترمشهم .. لعنااات نفسها مليووون مرة على داك التهور لي مخليها لوور لووور .. كاتخووون واحد شاااري ليها طيااارة على ود واحد غايعطيها فلووس ماساويين تا ثمن الفيلا لي وهبها ليها جلال!!! .. فين كان عقلها تا دارت ديك المصية .. عاتباات راااسها مزيااان عاد مشات للدوووش اغتسلات و جمعات شعرها .. دخلات للدريسينغ خذات منو كسيوة صيفية فالابيض طوويلة و بلا درعين .. لبسات معاها صندالة بلا صميطات فالالوان بالسيوور طالعين على صيگانها مدارتش ميك اب .. خرجات ديريكت لبيت توليب لقاتها مكينااش .. نزلات تتقلب عليها تا جات وحدة من الخدامات عندها ..

- المى .. فين توليب؟؟ 

- الخادمة.. سي جلال صيفط الشيفور جابها .." خلات لبك معايا شي حاجة .." رجعات للكوزينة جابت منها التاج ديال الورد لي كانت عطاتو لألمى و نساتو عندها فالبيت . " .. هاذا قالت ليا نوصلو ليه ..

- المى .." ابتسمات و خذاتو من عندها" .. صافي سيري شوفي خدمتك .. و جيبو لي الفطور للجردة ....

خرجات للجردة و حطات داك التاج على راسها ...

خرجات للجردة و حطات داك التاج على راسها ... بقات تتأمل فالطبييعة لي فدامها و المناظر الزوينة .. صيفطات لخولة بلي راهي بخير مابغاتش تخلعها عليها و مابغاتش تجيبها لفين هي كينة حيت اكيد غاتشك و تبدا تسولها كيفاش هاد العز كلو دقة وحدة ..بقات مريحة تتقلب فالتيليفون ديالها فالسوشل ميديا كيف العااادة حتى جابو ليها الفطور و بدات تتفطر ..

فهاد الوقييتة كان جلاال نااعس و ماعلا باالوش بالعالم واخة فاق على النبوري .. وصاهم يجيبو توليب و رجع نعس ..كان ..شاد ناموسية ينعسو فيها زوج غا لوحدوو .. لابس سروالو و الفوق عرياان و مشبح على كرشوو .. يديه وحدة هنا وحدة لهيه و رجليه تا هوما ..

دخلات عليه رجوى بعد ما دقات ولكن فيينو هو كاسمعهااش ..مشات بالحس تا وصلتت عندو للناموسية .. جلسات حداه ..رجوى هاد المدة كااااملة دارت كيف قال ليها جلال ..ماعمرها شافت عبد الجليل و لا قربان ليه .. سمح ليها دخل و تخرج كيف بغات و م و مع ذلك ماخيبااتش ضنو .. حتى الحراسة مابقاتش عليها مشددة و هادشي لي خلا جلال يسترجع تقتو فيها ... 

مدات يدها لعقو تدغدغووو و تبتسم .. كانت من صغرها و هي كدير ليه ديك الحركة و كان ديما كيتعصب عليها و شحال افتقداتو من نهار مشا يعيش فالخارج .. غفلها و شد ليها يديها زيرهااا تا غوتات..

- رجوى .." ضرباتو لمراعو" .. اااععععع يدي غاتهرس الحلوووف. .

- جلال .." طلقها و ضار على كرشو و عينيه نااعسيين. .". .قاعدتك هي هي اللعب دالبراهش ماغاتحيديهش عليك ..

- رجوى .." كتحك فيديها" .. ورمتيها ليااا اصااحبي ..

- جلال .." حل عينيه و حمرهم فيها" ..صاحبك كنلعبو التيرسي هنا!! شوية تالاحترام ..

- رجوى .." تدلع عليه " .. وا صاافي داابا خلينا مزيانين .. و صباح الخيير الحبيب ديال ختوو ..

- جلال .." حط يدو على جبهتو" .. شنو بغيتي!!

- رجوى .." كتلعب بيديها" .. واش دابا ضروري نبغي شي حاجة بااش نجي نصبح على خوبا العزيز ..اصلا جدي قال ليهم اليوم العائلة كاملة غايفطرو مجموعين ... و انا قلت ليهم غانبلغك ..

- جلال .." عارفها اش باغية و كيتقل عليها " .. ايه .. صافي هذا مكان يالله نوضي فحالك .

- رجوى .. " ضرباتو لصدرو بغيض" ..جلاللل .. اووف ..

-جلال .."طلع فبها حاجبو". . يل ضصرتي يا جاب ليا اللع .. دوينا مع ملتك اش بغيتي بلا ضساارة ..

- رجوى .." بتوثر" .. شووف دابا نتا ديك النهار اش قلتي لي .. ياك قلتي فاش تجي من السفر هادي تدوي مع عبد الجليل ياكك؟؟

- جلال ..نونونو هو لي غايجي يدوي معايا... انا اش نگول لبه الله يرحم باك اجي تجوج هاد المصيبة لي عندي !! و زيدوون نتي باااشمن عيين جاية تدوي معايا فهادشي مابقاات حشماا مابقى حياااا ..!! "ناض جلس " .. ضسرتي ابنت الهيلالي ..

- رجوى .." جمعات فمها و بغات تنوض تمشي .." .. صافي سمح ليا انا لي هبيلة تقت فيك من الاول ..

-جلال .." بقى كيشووف فيها وصلات للباب .." ..وقفييي😡😡

- رجوى .." ضارت عندو قربات تبكي" .. شنووو بغيتي مزال غاتقول ليا نتزوج مراااد واخة انا موواااافقة نتزوجو و من العرس للقبر غييير تهنا 

- جلال.. غانضرب مك نلسقك مع الحيط ...اتصلي بيه قولي ليه غدا يكون عندي فالاوطيل مع السبعة تالعشية .. 

- رجوى .." تتبحلق فيه" .. تدوي بصح😲

- جلال .. لا بلعاني ..." ناض كيتمشاا بالتقالةةة و يحك فعنقوو" و اتجه للدوش" .. يالله جمعي عليا خناينك و تلاحي عليا من هنا باين النهار كي دير من اللول ديالو..يخليها تريكة....

ضرب بالباب خلاها مزاالة مامستوعبااش اش قاال .. قرصات دراعها و ناضت تتنقز و تغني .. خرجات فرحاانة من الجناح ديال جلال و مشات تتجري قاصدة الضرووج تا تزادحاات مع شخص العيااذ بالله مكانتش باغة تشووف سحنة وجهو ...

- مرااد .. بشوية عليك امدامتي " شدها من خصرها".. نخاف تهرسي ليا و نأجلو العرس ..

- رجوى .." كاتلوى باغية تفك منو" .. حيييد بعد مني .. واااحيييييييد المرض .. 

- مراد ..." غرس ضفارو فجنابها" .. اااشنوو .. عاودي اش قلتييي .. 

- رجوى ..اااااي .." ضرباتو لصدرو" .. و الله تا نغووووت و نجمع علييك القصر. . 

- مراد.. ههههههههههه اش غاتقوولي لهم اخطيبتي العزيزة .. خطيبي بغا يبووسني و ماخليتوووش" .. جرها من فكها طبع قبلة عنيييفة على شفايفها". . اممم .. 

-رجوى ..كاااع القوة لي فيييها جمعااتها فديك اللحضة و ضرباتو لصدروو تا بعد عليها و رجع اللور كان غايجي على راسو فالدروج و دفلات لجهتو" .. تفوووو تفوووو حيوااان .. الكلب .. عمرررك تجرب تقرب ليااا الموووسخ عممممرككك .. 

نزلااات تتجري طاالع ليها الدم ودنيهاا تيصفروو حلاتو وراها كيضحاااك بطرييقة مستفزة ماعارفش بلي هادشي شاافو جلال كاااملة و غير بالصدفة كان داخل للشومبر ديالو يجيب الفوطة و هو يشعل التلفازة بغا يدير الموسيقى على ما يدوش .. و مع التيفي عندو زوج معلقين حدا بعضياتهم مبرونشيا مع الكاميرات لي فالدار مع وحدة منهم .. هو شعلهم كاملين و ماغاتجي عينو غير على اللقطة فاش شدها مراد .. فاش شافها نزلات مع الدروج .. طفا التيفي و خرج وقف تيتسناه و ربع يديه تا يوصل عندو على خاطرو...

طفا التيفي و خرج وقف تيتسناه و ربع يديه تا يوصل عندو على خاطرو...غا شافو جاي تيضور فالسوارت على صبعو و تيصفر .. وقف عليه كي صعت و رعتين.. 

- جلال.. سي مراد .. ناشط مع راسك .. 

- مراد .." تفافا و رجع لور" .. ااه .. هههه .. علاش لي مانشطش و انا ولد عمي جلال .. هههه .. وا هرستييهم بالفيلم ااجديد العشير ..

ضرب فوق كتف جلال .. خسر عليه شااف لو فيدو لي محطوطة على كتفو و هو يسحبها في ساع كي شاف تخنزيرة جلال .... طرطق عنقو و عاود شاف فيه

- جلال .. ماغانهرسهمش غير هوما. . غانهرسك معاهم

ضربو برااس تاا قلب ليه اليمين مع الشمال و لا كيكس بيه كيزنزين .. جرو من قرفادتو و لاسق معاه كمارتو ..

-جلال.. " مزير على سنانو" .. كاتعرفني فاش كاطلع ليا القردة مامة مووح لسطااح اش كنولي نديير فالبشر .. هاااه ..!!

- مراد .." بغا يتفك منو" .. اش درت اصااحبي .. طلااق ااش درت ليك...

-جلال .. نتسناا القحبة يماااك تا دييير ليا ..!! ااش عند حمار بوك ما دير .. شفتي انا الغلط لي درتو فحياتي هو نهار نطقت بسميتك قدام جدي باش تاااخد ختي .. 

- مراد .." شاف القضية حمااضت و بغا يبرد السووق " .. وا صااحبي قول ليا غييير اش درت لييك ..

- جلال .." عطاه رااس اااخر و شدو من شعرو عطاه بوونية لكماارة" .. هاااد. باااش تعلم تحط يديك على ختي مرة اخرة .. الز*** بربييي تا نشرد بووك الكلب .. سبتوو فهاااد القلاااوي ماالقييتو لي يحكمكم الكلاااب ..عطااه بكروشي تا تقلبو عينيه 😂" ... 

- مراد .." بعد عليخ و شااد فمعدتووو لي حس بينا بغات تخرج من فموو" .. مالك اصااحبي .. شنو طرا!! واش شكات مني!! .

- جلال ..كانوو عرووقو بااينين و واخد وضعية الهجووم فحال غاينقض عليه .. عضلاتو كيتشدوو و ترخفووو بطرييقة غير طبيعية " .. عارفها ماغاتشكااش .. و نتا يا ولد الكاب بلاصة ما تشرط على البنااات وااجه الفحوووله الكلب .. 

- مراد .." غرس صبااعو فشعروو بتوثر " ..ماغاتعاودش .. غانولي نىد البال لتصرفات ديالي .. ..

- جلال .. ردووو مزياان ولا انا غانردو ليك بربي تا نشردك هاني دويت .. و هضرتي مانبغيهاش تعاود .. 

عطاه بالضهر و رجع للجناح ديالو طااالع ليه الدم .. ضربها بتدويشة خفييفة و مشا لدريسينغ خذا منو سروال تاع السورفيت فالگري و قبية كحلا مع سبادري بيضااء اختار شاعة من ساعاتو الثمينة لبسها و مع براسلي فاليد الثانية .. دوز شعرو للور و مزااال ملامح وجهوو معصبة من هز تيليفونو و سوارتو خشاهم فجيبو و هو يسمع تيليفونو كيضوني .. 

كان باغي يطفي بانت ليه سمية كارولينا و هو يجاوب ..

- كرولينا .. الزين تالعالم .. هههه

- جلال .. اهلا كارو .. صافا ..!

- كرولينا .. صافا و مقلقة منك فووق ما تخايل. .

- جلال .. و علاش الالة ..!!

- كرولينا ..انا كنت عارضة عليكم و نتووما شدتو ااطياارة بلا خبااري .. 

- جلال .. ههه غير خدمة مزروبة لي درتها ليا ..

- كرولينا .. واخة اسييدي .. غاندوزها ليك هاد المرة ولكن خصنا نعوضووها!!

- جلال .." مرگاتو" .. واخة صعييب الحال هاد الاياام ولكن مانرفضولكش طلب الالة ..

- كرولينا .. اوووه .. ههه راني عارفااك جنتلماان .. اواا ايمتا نعرض عليكم غداا ..مناسبك!!

- جلال .. اوالا فوتي عليا غدا .. عندي منقضي .. ثانيا انا لي عارض عليكم و لليخت الالة ..

- كرولينا .. اووه .. ههههه ماتنسااش ديك الغزييولة .. 

- جلال .. هههه عارفك ماشي انا لي هامك ..

كرولينا .. نتا الخير و البركة ..

- جلال .. مقبولة الالة .. المهم بعد غدا فالصباح نديرو شي خرجة ..وزو النهار فالبحر. .

- كرولينا .. اوووه اوكي انشاء الله ..انا غانقولها لماجد ..

دخلات عندووو ساندي بلا ما تستأذن الشيء لي خلاه يخزر مباااشرة .. 

- جلال .. " دوا مع كرولينا و عينيه على ساندي معصصصب" ندويو من بعدي ..

- ساندي .." قربات ليه و تتسلم عليه بدلع و تتلسق عليه ما أمكن" ..صبااحو حبي ..

مابادلهاش العناق خلاها معلقة فيه تا سالات و رجعات لور

-ساندي... اوف مابغيتش نعكر مزاجي .. شوف اش باان ليك نخرجوو توليب لشي بلاصة انا وياك اليوم؟؟

- جلال ..توليب .. هه ." ضحك باستهزاء" .. توليب خرجتها البارح .. اه .. ماسولتينيش فين باتت ..!! ولا يمكن كااع ما حسيتي بغيابها ليلة ..

- ساندي .." تضور فعينيعا" ..ها؟؟ امم ..

- جلال .." قرب ليها و طلع ليها ذقنها لعندو .. قرب شفايفو لدياالها تا يصحاب لها غايبوسها و هو يتكلم" .. نهار تولييي أم بصح قولا و فعلا ..ديك السااعة جي عندي باش نحسسو ديك البنت بلي عندها ام و اب .. التمثيل و الهضرة الخاوية تبغي تبااني قدام صحالك بعائلة وهمية و كلها تمثيل ماعندي ماندييير بييه .. 

بعد عليها خلاها غا تتشوف هوات راسها كاااتلملم رووحها و شاافت فيه ..

- ساندي ..فيين ديتي بنتي ..!! عندها!!! دوي !! فين باتت توليب ..!!

- جلال .." شاف فيها بابتسااامة سااخرة" .. فحضنها ..

- ساندي ..."ماكرهاتش ضربو" ..بنتيييي انااااا بااااتت مع قحبااااااااا اجلااااال .. 

هنااا حس بودنيييه تيصفروو هز يديه تااال الفوووق و خبطها ليها مع وجهها خلاها شاادة حنكها و نفسها تطلع و تنزل بالزربة .. جرها من شعرها و طلع وجهها شاافت فيك كان تيشووف فيها بنضرة كووون كانت قرطااس لوم تيراات فيه" .. مااتنساايش راااسك اساااندي .. نتييي واالوو .. فهمتي .. واالو . وونتي بفمك قلتيها ولا نسيتي .. والو بالنسبة لياا 

نطر يدو من وجهها بالجهد تا دار وجهها للجنب لاخر ..

- جلال .. ها ودني منك لا مازاال تعاودي هاد الهضرة .. يالله قودي من قدامي

- ساندي ..يااااك هادشيييي كلووو على ودهاااا..." الدموووع دايزين من عينيها و حنكها مزالة شاداه" .. انااا اجلال ..انااااا ضربني و تبدلني بيييها ..

- جلال .." ببرووووود" .. نتي عمرك كنتي باااش نبدلك بيها ..شكون نتي اصلا. .

- ساندي .." بغات تقرب ليه و تحط يديها على صدرو" ..انا ماماااات بنتك أجلال ..

- جلال .. " هز يديه لفوق بمعنى حبسي و رجع لور قبل ما تقرب لو " ..يديك تعاودي تحطيهم عليا نلسقك مع داك الحيط .. يالله حيدي عليا من هناا ..

خرجتت شادة فحنكها و عينيها مضببن بالبكاااء ..دخلات للحمام شبعات فيه بكااا و غسلات وجهها عاد خرجات كانت الطبعة ديال ااطرشة لي كلات بااااين فحنكها احمر حيت بشرتها بيضاا بزااف. . طلقات شعرها على وجهها و نزلات تفطر معاهم...

فهاد الوقيتة جلال كمل اش كيدير و نزل تا هو بما ان عبد العظيم هو لي عطا الاواامر ان كولشي يحضر للفطور .. ..

نزل كيتمختر مثقل المشية و بشوييية عليه تا وصل كانو كاااملي فالطبلة .. طلع فيه مراد راسو و عاود نزلو .. كمارتو كانت مزوقة غير حادرها ... و ساندي حتى هي ماطولاتش فيه الشوفة مغطية وجهها بالشعر باش ميشوفها حد .. رجوى عينيها كيبرقو بالفرحة .. حياة حتى هي تتشوف فيه كيف كل مرة و كاتقوول لو بعينيها انا فخوورة بيك.. ابتسم ليها .. و ماشاف فحى حد ااخر .. مشا ديريكت لعند جدو لي كان جالس فمقدمة الطاولة كيف العادة .. مد ليه يديه باسها ..و جلس حداه فالمكان المخصص ليه .. 

- عبد العظيم .. الله يرضى عليك اولدي ..

- جلال .." باس مو من حناكها عاد جلس ابتسم ليه " .. كيف صحيحتك الحاج .. كاتبان لياي شوية .. وليتي لاباس؟؟

- عبد العظيم ..الحمد لله .. كانعافرو حتى يدي مول الأمانة امانتو ..

نقد ولدو حميد...

-حميد .. الله يعطيك صحيحتك الحااج ..

- عبد العضيم. ..." شير ليهم بيدو" .. تفضلو .. تقدرو تبداو الفطور .. 

بدا كوولشي تيفطر و حد مكيشوف فحد تا ضارت ساندي بدون قصد و دوزاات شعرها ورا ودنها .. حتى بانت الدقة للأم ديالها ..

- أمينة .." شدات ليها وجهها ضوراتو على غفلة" .. ويلي .. شكون طرشك؟؟ شنو هادشي؟؟

-ساندي .." حديات ليها يديها حشماتها بين دوك العيووون لي كانو كاملين تيشووفو فيها .. " .. والو اماما والو ..

- جلال .." كياكل و ماطلعش فيهم الراس". .انا سرفقتها ..

- اميينة .." بصدمة" .. كيفااشششششش!! و تتقولها بوجهك حمر .. 

- جلال .. " طلع فيها الراس " .. كيفي !!

- امينة ... كيفاااش !! وااش نتااا مااشي هو هذاااك شكووون عطاااك الحق تاا ضربهاا شكوون ..

- عبد العظيم .." ضرب فالكاس بالملعقة" ..امينة .. ماتدخليش بين الراجل و مرتو ..

- امينة .. ولكن اعمي .. شووف شنو داار للبنت .." شافت فحميد لي مادوااش " .. خمييد قوول شي حاجة ..

- عبد العظيم ..امييينة قصري الشر .. و نعلي الشيييطان. . مانبغيي تا وااحد تدخل بينو و بينها

- ساندي.." زيرات على يد الأم ديالها" ..ماما .. صافي عافااك ما وقع والو .. 

-امينة .." شافت فجهة جلال لي كان تيااكل بعدم اهتمام" .. حسبي الله علييك حسبي الله ..

- عبد العضييم ... امييييينة .. مانسمعش حسك ...

- جلال .." طلع راسو مبتسم بالجنب ..و شاف جهة مراد" ... هذاك تا هو كلاها هاد الصبااح .." ابتسم ليهم" .. انا لي ضاربو .. بلا مانقول علاش ياك امراد .. 

- مراد .. عادي .. عادي ماشي شي حاجة .. حنا خووت ..

- كبيرة .." شافت فولدها" .. الله يا ربي الله .." شافت فجلال بصدمة .." .. 

تا حد مار يتكلم ولا يدوي هز جلال توليب لعندو تيوكلها بيديه و ولا على باالو بعيووون ملياانة حقد تيرمقووه .. كانو مركزين عليه تا دواا عبد العضيم ..

- عبد العظيم .. احم .. بغيتكم اليوم على ود موضوع خاص بالعائلة .." .. مد يدو للكاس تالماا و مدو ليه جلال شرب و شاف فيههم كااملين" ..

- سليمان.. خير الحااج ياك لباس؟؟

- عبد العظيم .. قررت نجيب الأخ ديالكم كمال يعيش معانا هنا .. 

- الكل .."بصدمة " كيفاااش😳😳

- عبد العضييم.. .. يكفي لي عاش بعيد على عائلتو .. و عزووتو .!!

- جلال .. عمي كمال واحد من هاد العائلة و رجوعو حاجة باينة .. و نتا الحاج خذيتي القرار الصائب ... 

- سليمان .. وكن لي دار فعلتو مكيرجعش للعائلة ..

- عبد العظيم ..دارها زماان يام كان صغير .. دابا لاهو صغيير ولا حنا صغاار .. انا قربت نمووت و الى مسامحت و لدي و سامحني مايمكنش رب العالمين يسامحني ..

- حميد .. لي داار خطيئة ولا تغتفر ..

- جلال .." حمر فيه عينيه" .. لي دار ماشي خطيئة لي دار خرق قانون عائلي و هذا ماشي سبب يخلي الحاج يرمي ولدو ..

- سليمان .. سكت نتا ماعارف والو .. الحاج عارف مزيااان علاش تيدوي حميد ..

- جلال .." ناض باس على يد جدو و حط توليب فوق الكرسي ديالو" .. الحاج عندي شي شغل غانخليك ..

- عبد العظيم.. الله يرضي عليك اولدي .. 

خرج جلال تحت نضرات الكل و فهاد اللحضة كانت المى مزالة جالسة فمكانها .. اتصلات بيها سرور و عطاتها العنوان بااش تجي لعندها .. و داكشي لب كان ما كملات تا نص سااعة و هاهي كدق .. فتحو ايها الباب تا سمحات ليهم المى يدخلوها عاد خلاوها دخل جاية تضور فعبنيها و تعوج فمها يمين و شماال و تقوول فخااطرها الزهر و لمن عطااه سيدي ربي ... وصلات عند المى لي كانت جالسة فلي فوتوي ديال الجردة و حاطة رجل على رجل. .

- سرور .. " باستغراب .." .. هاي هااي هااي على النااس ديال الفيييلات .. ياختي ااش هاد العز كلوولاهو .. 

- المى .." وقفات باش تسلم عليها" .. كلووو من الفتيخ وحيااة عيوونك ..

- سرور.. " طلعات فيها حاجبها" .. اوا علمييينا يا ختي نفتخوو جمييع عييت من التبهديل و الشحطيط مور سي جلال من بلاد لبلاد فهاد الخدمة .. ورينا نفتخوو تا حناا ..

- المى .." جلسات تضحك بتعالي" .. ههههه اوا يا حبيبة هذااك سر المهنة .. منقدرشيي نقوولك علييه .. ههه مكيعجبنييشي نتقااسم رزقي مع شي حد ااخر ههههه ..

- سروور .. شووف ليك المسموومه .. " دورات عينيها تتحنزز مزيااان و طااحت على الاوطو" .. هاااااء و مازاارااتي يااا ختييي .. الله يا ختي طحتي على كنز شكوون هاد الزغبي لي دار لك هادشي ..

- المى .. توتوتو .." كاتشوف فضفارها" .. هاد المرة مااشي فيكتيم ابب هادي المرة صااحبي لي دار لي هادشي كااملاهو .. 

- سرور ... هاااا .. شكوون هذااا يا ختيي شكوون .. بااينه عليه بوكو حبة ..

- المى ..." شافت فيها بسخرية" .. و شنو بغيتيني انا نشووف فمزلووط صافا باا! 

- سرور ..اوا قوولي ليا شكوون؟!

- المى .." شافت ليها مبااشرة فعيوونها" ..لي مخدمك احبيبة ..

- سرور .." بصدمة اجتاااحت جميع اوصاالها و عروووقها و كولشي🙃" .. سي جلال ..!! من نيتك ؟؟؟

- المى ... وي بب .. 😊

- سرور .." تسعقات بالمعقوول .." .. و علاااش انا لا علااش قولي ليا كي ديري راني غانتعوق اصااحبتي ويلي دغياا طيحتيييه و يجيب ليك هادذييي كاامل ..

- المى .. الى عرفتي كاع داكشي لي جاب لي غاتعوقي ديال بصح هههههه

- سرور .. اختي زييين و هاهو .. حلاااوة اللسااان و كينة .. الطب*** هاهو و الترمة هاهي...

- المى .." ضحكات عليها باستهزاء" اوا اكبييدة الترمة لي ماتجيب العز غير تكحز .. ماعدك ما ديري بيها سيري تبرعي بيها لكتور تازي هو غايستفد من منها حسن منك هههه ...

- سرور .. كضحكي عليااا يااك .. شووفي انا عطيني كوولشي الا العلاقاات مكينجحوليش ..

- المى .. " .. اوا نتي غبية انا شاكوو!!

مزال ما كملو هضرتهم. تا دخلو عليهم لي كارد من البابهازين و محملين بصيكان باينة غيخم من الماركات.. 

- الكارد.. لالة هادشي صيفطو ليك سي جلال الهيلالي .. 

- المى .." عينيها برقو بالفرحة و الابتسااامة عرييضة على شفايفها مع " بصح..؟؟ حطهم هنا و سيروو .. 

و كي حطووهم وصلها ميساج من عند جلال .. لي لحد الساعة ماباغيش يشووفها لا يدير شي تصرف ما هوااش و هو بااغي يمشي معاها فاعبتها و يضربها بسلاحها بااش تعرف شنوو لي خسرات من بين يديها .. ضغط على نفسو و كبرياائو و اتصل بالماركات تالحوايج و المجوهرات لي تيعرف يصيفطو ليه القطع المميزة عندهم ..و بعثهم ليها مع لي كارد..عاد صيفط ليها ميسااج .. 

«هادي حاجة بسيطة و كل قطعة منها وحدة هي لي بين يديك نتمنى يعجبوك .. ماغانجيش اليوم و غدا منعرف واش نقدر نجي ولا لا .. عندي اغراض مهمة .. » 

هادشي لي كتب ليها فالميسااج .. و لأول مرة مالفوووش نضرها الاكيااس قدما لفتاتو ديك الرساالة حيت حساات بتغيير فطريقة كلاامو مامريحهااش اما سرور كانت بااااقة حالة فمها ووتتسجل ماتصيفط لساندي ...

- سرور .. هاي هاي هاي على النااس يا ختي مبرعك و مفششك ..سعدااتك ..

- المى .." كانت تتفكر ماداتهاش فيها اش قالت " ...

- سرور .." كتشير ليها قبالة عينيها" .. هاااااي.. هلووو فين مشيتي...؟

- المى .. ها .. تا فين .."شيرات للخدامة" .. اجي هزي هادشي لبيتي عافاك ..

- سرور .." مبلقة عينيها" ..ماغاتورينيش اش داكشي .. ؟؟

- المى .. داكشي خاص .. سمحي لي .. انا غانطلع دابا .. الى بغيتي شي حاجة طلبيها من الخدامة .. اوكي؟؟

- سرور .." حسات بيها جرات عليها و قاالت ليها نووضي تهزي بلبااقة " . اه .. تا انا عندي ميدار .. نخلييك ..

- المى .. "مشات باتجاه الفيلا "..اوكي باي .. شرفتيني ..

دخلات ديريكت طلعات لبيتها لقات ديك السيكان مستفين فجنب النموسية .. نصلات ديك الكسوة ديالها من فرط الحر لي حسات بيه و جلسات تتقلب فدووك الباكياات لقات حوايج من جمييع المااركات .. و لقات اشكال شافتهم فالانترنت و فعلا منهم قطعة وحدة مزال ما تم تقليدها .. لقات مجوهرات تا هوما من اشهر الماركات .. حطات كولشي و بدات تتشوف فيهم و تفكر فشنو كيدير ليها جلال .. و شنو تدير لبه هي .. حسات بالذنب ديال بصح .. مكيخلي مكيجيب ليها وو مكيخلي بااش يفرحها ولكن كاتولي تغدرو من جديد .. نقطة ضعفها هي الفلووس .. و هوما لي وصلووها للي هي فيه دابا .. ولات باغية تفك و ماعرفاتش كيفاش .. .. طفاات جفوونها و تنهدااات بألم .. طرق لي سلكات صعيييب منها ترجع و هي عاارفة هادشي و مع ذلك حلفااات ماتحط يدها فيد مرتضى مرة اخرى ..هزات كل حاجة حطاتها فمكانها و مشات لبسات حوايجها و اتصلات بخولة تخىج هي وياها ...

#في_مكان_اخر

- مرتضى .. " ضرب يديه مع المكتب" ..كيييفاااش!!!! كيفااااش قدااام .. كيفااااش اتهمووونا سرقة التصاااميم ديال شركة الهلالي!! كيفاااااااش .. اااش كااااخراااو 

- سمير .. مرتضى .. كالمااا اصاااحبي كاالم ..غانلقااو ليها حل ..

- مرتضى. . " ناض عندو شنق عليه و عينيها عروقهم غايطرطقو" ..ااشمن حل السمعة دياااالنا القلا** .. السمعة ديااالنا مشااااات ..

- االمحامي .. كان عليكم توريوني هادشي قبل ما تقدمووه هذا هو الغلط لي درتووه ..

- مرتضى .." " طلق من سمير و شاف فالمحامي" ..ماتبقااااش تلوووم داباااا .. قووول ليناااا شنو غانديرو. ..دابا غااتقووول لياااا ااااش نديييير و لاااا تقوووود .. 

- المحامي .. سي مرتضى .. بالنسبة هادشي مابقاااش عندنا مانديرو .. كاع الادلة ضدنا .. و غادي يحققو معاكم اكيد .. 

- مرتضى .." شد راااسو" .. هاااااااخخخ .. الخرااااا .. اش هاااد المصيييييبة اااااش .. 😡😡

-سمير .. ضروري يكون شي حل ..!! ضروووري. .

- مرتضى .. غاانقتل القحبة يمااااهاااااا عاااد نشوووفوو منين نجيبو هاد الحل. 

-- سمير .. اااش كاتخراا اصاااحبي .. عارف راااسك اش كاتقووول ولا لاااا. . 

-مرتضى .. بنت القحبة ..جاايبة ليااا ضوووصياااات قدااام بربي تا نقود السواايع معاااها. .

- سمير .. هي بااش غاتعرف داااك القلاااوي قديم ولا جديد .. مافكرتيش ففرضية أخرى .. ممكن يكون جلال كيلعب بيها و عااارفها جاسوسة ..!!

- مرتضى .." ابتسم بالجنب .." ..هههه مستحيل .. الهيلالي لا عرفها كاتدور من وراه غاينحرها بلا كلمه بلا زوج .. ماشي غايسكنعا ففيلا و كاع لي تمناتو مرحبا .." جلس فوق الكرسي و حط رجل على رجل " .. تو توتو .. منضنووش كاشفها ..

-المحامي .." جلس فالكرسي المقابيل لمرتضى" .. امم .. جلال الهيلالي هو اصغر عضو فالرآسة ديال شركات الهيلالي لإنتاج البواخر و هو لي شاد اكبر الصفقات .. من خارج المغرب اكيد .. منضنش انو واحد وصل شركات الهيلالي من شركاات كانو على حاافة الإفلاس لشركات كبرى خذات مكانها فالعالم كاامل وااحد بهاد الذكاء مستحيل يتهور .. هذا قبل مايخطي خطوة كيحسب ليها الف حساب .. داكشي علاش الهضرة لي قال سمير .. ممكنه جدا .. يعني هادي ضربة محسووبة بتكتيك الهيلالي لينا .. و مزال كيخطط لضربات اخرين .. و بما اننا غانتلهاو فالتحقيق و الرقابة لي دارت علينا ..أكييد غايستغل الوقت و يزيد يوجه لينا ضربات أعنف...

- مرتضى..." تكى على الكرسي ديتلو و حط رجليه فوق المكتب .." ..قبل مايوجه ليا تا ضربة غاتكوون جاتو اكبر ضربة فحياتو ..

- سمير .. شنو هي !!!

- مرتضى ..." ابتسم بالجنب" .. خليها مفاجأة .. ههههههههههه

بعد ما تلاقاو فالكافي لي قالت ليها عليه المى .. كانت جاالسة هي قريب للسرجم لي كيطل علىالبحر حتى تلاحت عليها خولة تتعنق و تبووس فيها ..

- خولة ..اححح شحال توحشتك الحمااارة غييبة طوييلة حراام عليييك

- المى .." عنقاتها" .. تا انا توحشتك احبيبة .. كي ديرة و كيف ديرة ماماك!!

- خولة .. " بعدات عليها و شافت فيها ببلاهة" .. ماماك!!! ولات دابا سميتها ماماك!! مابقااتش ماماك نتي!!

- المى .. دورات راسها لسيرفور تتعيط عليه". .اش تشربي ..!!

- خولة ..ماتلفيش الهضرة ..

- المى .." تدوي مع السيرفور .. انا موكاتشينو .. شوف شنو بغات هي .. 

خذا طلباتهم و مشا بقات خولة تتشوف فيها مصغرة عينيها .. كانت المى مامرتاحاش .. حاسة بقلبها مقبوط فحال لت شي حاجة واقعة ولا غاتوقع ..

- خولة .. " تنهدات" .. اوا قولي ليا اشنو درتي فهاد الأيام!!

- المى .." شافت فيها .." ..مشيت مع جلال لبونتا كانا ..و رجعنا هذا ما كان ..

- خولة .. هاي هاي على بونتاكانا .. اوا و فين جلستي فاش رجعتي ..

- المى .. جالسة فدار ديال جلال .. هو ساكن فالقصر ديال العائلة .. فين عندي فين نمشي ..

- خولة .. امم .. و شنو بينك و بين هاد جلال حتى يدير على ودك هادشي كامل!!!

- المى .. انا وياه اونكوبل ..!! 

- خوالة .." حلات فمها بصدمة" .. هالعااار😃.. هههه اخيرااا ..يا ختي تا كنت ضاناك لزبياانه ..هههه

- المى .." ضرباتها لراسها" .. الله يمسخك ..

- خولة .." خذات من السيرفور الكافي لي طلبات حنات عليها الراس " .. ماما نكمات على الهضرة لي قالت ليك .. ايمتا ناوية تولي؟؟ 

-المى .. ماناوياش نولي .. من بعد غانجي نزورها .. بالحق منقدرش نولي لدار مرة ثانية ..

- خولة... انا عارفاك تتعذبي و حتى هي تتعذب .. معرفتش شنو ندير بيناتكم .. حاسة راسي فالوسط بيناتكم . 

- المى .. نتي ماديري واالو خليك فقرايتك .. و صاافي .. انا قلت ليك غانجي نشوفها . هي ماغلطاتش معايا غير تهناي .. خليني غير نسترجع شوةي من نفسي هاد الايام ..

- خولة .. فراسك!! الفيلم تحذفو منو كااع مشااهد الجرأة لي كانو .. ..

- المى .." شافت فيها بصدمة" .. كيفاش؟؟ هادشي مافراسيش؟؟

- خولة .. امم علي قال لي جلال لي دارها ..ههه 

- المى .. "ابتسمات ههههه فديتو انا .. قلت لو شنو دار خالي .. واقلة داكشي علاش. . " جمعات الضحكة .." اي هنا .. نتي من اينتا تتواصلي مع علي. .!!! همممم

- خولة .."كضور فعويناتها" ها..انا .. ااا شكون علي!! انا قلت شي علي !!!

- المى .. خوووولة... دوي معايا كيف كوي معاك!! ياك قلت ليك بعدي عليه!!

-خولة .. " طلعات فيها حاجبها" .. اولا نتي عمرك قلتي ليا بعدي عليه!! تانيااا علي كيهتم بيا.. تنخرجو .. تندورو .. ماشي شي حااااجة يعني !! صديق ..

- المى .. " طلعات فيها حاجبها". .صاااديييق!!

- خولة .." حركات راسها ببرائة " .. اه .. صديق ..

- المى .. اوا الله يعطينا وجهك .. شووفي .." تنهدات و شافت فيها" .. حضي راسك .. حضي راسك مزيااااان اخولة .. 

- المى .." شدات فيدها" .. ماتخافيش عليا .. 

بقاو جالسين على الهضرة و كلمة من هنا تجبد ختها من اللهيه حتى ولاو تعشاو فالريسطو لي كانو جالسين فيه عاد مشاو وصلاتها المى حتال الدار عيات فيها تدنل معاها و هي والو لي فراسها فراسها .. مشات ديريكت للفيلاةديالها .. دخلتت و تنفسات بملل .. الجو ماهوااش و جلال مكينش .. كاتباان ليها الدار كبيرة و فاااراة بلا بيه .. هاد المدة كاملة و هو معمر عليها حياتها .. نص حوايجها نصلاتهم فالطريق .. دخلتت ديريكت للدوش عمراتو و رمات فيه الورد و الزيووت العطرية .. تكات فالجاكوزي استرخااات تحيد عليها التعب النفسي .. شعلات موسيقى هااادئية بقااات تما مووودة ماشي قليلة .. كملات و ششلتت راسها لوات عليها فوطة و خرجات للبيت مع الدخلة تتلقى غا جلال متكي فوق النموسية طالق رجل و جامع رجل .. لابس شورط اسود قصير و الفوق عريان .. كانولابس تيشرت حيدو ورماه على الكانابي .. و كيخربق فتيليفونو ..

- المى .. حسات بقلبها نبض فمعدتها" .. جيتي ..!!!

- جلال .." طفاا تيليفونو و طلع راسو شاف فيها و ابتسم ديك الابتسامة ديالو .. شوية غادية للجنب .. و حط يدو على النموسية طبطب على المكان لي حداه " .. اجي ..

- المى .." في ساع غوبشات .. " .. ماجايااش .. 

مشات لجهة الدريسينغ و خذات منو شوميز فالأسود و دو بياس .. لبساتهم عاد لبسات عليهم الشوميز الجريري كان غير خوطات معر عنقو بزااف من الضهر جاي ضاير .. واصل حد الفخض و فيه فتيحات من الجنب .. لبسات عليه بينوارو و شبشب فالأسود تا هو مشعر .. رجليها كانت مزينة بالخلخال الذهبي لب كان جلال لبسو لها فرجلها..حيدات الفوطة من شعرها و نشفاتو غير بيها نيت خلاتو مزال سارد ..حنيكاتها كانو مزگييين بالدووش .. يالله بغات تخرج لقاتو فياب الدريسينغ .. ..

- المى .." دارت يدها على خصرها " ..حيد من طريقي .. بعد ..

- جلال .." جر خصلة من شعرها و لواها على صبعو " اممم و الى مابعدتش اش غاديري !! امم ..

- المى .." طلعات كتفها و نزلاتو" .. ماغاندير والو .. 

-جلال .." جرها من خصرهاحتى لسقات عليه" .. و ملي نتي العياانه مافيدكشااي لاش تتحلي هاد الفم ااممم ..

- المى ..." حطات يدها على صدرو" .. انا معصبة منك و الله. .

- جلال ..قرب نيفو لودنها " .. مني .. علاش!!

- المى .. ماقاداش نفهمك .. مرة تتكون مزيان و ممنكش زوج .. مرة تتولي فشي شكل .. لدرجة وليت تنحسك مزال معايا غير حيت تنعس معاك .. شوف غير فشا عطاتني الطبيبة روبو زعفتي و مشيتي خليتني.. 

- جلال..." ضحك بعصبية" .. ماشي على ود داكشي مشيت .. دوز نيفو من ودنها لعنقها" .. ماباغي نتفكر تا حاجة فاتت باش مانتعصبش ..

- المى .. قول ليا غير اش عصبك !!

- جلال .. والو .. نساي .." حط يدو ورا عنقها تيدوز عليها بشوية " 

- المى .." بدلع" .. و دابا لاش جاي امم ..

- جلال... جاي حيت ماقادرش نبعد .. فينما نبعد شي حاجة في تترجعني ...

- المى .." مدات يدها لعنقو و جراتو لعندها اكثر .." .. حتى انا .. كلما تنهرب منك .. تنرجع ليك .. 

باستو بخفة فشفايفوو رجعات للور .. كانت فالدريسينغ طبقة كيتحطو عليها البارفانات .. المى مخلياها خاوية و دابا حتاجتها ..🦍.. رجعات باللور و طلعلت عليها بالحف حلسات مفرقة رجليها .. تبعها جلال تخشا وسط رجليها و دورات على خصرو و حطات دراعها على كتافو ..

حط شفايفو على ديالها و بدا كيبووس من الشفة التحتية ببطىء تااام لي يخليها تمشي معاه على نفس المنوال .. حط يدو تحت عنقها و جمع شعرها عى شكل قبضة و زاد زير عليها و دفعها اكثر لعندو .. شفايفها كانو رطيطبين مع الكوماج لي كادير ليهم .. سهلات عليه اعضاان .. مد يديه يفتح ليها البينوار و شفايفو خداامين كيبوسو فشفايفها و سنانو تيمشغ بيهم سنانها بطريقة تهيج لي ميهيج .. تا هي زيرات بيديها على على عنقو .. و زاد فالوثيرة ديال التقبيل بدوون ميفص القبلة حتى بدات تضربو فكتفو بااش يطلقها حيت الهوااء مابقااش تيدخل ليها .. فصل القبلة و شاف فيها بعيوونو كيف الصقر .. نصل ليها البينوار فلحظة بقات بالشوميز لي كاع يبين لحمها و رجليها مزالين ضايرين على خصرها .. هزها فحال الريشة و تم غادي بيها للبيتها .. تكاها فوق النموسية و تكا فوق منها .. كيشووف فعينيها مباااشرة مكااانو كيبييينو تا حاااجة من غير اناااها عايشة معاه اللحظة بكل حب .. جااب يدو من فخضها و تم طاالع بيها و مطلع معاها الشوميز لفوق كرشها .. نزل براسو باسها فرستها جهة الخالة لي فيها .. .. نصل ليها الشوميز في ساع و طلع لعنقها كيبوس فيها و يطبع مصاات حتى يسمع منها "ااه" عااد تيطلقها ..و يشد بلاصة أخرى ..

- جلال .. شنوو تديييري فيااا لمك شنوو .. عااارفاانس مانقدرش نصبر ..

- المى .. امممم . .. 

-جلال ..امم ااش .." باسها فالفلقة ديال صدرها" اش هااد الرييحة ااش ..عارفة راسك ماغانقدرش نضرك .. لاااش كاضريني ...

هاد الجملة لي قال فكرات فيها على منوالين .. من جهة المعاشرة و من الجهة الثاانية .. فعلا هو ماعمرو ضرها و هي لي ديما كاضرو .. هادشي خلااا غصة توقف فحلقها و تشووف فيه بنضرة حس بيها هو خلااتو يطلع حواجبو و يحرك رااسو بالإيجاب فحال لا كيأكد ليها داكشي لي فراسها ...

هادشي خلااا غصة توقف فحلقها و تشووف فيه بنضرة حس بيها هو خلااتو يطلع حواجبو و يحرك رااسو بالإيجاب فحال لا كيأكد ليها داكشي لي فراسها ...بغات تغير الجو باش ضبابة الندم لي مغشية على عينيها تحيد من قداامها ..

- المى .. شفتي واخة ماتبغيش ضرني .. هااضرني .. حيييت نتا ماتقدرش تحبس راسك علياا .. 😉..

- جلال .." وقف على يديه فحال لا هيدير طراكسيون " .. كيفاش!! ههههه. . 

- المى ..حطات يدها على عنقو" .. يس بيبي .. نتااا ماتقدرش تشووفني قدامك و ماتكينيش ..تقول تندير لك البريز ..

- جلال "طلع فيها حاجبو" ..حسيتي براسك البرهوشة!!

- المى .. " غوبشات فيه" ... كيفاش برهوشة كيفااش!!

- جلال ..و علاش مالك مابرهوشاش!! فعايلك تاع ناس بعقلهم!!! يالله جاوبي مالك ضربتي طم ..

- المى .. " قلبات فيه عينيها" برهوووشة و تنشقلب لييك الكيااان .. يالله 😋...

- جلال .." طول فيها الشوفة و تكرشخ بالضحك" ..اش كاتقلبي ليا ههههههههههه. ..

- المى .." دفعاتو جا على ضهرو و طلعات فوق كرشوو حطات يدها على صدرو" ..اممم .. ندير انا ويااك تحدي ... 

- جلال .." حط يدو تحت راسو" .. شمن تحدي ..

- المى .. نعرفك واااااعر الى احترمتي المدة لي عطاتني الطبيبة .. حتى علاقة ماتكون بيناتنا فهاد المدة .. و مقدرتييش تحبس راااسك غادي تكوون انا لي فايزة بالتحاادي .. و نطلب منك ماا بغيييت تحضرووو.. و الى قدرتي تحبس راسك ..غاتوللي نتا فايز بالتحدي .. 

- جلال .. و شنو غايجيني انا من هادشي الى ربحتك ..

-المى .. امممم .. لي بغبتي .. 

- جلال .. غاتشدي ح**ة ماعمر ملتك حلمتي بيها .. و مانسمعكش قلتي صافي ولا باراكا ولا ضريتيني .. غانسمعك نديرو لك فمك ..

- المى .." عوجات سيفتها" .. كووولشي نتا عندك بداكشي ...

- جلال .." حرك كتافو" .. هذا شرطي ..

- المى .. صافي جاتك ... مشات ...

-جلال...قلبها لجنبو حطها تحت دراعو خشااخا فيه" .. دابا نعسي عندي غدا مايدار .. 

- المى .. ماغاتبقاش معايا غدا!!

- جلال .." حط يدو على راسو" نو .. عندي ميدار ..

- المى .. " عوجات فمها" .. بونويي ..

مجاوبهاااش غماا عينيه و نعس .. اما هي نعااسها صعييب .. تتبقى سااعة تتفكر عاد تنعس .....الغد ليه فااق جلال قبل منها .. لبس حوايجو من لي مخلي فالدريسينغ عند المى .... سروال اسود و شوميزة فالأبيض .. مع جيلي تا هو اسود و صباط كلاس اسود .. دوز شعرو لور و صايبو بتقنيتو الخااصة .. رش بارفانو و لبس ساعت. .. رجه هز تيليفونو و اتجه ديريكت للباب .. و قبل رجع للكوزينا وصاهم يطلعو لألمى الفطور لعندها من داكشي لي تتبغي .. عاد خرج يدير دورة شرفية على الشركات ديالهم .. خدم معاه علي لي فيقو على النبوري كينگر المى كي فاقت لقات الفطور و جلال مكينش .. هزات تيليفونها لقات فيه ميساج منو بلي عندو خدمة و ماغايقدرش يرجع غالبا تال الليل .. ناضت ضرباتها بتدويش تصحصح و رجعات فطرات .. دوزات نهارها كلو فالفيلا و حاضية السوشل ميدياا .. تا ملات و لبسات دوبياس ديالها و نزلتت تعوم فالبيسين ....

وصلات وقت الموعد لي دير مع عبد الجليل .. واخة ماتواصلش معاه ولكن رجوى قضااات الغرااض. ...كي وصل جلال للفندق .. بلاصاا الفيراري ديالو فالباركينغ و دخل ديريكت للفندق فالباب كولشي القااو عليه التحية و نزلو روسهم باحترام حتى داز .. مشا ديريكت للاستقبال وصاهم على عبد الجليل الى سول عليه يطلعوه ليه للجناح ديالو ... داكشي لي كان طلع جلال للجناح الملكي .. لي شحال هادي مزارو حيت كان تيمشي للجناح ديال vip .. الجناح الملكي شاد طبقة كاملة .. الباب ديالو هو الباب الوحيد الذهبي .. مع الدخلة على اليمين كين ميني بار فيه كونطوار تا هو بالدهبي .. السقيفة كاملة ذهبية و عليها نقوش و تريات فكل مكان تا هوما بالذهبي و الكريستال ... حتى من الحيوط عليهم نقوش بالذهبي .. و فاليسار .. كين حمام كبير .. عاد الوسط كينة جلسة مغربية كبيرة بالبروكار الأبيض و الذهبي .. و طبيلة فالوسط كلها كريسطال .. و كين باب على شكل قوس كايخرج للناحية الثانية من الجناح و كيدخل لبلاصة اخرى .. فيها بيت كبيير كل أتاتو كريستال .. فيه نموسية كبييييرة مفرشة بالأبيض مطرز بخيووط الذهب .. بجنبو اباجورات كريسطال ثمينة كيف كاع الأثاث .. و كين باب ديال حمام ثاني .. اما الجهة القانية فيها اكبر بلاصة فديك الجناح لي هي المكتب كيه باب سوارتو كينين عند جلال فقط .. بعد الجد ديالو .. هاد المكتب هو الوحيد لي كادخل ابه تتخايل راسك انك ماشي فهاد الجناح .. لأنو كانةهو الوحيد لي مسبوغ بالاسود .. كلو اسود اثاثو فالاسود .. البيرو فالأسود ..و المكتابات تا هوما .. مكينش فيه حس الألوان... مشا جلس على الكرسي ديال المكتبو رجع راسو للور .. دمااغو مشغووول مع وحدة لي هي عبير... مصيرها ماغايكونش ساهل .. مع انو كيقصح قلبو و كيقول خلي مرتضى يدير فيها ما بغى ولكن قلبو مامطاوعوش يخلي كراميلا ديالو تعذب .. كيقول ليه راسو سير جرها من شعكوكها و شطب ببها الأرض وكلها العصااا ربيييها دير اي حاااجة باش تفيقها .. لكنو باغي يلقنها درس و يعرفها ان الفلوس ماغادير ليها والو نهار طيح فالحفرة .. لا و الفاوس هي نفسها لي هاطيحها .. حط يدو على راسو تيحك جلهتو .. حتى سمع الباب ديال الجناح تيتحل .. دخل عندو الكارد للمكتب بعد ما استأذن و خبرو بلي جليل وصل .. 

- جلال ..دخلوه و خرجو كاملين ..

-الكارد.. واخة سي جلال .. 

دار كيف ما قال ليه ..سمحو لعبد الجليل يدخل .. كي دخل ما كان لا مبهور بلي كيشوف و معجب من هاد الأماكن لي هو ماشي من النااس لي كيترددو عليها ..يمكن ماردش البال كاع لداك الأثاث و ديك الديكور .. تركيزو كان فقط على هاد المقابلة لي وجد ليها واخة ماعارفهاش كيف غادوز .. لبس كوسطار فالبلومارين مع شوميز مسطرة .. صايب حالتو مزياان مابغاش يباان قليل الشاان و هو شااانو عاالي .. تنفس الصعداء قبل ما يدخل للبيرو ديال جلال .. لي جالس و حاط رجل على رجل و يدو على الفو كسيتسنااه يدخل ..صغر فيييه عينيه حتىىىىى وصل لعندو و مد ليه يده ..

- عبد الجليل ..السلام عليكم ..

- جلال .." طلع فيه حجبانو و مد لو يدو سلم عليه .." .. ريح ...

- عبد الجليل .."جلس فالكرسي لي قدامو" شكرا ..

- جلال .. شنو تشرب !!

- عبد الجليل ..قهوة .. 

- جلال .."طلب القهوة ليهم بزوج في ساع جابوها ..بدا مووودة تيشووف فيه شرب من قهوتو و جالس قدامو و تيتسناه يدوي و هو واالو صم بكم😂 " .. جاي تشوف فيا و نشوف فيك؟؟؟

- عبد الجليل .." احم .. نتا عارفني .. جاي نطلب يد الاخت ديالك رجوى ..

- جلال .." ضحك بالجنب " .. و انا شنو لي يخليني نوافق عليك!!

- عبد الجليل .. لي خلاك توافق تشوفني بعد لي وقع ..يخليك توافق عليا .. 

- جلال.. امم .." كيحك فلحيتو" .. تاايق فراسك ااه ..

- عبد الجليل .. الراجل لي ميتيقش فراسو ماراجلش ..

- جلال .. اهاه .. شوف اسي .. حنا سلو العائلة ديالنا ..ميمكنش للبنات يتزوجو برا تالعائلة و هادي قاعدة .. خصك تعرف بلي رجوى الى مشات تا تزوجات بيك العائلة غاتنكرها .. و العز لي كانت فيه تنساااه ..

- عبد الجليل .. بغض النضر على هادشي بغيت نتطرق لواحد النقطة .. النهار الاول فاش جيتي و خرجتي فيا .. ماكانت عندي تا علاقة برجوى .. كانت غير رئيستي فالعمل و السلام .. انا ماشي مهم .. لكن هي ضربتيها ضلما .. و عرفت من بعد بلي مرضات و قرىتي تزوجها بلا موافقتها هادشي كلو و هي مضلومة ماعندي بيها تا علاقة .. و هادي حاجة ضرااتني ..

- جلال .." شعل گارو " مصير اي بنت من العائلة تتزوج ولد عمها او عمتها سوا وافقات و لا ماوافقاتش ..

- عبد الجليل ..هذا هو الظلم بعينيه .." زير على قبضة يدو '' .. و انا ميمكنش ليا نخلي رجوى تتعرض ليه ...بالنسبة ليا انا باغيها بفاليزتها و ماغانقصرش من جهدي .." حط يدو فوق راسو" .. الى ماقداتهاش الأرض نديرها فوق راسي .. ماغاتخصها تا حاجة الله يجعلني نتكلف و نتسلف باش ندير ليها مابغات ... عائلتها طال الزمان ولا قصار .. غايتقبلوها .. اما عزهم لي كدوي عليه .. ماهامنيش .. ماعندي ماندير بيه .. مرتي غانهزها و هي رجوى قايلة هادشي .. 

- جلال .. .." زلقات ليه ابتسامة جمعها فالحين .." ايه .. فين غاتسكنها!!

- عبد الجليل .. عندي داري فحي نقي .. كندير فيها الاصلاحات هاد الأيام .. مابقى ليها والو و تكمل .. و غاتفرشها كيف ما بغات ...و عندي طنوبيل .. نسوگوها بزوج وقت ما بغاتها تهزها ماغايكون عندي حتى مشكل .. 

- جلال... امم .." كيكمي و يشوف فيه" ..شنو لي يضمن ليا غاتبقى على كلامك؟

- عبد الجليل .." بدا كيتعصب بالحق كبتها فخاطرو .." ..اشمن ضمان بغيتي!!!

- جلال .. ماغانسولكش دوك الاسئلة ديال والو .. واش كتبغيها و ديك التخربيق .. انا ختي تنعرف مانبغيهاش تشكاا .. ماشب غانقول ليك عائلتها غاتبرا منها يعني ماعندها حد .. ختي هاديك و انا غانبقى فضهرها تالمووت .. 

- عيد الجليل .. قبل ماتهدد انا غانقول ليك واحد الهضرة.. انا واحد الانسان لي كيخاف الله ..بعني قبل مانخاف من تهديدك غانخاف من لي خلقني و خلقك ..

- جلاا .." بقى مووووودة تيشوووف فيه عاد نطق.." .. مبروك عليكم ..

- عبد الجليل .. تنهد و تنفس الصعداء " .. الله يبارك فيك .. شكرا .. واش يمكن ليا نشوف الأب ديالها!!

- جلال .. تا حد من عائلتها غايقبل يشوفك .. راني قلت ليك اش كين..

- عبد الجليل .." حرك راسو بتفهم .." .. واحد المشكل هو لي عندي .. انا فاش خرجت من الخدمة فمجموعة شركات الهيلالي عاد بديت نكون راسي .. يعني خاصني واحد الشووية ديال الوقت تا نجمع فروس عرس بنت الهيلالي .. مبغيتش ندير ليها اي عرس .." ابتسم بحنان" مابغيتهاش تحس بالنقص ..

- جلال.. رجوى فسميتك من لي عطيتك كلمتي .. تا حد ماغايقدر ييديها .. خود وقتك غير هو .." وجه ليك صبعو" ..ماترخرخش بزااف و تاخد راحتك تا ضفر البنت الشيب حدا معا ..

- عبد الجليل .. ههههههههههه اكيد لا ..

ناض وقف و مد ليه يدووو و جلال بدورو وقف و سلم عليه ..

- جلال.. نتمنا تكون مهازش فخاطرك من جهتي على اول مقابلة ..

- عبد الجليل .. هه اودي كولشي يهون على ود رجوى ....

- جلال .." طلع فيه حاجبو". . كيفاش؟!

- عبد الجليل .. قلت .. شكرا على الاستقبال و على القهوة .. خصني نمشي 

- جلال .. الله يعاون ..

مد ليه يدو لجهة الباب ..خرج عبد الجليل مرتااح نوعا ما ولكن ديك القضية ديال علئلتها غاتنفر منها مامريحاااهش و حاس انو هو السبب في انها تبعد عليهم .. علاقتو برجوى من كااع الجوانب لي كيجي ليها كيلقااها معكسة .. خرج هاد الافكار من راسو قبل ما يهز التيليفون و اتصل بيها طمنها ..... 

داك النهار جلال مارجعش عند المى لكن كان مراقب تحركاتها كاملة من الكاميرات لي فالدار ..و فالليل جات عندها لي مكانش متوقع انها تجي عندها نهائيا .." سرور " .. جلسات معاها حذيتهم كان عادي ولكن كي ناضت المى دخلات تجيب شي حاجة من بيتها في ساع اتصلات بساندي و خبراتها بكاااع المستجداات و كيف ديرة الفيلا و الخدامات و لي كاارد المهم ماخلاتش من جهدها بالحق لسووووء حضها هادشي داز على ودن جلال كااامل .. ضحك بالجنب و حرك راسو يمين و شمال .. هو عارفها جاية من طرف ساندي و عارفها ماغانقدرش تآديه بالحق جلال من الناس لي كيبغيو يخلييو بناادم يكمل لعبتو تاااال الأخير و يقلب عليهم القفة .. دوز ديك الليلة فالفندق و طبعا عندو سبب وجيييز لي هو التحدي لي دار مع المى الى كان حبس راااسو بالسيف المرة لي فاتت هذا مكيعنيش انوو غايقدر يشد راسو فينما يبات معاها حيت اكييد غاتجيه وقييتة غايضعف و يشرشمها و هادشي لي ماباااغيش هو .. داكشي علاش بات فالفندق ...

اما علي .. كي كمل الخدمة هو وجلال اتصل بخولة لي كانت على القرص كيف صونا هزاتو في ساع. .

- علي .. هاي هاي هاي تتسناي فيا الخوينزة ..

- خولة .. ههههههههههه و الله تا نقطع ..

- علي .. اوووو الله و تقطعي تا نجي نقطع لي دك الشعر .. 

- خولة ... ااش بغيتي فهااد الليل. .

علي .." دار راسو تيكحب" .. مرييض مدگدگ ..

- خولة ..." حابسة الضحكة" .. و مالي انا سبيطار ..

- علي ..هههه نتي طبيبة قلبي ..

- خولة .." كتمرگن عليه" .. ههه ياااه على عنييبه ..

- علي .. غانخرج لمك من تيليفون .. كيفاش عنبية .. كينه شي بنت بعقلها تتقول لحبيبها عنيبة .. هادي سميتها الرومانسية .. ماشي التعناب ..

- خولة .. اولا صحح انا ماشي حبييتك .." عضات على شفتها تتسنا جوابو " ..

- علي ..راه دوينا فهادشي بلا مانبقاو نهاودو فيه . اه و داك الز** لي كنتي واقفة معاه ديك النهار فلا فاك مزال توقفي معاه غاتجني عليه .. ضبري مخك ..

- خولة .. " طلعات حواجبها" .. و كااتآمر و تنهي يا سيدي .. ههههههههههه شوووف انا تاا واحد ما يقوول شنو ندييير و مانديرش .. من نيتك ههههه ..

-علي .." بثقة" ..هادشي كان زمااان احبيبة ..كانت عندك سيبة عاطفية ..بلغة اخرى كنتي سينغل .. دااابا اعتبري راسك مع المصااحبين المخطوبين المزوجيين كااع ميهمش المهم انا لي نقول و كلامي يمشي ..

- خولة .. ههههههههههه بلاتي نشبع ضحك عافاك ههههههههههه لا واش صافاااا ..هو هذااك توفا بياان .. شارب دوااك !!

- علي .. هاني كانشرب فيه نيت .." شرب كااسو " .. لمهم لي قلت يتنفذ .. ..

- خولة على فكرة .. انا ماني معترفة اننا مع بعض .. و غانمشي نعس دابا .. بونوي ي ي ي..

يالله جا يدوي و هي تقفل عليه الخط خلاتو تيشوف فالتيليفون عمر شي وحدة دارتها لبه تال البرهوشة ديال خولة .. حط التيلي على الكونطوار ديال البار و بدا كيضحك غا بوحدو تا جا عندو محسن مقندش و طاااالعة ليه القردة للسطااح .. 

- محسن .. لاح السوارت و التيليفون .. " .. افيين .. " شير للبارمان" .. جيب ليا شي ويسكيااا الللااايحافظااك ..

- علي .." ضار عندو و مزال شادااه الضحكة " .. ياك لبااس !! مالك .." شاف فوجهو كان مضروب جهة جبهتو" ..شكون جندخك اسااط ...

- محسن ..قلب عليا الله يحفظك هاد السااعة ..

- علي .. ههههههههههه اولله تا تقوول مالك! 

- محسن .." هز كاسو شربو دقة وحده" .. گبيلة كنت تنتريني داكشي علاش وجهي هكذا .

- علي .. " شد فمو" .. وا دينا كاتريني عمرها جات فكمارتك ...

- محسن .." شد فراسو" .. المشكلة هنااا فين كينه .. الخصم ديييلمووو كان مرااا ايييه مرااا هي لي خصراات ليا كمارتي .. ماااابغااااااتش تنزل من هنااا " كيدير حركة على زورو" .. ظاقديتش ندير فيها يدي عارف راسي غانصيفطها 

- علي .."شاف فيه بصدمه" ...بنت .. ههههههههههه .اوووه سي شوو😂😂

- محسن .. تت .. ماضحكش اصاااحبي القلااوي لي فرااس يغانخرجو فيك .. " ضور راسو لجهة ثانية" .. تندمو ديلمنا لاش دوينا كااع ..

- علي .." بداات تشد فيه السكرة و ماقدش يحبس راسو" .. داباا هاد الفووورمة كااملة .. ماخلييتي ماضربتي ماااخليتي ماهرستي و فاللخر تجي بنت ترسم ليك خريطة جزر القمر فوجهك حشووومه .. عييب اصااحبي طييحتي نييفو بزاااف كنتي كي تراكتور .. كين غا طحم مو ..هادشي خصوو يوصل لجلال بااش يعرف اااش مخدم معاه ههههههههههه

- محسن .. مكرخش يخشي ليه ركبة فمو يطيح ليه السنان" .. وا هنيييينا اصاااحبي بلااا طنز .. رااااك عااارف مكانديييرش يدي فالعيالاااتش...

- علي .. " غايمووت بالضحك" .. ولكن خدماااتك ااصااحبي خصك غا شوية تالبريووو .. لمسات أنثوية ههههههههههه .. ريي شكووون هاد الهيييلك هادي موووحااالش تكووون درية .. 

- محسن .. ههههههههههه اودي سكت سكت وخلينا ساكتين" شرب كاسو " .. 

- علي .. زوينه؟؟؟

- محسن .. واااقرطااااسه اااصاحبي قرطااسة شي حاجة فوووق العادي غيير مووجوود في الوجوود 

-علي .. يا خوووياا وليتي شاااعر كلك مشاااعر .." قرب ليه و شاف فيه مصغر عينيه" .. كين وااحد النوووع ديال الرجال تيعجبووو يكل العصا من عند المرا تكونش نتااا منهم؟؟ ٧ ههههههههههه ههههههههههه

- محسن .." خزر فيه" .. غانكوي مك من عينيك ..

- علي .." دار يديه على صدرو " .. هيءءء .. صدقتي منهم😲

- محسن" هز القرعة ديالو و ناض من حداه" .. انا غانقود حيت نتااا العقل ايفرفر .. باين عليك سكرتي .. نوض قلب ليك على شي طاكسي تهزك .. تفوو لاش تتشربو و نتووما مقاادينش عليه .. الله يخليها قعيدة .. 

ناض فحالو و خلا علي ميت عليه بالضحك هو علي فينما تيسكر تيولي وااحد اااخى غير تيفوووت زوج قراعي تيولي راسو بيضة خامجة .. تتولي خااصاااه غايتلاوح فالمشيرة و يولي شمكار بالختم .. بقااا جالس تا حس بالخطر و ناض لاح السوارت لمحسن و مشا شد طاكشي لداارو امااا جلال بااات فالفندق ديالهم و المى بااتت على الشووك و هي تتسناا طلوووع البدر علييها ووواللو مااتطلع... ماجاش ديك الليلة و مارضااتش تتصل بيه بقاات شادة التيليفووون تا قرب الحال يصبح .. عاد نعسااات .. و كيف العادة خذااات حبة منوم لي اول مرة جلال يرد ليها البااال حيت كان مرااقبها من الكاميييرا ياكما دوي مع مرتضى .. بقى بالو مشطوون مع ديك الدوااا .. 

كي صبح الصباااح كان هذا هو اليوم لي دير فيه مع كرولينا يخرجو فنزهة للبحر باليخت ديالو .. لبش شورط اسود مع تيشرت تا هو اسود و كلاكيطة فنفس اللون بعد نا دوش طبعا .. صايب شعرو و حط ساعتو و البراسلي لي كيدير فيدو .. صايب شعرو غير بيديه و دار نضاضرو تالشمس لي ماكيفارقوووهش نهاااائيا .. دااز على توليب هزها من بيتها كانت ناعسة و وصاا الخدامة تجمع ليها حويجات تاع البحر لحقاتهم ليه للوطو .. حطنا فالرونج فالكووسانااات الخلفيية .. و زاد ديريكت للفيلا ديال المى .. و قبل وصااهم على اليخت يوجدوووه و صيفط لكارولينا الموقع بالضبط ..دخل للفيلا هاز توليب بين يديه ديريكت للبيت لي نعسات فيها المرة الاولى .... حطها و وصى عليها الخدامة تدوش لها و تلبسها الكسيوة لي جاب لها معاه و مشا لبيت المى لي كانت مزااالة في ساابع نومة .. وقف عند راسها تيشوووف فيها .. فديك اللحضة شاف عبيير الصغيييورة ناعسة على جنبها الايسر و حاطة مخدة بين رجليها و مخدة معنقاها و حاالة فمهة بشويييوش .. تحنا لعندها بااسها فشفايفها و سد لها فمها .. مشا للكمودينو هز داك الدوااا لي ضل ليلة كااملة شااغل باالوو .. لقى انو منوم .. طلع فيها حجبانو كانت بدات تتفيق .. و تحل عويناتها غير شاافتو و هي ترجع تغمضهم .. 

- جلال .. نوووضي من التبوحيط .. 

- المى .." حسات عوينااتها النااعسين .. شنوووو...

- جلال .. كيگووولو صبااح الخير ولا قبيلتكم عندهم هي شنوو!!

- المى .. تت .. صبااح .. الخيير .. تنو بغيتي على الصبااح ..

- جلال .." مطلع فيها حواجبو" .. لاش تتشربي هادشي؟؟

- المى .." شافت القرعة ديال دواها فيدو" ..والو ماشي شي حاجة .. ردها لبلاصتها..

- جلال .. " جرها من دراعها" .. عرفتي هادشي شنو !! هادشي بمتابة قرقووبي .. الى ولفتيييه تولي دوووري كي الحمقة بلا بيييه الى بغيييتي تنعسي ماتقدييسش بلا بييه .. هادشي اخطر من انو يكوون دواا .. لااش تتشربيه نتي لاااش!!

- المى .." حلات عينيها" .. وا طلق من دراعي الصبااح هذاا اجلال طلق .. تت ..

- جلال .." عصباااتو" ..انا تندوي معوملتك و نتي تتقولي طلق ..

- المى .." تنفسات بالجهد " ..انا عندي الأرق .. مكنقدرش نعس و الى نعست تيجيوني احلاااام تيمرضووني فحيااتي .. داااكشي علاااش تنشربوو .. بااش يخدرني و ماانعقللللش على راااسيييي .. فحاالة وحدة ماكنشربوووش الى كنتي نتا حداااب معرررفتش علاااش تا حاجة من هاادشي متتبقى .. 

- جلال .." حس بنفطة فقلبو.. " .. بفف .. " جرها لعندو " ديلمك هاد الراس خصووو يتهرس عاد ترووداي .. 

- المى .. ماالي شنوو درت .. 

- جلال ..دفعها عليه" .. نوضي الله يرحم بااك ..

- المى .." جات متكية " ..اااععع ماكاتفهمش نتاا فدلع البناات ..

- جلال .. هاتنووضي دوشي و تنزلي تفطري ..حيت خارجين .. و الى مابغيتييش ..ندي غير تووليب و نتي بقاااي حمااضي هنايا ..

- المى .. " نقزات من بلاصتها تا بان ليه كيلوطها" .. ويلي على نبقى .. جبتي معاك توووليب😍 .. انا داااباا فيت في .. دغيا نكون التحت.. 

نقزات للدوووش خلاتو غا تيشووف عااد كانت تتبوحط عليه هنا .. حرك راااسوو و نزل للتحت لقى توليب لابسة كسيوتها الصيفية صنيديلة كلها الواان دارو لها سبولة فشعرهت و جاالسة حاطة رجل على رجل و تتفطر .. مشاا عندها كانت عاديااه بالضهر باسها فحنكها ..

- جلال .. الحبيبة ديال باباها ..

- توليب .. Daaaad .. i miss you ..

-جلال .. تا انا توحشتك ابنتي ..

- توليب .. ايمتاا جينا هنا؟؟ فين هي المى!!

- جلال .. دابا غاتجي .. انا جبتك الصباح باش نخرجو فاليخت .. بغيتي ؟؟

- توليب .. يسسسس مااي هييرو....

- جلال .. يالله كولي فطورك كامل ..

- توليب..اوكيي ..

كملات فطورها و تا هو بدا كيفطر و المى كانت فهاد الوقييته تتلبس حوايجها .. لبسات كسيوة صيفية بلا درعين .. فالأبيض و فبها الهدوب من التحت و من الصدر .. عاطيينعا منضر روعة .. دارت مكيااج خفييييف و خلات شعرها على راحتو .. لبسات صونال بلا بالسيووور كيباانو من الكسوة لي مفتوحة من الجناب تال جهة الركبة .. ..هزات صويك صغير دارت فيه تيليفونها و مكياجها .. دارت سنيسلة خفيفة صيفطها ليها جلال مع دوك لي كادو .. رقيقة و ذهبية .. فيها خميسة بالأسود مع البراسلي ديالها و خلاص الخلخال متتحيدوش من رجليها .. نزلات عندهم و لاحضات عيوون جلال لي كاانو مرااقبينها باخجاب .. تا هو تعمد ميقوولش ليها فين غاديين حيت عاارفها تمشي معاه بدو بياس من الدار تالبحر و بيس اند لوف .. مشات ديريكت عند توليب باستها ..

- المى .. توتو اااي ميس يو بيبي .. 

- توليب .. مييتو ....عرفتي صاااوبت تاج واحد ااخر كبيير .. و غانعطيه ليك كاادو ..

- المى .." حطات يدها على فمها" .. هااا ليا انااا .. ويينوو .. و فين هو ..

- توليب .. ماجيتوش معايا ..تال المرة جاية حيت مزالة مكملتووش ..

- المى .. امم اوكيي .. 

- جلال .." شيشرب قهوتو و تيشوووف فيهم كي مجمعين تلاقاو نيت " .. سربيوني !!

- المى .. " شافت فتوليب لي بدات تتاكل بالزربةو هي تخزر فيه" ..بشوية على البنت غاتوحل ليها. .بشوية عليك اماما ..

جلال عجبو اهتمامها ببنتو ..دابا كاتبغيها يا خوووفو نهار تعرفها بنتو ااش غايسرااا كملو ماكلتهم و اتجهو للسيرة توليب شادة فألمى و تتنقز .. فتحات لها الباب لوراني طلعات و هي طلعات حدا جلال لي بدورو فتح لها الباب ..في اتجاااه الرباااط ..و تحديدا سلا 

- المى .. فين ماشيين!!

- جلال .. واش ماتقديش تصبري .. 

- المى .." ربعات يديها و دارت راسها مفگوعة .. " .. هاهي ساكته ..

نقزات توليب من اللور و مدات يدها جهدات للموسيقى ديال ( soolking-milano).. لي مشااات معاها هي و تووليب جبدات تيليفونها تاتسناابي عليها و تصور معاها فيدوووهااات 😂

Suis moi, Hbiba 

Allons loin de tous nos problèmes 

Sois courageuse comme Tata 

La plata c'est mieux que les poèmes 

Notre histoire sera si belle 

Comme tes formes de sirène 

Pour moi tu risquerais de tout perdre 

Pour toi je prendrais dix ans fermes 

Hbiba lalalalala on va se sauver, on va s'aimer, faire de la monnaie 

Hbiba lalalalala on va se sauver, on va s'aimer, faire de la monnaie 

Lalalalala ce soir il joue derrière les barreaux 

Lalalalala vie de luxe shopping à Milano 

Lalalalala chérie donne moi la mano 

J't'emmenerai loin de là là là plus besoin de trabajo

كاع اغاني سولكينغ دازو فديك اللحظة تا جلال نشايطي ولكن غا تيتسنط مكيغني متيشطح .. من لي بدا السووگااان و هو مكسيري يدو مرة فلحيتو مرة فالسرجم ديال الاوطو و دوك البرهوشات بزوج طابخين ليه راسو و مع ذلك مابغاش يغوت عليهم خلاهم على خاطرهم تا تهدوو ..عاد قفاتو المى .. و جر ليعا يدها شابكها مع يدو و صبعو الكبير تيتحسس ضهر يدها بقات غا تتشوف فيه و هو دير نضاضرو و تيشووف فالطريق .. واحد الوقييته هزها لفمو باسها ..ردها لبلاصتها و بقا شااد فيها ...ابتسمات بسعادة وبطريقة ماباايناش عضات شفتها التحتية .. احااسيس كثيييرة كاتحس ليها كيف كاتكون معاه .. قلبها كيبغي يطييير بالفرحة لكن مابااغيااش تعترف لا لايه ولا لراااسها بحبها .. 

احااسيس كثيييرة كاتحس ليها كيف كاتكون معاه .. قلبها كيبغي يطييير بالفرحة لكن مابااغيااش تعترف لا ليه ولا لراااسها بحبها ... ساعة و نص ديال الطريييق من كازاا للربااط فاتجاااه سلا و تحديدا ماريينااا .. كي وصلو بلاصااا الاوطو و لقى واحد من الحرس ديالو كيتسناه رما ليه السوارت و حل ليهم الباب خرجوو .. شدات فيه المى فدراعو و هز توليب باليد الثانية ...

-المى .. شنو جايين نديرو هنا !!

- جلال ." كان شادها من خصرها " نلوحك هنا .. 

- المى .." رجعات راسها لعند ودنو" .. عارفاك ماتسخااش بياا ..

- جلال .." عضها فودنها" .. ماتعرفي .. كوولشي ممكن ..

وصلو قداام أكبر يخت فديك البلاصة بقات المى غا تتشوف .. فالدخلة ديالو زوج ديال لي گارد واقفين طلع جلال لليخت .. و مد لو الكارد توليب .. عاد طلعات المى شدات فيدو و جرها طاحت على صدرو .. ضحكات ليه بدلع و حطها فداخل اليخت... لي كان تيتكون من زوج طبقات هي من قبل ما طلع ليه مابانش ليها كيف دير ولكن كي حطات فيه رجليها طلقات من جلال و بدات تتشووف فجناابها ..و دور فعينيها .. 

اليخت كان كبييير بزااف من برا كيبان مزييج بين الأسود و الفضي يعني ماشي أسود قااتم انا من الداخل ارضيتو خشبية و كلو كيباان خشبي .. من الجهة لي كاتواالي الحديدات لي منهم للبحر حاطين فوتويات على شكل سديدرات بديكور مغربي .. فوتهم شوية و كينة طابلة تالأكل .. و مقابل معاها الباار لي دايرييين بيه الكرااسااا ..و مقاابل مع بيسييين و فنفس الوقت جاكوووزي .. بجنبو كين فراش على شكل نموسية .. الطبقة الثانية التحت و لي كيديو ليهاسلالم صغيرة .. اما الفوق كااع كينين دريجات ديال الخشب تيوصلو ليه.. المى حلااات فمها نيييت ..ما فاقت تا فيقها جلال لي حط يدو على خصرها ..

- جلال .. عجبك؟؟؟

- المى .. " شافت فيه و عينيها كيبرقو" .. غزاال. .

- جلال .." ضحك بالجنب " يالله اجي .. دخلو لجهة الفوتويات و ريحو تما .. اما توليب نصلات الكسيوة لي لالسة تحت منها مايو تاع البحر فالغوز بيبي و تلاحت فالبيسين تتعووم باحترافية .. .

- المى .." شافت فجهة جلال" .. هلااش ماقلتيلييش جايين هنا!!

- جلال .. " حط تيليفونو و سوارتو فوق الطابل لي قدام الفوتويات و ضار شاف فيها"... حيت عارفك غاتخرجي عليانه .. 

- المى .." خزرات فيه " .. حراام علييك .. و الله راه منقدرش نشووف البحر ولا البيسين و مانعومش ..

-, جلال .." جرها لعندو خشاها فصدرو" .. تا نجيبك و نكون غير انا وياك و ديك الساعة حيديهم كاع نتي ..

- المى ..." تدور عينيها" .. اا ..و تا داابا راه معانا غا توليب ..

- جلال ..تت دابا غاتجي كرولينا و داك راجلها ..

- المى .. اممم .." ناضت من صدرو و شافت فيه" .. كاتجيبني ديما على غفلة .. عمرك تشاورتي معايا فشي حاجة ..

- جلال .."ضربها بصبعو على نيفها" حيت عارف كاع لي غانديرو ليك غايعجبك .." مع غميزه" ..😉

-المى .. امم .. 

بقاو جالسين ماتحركووش تاشاف كرولينا هي و ماجد باغيين يدخلو و هو ينووض لعندهم خلاها جالسة .. دمد لها جلال يدو تا طلعات و جرها .. و خلاها لاخر ماد يدو و عطاه بالضهر ... و هو ينقز بوحدو ..

- كرولينا..." عنقات جلال" .. اهليين جلولي ..

- جلال .." عنقها و حواجبو مخنزرين" .. كاتقلبي على خلاك اكرول ..!!

- كرولينا .. ههههه صافي صافي سي جلال ههه ..

- ماجد.. "مد ليه يديه باش يسلم" .. فيين ..ابا جلال ..

- جلال .." حرك ليه راسو و سلم معاه سلام خفيف .. " .. اهلا ..

توليب كي سمعات صوت كرولينا و هي تخرج من البيسين مشات عندها تتجري ..تعلقات فيها..

- توليب.. كالوليلااا ..

- كرولينا .." هزاتها و ضارت بيها" .. حبيبة كالوليلا هههه توحشتك الفنون ..

- توليب ..تي اكسترانيو موتشوو 

- كرولينا .. اوووه تعلمتي الزويونه هههه .. كي ديرة ماماك ؟؟

- توليب .. صاافااا ..

-كرولينا ..."حطات توليب و شاف فجلال مصغرة عينيها" .. كي درتي ليها !! المى عارفة؟؟

- جلال .." عاقد حواجبو و دار لها حركة البزطام على فمو .. زعما لي دوا يرعف و شاف حتى فماجد لي حرك راسو في ساع " .. يالله دخلو ....

دخلت كارولينا اول شي لابسة بيكيني فالموووف و فوق منهم كسيوة خفيفة فالأبيض مبينه كوولشي حد الفخض.. مع كلاكيطة فالموف و شابو ديال البحر .. هازة فيديها سلة فحال الشكل ديال السابو ديرة فيها حويجاتها و الكريم تالشمس .. و الميك اب ديالها .. دخلات مبتسمة لعند المى لي كي شافتها وقفات 

- المى .. ... اااااهليين ..

- كرولينا .." سلمات عليها بالوجه" .. صافاا .. توحشتك .. خديتي نمرتي و ماتصلتيش بياا ..

- المى .. سمحي لياا مياا فالرااس .. 

- جلال .."جلس حداها و دار يدو فوق كتف المى " ..المشاريع كثييرة عندها .. ههه

- المى .. و ماالك نتاا راك مزربني فينما مشييت ..

- جلال .." شير للكابتن باش يتحرك" ..كرولينا .. ااخدمة كيف غادية؟؟

- كرولينا .. كولشي مزياان .. .. راك عارف خدمتي مكاتوقفش .. 

- جلاال..مزيان.. عبير تا هي كون دارت شي حاجة بحال داكشي غلتكون مزيانه ليها ..

- كرولينا .. و الله الى بصح .. علاش ماتخدمش معايا'' شافت فألمى لي دارت فيهم ديك الشوفة ديال واش من نيتكم!!؟" .. اش بان ليك ..

- جلال .." نطق قبل منها" .. مخيرة كاع ..

- المى .." بعدات عليه و شاف فيه" .. كيفاش مخيرة كااع!! اولا انا ماعنديش مع داكشي ديال تصاميم المجوهرات ..

- جلال .."قااطع كلامها ببرود" .. تعلمي .. نصيفطك تقراي داكشي على برا كاع..

- ماجد.. اووه .. ههه شكون بحالك ..

- المى .. " شافو فيه" .. مابحالي حد واااو" تتصفق بستهزاء" .. خصني نفرح دابا .. انا ماعنديش مع داكشي .. و مابغيتوش .. انا حااجة وحدة لي غانعطي فيها هي التمثيل. .

- ماجد .. الصراحة مكدباتش .. ممثلة رائعة تتقنع بتمثيلها .. الصراحة تگال ..

- جلال .." رمقو بنظرة نااارية " ..دخل جواك .. " شاف فالمى .. مابقى بو تمثيل غير هني مخك ..!!

- المى .." بحال لا صرفقها " .. من نيتك؟؟

- كارولينا .. اوووووه غير تيضحك .." كاتحاول تبدل الجو لي بدا كيتوثر" ماااتعكرووووش مزاااجنا .. الخرجة عاااد فأولها .." جرات راجلها من التيشرت ديالووو" .. و انا غانعوووم معااع حبييييبي

نصلاات علييها ديك الكسوة و تلاحت فالبييسيين تا هو نصل التيشرتوديالو و تبعها تيعووومووو اما المى بقى بااالها مشغوول بهضرة جلال لي كدييير لها زننن فدماااغهاااا ..

- جلال .. ر دير نضاضرو و تيشوووف الفووق " غير طلقيها ..

- المى .. ميمكنش ليك تمنعني من التمثيل اجلال ..'' صغرات عينينا تتسناا جوابو" ..

شاف فيعا و ناض وقف عطاها بالضهر و شد فالحديدات تاع اليخت و كيشووف فالبحححر ..مابغاش يدخلها ديك الدخلة العنيفة ديالو عرفها تتبغي تشد الضد...

- جلال .." ضار عندها و زول النضاضر " الحاجة ديالي مكانبغيش البشار يحط عليها يديه .. و ني امدام ديالي .. و مانبغيش الزوامل يكفتو عليك ..

- المى .." تزنگاات و ودنيها حمارو .." احمم .. اولا هاد الهضرة مامنهاش حيت انااا .. انا كنمثل .. 

- جلال .." طلع فيها حاجبو" .. و كاتعرضي مفاتنك للبشر ..باش نكونو وااضحين نتي عندك داكشي لور و القداام كيتيير بنادم واخة يكون مكينوضش ليه .. و هاد البسااله مانبغيهاش انا .. ديريها فبالك ..

-المى .." مصدووومه من كلامو" ... واش راك دااوي من نيتك ..

- جلال ..من نيتي ..

- المى .. " عضات على شفتها" .. و الى قلت ليك ليك انا باغيو نمثل و ماموافقااش على حتى حاجة من هادشي لي قلتي .. 

جلال .. " عض حنكون من الداخل بعصبية ..و نصل التيشرت ديالو .. طلع و نزل فيها و رجع النضاضر لعينيه" .. غانقول ليك عومي بحرك .. و انا حيديني من حسابك ..

خلاها جالسة تتشوف و بعد من حداها .. بانت ليه كرولينا و راجلها تيتعابزو فالبيسين و توليب تتلعب حداهم و هو يغوت تا زعزعهم ..

- جلال .. وااا الباااشاار .. حدااامك درية صغييرة زعمااا .. توليب اجي هنا ..

طلعات تتجري لعندو .. شدات فيدوو و نزلتت هي و ياه اتجه ديريكت للكوزينا ديال اليخت لي كانت فالطابق لي التحت ..حطها فوق البوطاجي و بدا كيجبد الخضرة و يقطع .. كاع غضبوو صلووو فالتقطااع .. و تووليب جالسة حاطة رجل على رجل و تتشوف فيه و تقوول ليه شنو هذا شنو هذا تا طلعات ليه الدم ....

اما المى بقات جالسة فبلاصتها جمدات .. هضرتو قصحااتها و ماعرفات مادير .. خيرها بينها و بين التمثيل غير بصيغة أخرى .. .. عارفة رايها ديجا غالطة معاه ..فديك اللحظة كان ممكن تهرب منو .. و تختار التمثييل .. و تمشي فطرييقها لي كانت ديجا بدااتو .. ولكن رجعات ليه هو .. و ختارتو هو .. حيت قلبها بغاه و خصوصا فاش نطق بديك الهضرة ..و حساااتو بااغيها بصح ماشي فحال اي وحدة دازت فحياتو ..حيت لو مكانش مهتم ليها واااخة عير شوية .. مكانش غايقوول ليها مابااغي حد يشووفها من غيرو و السبب الأهم .. هو انو عندو باش يوفر لبها ماتمنااات و لي حلااات عليييها فمهاتلقااا الضووبل ديالها .... و لكن هاد الفگعة لي تفگع مامتأملاش فيها خير .. 

تكات على الكانابي و حطات يدها تحت راسها حتى سمعات حس الخطااوي فالدروج و هي طلع راسها بانت ليها توليب طالتة و جات عندها تتجري و جلال وراها هاز فيديه بواطة ديال شلاضة و طبسيل كبير فيه الحوت .. حطهم جهة الشواية وبدا تيستف فوق منها الحووت ..هادشي كووولو داز تحت عينيها و هو. عاارفها حاضياااه ولكن مادارهاش فيها ..

حتى توليب كانت تدوي معاها كترد عليها غير بآه و اااه .. سمعاتو عيط لماجد بااش يجيب باقي المااعن من التحت .. و هي تنووض عندو عرفااتو واصل طوب فالعصاااب ..و فعلا كان معصب و متعجب لراااسو كييفاااش باااقي من بعد كااااع فعايلها ماصيفطهاااش لصبيطااار ..

- المى .. " جاتو من الجنب طلات عليه" .. نعاونك؟؟

- جلال... قلبي عليا الله يرحم باك لانخشي ليك كمارتك فهاد الشوايه ..

- المى .. "شدات لو فدراعو" .. و الى قلت لك غانستغنى على التمثيل على ودك ...

- جلال .." شاف فيها بنص عين" .. الى لقيتي لي يخدمك غير الله يسخر ...

- المى .." حلات فيه فمها" .. ياااكااا .. و انا لي جاية نصاالحك بصح ماتستاهلش .. " طلقات منو و جات تمشي ماحسات غير براسها مهزوزة بين يديه و دير يلووحها من اليخت للواد ..

- جلال ..شي طيحة من هنا و كنتي هنا .. تا حد مايعرف ..

- المى .." طلقات يديها و رجليها ماشداتش فيه " .. حياتي بييين يديك .. ليك الاختيااار .. يا ترمييني .. يا تخلييني فحضنك ..

- جلال ..." بقى غا كيشوف فيها" .. اش هاد الجنس ؟؟ فخاد اللقطة البنات يتعلقو فيييك يغووتو ..اااش هاد شي هذا .. منين نتي منين .

- المى ..شافت فيه و غمزاوو" ..حيييت انا ماشي بحال تا وحدة .. 😉..

- جلال .. " نزلها وجرها من خصرها .. و نيفو فعنقها" .. و الله الى ديال لي يرميييك و يتهنا من هاد العذااب .. 

- المى .." حطات يدها على عنقو" ..ماتسخااش بيااا .. " طلعات حاجبها" .. الحووت تحرق.. ..

دوزها لاجنب و بقاا شاادها من خصرها و كيقلب فالحوت .. هز حوتة طابت دارها فطبسيل .. و حطاها دوووق .. 

- المى .. امممم .. بنين ...

- جلال .."باسها فجنب فمها " .. بالصحة .. 

كملات معاه الشواااء ديال السمك و صايباات الطابلة مع ماجد و كروولينا .. حطووو السمك و جلسو تيااكلو و تيهضرووو.. كاع الموااضيع تالموضاا و الميك ااب و الاكسسوارات جبدااتهم المى مع كرولييينا .. اما جلال طلع ليه الدم مع مااجد لي تيبغي يدير راسو رجل اعمال و فاهم فكولشي و هو خبز ربي فطبغو مافاهم تا وزه .. طلع للفوق كيكمي و بقأات المى مع توليب لي بداا تيجيها النهاس اتجهو للمكان لي حدا البيسييين .. تكات فيه هي وياها و خلات المجال لكرولينا تىومنساا مع راجلها واخة هو ماعينووش منها ..

بقات متكية و توليب متكية ليها على يديها تيتعاودو و تبجغط عليها بدوك الهضوور لي كبر منها حتى غفاات على يديها .. كمل جلال الكااىو ديالو و نزل عندها .. خلاتو لو بلاصة تكى حداها و دار يدو تحت راسها... كان الغرووب فديك الوقييتة و بقى كيخربق ليها فشعرها.. بقاو جالسين شوية و هو يشير للكابتن باش يرجعهم للمينااء ..

- المى .." دلتت شفتها " .. صااافي ..دغيااا

- جلال ..خصنا نمشيو .. هاد الايام عندي الضغط فالخدمه .. 

- المى ....امم .. اوكي ..

- جلال .. ترخف شوية ااحركه و نديك نخرجو لبرا باليخت ..

- المى .. اووكيي... ههه .. 

- جلال .." طلع ليها راسها و نزل راسو باسها فشفايفها .." ..

- المى .. اممم .." بدلع" .. شنووو قلناا نسيتي التحدي ..ههه

- جلال .. " طلع فيها حجبانو" .. ماتافقناش على البوسان اعبير. .

- المى .." عقدات حواجبها" ..تت ..المى .. علاااش تتعيط ليا عبير...

- جلال... حيت سميتك عبير و تتعجبني عبير على المى .. لاش مسمية راسك المى ..لاش ..

- المى .. " ضلامو عينيها و نزلتت راسها .." .مكاتعجبنيش عبير .. المى قرييبة لشخصيتي اكثر ..

- جلال ..الرووح ...

- المى .. و الضلام ..

- جلال ..كانفضل عبير ... 

- المى .." طلعات فيه عينيها" .. علاش؟؟

- جلال .. حيت ريحتك كخربقني .. و عبير كيتگال لاي حاجة ريحتها زينه ...

- المى .." تنهدات و نزلتت عينيها" .. يا ريت لو كان قدرت نبغيه حتى انا و نتقبلو .. 

خربق ليها شعرها و رجع راسها فوق صدرو .. فهمها نوعا ما علاش مكاتحملش سميتها داكشي علاش ميك و مابغاش يورك عليها و يناقشها كثر .. وصلو لمرينااا و نزلووو ودهوو كارولينا و ماجد على امل اللقاء القريب بيناتهم و تجهو تا هوما لاوطو ديالهم .. هز جلال توليب حدها فالكراسا لور حيت كانت نااعسة و غطاتها المى بفووطة .. و ركبات هي حداااه رجعوو شدووو الطريييق فاتجاااه مديينتهم من ثااني ..

هز جلال توليب حدها فالكراسا لور حيت كانت نااعسة و غطاتها المى بفووطة .. و ركبات هي حداااه رجعوو شدووو الطريييق فاتجاااه مديينتهم من ثااني ..وصلها للفيلا هي الولى ..

- جلال .." جرها من عنقها و باسها فمها" .. هاندي توليب .. ماغانرجعش اليوم

- المى .. جمعت ابتسامتها" .. اه اوكي ..

- جلال .. مالنا؟؟؟

- المى .." بغات تفتح الباب" .. والو .. شكرا على الخرجة تصبح على خير ..

- جلال .." جرها من دراعها" .. مااالنااا ..

- المى .." حمرات فيه عبنيها و غوتاات" . واالو .. غييير من نهاااار جبتي ليااا الطبيييبة و نتا مغييير و هادشي كيأكد انك معااااياا على ود حاااجه وحده هي لي فبااالك .. 

- جلال .. " عقد فيها حواجبو تا تكمشلت فبلاصتها من ملامحو لي تغيرو"شوفي غاطلعي بالسكات بلا مانبدى نخصر فالهضرة .. ضريتي ديلمي بنااا فيه الكفاية اليوم .. 

- المى .." ربعات يديها" .. يااك اسيدي .. اوا مايبقااش تخرجني و لا تخرج معايا.... صافي فينما تنخرجو مع كرولينا تدوور فيا .. مالي على حالتي .." جات تحل الباب لقاتو مسدود" .. حل هادشي عافاك اجلال ..

- جلال .." كيحك لحيتو" .. علاياش تتقلبي فهاد الليلة مسييينا عالله .. غانصيفطك معشية اعبير دبري مخك ..

- المى .." " شافت فيه و عضات على شفتها ماعجبهاش الحال كانت باغياه يحزرها" .. وا صافي دااابا خليني نزل ..

-جلال .. " طلع فيها حاجبو" .. الى كيگول ليك راسك غانحزرك راه غير تيكذب عليك ..😡

- المى .. ماتحزرني مااانحزرك غير خليني نزل ..

- جلال .." فتح ليها الباب ..و جرها من ورا عنقها " .. شوفي فيا .." بقات منزلة عينيها و هو يخزر فيها و زير علىعنقها اكثر و دوا بصوت زعزعها" .. گللللت شوووفي فيااا ..

- المى .." طلعات فيه عينيها " .. شنوو شنوو ..

- جلال ..." مزال بنفس النضرة" .. فالوقت الحالي نصحك بحااجة وحدة تسمعي هضرتي .. مانبغيكش ترادي معايا.. مفهوووم .. نتي ماعارفاش اااش نايض عندي الدااخل .." كيعبر بيديه " .. شااعلة النااار .. و صعيييب تطفى .. من هنااا تا تطفااااا خليييييك تتسمعي الهضرة ماباغييش نثوور عليك ..

- المى .." تنفسات الصعدات و عضات على شفتها .. شافت فيه مطولة عاد تكلمات " .. واخة .. شنو لي شااعل فيك النااار اجلال .. عاود ليا!! شنو عندك ..

- جلال .." كيتحسس ورا عنقها بصبعو الكبير " ..حسن لك ماتعرفيش .. بلا ميضررك راسك " ابتسم بالجنب" ... 

- المى .." عضات حنكها من الداخل" .. قول ليا اجلال نقدر نهاونك و لا نحلو شي مشكل الى كان عندك سوا حياتك سوا الخدمة .. 

-جلال .." شاف فيها و ضحك باستهزاء" .. ههه .. هادشي نتي بالذااات ماغاتقدي تعاوني فيه .. 

- المى .. " شدات لو فيدو" ..غير جربني ...

- جلال .."خربق ليها شعرها من اللور" .. نزلي .. تصبحي على خير ..

- المى .. " بقاات تتشووووف فيه .."واخة .. تصبح على خير .. 

جرات صاكها و خرجات بلا ماتشوف فيه فتحو ليها لي كارد الباب و دخلات مخنزرة للدار ديريكت للكوزينا صاوباات كاس ديال اللويزة و طلعاتو معاها لبيتها اما جلال كسيرا ديريكت للقصر ..هز توليب و دخل طلعها لبيتها و مشا تا هو للجناح ديالو نصل التيشرت مع الدخلة و رماه على كرسي .. يالله كان هايدخل للدوش و هو يبان لو خياال ديال شي حد قرب بشوية لجهة الباب لي كيدي للبيت .. و طل بانت ليه ساندي واقفة فالباب و تاتشووف فالصورة ديالو لي معلقة كبيييرة فالحيط و بكادر ذهبي ...

- ساندي ..هاد الصورة خصك تبدلها .. تتبان ضريف .. عكس شخصيتك تمااااما ..

- جلال .."دخل عندها" .. اش بغيتي تاني؟؟

- ساندي .."ربعات يديها و شافت فيه" .. كنتي معاها عاوتاني .. 

- جلال .." طلع فيها حاجبو" .. سوق مك؟؟

- ساندي .. " قربات ليه" .. مدامني على ذمتك .. سووقي .. مدااامني مرتك و ام بنتك .. سوووقي وااخة ماتكووون حتى مشاعر او علاقة فعلية بيني و بينك ..

- جلال .." مد يدو لوجهها تحسس حنكها جهة التسرفيقة لي عطاها المرة لي فاتت" .. برات التسرفيقة .. كيبان ليا نزوقو هاد الحنك بشي وحدة اخرى ..

- ساندي .." باينه عليها شاربة .. ضحكات لبه تا بانت ضرسة تالعقل" .. و ماالو .. ههههههه زوجي و ضربني شنوو فيها .. ياك كيقووولو تضربني و ماتخلي لي يضربني ...

- جلال .." شم الريحة ففمها كي قربات ليه" .. جايبة الكااو ابنت الهيلالي .. راك شرف للعائلة ..برافو ..

- ساندي .." حطات يديها على كتفوو" .. نتتاااااا .. نتتتاااا لي درتي فيااا هادشي نتاااا ..نتاااا لي دمرتي حياااتي من الأول نتتااااا .. هههه .. نتتااا اجلال لو كااان ما نتااا ماانكوونش انا بهاااد الحااالة .. انا بعد ماا كنت سااندي الكيوووت نواارة العااائيلة وليييت مكاااني تحت الأرض .. ههه .. انا. .." تاتشير لراسها بيديها" .. انااا اجلال نتااا لي وصلتيني لهاد الحالة لي انا فيها .. تزوجتيييني .. و خليتيني نحمل منك .. عااقل على الطريييقة باااش خليتيييييني نحمل .. ههههه عااقل اجلال ..!! بعدات عليه و جلسات فوق الكاناابي ..و حطات يديها على راسها" ..

- ساندي .." حطات يديها على كتفوو" .. نتتاااااا .. نتتتاااا لي درتي فيااا هادشي نتاااا ..نتاااا لي دمرتي حياااتي من الأول نتتااااا .. هههه .. نتتااا اجلال لو كااان ما نتااا ماانكوونش انا بهاااد الحااالة .. انا بعد ماا كنت سااندي الكيوووت نواارة العااائيلة وليييت مكاااني تحت الأرض .. ههه .. انا. .." تاتشير لراسها بيديها" .. انااا اجلال نتااا لي وصلتيني لهاد الحالة لي انا فيها .. تزوجتيييني .. و خليتيني نحمل منك .. عااقل على الطريييقة باااش خليتيييييني نحمل .. ههههه عااقل اجلال ..!! بعدات عليه و جلسات فوق الكاناابي .." ..ههههه عااقل اجلال .. بعد اول ممارسة لينا .. استنيتي شهر بعد ما الح عليينا جدي .. ههه تعقل جبتي ليا الطبيبة و فااااش قااالت لك ماحااملاااش ماحملتيييش راااسك .. هههه .. كنتي متأكد اني غانحمل .. ولكن ..

-جلال .." دار عندها و قاطع كلامها" .. هادشي انا ويااك عارفينوو . و حافضيينو لاش تتعاوديه؟!؟

- ساندي .." طلعات فيه راسها" .. ههه بغيتك تفكر كيفاااش ولدنا توووتووو احبيبي .. ههههه ..توليب الهيلالي طفلة الأنابيب .. ههه " جبدات كارو من جيبها و شعلاتو" ..تت. . حيت باباها الغزاال ماارضاااش يقيييسني مرة اخرى .. هههه .. انا كل نهاار تنتفكر هادشي الى نتا نسيتيهه ..

- جلال .." قرب ليها و عينيه شعلوو بالنننننااار جرها من دراااعها و كااااع عروووقووو خرجووو غاطرطقووو" .. علاااش تتقلبيييي فهاااد الليلة .. هااااا .. نتيلو كاان خليييتي للما منين يدووز من النهار اللول كون مكاانش هاادشي اسااندي و نتي عااارفاااني ماتنبززش كرييي على شي قوااااد كيماا بغا يكووون يكووون .. 

- سااندي .. لووو كنتي بغييييتي يبقى للما منيييين يدوووز كووون أصريييتييي عليااا كووون دبتيييي ليااا بلاااصة فقلبكوكنت غااانبغيييك اجلال .. ساااندي الى بغااااات كااااتبغيييييي بصححح .. و نتااا ماخليييتيييش ليا المجااال نبغيييك .. نتااا نفرتيييني النهاار اللول علاااش حيييت مالقييتييينش بنت .. و كي تتقوووول لبااا داااائما دشنوووك قبل منيي.. هههه ياااك عااادشي علاااش مارضيتيييش .. مارضيتيييش مرااتك تكوووون لواااحد اااخر قبل منك.. كون ماا كاان تفكيييرك رجعي و قديييم كنااا غانكووونو بيييخير يمكن داباااا ..

- جلال .." دفعها لجهة الحيط تا حسات بضهرها تقسم و ما خرجات تا صوت .." .. ديلمك باااايغة تحمقيييني .. هاااا باااغية طيريييي ليا هاد الكرااام تالعقل لي بقى عندي ولا كيفاش .. بالرب العااالي لي خلقك و خلقني تا نصفييييها لديلمك بلا رحمه .. مزاال متاتعىفينيييش يمكن .." شدها من فكها و زير عليها تا حساتو تحفر" .. ااشمن بيخييير و انا محصل عليييك الخياانه بعد الزوااج ولا نسيتييي نهار حصلتك تدوي معاااااه!! اشمن حيااة غانعييشها مع قحبة بحااالك !!! .. ااااشمن حياااة غانعييشها مع وحدة نهار عرسها جاتني تتبكي على حبيبها و قگول ليا عمري نبغيييك. .

- ساندي .." تتهضر غا بزز من يدو لي على فكها" .. تااا داااباا باااقة عند هضرتي عمرييي نبغيييك .. ولكن بغيي.. بغيييت نعييش حياااة طبيييعيييية .. مااااشي البغووو هو الحيااااة .. نقدروو نكونو مزوجييين تجمعنا بنت و الفراااش ... تا انا مرااا و عندي احتياااجاااتي اجلال و نتاااا

- جلال .." طلق منها و هز يديه باستسلام" .. باااز .. باااز الالة .. انا غانحط يدي معاااك الللرض .. قحبة مك ماااعندك حس لا كرااامه و لاااا عزه نفس .. وليتي جاية تلووحي عليااا راااسك .. 

ساندي .." قربات ليه ..و دارت يدها فوق عنقو و يد اخرى تتحسس بيها صدرو" .. انا اذااا كنت ذلييت روووحي ليييك فهذاا حيت نتااا رااجلي .. نذل حااالي فالحلااال اولد عمييي .. ماااشي فحااال لي ذل روووحها لييكي فالحراااااام ..انااا مراااتك ..

- جلال .." حط يدو على فمها بعنف" .. زمييييه .. تتفهمييي ..زميييه اذاا كنت صاابر عليييك و ماباااغيش نحط عليييك يديي راااه غير حيت عاارفك جايبة الربحة .. لو كان كنتي ساااحية بربي مايطلع عليك النهااار .... ديري فبااالك حااااجه وحده .. هااادي لي رااك تمعني علييها .. انا اول وااحد فحيااتها .. الهضرة لي رااك تگوولي فيييها خصك تگوووليها فراااسك ..

- ساندي .." رجعات لووور" .. صااافيييسس .. بااراااكااا مااوييي معااااها .. خليييك لييييلة وحده ناااسيهااا .." رجعات قرباات ليه" .. جلال .. خليييني معااك الليلة. ." حطات يدها على لحيتو تتحسس فيها". خليييني معااك حبيبي .. غير الليلة .. و انا متأكدة غاتولي نتاةطاالبني كل ليلة ..

- جلال .." دفعها عليه" .. مرااكيييش عاارفة ااش تتقوولي .. خرجي عليا. ." شير عليهاا بييدييه " .. براا برااا ..

- ساندي .." تجمعوو الدموووع فعينيهاا و نزلوو قطررررة قطرررة كي حبااات اللؤلؤ " .. كاترفضني مرة اخرى .. ههه .." زيرات على يديها" .. خصك تعرف اجلال ان المرااا واخة تكوووون تتكره راااجلها فاااش تتشوفوو مع وحدة اخرى تتبغييي تقتتتتلهااا .. 

- جلال .."ببرووود" الى كانو دابحيين علييك عجل قربببييي ليهااا" .. 

- ساندي .. " عوجات شفافيها" .. ههه خصك تعرف انك متتخلعنييش .. تقدر دييير لي بغيييتي .. ماغااانخشسسرش كثر من اليييي خسررررتوووو .. ههه نتااا عااارف مزييااااان انووو بعد ما مااات " حطات ديها. علىعينيها على ذكرى تتقهررررها" .. مااات و .. مااابقاااش .. ماابقييتش تنخاااف .. 

- جلال .. خرجي برااا .. يالله براااااا ..

جرها من دراعها و تم غاادي بيييها لجهة الباب رماااها على برااا و ردخ عليها الباااب خلاااها عينيها مدمعييين و نييفهااا حممممر .. ضربااات بابو برجليهااا و مشات تترنح جهة الغرفة ديالها .. ولا فكرات حتى تطل على بنتها .. اما جلال دخل ديييريكت للحمااام طلق علييه ما بااارد..

جرها من دراعها و تم غاادي بيييها لجهة الباب رماااها على برااا و ردخ عليها الباااب خلاااها عينيها مدمعييين و نييفهااا حممممر .. ضربااات بابو برجليهااا و مشات تترنح جهة الغرفة ديالها .. ولا فكرات حتى تطل على بنتها .. اما جلال دخل ديييريكت للحمااام طلق علييه ما بااارد.. فنفس الوقت كانت المى يالله كملات الدوش ديالها و هازة فيدها كاس ديال اللويييزة تتشرب و تفكر فجلاا اي مابقااش معاها كيف كان .. 

فالليل عاد كيباانو العشااق .. و المجروووحين فالليل كينووضو علينا احاسيسنا و ذكريااات نسيناااهم اووو تنضحكووو على رووسنا و نكذبوو احساسناا بالعذاااب .. بالليل عاد القلب تيحس بالوجععع الشدييييد .. .. من جهة ساندي لي هزة قرعة تالويسكي مدلية رجليها من البالكون تتشرب و تبكي و تتفكر حبيبها لي حااسة برااسها تتخووونو و هي تتقرب من جلال .. و لي فنفس الوقت مااابغاااتش تحس بوحدة اخرى تتغلبها فجلال لي هو من حقها هي حيت راااجلها هي .شرعا و قانوناا و هي جاييية بلا موجب شرع تقلب عليها القفة. .. و من جهو جلال لي قلبو غاينفجر و هو كااابت ديك الاحساااس لي كيجييه فينما تيشوووف المى و عينيها و بااااغي يعطييها قتلة تالكلاااب باااش ترجع عقللللها لرااسها و يقوووول ليها افلااانه راااني عااارفك ااش كتخووريي عااارفك كتلعبي ورااا ضهري ولكن شي حاااجة حاابساااه و باااغيها تعرف و تشهد على ديك الطرييقةلي مشااات فيهااا بنفسها واااخة حتى هو غاااالط ..

اما الشخص الثاااني .. شااد تيليفووونو و كيشووف فصوورة البنت لي أسرت قلبو من أول نضرة .. خلاتو من يووومها سااارح فيها غير هي و خيالها مكيفااارقش عييينو طيفهااا كيلاااحقوو لكل مكاااان ....هو مكانش عدووو .. كان أقرب صديق .. لجلال و علي .. فوت معاهم المرحلة الجامعية كااملة و كانو شلة وحدة .. يد وحدة .. و لافااك كاملة ضاربه ليهم الف حسااب .. التلاتي المثالي للشباب فالجامعة كان هو .. جلال .. علي .. و مرتضى .. لا من ناحية الصداقة ولا من ناحية الوسامة و الرجولة ...

دوز صورها صوورة بصوورة و هو تيتفكر اول نهار شااافها فيه. .. غمض عينيه و قبضة تتعتصر قلبووو .. 

-جلال .. هاد المادة ماداخلش لبها .. 

- علي .. ضارب ضارب .. اخاي راسي فيه القنبوول .. 

-مرتضى. . ااش بان ليكم نهبطو لليسي نشوفو الدرياات.. 

- جلال .." طول فيه الشووفه " .. هذااك وجهك ولا گفاااك ضصرتي المرااهق ..

- علي .. ههههههههههه بالمحروووم ماباانوو ليك غا القاصراات😂

-جلال .. ههههههههههه و الله الى العفوو .. شووف شووف ليك بنات قدك .. راهي ديك صحيبتك اش سماها الله ..نسيت على جد بووها الكلب ..

- مرتضى .. وا صاااحبي هادشي لي تنعرفوووه هناا محكوووك جيييب ليااا الفريييز لي باااقي مغمممض .. 

- جلال .. تفووو الحيواان دير عقلك .. 

- علي .. غايدينا للحبس هاداا 😑

- مرتضى .. جربووو تبعوووني بربي ماغاتندمو .. غاندييكم لوااحد اللييسي جديد .. مزاال فييه داكشي نيووو لووز ..

- جلال .. تت تت .. حالتك صعييبه اساااط .. هاد العام غاتخرج و دير الضحك فراسك مع البرااهش.. طزز ..شفتي كون دارها علي تجي معاه .. و لكن نتا .. شلاغمك قد الگيدووون و تتبان بعقلك حشووومه اصااحبي

- علي ..علاش هاد الاهاانه علااش ههههههههههه. .

- مرتضى .." " غمزو" .. اجي تبعني و ماهاتندمش .. 

- علي .." شاف فجلال" ..ااش باان ليك ..؟؟

- جلال .." مشا فاتجاه الاوطو ديالو" ..زيد نشووفو حريرتك فين توصلنا. . 

كل واحد ركب فالاوطو ديالو و علي ركب مع جلال .. ديك و تبعو مرتضى لليسي لي غاديي ليه وقفو الاوطو و خرجو تجنعو من جديد على نقز فوق الاوطو ديال مرتضى جلس فيها و جلال واقف فاليسار و مرتضى فاليمين ... جااو مع الستة تالعشية ديييريييكت كان ليسي خاااص و فيه مدراسة و اعدادية كذلك و كيقراو فيه غا بناات و ولاد نييييت و نيت .. بداو يخرجو الدرات جلال بقا غااا تيشووف فيه و هو لي دازت من حداه ينگ عليها اما علي حمااها التصفييير و مطللللعهها هو و مرتضى بالجهد.... بقاو على ديك الحااالة تا طااحت عييينو على عيوون خضراااء سحروووه .. و شعر ذهبيي شتت ليه أفكارو .. كانت بااينة عليها عندها ديك 16 عام .. و زويينة .. ملامحهااا خلاااوه يجمد .. اما جلال شااافها مررررگ على عراااضو ..مداارش فبااالو ان هاد المدرسة تكوون تتقراا فيها بنت عمووو حيت عمرو وصلها ولا سول عليها.. دور وجهو لجهة مرتضى باان ليه حاااضيييها و متتتبعععع ليها العيين و هو يقرب ليه.. 

- جلال.... ااش تما..!!!

-مرتضى ..شووف اصااحبي .. ها علاااش بناات اليييسي تلعت الله هاد التيتيز كين فالافاااك ..شوووف ..

- جلال .." ضربو لصدرو" .. تقووود لا .. هاديك تشووف فبها نتقب لمك عينينك .. ضبر مخك .. هاني دويت ..

- مرتضى .." دفعو" .. مالنا ياك لبااس مالها ختك ..

- علي .." نزل مت الاوطو" .. وا رييح اصااحبي را بنت عموو ..

نفض هاد الذكريااات من باالو مابااغيش يزييد يتفكر أحذاااث أقوىى و أعنف من هاادو خلاااوه ينقم على جلال.. و رجع تصااورها تيشووف فيهم .. من نهااار قرر يبعد عليها و ميعاااودش يشووفها باااش ميحدثش شرخ ااخر فقلبو و هو متاابعها و تصااورها تيوصلووه اول بأول .. تنهد و اتصل بألمى حيت نار الانتقام مزالة شاااعلة فقلبو .. و الدقة غايرضها و حالف تيردها .. 

حاولاتت تنعس و ماجاااها نعااس و هي تنزل للكوزينا ... هزات من الثلاجة شكلاط و خرجاات للجردة تتسرح رجليييها و بالها مشغووول .. ديرة الكيت فودنها حتى تقطعات الموسيقى و سمعات رنين الهاتف ديالها .. شافت السمية و كحلااات بالعمااا .....

- المى .. واااش ماغاتهنينيييش منك امرتضى. . صاافي راااه عيييت

- مرتضى .. عاد بديينا الصح ازوينه .." ابتسم بالجنب .".. شوفي ديك الضوسيات لي صيفطتي كوولهم طلعو فالصو و دارو لي مشكل لدابا مزال ما حليتو .. و الفلووس لي تحولو لحساابك ماتستهليهمش ..اذاا ..!!

- المى .." نزت راسها للفوق بنفاذ صبر" .. اذاا اشششششنو امرتضى اااشنووو ..

- مرتضى ..خصني تعوييض .. و هاد التعوييض غانزييدك عليك بينگا ..كوني هانيية ..

- المى ... ااش بغيتي امرتضى ..

- مرتضى ..بغيت نشووفك ..خصنا نتلاقاو باش نشرح ليك كووولشي ازيين .. .. 

يتبع ...