عاشقة الثراء الجزء الخامس

اتجهو للكافي لي كانت فالنادي و ماشايفينش العيون لي كانت مراقباهم من اول ما دخلو للنادي حتى وصلو للكافي .. 

- جلال ..اش تبغي تاكلي ..!!

- المى .." كاتشوف فالموني " .. امم اغلب ماكلاتهم بيتزا .. 

- جلال ..الى مكاتعجبدش نمشيو لبلاصة اخرى ..!!

- المى .." رجعات لور و شافت فيه" .. كانمووت عليها ،..😍 بغيتها بفخوي دميغ ..

- جلال .." جمع لحيتو بيدو و عطى الطلبية ديالهم للكارصون .. و تكى على الفوتوي مد يدو تحت عنقها كيماصيه لبها بطريقة خلاتها ترخىىىىى و لاحت رسها للور" .. استحليتيها ههههه

- المى .. ههههه ..😁😁

-جلال ..ماعاودتيش ليا على راسك!!

-المى .. اش بغيتي تعرف؟؟

- جلال ..امم .. كولشي .." مستمر فالحركة ديالو" .. مثلا ..حياتك .. عائلتكم .. واليديك .." على كلمه واليديك حس بيها تشنجات و لكن في ساع رخات راسها" ..

- المى ..انا .. حياتي عادية ..قريت فمعهد التمثيل .. و تخرجت بقيت مدة عاد جاني عرض ندير اعلانات و وافقت .. من تما بديت التمثيل معاكم ..

- جلال .. انمم و عائلتك .. 

- المى .. " حمات راسها كاتلعب بصبعها" ..عندي ختي .. سميتها خولة .. و ماما .. عايشة معاهم ..و بابا توفى الله يرحمو ..

- جلال..."صغر فيها عيه بلا ماتشوفو" .. اهاااه ..

- المى ..المهم ماما و ختي هوما حياتي حاليا .. و لي قاسهم ليا عينيه نجبدهم ليه ..

- جلال ..اووه .. لهاد الدرجة !!

- المى .. و أكثر .. ماتخايلش شنو هي ماما عايشة بالنسبة ليا .." بانت ليه لمحة حزن فعينيها لكن في ساع قدرات تحكم فعينيها لكن كان شاافها و كان كاان" ..و ختي خولة تا هي ... واخة مزالة صغيرة بعد المرات تنحسها كبر مني ..غير بعد المرات ههه ..وارثه جينات الحنية على ماما عايشة ..

- جلال .." تيشوف فيها و عزات علبه حيت عارف ضروفها و عارفها غير بنت متبنات و عارفها باش حاسة " .. واخة الالة .. مزيان .. ايه و كيفاش تا قررتي تدخلي لمجال التمثيل !!

- المى .. امم من صغري تيعجبوني الأميرات ديال ديزني .. ههه " حطات يدها على وجهها .. كنت تنتفرج فالرسوم و كانبقى نتثل داكشي لي تيديرو .. بالحق دائما كان ناقصني الأمير .. هههههه و حتى فاش كنت تنقرى .. الى درت شي زبلة ولا تغيبت .. كانبدى نمثل على ماما حتى تيقني .. هكذا تنمات عندي ديك الفكرة ديال التمثيل فاش لقيت راسي مقنعة .. و درت المعهد و هادي دابا غادي نلعب بطولة ففيلم ديال ناس كباار .." حطات يديها على يدو لي كانت فوق صدرو" .. بحالك ..و بحال جو ..

- جلال .." شد فيديها" ..لاش باغية توصلي ..!!

- المى .." جاوبات على سؤالو فصيغة اخرى .. كيف فهماتها هي واخة مكانش هذا هو قصدو"..باغية نوصل للعالمية .. نمشي بعيييد .. نولي نمثل فهوليوود ..مع كباار الأباطرة .. اححخخ ..

- جلال ..فسسسس تفشي شوية امدموزيل ..درجة بدرجة و ماتنسايش العقد ديالينا معاك ..😉

- المى .. امم ماناسيااهش ..

-جلال .. مزيان ..لاش مغيرة اسمك اعبير..!؟

- المى.. دورات ليه راسها و عاقدة حواجبها " .. مكيعجبنييش ..!

- جلال .. " طلع فيها حاجبو" .. غير مكيعجبكش و صافي!!

- المى .."باختصار .." .. اه ..

قاطعهم اتصال جاه خذا تيليفونو لقاه رقم ماشي ديال المغرب .. و هو يجاوب ..

- جلال .." مطلع يديه و شادو بزوج صباع" .. وي شكون معايا؟؟

- حبيبتك دغيا نسيتيني ..ها ..حتى رقمي مامسجلوش اجلال .. !! علاش كدير معايا هكذا!!

- جلال ..ماادلين .. مامساليش لديلمك ..قودي ..

طفا عليهاو رجع دار تكى على الكنابي كانت المى خذات طرف من البيتزا ديالها كاتاكل فيه ..جر ديالو تا هو .. و هاد اللحظات كاملين صورهم الشخص لي كان قبالتهم و هوما ماشايفينوش ...

- وي مرتضى ..ماغاتبقش شكون لقيت هنا .. فالنادي ديال الخيل ..

- شكون ؟؟

- ههه صاحبونا.. جايب معاه واحد الصاروخ من الصباح و هو يتحاك معاها كون راه جابو ..

- شكون ..؟؟ علامن راك داوي .. ؟؟

-وايلي اصاااحبي تا نتا على شكوون .. وا الهلالي اصاحبي .. مالك تكولختي !! شوف الواتساب ديالك .. راين صيفطت ليك تصيورات ..

- ههههههههههه واخة واخة .. عنداك يقشعك و الاه تا يخلط إناك تما ..

- علاه حنا دراري صغار!! انا غانوض دابا كأي مهذب نسلم عليه و على الزين لي معاه ..

- ههههههههههه ميقد عليك غير لي خلقك ..

- سمير هذا و أجرك على الله ماشي حيت خوك الصغير تستصغرني .. هههه 

- ههههههههههه سير اخويا الصغير سير ...

قطع معاه و الضحكة على فمو .. حط تيليفونو فجيبو .. و ناض صايب الكول ديال الشوميز ديال.. و اتجه لجهة جلال و المى .... كي وقف عليهم شافت فيه المى و طلعات حجبانها و جلال اصلا شافو فاش جاي كيضحك ديك الضحكة المستفزة ديالو ..و بقى كيشوف فيه تا وصل عندهم و حاط يديو على لحيتو كيحكها ..

- سمير .. سي جلال الهلالي .. صدفة زوينه هادي .. 

-جلال.." باقي كيحك لحيتو" .. وا هي زينه زينه..

- سمير .. " مد ليه يديه" كيف الحال ..!!

- جلال .." شاف فيديه مووودة عاد سلم عليه .." .. يس .. و نتا لباس عليك؟؟ .. سمعت شي خبار .. ماعرفناهم بصح وا اشاعات ..

- سمير ..",ابتسم بالجنب .. " .. اشمن خبار ؟؟ ااه .. المصنع لي تحرق .. 

- جلال ..تمامااا ..

- سمير .. داكشي كيوقع و نتى ادرى .. 😉 الانسان فاش كيكون نتجح كيبانو الاعداء ديالو أگوگو ..

- جلال .. ههههههههههه ناجح .. يه يه .. غير هو الانسان ماشي مزيان ينجح بالغش. .

- سمير .. ههههههههههه المهم هو شكون غايفوز .. 😉..

- جلال .." فهم قصدو" .. تمامااا ..

-سمير " قرب لألمى لي حطات الموس و الفورشيط و بقات تتشوف فيهم كيهاجمو بعضياتهم بالبارد .. و مد ليها يدو" ماعرفتيناش على الآنسه!!

- المى .." ابتسمات .. هازة وجهها للفوق و مدات ليه يديها" .. ألمى ..

- سمير .." باس ليها يديها و طول فالبوسة .."امم مرحبا بالآنسة " بقى شاد ليها فيديها حتى نطرها ليه جلال و وقف جبد من بزطامو الفلوس رماهم فوق الطبلة و شدها من يديها " .. فرصة سعيدة اسي .. نقاشعو فبلاصة اخرى .. 

- سمير .." لوح ليه بيديه".. انشاء الله احبيبي .. ههههههههههه ...

تم جارها جلال تا هي ماتكلماتش خلاتو تا وصلو للاوطو كي فتح ليها الباب كان كيخرج النفس سخووونه من نيفو .. و حطات يديها على خصرها..

- المى .. مكانحملش لي يعاملني كيف البقرة .. فينما مشا جارني الله يخليك .. عندي رجلي و في كامل قوارا العقلية .. سو مامحتاجاش لي يگيديني !!

- جلال .. ركبيييي ..

- المى ..مالك ؟؟ شمو لي معصبك!! شكون هذاك غير شفتين تقلبات سيفتك ...

-جلال .." تعصب فاش شاف سمير .. و زاد تعصب فاش قاس المى وباس يدها قدامو ..و لي زاد عصبو هو قصوحية الراس ديال المى " ..يا ترحبي نوصلو بخير و على خير .. يا معطب ديلمك هنا و نهزك لصبيطار .. ختاري نتي دابا اش بغيتي ..تكى على الاوطو و بدى كيشوف فيها .." ..

- المى .." تخطاتو و ركبات" .. نتا ماغاينفع معاك حتى اسلوب .. بنادم يتجنبك و يتجنب الهضرة معاك حسن ليه ..

ردخ عليها الباب و مشا طلع لمكانو تا هو و كسيرا تا كانت غاتخرج للقدام كون ما السانتور ..الطريق كاملة و هو ساكت و حاط يديه على فمو .. تا قال ليه راسو يوقف الاوطو فالجنب .. كان ضلام الحال ديك الوقت و الطريق خاااوية ..

- جلال .." ضار شاف فيها" ..واش نتي ديما هكذا؟؟

- المى .." خزرات فيه" .. هكذا كيفاش؟؟

- جلال .." ضرب فالفولون و غوت" .. الزااامل لي جا ضحكي ليه و يبوس ليك فاليدين؟؟ هاد التصرفات ديال التقحبين ديما فييييك؟؟

- المى .." سعقها بكلامو " .. ااه ديما فيا ..حيت اناااقحبة فيا التصرفات ديال التقحبين ..

- جلال .." فحال لا ضرباتو على راسو ..حنى ماتهزاتش فيها شعرة ما حشمات و هي كاتنطقها و عينها مبرقة فعينو" ..ههههههههه .." هذا يديها زير عليها و حطها على رجليه" ..الى كنتي قحبة ..تا انا باغي حقي !!

ديمارا الطونوبيل و زاد بأقصى سرعةخلاها كاترجف و اول مرة غاتخلع من شي حد ..عيات ضرب ليه على يديه و فصدرو و والو حلف لا طلق منها ماغاودش زاد معاها الهضرة ..

كي وصلو الاوطيل نزل من الاوطو ريالو وخلاها وسط الطريق .. رمى للكارديان السوارت يبلاصيها و مشا فتح الباب ديالها شافت فيه بترجي ..

- المى .. بلا شوهة عافاك ..سير انا غانمشي لبيتي نبدل ساعة بخرى ..

- جلال .." ابتسم بالجنب و جرها من يديها حتى لسقات عليه و شدها من خصرها" .. طروطار ازين ..

جرها من يديها و دخل بخطوات مسرعة من كثرة أعصابو ماداهاش فالناس و لي غادي كيزدح فيه بلا ميعتذر .. أما المى .. غرقات فحوايجها مافكراتش فشو غايدير ليها جلال كثر ما فكرات فمنضرها قدام الناس و خصوصا انها دازت قدام الطاقم ديال الاعداد كااامل لي كانو مجتمعين فالبيسين دايرين بارتي صغيورة بيناتهم.. و معاهم سرور لي سجلات اللحظة عندها باش تربح منها اكثر .. وصلو لبيتها كانو لي كارد واقفين كيف امرهم .. عطاوه الكارت ديال الباب و مشاو فاش مير ليهم راسو ..فتح الباب و دخل زدحها مع الحيط حتى تآوهات من الدقة لي خذات فكتفها حيت دفعها على لوحةة كانت معلقة فالحيط. .

- المى ..'' تتحاول تدفعو عليها" .. طلللق مني ..!! طلق ..

- جلال .." تكى عليها زيرها" .. ياك نتي قحبة .." مد ديهي حل ليها السنسلة ديال البودي لي كانت لابسةو بان ليه الصدر مبندر فالسوتيامات" ..اوا متعيني .. و لا حلال عليهم و حرام عليا!!

- المى .."عينيها بغاو يخرجو من بلاصتهم .. و بدات الخلعة تتسلل ليها ولكن مابيناتش ليه " .. اش باغي دير ها؟؟ شنو باغي دير .. ههههه هادشي علاش سولتك الصباااح عقلتي .. و زعفتي عليااا .." شيرات ليه على داكشي لي شرا ليها لي كان حدا النموسية ديالها".هااادشي باااش بغيتي تشريني ..هذا هو المقاابل لي بغيتي ياك .. ههههههههههه .. فغييمون برااافو ..

- جلال .."حيد ليها البودي لاحو و حط يديه على خصرها اللور كيدوز على صهرها من التحت للفوق " .. انا غادي معاك غير نتي فالخط و لي قلتيها بغينا نطبقوها .. قلتي راك قحبة بغينا مجربوك واش بروفيسيونيل و لا لا...

فتح ليها السوتيامات و هي تسد عينيها زيرات عليهم .. كانت هادي اول مرة شي حد يقيسها بديك الطريقة .. كانت تتعطي بوسة تعنيقة .. ولكن شي حد يقيسها ولا يعبز فيها ولا يحيد ليها حوايجها مزال ما طرات .. بقى شاد ليها السوتيامات فاش شافها غمضات عينيها .. و حط يدو على حنكها و باسها من فكها بخشوونه ..جر ليها السوتيامات رماهم بعنف بعيد عليه .. كان باغي يشوفها ..اكثر حاجة كان باغي يشوفها مع انو متأكد انها انجل ديالو ..هي "الشامة لي فنهدها" .. .. لكنو أخر اللحضة فاش حط شفايفو على ديالها كي شافها بغات تغوت .. كتم اي كلمة كانت باغية تطلعها تقطع عليه اللحظة ..شل ليها الحركة بجسمو لي كان اشق على ديالها .. و يديه لي كان شاد بيهم يديها لفوق راسها .. و كيقبل شفايفها بشغف مهلك ..و كل شفة كيعطيها حقها .. حاولات تا عياات تحرك راسها و تبعد عليه ولكن هو كان بين عينيه يعلمها درس عمرها تنساه .. و يخليها تنزل خنافرها بالسيف عليها ..و حيد ليها ديك النضرة لي واخة على الحياة .. هو فالأول كان هذا هدفو لكن بمجرد ما داق شفايف الكاراميلا سافر بعييد مع كرزيتيها.. كي حس بيها هدات من المقاومة و بدات تتنهج محتاجة الهواء .. طلق من شفايفها شوية خلات فمها مفتوح يدخل منو الهواء .. اصلا شفايفها كانو مجروحين من القبلة الاولى .. و كمل عليهم دابا خصوصا الشفة التحتية لي كلات من عندو الدق بالجهد ..نزل لبها بديها و نزل معاهم يديه على جسمها بلمسات ماجنة .. و رجع حط شفايفو على ديالها كيقبل برقة مخاالفة لقساوة يديه علي كانو كيضورو و صباعو كيتغرسو فلحمها .. فلحضة ولاو يديه عكس العنف لي كانو عليه قبل قليل .. كيتحسسو جسمها بمهارة و شغف عاشق كاع مناطق جسمها من غير صدرها و تحتها لي مقربلهمش .. اما بطنها .. فخاضها .. خصرها .. كاع داز عليهم ..و هادشي اي خلى مشاعرها هاد اامرة يتغلبو .. كتمات انه صدرت من بين شفايفها لي خانوها فلحضة خلاتو يبتسم بالجنب اخيرا أثرو عليها لمساتو بعد صراع قوي بينو و بينها ... حتى فالتقبيل اكتشف قلة خبرتها .. و حتى فاش كيقيسها مكاتكونش ردة فعها فحال دياال وحدة محترفة .. واخة هاد التعنطيز كامل و هزان المناخر كينين نقط عندها ناقصين بزاف خصوصا فالجنس .. لأنها مكانتش تتبحث فداك المجال .. حيت عمرو كان هدفها و لا حطاتو فبالها مهمى ماتت على الفلوس!! .. نزل بفمو كيوزع قبلات ساخنه على كل من عنقها ورا ودنيها و هي كاتحل و تسد فعينيهاحتى وصل لبين الفرقة ديال صدرهاو هو مغمض عينيه كيقبل بعمق و يستنشق ريحتها ..و هاد الحركات خدروها تماما واخة حاولات تا عيات تقبط راسها ..ولكن النار اللذيذة لي كان كيشعلها فيها بطريقتو فالتعامل مع جسدها مع انو ماقربش لنقط الاثارة ... خلاتها دوب و تسيح .. لدرجة مابقاتش قادرة تتحكم فجسدها الخائن لي كان كيستجيب ليه و كأنو كينقلب و يتور على عقلها لي كيعطيه اوامر يتحكم فراسو و يقصيييه باش يستمتع بجمال هذا النعيم المحرم ..

خلاتها دوب و تسيح .. لدرجة مابقاتش قادرة تتحكم فجسدها الخائن لي كان كيستجيب ليه و كأنو كينقلب و يتور على عقلها لي كيعطيه اوامر يتحكم فراسو و يقصيييه باش يستمتع بجمال هذا النعيم المحرم ...بدات مقاوماتها كاتنهار .. حتى رجليها لي كانو تيتحركو طلقاتهم من تأثير لمساتو الخبيرة المحترفة على جسمها .. فلحظة حل عينيه و طلع رايو كيشوف فقطعة الكاراميل لي قدامو .. السمراء الفاتنة لي كانت كاتحوم حوله كيف الفراشة و ماقادرش يوصل ليها من قبل هاهي دابا بين يديه .. و خصوصا فاش تأكد انها عديمة الخبرة .. ولا كيشوفها فحال لا كيشوف قدامو قطعة من الجنه .. كانت معمضة عبنيها و رموشها كيرتعشو جراي لمستو المتكررة لخصرها و بطنها .. .. حلات عينيها بشوية و فاقت على عينيه لي كانتو شااعلين بنار الشهوة .. شافت فيهم و بقات تتشوف .. بلعات ريقها يالله كانت غاتغطي صدرها بيديها و هو شدهم ليها ..حط كل يد فجهة..

-جلال .." ماحيدش عينيه على عينيها لي فااقو و استجبو اخيرا لعقلها .. " .. ماشي هاد المرة .. غانشوفها غانشوفها. . 

تنهد و نزل عينيه مباشرة على نهدها الأيمن .. كانت مزالة فينما خلاها .. شامة متوسطة الحجم بلون الشوكلاته ..خلاتو يبتسم كي تفكر نهار كان يبدل ليها حوايجها و كيبقى يشوف فالخالات لي فجسمها و كيحسب فيهم .... قهقه بخشونه و قرب راسو ليها باسها فوق الشامة مباااشرة بوسة طوييلة .. خلاتها تكرز على شفتها كاتفكر كيفاش تفلت منو .. ماجاهو تا حاجة فبالها .. تا حاجة ماكانت غاتسلكها بين يديه .. غوتات فالأول و جدبات و دارتهم كاملين... و تا حاجة مانفعات منو .. واحد كيهز خناشي تاارملة فاش كيتريني بالكيلوااات ماغاديش تگر فيه المى لي عضامها على قدها...!! لكن تا هي مايقد عليها حد .. نسات حلجة اخرى ماجرباتهاش معاه ..«التبوحيط» !! خصوصا انها ممثلة من الطراز الرفيع .. الدموع فيساع تسيلهم .. 

- المى .." بدات تتعصر فعينيها و دلات شفتها" .. ءههءهءههءهء .. ح.. حح.. حرام عليك .. هءهخء ..باغي تكرفص عليا ..هءهءه .. انا .. انا ماشي قحبة ..هءهءه انا غير .. غير تعصبت و قلت ديك الهضرة .. هءهءه😶😭😭..

- جلال ..كان مخدر باللحظة حتى سمعها كاتبكي و طلع ليها روس بشوية .. صغر فيها عينيه" ..مرة أخرة ماتعصبيش ..هاد المرة غاتجيبيها فطب** المرة الماجية تجيبيها فمك ..

- المى .. " زادت فلادوز" .. هااننهنهننءنهءنهءهءهء .. حرام عليك. ..ماتكرفصش عليا .. و انا لي .. لي تقت فيك ..و قلت نتا ماغاديش تستغلني ..

- جلال .. ههه " قهقه بخضونه" شكون قال ليك تيقي فيا .. " يديه خدامين فخصرها" ..

- المى .." حسات بالصح بالخطر .. و بجلال غادي يتمادا اكثر حتى يوليه في ما لا تحمد عقباه .. و هي داكشي لي كانت محافضة عليه تولي خاسراه .. خصوصا انها تربات على منطق لعبي تا تشبعي ولكن حضي تقبتك !! .." جلال .. شوف فيا .." مسحات دموعها" .. شوف فبا .. مابغيتش ..مابغيتش نولي "عاهرة " انا ماشي هكذا ..

- جلال.. امم علاه شنو يصاب لك راسك كين فالتمثيل .. امم .. باش تشهري دااائما خصك تقدمي تنازلات ..

- المى .. هاذي اخر حاجة ممكننديرها انا ماشي هي هادي ..انا ميمكنش نحني راسي لشي واحد ياخد مني لي بغا و يرميني من بعد ..!! ..انا اكبر من اني نكون هكذا اجلال...

شاف فيه شوفة مطولة و جرها من يديها ..غطات صدرها باليد الأخرى و استسلمات ليه تبعاعاتو تشوف اش غايدير .. هز السوتيان ديالها لبسو ليها .. و طلع ليها راسها شاف فيها و مسح ليها حنكها..

- جلال ..ماعندك لاش تمثلي عليا.. من عينيك نعرفك واش كاتكذبي ولا تتقولي الصح .. و لو كان شكيت ولو ذرة انك ق** كنتي غاتشوفي معاملة ثانية ..

- المى .."بعدات عليه " ..على اساس هادي معاملة زوينه...

- جلال .." ابتسم بخبث" .. لو كان غير شكيت كنت غانخشيه فمك من الباب .. ..

- ألمى..." حمارو حناكها من ديك الهضرة لي كيخرج بلا حشمة بلا حيا.." .. فمك علاش كيقول غير الزمر ..!!

- جلال .. " شدي معايا الطريق و يولي يقول التمر و الزبيب كاع ..

- المى .." قلبات عينيها و مشات جلسات فوق الكنابي" .. مكانحملش لي يعاملني بهاد الطريقة .." هزات فيه راسها بتعالي .." .. شوية دالحدود و الحواجز الله يخليك ..!!

- جلال .." جابت لو الضحكة ..مشا تا لعندها و نزل ليها خنافرها بصبعو" ..جلال هو لي كيقول اش يكون .. ماشي نتي ..اوكي ..😉...

- المى .." حبسات راسها بزز فاش تفكرات اش بغات و شنو هدفها من سي الهلالي .." .. ولكن غير بشوية الله يخليك .. فحال هاد التصرفات مامقبولينش .. هذا راه تحرش ..!!

- جلال .." تحنا هندها خذا فمها فبوسة عنيفة..." .. التحرش هو لي غاتشوفي مني من هنا للقدام الل ما شديتيش الطريق ..اعبير ..

- المى .." خزرات فيه .." .. المى ..😡..

- جلال .. بربي و نجيب خبار شي تنقنيقة واخة تكون كيف ما كانت ولا نعرفك تجمعتي مع داك الممثل دالخرا يا تا نعلقك من شفارك ..هاني علمتك ..

- المى .." خرجات فيه عينيها" .. و لاش تتغوت عليا لاااش 😡

- جلال .. " خزر فيها" غانتقب لمك دوك العينين هاودني منك .." لاوح لبها بيديه و قصد الباب "

- المى .. " قلباتهم فيه و دورات وجها بلا ماتكلم ..". ..

كي خرج جلال طيحات كتافها للأرض. و تنهدات .. ماعرفت واش تفرح حيت قدارت تحافض على راسها ..و لا تخاف من لي جاي مع جلال حيت ماشي خصم سهل ..ماشي فحال لي قبل منو يقدر يدير بيها ما بغا بلا ميخاف ..و المشكلة ماعندها منين تشدو .. بلا ماتفكر دخلات للدوش خوات كاع زيوتها العطرية فداك الجاكوزي و عمراتو ...نصلات حوايجها رماتهم فالافابو ديال الحمام و تخشات فيه كاتحاول تسترخي .. و تحيد عليها العياء ..و الخوف لي تمالكها فاللحظة لي كان جلال شادها ..ماعمرها وصلات لدرجة تخاف من شي حد حتال دابا حساات بالخطر و انو مامعاش لعب .. و خصوووصا لا تعصب ....

اما جلال فهاد الوقيتة نزل ديريكت للبيسين كان الفجر بان الضوء ديالو .. يالله طلب من البار مام كاس ديال التيكيلا و هو يبان ليه علي جالس فوق كرسي فالكونطوار كيشرب و ساهي .. هز كاسو و مشا عندو .. 

- جلال .." ضربو لقرفادتو .." .. ايمتا جيتي ؟؟

- علي .. " حك بلاصة الضربة و تكا على كاسو" .. عاك وصلت ..

- جلال .. "جر كرسي طويل جلس عليه برجل و رجل مجبدها للأرض .." ..اش كبن .. مالك عاگدهم؟؟

- علي .." بدا كيجيب الكاو .. طلع فيه عينيه كانو حمريين" .. مالي !! 

- جلال .. " تكى على كاسو شربو فدقه" نسولك نتا ..

- علي .. انا ... ههههههههههه مشيت نح** لقيتها باقة بنت ههههههههههه .. 

- جلال .. "شير على البار كان يجيب ليه كاس اخر" .. ايه جبتيها من شي كوليج ولا شنو !!

- علي .. " ساس راسو" .. توتوتو ..ختها ديال ديك الممثلة .. 

- جلال..شكوون .. !! المى؟؟

- علي .." دار ليه برافو بصبعو" .. تمااااما .. 

- جلال .." " ضرب الكونطوار بيديه" .. تكرفصتي عليها؟؟؟

-علي ..گلت لك لقييتها بنت .. ماقربتليهاش ..

- جلال .." تكى على الكرسي .." .. كون قربتي ليها تاكلك المى ..ههههههه 

- علي .. شمن المى ولا خرا .. لقيت البلان ممسلكش .. كان يصحابلي الدرية موالفة .. ساعة طلعات نقية .. و ديلمو هاد الراي من الصباح و هو كيدور .. 

- جلال .. " تكى على كاسو و جبد كارو دارو فمو شعلو ابتسم بالجنب"" .. هههههه صاافي هاد المرة طحتي مافيهاش ..!

- علي .. "ابتسم باستهزاء " .. شكون هذا لي يطيح .. هههه انا!! " حرك راسو يمين و شمال" .. لاه لاه حسومه عليك تقول هاد الهضرة .. عيب فحقي ..

- جلال ... " طلع و نزل فيه و ابتسم بالجنب .." ..شوف راسك اش كدير دابا و غاتعرف واش طحتي ولا مزال واقف ..

هز كاسو و زاد كيتمشا متقل .. دار علي شاف فيه حتى مشا و هو يرجع كب ليه كاس تاني و تكى عليه دقة وحدة ..

- علي .." كيحك رايو" .غاتحمقو ديلمي .. تفوووو .. هز ديك القرعة لي كيشرب منها و زاد دخل للفندق طالع لبيتو ..علي من ديما كيشرب .. ولكن عمرو سكر .. حدو قرعة لا كتر .. لكن هاد المرة دخل فتلاقة ديال القرعات .. ماعرفش شنو وقع ليه ملي حط خولة فدارهم ديك الساعة شد الطريق لمراكش .. و السرعة باش كان غادي خلات البوليس يشدوه فزوج باراجات ..جاب الله عندو باش يدفع .. و كي دخل للاوطيل بان ليه غير الشراب هو لي غايقاد ليه الموازين ديال عقلو .. داكشي علاش تكى علبه تا بدا كيشد فيه بالمعقول .. بالله وقل للكولوا. حتى كاتبان ليه سرور واقفة فالباب ديال غرفتها ببينوار قصور فالگري حد الفخضو معري من الصدر كي شافتو نقزات لعندو عنقاتو ..

- سرور .. علووووشي .. توحشتك .. " دارت راسها كاتغبن" .. اخخ منك نسيتيني الخايب ... 

- علي .." ابتسم بالجنب" .. شرور .. اش كديري فدام الباب بهاد اللباس وفهاد الوقت .. لي جاتقولي ليه مرحبا ولا كيفاش ..

- سرور.." شادة فيه و كدوز بصبعها على حنكو و لحيتو" ..كنقول ليك ديما ماتقولش ليا شرور ..سروووور .. و تانيا كنت تنتسناك ..بنتي ليا فالبار مع جلال قبيلة و قلت نطلع نتسنا علوووشي و نشوفو علاش مابقاش كيجي عندي .. اممم .." باستو بجنب فمو .. " ..توحشتك .." باستو بوسة اخرى فوق شفايفو مباشرة .." توحشت كولشي فيك اعلووشي ..

- علي .." ضحك تا بانو نيابو" .. توحشتي نح** يااك ههههههه عقت بيك الخوينزة ."ولكن دوماج .. الكانه ديلمها ماعنديش ..

- سرور " كلتمرر يديها على صدرو و خشاتها من تحت التيشرت غادية بيه لديالو" .. غانخليك تفرفر .. غير قول أمين ..

- علي .." ضرباتو في مقتل و كان تيتسنى غير لي يجبدو .." .. ينعل زامل بوك القحبة ..تفووو ..دفعها لبيتها و تبعها كان مستتار حد الجنون لي بداتو خولة و كان كيحاول يخمدو جات سرور و فيقتو بلمسة من فوك الكلسون ديالو .. كي ردخ الباب تكاها على الحيط و بدون مقدمات نزل سروالو و حيد ليها البينوار و بدا كيدوز ليلتو لي دازت بجميع لي بوزيسيون حتى حس بعضلاتو تشنجو عاد ناض عليها و دخل للدوش و فبالو خولة و عويناتها .."....

فاتو يومين .. على المى كانت فيهم اخر لقطات غايتصورو فمراكش .. كولهم كانو تحت مراقبة الدكتاتور جلال لي لعب دور هتلر بامتياز فهاد الفيلم الشيء لي خلاهم يستغربو لأنو غالبا مكيتدخلش فكل صغيرة و كبيرة لكن هاد المرة تدخل و بقوة حتى فاللباس ديال الابطال .. اما لقطات الاغراء فكانو اوامر لا نقاش فيها ان كومبارس أمريكية هي لي غالعبهم و غادي يصوروهم فلندن .. و هادشي طبغا كان مدايق المى خصوصا انها كنكره لي يعطيها فالأوامر... لكن من أجل هدف حطاتو قدام عينيها مكانتش كاتعترض و الا كون راه وا قلبات عليه كاااع الكمراتةديال التصوير ...

#عبد الجليل ..

اسبوع ارتاح فيه نهار واحد ..هاز السيفي ديالو و كيدور على الشركات .. و لكن للأسف الشركة لي دخل لبها كي كيشوفو وجهو لب كان مدغدغ .. مكيقبلوش بيه .. كيقولو ليه غدا نتصلو بيك و ميشوفهم من تم لتم .. ماخبرش الام ديالو بلي تطرد من الخدمة مابغاش يزيد من همها .. كان تيخرج من الصباح و يرجع فوقتو المعتاد .. رجليه حفاو و هو كيدور على شركات كازا كاملين ..حتى سالاو الفلوس لي فجيبو ادطر يدخل فداكشي لي كان مدخر فالبنك لدواير الزمان غير باش يدير المازوط .. بعد ما خرج من الشركة لي عاد دفع لها ركب الاوطو ديالو و اتجه ديريكت للمقهى لي موالف كيريح فيه .. و يفكر فحياتو لي تدهورات كي دخلات لبها رجوى ..! ..رجوى يا رجوى كيف غاتكون حالتك دابا لا أخبار .. و لا اتصال .. هادشي لي فكر فيه فديك اللحظة .. مافبالوش واش زهيرة قبل ماتسلمو تيليفونو مسحات كاع لي زابيل و لي ميساج ديال البواط فوكال لي كانو فوق المئة عاد عطاتو ليه ..يالله كان غاينوض حتا تحطات يد على كتفو بالجهد تآوه قبل ما يدور راسو.. سبقو و جلس قدامو ..

- عبد الجليل ..حكيم !!

-حكيم ..عشييري ..صافا ..

- عبد الجليل .." طلع حجبانو مامتيقش" .. و الله الى هو ..ايمتا جيتي ؟!

- حكيم..."مد ليه يديه سلم عليه برجولة " ..البارح وصلت .. سولت عليك العشران ..قالو ليا كاتعممر هاد القنت و جيت غا عالله .. 

- عبد الجليل ..وا تقول مكينش التيليفون اصاحبي ..

- حكيم .. ههههه دزت عند الواليدة الصباح ..قالا ليا تمنشرتي .. شكون دارها الليلة ندورو بيه !!

- عبد الجليل .. ههههههههههه نسا هادش يعليا ..قول ليا زيارة و لا استقرار!!

- حكيم ... استقرار بحول الله .. هخههه مشينا نجمعو الحصيصة .." باس يديه وش و ضهر" .. الحمد لله جمعت لي يكفي و حنيت للبلاد ..

- عبد الجليل ..مزيان ..الله يوفق اسيدي ..

- حكيم ..و نتا الخدمة صافاتون!! كولشي هو هذاك!! قالو ليا شريتي حديدة مبرعة هههه

-عبد الجليل ..مزال كاع ما كملات فالكريدي .. و كانقلب نبيعها باغي نتفك ..

- حكيم .. وايلي علاه؟؟

- عبد الجليل .. اودي شحاا قدني نعاود .. قوادت عليا .. خرجت من الخدمه و كثرو المصاريف راك عارف الخوادريات مانقد نقول ليهم لا على اي حاجة ..و المصاريف ديال الدار .. مزال زهيرة هازة راسها ..

- حكيم .. وايلي على خرجتي من الخدمه هي دابا شومور!! مادورتيش على خدمة أخرى!!!

- عبد الجليل .. يوميا كانقلب .. راك عارف المغرب كيف دير .. ههه سير تا نتصلو بيك ..

- حكيم ..على هاد الخراوات خرجت لبرا ..

- عبد الجليل ...هاوا هادشي لي كين ..

- حكيم .." كيحك لحيتو" ..و زعما ماتبغيش تخدم معايا!!

- عبد الجليل ..فاش غانخدم معاك انا..

-حكيم ..راني قلت ليك اصاحبي صافي دخلت و جامع حصيصة ناوي نشوف شي قنت ندير فيه داكشي ديال قطع غيار الطنوبيلات و شي فرع تاللافاج و السباغة و داكشي كامل يعني باغي نجمع كولشي و كنت تنقلب على شريك ..واخة يكون غير بالتفكير و صاف ..الفلوس عندي كولشي من عندي..غير داك الدماغ لي عندك لي خصني باش نكبرو المشروع حيت باغي نولي نجيب الطنوبيلات من برا و نبيعو هنا ..

- عبد الجليل .." كيدورها فراسو " شوف .. انا الى دخلت معاك فشي مشروع غايكون النص بالنص فالفلوس ..ماعندي ماندير بالزميط ..

- حكيم ...وايلي بينا شي زميط اصاحبي تقول ما كاتعرفنيش ..

-عبد جليل .. ههههههههههه كانعرفك ماتسوى ماتصلح ..

- حكيم .. دابا اش قلتي ؟؟

- جليل .. واش نتا درستي بعدا هاد المشروع .. !! عىارف اش كدير و لا غا باغي تخور و تزيد !!

- حكيم ..كولشي مدروس فالاوراق اعشيري ..خصك تشوفهم حيت متأكد غاتزيد عليهم تعديلات ..

- عبد الجليل .. امم ..واخة دوزهم ليا و نشوفو هادشي فين غادي. .

- حكيم ..مشاات ..كنت نيت هاز الهم للشريك .. مزيان لي تراو عليك ..😌

- عبد الجليل .. الله ينعل بوك ههه ..

كملو حذيتهم لي كانو كيسترجعو فيه ذكريات لافاك و الصداقة لي كانت و مزاله جامعاهم .. حكيم ولد ناس لباس عليهم ..ماشي بزاف ولكن عندهم امكانيات حتى قدرو يسفرو ولدهم لبرا يكمل قرايتو ولكن هو كلن مولوع بالسيارات اكثر من القراية .. داكشي علاش كي مشا كيخدم هنا و هنا و ماخلا فين سافر مع الناس لي خدام معاهم كيجيبو قطع غيار الصيارات و كيعاودو يصايبوهم بطريقة فنية هكذا زاد ولعو بالسيارات و قدر يجبد الفلوس من هاد الحرفة و يرجع لبلادو يدير فيها المشروع لي كيحلم بيه ..و اكيد ولاد الاصول مكينساوش صحابهم لأنو ماكانش محتاج شريك قد ما كان باغي يعاون صاحبو و مايخليهش مشومر ...

فالناحية الثانية كانت جالسة و حالتها لا تسر لا حبيب لا عدو .. حدها غرفتها لي كانت هي المأوى دياليها من نها نشب داك الخلاف بينها و بين جلال .. و كملات عليها زهيرة فاش خبراتها بلي عبد الجليل غايتزوج ..النهار كامل كاتبقى جالسة حدا البالكون و حاطة راسها على الفوتوي...عينيها عامرين دموع .. و كي تترمش تينزلو ..كمية الحب لي خزناتها فقلبها لعبد الجليلي لا تعد و لا تحصى مع انها كانت فترة شهر فقط باش تعرفات عليه ولكن كان بالنسبة ليها الحاجة لي كاتخليها تبغي الاحياة اكثر و أكثر .. باهتمامو ..ابتسامتو .. صوتو الرجولي لي كان فحال نغمات سمفونية راقية فودنيها .. عيونو الخوضر لي كانو فحال ساااحه خضرااء مبهجة للقلب .. كل ما كاتفكرو انتفض قلبها .. مرة .. مرتين ..حتى كتولي ضرباتو مؤلمة.. شديدة الألم ..همسات لراسها بصوت متآوه شديد الخفوت و فيه خصة مؤلمة ..

- رجوى .. مانستاهلش حتى نهار كامل ديال الفرحة .. قدري نجي فيعائلة مافقلبها رحمة .. ارحمني يا ربي مابغيتش نعصاك .. ارحمني و دير ليا تاويل ديال الخير .. عيييت .. عيت من كولشي .. عييت من حياتي معاهم يا رب ..

نزلات عينيها و نزلات معاهم دموع حااارة حرقات خدودها. ..كاتعبر على الألم القابع فصدرها .. ولي زاد أضعاف كي عرفات من زهيرة بعلاقة جليل بوحدة ثانية .. هنا قلبها تقطع لطرااف كي قالتها ليها حسات براسها فحال لا انفصلات عن العالم و عينيها بقاو وااسعين من قوة الصدمه لي طاحت عليها ..لدرجة انها بقات مدة من بعد ما قطعات عليها زهيرة التيليفون كاتحاول تنطق ولكن حتى كلمه حتى حرف ما قدرات تخرجو ..فحال لا الكلمات كانو واحلين ليها فحلقها بعد مدة حاد قدرات تنطق بهمس ..اسمو.." عبد الجليل " .. و نطقاتو غير بينها و بين راسها ..قاطع تفكيرها الباب ديال البيت لي تفتح عليها .. .

- رؤيا ..." ابنة العم رجوى .. و هي اقرب صديقة ليها فالعائلة.." ..حوبيينو .. ناري يا صاحبتي مكاتعيايش من هاد القنت .. 

- رجوى .." دورات وجهها مسحات دموعها .. " .. اش عندي ماندي ماندير ..

- رؤيا .. واياختي خرجي شوفي الدنيا شوفي العالم .. ويلي .." مشات جلسات حداها" .. ماغاتعاوديليش مالك؟؟

- رجوى .." طلعات فيها عينيها لي كانو كيف الجمرات" .. اش غانعاود ليك!! نعاود ليك على خيبتي .. اش غانقول ليك نهار قررت نفتح قلبي فتحتو و دخلت واحد غريب و براني .. ماشي من عائلة الهلالي ..

-رؤيا .." قربات ليها و شدات فيديها" ..شوفي فيا ... باباك عرف؟؟

- رجوى .." .. ابتسمات بالجنب" .. ههه ماكنتيش نهار جلال حيح عليا .. و وكلني خلايا .. كون عرف بابا و ميعرفش جلال ..

- رؤيا .. اوا صافي يمشي جلال يخرا .. باك هو الواصي عليك ماشي جلال..!

- رجوى .."ابتسمات بمرارة" .. و فبالك بابا غايوافق على واحد ماشي من طاسلة الهلالي!!

- رؤيا .. الاه يغبر لبوها الشقف هاد الطسيلة .. تقو .. كرهت ديلمو هاد القصر ..فنما ضوري كينه ااحضية .. واه !!

- رجوى .. الله يعفو علينا و صافي ..

- رؤيا .. ماقلتيش ليا شكون هو !! فاش خدام ..! فين تعارفتو!!

-رجوى .." خذات تيليفونها جبدات حسابو الفيسبوكي ..و وراتها تصاوريو" .. هاهو ..؛

-رؤيا ..اووهااا 😍 تيتيز يا ختي ..

- رجوى .. " ابتسمات بحب و عينيها على الصورة ديال جليل .." .. شفتي عينيه .. لحيتو!! 

- رؤيا .." طلعات فيها عينيها و شافت نظرة الحزن لي غلفاتهم " .. فاش خدام هو!ز ولد من ؟

- رجوى .."كاتكلم بحب"..ولد نااس طيبين بزااف .. عاش مع ماماه و زوج خواتاتو .. كون تشوفي ماماه شحال غزالة و خواتاتو ..عايشين فحي بسيط .. كان خدام فالشركة ديالنا مهندس ..

. - رؤيا ..كيفاش كان !! مابقاش خدام فالشرك. ..

- رجوى .."حنات راسها" .. ولد عمك جرا عليه .. مستحيل يخليه فالشركة بعد ما طحنو ..!

- رؤيا .. هي شي مناشبه نيت ..

- رجوى .. اممم

-رؤيا ... المهم هو يكونوكيبغيك .. تعرفي انا نلقى لي يبغيني و نبغيه .. بربي مانتلفت لهاد العائلة .. غانهرب معاه و مولاها ربي .. غير هو خصو يكون ميسور ... و يعيشني كيف بغيت ..

- رجوى ..هذا الى كان كيبغيك .. اما لا كان حب من طرف واحد و هو كيبغي وحدة اخرى .. ماعندك ما ديري ديك الساعة ..!

- رؤيا .. ماتقوووليهاش !!😤 .." وقفات و جراتها من يديها" .. هنا مانسمحش ليك تكتأبي .. ولا تضيعي حياتك على ود واحد نتي كاتبغيه و هو مفايقلكش .. فيك نفسك فين!!

- رجوى .." كاتحاول تفك يديها منها" .. رؤيا .. طلقي مني عافاك .. راني بالسيف واقفة .. ربي لي عالم بيا .. 

- رؤيا ..ناااري واش باغية تحمقيني !! وااش نتي بعقلك ولا صافا با ؟؟؟ وا نووضي توگضي .. اصاحبتي و كولي مينفعك .. راك عارفاني ماغانخليكش حتى نخرجك من هاد الحبس ..

- رجوى .. باش ولد عمك الزين يجي ينحرني انا وياك..راه عطى الأوامر لدار كاملة باش حتى حد مايقرب ليا خلي عليك يخرجني .. دابا لا شافك واقفة هنا يخلطنا بزوج!!

- رؤيا .. " مشات للدريسينغ جبدات ليها كسيوة صيفية طويلة معرية من الكتاف .. بالأبيض و صنيدلة بلا حمرا .." .. عند بالك نتي داك خوك معصوم ولا كيفاش!! كيديرهم قد راسو .. يعرف هادي و يعرف هادي واخة هو اكثر واحد ماعندوووش الحق و نتي عارفة مزيااان هادشي .. و زيدون جلال ماغايوقفش فوجهي الى بغيت نخرجك .. راك عارفاني مكانسكتش..." مدات ليها الحوايج .." .. شدي لبسي .. لبسي هاني كانتسناك .. غانخرجو نشمو الهواء.. نمشيو للبحر ...

- رجوى ... ولكن ..

- رؤيا .." قاطعاتها" ..مكين ما ولكن .. غاتزيدي قدامي هي غاتزيدي قدامب .. زوج دقايق نلقاك لابسة .. مزيااان .. سبتو نتوما فهاد الدار .."كاتقلد جلال بصوت كاتحاول تخشنو" .. مابقيتوووش كاتحتارموو حد .. وليت هنا زيدة نااقصة .. دابا نورييكم .. هاااا" ضربات الطبلة لي جات قدامها بيديها" ..

-رجوى .. هههه .. الله يستر..

- رؤيا .." جبدات ليها حنيكاتها" .. تسلاملي الضحكه و يسلم لي القمر .. ماتبقايش غا معبسة غاتشرفي دغيا ...

خرجات و خلات ليها راحتها تلبس .. فكىات تعتذر منها بجدية .. ولكن قررات تحطها فيد مولاها .. لأنها كانت محتاجة تخرج تشم الهوا ديال سيدي ربي ..خرجات من البيت ديالها لقات رؤيا واقفة قدام الباب يالله غاتحرك و هي تعكل فجسم صغير ..نزلات راسها و هي تبتسم ..

- رجوى .. الشنيولة ماشيه معانا ..؟؟

- رؤيا ..يا ختي شافتني هزيت صاكي من البيت و هي تلبقني ..ههه 

- رجوى .. هادي هي توليب ..فينما تشوف شي حد هز الصاك تمشي تهز الكرطبل ديالها تا هي .. ههه

- توليب ..." حطات يديها على خصرها" .. واش غانبكاو هنا .. خَصَّااا أنا بغيت ندور ...

رؤيا .." نزلات عندها باستها فحنكها بالجهد" .. عننن ديال المااكلة يا ختي حبيبة خالتها ..

- توليب" .. مسحات حنكها" .. اوووووفف هننن

-رؤيا ..ششوووووت صافي صافي ماتبدايش ..فين ماماك ..؟

- توليب .. خرجات ..

-رجوى ..يالله نديوها معانا مافيها والو .. غانعلمو شي حد هنا فالقصر باش ميتخلعوش عليها ...

كل وحدة ات فدراع توليب و مشاو خرجو و قبل علمو المسؤولة على الخدم لي فالقصر اهم غاياخدو معاهم توليب بنت أخت رؤيا باش ميتخلعوش علبها و مشاو ديريكت لأكثر بلاصة كيرتاحو فيها البنات .. المول !! مع ان رجوى مكانتش عندها الخاطر و ماشران لراسها والو الا انها كانت باغية غير دير خاطر لرؤيا ..

رجوى مكانتش عندها الخاطر و ماشرات لراسها والو الا انها كانت باغية غير دير خاطر لرؤيا ..بعد ما كلو الشوبينغ .." رؤيا و توليب" ..اتجهو ديريكت للبحر .. خلاو الاوطو عند الكارديان و نزلو كيتمشاو فالشاطئ .. لعل و عسى قلبها يخفاف منو الألم .. تنهدات بعمق كي وقفات قدام البحر و نطقات بينها و بين راسها كأنها تخاطب البحر ..

- رجوى ..شحال دالهموم هاز فقلبك يا بحر ..اخخخ ...

تنهدات بعمق و تبعات رؤيا و توليب لي كانت تتجري و تضحك فرحانه انها خرجات .. دارت عندها توليب و جراتها من يديها باغية تلعب معاها ..دارت ليها خاطرها جرات معاها شوية و هي تخليهم و مشات جلسات فوق شي صخيرات كاتشوف فيهم كيلعبو و كينقزو و يضحكو ..رجوى من النوع المرح حتى هي ماتاتجلسش ..لكن من المشكل لي وقع ليها تشونجات وولات وحدة اخرى كأنهم خواوها من ديك النشاط و الضحك و عمروها بالكآبه و الحزن ..كملو لعبهم و مشاو عند رجوى ..رؤيا تعمدات تتعامل عادي مابغاتش تسواها و لاتدوي معاها على عبد الجليل ..المهم انها قدرات تخرجها على الاقل تشم غير الهواء .. من بعد مشاو لمطعم بجنب البحر باش يتعشاو دخلو توليب و رؤيا اما رجوى رجعات لطنوبيل تجيب صاكها لي نساتو مع الشطون ديال توليب لي كانت غير تتنقز بسلامتها .. جابتو و تبعاتهم دخلات حانية راسها .. مع طلعاتو كايبان ليها آسر قلبها لي قبل ماتشوف تصوريتو و تحقق تينيه ماتتحطش راسها على المخده .. تنفسات بعمق كان قلبها طاح بين رجليها فديك اللحضة ..كان جالس هو و صاحبو .. بقات واقفة فبلاصتها مسات الوقت .. نسات فين هي .. توقف بيها الزمن ..كاتشوف فراسو كيف كيتحرك و هو كيدوي ..يديه و صبعو لي كان فيه الخاتم الكبير الأسود العربي لي دائما كيفكرها بيد جدها كيف كاتشوفو .. لكن فلحظة تلاشت كل ذكراياتها معاه لي كانت تتسرجعهم ديك الساعة غير آبهة بالمكان لي واقفة فيه .. كي شافتو وقف و فتح يديه وتلاحت فحضنو بنت فمقتبل العمر باينه صغيرة عليها هي .. حسات بحال لا لكمها لقلبها مباشرة .. تجمعو الدموع فعينيها .. نطقات بدون شعور.." علاش؟؟؟" .. هادشي لي قدرات تقول ..تلفتات لرؤيا لي كانت تتشوف فيها و فاش شافتها فين تتشور ..دورات وجهها شافت الولد لي وراتها فالصورة على اساس عبد الجليل حبيبها .. محملاتش تشوفها فديك الحالة وقفات و شدات فتوليب بلا ماتكلم ناضت لعندها شداتها فدراعها زيرات عليها و خرجاتها من داك المكان لي كان فحال الكابوس بالنسبة ليها فديك اللحظة ..ماتكلمات معاها مانطقات .. وقفو قدام الاوطو دخلات الدرية الصغيرة سدات عليها الباب اللوراني و ضارت عند رجوى لقاتها فاتحة عينيها على وسعهم الدموع دايزين منهم و عاضة على شفتها شدات ليها فيديها و زيرات عليهم ..

-رؤيا ..غايفوووت .. و الله تا غايفوووت .. 

- رجوى .." طلقات العنان لدموعها .. و آهاتها ماتلاتش شافت شكون كين حداها .. ولا شكون تيشوف فيها بكاها كان بالصراخ و الدموع و الشهقات لي كيقطعو فالقلب و مع حنا المغاربة غير تيشوفو شي وحدة تتبكي كيوقفو يحنزو فيها مكيخليوها تا تفش على خاطرها .. " .. قلبي درني .. هءههءهءه ضرني بزااف .. بزاااف😭😭😭 كان هءهء .. كان عندي ماتكوونش هضرة زهيرة بصح ..ههءهءهء😭😭 .. طلعات بصح .. طلع عندو حبيبتو .. هيييييء .. م.. مممعنقها ..هءههءهء😭😭..

- رؤيا .. " عنقاتها كاتحاول تسكتها" .. شووووت .. صافي اصاحبتي صافي .. لي مابغاااكش ماتبغييهش .. حرام عليك راسك .. تا حد مايستاهل دموعك حبيبتي ..

-رجوى .. ماشي بيدي ..ماشي بيااادي .." طلقات منها" .. بغيتو .. ولكن ماشي ديااالي .. 😭 هو ماعارفنيش حتى واش كانبغيه .. شفتيه كي كان معنقها .. 😭😭..

-رؤيا .." مسحات ليها دموعها و دخلاتها للاوطو" ..دابا غاتسمعي هضرتي و غاترتاحي .. هادشي غانلقاو ليه حل .. الحمد لله ماشافكش كون راك فموقف لا تحسدين عليه دابا بهاد الحالة .. شدي فراسك شوية اصاحبتي ماتبقايش هكذا ويلي ..

دارت ليها السمطة و مشات لبلاصتها كسيرات ديريكت للقصر و دخلات من الباب اللوراني بعد ما دورات مع الگارد طبعا حيت القوانين عندهم صارمه و ماشي غير جي ودخل و خرج...دات رجوى ديريكت لبلاصتنها مشلت جابت ليها كينهة ديال النعاس كاتشربها هي و عطاتها ليها شرباتها و جلسات حداها تا حساتها ترخات .. حيدات لها الصندالة و غطاتها باستها فراسها و خرجات ..خلاتها مزالة حالة عينيها بشويوشكاتصارع النعاس لي اجتاحها ... 

سمعات تيليفونها كيصوني هو لي فيقها بعد ليلة كاملة أحلام مرهقة كيف العادة واخة شاربة شحال من كينه باش تنعس مرتاحة لكن شي حاجة فنفسيتها مضرورة و ماعارفاش من شنو .. حلات عين و عين مسدودة .. هزات تيليفونها لقات اسم سرور هي لي متصلة ..

- المى .. شي نهار نجي نهرس ليك راسك و نرجع ..

- سرور .. ههههههههههه الله يمسخك نوضي .. كولشي وجد صونا علينا مستر جلال على النبوري و قال ليا ماتفيقيهاش حتى تجمعو كاملين ..سعداتك يا ختي نتي لعدا يحن فيك ..

- المى ..يحنفيا هي لا خلاني نعس .. بفف .. صافي هاني نايضة اصلا حوايجي مجموعين من البارح ..

- سرور. . امم .. اوكي هاني كانتسناك التحت..

- المى .. تمام ..

قطاعات معاها و دخلات للدوش .. قضات حاجتها و خذات دوش خفيف بلا ماتقيس شعرها ..دورات عليها الفوطة و خرجات كي هزات راسها بان ليها جلال هاز الحوايج لي ختارت باش تلبسهم و كيشووف فيهم .. 

- المى .." مطلعة حواجبها" .. كي درتي تا دخلتي لهنا!؟

- جلال .." ..دار عندها و بادلها بنفس النظرة .." ..قلت ليك عندي سوارت كاع البيبان ..😉..

- المى .." عضات على شفتها و قربات ليه" .. اممم .. واخة اسي مفحتاح خرج خليني نلبس .. 

-جلال .." قرب ليها مد يدو فك ليها شعرها و اليد الثانية دورها على خصرها و عينيه فعينيها لي كيوصفهم دائما بالعسل الصافي لكن بينو و بين راسو .." ..تقريبا شايف كولشي .. بقات ليا بلاصة وحدة ما شايفهاش. .و كلي شوق لديك اللحضة .. الى تكرمتي و تنازلتي و خليتينا نشوفوها غانكون شاكر لهاد الكرم ..😉

- المى .. "خزرات فيه" .. فأحلامك احبيبي. . 

- جلال .. ههههههههههه .." عنقها و حط نيفو فعنقها كيستنشق ريحتها لي كاتفوح منها و شهاتو فيها " .. ريحتك قتالة .. "طبع قبلة على عنقها" ..

- المى .." غفلاتو بالخف و بعدات عليه " .. امم .. خصني نبدل باش نمشيو خلاص .. ياك؟؟

- جلال .." ابتسم بالجنب و هز يديه للفوق ".. ههه خصك تسربي .. بزااف .. الى بقيتي بديك الحالة .." طلع و نزل فيها و عض على شفتو .." ههه.. لبسي و نزلي .. غايجي لي ياخد ليفاليز ديالك .. انا كانتسناك التحت ..

- المى .." حطات يديها على خصرها" بفف دابا شكون غايتسناني ..؟؟ نتا و لا سرور. .؟؟

- جلال .."خزر فيها" علاش فيك الهضرة بزاف؟؟نتي غاتمشي معايا ..سرور غاتمشي مع ليكيب ..

- المى ..وعلاش انا غانمشي معاك؟؟

- جلال .. غاديري لي قلت ليك و باراكا من الهضرة!! 

خرج و خلاها يالله غاتنطق و رجعات سكتات فاش سد الباب .. مشات هزات دوك الحوايج كاتنطر لبساتهم كانو عبارة تيشرت فالزيتي فيه كتابة بالشيبي و الأحمر ..و شورط قصير فالزيتي .. لبسات معاهم سبادري فالأحمر و خلات شعرها على راحتو مشداتو بالبروس و دارت نو ميك اب ميكب بانت كيوت و فحال لا مديراش المكياج .. و دارت لي لونتي فالزيتي فحال لون حوايجها .. هزات صاكادو دارت فيه مراية و تيليفونها و بارفانها من لي شرا ليها جلال فالمول ..رشات منو نيت ..دارت نضاراتها على عينيها و خرجات .. نزلتت للتحت كاتبان ليها سرور واقفة بعيد على ليكيب .. مشات عندها كاتقلب على جلال بعينيها مالقاتوش ..

-المى .. صباحوو..

- سرور .." سلمات عليها بالوجه و الابتسامه على فمها عرييضة" ..صباح الورد .. صافا !!

- المى .. صافا الحمد للله .. .. 

-سرور .. صافي مشينا؟؟ كنت تانتسناك .. ليكيب سبقو ..!!

- المى .. فاش غاتمشيو!!

- سرور ..هوما ف البيس ..و حنا جبونس فالكرافان.. 

- المى .. نو انا ماغاداش معاكم ..😁..

- سرور .." طلعات فيها حجبانها" .. فين غاتمشي مثلا!! على رجليك ..

- جلال .." يالله كانت غاتجاوبها و هو يجي جلال قاطعها .. شد فألمى من خصرها".. مشينا!!

- المى .. " ابتسمات ليه بخفه" .. اوكي ..يالله ..

- سرور .."بقات مدهوشة كاتشوف فيه و نطقات بلا متفكر" . و انا ؟؟

- جلال .." شير ليها على البيس و الكرافان لي كانو واقفين قدام الاوطيل" ..عندك زوج اختيارات يا الكرافان يا الكار ..

-سرور .. ولكن .." شافت فألمى بغل شافو غير جلال فعينيها و هو يخزر فيها كون كانت زبدة كون ساحت" ..

- جلال .. سرووور .. غبري من قدامي .. 

حنات راسها و مشات كاتخبط رجليها بعصبية ركبات فالكرافات و شد هو فألمى لجهة الاوطو ديالو لي كانت جيپ كحلة زاج فيمي فتحو ليهم لي كارد الباب اللوراني و طلعو بزوج ..كانت ألمى باينة الفرحة من عينيها هادو من الحوايج لي كانت تتحلم تحققهم .. لي كارد يفتحو ليها الباب و هي دخل كيف الأميرة هازة مناخرها للسما ..لاحض جلال دبك الابتسامه لي كانت على شفافها و لي عيات تخبي فيها بالحق بانت لو ..شد ليها فيدها و شابكهم مع يديه خلاها غير تتشوف ..فيديهم لي مشادين و فيه ..

- المى ..علاش ماخليتينيش نمشي معاهم؟

- جلال .." مبتسم بالجنب ابتسامه ساحرة" .. الكرافان غادي فيها داك الممثل ديال خرا .. و زيدون المى ميليقش بيها تمشي مع كولشي كأيها الناس ..

- المى ..هههه .. اهاه ..

-جلال " رجع شاف فيها و هز يديها طلها مع يديه لفمو طبع قبلة فوق الخالة لي كانت عندها فيدها " .. ديال الماكله ..

- المى .. ههه مالك مع خالاتي ..

- جلال ..راني گلت لك ديال الماكله ..

رجع راسو للور و و تكاه على الكوسان .. جلال ماشي من النوع لي كيبغي يجلس لور و يصوكو بيه ولكن داك النهار كان باغي يجلس كالم مع المى فالاوطو .. غمض عينيه بقات المى غير تا تشوف تا عيات و هي ترجع راسها تا هي للور بالحق هي مع العياء ديال الليلة لي مانعساتهاش مزان .. لاحت راسها على صدرو و داتها عينها كي طاحت على صدرو حل عينيه ..نزل ليها راسو و ابتسم .. صايبها مزيان على صدرو و دور عليها يديه خلاها ترتاح مزيان و تسترخي بين أحضانو .. حتى وصلو قدام دارهم مباشرة عاد بدى كيلمس يديها و كيهرها فيهم حتى فاقت تترمش بعويناتها..

- المى .." دورات راسها" بان ليها الحي ديالهم.. و هي تصدم .. اخر واحد تبغيه يوصلها للحي هو جلال ..'' ..ش..شنو تنديرو هنا .." كاتمسح عينيها و توكضات". . 

- جلال .. مابغيتيش تشوفي خنك و مك قبل لا تصافري!!

- المى ..بتوثر" ..بغيت .. 

- جلال .."شاف اهتزاز عويناتها" .. نزلي شوفي مك بلا تعنطيز .. مور يومين غاندوز عليك .. و حيدي منك هاد القاعدة ..انا اخر واحد تحشمي منين جاية قدامي ..نزلي ...." كانت هاتنزل ماعاجبها حال حتى جرها على غفلة طاحت على صدرو عنقها و باس ليها يدها .." .. تهلاي فراسك .. غاندوز عليك مور يومين ..

- المى... "حركات راسها بالايجاب .." .. واخة .. 

طلقات منو و حلات الباب شيرات ليه بيديها و مشات تبعها الكارد حط ليها الفاليز قدام الباب ..و مشا .. دورات راسها شافت فالاوطو لقاتها كسيرات و خلات موراها غير الدخان و الجيران كيشوفو فيهم ..

- المى .." خزرات فيهم و خمسات فوجههم" .. واااا بقاااو حاضييني ..العمى .. ..

دورات رايها لخولة لي كانت فتحالت الباب دخلات و ردخات عليهم الباب خلاتهم كل وحدة تتشوف فجنابها ..

- خولة .." طارت عليها بتعنيقه " .. ااعععع جيتي.. نتي هادي بصح 😍😍

- المى .." بادلاتها العناق"... ههههههههههه وايه غير طلقي .. اوف خنقتيني الله يمسخك ..

_ عايشة .." نزلات من الدروج مهبطة النشير غا الشافتها و هي طلقو و مشات تا هي حيدات منها خولة و عنقاتها" .. كبيدتي .. حبيبتي .. الله الله علاش ماقلتيليش جاية .. كنت نجي نجيبك من المحطة..

- المى .." باستها" .. شمن محطة الحبيبة .. الباطرون جابني تال قدام الباب عاد مشا .. 

- خولة .." معجبة فيها" .. الباطرون؟؟ .. و جابك .. لفين ؟؟ قدام بابانا .. فحومتنا؟؟ اوووها!! ههههه

- المى .. ايه الالة .. زيدو دخلوني راكم خابسيني فالباب ولا نرجع فحالاتي !!

دخللاا و تبعوها المى جارة ليها ليفاليز حتال الصالون ..

- المى .. اواااا شاكو ماااكو !! شنو درتو فغيابي ..اشتقتولي ولا لاااء .." حاطة رجل على رجل كاتشير بيها باش تشوف خولة ااخلخال لي كانت عاتموت على واحد فحالو .."

-خولة .." ..شافت الخلخال و خرجو عبنبها" .. للااا هادي مانقبلهاش الحقييرة ..

- المى .. نتي هي الحقيرة الفقيرة .. هههههه .. 

- خولة ..ماسوقيش .. غاتعطيه ليا ..ماااسوووقيش ..

- عايشة..." قرصات خولة .." .. خليها غا تاااخد مفسها .. واه واه مالقيتي غا يمتا تجي تهبي فيها ..

- خولة .. ولاش ختي هي لاااش .." تغبنات .." ..

- المى .." شيرات عليها بمخدة صغيرة " .. ياك المشوطة ..انا ختك غير باش نعطيك ..الله يخليك بالخلا ..

- خولة .. وا صاحبتي بغيت بحالو و نتي عارفة .. من شحال وانا عيني فيه .. 

- المى .." غمزاتها .. " .. هذا خااص ليا .. غانعطيك فلوس و خودي ليك واحد كيف ما كان يكون من اختيارك ..و ذهب من الفوق ..

- عايشة .." يالله الالة شكون بحالك ...

- المى .." خدات من الفاليز بواطة فيها ثلاثية ديال الذهب خذاتها فمراكش فشي مرة كانت خارجة مع سرور من الفلوس ديال ناجي .. " .. و هادي يا لالة ديالك لا نقوليش ماعارفاكش اش باغية ..

- عايشة .."شداتها و ماقاداها فرحة ..." .. يخلي ليا كبيدتي لي مغكراني ديما .. واش تخلصتي ولا شنو .. شحال عطاوك؟!

- المى .. اام .. ماشي تخلصت .. غير عطاوني باش نمشي راسي .. هادشي ابار الخلاص حتى يسالي الفيلم ..

- عايشة .. مزياان الله يرضي عليك .. 

جبدات الغ

فاليز كاتوريهم شنو خذات ليهم و ما وراتهمش لي كادو لي شرا ليها جلال .. خلاتهم فالفاليز الثانية لي قالت ليهم ديال الحوايج لي دات معاها ...ولكن الحوايج لي شرات مع جلال نصهم عطاتو لخولة.. بقاو مجمعين كيضحكو و ناشطين الجو لي افتقداتو المى هاد الشهر .. و غاتزيد تفتقدو من بعد .... ناضت عايشة تصايب العشا و ناضت المى هزات حوايجها طلعاتهم لبيتها و سدات عليها باش ترتاح .. مشات خذات دوش خفيف تحيد عليها عرق الطريق .. و رجعات بالفوطة تكات فبلاصتها كاترتاح ...

#في_مكان_آخر...

- مرتضى .. جبتي ضوصيها ماعليكش .. هههه ..

- سمير...وايلي .. راني كنقول ليك ديما حاگرني ..

- مرتضى .. حاشى .. دابا راك وليتي راجل .." ضرب ليه على كتفو" .. وااه ضوسيها مقود .. ممثله كاع ..ههههه 

- سمير .. ابه ..و لي عرفت انها ماعندهاش مع داكشي ديال التصاحيب ديال البراهش .. عاشىبمنطق كاتبغيني صرف عليا .. و هادشي راني جامعو من مصادر خاصة ة موثوقة ..

- مرتضى .." غمزو .. " ماعليكش ..هههه

-سمير .. كنت كانضن دوك التصاور غاتوصلهم للصحافه .. شفتك لحد الآن مدرتي حتى خطوة ..

- مرتضى .." حط رجل على ىجل كيكمي السيگار ديالو ..'' لالا..بغينا الهلالي يصحابنا نعسنا و نسيناه .. مابغيناهش يضن حنا لي درناها .. ماتنساش شافك فالنادي تالخيل ..!

-سمير..امممم ..و شمو ناوي دير ..!!

- مرتضى .." شاف فالدوسي لي بني يديه" .. غانلعب على الخفيف ..و غانرجع لور و نتفرج ..دوي معاهت و قول لبها باغي نشوفها غدا ..

- سمير ..ههههههه هي اللولة .. 

-مرتضى ..ماتجبدش حس جلال فالتيليفون. 

- سمير... مشات ..........

...... .....

كانت متكية حتى كاتسمع صوت تيليفونها كيصوني ..مدات يديها جرات صاكها خذاتو منو كيبان ليها رقم غريب .. طلعات حجبانها و جاوبات ..

- المى ..وي شكون معايا!!

- الجمال و الفنون .. كيف راك؟؟ اش خبارك؟؟

- المى .. شكون معاياااا!!

-ماتحتديش عليا الغزاله .. ههه .. انا سمير ..

- المى ..متشرفين ...شكون سمير؟؟

-سمير ..توتوتو .. غانتقلق .. لا فريمون غانتقلق منك !! ..ماعرفتينيش .. .

- المى .. " هزات كتافها" .. تقلق ولا نطح مخك مع الحيط انا مالي!! مالنا على هاد البساله...

- سمير .. ههه يانه بصح ماعقلتيش عليا .. انا لي سلمت عليك نتي و الهلالي فالاسطبل ديال الخيل ..

- المى .." تفكراتو" .. هاء ؟؟ فين جبتي نمرتي .. !

- سمير 

..هههه ماشي مهم منين جبتها .. عندي مصادر خاصة واخة لقيت شوية تالصعوبة لكن ممثلو طبعا نمرتها ماغاتكونش عند من والا..

- المى .. سمح ليا .. ولكن هانتا كاع جبتي نمرتي !! و من بعد!! شنو هي كاع ..

- سمير.. ههههههي بزاف .. المهم الخوادري ديالي باغي يشوفك. كانتمنى تقبلي الدعوى ديالنا ..

- المى .. شكن نتا اصلا تا نقبل الدعوة ديالك ولا ديال خوك و علاش غانقبلها .. شننو بغاني؟

- سمير ..المهم ..المكان ختاريتيه غير خبرينا بيه ..غدا انشاء الله و غاتعرفي كولشي . و كانواعدك خاطرك ماغاديش يخصر ..

- المى ..امم واخة .. نتلاقاو ف ..«xxxx» مع الربعة تالعشية ..

-سمير .. ههه واخة الاة ..مع الربعة تلقاينا تما ..تشااو بيلا ..

قطعات الاتصال و حطات التلفون بين شفايفها كاتفكر فاش ممكن يكونو باغبينها 

قطعات الاتصال و حطات التلفون بين شفايفها كاتفكر فاش ممكن يكونو باغيينها .. حطات راسها كاتنادي النعاس و فنفس الوقت دماغها مزالو خدام ...فهاد الوقت كان شخص اخر كيتحاسب على حوايج ماليدوش ..كي دخل جلال للقصر ديريكت مشا للبيت ديال جدو ..دخل بعد ما دق عليهالباب و سمح ليه بالدخول ..

- جلال..سي عبد العظيم..قالو ليا كاتستسلم للشرف..

-عبد العظيم .."فرح بشوفتو ..ابتسم و مدليه يدو"..ضروري من الاستسلام .. 

- جلال.."جلس حداه فوق النموسية و شد ليه فيديه كيطبطب عليها بعد ما باس ليه راسو" .. لاواه ماشي عبد العظيم لي يخلي المرض يدير بيه ما بغا!!

-عبد العظيم .." كيكحب و يديوي بصعوبة" .. هههه المرض خلا جد لور.. داكشي علاش سلمتك كولشي .. " ضرب ليه على يديه" ..حيت تنتيق فيك غير نتااما ولادي .."ميل فمو للجنب".. .. لا حميد .. لا سليمان ولا كمال .. نتا لي نقدر نتكل عليك و نسلمك الكرسي من مورايا اولدي..

- جلال .." ضحك ليه" ..و انا قدها .. و مرتاح حيت درتي فيا تقتك .. الله يخليك لينا و لولادك ...ماتحتاجني لا انا لا تا واحد اخر.. 

- عبد العظيم ..ههه مابقاتش ليا وقت بزاف .. لو كان غير تجي تعيش معانا هنا .. غانطمأن أكثر ...

- جلال .."باس ليه يدو" الله يحفظك اجدي .. بحال كين هنا بحال لا كين لهيه ..

- عبد العظيم.. لوااه اولدي .. خصك تجي تحضي الشغل هنا ..

- جلال ..راني حاضي كولشي اجدي غير نعس على جنب الراحة ..نتمنى غير عمامي ميديروش عليا شي ثورة ..

- عبد العظيم .."" عقد حواجبو" شكون هذا لي غايقدر يقول كلمة فوق كلمتي ..

-جلال ..احم.. جدي بغيت نسولك ..

- عبد العظيم ..يه اولدي سول!!

- جلال ... عمي كمال !! اش وضعو؟؟ هو و ولادو!!

- عبد العظيم... "بان الحزن فعينيه" .. هذاك تمرد و خرج و خرج ولادو .. اش غاندير ولدي و منقدرش ننكر .. من نهار ماتت مرتو و هو فحالة ماهياش .. و ولادو تا هوما تبعوه 

- جلال .. هادشي ماشي ديالنا ..!!ولاد العم ماعارفينهمش ..!! 

- عبد العظيم .." بعد عينيه على عبد الجليل" .. كولشي غايتحل .. قريييب .. كولشي غايبان ..

- جلال ..احم ..نتمناو ...كين واحد الاشكال اخر ..

- عبد العظيم ..اما هو !!

- جلال ..رجوى ..خصها تزوج ..ماآنش الأوان زعما !! راها كبرات و عاد ما كاتكبر ماشي كاتصغار ..

- عبد العظيم .. فكرت فيها .. ساندي فسنها كانت حاملة بتوليب .. غدا انشاء الله غانشوف هاد الموضوع ..

- جلال.. "ابتسم بالجنب" ..مزيان ..اش بان ليك ف مراد ولد عمتي كبيرة !!

- عبد العظيم .." ابتسم نفس ابتسامة جلال" .. هادشي علاش ختاريتك نتا تكون فبلاصتي .. حيت تتفكر بنفس التفكير ديالي .. كنت مرشح ليها مراد ولكن هي لي غادي تختار ..من ولاد عماماتها كبيرة و مرية ..راك عارفها عزيزة علبا منقدرش نفرض عليها شي حاجة ..خليها هي تختار .. ..

- جلال ..امم .. واخة ..يكون غير خاطرك الحبيب .....

- عبد العظيم... كي دير سليمان؟؟

- جلال ..مكيجيش عندك؟؟ مكيزوركش؟؟

- عبد العظيم .. راكعارف العلاقة ديالي مع باك و عمامك .. كيتسناوني ايمتا نموت ..

- جلال .. " زير على سنانو" .. راك باهم يا حصرة .. غانعرف شغلي معاهم ..

- عبد العظيم ..ماتدخلش .. هادي هي الحاجة الوحيدة لي ماتدخلش فيها ..

- جلال .." تنهد و طول فيه الشوفة" .. واخة الحبيب ..نخليك على راحتك .." " ناض وقف و غطاه " ..رتاح ليك ..تصبح على خير 

خرج جلال ديريكت مشا للجناح ديالو و قبل ما يوصل طل على باب بيت رجوى لي كان مفتوح .. دخل راسو فالباب بانت ليه مكمشة فاليزار و مغمضة عينيها .. قرب ليها بانت ليه عرقانة و كاتهتهت بكلمات غير مفهومة ..تنهد و باسها فجبهتها .. بقى معاها مدة مسح ليها العرق بيديه و خرج فتح بيتو و تلاح على كرشو ديريكت فوق الناموسية من فرط التعب

.... صبااح يوم جديد مارسات فيه المى كاع طقوس روتينها اليومي من دوش و تجميل و تعطير و لباس كدلل نفسها كأنها كدلل بيبي صغور .. بعد نزلات جلسات مع عائلتها الصغيرة حتى و صلات الوقيتة لي فيها ميعادها مع سمير .. شافت ساعتها قبل و طلعات هزات صاكها .. صيفطات ليه ميساج قبل و العنوان لي هي بغات يتلاقاو فيه و شدات طاكسي و مشات .. كي وصلت صيفطات لو بلي وصلات و هو يوقف عند باب الريسطو كيتسناها ..كي شافها ابتسم ليها و شير بيديه ..

- سمير ..اوه ..الفنانة ديالنا ..مرحبا .." مدات ليه يديها باسها" ... نورتي ..تفضلي. .

ابتسمات ليه ابتسامة شبه ضاهرة" ..دخلات كاتشوف الفوق كيف عادتها .. كيف شافها مرتضى وقف مبتسم ..كان شايفها فالتصاور لكن تشوف المى فالواقع حاجة و تشوفها فالتصاور حاجة تانية خااالص .. حيت غير بمشيتها كاتخلي الواحد يطول فيها الشوفة .. هذا غير الشوفة ديالها

- مرتضى ..مد ليها يدو سلمات عليه" .. أهلا ..

- المى .." ابتسمات ليه " .. شكرا ..

- مرتضى .."جر ليها الكرسي حتى جلسات و جلس قدامها" .. مرتضى الخليفي .. غاتكوني سمعتي بيا على الأغلب ..

- المى .." حيدات نضاضرها و طلعات فيه حجبانها بعدم اهتمام" ..لا مسمعتش بيك جامي .. مع اني كانعرف اغلبية الناس لي باينين فالوسط ..

- مرتضى .."ابتسم و شاف فسمير " .. ههه اكيد غير حيت خدمتنا متمركزة برا المغرب .. كنجيو خطرة خطرة ...

- المى .. اوه .. مزيان ..ممكن نعرف الله يخليك شنو بغيتي مني. .؟

- مرتضى ..اولا بغينا نتعرفو عليك .د..سمير من لي شافك مازكاش من الهضرة عليك .." كيحك فلحتو" .. و جاني فضول نشوفك ..

-المى .." ضحكات بالجنب .." .. ههه ..تعرفو عليا .. واخة اسيدي .. هانتا تعرفتي عليا و من بعد!! شوف غانقول ليك زوج كلمات ..اكثر حاجة مكنحملهاش فهاد العاالم ..هي زوج دالناس .. واحد يضيع ليا وقتي على الخوا الخاوي و حاجة ماغاتفيدنيش!! يا واحد يدخل و يخرج معايا فالهضرة .. و نتا درتيهم بزوج ..مضيع ليا وقتي باش تعرف عليا و كادخل و تخرج معايا فةلهضرة .. و فهاد الحالة اش غاندير .." هزات نضاضرها و صاكها .." ..غانوض و نمشي فحالي ..اسي ااخليفي ..

- سمير ..مالك على هاد الزربة .. الهضرة مزال جايا فالطريق ..ريحي اكيد غانتفاهمو ..

- المى .." طلعات فيه حاجبها" .. الدخول و الخروج ماعنديش معاه .." شافت فبهم بزوج" .. دخلو فالموضوع ..

-مرتضى .." كيحك لحيتو و كيشوف فيها باعجاب " ..هههههه نتي المطلوبة .. نتي .. و بس .

- المى .."بعدم فهم " مطلوبة فآش !!

- سمير...جلال الهلالي ..

- المى .." كانت عارفاه هو لي غايكون الموضوع ديال هاد الموعد ابتسمات بالجنب " من لي شفتك .. عرفت شي بلان عندك مع جلال ..

- سمير .." ابتسم ليها" ..و انا كنموت على الذكيات ..فحالك ..

- مرتضى .." بدون مقدمات" ..بغيناك تخدمي معانا ..

-المى..ضد جلال ؟؟

-مرتضى .. شكون قال ضدو!! غاتخدمي معانا بلا ضد بلا أذية .. .. بغينا منك حااجة وحدة ..

- المى ... شنو هي؟؟

-سمير ..بغيناك تراقبيه .. 

- مرتضى ..احم .. ماشي بهاد المعنى .. بغيناك تكوني معاه و تخبرينا بجديدو .. اي حاجة سمعتيها منو تقوليها لنا هاذا مكان .. 

- المى ..زعما جاسوسة ..!!

- مرتضى .. توتوتو .. لالا ماتقوليش هاد الكلمة ... اعتبريها وضيفة بأجر غير محدد .. نتي ديري الرقم لي عجبك ..و حنا علينا غير نقبلو .. و نقولو امين ..

- سمير ... " كيدور صبعو جهة راسو" ..فكري فيها مزيان ..نتي دابا داخلة على مرحلة جديدة من حياتك .. حياة المشاهير .. و الكاميرات .. هادشي فين مصاريف. !! لباس مجوهرات .. مصففين شعر الميك اب ..هادشي كلو خصو يكون على اعلى المستويات باش تباني نجمة ديال بصح ..و كي طلعي فالالطابي غوج تباني حسن من اي وحدة فكري مزياان فالدار لي خصك تسكني فيها كيفاش غاتكون .. ديكورها .. الموقع ديالها .. هادشي كلو فكري فيه ...

- مرتضى .." قرب ليها و حط يد فوق يد على الطبلة" .. عنداك يجيك فبالك بلي داك الفيلم لي شاركتي فيه غادي ينفعك فهادشي كامل .. .. !! .. ماتنسايش هذاك راه عاااد فيلمك الاول .. و ايمتا غايرجعو عليك عائداتو ..!! فكري مزيان ..

- المى .." غمقو عليها بقات غا تتشوف فيهم تقول لسانها صرطاتو ..عضات على شفتها و وسعات فيهم عينيها للحظة لكن رجعات تمالكات اعصابها و حاولات تهذي راسها.." امم ..هادشي لي كاتقولو تطير ليه الرقاب ..!! واش عارفين داك الشخص لي تدويو عليه الى اكتشف هادشي اش غايدير ليا و ليكم!!!!!!؟

-سمير .. و داكشي علاش ختاريناك نتي بالضبط .. حيد ذكية و عندك تأثير ساحر ..😉..

- المى ..اممم .. " ناضت وقفات" ..واخة ..غانفكر مزيان و نرد عليكم ..

- مرتضى .. ماتنسايش نتي غاتعيشي عادي ماغاديش نزيدو عليك اي حتجة من غير لي دازت قدامك تقوليها لنا .. هذا ما كان ..

- المى .." عضات حنكها من الداخل .." .. غانشوفو .. 

هوات صاكها و خرجات تحت نظرات متعطشة من كل واحد فيكم اما هي شدات طاكسي للدار و قبل ماتوصل سمعات تيليفونها كيصوني .. هزاتو و هي طلع لها سمية جلال قفزات و شافت فيه مخرجة عينيها ..

-المى ..بسم الله الرحمان الرحيم ..ياك ما وصلوه الخبار😯..

- سائق التاكسي... قلتي شي حاجة الأخت .

- المى .." طلعات فيه راسها" .. كندوي مع راسي ..ديها فالطريق عافاك .."هزات التيليفون المرة الثانية لي صونا عليها فيها " ..الو ..

- جلال .. فين كاينة!!

-المى .."بتوثر" .. امم .. فالتاكسي!!

- جلال .. ايه اش كديري فالتاكسي!! فين كنتي !

- المى .." مزيرة على يدها" .. عند .... عند واحد صاحبتي .. و نتا علاش كاتسولني بالسلامه !!

- جلال .. هاد الهضرة من بعد و نتفاهمو عليها .. رجعي لدار و فاش تبغي تخرجي علميني .. انا نصيفط ليك لي يخرجك ..خليك مهدنه هاد اليومين على مانسالي شي مشاغل عائلية ..

- المى ..اممم .. واخة .. باي .. 

قطعات عليه التيليفون خلاتو هازو و كيشوف فيه .. و رجع شاف فعلي لي كان جالس وراه ..

- علي .. " غمزو" شكاين !!

- جلال.." خزر فين ..." ..طالعة لديلمي القردة .. ماتبداش لانخرج فزامل بوك..

- علي ..ههههههه ماقلنا والو .. شاعل غير بوحدك .." ضحك بالجنب و غمزو .." .. اش بان ليك فشي طرح ديال الباسكيط''؟؟

-جلال .." ابتسم بالجنب .." .. طرح !! ههههه باين ليا توحشتي تفرشخ..

- علي ..هههه لا المستوى ديالي طلع فيها .. هاني نوبتك نتا تفرشخ..😉

-جلال .." ناض وقف" .على هاد الهضرة غانفرشخ مك تفرشيخ ديال الكلاب ..

- علي ..", ناض تا هو وقف قدامو" .. ههههههههههه يالله زيد راني جاي موجد .." "شير ليه على الصاك لي جايب معاه ..

-جلال ..سبقني ..نبدل و نجي ..

طلع جلال للجناح ديالو لبس شورط اسود قصير و صوفيطمة حمراء مع باسكيط فالأبيض ..و نزل للملعب ديال الباسكيط لي كين فالجهة الثانية من القصر ..لقا علي يالله خرج من الفيستير لابس صوفيطة فالبيض و الكحل وسعة و سروال اسود و فيديو الكرة ديال الباسكيط. ..

- علي .. مستعد للهزيمه؟؟ 

- جلال .." مشى بخطى ثقييلة حتى وصل لعندو غفلو بحركة مفاجئة حيد ليه تللكورة و بقى كيدريبلي بيها .." هههه الهضرة ماشي هي المهم ..الفعل هو المهم .." 

.. تبعو علي كيحاصرو بيديه و يدوز ليه يمين و شمال و هو ماد يديه مكالي على الكورة فنفس الوقت كيدريبلي بيها..عاود غفلو و رماها للسلة ماركى على علي بيت ..

- علي ..باه باه باه ..هههههه 

- جلال .." ابتسم بالجنب" ..ههه باقي باغي تلعب ...!

- علي .." خذا الكورة و رضها ليه ".يوم حظك و صاافي .. 

- جلال .. ههههههههههه هذا ماسميتوش حظ اعشيري ..هذا سميتو تكنيك فني فاللعب مع المعنطزين بحالك لي فيه غا الفم ..

- علي .." غمض عينيه من الشمس" ..حتى الجو مامساعدش ..

- جلال ..دائما الفاشلين كيحطو الف عدرعلى فشلهم ههههههههههه .."مشا كيدريبلي بالكورة فنفس الوقت علي تابعو كيميل لكل جنب مالت معاه الكورة... و على غفلة خذاها من جلال دورها للناحية تانية كيدريبلي بيها" .. هههههه ..اوف.. سمعت شي تنقنيق هاد الأيام ..

- جلال .." تابعو و ماد يديه محاصرو" . ..شمن تنقنيق ...

- علي .. ههههه .." غمزو" .. نتااا .. و المى .. 

- جلال .." تقدم منو باش يحيد ليه الكرة لكن قلبها للناحية الثانيه" .. مالنا!! مالها المى ..

- علي .." غادي بالكرة لجهة السلة باش يماركي حتى غفلو جلال خذاها منو و داها للجهة المعاكسة .." ..الايكيب كاملة كادوي عليكم .. وليتو تقريبا حديث الساعة . ... ههههه اش تما ..

- جلال .." ضرب الكرة فالسلة ماركا عليه" .. سوق مك و مهم اش تما؟؟ لا اوا تلاح ..

- علي ..هههههه وا حضي مادلين وصلوها الخبار .. و غاتجي مافيهاش ..

- جلال .. " ابتسم بالجنب و ضرب الكرة لصدر علي ..'' تجي مرحبا .. الى بغات ترجع مشتته مرحبا .. و هي عارفه هادشي مزيااان ..

- علي .. ههههههههههه ..بس .. الكيميا لي بيناتكم قربات تحرقتا .. شوية ديال التستر و الىبغيتي هاد المرة تبوس تستر .. عيون الكاميرا مجليين فينما ديك النهار عاد هرست وحدة .. 

- جلال ..الزامل لي قال ليه راسو يزمل يزمل عليا انا .. بربي و ينشرو شي ق**ة تا نسد لمهم داك الخرا باش فرحانين .. كانلعبو هنا ..

- علي .. الصحف مايقدوش عليك .. ولكن ماتنساش مواقع التواصل الاجتماعي .. هذا يدير طاغ لهذا تا العالم كامل يسيق الخبار ..

جلال ..غايديو مني غا ز** .." هز الكرة على غفله كيدورها بين رجليه .. يدخلها من هنا و يخرجها من هنا .. و هزها بغا يلوحها من الفوق غير شاف علي طلع يديه و هو يدوزها ليه من الجنب حدا راسو و ماركا عليه " .. هههههه سير تعلم تلعب هههه ..

- علي .."كيحك راسو" .. كاتغفل .. كاتغفل هههههههه

مشا علي لجهة الفيستير يبدل اما جلال حيد الفوق خلاها معلقة فعنقو و مشا هز قرعة تالما خواها على وجهو خلى قطراتو ينزلو على شعرو و لحيتو بطريقة مثيرة و كذلك صدرو حتال الصمطة ديال الشورط .. نفض راسو يمين و شمال باش يتساس الما و جلس فوق الكازون لي كان بجنب الملعب كيفكر فصوت المى لي كانت فيه رجفة اول مرة يسمعها .. و هادشي كيعني انها عندها شي حاجة مخبياها .. خصوصا انها مكاتوثرش بالساهل .. عض على حنكو من الداخل و بقى جالس تما حتى التحق بيه علي لي جا مدوش و مبدل .. 

- علي .." طلع و نزل فيه كان جالس مفرق رجليه .. وحدة طاويها و وحدة لايحها .." .شي طرح ديال ضاما ..؟؟

- جلال .." علا فيه راسو" .. شي طرح ديال مك لا؟؟اجي لهنا.. حط ليا شي واحد على الممثلة ..

- علي .." غمزو" ..اش تم ..؟؟

- جلال ..وسقوك؟؟ دير لي قلت ليك بلا تسوال !!

- علي .. امم..واخة اسيدي نديرو عليها واحد و حتى زوج ..

-جلال... "ناض مبعد على علي" ..غانشوفو اش تحت راسك سينيوريتا ..

وصلات للدار خلصات الطاكسي و نزلات تتمشى فالدرب و بالها مشوش .. حتى حسات بيد تحطات على كتفها دارت بشوية عليها .. 

- عبد الجليل... "مبتسم" .. شحال هادي ما شفتك غبرتي!!

- المى .." عضات على شفتها التحتية" ..اه .. عبد الجليل ..اهلا ..

- عبد الجليل ... قالو ليا خدمتي ..ممثلة .." ابتسم ببشاشة كيف عادتو" ...مبروك عليك فرحت ليك ..

- المى .." طلعات فيه حاجبها" ..امم واخة ماشي هاد الهضرة لي قلتي المىة لي فاتتت .. لكن شكرا .. 

- عبد الجليل ..." حنا راسو" .. نساي المرة لي فاتتت .. نساي كاع المرات ..من اليوم غاتلقايني كيف بغيتيني .. خوك ..غانوقف بجنبك وقت ما حتاجيتي ..نساي اي نصرف مني معجبكش ... خليني خوك كيف ما كنتي تتعتبريني من ديما ..

- المى .."دلات شفتها" .. اممم شو جد ..

- عبد الجليل ..قولي بغيت نتقبل الواقع كيف ما هو .. انا وياك عمرنا كنا لبعض .. نتي فجيه و انا فجيه و جامي غانتلاقاو .. اذا مكين لاش نمرض روحي .. كا ولا ما كاا!!

- المى .." ابتسمات ابتسامة عريضة" ..سوبر كا ..ههههه..

-عبد الجليل.. هي لا قبلتي نديرو شي كافي ..!!

- المى ..والله الى عاد درتها ..بغيت نرتاح ..خصني نفكر فشي حوايج قبل لا نسافر..

-عبد الجليل .." طلع حاجبو نزل لاخر" ..علاش غاتسافري تاني؟؟

- المى ..يس ..برا المغرب هاد المرة ... جيت غير يومين و غانمشي ...

- عبد الجليل.. اه .. اوا نشوفوك على خير .." ابتسم و طول فيها الشوفة" ..الله يوفق ..

- المى .." ابتسمات بدورها" ..امين ..شكرا .. 

- عبد الجليل ..نخليك تمشي ترتاحي ..و الى حتاجيتي شي حاجة .. فحال ديما شيري من السرجم غاتلقايني ..

- المى .. ههههههههههه واخة اسيدي .. 

حنى راسو بجنتلمانية مع ابتسامتو الساحرة ..و مشى ركب فالاوطو ديالو ...اما المى بقات غا تاتشوف فهاد التغيير المفاجئ لي طرا لعبد الجليل بعد ما كان كيشوفها كيدوب ..ولا دابا متحكم فراسو و فكلامو.. واخة شوفتو مزال فيها ديك النضرة ديال الاعجاب لي كيشوفها بيها كل مرة كاتلقى بيه ..كملات طريقها للدار كي دخلات دورات راسها مبان ليها حد و هي طلع فتحات الباب ديال بيت خولة لقاتها جالسة فوق النموسية فحال لا مصدومة .. شي حاجة فيها مغيرة .. 

- المى .." لاحت الصاك ديالها و مشات جلسات حداها ملسات لها على شعرها .." ..خوخة ياك لاباس مالك!!

- خولة .." شافت فيها ببلادة .." ..معرفتش اش كيوقع ليا .. ماعرفتش ..مابقيتش باغية نشوفو قدامي ..مابقيتش باغية نشوفو مع شي وحدة واخة تكوني نتيي .. مكانقدرش ..

- المى .." قاست ليها جبهتها" ..الله ياربي تي شكون ضربك بمقلة ... شكون هذا؟؟

- خولة .." ناضت وقفات و تقابلات معاها" ..عبد الجلييل .. 

- المى .." وقفات تا هي" ..واش حماقيتي ..!! عبد الجليل كيعتبرك ختوووو..سمعتي نتي و شيماء عندو فنفس الدرجة ..مكبفرقش بيناتكم .. ماتنسايش واش هو لي كان كيشري لك الحلوى و يوصلك للمدرسة .. اش هاد الهبال اصاحبتي .. ديري شوةي عقلك ..

- خولة .. شي حاجة الداااخل تتقول غير عبد الجليل .. راك عارفاني شحال متعلقة بيه .. من الصغر .. واخة كنت عارفاك تتعجبيه مكانش كيعجبني كيف تتعاملي معاه .. ولكن راه شي حاجة فقلبي ليه ..

- المى ..'' خزرات فيها" ..هذاااك سميتو الولف .. نتي ولفتيه ماشي كاتبغيه ..واش عمرك سمعتي على بنت تتغير على صاحبتها .. اوا هادي هي علاقتك مع جليل ..نتي تتغيري من اي واحد قرب ليك نراهنك انك تتغيري تا من ختو الى اهتم بيها كثر منك و هادشي راه من الصغر كنا ديما تنضحكو عليك فاش تتبداي تغوبشي و تغبني .. نتي علاقتك مجرد صداقة معاه .. صداقة مقربة فقط ..ديري هادشي فبالك ..و نهار تدخلي معاه فعلاقة جدية غاتعرفي مزيان بلي ماهواااش داك الانسان لي نتي باغية تكملي معاه .. من صغرك و نتي معاااه .. شنو غاديرو فهاد العلاقة و نتوما كاتعرفو كولشي على بعضياتكم .. لا مغامرات والو ..حياة مملة و روتين يومي غايقهرك ..نتي و جليل علاقتكم تقدر تكون مثالية و هادئة الى كان توافق بيناتكم يعني لا كان تا هو باغي العلاقة ولكن عمرها غاتكون علاقة فيها الجديد ..مغامرات و حياة .. يعني لي كين اليوم كين غدا .." حطات يدها على كتف خولة و تنهدات.." نتي خاصك شي واحد فحالك.. ضحوكي و نشايطي .. و فنفس الوقت جديد عليك .. بشخصيتو ... و بوجهو .. و بطبقتو الاجتماعية .. هكذا غادخلي فحية جديدة .. ماشي حياتك لي من ديما عايشاها و حيدي عليا دوك القصص لي غايخرجو عليك مفهوووم

- خولة .." حنات راسها" ..معرفتش واش كلامك بصح ..ولكن .. خوديني معاك ..بغيت نرتاح شوية ..

- المى .." اااخدك فييين يا ختي .. ههههههههههه هو انا طالعة سياحة ..

- خولة ..وا راه محملتش نشوف زلافتو ..صافي بغيت نمشي نحيد من هاد القنت واحد المدة باش نولف على فراقو ..

- المى .. لي سمع فراقو يقول مزوج بيك الله يمسخك و يمسخو فنهار واحد .. بغيت مرة وحدة ندخل لهاد الدار و نفكر فراسي.. 

- خولة .. " ببرائة .." غاتديني معاك!!؟

- المى ..و عايشة لمن نخليوها لجيران!!

- خولة .. علاه مافخباركش .. راها مشات تجيب خالتي نورة من المحطة ..

- المى .. بصح نورة غاتجي !!

- خولة ..ايه الالة بغات تشوفك قبل ما تمشي ..

- المى .. صراحة نورة هي لي كينة فخوالي .. هي لي كنحس بيها على الاقل عزيزة عليها ..

- خولة .. خوالي لاخرين كباار و عقليتهم قديمة .. اما نورة كبر منك غير بعامين ..سو ..!! عقليتها مزالة جون ..

- المى ..وواه .. انا غانمشي نريح فبيتي .. مانسمعش حسك ..حتى تجي ماما و قوليها لي..

- خولة....و غاتديني معاك!!

- المى.. واش لعب الدراري هذا ..راه خدمة هاديك الالة بعد يومين غانمشيو ..سيري تريحي اللرض لي سمعك يقول غانمشي عام .. راه غا عشر ايام زوج مشاهد لي غانصورو و نرجع ..

- خولة ..واخة و الله لا بقات فك ..

- المى .." ماشية تخرج" ..خليها تبقى فك ..

....مشات ديريكت لبيتها .. بدلات حوايجها لبسات بيجاما فالغوز بيبي فيها ارنبان فالقدام و الشورط ديالها فيه قليبات بالغوز غامق ..جمعاتشعرها شينيون و ديماكيات وجها ..رشات عليه ماء الورد و دهناتو بالفيتامين E باش تغديه و تخليه محافض على نضارتو.. نزات تيليفونها و دخلات للانستغرام ..كيف عادتها الكارديشيانات هوما لي كيثيرو انتباهها .. دخلات لصفحاتهم تتشوف شنو الجديد عندهم واخة عقلها كان خدام و مشغول فاللقاء ديالهامع سمير و مرتضى و كملات علبها خولة حتى هي ولكن كانت تتلف الوقت بالسوشل ميديا... كملات دورتها الشرفية فالانستغرام لقات راسها غير تتغدد مع المكياج و المجوهرات و لباسهم و هيتحط التيلي حداها و مشا بالها لنفس الموضع .. 

- المى .." تتحدث مع راسها" ..اووف .. خرجو من دماااغي يااا ...لالالا مستحيل نقبل بحاجة بحال هادي .. جلال الى عرف غايقلب دينيا عليا ..مستحيل .. " حطات يدها فوق راسها" ..ولكن هضرتهم بصح ..عندهم الصح فكل كلمة .. الى كان جلال كيجيب ليا لي كادو دابا و مفرحني بزوج شرويطات ..اكيد من بعد غايمل و يعيا ..!!شنو نكون جبرت انا الصبع الوسطاني!! .. اصلا غانولي معاهم ننقل غير الاخبار ماشي شي حاجة لي صعيبة دار ..و غاناخد عليها مبلغ انا نحددو ...يعني غانوصل لرصيد محترم فالبنك .. ..اووف .. " حطات راسها على المخدة " اش غاندييير ااااش غاندير ..

قاطع تفكيرها الباب لي تفتح عليها ..

- نورة..." دخلات عليها" اوا يا ختي نوضي غا استقبلينا .. 

- المى .." نقزات من بلاصتها" .. نونة على سلامة ..هههههه كون عرفت كون جيت لك للمخطة .. " مشات عنقاتها و سلمات عليها بالوجه" ..توحشتك ..

- نورة .." مبتسمة" .. حتى انا توحشتك و طلاااع ليا دم فاش عرفتك سافرتي و ماقلتيهاليش ..كان يصحابلي غاتخرجي برا تالمغرب تا قالت ليا عايشة جيتي ..هزيت شطايطي و زدت ...

- المى ..واراه زربوني زادو تصلو بياو قالو لي غانسافرو اليوم ..

-نورة ..اممم احيااني عليك انا عارفاك ماعندك مع حد ..

-المى ..اوا نتي .. راك عارفاني شحال كانبغيك ..

-نورة ..تاانا ربي شاهد .. اوا كيداز التصوير كي جاك التمثيل.. هاي هاي غانوليو عندنا ممثلة مشهورة فالعائلة ..هههه

-المى .. ههههههههههه اوا التمثيل غير سكة للهدف الرئيسي ..

- نورة ..اوا يوا يا لالة عارفاك تموتي على الحبة ..

- المى ..و شكون ميموتش عليها ههههه..عرفتي جابك الاه ديري ليا ليبيلاسيون .. 

- نورة ..الى جيتي عليا سيري ديري الليزر ..

- المى ..وا راه مابقاتليش الوقت اصاحبتي ..خصني الوقت ..

- نورة ..اش عندك غدا ...نمشي معاك ..

-المى .. امم ..واخة غدا نمشيو ..

بعد جماعة طويلة عريضة و استرجاع لشنو كدير كل وحدة فيهم نزلو للدار التحتية لقاو عايشة موجدة ليهم كل ما لد و طاب ماخلات ماشرات من الزنقة فطائر و مسمن و حرشة .. خلات غا لي نسات و زادت نصبات طاجين من داكشي لي كاتبغي المى ..و جلسو على الطبلة مجمعين و كيضحكو و يسترجعو الذكريات اما خولة كانت جالسة ساكتة و فينما تشوف فيها المى تبادلها النظرة ببرائة و دلي شفتها بطفولية .. 

- المى ..امم ..ماما ..

- عايشة .. " حطات الخبز و طلعات فيها راسها" ..هانعام ..!

- المى ...دابا الى بغيت ندي معابا خولة غاتخليها تمشي!!

- عايشة .." طلعات فيها حجبانها" ..يه اختي ..تمشي نتي .. و تمشي هي .. و نبقى انا الله الله نشوف فالحيوط ..

- المى ..راه ماغانجلسوش بزاف اصلا انا غير افترضت ..

- خولة ..عافاك اماما خليني نمشي معاها عافاااك ..😪

- عايشة .. " ليعاتها" .. زمي عليا ..فين تمشي فين .. هي تخدم و نتي اش تمشي ديري .. 

- خولة .." تتحك فالقرصة .." وا نونسهااا ..

- عايشة ..ايه و انا شكون يونسني .. هااا الجنون ..

- خولة .. واراه ماغانتعطلوش تما تا شهر ماكامل .. غير نخرج نبدل الجو اوف تقهرت ..

- نورة .. و امتحاناتك؟؟

- خولة ..الامتحانات لي كينين دابا راني دوزتهم ..مابقى عندي والو دابا .. عاافاااك اماما..

- نورة ..الى كنتي غاتخليها انا نريح معاك اصلا انا جاية حجه و زيارة .. غانشوف واحد السالون كبير هنا ندفع ليهم اختي نخدم هنا و منها نجلس معاك ..

- المى .. " بفرحة .." خير ما درتي و الله ..

- عايشة .. و الاهيلا مزيانة ..يا ختي شي حد فيكم يقرب ليا .. 

- خولة.. اوا هانتي لقيتي الوناسة خليني عافاك .. 😫

- عايشة .." خزرات فيها" ..كولي لا بغيتي تاكلي ...و زيدون ختك راه غير افترضات

-المى .. انا مزال عاد غانسول الباطرون ديالنا واش ممكن ههه ..

- خولة.. المهم بعدا ناخدو الموافقة من عند نبع الحنان .. اش قلتي يا سكر..😍..

-عايشة ..ضبر راسك..

- خولة .." طارت علبها عنقاتها" .. اححح كنت عارفاك ماغاترضينيش ..

- المى .. ماتفرحيش بزاااف ..هههه 

- خولة ..،" قلبات فيها عينيها" .. اووف غايكوون خير ..

بعد ما كملو عشاتهم جلسو فالصالون على الحديث تاني و هادي حاجة مكيعياوش منها النساء خصوصا لا جات عندهم العائلة بقاو حتال وقت متأخر من الليل عاد ناضو كل وحدة مشات لبيتها..و نورة مشات لبيت الضياف ..المى تا هي قبل ملتنعس شربات الدوا ديالها ديال النعاس باش ترتاح عاد نعسات ...

#أيتها الأنثى التي في صوتها تمتزوج الفضة بالنبيذ و الأمطار ..

و من مرايا عينيها يطلع النهار ..

#أيتها الأنثى التي يختلط عسل عينيها بالقهوة ..

كفى بك فتنتا و كفى بك جمال ..فعقلي بات مشوش ...

كان ناعس على كرشو معري كلو لابس غير البوكسر نصو مغطي بالملاية و نصو عريان .. كل رجل لايحها لجهة شاد النموسية لي تهز ربعة غا بوحدو لي شافو من الفوق مايقول عليه غير عملاق و هو غير جلال مشتتت راسو فالناموسية ..سمع الفون ديالو كيصوني مد يدو هزو من فوق الكمودينو ..شاف فيه و لقى اسم المى لي مسجلو هو ب " كراميلا " حك عينيه و حطو على ودنيه بقى كيف ما هو ماتحركش..

- المى ..جلال؟؟

- جلال .. كراميلا ..!!اش كين على الصباح ..

-المى .. " كتفرك يدها" ..صباح الخير ..

- جلال ..صباح الخير ..

- المى .."تتحلون" .. كيف صبحتي ..صافا ..

- جلال .." تقلب على ضهرو و حط يدو تحت راسو" .. ملي فيقني هاد الزين راني بيخير .. ..

- المى .. ههه اوا مزيان .. امم كنت بغيت نسولك ..

- جلال .. مفيقة ديلمي باش تسوليني ..سول نعام اس ..

- المى ..امم ..صافي غير رجع نعس مانسولك ماتسولني ..

- جلال .. الى سميتك مرا طفه .. بربي تا تلقايني مهرس باب داركم ..

- المى ..اووف .." خزرات ..ندمت كاع تا تصلت بيك ..

- جلال .." ضحكبالجنب" ..اتصلتي و لي كان كان ..اش بغيتي ..

- المى .." قلبات عينيها" ..كنت باغية نسولك واش واخة تمشي معايا ختي خولة .. محتاجاها معايا ..

- جلال .. ""عصر عينيه بصباعو" .. فاش محتاجة ختك!! 

- المى .. وا انا و خولة مكانتفارقوش .. داكشي علاش .. واش كين كي نديرو نديوها معانا!!

- جلال ... بفف .. واخة الالة... نديوها .. ماشي غا نتي لي محتاجاها ..

- المى ..كيفاش !!

- جلال .. هههه ماديريش فبالك .. 

- المى .. واش بصح تقدر تمشي معانا!!

- جلال ..ايه ..

- المى .." بفرحة'' .. كان يصحابلي مستحيل ..اوف ..

- جلال ..مكينش مستحيل مع الهلالي ..

- المى ..هههه شكرا بزاف ..😍..

- جلال ...تخرجي بلا خباري نتفاهم معاك .

- المى .." حيدات التيليفون من ودنيها و شافت فيه عاودات رداتو" .بلاتي..واش نتا غاتولي تحكم فيا؟؟

- جلال .." مستمتع بصوتها لي كان باينة فيه بدات تتعصب" ..بحال داكشي ..،

-المى .." زيرات على فكها" ..اهاااه بصفتك اشنوو ..هاا .. مالك ضارب بيا لااكط ..

- جلال .. غانجي نضرب بيك الحيط الى مازميتي و نوريك شكون انا ديك الساع ..

- المى .." كاتحاول تكبح غضبها" .. واخة .. صافي ..مكاتفوت حتى فرصة باش تستفزني و تنوض فيا الجعرة ..

- جلال .. انا بغيت غا نوريك شكون انا ..كون وريتك داك النهار و ح** غاتولي ليا عليك سلطة يمكن حسن من دابا ..

قبل ميزيد يقول شي حاجة تخليها تخشى تحت النموسية قطعات الاتصال اما هو بقى كيضحك عرف اش قال واخة مكانش ناويها جات على فمو لي مكيقدرش يتحكم فيه .. لاح الفون فوق الناموسية ..طرطق عنقو عاد ناض دخل للدوش فتح الرشاشة تالما بارد هادي عادتو مستحيل يغسل لا بما سخون ولا داقي واخة يكون الموت تالبرد كيخوي عليه الما باارد ..دوش و لوى على نصو فوطة فالأسود و خذا فوطة اخرى صغيرة دارها على راسو كيمسح بيها شعرو ..دخل للدريسينغ خذا منو شروال أسود و شوميز بيضاء مع جيلي اسود .. لبسهم و لبس صباط كلاس .. مشا للجهة المخصصة للسوايع اختار ساعة فضية من ماركة (Rolex) لي كانت الكوليكشن ديالهم لديك الساعة تطلقات على اسم جلال ..لبسها و دار براسلي اسود ..خذا ريحة ديالو رشها مزيان عاد خرج .. خذا تيليفونو و مشا للبالكون كيطل منو و يفكر فهاد الاجتماع لي غايكون مع العبد العظيم و العائلة كاملة ... حتى سمعصوت الباب تفتح تيتسنى شكون هذالي مادقش الباب و جاي مدرم .. لكن غير شافها ابتسم لا إراديا ..

حتى سمع صوت الباب تفتح تيتسنى شكون هذالي مادقش الباب و جاي مدرم .. لكن غير شافها ابتسم لا إراديا ..بنوتة فعمر الخمس سنوات ..شعرها بني واصل نصف ضهرها ..خصلاتها الطويلة طيحين على وجهها .. درية بوند فالغوز فحال الكسيوة لي لابسة ..ضربات بشعرها للور و شافت فيه بعويناتها الكبار .. علاقة جلال بالبنوتات الصغار كتخليه يرجع للسنييين لور يرجع للطفلة لي حببلتو فكاع البنيتات ..

- توليب .. "هزات يديها بصراخ مرح" ..ماي هيرو 😍

-جلال..هههه" جلس على ركبتو و فتح ليها دراعو" ..توتو..

مشات تتجري عندو عنقاتو و بدا كيضور بيها بالحركة لي تتعجبها حتى حس بيها بدات تدوخ و تدي راسها للور عاد وقف و عنقها" ..

- توليب .. me to..i miss you so much..

-جلال .." ضربها بصبعو لنيفها" ..ياكنقول ليك دااائما الإنگلش خليها فالمدرسة ..معايا ديما عربية .

- توليب .." دلات شفتها" .. توحشتاااك ..

- جلال .. و انا أكثر اغزالتي .. 

باستو فحنكو و ابتسم ليها ابتسامة حنووونة و رد ليها البوسة ديالها بعراام تالبوسات و الدغدغات لي خلاوها كي الفراشة كضحك و تركل حتى طاحت ليها الصندالة اما جلال كان مستمتع لدرجة حوايجو لي عاد لبس و صايبهم و تأنتك ماهموهش تربجو برجيلات توليب .. ماوقف تا بدات تضحك و تشهق من كثرة الضحك عاد جلس فوق الكانابي و حطها على ركباتو..

-توليب .." مدات يديها للحية ديالو كاتحسسها" .. علاش ماتاتجيش هنا !!

- جلال ." حك راسو " ..هاني جيت ..ههه

- توليب ..و علاش ماجيايش عندي لبيتي فاش جيتي!؟

-جلال .." قرصها فخدها" .. ولاو فيك الأسئلة بزااف اتووليبي ..

حطها فو الطبلة تالزاج لي كانت قدامو و جلس على ركبتو خذا الصنيدلات ديالها و حط رجليها على فخضو للسها الصنيدلة لي كانت تتلمع دائما الأم ديالها كاتهتم بأدق التفاصيل من ناحية اللباس ديالها لأنها من الأوائل لأي حاجة كاتخرج موضة كاتسبق ليها لدرجة ولاو عندها كيف الهوس ....

بعد ما كمل طبع قبلة صغيييرة على سمانة ساقها الصغيورة و شاف فيها بابتسامة مشرقة حتى بانت الغمازة لي فذقنو..

- جلال.. علاش مامشيتيش مع ماماك لباريس؟؟

- توليب .." هزات كتافها بعدم اهتمام" ..بغيت نبقى مع با سيدي..

-جلال ..امم..واخة الالة .. دابا غانزلو نفطرو ..و نمشي نشوف با سيدي اش بغا باش ميتقلقش عليا اوكي ..؟؟

- توليب .. انا فطرت .." شافت فيه ببرائة" . واخة تجي عندي لبيتي فاش تسالي ..باش نلعبو؟؟

- جلال .." عنكش ليها شعرها" ..ممكن طبعا.. " طبع قبلة فراسها و ناض هزها حطها على كتافو و داها لبيتها كيف ما طلبات منو و نزل للصالون جلس فيه و خذا الجرس لي محطوط فوق الطبيلة ضربو و جات السيدة لي مكلفة بالخدم و تدبير المنزل ..

- نعام سيدي .. 

- جلال .. جيبي ليا قهوة .. بلا سكر .. 

- - الفطور واجد .. نحطوه ليك ولا حتى تنزل العائلة ..

- جلال .. جبيبي ليا قهوة ماخاصني فطور .. 

حنات راسها و مشات دير كيف قال ليها صيفطات ليه قهوتو كيف كيبغيها هزها و خرج للجردة يشربها حتى جاه ميساج ..فتحو و طلع ليه الدم لقلقولة ديال راسو ..

- جلال .. هااااتقحبيين ..

كانت صورة المى خارجة مع خولة و نورة ..وصلاتو من عند الفيدور لي دارو علي باش يتبعها كيف ما قال ليه .. ضور لنمرتها مباشرة ..ولكن ما جاوباتوش .. يالله وقف باش يمشي حتى وقفاتو مدبرة المنزل ..

- مستر جلال ..السيد عبد العظيم كيتسناك .. ..

- جلال .." زير على التيليفون بيديه حتى كان غايهرسو .. ولعن بينو. و بين نفسو .." .. صافي .. سيري قولي لو جاي .. 

دور راسو و كتب ميساج للكارد لي صيفط ليه الصورة و طلب منو انها تبقى تحت عينيه ميغفلش عليها..عاد دخل للقصر طالع لبه الدم لي جا قدامو غايصوط فيه .. وصل للمكتب ديال عبد العظيم و دق عاد دخل .. كان جالس فالكرسي الكبير و لي هو كرسي كبير العائلة لي ورتو من باه و جدو ..و بجنبو كرسي اصغر بشوية ..و قبالتو كولشي واقف ..حمير و مرتو امينة .. بنتهم رؤيا أشرف من نهار خرجو جلال برا المغرب ماتلاش رجع .. و البنت الثانية ساندي تابعة اسبوع الموضة في باريس .. سلطان اب جلال و الزوجة ديالو حياة و بجنبهم رجوى لي كانت واقفة و حانية راسها فحال لا مجمدة.. و كبيرة .. العمة ديال جلال واقف حداها راجلها عبد الصمد و ولدها مراد .. ولدها الثاني أمين ..و بنتها آسية..العمة الثانية و لي هي اصغر عمة عندها زوج توام عندهم عشر سنين رهف و رجب .و حاملة ... شاف فيهم كاااملين واحد بالواحد .. كل واحد فيهم كيف كان .. كل واحد بوجهو واقفين قدام عبد العظيم .. و حانيين راسهم باحترام ..و كي دخل جلال كلهم شافو فيه .. كين لي خزر .. كين لي ابتسم .. اما الجد مد ليه يديه باش يجي حداه لأن الكرسي ديالو بجنبو واجد ليه ..و هادي حاجة حاركة ولادو من جهة جلال حتى باه .. حتى برك حداه جلال عاد شير ليهم بيدو باش يجلسو ..و داكشي لي كان كل واحد فيهم اتخد مكان فالكنابي لي وراه ..

- عبد العظيم .." شاف فكل واحد فيهم" ..اكيد كاتسائلو علاش جمعتكم ..

- حميد .. يه ابا .. ياك لاباس؟؟

- عبد العضيم .." كيهزهز فعكازو" ..كيف كاتعرفو .. ان عائلة الهلال تتزوج من نفس العائلة ..باش العائلة تزيد تكبر ..مابغيناهاش توقف ..لااا ..بغينا عائلة الهلالي كيف ما كانت من زمااان هذا ..تبقى .. و تشوفو ولاد ولاد ولادكم .. من هنااا للقدااام ..داكشي علاااش .. غانزوجو اكبر بنت من حفايدي ..

و هناااا الصاااعقة .. رجوى لي كانت جامدة .. حسات بالسخووونية طالعة من اطراااف اصابعها ... طلعات عينيها لب كااانو كيحماارو بدووون سابق انذااار .. و شافت مباااشرة فجلال ..لي كااان كيبادلها نفس النضرات .. 

- عبد العظيم .." مد يديه ناحيتها" ..بنتي .. رجوى ..اجي حدايا ..

بقات تترمش .. و تتشوف فيه ... نقلات بصرها من الجد للحفيد .. نسخة طبق الأصل .. مع انو مجايب فيه فالشكل الخارجي والو .. لكن .. نفس العقلية .. المتخلفة بالنسبة ليها ..بداااو امطااار عيونها بالتساقط .. عقدات حواجبها بألم .. و شافت فحيات لي ضغطات ليها على ركبتها..

- رجوى .." بصوت منخفض" .. عتقيني ..عافااااك عتقيني ..

لكن شكون غايعتقك؟؟ شكون غايوقف قبالة عبد العظيم الهلالي ..!! و شكون اصلا غايتخطى حتى جلال الهلالي .. نزلات حياة راسها و طلقات منها .. بلعات غصة فحلقها و شافت فسليمان لي كان تيتسنى بنتو تنووض عند الجد ..

- سليمان ..رجوى ..تكلمي لجدك ..نوضي .. 

عصرات عينيها بألم و ناضت وقفات مسحات دموعها بالخف .. باش ماتعيقش و جرات رجليها حتى وصلات لعندو ..مد ليها يدو باستها و دار ليها بلاصة حداه باش تجلس ..

- عبد العظيم .. كيف العادة ديالنا ابنتي الحبيبة ..البنت الكبيرة فالعائلة كانزوجوها لولد عمها او عمتها .. و الحفيدة العزيزة على قلبي كانعطيها الساروت فيديها و هي لي تختار عريسها .. هادشي لي غاندير معاك دابا .. " فتح ليها يديها و حط ليها فيه مفتاح لي هو متوارث من العائلة .. كايسلمو كبير العائلة للعروس و هي كاتمدو لولد عمها لي ختارتو .. " .. بما ان اشرف و خوه مهند كينين برا المغرب .. اعتبريهم قدامك .. و الى نطقتي اسم اي واحد منهم اعتبريه زوج ليك ..

- رجوى .. حاسة براسها فحلم .. غمضات عينيها و زيرات عليهم .. حسات بشهقات خفاف كيحتلو صدرها .." .. جدي .. مم.. ولكن ..

- عبد العظيم .. اختاري يا بنت سليمان .. اختاري يا زهرة عايلة الهلالي ..

- رجوى .. " حسات براسها غاتسخف من كثرة الضغط و الكل كيتسنا فيها اش غاتختار .. الا رؤيا و حياة لي كانو كيتقطعو عليها .. عارفين قلبها مع من و مستحيل تقدر تختار غيرو. ." ..انا .. مبغيت حتى واحد فيهم اجدي .." نطقات هاد الكلمات البسيطة خلات كل واحد منهم يتشوكا .. "..

- عبد العظيم... ههههه من ديما نتي الخجولة في بنات العائلة كاملين ..اذا انا غانختار ليك الزوج الصالح .. و لي رشحو ليك جلال بنفسو ..باش تعرفي معزتك عندو ..

- رجوى .." طلعات عينيها فجلال بألم" .. مابغيتش نتزوج اجدي ..

- عبد العظيم ..عارف كاع البنات تيكونو خيفين من الزواج .. ولكن راه سنه الحياة .. خصنا نشوفو حفايدك حتى نتي ...

- جلال .."وقف و شاف جهة مراد" .. مراد .. 

- رجوى .." بنفي" .. مستحيل .. لالا .. اكيد كنحلم .. جدي .. مابغيتش .. جدي .. مراد بحال خوياا ..

- عبد العظيم" .. ضرب بالعكاز ديالو الأرض" .. كلكم فهاد البيت خوت حتى انا نحدد نصيب كل وااحد فيكم مع من ..مفهووم .. ولدي مراد .. تقدم لعندي ..

رجوى كانت فحالة صدمة من كلام ااجد .. و حتى موقف جلاا .. و العائلة كاملة .. الام لي المفروض تكون السند ديالها .. حتى واحد ما قدر يعترض .. طلعات راسها شافت لمراد لي جاي لجهتهم بابتسامة عريضة و ثقة فالنفس .. مراد .. شاب فأواخر العشرينيات .. شاد فرع من فروع شركات الهلالي .. طبعا ماغايكونش عندو اعتراض يتزوج بأخت الكبير ديال العائلة المستقبلي .. لأنو كيضرب عليك يكون دراعو اليمين .. بعد ما خلى القصر و بقى هو .. وصل قدام الجد مبتسم سلم عليه جلال بالصدر ..

- مراد .. "باس يد جدو" .. كنشكرك على ثقتك فيا الحاج .. انشاء الله غانحافض عليها ..

- عبد العظيم ..نتا عارف مزيان اش غايطرا ليك الا ماتهليتيش فيها ... تكون ليها نعم الزوج .. و حتى هي غاتكون ليك نعم الزوجة .. 

- مراد .." ابتسم ليه .." انشاء الله الحاج.. 

وقف عبد العظيم بمساعدة جلال و مراد و جا فالوسط .. قبط يد رجوى حط فيها الساروت و مد يدها لمراد .. كانت مزالة مجمدة الدموع فعينيها .. خذا من عندها الساروت و باس ليها يديها بلطافة و عاود رض السروت لعبد العضيم .. لي باس ليها راسها و بارك ليها .. و جا جلال لي كانو عينيه كيبينو عكس ديك الصلابة لي مصدر ليهم فديك اللحظة لكن مقوي قلبو و كيقنع راسو بلي هادشي فمصلحتها ...

بعد هاد الاجتماع الكارثي ... بالنسبة لرجوى و بغد ما تلقات التهاني و تطلقو زغاريد من عند امينة و كبيرة ..طلقات من يد مراد بنفور و تحت اعين الكل طلعات تتجري دخلات لامصعد و ديريكت للطابق لي فيه بيتها .. تبعاتها رؤيا و قبل ماتوصل عليها كانت طلعات و هي طلع من الدروج .. كي وصلات قفز قلبها فاش شافت رجوى طايحة قدام الباب ديال المصعد مغمى عليها ماحسات براسها حتى غوتات و على اثر صرختها لي دوا صداها فالقصر كامل طلعو كاملين كيجريو و اولهم جلال اما عبد العظيم كان مشا قبل منهم للغرفة ديالو باش يرتاح .. كي وصل جلال تدم كي شافها مرمية فالأرض ..

- جلال .. مالها؟

- رؤيا .. واااش كووون عرف جيت لقيتها طااايحة عيطووو على الطبيب ..

- حياة .." مشات تلاحت عليها" ..بنتيييي ..ههءهءهء غاتقتلوووها ليا ..بنتي ..😭

- سليمان .." كيجرفيها"..بعدي على البنت غاتخنقيها ..

- حياة ..مالها بنتي مالهاااههيهيهيه😭

هزها جلال بين يديه حتال سريرها و حطها بشوية عليه كان مراد فديك الوقت اتصل بالطبيب لي جا كيجري حيت طبيب العائلة ساكن بالقرب من القصر باش يبقى ديما قريب ليهم و قبل منو جات الممرضة ديال القصركاتقيس ليها النبض ديال القلب و الضغط على ما وصل الطبيب لي كشف علبها و علق ليها محلول فدراعها..و الكل ضاير بيها حياة حلسة حدا راسها و رؤيا فالجهة الثانية..

- جلال .." مخنزر .." .. اش عندها!!

- الطبيب ..انهيار عصبي ..البنت خصها ترتاح .. و اي ضغط نفسي .. او اي حاجة غاتعصبها تبعد عليها ..هاد المرة جات طريفة .. المرة الجاية ممكن دخل للمستشفى .." كتب ليه روشيتة" .. هاد الدوا تجيبوه ليها ..مكتوب هنا شحال يتعطى ليها فيه الممرضة غاتهتم بكولشي .. كانتمنى تديرو بكلامي و تبعد. عليها اي ضعوطات ..

خرج الطبيب مع سليمان و بقات و البقية كاملين معاها..

- جلال .الله يخليكم ..برا شوية خليو السيدة تنفس ..

خرجهظ و خلا معاها غير حياة و رؤيا ..

-جلال ..ماتخليوهاش بوحدها .. انا خارج 

ماجاوبو حتى حد او بالأحرى ماعطاهمش فرصة .. كي طمئن عليها خرج ركب الاوطو ديالو و كسيرا .. كان بالو مشوش معاها حتى اتصل بيه علي..دار الكيت و جاوب بالبلوتوت"..

- جلال .. وي ..

- علي ..االعشير..صافا..

- جلال ..بيخير .. غدا غاديين ..وجد كولشي..

- علي ..يه .. مشات..

- جلال.. " بعد لحظة صمت" ..غانديو معانا ختها ديال المى ..

- علي .." فحال لا صرفقو" ..كيفاش .!! شكون خولة!؟

- جلال ..اه ..

قطع علبه الاتصال قبل مايقول تا كلمة ديما قاطع فالبشار الكلام ..كانت طريقة معروفة ..ديريكت لدرب المزاليط .. كان بدا كيضلام الحال .. وقف قدام الباب ديال دار المى ..و مع ديك النوع ديال الاوطو فالدرب مكادووورش كولشي كيشوف ..لي ديز يطل عليه ..خذا تيليفونو و اتصل بيها..

- جلال .. فينك؟؟

- المى .." عوجات سيفتها .." .. عليكم السلام .. للاااس و نتا صافا!!

- جلال .." مغوبش" .. مكانبغيش نسول زوج خطرات ..

- المى ..فدااارنا فين غانكون ..

- جلال ..نزلي لتحت ..

- المى .." حلات فمها بحاللاصعقها و مشات ديريكت للسرجم كطل علبه و لقى عليها التحية بصباعو" ..لا اش كادير هنا فهاد الوقت اوووف ..

- جلال ..سربي..

قطع عليها بعد هاد الكلمة .. كانت لابسة شورط و ديباردور بلا سوتيامات هزات بينوار ديالهم لاحتو على كتافها و خلاتو محلول ..نزلات تتسحبباش ماتشوفهاش عايشة و لا شي وحدة من لي فالدار .هزات السوارت ... لبسات بانطوفتها و خرجات بالزربة تخشات فالاوطو و ديك الساع تحرك بيها جلال باش يبعدو على الدرب ديالهم بقى غادي سااااكت و حتى هي ماتكلماتش ديرة فيها مفگوعة تم ماشي و كيبعد حتى وقف فالخلااا و القيفار .. تقيس شي خد فديك البلاصة يموت بالخوف.. بلاصى الاوطو بعيد على الطريق و شعل الضو ديال الاوطو .. شافت فيه و نظرتو كانت فشي شكل ..غير مقسرة .. فالاول خلعاتها ولكن قوات قلبها كيف العادة و نطقات ..

- المى ..شنو بغيتي ..!!لاش جيبني لهاد القرينه؟؟

- جلال .."كيطلع و ينزل و حنزز فمفاتنها". . فين كنتي اليوم ..؟؟

- المى .." كدور عينيها" ..كنت فالصونطر ..مشيت مع ختي و خالتي .. 

- جلال .." شاد راسو و كيدوي ببرود" ..و هضرتي انا!! زايدة ناقصة ياك!؟

-المى .. كيفاش؟ علاش شكون نتا بالسلامة؟؟ علاش كاتبغي تعامل هكذا بطغياان ..!! انا تا حد ميتحكم فيا شكون نتا باش تحكم فيا هااا شكون نتا ..

- جلال.."حك لحيتو و دور راسو عليه و عاود شاف فيها" ..شكون انا!!بغيتي تعرفي شكون اناا ..

بدون سابق انذار ..دار عليها و نزل الكوسان ديالها حتى تكات كلها للور و هو فوق منها مطلع ليها يديها للفوق و كيشوف فعينيها مباشرة .. كانت مصعوقة .. مصدومة ..كدور فعينيها يالله غاتكلم و هو يحط شفايفو على ديالها كيقبل فيها بنهم .. كاع ضغوطات اليوم و الضران لب كان راسو ضاارو خرجو فديك القبلة .. لي كانت وحشية نوعا ما بالنسبة لألمى ..اما هو كانت لبه جد عادية ..عضها فقنوفتها التحتية باش تفتح فمها و دخل لسانو كيلعب بلسانها و هي . 

حطات يدها على صدرو استعدادا باش دفعو لكن يديه لي تحطات على مؤخرتها من التحت بنجاتها .. زير عليها و خفف و هكذا بدا كيزير و يخفف .. و اليد الثانية نزلات من تحت الديباردور الحريري و مشات ديريكت لصدرها كيعبز فيه .. هاد الحركات كانو كافيين يشعلووو نار داخلها ..لكن قاومات مع ذلك و دفعاتو بالجعد حتى بعد عليها شوية مغوبش ..

- جلال .. مال يماك؟؟ اش كين ..

- المى .." كاتحاول تغطي راسها" ..بعد علياااا انا ماشي قحبة جايبها من الرصيف ..بعد علياااااا .." طلع ليها الدم بالمعقول ..حسات براسها رخيصة فديك اللحظة .. كانت تتركل بيد يديه حتى بعد عليها و رجل للكرسي ديالو كيحك فلحيتو و يحاول يهدن راسو. .. زيرات البينوار ديالها و طلعات الكوسان" .. ردني لدار .. دابا ..

- جلال .." دار عندها بالعرض البطليء و فعينيه نظرة ماتبغيهاش لعدوك كون كانت قرطاس كون تيرات فيها" ..شفت والديك فحال لا كاتأمري عليا !! هاااا .." جرها من الكول تالبينوار" .. نهاااري داز مقلون .. تزيدي عليا ن**وي مك و منحنش فيك .. فهمتييييي ..😡 جمعي ك** ولا نجمعو لملتك و فاش نقول الخرووزج بإذني .. كلامي يتسمع مفهو ووم" .. كانو عينيه فعينيها و تا هي كانت تاتبادلو نفس النضرة .. عاقدة حواجبها .. و الدم طلع ليها لودنيها نطرها قبل ماتجاوبو و شاف فالطريق .. ديمارا الاوطو '' غدا غانتحركو .. بالعشية نلقاك واجدة .. نتي و ختك ..

ماجاوبات ش .. و محاولاتش تنطق .. فكرات فالطريقة باش عاملها .. و يديه كيفاش عاملو جسدها كيف كيعامل عاهرة جيبها من شي قنت .. هنا تأكدات و تيقنات من حاجة وحدة .. انو حتى هو باغي المقابل لداكشي لي دفع .. 

- المى .." لنفسها" ههه مكيناش شي حاجة بلا مقابل يا غبية .. شنو كان يشري ليك كاااع ديك شي لله في الله .. " صيبات الكول ديال البينوار" .. كولشي باغي منك لحمك باش يعطيك .. ولكن قبل ماتتخد لحمي .. غاتاخد أكبر كف يا جلال الهلالي .. ماشي بوحدك لي باغي مقااابل .. انا غاندفعك ثمن الاهانة لي حسيت بيها و نتا فنضرك والو... كنت باغية ندير بأصلي و نخلي علاقتي معاك زينة .. ولكن نتا لي ختاريتي ماشي انا .. 

غمضات عينيها حتى حسات بالاوطو وقفات عاد حلاتهم لقات رايها قدام الباب .. حيدات الصمطة بهدوء و خرجات من الاوطو خلات لبه الباب مترع و حلات باب دارهم و دخلات بلا كلمة بلا زوج و هاد التصرف جلال لو كان لقاها قدامو كان نهشها بسنانو .. نزل على وعدو و سعدو كينعل و يسب فسلسفين ابو الشيطان .. سد الباب و رجع كسيرا ديريكت للقصر يشوف وضع رجوى .. 

يتبع ...

(غدا انشاء الله غاندخلو ففصل جديد .. فيه كل مااا تحبووون من مفاجآت جداد و رومانسيات .. و حب و سفااالة و التفرشييخ و التجنديييخ و واحد الشويكوكة تالأكشن و داكشي لي تحب الخاطر .. هاد الفصل عاد غاتحرك القصة 😍)