قصة عداوتي مع ولد الحومة

كوميديا من نوع خاص داكشي لي كايعجبكم البطلة كادير غير الكحلة لختها مولات المصايب و الكوارت الكحلة كاااارثة متنقلة اما البطل خلااااااااص قالها ماكاتعرفي والو فالمصايب

قصة بعنوان عداوتي مع ولد الحومة

بقلمي انا كابيطوسة المغربية

واحد فواحد واحد واحد فجوج جوج واحد فتلاتة تلاتة واحد ف.. وهيبة : صافي صافي راك حفضتيه شهيدة : ( بهمس ) واش خرجو كريمة : يخرجو فيك جنون يا شلاهبية تسحابلك نايض لي شجر فراس فوقما ندخل عليكم نلقاكم شادين جدول ضرب ديال واحد شهيدة : باقي داك راس طبل فالدار؟ كريمة : ا غير بلاتي يجي و يسمعك يقطع لمك رجلين شهيدة : هاداك خوووويا و حبيبي و مايقدش يهز يديه عليا كريمة : ( قشعات البلايستيشن ) اري بعدا ديك الخرشاشة والله لابقات عندك ... غير شافتها شهيدة و هي تمشي كطير ماخلاتهاش تقرب هي كاتجبد و كريمة كاتجبد هي تجبد و كريمة تجبد شهيدة : طلقي ولا والله تا نعضك طلقي كريمة : هادي هي الحفاضة يا المطرمة يا زرمومية هاه شهيدة : (بالغوات ) وا ماشغلكش ماشغلكش وا بعدي منييييي وا عتقو روووح ا عباد الله كريمة ليزبيانة و بغات تغتاصبني عتقوووووني كريمة : (معصبة ) سكتي يسكت لمك الحس غايسمعوك جيران يسحابلهم بصح شهيدة : ( دارت ضحكة شيطانية ) هاهاي خايفة من جيران ولا على حميدة مول الحانوت .. وا حمييييييدة وااااا مول الحانوتا وا عتق عتق عتق وا كريمة باغا تغتاصبني وا عتقوووووو .. طلقات كريمة من البلاي و بقات كاتسد لها فمها حتى شافتها سكتات عاد حيدات يدها و بقا البلاي فيد شهيدة طاحو فالأرض كايلهتو بجوج شهيدة : ( كاتلهت ) وا موتي تفقصي وا فكسيهم نتي بالفقصة ها هو بقا عندي كريمة : ( كاتلهت ) شوهتيني يعطيك الشوهة يعطيك غبارة تغبرك ا والله لابقات فيك يا ليهودية .. ناضت خارجة و كاتنكر اما شهيدة و وهيبة شدو كرشهم و بداو كايتفرشخو بالضحك نفضو ناموسية من الكتوبة ينعل بو شي حفاضة أنا : و اخييييييرا هوووف وا عباد الله ماكانحملش القراية وا عباد الله لاش مابغاوش يفهموني لاااااش يا ختشي لااااش وا سيفطو ديلمي للبرازيل نطلاقا بحبي الأول كريستيانو رونالديتو و راجلي نيمار دا سيلفا وا عباد الله فرحوني و هنيوني من كمامركم وهيبة : ( عطاتها صبع ) ها البرازيل و ها نيمار وا كريستيانو ا حمدي الله منين قابل عليك المغرب ههههه قاليك كريستيانو تي نوضي جيبي لينا باش نشدو ستون مشات شهيدة للكوزينة توجد بوب كورن و تجيب الموناضة نهضرو بلسان البطلة و اخيييييييييييرا اوووف عارفة راسي درت ليكم دخلة ديال عيساوة بلا مانعرفكم على راسي ...

أنا شهيدة ولكن بنادم فاش كايبغي حاجتو مني كايعيط لي شويهيدة .. شكون هاد بنادم؟ و شكون من غيرهم طريكتي ناقصة ماعلينا نكملو فين خليناها اه قلت لكم انا شهيدة ماغاديش نقول لكم انا زعرة و العينين زورق و بلا بلا نو نو نو نو مهم انا و ستغفر الله من قول انا نعاماسيادي بشرتي بيضة و صافية لهلا يخطي عليا الكروبات ديال الوصفات ديما فايديني بالوصفات ديال البشرة شعري كحل مغلووووق و فايت لي ضهر عيني كووحل بحال الغراب مي كبار خمسة و خميس عليهم اما رموش خرجت عليهم بالماسكارا ديال خمسة دراهم عندي خفاف عاد خاص نشوف لوالديهم زيت الخروع قالو ليا دقة بطلة ولكن ماكاين لي قاهرني قد فمي لي صغير وا بغيتو يكون كبييير ا عباد الله باش نقدر نبقا نخشي شدوقا ديال الخبز كبار وا ديما حاكرين عليا فالماكلة والله ما رجولة هادي ماعلينا ايوا و بالنسبة لاطاي ديالي عندي طاي بحال ديال ساعة رملية صدر كاين و الكرش و جناب ممسوحين و طرمة كاينا بيان سيغ مهم عندي حقي من زين و صافي عندي تسعطاش العام هاد العام عندي الباك هههه ختكم شوية كوليخة ماعندهاش مع القراية كانمووووووت على شي حاجة سميتها الكورة و المصارعة اححح العمر ديالي هي المصارعة و فينما كانت شي مطايفة ضرووووري تلقاوني مخشية فيها انا و عشيرتي وهيبة هادي التوأم المختلف ديالي لي ماولداتوش ليا مي فينما تكون شي موصيبة تلقاوني انا وياها مشاركين فيها تا كايجمعونا واليدينا كايسلخو ديلمنا بجوج الحلم ديالي هو نمشي للبرازيل احح البرازيل تم البرازيل وهيبة : وا موكة ا فينك تعطلتي ا زمر غادا تصنعيها انا : ( من الكوزينة ) هاني جايا ا نمي ا بشوية عليا وهيبة : وا طلقينا انا : هاني جيت مالنا اش كاين وهيبة : وا زيدي نلعبو شي طرح قبل مايبدا الماتش انا : علاش شحال باقي ليه؟ ساعتين و نص راها قادانا وهيبة : دابا اري ديك المانيطة لهنا و دوزي .. لحت لها وحدة و خديت وحدة ايوا و بدينا اللعب احح شحال كايعجبني نلعب معاها ا ديما كانحكر على ديلمها وهيبة : هههه هاد المرة ضحك لي الحظ غانربحك وجدي راسك انا : ( بإبتسامة شيطانية ) ها حنا غانشوفو وهيبة : تفووووووو تفوووووو تفووووو ديما كاديريها لي والله تا كاتغشي حشوومة عليك والله

وهيبة : تفووووووو تفوووووو تفووووو ديما كاديريها لي والله تا كاتغشي حشوومة عليك والله انا : ههههههههههههههههههههههههههه نتي فعار الله ا بنتي ياك كانقولك لي كايضحك فاللول كايبكي فاللخر وهادشي نيت لي وقع معاك ا حوباي عنداك تبداي تدمعي ليا تاني وهيبة : ا فاك يو ا بنت العبد انا : فاك يو توو ماي بيتش وهيبة : شهييييييييييدة وا مشا الحال مشا يا القلالش الماتش بدا انا : تفوووووووو القهوة غاتكون عامرة سربي سربي وهيبة : راه قلت لمصطفى يخلي لينا 2 بلايص الفوق غير طلقي راسك ا زمر انا : صافي ساليت يلاه .. نضنا خرجنا كانجريو كريمة : ا فين هابطين يا عزارا ضوار انا : ( هابطة كانجري ) تي حيدي من قدامي مامسالياش ليك دابا الأمر طارئ كريمة : غا بلاتي يجي داك بوفراقش هو لي غايعرف لك .. ماديتهاش فيها و مشيت كانجري انا و وهيبة ما حبسنا تا للقهوة لي فراس الحومة ناريييييي شحال عامرة ا زوبية وهيبة : راه ريال و البارصة هادي ا بنتي ماشي اللعب زيدي زيدي الماتش بدا مصطفى : اهلا اهلا بالتيتيز جا تاني نورتو القهوة انا : و انا نفهم علاش العنب غالي هاد العام حيد حيد من قدامي خلينا نتفرجو مصطفى : هي لي ماتعاودش يا نور الليل وهيبة : غادي غادي جيب لينا معاك شي براد ديال اتاي يكون منعنع مصطفى : هي لي ماتعاودش انا : ييييخ شحال باسل هاد زبل وهيبة : وا لقيتي لي يتعنب عليك و باقا كاتنفخي انا : على زينو و كحل عيونو يخلي العنب ديالو عندو سكتينا تا نتي خلينا نتفرجو .. جاب لهم مصطفى داك البريريد ديال اتاي و بقاو عاصرين عليه فاش كاتماركي البارصة كاتنوض شهيدة تغوت و تصفر و فاش كاتماركي ريال كاتنوض وهيبة شهيدة : غوووووووووووووووووول .. بدات كاتصفر و القهوة شي فرحان بحال شهيدة و شي ساخط بحال وهيبة تسالا الماتش بفوز البارصة شهيدة : نهار زيييين هادا وهيبة : منين جاه زين منيييين . نهار مزفت هادا نوضي نوضي نطلقو رجلينا قزيبتي ولات كي المطرح ديال الخبز بقوة الكلاس شهيدة : زيدي زيدي ا بنتي وهيبة : فين غا نمشيو تاني شهيدة : ياك نتي لي بغيتي نتحركو وا يلاه ها حنا غاديين فينما وصلونا رجلينا هي هاديك وهيبة : توحشت صداع والله شهيدة : بحالي بحالك يا ختشي مي القضية ناشفة هاد ليام وهيبة : ايمتا غايجيو واليديك؟ شهيدة : الله و اعلم و شكون غايسخا بالحج مزال شوية ماغايجيو يمكن وهيبة : ايييييييه سعداااااتهم مشاو يغسلو دنوبهم كيتنا حنا يا شويهيدتي شهيدة : ههههههههههههههههه من نيتك ا والله وخا نبقاو نغسلو بماء زمزم ليل و نهار لا تمسحو دوك دنوب لي عندنا وهيبة : والله ماكدبتي ههههههههه ماكاينش لي خارج لينا على حياتنا و زهرنا قد دنوب ديال عباد الله لي تابعين يا ربي تسمح لينا و صافي شهيدة : اجي اجي اجي فكرتيني ...

شهيدة : علاش لي مانديروش شي مشروع ندخلو منو صرف فهاد العطلة وهيبة : اش غانديرو؟ شهيدة : عطا الله اش نديرو وا هانتي حلي وديناتك و سمعيني *********** وهيبة : ايوا و راس المال يا لكبيدة شهيدة : وا حالو سااااااااهل 200 درهم للوحدة قاضية الغرض وهيبة : هممم صافي تا هادا حل زوين غير نساليو هاد الوطني المزعتر و هاني معاك احح ا رجلي خلينا نرتاحو شوية هنا مابقيتش كانحس برجلي شهيدة : شرفتي قبل الوقت ا شعيبية الفوريان كايتسناك من هنا شي عامين وهيبة : بزاااااف عليك راه غا حيت عيانة و نتي لدينمك موالفا المشي و جري معذرك ماتعيايش شهيدة : مابقاتش فالولف يا جريحة الكحلة و راه بقات فالماركا بيان سيغ نكون مجهدة عليك و انا ماد اين برازيل واش سلعة البرازيل هي سلعة شينوا وهيبة : ها هي بدات تاني ... ديري خير و جيبي لينا شي جوج دراهم ديال زريعة نشدو بيها العشية شهيدة : غا جيتيني عيانة ا مون اموري و صافي اما راه رجلين لي عندي عندك وهيبة : سيري يخليك بالخلا تقول غاتخلصي المازوط .. مور جوج سوايع وهيبة : ( كاتنقي زريعة ) اييييه بنت الهم تلقايها غا ساحرة ليه شهيدة : ( مشاو عينيها بعيد ) هاي هاي هاي هاي على بنت نعيمة ولات تركب فطوموبيلات وهيبة : ( شافت فين كاتشوف شهيدة ) بشاااااااااخ العاود شوفي الحديدة كي دايرا شهيدة : وهيبة وهيبة : هاد وهيبة ديالك ماعاجبانيش .. اش تم شهيدة : عاقلة فاش كانت شافتنا مع ياسين و محسن مور ليسي و شراتها لينا مع الواليد وهيبة : اي اي فاش فكرتيني ا تبي غير كانتفكر سلخة لي كلينا لحمي كايتبورش عليا تا ولينا نحشمو نخرجو فالحومة شهيدة : ايوا زيدي ا ختشي نرجعو صرفها حشومة يبقا عندنا صرف ديال ناس وهيبة : اش ناوية ديري يا زغبية شهيدة : قربي نقولك اش ناوية ندير وهيبة : ها ودني شهيدة : ********* وهيبة : نتي راك واحد الحرايمية منك ما كان شهيدة : وا زيدي قدامي سيري نتي جيبي لي داكشي لي قلت لك و انا نتكلف بالباقي .. مشات وهيبة جابت داكشي لي وصاتها عليه شهيدة صندوق عامر ميكات ديال جوج دريال عامرين بالما و بيض خانز و حبات ديال مطيشة خامجين اما شهيدة مشات جمعات فينما كان شي بعلوك فالحومة جمعاتو .. طمعاتهم بمنعش ديال عشرة دريال كلشي تجمع تقريبا شي 20 بعلوك شرحات لهم اش يديرو مشات طلات واش باقا ديك خيتي مع داك خونا لقاتهم باقيين دارت واحد ضحكة شيطانية شهيدة : غانحسب حد 3 غير نوصل لها و بداو متافقييين؟؟؟؟ الكل : متااااافقين شهيدة : وااااحد .. جوووج .. جوج و نص .. تلاااااتة ...

غير قالت تلاتة و هما يمشيو كايجريو لجهة بنت نعيمة و داك لي حدلها البعالك : طلاااااق دجااااجة لماليها لاتبيض و توحل فييييها طلااااق دجاجة لماليهاااااا لاتبيض و توحل فيها البعلوك 1 : اللهم ان هذا منكر اش هاد شوهة اش هاد الفسااااقة يا بنت نعيمة دراري هجوووووم .. بقاو كايضربوهم بدوك الميكات و بمطيشة خامجة رجعوهم حالتهم حالة و كلشي كايتفرج العيالات الكبار كايعايرو فسميرة و دراري كايتشفاو و البنات كايضحكو و يصورو اما شهيدة و وهيبة كايتفرشخو عليهم بالضحك ولاو حالتهم حالة .. داك خونا لي مع سميرة تعصب و مارضاش اما هي ماكرهاتش تشق لرض و تخشا ليها ناض داك لي كان مع سميرة شد 2 من دوك البعالك قبل مايهربو هزهم من القب ديالهم ***** : ( معصب و كايغوت ) ا دوي يا البرهوش ماكاينش لي يربيكم ماكاين غير ولد و رخي فزنقة البعلوك : ( كايتخنن و يبكي ) ا والله ما انا ا عمي والله ما انا شهيدة : طلق من الولد يا الحكار دري باقي صغير ***** : باقي صغير هادي هي تربية ديالكم و نتي مالك سيري شوفي لك ما تقضي دوي نتا يا البرهوش فين داركم اليوووم لامارباوكش واليدك نعاود لك تربية من جديد البعلوك : وااااااع واااااااع وااااااع وا ختي شهيدة عتقيني وا مابقا خاصني لا مونعيش لا والوو نتي سب.. شهيدة : الله الله على وليدي حبيبي طلق من دري يا عدو الله يا شارف الهارف باقي كادير عقلك فعقل دراري صغار هادي هي ديال اجساد البغال و عقول العصافير قدك قد الغولة و عقلك قد الفولة سميرة : و نتي مالك ا بنت فاطمة دخلي سوق جواك ا لالة ماسوقكش و ماشي نتي لي تشوهتي راه حنا البعلوك : هواااااااع وا طلقني هوااااااع واراه ماشي انا والله ما انا هواااااااااااااع واراه هي لي سيفطاتني والله تا هي ***** : شكون هادو لي سيفطوك؟؟؟؟؟؟ هضر نطق دغيا ولا والله تا نسلخ مك ****** : رااااها راها لي سيفطاتني خالتي شهيدة هي لي قالت لينا نديرو لكم هاكا و تشري لينا مونعيش ديال عشرة دريال شهيدة : ( خرجات فيه عينيها) يخويلك جناب و ضراس ان شاء الله انا ما خالة حد فين كانعرفك تا نسيفطك مسالية قبي انا باش نسيفطكم هاا البعلوك 2 : اهئ اهئ و مالك تكدبي ياك نتي لي قلتي لينا سيرو شوهو بنت نعيمة و داك خونا لي حداها عاااااافاك ا عمي ماطلقنا والله مانعاودو البعلوك : عاااااافاك البزيزيلة ... طلقهم و شاف فشهيدة شي شوفات فهمات معناهم مزيااااان ضارت ضورة وحدة مابقاتش شافت موراها هي و وهيبة يجريو و هو يجري موراهم ...

شهيدة : وا عللللللللق وهيبة : ( كاتنهت بالعيا ) دعيتك الله يا الكافرة بالله يا جبادة البلا يا الموصيبة لي بلاني بيها سيدي ربي اليووووم يكسل لينا عضامنا شهيدة : ا طلقي رجليك ا نمي غا زيدي دابا نتلفوه فزناقي شوفي يلاه ندوزو من داك درب سربي خلاص ****** : ا وقفو يا دوك شلاهبيات والله لابقات فيكم انا ديرو فيا هاد شوهة شهيدة : ( كاتهضر بالغوات باش يسمعها ) لا لحقتي لودنك عضها .. مشاو ضربو ضورة من واحد درب خرجهم نيشان فسويقة كانت عامرة بزاااااااف و فيها زحام دخلو فداك زحام بين عباد الله و كل شوية يضورو يشوفو واش مشا مارتاحو حتى مابقاش كايبان لهم دخلو فواحد دريبة و وقفو كايرتاحو و كايكركرو و يفرنسو شهيدة : و اخيييييرا تفكينا هههههههههههههه واش شتيهم كي ولاو وهيبة : هههههههههههههههههههه ولاو بحال الفلالس مخشيين فالما شهيدة : و اخيييييرا رتاحيت منين رديت صرف لديك راس العتوكة وهيبة : الفيديو تصور اليوم نلوحوه فاليوتيوب شهيدة : وايييه نيت ماطالعاش ماطالعاش نربحو صرف على ضهرهم وهيبة : شهيدة شهيدة : حياااة شهيدة وهيبة : شهييييدة شهيدة : روووح شهيدة .. شوية سمعات من موراها صوت غلييض هضر ***** : الروح هي لي غانطيرها لمك هاد نهار و مايفكك مني فكاك .. زعزعها الصوت ضارت بالعرض البطيئ باش تشوف شكون لقات واااحد العضامة قدامها تباااارك الله و ماشاء الله تيشورت لي لابس قرب يطردق على ضهرو ضربة وحدة منو تسيفطها شهر و خمسطاش ليوم لسبيطار محمد الخامس غيبوبة بقات كاطلع راسها بشوية بشوية مانعرفت واش هو لي طوييل ولا هي لي قصيرة بزاف ولكن شهيدة هي شهيدة تسنطيح عندها فالدم شهيدة : نعااام ا خويا اش حب الخاطر و اش بيني و بينك تا تهضر معايا ***** 1 : هي هادي بنت الهم لي دارت فينا انا و سميرة هاد الحالة شوف بنت الحرام كي رجعاتنا وهيبة : الله يمسخك الكداب حنا مادرنا والو راه دوك البعالك غا كدبو حق مولانا ***** 1 : ا والله تا كايكدبو راه هما لي حرشوهم علينا شهيدة : شو شو شو بن الكديديب لاخر لاش كاتكدب اصلا فين كانعرفك ا شوف ا سي محمد غادي تمشيو و تحسبو خلافيكم و تعطيونا تيساع تبارك الله . ماغاديش تمشيو غاندير يدي فودني و نغوت لربي لي خلقني و نقولهم باغيين تغتاصبونا ***** 1 : ( بإبتسامة ) غادي تقوليها تقوليها اللهم نديروها بصح شافت القضية غاتبدا تحماض اللهم تسلك بعضامها صحاح شهيدة : وهييييييبة وهيبة : علقيييييي .. يلاه بغاو يهربو و هما يتشدو من القب ديالهم ***** : فين غادا؟ ساليت هضرتي باش تمشي؟ شهيدة : هبطني يا الحمار هبطني الله يعطيك الكرض اليدين يعطيك البواسر طلقني وا عبااااااااااد الله عتقو رووووووح عتقوووووووني ( عضاتو من يديه و حلف لا طلق منها سنانها تخشاو فجلدتو و والو) عننننننن يلاه طلقني ***** : شد عندك هاد خيتي على مانشوف انا هاد المجعورة ... عطاه وهيبة و قابل معاه شهيدة ***** : كلاوك سنانك؟؟ توحشتي تشربي الحريرة واقيلا ياك لزا*ل بوك وهيبة : وااااع وا طلقني وا انا مادرت والو الله الله الله يا سيدي ربي هاد بنت العبد غاتخرج لي على شبابي الله الله الله فينك ا فطيمة جي تشوفي بنتك اليوم غايتكسلو عضامها ...

شهيدة : الحريرة هي لي غانحرحرها لك مع البوليس لاماطلقتيش مني هادا راه تعدو على المواطن و ماشي اي مواطن عادي . راك كاتتعدا على ولية بنت درويشة و الاسلام حرم الراجل يهز يدو على المرا و نزييييدك راك كاتتعدا على مواطنة صالحة و حاصلة على شهادة الباكالوريا بعد اشهر الا كتاب و كاتلحق بيا الأذى نفسيا و جسديا و حتى ماديا دابا انا الا مرضت بهاد شدة لي داير لي منين غانجيب الفلوس باش نتعالج ها؟؟؟ و نتي ا ديك البوحاطية لاش كاتبكي و تنوحي مسحي خناينك شوهتي بينا ****** 1 : عمران صافي طلق من هاد الموصيبة الكحلة راه باينا هاربا من 36 ولا مانعرفت لز*امل بوها و نتي يا ديك شلاهبية راه سميرة عاودات لي كلشي عليك عمران : مراد غا خرج من هاد سوق هاد خيتي باين لي فيها زاااااايغة بلا قياس و عضامها سخنو عليها ( قلب وجهو لعندها ) مي عندك زهر ماكانهزش يدي على الوليات غانقولك 2 هضرات غا طلبي سماحة من مراد و سميرة ولا اليوم نهارك و خبارك يجيبوها تاليين كاتسمعيني ياك شهيدة : هاكاااااوا قالك نطلب سماحة نموووووت و مانطلبهاش عمران : ها حنا غانشوفو مراد عيط على سميرة مراد : اطو .. جبد تيليفونو و عيط على سميرة لي كانت قريبة بقا كايتسناوها تجي و شي كايشوف فشي شهيدة كاتخنزر فعمران و مراد و مراد كايخنزر فوهيبة و شهيدة و وهيبة حانية راسها شهيدة : واش ماناويش تهبطني .. طلقها جات مزدوحة على عضم طيو شهيدة : يعطيك الهرس ليدين الحمار عمران : داك الفم غانهرسو لك لاماجمعتيهش سميرة : هااي اوووف اش كايديرو هاد سليعفانات هنا شهيدة : كانكفتو ا ختشي عمران : تهزي نتي وياها و طلبو سماحة منهم وهيبة : ( كاتشوف فشهيدة ) شهيدة : شنووو من نيتكم انا نطلب من هاد رجلين العتوكة سماحة مستحييييل فأحلامك ومانطلبهاش مزياااااان تبارك الله دابا انا شهيدة بنت عبد الباقي بطولتي و تجريدتي و كرامتي و كبريائي نطلب سماحة من هاد خيتي هاااااااااه ( ضحكة الباتول ) عمران : ماغاطلبوهاش؟! وهيبة : احم ك ك كانعتاذر على تصرف ديالي شهيدة : ( ربعات يديها ) نيفر نيفر نيفر هاكاك على قليلة نفس وليتي كطلبي سماحة من لي يسوا و مايسواش عمران : كانتسنا ..

شهيدة : ( بضحكة إستفزازية ) ايوا بقا كاتسنا ههه عمران : ماغاطلبيهاش؟ شهيدة : ماغانطلبهاش عمران : متأكدة!!؟ شهيدة : متأكدة و نص سميرة : صافي بناقص كاع .. راه انا لي كانعرف هاد زرمومية ماكاتحشم ماكاترمش عمران : ماشي لخاطرها . غاطلبها يا بالخاطر يا بزز .. شدها لوالها يدها و هز اليد للسما تا قربات تهرس شهيدة : ( بالغوات ) أي أي طلق الكيدار يا القويويد طلق الله يعطيك الكرض عمران : طلبي سماحة شهيدة : طلق الحكار طلق هادي هي ماكاتهزش يدك على البنات اييي راه يدي غاتهرس عمران : راسك قاصح مي هانيا غا نتبعو لك من مور يديك وهيية : طلق يا شمكار يا البغل من صحيبتي طلق الله ياخد فيك الح.. ... يلاه بغات تكملها و هو يخنزر فيها البنت تخلعات تزعزعات من بلاصتها وهيبة : ( بضحكة صفرا ) هيهي غا كانضحك معاك ا خويا كمل على مابديتي راه تستاهل انا عيييت معاها بعدي من صداع مي والو ماكاتحشمش ولكن انا غير نقولها لك من دابا و نصيحة و صافي ا خويا راه البنت طاير لها الفريخ و يلاه شي يامات باش خرجات من برشيد و حتى الوراق ديال طبيب راهم كاينين داكشي لاش كانخرج معاها باش ماتصدقش ضاربة شي حد راك عارفة الحمق ماعندك ماتدي منو هيهي شهيدة : ياك يا القردة الوالدة دابا انا رجعتيني حمقة ا بلاتي على ديلمك طلقني ا خويا انا مزااوكة طلقني نخلي دار بوها على خير يامي ترجعني مسطية وهيبة : سكتي الله يعطيك اللقوة انا غا بغيت نفكك هيهي عمران : سكاااااااات ( زاد زير لها على يديها ) واش غانبقا نلعب معاك انا هنا طلبي منه سماحة ولا بالرب الجليل تا نكرض لمك اليد هاد نهار وهيبة : صافي ا صاحبتي طلبيها راه غاتمشي لك يدك ا زمر طلبيها .. تعصبات و دخاخن خارجين لها من ودنيها مارضاتش بغات تفركع بالفقصة شهيدة : ( بشوية ) س س سمحيلي عمران : ماسمعتش مزيان .. زادت تعصبات و بدات كاتحلف فيه حالفة تا ترجعها ليه متلتة شهيدة : سمحوولي سميرة : ( بإبتسامة انتصار ) هانيا ا حبيبة .. طلق لها من يديها بدات كاطلق يديه حيت ضراتها بزاف شهيدة : مزال غاتلاقينا ليام ا سيهم عمران غير بلاتي و غاتعرف شكون هي شهيدة بنت عبد الباقي جبدتي عليك نحل ا مون امي عمران : ( قرب لودنيه و همس ) هاني كانتسنا ...

عمران : هاني كانتسنا اش غايخرج منك ( غمزها ) شهيدة : ( بدات كاتخنزر فيه ) وهيبة يلاه ندردبو فيحالاتنا . وهيبة : ( نافخة خنافرها ) يلاه ا صحيبتي بنادم هنا حكااار ... بقاو غاديين و عينين عمران و مراد و سميرة متبعينهم حتى غبرو ، بقات شهيدة غادا و معصبة مارضاتش نهائيا و غير كاتفكر كيفاش تهانت و تجرحات كرامتها بسباب داك الحقير السافل الساقط المعتوه الغبي البليد هيهي ديزولي تأثرت بمسلسل سامحيني على العموم تفكيره كلو كان فكيفاش ترجع صرف كيفاش تنتاقم منو ماقاطعها من حبل افكارها غير وهيبة وهيبة : ( كاتنغز فيها ) واا العمالة وا طبيعة وا العالم وا تي فين مشيتي شهيدة : خليني عليك ا تبي راني كاعية مابغاتش تسرط ليا ولد الحرام خلاني نطلب سماحة و كان غايهرس لي يدي ( شوية تفكرات شي حاجة ) اجي للز*امل بوك انا حمقة لديلمك ياك ا شيخة لا لا و زوينة كاتقولي ليه كمل عليها تستاهل وهيبة : ( غادا كاتبعد بشوية بشوية ) لا لا حق مونانا تا كنت باغا غا نفكك من يديه حق لالة عيشة البحرية و مولاي بوشتا الخمار تا بغيت لك غا الخير شهيدة : لالة عيشة بغيتها ضربك ان شاء الله و تعوج لك داك الفم باش تبقاي تسديه ولكن يا بنت فطيمة اليوم مايفكك مني حد اجي لمك لهنا .. حيدات صندالتها و مشات كاتجري موراها اما وهيبة هزات شربيلها فيديها و هزات سروالها و عطات رجليها للريح وهيبة : البزيزيلة والله مابقيت نعاود ياك ان صحيبتك شهيدة : ا والله يا ديلمك ليوم تاكلي ماكلة طبل وقفي يوقف لك الما فركابي شوهتينا وهيبة : من ايمتا و نتي كاتسوقي لشوهة والله مانعاود هادي اخر مرة .. نيشات عليها بصندالة جاتها فالقرفادة نيييييشان مي حلفات ماتوقف ماوقفات تال دارهم و سدات عليها الباب بقات شهيدة كادق و تهلل عليها شهيدة : ا حلي يا بنت فطيمة حلي نتناقشو وهيبة : انا عااارفاك فاش كاتعيطي لبنادم بسمية مو ماكاتكوني ناوية خير ا والله مانحل شهيدة : حلي الله يحل لك الراس و رجلين ان شاء الله وهيبة : ا والله مانحل سيري لداركم ماكانعرفكش و اصلا غانرحل ماغانبقاش هنا شهيدة : ا بلاتي نشدك ا بنتي والله مانطلق منك الله يخليها بالخلا شحفاتني بنت الهم مي دابا بقات فشنو غاندير مع داك الكيدار ا والله لابقات فيه نمشي نقصي عاد نفكر فشي بلان يجمع ليه المطاوي ...

وصلت للدار لقيت خويا حبيبي جا مشيت سلمت عليه أمين : فين كنتي القردة انا : وا راك عارف ا عشيري اليوم كان الماتش و ضروري نتفرج امين : كانقولك بعدي من ديك القهوة هاد المرة بغيتي تفرجي جي معايا كريمة : اييييه زيد شجع هاد عزري ضوار لي عندنا انا : ( كانمتل البرائة ) ختي كريمة مالك معصبة شكون عصبك كريمة : لا لا والو نتي غاطردقي لي مرارتي وا بعدا تعجبينا غير بتبحليس و تمسكين عشرة على عشرة امين : ا مالكم تاني كريمة : سولها هي لي مالها الوطني قرب و هي عاطياها غير للبلاي و الكورة و تخياط زناقي مع ديك شيخة ديال صاحبتها امين : ( بجدية ) كريمة عندها الحق الوطني قرب واش ناوية ديري شهادة سكنى تما؟ مابقا والو انا هضرت معاك ديك المرة لاماشديتيش الباك هاد العام ماغايبقا لا بلاي لا كورة لا زناقي انا : ( كانعس فعويناتي ) وا راه والله تا كانحفض ها هي سولها قولها فاش دخلات قبيلا اش لقاتني كاندير كريمة : ايوا اش غانقولك الله يمسخك ا بنتي واش جدول ضرب ديال واحد باقيين ناس يقراوه فالباك؟ واش هاداك وجهك ولا كفاك انا : وا صافي ا خويا امين بلا ماتخمم غانحمر لك وجهك و ان شاء الله غانشد الباك هاد العام مي غاتعطيني داكشي لي واعدتيني بيه امين : نجحي و يكون خير انا : مواااااح نموت فيك كريمة :ماكاين لي خارج عليها قد فشوشكم ليها انا : علاش شحال عندكم مني امين : ( عنقها بيد ) شويهيدة وحدة وا نوضي طلعي حفضي انا : نعالج بعدا باش يخدم دماغي و نطلع نحفض .. نضت سخنت بيتزا و جبدت قرعة ديال الموناضة عفوا بغيت نقول نضت طيبت البيض و ماطيشة و وجدت اتاي منعنع نعاماسي خلينا من داكشي ديال كيليميني ماما غطيني .. عركتها ماكلة و طلعت للبيت قررت نستغل هاد الايام لي بقاو فالحفاضة تا ندوز الوطني عاد نبالي بداك خونا و داكشي نيت لي درت جبدت دوك الكتوبة و بديت حفض يا ماتحفض داكشي كايدخل لي من جهة و يخرج من جهة بقيت مقاتلة مع الحفاضة ليل كامل تا نعست على الكتوبة ايييه ناس لي بغاو يحفضو و هاكا دازو اسبوعين مرة نحفض بوحدي مرة مع وهيبة لي تا هي دارت عقلها مع الحفاضة ...

بقا نهار على الوطني وجدنا نقيلة للإحتياط لاتحنسرنا فشي حاجة ديك ليلة نعسنا بكري لاغد ليه فقت مشيت للحمامصي شريت 20 درهم ديا زبيب خبعتها و مشيت فطرت دزت على وهيبة لقيتها نيت كاتسناني فالباب شدينا طريق نحو الجهاد شهيدة : امضرا اش وجدتي وهيبة : وجدت نقيلة حيت نقدرو نحتاجوها و نتي شهيدة : وجدت نقيلة و شريت زبيب نمشي نبيعو لولاد القيسم 😂😂 ماطالعاش ماطالعاش نربحو معاهم صرف راني حازقة نيت وهيبة : العفووو ماكاتزكليش الفرص شهيدة : ايوا اش كاتعرفي عليا مهم دوزي لداك القنت فين واقفين .. مشاو لعندهم سلمو عليهم و بداو هضرة تجبد هضرة تا كلات لهم دماغهم و باعت لهم زبيب بكتر من ضوبل باش شراتو شهيدة : ايييه كيف سمعتي كيف كاتعرف انا من شرفة العلويين و جد جد جدي كان هو مولاي دغيس شريف نعاماسي و دابا ديك البركة ديالو كاااملة تجمعات عند جداتي حيت تا هي فاسية و بديك البركة لي عندها كاتبخ على المريض كايبرا و كاتبخ على الميت كايحيا و كاتبخ على العاكرة كاتولد و كاتبخ على البايرة كاتزوج و كاتبخ على الحازق كايدير لاباس ولي بغا ينجح يا كاتبخ عليه يا كاتبخ على شي حاجة ياكلها اييييه نعاماسي جداتي راها تحفة غا كانتواضع معاكم و صافي ماكانبغيش نبان عليكم و دابا حيت انا باغا لكم الخير قلت نقسم معاكم هاد البركة ديال زبيب باش نجحو كاملين ماجاتش شي ينجح و شي يسقط شاب 1 : هادشي عندك مجهد والله وا معذرو غا كليت دوك 2 حبات ديال زبيب و انا نحس بدماغي تفتح و نزل عليا واحد الذكاء فشييي شكل شهيدة : ( سير الله يمسخك ) ايييه ايوا شتي ها اش قلت شنو دابا واش باقي شي حد باغي يشري ولا صافي نستافاد منو غا انا وا راه نيت مابقاش بزاف .. بقاو كايغوتو و يدابزو و يتزاحمو كلشي باغي يشري باش ينجح كاتبيع لهم واحد البزقة لاربع ب10 دراهم صدقات رابحة معاهم 200 درهم دارتها فجيبها و دخلات تدوز الوطني و كاتفرشخ بالضحك هي و وهيبة على كلاخهم هي هاديك دوزو الايام ديال الوطني جاهم ساهل شوية حيت فعلا هاد المرة دارو عقلهم فيه ايوا و لالاتهم شهيدة فهاد الايام ديال الوطني ربحات معاهم 600 درهم بلا ديك 20 درهم لي بدات بيها فلول سالاو الوطني و خداو راحة واحد اليومين و دابا اراك للحرب حلفات بحلوفها تا تخرجها منو ..

أمالو أمالوووووووو أمالو العيب جا منو أمالو أمالوووووو ، أمالو العيب جا منو أمالو العيب جا منو، خاد وحيدة بنت عمو . الشوافة الشوافااااااااا . شوفي ليا المصطفى . الشوافة . الشوافااااا . شوفي ليا المصطفى .عينو كحلة ولافة ... تخافوش هادا غير تيليفوني كايصوني شهيدة : الو القردة اش كاين وهيبة : عاااامين باش تجاوبي شهيدة : كنت كانغني مع صونيط ديال تيليفون شكاين تاني وهيبة : هبطي لعندي راني فراس ديال للحومة يومين ماخرجنا شهيدة : اطط نلبس و هاني معاك وهيبة : تعطلي تاني .. قطعت له فوجهها مالي مسالية نبقا ندي و نجيب معاها فالهضرة فتيليفون و نخسر صولد وي وي عارفة غاتقولو هي لي صونات عليك وايييه هي صونات عليا مي صولد ديالها راه بحال صولد ديالي خصووووصا ماكاينش لي كايضيعو لها من غيري ماعلينا نضت لبست سروال سورفيط كحل مع قبية واااسعة فالبيض و نايكا كحلة جمعت شعري كوت شوفال رشيت البارفان ديالي سيكريت بنكهة الفاني و تدردبت مع دروج لقيتها نيت كاتسناني فراس الحومة وهيبة : ا فيين الفردة شهيدة : فكرك القردة وهيبة : نتي راه ماكايصلاحش معاك صواب نهائيا شهيدة : ايوا شتك بغيتي تشرملي معايا داكشي لاش كان ضروري نحدهم لك وهيبة : زيدي زيدي نطلقو رجلينا يضربنا الهوا شهيدة : هاحنا زايدين وهيبة : ايوا اش درنا فداك المشروع شهيدة : زيدي نحيدو من هاد القنت باش مايسمعنا حد راك عارفة الأمر خطيرو حساس وهيبة : واييه عندك الحق زيدي نتحركو لداك القنت شهيدة : صاافي دابا مزيان مهم بالنسبة للمشروع نبداوه غدا ان شاء الله اش بان لك وهيبة : ايوا و سلعة ايمتا غانشريوها؟ شهيدة : اليوم نيت ندقو هاد المسمار باش غدا نفيقو ابونور نشدو بلاصتنا فسوق وهيبة : اممم ايوا و لباس؟ شهيدة : ماضربي لحساب لوالو راه عندي واحد عمتي من صحابات نقاب عندها واحد 2 خيمارات يجيو معانا وهيبة : صافي مشات مي لاماصدقش لينا؟ شهيدة : اش كاتعرفي عليا وهيبة : تسلكي تسلكي شهيدة : ايوا زيدي نجيبو سخرة نتي ماعليك غير تبقاي تغوتي فالبوق و تجيبي الكليان و انا نتكلف بالباقي ...

شدو طريق لعند العشاب و شراو شي تخربيق فالعشوب غا داكشي رخيييص باش عطاهم كمية واافرة و دازو لمكتبة شراو وراق بويض ديال رسم و شدو طريقهم للدار و هما مفرنسين وهيبة : ( تسمرات ) شهيييييييدة شوفي شوفي شكون قدامنا شهيدة : ( شافت فين كاتشوف وهيبة ) هههه جا برجيلاتو تال عندنا وفر عليا تمارة ديال تقلاب عليه وهيبة : تي ضربي لك على ديك سليعفانة لي معاه شهيدة : (ترسمات على ملامحها ضحكة شيطانية) وهيبة زيدي قدامي وهيبة : تي اش باغا من هاد بو عضلات ا ختي لا لا لا لا والله مانتبعك هاد المرة ياك عاد ديك المرة كنت غانجيبها فعضامي بسبابك شهيدة : واش تزيدي قدامي ولا نكسل ختي بشي هراوة راه مزال مانسيت لك داكشي لي درتي وا زيدي تحركي وهيبة : وكلت عليك الله لاكليت شي سلخة يا شهيدة مانسمح لك لادنيا لا اخرة شهيدة : اه اه اه على خوافة وا راه ماحدا انا معاك ماغايوقع والو زيدي قدامي .. مشاو نيشان لعندو شهيدة : اهئ اهئ ها هو عدو الله لي قلت لك خرج لي على حياتي اهئ اهئ عمران : هادي نتي عاوتاني؟ اش كاديري هنا تاني؟ ***** : شكون هادو؟ عمران : واحد 2 بره... شهيدة : ( كاتغوت ) اهئ اهئ ياك الغدار هادي هي ديالك اهئ اهئ خديتي ليا شرفيييي كل ماكانملك غتاصبتيييني و وهمتيني بزواج باش ماندعيكش علاااااااش علاااااااش ا عمران .. بنادم بدا كايتفرج و كايتجمع و عمران و ديك لي حداه غير مصدومين شد شهيدة من يديها زير عليها و بدا كايهضر لها فودنيها عمران : ( بعصبية ) يا غاتسالي هاد شوهة لي درتي يا اليوم نسيفط زام* بوك لسبيطار كاتفهمييي .. ستغلات الفرصة ديال انه هضر غير بشوية فودنيها شهيدة : ( بالغوات ) كيييييفااااااش . الله ياخد فيك الحق باغي تشريني بالفلوس باش نسكت انا ماكانتباعش انا اهئ اهئ الله ياخد فيك الحق دنيا و اخرة كيما غتاصبتيني بغيت ربي يخرج دنوبي فختك ولا بنتك اهئ اهئ وهيبة : (كاتعاون شهيدة ) ماعندكش ولو ذرة ديال الانسانية كيفاش عطاك قلبك دير لها هاكا عمران : ( بالغوات ) اش كاتخربقي ليا فين كانعرفك انا شهيييييدة المرا 1 : عيطو البوليييس بحال هاد الاشكال هما لي كايخرجو على بناتنا المرا 2 : و زايدها بالنكران واش كاينا شي بنت غاتبغي تشوه راسها هاكا الا اذا كان هادشي واقع بصح عمران : ( ربع يديه و بدا كايشوف فشهيدة ) عيطو للبوليس ... تصدمات شهيدة ماكنتش متوقعة الامور غاتوصل لهاد الحد مي واخا هكاك قررات تكمل تمتيلية و تزيد تبوحط اما وهيبة مسكينة ماعرفات اش دير تسمرات و سكتات من سمعا البوليس شهيدة : ( غير كاضور فعينيها ) اهئ اهئ ماكاين لاش اهئ اهئ انا باغا ربي لي يحاسبو يلاه نمشيو ا وهيبة دعيناه الله عمران : ( بنظرات شر ) لا غير بقاي ها البوليس شوية و يوصلو .. غير سمعات البوليس بلي شوية و غايجيو و هي طيح سخفانة بيان سيغ تا هادي غير تمتيلية ...

تجمعو عليها العيالات كايفيقوها و وهيبة تخلعات بدات كاترعد غا بوحدها المرا 1 : جيبو لها سوارت دغيا المرا 2 : تي شمن سوارت توما جيبو البصلة البنت راه سخفات المرا 3 : اش هاد الجهل البنت راه تغتاصبات و تقدر تكون حاملة خاص نديوها للطبيب المرا 1 : الجاهلة هي نتي يا المجهولة المرا 2 : حرررررررربش يا الهجالة الجاهلة هي مك المرا 3 : شنو دابا كاتحاماو يا العيشوريات المرا 1 : ماكايناش شي عيشورية قدك يا شارفة يا شيبة العاصية المرا 2 : اجي لمك لهنا .. ناضو كايتناتفو و ناس نساو شهيدة و ناضو كايفكو وهيبة نسات صحيبتها و مشات كاتفرج فالمطايفة و كاتشجع فيهم و شهيدة لي فيها مايكفيها كاتموت على المطايفات و باغا تنوض تتفرج مي خايفا لايجيو البوليس بقات دايرا راسها سخفانة حسات بشي يد كاتزعزعها تسحابلها وهيبة كاتفيقها باش تفرج حلات عين وحدة لقاتو واقف على راسها و مخنزر و هي ترجع تسدها عمران : نوضي حبسي هاد شوهة لي درتي شهيدة : ( كاتهضر مغمضة عينيها ) هاد شوهة نتا لي كاتقلب عليها وا سير بعد مني و خليني نتسنط لعضامي عمران : ماغاتنوضيش؟ شهيدة : والله و تقيسني تا ندير لك شوهة .. يلاه جا بغا ينوضها صدقات تقلبات و ماجات غير فجهة فين كايتناتفو دوك العيالات شرشموها بالمعقول برجليهم ماكاين غا زطم هنا زطم لهيه بيان سيغ بدون قصد مي اش عندها مادير دنوب عمران خرجو فيها هو شافها تما خلاااها و زاد اهم حاجة عندو هي كلاتها فعضامها و ماخرجاتش بلاش .. جر معاه البنت لي كانت معاه ركبها فاللوطو عمران : عارفك باغيا شرح من بعد و نشرح لك اش كاين و يلاه كان باغي يمشي و ضربات ليه فالخوا قال يمشي يشوفها باش غاتليها اما هي ماخرجات من تما غير بستة و ستين كشيفة شعكوكتها طلعات لسما و حوايجها الكحل ولا بيض و البيض ولا كحل مع الوقفة جاو عينيها فعينين عمران نييييشان شافها بديك الحالة جاتو ضحكة مارضاااااتش و مشات نيشان لجهة وهيبة جراتها من داك زحام هزات ميكاتها و زادت خلفة مع طريق ...

بقاو غاديين و شهيدة غير كاتنgر وهيبة : وا تا نتي الحمد الله منين خرجات على خير ماديريش فبالك اودي فلتي واحد المناتفة فاش كنتي مجبدة فالأرض مانعاودش لك شهيدة : يعاودو لك جنوووون ان شاء الله منين ا شيخة نتي كنتي كاتفرجي لاش مامشيتيش فكيتيهم وهيبة : ( بتعجب ) علاش حنا من ايمتا كنا نفكو عباد الله ياك حنا لي كانشجعوهم يكملو شهيدة : قودي من قدامي الله يرحم باك ا بنت العبد كليتها فعضامي رفسوني برجليهم كانت روح غاتزهق لي ... ( عاودات لها كلشي ) وهيبة : هههههههههههههههههههه هادوك غا دنوبو ا ولد الحرام بوقوص شهيدة : ( كاتخنزر فيها ) وهيبة : ا كانضحك معاك شهيدة : اري لهنا دوك الميكات وهيبة : هاكي ها هما شهيدة : دردبي لداركم غدا 7 نلقاك فراس الحومة وا صبحي ناعسة تاني .. توادعو و كل وحدة مشات لدارهم شهيدة بقات كاتحل الباب بحال شفار غا بشوية باش مايشوفوهاش فديك الحالة حلات الباب لقات ضلااام ماشعلات لا ضو لا والو مشات لجهة دروج مع ضورة خرجات فيها كريمة نيييشان غير شافتها و هي طلقها بواحد الغوتة سمعوها جيران من راس درب تال رجليه كريمة : اااااااااااااااااااااااااااامييييييي بسم الله رحمان رحيم شهيدة : وااااااااااااااااااااع اعود بالله من شيطان رجيم .. شعلات ضو بزربة شهيدة : تفوووووووووو الخرا هادي نتي وا طلقي الحس زبل خلعتيني كريمة : ( شدات فقلبها ) يقطع لك الحس ا بنت الحرام لاش ماشاعلاش ضو و شكون دار فيك هاد الحالة ياك كانقولك تبقاي دخلي سوق راسك هانتي جبتيها فعضامك شهيدة : بعدي مني ماناقصاك تا نتي كريمة : هههه بقيتي كاطيري تا نتفو لك دوك زغيبات مشااااات كرامتك ههههههههه شهيدة : بزاااااااف عليك تا نكون انا هي نتي عاد قولي بلي نتفوني حيدي حيدي من قدامي خليني نمشي ندوش كريمة : اش داكشي فيديك بعدا شهيدة : و نتي سوقك هادي شي سخرة محتاجاها ... طلعات كاتجري لبيتها سدات عليها و خرجات للدوش ضرباتها بتدويشة رجعات لبيتها لبسات حوايجها و ناضت كاتوجد داكشي ديال غدا هبطات للكاراج لي عندهم فدار تما فين جامعين كاع داكشي لي ماكايحتاجوهش هزات واحد الخيمة و واحد 3 ديال ليزار و 4 ديال الخشبات ديال ضالة جمعات كلشي فواحد الكروصة عندهم تما طلعات لسطاح تجيب المجمر كريمة : ا ديك سليعفانة فين غادا بالمجمر ديال العيد شهيدة : و نتي مالك محتاجاه فشي حاجة و صافي .. هزات المجمر زادتو مع داكشي و زادت كاع داك تخربيق لي غاتحتاج .. وجدات دوك نيقابات لي غايحتاجو صافي كلشي واجد .. هبطات تعشا لقات خوها جا سلمات عليه تعشاو و طلعات لبيتها تنعس ...

اصبحنا و اصبح الملك الله فاقت شهيدة ناضت غسلات وجهها لبسات عليها حوايجها هزات داكشي لي شرات البارح و هبطات لقات تما اتاي بارد شربات كاس بلا ماتسخنو و خرجات داكشي ديالها و خرجات لقات وهيبة كاتسناها وهيبة : على سلااااامتك شهيدة : الله يسلللللمك وهيبة : فطرتي بعدا؟ شهيدة : مزال ماطاحت نعمة فكرشي هبطت على كاس اتاي بارد زيدي تا لبلاتي و نشوفو شي محلبة ولا شي حاجة وهيبة : وا زيدي راه تعطلنا ... بقاو زايدين تا وصلو لواحد البلاصة مافيهاش الناس بزاف جبدو دوك الخيمارات لبسوهم و زادو كملو طريقهم للسوق لقاو ناس كايفرشو .. خداو بلاصتهم و خلصو ضريبتها قادو الخيمة و فرشو من لداخل واحد الحصيرة و حطو 2 كراسا ديال الحمام فيها و مجمر و شي تخربيقات معاه و خرجو قادو خيمة خرا حدا ديك الخيمة قادوها بليزور و دوك الخشبات و حطو سلعتهم تما فرشوها كراو البوق م عند واحد خونا و بداو كايتسناو سوق يعمر شوية شهيدة : حضي معاك هادشي هاني جايا نمشي نجيب لينا شي بريريد ديال اتاي و شي 2 مسمنات وهيبة : وا عنداك تعطلي ا صاحبتي شهيدة : 2 دقايق و هاني معاك .. مشات رجعات تا للحومة عند واحد الملبنة تما كايديرو مسمن زوين و نيت كايبيعو اتاي و فطريق و هي راجعة لقات شي كاميونات ديال رحيل واقفين حدا الباب ديالهم و من الفضول لي فيها حلفات تا تعرف اش كاين تم .. غطات وجهها و بقات غاديا و كاتخبع تا قربات لهم شوية بدات كاتجبد باش تعرف شكون كايرحل كان شي حد رحل لحدا دار لي مقابلة معاهم عيات ماتسنا يبانو هادو لي رحلو فجنبهم مي مابان لها والو تفكرات وهيبة و سلعة لي خلاتها فسوق و مشات كاتجري و تتعكل فجلايلها وهيبة : على سلاااااامتنا فطرنا معاك بكري الحاجة شهيدة : ا سوق عمر تبارك الله دغيا وهيبة : وا دوزي دوزي نفطرو دغيا باش نترزقو الله .. دازو فدوك المسمنات و اتاي و ناضت كل وحدة لخدمتها شهيدة دخلات لداخل شعلات داك المجيمير و شعلات ند و شمع و حطات حداها الكارطة و شي بخور و وهيبة بقات كاتبرح على برا وهيبة : ( كاتهضر فالبوق ) ا قربو قربو اليوم مع شريفة صحراوية تشافا فابور باي باي فرماسيان باي باي سبيطرات باي باي تحاليل لي بزبابل ديال الفلوس لي فيه البواسر دواه عندنا لي فيه حريق البولة دواه عندنا لي فيه الحنوشة دواه عندنا لي عاكرة دواها عندنا لي بايرة دواها عندنا قربو قربو و جربو عاد حكمو مع شريفة صحراوية مابقا داء ما بقا مرض قربي قربي ا خالتي عضامك هشاش؟ كاين دوا موجود مرا ولدك قهراتك؟ كاين الحل موجود المرا 1 : ها واحد السلام عليكم وهيبة : وعليكم السلام ا شريفة اش حب الخاطر المرا 1 : قربي قربي شوية وهيبة : ( قربات عندها ) هاني ا شريفة المرا 1 : عندي واحد المشكل مع ضرات ديالي و ماعرفت ماندير قهروني وهيبة : هاني غاندخلك عند شريفة صحراوية و هي تشوف لك الحل ... دخلاتها للخيمة لي كانت فيها ريحة البخور كاتعطعط المرا 1 : ها واحد السلام عليكم اشريفة و يا مالين المكان شهيدة : وعليكم السلام اش حب الخاطر المرا 1 : اش غانقولك ا لالة انا راجلي تزوج عليا و زاد عليا 2 ضرات ا لالة قهروني شهيدة : فاش قهروك ا شريفة؟ المرا 1 : وليت كانخدم عليهم و نسيق و نصبن لهم سليباتهم و نطيب و هما غير دايرين رجل على رجل و حتى فنعاس مابقاش ينعس معايا فاش سولتو علاش قاليا واش انا نخلي الحشون لي مجبد و جديد و نمشي عند الحشون لي مكمش و بالي و عاد انا زعما واخا كبرت شوية ولكن راني نقية كتر منهم و هو ماكايحملش شي حاجة سميتها الوسم شهيدة : ( حشمات بلاصتها ) اممم ايوا اش غانقولك ماعليك غير بهاد العشبة ديريها فطبسيل ديال لي غاتكون نوبتها فنعاس معاه ديريها لها فطبسيلها و ردي عليا الخبار المرا 1 : واخا ا لالة و شحال التمن ديال هاد العشبة شهيدة : ( قادات الجلسة ) ايوا اش غانقولك انا كانبيعها ب200 درهم مي ليك نتي حيت بقيتي فيا نخليها لك ب 150 درهم المرا 1 : جاتك ا لالة و الا نفعني هادشي والله تا نتهلا فيك مزيان .. عطاتها شهيدة حبة وحدة من ديك العشبة و شدات الفلوس و خرجات لبرا تشوف كي غادي البيع و شرا بقاو غاديين هاكا نهار كامل وصلات 6 ديال العشية جمعات قشها هي و وهيبة و قصدو ديورهم بدلو ديك الحالة فنص طريق عاد كملو طريقهم ..

تفارقو فين موالفين يتفارقو ديما مي شهيدة حصلات حيت الحومة كاتكون عامرة مع 6 كلشي خارج و البعالك كايلعبو قدام الباب بقات غادا و كاتسلت باش مايشوفها حد و كاااع ما رادة البال للعينين لي حاضيينها دخلات داكشي بتخبيعة للكراج بلا ماتشوفها كريمة وامين و دخلات عادي للدار لقات امين فالصالة امين : ( هاز حاجب ) فين كنتي هاد نهار؟ شهيدة : تاااا بلاصة غا كنت مع وهيبة كاندوزو الوقت امين : همم كليتي؟ شهيدة : اوووووووف مزال ماطاحت فكرشي نعمة فيا جوع امين : ( بتشكيك ) و مال وهيبة خلاتك بجوع؟ شهيدة : ا لا وا راك عارف انا كاناكل بزاف دغيا ولا كايجيني جوع كاين شي غدا امين : قولي واش كاين شي كاسطروط كريمة : سيري غسلي يدك و دوزي تاكلي ... مشات كاطير تغسل يديها امين : مانعرفت اش كاتخربق عاوتاني من مورانا كريمة : باااينا شي زبلة تاني امين : عنداك غير تكون كاتخدم من ورا ضهري راه دييك المرة هضرت معاها الحمد الله ماناقصنا خير و لي حلات عليها فمها كانجيبها لها غير لابغات تمشي ضرب تمارة كريمة : ياودي راه انا لي كانعرف ديك جنية مانعرفت اش غاتكون كاتصنع هي و ديك سليعفانة ديال صاحبتها ... جات شهيدة عركاتها و نسااات موضوع الشخص لي عاد رحل حداهم و طلعات دوشات و ضرباتها بنعسة مافاقت تا لاغد ليه اصبحنا و اصبح الملك الله ناضت دارت روتينها الصباحي و خرجات كاتسلت دازت لملبنة شرات مسيمنات و رايب لقات وهيبة كاتسناها لبسو لباسهم و شدو طريق قادو خيمتهم و فرشو سلعتهم بقاو كايتسناو سوق يعمر و بدات هاد المرة شهيدة لي كاتبرح و بلسانها الحلو جرات ناس لجهتهم كلشي باغي يشري ولا زحام عليهم رجعات وهيبة هي لي كاتبرح و شهيدة كاتبيع و تشد الفلوس و الكليان لي بغا يشوف شوافة كاتدوزو حدا الخيمة تانية يشد صف البنات ماقادهم فرحة اليوم يشدو صرف صحييح جاها صهد و حيدات داك لي كايغطي الوجه مع ضورة ديال وجهها جاو عينيها غير فعينيه بدا كايحقق فيها مزيان اما هي غير شافتو بالتلفة لاحت داك لي كايغطي الوجه و مشات كاتجري دخلات للخيمة شهيدة : اويلي اويلي على خير يامي نتشوه مع داك رجلين العتوكة و لكن اش فيها كاع هيااا سطاااااش اصلا الخدمة ماشي عيب وهيييييبة ا وهييييبة وهيبة : هاني مالك تاني اويلي فين مشا زيف ديال وجهك؟ شهيدة: ( بدات كاتقلب عاد لاحظات بلي طاح لها ) تفو فين مشا هاد زبل ... بدات كاتقلب عليه والو مالقاتوش وهيبة : اش غاديري دابا شهيدة : غانغطي وجهي بشي حاجة مهم شوفي بداي دخلي لي ناس ... اول وحدة دخلاتها هي المرا ديال البارح المرا : (فرحانة ) السلام عليكم ا لالة شهيدة : وعليكم السلام ا شريفة اش حب الخاطر امدر صدق داكشي؟ المرا : ( بفرح ) ياودي ماشي غير صدق راه صدق و فاتها لهيه الله يعطيك ماتمنيتي و يخلي لك جوادك كيما فرحتيني الله يفرحك شهيدة : عاودي لي اش طرا المرا : ( بدات كاتعاود و الضحكة مامفارقاش وجهها ) ايوا يا لالة ولالاتنا كاملين درت داكشي لي قلتي لي البارح بالحرف فالماكلة و دخلات لعندو ضرتي تانية ايوا ماكاملاش نص ساعة بدينا كانسمعو الغوات و خرجات هي كاتبكي و الخرا هابط منها داكشي محرحر بحالا مفرقع فيها قادوس و سيدي بوجمعة الله يخليه ليا بدا كايسب و يهلل تا دخلت لعندو لقيت البيت حالتو حالة بديت كانهدنو قلت ليه يعاود لي اش طرا قالك ا لالة كانو خدامين كايقضيو الغرض ماعليهم مابيهم تا السيدة تزيرات قالها مالك ا يامنة قالت ليه ماماليش و بقاو مكملين ماكملات 5 دقايق حتى طلقاتها و خرات من فوقو صافي تما جرا عليها و حلف بحلوفو لابقا حطو فيها ..

شهيدة : اممم باش تعرفي راه جوادي صحاح و ديك الحبة واخا تقلبي تا تعياي ماتلقايهاش المرا : انا مزاااوكة ا لالة ماعطيني منها شي 4 ديال الحبات اخرين شهيدة : ايوا دابا منين نفعات معاك جربتيها نبغي نقولك هاد المرة غانبيعها لك ب200 راه تا انا ا شريفة مارابحاش فيها بزاف حيت كلشي كايديوه الجواد المرا : جاتك ا لالة و راه عاودت لكاع الجارات ديالي عليك و تا هما باغيين يجربو بركتك راهم كايتسناو على برا شهيدة : مرحبا و الف مرحبا بيهم المهم هاكي ها الامانة و تفكرينا مرة مرة 😉 ... ضحكات عليها بدوك الحبات ديال سهلة لي هي خاسرة فيهم 5 دراهم و ربحات منهم 19 الف ريال شكوون بحالها ماعلينا جات نوبة ديال واحد راجل كبير شوية و لابس سروال من دوك سراول ديال توب لي كايلبسوهم شراف مطلعو حتى للكرش و لابس قاميجة بيضة خاشيها فسروال و داير دوك نضاضر ديال قاع الكاس شارف : السلاااااااام عليكم يا اهل المكان شهيدة : وعليكم السلام .. مشا كايبوس يديها و راسها و هي كاتجبد يديها و حاضية لا يفلت زيف لي شاداه بيديها باش مغطية وجهها شارف : هادا نهار كبييييير ا لالة صحراوية منين عاودت شفتك ماتخيليش شحال قلبي رتاح منين عاودت شفتك شهيدة : ( بإستغراب ) علاش واش كاتعرفني ا شريف؟؟ شارف : و شكووون مايعرفش شريفة صحراوية لي فينما مشات مخلية بركتها واش ماعقلتيش عليا؟؟؟ انا لي كنتي كاداويني حتى بديت كانتشافا و داويتي حتى خويا بوشتا الله يرحمو عمرني نسا لك خيرك واخا كاطلبي الغلا مي راه تستاهلي كتر من لي كاطلبي شهيدة : ( فنفسها امممم دابا هادا تغالطت ليه مع شي شوافة و باينا كانت شوافة صحيحة و عندها سمعة امممم وا هادي همزة صحييحة جابها لي الله ) الله اودي و شكون مايعقلش عليكم و على خوك بوشتا ايييه الله يرحمو وا تعدبت معاه بزاااف عاود فكرني ا شريف شحال كنت كانطلب؟ شارف : خويا كنتي طلبي ليه 3000 درهم و انا 2500 درهم ولكن اش غانقولك الله يعطيك صحة خدمتك متقونة شهيدة : ( وا هادي همزة و جابها لي ربي ) ايوا ا شريف جبتي الفلوس؟ شارف : ههههه كما العادة الفلوس يتحطو فطبلة عاد كاتخدمي مع ناس ماطلبتي غا الموجود ها هما ا لالة شهيدة : ( شداتهم بدات كاتحسبهم و خشاتهم فصدرها ) اييه ا شريف على بركة الله ... بدا كايحل سمطة شافتو شهيدة و هي تجمع الوقفة شهيدة : ا مولاي تا اش ساير دير؟ تا لاش كاتحل سمطة شارف : الله ا ودي ا شريفة صحراوية واش نسيتي المشكل لي كان عندي فثبي و البرود الجنسي لي عندي شهيدة : ( شوف لك طحبة الشارفة بنت الهم كاتتكوا و تخدم تاشوافييت وا هليي يا صكعة فاش غرقت راسي وا هادي ماكانتش على البال ) يهديك الله تا ريح للأرض شارف : وا هاااانيا ا لالة شريفة راني عارف كاتحشمي كنتي قلتيها لي شهيدة : ( اويلي ا عباد الله على خير يامي يكويني شارف ثبو كلو مكمش بقيت طامعة طامعة تا جبتها فكغي ) شوف راه ماشي داكشي لي فبالك دابا ياك نتا قلتي مزال ماتشافيتي ...

شارف : ( كايفرنس ) مزال ماتشافيت ولكن انا عارف يديك الحنان غايشافيوني اليوم ( كايقرب منها و هي كاتبعد ) قربي لاش كاتهربي مني شهيدة : ( ولايني هاد شارف الهارف ماكايحشمش ) ا عمي الحاج بعد لهيه و خلينا نتناقشو .. يلاه جات تهضر معاه و هو يتلاح عليها شارف : ( كايهضر و دفال خارج لو من فمو لي كلو مدعدع ) غير شي بوثة من دوك شنايف ا لالة غزالي شهيدة : ( كادفع ليه ) الغزالة بغيتها تركلك ان شاء الله شارف : بغيت بوثة وحدة و كون تعرفي شحال و انا كانقلب عليك .. بقات شهيدة كادفع ليه والو سيد مابغاش يبعد مابان لها غير داك المجمر لي كانو جميراتو حووومر و شاخدين بقات كاتتجبد تا وصلات ليه يديها شداتو بغات ضربو بيه صدقات حارقة ليه قزيبتو بدوك جمرات شعلات العافية فسروال سيد قزييتو كلها تشوطات مسكينة صدق نايض كاينقز و يغوت يلاه بغا يخرج من باب الخيمة خافتو يخرج يشوهها و ماتبقا لا تاشوافيت لا تاعشابيت هزات المجمر تال سما و ضرباتو بيه للراس جابتو كاااو مع ديك ضربة دخلات وهيبة لي كانت سمعات الغوات من برا الخيمة وهيبة : ( مخلوعة ) اويلي قتلتي راجل شهيدة : ( كاتنهت ) و ماشتيش هو لي كان بغا يكويني ا بنت العبد تال دابا عاد جايا وهيبة : اويييلي وليتي مجرمة ا مسخوطة الواليدين شهيدة : تي شمن مجرمة راه هاد شيبة العاصية غير مغيب تي زيدي شوفي معايا فين نخبعوه علاما نساليو نهارنا و نشوفو شي بلان نديروه ... بقاو كايقلبو فين يخبعوه مالقاو تا شي قنت وهيبة : فين غانخبعو هاد الموصيبة شهيدة : ماعرفتش ماعرفتش اووووووف ا ربي على موصيبة طحنا فيها ( بقات كاتفكر ) صااااااافي لقيتها جيبي داك ليزار الخضر سربي دغيا .. جابتو و كفنوه و خلاو ليه واحد تقيبة منين يتنفس حطات حداه كيسان فيهم شمع و ند و جمعات ديك روينة ديال المجمر و غطات وجهها بزيف شاداه بيديها شهيدة : دابا غاتخرجي عند ناس قولي لهم غا كانت كاتصرع واحد جن هادا ماكان .. و داكشي لي دارت نيت خرجات عند ناس و رجعات الامور لطبيعتها كأن شيئ لم يكن و لي جا دخل لعندها كاتقولهم هاداك غير فرعون محنط جابتو من مصر تا للمغرب باش ياخدو بركتو و لي دخل لعندها كايحط 20 درهم ولا 50 درهم حداه داز نهار و وصلات ل5:30 تسالا نهار و تسالات معاه تا شهيدة لي كانت عندها الخدمة مجهدة هاد نهار بقات مرا وحدة هي لي على برا خرج الكليان و جا نوبة المرا المرا : دوز دخل معايا ا ولدي الله يرضي عليك بحرا نيت تفوسخك راه مابقاش عاجبني حالك هاد ليام ***** : واخا الواليدة سبقيني هاني تابعك نقضي شي غرض و نجي وهيبة : ( فنفسها ) ويلي على موصييييييية شوف شكون جا لهنا المرا : ماتعطلش راه الشريفة كاتمشي مع 6 ... مشات المرا دخلات لعند شهيدة و داك شاب مشا لجهة وهيبة غير شافتو جاي لجهتها بدات كاتقلب فوجهها و تشوف فسما و تتلها فجميع الماطريال عمران : ديك نصابة ديال صاحبتك هي لي لداخل ياك؟!! وهيبة : ( كاترعد بلاصتها ) هيهي شكون صاحبتي واقيلا راك غالط ا شريف .. حيد لها الخيمار على وجهها ***** : ( بإبتسامة سخرية ) داكشي لي بقا خاصكم غير تاشوافيت ... خلاها و دخل لداخل لقا مو مجمعة مع شهيدة و شهيدة حانية على دوك الوراق و كاتخطط فيها بسمق سالات من الورقة و بخراتها و طواتها شهيدة : ( كاتشوف فالمرا ) هانتي ا شريفة بيتي هاد الحجاب فالما و تبقاي تعطي لولدك يشرب منو مرة فصباح فاش يفيق و مرة فليل فاش يبغي ينعس و هاد البخور قولي ليه يسيق بيهم دارو و ان شاء الله مايكون غير الخير هادشي دقة بطلة ماغاتبقا لا عين لا سحور و نيت غدا ان شاء الله جيبي معاك ولدك حيت كيف قلت لك ا لالة ولدك ساكنينو 2 جنون واحد مسلم و واحد يهودي و خاصني نصرعو فأقرب وقت باش مايتزادش الجن المسيحي المرا : ( بخوف ) بسم الله الرحمان الرحيم ها هو ا شريفة راه جبتو معايا راه على برا تسناي نعيط لو .. ولدي عمران جييتي .. غير سمعات سميتو تقلشو ودنيها هزات عينيها فيه لقاتو مربع يديه و مخنزر فيها ...

غير شافتو بدات كاتفتف غا بوحدها شدات داك زيف ب2 يدين باش مايطيحش و يشوف وجهها شهيدة : ( بدات كاتسرط فريقها و تفتف فالهضرة ) هادا هو ولدك ا شريفة المرا : اييه ا لالة هادا هو ولدي و نور عينيا ولدي عمران زيد قرب تشوفك شريفة صحراوية شهيدة : ( كاتفتف ) لا لا غا خليه تما راني كانشوفو من هنا عمران : ( بإبتسامة جانبية ) لا غا نزيد نقرب لك باش تقدري تشوفي مزياااان جنون لي فيا شهيدة : ( بغيتهم يعوجوك ان شاء الله ) الله اودي ا ولدي غا خليك تم المرا : لا ا لالة انا مزااااوكة ما عطيه بركتك راه هو نور عينيا و مانقدرش نعيش لاطرات ليه شي حاجة ... مشا عمران جلس جلسة ديال القفازي مقابل مع شهيدة و كايشوف لها فعينيها ديريكت عمران : شوفي لي جنون لي فيا ا ..؟ شهيدة : ضاوية سميتي ضاوية ا وليدي عمران : ( كايشوف لها فعينيها ) امم ا لالاتهم ضاوية شوفي لي اش عندي شهيدة : ( ولايني موصييييبة طحت فيها اش هاد زهر يا سيدي يا ربي ) شوف ا وليدي انا عطيت شي حجابات وشي بخور لميمتك هي غاتوريك اش دير راني شرحت لها كلشي عمران : ( شبك يديه ) ولكن انا ماكانحسش براسي مزيان شهيدة : ( ولايني لصقة هادا ) بخر بزغب الفار اليتيم و غاتولي صحيح فصيح ا ولدي عمران : باغي نهضر معاك فشي حاجة ا شريييفة صحراوية ( لحنها ) شي حاجة مابغيت حد يعرفها شهيدة : غا هضر هيهي هادي غير ميمتك لي معانا ا ولدي ماكاين تا شي حد غريب المرا : ( بخوف ) ولدي عمران واش شي حاجة كاضرك؟؟؟؟؟ عمران : لا الواليدة ماشي شي حاجة .. غير بغيت نسولها فشي حاجة وجاتني حشومة و ماقديتش نهضر معاها فداكشي قدامك المرا : اااه فهمتك ا ولدي مهم ا شريفة هاك ها ل250 درهم ديالك والله يكتر خيرك غدا ان شاء الله نرجع لعندك .. يلاه جات تمدها لها و هو ينطق عمران عمران : انا غانخلصها الواليدة غير خرجي تسنايني برا شهيدة : ( بخوف ) فين غادا ا لالة اجي جلسي نعطيك شي عشوب على ود صحتك المرا : ( بإبتسامة ) مرة خرا ا لالة تال غدا ان شاء الله شهيدة : و غاتخليني بوحدي مع هاد خونا؟؟ بغيت نقول زعما واش غاتخلي ولدك بوحدو هنا مسكين المرا : كون ماكانش الموضوع حساس كون بقيت معاه مهم خليت لك راحة ا شريفة . ولدي عمران هاني كانتسناك على برا .. خرجات المرا و بقات شويهيدة و عمران راس فراس و وسطهم داك المجيمير 😂 عمران مفيكسي عينيه فشهيدة وكايضرب فطبلة بصبعو بشوية و شهيدة غير كاضور فعينيها ...

عمران : ماناوياش تحيدي داك الخيمار ا نصابة؟ شهيدة : ( غير كاضور فعينيها مازال مابغات توب من الكدوب ) رجوع الله ا ولدي على اينا نصيب كاتهضر عمران : ( مخنزر فيها ) مزال مابغا يهديك الله من كدوبك يا شلاهبية ؟ شهيدة : دابا كاتستهزأ بيا و بالجواد ديالي ولا كيفاش؟ باغيني نحرشهم عليك يعوجوك؟ راه جوادي صحااح و قباح ولا طلقتهم عليك دنوبك على راسك و هاني علمتك عمران : مازال ماناوية داك الخيمار؟ شهيدة : ا هياتا حدك تما انا وجهي كايشوفوه غا الجواد لي حاضرين معانا انا نبهتك قلت لك ماتقلقللش مني راه لامشاو تا غضبو عليك مايفكك منهم حد عمران : نتي ماغاينفعو معاك غا البوليس على هاد الفعايل لي فيك ... دار راسو غايعيط فتيليفون بدات كاتفتف ماعرفات مادير مشات طارت ليه على تيليفون جات تحيدو ليه صدقات طيحاتو و طاحت عليه بغات تنوض و هو يقلبها عمران : هاد راس عندك خاصو يتهرس فينما كانت شي موصيبة جامعها تما شهيدة : حيد نووض عليا ولا والله تا نحرشهم عليك عمران : مزال مابغيتي تستغفري ربك و توبي من الكدوب .. غفلها و حيد لها داك الخيمار شهيدة : اش درتي الحمااار عمران : نصاااابة شنو دابا باقا غاتقولي عندك لجواد؟؟؟ شهيدة : حيد بعد مني ولا والله مايعجبك حال عمران : ( بنظرات مكر ) اش غاديري لامانضتش؟ شهيدة : لي غانديرو ماغانعاودو لك ... ناض عمران و بدا كيشوف فيها بنظرات كلهم سخرية عمران : اش غانتوقع من وحدة بحالك هه راس مالها نصيب على عباد الله شهيدة : وا منين عارفها لاش باقي كاتجي فطريقي عمران : ماكانجيش فطريقك نتي مي نعاود نشوفك كاطوفي بساحة الواليدة و تقنعيها بهاد تخربيق غايكون معاك حساب اخر ... خرج و خلاها كاتغدد و كاتفقص غا بوحدها مشا هو و مو و دخلات وهيبة لعند شهيدة لقاتها معصبة وهيبة : اويلي واش عاق بيك شهيدة : ( معصبة ) غير عاق بيا و سكتتي اووووف ... عاودات لها كلشي من طق طق للسلام عليكم وهيبة : مشكيييييلة هادي ايوا و ماخلصوكش؟ شهيدة : نوضي قودي عليا الله يرحم باك باقا عاد كاتفكري فالخلاص زيدي نشوفو فين نديرو داك شارف الهارف قبل مايفيق ... مشاو كايتقاتلو هي وياه هزوه و حطوه فديك الكروسة و خلاو الخيمة فأمانة شي خضارة و مشاو بقاو غاديين تا بان لهم واحد درب خاوي حيدو داك شارف من الكروسة و حيدو ليه داك زيف الخضر و حطوه تما و تمو راجعين للسوق ماجاو فين يوصلو للسوق تا تصدمو بأش شافو برد لهم الما فركابي ...

يتبع..

فنظركم اش غايكونو شافو؟؟