الثأر العنيف الجزء 13

جالسين فواحد الدرجة جنب داك المحل بعدما فرغو شوقهم لبعضهم .. سنييين ماتشاوفو .. سنين ماعرفو خباار على بعضهم .. جالسين بجوووج قدام بعض .. هو شادلها يدها و مزير عليها كايشوف فالارض حشمان منها ..خجلان من راسو و من كولشي اللي وقع بسبابو، هي كاتنهد و تشوف حتى هي فالارض .. ذكريات ديك الليلة المشئومة رجولها خلاوها ترجف و تزييير على يدو

علات فيه عينيها بنضرات خوف و حزن و قالت بنبرة خافتة:سعيد .. فين نور؟

سعيد سمعها اش قاالت .. زاااد زيرلها على يدها و غمممض عينو وعض على شفتو التحتية بقوة و حرك راسو بالنفي:معارفش

عبير شافت فيه بصدمة و عيون مدمعة .. حاسة بسطل مثثلج تكب علييها .. البرووودة حساتها فكل جسمها و ديك التبووريشة و الرعاادة:ك كييفااش معاارفششش؟؟ سعييد فيين ختناااا؟؟ فيينهااا .. من فوقاش مااشفتيييهااااا؟؟؟

سعيد حاني راسو للارض:من داك النهار ماشفتها

عبير ضحكات باستهزاء ووقفات كاتشوف فيه .. هو علا فيها عينو مدمعين بندم و هي تطلقها بضحكة عااااليية .. ستافزات داك اللي حاضيها من طموبيلتو و حاس بعاافية وسكاانيين كايشوطو فقلبو

عبير باستهزاء:اصلاا شنو نتوقع منننك نتاااا؟؟ تخلييتي عليا و خليتيني فالحبس لا حنين لا رحيييم ثمن سنيييييين ماطليتي ولا ركبتييي عندييي .. لوماكنتش شفتك دابا ماكنتش غانعرفك حي ولا مييت، واش واحد فحاالك ضيعلنا حياتنا بالقمرر غايدييها فختو الصغييرة مولات 14 عااام هههه .. فعلا نتاا اخخخ مزيان فعلا براافووو (بدات كاتصفق بيديها .. هو وقف و تقابل معاها .. دور وجهو يمين و شمال .. شاف شي وحدين كايشوفو فيهم باستغراب .. هو مباغيش يتلفتو الانضار ليهم .. جرها من يدها و مشا بيها لواحد الدرب ضييق جنب داك الشارع و تقابل معاها كايدوي بهمس هي حلات فمها كانت غاتغوت)

سعيد شدلها فمها و قربلها مقنتها كايبانو قرااب لبعضهم:ششش .. سمعيني اعبيير .. انا مادرتش هادشي حيت بااغي و انما انا مجببوور .. كنت خاايف علييك و خايف على نوور .. ماقدييتش نزورك نتي ولا نقلب علييها .. حيت واحد من دوك اللي ماتو ديك الليلة .. كان ولد خووو مافيوزي كبيير

داك المافيوزي هو اللي كنت كانقمر عندو و نتي قتلتييلو ولد خووه .. بقا محلف علييك و كايهددني بيك .. ولا كايقولي هربلي المخدراات، الحشييش و شحاال من جراائم ورطنيي فبيهم .. كايصيفطلي تصاورك من الحبس و كايقولي لامادرتيش هادشي غايصفيوها لختك .. و قالي كان مدخل معاك شي وحدة باش تصفييهاالك و تكرهك عيشتك تمااا، كان كايتسنااك غي تخرجي من الحبس باش يقتلك ودابا لاعرفك فين نتيي غايقتلك .. من الاحسن بعدي من الانضار و حتى نوور راني ماقلبتش عليها باش مايآذيهاش .. حياتي ولات بلا طعم و بلا لون و بلا ريحة، وليت عايش و معايشش .. عفاك ماتزيديش تحمليني هم كثر من هاد الهم اللي فياا .. انا راه خايف علييكم .. نتوما اللي بقيتولي فهاد الدنيا .. واخا معارفش نور فينها واش عايشة بخير ولالا..ولكن اهم حاجة عندي هي انني مانشوفهاش ميتة قدامي برصاصة من داك القوااااد (ختم هضرتو بدمووع خارجين بغزاارة من عيينيه، عبير كانت كاتشهق حتى هي كاتبكي .. تعلقات فيه و عنقاتو بقوووة مزيرة علييه و كاتنخصص و حتى هو زييير علييها و كايبكي حاس براسو مقهوور و ضايع فمتااهة .. غرقاان فبحر عمييق و مقادرش يخرج منو .. دوزو مودة معانقين كايبكيو فحضن بعضهم .. حتى بعدات عبير كاتمسح دموعها و تنخصص، شافت فعينيه و قالت بصوت مرعوود)

عبير:و ماااماا .. فين دفنتووها

سعيد عض على شفتو التحتية بقووة و تنهد:راها هنا .. دفناها فكازا

عبير حنات راسها للارض:اذن ماشي غير انا اللي معذبة فحياتي ياك😞

سعيد بتاسم بحزن و هزلها راسها بصبعو من فكها:كولنا معذبين ولكن ندعيو لله يسهلها، اهم حاجة مخاصش داك بنادم يعرف فينك .. حيت لاعرفك راه مغايرحمكش اختي، عفاك تخباي منو ولو فقعر الدنيا

عبير ومأتلو براسها:و وااخا مغايعرفنيش فين انا، ولكن خاصنا نتشاوفو ثاني .. خاصنا نلقاو ختنا الصغيرة

سعيد تنهد:غانلقاوها انشاء الله غي علاما نحلو هادشي هذا، عندك تليفون؟

عبير حركات راسها بلا:تت لا .. ماعندييش

سعيد تنهد بحيرة:و كيفاش غانبقاو نتشاوفو، عرفتي شنو .. هاكي تليفوني (عطالها تليفونو .. سامسونخ s5) انا غانشري جديد و نصونيلك .. زيدي نشريلك كارط جديدة

عبير بتردد:ولكن هذا ديالك مانقدرش ن..

قاطعها هو:لا عندي باش نشري واحد آخر غي اجي (جرها من يدها غادي بيها لواحد التليبوتيك فالدرب نييت، شرا كارط سيم و دارهالها فداك التليفون .. بعدما مسح منو الحاجات المهمة) ها نمرتك عندي دابا، صافي غي نلقا فرصة غانصونيلك، صافي؟

عبير ومأتلو براسها:واخا .. غانمشي دابا راني غي سالتة من الخدمة

سعيد:واخا .. زيدي نوصلك

عبير حركات راسها بلا:لا لا مايحتاجش .. غانمشي بوحدي يلاه بسلامة

سعيد بتاسم خربقلها شعرها:بسلامة

هي دارت عاطياه بالضهر غادا و كاتفكر فهادشي اللي طرا .. خوها الللي شافتو و ختها اللي بالها تشغل عليها كثر .. كانت حاسباهم مع بعضهم و هو حاميها ولكن دابا ولات كاتفكر غي فين تكون، و هي غاافلة و ساااهية طموبيلت موسى موراها .. غادي بيها ببطئ كايطلعها و يهبطها بمشيتها وبفورمتها و بشعرها و كاع مفاتنها، و فعقلو غا صورهم اللي ترسخولو فذاكرتو .. ديالها مع سعيد .. زيير على الكيدون معارفش علاش معصب حيت شافها معاه .. معانقين و شادلها يدها وقرييب منها، حس بغضب و عصبييية كبيييييرة ماحس براسو حتى زطم على الكسيراتور كثثثر و ديمارا بسرعة قصصصوى غادي جيهتها هي اللي كانت غادة جنب الطروطواار ماشي فووقو، هي بسهوتها ماسمعات والو لا صوت طموبيل لاصوت ناس اللي كاينبهوها تنزاح من الطريق .. و هو غاااادي حيهتها .. حتى فآخر لحضة قلب طرييقو و دااز من جنبها كيف الرييييح حتى طاار شعرها على وجهها، شافت باستغراب فديك الطموبيل و خنزرات كاتقاد فشعرها .. قلبات عينيها و زادت كاتزرب فخطواتها باغا توصل للدار دمروى دغيا .. عنداك يطلقالها حد من دوك اللي باغيين ينتاقمو منها

اما هو فمشااا مديماري بسرررعة و الكيت فوذنو.. داير نمرة دالكارد كورد ديالو .. هضر بصراامة:تبعها فينما مشااات .. وايااك تغفل علييها

الكارد:امرك اسيدي

هو قطع و كمل طريقو بابتسامة خبييثة:دابا غايبدا اللعب دبصح هه😏

باقي جالس فالصالون ددارها كايتفكر داك الفيديو كايصعر و اللي زااد مصعرو هو داك اللي وصلها .. اذن هو اللي حماها فالوقت اللي كان خصو هووو يحمييها، ماعرفش علاش ولكن حاسسها هي من مسؤوليتو هو بووحدو .. هو اللي يقدر يآذيها ..هو اللي يقدر يحميها، هو اللي يقدر يقيصها ..هو اللي يقدر يدير معاها أي حااجة فأي وقت بغااا و ما منحق حتى واحد يمنعو، تنهد بعمممق حاضي تليفونو كايهزهز فرجلو حتى وصلو الميساج اللي كان كايتسنى من قباايلة .. وقف بملامح لا تبشر بالخير و مشا لباب الداار حلها و خرج و زدحهااا بقققققوة .. حتى تفعفعات نورسين اللي كانت بااقا نااعسة .. حلات عينيها بتثاقل حاسة براسها مدكدكة .. ناضت كاتكسل غادة للحمام اللي برات بيتها بعدما لاحت الكوفرلي ديالها فالارض، كانت لابسة بيجامة دالدار شورط و طوب قصير .. عينييها معمشيين و حاسة بيدها شوية كاضرها لا حركاتها .. مشات غسلات وجهها و قضات حاجتها وخرجات من الطواليط .. راسها ضارها من هاد النعاس اللي نعساتو، كانت محتاجة للراحة ولكن هي خمراات ماشي غي نعساات .. مشات للكوزينة حاسة بالجوع ولكن فلحضة تكواانساات ووقفات فوسط الدار كاتشمشم بنيفها .. قلصات تعابير وجهها و هي كاتشم و تمتم باستغراب:ولاهيلا رييحتو هاااديي، لا لا زعما نكون كانتخاايلل .. منيين غاتجي ريحتو داابا .. (شمات شمممة من اعمااقها) الله كاتحممممق (بتاسمات ابتسامة عميقة اللي بسرعة محاتها مللي تفكرات تصرفاتو اتجاهها ووكملات طريقها للكوزينة) نورسييييين مخاصكش ضعفيي .. نتيي غاتكرهيييه صافي هو مايستااهلللكش .. يستاهل غالوييييلة الميييييتة .. هانااا قلت وييلة و نعاااودهااااا، تفووو على حماااارة كانكرهها .. القحبة الpوطا السلكووووطة ويالاااه همممم (جبدات مجموعة من الشيبسات و الحلويات و البيموات مخببيين عندها فالبلاكار و مشات للصالون جالسة تشمشم و تااكل و تقول والله حتى ريحتو)

.

.

.

....

هو وصل لواحد البنااية كبيييرة .. باينة فيها خاوية ولا مهجورة، مشا لواحد الكراج فيها .. طلع بابو دالسكة اللي كان كايطلع و ينزل و دخل بخطوات ثققااال وملامح ممحية

.. شاف ياسين واقف مع مجموعة دالرجال جنبو و كايشوف فواحد الجوج مربوطين فواحد الكرسي فاقدين الوعي، هو شاف فيهم كانو دوك اللي تهجمو على نورسين .. ابتسامة استهزاء ترسمات على فمو و قال باستهزاء:مالهم مساليين

ياسين غمزو:درتلك شغل المافيات معاهم هههه

نورس جر واحد البرميل دالما كان قريبلو برجلو و كحزو لياسين:فيقهم نشوف شغلي معاهم

ياسين ضحك و نزل للبرميل .. هزو بالزز كان ثقييل ومشا بيه لجيهتهم .. علاه لفوووق و كب علييهم الما حتى قفزو حالين عينيهم، نورس ومئ براسو بهدوووء .. جلس على واحد الكرسي مقاد رجل على رجل كايشوف فيهم .. هوما حلو عينيهم كايتفتفو .. شافو فبعضياتهم و شافو فدوك الجوج قبالتهم .. بلعو ريقهم خصوصا من نورس اللي كايشوف فيهم عاقد ذرعانو و ابتسامة باااردة على فمو:مرحبا بيكم عندي هه😏

الرقييقة بترجي:هالعااار اسييدي سمحلنا واللهماا بغيينا نآذيوها هي دفعاتني اللولة

الغليضة:عفااك اسي نوررس .. حنا غي وليااات

نورس باستهزاء:نتي بعدا عندي ليك مفاجأة زوينة على ديك اليد اللي قربتي تهرسيهالها

الغليضة بلعات ريقها .. خصوصا من صوتو الرجولي اللي كايجيب الهييبة .. هو اصلا كولو هييبة جلستو الفخمة و نبرتو الباااردة و الابتسامة اللي كاتخلع على وجهو:هالعاار واللهما نعاود

هو دوز صبعو بين خصلات شعرو و شاف فياسين:قولهم اياسين انا شكاندير للي كايآديو حاجة ديالي .. خاصة بيا؟

ياسين ضحك باستمتاع ووقال بخبث:كانقطعولهم الصبيعات موراهم اليديدات باش يحرمو يقيصو (هوما بداو كايغووتو و يبكييو ويرغبووو)

نورس بجدية:جيب داك الشواشة نبدا خدمتي غا بالمهل

ياسين شاف فيه بتعجب .. واش غاينفذ بصح ولا تهديد، هو براسو معارفش شكايدورلو فراسو .. مشا لواحد الطبلة كانو محطوطين فيها انواع و اشكال الاسلحة البيضاء .. هز واحد الشواشة وقرب بيها ليه عطاهالو .. هو شاف فيها وقلبها لجوج جوايه كايشوفها واش ماضية، كانت هي هاديك .. ضحك ووقف مخنزر فيهم، قرب لعندهم .. دوك البنات تكمشو على بعضهم كايترعدو .. هو حنا قدام الغليضة و شدلها يدها كايشووف فيها ..

.. هو حنا قدام الغليضة و شدلها يدها كايشووف فيها .. علا عينو فوجهها و ضحكلها هي كاتشوف فيه بخوف و رعب باغا تملص يدها من يدو، زيرلها على يدها ووخدا الموس بشووووية كايدوزولها على طبقة رقيييقة من الجلدة، هي غوتااااات بقققوة مغمضة عينييها و الالم حااسة بيه قويي .. الرقييقة كاترعد و

وتبكي و ياسين عقد ذراعو وحجبانو كايشوف فيه شكايدير .. ستعجب منو اما نورس فكايخططلها فيدها وومبتاسم ببرود .. قالها:قوليلي ازين .. سحابلك هي بوحدها ماعندهاش اللي يدافع علييها؟ هممم (زيييرلها بالموووس على واحد البلاصة حتى فاااضت بالمووس و هيي كاتغغوووت كثثثر) عرفتي كنت مخططلك لماصعب ولكن شفتك على قد الحاال، على أي هذا غايكون تنبييه لييك .. باش تحتارمي الناس و تجمعي هاد اليدييدات عندك .. (محى الابتسامة من وجهو وخنزر) مفهووووووووم

الغليضة كاتومألو براسها:مفهووم مفهووم عفااك طلقنيي عفاااك (هو طلقها و رجع ديك الابتسامة المخيفة لفمو ونضرات عينيه كايخلعو .. قالها بهمس كايخلع) اي واحد .. يفكر يقيصها ولا يأذييها نجبدلو قلللبو من بلااصتووو، غتااقييت فييك وجه الله وشفت انها مامآذياش بزااااف .. لاكان كيسحابلييك انا ظرييف راه غا كذبو علييك (هي كاتشوف فيه و تصنطلو و تشوف وجهو الثااني اللي مكايرحمش واللي كايبان غييييي احياااناا .. غيير الوجه اللي كايبانلهم فالتفازة كايباان حنيين من خلال اغانيه و ظريف .. هي راسها بدا كايدورلها كاتشوف فيدها كاتشرشر بالدم .. هو نتاقل بعينيه للرقيقة كانت سخفاانة مسيكينة ماقداتش تستحمل بسباب خوفها ههه، هو وقف و مشا لجيهتها .. دوز بخخخفة داك الموس على وجهها من جيهت واحد الحنك و همسلها بصوتو المخيف متأكد غاتسمعو فكوابيسها:هادي على القمشة اللي فوجهها.. تعلمي تجمعي ضفارك (بعد عليها و دار شاف فياسين اللي مامتيقش شكايشوف)

نورس بهدوء:صافي ساليت انا .. ضبر معاهم و خودهم لشي كلينيك يتعالجو .. انا عندي مانديير (مشا من قدامو خارج فحالو و ياسين بقا غي حال فمو فدوك البناات مسكين تبهض)

⚡فالمساء، فالقصر⚡

جنة فالجردة كاتشوف فالتزيين ديالها للحفلة و ايمي فجهة اخرى حتى هي كاتطل على العاملين معاها، بجوجهم قايمين على هاد الحفلة و باغيينها تكون من احلى العيد ميلادات بالنسبة لمينا .. بعدما عياو جلسو فوق واحد الكراسة جابوهوملهم الخدم و شدو كوكتيلات باردين بين يديهم

جنة بابتسامة:انشاء الله غايدوز زوين

ايمي:ويي باينة غايدوز احسن عيد ميلاد غي بهاد التجهيزات ههههه

جنة:خاصني نخبر صاحبتها تشوف كي دير توجدها غدا عاد تجيبها

ايمي:صونيلها دابا النيت و شوفي

جنة هزات تليفونها:امم غانشوف نمرتها (بدات كاتقلب فالريبيرطوار حتى سمعات صوت جاي من قريب .. دورو وجوههم هي و ايمي و هوما يوقفو مبتاسمات كايشوفو فديك اللي جاية كاتجري عندهم)

جنة حلات يدها تستقبلها بحضن:غزوولةةة (هي تلاحت علييها كاتعنق و تبووس بقووة و تضحك .. مشات لايمي نفس الشي كاتعنق و تبووس)

غزل:توحشتكم بزااااف امراوات عمامي خهههههه

جنة بضحيكة:هههههه حتى حنا توحشناك .. فين ماماك وباباك؟

غزل:مجاوش .. ماما مع جدو حالتو خطييرة بزاف ماقدراتش تخليه، و بابا ماقدرش يخليها و يجي .. وانا ماقدرتش نخلي عيد ميلاد بنت عمي ومانجيلوش هههه .. فين مينا بعدا؟

ايمي:راها مع صاحبتها .. غادوز عندها هاد النهار و حنا مخططينلها لغدا، باغيينلها عيد ميلاد مطرطق

غزل بابتسامة:انشاءالله غايكون زوين (وقفات عينيها كايدورو فبلاصتهم و شافت فجنة) و و ي يووسف ف فالخدمة؟

جنة بابتسامة؛لا هو مسافر حاليا .. ماعرفتش واش غايجي غدا ولالا

غزل عبسات بوجهها بحزن:خساارة ماكرهتوش يجيي

ايمي غمزاتها:غايجي اشويطينة .. نتي عارفة مينا شحال عزيزة عليه

غزل ضحكات كاتشوف فالجردة كي مزينة:ههههه احححح توحشتو

.

.

.

...

💎فنفس هاد الوقت فالكوزينة💎

كادوي فالتليفون بالتخبية و كل شوية دور راسها تشوف واش جاي شي حد:راني حاضية معاهم، كانتسنى اللحضة المنااسبة .. و على الاغلب غدا .. عندهم حفلة و غاتكون الدنيا عامرة و قاتلنا ديك خيتي حنا كولنا غانسربيو، اذن انا غانكون معاهم و غاننفذ العملية.. صافي كون هاني .. غدا غايكون موت جنة العوماري على يدي😈

👑أمريكا👑

بعد يوم طويل و متعب بالنسبة ليها فالمشفى .. دخلات لشقتها و هي حاسة بالعيا .. مشات نيييشان للدوش تدوش باش تصحصح، بعدما سالات لبسات لبيسة خاصة بالدار و جلسات بملل كاتقلب بين الاذاعات و شادة واحد الشلاضة صايباتها كتاكلها، تنهدات للمرة الستين فهاد الستين ثانية اللي فاتو ووقفات كاتمشي و تجي فبلاصتها:لا لا لاااا توحشتوو .. واش اعباد الله من البااااارح فالصباح مشفتووو، ماشي التعدو هذااا .. نااااري بغيت واخا غيي نسمع صووتو .. والله حتى نهبط نطل عليه، جات هابطة ببيجامتها تاالفة بلا عقل و هي تتفكر الباار، جات لبالها فكرة انه غايكون تمااا .. مشات كااتجري لبيتها تبدل علييها .. العيا مشاا و جا فبلاصتو شوق ووحش كبيير منها ليه .. نهار كااامل مشافتو و البارح كذلك تقرييبا نهار اخر .. يعني يومااين تقرييبا .. جاتها قااصحة .. ولفاتو فحياتها .. لبسات طوب فالكحل .. خيوطة و لااسق عليها مبينلها البوط .. مع سروال جلد كحل و صباط طالون فالغوز مع مكياج دخااني فوجهها و دارت عكر بريحة كاتحمق فالغوز .. و شعرها جمعاتو كوت شوفال، خرجات من الدار بعدما هزات صويك كحل دارت فيه حاجياتها اللي غاتحتاج و مشاات متشوقة تشوفو واخا من بعييد

.

.

.

🍻فالبار🍻

كان جالس كايخلط شي مشروبات و سااهي .. كل شوية بتيسامتها كاتزورو لبالو كاتخلييه يبتاسم بلا هواه حتى شاف شي خيال داز من قدام عينيه، توكض و شاف فداك اللي كان جالس معاه ديك الخطرة حتى هاد الخطرة قدامو و كايسولو:سافاش .. مالك كاضحك؟

سافاش توكض:ه هاا لا لا وااالو

الشخص ومئلو:واخا .. الموهيم جبتلك خباار سخوون بمليوون

سافاش:شناهو؟

الشخص بابتسامة جانبية:خت خوونا .. جات للبار

سافاش:متأكككد؟؟

الشخص ومئلو براسو؛كل التأكييد .. هييي هنا .. و هادي فرصتك .. تقرب منها تقدر تتقرب حتى من خوها 

سافاش ومألو براسو؛وفينها

الشخص نعتلو براسو بلا مايعيق:ديك اللي فداك القنت .. جالسة بوحدها

سافاش ضرب فيه طليلة بعينو طلعها و هبطها و شاف فالشخص:هه .. زوينة غاتسهل المأمورية

الشخص وقف هاز كاس كايضحك:واارد بالك و سالي دغيا هادشي باش تقد ترجع حياتك القديمة

سافاش بملامح حزينة:واخا نبغي نرجعها مغاترجعش بفففف .. الموهيم دابا غانتحرك مع خيتي

الشخص غمزو و مشا .. اما سافاش فكب لوحدة جات لقدامو يسربيها و عينيه على ديك خيتي .. لللي كانت جالسة بجليسة هاادية و كاتدور فعينيها فداك الكلوب، هو كايخلط فالمشروبات و كايفكر كي يدير يتقرب منها . حتى وللحضة تقابلو عينيهم .. فديك اللقطة نيشان غمزها .. هي زعزعها بديك الوسامة و الضحيكة اللي دار معاها و الغمزة .. ضحكات حتى هي كاتشوف فيه، هو كايكب فالمشروبات و يدور يخلط فمشروبات و كوكتيلات فنفس الوقت كايخطف فيها شوفات مرة مرة، هي عجبها .. وقفات بكاس فيديها خاوي و تاجهات لعندو حتى وقفات قبالتو و مداتلو الكاس مبتاسمة غمزاتو:كبلي شي كويس بايبي

سافاش مد يدو خدا من عندها الكاس و تعمد يشد فيدها تلسمها، كان ملمسها عادي .. جات لبالو كوثر اللي ملمس يديها رطبين وزوينين وبيضيين، حرك راسو بالنفي باغي يطردها من مخيلتو و بتاسم فوجه اللي قبالتو .. عمرلها كاس و مدولها، هي شداتو من عندو مبتاسمة وقالت بنبرة صوت مثيرة:شبانلك نقصرو شوي هاا؟😉

سافاش بتاسم:موافق ازين😉

هي قربات بشوووية عندو مع الكونطوار اللي فاصل بيناتهم .. قربات بشوووية لوجهو كاتشوف ففمو ووهمساتلو بصوتها المثير:على برا من دابا لنص ساعة نتشاوفو هممم

سافاش بتاسم كايشوف فعينيها اللي على شفايفو:اوكي نص ساعة نكون عندك (قرب شفايفو بشووية حطهم على ديالها بسطحية وبعد فالحيين عايف منهم، هي بتاسمات عاضة على شفايفها و غمزاتو و دارت غادة، مشات خلاتو متبعلها العين حتى جلسات فبلاصتها اللولة .. بتاسم باستهزاء كايتمتم بين سنانو:غانسود عيشتكم نتي و داك خوك و كااع عائلتو .. غاتسنااو علييا (علا عينو كايسربي فالناس ثاني و ابتسامة خبث على شفايفو)

.

.

.

..

برات البار🍻

واقفة قدام موطوورها شااادة على قلبها و مززيرة علييه بيدها .. حااسة بالجناوةة كايتغرسو فووسطو و الدمووع سايليين من عينيها اللي مغمضاهم .. و كل شوية كايتعاود فبالها .. صورتو و هو كايبوس فوحدة اخرى و مبتاسم يعني عاجبو الحاال، خرجاات شههقة من اعماقها حاسة بقلبها ضاارها و ركباات فمطووورها نطالقات بيه بسرعة بعدما دارت الكاسك و هي مقاداش تزييد تفكرو مع وحدة اخرى، حاسة بقلبها كايتشوط .. ناار كتاكلوولها وهي اسسوء نااار تقد تضر قلب شي حد .. نار الغييرة و ما ادرااك ما ناار الغييرة .. خصوصا مللي تشوف اللي كاتبغي مع شخص آخر .. حسات بقلبها قرييب يخرج من بلاصتو .. وصلات لباب عيمارتهم و مشات طالعة كاتجري حتى تعكلات فالدرجات اللي كايوصلو للطابق ديالها و فنفس الوقت قدام الطبقة ديالو، شدات رجلها كاتدلكها و تبكي بالحسس .. كاتمتم:علااش بااسها هئ هئ اكييد صاحبتو ولا هاديك من نوعو المفضللل هئ هى اااه هي من نوعو المفضل .. عجباتو كثر منييي و بغا يرتابط معاها .. صافي انا خلاات عليا، غانبقى باايرة فهاد الميريكان .. حتى وجه الثب اللي عجبني ماعاجبااهش .. اووووف اكوثر علااش كاتبكي زعما كنتو كاتبغييو بعضكم، راااه غيي اعجاب و يزول مع الوقت هئ هئ😭😭😭😭😭 ااااااخ اقلبيييي (دوزات يدها على قلبها و لكن تكوانسات و صقلات و هي كاتسمع خلفات طالعين لفووق .. طلات بواحد العين عليه و هي تتكوانسى كثر كاتشوف فديك خيتي دالبار معاه .. هنا جاتها الخنقة و طاحلها الطونسيو، بما انه جابها لدارو اذن صاافي غايكويها .. بدات كاتنخصص بصوت عالي مللي تسد باب داارو .. و مشاات كاطيير طالعة فحاالها و تخباات فداارها كاتبكي بصووت عاالي .. فهاد الوقت بالضبط و هاد اللحضة .. توحشات مها و حسات بالحنيين لييها .. سنين و هوما بعاد كايتشاوفو غا

فالعياد .. ماكرهاتهاش تكون حداها دابا تعنقها و تنعس فوسط حضنها على الله ترتاح شوية و تحيد هاد النغصة اللي فقلبها)

💊لتحت💊

جالس فوق الفوطوي الحمر اللي عندو فالصالون، شاد كاس بين يدو و اليد لوخرى محاوط ديك خيتي اللي كاتعوج عليه و كاتشوف فيه بإعجاب مبتااسمة و تزكف من كاسها وتقربليه بوجهها، هو كايبادلها الابتسامة وقرب بشووية جبدلها شفايفها بين شفايفو.. هي غا حساات بشفايفو بدات كاتبادلو حتى هي البوسة و كاتحسس فيه و دير اصوات غنج وتحلون قدامو .. اما هو فكايبوسها اه .. ولكن فنفس الوقت مخايلها كوثر، مخايل هادو شفايفها واخا مافيهمش داك المذاق الفريد من نوعو الخاص بيها .. عضلها على عليهم بعنف حتى تقصحات بنفس الوقت عجبها الحاال و خدات يدها للمعلم كاتحسسو بيدييها .. هو سخناااتو بديك الشدةة اللي دارت للمعلم ولكن شاد راااسو حيت عارفها دااابااا غاتمشي لعالم الاحلاام، غي فكر فيها هي ترخاات فيدو .. بتاسم و بعد منها كايمسح فمو عااايف و خلاها فوق داك الفوطوي، مشا للحمام ديالو بعدما قلع حوايجو ووقف تحت الرشاش كايفرك فوجهو و ففمو .. حاس بمذاق مقزز فيهم .. باغي مذاق آخر و اللي هو مذاق كوثر .. للحضةة و هو مقيم تخايلها بين يديه دابا و هوما تحت الما و هو كايدير فيها كاع اللي بغا .. ولكن دغيا توكض و كمل الدوش ديالو .. خرج لبرا لاوي على نصو فوطة و شعرو كايتقطر، هز ديك خيتي بين يدو و دخلها لبيتو .. حطها فوق الفراش كايقلعلها حوايجها .. هي غاايبة كليا بفضل حبة منوم دارهالها فالشراب، حيدلها كل قطعة ثياب و دوز سكانير بعينو على جسمها .. ماحش بداك الاحساس اللي جاه مع كوثر ديك الخطرة، بالعكس حس براسو خاصو يحيد عينو بالزربة .. وداكشي اللي دار طلع عليها ليزار ووقف كايدور قدامها و ينتف فشعرو، هو فأي حركة تحركها كايفكر فكوثر، كوثر،كوثر .. اثرات عليه و دخلات لعقلو غي فأيامات قليلة .. تنهد و تلاح نعس قدامها بعدما لبس غي كالصون وبقا عريان كل شوية يدور راسو لجيه النعاس حلف لايزورو وهو موحشها .. باغي يشوفها ولكن بالزربة زييير على راسو بالمخدة باغي يستحمل شوية

⚡فالمغرب⚡

جالس فالغرفة الطبية الخاصة بمصطفى .. كايدوز يديه على يدو ويشوف فوجه خوه التوأم الشااحب، تنهد حاس بنغصةة فقلبو وهو كايشوفو فهاد الحالة، زيرلو على يدو و همسلو:كانواااعدك غانردلك ثارك منها .. غانعيشها اكفففس كوابيس حياتها معايا، غاتمنى الموووت على يدي و مغانعطيهالهاااش كانوااعدك اخويا (زيييرلو على يدو كايشوفلو فوجهو حتى سمع تليفونو كايصوني، دارو فوذنو جاوب بهدوء)

الكارد:سيدي بحثنا على شكون مالين هاد الدار اللي دخلاتلها و تبينلنا انها دار صاحبة ختك الانسة مينا

موسى بتاسم بانتصار .. كان متأكد و دااابا زاااااد تأكد انها هي اللي شافها داك النهار .. قطع بلا مايجاوبو و الابتسامة الخبيثة واخدة حيز كبيير على ثغرو، شاف فخوه بديك 

و همس:متشوق للأيام الجاية بيني و بينها😈

🔥 دازو ساعات قليييلة .. بالضبط 11:45 كانت ناااااعسة فبيتها بعمق، قدامها صاحبتها مروى، البيت كان مرون و مجموعة من الثياب اللي شراوهم و قيصوهم مليوحين فالارض، تحل باب البيت ببطئ و دخلو رجلين لابسين صباط اسود .. طوااال و مولاهم دخل كامل ولكن وجهو مباينش بالضلام، تسلت لجيهت الفراش و قرب لديك الزعرة .. هزها بشوووية و بالحس من بلاصتها و خرج بيها من البيت و من ديك الشقة كاااملة، طلع بيها الفوق بهدووء و هو كايتأمل فوجهها بابتسامة ساااحرة .. عينيه منيمين فيها .. وصل بيها للسطح و حطها فوق واحد الكرسي عندو محطوط تما كان ديجا موجدو .. تقابل معاها و حط يدو على وجهها .. بشرتها الحليبية و حنوكها المطبزيين .. خلاتو يحس بالانتعااش، هو بتاسم ابتسامة وااسعة و همس بسميتها بصوتو الرجولي:مينا .. مييناا .. ميينا (دوز يدو على حنوكها بلمسة حنيينة، هي ميلات راسها للجنب بانزعااج و بدات كاتحل عينيها ببطئ فيه .. تخلعات لا بل تضهشرات فييه هو حاني قدامها كايشوف فيه بابتسامة ونظرة جذابة .. خلاتها تتكوانسا(

مينا بلعات ريقها:ي يوووسف .. ش شكادير هناااا؟ .. لا لا انا اللي شكانديير هنا (دورات عينيها فالسطح) فين حنااا .. فين جبتيينيي؟؟؟

يوسف بهدوء .. حط صباعو على شفايفها؛شششش .. تهدني اعمري

يوسف بهدوء .. حط صباعو على شفايفها؛شششش .. تهدني اعمري، نتي باقا فالعمارة ددار صاحبتها غاترولاكساي هشششش

مينا صدرها كايطلع و ينزل بقلق كاتشوف فيه و فابتسامتو .. هو وقف و مشا لموراها .. حط يديه على عينيها فاجئها حتى قفزات، مشا لوذنها انفاسو كاتضارب مع عنقها و مع شعرها .. ردولها للجنب و ركز بشوفتو على رقبتها الحلييبية، هبط ببطئ و حط عليها شفايفو البااردين، هي رتاعشات بين يدييه رعشتها خلاتو يبتاسم مغمضلها عينيها وهمسلها ..

10 .. 9 .. 8 .. 7 .. 6 .. 5 .. 4 .. 3 .. 2 .. 1 ووووو طوووووب (حيد يدو من عينيها و هي تقفز من صوت المفرقعات فالسما كايطرطقو وحدة مور وحدة، شاف فساعتو كانت 12 نييشان .. هي تبهرات فدوك المفرقعات ناضضت كاطير كاتشوف فيهم ضااحكة و عينييها كايلمعو، هوما كايطرطقو فالسما و كولما طرطقات وحدة خلات حرف .. حتى تتشكلو كلمات خلاوها تشهق حاطة يدها على فمها *Happy birthday my heart🎊🎉* 

دارت شافت فيوسف باستغراب .. هو مبتاسم كايشوف فيها .. قرب عندها ببطئ حتى تقابل معاها .. و جبد بواطة من جيبو مدهالها:عيد ميلاد سعيد يا قلبي❤

مينا عضات على شفتها التحتية مبتاسمة و فرحاانة لأقصى درجة .. هو ركز مع شفتها و ااااخ تمنى يكون هو اللي عضها .. طلعلها راسها بصبعو من فكها و همس:تت تت تت ماتعضيهاش

مينا سرحات شفتها بالزربة حيت شافتو فين كايشوف، هو حل البواطة و جبد سلسلة ألماسية كاتلمع، وراهالها .. حلات فيها فمها بانبهار .. هو دار موراها و زااد كحزلها شعرها كثر مخلي عنقها مكشووف قداامو .. فحال شي وجبة لذييذة قابلة للعض، علقلها السلسلة فعنقها .. مبتاسم و هي شدات السلسلة كاتشوف فيها .. كانو فيها جوج حروف موصولين بقلب و مكتوبين بطرييقة وااعرة M❤Y عضات على شفتها التحتية باغا تحبس بسمتها ولكن فالحين تفكرات تحذيرو ليها .. بلعات ريقها و دارت تقابلات معاه مبتااسمة .. هو كاان كايشووف فعنقها الحلييبي مشهيي يزوقو ببوساتو و يرجعو عاامر بعلامات ملكيتو .. حتى دارت شافات فيه .. رجعو عينيه على شفايفها الكرزيين المنفوخين اللذاذين الزويييونين اللي كايشهيو .. هي شافتو كايشوف فشفايفها جمعات ابتسامتها و حمحمات كاتحركهم بطرييقة مغرية بالنسبة ليه

مينا بصوت رنان كايخطف القلووب:ش شكراا بزااف (بتاسمات و تعلات على صباع رجليها .. حطات شفايفها على حنكو ببوسة خااطفة، هو هنا سالاات معاااه .. غمضضض عيينو كايحس ببوستها .. حتى شافها غاتبعد و هو يجرها من خصرها بحركة تملكية و علاها لجيهتو حتى حطات رجليها فوق رجليه .. كاتشوف فيه بدهشة .. هو قربلها ببطئ عينيه على عينيها و على زرقتهم، بدات كاترعد مثوثرة حتى حسات ببوسة تحطات على حنكها حتى هي .. غمضات عينيها متأثرة ببوستو الحنييينة .. بعد و نتاقل للتحت شوية .. عاود باس بوسة اخرى حاس بقلبها اللي كايضرب بسرعة كبييرة مع قلبو .. بتاسم و بعد كايشوف فشفايفها بعطش .. قرب بشووووية ليهم .. هي ولاو انفااسها كايحرقو و هو كثثر منها متشوق يذوق مذاقهم العسليي .. حط شفايفو فوق شفاايفها و خرج تنهييييدة مع القبلة .. حس براسو كايطفي نااار الشوق اللي كانت شااعلة فقلبو .. هي فشلات ..رجليها مابقاوش قادين يهزوها بديك البوسة اللي كانت كولها احاسيس و مشاااعر .. هو تعمممق كثر و كايمص فرحييق شفايفها اللي مكايتقااومش .. حركات صباعها فوسط خصلات شعروو ببطئ و حركات شفايفها معاه .. كاتبادلو قبلتو اللي مكاتقااومش .. هو حسس بفررحة زادت من لهفتو و دور راسو لانش اخر من شفايفها مبايسووش .. داز بشفايفو على فمهاا كولوو بالبوسان و هي بالزز باش كاتقدر تمص مصيصة و تبعد .. اما هو فدابا خرج لسانو كايدوزو على دوك الشفايف .. خشاه فوسط فمها .. تما حساات بالسخوونية هابطة معاها من لتحت .. و هرموناتها محركيين خلاوها تخرج اصوات مثييرة فوسط فموو، مبنجةة تمااامااا .. اما هو فتدارك راسو و بعد ببطئ كاينهج و يشوف فشفايفها اللي زادو تنفخو و زااادو حماارو .. زااد تشهااهم و لكن عارف راسوو لازاد ذاق منهم غي شووية غايفوت الخطوط الحمرى و هو مباغيش يفوتهم دابا بالخصووص، طلق منها و هبطها حيت كانت واقفة على رجليه .. هي باقا مغمضة عينيها كاترعد و تنهج .. اما هو فبتاسم و عاود جرهاالو معنقها بقووة باس فوق راسها و همس:ااااخ شحال كانبغييييك (حسها مرخخية بين يدو .. طل عليها كانت نعساات بهاد الدفئ و الحناان اللي حاساهم بين يدو .. هو بتاسم و بصم بويسة خفييفة فوق دوك الكرزات ديالها، و هزها بين يدو ثاني هابط بيها لتحت .. حتى وصل للشقة دصاحبتها و دخلها للبيت و حطها بنفس الطريقة كي هزها .. بقا كايتأمل فيها لثواني و هو ينوض غادي فحالو .. حل الباب و سدو بهدوووء .. غي تسد الباب حلات عينيها حاطة يدها على قلبها اللي كايضرب بسرعة كبييرة و بتاسمات بعممممق .. دارت تقلبات للجهة الثانية و عضات على شفتها التحتية فرحااانة)

☀ صباح جديد .. فداك البيت المشمس .. داخلالو شميسة ساااطعة، هي ناعسة فوق الفراش كاتشوف فالسقوف و كل شوية تتنهد .. راسها كايغلي بقوة التفكير، شعرها مفرش تحت راسها و يدها على حنكها .. جيهت ديك السيكاطريس للي واخا برات بقاتلها أثر خفيف منها .. زفرات الهوى من فمها بعمق و هي كتفكر فهضرت سعيد .. خصوصا مللي قالها داك اللي حلفان فيها سيفطلها اللي تكرهها عيشتها، مشا بالها غيي لعبييقة و متأكدة غاتكون هي .. حيت هي الوحيييدة اللي مكانتش حاملاها و باغا تآذيها، تنهدات حاسة بالضيق و ناضت بتثااقل وقفات كاتجمع فشعرها .. دارتو كوت شوفال و جمعات فراشها البيض .. مشات خارجة من البيت دخلات للطواليط اللي جا جنبو، قضات حاجتها و غسلات وجهها و سنانها و خرجات كاتدور عينيها و تقلب على البنات اللي البارح فاش رجعات كانو باقيين مجاو .. هي دارت العشا و كلات و نعسات .. و دابا مبانولهاش، سمعات صوت من الكوزينة .. قربات بشووية كاتسمع لصوت همسات .. دخلات للكوزينة و هي دور مروى اللي كانت كادوي بالحس فالتليفون، غي شافتها خباتو موراها .. فاش لقات انها عبير تنهدات بعمق شادة يدها على قلبها و تمتمات:اوووف خلعتييني .. سحابلي مينا

عبير باستغراب:علاش هاد الخوف كولو!؟

مروى بتاسمات و قربات عندها كاتهمسلها:صوناتلي مامات مينا .. و قاتلي اليوم عيد ميلادها و غايديروهلها مفاجأة .. نبهاتني مانقولهالهااش

عبير بتاسمات:بصااح هههه اذن ليوم كبرات عام هههه

مروى ومأتلها براسها:وي اليووم، و هي مخاصهاش تعرف العيد ميلاد، قوليلي دابا كي غانديرو نوجدوها للحفلة فالعشية بلا ماتعييق؟

عبير علات كتوفها:معارفاش

مروى بدات كاتعض ضفارها و تفكر حتى حلات عينيها فعبير مبتااسمة:لقيييتها💡 غانقولها نمشيو لشي باارتي نسهرو يااك ولكن حنا غانمشيو للقصر تقدر تعييق (عبسات بوجهها كاتفكر ثاني شنو خاصها دير)

عبير:ممممم تقدي تقوليلها انك باغا شي حاجة ديالك عندها فالقصر ولا شي حاجة ديالها كاتعجبك و هي عندها فالقصر

مروى كاتفكر فشنو غاتقولها:واللهما عرفت بفففف خالتو جنة عطاتني المهمة الاصعب

عبير ضحكات على ملامحها الحيرانة و مشات تشوف مادير للفطور، مروى خرجات من الكوزينة جالسة فالصالون حتى قشعات مينا غادا كاتكسل فالباسيو حداها

مروى:ميينا

مينا شافت فيها كاتفوه و تاجهات عندها:صباح الخيير

مروى بابتسامة:صبااحو ههه .. كي نعستي مزيان؟

مينا تفكرات شنو وقع فالليل .. حطات يدها على السلسلة اللي فعنقها وومأتلها:طووووب ههههه .. احسن نعسة فحياتي😍

مروى ضحكات و شافت فعنقها لفتات نضرها ديك السلسلة:بلاتي!! منين جاتك السلسلة؟؟

مينا شافت فيها مثوثرة و مخرجة عينيها:ه هااا؟؟ ا ا البارح ش شريتها نتي مارديتيليش البال

مروى كاتشوف فيها:واااعرة .. تصميمها فنن ماكرهتش فحاالها، اجي بعدا ديالاش ديك Y؟

مينا كاتمتم:لقيتها هكا .. بغيت M و لقيتو موصول بهاد الحرف فخديتها حيت عجباتني

مروى ومأتلها:اااه وااعرة ياختي هههه .. بعدا نسييت ماقلتلكش البارح، معروضة ليوم لواحد الحفلة .. ماكرهتكش تمشي معايا

مينا:ولكن اليوم خاص نرجعو انا و عبير

مروى:عفااك غاندوي مع ماماك نرغبها .. مافيا ماانمشي بووحديي هممم هممم

مينا بحيرة:ماعرفتش والله .. شوفي مع ماما لابغات

مروى:شوفي نمشيو حنا كاع للقصر و نقولهالها .. منها نوصلو عبير فيدينا

مينا ومأتلها:واخا صافي مشاات

مروى بتاسمات بانتصار .. الكذبة جاتها فالحين بلا لف و دوران .. شافت فعبير جايا عندهم للصالون بواحد الصينية فيها القهوة و طبسيل دالبتيبان مسخن فالفران، حطاتو وجلسات حداهم مبتاسمة

مينا:واااو عبورتي جيتي فنننة جا معااك اللوك و مع وجهك

مروى باعجاب:اه بصح جاك واعر، حنا ماشفناكش البارح كاتنعسي بكرييي

عبير بخجل:هههه لهلا يخطيكم عويناتكم .. كانقنط كانعس بكري عاد نتوما تعطلتو

مينا:جينا فالعشرة لقيناك سرحتي عجول لاخرى ههههه ... شرينا بزاف دالحاجات و حتى نتي جبتلك شي حويجات متأكدة غايعجبوك .. نفطرو و نوريهوملك

عبير بابتسامة:واخا هههه شكرا ألبنات .. (كبات القهوة فالفناجن ومداتلهم ليهم كايفطرو و يتافقو على شنو يلبسو فالحفلة .. مينا كاتفكر داك الشي دالبارح كل شوية كاتبتاسم سااهية)

💎نورس💎

جالس فالبالكون ديالو شاد فنجان دالقهوة كحلة .. فحال كل صباح كايبدا بيها نهارو .. و متبع نورسين فكاميرات المراقبة اللي دايرهملها فالدار، كانت دايرة طريبيش على راسها دالميكة وكاتسارى غي بكسييوة خفييفة .. شكلها فحال دليشوميز دونوي، هو كايشوف فيها بطيف ابتسامة و ماكرههاش تكون كادور حداه بديك الكسوة، تنهد كايتمنضر فالشارع و الطريق كانت شبه خااوية حتى جاه اتصال، هز تليفونو شاف المتصل و جاوب بهدوء:وجد؟

المتصل:اه اسيدي و كيفما طلبتيه

نورس بتاسم:اوكي .. وصلو لداك العنوان و بلا سمية

المتصل:واخا (قطع نورس و رجع شاف فيها هي مجهدة للتلفازة .. دايرة اذاعة دالاغاني و كاتجمع و مرة مرة تاخذ استراحة تشطح فيها شوية، هو كل شوية يضحك و يتبدلو تعابيرو على حسب اشكاديير .. كلااها بعينييه و كل شوية يطلق تنهيدة عليها)

🎀عندها هي🎀

هزات شي طباسل كانو فوق ديك الطبلة دالصالون غادا بيهم للكوزينة .. جمعات ديك الطبلة و مسحاتها ودخلات للكوزينة كاتغسل الماعن .. و الصباغة فراسها كاتوزوز .. حيت قررات ترد لون شعرها الأصلي هههه .. هضرت نورس كل نهار كاتحضر فراسها كاتخليها تعيد النظر فهاد اللون اللي دارتو .. سالات غسيل القشوع و خرجات كاتجمع الزرابي من الارض باش تجفف و هي تسمع الصوني فباب الدار .. ستغربات شكون اللي غايجي عندها، قالت يمكن يكون ياسين .. مشات لبيتا هزات بينوار دالساتان رطب و ثوبو طاايح .. تلوات عليه و مشات حلات الباب، غا حلاتو تفاجأت من ديك البواطة الكبيرة اللي مقابلاها من داك اللي هازها .. قالتلو باستغراب:شكون نتا!!

الشخص:طرد وصل بسميتك، نتي نورسين حمادة؟

نورسين ومأتلو براسها:اه انا

الشخص:تفضلي

هي خادت من عندو الطرد معجبة .. مادركاتش حتى تسولو شكون عطاهلو كان مشا، هي دلات شفتها التحتية بمعنى مانعرف و دخلات كاتشوف فداك الطرد ملوي فبابيي كادو فالغوز بااارد و كبير شوية مربع .. حطاتو فوق الطبلة دالصالون و قطعات داك بابي كادو ديك الساع بواحد الموس .. حلات ديك البواطة اللي كانت خشبية مزوقة و مرصعة بجوهر .. كانت منبااهرة من شكل البوااطة وولات منبااهرة من شكل داك اللي فوسط البواطة، هزاتو كاتحقق فيه . كان فستان طوييل فالذهبي .. باينة ديال الحفلات .. حلات فيه فمها مبهووضة و رمشات ببطئ كاتستوعب هاد الفخامة اللي هازاها فيدها، باقا ماستاوعباتش الكسوة قشعات صندالة عااالية مرصعة بجوااهر كايبرييو فالذهبي، فديك الساعة جاتها فحال اللقوة وخصووووصا مللي شافت مجموعة الاكسيسوارات فاللون الذهبي .. انيقين كايجذبو العين .. تبهضات بداكسي اللي وصلها .. خشات يدها فوسط البواطة كاتقلب يمين و شمال لاتلقى سمية اللي جابلها هاد الخير مي مالقات واالو، شوية جا لبالها غيث اللي طلاقاتو البارح .. حلات عينيها بتفاجئ كاتفكر اخر حوار بيناتهم فالطموبيل

🔙🔙

غيث:غدا غادي لواحد الحفلة .. شنو ضهرلك تجي معايا؟

نورسين بابتسامة:مممم ماعرفت هانا نفكر و نرد عليك هانمرتي عندك

غيث ومئلها براسو مبتاسم:وخا نتسنى جوابك .. ولا مجاوبتينيش غانتصرف من راسي ههههه

نورسين بتاسمات و ضارت تحل باب الطموبيل مي مابغاش يتحلها

غيث:اطط راه كايتعكس بعض الخطرات .. هانا نحلو عليك من برا

نورسين:واخا (هو نزل و مشا حلها الباب و هي نزلات عندو كاترد شعرها مور وذنيها و قابطة فيدو)

🔚🔚🔚

نورسين بتفاجئ:يكوون هووو (بتاسمات) اكييد هو هههه مايكون غي غيث .. احححح ذوقو فسسسر .. نااري حمقوني هادشي هههه (عاودات هزات الكسوة كاتحقق فيها .. بتاسمات كاتشوف فالساعة كان خاصها تمشي تغسل الصباغة، حطات الكسوة و مشات للدوش .. هي دخلتت و فنفس الوقت داك اللي حاضيها فأي خطوة وفأي كلمة قالتها واقف كايشوف بعصبية من سمية غيث اللي خرجات من فمها .. عض على شفتو التحتية حتى حس بيها غاتسيل بالدددم كايتمتم ببغض بينو و بين راسو:منيين خرجلي عاد السي زبي ثااانيييي 

⚡لوس أنجلوس⚡

الساعة السابعة و النصف صباحا بتوقيتهم

واقف فباب الشقة ديالو من اللي حل عينو و هو كايتسنى تبانلو، توحشها واخا يشوفها غي ثانية وحدة و يسمع غي صوت انفااسها .. كان لابس غي شورط من لتحت و مربع يديه حتى سمع فحال بابها كاترضخ، بتاسم بهدوووء كايوجد راسو يطلقاها و مغمض عينيه باغي يسمع صوت خطواتها كايقربو وهو متشوووق، حل عينو يشوف فيها مللي حس بيها وصلات لدرجات يقدر يشوفها بالعين المجردة .. غي شافها كانت واقفة مصدومة كاطلع و تهبط فيه .. عينيها فحالا مدمعين، عقد حواجبو باستغرات حتى حس بتعنيقة جاياه من اللور و بوسة تطبعات على كتفو من ديك خيتي اللي جاب معاه البارح .. هنا تكوانسا كايشوف فيها معارف مايقول ولكن من نضراتو ليها فحالا كايعتاذر منها و يقولها ماتفهميش غلط، هي حنات راسها دايرة راسها مامسوقاش و كملات هبوطها غادية لتحت .. دازت من قدامو فحال نسمة الهوى بلا مايحس نطق بسميتها:كوثر!!

كوثر وقفات كانت عاطية بالضهر و مادا رجلها للدرجة غاتنزل .. بقات مكوانسية كاتشوف فالارض مدارتش عندو، هو قال بهدوء:صباح الخيير

هي مجاوباتوش .. كملات هبوطها بسرعة فدوك الدروج خلاتو مزيير على قبضة يدو بقوووتو كااملة .. حاس بديك اللي معنقاه كاتهمسلو فوذنو وتبوسو فعنقو من اللور و لكن هو مكايسمع ولا كايستوعب اي حاجة من غيير ان كوثر دابا فهماتو غلط و خاصو يوضحلها .. ولكن بلاتي!! ياك هو باغي يبعدها من حياتو هاد الفترة حتى يصفي حسابو؟ اذن علاش غايوضحلها .. هادي احسن فرصة يبعدها عليه .. سمح فديك خيتي فالباب كانت بتيشرت ديالو جايها قصصيييور و مبين مفاتينها بشكل مثير، مشا للبالكون كان كايطل على الزنقة، غي شاف لتحت زيير على قبضة يدو كايشوف فيها معنقة أيهم ومزييرةة عليه و هو كذلك .. حس براسو كايغلي .. دار شاف فديك خيتي كانت كاتشوف فيه مستغربة هو صطانع الابتسامة وجرها من خصرها كايدوز يديه على شعرها .. فحالا كايمشطولها .. هي بتاسمات كاتشوف فيه

سافاش بهدووء خافي موراه عصبية:آنا .. صباحو (قرب باسها بخفة ففمها و بعد كايشوف فيها .. هي بتاسمات وقربات باستو جنب فمو)

آنا؛كود مورنيينغ بايبي ..

سافاش جرها من يدها للكوزينة:تبغي تفطري؟؟

آنا ومأتلو براسها .. هو دار عاطيها بالضهر كايشوف فواحد البيضات قدامو:نفطرو بالبيض؟

آنا ومأتلو:وي ماكرهتش

سافاش بإيماء:اوكي اجي عاونيني ههه (ضحك ضحكة صفرة كايشوف فيها مصطانع اللطف و الاعجاب و هو فالحقيقة .. كايكنلها بمشاعر بغغغض وحقد وغضب .. ولكن باش يوصل لخوها .. خاصو يسايس معاها، خاصو يعرف راس الحربة وجها لوجه، داك اللي دمرلو حياتو و عائلتو و خلاه يتقلب مية و ثماانيين درجة)

لتحت كوثر عاد بعدات من حضن أيهم كاتمسح فعويناتها المدمعين:حاسة براسي مقهورة هئ هئ

أيهم تنهد و دوز يدو على شعرها:شنو نتاصل فالمشفى و نخبرهم باننا مغانمشييوش؟

كوثر :ل لا ن ننن نمشيو حسن

ايهم:مغاتقديش تركزي و حنا خدمتنا اكثر حاجة باغا هي التركيز، غاندوزو هاد النهار زوين تريحي شوية من السطريس .. راك حتى ففترة التدريب كنتي كاتخدمي و تقراي دابا مافيها باس تاخذي هاد النهار

كوثر ومأتلو براسها بواخا .. هو مشا من قدامها صونا للمشفى خبرهم بعدم امكانيتهم يجيو ليوم و ضبرلهم عذر .. هوما جاوبوه بتفهم و رجع عندها مبتاسم

ايهم:اوكي صافي نمشيو نفوجو واجدةة؟؟ (كوثر ومأتلو براسها هو نفى براسو) تت تت تت ماشي هاد الجواب اللي كانتسنى، وااش وااجدة نفووجووو

كوثر بصوت عاالي:اااه واااجدة هههه

ايهم جرها:واخا اذن نمشيو .. غانركبو بجوج فمطوري صافي؟

كوثر ومأت .. هو طلع و هي طلعات موراه و عنقاتو من اللور .. تما نطالق بسررعة مخلي غا صوت الموطور كايتسمع بكل سرعة تما، هي ابتسامة ففمها على هاد الصديق اللي كايفهمها كثر من راسها و دييما فأي حزة كايكون هو الصدر الحنين و السند اللي كاتكا عليه، فعلا يكون عندك صديق ولد احسن من صديقة، الولد كايتفهمك و ينصحك و يحميك و يحن عليك .. كثر و كثر من البنت اللي بعض المرات كاتكون غي كاتجامل و هي خبيثة فنواياها، 

بعد مدة ماشي طويلة و ماشي قصيرة كانو وصلو لقدام واحد البناية طويلة، هي شافت فيها باستغراب و رجعات شافت فأيهم اللي حيد الكاسك من راسو و شاف فيها مبتاسم

كوثر بتسائل:شكانديرو هنا؟

هو جرها من يدها:اجي معايا و تعرفي، (مشاو دخلو لداك المبنى و نيشان للسانسور اللي طلع بيهم للطبقة السابعة، نزلو نييششان فواحد الصالة كبييرة عاامرة مرايات و دخلو لداخل هي كاتشوف باستغراب و هو مبتاسم)

كوثر:شنو هادشي؟

ايهم كايضحك:نتي عزيز عليك الشطييح ههههه

كوثر:اذن؟

ايهم مشا لواحد المسجلة شعلها تطلقات موسيقى عااالية دالشعبي:اجي نركزو شوية ههههه

كوثر ضحكات كاتشوف فيه واش كايدوي من نيتو .. هو بدا كايشطح داك الشطيح دالدراري قدامها و داير يدو على نييفو و يحرك نصو، هنا هي تطرطقات بالضحك و بلااا هواها بدات كاتشطح حتى هي و تحير و تضحك .. مدة طويييلة وهوما كايركزو على الشعبي حتى تسخسخو و هو يمشي بدل الاغنية، دار وحدة اخرى هاادية و جرها عندو حتى تضربات مع صدرو و غمزها

ايهم بحماس:دابا الطانكوو ههههه عارفها كاتعجبك

كوثر ضرباتو لصدرو مبتاسمة بعمق:فخبارك نتا احسن صديق فالدنيا؟

ايهم بثقة:عارف هادي .. قولي حاجة اخرى ههههه

كوثر تعلقات فييه عنقااتو فرحانة و هو يبعدها بالزربة:وازييديي الموسيقى خدامة و نتي تعنقي .. راه هاد الصدر املاك خااصةة هههههه

كوثر عطاتو طرشة بلعاني و عوجات فمها:خااين هههه

ايهم بتاسم و قال بجدية:عاوديلي مالك (بدا كايتحرك معاها بالرقصة دالطانكو .. هي عبسات بوجهها مللي تفكرات سافاش و حناتو متنهدة) عاودييليي ياك حنا كثر من خووت

كوثر بحزن عميق:كانضن بديت كانحب

ايهم:شكون تعيس الحظ هههه؟

كوثر خنزرات فيه:مغانعاودللكش (بغات تسلت من يدو .. هو جرها ثاني و قال بجدية):غي عاودييلي .. باغي غا نضحكك شوي

كوثر تنهدات بحزن:داك جارنا سافاش

ايهم بجدية:اممم داك اللي كايخدم معايا ياك؟

كوثر ومأتلو براسها هو دورها بين يدو و ردها لقدامو هو تنهد:ممممم واللصراحة اللي نقولك .. راه منافعلكش البارح شفتو مع واحد خيتي

كوثر بحزن:وانا على هادشي مقلقة .. حيت شفتهم مع بعضهم

ايهم:و قداش وصلتي بهاد البغو ديالك ليه؟

كوثر:ماعرفتش ولكن .. حسيت بالخنقة و قلبي كايضرني و دوزت الليلة كوولها كانبكي .. حيت شفتهم مع بعضهم (دمعو عينيها فهاد اللحضة، هو حطلها راسها على صدرو كايدوز عليه بحنية و همسلها)

ايهم:شششش .. نتي كاتعجبيه؟

هي حركات راسها بلا وسط حضنو:قالي انني ماشي من نوعو المفضل

ايهم تنهد بحيرة:واللهما عرفت مانقولك .. غي من الاحسن تنسايه عليك .. حيت باينة فيه من النوعية اللي ماتصلاحلكش .. نتي انسانة رقيقة و قلبك بيض و خوافة و هو فشكل، يعني حتى فالخدمة كايبان فيه غاامض و ديما عينيه كايدورو فراسو، يقدر هادشي اللي كاتحسي بيه .. مجرد اعجاب وغايزول مع الوقت، حسنلك حاولي تنسايه

كوثر حيدات راسها من صدرو و شافت فيه بحزن:غ غانحااول .. ولكن مانواعدكش ح حييت .. كانتوحشوو ومتأكدة من راسي غانبغي نعاود نشوفو، تقدر تكون هاديك مجرد نزوة عاابرة .. يدوز بيها ليلتو و صافي

اسهم حرك راسو بلا:ديك البنت .. عائلتها من اكثر الممولين لداك البار .. يعني تقدي تقولي ديالهم، يقدر يكون هو تقربلها باش يطلع لفووق و يرجع لاباس عليه عن طريقها

كوثر عضات على شفتها التحتية بقووة مقهوورة:غانحااول ننسااه

ايهم تنهد بعمق كايدوي بكل جدية، خصوصا فمواضيع فحال هادي .. حيت عارفها مكاتفهم والو و باقا فأول تجربة ليها:ماتنسايهش .. تناسايه باش تقدي تنسايه، حيت النسيان صعييب عليك من دابا

كوثر عنقاتو ثاني:واخا احبيبو .. وادابا انا فيا الجوووع

ايهم ضحك و عنكشلها شعرها:زيدي نوكلك يلاه أدبة هههه

كوثر خرجاتلو لسانها و جمعات شعرها بلاستيك حيت سهضها بالشطيح .. شدات فيه و مشاو للسانسور هابطين فحال اللي طلعو .. مشاو نيشان للمطور منطالقيين بسرعة

واقف فباب بيتها مربع يدو .. كايشوف فديك الخدامة اللي كاتقادلها المخدة عند راسها .. قادات الجلسة ديالها و حطاتلها بلاطو فيه الغدا، أكل صحي خاص بالحوامل و ماشي مضر .. هي علات فيه عينيها مبتاسمة و قالت بهدوء:شكرا موسى، حيت مارجعتينيش للبرازيل

موسى ببرود:حتى تولدي و نرجعك

كاتي بلعات ريقها وحنات عينيها للبلاطو قدامها، وحلهالها، هو بتاسم باستهزاء و دار عاطيها بالضهر:ماتحركيش من بلاصتك .. راه لا وقع لولدي حاجة بسييطة مغانرحمكش، حتى الحفلة داليوم مغاتحضريلهاش .. حسبي راسك ماجيتيش لهاد القصر

كاتي عضات شفتها التحتية بقوة .. سنانها كايترعدو .. هو حل باب البيت و خرج غادي فداك الكولوار و كايتسنى على ناار ايمتى تجي مينا، باغي يبدا تحركاتو مع عبير .. باغي يخليها تتمنى المووت و الرحمة و ماتلقاهمش .. مشا بهدوء للدروج نازل لتحت .. لابس سبور على حسب مامشاش للشركة، طلاقا مع جنة طالعة .. هو بتاسملها و مشا شدها من خصرها

موسى باسها فحنكها مبتاسم:القليب ديالي .. شنو باقا كادوري هنا .. خاصك توجدي راسك ولا؟

جنة ضحكات:اه غانوجد راسي ولكن حتى نتأكد من كولشي واجد، بعدا فين خطيبتك؟

موسى باستغراب:شكون هاد خطيبتي؟

جنة:البنت اللي حاملة منك .. شنو غانقول عليها، ولدي خاصكم تزوجو نتا وياها .. راه عيب الولد يتولد وواليديه مامزوجينش

موسى ببرود: لا مغانتزوجهاش امي .. و مباغيش نتزوج حاليا .. حنا متافقين فاش غاتولد غاناخذ ولدي و هي تاخذ فليسات و تمشي

جنة عوجات فمها و دفعاتو:الله يمسخك تقول ماربيتكش، هانا غانمشي نشوفها و هااد الوضع معاجبنييش، غاندوي حتى مع باك نشوفو الحل

موسى قرب عندها باس على جبهتها و مشا هابط فحالو .. هي تأفأفات و تنهدات كاتمتم:الله يهديك وصافي بفففف (مشات نييشان لبيت كاتي طل عليها .. عاد تكمل تجهيزاتها)

🎀 عند البنات 🎀

مجموعين على الطبلة دالغدا .. طلبو بيتزات كياكلو و يشربو فالموناضة .. مينا دايرة لشعرها دوك البابلز كايلويو الشعر، و مروى دايرة باتشا .. اما عبير فباقا بالكوت شوفال و كتاكل و تصنطلهم كايدويو .. قلييل فاش كادوي معاهم

مروى بلعات بالسيف شنو ففمها:لا اصاحبتي .. لبسي الحمراا غاتجييك وااعرةة

مينا كاتفكر:ولكن قصيرة بزااف .. و ويي يوسف مكايبغييش

مروى:فين غايشوفك انمي .. ولا عرفتي شنو .. لبسي ديك الكحلة الطويلة .. واخا فيها فتحة طويلة ولكن راها طويلة و تصميمها زويين

مينا بتاسمات:واخا صافي .. عبير شبانلك تمي معانا؟

عبير شافت فيها:ا انا لا لا غانمشي للقصر حسن

مينا حركاتلها راسها بالنفي:تت .. غاتمشي معانا .. جبتلك واحد الكسوة وااعرة فالبيض غاتجيك ففنننة

عبير:ولكننن..

قاطعاتها مينا:بلا ولكن الله يخلييك.. حققيلي هاد الطلب، فخبارك اليوم عيد ميلادي واخاصك تسمعي هضرتي، (سكتات شوية كاتفكر و دارت شافت فمروى) هاااء اليوم عيد ميلادي و ماتفكرتينيييش يالهيييشة .. حتى ماما و بابا ماصونااوليييش (عبسات بوجهها بطفوولية و حنوكها زاادو فالحممورية) ماتفكرني غي يو.. (سكتات فآخر لحضة عاضة على شفتها التحتية كادور فعينها)

عبير بابتسامة:جوايوزانيفيغسيغ احبيبة .. سمحيلي انا معارفاش

مينا منفخة:عارفاك معارفاش .. بقا فيا الحال لشي وحدين عاارفييين (مروى كتاكل و كاتصنطلها) شوووو كي مامسوقاااش .. انا غانتخااصم معااك .. مغادا معاك لفييين (ناضت غادا للبيت و هي تنوض مروى كاتجري موراها)

مروى:وقفييي ازفتة .. مالك كااطييرييي، راه مفكرة غي كانتسنى لبلاتي و نعطيك الكادو حيت عاد غايوصلني والله

مينا شافت فيها بنص عين:حلفيي

مروى:اقسم بالله حتى مفكراك .. براكة من خنينش يالله ابب .. اجي نقادلك و نمشيو نطلبو الاذن نسهرو ندوزو العيد ميلاد غي انا وياااك

مينا ضحكات كاتشوف فيها:ههههههه يخليلي اللي مفكرانيي، ولكن من بعد و نتحاسب مع بابا وماما .. غبرت عليهم يوماين نسااوني .. ماصوناوليش حتى فالتليفون

مروى ضحكات:واصافي حتى نتي كاتكبريها .. اجي اجي نماكيلك

مينا مشات جلساتلها فوق الفراش:يلاه قاديلي شي مكيااج واااعر .. عارفة ملتك كاتصرعييه

مروى بتاسمات:غا رخفي راسك ووالا عالييك هههه

عبير دخلات عندهم:نعاونكم؟

مروى شافت فيها:اجي نتي نعلمك الماكياج على حقو و طريقو هههههه

عبير قربات عندها كاطل و مروى بدات كاتجبد فمستحضرات التجميل اللي عندها و كاتحطهم قدامها باش تعرف باش تبدا .. اما مينا فتكات على واحد المخدة و ترخااااتلها فيديها

.

.

.

....

واقفة قبالت المراية كاتنشف شعرها بفوطة بيضة صغيورة و لابسة بينوار بيض قصير حد الفخاض ، شافت فالفوطة لقات الصباغة الكحلة لصقات فيها .. تأفأفات بغيض و لاحت ديك الفوطة فاللرض .. كاتشوف فشعرها الفازك الكحل

نورسين بابتسامة:بصح كايجي معايا الكحل حسن، عندو الحق داك الزامل ههههه احححح عليا .. اليوم ناخذ الاضواء، مانعرف ديالمن هاد الحفلة 🤔 مانعرف اهم حاجة نبان زوينة هههه (جبدات لاطخوس دالماكياج و جلسات كاتقاد ميكاب هااادي و زويين .. كاتوجد راسها و طل تشوف فالساعة اللي كاتشير للخامسة مساءا)

.

.

...

هو جالس فطموبيلتو جنب دارها كايتمنظر فيها، ناسي كوولشي و باغي يشوف فيها غي هي بوحدها .. النهار كولو و هو حاضيها بدون ملل او كلل، جبد تليفونو شاف الصورة اللي حطاتها البارح على خبر ارتباطهم، بتاسم باستهزاء و نزل من الطموبيل كايقاد فحوايجو .. لابس كوستيم كلاص فالبلومارين ببابيون و شعرو رادو اللور .. مع ريحتو اللي كاتشم من بعيييد تمتم باستهزاء و برود:هاحنا غانشوفو واش هاد الخبر صحيح ولالا هه😏 (مشا جيهت بابها و جبد ساروتو، دور الساروت فالباب و دخل بهدووء ريحتو سابقاه، هي كانت كاتدير الأيلاينر، حتى دخلات ريحتو الرجوولية لجيوبها الانفية، خلات دقات قلبها يتمردو بدقاات سرااع قويين و تنفسها تلخبط وبدات كاتبلع فريقها بالزز .. دارت شافت جيهت الباب دالبيت و هي توقف بالزز و مشات خارجة من البيت باغا تتأكد واش ريحتو بصح ولا كاتوهم .. مشات نييشان للصالون منين كاين منبع الريحة .. تما تكوانسات كاتشوف فيه صدرها كايطلع و ينزل بسرعة .. هو كان جالس داير رجل على رجل و كايشوف فتليفونو، حاضيها فكاميرات المراقبة منو و كايشوف فشوفاتها ليه، علا فيها عينو بهدووء مطلعها من رجللييها الحفيانين .. مصبوغين بصبيغة حمرا حتى لشعرها الاسود فحال سوااد الليل اللي مرة مرة كايقطر دليل على انه باقي فاازك، وقف بهدووء و ابتسامة الاستفزاز على فمو غمزها و قال:بانلي كاتوجدي راسك تمشي معايا احبيبتي😉

نورسين كاتمتم بكلمات متقطعين: ن ن نتاا .. ش ششكاديير ه هنااا و و ششش (شافتو كايقرب لعندها و هي تخرج فيه عينيها) حباااس ماتقربلييييش✋🏻 .. كييفااش دخلتييي و علااش جاااي عندييي سيييير بحااالللك 😠

نورس قرب لعندها مبتاسم باستفزاز .. كايشوف فملامحها، عبووسها و يدها كي كاتحركها و شفارها كي كاترمش بيهم .. حس بقلبو ايسكت من كثرة جمال هاد المخلوقة اللي حداه، هو قرب وجهو لوجهها كثااار و كثاار وهمس بصوت داافي حنيين كايجيب التبوريشة:جيت نشوف طلة حبيبتي قبل مانمشيو للحفلة

نورسين بلعات ريقها بتوثر من قربو .. كاتجنب تتنفس بلعاني ياش ماتستنسشق انفااسو اللي كانت فيهم ريحة رجوولية سااحرة كاتجذب:ش ش شمن ح حفلة قووود عليااا واش مكاتفهههمش

نورس حط يدو على خصرها النحييف و جرهالو كثثر كايشوف مباشرة فبؤبؤ عينيها اللي لونو ماايل للأصفر .. متجاهل هضرتها اللخرة:حفلة عيد ميلاد بنت عمي، صيفطتلك الكسوة .. كانضن عجباتك

نورسين بتفاجؤ:ع علااش نتااا اللي سيفطتييها ماشي غييث؟؟

نورس كان مبتاسم ابتسامة خفيفة ولكن تقلبو ملامحو للحدة مللي سمع اسم واحد آخر منها .. دفعها بالززربة حتى تضرب ضهرها مع واحد الحيط ورااها و حط يدو على ذقنها مزززير علييه و هسهس بصوت شبه مسموع:آخر .. مررة .. تجبدييي .. سمية .. شي .. ذكررر على هاد الفممم الحلووو (قرب بشووية جيهت فمها كايشم فريحتو، هي قلبها حاسااه كايشطح الركاادة و الخنقة و الثوثر و الترعييدة و بزاااف دالاحاسيس تخلطو عليها بقربو، فاش كايكون بعيد كاتعيا تحلف و تكلف باش تدير جهدها تنساه و تبعدو عليها .. ولكن غي كايقرب جيهتها كاتفشل و تبقى تفتف معارفة مادير، بقات ساكتة كاتشوف فيه هو باقي كايشوف فيها بحدة .. فنفس الوقت مزيرلها على فكها بعنف كايتسنى منها جواب .. هي بلعات رييقها و غمضات عينها بشوووية كاتومألو براسها بالايجاب)

نورسين:وااخااا .. حيد يدك ضريتيينييي و خرج بحااالك .. مغانزطم معاك لحتى بلااصة .. انا غي قحبة محلووولة😒

هو رخف يدو بشوووية و بعد .. رجعات الابتسامة المستفزة على فمو و مشا جلس فوق الفوطوي ممرح شاف فساعة يدو الفضية و قال:عندك 15 دقيقة تلبسي هانا كانتسناك .. و الماكيااج ماتكترييهش .. بالنسبة لمقاس الكسوة ماتخافييش .. عااارف عبارك😉

نورسين حسات بالاستفزاز .. قرمات على فمها معوجاه و قلبات عينيها عليه:هه شكون قالك غانمشي معاك لهاد الحفلة اسي .. انا جالسة فداري مغادا لفين واش مكاتفهمش العربية؟؟؟

نورس ببرود:ماشي نتي اللي كاتقرري ازين

نورسين باستهزاء:شنو غاتبزز عليا نمشي!؟

نورس بحدة:لاماجيتيش معايا غناخذك جارك من داك الشععر .. نوري مك الضد كي كايكوون

نورسين بلعات ريقها من حدة صوتو و جلسات قبالتو دايرة رجل على رجل و مربعة يديها وكاتشوف فيه بتحدي:مغاداااش

نورس وقف:اوكي خليك جربت معاك ولكن ضيعتي الفرصة .. نشوف الاختيار الثاني (جبد تليفونو كايخربق فيه بلعاني .. دارلو الصيلونس تفادي لأي اتصال مفاجئ و حطو فوذنو مدة و باشر هضرتو) داليدا .. فين ازين .. تمشي معايا لواحد الحفلة اليوم؟ .. اه دعيد ميلاد بنت عمي (شاف بنص عين جيهتها كانت واقفة كاتشوف فيه بعصبية .. قربات عندو بسرعة و نغزااتو بصبعها حتى دار شاف فيها معلي حاج) شنو باغا؟

نورسين بعصبية:ستنااانيي هنا غانلبس و نجييي و قوول لهااد القحببببة (قالتها بصوت عالي قريب للتليفون) حتتى وحدة ماتقد تخرج معااك من غييييريييييي (شافت فعينييه بواحد العصبية جابتلو الضحكة، حبسها غا بالزز .. هي مشات عاطياه بالضهر غادا لبيتها و هو يتكرشخ بالضحك .. كايضحك اون صيلونص ويدوز يدو على وجهو اللي حمااارلو بقووة الضحك)

نورس كايتنفس بعمق و يضحك ببطئ:ناري غاتحمقني هادي هههههههههه احححح و شحال زوينة بدااك البيينواار .. كنت غانتلاح علييها كون ماتحكمتش فراسي .. حلاوتها باقا ماتنساتلي اكيييد باقي غانذووقها 💊💊

🔥فمكان آخر🔥

واقف قبالت المراية كايشوف فلحيتو الكثيفة اللي كبرها مؤخرا .. هز ساعتو الكلاسيكية لبسها و قاد كوستيمو و دار خارج من داك البيت ذو الطابع الرجولي و الفخم .. نزل لتحت و الخدم اللي شافتو كاتوقف تعطيه التحية حتى خرج لبرا و مشا نيشان لواحد المازيراتي فالكحل .. الزاج فيمي ركب و نطاالق بسرعة كايجبد كارو من جيب الكوسطار اللي لابس .. تمتم و الكارو بين سنانو كايشعلو بيد و يد كايحرك بيها الكيدون: مابقاش عندي الصبر .. خااص نتوااجهو اكييد، و خااص نتقدم خطوة القدام؛ الندم منافعش .. خاص نصلح اغلاطي وحتى نتا كذلك (حيد السيجارة من فمو و صاط الدخان فالهوى مكسيري بسرعة اكثر من قبل)

⚡القصر⚡

الديدجي كايجرب فالاغاني و يميكسيهم .. كل شوية كاتسمع اغنية، كذلك كاينة فرقة موسيقية معرووفة كايدربو على آلاتهم .. كل شوية تدخل طموبيل ديال شي مطرب ولا مطربة، الناس بداو كايدخلو شوية بشوية .. جنة واااجدة هي و ايمي و حتى تالية اللي وصلات عليهم فالعشية .. بثلاثة لابسين سواريات طواال محتارمات و شييك .. ومشيطات فشعرهم زوينين مع ميكاب خفييف، غي جنة شعرعا مضرق بشال خفيف عدن و عدنان شادين واحد القنت بعييد كايتمنضرو فمراواتهم .. لحق عليهم معاذ مقنت معاهم و شد كاس فيدو بحالهم .. حاضيين رزقهم من بعييد، الفرقة الموسيقية بدات كاتعزف و المشروبات بداو كايتقدمو .. الكاميرات كايصورو باش يبقاو ذكريات لهاد الحفلة، و الكييكة مدخليينها جوج بنات جايين من المطبخ .. اكرام و سمية، اكرام ابتسامة خبييثة على فمها و غي كادور فعينيها كاتقلب على جنة .. حتى قشعاتها و هي تبتاسم بخبث .. عينها على السلاح اللي مخبياه فالطبلة لتحت دالكيك .. وقفو مديبلاصيين الكيك فبلاصة كاتشاف وبقاو جنبو حاضيينو .. هادي هي خدمتهم هي و سمية، اكرام غيي كادور فعينيها و تشوف فجنة كاتقلب على الفرصة المناسبة اللي حد مايعيق بيها هي مولات الفعلة و تسلت كي الشعرة من العجينة .. باش تتهنى حتى من دوك التوأم اللي باغا تاخذ روحهم اليووم قبل غدااا

مينا حتى لبسات ديك الكسوة الكحلة الطوييلة اللي عندها فتحة طوييلة حتى هي حد الفخااض .. من جوج جوايه .. ضهرها عريان و منقوش على ثوبها، وقفات مروى موراها كاتحيدلها البابلز من شعرها اللي بقا ملوي .. و دار شافت فيها فوجهها

مروى بابتسامة:غزاالة مشاااء الله علييك .. احححح نتي نجمة السهرة اليووم

مينا بفضوول:واعطيني المراية نشوف رااسي

مروى حركات رايها بلا:تت .. حتى نلبسو حتى حنا .. جبدي لعبير كسوتها وانا نمشي نتمكيج بالزربة باش مانتعطلوش و تبغيلنا ماماك نمشيو

مينا:واخا .. عبير اجي معايا (جراتها لجيهت القفاف اللي تقداوهم البارح، جبدات كسوة بييضة بالدونطيل .. كاتجي قصييرة و لااصقة على الفورمة) شوفي كي غاتجييك

عبير خداتها من عندها مبتاسمة:شكراا بزااف

مينا:ماتشكرينييش غانتقلق منك

عبير بتاسمات:هههه كان خاصني انا نجيبلك الكادو

مينا غمزاتها:حتى تخلصي دابا لبسيها واجي نقادولك الميكاب

عبير:واخا غانمشي نلبسها (مشات خرجات من عندهم لبيتها اللي عطاوهلها و تقابلات مع المرايا كاتقيس الكسوة غي فوق منها، كانت زوينة بزااف عجباتها، ديك الساعة قلعات شنو كانت لابسة و بقات غي بالسليب و السوتيانات حيداتلهم السماطي .. لبسات الكسوة اللي جااتها على الفوورمة نيييشااان، باارزة قوامها الممشووق .. اش منك يا صدر واشمنك يا طرماااحةة .. احححح و ليهونش كذذلك .. طلقات شعرها و بتاسمات لراسها فالمراية، اول مرة كاتلبس فحال هكا .. عجبها راسها.. خرجات من البيت متشوقة يقادولها المكياج و تبان بإطلالتها الاخيرة)

عبير حلات الباب مبتاسمة:كي جاتني

مروى كانت كاتشوف شمن كسوة تلبس .. غي تلفتات عندها تكوانساات فييها و ففورمتها المقنبلة .. اما مينا فحلات فيها فمها بانبهاار

مروى:واااو سلفيني ديك الطرمة

مينا:اححححح غاتقيميلنا عباد الله

عبير كانت مبتاسمة ..سمعات مينا اش قالت عبسات وبلعات ريقها:ن نبدلها حسن كانضن

مينا جراتها:لا اويلي .. اجي نقادولك الماكيااج

عبير بتوثر:ولكن الر الرجاال .. م ماابغييتششش (حركات راسها بلاا بخوف .. هوما شافو فبعضهم باستغراب)

مينا كاتهدنها:تهدني اصاحبتي.. راه غايكونو معانا الكارد كورد .. حد مايقدر يقيصك تيقيني

عبير شافت فيها عينيها بداو يدمعو:وعد

مينا بتاسماتلها:وعد

مروى هزات فوندوتان:وادابا غمضي عينيك و نوريك الوعد .. اححح نتيي اللي غاتقضي على كوولشي ههههه

عبير بتاسمات مغمضة عينها و مروى بدات تلونلها فوجهها .. اما مينا فمشات لعند مروى كاتقادلها شعرها باش يساليو دغيا و يمشيو

⚡ نورس عيا يتسنى فست الحسن تجي ولكن تعطلات بزااف، ناض بقلة صبر غادي لبيتها .. حل الباب بلا مايدق بلا والو .. كانت عاطية بالضهر للباب و مارداتلوش البال هو جا .. شعرها صايبااتو ساامبل و مكيااج وااعر فوجهها مع عكر فالقهوي و الكسوة اللي جابلها مع الصندالة العالية والاكسيسوارات، جات واااعرة بزااف، ولكن حاجة اللي ناقصة .. بقات واحلة مع ديك الكسوة تسدها .. هو بتاسم كايشوف فيها واحلة مع السريفة .. قرب ببطئ و شدو بين يدو، هي حسات بعصباعو قاصو ضهرها قفزات فحال لا ضربها الضوو، شراراات جمييلة نطالقو فجسمها وقلبها ووجهها اللي تحقن باللون الاحمر .. طلع داك السري بشوووية و ببطئ و هو موراها تقرييبا لاصق فيها .. وجهو خاشيه فشعرها كايستنشق ديك الريحة الجذااابة اللي دايراها .. و هي مغمضة عينييها صدرها كايطلع و ينزل حاسة بصبعو مطلعو مع السري كايقيص فضهرها .. سلالها و بعد يدو بشوووية كايشوف فيها، حقق فشعرها الاسود اللي عنكشو .. حط يدو عليه و ميلو للجنب .. دابا بتاسم ابتسامة حذااابة كاتسحر و قرب بفمو لعنقها، باس عليه بووسة كاتبوورش .. تما هي رجليها فشلو عليها، كانت غاطييح لو ما شدهاش من خصرها و ثبتها .. بدات كاترجف بتوثر هو بتاسم بخبث و همسلها فوذنها .. فمو كاتقيص شحمة وذنييها:جيتي فحال الورييدة، بانلي من الاحسن ماتمشييش ..

نورسين قدرات تتحكم فراسها و اخييرا و دارت تقابلات معاه .. شافت فيه بنضرات حاملين عدة معاني، عدة احاسييس، عدة كلماات، منهم كلمات حب و عشق ولكن فضلات تنطق بكلمة وحدة بعناد:غانمشييي

هو بتاسم بخفة و شدلها يدها بين يدو .. حتى حسات بالتبورييشة قربلو يدها لفمو و باسها بوسة خفيييفة ظرييفة .. شاف فوجهها و غمزها: يلاه نمشيو

نورسين ومأتلو براسها بواخا بلا هواها .. هزات صويك فلون الصندالة الذهبية .. دارت فوسطو التليفون و السوارت دالدار و مشاو خارجين، صوت طالونها كايتقرقب فالارض .. خرجو لبراات الدار مع بعضهم و هو كايشوف فيها بنص عين .. مشا حلها الباب بكل جنتلمانية .. هي بتاسمات مزنكة و طلعات .. هو فاش طلعات بتاسم كايرد شعرو اللور و مشا ركب جنبها .. شاف فيها و ميل راسو معاها، هي شافت فيه باستغراب .. كان كايقربلها بشووية .. مد يدو للصمطة و جرها كايقادهالها و هو قريب ليها لدرجة كبييرة، هي سهاات فييه و فوسامتو لدرجة مدات يدها كاتحسس على لحيتو الكثييفة، هو شاف فيها بعينيه العمييقة و علالها حاجبو .. عاد وعات على راسها، جرات عندها يدها بالزربة و تقادات فالجلسة، هو طول فيها الشوفة كانت كاتشوف للجنب .. زااد قرب عندها بشووووية و حط فمو جنب فمها ببوسة وقفااتلها حواااسها للحضة وخلااتها تخرج عن العاالم .. خلااتها تدخل لعالم ااااخر .. عالم الاحلام، غمضات عينيها حاسة ان اليوم قلبها غايسكت لا محالة بهاد التقلصات اللي كايوقعو فيه .. هو بعد شفايفو منها و همسلها:كنت باغيها تكون فالمركز .. ولكن نزيد نصبر شوية

نورسين قلبات وجهها للشرجم و قالت بصوت خاافت باغا تنبهو:نورسييين

نورس باستغراب:شنو؟

نوريين شافت فيه ببرود:مباغاش نحس براسي رخيصة و ماعندي حتى اهمية عندك بسبابها

نورس عض شفتو التحتية بقوووة كايشووف فييها .. هي عاودات دورات وجهها عليه و هو تقاد فكرسيو وديمارا بسرعة حتى تنخضاات شافت فيه بخوف و قالت بحدة:ردد بااالك

نورس ومألها مكايشوفش فيها و هي قلبات عينيها مبتاسمة باستهزاء:هه شنو كنت نتوقع😏

....الطموبيل ديمارات و هي تخرج واحد الوحدة من مور واحد الشجرة كبييييرة جنب دارها (دار نورسين)، فيدها مجمووعة من الصور لتاقطاتهملهم و ملامحها كللهم شر فحققد فغضضب كاتشوف فصورة قبالتها و عينها على نورسييين بنضراات حااقدة:عن قرييب روحك غاتطللع للسمااا .. مكاينش اللي يفكك مني كانواااعدددك 😡......

بعدما تغداو و مشاو ضربو دوييرة فالموطور بلا كااسك .. دازو من شلا طرقاان و منعرجاات .. حتى عيااو و شافو النهار بدا كايمشي

كوثر:شبانلك توصلني للدار دابا، عييييت

ايهم:شبانلك نوصلك و نبات عندك اليووم .. نديرو بيجامة بارتي هههه

كوثر ضحكات:ههههه نديروها علاش لاا .. ولكن غانعسك فالصالون فداك الفوطوي اللي مكاتحملوووش

ايهم:ياااع .. لا صافي بدلت رأيي .. نمشيو غي نسهرو شوية عندك هههه

كوثر:واخا .. يلااه وصلناا

ايهم كايزيكزاكي فالطريق:هاحنا غاديين ههه عنداك تنعسيلي هنااا

كوثر:تت ماتخاافش (تفوهاات بعمق شادة فيه من اللور و مزييييرة هو بتاسم مكمل طرييقو للعمارة ديالها)

.

.

...

سافاش كايشوف فآنا اللي لصقات عندو هاد النهار:رتاحيتليك بزاااف

آنا بتاسمات:مي توو .. بزاااف .. غانبقى ديما نجي عندك

سافاش بتاسم:مممم مرحبا بييك .. قوليلي شكون آنا بالمجمل

آنا:مممم آنا واترسون .. فعمري 23 سنة .. عازبة .. ماما ميتة .. عندي غي بابا اللي مريض بزاف و خويا كبر مني .. مكانتشاوفوش بزاف ولكن اي حاجة كانديرها كاتوصلو .. متأكدة حتى هاد المجية ديالي معاك وصلاتو

سافاش بتاسم بهدووء:متأكدة

انا باستغراب:عفوا

سافاش ضحك:هههه لا لا غي سهيت و صافي

آنا وقفات:امم الموهيم غانمشي دابا، من بعد و نعاودو نتشاوفو

سافاش قرب باسها فحنكها:بسلامة .. اجي نوصلك للباب

آنا كاتشوف فالارجاء:مانسلمش على جاد؟

سافاش بنفي:غايكون كايحفظ .. مرة اخرى

آنا بتاسمات و مشات جيهت الباب كاتشوف فيه مساخياش بيه رتاحتليه بزااف، هو حلها الباب و عطاها الطريق تخرج، هي شافت على برا و رجعات شافت فييه .. بالزربة غفلاتو كانت نقزاتلو على فمو ببووسة عمييقة، هو بقا مكوانسي فاجآتو فنفس الوقت سمع شي حس قدامو .. بعد فمو بالزربة من فمها و شاف شنو كاين، كان ايهم هاز كوثر بين يدو .. هي مللي شافتو كايبوس ديك خيتي تعلقاات فييه بقووة مخبية وجهها فوسط صدرو .. اما ايهم فطلعو و هبطو بنضرات حادين و مشا طالع لفوق، سافاش ماكرهش يوقفو و يقولو حطها وسير بحالك ولكن معاه هاد خيتي خاصو حتى يصدرها

كاتجي غي فاللقطات الزوينين

شاف فيها و بتاسم ببرود هي همساتلو:غانتوحشك

سافاش:عندك نمرتي .. و عندي نمرتي غاندويو

آنا ومأتلو براسها بحزن و مشات هابطة فحالها .. بقا هو فالباب دالدار كاارز على فكوو بقووة .. حتى بانو العرووقة دعنقو و ديدو اللي زيير عليييهم .. حنا عينو للارض و شعط الباب بققققوة مباغيش يضعف و يطلع يجرها من حضن ايهم لحضنو هووو.. باغي يستحمل و يدوز هاد الفترة حتى ينتاااقم و يفش غللووو فاللي وصلو لهاد الحالة اللي هو فيها

.

.

...

اما الفووق فايهم جلس بيها فوق واحد الفوطوي و هي كاتبكي بقووة و تشهق فحضنو، هو كايدوز يدو على شعرها و معععصبب لأقصى درجة .. حاس بروحو هو اللي كاتبكي .. كوثر عندو كثر من اخت بالنسبة ليه، حاسبها نفففسوو والبكا ديالها فحضنو .. كايقهروو .. ماكرهش يمشي يدبز لسافاش شي عين على الحالة اللي وصلها ليها، ولكن ستحمل بالزز .. كايصبرها و يشجعها تنساه من هاد اللقطة اللي شافتو فيها اليوم و حتى دالبارح

🔥المغرب🔥

وصلات طموبيلت نورس لباب القصر .. نزل هو الاول و مشا حل لنورسين الباب، عدسات الكاميرات كايصورو و هو مبتاسم فوجهها، هي مثوثرة من هاد الاجواء، دخلو لداخل هي كادور فعينيها و ابتسامة تشكلات على فمها من الديكور و التزيين دالجردة .. كان كايشرح النفس مع الاضواء اللي شاعلين بسباب الضلام اللي جا .. دورات عينيها على الحضور .. الاغلبية دارو كايشوفو فيهم .. نورسين ملامحو رجعو اكثر حدة .. قربهالو من خصرها و غرس صبااعو تماا حتى توجعاات .. بغات تنتر منو ولكن هو زييير عليها كايدور فعينو ويصيفط للحضور "الرجال" بالخصوص .. نضرات فحال القرطاس .. فحال لا كاينبههم يتجرأو و يشوفو فيها شغايديرلهم، ايمي و جنة و تالية كانو مجمعين كايدويو و يتسناو فمينا توصل حتى قشعو نورس و نورسين داخلين، ايمي بتاسمات ابتسامة واسعة و نغزات جنة و تالية

ايمي:شوفو ولدي جااا .. احح نمشي نسلم على مرات ولدي هههه

جنة بتاسمات كاتشوف فيهم:مواتيين .. شوفي كي شادها فحالا غاتهرب لييه

تالية غمزات ايمي:شوفي كي مغوبش باينة فيه غيراان هههه

ايمي ضحكات:تريكة باه شنو غاتسناي منوو .. انا نمشي نشوفهم

جنةواخا سيري (دورات عينها شافت فعدن حاضيها .. غي شافت فيه سيفطلها بوسة فالهوى، هي بتاسمات و شداتها بلعاني زعما مخبياها فقلبها .. عدنان واقف كايشوف فنورس و نورسين، بتاسم بهدوووء كايشوف فولدو كبر و جاي ببنت معاه تنهد و قلب عينو قشع موسى داخل للحفلة بطلة فخمة رجولية .. كوسطار كحل مزيير علليييه .. مبينو كلااص و ملامح وجهو جدية كايدور فعينو و يشوف مينا واش جات ولا باقي)

ايمي قربات عند نورس تلاحت علييه عنقاتو كاضحك:الحبييب ديااالي نورتي الحفلة

نورسين خنزرات فيها .. مع كاتبان صغر من عمرها .. طااية و طوولة و جماال و انووثة ..مدات يدها دفعاتها من عليه و قالت بحدة:مكاتشوفينيش قدامو ولا بنتلك مونييكة؟

نورس بحدة:نوورسييين!!!

نورسين شافت فيه بعصبية:شنوو ماالللك؟؟ جاتك النفس على حبيبة القللب .. اصلا علااش جاي بيا لهنااا لاكنتي غاتعنق فالمونيكات (خنزرات فايمي اللي جابتلها الضحكة .. غمزات نورس يشد فيها و دفعات يد نورس من على نورسين و جراتو عندها) 

ايمي بنبرة مستفزة دبلعاني:ايوى يالحبييبة، عجبك الحال هو هداك ماعجبكش تفضلي، ماشي مغانعنقش حبيبي

نورسين بسخرية:حبيبك هه .. نتا مغاتقول والو؟ (نورس قلب وجهو مخنزر) اييوى سمعيني شنو غانقوولك .. هذا اللي كاتقولي عليه حبيبك راه كايخوونك معااايا .. و مصاحب معايا وانا حاملة منوو .. وازييدي قولي عليه حبيبك

نورس شاف فيها بتفاجئ هو و ايمي:نورسيين!!

نورسين باستفزاز:ماالك؟؟

ايمي:واش داوية بصح حاملة؟؟ من ولديي؟؟

نورسين ومأتلها:ااه .. بلاتي بلاتي (طلعات معاها كلمة ولدي) ق ق قلتي .. و ولديي؟؟

ايمي:اه ولدي هههه .. انا مامات نورس

نورسين:مستحيييل .. وانااري واقانبوولة عندك مك

ايمي ضحكات:من ذوقك حبيبتي، بس واش بصح حاملة

نورسين حركات راسها و يدها و كاع حواسها بلا:ناري لاا .. غي بغيت نحرمها على ولدك .. حنا غي اصدقااء و صافي .. 

نورس ببرود:و قريب ندوزو للمرحلة الموالية بعد الصداقة

نورسين ميقت فيه:مغانديهاش فيك

ايمي ضحكات ضحتكها الرنانة .. حتى حسات بيدين حاوطوها من اللور .. مدارتش غي شمات ريحتو عرفاتو شكون:حبيبيي

نورسين حلات فمها فعدنان:نااري ماتقوليش هذا بااك

عدنان طلعها و هبطها:عندك مشكيل؟

نورسين تزنكات:ل لا غ غيي مبايناش فيكم هههه😅 هااااح التريكة دالتياااتز

نورس شدها من خصرها:نخليوكم .. لا زدنا دقيقة قدامكم غاندبزها

نورسين:والا خليني نتعرف عليهم

نورس جرها من قدامهم:اجيي نورييك واحد الحاجة غاتعجبك

نورسين بعناد:واابعدد والززمرر ماتقيصنيييش

نورس هرها من جنابها حتى قفزات:رصااي هانا نرتاكب فيك شي جرييمة

نورسين خنزرات كاتنكر .. اما هو جرها لقدام البوفي و هز طبسيل كايغرف و يهز من كل حاجة من ديك الطبلة المنوعة حاجة:ماكليتيش اليوم ..

نورسين شافت فيه .. كان جدي كاينتقيلها اكلها بعنااية، مهتم بأدق تفاصيلها .. و من خلال مراقبتو ليها عرفها مواكلاش .. هي بتاسمات بهدوء كاتشوف فملامحو الحنونة:فيا الجووع

نورس:انا كانغرفلك صبري (حبس صوت الموسيقى وتسمع صوت جنة كادوي فالميكرو)

جنة:رجااءا .. وجدو راسكم دابا غادخل مينا

الكل صقل و كل واحد شنو هاز فيدو .. نورس جر الطبسيل و جر نورسين معاه لقدام الباب .. مجموعين كولهم كايتسناو فمينا

.

.

....

على برا، وصلات السيارة الخاصة بالبنات .. نزلو منها بثلاثة داخلين .. قرطاسة قدام قنبولة قدام بازوكة، اححح التيتيز فهااد الحفلة تسمع الصقييل و الدنيا هاااديية .. حتى دخلو لداخل قدام الجردة،

عبير شافت فيها و شدات على صدرها حاسة بالخنقة من رجوعها لهنا .. همسات لمينا بصوت خافت:ا انا غانمشي للطواليط دغيا و نجي

مينا ومأتلها و شافت جيهت الجردة المزينة باستغراب:غا سيري (شافت فمروى) شنو يكون تما؟

مروى جراتها كاضحك:اجي نشووفو (مشاو لديك الجيه .. دخلو لديك القاعة اللي مقادة .. غي خطاو لدااخل و هوما يطرطقو شي مفرقعاات مع تصفيرات و تصفييقات و كايدويو بصوت عالي:هاااابييي بيرثداااي مييييناااا🎊🎉🎉🎉🎉🎉🎉🎊🎊)

مينا شدات على فمها متفاجئة .. شافت فمروى حداها اللي كاتصفر و ضحك .. و رجعات شافت فجنة و عدن اللي كايشوفو فيها بحنان و حبب، فديك اللحضة .. دخل من الجيهة الخلفية يوسف اللي دور عينو عليهم، شاف فمينا بابتسامة واسعة كايتفحصها و لكن ابتسامتو تلاشات للعصبية مللي شاف اش لاابسة .. خنززر فييها و شاح بنظرو لجيهة اخرى .. فديك اللقطة اللي دور وجهو تفااجئ من ديك اللي واقفة لابسة اللبسة دالخدم .. هي "اكرام" .. شكاديير هناا؟ طلع و هبط فيها باستغراب و لكن الاستغراب تحول لخوف وهو كايشوف بين يدها سلاح فالاسود مخبي فواحد السربيتة فيدها .. شاف فالسلاح لمن منيش و هو و ييخرج عينو و طلق رجلييه للرييح كايجري جيهت جنة اللي كانت هازة واحد جهاز تحكم بين يدها غاتكليكي عليه و يطرطقو شي نفاخات ومفرقعاات قدام ميينا .. يعني هي كاتسنى غي اللقطة اللي يطرطقو باش تطلق رصااصتها .. رجع كايدعي من الله تتعطل غي دقيييقة .. كايطلب من الله ستيين ثاانية مهههلة باش مايتحققش داك الكابوس اللي زاارو .. مباغييش يفقدد جنةةة .. مبااغييش منبع الحنان تضييع منوو

يتبع ...