مينا جالسة فوق الفراش فداك البيت .. حاسة بالخنقة و حاسة براسها فحالا هي فحبس .. حاسة انها تسرعااات فاش عاونات يوسف البارح .. خصوووصا مللي قاالها كلمة انه باغي ينتاقم من عدن و مايتهنى حتى يشوفو ميت .. حاسة براسها عاجزة دير اي حاجة فهاد الحالة هادي ... ماكرهاتش تمشي فحالها، سمعات صوت الساقطة كادور فالباب دالبيت و هي تخنزر كاتسناها تتحل .. دخل يوسف ببلاطو فيدو فيه سوندويتش مغلف ببابيي ألومنيوم حطو فوق الفراش جنبها و ربع يدو مخنزر فيها
يوسف ببرود:كووولي
مينا علات فيه عينيها .. شافت فيه بنضرات .. خايفة، كاارهة و مشمئزة .. قلبات وجهها كاتشوف لبعيد:بغيت نمشي بحالي ردني لدارنا
يوسف تأفأف هو رجع عصبي بزاف مؤخرا و مباغيش يآذيها بعصبيتو .. قرب جلس قدامها هي قفزت دغيا وقفات مبعدة عليه كاتقرب للباب عينيها عليه بخوف .. مابقاتش حاملة تجلس معاه، يوسف بقا غي مخرج عينو فيييها و العصبية كاتزييد تتصاعد فيه
مينا بصووت عاالي:بغيييييت نمشيي بحاالي واااااش مكاااتفههههمش .. اناا محاااملاااكش .. مللي نتاااا محااملش بابا و بااغي تنتاااقم منووووو .. علااش مخلييني انا معااااك .. ياكماااااا (سكتات شوية مخرجة فيه عينيها .. هو وقف مزير على قبضة يدو و معلي حاجبو):ياكما شنو؟
مينا كادوي ببطئ:كاتنتاقم منوو .. بيا اناااا
يوسف بتاسم ابتسامة جانبية .. و قرب عندها هو كايقرب هي كاتبعد و ترجع خطوات اللور حتى حاصرها مع الحيط .. حط يدو على شعرها كايردولها مور وذنها و هي بعدات راسها بالزربة و بعدااتو:م مااتقيييسنييييش
يوسف ببرود:ماتخافيش مستحيل نفكر نستخدمك فانتقامي منو .. حيت نتي بالنسبة ليا ماشي وسيلة ننتاقم
يوسف بلع ريقو و قلب عينيه عليها .. مباغيش يقولها شنو دار .. و هو السباب باش مصطفى فحالتو هادي .. مابغاهاش تكرهو .. قربلها بشووية كايشوف فشفايفها برغبة بلا مايجاوبها و هي حاسة براسها الحلقة الاضعف فهاد البيت .. هو طبع بوسةة خفيييييفة جنب شفايفها خلات دقات قلبها يتساارعو بشكل خطيييير .. عاد بعد و شاف فيها بابتسامة:غانخليك دابا .. مباغيكش تكرهيني احبيبتي .. كولي حيت لارجعت و لقيتك ماكليتيش غانعاقبك
مينا كاتشوف فيه مخرجة عينيها .. برودو اللي كايدوي بيه خلاها تحس براسها غاتحماق .. هو هز يدها الصغيورة بين يدو هو الضخمة و باسها بررقة حتى خطفاتها منو و دار خارج فحالو مخلي قلب ديك الصغيرة غايخرج من بلاصتو بسباب حيرتها و مشاعرها المبعثرة
💉نرجعو لموسى و عبير💉
شاد صمطة دالجلد الغليض لاويها على يدو .. كان دايرها فسروالو .. كايعلي يدوو للسما و كاينزل بيها على عبييير اللي مع كل ضربة ببزيم الصمطة كاتقفز و تخرج انييين ضعييف حيت صوتها مباغييش يخرج .. وجههاااا حمممر فحاال ماطيشة و هو فينما جاتو الكانة يضرب كايضرب حتى فالتوتو مسكيينة .. حبسلها الضرب و حنى عندها كايشوف فلحمها كي زرااق ووتفلح و الدم كايسيل من شي بلايص منو .. تبسم برضى من الوعد اللي قطعولها و نفذو فالبلاصة، غمزها و تمتم بغغل:قولييليي هاد الاحسااس اللي حسيتو دابا هو اللي حسيتيه مللي ضربتي خوويا هممم .. داك الضرب ووالطعن كووولووو هاكااا حسييتيي .. ستمتعتيييي؟؟؟ عجببببك الحاااال؟؟ جااوبييينييييي (هي بقات كاتشوف فيه .. حتى بتاسمات بهدوء واللهيلا بتاسمات .. و ديييييك الابتسامة بالضببط حسسات موسى انه رجعلها ذكرتها بديك الليلة و انها كاتضحك حيت تفكرت فاش كانت كاضرب خوه حتى سيفطاتو للغيبوبة، علا يدو حتى علاها و عطاها كففف خمااسي الابعاد حتى سالها الدمم من نييفها و غوووت بصووت عاللي):ماتبتاااسمييييش ابنت القحححححبة عمركي ضححححكي قدااامييي .. مكانديرلكش هاكا بااش ضححكيي .. خااصكي تبكييي خااصكي تندمييييي ااعععع (علا يدو ثاني و نزل عليها ببوونية زراقتلها العيين فالبلاصة .. هي فقدات وعيها فديك اللحضة .. اما هو فكاينههج بغلل و عصبيية .. وقف كايرد الصمطة لسرواالو .. و دار خارج فحاالو مغدد .. دق الباب على الشرطي اللي فالباب .. خرج و سد موراه الباب، كان غااادي فحالو حتى وقف بالزربة مفكر انه خلاها عريانة تم .. دار شاف فالشرطي نضرة تحذييرية و قال بلهجة آمرة) يدخل شي قواد لعندها ولا غي يطل عليها نندمو على الحليب اللي شرب من عند مووو (هداك عارفو ولد عدن غي حاني راسو .. هو رجع طل عليها من الفتيحة دالساروت كانت مغيبة مسكينة و حالتها تشفي العدو .. هو قلب عينو و مشا خارج فحالو كايتأفأف .. حاس بالخنقة
فاتت العشية و جا الليل و هوما جالسين فالصالون .. نورسين صايبات العشا و جالسة كاتجمع مع فاتي .. و كل شوية كاطلق ضحكة عالية كاتغدد بيها نورس اللي جالس جنبها .. و بجووجهم باقيين باللباس دقبايلة .. هو مارضاش يرضخ و يلبس تيشرت و لا شي حاجة و هي كذلك مارضااتش تلبس حاجة طويلة فحالي قالها .. عليها دازت عليهم ديك العشية كولها مشاحنات و نورسين كاضحك باش تغددو بلعااني .. ناضت مللي حسات ان العشا طااب .. و فاتي ناضت معاها كاتعاونها .. قادو الطبلة و جلسو مجموعين كياكلو و يتهاودو .. نورسين مرة مرة تجبد ياسين بشي هضرة .. و ياسين غي كايضحك على عفويتها .. قلبها بيض بزاااف .. هي شافت جيهت نورس و ميقت فيه .. شافتو غي مخنزر فيها ماكلا والو من طبسيلو
نورس قلب وجهو وشاف فياسين متجاهلها:دويت مع كريم على قبل الفيديو كليب صيفطتلو الاغنية يسمعها البارح .. قالي اليوم غايرد الخبار .. كانتسنى غي فوقاش نساليو هاد الاغنية
نورسين عرفاتو كايمعني عليها .. هي شافت ففاتي وقالت بصوت عالي:فتوش ..قوليلي ساكنة مع واليديك؟
فاتي حركات راسها بلا:انا شريت بارطمة خاصة بيا مللي بديت الخدمة و مرة مرة كانطل عليهم ..
نورسين بتاسمات بحزن همسات بصوت خافت:ياليت لو واليديا عايشين (تنهدات بعمق و علات نبرة صوتها) احم .. نتي ساكنة بوحدك ياك مامعاك حد (فاتي ومأت براسها) انا رتحتليك بزاف .. ماكرهتش ندوز نبات عندك هاد الليلة
نورس وذنو كان راميها لعندهم شرك كايكح بقوة مخرج فيها عينو و فاتي قالت بحماس:واااو بصصح .. ويي يلااه حتانا كانقنط فالليل
نورسين :واخا صافي ههههه نمشي نجمع حوايجي اللي نبات بيهم
نورس بجدية:ماعندك فين تمشيييي
نورسين شافت فيه:كيفاش ثاني؟؟
نورس:نتي غاتبقاي هنا .. مغاتباتي مع حتى حد .. فاتي راها غا داوية غاتبات هنا
نورس :لا مانرتاحش و هي بعيدة عليا (نورسين غي حالا فيه فمها مصدومة)
ياسين وقف: كانضن جا الوقت نمشيو تعطلنا .. فاتي يلاه (مدلها يدو .. هي شدات فيه ووقفات كاتقاد فشعرها)
نورسين خنزرت فنورس و ناضت سلمات على فاتي:مابتش اليوم ولكن نهار اخر غانبات
فاتي:اكييد احبيبة .. نتوانسو هههه (نورسين بتاسماتلها و دارت شافت فياسين قربات عوالة تسلم عليه بلابيز و هي تجبد من قرفادتها .. ردها نورس موراه و عنق ياسين كايضربلو على ضهرو فحالا كايسلم عليه زعما، ولكن راه قسملو ضهرو مزيان)
نورس:زورونا مرة اخرى
ياسين كايضحك على تصرفات صاحبو:ضروري ههههه .. يلاه نخليوكم (شد ففاتي و مشاو جيهت الباب .. نورس شاف فنورسين كايطلعها و يهبطها، سمع الباب تسدات و هو يجرها من شعرها حتى غوتات مخلووعة شادالو يدو .. غفلها)
نورسيين:اااي الخرااا شكادييير
نورس كايطرشلها وجهها طريشات خفاف و كايدوي مغزز على سنانو:لدينموووك تعاودي نقولك الحاجة و تنخلييني و زايدون شناااهو تبااتي عند فاتييي هممم
نورسين كاتعافر معاه حتى دفعااتو و عطااتو بصقلة لحنكو:ماااشييي سووقك فيااا مادويييش مع ملللتييي على حمااااار تفوووو (مشات جيهت بيتها كاطبطب على حنوكها ووتحك ففروة راسها .. اما نورس فواقف بجمود كايشوف جيهت باب بيتها اللي رضخاتو على كماارتو تننهد و دار جلس فوق واحد الفوطوي و كايضحك على راسو و تصرفاتو المبرهشة معاها حتى سمع تليفونو كايصوني)
نورس بتاسم و قطع عليه .. ناض كايتكسل كايشوف فالطبلة اللي بقات على حالتها .. تنهد وومشا كايجمعها على سعدو ووعدو .. هو كايعجبو النضام و كايكره الفوضى .. على داكشي مادخل لبيتو حتى كان غسل الماعن كووولهم و بااش تعرفوه مسموووم .. خلا لنورسين طبسيلها و ماسها اللي كانت كتاكل منهم تغسلهم هي ههههه
🌸فالقصر🌸
عدن متكي فوق الفراش ديالهم هو ووجنة مسفح على كرشو ووهي قدامو كاديرلو مساج بصبيعاتها النااعميين .. هو حاس بالعيا و الضغط مسكيين .. خصوصا كاينة مناقصة جديدة باغي ياخذها هو .. دواحد المشروع
جنة كادوز يدها على كتافو وقالت بتساؤل:عدن!! مينا يوماين ماجات فينها راه قلبي مامهنينيش عليها؟؟
عدن كايرمش عينو بتثاقل و قال بصوت عيان:مممم .. راها مع يوسف غا كوني هانيية الرجال اللي حاضيينها شافوه خداها من حدا معهد الباليه راها تسجلات فيه بالسر زعما ..
عدن شد يديداتها باسهم بعمق:مممم اجي لهناا (عنقها كايطبطب عليها) نعسي شوية راه البارح مانعستيش (جنة كاترمش بتثااقل و هو كايمسد على شعرها حتى حسها غفاات بين يدو .. بتاسم بهدوء حتى هو غافي معاها)
_______________________________________
دخل يوسف للبيت عند مينا ثاني كانت نااعسة مكمشة على بعضها و البلاطو قدامها خاوي اكيد كلات السوندويتش .. بتاسم و قرب جلس قدامها كايتأمل فتقاسيم وجهها .. همس و هو ساااهي فيها:سمحيلي .. سمحيلي على كولشي اللي درتولك و اللي غاندييرو .. انا مانقدرش نعيش بلا بيك .. نتي حيااتي و عمري .. مستحيل نقدر نتنفس بلا مانشوفك (هبط بشوووية و حط فمو على حنكها باسوو ببطئ كايشم ففرييحتها الاخاذة اللي تغلغلاات فأعمااق اعماقو .. و حل فمو بشووية كايعض على حنوكها جاوه لذاذين فحال شي تفاحات .. بعد كايتبسم و جر الغطا اللي كان فوق الفراش غطاها بيه و خرج من البيت بعدما خدا معاه البلاطو و سورت الباب عليها .. خايف لاينوض مايلقاهاش)
نورس واقف فالباب دبيت نورسين كايدق و يعاود مكانش جواب منها، هو كان لابس سروال كحل و قميجة بيضة مطراسية عليه .. مفتوحين فيها الصدايف الثلاثة الفوقانيين باينين زغيبات صدرو، لحيتو طراساها و قادها و شعرو ماشطو رادو اللور .. ريحتو كاااذوب و ذوبكم حتى نتوما لاشميتوها خليوني غي انا كانشمها و نذووب هااااح .. الموهيم مللي عيا كايدق عليها .. حل الباب مخنزر ناوي يفيقها بشي سطل دالما حيت عرفها غاتكون باقا ناعسة ولكن تصدم مللي شاف حالتها كي كانت، كانت ناعسة عرقانة كووولها و كاتبكي و تنخصص فنعااسها .. نيفها و حنوكها حماارو و كاتهرنن و تمتم بكلمات النص فيهم مامفهومينش
نورسين:هئ هى ااتاتلراككططمكةة لااا ببعدد هئ هئ مات ماتقيصهاش هئ هئ م مامااا عاونينيي .. هئ هئ اييي لا لا ماضربنييش هئ هيييئ أااااااااااا (نااضتتت قاافزةة كااتغوووت ووتببكيي جات جاالسة بقات كاتنهج و كاتفكر الكابوس اللي زاارها و الذنب اللي حاسة بيه سنييين هادي و مقاداش تنسى شنو وققع، نورس شاف حالتها طاار عندها شدلها وجهها بين يديه بجوج محاوطو و كايسولها باهتمام)
نورس:نورسين!! ماااك، باش حلمتيي شنو شفتيي همم
نورسين كاتحرك راسها بلا و عويناتها فعينيه كاتبكي و شفايفها كايترعدوو كاتمتم:ه ه هووماا هئ هئ رجعووو هئ هئ رجعووو ثاانييي هئ هى ماااماا هئ هئ باابااااااااااااا (الكلمة اللخرة قالتها بالغواات و تلااحت على نورس معنقاااه كاتبكيي فووسط حضنو، هو تخطف حااس بدمووعها فزكولو صدرو بدا كايدوز فيدو على طووول شعرها وحاس بجسمها كايترعد بين يدو .. زيييير علييها و كايهمسلها بكلمات يطمنوها و يهدنوها "صافي .. براكة من البكى ... هشششش براااكةة .. حبيبة برااكة" عض لسانوو بصدمة كايرجع السينتا .. واش هو عاد دابا قالها حبيبة؟ حس بكيانو تهههز .. علا عينيه كايشوف فتصاور نورسين اللي ماليين بيتها حتى هو و نضراتو كانو فحالا كايعتاذر منها .. غيي على كلمة حبيبة اللي واعدها انه مايقولها لحتى وحدة من غيرها .. نورسين شبعات بكى فحضنو حتى تهدنات و هي تبعد من حضنو بالزربة شافت فيه كاتقاد شعرها
هو كان باقي كايشوف فصورة نورسين الميتة، غززات سنانها بنوع من الكراهية ليها و ناضت من قدامو حتى قفز و شاف فيها كايرمش برزانة)
نورسين كتتمسح نيفها و عينيها:ا احم .. ش شنو جيتي دير عندي؟
نورس وقف كايقاد حوايجو حنحن:احممم .. دويت مع المخرج اللي غايخرجلنا الفيديو كليب و بغانا نمشيو نشوفوه اليوم باش نتفاهمو على شي نويطات
نورسين خشات صبيعاتها بين خصلات شعرها جامعاه:امم اوكي ندوش و نبدل عليا و نمشيو، تقدر تسناني برا🙂
نورسين بابتسامة:ناااري صباح زييين هذاا .. نورس العوماري معنقنييي (خنزرات) ولكن فنفس الوقت كايفكر فديك القحبة الزاملة الputa فآخر ايامي نغير من ميتة (شدات فمها بصدمة) ويييلييي قلت نغااار!! ناااري واش كانغيير عليييه؟؟ لاهيلا كانغيير هههه اححححح ولكن هو زييين (قلعات حوايجها ووقفات تحت الرشاش) ولكن هاد الحلمة خاارجة علياا .. يااااربيييي تكون بخير فينماا كانت انا ماتخليتش علييها .. انا غي غي خايفة و حاسة بالذنب من جيهتها (تنهدات كادوش و تفكر فالماضي ديالها و السبب لاش كانت كاتحلم ديك الحلمة .. دارت الشمبوان كاتمشط و هي كاتفكر، اما على برا فمستر نورس .. جبد سروال جينز زرق .. داك السروال طاي اوت و معاه قويميجة صفر كاتجي نص كم فوقها كبيبيط خفييف ثووبو .. مع سنيديلة فالكحل خفيفة، كانو زوينين و فنفس الوقت غايجيوها محتارمين فاللبسة . معاهم حتى الملابس الداخلية اللي كانو فاللون البني و من شكلهم كانو سووو سيكسي .. للصراحة تخايلها بيهم و هو كايعزلهم و تأثر شوية .. رااهو الجيلالي تنفخ شوية .. بعدما قادلها داكشي فوق الفراش .. دار خارج فحالو و هو كايدندن بأغنية كانت مفضلة عند نورسين حبيبتو)
🌸فمكان آخر و بالضبط شركة "موسى للعطور"🌸
جالس فوق المكتب ديالو كايقرا شي وراق خاصين بخدمتو خاصهم التوقيع، مكان كايوقع حتى كايتمعن فالشي المكتوب حتى سمع الدقان فباب المكتب .. اذن للطارق يدخل .. دخل شاب يكون فالثلاثينيات من عمرو .. لابس لباس رسمي و ملامحو ونضراتو جديين كان السكرتير الخاص بموسى
موسى علا راسو فيه:وي وديع؟
وديع بجدية:جيت نفكرك بالاجتماع اللي عندك من هنا خمسة دقايق و هادو الحوايج اللي وصيتيني عليهم (مدلو شاصي كانو فيهم شي حويجات حطهم فوق المتكب)
موسى شاف فالحوايج وومألو براسو.. وقف كايقاد كوستيمو وهز الملف اللي كان كايقراه:واخا يلاه (مشاو خارجين بجوج، موسى سابق و وديع موراه كانت الشركة كبيرة بزاف كولها زاج و البنى ديالها حديث .. ارضية رخامية هااايلة و زاج واقي للرصاص كولشي فالشركة كايبهر حتى من الرسومات اللي فكل بلاصة و التصاميم المكبرة دزجاجات العطر فكل بلاصة .. وصلو لقاعة الاجتماعات كانو واقفين شي رجال فبابها .. شافو موسى حلولو الباب .. هو دخل مع وديع عم السكون القاعة و النضرات توجهاتلو .. هو مشا لبلاصتو بهدووء و الاعين تابعاه .. خصوصا عينين الجنس اللطيف غتااكلو بسباب وسامتوو جاذبيتو والهدوء اللي كايبان فملامح وجهو جلس فالكرسي الخاص بيه .. و على يمينو وديع .. علا راسو فدوك الرجال و عطى اشارة لواحد الموظف يبدى فتقديم واحد المشروع و هو مركز معااه كل التركييز)
طالع فالدروج اللولبيين الخشبيين .. كان خشب بلوط عتييق و جودتو عاالية .. كولشي فهاد الفيلا زوين و عتييق و قديييم .. حتى من اللوحات اللي معلقين فالحيوطة .. كان هاز بلاطو و شاصي بين يدو .. وقف فباب بيتها و جبد سوارتو كايحل الباب .. دخل بهدووء مسبق البلاطو دالفطور ديال جوج دالناس، كانت واقفة قدام الشرجم كاطل لبرا مدارتش فخطرة عندو .. حط البلاطو فوق واحد الكمودينة خشبية و حك على الضمادة اللي باقا ملوية على راسو، قرب بشووية بالشاصي فيدو جيهتها .. هي سمعات خطواتو كايقربو جيهتها بلعات ريقها و قادات وقفتها .. حتى قفزات مللي حساتو حط راسو بهدوء فوق كتفها و خشا نيفو فشعرها كايستنشق رييحتو و يغسل صدرو بيها .. هي زيرات على قبضة يديها مكواانسية حتى حسات بيدو كاتحيد الشعر اللي كان جيهت عنقها و خشا وجهو فعنقها كايدوز نييفو و يستنشق فييه بهووس، بححب، بششغففف و عششق .. رجعات كاتغزل بين يدو و ترعد و هو محاوطها بيديه بجوج و خاشي وجهو فعنقها حتى حسات بلسانو كايدوز على عنقها بالطووول و هابط لجيهت كتفها .. تما تخلعات و بدات تنترر منوو ولكن هو حاكمها فالشدة مقاداش تتحرك .. حتى سمعاتو كايهمس فوذنها بصوتو الرجولي العميق:عمريي .. جبتلك كادواات .. عارفهم غايعجبووك (هي كاتتبلع فريقها و دور فعينيها مجاوباتوش .. بعد منها بهددوووء رجع اللور و شد الشاصي اللي جابو .. جبد منو كسيوة فالكحل منقطة بالبيض قصيرة و مفرفرة سميطات .. معاها علبة ماكياج بألوان زااهية كاتحمق و عكورة فألوان مختلفة)
يوسف بابتسامة هز الكسوة و مدهالها:عارف كايعجبك هاد الستيل من الكساوي اول ماشفتها عرفتها غاتجيك زوينة .. عليها جبتلك هاد الكسوة .. و حيت انا وياك بوحدنا تقدي تلبسيها هنا عاادي .. و حتى الماكياج عارفو كايعجبك بزاف اكثرية العكر على داكشي جبتلك كاع الالوان منو
مينا كاتشوف فيه من نيتها:واش من نيتك نتااا؟؟ هه لا انا بصح دابا تأكدت منك حمااقييييتيييي
يوسف غووبش بحددة رجع حممر وزير على الكسوة بين يدو:لبسي هاد الكسوة حسن مانلبسهالك بيدييي
مينا ضرباتلو يدو اللي مادالها الكسوة و هزات ديك العلبة دالماكياج حتى للسما و خبطتها مع الارض حتى تشتت:مباااغاااااااااااااشش هاااد الزممممر باااغااا نرجع عند عاااائلتييي .. باغا نمشييي ععندد باااباااا .. عرفتيي شنوو انا فهاد اللحضة كاتباانليي فحال شي حااجة معفوونة .. مشمئزة مننككك .. عرفتي علااااش حييت وااااحد .. باااغييي ينتاااقم من الشخص االي رباااه و كبرووووو سنيييييين و سنييييين ووسنيييين .. حتى رجع كايديير منو الضعف فالطووول و فالعرررض شغانتسنى منووووووو قوووو.. (طرااااخ) قااطعااتها طررشة طلعاتها للسما السابعة و خبطاتها مع الفراااش .. يوسف كايشوف فيها بعينييه حمرييين كي الجمممر صدرو طالع نازل بقمة العصبييية .. هي كليكاتلو على بوطونت العصبية اللي كان كايحااول مايخدمهااش ولكن هضرتها ستافزااتو و عصباااتو .. هزها من شعععرها واحد الجرةة غوتااات معااها عينييها داامعيين هو دفعها لفووق الفراااش كايشووف فييها بشراااسة .. حنى عندها قطع عليها داك التيشرت اللي لابسة والشورط جبدو و هي غيي كاتغوت و ضامة راسها باغا تغطيي لحمهاا .. ولكن هو مكانش هامو لحمها بالدرجة الاولى فهاد الاحضة .. كانت هاماه كلمتو تنفذ .. و هامااه كلمة كانشمئز منك اللي قالتهاالو .. هز الكسوة اللي كانت طاحت من يدو و بدا كايلبسهالها و هي كاتعاافر معاه يبعد منها ولكن هوو واالو مصمم يلبسهاالها .. حتى سالا وطلعلها السلسلة، بعد كايشوف فيها .. كايطلعها و يهبطها بشوفاتو و ينهج .. صوت انفاسو العالية مسموعين فكاع البييت .. دار عطااها بالضههر كايدور قدامها غادي جاي .. اما هي فشدات حنكها اللي كايوزولها بالحرييق و كاتشوف فالكسوة اللي لبسهاالها و تبكيي .. رجع دور راسو و شاف فيها بحدة هي تنفضت بخووف .. حنا هز واحد العكر حمر من العكورة اللي جابلها و قربلهااا كايدوي بحدة و عصبية:خاااصك تعرفي ان اي حاااجة نقولهاالك ديريييهاااا .. عمر هضرتي نعااودها جوووج مرااات فهمتييي (طرطق فيها عينيه هي غي حانية راسها حتى حسات بشعرها عاود تجر و شافت فييه كاتبكي بصووت عالي فحال شي بنيتة صغيييورة هو زييير على فكها بقبضتووو حتى حس بيها توعتت و هز العكر قربو لشفايفها كايدوزو علييييهم مزيييرلها على ذقننها .. هي غمضات عينها مستسلمة و كاتبكي و ترعد حتى شفايفها كايترعدو .. سالالها العكر و عينييه غاياكلو شفايفها اللي برزووو كثثر .. منفووخيين و صغيورين فحال الخاتم .. دوز لسانو على شفايفو بشهوة ماحس براسو غي جارها كثر من فكها و ختاارق شفايفها الحلوين المثيريين اللي فحال شي حبة كرزة طرررية .. كانو رطبييين بزااااف و ديك النفوخية اللي فييهم خلاتو يتلللذذ فكل جررة جر شفايفها . و فكلل مصة مصمهم .. ميل راسو معاها بعمق و بوستو لييها كاتزيييد فوحشيتها .. عضلها على شفتها التحتية حتى دازت بالدم و هي كاتنين و تفركل و تببكي باغا دفعووو، حتى بعد رجع اللور كاينهج .. طلع و هبط فيها هي كانت كاتنفس بالزربة حيت كان خطف انفاسها بديك القبلة و الكسوى طالعالها حتى لكرشها بقوة التفركييل .. شعرها مشنتف و عينيها منفوخين بالبكا .. جمع شعرو بقبضة يدو و دار خارج من البيت معصب مابغاش يتصرف شي تصرف اللي يندم عليه من بعد .. اما هي فبقات كاتنهج و طلع النفس بعععمق و تزفرو بالجهد .. تحسسات شفايفها بحسسسرة كاتنخصص مقاداش تصبر كاتمتم بضعف و بصوت شبه مسمووع) بغيت نمشيييي بحاااليييي هئ هئ هيييئ فييينك اباابااا فييينك عاااونييييي هئ هئ (خشات وجهها بين المخاد اللي فوق الفراش كاتعض عليهم و تبرد فيهم جنونها و تبكي حتى تهدات و عيياات و نعسات هاكااك)
لابسة لباس كاجوال دالزنقة .. هي الاغلبية كاترتاح فالسبور .. خرجات من دارها بديك اللبسة و شعرها الليموني جامعاه بقراصة هابطة لتحت ليوم يوم عطلتها .. عوالة تتسارى شوية و تفوج على راسها من جو المشفى و المرضى .. شافت فواحد الشقة كانت خاوية شي عام تقريبا شي ناس كايدخلو و يخرجو ليها باينة كايرحلو .. هي مشات فحالها بعدم اكتراث و ركبات فواحد الموطور شراتو مؤخرا فالغوز .. كاتحمااااق على شي حاجة سميتها المواااطر، نطالقاات بسرررعة كبيييرة و كاتميل فالطرييق مركزة فصوكانها الاحترافي حتى وصلات لجنب البحر و نزلات كاتستنشق الهوى العلييل ديالو و تبتاسم .. جلسات فوق شي حجرات كاتفرج فزروقية البحر، هي بطبعها منعزلة و مكاتبغيش دير صحابات بزاف .. على هاكا عندها صديقة وحدة اللي كايطلاقاو غي فالمشفى و صدييق واححد .. غابر عليها هاد المدة .. سهااات كاتشوف فالمنظر الزويين قبالتها حتى قرب يطيح الليل عاااد قررات تنوض و مشات لمطورها ركبات فيه بلا كااسك .. شعرها كايتطااير موراها و هي كاتطييير فالطريق ماشي غاصايكة حتى وصلات لماكدو .. البحر كايجيب الجووع اخوتي .. نزلات كاتقاد شعرها اللي طلع فالسما ومشات طلبات شنو بغات مشات بماكلتها كتاكل و تبنن حيت هي دايرة حمية خااااصة كتاكل غي السلطات و الخضر و داكشي الصحي، مرة فالثلث شهور كاتبغي تبرع راسها و تاكل شي حاجة دالزنقة .. سالات ماكلتها و ناضت مبتاسمة كالعادة .. هاد البنت مشعة و حيوية بزاااف .. ركبات فموطورها راجعة لدارها و عتابرات هاد الخرجة راها فوجاات مزيااان حيت اصلا مكاتجيهاش الكانة تخرج بوحدها و مع عدم تخالطها بالناس بزاف مكاتخرجش شي خرجة اللي زويييينة .. حطات موطورها فبلاصتو دديما و مشاات طالعة لدارها .. مخايفاش عليه حيت هاديك امريكا ماشي المغريييب .. وقفات قدام ديك الدار اللي شافتها قبايلة .. كان واحد الولد صغير تكون عندو شي ثمن سنين ..غادي كايجري حتى دخل فيها .. كانو غايطيحو بجووجهم فالدرووج ورااها، هي شداات فالولد و هو شد فيها مغمضين عينيهم كايتسناو يطيحو .. ولكن كوثر حسات بشي حاجة موراها لقفاتها ..
.. دورات غيي راسها كاتشوف شنو داكشي و هيي تقفزز و نقزات من بين يدين داك اللي شدها .. شافت فيه كاتبلع فريقها، هو طلع فيها و هبط باستغراب من ردة فعلها .. بلعات ريقها كاتحك فعينيها و كاتقول واش هو هذا اللي يوميا كاتشوفو فباب الكلينيك .. تفاجآت بوجودو قدامها .. هو مزادش شاف فيها خنزر فداك الدري الصغير و قال بحدة باللغة الانجليزية:جااااد .. مناوييش ديير عقللك .. عتااذر للمدام دااباااا
كوثر سمعاتو اش قال حنحنات و نطقات بسرعة:لا لا هانية هههه و وانا انسة
هو مداهاش فهضرتها باقي مخنزر فالدري اللي حنى راسو و قال بتأسف:سمحيلي اخالتو .. مارديتش البال
كوثر بتاسمات:ههه ماشي مشكيل كايوقعو فحال هاد المشاا.. (الباب ددارهم تسدات على وجهها خلاتها مكوانسية كاتشوف فوقاحة هاد الجار الجدييد او بالاحرى الرجل الغامض اللي دييما عندها فضوول من جييهتو .. علات كتوفها بمعنى يضبرو لكرهم ومشات طالعة لدارها تنعس على حسب غدا غادخل مع واحد الدكتور كمساعدة .. باش طير الدهشة فالعمليات)
💣نورس & نورسين💣
جالسين بجوج قبالت واحد الواحد .. مربي الشعر اللي شايبلو عينين فالخضر ووسييم .. كانو ملامح وجهو كاشيرو لانه صاارم و لكن فالحقيقة هو غيير .. هو كايطلع و يهبط فنورسين اللي كانت لابسة اللبسة اللي وجدهالها نورس شعرها مطلوق و دايرة مكياج خفييف مع عكر قويي فالقهوي اللي طبعا ماخرجات مع نورس حتى نكرز عليها على قبلو ولكن فحال ديما هيي اللي كاتهزمو و كادير مابغات و هو يزدح راسو مع ستين حييييط ..
كريم بحماس:اذن بجووج زويينيين و بجووجكم اصواات هاايلة جييتو مع بعض الصراحة تصلاحو تكونو كوبل
نورسين ميقت فنورس:مالقيت معامن تقطعو الرجاالة
نورس خنزر فيها هي عوجات فمها و سكتت:احمم .. كرييم من خلال سمعك للاغنية شنو كاضن نسميوها؟
كريم حط يدو على فمو كايفكر:ممممم "اذكرني" ؟
نورسين ومات براسها:وي يجي مع الاغنية
كريم:اه و حتى الفيديو الكليب اللي غايجي فحالا كنتو كاتعارفو من قبل و غاتعاودو طلاقاو
نورسين بحماس:وااااو عاودلنا علييه
كريم باثارة و تشويق:شوفو غاتبدا الاغنية بيكم بجوج .. نتا غاتنوض فجيه و هي فجيه ياكو غاتكون الشاشة مقسمة على جووج .. من بعد غاتدوزو تبدلو عليكم و دويت مع واحد جوج شركات غاديرولهم اعلان .. منهم شركة ولد عمك موسى .. غاترشو عطر من عطرهم و نورسين غادير عكر ماركة معروفة .. الموهيم ندوزو من مرحلة الاشهار للمرحلة المقبلة و اللي هي غاتخرجو من الدار .. نورسين غاتركب فبشكليطتها غادة للمحل اللي كاتخدم فيه و تبتاسم و حتى نتا انورس غاتركب فطموبيلتك .. هي غاتوصل للمحل كاتبيع فيه الكيتارات و كاتصلحهم .. الموهيم بلا كثرة الهضرة نتا غادخل للمحل و غاطلاقاو .. غاتسهاااو فبعضكم ووتفكرو فلاش من لقاءاتكم فالماضي، حيت كنتو كاتحابو زعما و داكشي .. الموهيم غادويو عادي و تسالمو و تعطيها كيتارك مهرس تصلحولك .. و غاتمشي .. فاش غاتخرج فحالك اتبقى فباب المحل كاطل عليها و هي غاتبدا تخنقز هههه .. موراها غاتعاودو طلاقاو مرة اخرى فاش ترجع مور كيتارك واتعطيها دعوة لواحد الحفلة خاصة بيك .. هي غاتمشيلها و تما تعتارفلها بحبك .. و هي غاتقبل و ها هو الفيديو كليب .. الموهيم السيناريو غايعدل مزياان و نعطيلكمم لقطاتكم كي غاتكوون
نورس باهتمام:مممم زوين .. ولكن كيفما وصيتك (غمزو)
كريم:ممم ماتخافش .. اللباس واجد ووكولشي كااين كانضن خاصكم ديرو جلسة تصويير و ديرو اشهار للاغنية قبلما تحط بلحن اولي فالموسيقى .. باش يتحمسو الناس للكومباااك ديالك انورس و تييت فاش يعرفو اغنية ديوو عرفتي غاتكوون مطرطقة
نورسين:ويي زويينة اكييد غاتنجح
كريم:بعدا شفتو سمياتكم .. نورس و نورسييين .. متواتيين
نورسين حلات فيه عينيها:ياك ياك حتى نتا جاك هاكااا .. حتانا كانقولها ههههه
نورس قرصها فجنبها حتى قفزت و همسلها:براكة من الطيييران غانكردك
نورسين ميقت فيه هو عينيه مشاو لشفايفها بداك العكر تجنن على شي بوسة قلب عينو بالزربة و شاف فكريم:احم داابا نديرو شوتينغ؟
كريم وقف:وي تفضلو نمشيو للاستديو راه فاش دوينا البارح عيطت للكاميرا مان يجي .. و شووف .. راه باش تطلعلك الاغنية زوينة خاصك تكون سخي اكيد غاتربح الضوووبل
نورس وقف و شاف فنورسين:واخا .. نوضي نمشيو للاستديوو (هي ناضت .. هو شدلها يدها بين يدو .. بتاسمات فرحاانة من مسكة يدو ليها فنفس الوقت دايرة راسها ماعلا بالهاش بيه حتى مشاو داخلين فواحد الكورلوار طويل)
نورس ومألو:وي غانديرها و الكونط بونك غايكون بسميت نورسين حيت عليا دين ليها خاص نسددو
نورسين زيراتلو على يديه حاسة براسها مزيييرة .. الوقت كايدوز بالزربة و اياماتها مع نورس وللات معدوودة .. و هي ولفات الجلاس معاه و النكير و الدابيز ديالهم .. تنهدات بعمق و مشاو داخلين للاستديو كان عامر بالناس غاديين جايين وواحد المصور شاد كاميرا فيدو كايصور فواحد العارضة و هي كاتعوج يمين شماال ..
نورسين حلات فمها كاتفرج فيهم و فهادشي هذااا .. و نورس مزير على يدها كايدور عينو على شي موظفين حاضيينهم خصوصا هو اللي مدة ماعتب لهاد الاستديو
نورس ومألو براسو بلا مايجاوبو، هو عتاذر منو يشوف شي لعيبات و يرجعلو .. نورس ومألو بتفهم ودار شاف فنورسين اللي باقا حالة فمها كاتدور عينيها فالاستديو .. ديك العارضة اللي كانت كاتصور طلعات و هبطات فنورس و مشات جيهتو كاتمايل بمشيتها واخا للصراحة تعيا ماتمايل مباين فيها والو .. نتوما عارفين عارضات الازياء دايرة فحال الستيلو غادة مسطرة مكاينش اعوجاج فالاماكن الخطرة
العارضة قربات كاتسلم عليه بلا بيز:اووو مايكوود .. نورس اي ميس يو سووو ماااتش .. ماطلاقيناش عااام دابا .. آخر فيديو كليب ليك صورناه انا وياك (نورسين مابقاتش حالة عينها فالاستديو رجعات مخنزرة فيهم .. و خصوووصا فالعوجة اللي قدام نورس .. بغيييتكم تشوفوها فهاد اللقطة الدخاخن خارجين من وذنيها و نيييفها و رجعاات حمراااااا😡😤)
نورس بمجاملة:امم ذهب بخير
ذهب (العارضة):بشوفتك بخيير هههه .. شي كليب جديد؟
نورس شاف فنورسين هي خرجات فيه عينيها.. شاف حالتها و العصبية اللي باااينة فيها .. دورها فذماغو و فهم مالها .. شارلها بيدو تقرب عندو .. قربات عندهم كاتشتف على الارض برجليها و كوون لقات كون شتفات على ديك خيتي .. وقفات قدامهم مربعة يديها و مطلعة حاجبها مفقوصة .. مجرد الوقفة ديالو مع وحدة اخرى خلاتها تشعل .. هو حط يدو اسفل ضهرها فوق مؤخرتها و جرها لعندو و شاف فذهب:ياس .. كليب جديد مع نورسين
ذهب طلعات و هبطات فنورسين قلبات عينيها و شافت فنورس:ممم بون شونص واخا بقا فيا الحاال .. بدلتيني دغيا (قالتها بنبرة محلونة .. نورسين حلات فيها عينيها على آخرهم، نورس شاف ردة فعل نورسين ثاني ضحك بالحس قالب وجهو و رجع شاف فذهب) مرة اخرى .. دابا عندي شوتينغ
ذهب لنورسين:ييو آر سوو لاكييي
نورسين ضحكات باستهزاء لدابا مادواتش حيت غاتخرج العسل الحر من فمها .. شافت فنورس و قالت كاتغزز فسنانها:غانلكلك دينموك مع شي حييط .. نوريك لاكي و التقحبين والتحلوين لشنو كايخرجو يابنت القحبة
ذهب ماسمعاتهاش عكس نورس اللي زيير على خصرها بيدييها حتى ضرباتو بالغمرة ديدها لكرشو
ذهب:ماسمعتكش شنو قلتي؟
نورسين ضحكات ببرووود .. و ردات القصة دشعرها مور وذنها وقالت بثقة:قلت ان نورس كايقولك بكل وضوووح انه عندو شوتييينغ و معاايا اناااا و غانصورو اغنية مع بعض يعنيي كايجري عليك بالطاااايطااااي ولكن نتي شفتك غي كاتلاوحي عليه و كاتمثلي انكي تقلقتي و هو آخر همو تقليقتك ألكتكوتة .. فين كرامتك؟
ذهب تبدلو فيها اللوان ماعجبهاش الحاال عوجات فمها فيها بحقد و شافت فنورس فحالا كاتقولو واش مغاتقول والو، نورس بتاسملها فحالا كايقولها هاهي خبراتك اش واقع فسيري تلاحي فبحرك .. هي تمتمات بكلمات مامسموعينش بسخط و مشات فحالها .. هي مشات وهوما يقربو كريم و الكاميرا مان من نورس و نورسين اللي بيناتهم مشاااحنة نضرية حااادة
كريم كايشوف فالديكور اللي وجدو فالبلاصة اللي غايتصورو فيها و ضاحك:شوفو غاتصورو جنب دوك الكيتارات .. و مايكونوش صور قرااب بزاف و فنفس الوقت ماشي بعااد .. ايضا لؤي (الكاميرا مان) نتا صورهم من الجنب و من القدام راك عاارف .. من بعد غايتصورو كل واحد فيكم بوحدو .. يلا يلا تحركو انا غانشوف مع الكاميرا 👏🏻👏🏻
نورس بتساؤل:نبقاو بهاد اللباس؟
كريم طلعهم و هبط ميل فيهم راسو و ربع يدو على شكل كاميرا فحالا كايصورهم:ممممم اللبس زوين غا هو الميكب ديالك انورسين خاصو تعديلات و الشعر يتقاد متموج
نورسين:اوكيي
كريم شير لواحد المبنت كايقاد الماكياج، جا عندهم كايجري و يديهم هازهم قدامو فحالا فازكين بالما مدليهم:وييي شنوو
كريم:خوذ نورسين قادلها ميكب زوين
هو جر نورسين من يدها:ناااري غانصرعك .. عرفتي وجههك وااو نااريي على ماكياج غانطلعلك (جلسها فوق واحد الكرسي و جاب مكياجو كايصايبلها و يدوي .. لوك لوك لوك مكايسكتش و نورسين حتى هي
نورسين حتى هي جاها على الكانة .. كاينممو فعباد الله .. اما نورس فجلس مجمع مع كريم و الكاميرا مان و كايتفرج فيها .. طالق وذنو و فمو مع الدراري و عينو فيها)
نورسين كاضحك و دوي:ناااري فرفرتيني .. وااهي الصراحة نييت عوجة و تجي معاها سميت الفنيتة ددرهم ههههه .. بنت الحرام بغات تلوى عليه ولكن بجوج كلمات خليتها تمشي و ماااء وجهها طاااير
أدم كاينضغ المسكة و كايجبدلها الشفرين بالماسكارا:تجي تشوفيني يااانا يالحبيبة دقلبي .. كانقايل النهار كاااامل نزواقلا فوجهااا و هي تقوووول .. وتقووول واش يبغي يزياان حتى كانرجاع عوج فحالا هههنننن .. كيسحابلا نورس غيي مساليلا و هو بااينة فيه باقي مأثر لصاحيبتو اللي ماتت
نورسين غلباتها الضحكة هو دارلها شوية فراجو و بعد من قدامها:تااااان .. جيتيي واااو توووحفة (هي تقابلات مع المراية كاتشوف فراسها)
نورسين:اووو ميغسيي بوكووو مابيييل
ادم حط يدو على حنوكو حشمان:اووو حاشمتيينيي .. نتينا منورة ألغزااالة .. كريييييم هانا ساليييت (شاف فالدراري و مشا كايحنقز .. نورسين شافت جيهتو كاضحك و مشات عند الدراري اللي حلو فيها فمهم .. حيت هي زوينة و مع براااعة ادم فالماكياااج كيفما ققالها .. صرعهاااا)
نورس وقف و قرب عندها:لا لا لا دابا غاتصوري هاكا و نبينوك للنااس لا لااا
كريم:نورس مالك خيير؟؟
نورس عاقدهم:منيين غايجي الخير .. مستحييل هادشي
نورسين خنزرت حتى هي:شوف الله يرحم جدك .. ماديرش عليا هاد المسلسل التريكي ثاني .. خلينا نساليو دغيا باش نمشيو بحالنا جاني الجووووع
نورس عض شفتو التحتية كايحاول يقنع راااسو بهادشي .. قرب للكاميرا مان و همسلو:تقربها وتبرزلها وجهها كثر من القياص نفكسلك قليواتك هانا علمتك (مشا من قدامو خلاه غي كايبقلل فعينيه ووقف جنب نورسين اللي كانت كاتقاد فشعرها .. هوو على عكس اش قال كريم .. قرب بشوية و بهدوووء لمور نورسين .. حط يدو على كرشها ووجهو مغروس فشعرها عااايش اللحضة .. الكاميرا مان جا ينبهو و هو يوقفو كريم و قالو غي يصور .. نورس فاش ضرب فيهم فلاش الكاميرا شدها قلبها عندو وتقلب حتى هو .. رجعو بجوج كايشوفو فبعضياتهم و عاطيين للكاميرا بجنبهم .. شدلها يدها و كايشوف فعينيها بعمق .. هي قلبها كايدردك و حتى هي نضراتها ليه كووولهم احاسيس و مشااااعر .. حتى ضرب فيهم فلااش الكاميرا .. و قربهالو هاد الخطرة مزيرها عليه و يديه على خصرها و عويناتهم مقابلييين .. ثاني فلاش الكاميرا .. دوزو مدة طوييلة فالتصاور و كل مرة نورس كايقلب نورسين بين يدو .. كايحركها كيفما بغا و هي مستسلمة للمسااتو .. كاتحس فحال الجمر على ذاتها هي كايقيصها كاتقفز .. حتى دوزو التصوير الثنائي و مشا للفردي .. ثاني كل واحد منهم خدا وقتو كايتصور و نورس نبه على الكاميرا مان مايلتاقطش لنورسين شي صورة تجي فيها مثيييرة ولا زوينة بزااااف .. ناري العذاب مع هاد خينا هههه ماخلاهمش يخدمو فخاطرهم .. كل خطرة ينكر و شحاال من تصويرة دنورسين مسحها بعدما صيفطها لعندو حيت جات فيهم زوينة)
دخل لمركز الشرطة .. كل شوية كايطل على الساعة فيدو الرجولية .. كانت الخمسة دالعشية، يدو الثانية كانت هازة الشاصية اللي جابلو السكرتير ديالو فالصباح وكلما زاد خطوة كلما تسمع وقعها بصوت عالي، مادوا معاه حد واخا عارفينو فين كايمشي بفضل سلطة باه و سلطتو حتى هو .. بجوجهم يديهم واااصلة كيفما كايقولو .. نزل لتحت ووهو موجد راسو يلقاها ميتة كاع .. للصراحة ماكرههاش يلقاها ميتة باش يكون صفا ثارو ولكن من جيهة اخرى كايقول باللي الشي اللي عاناتو ماكافيهاش .. وصل لباب الزنزانة حليه الشرطي الباب، دخل بخطواتو المعهودة و صوتهم المسموع اللي كايبث الرعب والقشعريرة .. سد الباب بسرعة و دور عينو ليها، كانت مكاتحركش عينيها مغمضين نقدرو نقولو انها باقا ماتحركاتش من الضربة اللي عطاها البارح .. عض على شفتو التحتية كايطلع و يهبط فيها .. كانت عريانة و لحمها كووولو زرق .. شي بلايص ناشف فيهم الدم .. وجهها مكايبانوش ملامحو بقوة الدق اللي واخدة .. قرب جلس جنبها و عينيه باقيين كايتفحصو فيها .. دابا هو خاصو يفيقها و يتسنى جروحها حتى يبراو باش يزيدلها لوخرين حيت مكايناش مساحة كبييرة مامجروحاش فلحمها، هادشي اللي فكر فيه و هو كايجبد واحد الطويسة فيها سميت واحد المطعم .. معاها قرعة دالما و معاهم كسوة زرقة و ملابس داخلية .. قرر اول حاجة يلبسلها حويجاتها و بهدوووووء شد السليب بين يدو و نتاقل لجيهتها .. طلعولها مع رجليها هي حسات بشوية ديال النغيز فرجلها الجروح بداو يعكروها بدات كاتنين بضعف .. هو كايسمع انينها ولكن مداهاش فيها .. مطلع السليب حتى لبسولها و شد السوتيان حتى هو، مكانوش دالبونج باش مايعكروهاش .. بالعكس كانو ستيانات فيهم شي مواد كايعقمو الصدر .. طلع عندها لفوق .. جالس ومجالسش يعني محاطش ثقل جسمو عليها .. كايعقدلها ربطة السوتيان .. سالا و هز الكسوة حتى هي لبسهالها بهدووءو المعتاد .. هي غي كاتنين عينيها مقاداش تحلهم، أما هو فمشا للبلاصة اللي كان جالس فيها فاللول .. شد ديك الطويسة حلها و جبد منها دجاج بالشيفلور مقلي و مثبل بطريقة زوينة .. قطع منو شوية و دارو ففمو كايمضغو .. ملي حس بيه تمضغ مزياااان حيدو من فمو و حطولها ففمها كايوكلها .. هي كانت شبه مغيبة ولكن فاش حسات بالماكلة ففمها .. بدات كاتحل فمها و تبلع بالزز .. هو مع كل دغمة كايقطرلها شوية دالما باش يتبلعهلها داكشي و هي فمها غي حالاه و تبلع .. حتى سالالها، دور عينو على ملامح وجهها اللي مابقاوش باينين .. حط كف يدو على وجهها بحركة غير متوقعةة منو دوز على جروحها بحنان .. جبد واحد البوماضة جابها معاه و دوزهالها على وجهها و هي كاتقفز حيت كاتوزوزلها البومادة .. سالا و تنهد محاملش راسو يداويها ولكن مابغاهاش تموت دابا .. باقي موجدلها شلا حوايج .. حنا لوذنيها و هسهسلها ببطئ بحال ديما:مداويتش و عطيتك تاكلي على زين عينيك، درت هادشي باش تحلي عينيك دغيا و تكوني مصحصحة معايا فالمرة الجاية اللي غانطل عليك فيها، عرفتي شنو موجدلك؟ حاجة ماتمنايهاش لعدوك ألقتالة .. قاتلة ثلاثة دالرواح و باغا تزيدي الرابع .. غانخليييك تعيشي جهنم فالدنيا و غاتمشي تزيدي جهنم الآخرة .. انا كانشفق علييييك (هي واخا نص مغيبة الا انها سمعاتو اش قال .. دمعة سالت من عينيها باغا تغوت وتقولو رحمني مابقيتش قادة .. انا دافعت على راسي مابغيتش نقتلو .. هو اللي جبدني كولهم هوما اللي قلبو عليااا .. بعد منييي .. هادو كلمات حسات بيهم فأعماقها ولكن مقاداش تنطقهم، هو ناض من جنبها ووقف يديه فجيابو وخارج بحالو من عندها بدون ملامح)
وصل لطموبيلتو .. طلع فيها و هو حاس بالخنقة .. بدا كايحاول يحل صدايف قاميجتو اللي حسهم كايقجوووه حتى تحلاتلو و حط راسو على الكيدون كايضرب فيه و يعاود .. شي بعض المرات كايضرب الكلاكسون حتى كاتسمع طييييط مور طييييط و هو غي كايضرب باغي يفش غلوووو فيييهم .. غدايد انه لبسها ووكلها .. مكانش باغي يديييرها ولكن، مابغاهاش تموت دابا .. علا راسو كايشوف قبالتو عينيه حمرييييييين فحال الجمر وديمارا بسرعة قصوى .. صااايك و صورتها بين عينيه .. من اول مرة شافها فالطران حتى لليووم .. همس بحقد و صوتو خرج ببحة زويينة فنفس الوقت كاتخلع:غانقتلك شوووية بشوية .. فوقما غاتوصلي لحافة الموووت غانكون حداك نداويك و نووصلك للمووت ثااني كانواااعد .. حياتك مابقالها والووووو غناخذها بيديييييي اععععععع (ضرب يدو فالكيييدون و هو باقي صاااايك بسرعةةة كاطيير الوراق دالشجر من بلاصتهم)
🌑 طاح الليل عندو و هو باقي ماطلعش طل علييها .. جالس كايخطط لشي طريقة يخليها ترتاااح معاه و تحيد نظرة الخوف و الاشمئزاز اللي كاتشوف فيه بيها و كاتخلييه غايحماااق .. ناض وقف بالزربة مللي جاتو فكرة لبالو، بتتاااسم ابتسامة عريضة و مشا طالع لفوق بعدما عيط لواحد الخدامة فالدار و عطاها اوامر تنفذهم
هي كانت يلاه خرجات من الدوش اللي عندها فالبيت .. شادة فكرشها اللي كاتقطعلها بالحريييق و الدمووع فعينييها كل شووية كاتزفررر على الله يمشي الحريق شوية، جلسات فالارض كاتشوف فالتيشرت ديالو المقطعة دارت منها شوية تحتها على حسب جاتها اللي مكاتعلم ووجهها حممممر بقوة كاضرها كرشها وتعصصصر بالحريق حتى تحل البااب .. علات عويناتها الدامعيين هو غي شاف حاالتها طااار لعندها كايتفحصها بخوف و يديه على ضهرها كايسولها
يوسف:ميناا مااالك؟؟؟؟ شنو بييك مرييضة،؟؟ كاضرك شي حاجةةةة!! جاوبيني ماتبكيييشششش، ميييينااااااااا (غوت بسميتها معصب مللي نترات يدها اللي كان حاطها عليها و ناضت غادا تكا فالفراااش .. هو ناض حتى هو وجررها قابلها معاه محاوطها من جناابها يدييه كارزين عليها و حاني راسو كايشوف فوجهها الحميييمر و الدموع المفزكيينلها شفييراتها حتى تجبدولها عويناتها .. شفايفها حمارو و نييفها كذلك حط يدو على حنيكاتها و قال بحنااان وصل لمينا لأعمااااق عروق قلبها)
يوسف بحنان وهمس:مالك اعمري همم .. قوليليي ألكبيدة ديالي عفااك، نعيطلك للطبييب شنو ضارك همم .. قوليلي راه قلبي غايخرج
مينا علات فيه عويناتها بدات كاتشهق و قالت بنبرة طفوولية:كرشييييي كاضرررنييي هئ هئ وبزاااااف
يوسف خرج عينو فيها بخوف وحط يدو على كرشها كايتحسسها فوق من الكسوة:فين ضاراك هنا ولا هنا .. واش المعدة ولا المصران ولا شنووو .. غ غانعييط للطبييب دابااا (جا يمشي و هي تشدلو مينا يدو بالزربة كاتنفي براسهاا و قالت مزنكة كثااار مكانت)
مينا:تت .. لا هئ هئ ف ف فيا حاجة اخرى هئ هئ .. أاااي كاضرنيييي😭😭😭😭😭
يوسف حار مابقا عارف مايدير و ماعرفش شنو ضارها بالضبط ..
.. عنقها بلهفة خوووف و زيير علييها .. هي تخشات فحضنو و بقاات كاتععض على صدرو من حرييقها كاتخرج فيه غدايدها .. هو حس بعضيضاتها زاااد زير عليها و جلس فوق الفراش مجلسها فوق من حجرو كايدوز يدو على كريشتها بحنيية وودفئ حسات بيههم .. لدرجة الحريق بدا يهمدلها .. هو قرب باش حنكها اللي من جيهتو و بقا حاااط شفايفو على حنكها مغمض عينيه و كايهمس .. متساءل واش الشي اللي جا لبالو دابا يكون بصح:واش فيك ليغيكل؟
مينا شرعتت عينيها بالمركة كاتشووف فعنقو قدامها مانطقات ماتكلمات .. هو حول عينو لوجهها شافها مخرجة عينيها عرف بلي هي غيكلي بصح .. بتاسم بهدوء و مشا بيدو لضهرها كايدووز يدو عليه و يشوف فملامحها الطفولية:بلاتي نجيبلك شي دوا وحاجة سخونة تشربيها تخفف علييك .. بعدا دايرة شي حاجة باش ماتخرجلكش؟
يوسف ضحك و حطها فوق الفراش غطاها .. باس على جبهتها و قال فحالا داوي مع شي دري صغير:نتي بقاي هاكا ماتحركيش وانا غانمشي نجيبلك اللي تحتاجي صافي؟ (مينا ومأتلو براسها .. هو خرج من البيت و سورتها)
دازت مدة نص ساعة تقريبا عاااد دخل عندها ثاني فيديه بلاطو فيه كاس لويزة و كاس منصص بالما و قدامهم كينة و باكية اولويز .. جلس جنبها فالفراش و هز الكينة و الما مدهوملها .. هي كاتشوف فيه و من ملامح وجهها باينة كاتوجع .. مدات يدها خدات منو الكينة ووالكاس .. شربات الدوا و عطاها اللويزة حتى هي .. كاتشربها .. هز باكية اولويز هي تزنكت مللي شافتها .. حطها حداها فوق واحد الكوافوزة و رجع تكا حداها كايدوز يدو على كريشتها بحنان
يوسف:عمري .. لا ضراتك شي حاجة مرة اخرى عيطيلي ماتوجعييش هاكا بوحدك .. قوليلي فيك الجوووع؟؟
مينا حركات راسها بلا:بغيت ننعس و صافي
يوسف شد من عندها كاس اللويزة اللي سالاتو حطو فوق البلاطو و تكا جاب راسها فوق صدرو و كايدوز على كرشها و ضهرها بيديه:كنت عوال نتعشاو فالجردة و نوريك الدار كي دايرة .. ولكن جاتك على غفلة .. فالصباح نديرو هادشي صافي (مينا مجاوباتوش ملامحها جامدين كاتشوف قبالتها هو زييييرها و غمض عينيه بابتسامة .. مرتااح و هو فحضنو .. اما هي فغمضات عينها و كادعي لله باش مايديرش يوسف شي حاجة يآذي بيها شي حد من العائلة)
🔱فالقصر🔱
عدن عاد خرج من غرفة مصطفى بعدما طمن عليه .. مشا طلع لبيوت عمران ووحسام .. شافهم كانو ناعسين كل واحد فبلاصتو .. تنهد غادي لبيتو بلا مايطل على البيوت دولادو لوخرين حيت عارف حد مكاين فالقصر .. دخل لبيتو طل على جنة كانت فوق الفراش كاتقرى واحد الكتاب .. هو تنهد و مشا للدوش يدوش باش يحيد عليه التعب، جنة شافتو فاش دخل و مشا للدوش حتى هي تنهدات بحزن .. حياتهم رجعات كئيبة نوعا ما خصوصا مع ولادهم اللي كلها فين شاد قنت، حطات الكتاب اللي كانت كاتقرا و حيدات داك الشوميز دونوي اللي كانت لابسة و دخلات للدوش تابعة عدن
دازت شي ساعة ونص عاد خرجو بجوج معانقيين .. عدن مبتاسم لجنة اللي جلساتو فوق الفراش و كاتمسحلو فشعرو و لحمو .. جابت كالصون كحل عطاتولو يلبسو و مشات هي تلبس عليها .. هو تكا فوق الفراش بعدما لبس عليه داك الكالصون كايشوف فالسقوف فرحان بوجود جنة جنبو ديييما .. مسانداه وواقفة معاه .. هي كاتمثل ديك الطاقة الاجابية ديالو .. سمع تليفونو كايصوني .. ناض ليه شاف المتصل عقد حجبانو و جاوب
عدن باستغراب:الو وي .. اشنوووو كيفااش كايخسرووو؟؟ وماكايدخل عندو حد فداك الوقتتتتت؟؟ عرفتي شنو غانجي غدا و نشوف هاد الزمر دداك الزااامللل .. زيدولوو فداااك المصل راه طووول بزااااااف ..... يلااه (قطع و هو معصب من الاتصال اللي جاه .. حتى خرجات عندو جنة و قرباتلو)
جنة باستغراب؛حياتي مالك؟
عدن تكا و جرها عندو كايبوس فعنقها:والو اعمري غي نعسي شي حاجة فالخدمة و صافي
جنة ومأتلو براسها و غمضات عينها تنعس حاسة بعدن عاصرها بين يدييه ولكن راحتها مكاتلقاه غي فحضنووو هو .. مدة قصييرة كانت غرقات فالنعاس، اما هو فمعلي حاجبو فالسقوف تفكيرو فنقطة بعيييدة .. حاجة وحدة اللي شاغلة بالو
U.S.A
سررررررررر⏰⏰⏰
صوت المنبه قااالب الدااار الجيران ناضو و هي باقا ناعسة معلية طرمتها للسما، دارت للجهة الثانية كاتمضغ بفمها و شعرها الليموني مغطي ملامح وجهها الجميلة .. سكت المنبه و هي تقلبات ثاني للجيهة الثالثة .. حتى فجأة و بدون سابق انذار قفزااات كااتشوف فالساعة .. كان باقا قسماين تبدا دوامها .. طااارت مشعكة نقزات واحد التنقييبزة مانقولكمش يكونو الجيران التحتنيين تزلزلو .. مشات للدوش ديالها كاطير غسلات وجهها بالزربة و خرجات حيدات الشورط و التيشرت دالبيجامة اللي كانت لابساهم .. بقات بدوبياس فالبيض و مدايراش السوتيانات دالبونج حيت كايمرضو مكاتنعسش بيهم، مشات بالزربة هزات سروال و تيشرت من الطرف وخاارجة من شقتها و كاتلبس مولفة مكاين حد ساكن فالطبقة اللي هي فيها طلعات السروال ووهابطة و تلبس فالتيشرت .. يلاه قلباتو غاتلبسو و هو يتحل الباب دالشقة دجارها الجديد .. هي تكوانسات كاتشوف فيه واقف قدامها طلع فيها و هبط بجموود و برود و مشا داز من قدامها فحال الرييح .. ريحتو كانت آسرة خلاتها تغمض عينيها كاتستنشقها .. حتى هبط عاااد وعات على راسها و بالزربة لبسات تيشرتها مكملة هبوطها و كاتولول و تلطم حنوكها على الفرطة و المركة
كوثر:ناااريي شافنيي عرياانة ويلي ويليييي (ركبات فمطورها بالزربة و نطالقات بسرعة و هي باقا كاتولول) دابا شنو يقوول عليااا .. هااء يقول اللي بغا يقول اصلا هوما هنا متحررين .. بففففف على زمر (مسافة الطرييق اللي طاااارت فيها كوثر كانت وصلات للسبيطار .. دخلات طااايرة .. هكاا كايوقعلها كل صباح بسباب نعاسها الثقيييل ديما كاتوصل معطلة و كاتبدل عليها فدروج الداار .. حياتها مشقلبة فحالها)
_يوسف & مينا_
حل عينيه كايمسح فيهم و يدور فراسو اول حاجة جات لبالو مللي فاق هي "مينا" .. شاف قدامو كانت ناعسة عاطياه بالضهر .. هو بتاسم و مد يدو لضهرها كايدوزها عليها، حتى حس بيها كاتحرك .. دارت شافت فيه .. غي قشعاتو هو ناعس قدامها و كيفاش كايبتاسم و داك الشعر المخربق و السنينات البويض فحال اللؤلؤ و العينين الكحلين فيهم شوفة حاادة و رجولية
و العينين الكحلين فيهم شوفة حاادة و رجولية مميزة .. بلعات ريقها و ناضت بالزربة .. جلسات كاتمسح فعينيها و تشوف فيه فحال بنيتة صغيورة .. هو وسع ابتسامتو و ناض جلس حتى هو .. جرها من يدها لحضنو معنقها .. هي ماتحركاتش .. احساس زوين تملكها خلاها ترتاح فحضنو و تبغي تبقى بين يدييه .. هو بعدها بهدوووء بعدما غسل أنفاسو بريحتها الجذابة، شاف فعينيها و جبدلها حنوكها حتى شداتلو يدو كاتوجع
يوسف بصوت مبحوح:الحبيبة ديالي فاقت .. دابا نوضي سيري غسلي وجهك و سنيناتك و اجي عندي نخرجو ندورو شوية هنا
مينا نفات براسها:مابغييتش
يوسف علا فيها حاجبو بحدة:ميييينااا
مينا خوفها خصوصا من تصرفو البارح مللي مابغاتش الكسوة .. ناضت بلا ماتدوي داخلة للدوش اللي فبيتها .. هو بتاسم برضى و خرج من بيتها يمشي يغسل وجهوو يبدل عليه
دقائق دازو .. رجع يوسف لبيت مينا .. كانت جالسة فوق الفراش شادة على كرشها و مخسرة ملامح وجهها .. هو مدلها واحد الشاصي فحال دالبارح و قال
يوسف:هاكي لبسي هادو ترتاحي فيهم حسن من هاد الكسوة
مينا خداتها من عندو بهدوء و مشات للدوش تبدل عليها .. حلات الشاصي و جبدات شنو فيها .. كانت سورفيط فالكحل و الغوز .. سروالها مستيلي و ألوانو بين الكحل و الغوز و كذلك التيشرت .. لبساتهم و فري رتاحت فيهم كثر .. خلات شعرها مطلوق و خرجات عند يوسف اللي كان واقف يديه فجياب سروالو كايتسناها .. و هي عااد رداتلو البال لأنه لابس سورفيط بحال ديالها .. غي ديالو فيها اللونين الاسود و الرمادي .. بتاسم كايطلع و يهبط فيها جاتها زوينة و بارزة فورمتها .. قرب عندها و شدلها يديداتها الصغيورين بين خباطاتو ..
يوسف:غانمشيو نفطرو هو اللول صافي؟ (مينا ومأتلو معنكشة وجهها، هو جرها خارجين .. مشاو هابطين لتحت هي كادور عينيها فالقنات و تشوف فتصميم الفيلا .. حتى وصلو لتحت و خرجو من واحد الباب كايوصل للجردة .. قشعات بنص عينيها واحد الارجوحة جات فبلاصة زوينة محاوطينها ورود حمرا .. بقات كاتشووف فيها بديك النص عين .. حتى طلعات معاها ريحة فففنة .. حنات عينيها كاتشوف الطبلة اللي وقفو قدامها .. عامرة مأكولات من كل الاصناف .. يوسف كحزلها الكرسي مبتاسم) جلسي ألأميرة ديالي
مينا جلسات منفخة و هازة خنافرها فالسما .. هو مشا جلس قبالتها كياكل بالموس و الفورشيط و يشوف فيها .. هي بغات دير فيها عزة نفسي مابتسمحلي ولكن لسوء الحظ .. الرييحة كاتشهي و المأكولات فنيين .. كولشي متول و منظم .. هزات طرف دالكعك كتاكل منو و زكفات من اتاي مكبوب قدامها .. خرجات عينيها فيه كان مذاق داك اتاي زويين بزااف و حتى الكعك
يوسف بابتسامة:اتاي بالياسمين و الفانيلا، كاتقادو واحد المرى هنا
مينا كاتلذذ و تصدر اصواات:ممممم فننن حتى هاد الكيييك (هزاتو كتاكل منو) واااو هادشي وااعر .. هاد المرى صبيعاتها كايصنعو غي اللذة .. وااااو
يوسف تكا بحنكو على يدو كايشوف فيها ساااهي ووعينيه مبسميين .. لا قالو عليها برهوشة راها برهوشة .. ملامحها و برائتها و زينها الطبيعي و عدم تصنعها هوما اللي جاذبينو ليها .. حنى راسو بهدوء كياكل و بالو مشا لديفل .. مدة مزارو .. بغا يشوفو اليوم، علا عينو فمينا اللي هزات طبسيل عمراتو بالكيك و الكعك و الحلوة و مشات جيهت ديك الارجووحة كاتحنقز جلسات عليها كاتحيطش و تاكل، يوسف بتاسم حاضيها مكمل فطوورو .. اما هي فكانت محتاجة هاد الجلسة هادي فالهواء الطلق و مااكلة لذيذة فحال اللي كتااكل
يوسف سالا ماكلتو ووقف كايقاد فحوايجو .. توجه عند مينا وقف قريبلها:مينا (هي شافت فيه) غانمشي عندي مانقضي .. جوج سوايع و نكون هنا .. احسنلك ماتصرفيش شي تصرف ماهواااش .. و راه الرجال حاضيين
مينا عوجات فمها و شارتلو بيدها للباب:غا سييير مغاندير والو .. اصلا باينة هنا بعيدة على القصر و مغانعرفش الطريق وانا مريضة و معكازة غي سيير (هو بتاسم و حنا عندها شاف فعويناتها الزورق هي كانت غاتحيطش غي شافتو كي حنى قبالتها كايشوف فيها حلاتهم فيه لآخرهم .. حتى حسات ببووسة كاتبوورش جنب فمها، بدات كاترعد من احاسيسها المخلبطة .. كتحسهم كولما قربلها، هو بعد من قبالتها و دار غادي فحالو .. اما هي بقات كاتشوف فضهرو و حاسة بقلبها غايخرج من بلااصتو بقوة الخفقان)
نورسين خارجة من بيتها لابسة كسوة حد الركبة فالقهوي مطراسية عليها و توبها كايلصق على اللحم .. شعرها دايرالو بوكلي و مكياج هادي .. شافت فنورس اللي كان هاز كاس قهوة وواقف لابس سروال كحل و كويرة فالزرق مع سبرديلة زرقا .. كايشرب من قهوتو و يتأمل فصورت نورسين المعلقة فالحيط .. هي زيرات على قبضة يديها بغيض و قالت بصوت عالي:نورررس
نورس سمع صوتها و نبرتها العالية .. تنهد و دار بهدوء عندها .. غي شافها طلعها و هبطها و هو يخرج عينيه فيها .. نقزز شدلها يدها كايزززير و مخرج عينيه فيها:شهاااد القلاااوييي
نورسين دفعاتلو يدو:جمع يدك عندككك
نورس جرها لبيتها مجاوبهاش .. هز كسوة طويلة وواسعة و عطاهالها:لبسي هادي و الا بررربي مكاين لا فيديو كلييب لا نممم
نورسين ميقت فيه هو مخرج فيها عينيه و عروق راسو بااارزين كايبانو .. نترات من عندو ديك الكسوة و دفعاتو حتى خرج من البيت و دارت كاتبدل عليها و كاتحلف عليه
نورس برا غادي جاي فبلاصتو مخنزر .. تحل باب بيتها و خرجات عندو .. هو طلع و هبط فيها .. حتى هاد الكسوة الطويلة جاتها غزاالة .. مع فورمتها وااعرة .. باينة فحال شي غجرية مع داك الشعر الطويل المبوكل .. قرب عندها كايحقق فوجهها و يتأفأف:وابربي ماتعاااوديي شي فيديو كلييب .. خرجي الاغاني عاديين .. افففف علاش نتي زوينة هاكا و عاطية للعين؟
نورسين خرجات عينيها فيه من الهضرة اللي كايقول حتى علا فيها عينيه:بففففف زيدي معايا زيدي (جرها من يدها خارجين من الشقة و هو كايوصي) شوفي اليوم بداية تصوير الفيديو كليب .. غاتبدا بيك و نتي ناعسة .. و فاش تنوضي ماتبقايش تعوجي و تكسلي سيري عاادي .. راه بربي و درتي شي حاجة ماتعجبنيش غانوقفلك النم
نورسين بعصبية:اووووف وابراكة من النكييير داير بحال العكووزة
نورس ركب فالطموبيل و هي كذلك:وانتي راك مسؤوليتي دابا .. خاصني نردلك البال .. اجي نقولك بعدا .. علاش كنتو داويين البارح نتي و كريم مللي كنت كانتصور بوحدي
نورس دار كايشوف فالطريق قبالتو مكمل صوكانو مجاوبهاش هي قلبات عينيها و تكات براسها على الزاجة دالطمو قدامها و طل على الطريق حتى وصلو لواحد الدار زوينة فواحد البلاصة جنب البحر .. نزلات نورسين مخرجة عينيها وفاتحة عينيها على شكل O
نورسين بحماس:وااااو .. هاادي داري زعما؟
نورس شد يدها و جرها موراه؛حتانا داري هنا فالفيديو كليب غا الديكورات فالبيوت غايكونو مبدلين
نورسين تبسمات تابعاه كاتشوف فالدار و البحر و هاد البلاصة الزوينة .. دخلو للدار لداخل كانت عامرة برجال و نسا .. غاديين جايين كايوجدو للفيديو كلييب، كريم شافهم دخلو توجه عندهم عنق نورس و سلم على نورسين باليدين
كريم:واجدة انورسيين؟
نورسين بتوثر:اه واجدة
كريم دار شاف فاللي تما .. شار بيديه لجوج ناس .. وحدة جرات نورسين وواحد جر نورس و خداوهم يعطيوهم شنو غايلبسو
🎬كااااات بداااو🎬
صوت موسيقى الفيديو كليب مالية الداار .. الصقيييييل النملة مكاادوورش .. مشات واحد الكاميرا معلقة فالسقوف .. لنورسين اللي كانت فوق واحد الفراش دائري .. و كولشي فالدار باللون الابيض حتى من ليزور .. و حتى هي كانت لابسة شوميز دونوي طويييل دالريش فالبيض .. حلات عينيها بشووووية وببطئ كاترمشهم و شافت بيهم يمين شمال ووهي تنوض كاتفوه و تكسل فحال شي قطيطة .. نورس كان جالس جنب كريم كايتفرجو من واحد التلفازة صغيورة .. و هو كايبتاسم بوحدو .. باينة كيوتنس بزااااف، بقا سااهي فيها حتى قفزو كريم اللي قال
نورس وقف كايحك فنيفو:مممم واخا (شاف فنورسين اللي واقفة كاتشوف فيه) لبسي البينوار (نورسين خنزرات فيه .. هو بتاسم و جبدلها حنوكها و مشا للبيت لاخر حتى هو يدوز المشهد دالفياق ديالو)
🌸فمكان آخر🌸
خرج من سيارتو الفيراري .. شاف فيمينو و شمالو .. مكان حد، دخل كيفما عادتو حد مكايدوي معاه .. حتى وصل للغرفة المطلوبة .. دقدق و حل الباب .. قشع الديفل اللي كان جالس فوق كرسيو المتحرك كيف العادة و دابا باينة فيه الحزن و يدو كان معريها كانو عامرين كدمات، قرب عندو بسرعة و شدلو فيدو
يوسف:اش وقعلكك؟؟؟
ديفل شاف فيه فحالا كايشكيلو و قال بنبرة متقطعة:خ خ خااصك تنتاااقم منووو اولديي .. و وصاااهم يديرولي جرعة من واحد المصل كايحمممق و فاش مابغيتلهمشش .. دارولي صعقاات كهربائية فراسي و فيييديييي هئ هئ كايتعدااو عليا اولدي .. كايتعدااو عليا
يوسف وقف صدرو طالع نازل كايشوف فيييه كي كايبكي و حاني راسو بحالة ضعيفة:شنو غاندير دابا .. راني كانفكر فضربة قااضية .. عارفني صيفطت ديك البنت اللي غتاصبها لولدو مصطفى وصلاتو لغيبوبة، واخا دخلو بنت اخرى للموضووع و اللي دارت فيه ديك الحالة باقا مخبية .. شنو بانلك نستاغلها ثاانيي؟؟
ديفل شاف فيه بنظرات شرييرة و بتاسم بخبث:اااه .. ستاغلها .. خليييها تقتل خووه التوأم .. ياك كايتشاابهووو ..
قولها راه لاخر ماوقعلو وااالووووو و خااصك ترجعي دققتك .. هي حااقدة علييه خااااص ت.. (قاطعو البااب اللي ترضضخ بقووةة و دخل داك الشخضص عينييه مضلمييين و نضراااتو سوداااويية مكايقشعش قداامو، يوسف كان عاطي للباب بالضهر غيي داار جااتو طرشة لححنكو .. هو شد فيه كايشوف فداك اللي قبالتو عينيه خاارجين مصدوووم)
تمتم يوسف بصدمة:ع ع عدن!!!!
عدن كايشوف فيه بواحد النظرات د خيبة الأمل .. فحالا اول مرة كايشوف فيه .. طلعو و هبطو بعينيه و قال باستهزاااء:نتاااااااا السباااااب اذننن .. بسباااابك خوووك فديييك الحااالة يالحماااااار قووول (علا يدو ثاني عاطيه كفف اخر و يوسف باقي مصدوم فيه .. دابا عرف كولشي صافي اوراقو تكشفو) بسبااااب هااد القوااااد هذااااا .. كاتنتاااقم .. و من شكووووون منييي اناااااااااا (ضرب على قلبو بيدو و كايدوي بصوت مجروووح .. باينة تجرح وحس بكسر فقلبوو) اناااا اللي ربييتك سنيييين .. انا اللي حسبتتتك كثااااار من وللللدييي .. معزتتتك كاانت عندي خاااصة كثااار من خوووتك كوووولههههههم .. نتاااااااا كاتنتاااقممم منيييييييي ههههه .. مكانتش متوقع منك هادشي هذاااا ماااكنتتتتش، ولكن من اليوووم مغانبقااش عاطيك ديك الثقة .. كولشي نتااااا بيدييك درتيييييه (صفق بيديه دخلو جوج رجال مشاو نيشان للديفل اللي بقا كايغووت باغيهم يبعدو منو .. هوما جروه من كرسيو خارجين بيه، يوسف خرج فيهم عينو جا يتبعهم و هو يشدو عدن و دفعو بقوة حتى تزدح مع واحد الحييط موراه و مشا تقابل معاه كايشوف فيه .. بنضرااات جاامدييييين .. مابقاوش نضرات الأب الحنووون .. رجعو فحال نضرات العدو .. يوسف بلع ريقو من نضراتوو .. حس بيه كايعاتبو و حس بلي كسر ثيقتو فيه .. حس بلي عدن ندم على هاد الاعوام اللي رباهم فيه .. هادشي كولو قراهلو من عينيه)
عدن ببروود:من اليوم .. ماتعتبش عنديي .. مانعاودش نشووفك مرة اخرى حسنلك .. مابقاااش عندي ولد سمييتو يووسف .. اناااا تبرييييت منكك .. دييك الحالة المدنية اللي كانت جامعاانا غانحرق زاامل بووهااا .. نتااااااا مابقااش عندك بلاصة فحياتنا انا ومك وخووتك .. و بنتيييي .. من الاحسن مايكون فيها حتى نبش .. حيت اللي غانديرولك مكايتقااالششش (جا داير غادي فحالو حتى وقفو يوسف بصوتو)
يوسف: ونتاااا دااير راسك فحالا مادرتي وااالوو .. مييي شنو ذنبها اللي تموووت بسبااابك همممم .. شنو ذنببها .. ها هو حتى ولدك ممااتش بااقي قلبو كايضرب ولكنننن اناا ميييي ماقادرش نشووفها و نششم ريحتتتهااا .. و حتى باااا نتاااا ردييتيييه مشلووول .. و حمققق واهم حاجة عشت فكذبة حياتي كوولها .. هادشي مايخلييكش نتاااا بيديييك ديير كثر منيييي هاااا
عدن دار شاف فييه بحدةة و غوتلو فوسط وجهووو:لا كاادوي على بووك علاش رديتو هكاااك .. حيييت خطف مكك و قتل خوووك و هو بااااقي ماتزااادش .. لا لا ماااشي خوووك .. نتااااا ماااشيي ولدييي نتاااا عدويييييييييي (يوسف حس بنغزة فقلبو .. شد فيه حاني راسو كايسمعلو مابقاش قاد يشوف فييه) هووو قتلييي ولدي قبلللل مايتزاااااد و اذى ماااماااك .. عذبهااا و صوورها و صيفطلي التصااورر .. تحررقت وانا كانشووفها كاتعذببب وماقدرت ندييير واالوو .. ولاكاانت على الكذبة .. فحناا ماكذبنااش حييت بصصح كناااا حااسبييينك ولللللدناااااا و عممممر حد ماقدر يقول غيير هادشي .. اما مممك (قرب عندو لوجهوو مقابل معاه .. يوسف شاف فيه انفاسهم كايضربو فبعض و نضرااتهم كايقوولو بزاااف دالحواايج) فهي عاايشة (يوسف خرج فيه عينيه .. عدن بتاسم بخبث و قال) ولكن على الشييي اللي دررتييي .. عممممممرررررك غاتشوووفهااا .. عمررك غاتششم رييحتهاا .. عمرررك غاتعنقها .. غاتبقى بووحدك ديييما حتى حنا مغانبقاوش معاك (يوسف بقا غي كايشوف لبعيد مقادرش ينطق، عدن دار غادي بحالو حتى لا شفتو مشيتو غاتعرفووه مققصح فقلبو من هادشي اللي سمع اليوووم .. يوسف كان هو الحاامي دخووتو .. هو نتاقم من اي واحد كان كايحااول يآذيهم ولو بنبشة و خصوووصا مصطفى اللي كان مقصح بمااضييه، دابا هو السباب للشي اللي واصلو .. و هو ففراش المووت .. خرج من ديك الغرفة و زدح الباب وراااه .. يوسف طااح للارض مكووور على بعضووو كاايشوووف لبعييد و حااااس بالخننقة و قلبووو كايتزيير عليييه .. شاف انه مكانش خاصو يديير حتى حاجة من داكشي اللي وقع .. مصدووم و بزااف خصووصا على مووو .. كيفاش عاايشةة .. يااك سمع من اييمي كاتقول راها مااتت .. و من ديفل كذلك .. حسس بنغزة فشكككل فقلبو خلااتو يحل فموو بششهقةةة عااالية، عينيه كايتغمضوو بوحدهم .. حتى جاات بين بالو ميينا .. هي السبب الوحيد باش يبقى عاايش .. عدن غياخذهاالو .. ناض طاااير خارج كاايجري من تم .. فالحيين ركب فطموبيلتو و ديمارا بسرعة الضووووء .. مخلي غي العجااج كايتراقص من وراه)
خرجات من غرفة العمليات حاسة بالتعب و الارهااق، دخلات مع واحد الطبيبة كمساعدة ليها لأول مرة كاتقرب لشي مريض مع شي طبيبة .. ديما مللي كايدخلو لغرفة العمليات كاتكون بعييدة .. اول مادخلات لغرفة العمليات كانت حاسة بثوثر ورهبة .. حاسة بأن رووح غاتكون بين يديها و مخاصهاش تغفل عن الطبيبة .. مشات للكافيتيريا دالكلينيك .. خدات واحد السونديتش صحي و مشات كاتمايل بمشيتها بتعب خارجة لبرات الكلينيك .. وقفات فبابو كاتستنشق فالهوى و تعض من سندويشها .. حتى قشعات عينيها داك الرجل الغامض كيفما مكنية عليه، ميلات راسها للجنب باستفهام .. كاتساءل بينها و بين راسها.. علاش كايجي لهنا زعما .. علاش يوميا كايوقف بالساعات فباب المشفى بدون حراك و بلا ملل .. و هي فطور تفكيرها قشعاتو داير غادي بحالو بقات كاتعض بهستيرية فداك السوندويتش حتى عمرات فمها بيييه و مابقاتش قادة تبلع .. حاضياه غااادي ببروودو المعتاد حتى مابقاش كايبان فمجال نضرها، زفراات كاتغببن من فضولها و مشات كااطيير تابعاه من الجيهة اللي داز منها
.
.
.
.
.
مسافة الطريق كولها تابعاه بلا ماتعيق .. فضولها ليه خلا رجيلاتها يمشيو موراه بلا ماتشعر، قشعاتو داخل لواحد البلاصة شعبية غي الدروبة و عاامرة بالأفريقيين و المشمكرين دالميريكان .. بقات كادور فعينيها بثوثر على دوك اللي كادوز من قدامهم و يبقاو يتحرشو بيها .. يديها فجياب الوزرة البيضة اللي لابسة مزييرة عليهم بخووف .. غادة تابعاه حتى قشعاتو وققف قدام واحد المحل فشكل من الخارج ديالو، و شي رجال كانو واقفين فباب داك المحل كايقربولو .. تخبات مور واحد الحيط كاطل عليهم غي بعوييناتها اللي لونهم هو لون عينين مها .. و حتى شكلهم نفس شكل عويناتها .. كباار و مشفريين و كايجذبو الواحد من النظرة، حطات يدها على فمها كاتمة شهقتها و عينيها خارجين كاتشوف فدوك الرجال مشكلين دائرة على داك الرجل الغامض و جابدين أسلحة بيضا فيدييهم .. بقات كاتشوف فيهم و قلبها كايضرب بسرعة كبيييرة و خووف وهللع .. أفكاارها متضااربة و رجليها كايترعدو باغيينها تهرب ولكن هي بقات واقفة كاطل بدوك العينين
حتى قشعات واحد من الرجال كايتعارك مع داك الرجل الغامض .. و هو كايتفاداه خصوصا و ان لاخر فيديه موس كبير فالحجم دياالو، بدات كاترعد حاضياهم و الرجال الثانيين كايضحكو حتى شافو صاحبهم طاح للارض بفضل ضربة قااصحة و غير متوقعة من الرجل الغامض، دوك الصحاب ماعجبهم حاال .. كشروو كايتمتمو بكلماات 🔞🔞 و بصووت عاالي وصل لكوثر اللي بقات غي كادور فعينيها كاتشوفهم كايقربوولو ناويين يضربوه مجموعين كل واحد من جيه و كل واحد بسلااح و هو كايدور عينيه بيناتهم بهدوء و عدم اكترااث، فجاة فضل داك الجو المشحون بين دوك الكتل الضخمة تسمعات غووتة انثوية عااالية جاية من موراهم شتتات انتبااه الكل و ضارو يشوفو شنو كاين، كانت غي كوثر جاية كاتجري بحدييدة وااسعة و عرييضة هازاها ناوية تتعاارك .. دوك الرجال خرجو فيها عينيهم مستهزئين منها .. اما الرجل الغامض فهو علا حاجبو كايتفكر فين شافها من قبلل .. حتى وقفات قدامهم كاتلوح بعصاها يميين و شمال على دوك الرجال حتى طااحو جووج للارض و مشاات كااطيير قدام رجلنا الغامض اللي حل فمو باستغرابب .. شافها علات يددها جيهتو بالعصا هو علا يدو يشدهالها حتى تجاوزاتو و ضربات واحد خينا مووراااه و ضارت ثاني كاتشوف فدوك الرجال اللي ولاو كايبعدو كيتفادااو ديك العصا اللي بين يديها
كوثر كاتلهث و دور فعينيها بخوف و تشوف فيه واقف جنبها دوات بالانجليزية: ص صاافي كولشي تحت السيطرةة .. ز زييد نهرربوووو اععععع (علات يدها ضربات يد واحد كان ناوي يقرب،)
الرجل الغامض بعصبييةةة:شكوون نتيي و شكادييريي هناااا
كوثر:امممم ماعرفت غي كنت دايزة و و و شفت هادشي و و و ماجاتنيش لخاطري نخليك فخطررر ايييي (طاحتلها ديك الحديدة من يدها بفضل ضربة جات من واحد من الجنب غفلات علييه، بلعات ريقها كادور فعينييها حتى سمعاات صووتو كايتمتم بكلماات 🔞🔞 و بكل غضب و عصبية و جرأة مشا جيهت داك اللي ضربها شدلو يدوو بقوة حتى طاحلو داك الموس و زاااد زيير علييها حتى سمع صوت تهريسة منوو .. بتاسم بخبث كايشوف فيه كيفاش كايتوجع وداار بسرعة مللي سمع صوت جاي من موراه ..
.. مع دورتو مع علا رجلو بركلة لوحد كان ناوي يغفلو من اللور .. تنهددد بعصبية مللي شاف ديك البنت غريبة الاطوار كيفما مكني عليها هو، كانت كاتغوت وواحد مقربلها بالموس .. مشا عندو طااير شدو من قرفادتو و قلبو دفعو عليها حتى طااح .. ووقف قبالت كوثر مضرقها كايشوف فعدد الرجال اللي كلما ضرب واحد زادو جوووج.. كان غايقدر يسيطر على الوضع فاللول بما انه بوحدو ولكن دااابااا .. مع بنتتت معارف كيفاش يتصرف، كمش جبهتو مللي شاف دوك مجموعة الرجال كايقربو جيهتهم طاايرين كايجريو .. هو زطم على ديك الحديدة اللي كانت هازة كوثر كانت عند رجلو .. شاف فيها و زطم على حافتها حتى تقلبات فالهوى لقفها بيدو شدها بقووة بيدييه المعضليين و المعرقيين .. التيشرت الكحل اللي كان لاابس قررب يتقطع علييه بقوة معضلااتو برززووو .. بقا واقف فبلاصتو مناويش يتحرك باش ماتصابش البنت اللي معاه بمكرووه، و هووو يبدا بأول واحد جااه .. جاتو طنننن فالرااس .. زاد للثاني فالكرش و الثالث فاليد و الرابع و الخامس و السااادس... اي واحد و فين جاتو الدقة .. بقاو قدامو شي ثلاثة .. هو عراااق و كااينهججج و يتنفس بسرعة .. اما ديك اللي موراه فغي حالة فمها كاتشوف فهاد فيلم الاكشن الهندي اللي قباالتها .. و كاتشوف فهاد الضهر العريض اللي حاميها فحال شي ذرع حدييدي .. بتاسمات ببلاهة و هي كاتشوف فالعرووق اللي فيدو و فجماالهم .. حتى قفزت بغوووتة مللي حنى هو راسو و داز واحد المووس حدا راسها بمساافة ننصصصصصف اننش، شدات على قلبها كاترعد اما هو فدار شاف فيها موراه .. شتتات انتبااهو مللي كانت شادة على قلبها .. سحابلو تصابت ولا وقعلها شي حاجة .. دار باغي يتمعن فيها حتتى خرجوو عيينو حااس بدييك الضربة القااسية بديك الآلة الحادة اللي دخلاتلو فكتفوو .. غزز على سناانو بعصبية و عيينييه حمريين .. دااار شاف فيهم وجهوو كاايخلع .. مجرد النظرة فيه خلعااتهم خلاتهم يبغييو يتراجعو و لكن هو بسررعة وببدييهية مشا طااير زيير على يد داك اللي ضربو بعدماا قربلو و داك المووس اللي كان فيدو قلبولوو و رجعع مغروزلوو فكرشوو ..
.. مشا لدوك الجوج لوخرين شد واحد بالكروشيات و الثاني علا يدو ناوي يزيدو ضربة اخرى بداك الموس اللي بين يدو ..حتى طاااح بقوة الضربة اللي جااتو لراسو من دييك البنت مولات الشعر الليموني، هو بقا وااقف كاينهج مللي شاف كاع دوك الرجال طاايحين للأرض داار بوجهو جيهت كوثر مخنزر فييها اما هي فقرباات بهلع شادة كتفو
هو دفعلها يدها و بغا يمشي يدخل لداك المحل اللي نوى يدخلو فاللول حتى سمع صوت شي حد كايصفق خارج منو .. كان راجل كبير شعرو عامر بالشييب و عندو شلاغم طواال مجبدين كايخلع فسيفتو .. عينيه فاللون الازرق و ملامحو اجنبية مية فالمية
الراجل:وااااو .. بصراحة بهرتييينيي .. ولكن واخا هاكا .. مغاتقدرش تدخل لعنديي مرة ثاانية .. وااش نتا عاارف كمية الخساائر اللي خسرها المحل دياالي بسباابك .. كاتلعب باش تقسم معايا الشي اللي ربحتي ولا باش تاخذهم لراسك هكااك
هو بعصبية و صوووت رجولي عمييق:نتاااا كاضحك عليا؟ راك عارف وانا عارف انك كتاخذ ضعف اللي كنااخذ .. من داك الشاف ديالك
الراجل بسخرية:هييي .. سافاش .. راك عارف قوانين محلنا كانضن .. غي كايتمرد شي حد كايتقصى و نتا تمردتي بزااف .. شوف غي هادو اللي كسلتييهم و تعرف ردة فعل الشاف ديالنا .. على هادشي حسنلك سير بحاالك ..
المدعو بسافاش ولا الرجل الغامض .. شدد من كتفو بألم حاس بالدووخة .. دور راسو على داك الراجل ناوي يمشي بحالو حتى حس بيديين صغيورين شادين ذراعو .. شاف فيهم كانو بووويض فحال الثلج تقول مولاتهم مكاتشوفش ضو الشمس .. خنزر فيها و هي مشات بيه متكيااه عليها .. هو نفض يدو من يدها كايتمشى بصعووبة و الدوخة بدات كاتمكن منووو
سافاش دار شاف فيها بحدة مباغيش ينطق، رجع قلب وجهو عليها مكمل طريقو وباينة جيهت شقتو اللي جات تحت شقة مولات الشعر الليموني، وصل بعد المشي لمدة و هي موراه مقاداش تدوي معاه ولكن بالها مشغوول عليه و هي كاتشوف فكتفو المدميي و تعض على شفايفها .. حلات عينيها على اخرهم فاش شافتو طاح على طوولتو اول ما وصلو للعمارة اللي ساكنيين فييهااا .. قربات كاتجري عندو كاتحرركووو
كوثر بصوت عااليي:هيييي نتاااا .. ش شنو سمييتك فيييق .. حل عيينيييك (طرشاتو بخفة فحنوكو حتى جا الكونسييرج كايجري عندهم من صوتها العالي)
الكونسييرج بتساؤل:شنو واقع هناا؟؟
كوثر شافت فيه عينيه مدمعيين هي قلبها هشيش و حساسة بزاف .. ماعرفتش كيفاش دايرة الطب:ه هوو مضرووب فكتفو .. عاوني نطلعو لفووق
الكونسييرج قرب بقلق كايشوف تنفس داك اللي فاقد وعيو فالارض:و ولكن خاصو يمشي للسبيطاار!!!
كوثر وقفات باغا تهزو و لكن كان ثقييل:ا انا طبييبة غي عااوني علييه .. نداويه هنا قبل مايخسر بزاف دالدم
الكونسييرج عيا مايشوف عرف انها عندها الحق .. حنا كايجبد فسافاش و كوثر كاتعاونو .. تعاونو عليه هازينو طالعين بيه للفوق لشقتها الخااصة .. ماقفو حتى اللغرفة ديالها و حطوه على كرشو باش تقدر تداويلو كتفو، الكونسييرج خرج و هي مشات كاتقلب على ادواتها الطبية اللي ديما ملازمينها فالدار للطوارئ
.
.
.
وصل لديك الفييلا بعدما قااد فالطريق كولها بسررعة و هستييريا و جنووون، فكرة ان مينا تسلب منو و يبقى بووحدووو بعدما فقد كووولشي كاتخلييه يحمااق .. نزل من طموبيلتو داخل كاايجري لداخل .. دور عينيه على الجردة عينيه مشات ديريكت للأرجوحة كانت جالسة تما كاتحيطش ولكن فملامحها كان الحزن طااغي علييها .. هو زرب بخطواتو عندها شدها من يدها و جرهاا بقوة حتى تضرباات فييه .. حلات فيه عينيها بصدمة من الجبدة اللي داارلها .. هو دوز عينو على ملامح وجهها عيننيييه عامرين بديك الطبقة الزجاجية، ولكن باقا مانزل حتى دمعة .. داار بالزربة باغي يخرج بيها من تما باش يمشيو لبلاصة اخرى .. باغي يبعد و ياخذ مينا معاه ولكن وقف كايبلع فريقو و مخرج عينو فعدن اللي كايشوف فيه بملامح جدية .. يوسف دار مينا موراه كايحرك راسو بلا فحال شي دري صغير غياخذولو اللعبة ديالو
يوسف بصراخ:ل ل لااا لاااا لاااااا متااخدهااش ه هييي اللي باغي من هاد الدنيا ماتحرمنييش منها
عدن قرب بلا ملامح جر مينا من ورا يوسف اللي شدها بقووة متشبث بيها و ميينا غي كاتشوف ماعارفاش شنو واقع و مافاهما واالو
عددن بغضب:طللللق منهاا .. عمررك تحللم بشي حد من عااائلتتيي .. نتااااا مابقاااش عندك الحححق فشييي حد و لا شي حاااجةة .. حتتى حددد طلاااااققققق (غوووت فآخر كلمة حتى قفزت مينا و تنطرت من يوسف بقوة و تخشات فباهااا كاتبكييي، هو حاوطها و لداابا عينيه فعينيين يوسف اللي نزلو دمووعووو بصح .. زيير بقبضة يدو على قلبوو و عض على شفتو التحتية كايشووف فمينا بين يدين عدن حااس برووحو كاتسلب منوو فهاد اللحضة .. هو قرب يدييه كانو كايرجفو حطهم على ميينا اللي غي حسات بيدييه غوتات فحضن بااها كاتبكي)
.. عدن حيد وجهها المغروس فحضنو كايشوف فيها و هوما يزييدو ملامحو بالحدة و العصبية، كان تحت عينيها شوية دالزروقية و جنب شفتها مجرووح عض على شفتو التحتية معصب وحول عينيه ليوسف) هه دابا نتا باغيني نخليها عندك؟ غا قووليي واش نتا هو داك الدري الصغيير اللي ربيتو سنييين و سنييين .. حتى ختك اللي كنت كانقول غاتحمييها و عمرك تخليها تتآذى بنبشةة شنو داايرلهااا .. عرفتيي شنووووو؟؟؟ عرفتي اكثر حاجة نادم عليها شنو هييي؟؟؟ هي انني عتابرتك ولدييي، (طلع و هبط فيه باستصغاار) عمر نشوف كمارتك قدامي .. حيت مانضمنلكش ردة فعلي، نقدر نقتلك و مانحسش (دار بعدما هز مينا بين يديه و خشااها فحضنوو .. يوسف بقا كايشوووف فيه كي غادي بلا مايدير حتى ردة فعل .. غمض عيينو مللي حس بديك العاصفة الشتوية اللي نازلة من عينو، نزل جالس على ركااابييييه و هو كايشوف فجيش السيارات اللي مشاو من قدامو .. و منهم كاينة حتى دعدن .. حس بالمواااس مغروسين فقلبو حتى وفلحضة كان فاقد التواازن ديالو و طاااح على كرشو للارض .. كايشوف فالربيع الاخضر دالجردة .. عينيه مشاو لديك الارجوحة اللي باقا كاتحرك حتى لدابا و صورة مينا راكبة فوقها كاتحيطش بين عينو .. بتاسم ابتسااامة صاادقة و هو كايبلع ريقو بالزز و بصوت ضعييف قال:م متاخدهاااش منييي
.
.
.
.
.
🔮فمكان آخر🔮
فواحد الغرفة كبيييرة ذات طابع قديييم .. جالسة واحد المرى .. من ملامحها باينة فيهم كبر سنها، شعر شايب مجمووع جمعة كلاسيكية و بعض التجاعيد كايحيطو عينيها وحنوكها و عنقها كاتشوف فواحد الصورة عائلية كبييييرة قبالتها، نضراتها عامرين حقد لييهم .. دخل واحد الشخص ملامح وجهو كاتبين الصرامة .. و كايبان انه باقي ماتجاوزش سن الثلاثين، تنهد كايشوف فالصورة مع المرى .. حنى عندها شاد فكتوفها و همس بنبرة حنينة:سلطانة قلبي
هي مدارت ولا دوات غي كاتشوف فالصورة حتى عاود نطق:سلطانتي، دابا انا قاادر ننفذ انتقامي .. انتقامنا انا وياك (ديك المرى بتاسمات و عينيها على الصورة) قوليلي بشكون بغيتيني نبدا من هاد العائلة السعيدة هممم؟؟
(هي علات صبعها و ملامحها تحولو للكرره .. نيشات لواحد الوجه مبتاسم فالصورة .. داك الشخص قربلها كايشوف فيها .. شد واحد الفيلتر فالحمر و دورها على راس ديك المرى كاينومرها) مممم اذن بدايتنا مع جنة عدن العوماري هاهااه متشوق بزاااف (دار شاف فالمرى المبتاسمة) كولشي اللي فديك العائلة غايمشيو مغايبقى فيهم حتى واحد كانوااااعدك أسلطاانتي كانوااعدككك .. غاننبذهم بيديييي
الثأر العنيف الجزء الثامن
محتوى القصة
التنقل بين الأجزاء