حبيبي الأصم الجزء 235

عند دكتورة وورتاج ....

رتاج : لا لا مغانقول ل والو ... يلاه نبعدو لهيه ونهضرو ( مشاو بعدو شوية عليه ) 

دكتورة : صافي سرا فيه المفعول ... مدرتش ليه بزاف شوية ويفيق .... غيير باش يتهدن حسن ما يطرا ليه شي مشكل الاعصاب مامزيانينش ليه ... 

رتاج : صراححة تعجبت ... دغبا قدر يتحرك وتكااا بداك طرييقة بحدوووو ويحرررك يديه .. وكيهضررر يمكن غي حيت كيسمع داكشي باش هضرتو مقطعة هاكاك ..

دكتروة : لا تالسانو باقي ثقيل .. راه بحالو كاع مكيهضرووو .. 

رتاج : غير ندخلو ليه عائلتو؟؟ راااهم كيتسناو حشووومة 

دكتورة : ملي ماقبلش بطبيب الاذنين دابا ..تااا لمنبعد وندخلوه ليه ضروري خصو الفحص و الاباراي لي تصفي ليه الصوت ... شوية بشوية غايتأقلم مع الوضع جديد .. من الاحسن دخل مرتو دابا وبنتو هوما لي غايعطيوه الطاااقة الايجابية يبرا دغيا ويستجب للعلاج ...

رتاج : انا خصني غي امتى تعرف لامار راه كيسمع .. غاتفررررح بزااااف ولاكن من الاحسن يقولها ليه هو ... يكون باغي يخليها ليها مفاجاة ونضيعها ليه

دكتورة : راحنا عارررفينو مكعجبوش لي يدخل و يدير عكس هضرتو ... دابا نخليوه يرتااح يلاه نشوفو لامار ... منبعد ونرجعو عندو راه بخير ماشي كيييف كنا متوقعين ... 

عند دراري 

سفيان : عاد الخرررراااا هادو سكنووو

يونس : غاليهرس عليييهم لباااااب من لفجججر وحنا هنايااا كنتسناااووو اش هاد الخراااااا هذا 

جااا عادل ووقف حدا عدنان لي كان بغيد كيشوف لتيل 

عادل : امممضرااا فاق ؟؟؟

عدنان : وي راه فاق ..

عادل : جريدة وحدة لي ساقت لخبار بزز باش قنعناها تكست ... كيتسرب الخبار بحال الما ... الحمد الله فسلااااامتو 

جاو شي دكاترة قربو عند سفيان ويونس 

سفيان : واااااش مغااااتساليوش .؟.؟ ياك قلتو فاق

دكتور : معاه لي كيفحصوه ؟ داز من طيست ؟

يوتس : راااهم لدااااخل سكنوو ..لقووونا دغيا اصاااااحبي عيييقتوووو علينااا بالله شاااادين فريووووسنا بزز منديروش شي كاااارثة

يلاه كيهضرو هوما يخرجو من رتاج ودكتورة منعندز ...وعدنات قرب عنهم اما عادل كان مشا .... كيشوفو فيهم ويحاولو يفهمو شي حاجة من ملامحهم .. ورتاج مبتسمة فيهم واخا عينيها باقين منفوخين بالبكا ...

رتاج : صافي ... تقدروو دخلو عندو .. غير هو راه باقي نااااعس .... كلسو حداه وصافي تايفيييق 

بااقي تاامكملات هضرتها ...سفيااان كااان دخاللل وتبعوووه كاملين وهي ودكتورة مشاو لشومبر دلامار ...

دخل سفيان ويونس وعدنااان عند اسد متووووترييين بحال ااول مرة غايشفوه .. وهو كان ناااعس على ضهرررووو ... ناعس ومغوووبش 

سفيان : امتى غاايفيييق ... مسولناااش كاع 

كيف دايرة حالتو ...

يونس : ااودي نشوفوه بعدا ... 

عدنان غير واقف وكيشوف من بعيييد مببتتسسسم فرحاااااااان قلبو عالم بيه غي الله ...فرحان بشفائو ورجوعوو لدارو و بنتو ومراتو .... وعنيه فاش كيدمعو كيوليو صغاااااريييين كيشوف فيه من بعييييد مقدرش يقرب على عكس سفيان ويونس لي حدااه .... عمرو حس بهاد الفرحة ... كان عندو هم كبير توقع ليه شي حاجة ودابا حمد الله لي برا ورجع ليهم ... ومشااا قرررب عندوو بزززربة فرررحاااان يكلس حداه .....ولاكن فجأة رحع الخطوة للوراء ....كاااااع داك الفرحة تجمعات ليه و بدا راجع بلووورر تاكلس على لفووطااااي ساااهي وجسدووو برررررد ...الفرحة د فياق اسد نساتووو ان خوه راه باقي مسسسسمحش ليه على اش دار فيه ..نساااتو فشنو كاع دار ليه .. نساتو فعلاقتهم كيدايرة .. كان باغي غير يسمع راه برااااا وفاق .. كون طلبو يعطيه هو من حياتو كون عطاا ليه .... بقدر مكان فرحان بشوووووفتو فايق ويعنقوو ويعاودليه على كل مداز عليه وعلى ليام لي كانو مفارقين فيها ... بكثر ما توووترررر و خااااف من ردة فعلوو ملي يشوفو ... واش سمح ليه ولا بااقي حااااقد .. واش يبغي يشوفو ولالا ؟ يقدر يتتعععصب !! ... .حاس براااسو مقااااداش يواجهو .... مقادش يشوف فيه عين فعيين ... كيشوف فيونس وسفيان فرحااانين كايتسناو امتى يفيق ... تمنى لو كان تاهو بحااالهم وفرحتو صااافية مافيهاش الههم ... تمنى لو تاهو يكووون كيتسنا يشوف فعينيه بلا خوف من ردة فعلو .. تمنى لو خلا بلصتو نقية مع خوه... تمنى لو كان اخ ديال بصح بحالهم هوما .. .. مححسش براااسوو تانااااض ومشااااا بزززززربة خاارج .. ماخدو زايد فالكولوار ماحدو كيسسسسرع فالمششييية و دموعو فشفارو و مزيييرررر على يديييه كييدوووز فناااااس و ماااشي ماشاايف حد قدامو ... وسفيان ضااررر وعلا حااجبو باستغراب 

سفيان : فين مشا هداااا؟؟؟؟؟

يونس : يمكن مشا يسول شي حد على حالتو ...

سفيان : غانمشي نجييب لامارر ... الى فاق صووووني علياااا 

مشااا بززربة لشومبر دلامار ...لقا تما دكتورة ورتاج ولامار يلاه كتفيييق كتحل فعينيها ودكتورة كاتهضر معاها باش تستفق 

سفيان : ( لارييج لي غي كتتتضضضحك وشاااادة على فمها فرررحانة ) فاقت ؟؟؟؟؟ 

اريج : هاهي كتفيق ....الحمد الله الحمد الله علر سلاااامة اسد و سلاااامتنا كاااااملين .. (مسحات دموعها وطلعات راسها فيه ) فين يونس 

سفيان : را معاه جيت ندي لامار 

مشا حداها ودكتورة كتكيييها .. ولامار عاد كترممش كتسوعب فييين هي وشنو واقع ليها عاد تفكرات وفتحات عينيها على وسسسعهم دقة وحدة كتشوف فييهم مخلوووعة وهي تقففزززز 

لامار : ف فيييين اسد ؟؟؟؟؟؟ اش ااااقع لييه علاش جااايبني هنا ؟؟؟؟؟؟؟ ( كتنوضض وجا سفيان شدها ) 

سفيااان : ششش سكتي الهبييييلة واش مكتعيااييش من الغوات ماباغاش عينيك يينشفو من دموووووع ( كيهضر ضاحك ) 

لامار : ( كتشوووفو ضاااحك كيهضر معاها فرحان ... وعقدت حجبانها باستغراب! اخر مرة ضحك فيها سفيان بهاد الشكل كانت قبل تاميمرض اسد .... اش هاد الضحك الخارج من القلب ...كتشوف معاهم كااملين فرحانين وبدات ترمش فيهم و وكتبتسم شوووية بشوية فييييهممم 

لامار : ( بحماس وفرحة متسائلة ) اسد بيخييير يااااااكو؟؟؟؟؟؟؟ 

سفيان : بييييخييير .. ( حلااااااات عينيها وفمها ) وجييييت ندييك تشووفيه باش يفيق ويلقاك حداه 

لاماار : ( شدااات على فمممها مع نترات يديها تاكانت غاتقطغ سيروم ) ششنوووووووو ؟؟؟؟؟؟؟؟؟ صافي مواقع ليه واااااالو غااااااااايفيييييييق 

سفيان : ( بحماس ) ااااااه اخححححتي غاااايفيق من دابا شووووووية 

لامار بلا متحس غوتاااااااااااات ببببجججججججججهد بالفررررحة كتتتررررررعد و دموع كيتجاراو فعينيييهاااا باغا طيييررر من بلاصتها 

لامااار : نن ن نشوفو بغيييت نشوووفوو وو .. نشوفوووو دابا ؟؟؟ صصصصااافي غ غاااايرجع بحال لول ياااااك ؟؟؟؟؟

دكتورة : ايه امدام ... غير هو خصو شوية دراحة مزال ومتكتروش عليه ....غي بشوية عليه حتا يتأقلم .... وهضرة بصوت مرتفع من الاحسن تفاداوها .. اا مم .. مااابغيناش يحسكم كتغوتو . يعني هضرو غي بشوووية بصوت منخفض راه واخا مكيسمعش راه كيحس براحة 

لامار : فين هو فين ؟؟؟؟؟؟؟ انااااا نتزييييزن انااااا غير هو يفيق ليااااا ( كتتنترر سيروم من يدها وجات رتاج درات ليها فااصمة ) 

رتاج : غييي بشويييية عليك راااه باقي ناعس بشوووووية ازمر ... 

ناضت لامار فرحاانة وللضحكة واصلة تالودنيها غي وقفات جاتها دوخة تاشدها سفيااان وجها صفرر ومخطوف و عينيها عياااااانين ....ولاكو زيانتهم الضحكة والفرحة تنننورووو ..

ومشاااات خارجة كتجري بلا عقل ورتاج تابعها بصابو دبالها عاد تفكرات بنتها ورجعات لقات اريج غاتهزها 

لامار: نااااااري نسيييييييت بنتي بالفررررررررحة ااااجججججي اببببببنتي اجججججي عندي ( كتبوووووس فيها كاع فزكاااتها بدموع )....غااانشووفووووو باباااا ابببببنتي غاااتولي دابااا فاش تبغييييه تلقااااايه حداك .. مغانبقاش نقوليك راه ناااعس ونسكتك بعممك .... نغاتبقاااايش تقولي لعمو عدنااان بااااباا .... صااااااافي هاهو ررررررجع لينااااا ابنتي باااابااااك 

مشاات هاازاها مقادها لا سماء لا ارض بالفرحة وسفيان موراها خايفهاا طيييح حيت ملشية على سبة بحال الخشة ومرة مرة كضور عندو فرحانة عينيهااا كيييلمعو كتقوليييه براسها واش منهناااا .. وهو موراها مبتسم كيقوليها اه غي زيدي.. واريج ورتاج جاين كتعاود ليها على حالتو بصح خبات موضوع السمع لانه امر خاص به ... كولشي فرررحان ونهاااارهم عيييد اخيرا رجعات لفرحة لقلووووبهم .....ودخلات عندو لشومبرر غير شاااافوو دمووووع بداووو ييييسليو رجليها فشلو هليها كانت غاااطيح وسفيان شد عليها قسم ووشدات فلحيييييط كاشوف فيه تتبكي ... وكطلع راسها تااااالفوق تننننفس .... اخييييرا اخيييرااا من بعد الليالي كاملين لي كانت تبات عند رااااسوو كتشكي عليه .. اخيرا من بعد الخااادثة غااااضحك من قللللبها وهاوا شوية غايفتح عينيه حاسة بحالا حشماااااانة منوووو بحالا شحااااال هادي مشافتووو واخا كيكون معاها ..... تووووخشاااااات تشووفووو كتحرك كيهضررر حال عينيه .....بلا اجهزة وبلل قووووة الخيييووووط... ومشااات كتجري تلاااااحت عليه معنقااااااه مزييييييييرة عليه وكتشششششهق دموع الفرحة منساكبيييين واريييج ورتااج كيشوفو فيها فرحانين ليها ودمعانين اخيرا غاااتفرح مسكينة من بعد كل هاد المصاااااايب لي دازو عليها وحدة

لامار : اسسسسسسسد توووووحشششششتك ....حمد الله لي رررجججعتي ليا ...... كنت عااااارفاااك ااااحبيبي مغاتخلينيييييش ...... متتصوووووورش حياتي كييييف كانت بلا بييك كنواعدك من ليوم مننتتتحررررك من حداك تاااااا دددقييييييقة ( كتتتعنقووو عنها ) تووووووحححشششششششتك بزاااااااف..... متصوووورش احححبيبي شحااال مااامتييقاااش واش صافي عداااابي سالا .... ( شافت عنهم ) واش غايرجع ليااااا اسد ؟؟؟؟؟؟ هااا ؟؟؟؟؟؟ غاااايرجع لياااا ( هوما كيوميو ليها باه باااكيييين وهي كتتعنننقوو وحااااطة راسها على صدررو كتبكي رداتو فااااازك بببدمووع وهو نااااعس بسبب داك المنوم .... سفيان سمع الفيب فتيليفونو وخرج برا .... 

سفيان : وي حياة ! 

حياة : ااحم .. ع عيطتليك غير على قبل لامار .. واش راها حداك دوزهاليا مكتجاوبنيش 

سفيان : علااش بغيتيها ؟

حياة : راه كان عندها ليوم اجتماع ومجاتش كنصوني عليها مكتجاوبش وتشوشت عليها 

سفيان : اجي لكلينيك ومتقولي تاحجة لشي حد ولغي الاجتماع 

حياة : لكلينييييك ؟؟؟؟؟ علاش ؟؟؟؟؟؟ واقعة شي حاجة للماار ؟؟؟؟؟ 

سفيان : اسد فاق 

حياة : شنووووو ؟؟؟؟؟؟ ( بضحكة ) سفيااااان واش كتهضر بصصصصح ؟؟؟؟؟؟ 

سفيان : اجي لكلينيك هانا كنتسناك .... 

حياة : دقييييييييقة انا معااااااااكم 

قطع عليها مبببتسسسم و دخل عنهم لقا لامار غي كتمشي وتجي 

لامار : رتاج واش متأكدة قلتيلي ربع ساعة ويفيييييق ؟؟؟؟؟؟

رتاج :وراه مزااال يلاه دازت خمسة دقااايق واش نتي صببببرتي شهر ونص و ربع ساعة مقدرتيش 

لامار : ( كتمشي وتجي تيليفون فيديها كتشوف ساعة ) منقدددرررررش منقدررررررش .... اووووف مال هاد ساعة ثقاااااالت كاع قد هاكا ( كتشوووف فاسد ) يلااااااه فيق احبيبي فييييق 

رتاج ناضت وكلساتها 

رتاج : كلسي هناااا ... شوفي كي فااااشلة نسوط عليك طيييييحي ازمر .... واش هو خصو يفيق يلقاك نتي غيبتي تااني! تسناااااي احححبيبة 

يلاه كتهضر وهي قفزات 

لامار : فيييين عدناااان ؟؟؟؟؟؟؟ 

يونس : كان معانا وخرج غايكون غي مع الاطباء ديالو كيسول عليه 

لامار : اااه صافي .... ( كتشوف لساعة ولعينو ) مابقاااااش بزااف .... حاسة بحالا هاد ساعة ولات مكتمشااااااش ... اش هاد الثقااااالة اوووووف 

كتمشي وتجي متتتحمسة وقسم كككتلللعععب كل مرة دخل ممرضة .. وترجع تخرج وهوما تما كييتسنااااووو .. و لاماررر مشات كالسة حداه وكتخبش ليه فلحييييتوووو و تشوف لساااعة ... دازت ربع ساعة وهي تنوض من حداه 

لاماار : وااااهااهي داااااززززت وعلااااااش مافاااااقش

رتاج : ولاااامار واختي .. انا عطيتيك غي تقربيااا هو راه مامحققش بحال ساااعة صبببرررري خليه يفيق على خاطرو

لامار : وماااابقا عندي فين نصبببرررر مزاااال ... ( بخووووف وارتباااااك ) رتاااااج عنداك اختي يكون مغااااايفيقش ؟؟؟؟؟؟ راه كلما نفرح ضيع لي فرحتي .... عنداك اختي 

رتاج : واش حماااقيتي مالك على هاد الكلام راااه فايق وهضر معاياااا قبيييييلة ورااااه بيخييير خصو غي الرااااحة .... 

سفيان : صافي الامار خلينا نصبرووو مزاااال ... متسبقيش الخايب دابا 

لامار بقات تشوف فيهم ولاكن دخلها لخووووف ... بدات تمشي وتجي وتسناه يفيق وااالوووو .... بقات غي كترمش تاهوما تقلقو كتعيا رتاج تفهمهم وااالووو .... شهر ونص هوما صابرين ودقايق قلاااال مقدوش ليهم كاع .... و لامار بدات كتبكي 

لامار : ش ش شتو كاع مافاااااق .. رتااااج اختي صااااارحني ....علااااش مفااقاش ؟؟؟؟؟ ها ؟ مالووووو ؟؟؟؟؟؟؟ عندااااااك يتخلى علينااا تااااااني

مشات عندها كتررغبهاااا وعنقاتها عندها كتبككككيييي فحظنها ..... 

اسد بدااا يزير على عينيه ويكمش ملامحو حيت كيسمع ضجييييججج بزااااف وهضضضرة كثييييييرة و بدا يححرك يديه يينوووض ... 

سفيان : ا ااا اااسد ؟؟؟؟؟؟؟؟؟؟ 

ضارت لامار بززززززربة من رتاااج شافت فيه وهي تتتتجججمد فبلاصصتها تامن دموع تحجروووو مابين الشفرين .... وهو كيحاول يفتح عينيه مزيااااان.

يتبع ...