اسد : ن .. نتا لي كتسسوول ؟؟؟؟؟...ش شكون لي خصو يسول اش واااقع ( مربع يدو وداير فيهم نظرة ديال نوض نخلطكم كاملين )
سفيان : دااابااا بردو سوووق تهدنووو ... وهضرو بالعقل .. نتا راك ليوم عاد فتحتي عينييييك حاول على صحتتتك راه الى مكتهمكش نتا.. حنا محتاجينها بزاااااف ..فكر على الاقل فبنتك لي طول هاد اليام وهي كتعيط عليك و مكتفيقش ليها و تجي تشوفك فينااا ... و نتي مكاين لاش تبكي مدايرة تاشي حاجة لي تخلييييك تبكي ...
اسد : ( مطلع فيه حاحبو ) اوووه .. دغيا جمعتي وطويتي ! عااارفيني لامشيييت حتااا حلفت ... راه واحد ماغايبقا قدامي هنا ...
لامار : اسدد عطيييني وقت غي نههضر ونشرح ليك ... راه لي غالط هنا هو نتا .. لي مخلي لكلينيك وجاي لهناااا كضغط على راسك بحالا مهامييينكش حنا لي تعدبنا فغيابك ... و خليك غي تاتفهم اش واااقع عاد تعصب الامر مامحتاجش هاد العصبية كاملة ..راه خووووك ا اسد .. بحالو بحال سفيان ويونس .. وعاد هو كتر ..راه خووك شقيييييقك ... وومدارش لينا شي حاجة خايبة باالللعكككس .. عاونا بزاااااف فغيابك ....
اسد غي مربع يدو كيتفرج فيهم وملامح الغضب باااقين مرسومين على وججهووو ولامار كتبكي وتشهق و رتاج حياة دخلو كيجريو غي شافهم هوما يوقفو وبداوو كيشوفو فبعضياتهم الجو كان متوتر بزااااف ...
لامار : ( كضور راسها بلا وتبكي وعطات بظهرها زعما راه مكيشوفش وهو هاد الحركات غي مكيزييييدو يعععصبوه .. اكثر حاجة كيكررهها يتصرف شي واحد ورا ضهرو بلا ميعرف .. ويلا كان عااارفو اش كيدير كتررر ....مكيحملش يخبع عليه شي حد شي حاجة ) مقلت ليه والو ... معرفتوش باش عرفها ... عرف عدنان كان معانا تتعصب بحالل هاكا حيت ماقلنا ليه والو .. ونتا عارفيني مابغيتش غي نعصبو ...وهو يلاه فايق ونعطييه خبر بحال هدا يمشي يتأزم عمرني لاسمحت لراسي ... و من طيهة اخرى بغيت عدنان يجي يقولها ليه بفمووو ...
اسد : (تحت سنانو) لاااااماار ...
ضارت عندو كتمسح دمووعهااا ...
لامار : اسد عفااااااااك ... عفاااااك على قبلي متعصصصصبش
اسد : قررربي عند هنا
لامار : لااا ... لا منجيش .... غاضربني
اسد : (دوز يدو على وجهو كيتنهد ورجع شاف فيها بصبر قليل ) امتى ضربتك انا امتى ؟
لامار بقات غا كترمش وعويناتها فازكين بدموع ..
لامار : اسد عفاااك .... متعصبش
اسد : كيغانديرررر مم ؟ ...كييييغاندير الاماررر منتعصصبش ...وانا اخر حاجة كنعقل عليها ااان ( حبس كيتتنننفس و رتاج قربات ليه مخلوعة وحبسها بيدو ) ان هادا لي كتعيطو ليه عدنان كان ... كااان كيدير ل لي فجهدو باش يريب لي بنيتو .. باش نفيق انا و نعرف انو طول هاد المدة هو فداري ... ومع مرتي لي عارفاه حتى هي شنو ساوي وشنو دار .... ومالفوق مخبيااا على الامر وكتسناه تاااايجي هو يقولها ....
لامار : ( بالبكا ) اسد انا غي مبغيتكش تاخد منو شي موقف وتقول انو خص هو يقولهالك ماشي انا وهو لي يجي يعتدر ...
اسد : ياااااك !! على اساااس انا عاااااد غاناخد منو موقف مسكين ؟ اه ولا يمكن غانتقلق من عدنان حيت مجاش عندي ملي فقت من الكوما ... ماشي حيييت نكككرني من هادي سنيييين ومخلا مادار فياااا ... لا هادشي مناخدش منو موقف .. ناخدووو تااايميحيش عندي لكلينيك ... ولهههلا يجيييييب واااالديه!!! ... واش نتي عارفاني بعدا علاش معصب ولا لا ؟ عااارفااا ؟
بعد دقائق قليلة بداات لامار كتحل عينيها غير بشووية وترمش فيه عيااااانة .... تامن شفايفها فدقيقة بياضو ... وهو هزها عنقها عندو مزير عليخا كيبوس فرااااسها ولات كي شي ثووب مهلهل مررررخية فيديه ... كيحمد الله لي غي فاقت عاد حس باش كتحس هي ... يدير كولشي غير باش متوقع ليها شي حاجة وحلة عينيها عندو اهم ... هادو غير دقايق معدودين اش دارو فيه ماكون تحط فبلاصتها وبقا شهر ونص كان غايحماق .. عاد بدا يتفمهما علاش مخبعة عليه وخيفانة ... مزيييررر عليييها وغارس يدو فشعرها ... ودوا قريب لودنيها ....
لامار ضورات راسها كاع .... كتغززز فضفرااااانهااا اجاب ماايفكها معاه ... وهو غمز لكارد ديالو كان واقف بعيد فهمو وجاب ليه تيليفون وكتب مسج لعادل قالو شوية وتكون عندي فدار ... ورجع حطو كيتنهههد كيدوز على شعر لامار بيد ويد هاز بيها قسم عندو تاجاات الممرضة هازة لي ساشي دالماكلة صحيية ... وحطها قدامها نوضها بسيف واقف عند راسها هو ورتاج تاااكلات ... يلاه كتشرب واحد الكينة واوحد ممرضة من لور ضربات ليها لمنوم فسيروم حيت خصها تنعس باش يتقاد طونسيون ... ورجعات نطتكات على اسد تااااداها نعااااس ... وجا سفيان هزها حيت اسد مايقدش وحطها على واحد الفوطوي وغطاتها حياة وكلسات عند راسها ... وعادل دخل كيشوف معاهم ويضور ففعينو متوتر ومشا كلس معاهم مجموعين كاملين ... واسد عاد قاد الكلسسة مزياااان وربع يدو و حط قسم تلعب وشاف فيييهم وهوما واحد كيرمش فلاخور منين يبداو والكارد تاهو دخلو كلسوو طلب كولشي يتجمع ... شافهم كاملين قدامو ..... وعوط راسو معاهم ...
اسد : يلاه ...باسم الله ...
عادل: بسسسم الله
سفيان:بسم الله !!..
اسد غي كيرمش فيهم كيتسناهم ينطقو .......
تااادخل اسبرووو بحال العجاج كييييجري شاد على كاسكيطتو على طيييح ... غير هوو شافووو هوووو يووووقف مطرطق عيييينو كان يحسابتو رااااه مجبد فبيتو كيف خلاه يكون حل غي عينيه ماشي كالس مربع يديه ... وبدا يتبسم ويضحك ضحكة صفرررة وتعووووج
اسبرو : سسس .. سسيدي حي ... حياك الله ؟؟؟؟ ب بغيت نقول شافاك الله؟؟ ... اا .. ع على م مزيناتك زز زعما على سلاااااامتك بغيت نقول .. اا .. ق ق قا قالولي فقتي .. م مقا مقالوليش .. و وقفتتتي ... ب بغيت ن نقول كلستي و وخ خنزرتي .. ح حستبتنا متي .. بغيت نقول حسابتنا زعما اودي يعطني لقوة تاكلمة مامسكمة كي زهري نعيا نحلق عليها غاكتخرج كتحشمني مع وجهوكم اسيدي...( بدا يتفكر اشكان كيحفظ فطريق يقول ويعبر بيديه ورجليه ) اااحممم على سلامتك و والله يوقفك على خيير .. اااه لا نسيت نتا صافي وقفتي غ غي حيييت جييت كندرب على شنو نقول ليك وهي تزهق .. عارف اسيدي عاارف مزغوب وعقل لاروب غ غاقبلو علينا اسيدي نكبرو ونتعقلو ونعجبوك ... غ غي الفرحة الفرررررحة د ديال رجووعك ل لينا .. ورجعو سوء الحالة الجوية و الاعصارات و العجاج ب بغيت نقول رجوع الجو الهادىء والربيع الصافي و بلعمان و الاقحوان وك كاع داكشي ... ( تنفس ) اووف سالييييت ...
اسد: (اسد شداتو ضحكة وااااخا معندو كانة حيييت كان عيااااا يتخيل فهضرة اسبرو وعمرها طاحت على بالو غاتكون مسسسسسرسة و رقيييييقة كيف هضرة شي فروج جااااايف و فيها الانوووووثة ... ) زيدد اسعيد .. زيد كنتي ناقص غي نتا زيد ..
اسبرو بدا كيشوف معاهم مستفيييين كاملين وعادل كيدير فيه نظرة ديال رااااااك اكبر منحوس على وجه الكرة الارضية ملي جيتي فهاد الوقيتة .. اسبرو غا شاف لي كارد فيديهم طابليطات عرف القضية فيها تقارير .. عادل اللون مخطوف من وجهو ... وطبلة مهرس فيها نص فاش ضربها برجلو ... و لامار ناعسة وسيروم فيدها ... صافي عرف مدام الكارثة ناعسة اذن جا يهز عليها الدقة فالوقت المناااااااسب .... عرف الى ليلة تفركيع الرمانة وفين مكان شي تفركيع وكان هو حاااضر .. بوحدو لي كيتفركع فيه كولشي وتبسم ليييييهم بخوف زعما راه مطاري والة هو قرب يبول ....
اسبرو: ل لاا . ا انا ... انا مشغوووول ... ططط ااا طاااا ط ط طيااارة .. ك كتنسانيني ك كيشتي وقفات لياا فواحد بلاصة ممنوعة وقفتها بزز باش ننزل ... و خص وخصني نرجع بزربة قبل مايديرو ليها الصابو ويديو ل لبيلوط لبيرمي و ونهز دنوبو ... خ خليتها غاهنا فدورة كتسناني ومنها لي ر راكبين ديخايين يتقياو ..علما نرجع .. جيت غي نشوفك اسيدي و نمشي ح حيت قالولي ر راك بين الحياة و الموت و ويمكن غ غي مفهمتش مزيان ي يمكن قالولي راه لاجيت انا لي غانولي بين الحياة والموت ... .. ا انا بغيييييت نكلس معاكم ولاكن مشغووووول انا مشغووول ... ع عندي شغل فالميريييكان اسيدي منقدرش نكلس .. عندي شيحاجة ض ضروووووري نرجع ليهااا ويلا غاطرا كاااارثة
سفيان : احم ... ااا ... مهم ... غانبداو ليك من A و نتماو تخلينا نكملو ليك تاوصلو ل Z بلا مايوقع لينا والو .... ( بالللحس ) على بركة الله اللهم يسر ولا تعسر ..
يونس : اللهم لا نسألك رد القضاء لاكن نسألك اللطف فيه ...
عادل :ولا تحملنا مالا طاقة لنا به يارب العالمين
اسبرو : سبحاااانك رب العزة عما يصفووون وسلام على المرسليين والحمد الله رب العالمين ( باس يدو )
اسد : ساليتو ؟ ..... يلاه هضضرو دابا .....
سفيان بدا يشوف فيه كيعرفو فاش كيكون مبرد بحال هاكا لامهضروش دغيا غاتنوض كارثة وتنهد كيفما كان الحال خصو يعرف كولشي ...
سفيان : ااحم ..... مهم نهار لي كنتو غاتمشيو فيه للعمرة ... بعد مانتا قلتي لينا غادي تمشي لشي لشغل وتفارقنا حدا طموبيلات .... انا ويونس مشينا باش نشوفز دار ديالي فين وصلو فالبني ... وملي دخلنا مع داك البلانات الخااويين لي تمااا قبل مانوصلوو لباركينغ ..راك عارف دااك لبلاصة شحال خاوية وقف لينا فطريقةداك شمااااتة نسيت اش سميييتو ( شاف عندو يونس) اش سميتو داك الخرا ؟
يونس : شهاب داك حينا لي غاكان غايدي اريج ... كانت باقي متسرطاتش ليه فضحناه ... وجاب معاه واحد رباعة دالشمايت هازين المضا قاليك يهجمو ... ملي خرجنا ليهم مسنطيحن كتر منك ... ضاااررربنا معاهم ... ضارو بينا كانو بزاااف وحنا غي جوج ... تاجا دخل معانا مااااعرفناه مينن نزل .... كان غير دايز وشافنا ...
اسد : عدنان ؟
سفيان : تماماااا ...
اسد : كان غي دايييزز ؟؟!!!
يونس : داكشي لي قالينا ...
اسد : داك سيد هو الوحيد لي مكيجيوش معاه الصدف كولشي حاسبلو حسابو .... زيد اوا !!!!...
يونس : منعرف .. مهم بعث معانا وضاربنااا معاهم .... وملي سالينا وكل واحد فيهم فين جبدناه ... كلسنا كنردو النفس بحال عباد الله ...وحبدك لينا فالهضرة ..وبدا كيسول واش عايشيين مجمعين و لا معرفت اش ... حسيناه كيطنز ... قلنا ليه نتا عشتي بوحددك وحنا بوحدنا .... بدا كيسول كيفاش .. قلنا ليه نتا خنا غير من الام وتربيتي بوحدك ... بلااللل متشوف فينا هاكاااك .. عاودنا ليه حيت قااالينا هو خوك وحنا عرفناااه انو عدنان كانت كتعاود لينا عليه الوالدة ....
اسد : وادابا غازيد كمل
يونس : ملي قلنا ليه نتا مكتسمعش وكدا ... ناض سيد بحال الرعاد .... تصدم .. اكتشفنا انو مكان عارف عليك تاااااحاجة غاداخل جبهة .. هو كان كيضنك عششتي فوق فيكيك مع الواليد هو لي وصلك لهادشي لي نتا فيه ماشي الراجل لي ررباك .... شنننق علييينا قابك باكم هو سباب فيككك وبدا يعرعررر تاجانا ابيل بلي درتي حادث وجينا كاملين لسبيطاار .... مهم غير شفناك ... هو طاح كاع ...
سفيان : حييت مريض ... عااايش غي بصمامة وحدة ومااتحملش ... دخلوه للانعاش ( اسد وسع عينيه اش هادشي كيسمع اشمن انعاش ) .... ونتا دخلوك لبلوك .... وتما اريج عاودات لينا اش كان ظاير فيك .... منكدبش عليك ماااحمللتوش كاع ... خصوصا ملي عرفت جااب راجل غريب للامار ... يعني شرف خووه قاسو ... مهم عرفنا كاع اش دار فيك .... تصدمنااااا فيه بزاااااف .... انا كانت ردة فعلي قبح منهم كاملين ... معنديش مع بحال هادشي حقدت دسال بضج ... جا عادل وبداو كيبحثو فشكون دار ليك داك الحالة ...
عادل : دغيااا عرفناهم من العصابة ديالو .... حيت عدنان كان خرج من العصابة و مالقاوش لييه اثر حيت كان فمصر ...وماجاتش على بالهم يمشي لتما وهو كيبدل لهوية فين مامشا ... وباش يجبدوه عرفوك نتا خوه وقالو ارا نبتزوه بخوه باش يخاف و يجي .... وقالو ارا نسيفطوليه عصابة مأجورة و يدوخوك بداك المنوم ويهزوك ولشي كاراج ويصوروووك ليه عاد يطلقوك ..غي باش هو يتخلع عليك ويرجع لعنهم .. ولكن مامشاش داكشي كيف بغااو وعقتي بيهم ... والبلقي نتا لي عارقو كتر منا حنا غي معاودين لينا وصافي ...
يونس : لا لا اش غايديرو وهوما راهم عدنا .. قول هو اش دار فيهم ...
اسد:كملووو .....
سفيان:هادوك قلنا نتا لي غاتعرف ليهم حسن منا ...وعارفينك ملي تفيق غاتبغيهم حييين تحاسب معاهم ....
اسد: على اساس كون كان العكس كنتو غاتوليو قتالين !
سفيان: اودي على قبلك نموتو حتا حنا ....
اسد : ( سسسكت مدة ورجع لورر كبشوف فيهم عاااض على شفتو ) اوا ....
سفيان : مابغيناش نتصرفو فيهم تاتفيق نتا .. فاش جا عندي عاادل وقالي هوما من جيهة عدنان ..حيت كنا باقيين ماشديناهم وماعرفينش القضية فيها ابتزاز جات لبالنا غير انتقامو وصاااافي وداير ليك هادشي بالعااني وهو لي سيفطهم ليك ... مجا يفيق من داك للازمة لي جاتو تاكنت عند راسو ... ماعرفت اشنو كنتوكاع باغي ندير فيه ... حيت كون حات من البراني ساهلة .. ولاكن من الاخ كتحرق شوية ..... كان كيقولي شي عقل قتلو وماتحنش .... و عادل داك ساع باقي ماعرفهومش فين كاينين بضبط .. ملي دخلت عندو لشومبر ديالو كان هو كيشوف لي مسج لي سوفطو ليه كيبتزوه يرجع... وبلي غايزيروك بيه لامرجعش يآديوك... وهو عاارف بلاصصتهم فين كاااينة ...مادرت وااالو تايوصلنا عندهم ... خرج وتبعناه
رتاج : عاقلة عيت نهدن فيه والو كان حاس بحال الشمتة ولا بحال الرعاد ... وكان باااقي عيااان بزاااااف.. حيد سييروم من يدو وخرج وهادو تبعوه داك نهار الخلعة ديالهم بووووحدها .... لامار داك ساع كانت طايحة فالصدمة حيت هي غير قال ليها سفيان راه وقعات ليك حادثة سيدة غيبااات ومابقاتش معانا ....كنا انا واسبرو كنشوفو شي قضية لي ترجعها لوعيها وتفهم انك باقي حي ومامتتيششش ..
سفيان : بعد ماخرجنا من لكلينيك.. مشينا دريكيت لمطار ... ومشينا عندهم ...( اسد صدموه ) الكارد وجدو لينا لينا كولشي وهجمنا بالسلاااح بلا ماانفكرو فوالو فعينينا غي نتااا فداااك الحااالة وشعرك لي حيدوليك وداروه بين يدي .... ولامار لي فصدمة وبتكك لي كتعيط علييييك ... ( كولشي دار راسو فالارض كيفكر اش داز عليهم داك نهار كانو اصعب الايام لي عاشوهم ...)
يونس : انا كان فبالي غير خويا لي جيت نمشي انا وياه للعمررررة وشحال كنا فرحانين لي غانصومو اول رمضان مع بعضياتنا بعد ماكبرنا ... وكلشي ضاااااع لينا .. ورزاوني فيه ..اما عدنان داك ساع تعيا تخياب حالتنا منوصلووووهش .... كان اقبح واحد فينا ... حيييت هو لي ماجا يندم على اش دار فيك والظلم لي ظلمك ويجي يعتدر منك .... تاااالقاهم ضييعوك من ييييدو ... وهو السباااب ... كان كيلوم راسو علاش محلش داك تيليفون وكيقول كون عطا روحو وترجع نتا .... مكان كيشوفو والو قدامو .... كيتيري فكووولشي والعافية شااااعلة فيه ... وشاعلة فينا كاملين .....
اسد شاااف لفوووق كيصوووط ورجع غرس راسو بين يديه كيحك على جبهتو وكيستوعب هادشي لي كيتقال ..... كيفاش خوتو مشاو برحليهم لتما !!!! كون وقعات ليهم شي حااااااجة !!!!!
رجع خدا نفس جديد وشاف عنهم
اسد : اهاه !!!!!
سفيان : شتتنا ليهم كولشي .... ولاكن مابغينا نقتلو حد .. وحبناهم حييين وبعض فيهم معطوب ... تاااتمشي نتا تشوف اش ظير معاهم .... ملي رجعنا لمغرب ... واخا داكشي كااامل والندم لي كان باين فعنين عدنان ....مااتقبلتوش كاع .. اه فعلا كان ندمان ولاكن ماتسرطليش اش دار فيك ... لدرجة قسم كانت كضضضنو بلي هو نتااا نتا عاد زدت تأزمت لا انا لا لامار . ... حيت شبهاتو ليك ....كانت كتقولييه بابا .... داااك نهار بكات بزاف باش تمشي عندو وحيدتها من يديه .... مكنتش باغي يقيس فيها ومابغيتش نتيق فيه كاع .. وهربتها خرجتها لبرااا وخليتو ...
رتاج : هو كان فواحد الحالة عااااالم بيها غي الله .... انااا لي عاارفة قلبو شحال كان ضعيف وفاي لحظة يقدر يخونو ويسكت ليه .... كيقاوم فالصصصمت .. اه بصح ... تانا آداني بزاااف ودخلني فهادشي واخا معنديش علاقة ... ولاكن فداك اللحظة معرفتش علاش قلبي ساااامحو .... انااا لي كنت معاه ملي اول مرة غايشوفك فشومبر ديالك ... فففففف بزااااف ديااال الكلام قالو ...كون كنتي كتسمعو كنتي تبكي معاه الدم .. كان ندمان بلا قياس ... وكيواعدك انو يعوضط على كولشي وانو مايخلي تاشي حاجة تقرب ليك مزال ولا تفرقكم ... بدا يهضر على طفولتكم ... وشحال كنتي مفشش عندو .... اول مرة نشوفو كيبكي ... من بعد ملي هبطنا لتحت يلاه كيتهدن ولقا قسم فرح بيها بزاااااف وشحال وهو معنقهاا عندو .... جا سفيان خداها ليه وخرج ... وكانت لامار فاقت داك نهار وجرات عليه تاهي كملات ليه اش بقا ... كان كيطلب منها السماحة وقاااتليه لابغيتني نسمح ليك ... غبر ووجهك ومانشوفوكش قدامنا ... وهو وااقف قدامها مطيح راسو ..حسيتو توضر ...ووافق ... وافق انو يمشي فخطرة وحدة ويتحرم من قسم لي يلاه شافها .. ويتحرم من خوه لي يلاه عرف حقيقتو ويخليه ففراش الموت كوما... و يخلي خوتو لي يلاه عرفهم و عائلة لي معندوش وعمرها كانت عندو .. ويمشي يرجع لوحدانيتو ... غيييير باش تسمح ليه ... تييقني والله لادرها شي واحد .. حسيت بها ضلماااااتو داك ساع وانا لي كانت كنشوفو من كاع الجوانب ماشي بحالهم ... دابزت معاهاااا و قتليها علاش تجججري عليه هو راه من حقو يبقا حدا خوه وراه ندمان وكلنا كنغلطو وقتليها شي هضرة قاسحة محسيتش براسي .... وتخاصمنا انا وياها ... ومنبعد جا سفيان وجابني لهنا دغيا تصالحنا هي قلبها بيض كتنسا دغيا .. ملي قتليها راه مريض رجعات معاها الندامة وقاتلي كوون كنت عارفاه مرييض كاع مندير ليه هاكاك .. حيت لي عارفة عندو قنبلة موقوتة فقلبو .. تقدر تنفجر فايولححححظة ... ( كتتتبكيييي ) داكشي باش بغيتو يعيش لي بقا ليه معاكم ...... وتقدو تقنعوه يتعالج اما بوحدو مكانش لي يرد ليه لبال لا عايش لا ميت ( اسد كي كييييتنفس صدمة ورا لوووخراااا ) .... ماحدووو مزال ماباغيييش يدير العملية ومقسح راسو ... عمرو غااايحلم يعيييش بحال ناس .... حتى رلامار ندمااات ... خصووصا ملي وافق يمشي غير باش تسمح ليه .. كان قاليها واعدني ملي يفيق اسد قنعيه يسمح لي وقوليليه كنت معاه ... ومشا فحالو فخطرة تااااني ....
اسد : فين مشا ؟
عادل : غالبا غايكون رجع لمصر داك ساع .. حيت ملي قلبت عليه مالقيتو فحتى دولة تارجع عاد قالينا بلي ككيون بهوية اخرى ديال باه الله يرحمو وعايش فمصر ... داكشي باش صعاب عليا لقاه ملي بغيناه ...
اسد : اهاه ؟ واش طرا منبعد ؟
سفيان : رحعنا كندوزو دوك ليام بزز .. جابتك لامار لدار ولاو فيها عشررررررة والله ماتزيد معاها كلمة دارت ليهم فالكيلينيك حالة .عندك يحسابتك كانت بحال دابا .. راه مارطابت تارجعتي نتا كانت والله ماتقد تدوي معاها ...تهضر ترعف ههه مهم داكشي تعاودو ليك هي ملي تفيق مادخلناش اش دارت عليك هي .. تاااتفيق وسمع لحكاااية من نوع اخر .. الوغ هي دوزات رمضان غير فدار هنا باش ماتبانش لصاحفة ويشكو فيكم ويبداو يأولو كنا خيفانين نعلنو على مرضك بااش موالين شيكات لي عندك ماينوضوش يدفعهم ... و يونس رجع لكندا بقات مراااتو ... وتانا مشييت كان عندي تماك الخدمة وسعيد تاهو رجع لقرايتو حيت كولشي جااا .. رتاج تاهي كانت رجعات .... تاتجمعما فالعيد ... ومنبعد بداو المصااايب ... خدمتك ... شيكاتك كان خصهم يتخللصو وصل الموعد ديالهم وتاحاجا مكتخلص بلا توقيعك وبزاف ديال تخربيق راك عارف ... داك الشماتة ديال طااارق ( اسد ووووسع عينووو ) استغل للوضع مزيان .... عرف بلي نتا كووما وحنا مخبين للامر ياحسرة مشا فضحها لصحافة باش تجي اللحنة تعطبه بلاصتك
اسد : بلاصتي! ! صافا با نو !!
سفيان : مهم هو هاكا كان هاكا كييضن تسالات ليه داك سبع شهور لي كنتي عاطيه مايدخلش لمغرب وجات قدقد مع شيكات دعباد الله .... ورجع قالك هو يشد الكرسي ديالك حيت معندك لا اخ لا اب لا ابن لي يخلفك .... دونك الحق غايرجع لمدير العاااام .... لامار كااااانت غاتسطا .. مكانت لاكاتاكول لاكتنعس كنفكرو غي فشي حل ...كتقوليا يطرا لي يطرااااا مايكلس فكرسي ديالك .. حيت عارفين داك الشركة عندك عزيزة بزاف وامانة ....ماخلينا الحل لي قلبنا ولا الناس لي سولنا.. كوولشي كيقولك الحق كيرجع للمدير العام مدام مكاين لا اب لا ابن لا اخ ( اسد غي مطلع حااااجبو هادشي عاد كيسمع بيه هو مكان والو من هادشي غي تقولبو حيت هو شغالو مقادين ماعرفهم علاش ضربو هاد تمارة كاع والحل كان بسسسيييييييط !!! وبدا تاتي كيسوط مكيحملش لي مكيخدمش عقلو ....)
يتبع ...
وااااتباتو فراحة الله داباااا بغيتكم تباتو كتفكروووو فشنو كان غايكون الحل يااااااترى ... هههههه شغيغة انا شغييييغة اعلم اعلم ههههه... الجزء الموالي بقد مكيضحك بقد مغاتحسو بالشمتة ضربتو تلت شهور كتعانيو على شي حاجة كانت غاتحل بسيطة😂😂 وسيرو تخيلو ليا اسد كيف غايتعامل مع هادوك لي فدييبو مايطيحش على بالكم كيفاش غايتعامل هههههه اما العائلة الصغيرة ديالو غايولي يفطرهم و بعشيهم و يغديهم غير بداك الشمتة كل مرة يفكرهم شحال كانو مكلخين غايدوووزها عليهم ههههههه فبلاصة لي كيتسناو يشكرهم على اش دارو ليه غايضرب ليهم كولشي فزيرو ... سفيان بعدا غايتعقد احتمال يخوي داااار ....
حبيبي الأصم الجزء 242
محتوى القصة
التنقل بين الأجزاء