انا لبست بيل كحل و قميجة حمرا خليتها محلولة و سروال دجين كولو مقطع و سبرديلة طالعة
زينب;انا معرفت اش نلبس
انا;(جبدت ليها من لماريو)هاكي هادو
زينب;نو واي مانلبسش ساية انا
انا;تي لبسي باراك من لفهامة اووف
لبسات ساية كحلة قصيرة و طريكو gري مهلهل gات كحل جات سو كيوت
المهم تقادينا و درنا اللوازم و سيكانا و نزلنا لتحت لقينا بابا و ماما في طابلة لفطور سلمنا عليهوم و فطرنا من بعد و دعناهوم و خرجنا لقيت شيفور كيساينا ركبنا و مشينا المدرسة حطنا و مشا وحنا دخلنا
دخلنا المدرسة مع الدخلة تلاقينا مع انور بقا امخرج عينيه في زينب هاهاه السيد داخ لاخرا اشافتو ولات تصفار و تخدار ههه ;
انا;هيهي ا واااا سيادنا و جيلالي و ااا واهيا (كنغوت)واااابنادم فيققو
انور;ها فين خليناها
انا;في تيزنيت را سلمات عليك ,,,هاد لمرة دخلو لشي قسم خاوي وتحابوو
زينب;وجدان اش كتقولي ؟زيدي زيدي قدامي
انا;انور لعشرة نتلاقاو بغيتك
اانور;اوووك الله يحدر السلامة شي بلان هدا ثاني؟
غمزتو و زدت انا وديك خيتي دخلنا لقسم كانت عندنا حصة ديال فرونسي واناري علا بروف كيف داير ماكيسكتش سارط كاسيطة وعندو واحد العين اكيغمز بيها
انا ;هاوا بدا ثاني اغمز
زينب;هداك والله حتا فيه الدودة ماشفتيهش ابارك ويحك فيها
انا;كلاتو مسكين تعت غا لي يدير فيه خير و نخشيو ليه كراطة نحيدوها ليه معدب ياك
الاستاد;شكون هاد مسكين لي معدب
انا;والو ا استاد غا خويا الصغير لبارح كلا الحلاوة بزاااف و جاوه لحناش بقا فيا هدشي علاش
الكل;ههههههههههه
الاستاد;سكات(وبارك خاشي يدو تم)حنا في كلاس ماشي في داركوم
المهم دازت الحصة ديال فرونسي اللتي دامت ساعتين في النميمة و كل مرة نلوح نوطة نخلي القسم مكرشخ و دابا وصلات العشرة هاوا جا ثاني حاثم ;قالت لي زينب كنتي عيانا دابا كيف كاتحسي
انا;سافا ميرسي دابا مزيان
حاثم;كنت باغي نجي نشوفك مي زينب قالت ماكين لاش
انا ;وي عندها الصح المهم اش عندك هاد الويكاند ؟
حاثم;(بفرح)وااالو
انا;المهم يله نخرجو للساحة ونهضرو
المهم خرجنا كانت زينب سبقاتنا كتكلم مع انور
انا;دراري قررنا انا و زينب باش نمشيو للمزرعة ديالنا ندوزو لويكاند تم و قلنا زعما يلا ماكان عندكوم مايدار تمشيو معانا نمشيو جمعة و نجيو الحد اش بان ليكوم
حاثم;علاه نتوما عندكوم مزرعة
انا;هههههه لا مسلفينها المهم اش بان ليكوم ؟
حاثم;(بفرح)انا بعدا ماعندي حتا مشكيل نمشي
انور;حتا انا بفرحات عليا اووك
زينب;حتا انا معاكوم
انا;ايوا مزيان غدا في الصباح جيبو معاكوم الحوايج باش من هنا نمشيو اووك؟
الكل ;ااووك
انا;ايوا مزيان يله ندخلو لكلاس راه عندا حصة الانجليزية
مشا انور لقسم ديالو و انا و زينب و حاثم مشينا لقسمنا
وفديك,الاثناء كان كريم بغا يقسي فيها و سمعها من كانت كتكلم مع الدراري وقال باينة هي عندها علاقة مع حاثم ضرب يدو مع الحيط و زاد دخل القسم و هو شاعل برد غضايضو في الثلاميد و كيتحلف فيها
نرجعو عند الفتيات
المهم دخلنا القسم وبركنا في بلاصتنا كنتسناو ولي العهد ديال هاد الاستاد يشرفنا
انا;تي مال هدا تعطل ؟
زينب;معرت اختي قالو بدلو الاستاد و جابو في بلاصتو وااااحد تيتيز اختي كيدوخ
انا;ايوا صافي شفتهوم غا كيبدلو الاساتيدة كيديرو فينا التجاريب لا مصدقش هدا يجيبو واحد اخر
وحنا داوين حتا كنسمعو تحنحين هزيت راسي
فهد;احم احم السلاا(وهو يشوف في وجدان لي يله هزات راسها وهو يتشوكا لاح شكارة في الارض بالصدمة وكيشوف فيها وهي مافاهمة والو كتشوف فيه و تشوف في زينب لي كتشوف فيها و كتعاود تشوف فيه المهم شوف فيا نشوف فيك هو من ضرباتو لفيقة خرج)
انا;تا هدا مالو شاف جن ؟
زينب;معرت اختي شفتيه كي كان يشوف فيك فحال يلا كان كيعرفك
انا;عمرني شفتو ولكن باينة عليه ماشي مغربي باينة اشبهت ليه
زينب;معرت مي شفتي حتا هو لون شعرو ليموني و نفس البشرة بحال تقولي خوت
انا;ههه لاواه الزمر سكتي سكتي ههه
نمشوي عند فهد
قريت من الثمنية للعشرة واحد القسم اووف توما هاد الدريات احديني بحال عمرهوم شافو شي دري انا نشرح وهوما حالين فمهم المهم ضربات العشرة مشيت لكافيتيريا شربت قهوة كحلة و انا راجع كيبان لي كريم كيضرب فيديه مع الحيط سولتو قاليك ديك تيتيزة غادا مسافرا مع صاحبها ولا معرت بدا كيدخل و يخرج في الهضرة و دخل القسم حسن عوان هادو لي غايقري غايخرج فيهوم قاع هاد العصاب مهم مشيت لقيسمي و انا متشوق نشوف شكون هادي لي طيحات لينا سي كريم دخلت القسم لي كيهضر لي كتماكي قسم ثمانية هادا حنحنت يله بغيت ندوي وهي تهز واحد ثلميدة راسها ,,,اشفتها تصدمت لا مايمكنش نفس لون الشعر نفس البشرة نفس لون العينين نفس النظرة اسيل لا اسيل ماتت مي هادي نسخة مطابقة ليها معرفت مان ندير و انا نخرج نشم ليا الهوا ونرتب افكاري اسيل ماتت الله يرحمها هادي غا كتشبه ليها مايمكنش تكون هي قول اعود بالله من الشيطان الرجيم اوف اوف طلع النفس هووكاك و دابا يله ندخلو
نزجعو عند فتيات
دخل داك الاستاد ثاني
فهد ;سمحولي غا جاني اتصال و ضطريت نجاوب المهم انا فهد الابراهيمي انا هو الاستاد جديد ديال الانجليزية بغيت كل واحد و ووحدة فيكوم تقدمو ليا راسهوم باش نعرفكم
المهم بقا كل واحد كيقدم راسو حتا وصلات نوبتي
انا;الاسم ديالي وجدان سقراط استاد
فهد;(الله يربي هادي هي لي كيهضر عليها كريم)
الهم داز وقت التعارف و بدا كيشرح لينا الدرس و كل مرة كيشوف فيا دخل لي شك في راسي توما قولو لي هدا مالو معايا ياكما هاربة ليه بفلوس الكرا سالات الحصة حتا غفر لي الله الدونوب اووف
خرجنا انا وزينب و انا حايرة
انا;زينب اش بان ليك فهاد لبلان
زينب;حتا انا معرفت اختي قاع القسم لاحظوه الحصة كاملة مانزلش عاينيه عليك
انا;معرت ولكن عندي شي حاجة في لداخل ديالي كتقول لي بلي كنعرفو و هاد السمية و الكنية معقلتش فين سامعاها
زينب;ممكن تكوني تعرفيه غا ماعاقلاش عليك
انا;معرت والله حرت مهم نساي علي يله نثمهيو دابا
خرجنا من المدرسة لقينا شوفور كيتسنانا كيف العادة و مشيت للدار و انا بالي كامل مع هاد الاستاد جديد شكون هو وعلاش حسيت بلي قريب لي و كنعرفو علاش تصدم من شافني اووف ايكون غا تشبهت ليه مع شي وحدة و من دار هكاك تخربقت نساي وصلت وجدان لدارهوم و مشيت لدارنا انا
دخلت لدار سلمت عليهوم طلعت لبيتي غسلت و عاودت نزلت تغديت و عاودت طلعت بدلت عليا و وجمعت لوازمي في ساكي و نزلت ودعت بابا و ماما و ركبت مع شوفور ترgنا زينب كيف العادة و مشينا المدرسة
نمشيو عند فهد
صالات الحصة و انا دايخ خرجت لقيت كريم حتا هو معصب
كريم;(معصب)اها؟غادا مدوزة ليا لويكاند مع حبيب القلب يومين في المزرعة باينة اش غايديرو و فرحانة ليا مع راسها غادير ينجاز عظيم هيهو وانا معامن كنهدر ؟
فهد;ها؟اش قلتي ؟
كريم;انا من صباح و انا نهلل و نت ماكينش فهاد العالم مالك حتا نت
فهد;وجدان وجدان
كريم;(خرج عينيه)وجدان؟مالها ؟
فهد;اسيل كتشبه ليها نفس عينيها نفس الشعر نفس النظرة نفس الابتسامة اووف حتا ماما من كانت قدها كانت فحالها فوطوكوبي ديالها انا دخت
كريم;(ما قدو فيل زادو فيلة)راه غي شبهات ليك اصاحبي نت عارف بلي اسيل ماتت عادي يلا كانت كتشبه ليها خوي بالك (ضرب ليه فكتافو )يله نمشيو راه الرئس عيط لينا كيسول علا قضية القتال ديال لبوطوار فين وصلنا فيها
فهد ;اوك يله
نرجعو عند الفتيات
وصلنا المدرسة دخلنا كانت عندنا حصة ديال الفلسفة
زينب;نارييي اختي انموت اووف
انا;اصلا انا مكنفهم والو عاد قالك هاد النظرية و التجريب هي تشكا بالعgر و هوما يسولوها اش خبار الدراري ياربي بغيت ليه الحكة و قلت الظفران امتا اتسالي هاد الحصة
زينب;انهربو من يخ انلقاو تفو هه بحال الفلسفة بحال الرياضة انا كيسخسخني
انا;اللهم الرياضه ولا هاد الويل تفووو
سر سر
انا ;واجاء الفرج يله الفيستيار باش نبدلو لبسنا الزي الموحد ديال الرياضة لي هو عبارة عن شورط كحل قصير و بيل نس كوم فيه البيض و الكحل
هزينا قرعة ديال الماء و خرجنا لساحة الرياضة حيت عندنا معزولة وهي عبارة عن قاعة مغطاة
زينب;هاهوما ثاني ايبداو يزهاو علينا
انا;هههه خليهوم يتمنظرو شوية ههه الشوف مايبرد الجوف اجي هداك ماشي انور لي طالع فوق الصور ههههه
زينب;ههه ولاهيلا هه اش جابو لهنا
انا;ههه حتا هو جاي يتنمنظر هههه زيدي نسخنو زيدي و ندووزو من حداه ليوم نجهلوه
انا;وااسييير برك لهيه تخبا قبل مايشوفك لبروف و تصدق فما لونوها ونتي زيدي قدامي خلاص
بديانا كنجريو الدراري لي كانو كيتطرينيو ولاو واقفين كيتفرجو فينا هههه صالينا تجبدنا شوية و دخلنا للملعب باش نلعبو لVولي ايوا تم فين قوادت القضية هه كيوليو عدنا مشجعين كثار حتا من انور كيغوت ههه مسخوط الواليدين سالينا و دخلنا لفيستيير غسلنا و لبسنا حوايجنا ليوم خارجين مع الربعة قررنا نمشيو نتسركلو شوية
خرجنا من القاعة قررنا انا و زينب و انور و حتا حاتم قاليك بغا يمشي معايا نيت جابو الله المهم عيطت لشوفور قلت ليه بلا ماتجي ليا و خرجنا من المدرسة
زينب;فين انمشيو دابا
انا ;شوفو نتوما انا معنديش مشكيل
حاثم;حتا انا
انور;مم اش بان ليكوم نزلو لبحر
انا;مم حتا هدا نظر
حاثم;وجدان نتي ركبي معايا في سكوطر و زينب تمشي مع انور في لوطو ديالو اش بان ليك
انا;(هه طاي ماكس ويلي ويلي ههه علاش لا)مم اووك
حاثم;(بفرحة)ههه هاكي لكاسك
انا;راه غي غنركب معاك ماشي شي حاجة كثر مايمشيش بالك بعيد
حاثم;انا مقلت والو هاكي لكاسك
خديت لكاسك و ركب هو و انا وراه
حاثم;شدي فيا مزيان لاتطيحي
انا;لا اخليني هوك مرتاحة
حاثم;نتي تعرفي ههه
يله ديمارة و انا نلسق فيه
حاثم;شفتي اش قلت ليك ههه
وهو يطير ناري علا فرحة شداتني حيت انا عمرني جربت هادشي وهوو عاد ماكيكسيري سبقنا انور وانا شادة فيه و كنضحك و الخلعة ههه ولكن سوايقي ولد اللدينة موقف حتا لاكوط حيدت الكاسك و انا فيا الدوخة وجهي ولا حمر ماطيشة مانيفي من عاودش ليكوم
حاثم;امالك غي نتي لي بوكو عاقة حتا لوليد راه كوموندو لاباس عليه هه المهم غدا نتقاشعو (وزاد )
دخلت لدار سلمت علا بابا و ماما كان داك لبجغوط طلعت لبيتي دوشت و بدلت و بديت نراجع شوية جات فاطمة قالت ليا بلي لعشا واجد نزلت تعشيت و قلت لبابا بلي غايمشيو معانا شي اصدقاء للمزرعة ماعارضش و وصاني نرد لبال لراسي و طلعت لبيتي ثاني بديت نرسم شوية تكونيكطيت مع زينب اكدت عليها باش غدا نلقاها واجدة و جمعت حويجي لي غنحتاج و ضربتها بنعسة
اصبحنا و اصبح الملك لله
انا;(كنتكسل)الللللله
ندت دخلت دوشت خرجت نشفت شعري و درت كريماتي كيف العادة لبست ساية في الزرق قصيرة وطالعة و بيل ديالها قصير بلازرق وشيبي و البيض لبست بالغين بالبيض و ساك بيض و ساك اخر فيه حوايجي
نزلت لتحت لقيت بابا و ماما و داك بجغوط
انا;(بست بابا ومامَا)صباح النور
بابا;صباح الخير كيف بقات يديك
انا;لا دابا مزيان راه مابقاتش كتضرني
بابا;ايوا وجدتي راسك غانقول المعطي يديكوم
انا;ماكين لاش اباب راه واحد دري كيقرا معايا عندو لوطو
بابا;اووك حدي غي راسك راه عيطت لعايشة قلت ليها بلي راك جايين باش تخمل تم و توجد ليكوم الماكله
محموود;هي لي كاتعامل معاها مزيان و انا اي حاجة نطلبها من خاصني نهار كون قلت ليك بلي باغي نمشي المزرعة كون عطيتيني محاضرة
بابا;حيت كنعرفك اش كتسوا نحصب ليك مصايبك و لا بلاش نسيتي ول بارح قلتي ليا غادي عند صاحبي نراجع ,ها؟ايوا قول لمك فين كنتي قوليها ولا بغيتيني نقول ليك انا ؟كتصحابني ناعس فدار غفلون راه اي حاجة كتدير كتوصلني غي كنبغي نميك
انا;انا ابابا غادة (بستو)نشوفك من بعد
بابا;الله يرضي عليك واش ماخاصك والو ؟
انا;لا راه هزيت معايا كاغط بونكيغ لا خصاتني شي حاجة ناخدها ميرسي
خرجت و ركبت مع الشوفور كيف العادة لقيت زينب كتسايني ههه كانت لابسة بيل طويل كحل فيه دوغي مستيلي و كولون كحل و تجاكيطة ديال تجين و بالغين فيها الكحل و دوغي و ساك كحل و ساك فيه حوايجها
انا;ممم الناس بقلو اللوك ديالهوم ولا سبور
زينب;ههه الواحد هو لي بدل شوية ولا نو؟
انا;لا يعيني يا عيني احم واحم واخا عارفة لاش مبدلة
زينب;هه والله يقلل من حياك
انا;صافي هه هانا ساكتة عنداك تجي من المزرعة حامله؟
زينب;هه تفو علا قنس كيف داير
انا;(هزيت سيكاني)نزلي نزلي ,,,با المعطي بلا متجي ليا من بعد انا مسافرة
با المعطي;واخا الالة
نزلنا لقيت انور و حاثم حالين فمهوم فينا و زينب في دنيا ثانية
انور لابس بيل بيض مgفدو و قميجة نص كوم غري محلولة و سروال سلييم باج و سبرديلة بيضة طالعة جا تيتيز
ما سي حاثم لا يقل اناقة قميجة بيضة نص كوم لاصقة عليه مع هو مفورمي جاتو خطيرة و سروال كحل مقطع و سبرديلة كحلة مع بدل اللوك ديال الشعر و قاد اللحية اهيا اري تيتيز انا تزعطت ههه
انا;هيهو واقيلة شفتونا متقلين و نتوما ساهيين
حاثم;ها؟اش قلتي اه اري ساكك (خدا لي ساك و دارها في الفيراري الحمرا لي عندو ليسي كاملة كتشوف فيها و تشوف فينا وتشوف فيه ههه)
انور;حبيبة اري ساكك نحطو في لوطو (حتا هو عندو واحد اودي في الابيض زوينة )
انا;يله ازينب ندخلو نتي عارفة عندنا داك خاينة ثاني
زينب ;اوك اوك
دخلنا انا و حاثم و زينب الكلاس عند داك الماط ثاني غي الله يدوز هاد نهار بيخير ماباغاش نخسر المورال دقينا ودخلنا مع حطينا رجيلنا مع التخنزيرة فيا و في حاثم طلعنا حتا الفوق و نزلنا حتا انا ماشي من العاقزين درت ليه واحد تخنزيرة زعما اش كاين ودخلت برك
كريم;جبدو اوراق مزدوجة عندوم فرض
الكل;تصدم كيفاش فرض استاد و ماعلمتيناش ؟
كريم;(كغوت)علاه خاصني نعلمكم عاد ندير ليكوم فرض ايوا انا بغيت نديرو علا غفلة باش نشوف المستوا ديالكم واش كتحفظو ولا (كخنزر فيا)عاطينها غي الدوران والتسلgيط
كريم;يله سكانكوم حطوهوم هدا السبورة و خليو غا ورقة التحرير و ورقة ديال الوسخ وكالكيلاتريس
الكل ;دار داكشي لي قال انا جيت نحط ساكي وهو ينطق
كريم;غنراقبك اتديري هك ولا هك مغنرحمكش
انا;هههه ضحكتيني يا مسكين كتصحابني غنقل ههه غا حضي (وغمزتو)عندا تبقا حاديني و تلف
مشيت بركت في بلاستي وهو فرق علينا اوراق ديال الاسئلة
انا تحنيت علا الورقة مهزيتهاش واخا كانو الاسئلة صعاب مي الحمد لله في الدار كنراجع
كريم;بقات ليكوم خمسطاش دقيقة (وكيخنزر فيها)
بقيت كنخرج حتا حيد لي داك خاينة الورقة
كريم;سالا الوقت
انا;باقي لي غاسؤال و زيدون علاش بديتي بيا غي انا
كريم;انا الاستاد و نبدا من عدمن بغيت ماشي سوقك ؟
انا;(عطيتها ليه)اووف علا بشار كيف داير
كريم;شنو قلتي؟
انا;والو
كريم;ايوا الله يعميها ليك فهاد النهار
انا;خلعتيني كنترعد
حاثم;(تدخل)وجدان صافي تهدني
كريم;(خنزر فيه )وشكون قاليك تدخل برك بلاصتك
زينب;وجدان صافي رتاحي راك باقا عيانة
انا;(مشيت حدا السبورة وهزيت ساكي وتميت خارجة)
كريم;فين غادة الالة عدنا زريبة
انا;ايوا مزيان من كتعرف الزريبة بعدا ,,سالا الامتحان ويمكن ليا نخرج
كريم;واش عطيتك الادن ؟قلتها ليك ؟واحطي ساكك و بركي
انا;بغيت نخرج ايوا قيدني فلاليست ابسونس(تميت خارجة وهو يشدني من يدي)
كريم;(كهدر تحت سنانو)اتدخلي تبركي قبل مايعجبك حال
انا;(كنشوف فيه فعينيه )مغندخلش اش غدير
هو;غن,,,(بقا كيشوف فيها و كيدقق في ملاميح وجهها
وحتا انا بقيت كنشوف فيه اول مرة انلاحظ لون عينيه الخوضر زوينين وجهو زوين بقينا كنشوفو في بعضنا حتا فيقنا صوت الجرس
سرسر
انا;(نترت يديه)ايوا هالجرس ضرب واخر مرة تحط يديك عليا ماغايعجب حال
كريم;اش غاديري (بابتسامة جانبية)اتبقاي تشوفي في عارف راسي بوقوس
انا;هاهاهها مغرور اوليدي فراسك باقي مكتعرفش وجدان مزيان منشوفش في واحد فحال واخا نبقا غي انا وياك راه نت لي بنتي لي تلفتي مي نعضرك لي شافني كيدوخ يله نخليك (وخرجت و خليتو)
زينب;معرفثتش اختي اش عندك مع هاد الاستاد كيف المش مع الفار
انا;راه هو لي كيجبدني مي لي فيا مكنحملوش اووف تقيل علا القلب و حاس براسو مغرور و متكبر قاليك تزعتي فيا هه مسكين تايق فراسو بلا قياس
زينب;هههه ابشوية عليك ابشوية عليك عنداك تفgعي ههه
انا;(تنهدث)اووف يله مابغيتش نطيح المود علا قبالو يله نشوفو ثاني هاد الانجلزية انا باينة داعي فيا شي حد و مات بغيت نطلب مني اسماحه و صافي
زينب;هه زيدي زيدي
دخلنا عند استاد الانجليزية بركنا في بلاصتنا دخل سلم و بدا كيشرح لينا الدرس و مرة مرة كيشوف فيا توما هادو مالهوم معايا مي حتا انا منكدبش طول الحصة كنشوف فيه معرفتش بحال دوك الملامح ماخافينش عليا كنحس بلي كنعرفو فين و امتا الله وعلم طول الحصة محيدتش عيني عليه عنداكوم يمشي بالكم بعيد نو ماشي تزعطت فيه واخا هو بوكوس مي كنحس بيه قريب مني بحال بابا ولا شي حد من عائلتي مفهمتش داك الاحساس لي كنحسو من كنشوفو اووف
خرجا من المدرسة لقينا انور واقف علا لوطو ديالو و حتا حاثم المدرسة كاملة كتشوف فيهوم هه عادي حيت هوما التيتيز ديال المدرسة ركبت انا مع حاثم و زينب مع انور و مشينا حنا القدام و هوما مورانا
الطريق كاملة انا و حاثم مقربيلنها شطيح و غنا و غوات و ضحك هههه مسطي داك خاينة وقفنا في محطة الاستراحة حيت الطريق باقا طويلة و انا جاني الجوع كلينا خرجت انا سبقتهوم برا لفت وجهي كنحس بحال يلا شي حد مراقبني كنعاود ندور مكنلقا والو قلت يمكن غي كنتخايل و صافي صالاو وركبنا ثاني كملنا الطريق ماوصلنا حتا الربعة ديال العشية خمسة السوايع ديال الطريق اووف
نمشيو عند سي كريم نخليوه يتكلم
فقت ليوم خاسر اصالا لبارح بايت سكران انا وفهد من بعد مشفتاه قابطة فيد داك خاينة كون مكنتش غادي الخدمة و كون نزلت نشتف عليهوم مشيت الخدمة ساخط لي دوا معايا ندور فيه حتا فهد كمل عليا قاليك حقا ما حقا كتشبه لختو اسيل و هو قول السيد داخ من شافها درت فيه قلت ليه بسع منها و ختو راه ماتت المهم رجعت لداري و معايا فهد وواحد اللصقة ديال ليلى خدامة معانا بدينا كنشربو كاملين حتا هي معانا الدريات ديال اخر الزمان سكرنا و انا بالي كله مع وجدان معرفثش اش كدير فيا هاد الاحساس عمرني جربتو كنبغي نبقا غي معاها و نشم ريحت شعرها لي كتجدبني و ما عينيها اووف كيعليو قلبي كيضرب كيضرب كيضرب ومن شفتها لبارح كتقول ليهوم بلي غادين المزرعة و غادية مع داك غزوزو لي باين طايح فيها فحال الخرين عاد شاد لبارح باركين يتمعشقو لي محلتش راسي اش هاد الاحساس لي عمرني عرفتو لعافية شعلات في مكرهتش نقتلهوم المهم سكرنا و ديك خايتي كتحلون علي وتحكحك وهاد الوقيتة دخت ولات كتبان ليا فصورة وجدان حبيبتي قربات ليا معرفت اش درت و نعست معاها ,,,فقت خاسر راسي فحال البيضه حليت عيني لقيت ليلى عريانة في فراشي تفكرت وجدان زدت حقدت مشيت المدرسة ناوي علا خزيت شفتها داخلة هي وداك زامل و صاحبتها جاية ليا مقادة و مصايبة كلشي كيشوف فيها باينة مصايبة علا قيبالو قلت ليهوم عندهوم فرض عرفتهوم تصدمو مي بغيت نبرد غضايضي دوزوه وانا كل مرة نخنزر فيها و نمعني عليها بغيت انعصبها خديت ليها ورقة الامتحان تصادعت معاها تمات خارجة و انا نحبسها بقينا مناقرين واحد اللحظة بقات كتشوف فيا بدوك العينين لي كدوخو و يحمقو الله قلبي ايسكت دوك الشفايه لغوز معكرين من عند الله صغيورين كنت غانزل عليهوم كون مافيقني صووت الجرس بغيت نفقسها ساعة عطاتني علاش ندور نيت كنتلف من كنشوفها مشات عندها حصة عند فهد انا دخلت القسم كنقري وبالي معاها حيت عارف فهد كيحس بشي حاجة جيهتها اوووف باقو مافاريتها حتا مع واحد تزادني ثاني الله ياربي
سالات الحصة حتا غفر لي الله الدونوب خرجات و تبعتها كان داك الزامل كيتبعصص قدام ديك الفيراري لي عندو زعما فرحان بيها ركبات معاه و مشات صاحبتها معا صاحبو و مشاو و انا وراهوم هه الطريق كاملة وهي كتخرج يديها و راسها من الشرجم باينة محايحة تم مكرتش كن كانت باركة معايا انا في لوطو تفقست بقيت غا كارو تابع كارو معرفتش شحال كميت وقفي في مكان استراحة بقيت انا مراقبهوم خرجات هي اللولة كان لبرد كيلعب ليها علا شعرها حسدتو هو بعدا كيلامس بشرتها واحد شوية سهيت فيها دارت كانت علا بونت تشقمني اووف كنت انحصل رجعو شدو الطريق ثاني و انا وراهوم حتا وقفو قدام واحد باب لمزرعة باينة قدها قد السخط غا لباب قداش و لي gاردكور حدا لباب دخلو و انا بقيت واقف في الشارع كانصاين شوية عيط ليها فهد حيت كنت نعت ليه فين انا قاليا راه قرب يوصل عليا بعد مدة و انا كنتعدب حتا وقفات عليا لوطو ديال فهد ومعاه ديك خيتي ناري جريت فهد عندي و انا شاعل
انا;اش كدير افهد هاد خيتي معاك
فهد;راه من كنتي كتهضر معايا سمعاتني و لصقات فيهانتا راك عارفها كثر مني ملقيت منقول
انا;اووف علا نهار ديال الويل راهوم دخلو
فهد;وا هادي كولها غا مزرعة شوف السور قداش شادة شاريع علا قدو غا لي Gاردكور شحال باينة خانزة فلوس كونت كنصحاب غي حنا لي بوكو عاقة هه ساعة حتا هي هه
انا;دابا خليني من هادشي خاصني ندخل لديك المزرعة باي طريقة كانت
فهد ;ممم عندي واحد الحل
انا;شناهو
فهد;غاسكت و تبعني
وصلنا المزرعة
حاثم;واااو هادي كولها مزرعة
انا;هه وي
كلاكسونينا علا الفيدورا شافوني عطاو الادن باش يتحل الباب
زينب;ههه ماشفتي والو هادا راه غي الفاس اللوول راه مزرعتهوم كبيييرة تقول غابة وفيها جميع انواع الفواكة
انور;ههه وجدان منتحولوش زعمة نسكنو هنا
انا;هه مرحبا الوقت لي بغيتي تجي غا قولها ليا ولا عاليك
مي عايشة;الله الله علا قطيطتي جات (وكتعنق وتبوس فيا)توحشتك بزااف
(وباست زينب)ونتي اشيطانة توحشتك حتا نتي
انا;لهلا يخطيك امي عائشة ,,,الدراري هادي مي عائشة هي وراجلها لي مكلفين بالمزرعة وحادينها ,,,مي عائشة هادو صحابي كيقراو معايا
مي عائشة;مرحبا مرحبا دخلو بعدا ستاراحو باينة عيتو من الطريق و من بعد نزلو اتلقاو لعشا واجد
انا;لهلا يخطيك
دخلنا للدار لي هي عبارة عن فيلا كبيييرة مع الدخلة كينين ثلاثة الصالونات واحد عصري و جوج بلديين كباااار و كزينة كبيرة و جوج حمامات ,,ثلاثة لبيوتة كباار ديال النعاس واحد ديال مي عائشة وراجهلها و جوج خاوين,,كتطلعي مع الدروج كتلقاي ثمانية البيوتة كبار بحماماتهوم و مكتب و جوج صالونات واحد بلدي بحال سيسطيم ديال العروبية مفرش في الارض مي مسروع كيعجبني و صالون اخر سيسطيم اوروبي لي فوطوي و داكشي و بيت اخر ديال الرسم هداك ديالي و طاج الاخير فيه حمام كبير و جاكوزي و صال ديال الرياضة بجميع اللوازم ديالها و بيسين مغطي حيت بابا واخا هكاك ماكيبغيناش نتعراو قدام الفيدورا هدشي لاش دار بيسين في طاج الاخير و مغطي مي واعر ههه مانسيت ليكوم والو ياك ههه
المهم طلعنا الطاج الاول كول واحد وريتو بيتو عجبوهوم و انا شديت بيت ديالي كبيير مصبغ بالكحل والغري و الاحمر الواني المفضلة و فيه ناموسية دايرة بالاحمر و الابيض ماريو كبيير بالغري و بلازمة كبيرة و صالون صغير جوج فوطويات و طابلة و حمام بالبانيو ههه المهم دخلت اول حاجة درت الى الحمام حيدت عليا العيا ديال الطريق و خرجت نشفت شعري و بدلت لبست بيجامة صيفية عبارة عن شورط و ديباردور و درابتها بنعسة لمدة ساعة ونصف هوكاك من بعد لبست طريكو كحل فيه لبيض نازل من الكتف و شورط ديال دجين و بالغين كحلة ونزلت لقيتهوم باكين في الجردة برة
انور;ههه طلعتي مابقيتي نزلتي
زينب;انا عارفاها ضرباتها بنعسة
انا;ههه جابتيها لاصقة والله
جا عندنا الكاردكور;انسة وجدان واحد الناس قالو راه خصرات ليهوم اللوطو في الطريق و مالقاو حتا ميكانيك هنا قاليك طالبين ضيف الله مابغيتش ندخلهوم حتا نتشاور معاك
انا;قاليك شي ناس خصرات ليهوم لوطو فهاد البلاصة و حيث هنا ماكين لا ميكانيسيان لا والو بانت ليهوم المزرعة قريبة و طلبو المساعدة ,,,(شفت في الكاردكور)يله نشوفو شكون هادو
حاثم;اطط نمشي معاك
مشينا انا و حاثم و الكاردكور نشوفو شكون هادو المهم وصلنا حدا لباب
انا;فينا هوما
الكاردكور الثاني;راهوم برة ا انسة وجدان
انا;اووك عيط ليهوم
عيط ليهوم كنت كنهدر مع حاثم حتا سمعت تحنحين هاد الصوت كنعرفو درت و انا نتعنز هادا اش جابو لهنا
انا;نت ؟
كريم;نتي؟
فهد;انسة وجدان؟
صدمة ثلاثية الابعاد
انا;اش كاديرو هنا ؟
فهد;احم راه كونا غادين لاكادير و وصلات بينا اللوطو لهنا و خسرات عينا مالقينا حتا ميكانيك و دنيا هنا مقطوعة ومع الظلام دابا طاح حتا شي اوطيل مابان لينا غي هاد المزرعة قلنا نطلبو زهرنا لا علة وعسا
كريم;(كيجر في فهد بلعاني )صافي ماكين لاش انشوفو شي بلاصة اخرا
فهد;تهدن اصاحبي راه حنا في موقف ماشي ديال التشراط
انا;خليه لا مابغاش ,,,ايلا مكنتيش خايف علا راسك خاف غي علا الدرية لي معاكوم مخفتيش يتعرضو ليكوم شي حد
فهد ;وجدان عندها الحق اصاحبي يله ندوزو غا هاد الليلة حتا الغدا ويحن الله
هي راجعة اللور وهو غادي لجيهتها حتا لصقات مع الباب هو حط يديه علا لباب بجوج و هي وسطو قرب منها حتا مابقا ليهوم والو بيناتهوم و شعرو كيتقطر علا وجهها
كريم;ش بان ليك نفكرك ؟
وجدان;اه بغيت نقول لا ,,,تفكرت
كريم;(زاد قرب منها)مم اش تفكرتي (بعد ليها زغبة علا وجهها و كيشوف فعينيها )مم قولي؟
وجدان;(تحبسات فيها النفس وراتو لحوايج ويديها كيترعدو)ديك الدرية لي معاكوم بغات ماتلبس و جبتهوم ليها و كنصحاب هادي هي غرفتها
كريم;(زاد قرب ليها حتا تخالطو انفاسهوم)مم زعما ليلى هي لي جابتك (وكيشوف في فمها حتا قرب ليه وهي تدفعو وحلات لباب و خرجات )
وجدان;(شادة فقلبها و كترجع النفس)اوووف قلبي كان شوية ويسكت ليا ياربي علا حشمة بقيت حالة فيه فمي مي ناري علا فورمة عندو سكتي يا ديك الزبلة نسيتي شكون هو عدوك اللدود اووف الله علا فيم و عوينات تي اش سايرة تخربقي سيري دي لهاد الخرية ماتلبس بغيت لمها غبارة تفو و مشات
انا;لالا ماكينا تاحجة من هادشي المهم يله ندخلو راه مي عائشة وجدات العشا
الكل;اووك
دخلنا وبركنا في طابلة حطات مي عائشة العشا عبارة عن اللحم بالبرقوق و الدجاج محمر و شلاظة و العواصيير
نزلو هادوك بركو معانا في الطابلة حطات مي عايشة لعشا
فهد;امالك الميمة عدبتي راسك كنتي تصايبي غا شي حاجة خفيفة
مي عايشة ;ماكين لاعداب لا والو اوليدي مرحبا بيكوم
حاثم;هادشي باين عليه بنين الميمة شكرا
زينب;هههه باقي ماشفتو والو مي عايشة راه هي شاف موحة ديال الدار ههه ماكين بن من طايبها
انا;ههه بركي امي عايشة
مي عايشة ;لا بنيتي نتي عارفة باك الحسن مايقدش ياكل بلا بيا
ززينب;واسيري عايطي عليه وجيو
هي;واخا ابنتي الله يرضي عليكوم (ومشات)
ليلى;عامرني شفت الخدم كياكلو مع سيادهوم انا منقدش ناكل معاهم
الكل;خنزر فيها
انا;سدي فمك ولا ماغيخجبك حال عمرك تعاودي تقولي هاد الهضرة فهاد الدار ماكينش الفرق بين الخدم و بين مالينها هاد المرة دوزتها ليك حيت ماسمعاتكش مرة اخرا اتكون هضرة خرا
ليلى;شفتك ادويت ونتي تلصقيني ,,,
قاطعها كريم ;سدي فمك ولا نهرسو ليك جاية ضايفة و كتدخلي فشؤون لي ماكيعنيوكش بركي لا باغا تبركي معجبك حال سيري
انا;معرفتش مي هاد الصوت فايتة سامعاه فين الله وعلم
كريم ;ماجاكومش بلي فات الحال يله نمشيو النعسو
ليلى;بب باقي الحال (بغنج)
كريم;:(خنزر فيها )راه فات الحال
فهد;حتا انا حسيت بنعاس و العيا ديال الطريق قتلني
انا;اووك يله الدراري حتا حنا النعسو حتا حنا عيينا
االكل;ناد
طلعنا الطاج الاول
انور;وونوي الحبيبة
زينب;بونوي
حاثم;بونوي الزين
انا;هه بونوي تبوGيسة ههه (شفت في فهد و كريم و ديك الزرقة) بونوي
هوما ;ليلة سعيدة
ماهي ;(ماحاشاتهاش ليا دخلات ديريك ولايني مشطبة هادي كحلة دخلت لبيت وتلاحيت فالناموسية جبدت تيلي عيطت لبابا طمنتو عليا و تمنيت ليه ليلة سعيدة بدلت حوايجي لبست بيجامة صيفية و تخشيت في بلاستي
شعلت التلفزة و بقيت كنتفرج شوية هو يجيني العطش اووف اخيب حاجة تجيك ديك الساعة ماتبغيها لعدوك اكثرية لاكانت لقطة متوتزة تفوو نضت علا وعدي وسعدي نجر في رجلي مع الدورة مع الصدمة ليلى خارجة من بيت كريم كتسلت لاوية عليها ليزار عريانة تفوو علا كنس ماكيفلت حتا فرصة وانا مالي علاش بقا فيا الحال بالناقص من هاد الماء قاع دخلت لبيتي وانا ساخطة علا الوضع مي علاش تقلقت و انا عارفة؟سولي راسك نتي لي كاتبة القصة (انا نقوليك)لا بلا ماتقولي ليا ديها غافراسك خليني نرgد قبل من برد فيك غغدايدي (انا اختي غادة تصبحي علا خير)هي هديك دخلت و انا كاعية مفهمتش علاش حتا من الماء سمحت فيه اللهم نتخشا في بلاصتي,,شديت فراشي و تكيت و انا كل تفكيري ف كريم من اول مرة تلاقيت معاه حتا لقبيلة من كان عريان ناري قلبي بدا يضرب ,,يمكن زعما ؟لالالا مايمكنش غي حيت ديما مناقرا معاه هادشي علاش كنفكر فيه سيري ابنتي وجدان تنعسي حسن ليك راك غتحماقي و انا نغمض عيني وضربتها بنعسة
نمشيو عند كريم التيتيز
من بعد ماخراجت و جدان من عندي بدلت ونزلت نتعشا ماخالاو ماحطو لينا و وجدان قالت للسيدة لي مقابلا ليهوم المزرعة تجي تعشا معاهوم عرفتها قلبها زوين و مافيهاش ديك العياقة ديال صحاب كيليميني حتا نطقات ديك خيتي ولكن عجباتني فيها حتا انا درت فيها من بعد بدينا ناكلو وههه سيدة نزلات راسها مهزاتوش ههه تقول رابطينها انا تسدات ليا الشهية هه بقيت اكنشوف فيها ونضحك عجباتني الطريقة لي كاتاكل بيها مامسوقة الحد هه سالات و بدات كتشوف فينا ببراءة زعما مادارت والو ههه حمقة و خلاص هه سالينا و جمعنا حنا الدراري الميدة و هوما تكلفو بغسيل الماعن انا بقيت امراقبها لي عصبني هو حاثم لي ماحيدش عينيه عليها مكرتش نهرس ليه شي عظم حتا من فهد ابارك و يدوي عليها المهم سالاو و بركنا في الجردة و وجات ديك اللصقة ثاني تخشات فيا و كتخنزر في وجدان انا خنزرت فيها مي قلت نشوف ردة فعل ديال وجدان ساعة هي مامسوقاش اووف واش ماعندها قلب زعما راه قالتها نيت قالت ليك معندهاش كلمة حب في قاموسها اتسناي احبيبتي دابا نكتبها ليك ههه حتا داك سي حاثم قاليك كيحبها هادي ثلاثة سنين و كيتسنا الفرج دابا اوليدي جي ابقا تسنا ههه المهم بقينا لاعبين حتا قالت ليها زينب لي معرفت فين كنشوفها كتجيني صورة اية معرفت هادشي المهم قالت ليها غني ايوا كملات حتا الغنا كتعرف ليه و جابت ليها كيطار صافي انحماق ,,وزاد فهد كيقول فحال الكيتار ديالو ايوا هنا كملات بحال زعمة كيقول ليا بلي القدر جمعنا غا حشمت ماكون جمعتو المهم بدات كتعزف وبدات كتغني اش غقنول ليكوم داك الصوت عندها كيف داير سافرت مع عزفها و صوتها لي تغلغل لداخل بقيت اكنشوف فيها ندقق في ملاميحها و حراكاتها مكرتهش العالم يتمحور غي علينا فديك الساعة كتجيني كل كلمة كتهضر علينا تخايلت كنرقص انا وياها ومعنقها حتا من سي فهد بدا كيغني معاها حتا هو صوتو زوين ولكن جاتني الغيرة اكثرية من سالاو وبداو كيشكرو فيهوم بحال ايلا زعما واتاو بعضهوم اووف حتا هي قالت ليه بحال ايلا سامعة صوتك فشي قنت ايوا كملات زعمة تكون كتحس من جيهتو بشي حاجة (اسي راك غالط)المهم تعصبت مي مابغيتش نبين قلت ليهوم فيا النعاس كل واحد طلع لبيتو وتفتكات الجقلة دخلت لبيت حيدت حوايجي حيت خوكوم كيبغي ينعس سولو غا بالبوكسور ههه بقيت كنفكر فيها حتا تسلطات عليا ديك المصيبة ديال ليلى جاياني لابسة شورط قصير و ديباردور لاصق تخشات حداية و باركة تحكحك عليا و تبوس انا معرفت كيف درت وفقدت السيطره كيف ماكان كنبقا راجل حتا انا معطلتهاش بديت كنتجاوب معاها و نبوس و نعض عريتها وطلعت فوقها كنبوس فقنانفها و فعنقها و نبغج في صدرها معرفت كيفاش حتا جات صورة وجدان قدامي بحال يلا كنخونها حبست سبيتها وقلت ليها سيري تقودي لوات عليها ليزار وخرجات انا رجعت لبلاصتي اووف اوجدان اش درتي فيا تاوحدة مقدات تجي في بلاصتك اش غندير معاك حرت انمشي نشوفها (برك اصاحبي)لا والو خليني اختي نمشي عندها قلبي باغي يشوفها(سير اخويا سير )شكرا ,,,مشيت كنتسلت لبيتها طليت يمين و شمال وحليت لباب ديال بيتها واااو كيف داير غزال ,,مشيت بلا حس لبلاصتها ههه ضحكت بلا هواية علا نعسة دايرة نصها في لارض ليد مليوحه و الرجل في لارض و يد خاشياها في صدرها هههههه و رجل وصلاتها المنهاتن ههه قربت ليها شعرها كان مدرق ليها وجهها مديت يدي بعد تردد حيدت ليها دوك الخصلات الله علا وجه عمرني شفت شي درية ناعسة ومبتسمة غا اميرة وخلاص تحنيت عندها بدون شعور وطبعت قبلة فشفايفها ناري شحال زووينين و بقيت كنبوس فيها و هي والا فهاد العلام شفايفها صغار و وبنان بقيت هكاك حتا لقيت راسي جبتو بلا هواية اخر ايامي وليت برهوش غابوسة وش دارت فيا بلعت ريقي ونضت قبل مانغتاصبها رجعت تاني بالحس دخلت ندوش علا وعدي وسعدي خرجت لبست كالسو و تخشيت في بلاستي غمضت عيني و كنتفكر نعستها كيفاش نقدر نعس و انا حبيبتي فارقني معاها غا حيط مكرتش نتخشا حداها و نتخشا فحضنها و نشم ريحتها ناري كيف دايرة ما دوك القنينفات مكرتش نطيرهوم ليها بنان نعس اكريم نعس ها المعلم تاني فاق ماقاد علا تدويشة ثاني فها الليل استغفر الله العظيم قرا شوية القران ههه ولعن الشيطان و نعس
اصبحنا و اصبح الملك لله
الللللللله(كنتكسل) نضت مشيت للدوش قضيت حاجتي و دوشت خرجت نشفت راسي و شعري,لبست شورط عبارة عن سالوبيط و بيل نص كوم غوز و سبرديلة بيضة رشقات ليا علا gرينات هههه درتهوم وينو وينو كيف جيت الله يخليني ليا رشيت ريحتي لافي إ بيل ونزلت لقيتهوم كيفطرو
انا;صباح الخير
كريم;(صابح مرقد وكتقولي صباح الخير منين جاه الخير و نتي لابسة هكاك فخادك كلهوم عريانين )(كخنزر في حاثم لي ريوgو نزلو)
الكل;صباح الخير
بركات حدا حاثم و مقابلة مع كريم
حاثم;(كلعب ليها في شعرها)هههه جاو معاك الgرينات يال المعزة
انا;(خنزرت فيه)المعزة هي مك اتاكل وتسكت ولا نخشي لخويا وجهو في الطبسيل
زينب;امالك شاعلة علا الصباح ياكما باقا متكفيتيش ,,,مي عايشة مي عايشة جيبي لهاد خيتي قهوتها راها صابحة مقطوعة الله يستر ,,,(شافت في فمها)اجي مالك في فمك
كريم;(وحلات ليه من سمعها تفكر البارح من باسها و جعر هو لي جرحها)احاح احح احح
ليلى;(عطاتو لماء بخوف)هاك شرب مالك
انا;والله ماعرفت فقت لقيتها ايكون غي حب الصهد و صافي
كريم;(لهلا يوريك اشمن نوع ديال حب الصهد ههه )
زينب;اه ممكن
مي عائشة;هاكي ابنتي قهوتك و ولي تنقصي منها الله يهديك
وجدان;ماشفتيش وجهك كيف ولا عينيك خرجو ههه و نت هه تهههههههههههههه(وطلقاتها بواحد الضحكة ديالها المعتادة الكل تهز معاها كيضحك مابقاوش كيضحكو علا كريم ولاو يضحكو علا الطريقة ضحكها حتا من كريم عيا مايحبس فيها فالاخير هو يستسلم )
الكل;ههههههههههههه(هي صافي شداتها مابغات تطلقها كل مرة كتبغي تسكت كتفكر كتسرح ثاني )
كريم;(نسا راسو وبقا غا كيشوف فيها و سارح في ملاميحها الطوفولية و كيفاش عينيها كيتغمضو و ديك الغمازة كتبان من كتضحك ووجها كيولي حمر )
زينب;ههه داك النهار مايتنساش ليا شكون كان يقول استاد جمال و وجدان ايتجمعو في طابلة وحدة كانو ديما فحال املش مع الفار
وجدان;انا ضريفة غي ليجبدني
كريم;اه بصح غارقة في بير مسكينة
وجدان;هاوا بدا تاني
الكل;بديييييييتو
صالينا الفطور و توجهنا الاسطبل
انور;واش قاع هادو خيول عندكم
انا;ههه وي بابا كيموت على شي حاجة سميتها الخيل كان كيتسابق بيهوم من كان صغير وحتا انا علمني انا و زينب هادو كلهم خيول عربية مي الزوين فيهم هوا هاد التيتيز ديالي (خيل اسود كيف كيقولو الدهم )ياك ابرق نت هو الزوين فيهوم (كتلعب ليه فراسو وكتبوسو)
زينب;حتا رعد ديالي زوين مالك حقرتيه ولا شنو (مشات عندو كتلعب كتبوس فيه كان حصان برتقالي و فيه البيض)كتحقرك هاد خايتي ياك احبيبي
انور;وابقاو تحابو ليا تم مع العود و حنا نتفرجو فيكوم
ليلى;(يخ على برهوشات خصوصان ديك خايتي حاسة براسها و حتا كريم ماحيدش عينو عليها بعلوكة كيف دايرة )
كريم;لي سمعكوم هكا يقول راه كتطيرو في الخيل و نتوما حتا الركبة متعرفوش ليها ههه
وجدان;(بغضب)شنو شنو مسمعتكش قاعمة كينة لي تعرف الخيل فحالي
كريم;ههه ضحكتيني والله يله بيني ليا
وجدان;كتحداني ؟
كريم;(خرج عينيه)نتحداك
انور;سطوب سطوب (دخل وسطهم)مالكوم علا حالتكوم تسابقو و لي ربح يحكم علا الخاسر اش بان ليكوم
كريم;انا واجد شوف غا الانسة لا تكون خايفة
وجدان;(بتحدِي)احنا انشوفو شكون غايخاف انمشي نلبس و نجي زينب عيطي ل با حسن يعطيه مايلبس ويوجد ليا برق ونت ختار الخيل لي بغيتي
مشيت انا لبست سروال كوير كحل لاصق و بيل ميني كحل و تجاكيط كوير كحلة و ليبوط طالعين كحلين و ليgات كحلين ونزلت عندهوم
حاثم;(حل فمو و صفر)فثثس ماهدا ياإلهي واش نتي غدا تسابقي و لا شنو
فهد;في الحقيقة جات معاك اللبسة ههه
ليلى;واماتزيدوش فيه عادي
انور;لالال الكدوب على الله حرام يو لوك سو سيكسي
انا;ميرسي فين هو هدا ياكما خاف
قاطعها وهو خارج من الاسطبل وجار معاه العود لابس سروال باج و قاميجة زرقة و ليبوط مارو و لافيسط ;هاهو نتي لي تعطلتي كنصحابك ات....(داخ من شافها بديك اللبسة بقا يطلع فيها من التحت حتا لفوق و كيبلع في ريقو عينيه خرجو وهو كيشوف في جسمها و وقفتها وهي شادة برق )
وجدان ;(حتا هي سهات فيه لوهلة عاد فاقت)احم احم بدينا (وركبات على برق ببراعة )
كريم حتا هو ركب على الحصان ليختار و تقابل معاها
زينب;السباق ايبدا من هنا حتا لديك التلة لهيييييييه را كتبان من هنا و غدورو (كتنعت بصبعها)على ديك شجرة و ترجعو لجهة التلة و ترجعو
انور;هدا مابقاش سباق هدا راه مرطون
وجدان;مشات
ليلى;(بغنج)كنتمنا ليك التوفيق احبيبي
كريم;(كيخنزر فيها)ميرسي
فهد;انا مع الرابحة ههه
زينب;انا عارفة وجدان اتربح
حاثم و انور;حتا حنا
كريم;احنا انشووف
زينب;(مشات عند وجدان)مستعدة؟(كابرات بالعود معلنة استعدادها)(مشات عند كريم)مستعد؟(حتا هو دار المثل وكيخنزر في وجدان)يله واحد جوج ثلاثة انطلاااااق
وبدا السباق فالاول كريم هو لي تقدم وكانت وراه وجدان
وجدان;يله ابرق بسرعة بسرعة (وبدات كتقرب منو حتا ولات حداه )
حاثم;هه كتبان فحال شارلوت (بطلة العالم في الفروسية )
ليلى;شفتي حبيبي جمال هو لي سابقها وهو لي غايربحها
فهد;(كفكر)لا مانظنش انا هاد الحركة كانعرفها اتجيبو حتا للشجرة و غاتسيف عليه شفتي كيف جمال معصب مع الخيل و هي مطلوقة بحال غي كتمشا انا كنقول وجدان لي غتربح مي,,,(هادي الركبة كان كيديرها عمي من كان كيستابق )
كريم دار اللول علا التلة و نازل للشجرة باش يدور عليها و وجدان وراه ببعض سانتيمات دار علا اشجرة (دار ابتسامة كبيرة حيت هو اللول)
وجدان;برق هدا هو الوقت (كانت شادة اللجام غا بيد وحدة ,,ضرباتو في جنبو و شدات اللجام بجوج يدين و تحنات )يله ابرق سرع
برق من بعد ديك الدقة لي ولا حافظها و ديك الشدة باش تحكمات فيه ولا كيسرع لدرجة كيخلي اثار رجليه في الارض وصلات حدا كريم و غمزاتو و طارت هو بقا حال فمو في الغمزة عاد نتابه بالعجاجة لي خلات وراه ماجايقول للحصانو سرع حتا كانت ضربات حتا التلة وراجعة عند الدراري ,,وصلات هي اللولة عاد وراها بشي جوج دقايق كريم
الكل;كيصفق
زينب;ياك قلت ليكوم بلي وجدان هي لي غتربح ولا لا (كتعيب في ليلى)حبيبي جمال هو لي غيربح هههه
لعبة القدر الجزء الثاني
محتوى القصة
التنقل بين الأجزاء