لعبة القدر الجزء الرابع

ركبت في لوطو بعد ما شهدت على روحي بعدا درت ابتسامة زعما راه ماسرا والو حطيت قزيبتي في الكرسي ,يله انتلفت عندو باش نقول السلام مع غنطق س مع سلاي حسيت بالضوو مشا و جا من عيني و عيني ليسرية بدات كتفرفر ,شديت فحنكي وشفت فيه وهو يشدني من شعري و زير عليا و كيدوي معصب;واش انا مخليك في القسم و نتي جاياني مضاربة و محيحة دوي ,,,

يله غنطق و هي تجيني بالا للحنك اخر الحمد تقادو حناكي غي هو جاني ارتجاج في المخ ;اه وباركة تعايرو من الفوق (زاد زير علا شعري )شكون هادوك لي كننتي كتدوري بيهوم دوي 

انا غلبات عليا البكيا ;والله مدرت شي حاجة اهئ اهئ راه هوما ديما كيبغيو يعيروني اهئ و الصباح دخلت وهوما بداو يصبو فينا انا و زينب اهئ زينب شدات جميلة ولاخرا كانت باغا تحاما و انا نشدها اهئ والله حتا كانو كيكدبو ماكينا تاحجة من داكشي (شديت فيه في يديه لي حاط فشعري حيت وعتني )اهئ اهئ 

طلق شعري وبدا كيشوف قدامو و يضرب في الفولون ديال لوطوو ويغوت;واش مابغوتيش ديري عقلك واش كل مرة مصيبة دوي (شافها كتبكي وكتنخصص)دابا لاش كتبكي كتديريها قد راسك وتبداي تبكي 

انا غ كنتنخصص حيت حgرني كنبغي ندوي كتغلب عليا البكيا 

كريم;اووف اووف سكتي (كغوت )قلت ليك سكتي 

انا ضربت الطم و لاكين باقا كنتخصص 

كسيرا اللوطو بالجهد زاد الطريق كاملة وهو ينgر ;السيدة عند بالي كتقرا وهي مضاربة ليا,,,وهادشي كامل علا الزلال 

انا غا ساكتا و كنبكي في صمت اش عندي من غير لبكا لا دويت ايلصق ديلمي مع داك الشرجم 

وصلنا لكلينيك خرج و زدح الباب انا بقيت باركة في لوطو حتا حل علي الباب وجرني من ضراعي فحال شي منيكة و تم داخل بيا غادي و يسوط و يزرب كل خطوة ديالو انا عندي بثلاثة وصلنا دوا مع هاديك في الاستقبال و تم جاي عندي ثاني شادني من ضراعي و دخلني لواحد لبيرو كان فيه واحد الممرض هزيت عيني فيه واياريتني مهزيتو نسيت لبكيا لي كانت فيا وبقيت كنخضر في عويناتي (واقولو هادي علاش كتقلب )انوصفو ليكوم كان شهيب و عويناتو زرقين و بلق واحد الفورمة ويلي ويلي ,,بقيت احالة فمي فيه حتا حسيت بشي يد كتزير علي هزيت راسي لقيتو كيخنزر فيا و الله و أكبر زعما حصلني من كنت كنزها ؟لالا منظنش شفت فيه شوفة ديال البراءة زعما راه مضرت والو ,,شاف فداك الممرض كان كيداوي جرح واحد السيدة ,,,(قولو لهاد الممرضة يالال يالالة ,,بيها العشاق مريضه ,يالال يالالة هي تداوي في المرضة و حبيبها مجروح ههه تحية لي قراها باللحن اش ندير تلفت)سالا منها و تم جاي عندنا و كيبتاسم و يشوف فيا ههه ياحليلي ضحكتي زوينة ,,

الممرض;السلام وعليكم تفضلو 

كريم;(وهو كيخنزر)اليوم خاصها تحيد الخيط و سولت في غيسيبسيون نعتو لينا نت 

الممرض;اه تفضلي معايا 

داني بركني فوق واحد الباياص حل ليا الفاصمة وشاف الجرحة 

الممرض;مالك فيها ؟

كريم;ماشي سوقك دير خدمتك و سكت قبل مايعجبك حال 

الممرض;سمحلي 

تفو على قنس مايهنا مايخلينا مهنيين انا علا قبل هاد التيتيز مستاعدة نحل شي جرحة خرا واخا حبيبي متوتز عليه ولكن هدا اكيضحك ولاخر امخنزر ياربي تستر جبد الزيزوار اشفتو وانا نخرج عيني

نزلت من الباياص ومشيت كنجري عند جمال و تخبيت وراه ;لالا صافي مابقيتش باغا نحيدو اخليه 

الممرض;انسة ,,راه ضاروري ماتحيديه ,,ماتخافيش ماغنأديكش 

انا;(كنشوف فيه و كنشوف في زيزوار في يديه وكنزير علا جمال )لا مابغيتش اخليه 

كريم;(عرفها خافت منو دار عندها بشوية و شد حنيكاتها بيديه و كيشوف في عينيها بكل حب)حبيبة متخافيش انا معاك واش انا انخليه يأديك؟راه هوكاك كيحيدو الخيط

انا كنحرك راسي بالنفي و بديت نبكي ;اهئ اهئ مابغيتش (وكنعت فيه)عفاك مابغيتش يله نمشيو فحالنا اهيء 

كريم;هانتي اسمعيني واش كتيقي فيا؟

انا حركت راسي بأه وكنبكي ,,

شد ليا في يدي و جرني حدا البياص هزني وبركني فيه قال الممرض يجيب ليه شي زيف ولا شال قاليه اوك ومشا انا بقيت اكنبكي معرفتش علا كنخاف من هادشي جمال خشاني في صدرو ومعنقني;ششش تهدني هانا معاك تهدني ,(انا زيرت عليه)عافاك متخلينيش معاه غايأديني عافاك 

كريم;شش ماكينش لي غايأديك وانا باقي حي ,,انا معاك 

شوية جا الممرض اشفتو كرهتو زيرت علا جمال و تخشيت فيه عطاه واحد الشال شدو من عندو وشاف في;ياك كتيقي فيا؟ياك 

انا حركت ليه راسي اه ,,,وهو يدير لي الشال علا عيني حزمو ;جمال فينك اهئ اهئ ماتخلينيش 

قبط لي في يدي هانا معاك ماتخافيش شوية كنحس باليد اخرا تحلات زيرت عليها وهو يشدها جمال;حلي يديك 

حليته بشوية واخا كنت مترددة وانا كنبكي ولكن كنحس بجمال شاد لي يدي شوية و هوما يحلو ليا الشال من عيني شفت في يدي لقيتهوم حيدو الخيط شفت في جمال ;شفتي قلت ليك ماغنخلي تا حاجة تأديك 

انا معرفت اش سراي حتا تلاحيت عليه وعنقتو بالجهد وكنبكي حتا هو زير علي بجهد وكيهدن في حسيت بالامان وانا معنقاه ,,وانا في حضنو حسيت بالانسجام و الراحة بقيت هكاك حتا رتاحيت و بعد منو بشوية معرفتش اش سرا لي انا فهاد الاومور كان كون حشومية ولكن كنت محتاجة هاد الحضن كنت محتاجة حضنو هو حضرت راسي الارض حاسة بوجهي غايترgع بالحشمة ,,

كريم هز ليها راسها بصبعو حتا علات راسها و تلاقات عينيها الباكية مع عينيه كيشوف فيها بنظرات كلهم حب و عشق كيحقق في ملاحميها حتا وهي باكية كتجي زوينة حنيكات حمرين نويف حمر عوينات كيبريو الفم كيطرطق بالحمورية قول البكا عاد ماكيزيدها جمال حشمات من شوفاتو و نزلات عينيها الارض قرب منها كثر وكيشوف فيها وكينطق بشوية;شوفي في

عليت فيه عيني كان كيشوف فيا بواحد النظرة مختالفة نظرة مليئة بالحب ,كتخليني نسا راسي و شكون انا كنسا العالم كامل ,معقلت علا راسي الا وانا حاطه يدي علا خدودو كنتلمس فيهوم قربت قبط لي فيدي وباس كفي بكل حب و عاود حطها في خدو و قابطها بيديه و اليد اخرا كتلعب بخصلات شعري ,,قربت منو وكنشوف في عينيه لي كيدوبوني حتا تلاصقت معاه معرفتش اش كيسرا ليا هادي ماشي أنا,,هادي وجدان اخرا ساكناني ,,هزيت فيه راسُي وكنشوف في ملاميحو كلشي فيه زوين كلشي كيدوخني حطيت يدي اخرا علا خدو حتا هي تعليت علا صبعان رجلي هادشي كامل كنديرو و انا مرفوعة قربت حدا وجهو كنحس بأنفاسو سخونة كتضرب ليا فوجهي قربت من وجهو وكنشوف في شفايفو لي كيترعدو حطيت شفايفي علا شفايفو بديت نقبل فيه ,كان في الاول جامد مكتحركش واقيلة صدمتو من تصرفي ولكن هاديك الساعة ماشي انا لي كنتحكم في داتي ,,,بقيت كنقبل فيه واخا انا معنديش خبرة مقعقلت علا راسي حتا تخبط ظهري مع واحد الحيط هزيت عيني لقيتو حمر و عروقو خارجين وكينهج شافيا لمدة انا معرفت باش تبليت مرgت حنيت راسي الارض وبديت كنلعب بصباعي كنحاول نحيد الثوثر لي فيا و بسرعة البرق حتا لقتي راسي لاسقة فشي حاجة و شي حاجة شادة من خصري هزيت راسي لقيت جمال مزير علا خصري وكيشوف فيا ;شي نهار اتحمقيني كيهضر وكينهج 

شدني من فكي بيديه بجوج و تحنا عندي وكيشوف في فمي و كنحس بيديه كيترعدو في وجهي انا قرب مني وحط شفيفو علا فمي و غطس في قبلة عنيفة بزاف كنحس بفمي ايطير من بلاصتو و عتني كيعض فكل وحدة عاطيها حقها كجرها حتا لعندو كنحس بيها غتطير من بلاصتها و حسيت بالالم و بمداق الدم وليت كندفع فيه بيدي و هو عاد ماكيزيد يلصق حط يديه علا فخادي مع كنت لابسة اصاية وتحتها كيلوط صافي بقا طالع و كيزير عليهوم و كيعض بجه في فمي و صل الخصر بغجو بيديه ,,انا ماشي قحبة انا ماشي هكا ,,وليت كنبكي وكنحاوك نبعد منو هو كيزيد يحكمني من خصري و يورك علي باينة ايخلي بصماتو تم كنبكي و كنضرب ليه فصدرو والو محسيت براسي حتا دفعتو بالجهد وصرفقتو 

هو شد فحنكو و كيشوف فيا واقيلة عاد فاق ;وج

حطيت يدي علا فمي لقيتها كلها مجروحة عليت فيه راسي وهاد المرة بنظرات كلها حقد و عيني عامرين بالدموع

يله بغا يقرب مني وانا ندير ليه بيدي سطوب;حدك تم ماتحاولش تقرب مني ,,نت واحد حيوان مابقيتش باغا نشوف كمارتك صافي صالينا 

هزيت ساكي و ضربت فيه و خرجت كنجري ماكنشوف والو بكثرة الدموع لي مدرقين عيني دخلت فبزاف ديال الناس في طريقي كل همي ,خرج من هاد الكلينيك تخنقت مع وقفت حدا الباب مع لقيت نيت طاكسي شيرت عليه بلا منفكر ركبت فيه سولني قاليا فين غادا ,,معرفت اش نقول ليه من غير بعدني من هنا و كنبكي شاف فيا من المرايا و قاليا واش لاباس جاوبتو بصوت مخنوق عافاك بعدني من هنا ,,ديمارا و زاد انا الطريق كاملة اكنبكي كنتفكر من كنت كندفع فيه وهو كيزير علا خصري لي دابا كيألمني و كيعض في فمي لي كنمسح فيه دابا من الدم عاملني فحال شي حقيرة ولا حيوانة ,,,كلهوم فحال فحال الرجالة تابعين غي غاريزتهوم الحيوانية ولكن انا لي كلبة تقت فيه ,كنبكي كنبكي وكنحاول نفرغ لي فقلبي حاصه براسي غنطرطق وراسي اينفاجر مول الطاكسي مسكين غا كيشوف يمكن بقيت فيه ,,,قاليا واش عندك ابنتي شي مشكيل ماقديتش نجاوبو بقا سايق حتا وقف بوحدو محسيت براسي فين انا حتا كنشم ريحة ديال البحر شفت فيه قاليا يمكن بغيتي ترتاحي نزلي شمي هوا ديال البحر ,دورت وجهي لقيت راسي في البحر خلصتو ونزلت بغا يرد لي الصرف قلت ليه اخليه ليك نزلت و وبقيت غادة حتا وصلت الرملة و المواج كتضرب ليا في رجلي تيلي كايصوني شفت لقيتو هو قطعت وانا كنبكي عواد صونا كنعاود نقطع محسيت براسي حتا طوعت مو وبديت نبكي ركابية في الرملة ويدي جامعاهوم و كنبكي معرفت علاش كنحس براسي تخدعت و بحال يلا كلشي باغي يستغلني كنبكي و كنغوت بحر جهدي ,,,بقيت مدة حتا حسيت براسي رتاحيت حلقي مشا بكثرة الغوات هزيت ساكي وانا دابلة بديت كنتمشا في الرملة مرة نبرك مرة ندور حتا عيت و بدا كيظلم الحال عاد هزيت ساكي وتميت طالعة محسيت براسي حتا رجلي كتلامس الارض عاد وعيت بلي نسيت سباطي لتحت متسوقتش ليه بقيت كنتمشا في لاكوط وانا حفيانة ,,متسوتش لبنادم اش غيقول علي اصلا انا غي دارية بيهوم بحال يلا ماكينينش شفت طاكسي غادي شيرت عليه عطيتو عنواني الطريق كاملة وانا ساهية فاش الله وعلم كنحس بهادشي لي دار جمال بحال يلا فايتة شافياه ولا عايشاه ولكن متدكرتش امتا وكيفاش ,,فيقني من سهوتي الا والطاكسي كيقول بلي وصلنا خلصتو ونزلت مع الدخلة لقيت بابا كيتسنا حدا الباب و باينة مخلوع و تصدم من شاف حالتي ولكن انا مافيا لي دوي مافيا ليعطي مبررارت ماباغش نتكلم مهدودة تخطيتو و زدت ,,حتا هو ماحاولش يمنعني اكيد بغا يخليني بوحدي طلعت الغرفة ديالي طوعت ساكي لحت مو وتلاحيت في الناموسية من تما معقلتش علا راسي ,,,

عند جمال و لا نقول ليه كريم حيت هادي هي سميتو الحقيقية (وعقلو ثاني تبداو تسولوني واش جمال ولا كريم ,,سميتو الحقيقية هي كريم و مدرق بسميت جمال باش يخبي خدمتو لي هي المخابرات السرية عاودو سولوني ثاني)

المهم نمشيو عند ***جمال 

البارح دوزت انا و حبيبيتي احسن النهار في حياتي كان نهار زوين و حبيبتي كانت اروع جات قرطاسة بدي اللبسة لي كانت لابسة ,,دبت فيها ولكن من لقيت لي داز كيشوف فيها تعصبت و غيرتي تحكمات في سبيتها و غوت عليها مبغيت تا حد يشوفها غيري المهم مشينا تغدينا في جو ولا جميل و وجدان مرة مرة تشوف فيا بلا ماتعيق فرحت ولكن مابغيتش نحشمها جبت ليها gلاص هه كتاكل فحال شي درية صغيرة مكرهتش ناكلها انا ,,,سالينا و قلت ليها نتمشاو فرحات شديت ليها في يديها و بدينا كنتمشاو كاتبان ليا فرحانة ونا كثر وصلنا جنب الواد حتا طلقات مني و حيدات الصندالة وبدات تنقز وتغوت و تضحك انا تصدمت كنشوف في ملاك كيتمشا في الارض و ديك الابتسامة لي كتسحر سلبات عقلي و تفكيري وقفات في اخر ديال الممر و سرحات يديها و غمضات عينيها و كتستبل الهواء لي كيلامس جسدها وكيطير شعرها ,,و طيرات ليا عقلي محسيت براسي الا و انا عندها و كنلمس فيديها الزطبين احح قلبي علا دوك اليدين و داك الشعر معرفتش ريحتو كتهيجني دورتها عندي وغطسنا في قبلة هه قلت ليها اري لسانك السيدة تشوكات باينة عمرها باست ضحكاتني و لكن في الحقيقة فرحت حيت كنت انا اول واحد يلامس دوك الشفايف و يدوق طعمهوم ,,,شديت فكها و زيرت عليه حتا خديت لسانها الله واش انا في الجنة ولا شنو قلبي كيضرب و روحي اتخرج تبورش صإفي غيبت ماوعيت براسي حتا كنت انزبلها بعدت عليها و مشيت بردت عاد جيت ناري انغتصبها مافيهاش الشك خصوصا من لقيتها حشمانة هه كتولي فنة هه خشيتها فحضني وتمينا غادين حتا بغات تلبس منعتها وهزيتها ,,دايرة بحال شي ريشة خفيفة ركبنا الطريق كاملة وهي ساهية كتشوف فيا انا درت راسي ماشفتهاش ههه عرفتها طاحت وصلنا وبغات تمشي مع شوفور ديالهوم تعصبت ولكن عندها الحق ,سامحتها من بعد ماعطيتها محاضرة علا لبسها ودعتها ومشات ,,مشيت لفيلا و دوشت و بدلت علي سولت فيها لقيتها وصلات من بعد قطعت معاها و مشيت المركز الشرطة تلاقيت بديك اللصقة ديال ليلى وفهد بقينا خدامين علا واحد القضية ديال واحد قتال متسلسل كيمشي لبار و كيدي وحدة معاه تيدبحها من بعد ماكيغتاصبها و كيgردها مسمين عليه مول لبوطوار ,,بت في المركز البارح ولكن وخا هكاك حبيبتي ماحيداتش من بالي عيطت ليها فليل بقيت شاد معاها ستون واخا كتقتلني بديك الحشمة ديالها حتا شوية لقيت راسي كندوي ابوحدي عرفتها نعسات ضحكت حيت عارف نعستها العجيبة رجل و يد في الارض و رج اخرا في تيندوف و يد خاشياها في صدرها مكرهتش نكون حداها فديك الساعة ,,نعست وانا قلبي وتفكيري معاها نضت علا شي يدين كيلمسو وجهي لوهلة كنصحاب راسي باقي كنحلم ووجدان ليحطات يدي حتا حليتهوم لقيت ديك القحبة ديال ليلى بعدت منها و سبيتها واخا هكاك كتبقا لصقة تفو كون غي تكون عندها شوية ديال الكرامة اففف نضت كاعي

مشيت لفيلا دوش و بدلت علي قلت نعيط لحبيبتي ندوي معاها ساعة لقيت راسي معيط لحافيظ ههه ضحكاتني ههه باقا مقلوبة بالنعاس فكرتها في ليوم تحيد الخيط ونتلاقاها مع الطناش ,كنهضر معاها كنسا الغضب و الخدمة غي النبرة ديال صوتها تخليني نرتاح ,,فطرت ومشيت الخدمة تلاقيت مع فهد بقينا مجمعين و اكيد باين علامن علا وجدان واخا كنغير من كيجبدها كيقول ليك حقا ما حقا كتشبه لختو اسيل لي ماتت حمق هدا حبيبتي مكتشبه لحتا حد كنبغي نقتلو ,,شوية وهي تبان لي سنفورتي داخلة وهاد المرة سمعات الكلام جات مستورة واخا سيgانها معرين شوية اللهم العمش ولا لعما ,,,مشيت القسم ديالي شوية ,,سيفطولي بلي المدير بغاني هو عارف خدمتي الحقيقية و وعارف بلي سميتي كريم ماشي جمال حتا هو كان خدام معانا و تقاعد ولا كيعاونا ,,المهم مشيت كنت كنهضر معاه علا المراقبة المستمرة وعطاني كتاب باش نبدا نقيد فيه ,,كيحاول يسولني علا الخدمة مكنجبدهاش معاه صافي هو تقاعد ماكين لاش يسول ,,,شوية دخل واحد الاستاد مكشكش قاليك شي وحدات ضاربو ليه في القسم كون كنت منو منجيش عند المدير نسطح ليهوم ريوسهوم متدخلتش انا و ماشي سوقي بقيت محني علا دوك الوراق حتا دخلو واحد الجوج وحدة غليضة بحال البوديزة الزيت كلها مشعكة و وحدة سكوليطة كلها مقموشة بغيت انعرف شكون دار فيهم ديك الحالة ايييوا شوية وهي تم داخلة ست الحسن في اللول كنسحاب راسي اكنتخايل عود شفت فيها وانا نتصدم ,,داخلة كتبلق في عويناتها و كتدور فيهوم عارفة اش دايرة تعصبت بزاف اكثرية حيت سمعتو قبل مايدخلو المدير كيعاير و يسب كونت انود نخلط دينمها تم ولكن بردت حتا نعرف اش كاين وحدة بدات كتبكي و تقول بلي هي لي جبداتهوم وضرباتهوم جيت ندور عندها لقيت السيدة بغات تطرطق بالضحك شفت فيها باش تجمع راسها ولا نود نشتو ليها شوية نطقات صحبتها قالت هوما ليكيعيروها و كيقولو بلي هي كتدور بالدراري ايوا كملات الباهية صافي شعلت قلت المدير بلا مايدير معاها شي حاجة حيت انا لي غنتحاسب معاها ,,كانت خارجة شديت ليها في يديها وكرزت كنبرد فيها د=قاع سمي وقلت ليها نلقاها مع طناش مشات انا رجعت عند المدير شبعت فدين مو سبان علاش يقول ليها مامربياش بدا كيعتادر و قال بلي معرفهاش و زيدون باها موصي عليها مايقدش يدير معاها شي حاجة ,,حقل سيدة ضاسرة ايوا الالة وجدان انا لي غنحيد ليك ديك الضسارة ,,وصلات الطناش كنتسناها حدا قلسم حتا بانت لي السيدة غادة و صفرا مخلوعة بقيت تابعها من اللور حتا وقفات حدا الباب و بدات كتطل فعايلها فعايل الدراري الصغار ضحكت ومشيت حداها و ضربتها بركبتي القزيبتها باش تجمعها و دزت من حداها ركبت في اللوطو تمات جاية وكتمختر اكيد خايفة غا ركبات وهي تبدا تبتاسم بحال لا ماسرا والو يله غتدوي وانا نجمعها معاها بصلية بقيت كنغوت ونسب باغت تدوي زدتها الثانية و شديتها من شعرها بدات كتقول بلي هي ماكدير والو ولاخرا غاكدبات وبدات كتبكي مكنحملهاش تبكي غوت عليها باش تسكت و سقت الطريق كاملة ونا نسب وصلنا لكلينيك

جريتها ودخلنا من بعد ما نعتو لي فين دخلنا الغرفة كان واحد الزامل تم حاس براسو السيدة بانت لي شوية اتبدا تحل وانا نزير ليها علا يديها تجمع كرها ولا نجمعها معاها بركات في الباياص جبد الزوزوار باش يحل ليها الخيط ,,

شووية وهي تبان لي كتجري وتخبا ورايا كتحاما بيا عرفتها خافت كنحاول نهدنها وهي كتبكي وخايفة فحال الدراري الصغار و كتحرك راسها بلا كانت مخلوعة بزاف خفت لا ترجع ليها ديك الحالة حاولت نهدنها قلت داك الزامل يجيب شال باش ندرق ليها عي,نيها بقيت معاها ولات كلها كترعد و تنخصص للحظة ندمت حتا جبتها كون عرفتها اتخاف هكا مانجيبهاش اووف جابو ودرقت ليها عينيها قلت لاخر يمشي انا لي غنتكلف بيها دار داكشي وخديت يديها من بعد ماطمنتها حيدت ليها انا الخيوط بلا متحس عاود حليت عينيها ,,معرفت حتا عنقاتي و تخشات فيا عنقتها وزيرت عليها كنطبطب عليها ,,كانت كترعد في حضني وكتمخشش فحال شي طفل في حضن مو ,,منكدبش عليكوم نعرف زعما شنو طاري ليها في الصغر ونعرف شكون هدا لي رجعها هكا نقتلو ,,من حسيت بيها تهدان بعدات و حضرات راسها حشمات ,,هزيت ليها راسها وينو كيف كتبان حنيكات حمرين و نويف حمر الفيم الصغير اح ودوك العوينات الله اربي اناكلها ناكلها شوية حطات يديها علا وجهي جابت ليا التبوريشة شديتهوم بستها و دريتها في وجهي احح شحال صغار ورطبين بديت كنلعب في شعرها بدات كتقرب لي انا بقيت وحطات اليد اخرا انا صافي ترفعت اكثرية من بدات كتشوف فيا بواحد النظرات الله ياربي كنبلع في ريقي و بديت كنترعد بددات كتقرب حتا حطات شفايفها علا فمي وبدات كتقبل انا تصدمت مابقيت عارف مندير كول قبلة كتشعل فيا العافية لداخل حسيت براسي تزيرت دفعتها حتا لصقات مع الحيط وبعدت منها وليت كلي كنهج شفت فيها لقيتها تاني حشمات و كتلعب في صبيعاتها صافي مابقيتش قاد نصبر وصلات لي العظم مشيت كنجري عندها شدتها من خصرها وبديت كنقبل فيها معقلتش اش كندير ولا كيف كنتصرف لي عارف اني كنت مغيب و علا الوجود مفقت حتا حسيت براسي تسمكت شديت حنكي وشفتها لقيتها كتبكي و فمها كولو دم ,,بغيت نشرح ليها مخلاتنيش وصباتني وزادت ,,تصدمت و تصدمت في راسي واش انا درت هكا فمها كان عامر دم انا أديتها ,,عندها الحق انا حيوان انا كلب بديت كنريب فداك الغرفة ونشتت كلشي قاع لي بان ليا طوعتو كنتفكر ديك النظرة لي دارت فيا كلها كره بالسيف ماتكرهني وولكن انا كنت مغيب ماعقلتش اش كندير يدي كلها دم ,,خرجت بجرا كنقلب عليها غبر ليه الاثر ,,كنعيط والو مكتجاوبش شوية بدات كتقطع كنصوني كتقطع في الاخير طفاتو ركبت في اللوطو سايق بسرعه ماعرفش في انمشي ولا اش ندير كنت اندخل في رموك كون ماحفض الله سقت ديريك البار كنشرب وشاد تيلي في يدي كنصوني باقي طافي ,,بقيت هكاك الليل كامل في الاخير معقلت علا ولو من بعد حيت سكرت بزاف

كنت ناعسة حتا كنحس بشي يدين حنان كيدوزو علا شعري و جهي عرفتو بابا حنيني حليت عيني بشوية لقيتو مخشي حدايا و كيدوز علا شعري الله علا راحة الله يخليه ليا و يطول في عمرو ,تمخششت فيه و عنقتو 

انا;بابا حنيني توحشتك 

عنقني وخشاني في حضنو;هانا معاك ابنتي,(كيلمس في شعري)شكون قلق بنيتي ليوم ؟

تفكرت داك الحمار ديال جمال ولكن مغنقدش نقول لبابا ;والو غي مشيت السبيطار باش نحيد الخيط و انا نتخلع ماعرفتش علاش 

بابا تخلع;كي كيفاش تخلعتي

انا;ماشي ثي حاجة مهمة ,نت عارفني من كنشوف شي الة حادة كنخاف منها ,هادشي لي دار في هكا 

عنقني;اه ولكن علاش مقلتيش ليا نمشي معاك ,و علاش كنتي طافيا تيلي ,واش عرفتي شحال تخلعت عليك و اكثرية من شفتك فديك الحالة 

انا;سمحلي ابابا سمحلي غي كنت ماشي نورمال و من بدا تيلي كيصوني ,طوعتو كنت بغيت نبقا بوحدي 

بابا;و فين كنتي النهار كامل حتا المدرسة في العشية ماشيتيش ليها ,مشيت حتا للدار زينب نسول فيك لا تكوني عندهوم ,قالت ليا من الطناش ماشافتكش ,

انا;كنت حدا البحر ,بقيت باركة نهار كامل تم هادشي علاش سمحلي حيت خلعتك 

بابا;ماتبقايش تعاوديها ولا نتقلق منك ,,نودي كولي بعدا شي حاجة راه الثلاثة ديال الليل هادي و باينة من الفطور ما واكلة 

انا;واخا هانا نازلة 

باس ليا راسي و ناد شوية وتم جاي عندي;اه حقا راه غدا غادين معروضين عند عائلة السباعي لعشاء ,الا كنتي كتحسي براسك مزيان نمشيو ولا كنتي باقا عيانة نأجلوه مرة اخرا 

انا;لا ابابا انا مزيان اصلا نيت مافيا لي مشي المدرسة هاد ليام ,,حتا السيمانة اخرا و نمشي 

بابا;لي بان ليك ابنتي راحتك هي اللوولة 

انا ;بابا بغيت نطلب منك واحد الطلب لا جات علا خاطرك 

جا عندي ;لي بغات اميرتي نديرو ليها 

انا;بغيت نسافر لشي بلاصة واخا غي سيمانة المهم نحيد من هنا كنحس براسي مخنوقة 

بابا تنهد ;واش شي حد قلقك ولا كعاك ,واش أداك شي حد قولي ليا ,

شديت ليه في يديه ;لا غي بغيت نسافر شوية بلللز بلللز بللز عافاك 

بابا;هههه عارفاني منقدش نقول ليك نو يمتا بغيتي تسافري 

انا;مكرهتش حتا من غدا 

بابا;اووك انا ندوي مع امين(المساعد الشخصي ديال بابا)يوجد ليك الطيارة للامريكا ولكن بشرط 

بلهفة ;شناهو 

هو;عندك عشر يام ماتفوتيهاش و مغتمشيش بوحدك دي معاك زينب و الفيدورة ايكونو معاكم منخليكش بوحدك 

انا;بابا زينب اه ولكن لفيدورا لاش لاش انا ماشي صغيرة و زيدون قادة نحمي راسي (والله يمسخك)

هو;لي عندي راه قلتو بغيتي هو هداك مابغ

قاطعتو ;اوك اوك غدا ناخد تيلي ونقولها لزينب و نت هضر مع خالي 

بابا;اووك انا غدا نقولها لباباها وله نزلي تاكلي بعدا ,

نضت علا وعدي و سعدي نزلت لكوزينة مبغيتش نفيق فاطمة تطيب ليا وجدت سندويش حيت ختكم زيرو في الطياب اومليطة مكنعرفش نطيبها والو ,,المهم درت فرماج و كاشير و فرماج حمر و شي زيتونات و عصير ديال الفريز لقيتو في الثلاجة تسرحت في الكوزينة وبديت نخشي فوجهي مع ختكم نيت كان قاتلها الجوع بقيت اكنخشي فوجهي حتا المعدة حسيت بيها التهزات ,نضت طلعت لبيتي تخشيت في ناموسيتي و بديت نفكر ,يخ علاش كنفكر فيه ,,كنفكر من كنا في الريسطو و كنتغداو ومن هزني ,,,اووف نساي الزبل المكبوت لاخر الزامل الحيوان ماكيفلت حتا فرصة ,,بنت ليه في البلان ,,انا لي حمارة تقت فيه ما كان علي نفهم من كنا في المزرعة و شفت ديك الزرقة خارجة من بيتو مسفحة تفو علا مسخ ,,نعسي نعسي احنينتي غدا عندك شلا و مايدار ,غمضت عيني ومشيت

***عند كريم 

اييي راسي عاطيني الحريق حليت عيني غا بزز ماقديتش او فين انا ؟هدا ماشي بيتي ,,طليت علا راسي كنلقا راسي عريان كيفاش و يد ديال شي درية علا كرشي تلفت وكنطلب ياربي نكون غي كنحلم يا ربي نكون غي كنحلم يا ربي اويلي هادي اش كدير هنا ,,شي وحدة ناعسة عريانة علا كرشها وجهها ماباينش حيت مدرق بشعرها ,مصيبة هادي انا البارح ما عاقل علا والو كيفاش جيت لهنا و شكون هادي ,,بغيت نود نتسلت هايا تحركات هادي اش كدير هنا و شكون جابها ناري قوادت 

ليلى بصوت ناعس ;فقتي احبيبي ؟

انا;كيفاش حبيبي ,تي اش كديري هنا حدايا ,وانا اش جابني لعندك و شنو سرا انا ماعقل علا تا ق,,,وة 

ليلى;تهدن لبارح كنت كنعيط ليك علا مكنتيش كاتجاوب شوية وهو يجاوبني شي راجل gاليا بلي نت في البار و سكرتي بزاف عطاني العنوان و جيت لعندك لقيتك كاو ,,خرجتك من تم و جبتك لهنا عندي 

انا;اه ومن بعد هادي فهمناها اش كديري معيا في الفراش 

ليلى;اش كظن كندير معك في الفراش (حطاي يديها علا صدرو)دوزنا ليلة واعرة مع بعضياتنا 

حيدت ليها يديها و مع تعصبت ندت بلا منعرف اش لابس لتحت لقيت راسي سولو شفت فيها لقيتها حالة فمها القحبة لاخرا تفو بان ليا كالسو ديالي مليوح في الارض هزيتو لبستو و لبست سروالي و بيل 

انا;معقلت علا والو نتي لبارح عرفتيني سكران و قربتي مني 

ليلى;راه نت لي قربتي مني (نادت لاوية عليها ليزار و جاية عنو كتحكك عليه)كريم نت عارفني كنبغيك و ندير اي حاجة علا قبلك (درت يديها علا عنقو)خلينا نبداو صفحه جديدة 

حيدت ليها يديها بالزعاف ;شوفي نتي عارفاني مكنبغيكش و عمرني بغيتك ,و عمرني غنبغيك ,ديريها في بالك ,نتي كنتي غي نزوة ,نعست معاك جوج لمرات ولا ثلاثة ,ونتي كنتي عارفاها و بخاطرك عمرني بززت عليك و عمرني واعدتك بشي حاجة ,و البارح انا ما عاقل علا والو نتي ستغليتي الوضع ,(شدها من ضراعها)انقول ليك جوج كلمات (هز صبعو و حاطو فوق راسها)حطيهوم في مخك عمر غا تكون بيناتنا شي حاجة ونسايني عليك فهمتي ,والبارح حتا هو نسايه حيت ماعاقلش عليه 

بعدات منو وبدات تغوت;باش هي حسن مني ,باش ,برهوشة ديال الخلا باقا حتا مامسحات خنونتها 

هاد القحبة علاش كتقلب;زمي فمك ولا غنهرسو ليك 

لاحت ليزار وبقات سولو;هانتا هانا قدامك ,هي واش اتقد دير معاك شي حاجة ,واقيلة حتا بوسة مكتعرفش ليها ,

انا;انا ما باغيش نعس معاها ,حيت كنبغيها و كنموت عليها ,قاعما توصلي ليها فحتا ظفر رجليها ,عاطية راسها قيمة 

هي;كي كيفاش كتبغيها ,والله لا كانت ليك و ديك القحبة انا غنتفاهم معاها والله لا خليتك ليها 

تعصب جا عندها بجرا شدها من عنقها و قجها كيهضر تحت سنانو;شوفي يا ماكينة القحبة قدك ,هي شرف منك و من لي ولداتك ,اتزيدي كلمة عليها نفرgع موك, (زاد زير عليها حتا خرجو عينيها)ويلا حاولتي تقيسي شعرة منها نمحيك علا وجه الدنيا فهمتي ,(هي بدات كتحمار و تنزg طوعها)مبغيتش نوسخ فيك يدي ,هاد المرة حظرتك ,مرة اخرا ,اتولي هضرة اخرا (هز تجاكيطة ديالو و خرج) 

هي بركات في الارض و بدات كتغضض ;والله لا بقات ليك واخا نعرف نقتلها ولا حلمات بيك ,مشات جهت البلاكار ديالها و هزات تيلي بدات كتشوف في التصاور و تبتاسم بخبث ;ههه احنا انشوفو اسي كريم من حبيبتك اتشوف هاد التصاور اش غتدير ,(بدات كتفكر في البارح )

****فلاش باك 

لبارح كانت باركة في الدار حتا عيطات ليها واحد صحبتها قالت ليها بلي شافت كريم في واحد لبار وكيسكر ,نقزات من بلاستها و لبسات هزات لوطو ديالها ومشات تجري للبار دخلات لقا&تو بارك في الكونطوار و كيشرب بحرقة بركات وراه بلا مايشوفها ,هو بدا كيشرب و كيقول انا حمار انا حيوان وكيشرب خلاتو حتا ولا كاو ماقادش يزيد حط راسي في الكونطوار وشاد كاس وناعس ,مشات لجهتو دوات مع السرباي عيطو علا واحد من لفودورا عاونوها باش خرجوه ركباتو في لوطو ديالها و داتو لدارها بقات مضاربة معاه حتا دخاتو للبيت وهو كيهتهت بسميت وجدان وجدان وجدان تعصبات لاحتو في الناموسية ,كانت غادة تخليه بوحدو ينعس حتا بدات ثاني تسمعو كيقول وجدان حبيبتي مااتخلينيش ,انا حمار انا حيوان ,طوعات واحد الفاز و بدات كتبرد غضايضها في الماعن حتا طاحت عليها فكرة بتاسمات ,دخلات عليه لقاتو مليوح بدات كيحيد ليه حوايجو حتا عراتو و تعرات حتا هي و حطات تيلي ديالها فموقع استراتيجي بعد ما خدمات فيديو و خلاتو يصور وطلعات فوقو كتبوس فيه و تلمس فيه و وتعنق هو ديك الساعة كان كيحلم كيقول وجدان وجدان ,هي كتقول ليه هانا مغنخليكش احبيبي ,بدا كيفيق حيت سخناتو بديك الحركات لي كانت دير ولكن هو كان مقلوب كيشوف فيها غا وجدان وحتا هي ستغلات الوضع بدات كتهيج فيه و تبوسي و تماسي ليه المعلم حتا وقف وهو يشدها من خصرها و هي فوقو قلبها تحتو و كيقول ليها جيتي احبيبتي ,هي كتضحك وكتقول ليه اه هانا قدامك ,بدا كيبوس فيها و يعض حتا وصلو للصحيح كمل و رجع نعس تلاح ,وهي ناضت دايرة ابتسامة انتصار و مشات لتيلي دارت ليه سطوب و قاداتو خلات غي اللقطات لي غتحتاج من كان خدام فوقها و رجعات نعسات ,

فقت الصباح علا شي حد كينقز علي فوق الناموسية وانااااري تفوو 

زينب;(كتنقز)وانودي نودي الهيشة تgعدي 

انا;واش اختي محلفينك علي ,,سيري شوفي ليك شي حاجة من غيري سيري لمدراستك و فوتيني عليك ديري شي حاجة لي تنفعك اووف (ورجعت خشيت راسي في المخدة ساعة معامن عاد مازادت فيه )

زينب;والا واتي نودي نودي نودي 

ياربي السلامة يخ علا قوم نضت علا وعدي و سعدي قردت وبقيت كنشوف فهاد شامبانزي لي باركة تنقز فوق راسي دارت ليا الارارة;واصافي حطي طرمتك الارض او 

زينب;وافرحانة فرحانة اساطة هههه عمي الصباح عيط البابا قاليه بلي غانسافرو ههه امريكا اميركا شيكابيكا امريكا شيكابيكا ههه (تلاحت فوق الناموسية)الللله ههه وااع مامتايقاش 

انا;دابا نودي تهزي علا دينمي خليني نعس 

زينب;او الله لا نعستي ولا شفتيه ,,هه انا اسمعت الخبار جيت كنجري ههه ونتي باغا تنعسي نودي نودي را باباك قالينا نمشيو نوجدو ريوسنا را غادين معروضين لشي عشا ما عشاء الله قلبي الصغير لا يتحمل 

انا;اووف را باقي الحال و العشاء حتا لعشية تي مالك فارعة لي كري علا الصباح 

زينب;واتي را ماجانيش النعاس ,كنت كنتسنا غا يصبح الحال ونجي عندك ,اجي بعدا فين كنتي نتي البارح ماجيتيش المدرسة و عمي كان مخلوع عليك جا عدنا حتا للدار يسول مالقيت منقول ليه ,حيت عارفاك كنتي مع جمال 

انا;ماتبقايش تجبدي داك الحيوان قدامي 

زينب;ياكما ضربك ولا دار ليك شي حاجة غا قولي ليا 

انا;اووف (عاودت ليها كلشي)صافي يله دgي 

زينب;الزامل لاخر ,,علاش دار هكاك و حتا نتي منك لافوت اش داك تقربي من دين مو اصلا باينة جهلتيه 

انا;شوفي بلا متزيدي علا دين مي حتا نتي طالعة لي القردة السطح ,مافيا لينبرد فيك غضايضي نودي تهزي علي خليني نمشي ندوش ونهبط نفطر و من بعد نخرجو نتقداو شي حاجة نلبسوها وناخد شي تيلي 

زينب;واقولي اتنزلي تغداي ماشي تفطري راه جوج ديال العشية هادي جيت الصباح لقيتك باقا خامرة و نعست و فقت و نتي يله نايضة سيري سيري غسلي و يله نتحركو نيت نمشوي لشي صالون نقادو الحالة على الله نلقاو شي تيتيز فديك الحفلة يهزك علي 

انا;سيري تقودي ولا ندg ختي تفو 

هزيت الفوطه بالزعاف دخلت للدوش دوشت خرجت نشفت شعري لبست كسوة بالكحل و ليموني قصيرة و سبرديلة كحلة رشقات ليا و درت كاسكيط ههه جيت حمقة نزلنا تغدينا بابا مسكين كل شوية يسول علي كيف بقيت تغدينا طلعت لبيت هزيت ساك صغير درت فيه غي كارط gيشي وشي فلوس سافي حيت تيلي يله اناخدو خرجنا انا وديك الهايشة لقينا الشوفور كيتسنا ركبنا الطريق كاملة وهي فارعة لي مخي علا امريكا ,باركة تغني امريكا شيكابيكا امريا شيكابيكا ههه حمقة حطنا الشوفور حدا واحد المحلات ديال الحويج وبعد فقسة كبيرة عاد لقينا من نخرgو انا ختاريت كسوة بيضة ساية طالعة و مفتوحة من الجنب مزيرة و الفوق ديالها سميطات و معري من جيهة الصدر و مقزبة المهم حتا من بعد ونوريكوم طوف وديك خايتي بعدة معانات كبيرة ماخدات واحد الكسوة خضرة حتا غفر لي الله الدنوب ماعجباتها تا حجة قالت ليك كلشي معري حيت هي ديجا مكتقدش تعري كرشها و ظهرها عندها واحد سيكاطريس ديال الحريق من بعد ونعاودها ليكوم ,المهم خدينا داكشي و عمرنا البلاسيكات دانا شوفور ,شريت تيلي جديد ايفون سيس بليس في دوغي ,خديت نمرة جديدة مابغيتش نرجع نمرتي القديمة نتوما عارفين علاش مشينا سونطر بيتو ,ماخلاو مادارو اسمعو كنية ديال سقراط وانا بنتو بقاو غي دهنو و يحيدو ها نتيف ها الماسكات ردونا كنشعلو في الحقيقة ,صيبو ليا شعري سامبل مع بعد تموجات من لتحت و ضفيرة رقية علا شكل تاج جيت سو كيوت قاع لي فداك الصالون بداو كيشكرو فيا و يثنيو في جمالي ,حتا ديك العاهرة جات زوينة شعرها سامبل وماكياج خفيف جات قرطاسة سالينا و مشينا للدار حيت تم غنلبسو

رجعنا للدار ,كلشي في بيتو كيوجد راسو حتا حنا طلعنا لبيتي لبست الكسوة ناري كيف جاتني مع المشطة ويلي ويلي غا حورية و خلاص ,حتا حبيبتي زينب واتاها الخضر جات فنة ,جبدت التيلي صورتنا هه ولحتها في الفاوسبوك و الانستاغرام ههه لينفقص العديان,سمعنا بابا كيغوت علينا هزيت بوشيطتي الباج و هي في الكحل تشادينا وتمينا نازلين بنيتمختر حتا كنسمع التصفار هزيت راسي ونا نلقا بابا كيصفر 

نبيل;سعداتي غادي بأميرات معايا الحفل 

انا;هه شكرا حبيبي حتا نت جيتي غزال 

محمود;منين جاها الزين وهي هكاك

نبيل;مائة مرة كنقول ليك قيل عليك ختك الكبيرة وحتارمها ,

حنان;راه غي كضحك معاها نت عارفو كيبغي يشد فيها 

نبيل;ديك البسالة ديالو يخليها برا ,(شاف في وجدان وبتاسم)اجي احبيبتي اجي 

مشات عندو باس ليها راسها ;جيتي كتحمقي (شاف في زينب لي كانت واقفة كتشوف فيهوم)اجي حتا نتي 

مشات عندو حتا هي باس ليها راسها ;حتا نتي جيتي تحمقي ,بنياتي بجوج جاو غزالات ههه 

عنقهوم كل واحدة خاشيها فجيها وتم غادي بيهوم جيهة لوطو مخلي حنان كتفقص اما محمود قاعما مسوق عادي ,كانو ثلاثلة ديال لوطو وحدة ركبات فيها حنان و محمود ,وليموزين ركب فيها نبيل و وجدان و زينب,ولاخرا فيها الحراس تابعينهوم كسيراو والطريق كاملة و هوما يتبوزاو و يتصورو و نبيل ميت بالضحك واخا ماكيتصورش معاهوم حيت وجدان عارفاه ماكيبغيش يبان في الشاشة ,وحتا هاد الحفل لي غادين ليه فيه غي ناس قلال لي شافو سي نبيل و حتا من الصحافة ممنوعة ,المهم الطريق كاملة وهوما مبلبلينها و كيلوحو تصاورهوم و العنابة بداو نتوما عارفين نحن شعب مغريبي نموتو في الفواكه وخصوصا العنب و ما ادراك ما العنب ,وصلو للفيلا دخلو الطموبيلات كانت زوينة و جميلة لاكين ماشي قد ديال نبيل كانت كبر وقفو لوطو ,نزل شيفور حل ليهوم لباب ,نزل نبيل هو اللول و مد يديه لوجدان و كيضحك (انا غايبقا فيا هاد نبييل اووف واخا دار هكا ولكن كيموت علا وجدان كثر من راسو اووف )قاليها;نزلي ا اميرتي 

مدات ليه يديها ونزلات ,حتا من زينب نزلات مد ليها ضراعو و خشاو ضراعهوم فيه كل وحدة من جهة و تم غادي داخل بيهوم و كيتمختر ما حنان ناسيها ههه غا دخلات وجدان سرقات قاع اضواء ,واخا صغيرة ولكن فاتنة ,كلشي عجباتو و سي نبيل ماقاداه فرحة بيها ,كيعرفها على رجال الاعمال وهي كتبتاسم ليهوم واخا معندهاش مع داك البروتوكول ديال والو ,هي وزينب اكيشوفو في بعضياتهوم شوية ستأدنو من نبيل و مشاو وقفو فواحد القنت تركنو وبداو في تبرgيg 

زينب;هه واتي شوفي ديك لي لابسة الحمر ,هههه تي الكسوة مقزبة و باقا كتطلع فيها ههه سطرينg بان ليها بالكحل هههه 

وجدان;هه وهاديك الشارفة لي لهيه ,هه دايرة بيريك شوفي كيف كتحكك على داك البريهيش هه والله حتا كيشرفو و كيهترو 

زينب;واتي ورقي لي صاحبة الصدر العظيم ههه بقرة والدة ههه ,شوفي فاك الشارف لي معاها هه باركي يقرص ليها فقزيبتها و هي كتفرنس هه 

وجدان;هه الشوهة اصحبتي 

بقاو في النميمة هادي تنفع وهادي تضر ماخلاو تاحد ولي كيجي عندهوم كيقمعوه ,حتا وقفو عليهوم واحد الشاب متوتز و زوين سمر و حروفو كحلين العيني مارو الشعر كثيف احح قلبي انا دخت الفورمة وينو واحد الابتسامة عندو ولكن باينة فيه زهواني سميتو صفوان 

وجدان شافت فيه مداتهاش فيه هزات عينيها طلعاتهوم فيه ونزلاتهوم ;ش كاين 

هو بابتسامة;مم انا صفوان حاب نتعرف عليك ا انسة 

هي;سمحلي مابغيتش و يمكن ليك تمشي باي و دارت عند زينب و نخلاتو بحالا ماكينش ماحملش راسو ومشا 

زينب;تي مالك قمعتي الدري 

وجدان;من الصباح وهو يتزيرط من هادي الهادي ,قبيلة كان مجمع مع صحابو و يشوف فيا و يغمز صيفط صحابو هوما اللوولين من قمعتهوم جا زعما جوكير ديالهوم تفو على قنس يخ 

****عند كريم

الصباح مشا المدرسة عيا مايقلب عليها والو ,حتا زينب ماجاتش و سول انور قاليه ماعرفش حتا هو كيعط لزينب مكتجاوبوش ,خرج كايغلي عيا مايعيط والو باقي طافي ,مشا المركز بقا خدام على ديك القضية لحق عليه فهد لي كان دماغو مبرزط مع ماماه بقاو في المكتب حتا شوية طاحت فكرة عليه يقلب عليها في فالفايسبوك ,دار سميتها وكنيتها طلعو ليه بزاف ديال وجدان سقراط بقا نازل كيشوف حتا لقا طوف ديال بروفيل ديالها دخل الصفحه ديالها و هو يخرج عينيه ,

,قاع تصاورها ممسوخين ها لي بشورط ها لي كسوة مقزبة هالي الظهر عريان كول طوف جامعة شي خمس مائة جيم و شحال ديال كومونطيرات تعصب وهو كيقلب يله بغا يخرج وهي تلاح طوف جديدة بديك الكسوة ,هي وزينب كاتبة بارتي تايم ,لاحت ثاني في لوطو كاتبة ان واي(في الطريق)لاحت طوف اخرا كاتبة,كوينز اوف بارتي (ملكات الحفل)كيشوف فيهوم و كيزومي و كيغلي فديك الساعة جمعات شي مائة فحال كيتسناوها غي تلوح كيقرا فديك الكومونطيرات و كيزيد يشعل ,طوع قاع داكشي لي فمكتبو شتتو;واخا الالة وجدان ,كديري غي فراسك ,هانا انوريك ,نشوفو شكون لي غا يتهد انا ولا نتي (جبد تيلي ديالو )الو انور عفاك عطيني نمرة زينب بغيتها اوك ميرسي 

سيفط ليه نيم خداها و مشا ديركت واحد لبيرو دخل عندو لاخر اشافو و هو يوقف ;برك برك ,(وراه تيلي )بغتيك تجبد لي مكان هاد النمرة في السماط ولا الارض ,دابا 

هو;واخا خمسة الدقيق تكون عندك 

بقا لاخر يقلب في البيسي و سي كريم غادي جاي غادي جاي بالعصاب و يصب ,دازت خمسة الدقائق عطاه لبلاصه فين كاينة خدا تيلي ديالو ومشا طاير طريق كاملة وهو يضرب في لفولون و يعاير وصل لفيلا لي فيها الحفل لقا الدنيا كاملة فيدورة يعني ماكينش كيف ايدخل بقا كيتسلت بان ليه واحد الصور مافيهش الحراسة نقز بالخف بلا حس وبدا كيستلت وسط الجردة ,حتا كتبان ليه ست الحسن باركة هي وزينب و واقف عليهوم واحد ,مكرهش يدخل يهرس مها بقا واقف كيتحلف عليها في خاطرو كان سي نبيل عاطي بالظهر ماشافوش 

**

وجدان ;اوووف الحفلة مملة كون كان يصحابلي كون ضربتها بنعسة ولا نجي لهنا الكأبة 

زينب;حتا انا (جبدات تيلي )هه ليوم نسيت حبيبي توحشتو انعيط ليه 

وجدان;يعطيك حبة لا نتي لا داك المعوق ديالك ,انا تخنقت انخرج يضربني البرد شوية 

زينب ;واعنداك تضربيه 

خشات ليها راسها في تيلي;سكتي سكتي 

ناضت وبدات كتمشا و عوتاني قاع العيون عليها خرجات في اتجاه الجردة احطات رجليها حتا حسات يديها تجرات يله بغات تغوت و هو يصد ليها فمها بيديه علات وجهها فيه وهي تصدم ههه عرفتو شكون

شافت فيه و هي التصدم كان كريم هو لي ساد ليها فمها عينيه حمرين و خارجين هما لي كيبانو كتحاول تفلت منو قابطها بيد و كيشوفها 

وجدان;مممممممم وكتضرب فيه

كريم;انطلق منك تحاولي تغوتي ندفن دين موك هنا 

هي حركات راسها بإيجاب غاطلق منها و بغات تدردك ساعة معامن شدها و لصقها مع الحيط

كريم;باغا تسلتي ها ؟

وجدان;اش بغيتي عندي ياك قلتك ليك مابقيتش باغا نشوف كمارتك 

كريم;اه باش ديري لي بغيتي ,يخلا ليك الجو ,ضرب يدو مع الحيط واش هضرتي زايدة ناقصة عندك دوي ,اش هاد اللبس لابسة كلك معزولة وفخادك باينين,وزايداها لايحاها في الفايسبوك و الزوامل يتزلو عليك واش بنت ليك انا قواد 

وجدان;واش نت سوقك ديها فراسك وزيدون نت اخر واحد يدوي نت براسك بحالك بحالهوم 

كريم تحت سنانو;وجدان ماتختابريش صبري 

وجدان;اش غادير دوي اتضربني ثاني ولا غتغتاصبني (كتضرب في صدرو )دوي تكلم (بدات كتبكي)حيوان ,اهئ اهئ اش بغيتي عندي اهئ لاش تابعني هنا اهئ كنكرهك 

قوبط ليها يديها بجوج و حطهوم في صدرو و كيشوف فيها وهي كنتخصص ;شش تهدني ,

هو كتحاول تفك منو ;طلق مني اهئ بسع مني 

هو;قبط ليها يديها بيد وحدة و لاخرا حطها على خدودها كيمسح دموعها;قولي لي بغيتي صبيني عيريني ولكن الا الفراق ,انا عمرني انسامح ولا نبعد عليك ,سمحيلي اوجدان عارف راسي تصرفت معاك خايب عمرني كنت هكا ولا شي وحدة حركاتني ,(هي سكتات و بقات كتشوف ليه فعينيه لي كيدوخوها )ولكن من كنكون معاك كنترفع ماكنبقاش نتحكم في راسي اي حاجة فيك كتجدبني عينيك ,فمك نيفك هضرتك ضحكتك ابتسامتك شعرك ,كلك كلك ,انا كنبغيك اوجدان ديريها في راسك و عمرني فكرت نأديك ,لبارح عرفت راسي غلطت معاك انا حيوان حمار قولي لي بغيتي ولكن امبعديش علي انا منقدش نعيش بلا بيك البارح داز عندي كحل و نتي كاعية علي ,كنصوني مكتجاوبيش قاع الافكار الخايبة دازو في بالي كنت انحماق ,(هز يديها وحطها على قلبو)حسيتي بيه كيف يضرب من كتكوني حدايا ؟

هي كتافات غي بالصمت وكتشوف فيه و كتبع حركاتو وكيف كيهضر و كيعبر اي حاجة فيه كتخليها تسافر اي حاجة غزالة ,راجل بمعنى الكلمة جداب فكل حلاتو وهو كاعي وكيعبر و هو حزين كلشي فيه زوين ,هو كيتكلم و هي مرفوعة و هضرتو كتمشي القلب قبل العقل مسكات ليه في يديه لي شاداها و بتاسمات ;اووك مسامحاك 

هو فرح ديك النظرة الحزينة لي كانت فيه جا بلاصتها بريق في عينيه ;ههه حلفي 

وجدان;واصافي دويت معاك 

عنقها;هه كنبغيك افنكوشتي نموت عليك 

وجدان;كنبغيك فهمناها و فنكونشي لاش دابا 

بعد منها و ضحك جر ليها حنيكاتها;على نتي ماشي فنكوشة,و برهوشة ؟

وجدان;ها حنا بدينا في السبان (ربعات يديها )ايوا من انا ابرهوثة و بعلوكة لاش جاي تابعني (وتمات غادة معفرة حتا جرها)

كريم;ههه وينو حبيبتي كعات هههه 

وجدان;نت لي بديتي كتعاير 

كريم;هه صافي سمحيلي ابريهيشتي نموت عليك 

وجدان;وسير فحالك قبل مايخرج بابا ويشوفنا 

كريم;ولا خرج نيت نقول ليه سي سقراط هضر مع بنت غاتخرج لي العقل حمقاتني ,

وجدان;واصافي سير فحالك 

كريم;دابا كتجري عليا ياك 

وجدان;بلززز عافاك 

كريم;هاهو غادي ,شوفي تحركي هك ولا هك والله حتا نقتلك

وجدان;بدينا ثاني واسير 

باسها في حنكها;اه شعلي داك المشقوف ,و (باسها في الحنك اخر)احح مسخيتش 

وجدان كتدفع فيه;سير فحالك 

كريم;هه وارانتي بنينة اش ندير ,(تم غادي وهو يرجع)باقا لينا هضرة خرا على ديك التصاور و ديك الحالة لي دايرة في الفايسبوك واخا؟يله سيري 

مشا كريم رجع نقز و مشا لوطو ديالو كيصفر و فرحان و لكن كان واحد الشخص راكب في لوطو وراه وحاديه و كيتغضض 

ما ست الحسن رجعات الحفلة اباركة و تفرنس بحالا رابحه في لوطو هههه مساخيط وخلاص ,سالا الحفل رجعو فحالهوم نبيل الطريق كاملة هو يعاود ليها قاع الناس عجبتيهوم حمرتو ليا وجهي هه بدا كيتفنن و فرحان بيهوم ,وصلو دخلو دوشو بدلو وتلاحو فوق الناموسية ,عاودات ليها كلشي وحتى زينب فرحات ليهوم من رجعو سيفطات مسج لكريم حيت هي حافظة نمرتو هه الحب ومايدير بقا كيتحتتو و لكن ماقالتش بلي غتسافر غدا حيت اكيد غادي يمنعها المسخوطة باقا حتا ماكملات بلاصتها ههه عياو و ضرباتها بنعسة وخلاتو كيعبر في تيلي كيف ديما

اصبحنا و اصبح الملك لله 

وا نزلي البقرة تفو ,واش اختي ماكين لي سول فيك واليديك ماخيفينش عليك واش ولدتك و نسيتك تفوووو وانزلييييي 

زينب(كتنزق فوق الناموسية)والا نوضي هي نوضي عمي قاليا نفيقك باش نوجدو راسنا راه الطيارة كتسنا من هنا ساعتين باي باي مروكو 

وجدان;قاليك من هنا ساعتين واروحي تقودي بعدي مني ولا نود نفلعس موك ختاري 

ترن ترن ترن تيلي كايصوني 

وجدان شافت النمرة;اووف قوم كيدير تفو ماينعسو مايخليو لي نعس 

زينب;ههههه جاوبي احنينتي قبل مايخرج ليك من تيلي 

وجدان;تفووو (فتحات الخط )الوو (بصوت حاقد)

كريم;املك فايقة مقطوعة ماكامياش 

وجدان;واش اخويا نت كتفيق بكري وانا تحرر فيا النعاس 

كريم;يخوي ليك الضراس ,قادي هضرتك ولا نجي نهرس ليك داك الفم لي فرحانة بيه 

وجدان;ومالو علا من زيناتو 

كريم;ههه هي هادي ماكدبتيش فيها علا من زيناتو غا ديال البوسان 

وجدان;جماااااااااال 

كريم;هههههه كدبت ؟ايوا كيصبحات برهوشتي 

وجدان;قلت ليك ماتبقاش تقول ليا هاد الكلمة اووف 

كريم;ههههه اجي نتي شفت الثمانية اللاروب هادي شفتك ماناوياش تمشي تقراي ياك داخلة مع الثمانية 

وجدان;لا ماغنجيش هاد السيمانة غادا مسافرة (وهي تصد فمها )

كريم;كيييييفاااااش عاودي عاودي سيري لامان نهرس مك

كتفكر فشي خطة;راه بابا قاليك بغا يمشي لمولاي عقوب يبرك فيك شي يامات 

زينب مكرشخة بالضحك ,وهي كتقول ليها سكتي 

كريم;ونتي بركي فداركوم ,لاش غادا 

وجدان;راه ضاروري خاصني نمشي معاه ,وزيدون مولاي عقوب راه غي قريب و ماكينش بنادم بزاف فهاد الوقيتة يعني بلا ماتعكس 

كريم;اوووف صباح هدا فمك ماكيقولش الحاجة الزوينة تفووو ,سيري و لبسي تاني العرا و نلقاك كتحنقزي لي ثاني راه باقي ماتفهمناش على البارح ,والله حتا نجي ندgدg موك تم مانعقل لا علا باك لا سيدي زكري هاني فين علمتك 

وجدان (يلا لقيتيني تم جي عكر ليا )واصافي اجمال 

كريم;وبقاي تحلوني علي تم راه ماكياكلش معايا داكشي 

وجدان;اووف صافي فهمنا 

كريم;يوا مزيان ,اجي توحشتك 

وجدان;باينة ونت من الصباح ونت بارك تغوت 

كريم;راه نتي لي كتجعري بنادم تخليه ماشي يغوت ,المهم نودي دابا فطري من بعد وندويو عندي حصة دابا 

وجدان;اووك باي

كريم;كنبغيك 

وجدان;هههههه (تزنكات)

كريم;ههه يله باي بلا متزنgي لي ثاني تم ههه 

وجدان;هه باي (وقطعات )

بدات كتسل اللله على صباح ,جاتها المخدة الوجه 

وجدان;تي مال دين مك واش كتقلبي علي فهاد النبوري ؟

زينب;والله يمسخك ,مالقيتي غا مولاي عقوب هههه؟ناري ويحصلك مشيتي فيها ,ههه انترحم عليك 

وجدان;حيدي حيدي منين ايعرف ,وزيدون حتا لتم و يحن الله مكحلاها مكحلاها ههه التاكلي علا ختك كسيكسو لا عرف 

زينب;قولي ليهوم يقويو السمن كنموت عليه ,واخا كسكسوك ايجي باسل هه 

شيرات عليها بمخدة ;نودي تقودي خليني ندوش تفو علا ماركة كيف دايرة 

نادت دخلات للدوش عامت غسلات ,خرجات نشفات شعرها لبسات كسوة في الصفر قصيرة من الفوق مشبكة و من لتحت فيها الوان ,صباط بلا في الزرق جمعات داكشي لي غايخسها ماشي بزاف ديال الحوايج حيت اتشري من تم مابغاتش تقل ,زينب كانت لابسة كسوة بالغوز سميطات و, ليبة في الكحل مع صباط طالع كحل و ساك مارو 

جرو هزو سيكان ديالهوم ديال الحوايج ونزلو باش يفطرو 

وجدان وزينب;صباح الخير 

نبيل;فقتي النعاسة هادي هي لي بغات تسافر ههه 

وجدان;ههههه واراه لبارح جينا من الحفلة معطلين هادشي علاش 

محمود كاعي على الوضعية حيت مخلاهش يسافر كيشوف في وجدان مكرهش يتلاح عليها ,حتا من حنان كتشوف فيها و تخنزر مانساتش البارح نخلها و كيضحك مع وجدان 

نبيل;فطرو بعدا راه امين و جد ليكوم الطيارة ,نوصيكوم من هنا الحراس مايبعدوش عليكوم ,اي واحد تبسل عليكوم ولا شي حاجة يتكفلو بيه ,تيلي يبقا ديما خدام ,دخول معطل لا ,

وجدان;كون هاني احبيبي تعليمك انديرها خطوة خطوة (وشافت في زينب )ياك ازينب؟

زينب;ااا اه اه اعمي كون هاني من جيهتنا 

نبيل;يله نودو راه شوفور كيتسناكوم ;

نادو سلمو عليه و وعلا حنان لي باينة ماعجبهاش الحال و خرجو لقاو با المعطي كيتسنا جا الحارس هز سيكانهوم دارهوم فو لوطو و ركبو قدامهوم سيارة فيها ربعة ديال الحراس و وراهوم سيارة فيها جوج ,محمد السادس غادي و خلاص(هه اضاحكين والله )وصلو المطار تكلفو الحراس بالوراق ما زينب غادا وتسيلفا و تلوح ,خمسة دقايق كلشي واجد داوهوم واحد الساحه في المطار مخصوصة غي للطياراة الخاصة ,طلعو و طلعو معاهوم ستة ديال الحراس ,وجدان دخلات لواحد لبيت و كملات نعاسها ما لالة زينب مامسالياش و بعد ستة ساعات هاهوما في امريكا و بالضبط في مطار لوس انجلوس

نزلو من الطيارة من بعد مافاقت لالة وجدان من النعاس لقاو ثلاثة الطوموبيلات كيتسناوهوم ,ركبو فوحدة ميرسيديس في الابيض و تبعوهوم جوج طوموبيلات من نووع رونج بالاسود بقاو غادين لمدة نصف ساعة حتا بداو كيخرجو على الديور و الزحام وبداو كيدخلو علا الفيلات و القصورة لي حدا البحر وصلو واحد الحي عامر غي بالفيلات و داكشي ديال هاي كلاس زينب حلات فمها وقفو حدا واحد الفيلا لا الكدوب على الله حرام كان قصر واشمن قصر كانو الحراس واقفين حدا لباب قد جغولة شافوهوم حلو الباب اطوماتيكومون دخلو وبقاو غادين وسط الحديقة الكبيرة حتا وقفو قدام الباب نزلو حلو ليهوم البيبان و هزو السيكان لقاو الخدامات مستفين حدا الباب كانو شي ثلاثة باقين صغار تكون عندهوم ديك ربعة و عشرين و مرا كبيرة باينة هي الرئسة ديالهوم ستقبلوهوم و الخدامات هزو السيكان و طلعوهوم البيتوة 

زينب;وااااو هادي كاملة فيلا واااو (وكتشوف و حالة فمها)

وجدان;زيدي و سكتي الشوهة 

جوزلين (رئسة الخدم);(الحديث بالنجليزية)مرحبا بانسة وجدان نورتي الفيلا 

وجدان;شكرا 

جوزلين ;راه الدرايت وجدو ليكوم الحمام ,لعو رتاحو بينما وجد العداء و نعيط ليكوم 

وجدان شافت في زينب;واش عيانة نتغداو هنا وكا نخرجو برا 

زينب;ههه (كتنقز)نمشيو برا برا ههه يوبي 

وجدان;شكرا مدام جوزلين ولكن انتغداو برا وبلا ماديرو بحسابنا العشاء اووك 

جوزلين;حاضر 

طلعو لبنات دوشو و بدلو وجدان لبسات كسوة قصيرة سميطات بالزرق و الخضر سباط خضر و ساك خضر ,زينب لبسات سروال كحل بيل سميطات كحل فوقو كاب غوز صيفي سندالة طالون و ساك ,هزو نضودراتهوم و خرجو ركبو في لوطو موراهوم تاني الحراس وصلو البحر ديال لوس انجلوس تمشاو شوية من بعد مشاو ريسطو قساو ,بقاو كيدورو على المحلات ديال الحوايج ,المحال لي دخلو ليه كيخرجو منو عامرين و الحراس كيهزو ليهوم بلاستيكات سالاو مشاو ريسطو كلاو في الضحك و تكركير و زينب تصور و تلوح في الفيس و تطاgي وجدان و العنابة خدامين ,مادخلو للدار حتا الوحد ديال الليل و هوما كيضحكو و مرونينها (دابا تهجريه اتسناي )وصلو طلعو لبيتهوم باش يبدلو و ينعسو ادخلات وجدان لبيت يله حلات الماريو 

ترن ترن ترن صوت الهاتف 

صديت الماريو و مشيت جهة ديال الناموسية فين لايحة تيلي هزيتو شفت النيم اهيا ناري جمال اش ندير ايكون زعما عرفني كاينة هنا ٥؟لالا باش ايعرفها نجاوب و نشوفوفتحت الخط 

انا ;الووو 

هو;فيييييييييييييييييييييييييييييييييييييييينك 

زعما ايكون عرف اني هنا لالا ;فين غانكون راه في مولاي عقوب امملك 

هو;باقا زايدا فيه ,نتي في مولاي عقوب ؟شوفي وكان 

انا;وعلاه فين انكون 

هو;بقا كتكدبي؟مولاي عقوب تحولات لوس انجلوس دوي و مسفحة ليا انا انوريك الكدوب كيف داير 

اويلي كيفاش عرف;جمال س

قاطعني;متزيدي حتا كلمة انا غدا جاي نوريك تقحبين كيف داير و تسلقيط و زايداها بالكدوب انا انوريك ولكن انا لي زامل تايق فيك انا سير قحبة لي خورني ولكن حتا الغدا نوري حبيبتي مولاي عقوب و نوريها تصاور في فايسبوك و الزوامل يزهاو انا انوريك 

انا;ج,,,(قطع)اويلي باش عرف ناري قودتها خاصني نخوي من هنا اووف 

دخلت ل فايسبوك ويلي ويلي ويلي علا بنت الحرام تاgاتني في التصاور ;زيييييييييييييييييييييييييييييييييييييييييييييييينننب انا انوري القحبة لي قالت ليك (وخرجت عندها كنجري ليوم نقتلها ليوم )دخلت عندها لبيت لقيت السيدة كتحاب لي مع فار دقيق حيدت ليها تيلي طوعتو 

زينب;املنا اش كاين 

قجيت مها;ياك ابنت القحبة عارفاني كادبة على جمال و نتي لايحة التصاور في فايسبوك و مطاgياني ياك قلت لدين موك ماتلوحيش 

زينب;ناريييييييييي والله حتا نسيت بلي عندو فيسبوك ديالك صافي طلقي مني راه والله مادرتها بلعاني و زيدون هاهو عرف حنا دابا فين و هو فين 

انا;ابنت القحبة راه قاليك غد ا جاي و محلف علي بالبيان ناري قودتها صافي خاصني نعلق من هنا ضروري 

زينب;اويلي و فين انمشيو 

كانت بادية نشرة الاخبار 

المديعة ;نعلنكم اعزائي المشا هدين عن افتتاح معرض للرسم التشكيلي للفنان و الرسام التشكيلي العالمي المعروف سيد القلب سيعرض اخر لوحاته الحاملة لاسم صوفي ودالك يوم الاحد في متحف الحرب العالمية الثانية في العاصمة الاوكرانية كييف 

زينب;تي مالك تخشيتي فديك التلفازة انا مافهمت تا وزة تي هادي باش كتهضر و نتي حالة فمك 

نقزت ;وييييي 

زينب;رجوع الله احنينتي تي مالك 

انا;هه صافي لقيت فين انمشي انمشيو الاوكرانيا ههه احح ادوارد مندوزا غايعرض اللووحات دياولو ههه 

زينب;و نتي باش فهمتي اش قالت 

انا;ما عرفتش المهم فهمتها جاتني بحال يلا كتهضر بالدارجة 

زينب;اويلي تي يمتا تعلمتي الاوكرانية ,انجليزية و فرنسية عارفينك كاتطيري فيهوم حتا الايطالية و الاسبانية لا دويتي بيهوم را عمي دخلت معهد اللغات ولكن الاوكرانية امتى تعلمتيها 

انا;بفففففففففف والله ماعرفت لي عارفة انا كنفهم ليها و صافي (بعد صمت )انقول ليك واحد الحاجة ؟انا من نهار جيت من المزرعه كنحلم شي احلام ماشي حتا لهيه و حتا اللغة بحال هادي مكنتش عارفة باش كندوي ولكن دابا من سمعت هاد خيتي عرفت بلي هادي الاوكرانية مفهمتش 

زينب;تف تف بسم الله الرحمان الزحيم ياكما جنون هوما لي كيعلموك ونتي ناعسة ياكما ضاربك الجن العاشق اوكراني 

انا;ههه نودي قبل مايجي يضربني الجن العاشق المغربي 

زينب;ههه هاداك دقتو خطيرة اجي واش انمشيو دابا و باباك؟

انا;اه انتحركو دابا قبل مايجي عزرائيل يقبط روحي وبابا مغنقول ليه والو و دوك الدمادم ديال الحراس قليل من التهديد ايسدو فمهم (غمزاتها)فهمتي يله نودي تجمعي خلاص 

زينب;بففف على قبل هاد جمال انتساراو العالم كامل غا باش ايشدكش واراه فيك فيك اللهم برديها دابا و لا من ايشدك ايفلعسك 

انا;اها باش يجي يهلك ديلمي عصا نتي را ماعارفاش دقتو ولد الحرام كيرخيها حتا يرخيها و كيعطيك سلاي فين ماجات نودي خلاص دغيا 

نادت زينب كتجمع الحوايج لي غتلبس و حتا وجدان جمعات حويجها نزلو وسات الحراس مايقولو الباها والو ودلك بعد تهديد و مشاو المطار ركبو في الطيارة الخاصة ديالهوم و حلقو في المساء الوجهة ديالهوم مدينة كييف الاوكرانية

****عند كريم

من بعد ماقطع معاها بارك كيصب و يعاير حتا دخل عندو فهد لي كان باين فوجهو حزين 

فهد;املك اصاحبي صوتك واصل حتا لبرا 

طوع داك تيلي ;السيدة كتسارا في لوس انجلوس مع راساتها و انا طلقاها علي بركة عليا انا في مولاي عقوب 

فهد;هههههه والله ماكان في لي ضحك مسخوطة هاد وجدان ههه 

كريم;صافي بارك علي حتا نت ولكن انا غدا انوريه ديلمها لوس انجلوس يلا منطبعها ليها فكمارتها مانتسماش انا كريم الهيلالي 

فهد;تهدن اصاحبي و ماتسرعش اتصدق اخاسرها 

كريم;واش بغيتيني ندير نبقا نتفرج فيها 

فهد;شوف سمعني الدرية باقا صغيرة يله عندها سبعطاش العام يعني يله بداتها سن المراهقة ,ونت قبل ماتعرفها كانت هكا كتلبس و الدور عادي عندها ,يلا بديتي نت كتدير ليها هكا و تزير معها اتبقا حتا تبقا وفي الاخير اتخليك داكشي كيجي غي بشوية و التفاهم ماشي بالعنف 

كريم;عيت ماندوي معاها وهي كتدير غا ليفراسها,الموشكيل را ماشي حيت سافرات كون تقولها لي نسافر معاها ماشي غي لوس انجلوس نساريها العالم كامل المشكيل هي سافرات بوحدها و ماكينش لي غايقابلها لا سرات ليها شي حاجة انا خايف عليها 

فهد;ياك معاها الحراس شكون 

كريم;نت ماعارف والو وجدان مريضة (عاود ليه نهار المزرعة و على الحالة لي سرات ليها واش قاليه الطبيب)دابا فهمتي انا خايف عليها لا تجيها ديك الحالة ثاني و تصدق دايرة فراسها شي حاجة 

فهد;انا متفهماتش لي هاد القضية زعما هي ديما ضاحكة اش غايكون سرا ليها في الصغر 

كريم;وهادشي لي محيرني مشيت عند الطبيب ديالها العيادة قالي بلي عاشت فشي صدمة في الصغر كبيرة هادشي لي كيخليها دخل فدوك النوبات ديال العنف عيت معاه يقول ليا لدرجة شبعت فدينمو عصا ماسورت عندو والو 

فهد;اووف هادشي كيحير زعما يكون باها لي اداها 

كريم;لا منظنش هي كتموت عليه منظنش باها 

فهد;تقد تكون زعما تعرضات المحاولة ديال الاغتصاب ولا شافت شي حاجة ماشي حتا لهيه 

كريم;سولت الطبيب قالي نو معندها حتا اغتصاب وهادشي لي غايسطيني ودابا هي بوحدها تم يلا غا تعصبات ولا تقلقات كتجيها ديك الحالة و كتخاف حتا من الادوات الحادة فحال الموس و الزيزوار وداكشي داك نهار ديتها باش نحيد ليها الخيط غا جبد ليها الزيزوار و هي تبدا تغوت و تبكي دخلات فهيستيرية كون تشوف ديك الحالة راه الزنقة ماتخليهاش تمشي بوحدها ,هادشي لاشي كنقول ليها لبسي مستور و ماتمشيش بوحدها لا تعرض ليها شي حد اوووف كيضرني راسي مكنفكر فهادشي 

فهد;ماتستاهلش هادشي درية ظريفة ولكن شكون لي سد عليها الدوش من برا

كريم;حتا انا معرفتش هدا لي دارها راه بغا يقتلها و لا عارف عندها فوبيا من هادشي وبغاها تأدي راسها براسها 

فهد;هدشي خطير اصاحبي ,ولكن نت رطب معاها و صافي فهمها بلاتي يا أحسن هانتا قلتيها يلا تعصبات ولا تقلقات كتجيها ديك الحالة و لا ضربتيها كتظن ماغتقلقش ؟سيطر على الغضب ديالك اصاحبي 

كريم;انحاول انا غدا انسافر لوس انجلوس مايمكنش نخليها بوحدها مانعرف هدا لي حاول يقتلها يتبعها تم اووف 

فهد;حتا انا غد انسافر الاوكرانيا الوليدة عيانة شوية 

كريم;مالها ياك لاباس ؟

تنهد;عيطات لي دادا ايزابيل قالت ليا مبقاتش لا كتاكل لا والو شادة عليها فبيت اسيل وكتبكي قالت ليك كتحلم بيها كتقول ليها هانا راه مامتش انا معاك خاصك غي تعتقيني كتبدا تغوت وتقوليهوم عتقو لي بنتي الوليد عيا معاها واولو اووف ,خاصني ضروري نمشي ,

كريم;اش غنقول ليك اصاحبي ,الوليدة هي اللوولة ,ولكن عندي ليك خبار جديدة ,الرئيس قالي من نسدو الملف ديال مول البوطوار ايخلينا نبحثو علا (بكره)سي حميد الابراهيمي 

فهد;زعما عمي ؟

كريم;اه 

فهد;وكيفاش انشدوه وهادي كثر من عشر سنين وحنا كنقلبو عليه راه باينة ايكون بدل السمية والكنية ويقد يكون بدل حتا وجههو 

كريم;واخا يبدل حتا طرمتو نجبدو نجبدو اندوقو المرار لاهو لا عائلتو كيف حرق عائلتي انحرق ليه قلبو اندمرو 

فهد;واحتا انا مايمكنش نفلت الفرصة ,كيف قتل ختي و وحرق قلبنا عليها ,انحرق قلبو انشعل فيه العافية ,انحاسبو على كل دمعة هبطاتها الوليدة 

كريم;هههه نهياتو قريبة خاصني انفاريها مع هاد مول بوطوار و غانعطي وقتي كامل ليه كان في سماء نهبطو كان في تحت الارض انطلعو 

فهد;وانا معاك فكل خطوة ,المهم خاصني نمشي دابا راه ستة العشية هادي يله نعس شوية و باش نسافر 

كريم;اووف والله ماديتها في الوقت بقيت مضارب مع هاد الملف و وجدان كملات علي انكمل هادشي لي فيدي و نمشي يله (ناد عنقو)طريق السلامة وسلم على خالتي سيلين و عمي محمد 

فهد;مبلغ وحتا نت حاول على راسك وعلى الدرية (غمزو)اووك 

كريم;اووك صافي 

مشا فهد و رجع كريم البيرو ديالو كيفكر تكا علا الكرسي ديالو و رجع راسو اللور و كيفكر و فجأة عقلو سافر لربعطاش لعام اللور

****فلاش باك (اربعة عشرة عام)

كريم كانت عندو ربعة عشرة عام كجري في الجردة و را ختو الصغيرة عندها ثلاث سنوات وكيلعبو;ههه هانا شديتك اش اندير ليك دابا (وكيهر فيها و هي كتضحك )

ايه;هههههه ساسي ساسي (صافي)كليم هه ساسي هههه 

كريم;هم هم ليوم ناكلك ههه 

شوية و هو يسمع صووت الرصاص تخبع ورا واحد الشجرة بانو ليه شي رجال قتلو الحراس ديال الفيلا ديالهوم سد ختو عينيها و فمها باش ماتشوفش داك المنظر سمع شي حد كيقول ;يله تحركو بغيت قاع لي فهاد الدار يموتو ماتخليو تاحد حي 

هو شهق من سمع ديك الهضرة وتفكر بلي باه و مو كاينين للداخل هز ختو و تم داخل كيتسلت من اللور ديال الجردة باش يدخل من باب اللوراني ديال الكوزينة باش يعلم باه و مو بدا كيجري و دخل من باب اللوراني ديال لكوزينة و ختو هازها و ساد ليها فمها و يله ايخرج جهة الصالة و لكن كان فات الفوت وصلو قبل منو كان الاب ديالو و الام ديالو باركين على ركابيهوم مستسلمين باه رد البال ليه دار ليه بحركة براسو تخبا قبل مايشوفوك 

الشخص;وا اخيرا طحتي بين يدينا اسي عمر الهيلالي هه 

الاب ;شكون توما وعلاش تهجمتي على داري 

الشخص;هه تفكر شي حد لقيتي القبط عليه هادي عام و قاليك غنتاقم منك 

الام غي كتنكي اهئ اهئ 

الاب;شش الحبيب (تلفت عندو)شحال من واحد شديت هاد العام و شحال من واحد هددني ,انا كندير خدمتي و كنلقي القبض على المجريمين فحالك 

االشخص;هي عندك اعداء كثاررر اسعادة العميد عمر الهيلالي ,

الاب;قول هداك لي مسيفط يلا كان راجل يجي واجهني 

كريم كيشوف من الكوزينة و كيبكي في صمت و شاد عينين اية و وفمها لي بدات كتنخصص و كيهدن فيها و كيتصنط و كيحاول يشوف فوجه هاد الشخص لي هاز على وليديه السلاح 

الشخص;البوس كيسلم عليك (وتيرا فيه و فمرتو )

كريم خرج عينيه من الصدمة دموعو نشفو و هو كيشوف مو و باه مليوحين قدامو 

الشخص حيد الماسك علا وجهه و دوز نمرة;وي البوس كلشي هو هداك تهنينا من عائلة الهيلالي ههه هدا راه حميد الابراهيمي و اجرك على الله مùتخافش مغنخليو حتا دليل و اليوم بليل انشد طيارة ونرجع الاوكرانية ههه متخافش 

قطع تيلي ودار شاف في جهة الكوزينة حيت حس بلي كاين شي حد من تلفت كان كريم تخزن فواحد القنت هو وختو 

عاود تفلت قال رجالو شي هضرة بشي لغة مافهامهاش شوية وهي تبان ليه العافية بدات كتشعل في الدار و وفمو و باه تصدم و هو كيشوف فيهوم كيتحرقو قدامو بقا واقف من الصدمة نسا بلي راه الدار كتحرق ماحس يلا و بختو بدات كتخنق في يديه حيت كان ساد ليها فمها و زير عليها طلقها بدات كتبكي و كتغوت ديك الساعة حميد ورجالو خرجو بدا كهدن فيها و هي كتبكي وكتقول بغيت ماما بغيت بابا اهئ عنقها و تمو خارجين الكوزينة كلها عافية ماعندهوم ,ي, يخرجو و اية بدات كتخنق وحتا هو و فجأة طاح واحد العود ديال البلاكار كان ايجي علا راسها طوعها قبل ماتضرب وجا في رجليه توعت و بدا كيقلب عليه والو وسط داك الدخان و العافية كيقلب كيقلب حتا شوية بانو ليه رجليها مشا كيجري و هي تبان ليه كانت موليوحة في الارض و فوقها عود ديال اخشب فيه العافية على كرشها طوع العوود وهزها كيبكي بدا كيحشوف منين ايخرج ماعندو ملنين ايخرج يلا ماهرس الزاج ديال الكوزينة هز واحد العود ضرب بيه الزاج حتا تهرس و بدا كينزق واللهيب كيسوط عليه حتا خرج الجردة هو وختو تلاح في الارض كيحاول يتنفس شاف جيهة ديال اية كتبان ليه مغيبة و كرشها كلها دم باينة محروقة هزها و بدا كجري بيها وسط الشاريع و كيغوت ماكانت غي واحد لوطو دايزة باينة كانو فشي عرس شافوه و قفو نزل واحد الراجل تكون عندو شي ثلاثة و ثلاثين 

الارجل;مالك اولدي 

كريم;اهيء اهيء ختي عتقو ختي 

نزلات المرا ;كمال اش كاين مال الدري 

كريم تحنا علا رجلين الراجل ;عافك ختي كتموت عتقوها اهئ اهئ 

المرا; كمال يله نديوها السبيطار الدرية راه حالتها شوف كيمغيبة 

كمال;ارا اوليدي *

حطها في لوطو و ركب معاهوم كريم طريق كاملة وهو كيبكي وهي كانت مغيبة وصلو كلينيك و بحكم العائلة كانت لاباس عليها دخلوها ديريك الغرفة العمليات بقاو دازت ساعتين والكل على اعصابو حتا من المرا و الراجل عطاضرو من الناس ديال العرس في تيلي و بقاو معاهوم 

خرج الطبيب;ماعندي منقول ليك الدرية جبتوها في حالة حرجة و الحرقة كانت من الدرجة الثالثة على مستوى البطن مما ادى لتشوه في المعي خاص ضاروري عملية استءصال جزء من المعي 

كمال;يمكن لينا نديوها برا و نعالجوها 

الطبيب;ممكن حيت هما الادوات ديالهوم متطورين علينا حنا اترتفاع نقبة نجاح العملية 

جر كمال مراتو بداو كيتكلو مع بعضياتهوم و رجعو عند كريم لي كان كيبكي

كمال;ولدي سمعتي الطبيب اش قال ختك خاصها ضروري تمشي الخارج باش تعالج 

كريم;اهئ اهئ 

المرا شدات ليه فيديه و بركات;حنا هادي خمس سنين باش تزوجنا من بعد عام ماجابش الله الولاد درنا بزاف ديال المحولات و والو يمكن دابا الله سيفط لينا هاد البنت في الطريق

كريم ;مافهمتش 

كمال;حنا انتكلفو بعملية ديال ختك و غنديوها الخارج ولكن ,,,

كريم;شنو 

كمال;انتبناوها و خاصك تنسا بلي كانت عندك شي ختك 

كريم;شنو (بصدمة )مانقدش 

المرا;عندك شي حل اخر لا؟ واش تبغي درية عندها ثلاث سنين تبقا تجرجر في الزنقة شوف غا حالتها حنا انعالجوها و غنربيوها و غنقريوها غنكونو حنا هوما اهلها و هي بنتنا لي مرزقناش الله 

كمال;متخافش و حتا نت انسيفطوك المدرسة عسكرية غتقرا فيها و غتخرج منها شي حاجة في المستقبل غي حاجة وحدة اش بغيتي 

كريم فكر بلي يلا رفض ماعندهوم فين ايرجعو حتا من الفيلا نهارت و اكيد هداك الشخص يلا عرف بلي باقين حيين ايبغي يقتلهم يعني حياتو و حياة ختو في خطر و مانساش فكرة الانتقام ديالو يلا دخل هاد المدرسة العسكرية اكيد اتسهل عليه المأمورية و هاد الناس باينة فيهوم ظرفين و غايعتنيو في ختو وهادشي لي بغا ولدالك وافق 

المرا و الراجل بتاسمو و هضرو مع الطبيب باش يوجد ليه وراق الانتقال و تكلفو بكريم سيفطوه مدرسة عسكرية في امريكا وهوما سافرو برا معرف عليهوم حتا حاجة اخرا من غير السيد سميتو كمال ,دخل المدرسة عسكرية دوزو عليه العداب الاليم ولكن فكرة الانتقام كل نهار كتزيد تكبر في عينيه لدرجة في التدريب قاع اوجه اعداءو كيبانو ليه حميد الابراهيمي دازت اعوام و كريم غادي وكيتبدل و كيزيد يصعاب لدرجة ولا كيلقبوه بالقلب القاصي ماكيرحمش قلبو مات و في السنة الاخيرة تلاقا مع فهد لي كان جا من بلاد اخرا و نتاقل لهاد الاكاديمي باش يتخرج من عرف كنيتو كان غايقتلو شدو فواحد الطواليط و بدا عليه بالعصا حتا فهد نطق وقاليه بلي حتا هو كيقلب عليه ودخل هاد الميدان غي باش ينتاقم منو ويلقاه وقاليه بلي قتل ليه ختو الصغيرة هادي ستة اشهر وتافقو بجوج ايقلبو عليه و غيندموه وتما فين تكونات الصداقة ديالهوم ,تخرجو و اكيد كريم هو الاول في الدفعة طلب الانتقال للمغرب واخا عياو معاه والو وحتا فهد نتاقل معاه ,عيا مايقلب على ختو والعائلة لي تبناوها مالقا حتا شي خيط حتا الاسم لي كانو دايرين في الكلينيك غالط بدا كيتلاها مع قضايا جداد ماكينش شي قضية خسرها دار مكانو في الشرطة المغربية كلشي ولا غي كسمع سميتو كيتزعزع ولكن فكرة وحدة فبالو يلقا حميد ابراهيمي و يلقا ختو ,,

فيقو من سباتو دقان في الباب هز راسو 

سعيد ;الشاف واش غتبقا راه الثمانية هادي 

كريم;(حط يديه على راسو )لا هاني غادي دابا 

تنهد و هز تجاكيط ديالو وتيلي و سوارت لوطو و خرج في اتجاه الفيلا ديالو حلو ليه الحراس الباب دخل جبد فاليز صغيرة هز فيها حوايجو و لوازيمو و خرج هز لوطو اخرا من نوع اودي كحلة و مشا للمطار لقا طيارتو الخاصة كتسناه مع القبطان ركب فيها و الوجهة ديالو امريكا و بالضبط مدينة لوس انجلوس السياحية 

(نسيت مقلت ليكوم حتا كريم لاباس عليه حيت من عرف البوس مات قد يرجع الثروة ديال لباه و دار شركة كبيرة ديال الازياء مي ماكيبانش في الصورة و هو كيتعد من اغنياء ديال البلاد )

اش بان ليكوم فهاد الحريرة لي قريتو دابا عرفنا بلي حتا كريم عندو ماضي مع سي نبيل لي الاسم ديالو الحقيقي حميد الابراهيمي ,زعما يلا لقاه وعرف بلي وجدان هي بنتو ,حبو لوجدان ايخليه يتخلى على فكرة الانتقام ,ولا الانتقام و الكراهية ايعميو ليه عينيه ؟

الله على هواء ياك ؟كتحسي بيه كدخل من النيف و كيمشي ديريك القلب 

زينب;لا نتي اكيد حماقتي عادي مافهمتكش ؟

وجدان;مغتفهمينيش منحطيت رجلي فهاد الارض حسيت بواحد الاحساس فشكل عمرني جربتو 

الحارس;انسة وجدان تفضلي راه وصلنا الاوطيل 

وجدان;شكرا 

نزلو من لوطو دخلو الاوطيل مع الحراس لي مافرقوهومش خداو سوارت ديال سويت حجزوه ليهوم بجوج و طلعو في المصعد زينب احالة فمها في المكان عكس وجدان لي مولفة بهادشي وصلو الجناح ديالهوم دخلو و بقاو الحراس مستفين قدام الباب 

وجدان;اووف عيت 

زينب ;حتا انا اندخل ندوش و انضربها بنعسة 

وجدان;حتا انا ولكن حتا نسبق كرشي هي اللولة جاني الجوع 

زينب;اوك 

حلات لافاليز جبدات منها بيجامة و فوطة ,وجدان تاصلات بروم سيرفرس طلبات منهوم يوجدو ليها ماتاكل كانت ديك الساعة شي ثلاثة ديال الليل عندهوم حيت اوكرانيا مفاوتة مع امريكا خرجات زينب لابسة حوايجها ديال النعاس و حتا وجدان دخلات تدوش بينما جابو ليها الماكلة دوشات بالخف و نشفات راسها خرجات لابسة شيرط قصير و بيل سميطات حيت الجو سخون لقات ديك الهايشة كاتخشي فوجهها

وجدان;ياختي حرام واش تسناي شي حد 

زينب كتدوي و كتاكل;مالك زن ولا شنو فيا الهيمري او 

وجدان;كولي كولي 

ساالاو الماكلة و نادو غسلو و حكو سنانهوم و تخشاو في بلايصهوم من بعد ما طفاو تيلي ديالههوم بجوج تحسبا للطوارئ هههه و نعسو مع العيا 

*****عند كريم وصل الامريكا خرج لقا شوفور ديال اوطيل كيتسناه ركب فيه و مشا ديريكت الاوطيل خدا سوارت ديال سويت ملكي و طلع الغرفة ديالو كيحاول يتاصل بوجدان كيلقا تيلي طافي عيط لزينب حتا هي طافياه عرفهوم ناوين على شي حزيت كعا وعيا مايتحلف في الاخير استسلم للنعاس حيت كان عيان بزاف مع ماكانش ناعس و السفر تلاح دودة

****عند فهد 

ليحطاتو طيارة خاصه في المطار خرج لقا رجال باباه كيتسناوه بلوطو ركب ومشا في اتجاه القصر ديالهوم وصل تفتحات ليه البوابة الكبيرة دخل بلوطو حتا وصل امام الباب ,لقا في انتظارو دادا ايزابيل لي كيدلعوها باسم بيلا (الحوار بالاوكرانية)

بيلا;اهلا اهلا بولدي (وحلات ضراعها)

هو عنقها ; توحشت ادادا ,لاش فايقة دابا كنتي تمشي ترتاحي 

بيلا ;واش ولدي جاي وانا نعس ,(حطات يديها في خدودو)زيانتي احبيبي و كبرتي 

فهد;ههه هي خاصني شي عروسة تشوفيها لي 

بيلا ;هههه لا نت لي تختارها 

فهد;فين هو بابا و ماما 

بيلا;باباك ناعس (تنهدات)وحتا سيلين كيف ديما فبيت اسيل ماكتخرجش منو نت اصريتي علي منقولش ليهوم بلي جاي 

فهد;اه لمهم انا انطلع نشوف ماما دابا 

بيلا ;سير اوليدي 

طلع في اتجاه الغرفة ديال اسيل بغا يحل لباب بقا متردد في الاول حيت من ماتت مابقاش دخل الغرفة ديالها حل لباب بشوية بقا واقف كيشوف فيه باقي كيف هو ماتغير عليه والو ,كان مليئ بالضحك و السرور العابها باقين هوما هوما حتا من القصر الصغير ديالها ا

سيل;خويا اجي لعب معايا 

قرب منها ;ممم اش كدير امورتي 

اسيل;هدا قصر ديالي وهادي هي الاميرة لي هي انا

فهد;هههه و فين هو الامير 

اسيل;ممم ماعرفتش (وشافت فيه)هه هو نت نت هو الامير 

فهد;هههههههههه 

مسح جوج دمعات وهو كيتفكر الماضي بانت ليه ماماه سيرين ناعسة على سرير ديال اسيل الصغير و معنقة الدمية ديالها المفضلة قرب جهتها كانت ناعسة وباين عليها التعب باس ليها راسها و غطاها و خرج من بعد ما ضرب نظرة اخيرة فهاد الغرفة ,مشا في اتجاه الغرفة ديالو لي ملاسقة معاها ,برك على قنت الناموسية وساهي في الماضي ديالو حنينو لختو كيألمو رجعات بيه الداكرة لحداش لعام لور من جبدوها من النهر وجهها كلو مشوه كالو الحوت بدا كيبكي وكيقول شنو دنبها شنو دنب طفلة بريئة اش دارت باش تموت بحال ديك الموتة بكا وبكا حتا فش قلبو وجهو الابيض ولا حمر عينيه الكريستاليتين كساتهوم الدموع هز سوارت لوطو ديالو وخرج مشا لباركينغ هز لوطو سبور ليمونية فحال هادوك ديال السباق ركب وبدا كيسوق بسرعة جنونية غادي كيتسابق مع راسو ولا مع الماضي باغي يخليه وراه كيشوف اسيل مرمية قدامو و مو كتبكي ضحكاتها صداهوم في راسو خويا خويا اجي ههه خويا نلعبو كيضرب في فولون ديال لوطو و معصب و كيزيد في السرعة ما وقف الا و في الجسر لي لقاو فيه الجثة ديالها رجعو ليه قاع دكريات نزل من لوطو و كيتمشا فداك الجسر و دموعو شلال وصل لبلاصة لي جبدوها منها برك في الارض كيتلمسها بيديه بحال يلا كيتلمس في وجهها كيبكي وحط ركابيه الارض و كيشوف جهة النهر;اسيييييييل (ءبحر جهدو كينادي اسمها)اسيييل بقا كينادي اسمها مدة وها فديك الحالة حتا برد غدايدو عاد رجع ركب في لوطو كانت الشمس بدات كتشرق رجع القصر ديالهوم وطلع ديريكت الغرفة ديالو مدمر تلاح في الناموسية بحوايجو هكاك نعس بكثرة العيا و البكا

اصبحنا و اصبح الملك لله

ابطالنا فاقو و دارو اعمالهم الروتينية مثلا 

*****عند كريم

ناض صباح اول حاجة تاصل بوجدان لقا تيلي طافي ,,,ناد دوش و خرج لبس سروال دجين و بيل بيض نص كم بقا كيتاصل بوجدان كيلقا تيلي ,طافي طوع مو و خرج وهو حالق يلقاها يدوز عليها

*****عند فهد 

ناعس فبيتو من بعد معاناتو ديال ليلة ديال البارح ,حس بشي يدين كيدوزو على وجهو بدا كيحل فعينيه 

(الحوار بالاوكرانية)

بيلا;وليدي نوض 

فهد;ممم شحال في ساعة ادادا؟

بيلا;هادي العشرة نود راه باباك في الصالون كيشرب قهوة

فهد;وماما؟

بيلا;(بحزن)كيف العادة في بيت اصيل (تندات و بتاسمات)اتفرح من تشوفك يله نود و وكلها راه فطورها خلاتو كيف هو ,

فهد;اووك ادادا انا ندوش و نجي 

بيلا (ناضت;اووك وليدي 

ناد فهد برك في طرف الناموسية بدا كيحك فراسو و كيفكر من بعد ناد دوش ولبسبيل بيض لاصق عليه و سروال سورفيط غري و نزل عند باباه لصالون كان سي محمد كيشرب في قهوة و كيقرا جورنال اشافو و ناض عندو عنقو(محمد رجل في الاربعينات من عمرو بيض و حروفو شهبين تقريبا نفس ملاميح فهد واخا كبر باقي تيتيز ههه 

محمد :ولدي فهد مفاجأة زوينة هادي,امتا جيتي؟

فهد;لبارح في الليل 

محمد;وعلاش مقلتيهاش لي 

فهد;ههه كون قلتها مغتكون مفاجأة او لا نو؟

محمد;هه عندك الصح ,واخا كنت غاضب عليك حيت (بحزن)هادي ستة سنين ماجيتي للدار من موت ,,(بتاسم بحزن)المهم هو جيتي دابا وشفتك ماماك اتفرح 

فهد;كيف دايرة هي دادا قالت لي عاد مكتزاد عليها الحال لدرجة مابقاتش كتاكل 

محمد;اه اوليدي هادي عشر يام وهي على هاد الحال حابسة راسها فبيت اسيل لا ماكلة لا والو بزز يلا دارت شي حاجة في فمها انا وضعها مابقاش عاجبني كنظن بلي خاصنا نستاشرو مع شي طبيب نفساني 

فهد;انا نود نشوفها 

محمد ;اووك وليدي 

طلع فهد الغرفة ديال اسيل وصل الغرفة ديالها لقا لباب مردود حل لباب شوية كتبان ليه سيرين باركة في كرسي في بالكون قابطة دمية اسيل المفضلة و كتشوف في الفراغ داك منظر ديالها قطع ليه قلبو قرب منها بخطا ثقيلة حتا وصل عندها هي قاعما لاحظات و جودو حت حط يدو على وجهها البيض الشاحب ,تلفات عندو وهزات راسها شافتو كانو عينيه دامعين من شاف حالتها ضعافت و تحت عينيها كحال ولات فحال الوردة اليابسة تحنا عندها هي هزات يديها وحطاتها في خدو و دموعها كيسيلو

سيرين;ولدي فهد جيتي

(خدا يديها باسهوم و ردهوم لخدو)اه اماما هانا جيت 

سيرين;توحشتك اوليدي هادي ستة سنين ماشفتك 

فهد,سمحيلي سمحيلي حيت خليتك كتعاني 

سيرين;مسامحاك المهم جيتي عندي (وعنقاتو)

فهد;علاش اماما دايرة فراسك هاد الحالة اسيل الله يرحمها مغتبغيكش ديري هكا 

سيرين بعدات منو;اسيل ماماتتش انا حاسة بيها باقا عايشة هاديك لي شفنا ماشي هي انا متأكدة قلبي كيقول لي بلي بنتي عايشة و البارح حلمت بيها كتقول لي هانا اماما حداك اجي عتقيني ,بنتي عايشة افهد تيق فيا ,علاش مكتيقوش فيا ,كنقول ليك بلي بنتي عايشة و انا مأكدة قلبي كيقولها لي وقلب الام عمرو ماغلط 

فهد(بحزن)ماما 

قاطعاتو;كنحلف ليك افهد والله حتا اسيل باقا حية 

فهد;واخا واخا (شاف في بلاطو لي محطوط حداها)علاش مفطرتيش 

سيرين;لا مابغيتش حتا تقلبو لي على اسيل و نشوفها قدامي 

فهد كيبكي;عافاك اماما اسيل ماتت بلز ديري لي خاطري و كولي شي حاجة من كانشوفك هكا قلبي كيتقطع واش معندي حتا بلاصة في قلبك اهئ اهئ بلز 

بقا فيها ولدها هزات كاس ديال العصير و شرباتو;هانا درت ليك خاطرك وشربت العصير

فهد;اش بان ليك نخرجك شوية ندورو 

سيرين;لا مابغيتش نخرج انبقا هنا 

فهد;علاش اتبقاي هنا راه يلا حبستي راسك فهاد البيت ماغيتغير والو انخرجو ندورو و منها تبدلي الجو و ترتاح نفسيتك مم سمعت بلي ادوارد ميندوزا كيعرض اخر لوحاتو في معرض الحرب العالمية الثانية 

سيرين;مابغيتش نمشي ليه 

فهد;ياك عزيز عليك داك الرسام و كيعجبك الرسم علاش حبستي 

سيرين;حيت اسيل كان كيعجبها من كنكون نرسم 

قبط ليها يديها;و اسيل مغتبغيكش تحبسي راسك ,ياك غي دابا قلتي اسيل كيعجبها من تكوني ترسمي عا الاقل ديري شي حاجة تفرحها و يله نمشيو المعرض 

سيرين;مم واخا 

فهد (بفرحة);هه اووك انا نود نلبس شي حاجة و نقول لدادا تعاونك في اللبس نص ساعة نمشيو 

سيرين;واخا (باس ليها راسها و مشا)خلاها ثاني ساهية في الفراغ كتفكر بنتها من كانت ترسم وهي حداها 

***

سيرين كترسم في لوحة و جدان كتلعب بشيتة ديال الالوان و دايرة طابلو صغير و طالعة فوق كرسي و كتشوف في ماماها و كدير فحالها و مخرجة لسانها سيرين ردات ليها لبال حطات داكشي من يديها و جات لعندها لقاتها كتخربق في الطابلو و كتدندن 

سيرين;بنتي اسيل اش كديري 

اسيل (كترسم قاعما مسوقة ليها)

سيرين;اسيل اسيل 

اسيل;ماما راه مامسالياس دابا خاصني نكمل هاد الرسمة 

سيرين;هههه مم واش هادي الرسمة ,

اسيل;هادا البعد الاخر 

سيرين;هههه وكيفاش البعد الاخر منين جاتك هاد الفكرة 

اسيل;واماما ياك البالح مسينا للمعلض سمعت داك لسام كيقول البعض الاخر و كان لاسم فحال هادي 

سيرين;ههههه اه دابا انا فهمت ولكن ابنتي الرسام ماخاصوش يقلد شي حد غايكون رسام فاشل,خاصك تبدعي و تجيبي افكار جداد

اسيل حطات ديك الشيتة و شافت في ماماها ببراءة;كيفاس نديل 

سيرين;الافكار كيجيو من هنا (شيرات ليها في القلب)و كيطلعو هنا (شيرات ليها لراسها)عاد كيتحطو هنا (شيرات ليها للطابلو)

اسيل;مافهامتس اماما هادسي كبيل 

سيرين;هههه غمدي عينيك و ماتبقايش تفكري في المحيط بيك عومي في الخيال ديالك 

اسيل دارت داكشي لي قالت ليها ماماها و غمضات عينيها شوية وهي تبسم

سيرين ;اش شفتي 

اسيل;سفت اميرة بحال باربي و باركة فحديقة عامرة بسوكولا و فنيد و الورود و الاسزار و عندها كلب صغير 

سيرين;هههههه هههههه شفتي هانتي تخايلتي شي حاجة يله رسميها 

اسيل;هههه وي ههه 

*****

بيلا ;بنتي سيرين سيفطني ولدي فهد عندك 

سيرين رجعات الحاضر مسحات دمعة من عينيها و ناضت في اتجاه بيلا;واخا هانا جاية

****عند وجدان و زينب 

لي ضاربين دنيا بطالون يتفرgع لي بغا يتفرgع 

وجدان;وافيقي الزبلة فيقي 

زينب;يرحم جدك ماتفرقي من دينمي فهاد الصباح 

وجدان;وانودي راه الطناش هادي و المعرض ايبدا مع الثلاثة 

زينب;وهاني قلتيها باقا ثلااثة السوايع واخليني عليك 

وجدان ;كنحلف ليك بالله لا متقلعتي حنا نخوي على مك سطل ديال الماء انحسب حتا العشرة ,,,واحد ,جوج ,ثلاثة,ربعة;خمسة,ستة,سبعة

زينبث;اوفف اووف هانا نايضة ,تفو على gنص كيد داير ,جايبانا حتا الاوكرانيا على قبل معرض ديال الرسم gنس كيقلب على الكأبة الله يستر 

وجدان;وابقاي تنgرزي علي تم نجي نفلعس ختي يله تحكري بينما عيطت لروم سيرفرس يجيبو الفطور واخا راه ولا غدا 

زينب;واخا 

دخلات زينب للدوش دوشات خرجات لقات يله جابو الفطور فطرات و هي لاوية عليها الفوطة ,عاد نشفات حالتها وبدات كتلبس 

لبسات بيل بيض مهلهل مكتوب بالكحل و شورط حتا لركبة كحل و بالغين غري ,وجدان كانت لابسة شورت قصير ديال دجين و بيل كم بالغري و الكحل بالغين زرقة دارت بينو هاد المرة و عكر غوز

زينب;هاي على الناس دارو عكر و بينو 

وجدان;غا رشقات ليا عليه و صافي ,معرفتش عندي واحد الاحساس فشكل هاد النهار,معرفتش كنحس بقلبي كيرفرف الخلعة ولا الفرحة 

زينب;هاديك غا الخلعة ههه قلبك مسكين عارف يلا شدو جمال ايخرجو من بلاصتو ههه 

وجدان;اسكتي مكاحلاها من عندو 

زينب; و زايداها طافية تيلي نتي لي كتقلبي عليها و قولي كيجبدك 

وجدان;اش بغيتيني ندير باش يله يبقا يعيط ليا ويبدا يسب و في الاخير يعرفني فين كاينة يدفن مي حية اللهم ندوزها هاد السيمانة ونعيش الحياة حتا يلا قتلني من بعد هانية ,سعداتك نتي بعدا بداك وجه الطاوة ديال انور اكتخرجي عينيك فيه كيسكت ما انا نخرج عيني يحيد ليا

زينب;هه انور مسكين اظريف واخا يلا كعا كيولي صعصع مي كنعرف ليه مهداك عندك ماكتخدم معاه لا مفاهمة لا ستة حمص 

وجدان;انا بعدا كيخلعني من كيتعصب اهيا ربي 

زينب;شري الكفن و الحنوط من دابا هه وجدي وجدي ,(عنقاتها)بلاستك اتبقا خاوية ,مي متخافيش انا كاينة نعمرها لحبيبة 

وجدان;روحي تقودي علي تفو على بشر كيف داير (بحزن)توحشتو معرت ش غايكون كيدير دابا

زينب;هه اكيد دابا كيقلب عليك زنقة زنقة دار دار بيت بيت ههههههه 

وجدان;ههه زنقة زنقة وندير عليها لا روشيرش و علا الزرقة هاد اليلة ماتفناش 

زينب;نشرgك يلا غدرتيني نشرgك هاي 

وجدان;نgطعك يلا خنتيني نقطعك هاي 

زينب;هههه هادشي احبيبتي لي كيقول عليك دابا 

وجدان;ههه زيدي زيدي 

****عند كريم 

ماخلا حتا بلاصة ديال الشباب مامشا ليها ,بحر شوارع المعروفة ,هوليوود والو ,عيا بالدوران في الاخير برك فوواحد قهوة مقابل مع البحر وكيفكر فيها ,عرفها اتكون هربات قبل مايجي ,تعصب بزافف ,ولكن طيشها كيخخوفو عارفها متهورة وكدير الحاجة بلا متفكر خايف عليها بزاف في الاخير بغا يسمع غا صوتها و يطمن عليها ولكن تيلي طافي كون غي كان شاعل كون عرفها فين كاينة من ج ب س 

****فهد 

فهد;واجدة 

سيرين ;اه يله نمشيو 

فهد;المعرض بقات ليه نص ساعة ,انا انخرج لوطو من باركينغ و نمشيو 

سيرين اووك

وصلو قدام معرض وصلو قدام باب المعرض لي كان عبارة عن مبنى مقابل مع واحد البركة مصبغ بالابيض لون الامان و السلام قبطات في يد فهد كتعبر على خوفها و ترددها من الدخول حس بيها فهد بتاسم و قال ;متخافيش انا معاك 

شافت فيه بعينين هاد المرة كيحملي بريق فشكل قلبها كضرب احساس جديد ;معرفتش ولكن عندي احساس فشكل

شد في يديها ;غي ستريس حيت هادي ستة سنين ماخرجتي من الدار مم ندخلو ؟

سيرين تنفسات وقالت ليه ;اه 

قبط في يديها و دخلو كانت الدنيا عامرة و الكل مشغول و كيشوف في لوحات ادوارد مندوزا جديد لي كتسلب العقول هالي كتبكي من كتشوف شي صورة هالي كتفرح كل واحد و احساسي اكيد هادشي لي معروف على سيد القلوب لوحاتو و رسوماتو كتغلغل ديريك الارواح و كتسقيها عندهم لمسة خاصة وهادشي لي كيمتاز بيه 

***عند وجدان و زينب 

لي بدورهوم تاهوما و صلو المكان ديال المعرض و وراهوم الحراس وقفات امام باب المعرض وبقات كتأمل فيه لمدة معرفاتش لاش حاسة براسها مخربقة و الهواء لي كتستنشق حامل معاه ريحة فشكل قلبها مزير عليها

قاطعاتها زينب لي كانت كتشوف في وجدان باستغراب ;هيهو واش جينا باش نبقاو نتمنظرو في الباب 

شافت فيها وجدان و عاودات تلافتات في الباب ;عندي واحد الاحساس فشكل ,

زينب;نتي قاع احاسيسك فشكل فين عمرهوم كانو مقادين فحال البشار اووف زيدي زيدي 

دارت وجدان عند الحراس;بقاو نتوما هنا ماكين لاش تدخلو معانا 

جاوبها الحارس;مايمكنش لينا ا انسة وجدان سي نبيل كي أكد و يعاود باش نبقاو معاك فينما مشيتي وحنا اصلا خالفنا اواميرو و جينا لهنا عافاك بلا متخرجي علينا 

شافت حتا عيات و قالت ;اووك 

رجعات شافت في داك الباب و تنهدات ;يله ندخلو 

شدات في يد زينب و هي كترعد شي لي لاحظاتو زينب مي مابغاتش تبيين خافت لا تجيها الحالة كرزات على يديها و بتاسمات وتقدمو نحو الباب او نقولو نحو المجهول ,و وراهوم اربعة ديال الحراس كيف دخلو حلو فمهم من جمال التنظيم داكشي كان كلاس اللوحات معلقين بشكل كلاس و الناس كيشوفو وجدان في ديك اللحظة نسات خوفها و نسات كلشي بقات غي غادة و كتشوف في اللوحتا و كتمعن اثارت انتباهها واحد اللوحة ومشات في اتجاهها 

بقات كتشوف فيها و كتمعن كانت لوحة ديال بنت حافية القدم و لابسة كسوة مجرتلة كانت البنت جميلة وواقفة وسط الاشواك و الغابة مظلمة في جنابها رجليها سايلين بالدم و غادة و سط واحد النور لي بعيد كانت صورة معبرة 

قطع حبال تفكيرها واحد الشخص 

هو;عجباتك اللوحة 

تلفتات عندو بعيون دامعتين و ابتسامة خفيفة ;اه بزاف ,بنت جميلة و الحياة قصات عليها ولكن امالها كبيرة باش توصل لي بغات واخا اتلقا صعوبوات ولكن العزيمة ديالها قوية,

هو;تعليقك في محلو يعني يلا كانت العزيمة قوية فماكينة حتا قوة فهاد العالم لي تقد تحبسك باش توصلي الهدف ديالك 

وجدان;اه وي عندك الحق,,,ميندوزا عرف كيفاش يدامج الالوان ويخليهوم منساجمين ,,,خصوصا اللون الاسود لي كان طاغي عليها و واخا الابيض كان قليل ولكن عطا طابع اخر ليها,,,

هو;ممم مكنتش بلي طفلة قدك اتكون كتفهم في عالم الفن وخصوصا الرسم بهرتيني (شاف في يديها)اكيد حتا نتي رسامة

و;الرسام كيتعرف غي من يديه و نتي باينة كترسمي بالقلم بزاف و كتستعملي الصباغة 

وجدان;ههه وي بصح كيعجبني الرسم بزاف و كنلقا فيه راحتي ,,كيخليني نسافر في العالم و كنتخايل حوايج دياولي ديما واحد الصووت كيتردد في لداخل ديالي كيقول بلي الالهام كيجي من هنا (شيرات القلبها)و كيتصور هنا (شيرات لعقلها)عاد كيتحط هنا(شيرات للوحة)من كنت صغيرة مكنتش عارفة هادشي اش معنيتو ولكن كبرت عاد عرفت

هو;اكيد هدا ولا هادي لي قال ليك هاد الهضرة ايكون شي رسام ماهر حيت قليل لي كيعمل بهاد النصيحة 

وجدان;نو ماقالها لي تاحد غي هاد الهضرة ديما فين ما كنبغي نرسم كنسمعها في دماغي كيقولها 

هو;هي العالم غايعرف رسامة ماهرة عن قريب لي غتخلي كلشي ينباهر فيها 

شافت فيه بواحد النظرة كلها امل و تحدي مع ابتسامة ;ممكن 

هو ;كنعرف هاد النظرة جيدا كتعني بلي غتحققي مرادك و غتنجحي فيه 

بتاسمات ليه شكرا اسيدي مدات ليه يديها من قبيلة وحنا كنهدرو ونسيت ماقدمت ليك نفسي ;انا وجدان 

بادلها بنفس الابتسامة ;ادوارد مندوزا وانا جد مسرور حيت تعرفت على وحدة فحالك 

هي اسمعات سميتو تصرفقات ;ش شكرا انا من جد المعجبين بيك يا سيد مندوزا 

بتاسم ليها ;ماكيعجبنيش نتعامل بالرسميات يله ,مي كنأكد ليك بلي عن قريب غنولي انا لي من اشد المعجبين بيك ,نخليك دابا خاصني نقابل الظيوف ديالي ,,فرصة سعيدة ا انسة وجدان تم غادي وعاطيها بالظهر ;كنتمنى نتلاقاو من بعد واخا انا مأكد بلي غايلاقينا القدر من جديد 

مشا وخالاها مصدومة من كلامو كيفاش كانت كتكلم مع اكبر رسام في العالم و لي زاد صدمها هي هدرتو مافيقاتها صوت زينب لي باينة عليها ساعرة;تي فين زدتي القحبة من الصباح وانا نقلب عليك ,وشكون هداك لي كنتي كتهدري معاه 

وجدان;هداك هو ادوارد ميندوزا اووف تلفت

زينب;ممم ماكنتش عارفة رسامة كيكونو متوتزين ههه صدق تيتيز 

وجدان;سكتي سكتي زيدي نشوفو اللوحات الاخرين 

(ماوصفتش ليكوم ادوارد ميندوزا هو شاب تكون عندو ديك ثلاثين عام وجهو بيض حروفو شهبين شعر شهب عندو عين زرقة و عين قهوية تقريبا البنية الجسدية مابيهش مهم تيتيز ,دو جنسية ايطالية و عايش في ايطالية ,,من صغرو و هو كيهوا شي حاجة سميتها الرسم و كبر وهيوايتو كبرات حتا ولا معروف في العالم كامل)

****عند فهد و سيرين 

كيدورو في المعرض وكيتفرجو في اللوحات ,شوية وهو يجيه اتصال 

جبد تيلي لقاه كريم

شاف في سيرين ونطق;واحد دقيقة وراجع نجاوب غي على هاد الاتصال

سيرين بتاسمات ليه وحركات راسها فايجاب

فهد;الو 

كريم;البرهوشة دارتها بيا ماكيناش ,في لوس انجلوس 

فهد;كيفاش مماكيناش ياك 

كريم;معرفتش ااكيد اتكون هربات من عرفاتني جاي اووف يومين وانا كنقلب عليها مخليت حتا بلاصة والو ماكينش ليها الاثر,انشدها انهرس ليها دوك الرجلين 

فهد;رولاكس اصاحبي رخي النفس فيك ,بالسيف ماتهرب اكيد خايفة منك 

كريم;راه يومين وانا بلا نعاس كنقلب ,بالي مامرتاحش دخايف عليها واش وحدة عندها سبعطاش ولعام مسافرة بوحدها اش بغهيتيني ندير اووف

فهد;تهدن اكيد اتلقاها ولا غايتاصل بيك ,مشيتي مشبيتي لتم رتاح ليك شوية 

كريم;فين هي الراحة الله يهديك وانا ماعارف عليها والو مبرزط ;المهم نخليك دابا ,من بعد ونتاصل بيك 

فهد;باي

****عند سيرين

من بعد ما مشا فهد بقات كتدور تم شوية وهي تبان ليها شي وحدة غادة شعرها برتقالي و جميلة حسات بقلبها كيضرب و بحالا ايلا عرفاتها بغات تمشي عندها 

الشخص;سمحيلي امدام ماشفتكش 

سيرين ;ماكين مشكيل ,تلفتات كتقلب عليها بانت ليها غبرات ,بدات كتقلب عليها و كتمشي بالزربة حتى بانت ليها واقفة هو واحد البنت و ربعة الحراس وراها قربات شوية وبدات كتشوف فيها ,نفس لون عينين اسيل ,نفس لون شعرها ,نفس البشر,نفس عمر اسيل يلا بقات عايشة,عندها شبه حتى لسيرين من كانت في عمرها كنت نسخ طبق الاصل ليها مشعراتش حتا نطقات باسم اسيل ****

اسييييييل هاد الكلمة هي لي نطقات قبل ما تبدا تجري نحو وجدان 

****وجدان و زينب

حسات بنغصة في قلبها قبطات فيه بجهد شافتها زينب;مالك اوجدان 

باقا شادا في قلبها ;ماعرفتش حسيت بقلبي تزير (اسيييل)وصل صدا صوت ام قلبها مجروح لقلب بنت داخلها فارغ ,هزات راسها وشافت في زينب;واش سمعتي ؟

زينب;اش سمعت ؟

تلفتات لقات الحراس مضاربين مع شي حد ;اش كاين ؟

الحارس ;شي مرا حمقة باغا تدوز عندك و كتغوت معرفتش كيفاش خلاوها تدخل لهنا 

وجدان;واش عرفتيها شكون؟

الحارس ;لا اصلا مفهمناش اش كتقول كتهضر بالاوكرانيا 

وجدان;حيد خليني نشوفها 

الحارس ;سمحيلي مايمكنش تقد تكون شي حمقة وباغا تأديك 

زينب;اه عندو الحق شوفي كيفاش كتغوت 

سيرين;(بالاوكرانيا)(كتبكي وكتغوت)عافاكوم خليويني نشوف بنتي اسيل,,,انا ماماك (وكتنقز)اسيل ,,خليوني نشوف بنتي اهئ اهئ 

الحارس;مادام سيري فحالك قبل منجروك بزز 

هي مفهماتوش طبعا;عافاك قوليها ماماك بغات تشوفك 

وجدان;(كتقز باغا تشوف وجه المرا لي كتغوت و كتقول بنتي)خليها و تدوز 

الحارس ;منقدوش ا انسة وجدان 

جوقة تجمعات فديك المنطقة و الناس كيفرجو سيرين كتغوت و الحراس مانعينها تمر,,,,,شحال صعيبة تكون وسط بحر هايج امواجو ونت كتغرق و لكن نت كتقاوم باغي تخرج شوية كتبان ليك الضفة قدامك كتسبح ليها وقلبك فرحان ولكن كتجي موفيطا كتسبح لداخل لداخل كتحاول تسبح العكس و التيار ماكيخليكش واش البحر لي بغاك تبقا فكرشو ولا قوتك ماكافياش باش تسبح عكس التيار ,,هدا هو قدر سيرين كتشوف فين بنتها قدامها لي حداش لعام وهي حازنة عليها و حتا بقا بيناتهوم جوج خطوات جاو عوائق و هي مرا اكيد قوتها ضعيفة واش القدر ديالها كيعاقبها على شي حاجة مادارتهاش ولا هاد المرة اينصفها و يريح قلبها معرفتش كيفاش نوصف معاناتها وهي كيتضارب مع الحراس باش تدوز عند وجدان اكيد مغنعرفش نوصف معاناة كانت محرومة من كبدتها و فجأة بانت قدامها ,ولا غنعرف نوصف كيفاش لتحلم باش تعانق بنتها ,,ولا غنعرف نوصف صرخاتها وهي كتنادي باسم اسيل ,,هادشي كامل مغنعرفش نوصفو لي غنقول ان لداخل ديالها بركان مشتعل من الشوق والحنين على وشك الانفجار اعصابها تلفو كل ماكتشوف قدامها غي وجه وجدان لي هي اسيل غير مبالية بالناس لي كيضحكو ولي بقات فيهوم غير مبالية بالعالم الخارجي واش هدا هو احساس الامومة ؟انا مابغيتش ندوز من تجربتها و كنظن تاوحدة ماغتبغي تكون في بلاصتها اكيد كون كنت فيها غانحماق ولا نقتل راسي ,كلشي ليه دوا الا قلب محطم و يائس ,صرخات وصرخات و صرخاتها وصلو لقبل وجدان لي كتحارب مع الحارس ديالها باش تمر و يخليها تدوز جانيبين محاربين وسطها عازل واش غايجي لقاء من بعد غياب ولا القدر ايلعب لعبتو لثاني مرة وغايفارقهوم هادشي لي غنعرفو في الجزء الثاني

اهات و صرخات كتعالى وسط داك الكولوار ,,,,وفجأة المعرض لي كان كيعرض اللوحات اصبح كيعرض المشاهد الدرامية كلشي بقات فيهوم سيرين في ديك اللحظة اكيد امهات ايفهمو على بعضياتهوم,,,فهد اجي عتق ماماك راه مسكينة كتقطع و قطعات قلبوبنا معاها فينك ؟ها هو داخل المعرض من بعد ما قطع مع كريم و تاصل بزميلو في الشغل باش يقلب على وجدان ,,,بلا ماتحتاج تقلب عليها راه ماماك لقاتها ,,ها هو دخل المعرض ومشا فين ترك ماماه فين هي سيرين مالقاهاش داخ وتلف فين اتكون مشات الام ديالو وهو غادي و كيسمع الغوات كل خطوة كيخطيها نحو المصدر كيزيد الصوت يتعالى و الخوف سيطر عليه معرف كيف دار حتا ولا كيجري لقا الجوقة مجموعة بدا كيدخل وسط الزحام و كيطوع في بنادم وقف بالصدمة و دمعة نزلات وهو كيشوف الام ديالو كتحارب و كتغوت بنتي مشعرش حتى شد داك الحارس وعطاه كروشي وكيغوت ;هادي مي الزامل لي حطيتي عليها يديك مي الزامل ليوم نقتلك وكيعطيه الوجه جاو الحراس اخرين شدوه كل واحد من يدي وهو كيتركل وكيغوت;طلقوني عليه خليوني نفرgع مو طلقوني 

زينب;ماجاكش هدا صوت الاستاد فهد ؟

ووقفات على صباع رجليها باش الطل حيت الحارس مدرقها و حتى الناس حتا كيبان ليها فهد شادينو جوج من الحراس دياولها وججهو حمر و كيتركل و يغوت ماشعراتش حتا غوتات;حبسوو 

وقفو الحراس لي شادين فهد هو عرف صوتها ولكن مامأكدش بلي هي 

بغات تدووز وهو يوقفها الحارس ديالها نطقات بكلمة وحدة ;كنعرفهوم 

خلاها تمر وبدات كتمشي في اتجهاههم و الناس كيخويو ليها الممر وهي غادة كل خطوة كتخطيها قلبها كي فرفر ماتكونش قد سيرين لي كتطل عليها بكل شوق و كتلعب بصبعانها بثوثر عينيها حمرين و نيفها بالضموع وجنتيها حمارو و فمها الصغير حمر نفس شبه بنتها من كتبكي كيتزادو وسامة 

فهد لي واقف مصدوم و كيشوف في وجدان جاية في اتجاههم مافهمش وماعرفش اش كادير هنا ,؟ياك هي كانت في لوس انجلوس اش جابها الاوكرانيا هادشي كامل كيفكر فيه و كيشوف في الام ديالو لي كتسنى وجدان تبان ,,وها هي وجدان تخطات اخر عائق باش توصل ليهوم ,للحظة توقف الوقت وتوقفات الحركة ديالهوم كاملين وجدان لي كتشوف في سيرين امرأة جميلة قلبها كيضرب معرفاتش لاش ,و سيرين لي واقفة كتشوف في وجدان بكل شوق و حب دموعها شلال ,,وفهد لي كيشوف فيهوم بجوج بصدمة و كيدقق في وجدان و في مو نفس لون العينين نفس لون الشعر نفس لون البشرة اه اش هاد القدر دابا عاد عرف علاش الام ديالو كاتنت كتغوت قلبو كيتقطع عليها ,,

كسرات داك الجمود سيرين لي بدات كتجري نحو وجدان لي مافاهمة والو و دموعها نازلين ماعرفاش علاش واش حيت قلبها كيتقطع حيت شافت ام كتعاني ولا نيت حسات بالحنين احاسيسها متخربقة و متضاربة ,,سيرين مدات يديها بتردد نحو وجه وجدان الفازك بالدموع حطاتها في وجنهتيها لي ولاو حمرين معرفاتش علاش غمضات عينيها وهي كتستمتع بهاد اليد لي تحطات عليها واش حيت عمر مها حنان مادارت ليها هاد الحركة ولا حيث اول مرة اتدوق طعم الحنان قلبها تايق لهاد اللمسة عمرها عرفاتها و عمر قلبها فرح ليها حلات عينيها كتشوف في عينين سيرين الجميلة لي كساوهوم الدموع ماشعراتش حتى حطات يديها الصغيرة على عينيها و بدات كتمسح ليها الدموع وكتحرك راسها بمعنى لا ماتبكيش ,فهد و زينب غا مصدومين كيفهوم كيف وجدان لي ماعارفاش لاش تعاملات هكا عقلها كيقول ليها حبسي وقلبها كيحرض جواريحها علليها ,,يديها ماطوعوهاش كتنادي في الداخل ديالها حبسو هوما لا كيتساراو في وجه سيرين وكيتلمسو بشرتها بحال يلا عارفين تضاريس وجهها ,سيرين كتبكي و وكتضحك هادي هي اللحظة لي كانت كاتنتاظر هادي حداش لعام كانت مأكدة بلي بنتها ماماتتش و ها هي قدامها و كتشوف فيها احساس الام ماكيغلطش الصمت كان كيسود في تلك المنطقة اش غانديرو بالهضرة يلا كانو العيون و القلوب متاصلين و الدموع كترجم لينا الاحاسيس ,,تقدمات سيرين نحو وجدان ببطئ و حلات يديها بجوج فحال يلا كتقول ليها ترماي روي عطشك في حضني ها انا حالة يدين الامان قدامك ,وجدان كتشوف في يديها لي كيتحلو ببطئ فهماتها عقلها كيقول ليها لا اوجدان حبسي اش كديري و لكن قلبها متشوق لهاد الحضن متشوق يدوق طعم الحنان معرفاتش كيفاش و امتى حتا لقات راسها فحضن سيرين وكارزة عليه كتشم ريحهتها لي مألوفة الناس لي تم ولاو كيبكيو كان منظر كيحبس الانفس و كيقشعر الابدان ,,واخا نوصف حتا نعيا منقدش نلمس فرحة ام لقات كبدتها ولا نلمس لحظة شوق ولا نلمس الحنان ,,نوصف حتا نوصف منقدش نوصف دقات وجدان و سيرين لي كتسارع ولا نوصف دموعهم لنازلين ولي خلاو الحاضرين يدمعو معاهوم فهاد اللحضة,,نعيا من وصف ومنقدش نوصف صدمة فهد و هو كيشوف وجدان كتبكي ومرمية في حضن الام ديالو ولا صدمة زينب وهي كتشوف صحبتها فحضن مرا غريبة و كتبكي معاها ,,وكتدقق حتا هي في مالاميحهوم المتشابهة نفس الاعين نفس لون الشعر نف الملاميح اكيد من النظرة الاولة تعرفهم ام و بنتها ,,,دام العناق دقايق طويلة ;اخيرا لقيتك كنت عارفة بلي نتي حية و مامتيش كنت متأكدة بلي شي نهار نلقاك اسيل كنت عارفة بلي نتي حية 

شي لي خرج وجدان من عالمهم و رجعها لواقع بعدات من سيرين وتكلمات بالاوكرانية ;مدام انا سميتي وجدان ماشي اسيل 

سيرين;لا نتي سميتك اسيل ونتي بنتي (شداتها من يديها و تمات غادة بيها في اتجاه فهد لي صدمة اخرا تزادتي كيفاش وجدان كتفهم الاوكرانية كيشوف في مو جارا وجدان في اتجاهو و وجدان كتحاول تفك منها و كتبغي تشرح ليها بلي هي سميتها وجدان وقفو قدامو شافت فيه وتكلمات بالعربية;فهد شرح لماماك بلي انا ماشي اسيل لي كتقلب عليها 

فهد ;(الصمت وكيشوف فيهوم بزوج اش غايقول فديك الساع فناظركوم )

سيرين فرحانة ;فهد ولدي ياك قلت ليك بلي اسيل باقا عايشة هه مكنتوش متيقيني هانتا شوف هاهي اسيل ههه شفتيها اولدي زوينة 

وجدان كتحاول تكلم و سيرين مكتخليش ليها الفرصة تشرح ليها شي لعصبها معرفاتش كيفاش حتا غوتات ;ابا ماسميتيش اسيل سميتي وجدان 

وانا ماشي بنتك 

انا ماشي بنتك كتردد في داك الكلوار و الصدا ديالها كرتافع و كتردد في ودن سيرين لي مشعراتش حتا غيبات 

فهد;ماما ااااا كانت صرخة خرجها من الاعماق 

وجدان;مادام فيقي فيقي (كتغوت)جيبو الماء زينب اهئ اهئ ريحة (شافت في الحراس)ديرو شي حاجة ونتوما كتفرجو فيا كتبكي و وكتغوت باش تفيق كان الخوف متملكها بحال يلا نيت هي مها و هي بنتها ,,جاب واحد من الحراس الماء وعطاه لوجدان حلات القرعة وبدات كترش ليها في وجهها و كتلمس فيه بحنان ,,حتا بدات كتفيق وكتنادي باسم اسيل ,,,هزها فهد بين ضراعو وتم خارج بيها ووجدان كتجري مراهوم و زينب غي تابعاهم و مصدومة ما الحراس اكيد موراهوم وصل لوطو ديالو و حط مو لور جرات وجدان وركبات معاها شف فيها بلا ماينطق وسد عليهوم و ركب القدام خلا غي العجاج وراه ,ما زينب ركبات مع الحراس و تبعوهوم

يتبع ...