انا;وااااع فين انا ,,,شكون ,,اه لفاليز ديالي كاطيبها مي فاطمة في الكوكوط باش نسافر(بقيت كندخل ونخرج بالهدرة حتى كسنمع صوت الضحك مورا باب بيتي عاد فقت و وعييت براسي كنت كلي فازكة بالماء عرفتو لبرهوش ديال خوويا عصبني )محموووووووووووود لبرهووووووووش (نضت بغيت نود من الناموسية وانا نتعكل بالغطا جيت ناعسة سباحة حرة طوعت ساك لغطا ليوم بيا ولا بيه حليت لباب ديال بيت يله خطويت لخطوة الاولة معرفت علاش عفطت و انا نجي مصلية جيت على قزيبتي قد قد نضت وانا شادة فيها ولد الحرام بغا يقتلني ولكن ضبر عليها تميت غادة لمو وكنغوت نازلة من درووج حتا كنسمع سميتي من لفووق هزيت راسي و هو يجيني شلال ديال دقيق ولييت حاصني ا خميرة و نولي كيكة صافي هنا جنوني طلعو ودخان خرج )محمووووووود والله حتى ليوم نقتلك (طلعت ليه لقيتو هرب نزلت قاع لخدامة كيشوفو فيا كيهربو جن جن جن جن ,,,خرجت لجرددة لقيتو تم مخشي حدا ماما ,ماما اشافتني وبدات تبسم الله وكتغوت حماوتها ليا تم و بدات كدردك وهو تابعها و انا تابعاه وصلت لجيهة لبيسين مع رجلي باقا كتزق ايوا ختكوم جات ضاربة سالطو ديريك لبيسين صافي حتا لهنا وتقادا صبري طلعت ساخطة ليوم ندفنو حي لقيتو مخشي فماما)ماما حيدي من الطريق
محمود;لا اماما راه اتقتلني لا ماما
ماما ;تي بسعي من ولدي يا ديك الهيشة شي نهار تقتليه
انا ;(كنتغبن)واش ماشتيهش اش دار فيا ديما كاتدافعي عليه غا هوانا ماشي بنتك؟
محمود;لا ماشي بنتها (وكيخرج فلسانو)
حتا كنسمعو صوت من لداخل عرفتو صوت منقيدي بابا حبيبي;اش هاد الصداع ؟
انا غي سمعتو مشيت عندو و كنبكي;هانتا ابابا اهيء اهيء شوف محموود اش دار فيا و من جيت ندوي ماما ماخلاتنيش شوف كيف ردني
بابا;(عنقني)صافي ابنيتي صافي والله لابقات فيه(شاف فيه)كونتي قلتي ليا باغي تسافر هاد لويكاند ايوا اوليدي والله لا سافرتي
ههه سمحولي على هاد الدخلة ديال لبهالة هههه ,انا وجدان سقراط سن ديالي سبعطاش سنة,عندي لباك هاد العام ,بيضة بياض ثلج ,شعري طويل و رطب ولونو تقريبا برتقالي كولشي كيتزعط فلون شعري عيني هه معرفت منقول ليكوم حتا هوما ليمونيين و فيهيم لخضر تجي تفهم تسطى كول مرة كيف كيبانو ليشا فهوم يدوخ لفيم عندي اديال احم احم صغير و حمر ,لاطاي ماندويش علليها طويلة و فورمة حوتة المهم تيتيزة كولشي كيتزعط فيا مي انا مكنديها فتا حد,انا من عائلة معروفة في البلاد سقراط وما لايعرفوها الاب ديالي عندو بزااف ديال الشركات غي من كيسمعو نبيل سقراط كيديرو ليه حساب مي معايا انا حنين وضريف بزااف كنموت فيه,,,ماما حنان ,,,واخا ديمة كتعطي لحنان غي لولدها ,,اسم لغير مسمى,,,و اخيرا داك لقندوح محمود صغر مني بثلاثة سنين عندو ربعطاش زوين حتا هو مي انا وياه معندنا حتى شي شبه اصلا مكنشبة لتا وحد فيهوم انا زيني اوروبي و هوما زينهوم عربي كولشي كيقلوها ليا,,,انا وهد لبرهوش ديما لمش مع لفار مي والله لابقات فيه على هاد الحالة لي دار فيا المهم نخليكوم دابا و نمشي نقاد حالتي
طلعت لدوش اشفت فراسي في لمرايا (وااااااااااااااع)لا مايمكنش نكون انا ناري جمالي ضاع اهئ اهئ جنية ,,,تخشيت تحت رشاشة ديال لماء و كندعي على داك الكيدار تفوو ساليت خرجت كنشف, ف حالتي و فشعري
هادي صحبتي زينب انا وياها كثر من الخواتات عرفتها من كنا في ابتدائي وانا وياها صحابات مكنتفارقوش لدرجة قررت نكمل قرايتي في مدرسة حكومية غي على قبلها بي حكم عائلتها مايقدوش على مصاريف مدرسة خاصة المهم هي زويينة شعر كحل و رطب و بيضة و عينيها خضرين حتا هي قوقة ههه (متعجبوش تقولو هادي لاباس عليها وكيليميني وكتهضر هكا هه حيت ختك كتقرا مع ولاد الشعب اصلا انا ماكيعجبنيش داك بريستيج و داكشي السعادة في البساطة)
المهم نشفت راسي ودابا جا وقت اللبس لبست ديباغدوغ بالكحل و فيه كتبة بالغوز و لبيض و سروال دجين مقطع و سبرديلة سبور كحلة اط اط نصور ليكوم ههه حتا من لبسي بسيط فحالي هه (الله يمسخك)ومالني كدبت او بشار كيف داير,,,شفت راسي في المرايا ها هو دا بجمالي رجع لي نيها نيها نيهاههاهاها ,المهم هزيت ساكي خشيت في الكتوبة لي ماكيساليوش اووف شحال تقال خرجت فطرت تحت انظار لبرهوش لي مكرهش يقتلني حيت حرمتها عليه و ماما حبيبتي لي غي كتخنزر را قلت ليكوم ماكتحملنيش ,المهم شكون تسوق ليهوم يخليلي غي بابا حبيبي كليت و بست بابا و ماما و قليت سم لبعلوك و خرج لقيت شيفور كيسايني ركب و مشينا في اتجاه دار زينب باش نمشيو بجوج هوما ساكنين في ابارطومو في حي راقي باها مهندس دولة و مها استادة المهم معندهمش و ماخسهم و غي هي لي عندهم وصلنا لقيتها كتسايني طلعات دابا اراك ليا الطرب الاندلسي لي غنسمع
زينب;اقولي ليا واش هداك وجهك ولا قفاك نص ساعة مخلياني منشورة هنايا ها ولكن انا لي حمارة كان عليا نمشي مع بابا يوصلني دايرة راسي فيك تفو س,,,,
(الي معلوماتكوم انور كيقرا معانا في ليسي تيتيز بي معنا لكلمة كلشي كيموت عليه ولكن هو كيموت ويتسطا في زينب و هي دافعة كبييرواخا كتموت في خراه لدرجة من نهار شافها قرر يتحول للمدرسة عندنا و دوبل لباك بسبابها غي باش يبقا معاها هادي غي باركة تحول فينا باشه نقراو معاها يخه المهم مهند ونور و دابا هي غي قلت ليها جيتي زوينة ليوم انور يتسطا صافي هاديك هي نقطة ضعفها الله يخليها بالخلا)
كنا غادين ماعلينا مابينا حتا خرج لينا واحد راكب على طاي ماكس شوية و ندخلو فيه
الشيفور; انسة وجدان واش نتوما بيخير
انا;(كنرجع النفس )وي سافا
هاداك خاينة جا لجيهتنا و باقي داير كاسك
هو;(بغضب) واش مكتردوش لبال الطريق شوية كنتو اتقتلوني
الشوفورنزل عندو كيعتادر منو واخا لافوت ماشي ديالنا و هو بارك يتبومبا عليه صافي عصبني انا انزل ليه
انا;هيه هيه اش ساير تخربق راه نتا لي منك لافوت و زايدها بتنفاخ
هو;(حيد الكاسك هههه ويلي وييلي سافي انهرب اش نقوليكوم طويل و مفورمي داك بيل لي لابس ايتفرgع عليه ما وجهو ملاك ياختي مالاك سميمر شوية و عينيه خضرين و شعر كحل ورطب ما داك لفم ويلي ويلي نتلاح عليه هه المهم خلينا من داكش ونرجعو لحوار )شنو قلتي يا ديك البرهوشة شكون دوا معاك سيري تخباي
انا;ماكين لبرهوش قدك لي من مكتعرفش تسوق لاش راكب على موطور
سير شد ليك شي طوبيس حسن ليك
شوفور;لالة وجدان ركبي في طوموبيل
هو;حقلك حاسة براسك باغا طيري قولي نتي من هادوك كيليميني نخوا على الخوا تفو على ماركة كيف دايرة
انا ماحسيت براسي حتا جمعتها معاه مع ختك سانتير نوار في ايكيدو وجهو دار ;هاد لمرة باش تعلم تقلل حياك على شي واحد
دار عندي بوجه لا يبشر بغا واقيلا يردها ليا و هي تدخل زينب;خويا عفاك متديش عليها نت ستفزيتيها و هي ماشي من داك النوع و زايدون نت لي خارج فينا والحمد الله ماسرا والو و غي غنتعطلو على المدرسة
هو;شاف في زينب بحال كيتفكر شي حاجة)دزتي غي على قبل الدرية ما كون عاودت ليك تربية من اللول (ورجع الكاسك وزاد)
انا;تفو على قنس كيف داير والله ماكيحشم (شفت في زينب)اينا عام كنتي كتضرافي مع شي حد ياكما طحتي ولا شنو ؟
انا كريم الفيلالي السن ثمانية وعشرين سنة زوين بوgووص قاع الدريات طايحين فيا مي انا كنقدي غي غاراضي و ندير ليهوم تشاو الحب مكنعرفش ليه ,قلبي ميت ومكنرحمش اصلا خدمتي كتبغي مايكونش عندي القلب انا من المخابرات السرية ملقبيني بالسبع كنت غادي ليوم خاصني نرومبلاسي صاحبي فواحد المهمة حت دخلت في واحد اللوطو واخا تعصبت واخا لافوت مني وهي تخرج وحدة من اللوطو تيتيزة بل قرطاسة غا هي باينة فيها قبيحة و فمها واكلها ههه تا انا ب غيت نفقسها نسيت المهمة ديالي وهي تجمعها معايا بصلية بنت الحرام يديها قاصحين كونت انردها ليها كون متدخلاتش ختها هي لي سكتاتني معرفثته علاش كنحس براسي كنعرفها نمشي نكمل خدمتي
نرجعو عند الفتيات
وصلنا لقينا لباب تسد بخمسة دقايق اووف على زهر
زينب ;ناري تسد لباب و داك مول الماط اش جا مايسكتو
انا;اووف اصلا طالع ليا الدم (كنفركر)اجي اجي
زينب ;لا ماتقوليهاش
انا;واش بان ليك شي حل اخر راه العقروش ديال الحسن والله مايحل لينا لباب زيدي قدامي
لحت ساكي و را الصور و تبعت ساك زينب مديت يدي لزينب طلع هي الاوولة طلعتها عاد جيت كنجري و حطيت رجلي في الحيط و شديت في الصور وتسلقتو و نقزت
انا ;(ستس حوايجي و هزيت ساكي و مديت ساك لزين لقيتها مكوانسية)هاكي ديالك يله تحركي
زينب;اه ظهري تقسم على جوج و نتي كيف القردة دغيا نقزتي اي اي طرمتي
انا ;زيدي زيدي باراك من حلان لفم
مهم مشينا كانتسلتو لا نحصلو وصلنا حدا القسم كنسمعو الغوات و الصداع فرحنا باينة الاستاد باقي ماجاش دخلنا و هي تدوي واحد عود بولو ماكنحمالهاش رقييييقة و وجهها عامر حبوب و و حاسة براسها
جميلة;اووو لحليقمات جاو
زينب;لحليقمات هوما لي اندير ليك في قزيبتك لا مسكتيش
انا;معرت ياختي لاش مسمينك جميلة اظلمووك كون غي سماوك خيبوعة حيت اختي كتخلعي لي شافك مايشوف رباح
نطقات واحد بيدوزة ديال صحبتها و سمتها كاميليا ناري انهرب
انا;زينب شديني انسخف ناري خفت اتقولها لباها واتتتييي نودي على سلامتك بزعط لا كان باك استاد عاوديها المخك
جميلة ;بعدي من صحبتي ولا نوريك
زينب;لا هاد الق,,زادي فيه طلعات فوق طاولات شدات جميلة من شعرها و كتجفف بيها ما انا طلعت فوق طاولات و كنشتف على ديك اورونجينا القسم ضحكنا فكونا منهم غا بزز جميلة ولا شعرها فسما شاد هوت بورد ما كاميليا هاهاهاها رديتها كولها مزوقة الوان الطيف خرجونا الدراري ديال القسم نبردو
زينب;هاي على امسخات تحل ليهوم الفم
كاميليا كتدوي من ورا القسم; المسخة هي مك والله حتا نقولها لبابا
انا; انا انوري لمك المسخة يا القح,, (دخلت تاني كملت ليها على الاول)يله زيدي كلمة ندفن مك هنا و سيري قوليها لباك دابا نيييت (تكماشت في بلاستها هي وصاحبتها )تفوو كنس كاموني يخ (بدت كنقاد حالتي من بعد مافشيت قلبي فيهوم نيييت)
حاتم;صافي الحبيبة تهدني ماتبقايش تديها فيهوم
(هدا حاتم كيقرا معايا في قسم لاباس عليه و بوقووووس ديال بصح و كيموت فيا مي انا مكنديهاش فيه حيت لصقة كيعجبني دري يكون حرش)
انا;واهيا ناري افكار عندك كيف دايرين تفوو زيدي زيدي
حاتم;نمشي معاكم؟
انا;غابقا تم وحضي لعكة وصافي ,,,نتي زيدي قدامي
زينب;مالك مع الدري والله حتا كيموت فيك ,,زويين و قاع المدرسة كتحماق عليه و هو باغيك انتي تواضعي شوية
انا;اتزيدي وتسدي فمك ولا نرفع ختي نوريها التواضووع كيف داير
دقينا فداك القسم و دخلنا لقينا موكا كاتشرح ليهوم (هادي واحد استادة ديال سيونس كاتشبه لموكا)
موكا;اش حب الخاطر
زينب;(غا شافت انور بدات كتقفقف ليا تم و انا نعتق الموقف قبل مانتفرشو)
انا;قاليك الاستاد بغا شوية الطباشير سالا ليه
موكا:هي اشمن استاد
انا;استاد الشعباوي (ديال الفيزيك)
موكا;(اسمعات سميتو بدات كتفتف حيت كتموت فيه ههه كم انا شريرة كنطيح على المود باس ديال بنادم)اه استاد الشعباوي خودي ابنتي خودي ,,,لا هاكي دي هاد البكية
انا;(خديتها )شكرا استادة (وتميت جارة هاديك خيتي لي تسمرات ليا تم اخرجنا و انا نطلقها بواحد الضحكة) سمعتيها من قلت ليها اشعباوي كيف ولات ههه غي شرفات و هترات
زينب;هههه وايييه(خرجات عينيها)ويلي دخلو
انا;كيفاش دخلو
زينب;واش مكتشوفيش لباب مسدود و كين السقيل
نمشيو عند واحد الشخص في القسم ههه كنظن بلي راك عرفتوه
من بعد ما تفارقت مع ديك الكاريثة اه اه سميتها وجدان تاجهت البلاصة فين انخدم مهنة استاد ديال المات حيت كيف ما كاتعرفو حنا العملاء السريين ضروري نخدمو باش ندرقو على مهنتنا لي هي المخابرات ها مرة سرباي مرة استاد مرة فرملي و كل مرة بهوية جديدة هاد المرة انخدم استاد ديال المات بحكم انا خطير فيها المهم ولا عليكوم دخلت المدرسة مشيت لبيرو ديال المدير عطيتو وراقي ووداكشي عطاني لومبلوا ديالي ووراني القسم فين غنقري ,,,المهم دخلت داك القسم حنحنت باش يسمعو والو هالي كتصبغ ظفرانها هالي كتندغ المسكة هالي باغي يعنق ايوا خلاص هدا ماشي قسم دار الدعارة تعصبت وانا نضرب ديك السبورة حتا نقزو;هدا راه قسم ماشي كوري (واحد البرهوش داير فيها داسر هو يبدا يمعمع ليا تم مشيت جمعتها معاه بصلية جمعت ليه حنك مع فم ورجعت لبلاصتي)الحمير لاخرين ايلا سمعت فيكم شي حيوان و لا حيوانة هضرو والله حتى نعفط على مو ضسارة هادي ماكين لا حترام لا والو,,,المهم انا جمال هيلون استاد ديالكوم ديال المات ,,,دسارة ماعنديش معاها ,,,,الهضرة الزايدة ماكين لاش ,,,انشرح وايلا مافهمتوش قولوها ليا ولكن بلا تنزقاز يله سدو لباب و سدو شراجم و نزلو الخوامي ,,,,(اللة على راحه واخيرا سقيل قاليك نهار لول يموت المش من بعد ما دارو داكشي لي قلت ليهوم هزيت لاليست دابسونس و بديت نعيط بسميات حتا وصلت لواحد جوج زينب حورايم و وجدان سقراط معرت علاش من قريت وجدان تفكرت ديك تيتيزة هه معندها مادير هنا باينة كاتقرا مع دوك صحاب مامي بابي المهم بقيت كانعاود فدوج جوج والو وهي تنطق واحد عود الند شعرها مفرgعة فيه قنبولة )هههه اكيد عرفتو شكون ؟
جميلة;استاد را هادا هو حالهوم كيحطو ساكهوم و يخرجو يدورو عند صحابهوم
كاميليا;اه استاد ديما كيديروها
انا;مزيان تبارك الله هادي مابقاتش مدرسة سيييبة هادي
وهو يتسمع دق دق
جميلة;اكيد هوما هادو (بغات تحل)
انا ;قلت ليك نودي؟ انا انحل
نرجعو عند الفتيات
انا ;كيفاش دخلو
زينب;واش متشوفيش كين الصقيل و لباب مسدوس
انا; دردكي دردكي (جريتها من يديها و جرينا حتا وقفنا حدا القسم لقينا لباب مسدود و منزلين الخوامِِي)تي هادو مالهم ياكما كيتفرجو في فيلم
زينب ;زيدي زيدي دوقي
انا;وعلاش نتي مادوقيش ديما انا
زينب;هانا (دقات والو مابغاتش يحلو)
انا;حيدي حيدي نوريك (رجعت رجلي حتى لطرمتي و انا نضربها لباب بركلة ) درت عند زينب ايوا شفتي ها هو تحل(لقيت درية مخرجة عينيها و صفرا)تي مالك (درت و انا لقا هداك خينة شاد حاط يدو عليهوم و وجهو حمر و عينيه فالتين ناري ياكما فGستهوم ليه شوية و هو تم طايح علينا و يديه فيه)
ولد الحرام ما جا فين يطيح غي علي انا ;وتي شيدي معايا الزبل و نتي باركة حالة فمك فيا
انا;و(شادة داك الزبل و رجليه منشورين في الارض اوف اوف الحرام شحال تقيل)وتي زيدي ولا نبرد فيك قاع هاد الغدايد هزيه من رجليه و ندخلوه القسم لا سول شي حد نقولو ليه راه طاح ليه الطونسيو و سخف
زينب;ناري اختي ولا فاق
خنزرت فيها و هي تهزو من رجليه و انا مي يديه و هزيناه لا بلحق نقولو جرجرناه باينة حردناها ليه مع الارض مسكينة الحمد الله من باقي مغيب,,,,دخلناه القسم غا شافوه هكاك و تمو جايين كيتجاراو عندنا
كاميليا;قتلتوه سافي لي درتو الاستاد القديم كملتوها على هدا
حاتم ;الحبيبة اش طرا
انا;يعطيك الحبة زيد عاونا و نتا بارك تفرج فينا راه غي واقيلا مسكين طاح ليه الطونسيو ولا فيه السكار وهو يسخف عاونا
المهم هزوه الدراري و حطوه فوق لبيرو الدريات دارو بيه هالي هازا كتاب و تسوط عليه هالي باغا تبوسو و هو مغيب انا و زينب تكمشنا في بلاستنا و كانتسناو يفيق عزرائيل و يقبط روحنا
جميلة;سافي بعدو منو بعدو هاهو بدا يفيق
الكل بعدو عليه ورجع بلاستو
زينب;اهئ اهئ ليوم ايديرونا في برنامج هادي و الثوبة
انا; لاواه اخطر المجريمين سدي فمك اسلا حنا انجمعو و نطويو ونطلعو جبل
ندت من فوق لبيرو لقيت راسي مسرح تم او كيفاش حتا وصلت لهنا ياك انا كنت انحل لباب (عاد ستعقلت )ندت بجرية مشيت طواليط ديال اساتيد بلت حشاكوم و طليت على ولي العهد بنت الحرام كانت غاتحرمني من كلمة بابا كملت غسلت ,,دابا كحلاتها هادي هي الاخرة ديالها
زينب;هاهو داخل ناري كيبان معصب انبول ف سروالي
انا;(تحت سناني )سدي فمك و لا نهرسو ليك
هو دخل جاعر و كيقلب عليهوم بعينيه جاي عندهوم العروقة ديال عينيه باينين
زينب;(تكمشات )ناري كحالت
كريم;(شد وجدان من ضراعها) نتي اش درتي ؟ دوي ها؟
انا;(ببراءة)اش درت ا استاد راه نتا لي طحتي علي واقيلة طاح ليك الطونسيو
كريم:طونسيو؟ اش من طونسيو (وزاد زير على يديها وقرب حدا ودنيها)فتحتي عليك باب جهنم بيديك
انا;(قربت ليه) جهدك ديرو
طلق منهنا و مش حدا سبورة و كيخنزر فيها عينيه كون كان فيهوم القرطاس كون قتلها
كريم;كلشي ينتابة ين وصلتو مع الاستاد القديم في الدوروس
انا;(بشوية)للمراكش وعلاين لاكادير
كريم;شنو قلتي اديك البرهوشة
انا;(البرهوشة هي موك) وصلنا ا ستاد للدالة العكسية
كريم;اووك (وانا انوريك البرهوشة اكادير و مراكش )
بدا كيشرح و مرة مرة كيشوف فيا و يخنزر توما هادا مالو اش درت ليه هو كيشرح و انا قاعما مسوقة ليه كندور عينني في القسم كلشي منتابه حتا من زينب اودييييي الخلعة و مادير
كريم;هيه
انا;(كنعت فراسي)انا؟
كريم;لا لي وراك
انا;اه كنصحاب علي
كريم;وتي نودي ولا نجي نخلي عشتك تم و تي باركة دوري فعينك نودي خرجي هاد التمرين
زينب;اهئ اهئ بسلامة اصاحبتي ليوم ناكل كسكسو عليك
مشيت على وعدي وسعدي عندو تحت الانظار لي بقيت فيهوم و لي كيتشفاو فيا غادا و مكرهتش طريق تزيد طوال ;اينا تمرين
كريم;هدا
انا;(ايوا صافي كنسحاب معرت اش ايحط بديت كنخرج فيه و كنطول في الكتبة كنفقسو هههه ساليت بقا غي مصدوم ماكانش يسحاب ليه غنخرجو ههه متخافوش راه ختكم قرايا واخا طيران ساليت درت عندو لقيتو مصدوم هاهها درت ليه ابتسامة انتصار و مشيت لبلاستي ههه معامن نتاااَ)
زينب;تي كي درتي ليها بتزاكري من وارايا
انا سدي فمك راه التمرين اصلا ساهل
سرسر واخيرا دق الجرس اووف و اخييييرا
خشيت كتوبتي ف ساكي و تميت خارجة وهو يعيط ليا اووووف باينة باغي ينتاقم مني
انا;نعام ا ستاد
كريم;نتي واش مكتحشميش ها؟واش رادا هاد المدرسة جردة كتسركلي فيها و زايداها معندك حتا احترام لا المدرسة و لا القسم و تخراج العنين من لفوق شي نهار نعورهوم ليك
انا;(خرجت ليه عينيا)ها هوما ,,,,هاهوم يله عورآهوم
هو بقا غي ساهي فيهوم داخ بقا كيشوف و تسمقل
انا;سافي شفتك تسالاو ليك,,,,هاد المرة من ماتقدش على شي حاجة ماتبقاش داوي
كريم;(اودييي على عينين خسارة لسانك مادي و فعايلك فعايل ابليس)هاديك البرهوشة و الله وماتسدي فومك هتا نهرسو ليك(واخا عندك غا ديال لبوسان)سمعتي
انا;هه خلعتيني مسكين ,,,نخليك عندي حصة باي
تمات خارجة و هي تجيها دقة للقزيبتها برجليه حتا طارت و جات الارض
هو;باش تعلمي هاد المرة تسدي فمك (وخرج)
هي شدات فقزيبتها و بقات كتدور في القسم بالحريق;اي اي اي اهئ اهئ
دخلات عليها زينب;امالك اصاحبتي شادة في طرمتك و دوري تغوتي صووتك واصل حتا الادارة
هي;(شادة فقزيبتها و تنقز)اهئ اهئ تغتاصبت من طرمتي
زينب;كيفاااااش
هي;خشا في صباطو فيها دابا صافي اهئ اهئ مشيت انا تغتاصبت
زينب;تي فهميني كيفاش خشافيك صباطو؟
هي;وا ضربني بسباطو حتا طرت ولد الحرام,,,,(كتبرد فيها)والله لا بقات فيه
زينب;اووف الله يخليك بالخلا قاع تفكرت غي قصة اغتصبني استادي غي نتي من لور ههه
هي;تفو على قنس اجي شدي فيا را مكنقدش نزيد
زينب;هههه وليتي فحال ايلا خارية فساروالك ههههه (شدات فيها و تمو خارجين تحت انظار كريم لي كان مخبي و كيشوفها اش دارت مات بالضحك ;ههه ناري على بنت والله حتا مقطعة لوراق حمقة و غاتحمقني
ترن ترن
كريم;الو وي الشاف واخا انكمل واحد الحصة و نجي تعليماتك الشاف
نمشيو عند دريات
بقاو غادين و زينب شادة في وجدان لي غادة مكوزة وميتة عليها بالضحك ما وجدان مكرهاتش تقتلها و تزيدها على لاليست ديال النتقام لي موجدة لكريم كتفكر في جميع الوساءل المباحة والغير المباحة و هو واقف على واحد الحيط وكيشوف فيها و كيضحك حتا وقف عليهوم انور(ياك عقلتو عليه هدا تيتيز لي كيبغي زينب تما كريم تبدلو ملاميحو ;لا مايمكنش يكون هو اش هاد الصدفة مي اش كيدير هنا ماخاسوش يعرفني,(وتخبا)
انور;هاي فتايات (وشاف فوجدان و حبس الضحكة)مالك ؟
زينب;بوطها الاستاد جديد ديال المات و وهي تبدل ليها المشية ههههه
وجدان;والله ما تبقا فيه انا نوريه وجدان سقراط اش كاتسوا
الاستادة;اوف اوف ياربي تاخدني عندك انا شيباتني,,,صافي سكات سكات سكات,,(بركات)نكملو الدرس بغيتكوم تصيبو لي قصة صغيرة تستخدمو فيها جميع اساليب السرد و الوصف و بغيت توظفو فيها الاسلوب الاخباري عندكم خمسطاش دقيقة
انا;واش حنا محمد عطية تي راه خاسك تعطينا نهار ولا يومين يله يله نصاليوهوم
الاستادة;موصيبة موصيبة عطاني الله امتا يسالي العام و نتهنا منك قاع الاساتيد قتلتيهوم انا سكار درتيه لي ياربي ديري القصه بلا فهامات ها العار
شفت تا عيت وهي تبقا في الاستادة مسكينة من الصباح وهي تدعي على راسها واش انا حتال هاد درجة انا شريرة اش كاندير قاع ؟
المهم تحنيت على ديك الورقة مابقيت هزيتها لي يشوفني يقول كنصنع الصوارخ ههه مي لهلا يوريكوم اش كنصنع قنبلة نووية علاين تنفجرههه كم انا شريرة ليوم ابنتي انضحك فيك الشعب ههه
الاستادة;يله سالا لوقت كول واحد اينود السبورة و يقول لينا قصتو
ندت السبورة هزيت عيني في جميلة بخبت ههه طحتي بين يدي احبيبتي و بديت نحكي
انا بنت عمري سبعة عشر سنة اظهر اكبر في عمري ,,,انا رقيقة جدا ادا جاءت الريح تاءخدني معها وجهي كله حب الشباب اني قبيحة الشكل ولدي اسم عكس شكلي اليوم ككل عادة اتيت الى المدرسة دهبت الى القسم جلست في مكاني و انا افكر افكر فمادا اه لقد وجدتها اني ابحث على من يضربني و هاهي دي فرصتي رأيت زميلتي في القسم قللت من حاياها هي وصديقتها حتى فقدو سيطرتهم علا انفسهم وجاءو لنا هلكونا هلكونا بل قتلونا حتى لم اعد احس بعضامي والان لثاني مرة ابحث على نفس الشخص نفس الضرب هل يا ترى سوف تتحقق امنيتي ام لا
الكل كيشوف في جميلة و كاميليا كيضحكو و الاستادة مافاهما والو ما هوما تخشاو في بلاصتهوم ماهزوش راسهوم
الاستادة;بغيت انعرف واش هادي قصه ولا شنو
انا;لي عندي قلتو هادشي لي كنعرف
الكل;هههههههه*
الاستادة;كتعرفي التحرميات لقرايا الله يجيب بلاصتك و الحصه لماجية عندكوم امتحان وهانا علمتكوم
سالات الحصة وحنا خارجين وهي توقفني جميلة
جميلة;بنادم كيبغي يضحك على الاخرين وهو الضحك فيه
انا;الحبيبة باقي ماتعلمتي الدرس؟نعاود نشرحو ليك معندي حتا مشكيل
جميلة;ماكين الضحكة قدك لي كل نهار تابعها و هي,دايراك فحال الكلب ديالها
انا ماشعرت هتا جمعتها معاها بصلية;بزاف عليك القحبة حتا يكون كلب ,,الكلب هو باك لي جايب وحدة فحالك للدنيا و تزيدي كلمة وحدة اخرا والله حتا نفركع مك يله روحي تقودي ,,درت لقيت حاثم كيشوف فيا شيشوفات فشي شكل فحال ايلا فرحان;هيه متزيدش فيه ويطلع ليك الشان حيت جيت منك😇
زينب;هاي هاي علا سيدة ضرباتها النفس عليه😆
انا;تفو علا كمامر كايشدو العصا من زكها تفوووو زيدي زيدي😬
حاثم;نوصلكم
انا;مايحتاجش الدار قريبة😏(حيث حتا حد ماكيعرف وجدان لاباس عليها من غير الاساتيد و المدير هادشي علاش كيديرو ليها غي هاكا و صابرين علا هبالها)😏
💜نمشيو المركز الشرطة و بالاخص في مكتب الرئيس كان الرئيس و كريم وشخص ثالث
الرئيس;كريم خاصك تزير اللعب خاصك تبدا في المهمة
كريم ;را حنا بادين راه بدينا كنراقبوه من بعيد هو الحد الان باقي ما تحرك حافض سواريه مي مايمكنش يفلث مني انا
فهد ;حتا انا مامخليش من جهدي راه اي حاجة كتوصلنا كنتناوبو مرة انا و مرة كريم ماتخافش
الرئيس;صافي المهم ماخاسوش يفلث لينا (لاح ليهوم واحد الملف)هاد الملف بغيتكوم تكلفو بيه هدا اكبر راجل العصابات في العالم خطير كيتاجر في المخدرات و السلاح مي هنا الكل كيحتارمو وعندو حصانة يعني ايلا ماشديناهش بالجرم ماعدنا مانصورو
كريم;(هز الملف شاف تصويرة وهو يتصعق هو والله حتا هو شحااال و انا نقلب عليك و اخيرا طحتي بين يدي اسي حميد مايمكنش نخليك تفلث مني اندوقك المرار لي عمرك شفتيه الموت اتمناها و اتجيك صعيبة)هاد الملف بغيت انا لي نتكلف بيه وحتا واحد مايدخل فيه
الرئيس;يمكن لي نفهم علاش
كريم;ياك بغيتي تشدو ايوا خليه علي انا
الرئيس;ماكيهمش كيفاش المهم هي النتيجة و دير عقلك بغيتك تجيبو عايش ماشي مقتول كيف ديما
كريم;(اصلا مغنسمحش ليه يموت حتا يدوق العداب لي دوزت)هه متخافش
الرئيس;المهم انا لي عندي قلتو يمكن ليكوم تفضلو
خرج فهد و كريم من مكتب الرئيس و مشاو لمكتب كريم
برك كريم في لبيرو وكيشوف في الملف وساهي و فهد كان كيهضر معاه وهو كاعما دايها فيه
فهد;هيهو فين ساهي
كريم;غ فهاد المهمة لي عندنا مكرهتش نكملها دغيا باش نتفرغ لهاد الملف
فهد;(خطف ليه الملف) ارا نشيوف شكون هاد سيد (يله كان ايشوف تصويرتو و هو يخطفو ليه كريم)
كريم;ارا لملف لهنا ماشي وقتو هدا انخصص ليه وقت بوحدو و اكيد انحتاج مساعدتك حيت كايخصك حتا نت مي من بعد
فهد;كيفاش كايخصني حتا انا؟
كريم ;من بعد و غتعرف كلشي المهم دابا خلينا نساليو مع هاد داك خاينة ديال لبوطوار و نتفارغو لهاد شي
فهد;اوك ,,,اجي كيف غادي مع المدرسة كيقولو التدريس صعيب;
كريم;(تدكر وجدان وبدا يضحك)هههه اكثرية لا طحتي فشي ماركة غابرة
فهد;ههه مهما كتضحك هي كاينة شي حاجة تم
كريم;ههه اش غنقول ليك اصاحبي شفت حتا شفت عمرني مالاقاني الله مع Bحال هاد خيتي(وبدا يعاود لي كيفاش تلاقاها وتصرفيقة و دقة لي عطاتو لحجره و قالت ليهوم بلي طاح ليه طونسيو و دقة لي عطاها كيفاش كانت كتغوت و تنقز)ههههه والو كرام ديال العقل ماعندهاش
فهد;(كيمسح دموعو من الضحك)ههه لا هادي بزاف ههه كولشي على غتاصبني ههه اوووو, مي كرشي ههه سالات معايا ,هه اجي بعدا هي شي تيتيزة ؟
فهد;(بحزن)معرفت هادي شحال مسقسيت فيها نيت انا نعيط نشوف حالها
<اوكرانيا.
في قصر كبيييير يعمه الصمت و الحزن ,تجلس في غرفة ملونة بالوردي مليئة بلعب الاطفال امرأة في عقدها الرابع داش شعر برتقالي ممشوط بدقة يعطيها وقار ووجه ابيض جميييل لكنه شاحب دات عيون برتقالييتين واسعتين لكنهم دابلتين حزنيتين لكن رغم دالك مازالاتا تحميلان بريق مميز ,تمسك في يديها الرقيقتين صورة لطفلة في عمرها السادس جميلة دات شعر كدالك برتقالي و عيون برتقالية ووجه ابيض بريئ,تتمعن في الصورة وتبكي في صمت ,,,قاطعت صمتها امرأة مسنها يظهر على وجهها الوقار و كدالك الحزن
المرأة ;(دخلات عندها الغرفة)شحال قدك ابنتي تبقاي تعدبي و تحرقي في البنت مسكينة راها ماتت و مشات صغيرة ملائكة طير من طيور لجنة خاصك تفرحي ليها و نتي دابا كثر من عشر سنين و نتي نفس الحاجة كديريها كل نهار كتدخلي لنفس لبيت و تهزي نفس الصورة وتبقاي تبكي كتعدبي راسك و كتعدبي حتا الحاج مسكين لي ولا عاطيها الخدمة حتا الدار مابقاش يجي ليها ,,,سيرين,اسيل ماتت الله يرحمها ,,رحمي راسك و رحمي الناس لي كيبغيوك كل نهار كيشوفوك كتدبالي قدامهم و هما ماقادين يديرو ليك والو
سيرين;مانقدش ادادا بييلا(تدليع لاسم ايزابيل)من قدش معرت علاش عندي احساس كيقول لي بلي اسيل ما ماتتش راه باقا حية و شي نهار اترجع و انا عندي امل بلي غترجع لي
دادا بيلا;(بركات حداها)اسيل ماتت و دفناها دابا راها تحت التراب
سيرين;لا مامقتانعاش الجثة لي شفنا كانت متعفنة بالماء و منفوخة و وجهها مكيول بسبب الحوث اهئ اهئ هاديك ماشي بنتي مايمكنش بنتي تموت هكاك هاديك ماشي بنتي ماشي بنتي اهئ بنتي مازالا عايش مازالا اسيل عايشة
داادا;خاصك تقنعي راسك بلي اسيل دابا ميتة وراها في مكان حسن دابا
قاطع كلامها صووت هاتف المنزل
دادا بيلا;الو ,,,(بفرحة) وليدي,,, عاش منسمع صوتك توحش توحشتك بزااف (بحزن)باقا الحالة هي الحالة معرفتش كيفاش انقنعها بلي صافي ماتت انا كل نهار كنشوفها بديك الحالة قلبي كيتقطع حتا من سيدي محمد مابقاش كيجي للدار صافي اوليدي انا انقولها ليها تهلا في راسك
كريم;اش كاين ؟
فهد;(بحزن )باقا نفس الحالة باقا مامتيقاش بلي اسيل ماتت كتبقا فبيتها ليل ونهار و هي شادة صوورة ديالها و تكلم معاها (ضرب يدو مع المكتب ) الزامل د عمي هو السباب نهار يحصل فيدي نقتلو ندمرو و ندمر عائلتو نشتتهوم كاملين نخليه يعاني كل ماعانات عائلتي نبكيه الدم
كريم;(قريب يتشد في يدينا و اراك منتاقمو منو ) تهدن دابا العصاب ماغيفيد بوالو خاص تخدم دماغك
فهد;اندمرو كيف دمر فرحة عائلتي ,,,قاع الحزن لي حزنات ماما ايخلص كل دمعة نزلات من عينتيها انتاقم منو على موت ختي اسيل لي ماتت وهي صغيرة اندمو
كريم;رتاح دابا و تهدن متخليش غضبك يسيطر عليك كيف قلت ليك غا بالمهم يتكال بودنجال و قريب ايطيح بين يدينا و متخافش اندفعوه ومن غالي و غالي بزاااف
خرجنا من المدرسة انا و زينب و حاتم ماتفارقت معاه غي بستة و ستين كشيفة اووف شحال لصقة و حاس براسو اووف المهم بقينا كيف العادة حنا الاخرين بينما خرجو كلشي و جا شيفور ديالي حيت مابغيت تاحد يعرفنني بلي انا لاباس عليا و انا مشي بنفس طباقتهوم بالعكس كنبغي نبان عادي بحالهوم كون ما بابا لي بزز علي الشوفور نجي فطوبيس ولا طاكسي مي اش ندير هدا هو شرطو لي خلاه يقبل باش نقرا فديك المدرسة,,المهم وصلت الدار احم احم هه الفيلا بعدما وصلت زينب كيف العادة و درت معاها نجي وراها مع الثلاثة باش نخرجو,,,دخلت لقيت ماما و بابا و داك جلاخة د محموود باركين على الطابلة كيتصناوني نجي باش يحطو الغدا حيت بابا حبيبي ماكدوزش ليه الماكلة بلا بية
انا;(بست بابا و ماما )السالام
ماما;اش هاد الحالة جاية فيها معرفتش واش كتقراي ولا كتمرمدي في تراب شوفي كيف راجعة
انا;ماما راه حيت لقيت لباب مسدود و نقزت من الحيط هادشي لاش سروالي عمر
ماما;وكتقوليها بوجهك حمر معرفت علاش عاجباك ديك المدرسة وكاتقراي مع الفقراء لي ماشي من مستوانا عاد ديك زينب لي مكتفارقيش معاها هي لي غتخرج عليك
انا;مية مرة كنقول ليك زينب هي ليعمرك تهضري عليها وعمرك تنقسي منها و ديك المدرسة هي لي بغيت و حنا كولنا بشر ماكيهمش مستوانا المعيشي و لا الطبقي مفهمتش علاش فهاد الوقت باقي التخلف و العنصرية
ماما;(بالغوات)دابا انا متخلفة ؟
قاطعها غوات بابا;حناااان لزمي حدودك وهادي اخر مرة نسمعك دويتي فهاد الموضوع زينب هي صديقة وجدان ,من الصغر و ليها فضل كبير عليها من خراجت من ديك الصدمة ,,,تقولي عليها هاد المرة كلمة خايبة والله ما نرحمك,,,انا بنتي تقرا فين ما بغات ماصوق تاحد فيها المهم هي ديما مشرفانا بنقط مزيانين شوفي غي ولدك مدرسة فلوس و ليكور و الاساتيد كيجيو حتا الدار بلا فايدة سطل و زايدها بالبصالة
محمود;دابا انا بابا اش درت
الاب نبيل;نتا اسكت اسكت لي بداتو مك اتكملو نتا,,,المهم هدا اخر ندار ليك احنان مغانبقاش نقول نفس الهدرة زينب فوتيها عليك,,,(شاف في وجدان لي عينيها دامعٍين)سيري ابنتي غسلي يديك و وجهك و اجي تغداي نتي (باستو ومشات طلعات لبيتها)
دخلت لبيتي طوعت شكارتي و بديت نمشي ونجي فديك الغرفة تعصبت مكنحملش لي يقول كلمة خايبة في زينب حيت هي ختي لي ماولادتهاش ماما,,,مي علاش ديما ماما كتعامل معايا قاصي واش زعما انا منكونش بنتها علاش كتعاملني عكس محموود لي كتدلع فيه و كتخاف عليه علاش مكتحملنيش اي حاجة كنبغيها كتناقدها اووف استغفر الله اش هاد الهدرة كنقوول هاديك راه ماما واخا تكون كيف كانت المهم نفضت علي هاد الافكار ومشيت غسلت يدي و ووجهي ونزلت عندهوم لقيتهوم حطو الغدا
بابا;اجي ابنتي تاكلي باينة فيك الجوع
بركت في جانب بابا كناكل مرة مرة كنهز راسي كنلقا ماما كتشوف في شي شوفات ممفسرينش و كتنزل عينيها من كتلقا بابا كيشوف فيها زعماشا اش ايكون بيناتهوم دخلني الشك اوو انا سوقي؟اووف شحال فيا ديال فضول باينة بقا فيها الحال حيت بابا دار فيها على قبال زينب ,,,كليت و ساليت
انا ;بابا بغيت نقول ليك انا في العشية نخرج مع زينب ندورو
ماما;وفين بالسلامة
بابا;سيري ابنتي فوجي مع راسك غي متعطليش و دي معاك تيليفون ومن تكوني راجعة عيطي لشيفور يجي ليك
انا;(بستو)ميرسي ابابا لهلا يخطيك (وطلعت لبيتِي)
هزيت كتابي و قلم كيف العادة وتلاحيت على نموسيتي كنخطط هادي هي عادتي من كنكون بوحدي ولا كنبغي نخوي راسي من شيحاجة كنبدا نرسم هوايتي هي الرسم لي ,,,وبغيت من نشد الباك نقرا في كلية الفنون بغيت نكون رسامة مشهورة حيت انا اصلا خديت شحال من جائزة تقديرة كرسامة هاوية و بابا ديما مساندني وكيعجبو رسمي بزاف ,,,المهم بقيت فعالمي الخاص مع ورقتي و قلمي حيت من كنشد القلم كنسا راسي و كنبدا نتخايل حوايج بزااف كنسبح في الخيال ديالي وكنسا العالم الخارجي ما فيقني منو غي صوت الهاتف
انا;الو زين (شفت شحال الساعه)ويلي ولي والله حتا نسيت راسي انا جاية دابا(كيف قلت ليكوم من كنبدا نرسم كانسا راسي )
دخلت دغيا للدوش غسلت حالتي خرجت لبست كسوة كحلة قصيرة مع كويرة كحلة و ليبة موس فلون اللحم و كونفيرس و طاكية غوز جيت سو كيوت اط اط نصور ليكوم راسي هزيت ساكي فيه تيلي و كارط بونكيغ ديالي و شي فلوس و خرجت
خرجت من الدار لقيت شوفور كيتسناني ركبت ومشينا صوب دار زينب
وصلنا لقيتها كتسايني ههه وجهها لا يبشر بالخير ههه اراك ليا ثاني الطرب الاندلسي
زينب;واش هاداك وجهك ولا كفاك مخلياني ساعة و انا كنتبرونزا هنايا قاع الشمس دازت عليا شوفي وجهي كيف ولا حمر
انا;با المعطي غا سير من نبغي نجي انعيط ليك
با المعطي;واخا الالة (ومشا)
عنقت زينب;مال زين مكشر ههه راه نتي عارفاني من كنشد القلم و ورقة كنسا العالم والله ماديتها في الساعة
زينب;بسعي مني انور تقلق بسبابك تعطلنا عليه من الثلاثة وهو كيساينا وشوفي شحال عاد حنا غادين
انا;راه مزيان تعطلي عليه باش مايصحابكش ميتة فيه دفعي كبير(هه الله يمسخني)
زينب;هه عندك تم خليه يتشمش شوية زيدي زيدي
المهم شدينا طاكسي ومشينا لشاطئ رمال الدهبية لقينا انور كيتسنانا بلوطو ديالو مشيك على الحالة زينب حوالت كانت اتسخف ليا ,كان لابس قميجة ديال دجين زرقة جات لاسقة عليه و شورت ديال دجين و بالغين شعر مطلعو لور كيبان فحال شي ممثلين
انور;فين تعطلتو من الصباح وانا نساين فيكوم
انا ;واصافي بلا فهامات االمهم احنا جينا املك؟
انور;صافي اختي بلا تخراج العينين (شاف في زينب)جيتي زوينا
زينب تزنكات ;ميرسي حتا نتا
انا;احم احم احم راحنا هنا زعما
انور;(قرب ليا)متديريش واحد المزيان و تقلبي ستة تسعود زعما
انا;ياك؟ و المقابل ؟
انور;لي بغيتي تجيك
انا;مشات غدا نقول ليك
درت لارام من هنا الخمسة دقايق وصلات خمسة دقايق و صونا تيلي
انا;(درت راسي زربانة وتميت غادة )لا لا اخليك المهم غدا نتلاقاو في المدرسة باي (وغمزت انور)
شديت طاكسي مافيا لي مشي لدار قلت ليه يديني لكافي سميتها دار الناجي زوينة كتعجبني كالم
وصلني تم خلستو و دخلت شديت طابل في لاتيراس طلبت كافي كاراميل وبركت نتمنظر من بعد جبدت كتابي و و قلمي و بديت كنرسم ثاني بقيت كنسبح في عالمي حتا لاينا وقت حتا بان ليا ظلام كيطيح عيطت علا الشوفور نعت ليه فين جا ليا ومشيت
في نفس الكافي كان تماك كريم هو وفهد و مريبم حتا هي خدامة معاهم وفنفس الوقت عندها علاقة مع كريم ,,,كانو كيهدرو على الخدمة حتا رمق وجدان دخلات تم بقا حاديها بعينيه شافها كيفاش بركات و كيفاش مركزة فديك الورقة الطريقة باش كانت كتشرب كافي كيفاش كتشوف في البحر اي تفصيل دارتو كان متبعها فيه كول حركة دارتها بسيطه كتدخل للقلبو نسا راسو وبقا عايش غي معاها حتا مشات
وصلت للدار لقيت بابا جا من الخدمة دخلت سلمت عليهوم و طلعت لبيتي غسلت و بدلت ,,وبديت كنراجع حتا عيطو لي للعشا ,نزلت تعشيت و طلعت لبيتي تخشيت في بلاصتي و نينيت ,
نثمهيو عند كريم
كنت بارك في كافي مع فهد و مريم خدامة معايا و نفس الوقت انا وهي في علاقه مي هي عارفة بيني و بينها غا الفراش كنقدي حاجتي و صافي المهم كنا كنهدرو في امور الخدمة حتا حسيت بقلبي تزير و ريحت المكان تبدلات ريحة جدباتني هزيت عيني لقيت حماقتي داخلة لهنا و كلسات فلاطيراس من بعد جبدات كتاب و قلم ,,,وبدات كتخطط نموت و نحيا ونعرف اش كدير بقيت غي كنلاحظ كيفاش مركزة فداك الكتاب و كيفاش كتشد الطاس كتبان بريئة جميلة بزاف أسراتني هي ماشي فحال الدريات لاخرين مكتسوقش عايشة في علامها الخاص غي أبهة مكرتش نود و نبرك حداها نشوف في عينيها لي كيحمقو و نشد يديداتها و نشم عطر شعرها المتطاير عمر شي وحدة ما حركاتني اه دوزت بزاف ديال بنات اشكال و انواع مي عمر شي وحدة جدباتني وجدان غا ريحتها هيجاتني معرفتش كيفاش حتا بقيت بارك مي عيني كلاوها حفظت جميع ثنايا جسمها المثير معرت كيفاش اتكون الا تعرات ياربي نسالي هاد المهمة بيخير شي نهار نغتاصبها
اصبحنا و اصبح الملك هاد النهار صبحت ناعسة حيت ماقارياش في الصباح اندخل حتا جوج المهم ندت دوشت نشفت شعري نزليت فطرت و طلع لبيتي راجعت شوية دوروسي من بعد عيطو لي لغدا و طلعت بدلت لبست صاية قصيرة بالباج و قميجة بيضة كم و مفتوحة من الصدر و سميطة كحلة لبست سباط كحل هزيت ساك باج درت فيه كتيبتي ولاوازيم لي غنحتاج و خرجت لقيت شوفور كيتسناني و مشينا عند زينب لقيتها يله نازلة من دارهوم
زينب;روي روي روي هه اش جا وسرا حتا جيتي بكري شي يهودي مات
انا;ياك الهريبة هادي غي جيت بكري كيف ما درنا معاك وحلة كنس كاموني ,
زينب;لالا نتي كتقلبي على الاغتصاب ليوم مافيهاش الشك
انا;(هزيت من الشكارة بنانة و بديت نخشي فوجهي وندوي)زيدي زيدي قدامي
دخلنا المدرسة و لي دزت من حداه يبدا حال فمو هادو مالهوم عمرهم شافو الكور مهم ساليت لبنانة و لحت جلوف في الارض كيف ديمة
و فديك الاثناء كان كريم داخل المدراسة و غادي القسم ديالو حتا شم ثاني نفس الريحة وقلبو بدا يضرب دور راسو لقا وجدان قدامو بقا تابعها بدون شعور حتا تهزات رجليه حتا للسما و طاح الارض
كريم;اي اي اي
وجدان;هههههههه وااااع مي كرشي هههه
زينب;(صفرا)استاد جمال ؟
كريم;واش درت يا ربي فين مانشوفك تصرا لي شي مصيبة
وجدان;هه هادوك دنوبي
كريم ;(مد ليها يديه)تي عاونيني نود اي اي اي اربي اش درت في حياتي باش لاقاني بهادي
وجدان;اكيد درتي شي مصيبة باش ربي لاقاك بيا باش نحاسبك(ربعات يديها )و ايلا معتادرتيش بقيتي تم
زينب;(مدات يديها)ارا استاد نعاونك
كريم;(هاد الدرية ماخافياش عليها معرت علاش فين ما كنشوفها كنتفكر الماضي )بغيت هادي لي تعاوني نود
كريم ;لا مغتخرجو فين دخلو القسم عندي بينما وصلات الربعة
وجدان;لا مغنمشيوش معاك زينب زيدي يله
كريم;ماطلبتش رأيك اتزيدي قدامي ولا نعيط المدير شوفي احالتك اش لابسة كتقلبي علا الغتصاب برا و نتي عارفة هاد القنت كيف داير ونتي معرية فخادك مايزكلوكش
زينب;عندو الحق اوجدان هاد القنت خايب يله اللهم ندخلو عندو القسم ولا نوليو فشي حاجة اخرا
وجدان;(بنفاد صبر)اووف اووك
شفت حتا عيت و تبعتهوم دخلنا معاه الحصة كان كيقري صحاب سانكيام ادخلنا كلشي كيشوف فينا ناري حتا لبز فيهوم الدودة بركنا في الطاولة الاخرة انا و ديك خيتي هي جبدات الكلاسور و بدات كتكتب في الدروس و انا جبدت كتابي و بديت نرسم ثاني ,,,مرة مرة كنهز راسي كانلقاه كيشوف فيا كنشوف فيه كيلفت وجهو هادا مالو
بقينا تم حتا قد الجرس ديال الربعة و اخيرا جاء الفرج ,,,خشيت كتابي و قلامي في ساكي و تمينا غادين حتا وقفنا صووتو تاني
اكرم;هاد المرة دازت المرة جاية غاتكون هدرة اخرا (وشاف فيا)ونتي هادي راه مدرسة ماشي جردة باش تسركلي فيها و تجي لابسة لي بغيتي ,
وجدان;ديها فراسك اولا ماطلبناكش باش تدخلنا القسم عندك نت لي بززتي علينا ,,ثانيا لبسي و انا حرة فيه نلبس لي بغيت ماشي سوقي
وجدان;منسمحش ليك تقول هاد الهدرة و زايدون شكون نت باش تدوي
شدها من دراعها ;انا هو لي غايعاود لي تربية حيت بنتي لي داسرة و ناقصاك تربية
بعدات يديها و جمعاتها معاه الوجه;اخر مرة تقيسني و ماكين لي مامربي قدك بزاف عليك انا (خرجات وتبعاتها زينب)ما هو بقا امصدوم و وججهو كيغلي ريب قاع داك المكتب لي تم و ولا كينهج فحال شي ثور
زينب;سافي مي ماتبقايش تعاودي ولا هاد المرة نخاصمك بمرة
وجدان;وانا اقدر علا زعلك ياختي ؟دانا بموت
زينب;هاهي قلباتها مصرية زيدي زيدي ندخلو عند موكة قبل ماتجري علينا حتا هي
نمشيو عند سي كريم
اليوم كيف العاده جاي المدرسة عندي حصة احطيت رجلي فيها و قلبي بدا يزدح ليا ثاني و وكنشم نفس الريحة لي كتهيجني دورت راسي و نا نلقا حبيبتي كتمشا هي و صاحبتها معرفتش اش سرا لي ترفعت بقيت غا متبعها بغيت انشم ريحتها يله وصلت حداها و انا نتهز حتا للسما و تردخت الارض وهي كتضحاك علي الله علا ضحكة عندها تدوب الجبال ماشي غا الحجر هدا يا قلبي تا مالك داير هاد الحالة في بقيت مشاد معها معرفثته علاش من كنشفها كنبغي نعصبها هه كيعجبني نشد فيها عقلها ديال الدراري صغار اصلا باقا صغيرة برهوشة لاخرا المهم تدخلات صحبتها لي كل مرة كنشوفها كنتدر الماضي ديالي المهم مشاو القسم بقيت حاضيها حتا دخلات حيت عارفها هي و القسم ماكيتحاملوش ,,,دخلت القسم كانو عندي صحاب السانكايم شوية جاني اتصال من فهد كيقول لي بلي غدا ايبدا التدريس هنا خرجت بعدت علا القسم باش ندوي معاه بخاطري شوية كتبان لي جاية و كتسلت فحال الشفار هه وقفت ليها مع هي حانية راسها وماداتهاش قدامها حتا دخلات في هه ضحكاتني من بدات تحك في راسها هه قلت ليكوم برهوشة ايوا ثاني بقينا ملاجين معرفتش اش كيسرا لي كنولي فحالها هاد الدرية لعقل لي كان عندي اتطيرو المهم بقينا مني منك حتا عرفت بلي جرا عليهوم مول فيزيك باينة دارت ليه شي كارثة ثاني انا عارفها متقدش تثبث الارض و باش كملاتها قالت ليك غاتمشي القهوة ههه زوينة هادي لابسة لي مقزب و الفخاد مسفحين مع هي بلقة و الفورمة تهبل المدرسة كاملة حادياها عاد نخليها تعتب برا مالي حمق؟قلت ليهوم يدخلو عندي القسم,,,حتا من بعد ونتفاهمو علا داك اللبس ,,,المهم دخلو القسم ثاني كله حال فمه فيها يله غا البراهش ديال السانكايم واش دارت فيهوم عاد نشوفو الكبار ياربي تدوز هاد الحصة علا خير بقيت نشرح ومرة مرة نشوف فيها هي ماكيناش فهاد العالم معرت اش كتخطط ثاني فداك الكتاب المهم سالات الحصة كلشي خرج و عيطت ليها دابا جا وقت الحساب درت فيها مزيان وهي فمها سليط معرفت كيفاش حتا زيرتها من ضرعها و بديت نسب فيها ديك الساعة ماشي انا لي كندوي غيرتي لي كتكلم متقبلتش فكرة يشوف مفاتينها غيري مافيقاتني غي تمرميقتها الوجه هادوك يدين عندها اسابقينها وخرجات معصبة باينة كلامي جرحها مي اش ندير خرجت ريبت داك لبيرو كامل ,,كيفاش كريم بلحمو و شحمو رجل المخابرات لي قاع الدريات كيجيو حتا لعندو و يتحناو علا رجليه غا باش يشوف فيهوم وتجي بعلوكة تدير في هكا تخليني نتسطا اوووك اوجدان سقراط بغيتي ازكير انا مولاه ايلا ماعاودت ليك الترابي راه ماسميتيش كريم الفيلالي وجدي راسك الحبيبة ديالي الحرب يله اتبدا
نرجعو عند الفتيات
دخلنا انا و زينب عند موكا بركنا في بلاصتنا حتا نطقات ديك جميلة نموت و نحيا و نعرف علامن كانت كتوحم مها
جميلة;(بمكر)وراء كل كراهيه هناك حب دفييييين ههههه
انا;(درت عندها بوجه لا يبشر بالخير) شوفي يا ديك القحبة طاااالعة لي القردة السطح و المجادبة كيجدبو في راسي كنحلف ليك بربي وماتسدي فمك حتا نود نشتف علا دين موك تم يله سدي دلقوشك قبل مانود ليك
(هي دارت الطم عارفة اش كيتسناها لا زادت كلمة)
بدات ديك موكة تشرح و انا مرفوعة ماشي فهاد العالم راسي كدور فيه غي هضرة داك ميخي بنادم تفو شحال سطحي كيشوف غا المظاهر ماكيشوف لداخل ديال الناس اش غنتوقع من واحد فحالو باينة من داك النوع لي كيشوف غا الجسد ديال البنت بحال ماشفتوش قبيلة في القسم كلاني بنظراتو مي استاد جمال غلطي في العنوان انا وجدان سقراط لي شافها كيموت فيها حركة مني كنخلي لواحد كينسا علا مو ,,,مكنتشدش دغيا انا ماشي فحال لاخرات ,,,كنكرهك و من اليوم فتحتي علا راسك بيبان جهنم غا وجد راسك نهايتك اتكون علا يدي تيك تيوك العد العكسي بدا
فيقني من القلبة اصوت الجرس معلنا نهاية الحصه
خرجت من القسم انا وزينب بقينا كيف العاد حنا لاخرين حتا خوات المدرسة عاد جا شو فور وصلت زينب لدارهوم و مشيت للفيلا دخلت لقيت بابا باقي ماجا من الخدمة بانت لي ماما سلمت عليها وهي اكتطلع فيا و تنزل
حنان;بغيت انعرف واش كتمشي تقراي ولا كتمشي لكوري مفهمتش لمن خرجتي ناس كيتعاشرو ,مع لحسن منهوم ونتي معاشرة غا مع الهيماج شوفي غاحالتك كيف ولات وهضرتك ايلا بغيت نديك غا شي بلاصه معايا تحشمي بيا بهضرتك وتصرفاتك بحال مربية شمكار عندي فدار,ونتي متبعة لي ديك خيتي حتا خرجات عليك
وجدان;(صافي الكرون طلعو ليها) هيييه حدك تم كولشي نسمح ليك تهدري عليه الا صحبتي
حنان;شفتك وليتي ترفعي علي صوتك ولا قد القب قد سطل
وجدان;(بالغوات)نتي شوفي اش كتقولي وباغاني ندوي مع بالاداب ,,عمرني شفت شي ام كتحتاقر ولادها كيفك ايلا مكنتيش باغاني لاش ولدتيني (طوعات واحد لفاز حتا تفرشخ مع الحيط)دويييي تكلمي لاش والداني (بانت ليها واحد الطابلة فزعاتها وبدات كتشخشخ اي حاجة قدامها هادي هي وجدان من كتجيها الحالة كترفع بقات اكتهرس و تضرب وتبكي فنفس الوقت كتغوت علاش مكتحملينيش يديها كلهم دمايات تاحد ماقد يقرب ليها عارفينها من كنولي هاكة مكتبقاش تشعر براسها دخل باها الدار سمع صوت التهراس في الدار و صوت وجدان عرف جاتها الحالة ثاني عيط علا الطبيب ديالها و دخل عندها كيجري و مخلوع لقا حالتها حالة ثور طالقاه اي حاجة جات قدامها كتشتتها و يديها كلهم دم و وججها حمر عينيها حمرين و غايبين علا الوجود قرب منها بخطا ثابتة كيحاول يهدنا قبل متزيد تادي راسها كيخطوي وكيتكلم معاها فنفس الوقت باش تهدن حتا وصل حداها و حكمها وخشاها في حضنو)
سي نبيل;(معنقها)ششث تهدي تهدني ها باباك حبيبك جا كلشي ايكون مزيان ها انا حداك تهدني تهدني
وجدان;(مرفوعة و مكتدير تا حركة غي كتهترت)علاش مكتحملنيش ,,علاش ؟واش انا ماشي بنتها؟علاش مكتحملنيش علاش ؟
سي نبيل;(عرف بلي حنان هي مولات الفعلة شاف فيها واحد الشوفة ديال القتيلة هي وجهها ولا صفر)ششث شكون قاليك هاد الهضرة ؟ياك انا بابا حبيبك ؟(ومزير عليها حيت عارف لا طلقها)ها هو بابا معاك و كيبغيك هانا
الطبيب دخل كيجري;سي نبيل غا سمعت الاتصال ديالك جيت نجري (شاف الصالون كيف ولا وحالت وجدان)جاتها نفس الحالة ثاني ؟(مشا قرب ليها بشوية وهي في حضن باها كتهلوس دك ليها مهدئ وبدات كترخا وضمد ليها يديها وعقمها الحمد لله ماشي ديال الخياطة) كيف وصلات ثاني لهاد الدرجة(بعتاب)ياك قلت ليكوم مية مرة ماتبقاوش تخليوهاا تعصب واش باغين تفقدوها ؟
نبيل اكيشوف في حنان و كيخنزر
الطبيب;انا عطيتها دابا مهدئ باش تنعس ,,,غتنود ماعاقلة علا والو كيف العادة ,,ويلا كان شي مشكيل بيناتكوم نتمنا تحلوه قبل متأزم ثاني حالتها ونرجعو لنقطه الصفر ,,المهم حاولو تبعدوها علا اي حاجة تقلقها
نبيل;(هز وجدان بين يديه لي مغيبة وشاف في حنان)هانا نازل وغانتفاهمو علا هادشي (طللع وجدان لبيتها حيد ليها سباطها و خشاها في بلاصتها و غطاها بقا كيلمس شعرها بحنان لمدة وكيشوف في ملاكو الصغير كيف كتكون هادية في نعاسها وتفكر كيف لقاها كون ماجاش في الوقت المناسب كان غايفقدها ناد بزربة وتم نازل في الدروج وكيغوت باسم حنان)
نبيل;حناااا حنااااان
وقفات قدامو كلها ترعد;ششث شث نو
جرها من يديها و دخلها لبيرو و سد لباب:(مزير عليا)اش درتي ليها حتا ولات فهاديك الحالة (كينخد فيها)دوي تكلمإ اش قلتي لبنتي حتا ولات هكاك
حنان;بنتك؟عندك ولد واحد هو محموود ,,,شفتك تيقتي راسك وتقنتي الدور,,,نسيتي بلي راك حرمتيها من وليديها و هي صغيرة ها؟ باش تنتاقم من خوك خطفتيها ,ياك كنتي باغي تقتلها ها؟اش تبدل؟مخفتيش شي نهار ترجع ليها الداكرة وتفكر كلشي ههه قاليك بنتي ,,هاديك بنتك نهار تعقل علا كلشي نت اللول مغترحمكش
نبيل قجها ;اخر مرة تجبدي هاد الهدرة ,,كنت باغي نقتلها ولكن تراجعت خويا باراكة عليه عايش هو كيصحاب بنتو ميتة (كيهدر تحت سنانو)وهاديك بنتي ,,,انا لي ربيتها و كبرتها وسهرت عليها ,,تاحد ماغيقد ياخدها (زاد زير عليها)ولي حاول يقرب منها ولا يقيس شعره منها نقتلو ونشرب من دمو ونتي عارفاني اش كانسوا بلا ماتحاولي تلعبي معايا (طلق منها ولاحها )هادا اخر اندار ,,مرة جاية تقلقيها ولا تديري ليها شي حاجة كنحلف ليك بالله حتا نفسخ ليك الجلدة علا العظم يله غبري من قدامي خرجييييييي (خرجات وهو تكربع وتنود عارفة نبيل من كيتسيف كيف كيولي)
برك في المكتب ديالو وحط يديه علا وجهو و بدا يفكر
<قبل احدا عشرة سنة<فلاش باك <اوكرانيا<
محمد الابراهيمي;انا ماعندي حتا دخل فموت ماماك ,,ياك طلبتي فلوس باش تعالج و انا عطيتهوم ليك
سي نبيل;(كغوت)كدااااب كدااااب (بغضب) ماوصلني والو ,,,نت اصلا مكتهمكش واش ماتت ولا نو حيت كتكرهها وكتكرهني حيت انا اخوك من باك ماشي شقيقك وهي امرت باك
محمد;اش هاد الهضرة كتقوول جمع فمك اه انا وياها مامفاهمينش ونت عارف اش دارت ولكن انا ماشي حيوان باش نشوفها تموت قدامي وتطلب مني باش تعالجها و نرفض انا كنقس,,,
قاطعو بغضب;كداااب نت ديما كتكرها و حاقد عليها (بحقد )ولكن اندفعك الثمن غالي انخليك تدووق من كاس الحرمان بحالي
محمد;تقرب مني ولا من عائلتي ندفنك حي يله برا خرج من داري
خرج نبيل وهو حاقد علا خوه في طريقو تلاقا بأسيل كانت ديك الساعة عندها ستة سنين كتلعب في الجردة غا شافتو وجات تلاحت عليه حيت كان عزيز عليها و ديما كيخرجها معاه
تساطح مع اسيل كانت كترسم في الجردة اشافتو جات عندو كتنقز<الحوار باوكرانيا<
اسيل;(مدات ليه يديها باش يهزها)عمو عمو شوف اش رسمت ؟
نبيل :(قفز عندها )ممم زوينة وشكون هادو ؟
اسيل;هادي ماما و هادا بابا و هادا خويا فهد و هادا نت
نبيل;ممم وشكون هادي لي راسماها بالكحل و دايرة ليها كرون
اسيل;هادي جدة
نبيل;(تعصب مي مابغاش يبٍين)وعلاش ؟
اسيل;سمعت بابا كيقول لماما جدة قبيحة و شريرة
نبيل;ممم باباك لي قال هاكا(حك ليها علا راسها و باسها و ناض بقا غادي وكيشوف فيها حتا خرج)
مشا معصب كسيرا بلوطو ديريك سوبر ماركت خدا مني قراعي ديال الشراب و مشا برك قدام البحر كيسكر ويهدر مع راسو;غندفعك الثمن غالي اسي محمد مشا داك حميد لي كنتي تعرف ضعيف و مهزوم هدا واحد اخر من نهار ماتت مي هادي عامين ونت السباب قتلتي قلبي غندوقك العداب لي عمرك شفتيه (هز تيلي و ركب نمرة);الو,,,اه ,,,صافي العدد ديال الدراري كامل ؟خودهوم المستودع حتا الغدا ونسفروهوم برا الحدود بلا مايعيق تا حد ,,,(سكت شوية)بغيتك تزيد معاهوم سمية (تدكر من كانت اسيل كتلعب معاه و تضحك معاه غمد عينيه ودوا )اسيل الابراهيمي ,,لا انا لي غنتكلف بيها حيت باها داير ليها الحماية و مكتخرجش من القصر كتيق فيا انا انجيبها للمستودع صافي دير خدمتك (وقطع) ناد بالزربة ورجع القصر كانت نيت متكية في الجردة علا كرشها وكترسم شافها و هو يعيط ليها
نبيل;اسيل حبيبة عمو
اسيل;(سمعاتو جات كتجري)عمو عمو جيتي نلعبو
نبيل;(دار راسو كيفكر)ممم اش بان ليك نديك مدينة الملاهي
اسيل;ياااااااي (بقلق)ولكن بابا ماغايخلينيش نخرج
نبيل;اش بان ليك نمشيو بلا مايعرف و نرجعو دغيا
اسيل;(بفرح)ياااااس (بحماس)شدات فيه يله
شد فيها وهو داير ضحكة انتصار ركبها اللوطو و داها المسودع فين كاينين بزززززاف ديال الدراري الصغار خاطفينهوم و كيبوعوهوم من بعد لقا البوس الكبير هي مع الطريق كانت طويلة كانت ناعسة هزها ودخل بيها
البوس;تبارك الله عليك العدد هو العدد (شاف في اسيل لي ناعسة في حضنو)اوووووه شكون هاد الكتكوتة ؟
نبيل;ماشي سوقك هادي حتا هي زيدها علا هادوك لي غانهربو غدا
البوس;(بعد تفكير)لاااا هادي انديها انا تعيش عندي في القصر (بمكر)هاد الوجه الملاكي بغيتو ليا (وعيط علا رجالو) خودوها مع لاخرا لي عزلت (وجبد شانطة عامرة فلوووس)هادي علا خدمتك(وجبد ثاني خمسة رزمات ديال فلوس)وهادو كادو من عندي علا قبال القطيطه لي جبتي
نبيل;(خداهوم تحت صدمة و زاد كيشوف في اسيل لي ناعسة بحال شي ملاك مشا وتأنيب الضمير كيياكلو ساق ديريك دار حنان كانت ديك الساعة طايحة معاه و عندهوم محمود عندو شي عامين ولكن داخل علاقة غير شرعية شافتو جات كتعوج)
حنان;حبيبي مالك شفتك مقلق؟
نبيل;(شد فراسو وبرك)درت دنب و دنب كبييير ,,,مغنقدش نعيش مع هاد تأنيب الضمير
حنان;(تخشات في صدرو )مالك احبيبي اشنو سرا نت عارف يمكن تعاود لي
نبيل;خطفت اسيل كنت باغي نهربها مع هادوك الدراري لي خطفنا و دابا بغاها البوس
حنان;ياك كنتي باغي تهربها بحال خداها البوس بحال بعتيها ياك هادشي لي بغيتي تنتاقم من خوك ها هي جات الفرصة
نبيل;دابا محمد ايكون عرف بلي اسيل خطفتها مغيخلي حتا بلاصة مغيقلبش فيها علينا غدا وجدي راسك نتي و سليم غنهربو راه لباسبورات المزورين واجدين من اليوم سميتك حنان و سليم محمود و انا نبيل سقراط
حنان;(عنقاتو )اووك حياتي غدا في الصباح نكونو واجدين
دخل بيتو و تكا في الناموسية و بدا كيفكر غا كيغمد عينيه كتجيه صورة اسيل كتغوت وكتنادي وتصرخ بإسمو ;كتقول ليه عمو عتقني عتقني ,,,ناض مفزوع كله عروقات ,,قلبو تزير هز تجاكيط و فردي و الفلوس ليعطاه و خرج بسرعة مشا لقصر البوس مع الدخلة كيسمع غوات اسيل مشا كيجري المصدر الصوت دخل الغرفة عليهوم لقا لبوس كيشرG حوايج اسيل و باغي يغتصبها وهي كتبكي وكتغوت اشافت نبيل وبدات كتغوت باسمو عمو عمو و كتبكي هو بدون تردد هز فردي و تيرا في البوس قتلو و عينيه حمرين كون تعطل شوية كانت اسيل اتمشي فيها تحنا عندها وهي مصدومة مابقاتش كتكلم ;ششث ها عمو جا (هزها وتم خارج لقا درية حتا هي اتكون تقادة ديال اسيل وعندها نفس لون الشعر حتا هي بدات تبكي شدها وخرجو بثلاثة ركبهوم فيلوطو وتم غادي بسرعة وفديك الاثناء البوليس عرفو مكانو و تمو تابعينو هو سايق وحيت كان سكران فقد السيطرة علا لوطو خرجات عن المسار و تلاحت من القنطرة لواحد النهر غارق بدات اللوطو كتغرق فداك النهر و هو عاد فاق من لقا الماء دخل لوطو بدا مضارب مع لباب مع التيار كان صعيب يحلو بقا كيضرب فيه حتا تحل و مشا عتق اسيل ونسا الدرية لاخرا مع كان ليل البوليس ماقدوش يشوفوهوم بقا كيضرع بيها حيت هو كان سباح ماهر هي كانت عايشة مي ديك الضربة لي فراسها خطيرة و خلاتها تغيب المهم بقاو مدة هو كيضرع بيها حتا شافوهوم واحد الصيادة و عتقوهوم وصلو للدفة ديال النهر لي فجيهة لاخرا يعني مدينة اخرا دا اسيل ديركت سبيطار دخلوها ديركت المستعجلات بقاو مدة عندها وهو بقا غادي وجاي وكيبكي عليها بحال ايلا بنتو مخلاهوم حتا يديرو ليه الاسعافات الاولية دازت ساعة ,ساعتين ثلاثة,,,ستة سوايع وهوما لداخل كل مرة كتخرج الممرضة ماكتعطيه حتا راس الخيط بقا هكاك حتا خرج الطبيب عندو شنق عليه
نبيل;قول ليا كيف بقات متقولش لي غتموت عافاك (وطاح الارض كيبكي )انا السباب انا السباب
الطبيب;حنا درنا ليها العملية و كانت ناجحة ,,"عمر دازت عندي بحال هاد الحالة في حياتي لماء لي كانت شاربة و الضربة لي في راسها كانت كفيلة باش تموت فديك الساعة ولكن هاد الطفلة باقا بغا تعيش عمرها طويل ولكن,,,,
نبيل;ولكن اش قول تكلم
الطبيب;دابا هي داخلة فغيبوبة تقد تفيق منها و تقد لا وقاع لا فاقت ايكونو مضاعفات حيت ديك الدقة لي جاتها الراس خطيرة بزااف
الطبيب ;لا كان بحال هكا اووك ولكن دابا نو هي يله دايرة العملية غدا يمكن
مشا طبيب و نبيل دار اتصالات باش يسايبو للاسيل وراق مزورين باش يمكن يسافر بيها برا البلاد و وقال للحنان تسافر هي و ولدها هما اللوولين عاد ايتبعهم غدا
المهم دازت ديك الليلة و الوراق وجدو و سافرو في طيارة خاصة مع طاقم طبي (فلوس لبوس و مايديرو) وصلو لبلاد اخرة و بالضبط المغرب لقا طاقم طبي اخر كيتسناها في المطار داوها ديركت السبيطار داز نهار ,,يومين سيمانة جوج ثلاثة ,,وهي علا نفس الحالة ,,نبيل عرف بلي لقاو جثة ديال البنت لي كانت معاهوم في لوطو و حيت وجهها كان كالو الحوت و كانت منفوخة بلماء كيصحابوها هي اسيل و هو كيقلبو عليه,,لقا شركة غتعلن الافلاس ديالها شراها و حيت هو دكي دغيا هزها علا رجليها و وسعها ولا معروف بزااف دابا دازت ستة شهر و اسيل باقا مغيبة حتا لوحد نهار كان في الخدمة مهوم كيفكر فيها عيطو ليه و قالو ليه راه فاقت و منوضة كسرة في لكلينيك مشا كيجري ,,وصل حدا باب بيتها و يديه كترعدو اش غايقول ليها ايلا سولات علا باها و مها وبقا متردد عاد دخل لقا محامين عليها ثلاثة الفرملية قاع ديك الشمبر مرونة و مهرسة قرب ليها وهي كتغوت<باوكرانية<
نبيل;بنتي هانا جيت قولي لي مالك هانا ماتخافيش كلشي فات هانا معاك
اسيل;شكون نت و شكون انا و فيني ؟(نبيل تصدم دخل الطبيب)سي نبيل الضربة لي جاتها الراس اثرات ليها علا الدماغ حنا كنا شاكين بلي اتقد تفقد الداكرة و شكنا كان في محلو
نبيل;واش غاترجع ليها من بعد ؟
الطبيب;هاد الدقة واعرة من ماعماتش و لا تشلات الحمد الله ,,,تقد ترجع ليها وتقد لا واخا حنا اكيدين بلي مغترجعش ليها
نبيل;علاش كانت كتغوت دابا
الطبيب;اكيد دازت من شي صدمة هادشي لاش غتكون عدوانية وغايوليو يجيوها هاد النوبات الغضب حنا اندقو ليها برا ديال المهدئ ولكن من بعد خاصك تديها عند طبيب اختصاصي و من الافضل خليها دابا في المصحة حتا تولي نفسيتها مزيان
دازت مدة وهي فديك المصحة فين ما تفيق كتدير روينة وتبدا تهرس لي جا قدامها جابو ليها طبيب النفس و والو مكتهدر مع حد ماكتكلم كيجي نبيل كيلقاها إما شادة ,كتاب و اقلام كترسم ولا كتغوت وتهرس حتا لنهار لي تلاقات بزينب(من بعد و تعرفو قصتها مع زينب)
<الوقت الحالي<
وجدان;(فاقت وشادا فراسها)اي راسي اي (ناضت) اش جابني لهنا كيفاش وصلت لبيتي ياك كنت كنهدر مع ماما اش سرا من بعد ؟(يديها كتحرقها)اي كيفاش تضربت فيدي ؟(وجدان من كتجيها دوك نوبات و كتفيق مكتبقا عاقلة علا والو)(نادت و تمات نازلة في الدروج )بابا ؟بابا؟ماما؟
نبيل سمع صووتها خرج من تفكيرو في الماضي و خرج عندها :هانا احبيبة بابا
مشات عندو;بابا اش سرا ليا كيفاش وصلت لبيتي و (كتوريه يديها)كيفاش تضربت فيها (جات حنان ) ياك اماما كنت كندوي معاك مبقيت عاقلة علا والو من بعد
نبيل; اه كنتي كتدوي مع ماماك نتي سخفتي حيت طاح ليك طونسيو و نتي تضربي يديك مع الطبلة ديال الزاج (قرب ليها)ياك كنقول ليك ماتبقايش تجهدي راسك مع الدراسة ولا تقلقي كيفاش كتحسي دابا
وجدان;شوية ابابا غا راسي باقي كيضرني شوية و يدي كتعطيني الحريق مي ماشي بزاف
نبيل;فاطمة فاطمة؟
فاطمة;نعام اسي نبيل
نبيل;وجدي لوجدان شي حاجة ماتاكل
وجدان;لا ابابا مافيا,,,
قاطعها;بغيتي تقلقيني منك سيري طلعي لبيتك راه باقي خاصك ترتاحي بينما وجدات ليك ماتاكلي و غدا بلا متمشي المدرسة انا انعيط المدير نقولها ليه
وجدان;بابا انا,,,
قاطعها;دويت معاك شوفي حالتك كيف باقا ويديك كتضرك باش غاتكتبي المهم رتاحي غدا و بعد غدا سيري لا بغيتي
طلعات لبيتها اول حاجة دارت بدلات حوايج المدرسة لقميجة البيضة و ساية ولاو حمرين بالدم لاحتهوم و لبسات شورط,وديباردور وتخشات في بلاستها جبدات تيلي و لقات شي عشرة ليزابيل ديال زينب دوززات نمرتها
زينب;الهريبة فين كنتي دايعة شحال و انا نعيط ليك
وجدان;راه مسمعتوش ,,,جيت لدار دخلت ماما كانت كدوي معايا من بعد معقلت علا والو فقت لقيت راسي في بيتي و راسي كيدرني و يدي عاطياني الحريق وفيها فاصمة وحوايجي دم
زينب;(عرفات رجعات ليها الحالة)اويلي واش باقي كتضرك و اش شي ضربة خايبة انا نقول لبابا دابا يجيبني لعندك
وجدان;مالين لاش راه دابا مزيان ,,بابا قاليا طاح ليا طونسيو ,,المهم ماخلانيش نمشي غدا المدرسة حتا لبعدو ونجي
فقت ليوم معطلة حيت ماكيناش القرايا ليوم نضت دوشت واخا صعيبة مع يد وحدة المهم كملت و نشفت شعري بالخف ولبست ديباردو بالبيض وكولون غري نزلت لتحت لقيت بابا و ماما باركين في الصالة ومعاهوم داك الجن مشيت صبحت عليهوم هه نقولو مسيت عليهوم
انا;صباح الخير
بابا;صباح الورد كيف بقات حبيبة باباها بقا كتضرك يديك؟
انا;نو ماشي بزاف
محمود;بابا انا ليوم انبات مع صاحبي انراجعو شوية
بابا;عارف المراجعة ديالكوم
محمود;والله ابابا منك,,,
قاطعو;دير لي بغيتي غا سكتني
فاطمة;لغدا واجد ا سيدي نحطو؟
حنان ;حطيه في الطابلة احنا جايين
نبيل;نودي ابنتي تاكلي شي حاجة راه من لبارح ماكليتي والو
نضنا كاملين بركنا في طابلة الاكل تغدينا في جو صامت صالينا ,,بابا مشا الخدمة و ماما مشات عند صحاباتها كيف العادة محموود مشا عند صاحبو و انا بقيت كيف الجن كندوور اوووووف جاني الملل اللهم نمشي نضربها بشي نعسة
طلعت لبيتي درت مزيكا وجهدت لباف وتكيت بغيت نرسم يدي ضاراني منقدش اووف الملل طفيت مزيكا و شعلت تيلي كونيكطيتها مع الويفي و درت فيلم اجنبي (اندر وورلد الخامس)كيعجبوني فحال هاد افلاد ديال مصاصين الدماء ههه فيهوم التيتيز المهم بقيت كنتفرج شحال كتعجبني ديك سيلين قوية بزااف سالا و طفيت تلفازة و ضربتها بنعسة
زينب;سالام اعمي
نبيل;لاباس ابنتي كيف داير سي محسن و ماماك
زينب;الحمد الله كيسلمو عليك
نبيل;مبلغ شحال مابقيت شفتو غبر
زينب;الخدمة ا عمي عطاوه واحد بروجي جديد وخاصو يبني واحد الشركة ملهي فيها
نبيل;الله يسهل ابنيتي عليه
زينب;امين اعمي ,,,كيف بقات وجدان واش رجعات ليها الحالة ؟
نبيل;(بحزن)اه ابنتي ,,لبارح تخاصمات مع حنان باينة قالت ليها شي حاجة تقلقها حتا قلنا صافي تعالجات
زينب;نشاألله اعمي تكون مزيان خاصها غا تخرج من الضغط لي فيه دابا و ترتاح,,,المهم انا تكلمت مع بابا و قلت ليه بلي انبات مع وجدان ايلا ماكانش عندك شي مانع
نبيل;اش كتقولي انكعا عليك هاد المرة نتي كيفك كيف وجدان ,,ومزيان مادرتي ,,,انا غنتكلم مع باباك و غنقول ليه بلي فهاد الويكاند انصيفطكوم المزرعة تدوزو وقت تم و منها ترتاحو
زينب;واخا عمي مايكون غا خاطرك
نبيل;الله يرضي عليك يله طلعي عند ختك شوفيها يمكن اتكون ناعسة
زينب;واخا (ومشات)
طلعات عندها لقاتها مكرشخة فوق الناموسية نصها في الارض كيف ديما بقات كتضحك علا نعستها وقربات ليها دوزات يديها علا شعرها برفق هي قاعما فهاد العالم بقات تنوض فيها والو ميتة وهي تطيح عليها فكرة هزات الصباغة ديال الرسم وبدات كتلون ليها في وجهها ها الحمر ها الخضر ها الزرق جربات فيها قاع الالوان ردات ليها وججها راية ديال السومال ههههه طلقات مزيكة ديال الرعب وبدات كتصدر اصوات;اوووووع ةزززز هااااار وووووووووو فرررر (كتغلض صوتها)وجداااااااان وجداااااان فيقييييي ووووووووووووووو
وجدان;(مخلوعة)بسم الله الرحمان الرحيم اش ش شث نو انا معاك بالله و الشرع (وبقات كتسلت بشوية وكتقرا القرأن حتا وصلات الباب حلاتو وهي تضربها بدرديكة حتا الصالون كانت ماماها و باباها تم )
بابا;بابا جن جن جن عندي في البيت
نبيل;(ههه حابس الضحكة من شافها هكاك)اشمن جن ابنتي؟سيري الله يهديك ماكين لا جن لا والو را خرافات
وجدان;والله ابابا حتا سمعتو والامارة قاليا سميتو سمهاروش و كيبغيني اهئ اهئ دابا انا كيبغيني جن
نبيل;تي راه غي كنتي كتحلمي
فاطمة;سيدي و(شافت في وجهها كانت هازة طبسيل لاحتو )واااع واع جن جن (وهربات)
وجدان;جن ؟(وبدات مدردكة فاطمة قدامها و وجدان وراها وكيتغاوتو ما نبيل مسرح بالضحك )
بقاو هكاك حتا كتبان لوجدان زينب باركة علا ركابيها و شادة كرشها وكتبكي بالضحك عاد سرا معاها اقالب و عرفاتها مولات الفعلة
وجدان;زييييييينب (مشات عندها كتجري و هي هربانة ولاخرا تابعاها)والله لابقات فيك نتي يا ياك نتي مولات الفعلة
زينب;ههههههههههه والله مانعاود ههه (بقات كتجري حتا فشلات من الضحك)ههه صافي عيت ههه هههه شوفي وجهك كيف داير
وجدان;مالو وجههي
زينب;ههههه لا اطط (وصوراتها بتيلي ووراتها التصويرة)
وجدان;واااااااااااااااااع
زينب;ههههه نسيفط ولا بلاش
وجدان;لا مسحي مسحي
زينب;ههه توتوتو لا يمكن نضيع هاد الفرصة عندي
وجدان;دابا جيني من اللخر اش باغا
زينب;هادا هو الكلام ,,ههه ممم غدا نخرجو و العراضه علا حسابك
وجدان;صافي صافي غا مسحي
مسحاتها زينب;هه تقطعي في القلب زيدي دخلي
دخلو و سي نبيل اكيشوف وجدان كيضحك مشات وهو ساخطة علا الوضع غسلات وججها وبدلات ديك الحالة و نزلو باش يتعشاو
قصة لعبة القدر
محتوى القصة
التنقل بين الأجزاء