ف بني ملال الصهد ولحرارة شااعلة كان غالي فريسطو "مسك الليل''كبيرة فوسط لمدينة ومع الصييف كانت عامرة لابس سروال كحل وشومييز بيضة على فصاالتوو واقف على طبلة من طبالي الريستو كيسجل فالطلبااات
مشااا غالي لكونطووار عطاهم الطلبيية ومشااا رااجع لطبلة اخرى لي كانو ناسهاا ناضوو جمع طباااسل ولكيسااان وتوجه بيهم لداخل تاع الريستوو لي كانت سخونة بطيااب ورواايح مخلطة وقف كيشرب كاس تلمااا ورجع من جديد مزاول خدمتوو لي هادي سيمانة باااش بادي فيهاا رغم لي فيها بزااف تاع تماارة استحملهاا ولا هدرت بااه لي مكتقاضاااش داز سواايع وهوا واااقف من طبلة لطبلة رجليه كيحس بيهم طابوو بسبااط والصهد وصلات سبعة تاع لعشيية وتقاضا نهاار لي كيف اجواء الصيف كيدوز طويييل دخل بدل علييه وخدم تيليفونوو لقااه بيطرطق بليزابيل تا صمد
غالي(كيقلب فالتيلي)بففف (رجع التاصل فييه كالة التيلي بكتفوو وكيسد فقاميجتوو لبلو سياال حتى تشد لخط)شوف بلا متغوت هاني داباا جاااي
قطع معاه غاليي وقاااد لكول تاع لقامييجة وسروال دجيين زرق غامق ومعااه سبادريي بيضة اديدااس كان فلبااسوو نوع من لبسااطة مي كيجيييو معاااه بطولتوو وكتافوو لعرااض وفورمتوو لعامرة شووي كتبيينو ناضج كتر من عمروو خرج زربااان من الريستوو شير لطاكسي وقف
غالي-صافاا كلااص اخويااا
-ايه مرحباا
نطاالق الطاكسيي بييه حتى دخل لزنقة عامرة بلمحلااات وشوايااات ولبااائعة ها سوااايع ومواد التجمييل مكاينش منين الدوزيي وغالي كل مرة يشووف فالساعة تحبس الطاكسي باش ينزل يمل على رجلو عطاه خلااصوو وطلع ختاصر طريق تفات زحاام وباان محال متوسط بدا كيعمر فجنابو جوج نخلاات علييهم ضواو ملونين والدخلة كلها زاااج والناااس كالسة لقاا صمد عند لباب كيتسنااه
صمد-تعطيلة هادي
غالي-راه الصيف هادااا الناس لخاريج كلهم هابطيين فين لبناات
صمد-راه لداااخل
غالي-صافي غير دخل عندهم نهدر مع سفيان ونجيي
دخل غاليي لقا لكونطواار عامر شافتو وحدة من لبنات لي خدمات ومشات عندو مبتاسمة حيت عارفاااه
-اهلااا شوف سفياان راه كاين فلكوزيينة لا طار ط راه واجدة
غالي-صافيي لهلا يخطيييك لمهيم غندومونضي على ربعات لبيتزااات منوعيين او لي كلاااص
-كيف لعادة ياااك
غالي-اييه معندي ميتساالك
ضحكات لبنت ومشااا دخل غاليي وخة كان الصهد كانت لكليمة خداامة لداااخل كانو جوج طبالي فلقنت زادينهم ومحطوط فوقهم لعاصيير وحنان وليلى كالسيين تقدم غالي سلم علييهم وسلم على حنان من لحنك وكلس جنبهااا
-سنة حلوة ياا جمييييل سنة حلوة يااا حناااان سنة حلوة يا حنااان
وقف صمد وليل لي فمها ترع بالضحك شدات فدراع غاليي بفرحة وهيا كتغني معاهم على تحطوو لطارط كبيرة لوسط
غالي(باسها من حنكهااا وغمزهاا)شرفتيي هههه
حنان-ههههه (حطات ايدها على لحيتوو)ايخليك ليااا احبيبيي ديما مفكرنيي
صمد-احم احم وانا لي جايبك من داركم مامفكركش هههه الالة بطول لعمرر تانشوفو شيب مطرطق فراسك
ليلى-هدشي الى مقتلتك بهاد لمووس قبل لا تحضر لعرسهم
غالي-هنينوناا يالله نفخي على شميعاات كنت غندير ليك 26 هي خفتك تكعاااي هههه
حنان-غاليييي هههه
صمد-يالله واحد جوووج تلاتاااااا(طفات حنان الشمعااات وتكلف غالي بتقطااع فطباااسل )عطيني الطرف لكبيير فيا جووع
غالي-سير فحالك هههه
كلاو لطااارط بالضحك والنشاااط جبداات ليلى من صاكها بواطة مغلفة ب بابي كادوو بلغووز وقالت-هانتي يلالة بطولت لعمر انشاء الله
حنان-شكرا ابب لهلا يخطييك
صمد-هههه انا تالعرس ونعطيك
غالي-ههههه غير بلاششش (شاف فحنان)تبغي نخرجو شوية
حنان-اييه واخة
غالي(شد لكونطاك من عند صمد وهياا هزااات صاكهااا ومشات مورااه(بقاو هناا تنرجعووو
صمد-متخااافش هههه
خرج غاليي وموراه حنان حل ليها باب اللوطو اونو بيضة دخلاات وركب حتى هواا من بعد محل الصدفة لفوقانية تاع لقاميجة حييت كان الصهد تحرك باللوطوو شوية وغرج من زنقة الصفاا لي ديما بليل تاتكون كتنغل ببنادم
بقاو ساكتيين مدة حتى كانو واقفيين قداام جردة كبيييرة معروفة بلاكوط هبط غاليي وتبعاتو حنان شدها من ايدهاا ونزلوو فدرووج وغير ضو خفيف مضوي على شجر قرب لكرسيي جنب شجيرااات وكلسوو والناس كدووز من حداهم خارجيين يتبردوو
غالي(كلسات حنان وهوا وقف قدامهاا وهز رجلوو حطها فو لكرسي وحط كوع ايدو على فخضضو وليد لخرى جب دبيها بوااطة من جيبوو مسطحة فلكحل ومدها ليهااا )وخة تستااهليي كترر
حنان(ضحكات وهيا كتشد فلبواط حلاتها كتشووفيه لقات فيهاا ساعة فلكحل تقيلة بلحجر وسمطتهاا كتبريي بحجيراات صغااار وحرف H تحتمن الزاجة
حنان(بغا ينوض وشداتو من ايدوو) غاليي تقلقتيي انا جيتم لصرااحة مبغيتكش تجي تخطبني ونتاا باقي مواقفش على رجلييك
غالي(بعد ايدوو)يكون خير دابا نوضي نوصللك
تقدم غالي قدامها كيحك فعنقوو وهوا طالع فدرووج حتى وص ل اللوطو وهياا مورااه طلع فبلاصتوو ويكتسناها تطلع غير كلسات وهوا يتحرك فتجاه دارهم وكان سكااات سيد لموقف وكل مرة يسمع تيليفونها كيفيبريي فصاكهاا وهياا ساهية فايديهاا توقف باللوطوو وتنهد حاط ايديه على فخضوو ولخرى فالشرجم لي محلوول ولبرد كيضرب فشعروو لكحل طويل كيرجعو اللور
غالي(بهدووء) نزلي احنان خاصني نمشيي
حنان-غالي
غالي(قاطعهااا )حنان نزليي باغي نمشي عيااان
خرجات بلا تاكلمة خلاتوو مكشر حجبانو غير وحدوو طلع تنهدية على حالوو لي مزال مبغات تقااد وصبرو بدا يتقااداا ديماراا هز صمد وكمل فصمت لدارر وهدشي لااحضو صمد مي طمر علييه من عادت غاليي لكان ضرااه شي حاجة فخاطروو كيسكت ويطمر وكيحسبها بينو وبين نفسوو مع وصل لدار دخل نعس من كترة التعب
كيف كل ايامو الصيفية ..كان كيتنقل من طبلة لطبلة بوحدو وريسطو كبير ولي يعاونو مكاينش لان دراري لوخرين باقي مجات وقت دخولهم ومن سوء حظو كانت الحركة مجهدة خدمها بوحدو..مكيزرب من طايلة لطابلة اوصل الطلباس فأسرع وقت ممكن..والعيا واضح عليه.. دخلو كلياان جداد للريسطو شاب وشابة محققش فيهم هز الموني وتوجه بعندهم راسم بتسامة بشوشة على وجهو كيف ديما زاخا ميكونش ناشط خصو اضخك للكليان فوجهو باش امشي نااشط..وقف عليهن مبتاسم وقال:مرحبا بيكم
باقي مكملهاش جات عينو عليها..جالسا لابسا حوايج زوينين وريحة بارفانها كاشم منين ومنين والوجه ماكي مزياات كتبان زيينة..تلغاات يتسامتو ملي شافها وهي كذلك تصدمات ملي لقاتو هو
قد كنت أحسب أن وقت مرارتي ستكون أنت طبيبي ودوائي وتكون درعاً حامياً عند الوغى
وتكون أنت ذخيرتي وفدائي وتكون صدراً حانياً أحنو به عند الهموم ولوعة الأمساء
وتكون مصباحاً ونوراً هادياً يمحو ظلام الإثم والأخطاء وعزيمتي إن قلّ حرّ أجيجها
ستكون أنت مُحفّزي وعزائي
لكن غدرت بكل معنى للهوى وحوت من قلبي بقايا وفائي
..قلبو كيضرب بجهد حول عينيه للشاب لي معاها ولي كان لابس حوايج زوينين ومعلي فراسة وتيبان ولد النخوة هي
الجلسة حنان حشمات وخنات راسها مبقاتش هزاتو ضراتها شوفتو ليها اما هو تصدم صدمة عمرو ياله بيهضر وهو يقاطعو الشاب لي معاها وقال ماسك يد حنان:حبيبة شوفي لموني وخودي لي غجبك
ترغدات وعضات على شفايفها حشمات تا ماباقي لقات فين دير وجهها وهزات غينيها بشوي فالشاب لي معاها وقالت:ممم ووو واخا الشاب:(خدا لموني من عند غالي)شكراا نختارو ونعيط ليك
غالي مكانش كيسمع ليه وذنيه سمااكو وترفع من بلاصتو من كلمة حبيبة لي قالها ليها ومن شدة اليد..محس براسو تا دار وخلاهن اختارو راجع للكونطواار فين كيعطي لي دوموند لطباخين لداخل..وقال نوجه لكلام لبار مين:هشام شي كاس تالما الله يحفظك
مد ليه دري الما كيشربو وعينيه عليها هي لي بان التوتر على تصرفاتها وحركاتها..كيحقق فيها من جنب شارب الفقصة منصدقش بلي هادي هي حنان لي شافهغ نهار لول وعجباتو وحمقاتو ومشا قصدها مضخكش عليها مستاغلهاش ميخاف عليها بحال شرفو وميبغيش اشوفها مشوهة ولا ناس اهضرة عليها..حنان لي كان تيتمنى هي يخدم ويكون رااسو باش اقصد دارهم واتزوج بيها ويديرها فدارو معززة مكرمة..حنان لي كيحيد لراسو واعطيها ..اخدم وادمر باش اجي امد ليها تشري لي بغات ومتحسش بالنقص حنان لي دارها فمرتبة عالية بزاااف طاحت منها فلحظة..كون مهضرش داك سبد كان يقول ولد عمها وكدا ولاكن نلي قال حبيبة فهم اش كاين وعرف راسو معامن وعرفها علاش رفضاا ت اخر مرة اجي للدار ودارت ليه حجج واعذار معندهم معنى
..فهم علاش تشغلات عليه ومبقاتش تتعطيه الوقت بزااف وكيعيك ليها والقا الخط مشغول وتبدا عليه ماما كتهضر مع جدة مافيقو من سهوتو المؤلمة هي نداء الشاب لي معاها ليه...كابر على راسو وتوجه عندهم حاني راس حاس براسو محكوور بجهد..كان كيتقبل نتقادات باه وهضرة العائلة ولكن هي كتنسيه ملشي..وملي جايبا ليه راجل وشاد فيديها تاب الرسطو فاش خدم راه حكراتو بجهد..والغصى فقلبو بداات وكبرات وقف عليهم بدون ميشوف فيها وقال:ختاريتو؟؟ عطاه الشاب طلباتهم ويديه مفرقاتش يد حنان لي متوترة وتتشوف هي من لتحت لتحت..رمق غالي بنص عين يديها لقا فيها خاتم تذهب باينا ديال الخطبة..وشاف كذلك الساعة لي هداها فعيد ميلادها..بتاسم بسخرية وكيتشفا فراسو براسو..مقدش اعاود اهز فيها راسو ولا يشوف فيها..كتفى ياخد الطلباات ومشاا.. شاف ساعتو وقلبو محرووح بقا فيهوالحال بجهد كون هي مان تيتفلل عليها باش تبدلو مدار ليها والو بالعكس كان معاها ولد الناااس وصانها وجدات طلبيتهمم وهزهم مهدود رجليه كيرجعو باللور وباين على الشااب لي معاها فرحان ومقدااه فرحة حط لييهم طبااسل ولمشرووباات لي طلبوو او وقف حاني رااسووو ومهدر غير بزز
غالي-بصحتكم اسيديي
مشاا دخل لحمام داتوو عرقانة وجهوو حمر غمض عينو بحرقة وهوا حاط ايدوو على جناب لافابوو تسمع شي حد كينادي علييه خرج مقهور كتر ومشاا سريفا لطبلة اخرى وعينيه كل مرة تهرب لعندهمم حتى صافيي مبقااش قاادر يزييد لقا وقت خرج فاش شاف الدراري لوهرين دخلو هز مسائلو وخرح من ريسطو بقلب مجرووح ومكسوور ولي كانت سبب رئيسي باش احارب وازرب الخدمة مبقاتش..جرحاتو وكسرات حناحو وما أسوأ رجل مجرووح منكسر القلب والجسد والنفس ..كان هذا حالو وجرح الحب صععيب..
بدا كيتمشى بخطى بطيئة وراسو بين كتافو كيشو فالارض بنظرة باردة..تاسمع صوتها كينادي باسمو بحال كي موالفا تعيط ليه..وقف عاطيها بظهر شحال وهيتجي قدامو حانيا راسها عارفها ماعندهاش الوجه باش تشوف فيه..هز فيها عينين ببرود كيتسناها تهضر وهي تاشوف فيه باحراج ..باشرات كلامها
وقالت"غالي عارفني كنبغييك والله..وعمري حبيت شي واحد من غيرك..ولاكن أغالي الحب مكافييش..العمر كيجري وانا عندي 26سنة ومنكبر وهضرة الناس علي..مالعا متزوحات مالها كداا أش ندير؟؟صبرت تاعييت هضرة مي من جهة وهضرة با من جيهة وحتا العائلة بدات تتهضؤ ولي جا يخطبني تردوو علااش؟؟علاش هادشي أغالي على قبلك..حيت كنبغييك ولاكن(توقفات عن الكلام)ححح خاول تفهني نتا باقي ليك بزااف باش تخدم ةانا كنكبر وهضرة الناس تتكبر معايا بي شافني كيقول ليا البايرة ودارنا ميرضااوش..نقدرتش أغالي نرفضو والله مقدرت..ودارنا بغاااوه مقدرتش نقول لاا وهو كامل مكمول بدارو وطونوبيلتة وخدمتو ماخاصو والو ومافيه ميتعااب غالي..سمخ لياا بزاااف سمح ليا(طاحو دمووعهاا وهيا كترجااه وها عينيه بارديين مفيهم حتى احساس ) غالي
بقا ساكت كيسمع ليها بسخرية من راسو تا ساللت وقال:بعتيه رخييص أبنت النااس..بعتيه رخيييص..للله يكمل كلشي بخيير..مبروك عليك وزاد وهلاها واقفا جامع داك شوي تالكرامة لي بقا عندو مخليها كتخسر عليه حيت عارفا بحال غالي مكاينش حطات ايدها على فمهااا كتبكيي وحاضيااه تغاب على عينيها وهيا متاكدة بلي عمرهاا غتشوفوو مزاال
هادي كانت قصة حب فاااشلة واول حب فحياة غالي يقدر تكونو تاترتوو بييه ونتوما غير قريتو اما اناا هدشي كلو داز قدااامي
الضربة لي متقتلك تقويييك هادي هيا لكلمة لي كان غالي معضم وقتوو كيبرد بيهااا لعافيية لي خلااتهااا ومشااات لانسانة لي كان باغيها حلالوو وفداروو ليوم برزات لحد اخور
ناعس فبيتوو والسخانة كدكد فييه بلفقصة لي كلاا والشموشات لي كيقيل غادي جاي بيهااا تلتياام متحرك من بلاصتوو كالسة بجنبوو جدااه دايرة لييه لقرنفل ومخينزة مدكوكيين ف فووطة وحاطاها على جبهتوو عالله تشرب الصهد لي فداتوو
هنية-استغفر الله ياااربيي هد السخانة غير حاطة علييك فالصييف (شافتوو حل عينيه ملاصقيين بنعااس ومجبديين نيفوو مسدويدن وصوتو منغنغ وبااح )لغااليي ولديي لباااس
غالي(بصوت متعب) الحمد لله غير شي كاس تاع لمااا
هنية ضاارت وراهاا وعطاتو يشرب فكاس تاع الطيين ضار وكالة على دراعوو وصدروو عرياان مغطي غير بيزاار خفيف هزات ايدهاا مكمشيين من متهاات لحيااات كدوزهم على شعروو بحنيية وخاطرها ضاارها من جيهتوو شدات من عندو لكااس ورجع لاح رااسو اللور وحط ايدو باللور على جبهتوو وغمض عينوو
هنية-قول اعود بالله من الشيطان الرجييم وتكحلش الدنيا فعينييك اوليديي مالك اش خاصك داباا لخدمة فين مجااات غتموت بجووع ولكانت على هدرت بااك راه غير كيهدر نهار طحتي مرييض راه تشوش علييه وكل مرة يجي يطل علييك الله ارضي علييك اولديي وسع خاااطرك راه لي بغاها ربيي غاااتوصلك
غالي(تنهد)اعود بالله من الشيطان الرجيييم
هنية(بتاسمات كطبطب على شعروو وكحك لييه فشعروو طوييل ولكحل)هكا نبغي ولديي مومن بالله كي ربااك جدك الله ارحموو (حطات ايدها على جبهتوو)نووض دوش لييك بااش تصح نقوليهم يوجدو ليك متااكل
نعل الشيطان من جديد وقف مهدود بسروال كيطمة كحل هابط وسيور بيضيين مدفوورين هابطيين ومبين السمطة تاع لبوكسوور فلزرق مغلووق وكتبة فلحمرر مكتباانش هز فوطتوو لبيضة وخرج لحمام لي كان مقابل معااه سد لباب وتقابل مع لمرااية كيشووف فلحيتو لي طوالت بزااف ولات كتبان هي هيا فوجهوو وعينيه حمريين وداخلين بحر السخانة مسح على وجهوو وهز طوندووز دارها فالضو ونقص من لحيتو لكتيفة شويية لي شادة لييه تاتحت دقنو شويية قادهاا عاد بان وجهوو رجعها لبلاصتها حط حوايجوو ولفوطة ودخل تحت لماا بااارد حتى قفز من سخونية جسموو توضى وخرج ريحتو معطرة بالشومبووان وبان الضو فوجهو شوي مشا لبيت كيقطر وزغب ايديه ورجلييه كيبان كحل ولاااصق غادي بلماا نشف مزيااان لبس علييه بوكسور وشوورط حد الركبة وتيشوورت بيض نشف شعروو ولحيتووو ومشا هز صلايتوو يصلي ضهر ولعصر لي فاتووه
سلم وبقاا شحال فوق سجادة كيف عادتوو وخة كيجاهد براسوو لي عاطيه صداع وداتو لمهدودة سمع تيليفونوو كيصونيي ومشا هزوو طلعات ليه نمرة بريفيي قطع عليهاا وطفاه فخطرة وقف ولبس كلاكيط ديالوو ودار ايديه فجيب شوورط ونزل درجة درجة بلا خااطر لقاهم كيف عادتهم مجموعيين على قهيوة واتاااي وغوات ولد الرااضي وفاطيمة داير حالة لي غير شاااف غالي ومشاا طاير عندوو كيجري ويتعتر وايديه كيتلصقو بلمسمن
انس-اميي اميي(عميي)
غالي(هبط لعندوو مبتااسم وكلس قفازية على قروون صبااعوو شدو من وسطوو وجرو عندو كيبووس فييه )توحشتينيي ممم
انس(عنقوو)زااف كان فييك ديديي
غالي(وقف هازوو وتمشا لعندهم حطات ليه ختوو كرسي بيض وكلس فاتح رجلييه ومكلس انس على فخضوو كيهزز فيه وكيضحك معااه
كلتووم-شوية السخاانة اولديي غير عوينة هاديي
شامة-نجيب ليك غداااك اخوياا
غالي-لاا بلااش كبي ليا غير شي كاس تاع لقهوة (شاف لمجمع نااقص )فين لواليد والراضي ومحمد
كلتووم-الراضي وباك مشاو لسووق باقي مجاو من صبااح او محمد كاين فلبلااد
سعااد-ايييه حساااام ليي بكيت عليه الدم ليي بعت لي عليا ولي بياا بااش نسيفطوو يقرا برااا ونعوضوو على عشر سنين ديال لبعد عليااا جايب لياا كاورية هااا وحديي (بدات تاتبكيي وتندب تجات ديمنة جنبها كتمسح ليهاا على ضهرهاا)
ديمنة-وتهدني اصااحبتيي داباا نلقاو شي حل
كمال-اهيااا ديري شي تنوعيرة منعقلش على حسك ولكلان لولد باغييها غتوقفوو فطريقو ولاا شنوو طاحت ولقينااها تسلم والله اعرضهم لخيير راه بحالنا بحالهم اشنو لفقر فالدياانة اوى لبغااتو تسلم ونبينا عليه السلام
رحمة-عليه الصلاة والسلام اييه اسعاد ابنتيي عندك ولد وااحد عرفي كيفااش ترااضييه وشوفيه واش بصح مقتانع بيهاا
سعاد-وتكوول واش نقبل الى بغاها يمشي ما نا مو ما هوا ولد كرشيي
كمال(تنهد)نعلي الشيطان ا سعااد
سعاد-الشيطان هوا لي دخل دابااا نهار تحكمووو تقولييه مك متشوفهااااش نولي اناا بحال الى حمري زحمت ولاا توجعت
بقاو كيشوفو فيها معرفو ميقوولوو جابت ليها سلمى كاس تاع لماا وهيا باغة غير لفرصة لي تهرب لبيتهااا تنفارد بجرعهاا فحياتو وحدة وهوا عمرو جبد حسهاا وخة ديما كيهدروو تمنا تلوكان غيير علمهاا باش مطيحش فبحر الاعجاااب لي مخليها بلا خاطر ولخوف من اللقاء
كمال-خلي غير يرتااح وغنهدر معااه
كان نايض كمال يمشي لبيتو تسمع الدقاان ودار جيهت لباب مع حلوو بان لييه حساام بشعرو لقهوي لقصيير ولحية خفيفة لابس تيشوورت بكول في ونضاضر فلكوور ورسووال كلح داير ايديه فجنابوو غير تحل لباب بتااسم لكمال وتلاح عنقوو
حسام-عمييي (ربت ليه على ضهروو)
كمال-ولديي بخييير اش هد لغبوور ااه توحشناااك
حسام(وقف تقابل معاه-راك عارف لخدمة تا انا توحشتكم كلكم هههه
كمال-اييه خليتي عندو غير تلت سنين دابا راه عندو سبع سنين
حسام-هاي هاي الناس كبروو بديتي كتقراا
امين-اه غنقرا التااني ياك ابااباا
كمال-ايه اباابا برافوو علييك
حسام(هز عينو فمو لقاها قالبة وجها وشاف ف كمال)عميي هضر مع لواليدة دير عقلهاا انا باغي لمعقوول ولبنت انا باغيهاا ومرتاح ليها كون شفت فيها شي عيب انا اللول منبغيهاااش ولبنت عاطيهاا راه باغة تعش معايا فين ماكنت
كانت صلاة لمغرب سالاات خرج غالي من جامع لابس سروال دجين كحل شوميز فلبيض بخطوط كحلين لاكوصت تمشاا بضع متراات فين داير مع صمد فجريدة جنب طرييق لقاه كالسك يهدر فالتيلي غير شاف غالي قرب وقطع
صمد-على سلامت الزين ملي خرج كيبقيتيي شوياا
غالي-صافاا الحمد لله (ربت ليه فكتفوو وكلس حدااه كيفرك ايديه مع بعضيااتهم فوق ركابييه وشاف ف صمد)خرجهااا مالك ساكت
صمد(تنهد)حنان غدا عندها لعرس(شافيه كيقرا ملامح وجهوو لي مكانتك دل على تا ردة فعل)متوقعتهااش منها والله
غالي(ضحك باستهزااء عاض على فمو) مبرووك والله اكمل عليهااا ههه لعريس زربان ولا هياا لي زربانة
صمد-بااااز اخويا بااز كتبقاا خازنهاا فلدااخل دياالك تكطييح كون انا بلاصتك والله تندير لمهاا الشووهة تفوو على بشر
غالي-عادي تانتااا مالها اش دات ليا كااع بلعكس هياا لي غدووور ليام وبتندم مبقااتش فياا قد مبقاات الشمتة اصاحبي كنت نطيح ونوووض باش منتسماش ولد لحراام بغا يلعب علييها لااا كنت معاهاا رااجل ولوقت لي حتاجتنيي تلقاني فجنبهااا وفاللخر شنوو نلقاها مع واحد اخر حكااا خفت نبقا باايرة هههه اححح(عض على شفتوو لتحتانية بغصة ومسح بايديه على وجهوو) اعود بالله من الشيطان الرجييم لمهيم مجاات مني انااا
صمد-ميبقاش فيك كرااام وااحد نتاا ولد الناااس وربي غيجييب لييك لي تقدرك وتبغييك كيفما نتااا اماا بنات لحراام راهم كتااار (ضحك)شكون عرف تا انا ليلى غدا ولا بعدوو تقولياا جاوني خطاب اخريين وماما وافقت
غالي-ليلى من اللول واقفة معااك وملي كطيح هيا لي كتعرض لييك اما حنان كان باين معدنهاا مخلوض من اللول مي تنقول غتبدل ونزيدو بعلاقتنا بلقدامر مي هانتااا كانت معايااا وفنفس لوقت مع واحد اخر وانا كيف لحمااار
صمد(شاف فيه متحسر عليييه ورجع تنهد ربت ليه فوق ركبتوو)نتفائلو خير
سلمى لي بدورها واقفة حاطة راسها لعى لباب كدخل فهدرة حسام كيف لحجر على قلبهاا وهياا كتسمعو بصرييح لعباارة باغيهااا تنهدااات بديق حيت غلطات لي خلات قلبها يتحكم فيهاا وتبع شي حاجة لي اصلا ماشي ديالهاا مسحات وجهاا وهيا لي دموعها غير على سبة وبوحاطية على جهد وبقات مترددة واش تخرج ولا لاا
حسام(كيقلب بعينيه)فين سلمى كانت هيا اللولة كتعرض لياا فلباب ههه
ديمنة-غتكوون ناعسة فلبييت مسمعاتكش
مهدي-ياك عاد دابا كانت هنااا
حسام(يالله بغا يهدر بانت لييه داخلة لصالون بالابتساامة مخبية وراها جبل تاع العواطف متلاحتش علييه كيف ديماا ومغوتاتش ملي شااافتوو كانت هادئة كتر من لقيااس هدشي لي خلاا حسااام يكمش عينو فيهاا )مغتعنقييش خوووك
سلمى(ابتاسماات وعنقاتوو وهيا كتنهد)على سلامتك كيف وصلتيي
حسام(بعدها علييه وعنكشها على شعرهاا)لكتكوتة اش هدشييي كبرتيي (شاف فكماال)قريب دير شي نساااب تانااا
كمال-ههه فك غير حريرتك نتااا اما بنتيي باقة صغيرة على هد لهم
سلمى(بتررد)مبروك
حسام(جر ليها حناكها ومشاا كلس )الله اباارك فييك (شاف فسعاد شادة حنكهاا ومغوبشة) ولالة سعااد غير تعرفي عليهااا ديك السااع الى ما رتاحيتيش ليهاا هضرة خرى هادييك وتيقول واحد لمتل متحكميش على لكتااف من غلاافوو
كمال(لي راجل اللور ومتكية على كتفوو سلمى وحاط ايدو على كتفهاا وهيا عينيها كل مرة تمشيي لييه)عندو الصح اسعاااد تقدر تكون مزيانة ونتي ضالماهاا
سعااد(كتشوف فيه بنص عيين)وحنا غنشووفوو
حساام-وداباا نوضيي نمشييو خليناها بوحدهااا
سعاد-سلمى نوضي معاياا شرحي لياا اش تاتكوول راه ملي دخلات وهياا صر ما صر مفهمت والوو
حسام(ضحك)هههه حشومة عليك والله (شاف فسلمى)سلمى مفرحاناش حيت جيت ولاا
سلمى(كتشووف فيه )لاا بلعكس غير فاجئتينا وصاافيي خالتيي خليها تالغدا عياانة شوية
ستادن حسااام وسعااد وهوا ملااحض لبرود من جيهت سلمى ماشي هادش هيا لي كتلقا ليه فلمطااار وتعلق فييه بايديها ورجليهاا حتى تبغي طيحوو اجل الاسئلة حتى يرتااح بدورو مزال مفاهم وااالو سدات لباب بابتساامة سرعان ما ختافات
كلتووم-سكتي اللفعة راه خوك هداااك مالك اش شفتيه داير كوني غابحالوو
غالي دخل لبتو شعل الضو وسد ومشاا لبلااصتو حاط رجل فلارض ورجل تانيهاا دخل لفيس كيتلف لوقت حتى شااف تصويرت ولد همتوو دار ليها جييم وداز عليهاا عاديي تكيوصلو ميساااج
توفيق-الحمد لله اخاااي هانتا غبرتي لابرية لا تلفوون ههه كون مدرتي جيم وكون حسابلي دفنوك بلا مناكل كسكسوو ههه تسمعني جداا تنحرني ونتا عينيهاا صافا وكااان
غالي-هههه اوى اش بدير غير مع لوقت راك عارفة
توفيق-لقيتي شي خدمة ولا باقي على الله
غالي-باااقي د السااعة
توفييق-راك خوياا اغاليي بغيتي تجي عندي مرحباا بييك جي وقلب هناا مربما تلقاا ربااط اخااي كبيييرة وفيها لخدمة ونتا اش خاسر جي منها تونسنيي ومنها ضبر
غالي-وايلي على نتا خرجتي من الدار
توفيق-اوديي منهار رجع لواليد تزوج تفرتك لمجمع كلوو لمرحومة كانت جامعانااا خوتي راه كل واحد فين زااد لقنت واناا كريت غير هناا مبغيتش نخلي ختي بوحدهاا مرة مرة كنمشي نطل عليها كنت كاري مع شي دراري مي لقاو خدمة فمدينة اخرى ومشااو لبغيتيي جي خدم هنااا
ضحك غالي وهوا مغمض عينيه كيتفكرر فدكرى لي دازت على بالوو وهوا مركبهاا فضهروو فشموشااات شهر تمنية حل عينيه مديرونجي من لبنت لي ملي طلعااات وهيا دودوو فالتيليفووون وضحكتها بحال شي شيخة بااحة حيد لكيييت ودور راسو كيقلب على بلاصة خاوية السعااتي كان لكااار عاامر استغفر الله على هد لخليقة لي حدااه ورجع غطس فاحلاامو حتى كيفيقوو ميسااج لي خلااه يتدكر خيبة الامل من جديد كانت حنان دخل قراه وملامح وجهوو عادية
انتهت رحلة لي دامت ست ساعااات وصل غاليي مع لوحدة لمدينة الربااط تسناا تخرجاات لي كالسة حدااه عاد هز شانطتوو وخرج مع حط رجلوو من لكاار ضرب فيه رييح باارد شوي وخة الصييف ضور عينييه يمين وشماال حتى كيسمع تصفاار جاي قباالتوو حيد لكييت وضحك تبانوو سنانو بيضيين مستفييه ولحيتو كحلة مزينة وجهوو
مشاا توفيق لكوزينة لي كان بوطاجي مزلج فلبيض صغير وبوطة صغييرة محطوط فوقهاا طاجيين ولخرى مقراااج قلب الطاجين لي كان باقي سخووون ومشاا حطوو فووق طبيلة تاع لعوود فوقها قلع مورد فالصالوون لي كان غير طلقاان فلارض وطلامط فلبييج ومخادهم بنفس اللون وصدااع تاع دراري صغاار جاي من الشرجم لي محلول وقدامهم كانت تلفاازة صغيرة وديكودوور فووقهاا فوق طبيلة محدوورة جاب لخبز وقرعة تاع لماا ولمونااضة وحطهم وحل على الطاجين ليكان بلخضرة والزيتوون ودجاج
غالي-وملي ميسرة لييك لاش باقي بووحدك هدا هوا لوقت دير ولاادك
توفيق-بيني وبينك بناات لمدينة صعاااب ونا باغي غير شي بنت دروييشة لي ترضى بلي قسم الله قلت زعمة لعيد لكبيير نهبط عندكم بنااات بني ملال لحداكةة(احح شكرت رااسي ههههههههه)
غالي-ههههه فين مامشيتي كاين لخايب وزويين لعشرة لي كتبين لييك
مهدي(جاي حفياان بشوورط قصير دجيين وبيل كحل وكاسكيط على راسو واخة غير فالداار حيد ليها لقرعة من ايدها بزعفة )شفتك لقرعة كدوزي عليها كي لحنش غير نتي لي بنتهم حناا نابتيين مع زرع
سلمى(عضات على فمهاا وهزااات تيشورت ليطاح من كتابهاا)بابا والله تهوا لي جبدنيي وتيخسر لهدرة
مهدي-لعنداااك ابابا هياا
كمال(كان واقف ف فم الصالون وداير ايديه على جنابوو هز ايدوو واشاار ليهم باش يجيييو)اجي اجي
سلمى(كتغبن )والله اتاا هواا سول اميين
امين(خبا لقرعة وفمو عامر بالشكلاط)ممم اناا مشفت والوو
كمال(دخل بغا يحكمهم بجوج تشد ليه غير مهدي لي تعك لاما سلمى غفلااتو وهربااات حيد السمطة من السرواال وشاد مهدي بدرااعو)ياااك تنقولييك شد لرض راك غير نتا لي كتحصل اااه
مهدي(تلااح فلارض كيطلب)عفااطك اباابا اهننن والله منعاااود هادي اللخرة وحق الله
سلمى(كتفرج من لباب وكضحك علييه حيت ديماا كيديرو الزبلة بجوج وكيصدق هوا لي واكل الدق )هههههه
سعاد:كتت كنت(حطات ليها اتاي قدامها)كنت ميكد علي حد اما درووك جات لي تقاديهم لياا..لحلاحة بنت الخرام تضل تعوج عليه وتبوس فيه(ضربات حناكعا)تتبوس ولدي ففمو قداامي عععععع شفت تاعييت ماشفت بحال هاد قلةةالعرض وتبقا تبركم عليه بسبليونية قدامي وانا كي الهبيلة مافهمت والو
سلمى:علاه سي المصون ماعلمهاش العربية
سعاد:هالعار اعلمها هي تحشم اويييليي انا تنفكر الى شي نهار كان باباك وباستو قدامة فين بندير وجهي فييين(شدات وجهها تتراري)وااهياا كرشي واش ولدتي واهيا يدي واش درنيي انااا أنااااا(كضرب على صدرها)انا لي خاص مي العقل لي مصيفطااه برا(شهقات)هيييييه اش هذااا
نلفتات سلمى فين شافت ولقات الصدمة ..النصرانية فايقة ولابسا شوميز فالكحل حد الفخااض ملس بلا سوتيان صدرها كولو باين وشعرها مطلوق على كتافها تتعجز..حلات سلمى فمها تتطلع فيها وتنزل ممصدقاش اش هذا السيدة كاملة مكمولة بدنياا..زعورية والشهوبية والبلوقية والزيين والصدر وكلشي كااين.مافاقت من صدمتها هي على صوت النصرانية العذب لي قالت بالاسبانية:صباح الخير
سعاد:(شدات راسها)صباااح الزفت صبااج الوييل صباح الخبسس أشمن صبااح
سلمى:(شافت فسعاد)هادي فهتييها؟؟
سعاد:وااا ربي ربي كنشوفها كنبغي نقطع حوايجي(شافتها حطات رجل على رجل تابانو فخاضها كاملين)ويلي ويلي ويلي حشمي حشميي(بدات كتلوح عليها شالها)حشمي وتستري قليتي ليا العرضض(بغات تبكي)واااا ولد كرشييي واش درتي فياااا
سعاد:(باقي شادا راسها)اويلي اويلي اويلي اش ندير اش ندير مينفع فيها سحوور مينفع فيها توكااال
قاطع هضرتها دخول حسام لي عاد فايق من نعااس بسروال سورفيت وديياردور بيض كيتفوه باينا ياله فاايق وقال:صباح الخير
شافو فيه كامليين ونقزات النصرانية من بلاصتها عندو عنقااتو وباستو ففمو قدام كلشي تا شهقات سعاد ورجعات راسها لور بحالا سخفاانة وبدات تتندب على زهرها أما سلمى هي حالا فمها وتتشوف..تتشوف فيه هو لي تبدل وزياان وتحسر علاش مبغاهاش هي وختار بلاصتها هاد لوخراا..
بتاسم حسام لنضرانية وعنقها وتوجه عند مو لي ولف نديبها من نهار جا..باس راسها وقال:وايهديك الله أ سعاد براكا من تبوحييط واش انا مكنعرفكش
حلات فيه نص عين وبربقاتو لحنكو وقالت:سكت المسخووط(رجعات تكات)واكوااك
سلمى:
ضحك حساام حيت عارف مو هي طالقاها عليه..شاف فسلمى وقال:زيين مناوياش تجي تسلمي على هوك
سلمى"(هزات حاجبها)خوتي خليتهم فداار واحد تيلعب ولاخر راه كلا العصاا
حشام:وايلي ههه ميكون هي مهدي..اش داار
سلمى:داار لييه..تيعطي الكلمة وتيخوون كي شتي البشر مابقات فيه ثقة
حسام:ضااسر خوك ههه تعرفتي على مانوييلا
سلمى:(عوجات فمها)لا ومافياااش..لحاجة لي تفقص خالتي منبيهاش
ياله غيجاوبها صونا تيلي وقال:انا جاااي
سعاد:تجييك فراس اولد كرشي
مانويلا:(بالاسبانية)بغيت نفطر الى كان ممكن
سعاد:(شافت فيها ورجعات شافت فسلمى)اش قالت هاد زرمومية
سلمى:(بتاسمات فشر)ويلي زيلي حسن ماتعرفيها اش قالت عععع
سعاد:(باصرار)عاار لمقابلة لي قابلتك فصغرك واللعب لي لعبت بييك والحضورات لي ديتك ليهم الى ماقولي ليا اش قالت
هنا صعراات سعاد وولاو شياطيين تيبانو قدامها والقرودة تيلعبو فوق راسها..تيبانو ليها هي فخاضها تكنزز عليهم محسات بيها سلمى تاطارت عليها كنززات على شعرها بين يديها وبدات نتف ياكا تنتف..
غوتات مانويلا لربي بي خلقها وناضت كتنتف فيها سعاد وتجر ليها سوالفها بلا الفخاض لي شبعاتهم قرييص وعضان..يديها خدامين لفوق وسنانها التحت..وسلمى حابسا الضحكة وتتديؤ بلي تتجر فيها وغوات مانويلا مسموع منين ومنين..
دخل عليهم حساام شاف موو تتنتف فيها تصعق ماعرف ميدير ومشا طار كبفك فيها ويتغوات معاها تكلق ةهي كنززات عليها حلفات لطلقاات
سلمى شافت القضية حامضة وهيوتسلت تتخبي ضحكتها ومشات لدارهم..هي سدات باب الدار وهي تبدا تتشطح بوحدها وتغني راشقا ليها
أما عند سعاد راه بعدها حساام على مانويلا لي ولات كلها جرتيلة شعرها تشنتف وشوميز طالع تبان السليب وفخاضهت كلهم مبرقعين بالعضاان..تلاحت فحضن حسام مخبية من سعاد وتتبكي ..هاد الاخيرة رجعات لور جالسا عرقاانة وتتغزز فسنانها وقالت:الله يا مك تنورييك تفرقيني على ولدي..الزرمومية لووخرااا
حسام:(بغضب وكيدوز على شغر مانويلا)اش هادي أ مي..اش دارت لييك؟؟اش هاد الهمجية كلها
سعاد:(بدات تتغوت وتشايل بيديها)تدار ليك نتا ويااها أمسخوط الواليديم..مشيتي غبرتي ربع سنسن وقلبي تيتشوا عليك..دروك اجي غدا اجي بعدو يجي لا عيد عيدتو فخاطري لا رمضان صمتو فخااطري..ونضل ندعي تجي على خير تبقا حدايا نشوف زليداتك قدامي ونهار تجي اولد كرشي تجسب معاك كاافرة يهوديو ماعرفنا اصلها من فصلها..ماعرفناها اش تكون ولاةمنين هي..وتقوليا بنتزوح بهاا..دوزتها وسرطتها اولد كرشي ولايني باش تجي وتفوليا بتلووحني باش تعيش معاك كي بغااات والله لكاانت ليها ولا ليييك المسخوووط
حسام تعصب وبقا كيشوف فمو لي هي جيب يافم وقول ونطق بغضب:منين جبتي هاد الهضرة تااني..منيمنا وليتي تديها فأصل عبااد الله تبدلتي اسعاد تبدلتي بزااف...مبقيتيش كي كنتي..معكيتيهاش تا فرصة فاش تعرفي عليها وتش فيها كيدايرا وخدامة علي بنت كدة وكداا..تب.لتييي اسعااد
مجاوبهاش حسام ناض معنق مانويلا لي كتبكي وتشهق فحضنو ودخلها لبيتو وبقا معاها حتا سكتلت..وقال بالاسبانية:كنعتادر منك بنيابة على ماما..تسرعاات
منويلا:عيييت بغيت نرجع لسبانيا
حسام:(بابتيامة)وتمشي وتخليني انا؟؟(عنقها)صافي احبيبة ديري بحالا موقع والو انا نوض نجيب شي حاجة نفطرو بيها
سكتات الاخرى مهضراتش وناض هو كيتنهد معرف منين اشدها...خرج من الدار باش اجيب باش افطرو خاشي يديه فشورط لي لابس..وهو خارج من باب العمارة تلاقا بسلمى غاديا تسخر..شافتو من بعيد وقلبات وجهها تاعيط ليها وهي توقف معفرة وقالت:اش بغيتي
حسام:فين غادياا؟؟
سلمى:غين بغييت..عندك شي مشكل؟؟
حسام:علاش كتهضري هاكا معاياا؟؟
سلمى:لكل ذي مقام مقاام..
حسام؛(قرب ننها)مالكي معايا؟؟منهار جيت ونتي قالبا علي وجهك وتتهضري نااقص..مالك؟؟درت ليك شي حاجة
سلمى:(هزات حاجيها وخزرات فيه بحالا تتقول ليه الله ينعل لي مابحشم)لا لا ويلي مادرتي والو
حسام:وعلاش تتقوليها هاكا؟؟
سلمى:حين بييت شي مانع؟؟
حسام:لا والله تا بيك شي حاجة(حط يدو على شعرها ونطراتها ليه)سلمى
سلمى:حيد من طريقي خليني ندوز
بغاتوتدوز وشدها من ذراعها وقال:لاخر مرة غنسولك مالك؟؟اش تزاد عليك؟؟
سلمى:(بغضب)ماتزاد علي الحمد لله والو..شوف نتا لي مشيتي وبدلتي السيفة..مشيتي دروييش ورجعتي باغي طير
حسام:(تعصب)وضحي كلامك
سلمى:هضرتي راه عارف اش قصظت بيها بلا داك تنوعير ديالك كنت دايراك فبلاصة عاالية أحسام جيني نتا زعزعتيني منها وزدتي..لي نخسر عليك لباقيش تهضرني ونصيحة متبقاش تعطي وعود ومتوفييش بيها ازين
يوم جديد حل غالي عينو على صداع دراري صغاار فالزنقة على براا هز الساعة ديالو لي كان حاطها قبالتوو فوق الطبلة جنب كاس تاع لما وتيليفونوو لقا السبعة بيل لاح ليزار من على رجلييه وتقاد فلكلسة كيحك فوجهوو وعنقوو وكيسرح فايديه كان لابس تيشوورت بيض خفيف سامبل من سورفيت كري ب بانضة لتحت تاوب ونااش لقا توفيق خرج لخدمتوو لي كيمشي ليها بكريي دخل غسل وجهوو حيت صلا لفجر فوقتوو دوز لماا على شعروو باش يرجع اللورو وتبتوو لبس فرجليه صندالة تاع صبع ورجلييه نقااية وفصبعانو زغيبات تيبانو كحليين وضفرانو نقاية مشا نيشاان لكوزينة كان توفيق معمر اتاي وحاطة فصينية ومغطييه بتوب خفيف مع الزييت ولعسل فطبيسلات صغار بيضيين ولخبز فشبيكة تهوا مغطي
داز لتلاجة صغيرة هز قرعة تاع لماا باردة كب كاس شربوو ورجع عمرهاا مقدش يفطر كتافاا بكاس تاع اتااي وعينيه فالتيليفون داخل لماب كيقلب على الشركات لي يدفع لييهم حط التيليفوون وغسل لمااعن لي كانو تما موسخيين ورجع كل حاجة بلااصتهاا حسن من مكاانت خلاها كتشعل مشاا لصالوون كداالك حل شراجم هواهم وقااد لمخااد فبلايصهم ولمط لي معوج طوا ليزاار باش كان مغطي مقااد وحتى لغطا تاع توفيق حيت نعس معاه فالصالوون مسح الطبلة وهز كاس لما حطو فلكوزينة ومشا لبييت وحل ماريو صغير من جوج بيبان من لعوود فين عطاه توفيق يدير حوايجو لي طواهم على حقهم جبد لي غيلبس سروال بيج لاطوال مطلوق من لتحت كيف تيلبس دايما ماشي من النوع لي كيلبس سراول مزيرين عليه ومبينين فصالت رجلييه هز تيشورت كم بتوب رطب كول في فلكحللبس علييه وجمع ليه ايديه تالمرفق دار سااعتوو وكلس فوق سرير كيلبس فتقاشر قصار بيضين وسباط كاط طالع شوي فلكحل حيد لبيسي من الشانطة وخلا السيفياات ديالو سدهاا وجمع حوايج لي حط طواهم هز تيليفونو دارهم فجيبوو وهز من لفلووس ليعندوو ولي جامعهم من لخدامي لي دوز هز لي غيكففااه حطهم فلبزطام ديالو ودارو فجيبوو خرج لباب لقا الساروت معلق هز وسدو موراه
خرج لطريق وشري لطاكسي عطااه لعنوان فسونتر لمدينة حطوو وكمل على رجلوو وكل مرة يدخل يحط سيفيي ديالوو كيجاوبووه بسير تنعيطو ليك اولاا لباطرون خارج داباا خليه تيشوفوو
من تمنية وهواا من هادي لهااادي هز عينوو قبالت عمارة كبييييرة فيها بيروااات شوحال من تخصص ولفووق كان صونتر ديال اللغات عاد تفتح دخل وكان السانسوور برك على الطاج لخامس ودخل لقا قبالتو شااب فلاستقبال كيعمر فشي ورااق ولقا السلام
من بعد اخد ورد دفع السيفيي ديالو بالاجازة وخرج من بعد متاصل ب تفيق باش يتلقاو ويتغداو على براا
دخل غالي لسناك باش يرتااح من شموشات ومنها نيت يتغدا مع توفييق دخل لدااخل وتقابل مع الشارع لي كتفصلو علييه زاااجة طويلة شادة تالباب وقف عليه السربااي بلميني ديالو
غالي-وخة تسنا واحد عشرة دقايق بينماا جا واحد السيد
-اييه ماشي مشكيل اسيديي
مشاا وجبد خالي تيليفونوو هضر مع صمد ومع واليديه وطمن علييه مجا فين يقطع حتى ربت على كتفوو توفييق وكان باين فشعرو مدوش عاد جاا
توفيق-دخلت لدار قبل مندوز داكشي لاش تعطلت علييك
غالي-لا تانا شوي باش دخل
توفيق-احسابلي غير جبتي شي مرا قدات الدار هههه تاتفكرت بلي ولد خالي حادك
غالي-هههه وحضينيي (ضار بجنبو وهز ايدو عيط على السربااي ختاروو لي بغااو باتمنة مناسبة ونقية)
توفيق-اوى لقيتي شي حاجة
غالي-يالله دفعت نشوفوو واش غيتاصلو تانيي ولا لا
توفيق-شوف لبارح بغيت نهدر معاك وقلت تاترتااح لمهيم لبااغي اخويا تديباني معاياا تيجيب ليك الله خدمة صطابل مرحباا بييك
سعاد لي كانت واقفة فلباب تاتشوفيه وقال-اوى سول راااسك اولد كرشيي مخلي لي بااغيييك وغادي عند السفريطااات(عوجات فمها فيه ودخلاات مخليه كيعاود فلكلمة فراسو
حسام(وهوا كيضور لهدرة فراسوو تهز قلبوو مع لكلمة لي جات فبالوو ولي من موراهاا تقطعات هدرتوو معا سلمى وكتردد فبالوو نتي بحال ختيي ' رجع شعرو اللور وبقاا حاط ايدوو )اووووف لا ميمكنش
سعااد(رجعات تانيي)يكما نجيب ليط شي سطل تاع لما تشلل ودوز اجي شرح لياا اش كتقوول هد خيتي قبل منجفف بيهاا طوالييط
حساام-وعاريتي اسعااد
نجوى(شانقة على صاكهاا)ناااري يختي عطيتيه لعصير بقا فيا والله هههه
سلمى-مبقيتش فييك اناا كالس علياا حبيبة كبيدة لكتكوتة دياليي تخلاني نطيح فيه عميا وفاللخر حقا حقا نتي بحال ختيي وانا معمري عقلت على ديمنة توجعات علييه يمشيي يقود عند السفريطة لي جاييب مزياان تبارك الله (كتعيب فيييه)سلمى لحبيبة دياليي
نجوى-السلامة كي كتلوني هوا مواعدك تبحاجة اصااحبتي نتي لي فهمتيها كيف بغيتيي لا جيناا غير لي قال لينا بب نويوها حب غنصدقو فشلاضة مطحوونة
تعشااا غالي وتوفييق ناشطين بلي قسم الله كيهدرو فنهارهمم كي دااز كملو عشااهم وهز غالي مااعن لكوزينة او وقف تغسلهمم ومسح الدنيااا عاد توجه لصلاتوو فرش الصلاية بين الطلقاان وكبر وبدا كيصليي مخشع حتى سلم جمع الصلاية وتكاا فبلاصتوو شاد التيليفوون وتوفييق فبلاصتوو كيتفرج فلكورة
''''''''
كانت فسطح دارهم كيضربها لبرد شوي كالسة فوق كرسي من السيمة فجناب سطح ولكيت فوددنيهاا كدندن مع اغانيها لمفضلة حتى كيبان ليها ضل جاي من وراها ضوراهت رااسها ورجعات تقلباات بلاصتهاا حتى كلس حسااام حداها رجع ايدو اللور ودار رجل فوق رجل
حساام(شافيهاا مداتهااش فيه وهز ايدو حيد ليها لكيت من ودنهاا)سلمى ممكن نهدروو شويااا
سلمى-مكااين فاااش
حساام-لاا كاااين مكنتيش هاكاا داباا حتى السلام بزز باش كتسلمي علياا عل اقل صارحيني بعلااش نقدر نكون غلط معاك بلا منشعر
سلمى(شافت فييه واصلا قلبهاا عامر )لااا انا لي غلط اناا لي كنت نية بزاااف وكنتيق أي كلمة تقاالت ليااا فمهتك غلااط وخليت قلبي يتعلق بيييك ونتاا ماشي ديالوو وعمرك بتكوون دياالوو كان كيحسبلياا لمعاملة ديالك من جيهتي مكترجم الى مشااعر لياا السعاتي كنت غالطة
حسام-شكون قاليك كنتي غالطة
سلمى-شششش كنت كنقول بلي يمكن انا بالنسبة ليه شي حاجة زوينة ولكن غلط قلبك كان كلو عند وحدة اخرى واناا غير (هزات صبعانهاا )بنت جيراان وفمتابة ختك تقبلتهااا وقلت انا لي تسرعت وكداا مي بااش نكونوو كنهدروو الف مرة فنهاار وعمرك فتحتي لياا موضووع هد خطيبتك لي طاحت من سماا فهنا اكدتي ليا بليي انا مكنسوا عندك والوو
حسام(بقا غير كيشووف فيها وكيرمش مكانش كيحسااب ليي الامور تقدر توصل لهاكاا وبليي سلمى تقدر تولي معجبة بييه كان عارفها فصغر كانت لاصقة فييه وكانت تاتقولييه غنتزوج بيك نتاا معرفش بليي ديك لفكرة بقات ليها فراسهاا تقاد فلكلسة كيمسح فايدوو)منويلاا انا وياها هادي عااام ومقلت ليك والوو حيت ما جابتهااش لوقت سمعيني اسلمى لو كان عرفت بلي باااك يقدر يواافق على علااقتنا شي نهاار مكنتش غنفكر جوج مرااات داكشي علااش مبزز على رااسي نخليك بحال ختيي
بعد مرور اياام كالسة سلمة كدهن فايديهاا بمرطب جنب لبحر دايرة كاسكييط على شعرهاا ولابسة كسوة حد الركبة فلبييج عنداا خيووط طوال نازليين على ايديها ولتحت كدالك مغطين تالركبتهاا ومشتهاا حداهاا كيلعب معاها اميين لي كان غير بشورط ولفووق عرياان كالسة ديمنة فوق رولااكس دايرة شابو ونضيرضرات على عينيها وكسوة طويلة فالشيبيي وحداها رحمة كتشووف فكمال ومهدي لاعبيين كورة
سلمى-بابااا لعب معاكم
مهدي-هاهااا باش يالله طيحي تهرسيي متصلاحش ليك لكوورة
كمال(حيد نضاضر على عينيه وخشااهم فلكول تاع التيشورت لي لابس )اجي نشوف واش عندك شي سوفل
سلمى(ناضت كضحك حفيانة فالرملة وبغات تحيد لكورة من تحت رجل باهاا فين مضوور ليه يخوي بيهاا ويعطيها بضهروو وتعلق فييه )ههههه ولااا اباباا كتغشنيي
كمال-وراه هدا هوا اللعب بغيتي نعطيهاا لييك اجي خوديهااا
سلمى خلااتوو تضاار وهيا تجرها ليه من تحت رجلوو حتى تعكلاات وطاحت على قزيبتهااا –اححح هههه وبشويي راه صحتي على قديي
مهدي-وملي مقدااش على اللعب علاش مدخلة حمارتك وسطناا
مشات سلمى كتجري مخلوعة وكل مرة يبان ليها دري صغير قلبها كيتهز حتى وصلات عند مهاا ملقاتووش ومشاات كتقلب جنب لبحر بعدما علماات باها بلي مكاااينش
امين لي كان وصل لبلاصة ممنوع فيها التجواال رجع ادراجو كيلعب فلكوكياج لي فايدوو هز راسوو لقااه بعد بزااف تخلع وشهق ولااح لحجر ومشاا كيجريي ومعقل شانا بلااصة فين كانوو طلع لكورنييش باش يلقاا الطموبيل تاع باااه كيجري حفياان وبقا ليه حل واحد يتاصل بيهم بان لييه حانوت صغيير وكان عامر بزااف بدراري كيتقداو لي كلااص شاف فراجل قداامو وجروو منن سروالو وعلى رااسو فيه باش يشووفو
امين-عمي عميي
ضار الشخص عندوو وابتاسم قائل-نعام اعمو
امين-تعطيني نهدر مع بابا تلفت علييهم عفاااك عفااك
حيد لكاسكيط على راسوو وجبد تيليفونو ونزل لمستوى امين بلبتساامة لعمرها خطات ملامح وجهوو وضحكتو لبريئة وحينيه لي كيتكمشوو مع ضحكتوو
غالي-هاااك
شد من عندو التيلي مبغاش يشعل لييه وبدا كيدور فيه ملقى فيه تبطونة وهوا يشوف فغالي لي كيضحك-هئ وشعلوو
امين-مم بابا نمرتو فيها غي ستاويااات (بدا كيدير فالنمرة بصبع واحد وكيهز راسو لفووق كيتفكر الرقم لي موراااه تكمل النمرة وبرك على ابيل ودارو فودنوو وقال بهمس)شش هاهوا كيصوني
كمال(لي فلا لبحر كلوو بلي فييه ملقااهش وقف شاد راسوو حدا الطمووبيل ضن يلقاه حداهاا حتى كيصوني تيليفونو جبدو بالزربة لقا رقم مامسجلش جاوب كينهج)الوو
امين-باباا
كمال-ولديي فينك ابابا اااه فييينك
امين-بابا انا تلفت ومعرفتش نرجع
كمال-متخاافش قوليا فينك نتااا اااه
امين(كيضور بجنابوو)معرفتش
غالي(اشار ليه بايدوو باش يعطييه يهضر شد من عندو التيلي وهوا على وضعيتوو)السلاام اسيديي
خرجات لبرا لقات مهدي مسفح هي بالكيلوط ميقات فيه وتمات مدرمة لبيت مها وباها ملقات حد وسمعات ضحك فالحمام تاع مها وهي تضحك بشوي زقالت:مساخيط موطرهم خداام هههه
جات خارجا ولمحات تيلي تاع باها محطوط كي الامانة..فيكسات عينيها عليه بشر وطاحو فبالها افكاار..مشات تتزرب ليه وعينيها على لحمام حلات تيلي لقاتو بلا كودوبتاسمات بشر ومشات ديركت لريبيرتوار قلبات على نمرتو تالقاتها..بينات على سنانها بضحة شريرة ..حلات مشقوفها نقلات النمرة بزربة وحطات نيلي وخرجات تتجري من البيت خافت من باها يحصلها تا تىادخات مع مهدي مسفح وقالت:ازمر بشوي عليك
مهدي:نتي لي غاديا كي البغلى تفووو حيدي
سلمى:شوف أداك عوج الفصالة غتغبر من قدامي ولا ندير صباعي قوذني ونعيط لبابا اوريك هاد لبااس
قلز ليها وزاد مخلي ها بلاكة ومشات كتعوج لبيتها..دخلات سدات الباب عليها ومشات تربعات على ناموسيتها وتيلي فيديها تتشوف غنمرة بشر وتفكر وشيطانها كيقيد..شي حاجة جراتها ليه..يمكن نظراتو ولا هضرتو ولا ملامح الرجولة عليه..ولا لفراغ لي خلا حسام عندها بعدما كانت تظن ان لا رجل بعدو
كتبغي تصوني وتعاود تحبس..وتبغي وتعاود تراجع الى صونات اش غتقول ليه والى جاوبها باش من وجه بتهضر معاه والى عرفها هي بيهز عليها نظرة خفيفة..
مشات صونات على نجوى وشدات الخط دغيا وقالت:حاطا صبعك على لبوطونة سلامة
نجوى:جيتي من لبحر؟؟
سلمى:اييه جيت..ج
قاطعتها:هاني هابطةعندك
سلمى:ناس عندهم الصحابات وانا طلاني الله ببنات ااقاف
مشات لاواتس قلبات على ديال غالي ولقات عندو واتس ولاكن طوف مطالعاش..بتاسماات باعجاب وقالت بينها وبين راسها:لاش زعما ممطلعش طووف نشوفوه هي نرويو بيه العطس ههه
سمعات صونيط بجهد فالدار عرفات نجوى حطات تيلي وناضت تتزرب قبل مايخرج كمال اكحلها عليها فحين رحمة تتنطر وحلات الباب:وااالكررض الكررض ادييك زرمومية لاش تتحطي يديك على سرسار متلاي تحيديها
سلمى:لاش كوكو لاش..تتنقبي على دجاج راه كبير ماشي برهوش
نجوى:ازمر راه كلشي نيهضر بكوكو ههه شرطا وحدا ماحالش احل ونهضرو معااخ نقلقو سوق
سلمى:واخا هعه
تحل لباب كان امين لي حلو وقال:سمسم ونجوى تكلمو لماما تاكلو
ناضو بجوج خرجو لبرا لقاو فااصالون كمال وديمنا ورحمة ومهدي وامين لي جا معاهم مجموعين على كاسكروط وتيضحكو ونجوى طي ديما هي تتفرنس وتشد دقات من عند ديمنا وتا سلمى كتعاير هي ومهدي ودقا فيا دقا فيك
عند غالي لي كتب على نمرة اكس ومشا لاعكاالو وفوقت رااحتوو ستاغل الفرصة وضرب طليلة على الواتس وطاع ليه سطاتي تاعها وتفاجأ فاش شاف صورتها هي وصاحبتها فالغابة مخرجين لسانهم وشجال كتباان كيوووت..بتاسم وعينيه كيتفحصو ااصورة باعجاب من الشعر لي مكركب وطايح على كتافها ولا الفم لي كرزي بالعكرخفيف ولا لكتاف لبويض ولا لشوفة لقتالة جاتو زويينة وبسيطة وبريئة بزااف تأمل فيها شحال ورجع قرا اش دار بيهم وضحك وقال:هادي نتي اللسلاسة هههه (كيعيب فيهاا)فيا بيبي كبيييييلة ههههههه
لقاها كتبات ليه ياك وكتب ليها:ااه..واقولي شكون سينو نبلوكيك
هكدا دارت عشيتهم وعشية غالي لي كان خداام كيخلط فسيمة والرملة وكيهز لخنااشي على كتفوو ويدخلهم لاابس تيشوورت كري مع سرواال خزيي ميليتيير وسبااط كاط خلاه هي لخدمة جبهتو كتقطر بلعرق وكينهج وايديه طابوو بسيمة وتفلحوو خرج لبرااا وحيد ليكات لغلااض على ايدييه لقاهم تفلحو حيت مبقاوش مولف السيمة وصلات لخمسة ومشا بدل حوايجو وكمعهم فصااك كي عادتوو وهزهم باش يصبنهم كيف عادتوو مكيحملش يخدم فلوسخ غادي شاد لهدرة مع توفيق توصلوو لداار على رجلييهم طلعو لدااار ودخل غالي نيشاان لدووش حط السرووال ديال لخدمة فسطل مع تيشوورت ودار ليهم التييد ودخل هوا يدووش من لعيا تاع نهاار كلوو تنشف تم النييت ولبس من لحوايج لي دخل معااه شورط حد الركبة مع ديباردو كحل لااصق جمع الدووش وشلل لحواايج وخرجهم لبالكون صغيير لي فلكوزينة نشرهم ومشاا شعل على لماا يطيبب قاد الصينية تاع اتااي وجبد من التلاجة جوج بيضات ومطيشة بالله بدا كيقطع فيهاا نقز بلحرييق فايديه شللهم
توفيق(لي كان دوش وداير فوطة زرقاا على شعروو)باقين كيحرقووك ولاا
غالي-ويييه تفلحو لياا بحال الى ضاربهم بمووس بففف
توفيق(شد من عندو لمووس)راه قلت لييك خلي تنجي ونقاادهاا عمر غير اتااي وسخن لخبز
وداكشي لي كايين تعاونوو حتى قادو عشااهم وتعشاااو صلا غالي لوقااات لي عليييه وتكا يرتااح من لعياا تاع نهار كلوو
هز تيلي ديالو وبتاسم فاش لقا مبساجها وكتب ليها؛باقي مهداك الله تقولي ليا شكون نتي؟؟
سلمى كانت مسندة فبيتها على كرشها والكيت فوذنها كتسنط لنانسي عجرم وتضحك تاوصلها مبساج من عندو..فرحات بجهد وبقات تتفكر اش تقول اش تكتب وبعدات نهائيا فكرة انه يكون عارفهاا جاوبااات كضحك
سلمى-جوهرة
غالي:(بتاسم من نيتو)شكون جوهرة؟؟
سلمى:جوهرة جوهرة هههه ماعجباتطش سميتي
غالي:لا زويينة..ومنين نتي أجوهرة؟
؟ سلمى:(عضات على شفايفها)من مراكش
ضحك غالي على نيتو وكتب ليها:مراكشية؟؟مزيان ومنين جبتي نمرتي؟؟
سلمى:اوا لي بغا شي حاجة كيوضل ليها ولا لا
غالي:كاايناا..اش كديري فحياتك الالة جوهرة
سلمى:(عجبها الحال كي تطلق معاها)كنقرا عندي لعام لول فالافاك ههه
تكا غالي مربع ايديه على لبوطاجي ومرة مرة يهز لكااس يشرب منو شوي ويبدا يلعب فييه ساهي فييه وقف وخرج لبالكون لي كان صغيير فيه جوج فيزان تاع لحبق فجنااب ونشاار تاع لحواايج حيد حوايجو لقاهم نشفوو وطوااهم ودخل دارهم فلكارطابل لي كيدي معااه ومشا لبس علييه قبية كري وسروال كحل وكاط كحل مدار لا ساعة لا والوو هز تيليفونو من الشاارج وشعلوو وكلس كيتسنا توفيق يساليي
دخل لواتس نيشاان لقا ميساجات من عند صمد جاوبوو وخرج ورجع دخل تاني ومشا لسلمى شافها امتا خرجاات لقاها ب ربعات سواايع هز حاجبوو ورجع سد التيلي وخشاه فجيبوو ونااض خرج هوا وتوفييق غادين فالزنقة غير ناس قليلة هي لخدام بكريي وصل بدل حوايجو وبدا روتينوو كيف لعاادة
ديمنة(ضرباتهاا لراسها ودازت بسرواال توب كري سامبل جاي على طايتها وشووميز فلكحل طويلة من اللور وقصير من لقداام وشبكة سامبل بلا ايديين فلكري طايحة تالتحت )وخة على مك تاتركب فيهاا
خرجوو وبقات سلمى كتفطر وكتهضر مع جداهااا
رحمة-بغيت غير نكوليك واش مكتحشمييش لابسة قدام باباك هاكااا
سلمى-هههه ناريي تهنيت من جدي جيتيني نتيي اميي راه باباا مولفني نلبس قدامو هكا هي فدار وبرااا لااا فهمتي
رحمة-واخة هكاك حشومة حنا راه شعرنا كنا نخبييوه ملي يدوز با الله ارحموو ونتي كبرتيي وزيانيتي خاصك هي الراجل
سلمى(كتدهن الشكلاط فلخبز)اش غنكجدر بيه متلااا شتي اناا نهار نبغي نتزوج غنكوون درت شي ستا وعشريين متلاا باش نكون دوزت لافي حيت راه باباا مامخلينيش نفنف من حدااه مالي هترت نخرج من حبس ونمشي لمقبرة
رحمة(شدات حنكها كتشوفيهااا)اوى الله اعفوو
سلمى-وعلى لرض تلفوو ههههه ناري على حوايرات عندك مع صبااح كتسد الشهية اميمتيي ههه(قرصاتها فخضها لي عريااان)اح هههههه اييي بشوي
رحمة-نعل حسك العوراجة
هربات سلمى لبيتها كضحك وكلساات فوق سرير هزات التيليي طلقات لويفيي ومشات لواتساب نيشاان عند غالي لقاتوو داخل شي ساعتين قفلات التيلي وناضت جمعات بيتهااا وخرجات غسلات لمااعن تاع لفطوور في حين رحمة وراها كتقااد لغداا وسلمى كاسراها بتيلي لي محطوط حداها ولاغاني الاسبانية مطلوقين على جهد وكل مرة تمايل مع نغمة وتلعب بالرغوة بلاصت نص ساعة فجميع كدير ساعتيين كملات لمااعن وكتجفف فلكوزينة بشيفون فلارض حتى تقطعات لموسيقى وتسمع صوت رنة لي دايرة فالتيلي غادية كتجري تخرجات فسطل تاع تجفاف تكفح لييهاا وتعكلاات كانت غطييح نشفات ايدها وطلعات ليها اسم ''غالي''
حسات بالصهدة طالعة معاهاا وعينيها خرجوو من بلاصتهم معرفات مديير نقزاات لماا ومشاات سدات عليها فلبييت ف حين غالي قطع ورجع عاود ليهاا شداتو كترجف وترددات تجااوب سلمى(عاضة على فمهاا وشدات لخط ودارتو حدا ودنيهاا مغمضة عينيها)الوو
سلمى:لبااس ونتاا(شدات جبهتها عاضة على فمهاا ) غالي:الحمد لله صوتك صغيير على بنت كتقرا فلافااك سلمى:هااا لا بب انا صوتي هكاا داير ماشي الصوت لي كيحكم على لعمر
غالي:ممم تيقت مي تلهجتك ماشي مراكشية سلمى(غمضات عينيها وتلاحت اللور على ضهرهاا)نتا فشكلل ههه شنو لي غيخلييك متيقنيش
غالي:حيت مزوينش لديك الدرجة ديال نعجب بنت من مراكش بلا منهدر معاهاا
طفت التيلي ورجع لشغلو في حين سلمى بغات تندب هلى هد لاحراج لي كيوقع ليها معااه ماشي اول مرة يطلعوها هلى شي واحد مي هادي اول مرة يوقع ليها هك وقفات على غوات جداها مشات كتجري لكوزينة جمعاتهاا عاد تم داخل امين مشعكك بنعاس امين:فين ماماا
سلمى:خداامة(هزاتو عندها )احح على مينو مينو تاعيي
رحمة من الصالوون كتغوت:سلمىىى سلمىىى
سلمى:انعاام
رحمة:اجي لهاد لمشة تاعك كتقمش فلمخاد
مهدي(كيفطر حداهاا)دابا نخوي على مها لما طايب مزغبة كي لقرد
منويلا:فالصراحة اه ولكن سعااد مباغانيش (شافت فحسام وشدات ليه ايدوو)غنمشي حتى يهدر معاعا ياك احبيبيي حساام(بقا كيشووف فيها شحال عاد بتاسم ليهاا)مم يكون خير
عشقك جزائي الجزء الثالث
محتوى القصة
التنقل بين الأجزاء