شريك القرن 21 الجزء 14

ناض على ركابييه غطاهاا بدراعيتوو وخرج.. دار لكوفر خدا شانطتوو من تحت لخريين.. حلها بااش بدل حواايجوو ورد داكشي كي كاان.. صونا تليفونوو.. جاوب دغيا باش يحبس الصونغي.. كانو الدرااري كيسولوو عليهم باش يفطروو مجموعيين ويتحركوو.. وداكشي لي كاان.. زطم على راسوو وفيقهاا باش رجعوو لخيمة بدلاات عليها حتى هي و گلسوو وسطهم كيدوروو فعينيهم خصوصا أنوو سفيان فهم دووك الرحل بلي راهم مزوجين باش برر غيابهم بجووج فاللييل.. فيونا مرگاات وحشمات من الوضع وأنير مامرگ.. ماكارهش ليووم قبل غداا..

ودعوهم كيشكرو ويعودوو ممتنين لكرمهم وحسن استضافتهم ليهم.. عارضين عليهم حتى هوما لوجدة وركبوو فالطموبيل تحركو فحالهم.. ركباات وسداات لبااب مهبطة ديك العيبة لي لداخل باش مايقدرش يحلوو من برى وخلاتوو داز لجيهة لخرى جيهة ريم لايخلفها فيها.. گلس حداها غا سفياان كيضحك عليهم كلما تفكر فعلتها.. 

تحركوو حتى وقف بيهم حدى المنجم التقليدي ديال لحكل.. داروو فييه وتصوروو.. تبعووه الضريح ديال علي الشريف.. دازو السوااق خدااو منهم هدايا تدكاارية لطريكتهم وطلعوو لريصاني تغدااو فيه بالمدفونة ودربوو فيه نييت دويرة عااد رجعوو لفين كاانو.. 

كاانت ديك السااعة تعاشاات لعشية.. وقف بيهم أنير الطموبيل فوسعة كبيرة فيها ماطر كباااار دياال ربعة دالرواايد لي كيستعملوو فال quad.. هبطوو عااجبهم لحااال.. ماكانوش معولين عليها ولا داروو بحساابها.. وحتى هو ما علمهمش.. غاحتى لقااو راسهم تماا..

ميك عليها سيدوو ماتسوقش ليها عرفاات بلي وصلاتها ليه لعظم.. قرباات عندوو شدات فدراعوو وطلاات عليه كدور فعينيها.. 

فيونا (كتعوج صوتها): سيموووو.. سيموحم.. 

سيدوو (بصوت برطاال): رماااانّة.. بنت عميّ.. 

فيونا: اييخ بفوووو 😹 ديگولااص 🤣

سيدوو (قالب وجهوو): ديل مك 😒

سفيان (غادي حدااهم): هههه الله يستر..

سيدوو: ...

سبق يوسف وأنير تفاهم معااهم.. ورااهم هدااك لي مكلف المااطر لي يااخدوو ومشى فحااالو خلاوهم كيقلبوو فيهم.. 

وكل واحد فيهم كيعزل فين غيركب.. جابو ليهم لي كااس فرقوهم عليهم وهوما مجموعيين نيت فبلاصة وحدة واقفين مع بعضياتهم.. 

داارت ريم عند سفياان كتلعب هي ويااه.. 

ريم: بااايب.. 

سفيان (كيحط الكاسك فوق راسوو): شتاا؟

ريم: صاوبلي..

سفياان (مبرزط معااه خشااه فراسوو وغيسدوو): ريضي.. 

ريم: لا أنا اللولة.. 

سفيان: ريضي نبلع هدا..

ريم: مابغيتيش؟ 🤭

سفيان: خلى دار مك لا؟ ماتفّهميش شتا هي ريضي مال الراسا ديال مك كعرارة؟

ريم (تلفتات جنبها وحتى كانت غتگول لسيدو يصاوب ليها ومازعماتش لايصدق منوضاها معاه بلاصة ماتبقى ضحك ودازت من قدامو عند أنير): گاد ليا أخويا شي ناس ولاو يتعفرو.. 😒😝

أنير (شاف فيه ورجع شاف فيها من بعد ماقاطعات هضرتو مع الدري): ماتكماوش نتوما كاع أطوم وجيري؟

ريم: صوبلي أصاحبي ماتشفيش فينا العديان ههه

أنير: ههه أراي.. 

شد ديك اللعيبة كيصاوبها وهو كيهدر مزاال مع لي واقف معااه.. 

مقابلة معااه فيوونا لي شافتها جايا عندوو وبقات متبعاها حتى هضراات معاه وضحك معاها.. مصاات الحامض بفقصة قالبة عينيها على اللصقة لي نسااات قضيتها.. ولي الحد الان مزال مافهماات مامحلها من الاعرااب.. ومع هي متختها من الزمر ومن لفلاشاات لي فايتة شاايفة شعلات فييها العااافياا الدااخل وتشماات ريحة الشيااط من كيلوميتراات.. قلبها وقف.. تبدل لوون وجهها تاني وقرنصاات.. مافهماتش شهااد لعب عزاواا لي دااير لاش لباارح جااي يتمخشش فيها الى هكاا بالحق لاش غتلوومو.. تلووم راسها هي نييت لي حماارة غا قرب ليها نساات كلشي فحالاا ماواقع واالو ضرباات هضرتها كاملة فالزيروو.. نعلاات بووه هاد الحب گااع لي غيطيح عليها الدل.. خنزراات فييه هاازة نيفها لسماا وداارت فحاالها ركباات على السكووطر حاااقدة..

هز راسوو غا مع تخنزيرتها فييه بداااك الشكل تااني.. 

ضحك حتى تكمشوو عينييه.. ضرب ريم من فووق لكااسك قبل ما شيدها سفيااه منوو جارها معااه كينخض فييها على شكدير.. وزااد هو عند البركاان لي حااضي من بعييد.. 

قادااات راسها راادة شعرها لووور.. باقاا شاادة كاسكها فيدييها نزل راسها لتحت صدقوو تابعينها زغيبااتها صااطت عليهم بملل مبعدااهم وكتلعب محااولة تهدي أعصاابها.. عاوداات الحركة مامرة ماجووج حتى حساات بشي حد ركب موراها.. دوراات وجهها بسرعة البرق وهي تلقااه صاحب دعوتها بااقي كيقااد فگلستوو.. تنتراات ليه وسط يدييه لي حط وحدة على كتفها ولخرى على جنبها محااولة تنووض فحالها وتخلي لييه دااك السكووطر گااع.. ساعاا كان سرع منها وحااوطها بيدييه بجووج من فووق درااعهاا.. شااد وحدة بلخرى قداامها وجاامعها عندوو كي لكميشة.. 

حاولااات تتحرك وتعاااود ووالوو ماقدرااتش علييه.. زااد فقصها وهي على سبة.. بكثرة الغيرة لي غايرة علييه والحرقة لي كتحس بييها فاش كتشوف فيها مقربة ليها ليه ولا لايح يديه فغييرها جاايبة ليها البكية.. 

مالقاات غير أنها تهضر بفمها والتي هي أحسن.. 

فيوونا (كتحس بقرجووطتها معگدة.. دورات وجهها شوية عندوو جنب): خليني نزل.. 

أنير (قرب عند ودنيها): بلاصتك هنا ماعندك فين تروحي.. 

فيونا (لعب ليها بأعصابها.. جربات تاني تفلت ووالوو): عفااك أ أنيير.. 

أنير (بصوتوو لحرش): وديني ماني طالگك.. 

فيووونا (بورشها ماقداتش تجاوبوو مزاال): ...

أنير (حط راسوو على كتفها لعرياان.. كيشم ريحة شعرها وبارفاانها.. كتحس بنفسوو على لحمهاا)

سيدوو: نباااتو؟

أنير (هز راسوو فيه): يد🤐.. من بعد وفكرني.. 

سيدو: خاطييك.. وصلات ال.. 

أنير (خنزر فيه)

خلاوهم وزادوو.. جر الكااسك ديالوو لي كان حطوو مورااه داروو وتسناها حتى لبساات ديالها وضاربات معااه سدااتو وتحركااات سايگة بييه.. وهو معنقها من اللور.. حااط يد وحدة على كرشهاا ومرجع راسوو فوق كتفهاا رااد معاها لباال.. 

بدااو جولتهم ولا نگولوو سيبااقهم حيت فدوى مستحيل دير شي حاجة وماتستمتعش ولا تنوض الحيحة.. هااد المرة نوضاات لعجااجة فالصحرى مسابقة مع سفياان وسيدوو.. 

حتى هرباات عليهم ببزااف وبعداات.. تحدر عليها شوية شد فالگيدوون وتحكم هو بالاتجاااه مامسوقش لاستغراابهاا.. بعد شوية جنب.. كحاااز على المساار لي شاادينوو وفراناا.. وقف وهبط سبقها حيد الكااسك علييه وخشاا يدوو كيقااد فشعروو.. 

فيوونا (كتحاول تفهم.. حيدات حتى هي داكشي من فوق راسها): ماالك؟

أنير (ماتلفتش عندهاا)

فيوونا (داارت بجووج رجلين جنب ونزلا كتقااد حوايجها وحاالتها): أنير؟

أنير (كان زاد جوج خدوات لقداام ورجع وقف قدامها كيشوف فييها): نتي گوليلي..

فيونا (كترمش فيه عينيها): أش غنگوليك؟

أنير (زاد عندها حتى لصقات على السكوطر وحط يدوو عليه هاز حاجب ومنزل لاخر): وشاا فيها؟ 🤨

فيونا (مخنزرة فيه): واالو (بقى كيشووف فعينيها وهي تدور وجهها قبل مايضعفوها نظرااتو)

أنير (تنهد): وشاا كاين مافهمتش؟

فيوونا (زاادت علات قناانفها عاقدااهم ودمهاا فاير ماباغااش تهضر معاه گااع)

أنير (بقى كيحقق فحركاتها حتى شدااتو الضحكة.. عاايق بيها غتمووت بالغييرة): راكي تتجبدي عليا لمك؟ 

فيوونا (على حاالها هزاات عليه كتاافها وهبطااتهم ماسوقييس زعماا)

أنيير (سكت شحااال كيشووف فيييها.. حك لحيوو بصبعوو ورد يدوو كي كاانو وهضر وعينييه ففيمها ونيفهاا وعوينااتها وهو كيخلي بين كل كلمة وختها شوية وقت): أَنَاا لَكِ.. وَمِنكِ.. وَفِيكِ.. وَبِدُونِكِ لَسْتُ بِشَيْء!! 💚

تساقطاات على مسامعها كلمااتو فحاال الثلج فعز داك الصهد والحراارة.. تصعقاات.. داارت عندوو حالة فمها بميليمترااات.. كتحااول تقنع راسها انها ماكتحلمش وأنوو داكشي لي سمعااتو بصح..

باقاا حالة فييه عينييها ماقدرش يصبر ولا يقااوم برائتها وملامحها لمدعوووقة ونزل ديريكة لشفيفااتهاا وبااااسها بوسة داافية وبرقتها ونعوومتها.. 

وحدة من موور وحدة.. غير حساات عليه شنوو داار وبعداتو عليها شوية بصعووبة.. 

فيوونا (بنفس قليل وصوت متقطع): ريم؟

أنير (بانت ضحيكتو وجاوبها وهو على نفس القرب): بنت خااالتي.. (عااود تحدر بااسها ببرائة مميل راسوو لجيهة لخرى هاد المرة حتى حس بيديها كتدفعوو تاني) 

فيوونا (كتتغبن وتتبغجن مغددة ومفقووسة): ولااش كتبقى تْحَوُّمْ عليك ☹️

أنير (وهو كيعاود يقرب مكمل هضرتوو ففمها): كابر معاها.. راني فحال خوها..

فيونا (عاوداات بعدااتوو كتهزز كتافها وتضرب برجليها فالأرض وكتضرب فيه بشوية فصدروو): سوووقيش 😭

أنيير (ضحك وجرها عنقهاا خاشيهاا فقلبوو ومقااد وقفتوو): خاطبها سفياان.. 

فيوونا (هزاات راسها فييه دغياا مصدوومة): حلف.. 

أنير (زااد فوتيرة ضحكوو ونطق عينييه هايمين فيها): ومعزة عايشة عندي ماني شاايف غيرك 😍 

فيوونا (بتاسماات لا اراديااا وعاودات غشااات وجهها فصدروو مخبياا تزنيگتها لي تزنگاات والفرحة لي ترسماات على ملامحها)

أنير (هز راسوو هو كيشووف فالدراري جايين عندهم من بعد ما وصلوو للحد ومالقاوهمش وقلبووو لا يكونوو تودروو لا قدر الله)

سيدوو: شتا راكم ديرو؟ 

فيوناا (دوراات وجهها شافت فييه وأنير بااقي معنقها مامسوقش للبشاار وجاوباتوو): كنغربلوو الصحراا 😝

سيدو (كيعيب فيها): ها ها ها.. شتا صاري زعما؟

فيوونا (هزاات راسها فأنير مبتااسمة)

أنير (حدر راسوو بادلها الشوفة بضحيكة ودار عندوو جاوبوو): خاطيك.. 

يووسف (قاطعهم): روااحو ننوليييو.. الطيارة مابقااش عليها بزااف..

ركبوو وهاد المرة هو لي لقداام وهي معنقااه وحاطة حنكها على ضهروو.. حتى رجعوو حطو ليه أمانتوو.. خلصووه ومشااو لطموبيل.. غاوصلوو حداها لاح أنير سواارتها ليووسف باش يصوگها وجرى على سيدوو گلس حدااه.. 

حل لبااب داللور.. وقبل ما يركب جرااتو فيونا بشوية وطلعاات هي اللولة حدى ريم.. 

ريم (رداات ليها لباال وضحكاتها): والله الى راه فحال خوياا.. 

فيونا (بغروور): ختو من مو وباه كون كانت ماكنتش غنبغيها تقرب ليه.. 😾

سيدوو وسفيان (شافوو فيها ونطقوو دقة وحدة): أووووووووووه ههه

أنير (سد البااب كيضحك مم الفرحة عاجبوو لحاال وعاجبااه غيرتها عليه.. داار شد يديها طلعها عند فموو كيبووس فيها بوساات متابعين على شنو گاات): 😍

ريم (كتضحك): ريم: تلاميتو عليا ولا كيفاش (تحاميتو عليا)

سفيان (جرها من عنقها عندو): بعديلي على حبيبتي الحريگة هههه

فيونا (خنزرات فيه): شويني فيك 😒 مني حبيبتك شدها حداك 👊

سيدو: هههههههه بصحتك.. 

أنير: ههه 

خرجوو من دييك الصحرى مودعيينها وهوما كيلقيو عليها أخر نظرة.. سحراتهم بجمتالها وبساااطتها.. هاد التلتياام ولا ربعياام لي دوزو فيها حسوو براسهم سترخااو هرسوو الروتيين وخدااو نفس جدييد باش يرجو يكملوو حياتهم منيين حبسووها.. 

فطريقهم لراشدية دازوو لعند واحد التعااونية دتربية الابل.. خدااو معااهم حليب الناقة وزاادو فحالهم.. ردوو الطموبيل لاجونس دلوكاسيوو وشدوو طاكسياات وصلوهم ديرييكت لمطاار.. تما دوزوو گااع الاجراءات ودخلوو كيتسنااو فالطياارة.. 

گلسوو فلكراسة لدااخل شي حداا شي.. 

أنير (هضر بينو وبينها): ماتوحشتيش ليوون؟

فيونا (حاطة دقنها على يدها ويدها على الكرسي.. شافت جيهتوو): بزاااااااف 😿.. غير الصباح فاش دويت مع بشرى كان كيغوت حداها.. فحالا حس.. (سكتاات شوية وكملات) مسكين حتى من الماكلة گالت ليا مابقاش كيبغي ياكل ليها.. 

أنير: شحاال وهو عندك.. 

فيونا (بتاسماات): غدا يكمل عاماين باش جابو ليا منصف.. 

سيدوو (كان گالس فلكراسا لي عاطينهم بالضهر): خلا داار مااا 🤦🏻‍♂

أنير & فيونا (تلفتوو عندو باستغراب كيشوفوو مالو) 

سيدوو (دار راسوو غا مع التليفوون ونطق بهمس): قو*تها.. 😣

خلاهم حتى رجعوو لهضرتهم ونااض جمع الوقفة.. فكرة تدييه ولخرى تجيبووو.. غيمووووووووووت الى مدااار واالو.. تقتلووو وتشرب دموو خصوصا انها هي گااعما كتنسااه.. 

هز تليفونوو وبدا فلي أپيييل.. وحدة من موور لخرى.. غادي جااي..

أنير لي حااط يدوو على كرسيهاا من موور ضهرها رد معااه لباال وبقى لايح معااه لعيين.. لدرجة ولى گالس عوج شبه دااير مورااه.. حتى تسمع ندااء طياارتهم لي كتتسنى الركااب باش تقلع.. طلعوو بلايصهم والمدة كااملة يدييه مافارقووش يديها.. ماطلقهااش ولاخلى مساامات يدييها فيين يتنفسوو.. كلما عيااو من شدة يبدلووها لخرى المهم هو ماتبعدش علييه.. حتى هي ماتشكااتش من القضية بالعكس ماصدقاات هنا باالها وطلع گااع داكشي لي فرااسها غير لا أساااس له من الصحة وغير ظنها عوااج والمواقف لعباات دوورها باش خلاتها فهمات بشكل أخر.. ستفرد بيها.. خلى ليهم لكراسا بربعة لي مزاادحين مع بعضيااتهم وجرها لجووج كراساا لمعزوليين لواحد الجنب.. دخلها لكرسي لدااخل وخلاها كتحيد كابيتشووها والسكادوو لي هازة وداار دغيا عند سيدوو كيهضر معاه غا بالريط.. كيسول فشوقع گبيلا فاش غوت.. عرف منوو أنوو ليوون كان جابوو ليها منصف كادوو فعييد ميلادها لي بقاات لييه غا سااعة.. رجع لعندها بملامح عادية گلس بلاصتوو.. دقااائق قلييلة وداارت عليهم المضيفة كتتفحصهم وكتعلن على انطلاق رحلتهم.. 

زيراات فيوونا على يدييه بلاماتحس.. حركتها خلاتوو يدوور جيهتها كيتفحصهاا.. لاحظ توترها و بلا مايهضر مد يدييه كيحرك الزغيباات لي كينزلوو على وجهها بضهر صبعوو.. 

هزاات فيه رااسها.. نزل صبعوو على حنكها حتى وصل لدقنهاا.. متبع يدييه بعينييه.. ومع هو ضاااسر ماحساات غا بالابهم ديالوو كيدووز على شفتها التحتاانية هادشي كاامل وهي كتشووف فيه حتى داار الحركة اللخرة وحدراات عينييها مزنگة.. مكواانسية.. مجاات فين تهبط حتى راسها حتى جرها من عنقهاا لعندوو.. هاادشي كاامل غيير باش يشتت انتباهاا وماتخلعش.. داكشي لي فهماات فاش شاافت عبااد الله يحيدوو فحزاام السلام لاستقراارهم فالسمااا..

🕛 دااازت نص سااعة.. على تحلييقهم.. ومن بعد ما كاانت حاطة رااسها على كتفوو وسااهية كتتفرج من الشرجم لي حدااها قاطع دااك الصمت.. 

أنيير: فدوى.. 

فيوونا: هممم (شافت جيهتو)

أنير: ريضي.. نولي درووك..

فيوونا (هزاات راسها عليه): وخاا..

ونااض متااجة لفوورسط كلااص.. ماداات ماجالبت عند بالها غير غيقضي حاجتوو.. 

شوية حتى كيوقف عليهم المسااعد دلبيلووط.. هااز المايك لي كتدوي فييه المضيفة باش كلشي يسمعوو ويقدر يلفت انتبااههم.. هزاات فيه راسها بعدم اهتماام وعاود شافت فالشرجم على أسااس غينبههم غير بشي حااجة.. حتى سمعااتو كيهضر على عيد ميلاد وشي حاجة فحاال هكااك.. عاوداات شاافت فيه كتسمع كلماتوو لي كانوو مبهميين ماركزااتش معاهم.. وسرعاان ما حط داك المايك لي كاان شااد ونسااحب.. تلى غيابوو على أنضارهم انخفااض كبير فالايضااءة ومع الليل بقى غير النوور ديال البولاات الصغاار الخاافت.. فنفس اللحضة تسمعوو كلماات الأغنية الهادية لي تطلقاات تابعهاا رجووع أنيير.. 

حضّر حالك يا قمر.. تتكون انت الهدية.. بعيد ميلاد أغلى البشر و نجومك نزلّا هيِّ..(2)

حبيبة قلبي كبرت سنة👸🏻

كل عام وانتي حبي الهني(2)

بحضنك انا شفت الجني بعينيي.. اااااه بعينيي.. 😍

يلا يا ورد جمعو بعض

و فرشو الارض كرمالا

تقبر قلبي متل اللعبي

ما في احلا من جمالااا (2)

حبيبة قلبي كبرت سنة👸🏻

بخطواات تقيلة وابتساموو لي كتسحر قلبها وتخرج لييه عقلوو.. قرب لعندها هااز فيدييه بلا plat فيه گاطوو صغيور گلاصي مع فريزاات🍓 وحدة فيهم كاملة متبتين فييها شميعة مشعولة.. مكتووب بالشكولااا حدااها HAPPY BIRTHDAY 🍰

عينيها لمعوو بدمووع.. غرغروو ليها بلا ماتحس.. بزاااف هاد السيد.. بزااااااااااااااف.. وبزااف عليها هاد كمية المشااعر لي كتحس بيهم حالياا.. ثقلوو عليها وماعرفاتش أش داارت فحياتها باش لاقاها الله مع واحد فحالوو.. 

أكيد هي ماناسيااش عيد ميلادها.. يالله جبدوو ليون ومع ترابطوو مع داك النهاار أكيد غيجي فبالها.. غير هو مولفة واحد الروتيين والسيسطييم.. مولفة تدوز نهاارها مع منصف.. يايصايبوو الگاطوو بجووج.. يايخرجوو لشي قرينة.. مهم كيديروو شي لعبة ينسيها النقص لي كيفكرها عيد ميلادها بيه.. يعيط سيدو وصطوف و.. ويصفطو ليها كادوااتها.. وكلشي بالمكشووف.. عمر شي حد فاااجأها فحال هكاا حتى فالأرض حتى جا لي يفااجأها فالسماا مع العلم انها مامگايلاش ليه امتى.. صدمها للمرة لمليون.. أخر حاجة كانت تجي فباالها هي هادي.. وكون گالو ها ليها قبل غتوقع والله ماكانت غتييق.. هي دابااا كيدووز هادشي قدام عينيها ومامتيقااش..

رجلييها مابقااوش هازيينها.. بالها غير مع الكلماات لي كيوصلوو كلمة كلمة لقلبهاا.. بستة وستين كشيفة قدر يجرها من يديها ويوقفها حدااه وسط دهشتها ونظرااتها لمتأثرة.. ووسط نظراات اعجاااب النااس لي داايرين بيهم.. وتصفيير الرهووط لي معااهم ولي حتى هوما مافهموش كي داار ليهاا.. يالله كان گالس حدااهم ساقر.. 

وقفها جنبوو.. يدييها فيدييه مرة مرة كيبووسها ليهاا وهوماا كيغنييو ليها happy birthday to u حتى كملوو وطفاات ديك الشميعة.. 

حط أنير الطبسيل من يدييه مني حس بيها عنفقاااتو وزااد ضمها لييه من بعد ماتشعل الضوو تحت التصفيييق وخا ماعرفووه راجلها ولاخطييبها.. لي باان ليهم ولي ظااااهر عليهم ومفضووح من خلال شوفاتهم أنوو كيبغييو بعضيااتهم.. بعدها عليه بشوية ورغم أنها كتخبي عليه وجهها شدوو وبين يدييه كيتفحصوو.. دوز صبعو على حنكها كيمسح الدميعات لي خانوها.. 

أنير: شووووت.. 🤫

تحنى عندها بااس ليها راسهاا الوقت لي شداات هي يدييه قبلات كفوو من لدااخل.. 

قربوو عندهم الدراري كيباركوو ليها بدورهم حتى جرها من وسط يدييهم أنير مخنزر فيهم تخنزيرة الشر باش يجمعوو راسهم..

دقااايق ورجع كل واحد لبلاصتووو ورجعاات الطياارة لوضعهاا الطبييعة.. گلساات فيونا قداام طبسيلها كتاكل وتهز عويناتها لمشفرين مرة مرة تشووف فييه هايمة فملامحوو وتصرفااتو لحنينة لي ماكتزيدوو غير رجوولة وماكتزيد غير تكبروو فعنيها.. حتى كملاات.. جات لوطيسط هزاات داكشي لي قدامها داتوو.. غير مشاات قااد گلستوو.. مدفگ فدااك الكرسي ومجبد حتى وصل راسوو لكتفها وحطوو عليه.. خلاها حتى هي حاطة راسها فووق راسوو وماادة يديها لي متكي عليها لحنكوو.. 

لحظاات صمت.. مصاحباهاا غير حركة تنفسهم.. صووت قلوبهم لي كتتسم.. وترمااشهم لمتتاقل الناتج على راحتهم فديك الوضعية.. حتى نطقاات كتحرك فشفايفها لي قرااب لجبهتو شوية.. 

فيوونا (كتلعب فلحيتوو بصبيعااتها): شكرا.. (سكتات ثواني) على كلشي.. شكرا حيت ديما كنلقااك جنبي بلا مانحتاج نقلب عليك ولا طلبها منك.. شكرا على حضنك لي ديما كنحسو محلوول ليا سواء كنت غالطة ولا عندي الحق.. وشكرا حتى كل حاجة درتي على قبلي.. سمحليا الى كنت كنعدبك معايا.. 

أنيير (قاطعها): عمرها سراات ونهار تسراا عدابك يكون راحة.. 

حرك راسوو باس كتفهاا ورجع تكى عليه كي كاان.. كانت حركتو كاافية باش تسكتهاا طواال المدة لقليلة لي كانت متبقية ليهم بااش ينزلوو فمطاار أنگاااد مرة خرى.. راجعيين لمدينتهم.. ولدربهم.. 

ماجاات فين توصل الجووج والزيادة دالليل حتى كاانو قداام الباااب.. عيانيين.. عينيهم دابلين بالنعااس.. الا عيوونو لي ظاهر عليهم القلق.. ليصدق متحول ولاشي زمرة وخا لحد الان راه صدقاات معااه اللعنة راجل..

سيدوو (لفيونا): بلا ماتدقي.. رغايلها تهود تحلنا.. 

فيونا (دورات صاكادوها وخشات يدها كتقلب فيه): رااه عندي السواارت.. صبر نجبدهم.. 

أنير (كان حل البااب دخلوو لخرين وبقاو غير هوما ملاهيين): شتا راكم ديروو؟ 

سيدو: لمفاتح.. 

أنير: رواحوو لهنا.. غتفيقوهم فهاد الساعة؟ هبلتو ولا؟

فيونا (هزات راسها فسيدو عاد شافت فأنير ماعارفاش شنو دير)

جردها سيدوو من عنقها ويديها باقا فالصاك ودخلوو.. خلاو شانطاتهم عند البااب حدى لخريين وطلعوو كااملين لبرووميير.. ومن بعد ما حيدوو عليهم سيكانهم الصغار وتيليفوناتهم بدااو كيقلبوو على فين يحطوو يريوسهم رتاحوو.. الا انير لي طلع ديريييكت لبيتوو..

ريم (نطقاات فيها المووت): فين نوركو؟ (نتكاو) خريت فيها (عيت)

سفيان (من لكوزينة كيشرب): روحي للبيت لي فيه الفطوياات.. 

سيدوو (كان حدااه.. حلوو): يگدنا كامليه؟

سفيان (مشى جيهتوو ودخل): ماعليش هي رواحوو المهم نبقاو مجموعين.. أصلا حتى يوسف راه نقص.. 

فيونا (دارت موراها كتشوف.. كان كتتسنا يوصل زعما مني مابانش ليها طلات عليهم): فينو أنير؟

سفيان: يكون لفوگ..

فيوناا: نشوفوو ونجي

سيدو (بصرامة): ولي لهنا (رجعي) شتا هاد قلة لحيا؟ 

فيونا (من بعد ما زاادت خطواات رجعاات بلا عگز عليها حتى قلزاات ليه وزادت)

سفيان (كيتشفى): 🤣🤣🤣

ريم: ههه هبيلة هاد البنت 😂

سيدو: ماشُفتي والو هههه

فيوونا (طلعات فالدرووج دايرة الضجييج كيتزح برجليها على راحتها حتى وصلاات لفوق لعند بيتوو ودقاات كتعيط وطول فيها): أنيييييييييغ.. 

أنير: دخلي.. 

فيونا (دفعاات لبااب وتقدماات عندو بخطيواات بان ليها غادي جااي بهدووء وانتظاار ورغم برودو ظاهر عليه القلق): ماالك؟

أنير (وقف تسناها توصل عندو): وشتا؟ مالي؟

فيونا (هازة راسها فيه): بيك شي حاجة؟

أنير (هز عينين بتفكير واستغرااب): لا وهداا هو المشكل.. 

فيونا (عقدات حجبانها كتتفحصو منزلة عينيها على جسدوو): واش على التحول؟ (سكتات وكملات) داكشي علاش طلعتي ديريكت..

أنير (على وضعوو): .. وااه 

فيونا (شدات ليه فمعصموو طالعة بيديها بشوية لكوعوو ساهية): ايمتى موالف كيبدا؟

أنير: نورماالموو طنااش..

فيونا (سكتات معوجة شنايفها لمجموعين وشافت فيه): نهار بت هنا اخر مرة فاات ديك لوقيتة.. 

أنير (بحيرة): مانيش عارف.. ولا يتعطل شي مرات.. يكمن.. (حرك راسو بحيرة) مانيش نرد البال..

فيونا (رجعات لمعصم يدو لي راخي ليها ومخليها دير بيها لي بغاات.. دورااتها كتشووف فساعتو لي داير): قرباات الثلاتة.. 

أنير (شاف فعويناتها لي هزات فيه ببرائة وحاول يطمنها): ماديريش فبالك.. (حط كفوو على حنكها كيدوز صبعوو عليه بحناان) 

فيونا (سكتات شحال كترمش فيه عينيها مابغاتش تضغط عليه وفنفس الوقت مابغاتش تخليه بوحدو.. ميلات راسها مثقلة بيه على يديه وهضرات بتبوحيط): ماغتنزلش؟

أنير (متبع بعينيه كل حركة كدييرها.. كتلعب ليه على الوتر الحساااس.. كل شي يقدر يستحملو ويقاومو الى سحر عويناتها وهوما كيشوفو فيه بديك الطريقة لي كتدوب حجاار قلبوو المفتوون.. هضر خافص نبرت الصوتو): أي وقيتة نگد نتحول.. مانيش نتحكم فداكشي.. وكاين سيمحمد وريم راك تشوفي.. (سكت شوية) بقااي نتي..

فيونا (دورات عينيها بلاصتها بطريقة كضحك ونطقات مخرجة قنوفتها): مااقدرش 🤭🙈 غيفهمو غلط.. 

أنير (بشوفة ماكتبشرش بالخير): راهم يفّهمُو صح..

فيونا (كرزات على فمها ووسعات عينييها بصدمة): 😳 

أنير (هز راسوو كيضحك براااحة مغمض عينييه غيبكي ماجا فين يجمعها لقاها طارت من گدامو من بعد ماقدرات تتدارك نفسها قدام جماال قهقهاتوو وشكلوو): ههههه رواحي هي نگوليييك 🤣

كانت هي وصلات لدرووج وبداات كتحسبهم هربانة من عينيه مخبية احراجهاا.. 

دخلات عندهم للبيت لي باتوو فيه مرة كتحيد عليها الطريكوو لي لايحة علبها من لفووق.. لقات سيدوو مشبح فووق الفطووي اللول لي ملاصق مع خووه.. خلاوه ليها خااوي.. عاد كاينة واحد اللعيبة كبيرة ماشي فحال البوفة لا هادي كبر فحال الكرسي دالتوب بلا رجلين.. محطووطة حدااه فاصلينوو بيها على لاخر لي ساخرووه حتى ولى لاصق على الحيط لي فيه لبلازمة.. ناعسة علييه ريم ومغطية.. وحداها فالأرض مفرش سفياان.. 

فيوونا (شافت فييه وضحكاات): الله يعز لحكاام هههههه 

سفيان (عارفها كطنز عليه زعما راه ريم لي حاكماه): هههه وشتا كُنتِ تگوليلها؟.. حنا عسكر ولا.. 

فيونا: ولا زمر 😹

سفياان: وااه واه هادييك.. 

فيوونا (گلسات بلاصتها كتخربق فتيليفونها): نعس نعس أخويا ههه نعس.. 

دخل أنير دوش رخى عضامووو وخرج كيتمشى بثثاقل هنا ولهييه بفوطتوو.. تالف غا بوحدوو.. باالو مع شكلوو.. على شحاال عاد تخشى فبوكسر وسروال سورڤيط.. وبقى مسفح من لفووق.. طالق زينوو وعضلاتوو.. كيمسح شعرو بفووطة.. رش لي ديودوغوو ديالو.. رجع جمع الدووش.. مل وهو غادي من هنا لهنا.. فاللخر گلس فطرف الناموسية شااد تيليفونوو فيديه.. كيدخل عندها ويخرج.. فاللخر سيفط ليها مسااج.. 

على حالوو.. كل مرة يبدل گلستوو وحركتوو.. مرة يحط يديه على ركابيه.. مرة يكالي بمرفقوو على الناموسية.. مرة يوقف ضحروو ويخي يديه وسط رجليه لي مفرق.. حتى نااض بدون سابق اندار وقف جار معااه سوفيطمتوو لي كانت محطووطة حدااه.. خرج من لبتوو كيلبسها حتى وصل عندهم.. مع دخل بانت ليه تحت الضو الخافت دالبيت.. متكية على جنبها.. شادة بورطابلها فيديها وخاشية جووج صبيعات تحت حنكهاا.. كانت مبدلة حوايجهاا لابسة غير سروال وتيشورط ولايحة عليها حتى هي غطى خفييف.. مطرفة حالتها وجامعة شعرهاا.. 

قرب عندها بشوية وقرد حتى وصل لمستواهاا وطلق صبيعاتو يتسارااو على خدوودها شفيرااها و.. ماحدوو كيحرك يدوو وصباعو لكباار لي ملامس بشرتها بيهم محدها كتحرك وتغير لتعابير وجهها معنكشة.. حتى دارت على جنبها لاخر عاطيااه بالظهر.. تگعد حابس صوتو وضحكتوو.. تحنى خشى وجهوو فعنقها ستنشق ريحتها بالقدر لي خلاه قدر يضغط على راسوو ويبعد ووقف.. داار شااف فالدحووشة لمزلعيين كل وااحد فين صااد.. وماداام ماتح ل مازعتر وهادو لي حدااه موتهم قرب من فياقهم فهاد الساعة تكى فنفس الفطووي لي فيه فيوناا غير هو فالجيهة لخرى نظرا لحجموو ولأنو الى مشى حتى تخشى حداها غيبعزها.. اللهم يتخالف معاهاا.. فكلتا الحالتين راها حدااه وهداا هو المهم..

تكى بشوية على ضهرو حاط راسوو على مقربة من رجليها.. ورجلييه حالو يسرحهم برى الماطلى وخا هو طوييل جايين فووق القنت دالفطووي بعااد على أنهم يقيسوها ووخا عاطيااه بالضهر.. 

حط راسوو على لمخدة.. كيتفحص بعينييه شعرها لمليووح وراهاا.. كيلعب بصبااعو فرجيلاتها لي دااه ولي خاشية فتقيشراات بيضين كعاادتها.. شعوورو بوجودها حدااه وحظورها كافي بأنوو يطمنوو ويريح بالووو من تضارب الأفكاار لي شاغلوو.. دوز مدة ماشي قلييلة وهو ساارح فالفرااغ ماحسش على راسوو حتى مشى فسااابع نوومة سامح لجفوونو ترتااح..

تسلل الشعاا بين شقاات الريدوو.. شي لي خلى الضو الخاافت لي خلااو شاعل علييهم طفى اوطوماتيكموو.. 

من بعد ما عيااتها النعسة على جنبها ليمن.. تحركاات محاولة تبدل لپوزيسيوو ديالهاا حتى كتحس بشي حااجة مثقلاهاا ولا بالاحرى مثقلى ليها رجليها ومانعاها دوور.. كرزات على عينييها شاادة علييهم كتحااول تسترجع وعيها حتى فاااقت حاالة عين وساادة لخرى باش مايطيرش نعاسها.. عوجاات راسها كتشووف شداكشي حتى كيصدمها شكلوو.. نااااعس غااارق نعااس..حاط دراعووو تانيها تحت راسوو.. فووقها وحدة من رجيلاتها متوسدهاا ديرييت عليها حنكوو ووجهوو.. لاا وماكفاهاااش رجلها لي شااد وخاشيها فخنشووشوو زاادتو لخرى حتى هي حاطاها ليه على عنقوو من الجيهة لخرى وواخدة راحتها عالأخر.. 

مع التقلاب فالنعااس وحركتوو المتماشية معاها.. مراعي لراحتها وراد معاها لبال فكل مرة تزعزعاات لا يجي فيها.. ولى هو لي داخل جيهة ضهر الفطووي وهي على برى.. 

تحلوو عينييها بجوووج فيه.. مامتيقااش اش دااير وماعرفاات حتى كيفااش تتصرف ولا تت.. 

فيونا (مجمووعة عليها لگلبة دالنعاس والتدهشيرة): واااااع.. رجليا أ أنييير رجليا هدووك.. ماشي لهاد الدرجة.. 

سكتاات من همسهاا وحاولاات تجمع رجلييها بشوية وتسلتهم من علييه.. مرگاات وماعرفاات أشنو دير ولا مناش مصنووع هاد السيد ولا هاد التصرفاات منين كيجيبهم.. لي عارفة أنوو غيقتلها شي نهاار الى كمل هكاا.. قلبها أكيد غيسكت ليها قداام هاد البراكين دالمشااعر.. ماشي أي واحد غيخشي وجهوو فرجلييك أويييلي راه خاصوو ياكل العلييك الجواانطو باش يديرهاا..

خصووصا فهاد الوقت هادي وهاد النفخة على لخوى لي ولات فرجاال أما حتى دوك لي مشكوك فيهم مامحسوبينش.. كلساات جامعة مكافشها جنب.. كتشوف.. طاار عليها النعاس گااع.. حتى لقاات راسها متكية حدااه على كرشها.. مكالياا راسها بكفها لمحطووط على الفطووه.. مقربة لوجهوو وكتشووف فيه.. 

حاولات ما أمكن ماتزعزعووش حتى وصلات للي هي عليه.. منو يرتاح من تاخد رااحتها حتى هي..

على وضعوو حاال فمو ومغمض عينييه على وصعوو متكي على يدوو.. لامس كفهاا حنكوو.. وبنفس صبع داك اليد لي فكساتها تما بلا ماتحركها بقات كتدوز صبعها لكبير على حاجبوز.. حتى كتوصل لاخروو وكتعاود من جديد.. سااهية بعينيها.. كتدوزهم على كل بلاصة فوجهوو.. فحالا كتحفض ملامحوو ولا كتزيد تتأكد منهم ومن أنهم بصح حداهاا.. عقلها وكيانها كاامل سارح فكفااش ملامح شرقية عاادية.. لا خشنة نييت.. بسيطة قدراات تستحودها وتأسرها.. كيفاش هاد الشهورة لقلاال لي دوزوو مع بعضيااهم قدراات تبدل نظرتها ورأيها فييه.. هبطاات صبيعاتها مع شعرااات وجهوو الشديدة السوااد مبتاسمة.. كتفكر مواقفها معااه من أول نهاار.. تنويضة لي نوضووها.. نهار تعكلات قداموو بصندالة منصف.. نهار مالقاتش ليون والسيبر مارشي.. نهار خوات عليه الموناضاا.. العرس.. تقدية لي تقدااو شحال من مرة وطيبوو.. الفيلم.. لبلاي.. نهار عرفات حقيقتوو.. لعييد.. لسفرهم واعترااافو.. اعترااافو وكلماتوو لي كل مرة كتتردد على مسامعها كأنوو باقي كيگوول فيهم لدابااا.. مفاجأتوو.. شهامتو.. معاملتوو.. 😻 كي لحلم قداامها.. كيفصلووه عليها سونتيماات ونوومتوو.. 

زاادت وسااعت ابتسامتها وهي كتقرب لوجهوو باش تنشر قبلاات متابعة باااش تفيقوو.. 

حل عويناتوو لقهويين لي كانو معلكين وخا كان فااق مني ناضت المرة لولة غير بقى على حالوو ساادهم مستمتع بيدييها لي كتدووز على وجهوو.. ضحك كيشووف فيها بنص عيين وجرها لحضنوو بيدييه بجووج وخشا راسوو فعنقاا بلا مايگعدوو.. بادلاتوو العنااق بيدهاا لمحررة كتضحك عليه بشر مني نوضاتوو ماعيقااش بقضية نعاسوو لخفييف.. 

غاشوية وتقااد فووق لمخدة جاارها معااه دارت على جنبها تقاداات.. وجهوو مقاابل مع وجهها..

أنير (شااف فيها بعينين بزز باش محلولين ونطق بصوت غلض من المعتااد بااينة فيه البحة دالنعااس وزايدة فيه نغزة دلحروشة): صباح الخير أعْمْرِي.. 

فيوونا (كتحاول تكتم فيضاان احاسيسها وتخبيهم مور ضحيكتهاا): صَبَاحوو.. 

أنير: داحستك فالنعسة؟ (زاحمتك)

فيونا: نوو..

أنير (كيبعد ليها الزغيبات لي على وجهها): رتاحيتي شوية؟

فيونا (كتشوف فعينيه وفضمتو ليها حاطة يديها على صدروو): eap.. 

أنير (على قد ما كتتبعت منو رجولة كيتلمس الحنان فعينيه من خلال نظراتوو): صاحا.. (قرب يدها عندو وباسها) وااه وگوليلي.. 

فيونا (كتتسنى شغيجبد أهياناري): همم..

أنير: شتا قلقك نهار الكومبا؟ گالك شي واحد شي حاجة ولا؟ 

فيونا (دورات عينيها بلاصتهم باحراج.. ماعرفات باش تجاوبوو): ...

أنير (غمزها وحرك راسوو): وشتا تماا؟

فيونا (هربااات عينيها كتشووف فيدها لي كتلعب فتريكووه متفادياا عينييه): واالوو.. 

أنير (بطراف صباعوو على ليها راسها من دقنها): شفتي شي حاجة ماعجباتكش؟ (بقاات حادرا عويناتهاا وهو كيدوز طرف صبعوو على دقنها كيتسناها تجاوبو) گوليلي.. 

فيونا (تنهداات): غير واحد لجيسط ماعجبنيش وصاافي.. 

أنير (مسايس معاهاا): راني نسمع.. 

فيونا (وقابلات نظراتها معاه عاقدة حجبانها بلا ماتحس جامعة فمها بحركة دالدراري الصغار): nothing.. غير فاش كملتي الماتش.. كونا نازلين عندك.. وحتى دزنا داك الزحام ووصلنا ليك.. جراتك ريم.. لي بقى فيا هو جاراك وهي كتشوفني مادا يدي باش دوور عندن..

هي كتهضر وهو متبع كل حركة كدير.. كل جيسط.. كل تعبير كيبان على ملامحها وهي كتعاود ليه.. كيشووفها بالسلوو موشن ووخا كيسمعها تركيزوو مع برائتها سلبوو كثر.. كاانت كتوصلوو الصورة كثر من الصوت.. والكياتة كثر من أي حااجة خرى.. مع أخر كلمات گالت ومع مجمعيين بهمس لا يفيقوو لخرين ركز فشفايفها وقرب بلا سابق اندار ملتاهم بحنااان..

مسكتها ومقااطع هضرتهاا.. حااط يدوو على عنقهاا وجارها عندوو.. ومع قنينفاتها كانو كيتحركوو بالهضرة جاتو ساهلة يعكسهم مع ديااولو بعد ما ميل راسوو فرمشة عين..

أما هي بالحرقة لي كانت كتنطق بيها وهي كتتفكر شنو طرى محاولة توصليه شنو طرى بموضوعية رغم شضايا الغييرة لي باقين ملاحقينها لحد الان.. جاوها شفايفوو السخان لي لامسووها كي القدر المستعجل.. زااد خفقاان قلبها.. وتباطء تنفسها فاش تخالطوو أنفاسهم.. ماحساات براسها حتى بادلاتوو قبلتوو من كل قلبها.. فرااشات بطنها كيتراقصوو وهي كتحس بملمس شفااه الناعمة وحروشية موسطااشو لي كيدگها.. 

حطاات كفها على معصم يدوو اي على عنقها.. دايبيين فقربهم لي كيقطع الأنفااس.. تنهد وهو على وضعوو عاد بعد عليها بشوية سامح ليها ترد النفس.. كيتأمل حشمتها الوااضحة وضووح السماا.. 

أنيير (بتاسم): غرتي الشعيبية غرتي غرتي ههه 😂

فيونا (جمعاات فمها حابسة الضحة وضرباتو لكرشوو بمزح)

أنير (قبل مايهضر قاطعو صوت البااب): ... (هز راسو جيهة الشرجم وعاود شاف فيها) ريضي نشوف شكون مصبح علينا.. 

فيوونا: okeey.. 

جا يتخطااها بجسموو مدوزوو فوقهاا مبعد باش مايتقلش عليهاا.. وحتى كان حط ركبتو من الجبهة لخرى باش ينوض ورجع تحنى تكى عليها ساارق بووساات خرين من فمها.. حتى سمع الدقاان تاني عااد وقف كيضكك علييها بشر.. مخليها مورااه شادة صدرها وسخفاانة.. كتترعد بالبغوو لمشتت ومن تأثيروو عليها كل ماقرب ولا حط يدوو عليها.. 

هبط لتحت دغياا.. حل على بشرى لي سمع صووتها كتعيط عليهم فااش وصل لسفلي.. باس ليها راسها وخلى ليها المجاال تدخل عااد تبعهاا كيتكسل ويتجبد من وراهاا.. 

بشرى (كتنگر): صبااح الخير.. وين راهم دووك السلاگط لي مخليني بايتة نتگلب نستنى فيهم؟

أنير (خشى يدو فجيبو حابس الضحكة): لفوگ.. راهم عاد ناعسين.. 

بشرى (طلقات ليون): مزيااااان تبارك الله.. (تماات طالعة) 

أنير (هزوو وتبعهاا كيدوز يدييه علييه ويهضر معاهاا): وشتاا أصاحبي؟ ماتوحشتْنااش؟

بشرى (حتى وصلات نص الدروج عاد تفكراات ودارت عندو): مبرووك عليك اولدي.. كي راهم الضرابي لي فوجهم؟

أنير (هز فيها راسوو): شوية.. رااهم يمشيو مع الوقت.. 

بشرى (كملات طلوعها): على سلامتك.. 

أنير: يسلمك.. 

بشرى (دخلات عليهم كي لعجاجة لقاتهم مشروطين كي دوك البايتين فمخيمات تيندوف): واااااااه.. نعسوو نتوما لي راها جاياا معاكم.. (تمات غادية عند فيونا لي قفزات وكان غيطيح الطيل لي كتخربق فيه من يديهاا) ونتي يا الزوااق.. راه عاجبك لحاال بايتة ليا وسط لعزاراا؟ والله ايما راكي تّحشمي 😡

فيوونا (قفزات من بلاصتها واگفة): ااااهياناااري.. قفاارت.. (كتبعد لطرف) بلاتي غا نشرح ليك 🤭

بشرى (تحناات هزات صندالتها وغدا ليها): وشتا تشرحيلي ها؟ وشتا تشرحيلي؟ ماگداتش السيبة لي سبتي هاد يوماين زايدة حتى ليلة البارح؟ 

فيونا (تفروحات بالضحك باغا غا تجمع الضحكة تجاوبها ماقادااش): ههههه وا.. هههههههه تي ههههه وارااه مارااه الجحش دولدگ هو لي گاليا غا نياتو حتال الصبااح مالي أنااا؟ 😹😹😹

بشرى: واااه نيشااان رااه شحش نيت وخاصو غا البردعة راه يخليك تسافري وحدك.. هودي هوودي لهنا 😠

فيونا (من فووق الحاشية دالفطوووي): هههههههه ويييع هههههه وااا سيدوو سيدو ماشي منصف 🤣🤣🤣 باغا تسيفطيني هههه

بشرى: هضرتي مع بااك؟ 

فيونا (كتتبوحط عليها): هضااااارت.. فااش نزلت من الطيارة عيط لياا.. وگاال ليا happy birthday گااع.. كيت شي نااس ناسيني 😒 

بشرى: راك تلفي عالقبلة بفعايلك يا الجنية.. هودي لهنا.. 

فيونا: حتى تحطي الصندالة.. ههه

بشرى: ماتخافيش.. 

فيونا: لا تيقا فعتيقة 😹

بشرى (هزاات الصندالة جيهتها كتتحلف): والله ياخلى دار مك.. 

فيونا (عرفات الطرح غيحما وعارفاها مجنوونة غتصدق مشيرة بيها عليها.. هبطات عندها دغيا): ههههههه

بشرى (نزلات يديها لي فيها الصندالة وعنقااتها)

فيونا (دورات عليها يديها كتستمد منها داك الحنان اللأمومي): أححح.. الحب نتي

بشرى: فين راه داك المسخووط لاخر؟ الله يتبعكم لبلى.. 

فيونا: ماتدعيش 😹😹😹

سيدوو (كان گالس مقابل مع ريم وسفيان مدهشرين ماعارفين باش تبلاو ولا شنو سلط عليهم الله): وشتاا؟ مالو سيدي محمد عاود؟ وشتا داار؟ 

بشرى: لا والو.. غير مبيت ليا البنت وسط تلاتة دالرجال.. شتا دْرْت؟

فيونا (تسلتاات من حداهاا لعند أنيير خداات من يدوو ليوون بلهفة كاتمة ضحكها على شكل سيدوو لي رجل وحدة من سروالو طاالعة ومشعكك): هههه 🤭

سيدوو: مبيتين وسطنا الأميرة ديانا؟ شكون حداها (قاسها) هاهي ريم حتى هي هنا.. كليناهم؟ 

بشرى (دارت بالزربة شاهقة كتقلب عليها مارداتش ليها الباال فاش دخلات): هيييييه 😱

ريم (كتحاول تنقد الموقف وخا عارفاها جلاخة): واه أخالتي.. أني هنا.. ماتخافيش..

بشرى (مشات ليها بالصندالة شاتفة على سفيان مسكين كأنو ماكاينش دقة فيها دقة فالفطووي غير بشوية): وراااكي تگوليها ونتي فرحااانة يا بنت الهم.. 

فيونا (الوقت لي بشرى مشغولة كتخاصم على لخرين كانت كتعنق وتبووس فليوون لي كيصدر أصواات وكيتمخشش ويتحكك علييها.. كيحط عليها يدييه معبر على شتياقوو ليها سبحان الله): توحشتي مامي الكبيدة؟ الله على ريحة الله 😽 تهلاات فيك بشرى؟ الله على لقليب ضعااف ليا 😞 

أنير (دور عينييه فلي قداامو باش مايعيقش قدام بشرى حشومة أما حتى لكيادر ماعندو غرض فيهم.. ودوز يدوو على خصرها شدها من جنبها وجرها عندوو شوية شادااه الغيرة من ليوون وهكاك وتحنى عندوو قدام وجهها كيسول فيه): توحْشْتْ غي ماما؟ وبابا لا؟ 

فيوناا (بتاسماات فاهماا معنى هضرتوو وعلايااش كيمعني وضحكااتها حتى ردة فعل ليوون لي هز يدوو وبداا يدفع فييه كيبعد وجهوو عليهم) 

أنير (تگعد كيضحك عليه ويحك فلحيو بيدو لخرى غير لي شادها بيها) 

بشرى (بنفااد صبر مع رييم): لا لا نتوما خاصني معاكم الصمطة هاد الزمرة ماتگدنييش (شافت فيدها ولاحتها) نوضي نوضي گدامي حتى نتي.. 

أنير & فيونا (قفزهم صووت الصندالة لي تخبطاات)

ناضت ريم كدور فعينيها فيهم كتتسنى يعتقها شي حد من يديها وخا عارفاهم لا حول لهم ولا قوة قداامها.. زيداتها هي ولخرى ومشها لي هاازة.. غادة وتنگر على سمحمد بااش مايتعطلش علييهم.. ملصقى فييه السخرة والمشية حتال لپاتيسري.. 

ريم (كتوشوش لفدوى بعد ماوقفو قدام لباب كيتسناوها تحل): خلات علينا تاني.. 

فيونا (بصوت مسموع حتال بشرى): فيلم رعب نتي ماشي الميمة ههههه 

بشرى (حبسات الحركة ودارت خنزرات فيها): 😠

مصطفى (كان لتحت سمع السارووت وهو يكمل حلان البال)

فيونا (حولات نضرها علييه وحلات يديها غادية عندوو ضحكتها واصلة هي وصوتها لفيين): صااااطوووووووووف 😻

مصطفى (عنقها): القطة ههه

فيونا (بعداات وجهها شوية باش تشوفوو مزيان وشدات ليه وجهوو نازلة عليه بوساان فحنكو.. تبووس وتهضر): توحشتك.. توحشتك.. توحشتك.. 

بشرى (كتعوج فمها لهنا ولهيه): ماتخليوناش نفوتو؟ نگعدو فلباب حنا؟ 🙄😒

فيونا (تفرگاات ضحك.. عنقاتو جنب ودارت عندها مطلعاها عليها): مغيااااااارة والى گااالو مغياااراا تا تراااا 

بشرى (حيداتهم ودازت نافخة ريشها): أنا بعدا عندي علاش نغيير 😌

ريم وفيونا (دقة وحدة): حافظة الشعيبية حافضة 🤣

طلعوو لقاوهاا موجدة ليهم طبلة لفطوور.. بقااو مجمعيين كيعاودو لمصطفى فين مشااو وشنو شاافو ومعامن طلاقاااو وكي دااز داكشي.. على شحاال عاد تم طالع سيدوو جار معااه سفياان بزز أما حتى أنير گالو ليهم بلي عندو شي غرااض ومشى يقضييه.. 

داز داك الصبااح فالضحك والتعاوييد ومن مور ماعطااوهم شنو جابوو ليهم معاهم من الصحرى فرتكوو الجقلة وكل واحد فين صد.. لي دوش دوش ولي كمل نعاسوو كملوو ولي موراه شي شغل غبر فييه.. وبقى الحال على ماهو علييه.. هادي حتى تعاشاات لعشية..

فاتوو گرسييف بشحااااال ودايزيين على تاورييرت.. على نغمااات ما اقدرش على بعد حبييبي دأم كلثوووم.. شاابك يدها مع يدوو لي حاط فووق الڤيطييس وكيصووگ مرتااح.. مرة مرة يهزها لعند فموو يبووسها ويكمل..

قداام نظرااتها المليئة بالراحة والاطمئنان.. مرة يغنييو مع الموسيقى مرة يجبدو شي حاجة يشبعو عليها ضحك.. مقشبين وخالقينها.. ماحسو گااع بديك ربعة السواايع لي بين افراان ووجدة.. حتى لقااو راسهم داخليين فحاالهم.. 

فطريقهم لداار دازوو لباتيسري خدااو معااهم گاطوو لي كانو ديجاا عيطوو دوموندااو عليه وشي تخربيق وزاادو..

حتى بقى ليه جوج شانطياات وهز تيليفونوو كيدوز فنمرتها.. 

كانت يالله ناضت من النعااس.. من الصبااح فاش فطراات وطلعاات دوشاات مخلية لبشرى تفك ليها شنطتهاا.. طااحت دوودة مافيقها غا الجووع لي جاهاا.. ماجاات فيت تغسل وجهها وتنزل عندهم لتحت عيط ليها منصف باش تتلقى ليه عند البااب.. 

هبطاات كتجري فرحاانة.. باغا غا امتى تشوفوو.. ونيت غير خرجاات بدقاايق وقفاات الطموبيل قداام الريسطوو..

جر منها الكونطااك ونزل عندها كيضحك سنيناتو لبيضيين كيبانوو وسط لعيتوو لمخلطة بين لگري ولبيض.. مخبي عينيه لخضرين تحت نظادر دالشمس.. 

تسنااتو فوق الدرجة حتى قرب عندها وهزها معلق فييه ومعنقااه على جهدهاا.. ماشي قل منوو هو لي مابقااش بغا يبعد عليهاا.. يشم فريحتها ويعااود ويبووس ليها فكتفهاا وراسهاا.. توحشها وتوحش شرهاا.. كبيدتو الصغييرة.. قطعة روحوو لي أول مرة تبعد علييه.. حطها كيتفحص وجهها وشكلها لايكونو ماتهلاوش ليه فيها ولا قاستها ليه شي حااجة قبل ما يبوسها بااجغ حنيكاااتها من حر شوقوو.. ومعنكشهاا.. عاد جرها لتحت دراعوو وهضر..

منصف: توحشتك البجغوطة.. 

فيونا (هزات راسها كطل عليه بنص عين): أنا گلت برد عليك راسك شوية.. 

منصف: ههههه لا لا برودية الراس كضرني.. (دور وجهو لقاها مورااه هازة الكارطونة والصاك دالتخربيق لي مع الحلوة خفيف فيدها) وبسلامتها زينب داارت حقك..

فيونا (عوجات فمها.. طلات من مور باباها سلمات عليها وهي شادة فييه سلام ناقص وجراتو وهو معنقها): زيد قبل ماتنزل بشرى تكمل فيك داكشي لي بداات الصبااح ههه

منصف (حبس حتى هز على مرتوو وتمشى مع بنتو سابقينها): مالها اش وقع؟ ههه

فيونا (هازا راسها لفووق لايحة تقلها على يديه لي مدوز على عنقها): هههههه فاش وصلنا ماخلاناش أنير نبرزطزهم وبتنا فدار مجموعيين هههه ماجا فين يصبااح الحال حتى لقيناها عند راسنا دخلات فينا طوول وعرض ههه دارت لينا الشوهة 😹🤣

منصف: ههههه الوليدة زعما ههه بزااف

فيونا: هههه بجهد گااع.. 

بشرى (لقااوها كتتسناهم عند الدروج كتتسنط عليهم): راكي تشكيني ليه ويااك 🙄

فيونا: ها منتيف اخر هههههه 

منصف (بهمس بينو وبينها): تلگاي هههه (باس لمو راسها وعنقها بلا مايطلق فيونا) لميمة 💚 لباااس عليك..

سيدوو (تم طاالع من ورااهم كيتسمع حس خطوااتو.. هااز بوكي كبييير فيدييه كحل گاعما كيباان شنو فيه)

فيونا (عارفة بلي ليها داكشي وضاربة الطم وساكتة تحت شعار عزة نفسي وكرامتي قبل كل شيء)

بشرى (لي فيها مامهنيها): وشتا داكشي؟ ورد؟ 

سيدو: هههه دروك هادي وجهها وجه الورد 😏

فيونا (حبساات راسها باش ماتعايرووش وتحرمها على راسها): عمرك ديرها كاملة يا ولد عمي 😆

سيدو (مدوو فيديها): گبضي ماحدو حامي 😌 (شدي ماحدو سخون)

فيونا (تحلو عينيها وودنيها وجنابها مع الجووع وخا كانت عاطية الريحة مابانتش مع ريحة الريسطو لي كتطلع.. كيبان ليها همبرگر.. كوكاا.. لفرييت.. نوگييط مهم مخلط داكشي): أييي 😻نووااااي (قربات عندوو هازاا دراع وحدة ولاوية لخرى على البوكي) أجي نعنقك أولد العم أجي.. (عنقاتو عناق أخوي ببرائة قدامهم وهوما كيضحكو عليها) الله يكثر من مثالك هههه

تسلتاات دخلات حدى مصطفى لصالة كتخشي فوجهها عااد تبعوهاا منصف وبشرى وزينب لي مشات حطاات لگاطو فالثلاجة.. صبروو حتى كملات وسلات على خاطرها عااد جابووه فوق الطبلة هو واللعيباات والعصير.. شعلوو ليها الشميعاات حتى طفااتهم بلغواات والصدااع والرويينة.. رونووها.. كانو كلهم موحشيين هاد الضساارة والحيحة لي كتخلق ليهم الحريكة فالداار. ماسالاااو حتى ظلاام الحاال وناضوو يصليو لعشا كيما ناضوو للمغرب.. 

صطووف وبشرى كانو عطاوها كدوااتهم فاش جات.. جابليها صطووف هو لول مخيدة على شكل وجه ليوون كبييرة شوية.. وبشرى خدات وحدة من السناسل لي بقات ليها من جداها هي ديال الدهب ونقصات ليها منها حتى ولات قصيرة بزاف على حد العنق وعلى الستيل لي كتلبس..

يتبع ...