بزز وقف قدام الداار وتنهدااات وخرجات مهدودة صحتها فاشلة عليهاا كتافها طايحيين وعينيها داابليين بلمرض وبلبكاا كون يحساب ليها هدشي واقع كانت غتشد فكلامها ومتمشيش ويني لي وقع وقع داباا داز من قدامها تهوى بلا ميهدر فقرارت نفسوو كان مرجع ليها كلشيي هيا لي غاالطة مكتحتارمووش ومكديرش لييه اعتباار
حل لباب تاع الداار وشعل الضو دخل لصالوون وحط الصااك وكلس كيحيد فسباطوو اما سلمى دخلات نيشاان لبييت كلسات فوق سرير مقابلة مع لمراية تاع لمااريوو كتشووف فوجهاا وكتنهد تحل لباب او وقف متكي على لحاشية كيشووفيها عاطياه بضهر
غالي-عجبك هدشي فااش ولينااا اسلمى واش عجبك
سلمى(شافت فيه فلمرااية بنضرة انكسااار خيبة امل تراكمات لهضرة فحلقهاا ومعرفاات متسبق وقفاات حلات لماريوو هزات بيجامتهاا تنعااس ودازت من حداه غادية لحمام او وقفاات شافت فييه )نهار تعلم تبغينيي كيفما انااا وكيف لقيتييني نهار اللول ديك السااع غنتفاهموو كتر
غالي-كلمة جات نتيي بغينيي كيف ما اناااا واش عند باالك بليي نتي بهاكاا قديتيي حاجة ولاا شنووو راه انا لي غنتحااسب علييك غدا قداام الله ماشي نتي
حركات لييه راسها بلاا وعينيها على براا دوز لسانو على شفايفو وتنهد مكمل طريقوو لداار سبقاتوو تطلع حل لباب ودخلاات ساكتة كلسات تاتحيد فليبووط ديالهااا وهوا وااقف عند لباب حاضيهاا حط سواارت وقرب كلس جنبهاا ولاح ايدوو وراهاا شادها من كتفهاا
غالي-غتبقاااي هاكا اسلمى
سلمى-مفياا لي يهدر اغاليي
غالي(كيشوف فيهاا وكيرمش )على الاقل غير شوفي فياا كابسط حاجة كتشوفينيي غير انا لي غاالط فهادشيي لي وقع (سكت شوي وكمل)سلمى حبيبة انا راه مباغييش بحال هد لمشاكييل بيناتنااا مي لجاااو مديريينيش بحال الى مكاااينش ونهضر معاك وتعطيني بضهرك ولغوات من لفوووق الى قلت شي حاجة راه غير لمصلااحتك
سلمى(حركات راسهاا)اااه عرفت مصلاحتيي هياا تقول فييا مك لي بغاات ونتااا سااكت بحال الى كتقوول ليهاا زيدييهااا سمحلييا ولكن عمريي ضنيتهاا فييك
نجوى-والله معرفت منقوولييك اسلمى غاليي كيف مكان لحال هادوك راه داارهم ولي تزوج راه خووه تصيبي طلع لييه الدم حييت محضرش لييه ولا شي حاجة وعلى الزييف حناا عارفيين غاليي مكرهكش ديريه ليوم غدا حييت عارفينو كي داااير وشووفي غير هوا اصااحبتي مكيسلم على حتى وحدة ويجي تالمرااتوو ويخليها معرية شعر راه داير ليكك لخاطر وبزااف ومحدك مدرتيهش عوليي على بحال هد النقاشاات فكل مرة تزلل علييك شي حد
سلمى-قلت لييه عطينيي وقت غنديروو الراسي ميجبرنيي على تحااجة اشنوو فيهاا تنكون مرتاحة لييه كتر
نجوى-وصاافي برديي اصاحبتيي عطيتي لموضووع كتر من قيمتو ماشي دياالك الى غلط فهااديي فكري فشحال من حاجة دارها معاك بيناتو هواا الرااجل فعينييك شوفيي هي صبااح مداابزيين وفااق ومشااا جاب لييك التحاليل وداك لطبييبة ونتيي معفرة علييه كون شي حد اخر مكيبغييكش كاان غيصببح معفر علييك ولهلا يقلب ليك ولاا لصحتك هاديييك راه تاتبقااا موو اسلمى تصوري معاياا نتيي مهديي يتزوج وخة قلنا غي لينفرض حييت هداك اخرتوو يتوز على ستيين ههه اينييوويي تزوج وقالييك غالي نوو متمشيشش غنمشييو نهار لعرس ونرجعو فنهارهاا واش مغيبقاش فيك لحاال
سلمى-غيبقا فيااا مي متنساايش دارنا عمر كلمت لعييب سمعهااا منهم ولكن دارهم راه مخلاو فياا هي لي نساااو
نجوى-رااه خااصم ختو على قبلك وقطع معاها تالهدررة هدشي ميقدرش يديروو مع موو حيت عارفيين غالي دروويش وزييد عليهاا حنيين بجهد شوفي هي نتيي ملي كتوقع ليك شي حاجة كي تيوليي عسااك يقطع لهدرة مع موو اصااحبتيي (مسحات ليها دموعهااا)متبقاايش معصبة راسك على والووو دابا تصالحو وترجعو تانيي سمن على عسل غيير مستريسية مع لمرض وصااافيي
سلمى(نوضات لمشة من فوق ركبتهاا وجبدات بواطة مربعة ومغلفة وتقييلة تبسمات فور مشاافت لبوواطة فلكحل ومكتوبة بدهبي حلاتها ولقاات تلاتا ديال لقراعيي تاع الرييحة وحدة ديال لجسم والتانية ديال شعر والتالتة باغفاان شافت فييه كيتسنا ردة فعلهاا وتبسماات لييه )شكرااا
غالي(عوج راسو فيهاا)هادو لي كنتي بغييتيي
سلمى-ممم شكرااا
غالي-صافيي شكراا هاكاا حرفية
سلمى(تبسمات وقرباات بااستوو جنب فموو فحين هوا قرب جيهتها لايح ايدو ورااه ودار رجل على رجل وهاز وحدة من لي بارفاان كيشم فييهم وهيا كتوريه كل وحدة لايااش كتصلااح
غالي-هدشي عندكم فييه بزاااف حنى ريحة وحدة قاضية لغرااض
غالي(هز لبالييزة وطفا الضو فلبييت وشدها من ايدهااا)يالله الزيين
شدوو طرييق مرااكش ناشطيين وداير ليها لخطر فووق السلك شاد ايدها لي بردوو وكيهدر معاها على لجوو وكيخليها تطلق شوي
سلمى-شحال من مرة جيت لمراكش كيعجبنيي زوين
غالي-ولكن اول مرة تجي لييه معايا هه حسبيها اول مرة تجي لييه هههه
سلمى-ههه غنباتو فييه
غالي-ضروريي مغنوصلووش بكريي (حط ايدو فوق فخضها مداعبهاا وهيا ساكتة مرة تهدر معاه مرة تصور لجو ليي تماا حتى سكت ليها تيليفونها
سلمى-فين تيليفوونك(شافتو)هاهوا صافييي
هزاتو تلف بيه لوقت حلات لكونيكسييون ودخلات ليوتووب ودارت لكييت يالله بغات دي روشيرش طلعو فيديوات تاع احمد ديدات ومجموعة من المحاضراات الدينيية بقات نازلة بيينهم تشافت محاضرة على الحجااب والسترة دارت لكييت وطلقاتوو كتسنط شافها سقلات ودور راسوو جيهتهااا وهبط عينو لتيلي لقاا شي محاضرة ولكن معرفش علايااش كتهدر لمهييم مامشاتش لغنااا خلاها على رااحتهاا وكمل طرييقوهيا مركز معا لفيديو ت سالاا وحطاتوو
تغداو فطرييق وكملو لمرااكش دخلو مع وقييت لغرووب مع كيوقفو بزاف فطرييق كل مرة اش بغات تصور حطو الطموبييل فلباارك ونزلوو كيتمشاو وكل مرة دور تشوف شي حاجة تجرها من ايدها وشابكهم وقاللصقيي حدايا ليشفرك لياا
سلمى-ههه ماليي صغيورة
غالي-فعيني انا باقة صغييورة المشة اجيي هنااا
لاح ايدو على كتفهاا وغادين كيتمشااو فشوارع مراكش لمكتضة فلمااطر بدا كيضلام لحال عاد وقفو فجاامع لفناا عامرر بالنااس ودخاخن ورووايح مخلطة وقفوو خدا ليها لعصيير شربااتو وكلموو طريقهم كل مرة يصورهاا فقنت ولحال باارد كل مرة تصور لييه مع حنش ولا قرد وهوا كيضحك عليهااا كل مرة تجرو لجييهة دخلو بين النااس ولمحلاات كتورييه شي حوايج خداتهم منهناا ومنين حتى جاهم جووع مشاو كلسوو فجمع لفنا وخدا ليها طنجية على حقها وطريقهاا دخلات فيها طول وعرض
غالي-ههه ابشوية علييك واش هد دوى دار لييك جووع
سلمى-هههه راه قهرنيي لبرد وجووع ولكن بنيين(هزات لحيمة رطبة من حداها ومداتها لييه لفموو شدها من عندهاا)رطب ههه
غالي-بصحتك
تبسمات ليه ورجعات تاتكل بشهيية عاد وقفوو وكملوو على دورانهمم تعيااو ومشااو لطموبييل
سلمى-غتاخد اوطييل
غالي-غير نهار بلا منكرييو غناخد غير اوطييل يكون مزيان وصاافيي
وداكشي لي كان مشاا خدااا شومبر فاوطيل متوسط ونقيي وطلعو الشاانطة دخلو لبييت لي كا نقيي وصغيير ومفرش فلبييض تلاحت سلمى على ضهرها شادة كرشهاا-اوووف كلييت تاتنفخت بزاااف
ناض يصليي وهيا مشات توضى لبسات عبيااتهاا ومشات تصلي لي فااتهااا وخرجات لبالكوون كيضرب فيهاا لبرد وقاالو هوى تمرااكش يسلام راه مكدبووش كيفااجيي بحال ماالييه تالحق عليها غالي وتحنا على لحديدات كيضرب فيهم لهوى وحاضين لي غادي ولي جاااي وكل مرة دور ليه وجهو يشووف شي حد
كتلعب فزغيباات على صدرو وكدوز صبعهاا علييه وحاسة فمها كيوزوز وطااايب بقاوو الليل كلوو ساهريين بين لكلام المعسوول والحب تدوشوو وصلااو لفجر عاد جبدوو عليهااا
تنتهي كل الصرعات على قبلة تم حضن تم عناااق لااخر العمر''
فاقت هيا اللولة من بعد معااشتوو من الحب مايكفي باش يخليهم يصبحو مهدوديين وداتها كلها كضرهاا بعدات على حضنو شوي وتقادات فوق مخدتها كتشووفييه نااعس وملامح وجهوو هاادئة كيف ديماا ضحكات ملي شاافت طبيعة فعنقو وشدات فمهااا كتولول بدات كتحط صباعها على شفااروو وكتجرهم لييه تقلباات على صدرهاا وبدات كتلعب فوجهوو وهواا فااق مع اللمسة الاولى وخلاها كتخربق
كتمشط لحيتو بايدهاا وكتسد ليه نيوفوو وتحل ليه عينييه تاتقلب على جنبوو ولااح رجلوو عليها
تبسمات لييه ودارت لمرااية وهوا موراهاا دارت منوو شوية خبا ليهاا زرووقية لتحت ومسحات شوي من لفووق بين شفايفه عامريين عاد خرجات لبسات مونطووها وجمعات روينتهاا لي فلبييت
جمعو لبالييزة وخرجوو تانيي جابوو دورة فمرااكش شرفيية فطروو فيهااا وشدو طرييق ل ازيلال لشلالات لاوزوود لي كتكون ولا اروع فلبررد كل مرة يوقفوو فطرييق وجباال الاطلس قبالتهم مكسية بتلج
سلمى-واو التلج كيبان منهنااا
غالي-هههه يكما نطلعك تمااا
سلمى-حلف وااعرة والله اشنو هديك لبلاصة
غالي(ضحك تيشووف فيها)تاصميط سمييقليي ههههه باغة تكونجلااي الفنون
سلمى-عفااااك والله تزوييين تيباان
غالي-صعييبة علييك احبيبة تماا راه جبال هادووك خاصك السووفل ولكن ديك لبلاصة لي ديتك ليهاا فلفجر عقلتي يراه تهيااا تماا لبغيتي نديك ليهاا ملي نكونو غادين لافران لمهييم هاحنا غادين ونشوووفو
وصلوو لازيلال لقااو شتاا طايحة ولارض جاية بلماا من جبل ولكلااااص كتر من مرااكش وصلوو لاوزود لي واخة لبرد كانت عامرة شوية تغوتات سلمىى وكتشيير لفووق شجيراات وقالت-غالي قرد قرد والله تشفتوو
غالي-ههههه خلعيتييني يسحاب لييا غير شي غوريلاا ههه
ضحك وحل لمونطو دياالوو وضورات عليا ايدها من تحت لمونطو كتحكهم مع ضهروو وكتفيبريي خداو تصااور تانيي وستمتعوو بالشمش كتغرب وكتخلي بريقها فوق التلج هبطو ملي تحرك لبرد سابق هواا وشادة فييه لطييح مع لحجر تنزلوو بسلاام ومشاو لطموبييل كيحلوو فايديهم لي ولااو حمرين بلبررد
بقاو كالسين شحال فالطموبييل كيهدروو ويتباادلوو لقبلااات السااخنة فهاد لبرد هه تعياو ورجعو ادراجهم لمديينة تعشاوو تانيي على براا وخداو اوطيل يدوزو فيه ليلتهم اللتي لاا تخلوو من لعشق ولغراام والنوم فاحضان بعضهم ااامنين مطمنين
دازت تلتياام دوزو فيها لهباال ولحمااق كل مرة فيين مغديين وكل مرة فيين شادينهااا فينماكاان شي تلج ولا شيي شلال راه مشااو لييه دازو على اغبالة و اووشراح منابع الشلالاات او وصلوو لشلالات ام الربييع دوزو فيها نهارهمم وتغدااو واستمتع بالطبييعة وكملووهاا بافراان مدينة التلووج كروا داار صغيرة على قدهم دوزو فيهاا معضم الاياام لي بقاا لييهم كيضلو نهار كلوو خارجيين وكيجيو يباتو فيهااا
غالي(برتيااح)الله ايديي تشنجوو (هز ايدها حطاا على عنقوو)تهنااا
سلمى-غالييي بغيت ندوز لبيرمييي
غالي-نتي كتخافي غير لبغييت ندور فشي فيرااج بقا غير تشديي الطموبييل فاول شجرة غتكلبييناا
سلمى(ضرباتو لعنقوو )لعود لي تعمييه يحكرك حشوومة علييك لعطلة قرييبة وندوزوو فرمضان حسن
غالي-وخة ان شاء الله
سلمى –ههه حلف
غالي-هئ وتيقيي الى حلفت ومتقتييش ب ان شاء الله
سلمى(عوجات فمهاا)حيت تاتقولوها غير مليي كتبغيو تصدرو لواااحد
غالي(ضحك وعوااج عندهاا شدها من مؤخرتها وقلبهاا فوق رجلوو)ههههه مكاينة تيقة يااك اوى الحب دياليي يالله تداباا نسجلك عمري كدبت علييك
سلمى(هزات كتاافها بدلع)اوى منعرف ولكن قبل(تاتلعب بتيشوورت وكتلوويه على صبااعهاا)علمني بطموبييلتك باش منبقااش نخاااف حيت ملي كنشووف لحديد كنضهشر ونخااف نسقط فيه مع ديباار
غالي(تلااح اللور كيضحك )وااك واااك شكون بغا يسوووك هههههه (كالة بايدوو وشافيها متكيية على ركبتوو وهازة شناايفها بطفوولية)متقلقش لياا نواارتي ههه غدا ان شاااء الله انمشيي نجيب لييك وحد الطموبييل تاع التيليكوموند ههههه ديري فيها سطاااج توكااان
ناضت كضرب فييه وكضحك خلاها كتنهج وناض لدووش كب عليه لماا دافي باش يررتاح ورجع عندها لقاهااا بدلات وتكات كتسنااه تخرج تلااح حداهاا مسفح وتخشا فلفراش كضحك
بقاا كيضحك معاهااا حتى داتوو عينوو من لعيااا ونعسوو
دازوو اياام على رجووعهم رجعو لرووتينهم لعاد الدار لخدمة لمعهد الداار مرة فالسيمانة كيخرجوو يتلفوو لوقت ولا يمشيوو لربااط بدات الامتحانااات عند سلمى من جديد وبدات كتشطن معااههم نهار كلو يا اما كدوزوو فلمعهد ولاا وسط لكتووبة ضعااافت على لي كانت وحالتها راجعة اللور وهدشي لي كيخلي غالي كل مرة يتنااقش معاهاا تاتسمح فصحتها على ود لحفاااضة
دخل مع لحضااش تاع الليل من الصونتر لقا الضو شاعل فالصاللون طل عيهاا لقاهاا شادة لبيسي فوق ركبتهاا وتنهد وحط سوارت تشاافتوو وحيدات لكييت
سلمى-دغيا وصلات لحضاااش منتابهتش لساعة
غالي-كليتي شي حاجة بععدا ولا كيخليتك كي بقيتي (شاف سقااطة فوق الطبلة ومشا كيهدر)لاا حول الله غتسطينيي معاك اسلمى واش بغيتيي تاتسخفي فالمتحاانات تانيي
سلمى-ففف غاليي راه لعرارم تاع الامتحانت تابعينيي وزيد عليهاا عندي سطااج فشهر خمسة راه مبقا والوو شهر
شدها من فخااضهاا وكلسهاا فوقوو-مكاين لا مرة خرى لسيدي زكريي داباا غنعاودووهااا
سلمى-يالله دوشت اغاليي
غالي(قربها لييه كيبووس فعنقهااا وفكتاافهااا زرب عليها وبدا كيحل فلبينوار زارب عليها بلبووسان مامخليهاش فين تفنفن وهيا كل مرة تنين باش يحبس وتبداا تبعد فييه تكان حاكمهاا تحتوو وشاد ليهاا ايديهاا فوق راسها باييد ومتمكن من جسدهاا باشتياااق تخلاه مطبع شهوتوو واشتيااقو ليهاا مخلاهش يحس بليي لي تحتوو معايشاش معاه نفس الاحسااس مطولش معاهااا دغياا وقف من عليهاا كينهج
غالي-مالك اسلمى شنو عنددك
سلمى(رجعات لبساات لبينواار بزعفة)واش تيباان لييك فياا غير داكشييي
غالي(قندش)كيفاااش واش عارفة اش كتقولييي ولا لاا اش هد لافااصون باش وليتي تاتدوييي معاياا اسلمىى اااش
حركات ليه راسهاا باه وجرهاا تكاهاا على كتفوو بقاو شحال هكاك حتى صونا ليه تيليفونوو تعوج باش يجبدو من سروالوو ولقاا توفييق لي كيصونيي يالله فتح الخط هدر توفيق
توفيق-راه من صوتي تعرف الدنيا هانيااا غير بغييت نمشيي نخطب دييك خيتيي هههه نجوى
هزات راسها فييه حيت كان ديارو على لودن لي فوق رااسها وضحكااات ضحك ليها غالي وجبد ليهاا فمهااا وهوا كيهدر مع توفييق وقال-اوى اسيدي الله اكمل على خييير منردوهاش فوجهك وخة خدام بليل
توفي-نهار مدا مجاااب الله اعطييك شي حجة
غالي-ههههه امييين اميين
قطع معاااه ونزل رااسو لفمهااا باسها بحب منوو تقطعاتوو بضربة خفيفة على فموو –حنا فالزنقة ههه
هز راسو مبان لييه حد وضحك –كاين غير انا ونتيي ههههه اوى قول صاحبتك بغات تزوج تهيااا
نجوى-والله متنوووض تنطلق عليييك هواايشيي بل زلال لاخر
ناض من بعد مضربهااا وسيفطات عليه سبااطهااا تخرج خرجوو كلهم وهزات سلمى سعد لي نعس وخرجوو مشاوو لداار
اما غالي راه وصل لدااار معاجبو حاال مبقاش مولف بووحدوو بلا بيهااا دخل لبييت وتكااا هز تيليفونوو على اساس يلقا ميسااج واش وصلتي لقا غير ايدو ولبرد لاح التيليفون فووق سرير وضار كيحط فالسبااط باغي غير يطيح ينعس تاسمع صوت لميسااج ودار هزوو عاد تبسم ملي لقاها مسيفطة لييه
سلمى-غاليي عرفتك تقلقتيي منيي مي بغيتك تفهمنيي قبل هد لمشاكيل كنت تنمشي معاااك مكنتش كنعكس هادوك داركم ولكن انا راه مباغينيش ولمشييت غادي غير نمرض ونشد فخااطريي حيت منقدرش نجوبها حيت تاتبقى مك هادييك ضنك مباقيش طلب منيي بحال هكااا نقدر نمشيو نهار وترجع مي بااش نبقاا معاك تمااا راه منقدرش التيقااار حسسن محاملينيش وتانا مبقيتش بغييت نبزز على شي واحد يبغينيي سمحليااا بب وراه غنتوحشك
غالي-عاد وصلت ولفتك حدايااا الخااايبة جاتني الدار كبيييييرة وخاوية
بقاو شاديين لهدرة تالاشمن وققت ضااحكييين وعلى خييير وصل وقت لفجر صلااوه عاد كل واحد نعس فقنت
فاق غاليي فصبااح دوش وجمع روينة ميخليهااش وخرج صلا ليه جوج ركعات ولبس حوايجووو جمع صاك صغيير فيه حوايجوو ومستلزماتوو لبس صباطوو وخرج شد طريق لدارهم وفطر فطرييق عرفها مزال غتكون ناعسة داكشي لاش مفيقهاااش وصل مع لعشرة لدارهم محسوو بيه توقف ونزل حال ايدوو لنس لي جا تعلق فييه بجريي
غالي(هزو لفووق)اش هداا تقاليتي الحلوووف هاااا ههه
علال-شتك جيتيي غوحدك فين سلمى
غالي-فداارهم عمرها كلسات عندهم من لعرس وديتها لباارح
علال-لاوى مفيها باااس اولديي
دخلوو لدااار سلم على فاطمة يايدوو ونادية غير من بعييد ودخل لبييت جداااه لقاا تكلتوم متكيية غير شافتو وتكادات فلكلسة حط انس ونزل سلم عليهاا وبااس راسهاا وسلم على جداه تهيااا
سارة-مممم صبح رااسي ضاااارنيي ياختيي داير ليا الدوخة بزز باش نضت جا غاليي مجابش ديك خيتي معااه
فاطمة-لا مجاتش بقات فدارهم
مشاتت لصالون كتقاد فزيفهاا وكلساات من بعد مرمات السلام نااشف على غالي الاخير حرك ليها رااسو بلا ميهدر وكلتوم تاتنهد عليهم وتدعي فخاطرها على لي كان سباب
كلتوم-دازك راسك
سارة-مم شوية كبي لياا اتااي
''
عند سلمى الاخيرة يالله فاااقت مرتااحة وشاابعة نعاااس لبسات كلاكيطتهاا وخرجاات بسورفيت خفيفة تيشورت غوز قصير وسروالها كريي لاصق شوي مبين طايتهاا لقات خوتها كيفطروو معاا ديمنة لي خدات هد السيمانة وكتخدم فالدار باش تكلس مع بنتهاا
ديمنة-اوى الى بقاا ابنتيي كيجيي عندك ونتيي كتصديييه راه غتخلقوو بيناتكم فجواااات همااا صعيب تسدييهم من بعد غتبدل علاقتكم من احسن الاسوء الرااجل قدما كان تيبغييك راه ميصبرش عليييك ونتي معاه فنفس لبييت ولحمو كيتحاك مع لحمك كل ليلة ومتحركش شي حاجة فييه وميقيصكش
سلمى(تنهدات تاتفكرر فكلام مها لي لقااتو صح من اولو لاخروو هياا عاارفة طبع غالي كيف داااير واحد كان كينعس معاها كل ليلة جات فدقة بدات كتصدوو راه غترون علاقتهم)معرفتش شنو نديرر والله وسطااج مزال تاابعنيي
ديمنة-كلشي يتقااد فالنضاام ابنتيي وهااد الصد لي كديري ليي هراه ما فصالحك مافصالحوو كيفما لحب مهيم بيين جوج مزوجيين راه تالعلااقة بيناتكم كتقويي الراابط اما الى بداا الصد والرض غيوليي بروووود وغتولييو تهدروو كيلخووت تدييك حبيببة نوااارتيي كيف مسمييك هوااا مغتبقااااش علاااش حيت مبقاااش الدفئ ولاا لبرووود مبقااتش ديك الصلة لي كتربطكم من غير مزوجيين فلوراااق لاا غيير غتولي تجييه فشكل حتى ديك لكلمة ينطقهااا ليييك واش هدشي لي بغيتييي هممم متقوليش لياا لاا حقااا غالييي كيبغينيي سيي عارفينوو كيبغيييك ودايرك فعينييه ولكن ابنتي يراه لحب الى مسقيتيهش مكيكبرش واش فمتينيي اش بغيت نقووول
سلمى-فمهتك امااماا
ديمنة-اوى الى فهمتينيي ديريي بهدرتييي كيف قلتهااا بينك وبين رااجلك مكاااينش حشوومة وعيييب لي ضرااك قوليها ليييه مبقاتش عاجبااك لعلااقة كل نهااار لقاو حل وسسط عااادي جداااا عيااانة قولييه حبيبيي عيااانة من بعد ماشيي تنفريييه نتاا هدشي لي كتبغيي فيااا عاديي ابنتيي كتجي واحد لفترة فزواااج كتقوليي اااه كون غير بقيت فداارنا نفيق لوقت لي بغييت وندير لي بغيييت ونخرج معامن مبغيييت وتاحد ميقوليااا ديري هادي وهادي لااا ميي راااه زواج حاجة خرى فيه لكفة كطلع وكتهبط مرة تقوليي انا لي تزوجت مرة تقوليي يخ علاش تزوجت
سلمى-ههههه تانتي كنتي تاتقولييها
ديمنة-ههه انا راه كنت كنوضها سبااط انااا وبابااك حتى ولدتك او ولدت اميين ومزااال دقة فيااا دقة فيييه تاتعيااا خالتي تشووف وتقوول الله يستر ولكن ملي كنحطوو راسنا على لمخدة تنلقااو داكشي غير تخربييق وكنرجعوها ضحك ولكن علاااش حييت مكيدخل فيناا حد ومشاكلناا بجوج مكاينش طرف تااالت ماشي بحالك نتيي معضم النقااشاات على موو وعلى دارهم ونتيي خاصك تعرفيي تلعبيي باش تخلي غالي ديما فصفك الى درتي لعكس غيولي يخليك منك ليهم حيت تانتييي معاطيااهش حقووو باش يعطييك حقك وداباااا ابونتااا نوضييي تهلااي فراااسك ورتااااحيي باش ملي يجيي يلقااك الييز
عشقك جزائي الجزء 25
محتوى القصة
التنقل بين الأجزاء