صفحة قصة عشقك جزائي

عشقك جزائي الجزء 28 والأخير

من تأليف لبنى السرابي
2019

محتوى القصة

رواية عشقك جزائي

ناض لحمام خاطرو مقلووب رجع كلشيي ورااسوو داايخ بزز شاد رااسو باش ميطييحش يغييب تكاا على لحيط شاد تيليفونوو كلو كيترعد معرف لمن يصوونيي بقا غير كيشووف فالدار خااوية وعقلو كيقول لمتيي تاحد ميجييب خبااارك 
كابر على رااسو لاح تجاكيطة خفيفة على كتاافو حيت هازااه الرعدة ونزل دروج غير بلبانطوفة وسورفيت تاع الدار طلع طموبييلتو وسااك غير بشوية وطريق خاوية بليل وقف قدام لكلينييك كينهج من الالم مشا ليرجونص دغياا كيفحص فييه طبيب
-علااش خليتيي تاتزاد عليك لحال عاد جيتيي 
غالي(بزز كيهدر)ميسحابش ليا شي حاجة
-اوى اسيديي فاللول مكانت تحاجة مي حيت مداويتيهاش ولاات حاجة كبر عمرها ضراتك الزائدة الدوديية
غالي-فصغر 
-ممم اوى راه رجعات لييك داباا غير هواا خاصك دير اوبيغاصييون داباا 
غالي-منقدرش 
-مبقاتش فيهاا منقدرش ايغجوون اسيدي ولاا غتمشيي ينتاشر ليك داكشيي غنولييو فحوايج خرى لي ريسك على حيااتك شفتيي من حاجة بسيييطة كتكبر القضية ودااباا غنطلعووك لبلووك ولا غتولي مريسكي بحيااتك 
غالي(حرك ليه رااسو بااه داايخ مقادرش يهضرر خرج طبيب وتقااد هوا هاز تيليفونوو كيصونيي لتوفييق الاخير كانو جابديين عليها تقفزات نجوى بصوت التيليفون هزاتو ولقاات غالي وضاارت عند توفيق تاتفيق فييه 
توفيق(حل عينو وشاف الساعة ضاربة تلاتا ديال الليل ناض قاافز عرفها خبار لا تبشر بخيير )ويي غاليي ياك لبااس 
غالي(بزز كيخرج لهدر)توفييق ففف بغيتك تجي عندي فصبااح (سرط ريقو متالم)
توفيق(جمع لوقفة)يكماا درتي شي كسييدة مال صووتك هاني جااي داباا فينك نتاا
غالي-لاا مدرتهااش ولكن غندير واحد لاوبيراصييون داباا فف متقول والوو لسلمى 
توفيق-د ديالاش هد لعمليية 
غالي-مبقا عند جهد لهدرة اتوفييق فف 
قطع معااه وناضوو بجوج كيلبسوو فحوايجهم مشوشيين وقالت-نعلم سلمى ضروريي اتوفييق 
توفيق-سمعتيه كاليك لااا 
نجوى(حبساتو)صبر شويية تدوش اويلي تخرج هاكاا 
لقاه درتها بصح مشا دوش علييه بلخف في حيين هياا هزات تيليفونها وصونات لسلمى لي مجاوبات على شحاال 
سلمى-نجوى مالكي خلعتيني
نجوى-س لمى شوفي بلا متخلعييي يااك غاليي
سلمى(قفزات =)مااالوو اش واقع لييه دوي خلااص
نجوى-معرفتش ولكن عندو شي اوبيراصييون داباا عاد صونا لتوفيق هاهوا غادي عندو 
سلمى(بلبكاا)علاش مصوناش ليااا اش عندو هئ هئ خاصني نمشيي عندو انجوىى 
نجوى-او بابااك
سلمى(ناضت كتبكيي )قولي لتوفيق ميمشيش تنمشي معاااه عفاااك غير صبريي نشووف باباا يمكن مكااينش عفاااك هئ هئ 
لبساات حوايجها بزربة وخرجات كتسلت لبييت باهاا وبلفعل ملقااتش كمال غير ديمنة ناعسة وحداها اميين رجعات لبيتهاا قداات سعد ليطييح ونزلات كتسلت فدرووج وسبرديلة فايدهااا حلات لباب تاع براا وطلاات مبان ليها حد تصونات ليها نجوى وقالت-فينك واش خرجتيي
سلمى-اه خرجت بابا مكااينش 
نجوى-صاافيي سيري لحدا جردة هاحنا غندوزو علييك 
وداكشي ليكان مشاات كتجريي ملقاات حد توقفاات طموبيلت توفييق مشاات تاتجريي عنقات نجوى ودخلات فالطموبييل اللور
توفيق-كتقلبوو على صدااع نتوما بجوج والله 
سلمى-عفاك اتوفييق غير سيير 
نجوى-قلتيا لماماك
جبدات تيليفونها تاتكتب وتبكيي-هاني كنقولهاا ليهااا 
فاقت ديمنة على صوت لميسااج قراتوو وناضت كتجري لقاتها مشاات وبدات كتعييط ليهااا الاخيرة جاوباات تاتبكيي وقالت-ماما الله ارحم واليدييك هئ هئ غير نشووفوو وغنرجع 
ديمنة-واش باغة تقتلينييي فهاد الليل خلي غير كيصبح لحاااال بعداااا 
سلمى-هئ هئ منقدرش والله بووحدوو تمااا بووحدوو امامااا هئ هئ لجا باباا متقولي ليه والوو عفااك كوليه عند نجوى ولا شي حاجة الله ارحم ميمتك اماماااا (بدات تاتنخصص )
ديمننة(تنهدااات)هدا الله معااك هدا الله تاتشعلي لعافية وتخليني نتحرق بيهاااا طلبي الله باباك ميجييش غداا ولاا هد لمرة غيفنيني انا ويااااك
قطعات عليها وعقلهاا غير معا هاش يكون واقع لييه وشنوو كيدير
غاليي لي ديجاا دخل لاوبيراصييون كيشوف فلبوولاات وكيقرا بعض صور القراان بينماا حكموو لبنج كلوو تغيب مبقا حاس بواالو وعينيها شوي بشوي بدااو كيتغمضوو تغيب فخرطة ولحرييق حبسس واصوواتهم غادية وكتبعد تاتلقااو شفااروو وبدات العمليية لي كانت بشكل عاااجل...

طرق كلها تاتبكيي ونجوى كتسكت فيهااا بغات تسطااا كيفاش عمليية كيفاااش مرييض وهوا بووحدوو 
مكرهاتش كون دارت جنحيين وطارت فيين كاااين مدازت سااعة ونص تكان ربيي غفر ليها كاع دنووب بكترت الدعااء 
دخلات كتجري كتسول علييه واحد كيسيفطها لواحد وهيا غادية كي شي هبيلة تاتزدحات مع طبيب لي تكلف بييه وشدها لا طييح وقال-بشوية علييك ابنتيي علامن كتسوليي
سلمى(بلبكاا) غاليي هئ هئ بغييت غالييي عفاااك 
-ااه تهدني ابنتيي رااه بخيير غير تهدنيي
سلمى-حلف مكتكدبش فينهواا دابااا بغييت نشوفوو الله اخلييك
-لااا ميمكنش ابنتيي تالغدا ان شاء الله فصباح وجييو داباا لاا متقدرووش
سلمى(بلبكاا)عفااااك والله منتعطل غير نشووفوو ونمشييي هئ هئ الله اخلي ليك معز علييك 
-ميمكنش ابنتي راه مزال فلبلووك مزال مفاااق 
وقف توفيق ونجوى حداها وهيا كطلب وتعااود وتزااوك وهوا مصر بلا هيا لااا مكرهاتش طيير علييه تجبد لييه وجهو تجرهاا توفييق خرجهاا باغة طيح لييه ديمنة لي عياات تصوني وكل مرة تجاوبها نجوى بلي وقع 
مطلع داك صبااح حت يبساات سلمى حدا لكلينييك كتمشي وتجيي باغة غير تشووفوو وتعرفو بخيير باغة غيير تشم ريحتوو كالسة ومكاالسة حامية فيها لبيضة كل مرة تبغي دخل
توفيق-ففف بقات فيا هد الصكعة 
نجوى-كتبغيه بجهد والله ياربي يرجعو خلااص 
توفيق-غااايرجعو طوال زمان ولا قصاار ههه خاص غير كمال يحن شويي 
نجوى-هاديك فين غنات الشييخة 
توفيق-ياااك ااختيي 
وصلات تمنية ودخلات بجراا عرفات فين ناعس وطلعات بجراا فسانسوور نزلات تبان ليها طبيب خارج من الشومبر وقالت-والله ومتخليني ندخل عندو تندير شي شووهة هناا هئ هئ هاني كنعلمك
-هههه وايليي وخة دخليي 
حلات لباب بجريي تبان ليهااا مسرح فسرير بلبسة فلزرق ومغطينو بايزاار كيبان صفر مشاات كتجريي عندو كتبكيي عنقاتو وغطساات راسهاا فعنقوو وطلقات لعنان لبكاهاا بحال شي بنت صغييرة كتشهق وتنخصص تحس بيهاا وداتوو مامطوعاهش باش يهز ايدو عندها باقي مرخي بلبنج حرك راسو لجيهتها تنااضت قافزة تقابلات معااه وبدات كتمسح على لحيتوو وهوا معوج راسو عندها كيحاول يحل عينييه ويرجعو يتقلوو علييه حدو نطق سميتهاا وسكت 
سلمى(شدات ليه فايدوو وبااستها تطاحو دمووعها على ايدوو )هانيي معاااك احبيبيي هانيي
انت 
أراك أمامي
هائجا كالبحور السبعة

تمشي بدون ان ثرثى على الارض
اهو خوف مني ام من انهيار الارض
أراك من وسط الجموع
وسط كل الرجال لا أرى غيرك
وحدك رجل..وحدك تسرق أضواء قلبي

عدت من جديد وعاد خفقان قلبي
عادت مياهي لمجاريها وعاد للعشق كأنه لم يختفي

رأيتك تتتقدم ناحيتي حاملا ذاك الحب من جديد
ترمقني بنظرة المسك تلك..
وعلى ذكر المسك..تذكرت عطرك المفضل..المسك
تتغلغل راىحته داخل قصيباتي الهوائية
يسحب عني الهواء فاتنفس به

وعلى ذكر التنفس..انت نفسي
وعلى ذكر النفس أنت نبضي
وعلى ذكر النبض انت وتيني
وعلى ذكر الوتين..انت أنا

عدت بذاكرتي الى أيام مضت
كنت فيها انا انت وانت أنا
كنا روحا واحدة بجسمين اثنين
وبين العددين هناك أحرف
وبيننا نحن هناك الفراغ

الفراغ الذي خلقته أيادي الناس بيننا
الفجوة التي ابعدت قلبين وروحين
فصرنا أجسادا بدون أرواح
تعلقت أرواحنا بذلك البيت

فأصبح كالصريم..لا حديث ولا غزل
لا امل ولا ضجر
اصبح فقط العنفوان والكبرياء وبقايا حبنا
بقايا خيبات املنا وبعض الدقائق من عمرنا

اليوم نسيت كل ذلك..وابتسمت لان اشتياقي لك
قد فاق كل الحدود..وقد خرج عن طوع كل القارات

اردت فقط الاقتراب..ان اضع انفي الصغير على تلك الطريق التي تؤدي لحضنك
اود فقط لو استنشق العطر الفطري لك
أن اعتريك ان اكتنفك ان امتلكك..اردت فقط ان تتوقف اللحظات وان نرحل معا..الى لا مكان الى مكان لا أحد به سوى بقايا حبنا..عسى ان نجمع ما بعثرثه الايام

هانحن اليوم نقع في حب بعضنا البعض من جديد..والعالم كله يتذوق من كأسنا
كأس العشق..كأس الجزاء..
عشقك جزائي لكل هذه المعاناة

دخل توفيق من بعدماا علم علال بلي وقع الاخير سمعاتو كلتوم بغات تلوح راسها علييه مخلات كيدارت باش تمشي معاهم مخلاهااش وبقاات ورااهم كتبكيي 
دخلو شاافوه باقي ناعس وخرجو وبقاات سلمى واقفة حدااه كتلعب لييه فشعروو وفلحيتوو وتلعب فشفااروو وفايدييه بدا كيوعى براسوو وكيحس بصبيعاتها على شعرو كل مرة تعوجو لقنت وتلعب بلحيتوو وتمشطها بايدهاا حتى جر لهوىى كتيير وقربات لييه كتر وزير على ايدهاا بايدوو لي شااداهاا 
سلمى-غاليي فقتيي (ايدها على وجهو)بااش كتحس هااا 
غالي(حل عينوو كيرمش فيها وتبسم ليهاا كيتنهد وهوا كيشوف فعينيها مبوقلات بدمووع ونيفها حمر شعرها مخبل )امتا جيتيي 
سلمى(مسحات نيفهاا)بليل باش كتحس اغالي قولييا شنو عندك
غالي(دور راسوو لجيهت جسموو وسااط)فف مكنحسش برجليي انا بخيير اسلمى (بصوت تعب)وليت بخير ملي شفتك 
سلمى(تبسمات لييه وقربات بااستو من حنكوو وعنقاتوو )خفت عليييك بزاااف ههئ هئ منقدرش بلا بييك والله
غالي(هز ايدو حطها على جنبهاا مقادرش يتحرك)شوو صافيي احبيبتي موقع والوو قدر الله ما شاء فعل شش مرضتي عينييك 
نحنح وراهم توفيق ونجوى لي دخلو وقال-على سلامتك اخوياا 
غالي(شافييه بعتاب)الله اسلمك ياك قلت ليك متعلمهااش فداك الليل 
نجوى-انا لي علمتها حيت انا لي غنتنتف فصبااح 
غالي(تبسم باقي شااد ايدهاا)عدبتكم فداك الليل 
توفيق-هاا وشفتي تخسار لهدرة على سلامتك اخوياا ومرة خرى بدا ترد لباال كون عطيتي لرااسك الراحة مكنتيص توصل لهاك 
غالي-قدر الله اتوفييق
سلمى(شافت فييه)لبارح ملي حسيتي براسك مريض كون مشيتي لطبيب
غالي(عوج راسو عندهاا كيرمش فيهاا سااكت وكيلعب بصباع ايديهاا خرج توفيق جار نجوى ورااه وخلاوهم شوفيا نشووف فييك جرها شوي من ايدها وكلسها حدااه )شنو درتي مع باباك 
سلمى-عندو شي خدمة مكاااينش قلتها لماما وجييت 
غالي-خاصك تمشيي اسلمى لي يخاصم علييك 
سلمى-مبغيتش نخلييك بوحدك ليوما مغيكونش هي خليني معاك تالعشيية ونمشيي 
غالي(تنهد)سلمى انا راه باغييك معاياا ديمااا وتاحد ميشاركنيي معااك واش نتي باغة ترجعي معاياا هااا 
سلمى-نتا مرييض دابااا اوو 
غالي(غمض عينو )سلمى سولتك باش نمشي نهدر معا بابااك 
سلمى(بدات تاتبكيي)غالي انا مبغيتش نرجع هنااا هئ هئ مبقيتش حاملة هنا فخطرة كنقنط بووحديي ومكنلقا عندمن نمشي لمكنتييش 
غالي(بهدوء)بغيتي تبقاي فربااط 
حركات راسها بااه وتنهد وقال- وخة وشنوا خر باغة
سلمى-صافيي غير هدشيي 
غالي(بحب)وخة احبيبتيي لي بغيتيي غنولي شوية بخيير وغنمشي ندر مع بابااك (تنهد)ولكن عاونينيي بيني ليه بليي بغانيي وماشيي خايفة من شي حاجة سلمى دوك النااس عمرك غتشووفيهم فحياتك مزااال 
سلمى(حركات راسها بااه وجرها عنقاتوو كضحك 
غالي-ندير كلشي على ود هاد ضحييكة
سلمى-متبقااش تمرض 
غالي-غير بقاي معاياا منمرضش ههه 
هدر غالي مع توفيق بخصوص شي دار فربااط فلوقت لي سلمى هبطات هيا ونجوى يفطروو وتهدر مع مها تطمنهاا فنفس لوقت دخل علال والراضيي لكلينيك تيسولوو على غاليي تدخلوو عندوو 
علال(بعتااب)علااش اولدي مكلتيهاش هاا حناا اش درناا لييك غير كوول تخلينا كي لحنش مقطوع ليه رااسوو 
الرااضي-مشي وقت هاد لهدرة الواليد متاتشوفش فيه مرييض
غالي-ففف سدو هد لهضرة عفااك مباغيش نسمعها مرة خرى 
كانوو واقفيين معااه ومعاهم توفييق تدخلات سلمى هازة قرعة تاع لما هي شاافتهم وضرب قلبها على التسعيين شافتهم كيشوفوو فيها ومعرفات مديير وقالت-سلاام
قربات لعلال وباس ايدوو واشارت لراضي بالسلاام وبغات تخرج 
علال-سلمى اجي ابنتيي 
غالي-لواليييد عفااك
شافت سلمى فعلال لي قرب جيهتهاا كيطلب سمااحة وراسوو فلارض وقالت-نتوما معليكم والوو اعميي لاش كطلب سمااحة
دخلاات شاامة وعكوزتها وراجلها معاها باينة فعينيها كانت تاتبكيي تلاحت على خوهاا هيا الاخيرة كتسولو على احوالوو بقات سلمى حدا نجوى كدور فلقرعة فايدهاا ومشات لعندو وقالت بهمس-غنمشيي نتا دابا ماشي بوحدك
غالي-بقااي شوي
سلمى(ربتات على ايدوو)نبقاو نهدرو ابييل كل وقت خاصني نمشيي دابااا 
غالي-(بحب زير على ايدهاا)وعد هدشي مغيطولش ردي لبال لرااسك احبيبتيي وخة
حركات راسها لييه وطلقات من ايدو مستادنة منهم كامليين وخرجات 
غالي-توفيق وصلها عفااك 
تبعاتها نجوى وتوفيق يوصلهم وبقاا غاليي مكرهاش كون بقااات بعد وقت وصلوو لربااط حطوهاا قدام دارهم وشاافت طموبيلت كمال مع حلات لباب سمعات غواتوو برد ليها الدم فركابيي وبدات كتشطح بلخلعة...

دخلاات مزيرة على ايدهاا تلقاتهم فالصاالة كيتغاوتوو 
كمال(بلغوات)نتيي لي راااخية ليهاااا فين غتوصلو بهادشيي ا ديمنة فييين واش غنبقاو عايشين فهاد خراا حياتنا كلناا ولا اش
ديمنة-راه بحالي بحااالك لاا ش كتغوت عليا داباا واش انا دفعتها باش تمشيي 
كمال(يالله بغا يغوت شاافهااا داخلة مكمشة فبعضياتهاا وجاي ليها بلغوات)اش مشيتييي ديريي عندو هااا اش وصل ملتك لجيهتوو 
سلمى-باباا راه كان مممرييض
كمال(بلغوات وتشاش تيطاير من فموو)يمووووت كاااع اش وصل اصل مك جييهتوو واش نتيي حمااااارة مكتفهمييييش واش مريضة فعقلك بااغة تقتلينيي قبل لوقت واش مشفتيش حالتك كي ولاات بسباااابوو 
ديمنة-متغوتش عليها رااه باقة مرييضة
كمال-هياا عرفااااات هااا هياا عرفااات ليي غادية تاتجري فنصاص الليل عندوو لهلاا يقلب بديلمناا حنااا يوقع لي بغا يوقع اش قلت ليييك مباقيييش توصلييييه نساااااايه وكملي حياااتك نسااااي لحبس واش نتيي مبوووهلة لهاد الدرجة دمدووومة نتييي مامرة ماجوج جيتي تاتبكيي ومزال غاديية 
سلمى(لصقات فلحييط تاتبكيي ومقدرااتش تهدر وهوا ريقوو واصل تالعندهااا بلغوات)هئ هئ
كمال-تاتبكييي هااا بقاااي تبكييي ورجعي ليه تاني ورجعيي تبكيي ديلمك بهاد النية لي فييك كلمة جوج تاتسحيي غتبقااي حيااتك كااملة هكاااا كاااملة اسلمى لي جاااا يدير فيك لي بغاااا ويجي يطلب منك سمااحة وتنساااااي كلشييي بحال الى مكان والوو (قرب منهااا بلغواات )ديريي عقلك اسلمىىىى رااه كضيعيي فحياااتك يااهاد لبنتت رااه ماشي بوحدوو ليراااجل فهاد لخراا كلووو ماشي غير هوااا لرااااجل وفهميهاا ودخليها لمخك 
سلمى(بصوت متقطع)هئ هئ علا شنتا مخليتيش مامااا ملي بغات طلاق هئ هئ
كمال-مصاااااااب اربيي كون خرجتيي بحااالهاا مصااااااب حييت مرجعات تولاوو عنديي نجووم فنهاااار ونتي جوج كلمات اسلمى مشيتيي تاتجريي عندوو فليل هااا واااش من عقل عندك تاتفكريي فيييه وفهميييينيي ابنتي رااه قرييب غتسطييني معاك
ديمنة-كمال برااكة عليها واش مكتشووفش حالتهاا 
كمال-قاااسح حسن من كداااااب ادييمنة بنتك بتخرج على رااااسهاا سمعتيهاااا غتخرج على رااسهاااا لمرة جاية يقتلووها ليييك ويسيفطوهاا لييك مكفنة ديك السااع ندبي كي بغييتيي 
ديمنة براا عليهااا مالك على هد لفاال
كمال(بلغوات)هياا لدااااارت عقلهاا وشدات طريق قرايتها ونساات علياا هد لخراا كلووو 
سلمى-هئ هئ (كلسات فلارض ودارت راسها بين رجليهاا وهوما فوق راسها كيتغاووتوو
ديمنة(شداتو كينهج كطرطب معاه لهدرة)عفااك احبيبيي بدل ساعة بخراا طلع دوش تنوجد لييك لغداا طلع 
كمال-السسم انا ليي غناااكل من نهار دخلت داك لقووم لدااارييي وعطيتهم بنتييي 
بعداتوو ديمنة دخلاتو لكوزيينة كطرطب معااه وقالت-اكمال مضغطش عليها واش مكتشووفش حالتهااا هااا خلي لبنت عليييك شوية 
كمال-معرفتش كيفااش تياكل ليها عقلها معرفتش هي لباارح كانت تاتغوت بمبغيتووش وداباا غادية كتجريي عندوو مدلوووولة لاااحت الدل على راااسهاا بنتك سمعتي لااحت الدل وغتبقا ديما هاكاا لي جاااا يمسح فيها رجليييه راه مغنعيش ليها ديمااااا ادييمنة عقليي بنتكك عقليييهاا تقسااح شويي 
ديمنة-عيييت اخوياا وااه واش مكتشووفش درنا معاها كاع لحلووول كيجيي هواا بكلمة وحدة غير كتشووفو كيضرب كلشي فالزيروو وترجع تبغييه تانيي هدا الله واش نحيدو ليها قلبهاا بااش تسمع ليي كراه ميمكنش 
كمال(مسح على رااسو لي باغي يتفركع )كون غير بقاات تالفة تلقيتها الراااسيي كون غيير زوجتهاا لحسااام نهاار بغاهاااا انا لي حماااار قلت كبيير علييهااا انا 
ديمنة(خرجات عينيهاا فيه )سكت شوييية شكت وزم فمك 
سكت كيشرب فلماا وسلمى باقة حدا لباب تاتبكيي تجاا سعد عنقهاا وكيهز ليها فراسهاا مشا لكوزينة كيجريي بديك الجرية لعجيبة قرب لرجل كمال وتلووى علييه وكرش علييه بدوك ربعة السنااات من رجلوو تغوت ديمنة كتجر فييه وهوا لااصق على رجلوو 
سعد(ولا حمر بتعصاار)هننننننننن 
طلق منوو وهرب لعند سلمى معنقهااا خلى كمال كيبلق فعينييه –اححح والله تعضتو مسمومة
ديمنة-هههه غوتي على عينيييه وباغييه يبوسك ملي منتفكش عندك زهر
كمال(تنهد)من خوفي عليهاا اديمننة (تحنا كيهز فالسروال على لعضة)جن لاخر خلا سنانو كي شوك مطراسيي نعل حسوو 
ناضت سلمى معنقة سعد كيمسح فوجها وكيبووس فيهاا تطلعوو لبييت حطاتوو وبدات كتحيد فحوايجهاا تصونا تيليفونهاا جاوبات بصوت مبحوح باين فيه لبكااا وقالت-غالي
غالي(بتعب)حبيبتي وصلتيي (سكت شوي)كنتي تاتبكي
سلمى(نزلوو دموعها وسكتات تاتسمع شهيقهاا )
غالي-تنهد)غوت عليك بابااك عرفك كنتي عنديي هااا (شافها سسكتات وكمل هدرتوو عيااان مهلووك)صبري علياا غير شوية وغنجي نهدر معااه ميبقاش فيك لحاال غواتو غير من خوفوو علييك وحيت باقة صغييرة احبيبتيي عند بالوو كتفكري غير بقلبك انا فااهموو اسلمى تاني فهميييه وسكتي من لبكاا اسلمى عفاااك راه هلكتي عينيييك بزااف 
سلمى(مسحات عينيهاا)نسااا قوليا نتا كي بقيتيي
غالي-متسوليني هد السؤاال تنكون معاااك قرييب هي صبري عليي شوية راه وصييت توفيق على شي دار قريبة حدااه غير نولي لبااس وغنجي عندك اااه
سلمى(بخوف مسحات عينيهاا)ماالك غاليي
غالي-ففف تحركت وضرني جنبيي سيري احبيبتيي رتااحيي راني بخيير متخلعيش علياا وديها فراسك شويية 
قطع معاه كيتنهد...

دازت تلتياام على غالي فلكلينيك بحال الى دوز عاام الرااضي رجع لداروو وبقاا علال او شاامة وعمتهاا يقوموو بييه وخة هوا رفض الف خطرة باش يمشييو ولكن مخلااوهش لبس سورفييت لارج شوية رطبة فلبلوو ماريين وفوقها تيشوورت بيض كيتحرك بزز وباقة فيه الدوخة تاع نعااس لاح لقبية على كتاافوو 
شامة-داباا شوية باش كتحس
تعكز على كتفهاا)الحمد لله 
مشاا يخلص لقا علال ضاار بييه ساط وشااف فشاامة وقال-لااش خلص 
شامة-مشفتوش اخوياا ومتنساش راه باك هداك شنو فيها لخلص 
مقادرش يهدر خرج لقاا صلاح عند لباب ركب كيتمشى بشوية علييه تركب كيهضر ممع سلمى طريق كلها بلا ميملوو وصلو لداار وبانت ليه طموبيلتو لي ديجا جاب الرااضي حطهاا 
غالي-شاامة جيبي ليا اختي سوارت تاع الطموبيل 
شامة-اويلي فين غادي ونتا مقادر تاتوقف 
غالي-شاامة جيبي ليا سواارت 
صلاح-فيين غاديي اخوياا نوصلك مفيك لي يسووك ونتا بهاد لحالة راك مرييض اصااحبي رخف على رااسك لا غير سلمى راه منمشييو تنهدرو معا سي كمال
غالي(شافيه)كضحك علياا اصلاح يااك فنضرك لشاافكم غيبرد 
صلاح-نحاولوو اش فيهااا 
غالي-ففف خاصني نهدر معاه ضروريي عاد نشوفوو اش نديروو 
صلاح-شامة غير طلعيي نتيي شوية ونجيوو
طلعاات هياا وهوما شدو طرييق لربااط فين داير مع سلمى يشووفهاا بعد طرييق وقف حدا جردة لمعلوومة ديالهم لقاها كالسة فوق لكرسي كتشوف فلارض تشاافتو وناضت قاافزة تمشاات عندوو بلا متحس عنقااتو فكرشوو تاتقسح وصبر معنقها تعاقت برااسها وبعداات 
سلمى-سمحلياا سمحلياا عفااك محسييتش 
غالي-موقع والوو (قاد ليها زيفهاا على صدرهااا)توحشتك المشة 
سلمى-كيبقيتي شويية علااش بغيتي تجي ونتا مريض 
غالي-بلااصتي حدااااك اسمى واش مفهمتيهااش هااا شوفي فياا احبيبة مبقا والوو وخة
سلمى-ولاا غوت علييك ولا ضربك 
غالي-ههه احح راه مفيا لي يضحك هوا وباش مسخااه الله يغوت تيشبع لمبغاش غتهربيي معايااا(جرها عندو ياك تهربيي معايااا ممم (شافها كتشوفييه وضحك)ضاحك معاك المشة غنديك بخاطروو (كيشوف فيها بحب توترهااا وبدات كصحك)غير تاع لماكلة المشة هه
سلمى-هههه باسل وسيير غيشوفنا باباا 
غالي-عاودنا لمش ولفاار من اللول تاني حنا منرتاحووش زعمة ههه 
سلمى(بدلع جات سيوور تاع لقبية لي لايح على كتافوو وقالت)كتعجبني هد السورفيت ملي كتلبسهاا 
غالي-نتي كتحمقيهاا وخلااص غنمشي احبيبتيي لي سخط علياا راجل شامة ونتي متبقاايش هناا سيري لداار 
حركات ليه راسها بااه وتحنا بااسهاا فحنكهااا بحب وخرج هوا وياها تالطموبييل ركب وهيا شدات طاكشي مشاات لصونتر في حين غالي صوناا لكمال بنمرة خرى عاد يقدر يجاوبوو
كمال-ويي شكون معاياا
غالي-سي كمال معاك غاليي 
كمال-اااه شنو حب للخااطر 
غالي-بغيت نهدر معااك 
كمال(حك عينيه)غاليي معندنا فاش نهدروو
غالي-عميي راه عارفني مغنتفاكش لما هضرت معاااك(تنهد)داباا دير لحسااب غير انا مرييض وجاي نهضر معااك 
كمال-وخة جي عندي هانا فلقهوة فين كنا اخر مرة 
غالي-وخة 
صلاح-اش كالييك 
غالي-باقيي هد السااعة دور على ايدك لييمن او وقف 
وقفوو حدا لقهوة وطلع لطيرااس فين تيكلس بشوية عليه وباينة فيه لمرض لقاه كالس شاد قهوة ومقابل مع لباب تبان لييه غالي كيتمشى بشوية علييه وكيمسح جناب عينييه تقرب لعندوو مد ليه ايدو وسلم علييه وكلس بقا كمال كيشووف فيه ولاخر حتى هوا شوفيا نشوفييك اطاجين لحوت
كمال-احمم على سللامتك كي بقتيي شوية
غالي-الحمد لله ايسول فيك لخير
كمال-شنوو بغيتي تهدر معايا فيه هاني كنسمعك ( قلتي لياا تبراا سلمى وغندير لي بغييتيي وقلت ليك اش بغييت وقلتي لياا لي درتيها قابل بيهاا يااك شنوو رجعك اغاليي شنوو
غالي-واش فنضرك غنطلق منقدرش وغنعاودهاا منقدرش قلت لييك الى هياا بغااات مغنجيش فطرييقها باقيي ولكن هياا مبغااتش عمي نكون معاك صرييح طلاق هوا لي عمروو يكوون اناا باغيي مرتيي وهييا باغياانيي لااش غنطلق(بغا يهضر وحبسوو)انا معاك فكاع داكشي لي غتقوول وسبق ليا وكلتها تال سلمى دوك النااس هوما لي عمرهم غيجيو فطريقها شي نهار ولاا توصلهم بنتك غنسكنهاا حداااك تبقاا حدا عينيك كيف بغيتيي ديك السااع الى جا لغلط منيي هدر ومغنحاسبكش ولكن دابااا راه تاناا غير مجرور فهادشي مدرت لا بايدي لا برجليي اعميي 
كمال-غاليي سير اولدي رتاااح يقدر يكون داكشي نتا جاك سااهل ولكن انا لااا لي داز على بنتيي مباغيش نشوفوو مرة خرى وصعييب نرجعها لييك..

غالي(مسح على وجهوو مقادرش يهدر)عجبك لحال تشووف بنتك معدبة فجييه وان فجييه (شافييه)دير رااسك فبلااصتيي اسي كماال 
كمال-انا ماشي فبلاصتك
غالي-لي نفرض كنتي فبلااصتيي شنو كنتي غديير هاا غتمح فمرااتك وغتزييد وخة هيا باغيااك 
كمال(تنهد كيشوف لجيهة لخرى
غالي-سيي كمال ننتاا يمكن عاشرتيني وعارفنيي كيف دااير واناا محتارم خوفك على بنتك ولكن كون على يقيين ماشي هدا هوا الحل لي غيرضي بنتك مبغيتيهااش تبقاا فكازاا مغتبقاااش لقييت داار هنا وغنحاول نجي ليها هد الاياام لي بقاات قبل منرجع لخدمة
كمال-كيغادير ليهاا ونتا خدمتك كلها تما مم دوزوو تاني واحد تلت شهوور وتبدا تقوليها انا عيت بسير واجيي ورواين لكحلة تاني وها نتوما بديتو فلمشااكيل 
غالي-انا ماشي من النوع لي كنتشكا من شي حاجة انا لي ختاريتها ولوقت غتوريك كتر عليااا مكنطلب والوو منك اعميي اخر فرصة 
كمال(سكت حتى سكت وقال)بشرط 
غالي-شنو هوااا 
كمال-الدار لي كانت عندي قببل بعتهاا وخديت جوج ديال لباارطماات وحدة منهم فسميت سلمى قريبة ليااا وغتسكن فيهاا 
غالي(رجع رااسو اللور كيتنهد)ملقيتي غير هد الشرط شنو فيها لكرييت ليهاا 
كمال- مبغيتش بنتي تبقا تلااح من دار لداار 
غالي(تقرص)مسالة وقت وصاافي تنقاد رااسي وغندفع فشي داار
كمال-منهنا لتماا غتسكن فدار لي قلت لييك ولا يكما حيت فسميتها مغتبغييش
غالي-تانا عندي شرط
كمال-انا هواا 
غالي-غنبدا نعطييك كل شهر شهرية لي بغيتيي حتى نكملها لييك فلخلااص وغتبقا فسميت سلمى معنديش مشكييل 
كمال(حط ايدو على فموو كيشووفييه )غتولي كاري عنديي على هد لحسااب
غالي-معنديش مشكييل كنبغي نكون فشي حاجة دمرت عليها ملقيتهاش بااردة اسيي كمال 
كممال فلداخل ديالو ينكر تيعيااا كتعجبو شخصية غالي وميفو لي ديمة مهزوز بقا كيرمش فيه شحاال قوال-الى شي نهاار اغالييي بنتيي تلقاات بدوك الناااس متلووم غير راسك 
تبسم لييه وقال-كون هانيي
كمال-ملي ترتاح جي نكملو هدرتناا
غالي(وقف(ليوم فلعشيية اعميي غنكون عندك 
سلم علييه وخرج فرحان مخلي كمال متبع لييه لعين تغبر تصونات لييه ديمنة وقالت-شنو درتي معاه
كمال-هد خونا شاك فييه موكلني جلدة بااخة برب 
ديمنة-طزز وكتعيب فبنتك صافيي جوج كلمات بردتي
كمال-مزال مبردت ويني غنتبعهم تنعرف اش بغا يديير لي مهيم هوا غيسكنو هنا حداياا وقدام عينيي ومدبرها حكييم ففف لعشية غيجيي مفيه لي يصبر 
ناضت سلمى كتنقز فرحاانة ومقاداها فرحة اما غاليي مشا لعند توفييق وصلاح مشاا لداار هز مو وشامة وعلال وجااو تجمعو عند توفييق وصل الليل ولبس غالي لحوايج لي جابت ليه شامة سروال وقمييجة وسبااط وتريح وخة واقف هي بز زاما علال مخلاا مشرا ومخلاا مجاااب ها السكا ولحوماات وديسيير مخلا محضر 
مشاو كلهم من بينهم توفيق اما نجوى ديجا كانت مع لالة لعروووسة لي بغاات تموت بلخلعة تقول اول مرة غتشوفوو وهيا ياما تقنتات وتباست هه لابسة قفطاان جوهرة خفيف 
نجوى-خلي شعرك 
سلمى-ويلي الشوهة محملتش شعر لقصيير اختيي ندير شااي حسن ههه
نجوى-ههههه هنا فين غتولفيه 
سلمى-بديت كنولفوو والله لمدرتوش بحال الى ناقصاني شي حاجة
دارتو فعلاا وكيف ديما رجعاتو اللور وبقات لكصة باينة من جنااب بيناتها كييوت رشات رييحتهاا لمعهودة وبقاات كالسة حتى سمعات الطموبيلات وقفوو بقا قلبها بغا يخرج من بلااصتوو 
خرج كمال عند بالوو جاي غير غالي تشااف علال وختوو وبنتوو رمى السللام وسلم على علال لي تلااح علييه بالاحضاان 
علال-والله اسي كمال يما عندنا وجه ليي نشوفووك بيييه غير سمح ليناا راه ربي لي عاالم ماشي غير نتوما تحنااا غير سمح ليناا
كمال-زيد اسيي علال دخلو مرحبا لهدرة لداخل
دخلو محمليين بلحلاويي ولورد وداكشي لااخر كلسو فالصاالون ودخلات ديمنة وكمال كالسيين معااهم كيهدرو بلعقل وكيتنااقشوو باللتي هيا احسن هوما كيبرو لولدهم ولخرييين باغين مصلاحت بنتهم كمال كان صاارم فقرار بنتو تسكن حداه ومكان من غالي الاالطاغة لكان بصح بغي حبيبتو تكون لييه 
علال-اوى اسي كمال وخة نقولوو ليكم سمحولينا تنعيااو منكفيوش لغلاااط وينيي الشيطان ولد لحراام ولغالب الله هوا معلييه والوو
كمال-هدشي دوينا فيه اسي علال وبقات عند ولدك داباا الى معرفش كيفاش يحافض عليها غتكون اخر مرة فلحساااب
غالي- كون هانيي اعميي من دابا لقدام تحاجة مغتقيسهاا
حطو صواني تاع اتاي ودخلات سلمى منورة فقفطانهاا وطاح عليها اللسر ديال لكحل لي مدة مدارتوو جا معاها وبيين عينييها كيتيلمعو بلفرحة شافهاا غاليي وسهى فيهاا عجباتوو وطاح فغرامها لمرة التاانية

لا تعجبي ابداً.. 
بأني أملكُ ذاكرتين ..
. واحدة في قلبي والأخرى في عقلي... وبأني أحببتكِ بدل المرة مرتين..
. وجننتُ بكِ مرتين
.. وكنتُ اقول أحبكِ في المرة الواحده مرتين
... إذن لاتعجبي بأني سأموت مرتين بفقدكْ..
وأخيرا أنا لا لم أحبك مثلهم أحببتك بإهتمامي ولو من بعيد _
بخوفي الباطن الذي يجعلني أضم أسمك بدعائي قبل أسمي 
وأن أتلو أذكاري مرتين لأجل أن تحميك من غفلتي---لبنى السرابي
هبطات عينيها بخجل وحناكها توردوو من شوفاتو ليهااا سلمات علييهم او وصلات لييه مد ايدو ليهاا وييز عليهااا جرهاا كلسها حدااه تحشمااات وهيا مقابلة معا باهاا كيشوفيه ويرجع يشووف فيها ويتنهد 
كلسوو على اتااي ولحلوة وكيهدروو وسلمى وغاليي سااكتيين تشافيها وقال-طحت فيك مرة خرى 
سلمى(تبسمات)سكت باركة غيسمعوناا 
غالي-هد لمرة بغيتهم يسمعوو باش يعرفو سلمى شنو تاتسوى عنديي(شافيها بحب)وتااك لبييض جيتي بحال شي عرووسة 
سلمى(بدلع)اوى رانيي عرووسة اش بانلييك
غالي-ديييما غتبقاي عندي عرووسة هيا لنضتيي رجعتيي خاتمك 
سلمى-هه وخة 
بقاو كالسين موراها بشحاال تحط لعشا مفرق رجال بوحدهم ولعيالات فجييه بوحدهم هدرو وجمعوو ومتجبداتش سييرت كلتوم ولا غييرها فلمجمع نهائيااا 
تسالاا لعشاا وناض كلشيي يمشي ادرااجه خرج غالي وسلمى قدام لبيسيين كيهدروو فشنو غيديروو 
سلمى-صبر تاتبرا بعداا 
غالي-مبقاش ليا لوقت اسلمى لخدمة خاصني نقاد كلشي باش نرتااح 
سلمى(حكات ودنهاا)كيغادير فلخدمة اغاليي والصونتر لي بليل 
غالي-يخلف الله ديجا هضرت معاهم وهوما باغينيي معاهم عندهم شي صونتر هناا غنوليي فييه(تبسم ليهاا )ربي مكيسد باب تكيحل بيباان نكونو بجوج وداكشيي لااخر يسهل فييه الله مبطا علياا امتاا تكوني حدايااا 
سلمى-قرييب هه
غالي(قرب حداها وشد ايدهاا)سلمى مرتااحة ياااك احبيبة
سلمى(تنهدات بحب)مرتااحة والله 
غالي-داكشي لي بغييت (باس ايدهاا)هاني مشييت ورتاااحي ليااا اعرووستي (غمزهاا)
ضحكات حشماانة ومشا قداامهااا تهوى قلبوو فرحان يمكن كتر منها 
مشا كل واحد لداارو وتاافق مع توفيق بااش يجيب لييه لي يرحل معااه كاع الدار وخة مزال عيااان تعاون معاه صمد وتوفيق فرحييل وجاا حتى الرااضيي وهدشي قبل مشاو شافوو الداار لي ككانت مقاادة وصبووغة فلبيييض فيها جوج بييوت وسيجوور وصالون متوسط وكوزيينة كبيرة ودوش وطواليييط اما نجوى وسلمى شدو معاهم مرى خملات ليها الداار وجفاتهاا وتعاونوو تفرشووهاا وتركب كلشيي من اول وجديد 
داازت سييمانة كلهاا اعمااال ورووااين غالي وسلمى كيتلقاو هي لجاب شي حاجة لداار ليوم مشات لحمام غسلات حتى مقدااات ضاارت بلحاالة ورطبات لحمهاا ودارت لااصيير بحكم ليوم غتمشيي معااه فرحانة ومقاداهاا فرحة وخايفة فنفس لوقت بحال الى اول مرة تكون معااه دخلات لداار مع ستة لقات لعشا دايراه ديمنة كيطيب مشات لبييتهاا لي ديجا جمعات بالزهاا وقدات حالتها تدخلات عندها ديمنة وعنقاتهاا
دديمنة-هد لمرة لوقع مشكيل بيناتكم ابنتي متخلييهش يكبر ضراتك شي حاجة صارحييه فلبلااصة حيت محدك تاتخبييها والامور كتزييد تعقد داباا هانتيي حداياا وقت لي حسيتي براسك معصبة جي عنديي نهدروو وخة
سلمى-صافيي امامااا نتمنى ميكونش باقي غير داك لمشكييل (عوجات رااسها
ديمنة-لاا مكنضنش غترجع علاقتكم عاادية احبيبتيي وجديي راسك غالي راه لتحت تعشاو وتزلعي لدارك ههه
لبسات دوبياس جداد عاد خدااتهم وفووقهم كسييوة موردة بسميطات فلخزيي وفوقها شومييز بيضة دارت خاتمهاا نشفات شعرها وخلااتو على راحتو مطلووق ونزلات كان باها وغاليي كيهدرو فالصاالة هز عينو فيهاا وهبطهم دغياا مع كان كيهدر مع كماال 
وجدوو لعشاا وحطووه على الطبلة ودخلوو تبسمات لييه وكلسوو كيتعشااو اما هيا بلفرحة مسدودة الشهية دمقاات باش ميبقاوش عليها كولي كوليي ضحكات ولعبات مع خوتها متفاديا عينيه لي كيشوفو فيها بشووق كبيير لعشرة تاع الليل شاف فيها بمعنى يالله ناضت ديك السااع بلا كلمة وطلعات وطلع وراها هز ليها الشانطة وهيا هزات لبااقيي
تسيفطات معاهم بحال الى غتبعد الاف لكيلومتراات حضن الاب والام متقنعيش منوو وخة يكونو غير حدا بابك ركبات واخيرا معااه عم سكات للحضة حتى شد فايدهاا وجبدها عندوو باسها فراحت ايدهاا وكمل طريقوو ماشي بزااف توصلوو هبطو الشاانطات وطلعوو فالسانسوور
كيشووفيها وكتزلع بالضحك وتشوف فجيهة لخرى وهوا كيضحك ليهاا مد ليها السااروت وتقدمات قداموو حلاات هزات عينيها فالدار ليي كانو فيها ضواو خفاف فلقنات شااعليين ورييحن لعوود ولمسك فاايحة من الداار ولورد لي مزلع فلكولووار بلوان دخلات موشاا كتكتااشف هيا اللولة ودخل غالي الشانطة وسد لباب

سلمى(ضارت عندو)هههه واش دزتي هنا هوا اللول 
غالي-وعلاه شنوو(دورهاا عندوو وباسها فجبهتهاا وتنهد)غاليتيي انت
سلمى-هههه بصح 
غالي-وعلاه كنكدب ممم (عوج فيها راسوو)شي كاس تاع لوييزة امدام 
سلمى-ههههه اه هوا لي خاصنا نييت ولكن انا لي غنوجدوو (حطات ايدها على صدروو)نتا رتااح رااك عياان ومخليتيش جرحة تبرا على خااطرهاا وخاصك الرااحة نمشييو نوجد ليكي انا لويزة
غالي-وشي بوسة معاها مكرهنااش هه
ضحكات وتسلتات منوو لقاب لبييت مسدود ودازت لكوزينة حيدات الشومييز وبقاات فلكسوة لي لاصقة عليهاا وغير سميطات وجدات جوج كيسان بلوييزة في حيين غالي كلس يرتاح شوي تجات ريحات فالصالوون حدااه هز فيها عينوو ودوخاتوو بقا هي تيشوفيهاا تقاد فلكلسة وجرها حداه باس ايدهاا وقال-هدشي عمروو يتعاود اسلمى ممم غنتعلموو نصبرو لبعضيااتناا فكلشيي باش عمرنا نطيحو فشي نقااشات بايخة 
سلمى(حركات راسهاا بااه وكمل كلاموو وقال)من ليوماا فاي مشكييل غنحطو كلشي على الطبلة وناقشووه ومنحطو راسنا على لمخدة تنكونوو ديجا فكيناا امورناا بغيتك تواعدينيي بليي متبقااي ديري لحاجة تاتكوون فخبااريي انا اصلاا مكندير لحاجة تاتكون فعقلك نتي اللولة نتيقو فبعضياتنا اول حااجة ومنخليو حد يدخل بيناتنااا متافقيين مم 
سلمى-متاافقيين 
غالي(تبسم لييها وعوج راسوو فيهاا)ودابا شربي لويزة ديالك راه غتبرد 
تبسمات لييه وهياا كالسة فجنبوو هزات كاسهاا شربات جغيمة منوو ورجعات حطاتوو وهوا هكاك بقاو كالسيين على لهدرة تبدات كتااوب وناضو بجو جبيهم لبييت لي كان مفرش فلبييض بفراش جديد وفوقوو بوكي ديال لورد فلحمر ومزلع على سرير شوية شداتو فايدها وضحكاات وقرباات باستو من فموو بحب وقالت-شكرا انمشي نديرو فلماا ونحطوو 
غالي-متعطلييش 
مشات جابت فاز كبات فييه لماا ودخلات لببييت لقاتو تكا فبلاصتو ومغطي بايزار كيبان هي صدرو عرياان تبوورشاات وطلعات معاها الصهدة وهوا كيخندش فتليفونوو ركبها لخووف وبدات كتفتف بحال الى عمروو قااسهاا فحيااتهاا مشاات لبالييزة وهيا كتحرك قداموو وتابعها بعينييه بغا غير امتا تجيي حدااه هزات شورط وديباردو ديالوو رطبيين من ستاان فلكحل جداد وخرجات من لبييت مشات لدووش توضاات وريحات راسهاا وخرجات كطفي فضواو كان لفيوز بوحدو لي شااعل فلبييت سدات لباب وراها ودخلاات دخلات معاه فلفرااش عاد هزات عينيها فييه 
غالي-تعطلتي علياا ههه اش مشيتي كتصنعيي 
سلمى-هههه والوو غير بدلت 
غالي-ومالكي مبدلتيي فلبييت متبقايش تبدلي حوايجك فدووش وخة(حركات ليه رااسها بااه وهوا كيلعب بطريفات شعرهاا)وخة مكيعجبنيش شعر لقصيير جاك زويين 
شافت فيه كضحك-كتصبغ فيااا ههه عمريي نويت نقطعو بحال هكاا عرفتي لمشات طار لكيراتيين غنولي بحال الى خارجة من تحت شي سدرة ههه
غالي(ضحك)هههه وخة هكاك تيجيك غزال احبيبتيي (هبط ايدوو لكتاافها وهز سميطات ديباردو وقال)لجديد يلالة ههه بصحتك 
سلمى-الله اعطييك الصحة زويين
غالي-معندي غرااض بييه ههه أي حاجة تاتلبسيهاا تاتباني زويينة ولكن هد اللون كيجييك زوين 
بدا كيلعب بصبعو بوجها هواا كيضحك معاهاا وقالت-موريتينيش جرحة
غالي(هبط لغطا او وراهاا جنبوو وحطات عليهااا ايدهاا وقالت –احح باقة كضرك
غالي-ماشي بزاااف غير لطولت لوقفة والى جرييت
سلمى-خاصك تعطيها الرااحة شوية باش تبراا(شافت فيه كيشووفيها وغلبات عليها الضحكة)مالك هه
غالي(بهمس)والوو منشوفش فحبيبتيي همم
بقا كيشوفيهاا وكيلعب فشعرهاا مرة يبوس ايدهاا مر كتفهاا ويهز عينو فيهاا بحال الى كيتسناها تعطييه صافرة البدااية قربات عندو تحساات بلحموو شااعل وباستو ف فمو بشفايفها كيترعدوو يالله بغات تبعد حكمهاا بقبلتوو وجرهاا من فخااضهاا تهبطهاا وقاادهاا فجنبوو
سلمى (بهمس)عنداك ضرك جرحة اغاليي
غالي(كبووس فودنهاا ونفسو مجهدة)خايفة عليا ولا علييك مم
سلمى(بدلع)بجووج هه عارفااك مغتحاولش على راسك
غالي(ضحك)مخفتيش غنحاول علييك(رجع كيبووس فيهاا)موحشك بزااف المشة دياليي مممم
رجع لفمهاا عطشاان وكيتحسس فجسمهاا الفتيي عطاا لجسمهااا حقوو بحال الى اول مرة يشوفوو من صباع رجليها وهواا طالع لبا رغبتوو القوية فيهااا مطلق منهاا تحس بيها عياات وجرعة بدات كتوخزوو فجنبوو تكاا راسوو على صدرهاا كينهج هز فيها راسو لقاهاا مزنكة وعنقها حمر وعينيه معسلاات ضحك ليهاا وقال-صبحية مبااركة يا عرووس 
سلمى(حشمات ودورات راسهاا)هههه 
ضحك ورجع لبلااصتو وجرها على صدروو ساكت كيبووس فراسها وهيا كتلعب فصدروو بدون مينطقوو بحتى كلمة بدات كدور فراسها وهزات عينيها فييه وقالت مترددة-فين كنتي لقتيي داكشيي
غالي(بقا كيشوفيهاا مطولاا وتنهد)فلبييت ورى لماريوو(داعب حننكهاا كيشوف فعينيهياا لكساهم لحزن وباسها فجبهتها)نسااي هدشي لي وقع وخة خدات جزاائهاا 
سلمى-بااش 
غالي(تنهد)طاحت مع شي وااحد وحملهاا ومشاا(رجع شافيهاا)
سلمى-وداباا هيا فين كاينة وشنو دارت معاه 
غالي(كيداعب فايدها)قلبت علييه ولقيتوو تزوج بيها وداباا معندي خباار علييهاا لي علياا درتو على ود لولد لي فكرشهاا...

رجعات تكات على صدروو وكيلعب فشعرها وقال-تقلقتيي 
سلمى-لااا (كتلعب فزغيبات فصدروو) كل واحد كيحصد لي زرع
غالي(تبسم )ونتي شنو زرعتيي 
سلمى(هزات رااسها فييه)شنو بان لييك 
غالي(طلع ليها وجهاا بايدوو تاتلقااو شفايفهم بحب وعشق)كنبغييك 
سلمى-حتى اناا 
نعسوو فحضن بعضهم تال اشمن وقت وهوما بلهدرة حتى تغمضو عينيهم بلا شواارهم 
ومهما توالَتْ ليالي السَّهَر سأسألُ عنكِ الصباحَ الجميل(احمد شوقي)
صبحات فحضنو كيف شي مشة فعلاا كيف مسميهاا مزير عليها بايدوو مستحودة على نصف صدروو ومخلية بلاصتها خاوية حلات عينيها مجبدات بنعاس على صووت لباب كيدق براا ناضت كتااوب مخلية غالي نااعس وحاط ايدو على عينييه لبسات بينوارهاا طوييل فلقهويية رطب وحزماتو تمبقاي تيبان والو من جسمها لعاريي وخجات تاتحك فعيينيها طلات وبانت ليها نجوى وفرنساات وحلات لباب
سلمى-بايتة كتحلمي بياا 
نجوى-لاا اختي معندي مندير بييك ههه(مدات ليهاا الشبكة تاع لبيكنيك وغمزاتها)لاا راه باين اش وقع بلا منسول
سلمى-باااز(شدات من عندها)ممم شكون صايب هدشي
نجوى-ماماك عرفاتك غتصبحو مجبديين هههه 
سلمى-سيري اختي عند رااجلك وخليني مع راجلي 
نجوىمقلتي عييب هههه تهلااي
سدات لباب موراهاا ودات داكشي لكوزينة كتجبد فطباسل مغلفيين فيهم لمسمن ولكيك ولحليب ولقهوة تبسمت وهيا كتحط تحساات بييه زيرها عندو تاتفزعاات وقالت-محسيتش بييك
غالي(باسها فودنها)معامن تشاورتي تنضتي من حداياا (تنهد برتيااح)فراسك شحاله هادي معرفت نوم الرااحة تاليوماا مبقيتيش تخلينيي عفااك راه وليت كنتلف بلا بييك سلمى-ههه سير نعس لا باقي فيك نعااس
غالي(بعد عليها وعطس )لاا غنمشيي ندوش فلتنا لفجر ليوماا(شاف فالطبل)نسيبتي تهلات فينا ههه
هورتهاا ومشاا لدووش هاز فوطتوو حتى تبعاتوو كان عاطيها بضهر تحس بيها دخلات حداه وقالت كضحك)نعاونك 
غالي(مسح عينو من الشومبوان وشاافيهاا)يكما باقي كنحل ماجي فيقينيي عفااك 
ضحكات وقربات منوو قرصاتو من حنكوو وقربهاا عندوو حيد ليها لبينوار خلاها ملطة بدات كدوز ليه الصاابون على صدرو وهوا محاصرها بايدوو لاح ليهاا الصابوون من ايدهاا وخشاها تحت لماا تفزكاات وزيرها عندوو وخلاااااو لمسمن كيبرد وسخنو هومااا """""""""""""""""""""""""""""""""""""""""""""""""""
مرت اياااات بل شهور بل ست سنوات تخرجاات سلمى واخيييرا من لمعهد بنقطة مزياانة خولاتها تدخل لجمييع التخصصات اما غالي كمل عاميين فكازاا ودخل كمال بمعرفتوو او ولى فربااط عايشين حيااة بسييطة غنية بحبهم وتفااهم متباادل كيعيشوو والاهم رزقهم الله بعد سنتين من الانتضاار بتوام بنااات وحدة تنسييك فلخرى اما غالي فتقطعات لعلااقة مع كلتووم كيسول من لبعييد حدوك يمشي يضووف خوتوو وجدااه عند عمتوو ويرجع ادراجوو مرضات بجهد ولات مشوكة فييه وفبناتوو ولكن معندها تاعدر يشفع ليها بييه 
لييوم كان اخر يوم فرمضاان واقف غالي وسط الصاالون كيصليي تسمع بشااخ فلارض وسلمة غوتات باسم-جوااااهر 
ماشي بزااف تدخلاات فااارة لصالوون باغة فين تخبى مباان ليها غير فووقية باها تخشا تختو وهوا وااقف صدقات واقفة بين رجلييه كتنهج وشعرها طالع لسماا مابين لكحل ولقهويي وعينيها كباار وشفار قويين كحليين وعينييها واخداهم من باهاا كحليين ضعييفة وبشرتها بيضااء عاضة على فمهاا بقا واقف وزااااد طول فالقران تيشووف هادي لي تحت رجل واش بغات تصنع ماشي بزااف تدازت من حداه لخرى بشعر طالع لسما كتر من ختهاا بغات تخشا عند باها تدفعاتهااا جواهر وقالت-عطيك موصيبة سيريي تخبااي فقنت اخوور كي تاتزاحم 
-بلااتيي علييك 
مشاات ضاارت او وقفاات قدام باها فوق الصلاية (سلم وااقف عرفهم دارو شي زبلة مامنهاا جوج يالله بغا يهدر بانت سلمى بكنضوورة عريضة ولكرش سابقاهاا وشادة فايدهاا الطابلييت لي تشخشخاات ...

غالي(شاف فيهاا)اش داكشيي
سلمى-الطابلييت تشهر مكاامل هرسوهااا لبعلووكات 
هز فوقيتوو وبانت جواهر شدها من دراعها وجر لخرى قدامو وقال-شكون هرسهاا 
جواهر-نواار اباباا والله 
نوار(بدات تاتبكيي)والله ما اناا اباباا رااه هيااا لي هرساتهااا اهننن تاتكدم علياا والله لعضيم اباببااا هننن 
جواهر(بدات تضحك)ههههههه تاتكدم عليااا والله لعضييم 
سلمى(خرجات عينيها فييهم)لبااقي شفتو شي حاااجة عكروو ليااا سمعتييي 
نوار-هئ هئ ماشي اناا امامااا هئ هئ انا كنت تنلعب يااكاااا وهيا تهرسهاا وكاتليا لمعطينيش موجيي نقوليهم نتي لي هرستييهاا 
غالي(خنزر فجواهر )اش قلنا على لكدوووب هااا 
جواهر(خرجات عينها هيا الخيرة فييه)تانتاا كتدكب عليااا يالله 
غالي(خرج عينوو)انااا امتااا 
جواهر-قلتي ليااا غنديييكم لحدييقة لحوياان ومديتينااش 
سلمى-فففف قهرتووونييي 
غالي-مكدبتش عليييك قلت لييك غندييكم كنتو كتقراااو 
نوار-باباا انا مكنكدمش
غالي(ضحك)مكنكدبش ابنتي الله اهدييك عاوديهاا 
نوار(رخات عويناتها علسلياات بحال مهاا)مكنك مكااااا نك(حكات عنقهاا)مكنككك
جواهر(شدات كرشها كضحك وتنقز)ككككككك نننننن 
بدات نواار تاتبكيي ومشاات عنقات مهاا وغاليي شد قدامو جوااهر لي مشبهات فيهم والوو فعاايلهااا كيحيرو فيهم وكبر من عمرها بسنواات عندها ربع سنين وعقلها تاع سبع سنين 
غالي-ياك تنقوليك مباقيش تعيبي يختك
جواهر(كترمش فييه )بغيييت 
غالي(تنهد)صبر يونس يااربيي 
جوار-اويييييييلي شكون يونس 
سلمى(هزات بنتها لي تاتبكيي وداتها معاها لكوزيينة )صافي احبيبتيي متبكييش 
نواار-هئ هئ هياا خااايبة انا زوييينة ياك امامييي 
سمى-اهه ابنتييي 
نوار-هئ هئ بااسلة لخرى 
اما غالي راه وااحل مع جواهر يدوز ليها منهناا دوز ليه ملهيه شكون يونس وعلاش كلاه لحووت ومسرطوووش اباابااا ومنين خرج وعلااش دخل واش السرديين ابااباا واش 
غالي-بنتيي الله ارضي علييك راني صااايم دوختي لياا راسييي 
جواهر-وعلاش انا منصوومش 
جواهر-بااغة صغيرة
جواهر-انا مصغيرااش انا كبرت وكنفهم نوار لي صغييرة انا غنصووم مغناكلش
غالي(تنهد شاد راسوو)سلمىىىىى سلمىىىى 
سلمى(جات وقفات حداه )مالك
غالي-شدي هادي احبيبتي بااغي نصليي لعصر عفااك 
جواهر-نصليي معاك ابابا 
سلمى-هههه صلي معاه ابنتي مزياان تعلمي تصليي
مشات وخلاتو واحل معاهم بجوج مشاف ميدير داهم كلسهم وشعل ليهم التلفاازة وناض كيصليي ناضت جواهر جراات نواار ومشااو طلعات وحدة فوق ضهروو وغير كلس نعسات نوار فوق الصلااية وحيدات تيشورت على كرشهاا باش يبووسهاا فيهاا كيبعدها وكترجع لييه ويكلصقوو فيه ملي ينووض يصليي مكمل ربعة الركعات تبغا يضج بتعنكييش ولمضارفو فوقو وتحتوو تيكونو سمن على عسل تكتسمع لبكا ولغوات ولهيلالة وصداعاات الرااس ميكيبردو حتى كيغوت عليهم بجوج السعاتي وحدة كتكمش ولخرى كتمشيي تنبش على لحنااش 
غالي(لجواهر لي كتقلب فلمجوورة وتحط وتسد وسلمى تكات ومنعسة حدهاا نواار كتقلب ليها فكرشهاا)واش نتي متحطيش قزيبتك اللرض شويية 
جواهر-حطها نتااا 
سلمى-هههههه ناريي كتعطيك ياخوياا 
جواهر-لعاطي ربي واي واي ماشيي لمعطي واي وايي نننن واي وايي (بدات كتعوج وتشطح قداموو بشورط قصير وديباردوو وهوا هي كيشووفيها ضراتو فراسوو)
مهدي-كنخليكم مع خالك جوج سواييع كتندمونيي والله 
نوار-بابااا مهديي خاااايب كيعلمنا لبسالاات والله 
جواهر(تعوجاات ليها)بزاااااف علييك حبيبيي زويين غنمشييو عندوو والله منخلييه يعنقك يالله موتييييي موتيي 
غالي-لمرة جااية غنضربك اجواااهر بديتيي كتبسلييي (خرج فيها عينييه)كلسي اللرض خليني نتسنط لرااسيي
سلمى(ضحكات سلمى تاتعوجاات بكرشهاا وتقسحات تاتجمعو عليها كامليين 
غالي-يكما ندييك لطبيب هاا 
سلمى-ففف لا لا غير وجع خفيف...

واهر-ناري اماما كون غير بقيتي حاملة 
سلمى-هه علااش
جواهر(باست كرشهاا)جاتك لكريشة زويييينة ومكتقدريش ضربيناا ههههه
غالي(جابهاا فوق حجرو كيمسد لسلمى رجليهاا ولخريين كيقلبو ليها فكرشهاا)انا مزااوك غير متاوميش تانيي هههه 
نوار-لاا انا بغيت تولدو خلاااص باش نبوسوو ياك اماما انا لي غادي تعطيه لياا
سلمى-يالله لي مدارتش لبسالة منهناا لفطوور غنخليها تهزو ملي يتزااد 
جواهر(بابااا عاود ليناا ملي كانت ماما حاملة بينا تحناا
شاف غاليفسلمى وطرطق بالضحك تضرباتو برجلوو 
غالي:ههههههه وخة اباب نعاود لبنتيي شوهة مامااااك هههه حم كااااان يمكاااااان كانت واحد لبنت غزويلة وصغييورة بحالكم هههه
فلاش بااك 
عامين دازت على سلمى وغالي كلها حب كان ناقصهم فقط شيء يتوج حبهم لي كانو كيتسناوه بفارغ الصبر امتاا يجيهم خلاوها فايد الله تيجي بخاطروو كانت عاد سلات لمتحانات وفرحانة بالديبلووم فاقت على وجهوو كيف ديماا وبداات كتلعب ليه فلحيتوو وتبووس فييه من كل قنت تفاق وطل عليها كيضحك وقال بصوت ناهس :الصحفية ديالي هههه صباح لخير 
سلمى(باستو من فموو)صباح النور لاستاد ديالي ههه (رجعات باستو تانيي وغالي مطلع حاجبو فيها مدة وهيا هكا زايدة نغيزة فلحب تخلاتو كيتعجب فيهاا تاتفيقو فنصاص الليل باش يبةسها ولا يعنقهاا ولا حتى يتخشع معاهااا 
قلبها على ضهرها مكمش فيها عينوو وقال:مشاو لمتحانات مشا ستريس وبقيتي نتيييي ههه (خشا راسو فعنقهاا وزيرات عليه)
سلمى:غالييي نقوليك واحد لحاجة زمتقلقش (شافتو هز راسو فيها وطلع واحد لحاجب وخرجات ليه شناايفوو كتبجغهم وكضحك)ناري شحال حلوو ههه 
غالي:دوي بلا صبااغة
سلمى:كي شفتي هد شهراين كان عندي سطاج ولمتحاماات وزيد وزيييد ومديتهاش فليغل حبت ديجا كتعطل علياا الووغ قلت بلا مناخد دوى لي خرجاتو طبيبة تاتجي بوحدها واصلا كتمرضني وداباا شهراين مجاتنيش وداباا كرة مرة كيشدني شي وجع وكرشي تنفخات شوي (دبلات عينيها ملي شافتو قندش)والله تاتلهيت مع لقراية ونسييت 
غالي(حز تيشورت على كرشها لقاها عادية من غير منفوخة شوي هل لي كانت مسطحة او ناض قافز)نوضييي تنقزليك شحال من مرة متنسايش صحتك ولي فراسك فراسك 
نوضها بزز دوشوو ولبسو حوايجهم وهيا كعما مسوقة كل مرة تجي تعنقوو وتعلق فييه فطرو بزربة وخرجوو مشاو لطبيبة ديالهاا شادين النوبة وغالي كيفيبري برجلو وكيشوف فالسااعة 
سلمى:تتكون مجهد ملي تاتكون كاعي غير تاع لبوسلان 
غالي(ضحك مدور راسو لجيهة لخرى كيستغفر الله تعيطو ليهم وناضت شداه من دراعوو دخلو لطبيبة شرحو ليها لي كااين وناضو لغرفة لفحص واقف حداها زا طبيبة كيتحلف عليهاا تبدات طبيبة كتفحص فيهاا وضحكات وقالت: يلالة ويلالة لبهلوكة لي ولدتها بيديي حاااملة 
جمع غالي الضحكة وراهاا محس تقرب لطبيبة وراهاا وتحنا على التلفازة وقال:امتااا حاملة اا بغيت نقول زعمة شحال عندها
سلمى(تسمرات وعينيها خارجييين محسات تحلات ايدها لغالي لي عنقهاا بلا ميحس )نااااري اغالي حاملة هننهه واخيراااا 
غالي:هههه الحمد لله ياربيي 
..اصبرو بعداا صبروو رجعي نعسيي نقلبك مزياان
غالي:امور هانية 
رجعات سلمى وطبيبة قلباتها وهوما شادين فايد بعضهم ولفرحة غطات عينيهم بجوج تنطقات طبيبة بلكلمة لي خلات سلمى تصدم وقالت:عندك توام 
غالي(بفرحة)ههه الحمد لله
سلمى(بخوف)اويليي كاع جوج فين غيكونوو لا لا لا بغيت هي واحد عفااك 
...صافي ولدي واحد ولاخر نخزنووه فلفريكو تالعام جاي تي واش صافا شوية 
سلمى(كلسات تاتبكي وطبيبة وغالي ميتين هليها بالضحك خرجات طبيبة وخلات معاها تيحزر فيها)هءهءهء لا اغالي منقدرش على جوج اويلي غنتفركع 
غالي(مسح عينو من دموع بالضحك )هههه اه غتفركعي امسكسنة واش منيتك هههه الله اهدييك احبيبتي عاد كنتي باغة لولاد
سلمى:هءهء ككضحك حيت ماشي نتا لي غتخرجهوم منك هءهء غنموووت 
غالي(جرها عنقها وكيمسح ليها كرشهاا وكيرطب معاها تدخلات طبيبة كضحك وقالت:ها اش تافقتوو داباا تخليوه تالعام جاي
سلمى:هء هء جاتكم ساهلة نتوما ضحكوو راه انا لي غنتمحننفيهم
....تمحني وانا كاااينة دغياااا داكشيي ابنتيي ولمكنتيش قادرة تولديهم صافي اندير ليك سيزارياان متحسي بيهم تيكونو حدااك وبرااكة من لبكااا وفرحي راه دعوتكم جات مضوبلة ههه
غالي:مزياانة سيزاريان حسسن متعدبيي 
سلمى(مسحات عينيها لي حمريين وجمعات لوقفة تعنقها غاليي وربت على كرشهاا طول فترة لحمل دايرها فوق عينييه حتى من الدوش فلاونة الاخيرة هوا لي كيدوش ليها حيت كرشها تقلاات عطات الراحة لراسهاا وملي كيمشي لخدمة كيديها عند ديمنة لي حبسات لخدمة مقابلة بنتهااا تاتولد على خير وهكا بقات اياامهم حتى ولداتهم عاد رتاحت وبدات مرحلة سهير لي مفلتش منها غالي معضم ليام كيمشي مبوق لقسم وفلسترتحة كيجبد عليها ولاو بجوج بيهم سكرانين بلا شراب وخة هكاك كانو فرحانين ب تمرة لحب لي جمعاتهم بجوج وتوجات علاقتهم للابد.....
شاف فيهم لقاهم ضربوو الطم بجوج وحدة تكمشات عندها والتانية عند باهاا وقال.عقبا لغسان نعاودو لبه تهواا ههه

سلمى:ههه الله ايجيبو على خيرتهوى
كالس كيماصي لسلمى فرجليها لي تنفخو مع شهرها هداا وقال بهمس حيت نعسو لبناات-عيتيي احبيبتيي
سلمى-بزاااف هلكني رمضاان ولحمل 
غالي-كلت ليك متصومييش هاد ليامات ولي فيك مهنااك 
سلمى-باارد لحال مسخوونش بزااف مبقا والو ويادن اصلاا
ناض حط لبنات فبيتهم وحدة حدا وحدة وكلس حدا محبوبتوو كيداعب فكرشهاا وكيماصي ليهاا باش ترتااح 
غالي(حس بضربة فايدو تاع لبيبي وهزها قافز كيضحك)هههه مال هداا تانيي
سلمى:هههه ميكونش بحال لبناات فف محنونيي 
غالي(تحنا باسها فكرشها)ولكن مكيعدبوكش فلوحم تيكونو دراوش فكريشتك غير كيخرجو كيتسيفو
سلمى:ههه حشومة عليك 
ضحك وهز راسو كيداعب شعرهاا وقال:لمشة ولدات ليا مشيشاات ههه 
وصلات الستة ونوضهوم لبس ليهم حوايجهم مقلوبات بنعااس ومشا لبس كندورتوو وبلغتوو في حين سلمى لبساات كسييوة مرخووفة وشاال وصندالة تاع صبع نزلو ومشاوو لعند كمال وديمنة يفطروا خر فطور ليهم فرمضاان لقاو الطبلة موجوودة وديمنة لايحة على شعرها ساال مع كنضورة 
ديمنة-الحلووفة جبتي هجيجك تانيي السلامة يامولانة عاد بردت من لبز 
سلمى-هههه هناك الله منهم هد شهر 
ديمنة-دارت فيا هد لكرش خير كيرجعو ليا رااسي اللور باز ليكم 
جواهر-ياك اماميي عاايرينااا انا تواحد مكيبغينيي الا بابيي 
ديمنة-بابي راه غير مشوك فلبناات لقباحات بحاالك اما انا لحب ديالي غي نوار (عنقاتهااا)مكتكدميش ابب ياك 
نوار-ههههه لاااء 
غالي(سلم على كماال)جينا نضروكم فالراس تانيي 
كمال(هز جواهر معنقااه)لمبغيتوهاش خليوها لياا مزيان تبارك الله هد المنتوفات معاجبينكمش 
جواهر-لمنتوفة هيااا مامييي 
سلمى-جوااااهر ناري ابابا ضسرتيها والله مبقاتش كتسمع ليناا 
كمال-ومالها كدبات (شاف فديمنة)كاينة شي منتوفة قد ماميي هههه زيدو دخلوو (قاس كرشهااا)كيبقيتي مع تقل شوية 
سلمى-شوية اباباا ههه 
مهدي(نازل من درووج) وتجبدوو لبناات طاروو عندوو كيحماقو علييه وقال معنقهم-ناري ضريراااات جاو 
كلسو فالصاالون مجموعين وسعد كبر تتهوى وفين مداز تبعااه نوار واميين لاصق هي فختوو حاط ودنو على كرشهاا كيسمع تا ادن لمغرب قطع غالي تميرة وسما الله ومد نصهاا لسلمى لي كالسة جنبوو عادتوو كيف ديمة التمرة اللولة ديما كيقسمها معاهااا حتى كيجيو لبنات كيجريو كيوقفوو حدااه باش يدر ليهم نفس لعملية كيديروها فمهم ويمشييو يكملو اللعب ديالهم 
دوزو داك لفطور بالضحك والنشااط كيف عادتهم مهديي لي ولا كيلعب فلفريق الوطنيي ربى العضلاات ولحم وغير مزاد فتزلاليت لي فيييه وكيجي يعاود ليهم زبايلو مع لبناات 
تعشاات لعشية ورجال مشاو يصلييو لعشاا جاو تعشاو وكل مرة سلمى تشدهاا وجعة فجييه بحكم لحمالة اللولة عرفات عندها توام خاافت ودارت سيزاريان قبل ميشدها لوجع داباا عاد تاتجرب فييه ملي عرفات بلي عندها وااحد بغات تجرب لولادة الطبييعية 
ديمنة-يكما لوجع نعيط لامل
سلمى-لا لا قلتها لييهاا كالت لياا باقة ليك سيماانة عا تولديي هد لوجع عاديي تنجوى قالتها لياا هكا كان كيدير ليها ملي بغات تولد فهد 
ديمنة-لمهيم لكانت شي حاجة عيطي لامل دغياا ابنتي وخة 
بداو لبنات كيتلاوحو بنعااس هزهم غاليي وناضت سلمى كتعكز بتقلهاا دارهم فبلايصهم اللور وحل ليها لباب لقداام تسالمو معاهم وتنماو ليهم عيد مباارك ومشااو لدارهم حاط ايدو على كرشها وساايك وقال—هد لخنفووس عدبك ههه مبغا لايخرج لايرصي راسوو لداخل 
سلمى-ففف خلييه تيفوت لعييد ويخرج ههه 
وصلوو لدارهم وهز لبنات كل وحدة فاييد معنقينوو وناعساات وطالعة سلمى وراه كتجر فرجليهاا موصلات تلقاتو حطهم فبلايصهم مع دخلات لاحت حوايجها من الصهدة لي تاتجيهاا وبقات هي بدو بيااس فكات شعرها لي طواال ورجع لحيويتو كيف كاان جا حداها لاح عليها ايزاار خفيف وكلس حداها كيداعب فشعرهااا وكيماصي ليها ففخاضهاا وجنابهاا بدا كيبوس فيهاا وقال-زعمة هد ولدك مغيخليناش نختمو رمضاان 
سلمى-هههه لا لاا بغيتي تلاقا معاه فطريق 
غالي-ههه اوى يخرج ولا يخلينا ندخلوو شلا على فشوش تهوى جاي بييه 
ضحكاات وبقاو هكاك تنعسوو فاقت على وجع فكرشها نوضها قاافزة ناضت لبسات كسيوة خفيفة ومشات تضرب لماا ودازت لبيت لبناات لي كلو عامر باللعاب مكيخلي كمال ميجيب ليهم تولاا عامر جامعاهم فرير واحد حدا بعضياتهمم كيباتو ديما معانقيين قدات نوار لا لايحة رجليها على جواهر وغطاتهم محيدة النونوساات من حداهم شاتها وجعة تفقدات التوازن وعضات على فمها باش متغوتش بدات كلها كترعد عرفات هدشيي ماشي غير وجعة وغتفووت خرجة من لبييت كطلع النفس وتهبطهااا تقربات لبييت وحسااات بلماا نازل سخوون مع رجليهااا..

عضات على فمهاا وشعلات الضو من لبييت تاتزااد لوجع عليهاا وصدرات انين شادة فلباب على اترو فاق غالي مكمش عينو من الضو شافها هكاك وناض قاافز كيجريي عندهاا شدها من ايدهاا 
سلمى(بلام)فففف ففففففف السكية طرطقاات هئ هئ ااااي 
غالي(شاف فلماا وتخلع حيت تافلحمالة اللولة معاش هد التجربة تلف وداااخ شدها من وسطهااا )تهدني اسلمى متخلعييش كلشي غيدوز بخيير غنمشيو داباا فف تنفسيي مزيااان عفااك تنفسيي 
سلمى(زيراات على كرشها وغوتااتت)ااااي احححح هدشي هاابط اغاليي مقاادراااش هئ هئ لبناااات لبنات ناعسيين اوووف فففففف
كلسهااا فوق سرير دغياا كيلبس فحوايجوو كلشي تلف تامن التليفوون ملقااه تفكر بلي خلاه فالطموبييل تغوتات سلمى وجا عندهااا-صبريي نعييط على ماماك تجي تشد لبناات 
سلمى(كتنهج)غالييي هئ هئ كنولللد ااااه (تسندات على لوساادة صدرها كيطلع ويهبط)مغنقدرش نهببط اغاليي ففف اااااه هئ هئ احح اربيي صوني لاملل 
حسات بييه هاابط وتكات كتحيد فلكسوة لي قااسها لماا لقات سلييب فيه الدم اما غالي تلف وهوا كيقلب على تيليفونها تلقاااه شد التيليفون كيترعد ودوز النمرة لامل وهوا كيصبر فيهااا تجاوباات شرح ليها حالتهاا وعلماتو بليي ولاادتها بدااات وميصحش تنووض دابااا 
سلمى-هئ هئ غاليي غاليي جججااااي اااي
دار فيدييو على لولاادة حدااه وكلس قدامها حل ليها رجليها ابزز كيترعد وقال-تنفسيي مزييان اسلمى طلعيي النافس مزياان وزحمييي 
بدات كدير داكشي لي قااال وكاتمة صووتهاا تولات كلها كتقطر بلعرق وهوا كيماصي ليها ففخااضهااا وكيتالم معاهااا تهبط رااسو وقاال-سربيي اسلمى هاهواا احبيبة جاااي زيديي شويي زيديي
دخلوو لبنات لااصقيين فلماريوو تيبكييو معرف يسكت هادي ولاا هادووك غطا ليها نصهاا بليزاا وشااد ايدهاا والتيليفوون فودنوو مع طبيبتهااا 
غالي-يالله يالله احبيبة مبقاا والوو 
سلمى(زيراات تولى وجهاا مزنك وطلقاات النفس حاسة بروحها كتزهق منهااا كتشوف فبناتهاا كيكشكشوو حدااهاا مدات ليهم ايدههاا وطلعوو حداها بجوجات شادييه فايدهااوكيمسحو ليها فشعرهااا ويغوتو معاهاا لغوتات كيبغيو يجيو يطلوو عند غالي ويكرجعهم اللور زحمات بجهدوغالي شااد الرااس بصبعانو بجوج كيف كتقوليه الطبيبة فتحتهاا حتى جر لييه كتيفاتوو بالطوول وخرج لبيبيي كيتزلق 
هز غالي عينو فجواهر حيت هيا لي قاافزة وقال-عطيني الصااك تاع لبيبيي لي موجدة ماماك دغيااا 
طارت بجري لماريو جبدات صاك زرق دفعاتو حيت تقييل لجيهت غاليي لي هز لبيبيي من رجيلاتوو تغوت والاخيير ضحك تلمعو عينييه وسلمى راه صاافيي فشلاات ونوار تاتمسح ليها فوجهاا وفدمووعهااا جاب مقص صغيير قطع لحبل وهدشي كول والتليفون فودنوو تسالا وقطع لوااه فايزاار تيبكيي او وقف حطوو لسلمى فووق صدرهاا كتسكت فييه باقي مفاقوش من الصدمة لي قوعاات مشا كيجريي جابب بانيوو صغير فيه لما سخوون وفووطة نقيية وبدا كينيطوااي لسلمى فرجليها وتحتهااا باقي الصدمة مخلاتوش يقوول تكلمة مشاا حداهاا وضحكات لييه تدمعو عينيها وعينييه طاح فااشل قدامهاا وحط فموو على جبهتهاا كيمسح على شعرهاا وكيرد النفس وعينييه دمعوو 
سلمى-هئ هئ غاليي شوف شحال زويين 
غالي(شدوو سااكت كيمسح ليه فوجهوو )تبارك الله (هزو وقربوو لونييه كيادن لييه ويقرا لمعوتيين كيف جرى فبناتوو حطو حداهاا وضاروو بييه لبنات شادين ايديااتوو مبهورين بييه وشحال صغيير جاهم بحال شي مونييكة ولا نونوس عاون سلمى تناضت لبسهاا سليب وفوطة صحية وسروال مقطن ولفوق ديالوو بعقيداات هز داك لفرااش كامل بدلوو في حين سلمى هزات لبيبيي لي عطاوه اسم غساان الاسم لي جامع الاحرف الاولة من سمياتهمم بدلات لييه فبييت لبنات ومسحات لييه 
جواهر-واو زوييين اماما نعسو حداياا 
نوار-لا راه باقي مومو ماما محلش عينييه 
سلمى(بتعب)داباا يحلهم اماماا هي صبروو 
جا عندهاا غاليي لقاها بدلات لييه وقال-نعيط لماماك داباا اسلمى
سلمى-لا لا خلي تالصبااح انا بخيير صباح ونمشيو لعند طبيبة 
غالي(جرها عندوو عنقهااا وباسها بحب وقال-شكراا احبيبتيي على هد لفرحات لي عطيتيني شكراا 
سلمى-تا انا راه لفرحات دياوليي 
غالي(باسها من فمهاا وهزهااا وشاف فلبنات)بعدو عليه هاني جااي 
داها لبيتهاا لي نقااه وقادوو بفراش اخوور حطها ومشا جاب غساان لقاها حلات التيشوورت وتغطاات حطو ليها فدرااعهاا جبدات صدرها عاضة على فمهاا وقالت-غنتعدب تانييي 
غالي-غير صبري انوارتيي 
تجمعو عليهاا وهياا كترضع فييه وكيلعبو فشعرو الاسود لكتييف وغالي كيبووس ايديهاا ويعااود فرحاان وهيا محيلتها الاسئلة بناتها لكتيرة ولاا لالم لي فصدرهاا تهزات عينها فغالي لقاتوو ساهيي فغساان
سلمى-حبيبيي
غالي(هز عينو فيهاا)مم بغيتي شي حاجة 
سلمى(زيرات عليى ايدو)شفتك سهيتيي
غالي(تبسم وباس ايدهاا)خفت علييك باقي مشووكيي كنا كنخططو لولاادة ديالك فجيه تصدقتي والدة فالداار وانا لي مولدك بااقيي 
سلمى-متمحنتش بزاااف احبيبي والله متشغلش باالك (شافتو تبسم ليها وسكت تانيي كيداعب فايدهاا وقالت)غاليي بيك شي حاجة خرى حاسة بييك هد ييوماين ماشي تالهيه 
غالي(تنهدوحط ايدوو على عينييه) كون لوالييدة مدارتش لي دارت كون كانت هنا وقابلااتك بحال بنتهاا (شاف فبناتوو=وشافت حفاايدها لي معارفينهاش داباا حتى شكوون ...

سلمى(جراتو عندها وجا جنبها ولاحت رااسها على كتفو متعبة وحتى هوا هكاك تنهد تنهيدة مخرجها من الاعماااق تداروو بيه بناتو لي كيحماقو علييه كل وحدة معنقاهم من قنت هزات راسها مع فمو نيشاان وداعبات لحيتو الودااء سواد الليل وقالت-معنديش مشكييل اغالي لبغيتي تمشي تشووفهاا هاديك تاتبقا مك وجبرت حر لولادة جوج مراتت عارفة شنو كتعنيي (تنهدات)سير شوفهااا باش تانتا تعيش مرتااح منبقاش كل مرة نشووفك هكا ساهيي وفينما مشيتي تشوف خوتك وجداك كترجع مرييض 
غالي(تنهد وباسها فراسهاا)يكون خيير معرفتش ايلمى والله 
مزال كيهدرو حتى صونا لباب بدقات متاتااليية وناض غالي وقال-طبيبتك وصلاتها سخونة لماماك هه
مشاا كيجريي ونوار تابعااه كتنقز حلو لباب لقااو كمال وديمنة صفرة مقطووعة من الدم وعينيها مغرغريين 
ديممنة-فيين سلمى فيين علااش معيطووش لياا
غالي-ههه تهدني اخالتيي انا براسي راه باقي مصدووم راهاا فلبييت صحتها مزيان مخفتييش
دخلات تاتجريي لقات سلمى كضحك طاح ليها لما فركاابيي اما كمال ضحك لغالي وقال-صافيي بقا لييه هيي صاج فام درتيها تهياا (ربت على كتفوو)اسيديي مبرووك الامسر ديالناا
نوار-ياك انا اميرتك
كمال(هزها عندوو)نتيي راه لحلوة دياليي اش هد الزين اخوياا والد هااا ههه نمشيو نشوفوو ماماك(شاف فغالي)ياك مزياانة وخة راه ضروري تمشي تشوف طبيبة وحتى لبيبي
غالي-راه بغيت نديهاا دابا ومبغاتش كالت تالصباح راها فلبييت دخل
دخلوو لعندها لقااوها كتسد فلتيشوورت وديمنة هازة غساان كضحك معااه وقالت-غيير نتاا اغالي سبحان الله 
كمال(عنق بنتوو وباسها تمقد)شرفتي ابنتي شرفتيي
سلمى(بتعب)ههه صافي غير ولدت شرفت 
جواهر-لاااا ماما باقة زويينة(شدات لييه شعروو)نتا لي كبتريي وشبتيي شووف شعرك ولاا جوون
كمال-لااا ولاا قوقييي ههههه كلشي تاتعرفيه تاتفرقي بين لواان بااز
ديمنة-ضروري تديها لطبيبة تشوفها وتشووف لبيبيي
غالي-ولبنات كيخافو من لكلينيك 
كمال-انعيط لمهديي يجي يشدهم
لبنات-ياااااي 
سلمى-صاافي روينة اتنوض فالدار 
هدر كمال مع مهدييلي هز طموبيلت موو وجاا كيدق فلباب تمشاو لبنات كيجرييو حلو علييه وهزهم كيعنق فييهم ويبووس 
مهدي-راه يالله شفتكم الفاارات 
جواهر-هيا لي فاارة انا زوينة بحال ماما يااك 
مهدي-مك مزويناش انا لي زويين 
دخل عندهم لبيت وشاف فختو وضحك وقال-افيين اقنية بنت قنيية 
سلمى-داباا نشووفوك نتاش حال غتولد
مهدي-لاا اختي اناا باركة علي نحضي غير هجيجكم 
بقاو على سلمى تنوضووهاا وديمنة هزات لبيبي لواتو فمانطة دافية حيت محرك لبرد مع لفجر زاد عليها غاليي كااب وشاالها وشدها من جناابها كيتمشا بيها بشوي مخلي لبنات مع مهديي لي كيدير ليهم لخااطر وخة مشتت بنعااس 
هز غالي سلمى نزلها فدرووج حتى هبطهاا وطلعو كاملين فالطموبييل وديمنة اللور شادة غساان 
ولفووق رااه روينة نايضة فوق رااس مهدي لي متكيي وشاد التيليي مصبح لحال تصبح روااين وحدة ناعسة على كرشوو والتانية معنقااه 
اما سلمى راه قلباتها طبيبة لقاات كلشي عندها مزياان وقلبو لبيبي حتى هوا لقاوه مزياان وخرجوو راجعين لداار توقفاتهم فرمليية بلبتساامة كتشووف فسلمى وقاالت-نتي هياا سلمى اليووسفيي يااك 
سلمى(بابتساامة)هياا انااا 
-فراسك عمري فلت شي حلقة والله لبرنامج دياالك غزااال وحتى الناس لي كتجيبي واعريين (شافت لبيبي)مبروووك علييك يتربى فعزكم ان شاء الله 
سلمى-اميين احبيبتي ربي اخلييك 
-نقدر ناخد معاك شي صوورة تدكاارية ههه 
سلمى(بعد غالي هاز غساان ماشي اول مرة تعرض ليها شي وحد متبعاها فلبرنامد دياالها فالرااديو وفليوتووب تصورات معاهاا ولخرى بلفرحة عليها مشاات حطاتها فلفليس ولكرووبات او كلشي كيباارك 
غالي-راه تنغيير ههه 
سلمى-حمد الله عمر شي ولد وقفنيي يتصور معاياا 
غالي-حربووش والله تنعميهم لوالدييه 
ضحكاات وعنقاتو من ضهرو متكية علييه تخرجو لقاو كمال وديمنة واقفيين طلعو ومشاو لداار مع حلوو سمعو روينة ولغوات والضحك الصالون مقلوب حالتوو مشا غالي لبيت لبناات وحل وحل معاه فموو وقال اش هاداا 
ناض مهدي جرهم ورااه كيمسح فلعكر من فموو ولغبرة تاع لفوندوتان فوجهو بحال شي كلوون وقال-واش اخوياا والد بنات ولااا جنياات 
طلوو كاملهم كيتفرشخو بالضحك ها لي كان ناعس وزوقوو ليه وجهوو تبانو من ورااه لعكر واصل تالودنين ولكحل فوق لعينين ولكونتوور فلحنااك وقلم كحل فوق حجبانهم ومع حجبانهم زعريين فراه بانو كي جنييات فعلاا 
غالي(خرج عينو فيهم)اش هد شيي اجوااهر اش
جواهر-يااويلي رااه بغينا غنلعبوو تت(جمعات ايدهااا كترمش فجدهااا وتلبد فعويناتهااا 
نوار-باباا راه هيا لي كات لييا ننن ننن(طلات عليها من جنب لااخوور )نولييو كباراات ياكاا ونديرو لمكيااج باش نبانو زويينات 
سلمى-مييييمتيي على حوايجي كلشي ترون (شافت فمهدي)لي عول علييك عول على لخلى
مهدي-ورااه لفقييه وكيديه نعاس فصلاا راه ليوم لعييد زهمة بغاو يفرحو برااسهم(مسح وجهوو بايدو لقاه بيض)ويفرحوني معاهم مساكناات

عنقاتو كل وحدة من رجل كيلبدوعينيهم فلي واقفيين قباالتهم ملقااو ميهدروو 
غالي(بتحديير كيشوف فجواهر حيت هيا مولات زباايل)نتييي غير بلاتييي نتوالااك بووحدك
ديمنة-زيديي ياللفعة نتيي معرت لمن شاابهة
جواهر(تقلقاات ورجعات اللور جامعة فمهاا ودموعها كينزلوو كي لبااطل )هئ هئ اناا ماشيي لفعة نتوما خاايبيييين يااله مبقيت نهدر حتى مع وااحد فييكم 
كمال-ياصاافي لتزيدوش فيه مالها اش درات مشاا عندهاا وسلمى مشات لبيتها مفيها لي يوقف لقاتو مروون ولحوايج طايحيين من لمااريوو ولبلاكااراات طايحيين بدات كتسووط وكلساات 
جواهر-هئ هئ مبقيتش غنكلس معاهم انمشييي عند سعد وامين يالله 
ديمنة-لاا اختي بااش تروني لياا بيتيي تهوىى هههه 
غالي-وعلاش درتي هد رونية كاملة
جواهر(معصبة كتشوف فباهاا)مبقيتيش تهدر معيااا نتيااااا يالله خاطيااااك متهدرش معايااا 
غالي(خرج عينو فيهاا)جواهر غنضربك تاتقلبيي عليهااا 
ديمنة-ياخويا بااز ليكم مع هد لمجنونة ههههه سلمى كانت درويشة بحال نواار فصغرهاا هههه 
غالي(شافيهاا وضحك)درتي الزيت على ليصاانص 
تسمعات بكيية من جوااهر ودموع كحليين بلكحل مكتحملش لي يقوليها مكتشبهيش لمك عيا كمال يسكت فييهااا وغاليي هكاك اما ديمنة مشاات لداك لببييت كتجمع فييه وتقااد فلحواييج وبكا جواهر كيتسمع 
سلمى-ففف ماماا قولييه يجيبها لياا عفااك راه مغتسكتش كي زواكة 
ديمنة-غاااليي ارى دييك هبرة اللارووب هناا
سلمى(كضكح)ماما حشوومة علييك راه نتي لي كتعصبييهاا هههه
دخلات جواهر كتجريي مكتشوفش قدامهاا طلعات فوق سلمى تاتبكي وغاطسة رااسهاا فعنق مها كتنخصص تقوول حاطين عليها جنوي دخل غاليي كيشوفيها ويتعجب وقاال-انا بعدا سالاتهم لياا كون ضربناها كون امة محمد تجمعات عليناا 
ديمنة-هههه راه خاصك تديها لطبيب رااه عصبية بزاااف ومكترضااش لبقات هكا غتمرض من بعد
كمال-فرقوها عليكم راه غير باقة صغييرة 
غالي(مشا عندها بغا يراضيهاا وهياا ضربات علييه وكتبعد فييه )وصافي اجي عنديي ندوش لييك ونلبس ليك حوايج لعييد
جواهر (من عنق مهاا)لبسهم لبنتك هئ هئ اناا ماشي بنتك انا مخاصمة معاكم كاامليين لا نتا لا مامي لا نواار 
كمال-هههه وانا ابابيي
جواهر(هزات وجها مجخلط شافت فييه وغوتات)تانتااا مضربتييهش ملي غوت علييا هئ هئ خاطياكم صافيي 
ضحكو عليها وخلاوها على رااحتها فحضن مها تسكتات وبقاات هكاك في حيين غالي دخر نوار لدووش دوش ليهاا بلخف وحيد ليها ديك لحالة من وجهاا وخرجها لاويها ب فوطة لبس ليها حويجاتهاا ومشات كلساات عند كمال فالصالون طروونكييل 
دخل غالي لبييت لقاهاا كتحزر فيهاا ومشا باس راس لمى وقال-حبيبتيي مبروك اعيادناا ههه
سلمى-هه الله اباارك فييك جيب لياا حوايجها لبسهم ليها ودوك انجيت نمسح ليها حالتها من بعد ودوش 
غالي-قادة تلبسيهاا 
سلمى-لمالبستهاش اتبقا هاكة ديما هيا مخنزرة فلعييد هههه سبحان الله 
كلساتها حداهاا كتمسح ليها فوجهاا وكتراضي خاطرهاا ولخرى جامعة ستا فتسعوود تلبساتهاا ومشطات ليها شعرهاا وجمعاتو ليهاا لفووق وناضت خرجات عندهم جامعة قنينفاتهاا او وقفات فباب الصالون كتشوفييهم تشافت فيها نوار وضحكات وخنزرات فيها جواهر
جواهر-لعمااا 
كمال(ضحك وجبد من جيبوو خمسين درهم)يالله لي باستني اللولة انعطيها ليهااا 
طارت نوار عندوو عنقاتو وشدها فوق ركبتها كيبوس فيهاا ومقابلة معاهم جواهر كترمش وعينيها حمريين تقيسها تفركع 
غالي(شافيهاا وضحك)اجي عندي ابنتيي اجيي راك زويينة وغزالة بحال ماماك غير اجيي هه
جات عندو منفخة كتشووف فكمال وكتلعب فقميجة باهاا ولي شافيها تخشي رااسهاا وسط صدروو 
داز لعييد ومن بعد اسبوع دااز سبووع اروع ما يكوون وهنا قرر غالي يدير صلة الرحم مع مو من بعد اصرار سلمى علييه 
كانت فلبييت كتلبس فلبنات وكتمشط ليهم فشعرهم ولبساتهم بحال بحاال كسيوات صيفيين موردات وصنيدلات بيضيين وغالي وراهاا كيسد فلقميجة ديالو وكيخمم ويتنهد تعنقاتو سلمى من اللور ودوراتو كتقاد ليه فلعقاد
سلمى-رد لبال لبناات ومتخليهمش ياكلو سقاطة بزااف راه غضرهم 
غالي(هز ايدها على غفلة منهااا وبااسهم وقال)شكراا اسلمى (تنهد ورجع ليها شعرها اللور)معرفتش بلابيك اش غنكون والله 
سلمى(تبسمات لييه)مالي شنو درت(شدات ليه فكتافو)غاليي هاديك راه مك نتاا عارفة لي دارت مسااهلش ويني يراه مريضة وخاصك تشووفهاا ربيي وكيغفر تانتاا تساامح معاهااا باش متبقااش هاز همهاا حياتك كلهاا
غالي(قربها عندو وباسها من جبهتهاا ونزل بااسها من فمها تشبع حاس بلي بغات تقول شي حاجة ومزعماتش وقال)بناتك فعينيي اسلمى بلا مديري دوك الشووفات
سلمى(هبطات عينيهاا)غير مولفتش نبعد علييهم وصاافيي 
غالي-كوني هانية نتي ردي لبال ليك ول غساان وبقاي عند ماماك تنجيي 
دارت ليهم صاك فيه جوج تبديلات تاع لبناات وشي حاجة ياكلوها فطريق ولماا وصلها لعند ديمنة وباس ولدوو وباسهاا وكمل طريقوو مع بناتو اللور كل مرة تسولوو وحدة فين غاديين وهوا كالس علييه لواحد لبلاصة زويينة خرج مع صبااح وصل تما مع لحضااش والشمش شااعلة وصهودات معالم حد بمجيتوو تدخل علييهم وكانت كلتوم كالسة فضل كتنقي فلعدس فصينية تشاافت طموبيل بلكري معرفتهاش حيت بدلهااا والزاج مبين ليها والوو نزل غالي وهيا حاضية شكوون تسد لباب وباان ولدهاا داير نضاضر تشمش محساات تطاحت ليها الينية من ايدهااا ومشات تاتجري

هز عينو وشاافها جااية وهوا يالله حل لباب لبناات باش ينزلوو مع دار شافها حدااه تبسم ليهاا شوي تجراتوو معنقااه تاتبكيي وحانيها عندهااا دور عليهاا ايدوو كيربت على ضهرها وكيتنهد
كلتوم(بلبكا)سمحلياا اوليديي سمحلياا هئ هئهئههئ اناا لي غربتك علياا سمحلياااا هئ هئئئ انا لي فرط فييك اولديييي انا مزااوكة فييك سمحليا هء هئهئ
لصفو لبنات فرجلييه كيرمشو فكلتوم لي عمرهم شافووهاا وغالي لي معنقهاا وسااكت مزير على عينييه 
غالي(بصوت خافت)باااركة اميي باركة علييك لمسامح كرييم 
بعدها علييه شوي كتمسح فوجهاا بطرف زيفها وكتنخصص ضعافت على لي كانت وعينيها بااين فيم حزن عميييق قربهاا لييه معنقها باايد وبااس جبهتهاا كيتنهد وكيهضر بلطف وحنان كيف عرفاتو 
غالي-ياا صاافي بااركة متبكيييش قدام حفيدااتك 
كلتوم(مسحات وجهاا وهبطات عينيها لتحت بانو ليهاا يحال الى بان ليها لما وسط الصحراا تشوكات فيهم وهياا تاتشوفهم غير فتصااور ولفيديوات عند شامة ولا فاطمة تمنات هي تعنقهم وتبرد نارهاا من جيهتهمم تحناات عندهم وجراات نوار هيا الاولى عنقااتهاا وكتبكيي وتبووس ونوار مصدومة ومعارفهااش يالله بغات تجر جواهر رجعات باللور جامعة ايدعااا 
غالي-اجي ابنتيي بوسيي لميمة اجيي
جواهر-لاائح معرفتهاش هئ هئ بغييت ماماا انااا هد بلاصة ماشيي زويينة كتدكدبب اباااباا هئ هئ 
غالي(مشاا هزهاا)غدخليي وغتلقااي انس وملااك ياك عرفتييهم وتلعبيي معااهم (تمشا بيها جيهت كلتوم كيسايس معاهاا)وهاديي ماماا انااا جدااتك نتيي بحال ماميي ديمنة 
كلتوم(مدات ليها ايدهاا باش تجي عندها ودورات راسهاا وعنقات باهاا )صافي خليها على خاطرهاا 
غالي-هيا هاكا دايرة مكتسلمش على شي حد مكتعرفووش 
كلتوم(غر هد لكلمة كافية تقتلها وتحييها دوزااتهاا وبدات كتبووس فنوار لي سكوتية وكتسمع هدرت باهاا قاليها سلمي سلماات
خرج علال شواافهم وفرح حيت عياو فييه يطفي الغضب وعاد هداه الله 
كان سلم عليهم كاملين ودخلو لصالوون مكلس جواهر فوق ركبتوو ونوار لاصقة فجنبوو كتلعب بايدوو 
فاطمة-ههه اجي عند خالتيي مالكيي نقلقة منا اجواهر
جواهر(منفخة كتلعب فطريفات شعرها)بغيت ماماا 
غالي-غير بلاتيي طلق مع دراري متشديهااش 
هنية-ودري صغيير اش سميتوه تاتلف عليا 
فاطمة-ههه غساان امي
هنية-اااه غساال 
ضحكات جوااهر بجهد وقالت-وغسااان ههههه 
هنية-هئ وسميوه غي شي سمية مكودة عطا الله 
كلتوم(مقابلة مع ولدها تاتكب اتااي )تغسان زويينة تكون هي الصحة والسلامة (هزات كاس تاع اتااي مداتو لغالي)هاك اولديي (شافت فنوار)نوار نبرد ليك امينتيي اتاااي 
نوار-لاا اخالتي مكنشربووش 
سكتوو تنطقات فاطمة وقالت-اناا لي خالتك هادي قوليها ميي بحال انس وملااك
نوار-وخة فين ملاك
فاطمة-ناااعسة تفيق وتلعبو ماعاهااا 
سكتوو شويي كيحاولو يجبدو مواضييع خرى وكلتوم غير ساهية فغاليي وكتنهد وتشووف فبنااتو وكل مرة تعيط على وحدة تجي عندهاا وتقوول واش شي وحدة زعماات مكلااو مدااقوه من غير غالي لي شرب كاس تاع اتااي بلا حتى حاجة
كلتوم-ياولدي بناتك مكلاو والوو 
غالي-مكيشربووش اتايي(هز الطبسييل تاع لحلوة ومدو لجواهر تهز وهزات كتفهاا ومدو لنوار هزات فقااصة يالله بغا يحطوو وشوشات لييه جواهر فودنو ومد ليها الطبسييل كتهز حلوة بطراف صباعها وتحطهاا تقول كتقلب على شي حاجة مضاايرااش)ياا هزيي خلاااص 
جواهر(شافت فيه وغوبشات)مبغيتش يالله (شافتو بغا يحطوو وقرصاتو فكتفوو وقالت جامعة شناايفهاا)عطينيي لي فييهاا لابيض ولاسود 
مد ليها لي بغاات كالسة فوقوو ودايرة ديك القضية تاع يخ منو وعيني فييه وكلتوم هي تاتشووف فيه وكيداير مع بنااتو راه ست سنين مشمات ريحتو ولاا شافتو من غير تصاور مرة فشحال كيبان نصوو فشي تصوويرة مع لبنات 
''
في حين سلمى كالسة فالصالون تاع دارهم كترضع فولدها وحداها نجوى كالسة فوق الزربيية هازة اللعااب كتلعب فولدهاا 
نجوى-كون انا والله متشوفهم حتى فسبيل الله نتيح مارة بان ليااا والله
ديمنة-حمارة وبزااف انا داباا ومكرهت كون تبعتو وجبت لبنات بغا يشوف موو يمشي يشوفها مقلناش لييه لاا ويني بنااتك يبقااو حدااك 
سلمى-فف واش غتادي بنات ولدها امامااا مشكيلتها معاياا اناا لا غيير واصلا راك عارفة لبنات مع لبراني كيدايريين 
نجوى-واخة هكاك بناتك بااقين صغااار اختيي تمشي توكلهم لييك شيي حاجة تاني نوليي فماهيا وما لونها مالي على لقرع نمشط ليه رااسوو بغاا مو يمشي يشووفها تيقنع ويخلي ليك بنااتك فجنبك
سلمى-ربي لمقلبو لموضووع غتخليوني بلاا خاطر وغيمشي لياا لحلييب 
ديمنة-بااز اختي دمك باارد 
شوشووها بمعنى الكلمة وصونات لغالي فلبلااصة كان باقي كال سمعاهم جبد تيليفونو وطلعات تصويرتها وسميتها ي عمرها تبدلاات دلوعتيي ولبنات فرحو بوداو كيتناقزو عليه ماما ماما جاوبهاا وقال-ويي سلمى
سلمىي-حبيبيي الامور مزيانة يكما لبنات تيبكييو
غالي-يالله شوية باش كلسناا جواهر لي مبغاتش ترصى 
سلمى-دوزها لياا...

شدات من عندو التيليفوون وبدات كتهدر وتشكا –مامااا انا بغيت نجييي نعنق غسااان مبقيتش نبقاا هنااا بابا كدب عليياا قالينا ننديكم بلاصة زوينة ومدانااش 
سلمى-باباك متيكدبش داباا يديكيم لبلاصة زوينة وغيجيبكم
جواهر(شافت فباها لي كيسمع اش قالت)بصح ونتيي علاش مجيتيش معاناا 
سلمى-حيت غسان باقي صغيييور غيبكي ليا فطريق داباا خرجو غير نتوماا يالله دوزي لياا نوار 
عطات التيليفون لنوار –مامييي بوسي لياا غسان بوسة كبييييرة غنجيب ليه حلوة معاياا
سلمى-هههه غير كوليها متياكلش هوا مزاال كيشرب غير حليبة
نوار-نسييت ههه
هدرات معااهم عاد تبتو وزكاو قطعات وخة بالها معاهم عارفة غاليي ميفرطش فييهم وهوا لي داروه لوسط يدير لخاطر لهادي ولهاديي كيبيغيي يهدر مع مو ودور لييه دواهر ولا نوار وجهوو تبغي تسولوو على شي حااجة كيصدق مجاوبهاا وناسي اش قالت كلتووم 
الرااضي-ههههه بااز لييك اخويااا تويمييات متلقاش كيدير تحك راسك
فاطمة-ههه ولكن غير تيكبروو كيتهدنو
غالي-ههه صعععاااب اخووياا غير لي بغا فييك يدعي عليك بتوام هههه ولاكترية لكانو مضووبليين فلقباحة(شاف فجواهر وضحكات لييه وبااسها فحنكهاا )
فاطمة-جانتي نواار مهييدنة تبارك الله تقول ماشيي تويميات كل وحدة وصورتها سبحان الله 
علال-عندك بعداا نوار تاتجيني انا غير سلمى تبارك الله او جواهر مادية من باها غي لعينين ومباقي غي مهاا 
غالي(عض غلي على فمو باش يسكت وهبط رااسو لجواهر لقااها كتاكل فضفارها ومخنزرة فعلال بطيرو فعينيهاا )غي تيضحك معاك ابابا نتي راه تاتشبهي لمامااك 
علال-هههه مبغيتيش تشبهي لباباك 
جواهر(غالبة عليها لبكيية)لاااا انا كنشبه لماماا هئ غسان لي كيشبه لباباا هئ
غالي-صافيي اباباا نتي كتشبهي لماماك
جواهر-وزويينة بحاالهااا 
غالي-هههه وزوينة بحالهاا
نوار-لعنداك انا ليي تنشبه لماما نتيي لاا (بدات كتقلي ليها فالسم ولخرى كتحلف عليهااا)ننننن نننن
حطو لغدا وتجمعو علييه دخل محمد كلس معاهم شويية وطلع لفووق حيت عزل علييهم وبنا سطح هبط انس وملااك بنت فاطمة قد لبناات عاد تفكو شوية ونزلوو خلاو باهم يهضر بخاطرو كيلعبوو معاهم وكيجرييو قدام الدار فشموشاات تولاو مزنكيين وسخاان عاد ضحكوو وانس كيلعبهم فوق لبيكالاات وكيعطييهم لكرمووص والرماان رجعو حوايجهم حالتهم
عيطو لشاامة باش تجيي الاخيرة كانت كالسة وحداها ساارة 
سارة –تصالح مع مي
شاامة-يمكن عاد تصاالحو ( شافت فيها باسى)كون غير باا يحن قلبوو كون راه تجمعنا كاملين
سارة-انا لي درتها لرااسي اختيي(تنهدات)غنمشي اناا نتي سيري شوفي خووك وبناتوو 
شامة-الله يختي كلسي باقي لحاال وحتى رضى عاجبو لحاال ياك اولديي
رضى-ااه ماماا ملي نكبر انتزوج بشيما يااك 
سارة-نوض اولديي نووض شيما راه غتزوج ونتا يالله كتقرا فلبااك 
شامة-هههه ومعرفي اختيي(سكتات كتشوف فرضى لي خرج كيشيه فزينو لساارة مدا من باه والوو تحسرات وقالت)مكيسولكش على بااه 
سارة-لاا داباا راه كيهدر معاه مرة مرة غير فلعييد رااه هدر معاه وقالييه ملي نجيي نشري ليك تيليفون ونبقا ندوي معاك
شامة-ونتي مكيهدرش معاك
سارة-تيسمع صوتي ويقطع علي تندوز ليه ولدو عاد يهضر(تنهدات)تزوج لقيتو لايح تصاوروو مع وحدة 
شامة-يمشيي يعاود لرااسو لمهيم ولدك كيصرف علييه ومامخليه خاصو والوو ودايرو فسميتو باركة علييك 
سارة(تنهدا=داكشي لي كااين رضى يالله اولديي نمشييو 
رضى-عفااك امااما نبقاااو هنااا تاتسالي لعطلة عفاااك 
شامة-عفااك اختي بقااي غنمشي نشووف غاليي ونجي(هدرات مترددة)ندي رضى يشوفووه عفااك لربما باا يحن شويي
سارة(بقات كتشوف فولدهاا وتنهدات)ولكن الله اعطيك ستر الى سمعوه شي هضرة جيبييه منسمحش ليك اشاامة
وداكشي لي كاين دات شامة بنتها او ولد سارة ومشاات لدارهم كانو كيتسناوها تجي باش يتغداو غير شاافو علال وقندش اما غالي من الطياارة عرفو ولدها مادي كاع حرووفهاا كان كالس جنب علال وكلسوو وقال-راه كيبقاا حفييدك اباا هداا لكلتي ليه شي كلمة غنهز بناتي ونزييد
سكت مقاالل والوو باقيي داز رضىك يسلم عليهم كامليين واحد واحد وصل عند غاليي وباسوو وهزوو على ركبتوو كيضحك معاه ومع علال كلتوم ديجا عاارفااه وعارفهاا من غير علال لي شافو مرة وحدة عند شامة فلعطلة لي فاتت 
غالي-فااش كتقراا ارضى همم
رضى-سيبيي اخاليي 
غالي(داعب ليه شعروو)مزييان اولديي
دخلوو لبنات كيجرييو كيهزو فلكساويي لي ولااو حالتهم وقفو قدام بااهم وهوما يغوبوشوو فرضى تعوجات جواهر معوجة فمهاا وقالت-معامن تشاورتيي تكلستي عند باباانااا يالله
غالي(يالله بغا يهدر شااف حالتهمم وخرجو عينييه)فين كنتو العفريتات 
علال-كنتو شادين لما ولاا هاا واي وايي 
نوار-كناا كناكلوو رماان اجدييي زوييين وحلوو والله
جواهر شافت فراسها وشاافت فختهاا وشاافت فرضي بااش يهبط السعاتي عجبوو غالي وكلس عندوو كيرمش فييهم هوا الاخيير الاخيرة متسوقاتش لهضرة باهاا وكتشووف فرضى-يااهبط راه غنضربك تت...

هز رضى كتاافوو كيشوفيهم وهوما حالتهم والشعر تفك ولمشطة عوااجت ونوار موراا جواهر كتهز لكسوة كتلعب بيها حتى كيبان الشورط تحت منهاا والصندالة كانت بيضة تولات كحلة عمرهم لعبو فترااب لقاو السيببة ومرشوشيين بلماا باغا غاي هي تيشوفييهم حط رضى من فوقوو ومخنزر فيهم تاتكمشو فبعضيااتهم 
غالي-اش هد لحااالة درتوو هااا 
كلتوم-صغار اولديي معاارفييينش اجي ابنتي نغسل لييك ونبدل ليكم كاع توسختوو 
نوار-لااا حنا مامسخيينش
رضى-هههه وشنو هدا لي فحوايجكم 
جواهر(عوجات راسها وسدات عينيهاا)شكلااااط ونتاا ماالك يااء 
غالي(ناض جرهم)زيدو قدااميي نغسل هد لحاالة مبقيت نديكم معاياا تالقنت
كلتوم-لوااه اولديي خليني نغسل لييهم 
جواهر-لا لاا بابا لي يغسل لينااا 
زيدهم قدااموو وشدات هياا ولد ساارة كتبوس فيه وتسوول على بنتها وعلال هي تيخنزر فيهاا
داهم لدووش كيخااصم علييهم حالتهم موهوما كيشوفوو فبعضيااتهم ويضحكوو طواا لقمييجة وحيد ليهم لكساويي لي ترونو بمعنى الكلمة ومشا جاب صااكهم من الطموبييل لقاها دايرة ليهم حوايجهم عرفاتهم كيكرفصو الدنياا لبس غسل لييهم حالتهم ولبسهم شورط وديباردو خفاف تاع الصيف ملونين بحال بحال وكلاكيطة تاع الداار
شامة(طلات علييهم وضحكات)وليتي اب هههه 
غالي(كيجمع لنوار شعرها بلباانضة)هانتي تشووفي ههه
نوار-هنن باباا خليه مطلووق عفااك كيضرني لجمعتوو 
غالي-راه عرقك ابنتيي شوفيي كي وليتي عرقانة
خرجات تاتجري وتبعاتهاا جواهر غاديين خارجيين لبراا عاود تجرهم من الديبااردو زيدهم لصاالون مجروريين وكلسو منفخات حدا بعضياتهم وكيخرجو لسانهم لرضى لي كالس قباالتهم وكيتعوجو لييه وهوا هكاك كيشوف فيهم غالي ويبداو يلعبو بايديهم شويية كينقزو علييه فوق رااسو مخلاوهش نهاائياا يكلس ويهضر بخااطروو محشاوها لا لكلتوم لا لغيرهاا تحط لغداا وكلس نوار فوق رجلو والتانية فجنبوك يحط لهادي دغيمات ولخرى تهياا حاير معاهم وسلمى كل وقيتة تسول علييهم
وصلات لعشيية عاد كل وحدة تكات علييه من قنت تصونات سلمى وجاوبهاا في حين كلتوم كالسة جنب نوار كتقاد ليها فرجليهاا وفخلخاال صغير فرجلهاا 
غالي-ويي سلمى صاافاا
سلمى-صافاا حبيبيي لبنات لبااس عليهم 
غاليي-سخسخووني يالله نعسوو 
سلمى-ههه كون ديتي غير وحدة بعدا ولخرى لمن بعد راك عارفهم وحدة كتزعم لخرى 
غالي-والله مكدبتيي كيف دااير الزين دياالي توحشتوو 
سلمى(بدلع)ممم توحشتيه غير هواا ياك اسيدي وخة
غالي-هههه بجوج اوكان 
سلمى-هههه ويالله بوس لياا لبنات 
غالي-واناا 
سلمى-بوس لحييط ههه
قطعات علييه وشاف فكلتووم كيضحك وهياا كتلعب فرجيلت نوار وقالت-كيدايرة سلمى لباس علييهاا 
غالي(حرك راسو باه)لبااس الحمد لله
سلمى-اوى لحمد لله
تنهدات وسكتات شوية هدراات وقالت-والله اولدي غير الشيطان ولد لح
غالي(قاطعها)ميي الله اعطيك ستر هدشي دازت علييه ست سنين باغين نساوه ماشي نجبدووه حفاايدك كل مرة غنجيبهم يشوفوك باش يعرفووك اميي غير رتااحي راه ربي وكيساامح 
كلتوم(بدات تاتبكي)هئ هئ درتها لراسيي وترزييت فولادي بجوج وحدة تنشووفها غير بتخبيية اولديي ونتاا ست سنين وانا محرومة منك الشييطان اولدي الشيطاان ولد لحراام سمحليااا سمحلييا راه لمسمحاتش لياا سلمى معندي فين نكوون هئ هئ
غالي-ميي سلمى قلبها بيض غير نتيي كنتي معميية عليهاا كون شي وحدة خرى عمر ولاادها تشووفيهم حتى فتصااور انا براسي هيا لي مسيفطاني عندك راه صعيييب تساامحك حيت داكشي لي داز عليها ماشي قليل كون نتي دار شي حد فبنتك هدشي غتقبلييه لااا داكشي علاااش خليي اميي سلمى نسااايهاا بغيتي حفاايدك نجيبهم تشوفيهم وتشووفينيي هدا جهدي علييك اميي 
حركات رااسها بااه ومسحات دموعها كترضي وتعااود تنهد وسكت حتى هواا تفااقت جواهر مقلووبة بنعااس كتشووف حدااهاا وكتقلب بعينييهاا وترمش وكتشوف فغالي لي عنقها عندوو 
جواهر-مامااا
غالي(بحب)هاحنا غنمشييو عندها ابابا هي نعسييي
كلتوم-باتو اولديي مزال مشبعت منكم 
غالي-مرة خرى اميي لبنات مولفيين مهم بلا قيااس ميقدرووش ينعسو بلا بييهاا 
كلتوم(تنهدات)وخة اولديي ماشي مشكييل 
فيقهم ونوضهم مقلوبيين بنعااس لدرجة خلاو كلتوم تبووسهم وتعنقهم على خاطرهاا داهم لبلاصتهم ركبهم ورجعو غمضو عينيهم شادين فايدين بعضيااتهم تنعسو عاود وهواا شد طريقو لدااروو مرتاح نسبييا من بعد اللقاء مع موو وخة مزال مساامحها كلياا ولكن صلة الرحم وامك تم امك كانت كفيلة تخلييه يبرد شوي
وصل لداار بليل لقا سلمى كاينة فالدار طلعو كيجرييو موحشينها تحلات عليهم لباب وتلاحو كيعنقو فيها وكيهدرو دقة وحدة وهيا كتبووس فيهم توقف عليهاا غاليي قدام لباب كيشوف فيها بحب وشغف عمرو طفا من عينييه وقال-وحنى منتعنقووش
ضحكاات وجراتو عنقااتو في حين لبنات مشااو لبييت كيطلو على غسان لي نااعس
سلمى-توحشتك احبيبييي 
سد لباب وجرهاا عنقهاا بجهد خاشيها بيين ضلووعوو وسكت تقاالت-كيدازت لكلسة مع لواليدة ديالك..

غالي-بااسها فنيفهاا)مزياانة انوارتي مزييانةة اجي راه توحشت لخنفووس
شدها من ايدها ودخلو لبييت لقو لبنات فيقووه وحال عينييه هزو من كونتوو وبااسو فجبهتوو ولبنات كينقزوو علييه فوق سرير باش يشدووه خلاهم باسوه ورجعوه لباصتو كيصورو فييه وهوا مشا لكوزيينة لقاها كتوجد لعشاا عنقها من اللور وبقاا واقف وهيا كتقطع فلخضرة بلا ميتكلموو ولا حتى يهضر
تعشاوو مجموعيين وناض غالي دوش في حين سلمى نعسات لبنات هي بزز كيعاودو ليها على رضى بلي كلس فوق رجلين غاليي ومبغاوش غطاتهم وخلاتهم كيتعاودو كي لعدايزات فضلام ومشات لبيتها لقات غاليي واقف مسفح يالله بغا يلبس 
سلمى-شكون رضى 
غالي-ههه وصلوها لييك دغيا
سلمى-كاليك اسيدي كلس فوق رجلين باباهم ومبغاوش هه
غالي(لبس بوكسوور وكلس حداها كتمسح فايدها وكتبدل فحوايجهاا)ولد ساارة
سلمى(خرجو عينيهاا)كانت
غالي-لا لا غير شامة لي جابتوو (لبس شورط عليه وجرها من خصرهاا لصقهاا معااه )كيداز نهارك بلا بياا مم(باسها فنيفهاا
سلمى:ههه خاايب 
قلبوها قبل في قبل حتى تحل لباب ودخلو لبنات 
جواهر:ياويلي نتوما غير تاتبااوسوو معيتووش 
نوار:وعلاش حنى متاتبوسناش هكاك(جنعات فمهاا)
غالي(خرج عينو فيهم وسلمى وراه كضحم)واش مكتعرفوش دقوو اش قلت ليكم
جواهر:جا لينا سراق الزيت بغا ياكلناا وهربناا (كترمش فيه)مغتنعسوووش 
سلمى(هزات غسان لي فاق )ههههه لا اختي بغيناا نسهرو ههه
نوار:باباا نخرجو عفااااك (بداو كينقزو على رجليه )عفاااااك عفاااك 
سلمى:بصح نخرجو لهاد جريدة لي حدانا(شافت فغالي وغمزاتوو)بداية القصة ههه
ضحك ولباا طلبهم هز هوا غساان بين ايدوو كيلعب معاه وسلمى لبسات بناتها وخرجوو على رجليهم كانت الدنيا خواات ومحرك لبرد شوية وقفوو فجردة لي كان فيها الضو واللعاب تاع دراري صغار مشاو لبنات ميجريو لزعولاات خلاو غالي وسلمى واقفين تحت شجيرة لي تحتهاا بداو علاقتهم تبسم غالي وقال وهوا جار سلمى عندوو)ايااام دازت فهاد جردة
سلمى(تنهدات بحب وزيرات علبيه مغمضة عينيها)احلىىى ايااام احبيبييي 
غالي(باسعا فراسهاا وهز عينو فلبناات)جووواهر نوار مدابزوووش 🐈🐈🐈🐈🐈🐈🐈🐈🐈
بعد شهرااين تقريباا داخلة سلمى للاداعة بفيست طويلة شوي تحت منها سروال لاارج وقميجة بيضة وزيف ونضار فوقو مني مدازت كيسلمو علييه ويباركو ليهاا زياادة تدخلاات لستوديوو ومحطة الادااعة لقات السللام علي لي قبالتهاا وكلساات فبلاصتهاا دارت لكااسك دياالهاا كتسنا سااعة برنامجها يوصل بدا الاعلاان دياال لبرنامج لي مسؤولة علييه وعطاها المخرج لاشاارة باش تبداا وبداات
سلمى(بصوت خاافت كيوصل لكلشيي) لناا عودة من جديد بعد شهراين من لغيااب توحشتكم وتوحشت تفاصييل حيااتكم كيف لاا ونتوما وليتو جزء مهم من حيااتيي وبفضل برنامج قصتك فعنوان تعرفناا على بزاااف النااس بزاف القصص ليي تالمناا ليهاا ضحكناا معاهاا وفرحنااا ليهاا عرفت محبتي الكبيرة عندكم من بزااف ديال الهدااياا لي تلقييت شاركتكم بعض تفاصيل حياتيي ولقيت جموور كتيف فانحاء لعاالم معااكم وجنبكم وفالاستماع اليكم سلمى اليووسفي فلبرنامج لقريب لييكم قصتك فعنووان ويااا ترى بشكون غنبداو معاااه قصتنا ليومااا (شاف فلمنتج )وغنااخدوو اول اتصااال وغنقووول الووو 
-الوو 
سلمى-مسااء الخيير(تبسمااات لدرجة الضحك)
عرفتينييي هه
سلمى-متحتااجش(شافت فلمخرج كيضحك )شنو بغيتيي 
غالي-والوو بغيت غير نعييطيك عنوان لقصة عشتهااا 
سلمى-شنو هيااا هه
غالي-سلمى وغتبقا دييمة عنوان لعشقيي وغتبقى ديماا جزااائيي
جواهر ونوار-مامييييييييييي جوتيييييم مواااح 
قطع معااها وخلاها كضحك رجعات لمودها عاود واستقبلاات اتصاال اخر وقاال-مسااء الخيير زهووور 
زهور-مساء الخيير انا فرحانة بزااف لي قدرت نهدر معاك ليوم اختي سلمى 
سلمى-شكراا حبيبتيي لهلا يخطييك اشنو تبغيي تقولي لينا ليومااا ولااا طلبي منا ليومااا على الراس ولعيين
زهور-بغييت نسمع لاغنية زينة الداوديية وتستمر الحيااة
سلمى-حااالاا حبيبتيي بعد لفاصل غتسمعيها ان شااء الله تبغيي تحكي لينا قصتك مع هد الاغنية ازهوور
زهور-من ايمتا باغة نعاود قصتيي ليكم عاد جابتها لفرصة 
سلمى(تقاداات)زهوور حكي لينا قصتك...

النهاية

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.