عثمان:ياودي ههه تيعحبني فيك داك لفييم هههه خطييير هههه هذا اول حاجة تنشوفها فيك فاش ياله تنشوفك
قراتو زينب وتصدماات وبقات ضحكة خجولة ففمها منصدقاتش وهي تكتب ليه:ممشاش عليك الحال تنعس راه خدام
قراه وهو يتركشخ بضحك عرفها بتكون حشماات وتاهو زاد زعم عليها وكتب:واخا سيري تنعشيي ههههه حسابنا من بعد
ضحكات وكتبات ليه:تصبح على خير
عثمان؛تصبحي على خير..كنموت فيك
بتاسمات وطفات ضو تيلي وعنقاتو كانها معنقااه مبتاسمة ومرتاحة..لعبات فشعرها شوي وستسلمات للنعاس براحة وكذلك هو الاخر تلاح على كرشو ورتاح فالنوم فانتظار قدر جميل فانتظارهم
***
كنت اقول له يعحبني بريق عينيك
فكان جوابه دائما:لا تبرق عيني الا برؤياك
***
صباح حديد مفعم بالحياة والنشاط عند كلا الطرفين..فاقت زينب براحة على صوت مها النكار مداتهاش فيها حيت فرحانة..ناضت دارت روتينها الصباحي بنشااط وكذلك عثمان بعدما صبح على روحو بكلمات حنونة تبدا بيها نهارها
وكذلك فاتي فاقت وجمعات قشها ومشات لدارها برفقة ولدعا وعد منها ترجع باش تبدا تقدية للخطبة الكبير
اما فدار سي العربي فرله عند الغدا تدق الباب ناضت زسنب حلات وتفاجأت بفاطمة ختها وحسن حلات عينيها بفرحة ومحسات تا تلاحت على فاطنة بعناق حااار والاخرى ضحكات وبادلاتها العماق
غير بعيد عليهم لفوق كان عثمان مريح وسط الدار كياكل بعدما دوش وحداه مباركة ووئام تدق لباب وناضت وئام حلات لقاتها فاتي وقالت:ياختي باقي كاع مسخنتي بلاصتك ويلي..
خداو ليها ثوب تالجلابة وجوج بيجامات وجوج حوج من كل حاجة مسبقا..كلها من راشها لساسها كساوها جوج من لحاجة تالمن الماكياج خداوه ليها..ودازو شراو التمر والحنة ورجعو فحالهم تال جوج مسخسخيين على جهد وحدة تعجز على لوخراا
دخلو للدار مثقلين بالمياكي وعرقانين مع صهد مراكش..تلاحت فاتي بتعب على تليق وانس كيضور بيها اشوفها اش جابت
فاتي؛واجلس لارض اولدي
انس:اش جبتي ليا اماما؟؟
فاتي:مجبت ليك والو
وئام:(كتبقشش فالمياكي)اش هادشي..كاع هادشي واش رشيم ولا خطبة
قلب وجهو كيشوف فاص ليه والشمش تضرب فيه فعينيه وبان اللون العسلي تاعهم خلاها تسها فيه وتجمع دموعها لي ملحقوش انزلو..تطقات:نمشي؟؟
عثمان (شاف فيها مكمش عينيه)نزليي
زينب:واخا
دازت فيه هازا الشبكة فيديها وحنكها حمر معرفات تضحك ولا تدمع ولكن اكيد معجبهاش تصرفو انه ابوسها فحنكها على غفلة..نزلات لتحت وافكار متضاربة فعقلعا وهو الاخر معجبزش الحال ووكداتو ملي غرغرو عينيها وعرف راسو تبرهش معاها
ولكن معذوور كلها على بعضها باقي معرات والو فيها كتجيب ليه العافيا والصهدة..مرا كثيرو فقط بهضرتها باقي محركات تا أداة انثوية..حركات فيه بزااف من هضرتها ومن عذوبة كلامها باحتصار تتجيه نااعمة وسطر على ناعمة
حلوة وهشيشة باحساسيها المرهفة وباقوالها البسيطة..مامتصنعاش على طبيعتها كيما تتهضر معاه تتهضر مع ناس لوخرين..تقدر تطلع تشوفز ببيجامتها بلا متزيد عليها والو وهادشي لي محمقو فيها انها مكتكلفش راسها وتزيد على راسها شي حاجة باش تبان زوينة فعينيه فارضا راسها بزينها اابسيط ومن لول جبراتو بدون ميحس اتقبلها كيما هي
بساطة مع خجل برفقة الحلاوة ديالها الفطرية خلاتو اتعلق بيها وميشوفش غيرها..وتا دابت فاش تنكرات من تصرفو وعاتو وفكراتو بلي افلان مابيناتنا تا ورقة ماتبقاش تزعم وخافت على راسها
كيفاش ميبغيهاش وهي والحلاوة مخلوقين من نفس التركيبة..
شدات سطل كضحك وقال:اوا هي صبر تجي لالة زينب متبقاش تمحن تولي هي تشقا عليك
عثمان:(جلس وهز تيليكوموند)عاودو ليك علي جايبها خدامة
وئام:حشا هههه هي زعما تهنيك شوي من نشير امسكين:(كطنز)
مباركة:لا لا حاشاا كاع منمحنها انا..مديؤ ليا والو
فاتي:(عوحات فمها)جايباها للعيد الكبير هااا..الى مغتعاونكش هي تجلس فدار باها
عثمان:(ببرود)خرجي داك سووق وهي جوج مجايبهاش خدامة
فاتي:فففف دات ليكم العقل
مباركة:واصراحة راه جبناها تعيش معانا ونديروها بنتنا ماشي شقاا ويلي
فاتي:وا انا عي قلت اما منظنهااش تكون حاارة بنات البلاد شغلهم لارووب شوفي هي لوستي
عثمان:(بسخرية)مع تبارك الله نتي مكاين هي الله يعطيك صحة ههههه
وئام:(غمزاتو)وجهها قاسح هههع
نفخات فيهم وسكتات مافيها لي بتقاجح معاهم وكملو توجادهم
اما فدار العربي راه تاهوما الاشغال على قدم وسااق..خرجات زينب تقدا للحلوى ومقراتش ميساج عثمان بقا عقلها معاه تيخمم..
تقدات لي خصها ورحعات دخلات للكوزينة وبدات فعملها..جابدة مذكرة تتقيد فيها الحلاوي لي تيعجبوها ولي سمعات ناس جربوهم حارت بين بزااف ومشات على حساب ميزانيتها ودارت هي جوج شكيلات لاغير ودارت منهم القياس واخا مكرهاتش تزيد شكل اخر ولايني عيشة مكنززة ليها
وصلات العشا والاتصال منقاطع بينها وبين عثمان مخليها على راحتها تاتجاوبوو..وهي راه مشافتوش واحلة هي مع الحلاوي كي تستفهم
عطات ريحة البنة فالدار وكلشي شمشم ريحة الحلوى ولي دخل عندها اشكرها..طلعات اميمة عند وئام لفوق لقاتهم مريحين كاملين. الا عثمان لي فبيتو كيتفرج.سلمات وقالت:سعداتكم معندكم روااين حنا من صباح وهوما جابدين الدار
اميمة:وشكون بيوقف ليها كون جات على مها بتنصب ليكم طاجين تاللحم ونوضو نايضبين راه هيا لي بغات
فاتي:جووع والله
خزرات فيها مباركة وقالت رافعا صوتها؛راه عيقتيييي
فاتي:مالكي داباا ففف واهي هضرت
مباركة:بسلتي بزااف تاني..اش حاسبة رووحك راه بنتقلقك منك
فاتي:واصافي امي هاني سكت
وئام:صافي جمعو الهضرة على هادشي
سكتو وقلبو الهضرة على حاجة خرا فحين عثمان راه كان مريح فبيتو داير لكيت وهاز لبيسي فوق رجليه كيتفرج مي مسكتهم ملي دخلات اميمو عرفها بتهضر عليهم وبالفعل سمع كلشي وبقاو حجبانو مقطوبين..عزاات عليهحيت بالفعل راه فالفرح فاش كيبغي بنادم لي يوقف معاه فالعراست فاش كيبغيو ناس خوتهم وحبابهم اوقفو معاهم..عزات عليه وقندش فاابلاصة حيت كون عرف بلي غتمرت ادير بناقص وانقص عليها
زفر بحنقة وهز تيلي تاعو كتب ليها ميساج:واش باقي مساليتبش؟؟
مجاوباتوش حيت كانت باقي تتغسل فالماعن فاش خدمات وبان فيها العيا بجهد..ويديها طابوو
بقا تيتسنا شوي مجاوباتش وهو يصوني عليها وتسنا شوي وهو يتشد الخط وقالت بصوت منخافض:الو
عثمان:باقي مساليتيش؟؟
زينب:عاد ساليت
عثمان:مجاكش راسك عييتي راسك بزااف تالخطبة وماشي هي هادي
زينب:مدرت والو ههه
سمع ضحيكتها عرفها نسات موضوع السطاح مس بقا خاطرو ضارو عليها وقال:اش تديري دروك؟؟
اما هو رىه قطع معاها ولاح تيلي حاقد..مكفرو بلان انها شقات بوحدها..ديما تتجيه محكورة والاهم مكتشكاش كيمرضو هادشي
دازت ليتهم هادئة بيناتهم وكل واحد فيهم كيتسنا الغد ليه بفارغ الصبر كاول خطوة في بناء الحياة
***
الايام تتوالى علينا يا حبيبيتي وبداخلنا عشق يتسرب ليسقي عالم ينقصه الغرام
العشق الذي بنيته معك حرفا حرفا ومجدته في كتبي كلمة كلمة..وكتبت كل جملة عليه من اعماقي
لازلت تتراقصين امامي كالحروف الذي تسقط على مسامعي
لازلت تتفنين في كلماتك التي جعلت مني كاتبا وسط الادباء
لازلت تتعمقين في قلبي كأنني احببتك البارحة.
أعود أدراجي معك الى سنين مضت بدأت فيها أدرك انك تسيرين مع العشق في خط واحد
***
طلات شمبشة تنهار جديد وفجر جديد ليوم مهم عند كلا الطرفين..الديور بجوج فاقو بكري وشي كيجبد من هنا وشي من لهيه..فدار عثمان راه مو صابحا على نكير تلى صباح:ديو ليا جلابتي للمصبنة واش نمشي بيها مكمشة اعباد الله
فاتي:صبري ندوز للصالون ونديها معايا
مباركى:متنساينييس وجي دغياا
وئام:تانا بنصايب شعري
فاتي:شوفي هي عثمان لغيخليك تمشيوياله
اما عند زينب رله سبعة تصباح بجقات عينيها على وصول خالها ومراتو عنقاتهم بحرارة وستقبﻻتهم فرحو ليها بزااف..
علي جا ومجاش بيديه خاوين جاب معاه دجاج وديسير بكثرة فرحان ببنت ختوو..اما زينب راه تتجبد فطلامط وتمسح فطبلة الكبيرة لي سلفاتهم فاطمة جارتعم..مسحات كلشي ونضات كلشي واقفا عليه بيديها
فالكوزينة كانت فاضمة مقابلة طنجرة الكبيرة لي رادين فيها دجاج محمر كيطيب وفاطمة تتسلق فلووز وفالبرقوق..وعيشة مقابلا اللحم..فحين مرات علي كانت تتمسح فالكيسان تاع اتاي وتتوجد فالبرارد
احساس الفرحة فالدار وجو العراسات داخل للبيت..كلشي فرحان وكلشي كيضحك مشاركين زينب اليتيمة فرحتها..لي مكانتش تقدر بالكلمات
كتحرك فدار كي الفراشة من هنا لهنا للهيه وتشوف هادي وديك..وتستف الحلوى والديسير للمهم جهدها دارتو
وصلات الطناش وقالت فاضمة:عيطو لزينب تمشي تدوش وتسناا
فاطمة:زيينب زيينب
جات تتزرب وقالت:هاني مالكم
عيشة:جري دوشي ولبسي بيجامتك وتسنااي فالييت
حركات راسها بالايجاب ومشات لبيت مرات عمها تتهز فحوايجعا واميمة فوق ناموسية مكسلة هي تتشوف فيها..دات حوايجها للحمام قين غدوش
دوشات زينب دوزات صابونة بلا متقيس شعرها وبدلات جوايجها لبسات حويجات نقيين عبارة عن ليجامة بيضة بسروالها طويلة تال الفخض فايتا المؤخرة..سرحات شعرها وشداتو بمقبط وراها ووجها نقي مافيه والو مدارت ليه والو
خرجات ورجعات لبيت عمها لقات اميمة باقي مريحة وهي تحمحم وقالت:اميمة نطابك اختي
لميمة:ممم
زينب:عطيني مساكارا نديرها لعيني
اميمة:(هزات حاجبها)ايهاي محشمتيش ههه
زسنب:(بضحيكة خجولة)ههه واهي منبقاش صفرة وصافي
اميمة: اخا هزيها راهيا فلاتروس نماكي ليك؟؟
زينب:لا لا متبيش ايناا بلاش براكا هي ماسكارا
باقي مكملاتهاش وهي تدخل عيشة وقالت :صافي لبستي..
تبعاتها فاطمة وفاضمة وقالت :انا كون ساعفتيني كون لبستي شي قفطان
عيشة:ويلي على لقفطان مالها بتبرز..البيجامة زوينة
فاطيمة:واخا تاتبي تلبسو راه معندهاش
اميمة:هزوو ديالي داك لبوردو
فاضمة:(تصدمات فبنتها)من نيتك تتهضري
اميمة:اييه تلبسو اايوم ماشي مشكل..
عيشة:ومجاتش حشومة تلبس القفطان وهوما جيين هي يتافقو
فاضمة:ماعيب والو المدينة هادي
مشات تتقلب فماريوها وتجبد تالقات قفطان جوهرة فالبوردو زوين وقالت:هاهو لبسييه راه معمرها لبساتتو كي فصلتو ليها بقا
اما هي راه لبسات القفطان وبقات معجبة فراسها طاح عليها السر...طلقات شعرها ووقفات قدام المرايا تتشوف راسها كي جاها..زويين وعلى قياشها واخا قصير شوي وتيبانو سيقانها شوي مس محكراتش..عجبها راسها وخرجات عندهم حشماانة باقي مكملاتش عندهم المشية طلقات مرات خالها تزغريتة رقيقة شلحة مقطرة وتبعوها زغارييت من عند لخرين تا حشمووها بلهلا يطريه ليها..خبات وجهها بين يديها خجلانة ومها تضحك عاجبها الحال
طلو عليهم الرجال من البيت لقاوهم هي معاها ورحعو لببيت مخلينهم ملهيين معاها
عيشة:وداك شعر تهليه معري
زينب:لا لا ويلي ندير شال
فاطمة:ديري شالي تاهو فهاد اللون وخفيف متزيريهش على راسك
غير بغيد عليهم كانو تا عائلة العريس واجدين ناضيين..عثمان لي هو الاساس لابس سروال دجين وجبادور فوقاني فالبيض مخيط بالكري نص كم مبين زغب فيديه رطب..داير كورميط فيدو ليسرا وساعتو فاليد لوخرا..رش ريحتو بعدما دوش ونضا حالتو وبانت عليه حالة عريس..مكلفش راسو بزااف كتفى بالقليل حيت عارف هي خطبة صغيرة هس بيهضرو
اما فاتي راه مشات للصالون صايبات الشعر وجات لدار صايبات الوجه على حقو وطريقو..خلات حميد هي حال فمو وامدح فيها..لبسات جلابة فالكحل كلها مخيطة على فصالتها ومرشها خارجا مع الطالون واخا خاملة متنازلاتش وروايح هي مرشوشين
مباركة راه لبسات حلابة فالحمر مع بلغة ديالها ودايرا خرقة ساتان وكتافات بكحل ورشات ريحة ووئام راه سرحات شعر ولبسات جلابة فالزرق بارد مخيطا بالزرق المغلوق..صايبات هي لوخرا وجهها وجات فنة
وفااصالون كانت اسماء لابسا جلابتها وشالها ومحناها كرشها وحداها براهيم تاهو مبوكص وجاي فرحان اخضر مع صديق عمرو لفرحتو..وحميد كذلك لبس عليه جبادور لفوف ودجين لتحت وتريح وتعطر كيبان زوين..وتا انس لبسوه حوايجو جداد باش ابان تاهو عاطي العين
تقدم عثمان وبراهيم وحميد ووئلم هوما لي هازين صواني فيهم حوايجها لي شراو ليها وكلشي مستف على حقو
خرجو من دار عثمان محملين ومجمليين بحوايحها وعثمان فرحان وباينا الراحة فوجهو منشوق اشوف محبوبتوو
نزلو لتحت بشوي عليهم ودق عثمان هو لول وخرج عندو العربي لابس ومانتك على الحالة ضحك وقال:امرحبااا بيييكم
عثمان:سي العربي كاين شي ولا نمشي
العربي:ادخل كالاك هههه
بتاسمو ليه ودخلو كيسميو الله لقاو حسن واقف بجلابتو وضخم وموسطاجو وتيحلل فعباد الله وحداه علي خالها تعرضو ليهم بالسلام..تسالمو الرجال بينعم والعيالات بيناتهم..
ستقبلات عيشة وفاضمو العيالات سلمو عليهم بحرارة وكيرحبو بيهم ودخلو كلشي للصالون الكبير حيت بيجمعو كلشي فبيت واحد مع الضيق
دخل عثمان مسمؤ الله وطايح عليه سر معروف عليه مكتقشرش ولكن دابا تحرج شوي حيت شاف الانظار عليه
ريح وخداه براهيم حداه حميد وانس وفاص ليهم حدا العيالات فاتي ووئام واسماء ومباركة مبتاسمين كاملين الا فاتي لي هي تتحنزز فالرجال
العربي:مرحباا مرحباا بيكم نهار كبير هذا
عثمان؛براك الله وفيك
العربي؛اوا اسي عثمان منحتاجش نرحب(شاف فمباركو)لالة مباركة درك هادي
مباركة:الله يكبر بييك
العربي:هذا سي علي خال زينب..وهذا سي حسن راجل ختها..وهادي ختها فاطمة وهادي مها ومرات خالها
حميد:تبارك الله
علي:كيدايرين لباس عليكم
عثمان:(بابتسامة)الحمد لله ونتوما بخير
علي:اللهم لك الحمد
حقق عثمان فعلي وبالفعل كي وصفاتو زينب ليه يشوش وحبوب من شوفة لولة باينا فيه الوقار على عكس حسن لي نلي دخلو وهو كيضور فعينيه على عثمان واعبرو يعينه
وتا عثمان معطاهش خو جوابو فشوفة كيقلب غليه عينيه ديجا واخد عليه نظرة
دور عثنات عينيه شوي كيقلب على المسرارة تاعو عالله تبان ليه ساعا حجباات وغبرات..حقق فمها لقا شوي تشبه مع زينب ماشي بزاف..عندو رغبة كبيرة يعرف عائلتها
وغير بعيد راه زينب مريحة فالبيت على اعضابها خاص فاش سمعات العضرة كثيرة والقيل والقلل تخلعات وتزايد معاها الزايد قربات تبول فسروالها واميمة حداهامبردة و تطنز عليها:اهياتا راه عراقيتي كولك ههه
زينب:ففف معرفتش مالي تنترعد
اميمة:تيعاودو على لمعقول خاايب هههه
حمحم حسن بصوتو وقال:سي عثمان كيدايرة عندك التجارة مزيانة؟؟
غثمان؛(شاف فيه بحدية)الحمد لله
حسن:محركة شويا الحركة بعدا؟؟
عثمان:هاد الساعة بخيير
خسن:اوا مزيان هادشي لي بيناا
مباركة:فيناهيا زينب؟؟
فاتي:(نغزاتعا)ويلي مالكي شوهة
فاطمة:ههه هاهيا حشمانة
مباركة:عيطو ليها تحلس معانا راه جينا على قبلها
عيشة:اييه الالة مباركة
ناضت عيشو من بلاصتها مخليا فاتي تابعاها بالعين معوجة فمها وقالت:مها ولابسا البيجامة معرن هي اش بتلبس
قرصاتعا مباركة تا صقلات وعم صمت شوي كسرو العربي لي بدا كيهضر على الحال ولااحوال وتشارك معاهم حميد وبراهيم وتاعثمان لي مرتاح نوعا ما..اما حسن هي تيحقق فيهم معاحبو حال
دخلات عيشة على زينب للبيت وقالت:ياله نوضي اجي
زينب:فيين
عيشة:باااو اشوفوك
ناضت تترغد صايبات شالها خفيف هي لواتو عليها ومع خفيف كيبين العنق جرات بلغة فرجليها ديالها..وخرجات تابعا مها للكوزينة لي لقات فيها مرات خالها موجدة ليها صينية كبيرة بجوج برارد والكيسان
...:هزي صينية ودخلي
عيشة:(تتوصي)متهزيش عينيك..وحشمي حشمي وسلمي عليهم وجلسي
زينب:(متوترة عقلها مامعاهاش)واخا واخا
مسحات يديها من العرق وهزات الصينية لي جاتها ثقيلة وصبرات ليها..وتمشات تابعا مها ومرات خالها وتتسرط فريق كل مرة تتقول بطيح الصينية وبنتفرش..بنطيح بنبول بنخراا بنتكربع وبزااف
موصلاا باب الصالون تا عقلها تبلانى بالافكار الخايبة..
اما عثمات لي من بعيد لمحها مع جالس فاص مع الباب..شافعا من بعيد وتفيكسات عينو عليها..معرف باش تبلى ولا منين نزلات عليه ولا منين حات..لدرجة توقفو شفارو على الرمش..
من بعيد هازا صينية ولابسا لبوردو والشال خفيف لايحاه على راسها..جاها القفطان هائل ولصق عليها شوي مبين فورمتها لي دوخاتو..سيد تيضل اشوفها مرخفة الحوايج شافها بالقفطان وداخ بثا مفيكسي عينيه حلف لحيدهم..ودوك شفران لي مطلعاهم بماسكارا دوخوه
باختصار مقدرش ابغد عينيه والاغلبيى ردو ليه البال وكلشي كيضحك بشوي عليه وهو ولا على بالو حاضيها تا دخلات وباينا فيها متوترة..متبعها بعينيه بلا حشمة بلا حياا هي لي عينسها فالارض
شلمات على الكل من جديد..الكبار ياست يديهم ولي قدها سلمات بوجهعا..وتسنا نوبتو بفارغ الصبر تاوصلاتو ومدات يديها بخجل سلمات عليه وهو حال فيها فمو بحالا داك سيد عمرو شاف العيالات وعمرو شافها هي براسها
حشمها واخا مهزات فيه عينيها كتافات تلامس يديها يدو وتجرها بزربة تاسمعات صوت مو قايل:اجي ابنتي جلسي حدايا
توجهات عندها بدون اعتراض خانيا الراس دارو ليها بلاصة حداها وجلسات وعينين فاتي كلاوها كن ساسها لراسها..اما عثمان راه الله يرحمو مسكين كلها على بعضها شللاتو..واشمنك يازين واشمنك ياسر يا قهرة هذاا الله معاها
نغزو حميد ففخضو وقال:الرجوع الله
عاد توكد وقلب عينيه فاص ليه..حمحمات مبارمة وقالت:لباس ابنيتي؟؟
زينب:(بصوت يادوب تسمعو)الحمد لله
مباركى:هذا هو المضنون(شافت فسي العربي)اوا اسي العربي غرضنا راه باين
مباركة:(تدهلات)اوا معندنا مانخبيو..حنا جيران سي العربي هو يقوليكم حنا شكون
العربي:اييه ..نااس الله يعمرها داار ومدا بيا بنت المرحوم تسكن فوق مني
مباركة:نديروها فعينينا..ولد واحد لي عندي ومراتو بحال بنتي
عثمان:(بجدية)شي حاجة خرا اسي حسن؟؟
حسن:(حس براسو تكجم)ممم
علي:اسيدي المعم دايا هو البنت الى بات معندنا حنا منزيدوهم من غير الصلاة عالنبي
عثمان:هذا هو النعقول..نسمعو جوابها
هنا طيح منها عثمان نص فاش سمعات صوتو قال هاكا..مكرهاتش تشق الارض وتنزل تخبا قيها وتقوليهم عييو هاني مشييت...سرطات ريقها وحسات بيد مباركة على ظهرها وقالت:اش قلتي ابنيتي
زينب:هء لي قالت ميي
غيشة:(ضحكات)الله يجغل كلشي مبارك ومسعووود
بتاسنووو كاملين الا حسن وفاتي لي هي تيشوفو ونطق براعيم:نقراو الفاتحة(هز يديه)
قاطعو حسن :بللتي اسيدي نتفاهمو هو لول على شحال من حاجة..شحال بتشد فااصداق وفين بيسكنها
فاطمة:الحلاقم(بشوي)
كلشي ستغرب والعربي خرج عينيه فيه هو وعلي مالقاو فين اخبيو وجههم منو اما عيشو راه هي تتشوف وفاضمة مكرهاتش تزف عليه بلي لقات..بلا عثمان لي بدا كيطلع ليه الخز لراسو بالمعقول حيت حسن مستفز..وفاتي راه راسما بتسامة سخرية على وجهها ونطقات:اوا مافراسيش جينا نتاواو
ضرب فيها عثماان واحد تخنزيرة كون كانت قرطاس كون قرطساتها..سكتات تاسكتات وقالتها قد راسها..حميد راه عيا اوصي ودارت لي فبالها
نطقات مباركة باحراج:لواه اسي حسن..هادشي بين العروسة والعريس
علي:وزايدون بنتنا مكتباغ مكتشراا..
عثمان:(بدا كيزعف)بيني وبينها
ياله بيعضر حسن وهي تنطق مباركة:ياله قراو الفاتحة
تهزو الايدي كاملين بعدما سكتو حسن بهضرتهم وخلاوه هي مخنزر مرضاش كان بغا يفرض رأيو ساعا سكتوه وتوروه..تهزو الايدين وتمتمات الفاتحة بفم ملشي ومن بينهم زينب وعثمان..هاد الاخير لي كان تيقراها واشوف فزينب بحب ودغيا بتاسم حيت جمقااتوو
براعيم:ولا الضالين..سيادنا الله يجعل كلشي مبارك ومسعوود
الكل:اميين
طلقات مرات علي تزغريتى فزعات بيها فاتي تانقزات...وبداو التهاني والمباركات للعرسان لي كل واحد فيهم فرحتو بوحدوها ممقدرها ثمن
علي"اوا اسيادنا نخليو سي عثمان اهضر مع زينب
حسن:اش هاد قلة الحياا اسي علي
غلي:الشوفة الشرعية..الشرعية حللها ربي اسي حسن
سكت تاني مالقا ميقول وتا عثمان ضرب فيه تخنزيرة ووقف هو لول عاد قالت مباركة:نوضي ابنتي
وقفات زسنب تترعد وتسرط فريق وكاع الانظار موجهة ليها..وسبقات عثمان لي تابعها من لور كيدقق فيها وملامحو معقودين
دازت قدامو بخطوات صغيرة عاكسينها هي لي صغيكيحينة..تمشا موراها تيشوف فيها من لور وكي جا القفطان نازل على جسمها الزوين لي كولشي جاه فبلاصتو..مغليضاش غلض كبر من غمرها ومرقيقاش
دخلات للبيت صغير فاش كتنعس ولي كان مجموع ومنضي تحلفي عليه مكينعسوش فيه الحلالف..سبقاتو حشمانة منو ومن الموقف اما هو راه كي دخلو طلق الخامية تا طاحت مجرجرة فالارض فالاسود مدرقا كلشي..
وقف بهيبتو داير نظرة حنونة مليئة بالاعجاب كيتفحصها تانلفتات غندو وجا وجهو فوجهها رمشات بزربة وحنات راسها حشمانة تتلعب بيظيها لي عراقو بحالا عمرتا دوات معاه ولا شافتو كانو بالمعقول راه اول مرة تشوفو
متنكىش انه عجبها وان قلبها كيضرب بجهد يشوفتو خاصة وهو كيرمقها بدوك العوينات العسليين وبنظرة اعجاب كبيرة كيقوليها من خلالها حمقيتيني
تقدم بشوب جيهتها وقال بحنان:بصحة القفاطن
هزات فيه راسها بزربة وقالت بعفوية:مادياليش
عثمان:(بابتسامة)ميجي مع تاوحدة من غيرك ههه(زاد قرب ليها)جيتيي زوييينةة(شد يدسها بين يديه)انا حمقتيينيي(طلع يديها لعندو باسهم)ساليتي معايا(عاود باس يديها فالقاع ونطق بشاعرية)واخا هاد القفطان لاصق شوي
حشمات وتزنكات وهزات فيه راسها مترددة:بصح عجبك
ذوباتو بالصويت وقىب عندها كثر..طلع ليها راسها بصبعو من جيهة ذقنها وركز عينو فعينها لي زادتهم لماسكرا رونق خاص مع معمرو شافها دايراها بقا هي تيبلق غينيه وتقاداو ليه..سلباتو بديك شوفة ولى حول تقوليه موت ويموت..مشتاعد فهاد اللحظة اخشيها فحضنو واهرب بيها والى غتجي الموت تجي
عثمان:عمري شفت شي وحدة فزين ديالك(غمض عينيه وحلهم)قسما بالله مكنجاملك الى جيتس زوينة بزاف
زينب:(بتاسمات تارتافعو حنوكها)حلف ههه وكاع ممشيت عند كوافورة
حرك راسو متبع مع شفايفها:تأ ميصلاحش ليك نتي داكشي..طبيعي زوين هههه الى مشيتي لكوافورة منظمش ليك راسي عههه
ضحكات وحنات راسها تحت نظراتو لي كلاوها..عم الصمت وفقط رائحة اجسادهم لي كتفوح لاغير
حينما تخجل المرأة تفوح عطرا لا يخطئه انف رجل(احلام)
عض على شفتو وقرب منها كثر بعدما نزل يديه من ذقنها وحتاضن كل يد ليها بيد ليه وقال وهو محني راسو عندها :شنو دابا نحماق انا؟؟
زينب:عههه
عثمان:(بهمس قوذنيها)راه سطتيني ابنت النااس..ديري معايا شي حل
عاودات ضحكات ونطق:نخرج نقوليهم العقد السيمانة جااياا
زينب:(هزات عينيهت بزربة)هااء لا ويلي
عثمان؛(بابستامة ويديه كيلعبو فيديها)مابيتيناش نتجمعو خلااص(قرب ليها تاولا وجهو عند وجهها وحنات عينيهت بزربة ..الشيء لي خلا فمو اجي على راسها من الفوق ..باسو بحب وتنفس من عبقها الفطري لي يكفيه باش ابرد شوقو ليها)
زينب"حم بييت ولكن هء معرفتش
عثمان:خرجي هاد سوق خليني انا نتكلف..براكا متبقاي تحت جناح مك لي حاكرااك ولا هاد راحل ختك لي شوفة فيه تنوض الخاطر
ضحكات بدون شعور وقالت بخجل كانها حشمانة منة:ممقبولش ههه
عثمان:حلف هو لتسرط دينمو ههه عصبني خزييت
ضحكات وقالت:هو هاكاك داير كع كلشي
عثمان:اوفوتني عليه وافوت عليه زنوبتي ولا نهرس لمو سنانوو
بتاسم ومد يدو داعب حنكها وقال:غتخرجي دايا وبتمشي تبدلي هاد القفطان هو لول تجي تلقايني انا دويت معاهم على لعقد
زينب:هء علاش؟؟ياك.زوين
عثمان:مزير بزااف وقصير من لتحت رجليك كلهم تيباانوو واخا
زينب:ممزيرش مرخووف
عثمان:مزير مزير انا لي تنشووف غطي غطي
زينب:اش نغطي راه طوييل
عثمان:(بحدية)غطي قزيبتك فهمتيها هادي
خرحات عينيها ورحعات لور بغات تفك يديهم مع بعض وهو يجرها وقال:مالنا ؟؟
زينب:هء حشم
عثمان:هذا هو عيبي ههه فمي خاشر ولايني راه هي معااك
ضحكات بخجل وقالت:نخرحوو
عثمان:(بحنان)دغيا سخيتي بياا؟؟
زينب:هههه خفت نتعطلوو
عثمان؛وانا مسخيتش اجي نريحو هنا
ضحكات وقالت:ويلي لا ههه اجي شنو داكشي جبتوو
عثمان:معرفتس ههع انا عطيتهم تقداو وصافي
زينب:حيت تعجبت مكيجيبوش الناس فاول زيارة
عثمان:سوق مك ههههه انا بييت شغلك
ضحكات وقالت:ههه شكراا زوينين
عثمان:شفتيهم؟؟
زينب:باينا بيكونو زوينين
قرب ليها كيفرنس وشد حنكها بيد واليد لوخرا مشابكا مع يديها لوخرا ..قرب طبع قبلة بين عينيها خلاتها ترتاعش كلها ونطق:تستاهلي الحاجة المخيرة فدنياا تكون لييك
بعد فمو على جبهتها وخشا يدو فجيبو لوراني جبد منو جوا حطو ليها بين يديها وقال:هذا ديالك ديري بيه لي بيتي
زينب:(باحراج بغات تجر يديها)اشنو في؟لا لا
عثمان:(زير على يديها)شدي شدي..بتحتاحي شحال من حاجة دابا شري لي بيتي
وينب:(تحرجات)عفااك اعثماان بااش والله براكاا علي
عثمان:شدييه ومتعاوديش لهضرة خلي دماغي نااشط
حشمات منو زينب بزاف وجاها راسها كثرات غليه واخا مكطلب والو هو لي كيعطي وبلا متقوليه..عطاه الله عقلو وكيكمل براسو وهو عارفها معندهاش منين تجيب لفلوس وتا مها ملي سمع بلان اميمة عرفها مكنززة وعاد قاش قالت ليه مدساليش يعني معندهاش وكان باغي اعطيها شحال هادي..هي كيتسنا الفرصة
عندو غالية ومكيغيهاش تحس بلي ناقضاها شي حاجة ولا تحتاج..
بتاسمات وقالت:شكراا
عثمان:(باس يديها)بصحتك احبيبي ياله نخرجوو
حركات راسها بالايجاب وطلق من يديها مساخيس وزاد هو قدامها وهي موراخ بعدما خشات الفلوس فصدرها وخباتهم وقلبها كيضرب على جهد..
دخل عثمان عليهم لقا اتاي تحط بصينيات كبار والحلاوي مشكلين فالطبلة..نضم ليهم بعدما الانظار توجهو ليهم ورحغات هي جلسات حدا مباركة حشمانة تاني..
تكب اتاي وتفرق على لحضور لي بسرعة ندامجو وكيهضرو فشتى مواضيع على الحياة ..ها العمل ها الدراري زماغيرها..من غير حسن لي هي تيشوف وتيتدخل مرة مرة بعدما سدوها فوجهو
وفاتي راه هير تتشوف وتحلل..داقت الحلوة وتبننات فيها ومع حاملة قرنات عينيها فيها وحمقاتها مكرهاتش تهز تاكل طبسيل كامل هير عقلها واش قاليها..شافت فيها مباركة مخرجا عينيها حيت تهز حلوة وترجع لوخراا زعمت حشمي
فاطمة:اوا الله يجيبنا فصوااب..هي هو الالة مباركة تهلاو لينا فيها راه والله اما غنشكرها لييك..نقرة نقرة صافية
عثمان:(بافتحار)متحتاحيش توصي..نديرها فعييني
بتاسمات زينب حانيا راس بخجل وهي تتسمعهم كيشكرو فيها وامدحوها وشكون فينا مكيعجبهاش لي يشكرها وامدحها خاصو قدام عثمان وفاش تاهو هضر حشمها ومركها ولكن فرحاات
"أقصى درجات العشق هي السعادة"
العربي:الله يجيبنا فالصوااب
الكل :اميين
ناضت فاضمة للكوزينة وتبغاتها عيشة وفاطمة وبداو كيحطو لعشا لي عبارة عن دجاج محمر على حقووو واللحم كذلك..فرقو الجلاسي دارو العيالات ب حدهم والرجال بوحدهم واخا فنفس اابيت مع عندهم الضيق..هادشي كولو واميمو مخرجاتش من اابيت رفضات تخرج وبقات فالبيت مكونيكطية منعازلة على العالم الخارجي
تحط الغدا وتعشاو الناس وتشاركو الطعام ومباركة تضور ضورة وتقىب لزينب لحيمات وتضحك معاها وتشكر فيها وهادشي مفرح عيشة بزااف
تغداو الناس وتجمعات الطبلة وبقاو جالسين كيهضرو بيناتعم جهد شي ساعا تا نطق عثمان:الواليدة نمشيوو
مباركة:اييه هذا هو الوقت..
فاضمة:جلسووو وياي
فاتي:(وقفات)مرة خراا
وقفو كاملين اودعوهم وتسالمات العائلات..وصلات زينب عند مباركة سلمات عليها بالحضن وقالت:الله يجعلك مباركة مسعودة علينا
زينب:اميين
مد عثمان يدو لزينب سلم عليها عادي مطمر وخرجو مودعينهم بحرارة ضاربين ليهم لقاء فاقرب وقت باش احمعو الوراق تاعهم تالعقد
الفرحة فرحتييم والقلوب تجمعات زاخيرا واحلى حاجة هو الحلال
رجعو كاملييم عائلة زينب للبيت وجلسو كيهضرو واناقشو وهي راه تتجمع فالماعن بمساعدة فاطمة
حسن:اتا بعدا جيتوني زربتووو ودخلني شك
علي:سي حسن خير البر عاجله وناس الله يعمرها دار..لاش نتسناو
حسن:سولو بعدا علييه نعرفووه منين واصلو
العربي:معاشر معاه شحال هادي انا..وكاع الناس فسوق تيعاودوها فيه زينة
حسن:ومسولتو ماوالو..
علي:(بنرفزة)محشمتيش سةلتي على الصداق
حسن:(خرج عينيه)نعرفو شخال بيعطيها
فاضمة:لا حول
ناضت تتسوط تيعصبها مخليا العربي تينقي ليه فوذنيه على هاد قلة العقل
دخلتت عليهم للكوزينة وقالت:بااز ليك افاطمة مع هاد الرااجل مزييت
فاطمة:(حركات راسها بحسرة)اودي عييت صابرة معااه تريكة وحدا هو وطاسيلتوو
فاضمة:انا قبيل فاش سول على صداق راه شللني خفت هس عثمان انوض اهرسو
اميمة:دابا تشوفو ههه انا لي تنضل عندهم الحاصول سوقك هذااك لي عطا زكو لهلا يفكو
خرجات فاطمة عينها فيها على هضرتها وناضت تتعاون ختها وتحرك فراسها اما زينب راه غسلات الماعن ناشطة وكدندن باغنيتها الامازيغية المفضلة كيف لا وهي نهارها هذا فرحات فيه ونشطات برفقة حبيبها
فحين التحت راه كانو دخلو وتنشرو على التلوقان..حيدات فاتي طالونها وقالت :ففف طبت بالجلاس
مباركة:احح الله اربيي(جلسات)واييه ولايني الحمد لله كلشي داز مزيان
وئام:عييت
حميد:نحلف عليكم كنتو تتشطحو راه بقيتو هي جالسين
فاتي؛واراه طبنا بالجلاس فففف
حيد عثمان مكانتو وقال:رتاحوو شوي
مباركة:اويلي عاد مبدت تمارة وجري علي نجري عليك..خصنا ندركو نوضو نتقداو اش خصنا ونوجدو
زينب:هههههه واحدبوحدو عند موو هههههه ناري ضحكتيني باينا كي بدوو هاد السيمانة
مليكة:ومع بتجي رقية ههههههه نااري
زينب:وايييه ههه
دخل حسن عليهم كيحمحم لاح ليها ميكة تالحنا والتخالط وقال:هاكي هاهووماا
وزاد تاني شداتعم زناضت تنقي فالحنة وتخالطها باش دير بيهم تبريمة خاصة لزينب
نقات الحنة ودقاتها فمهراز خشبي مزياام وغربلاتها وجمعاتها فميكة عاد.جبدات التخالط تاوعها لي عبارة عن الورد والخزامة والريحان والفول مطحون والحمص مطحون..غربلات كلشي وخلاطتهم
خلطات فاطمة كلشي وعاودات شدات القرنفل دقاتو تاهو وغربلاتو وزادتو عليهم باش تعطيها تبريمة تالعرايس لي معروفة عن الشلوح..
زينب(كانت جالسة حداها)دابا هادشي نديرو فالحمام
فاطمة:هادشي المرضية تعودي كل ليلة تخلطي شوي بالما زهر وديريخم للحمك وتسناي تاتيبس عليك ومسحيها هير وخليها فيك تالغد ليه وعاوديها تاني كل ليلة سبع ياام عاد تدخلي لحمام..نكدي ليك الحمام وتفرجي لوسخ ههه
ضحكات زينب وقالت:ههههه بنطيب لالة
فاطمة:ترجعي على مزيناتك هههه
عنقاتها زينب وقالت:لهلا يخطيك الالة هههه
فاطمة:الله يسر لييك راه فرحتي ليك كبيرة..تزوجي تانتي وديري دارك وداك ولد الناس الى بقا كيماوعو راه اعيشك مزياان وميخسرش ليك
زينب:صرااحة والله تا ولد نااس معرت اش درت تا جازاني الله تادترو فطريقي
فاطمة:تاهز راه مرضي هههه
زينب:هههه بزااف عزيزة عليه موو
فاطمة:واهي لي عندو ههه
زينب:ااه عرفتي شنوو فاش نضنا نهضرو لبارح عطاني جوا فيه الفلوس قاليا شري بيه لي بيتي لتخصك شي حاجة
فاطمة:صداقك؟؟
زينب:لا لا قاليا هير الى خصاتك شي حاجة وصافي..
فاطمة:وا ملي عطاك الفلوس يعني نتي لي بتشىي حوايجك ماشي هوما
حركات راسها بنفي وقالت؛لا فايت قال ليا ختو لي بيعطيهت تقدا لياا وهادشي هي تضويرة منو
فاطمة:لعجب هههه نوضي جيبي نشوف
ناضت من حداها جابت ليها الجوا حطاتو بين يديها وقالت:شوفي
حلاتو فاطمة وجبدات الفلوس وبدات تتحسب وقالت:تبارك الله هادشي هي تضويرة..اوا شوفي من غدا نبقاو نزلو للسوق شري لي عجبك بيدما تجي مك باش تخرج تقدا معاك واخا راه بتفقصك
مشات لبيت مها مخلياها تتنكر ونطقات مباركة :الفراش خليه علي نجيب واحد المرة تدوزو ليا فنهاار صافي
فاتي:وهي بيناها للعيد الكبير
مباركة:صافي قاديو
جا عثمان مسخن غداه كلا وكمل وناض هز الفلوس لي يقدوه وخرج مع ختو على وعدو وسعدو اتقدا للالة زنوبة اول شراوط دهازها
مشاو للمدينة حطو الموطور ودخلو للدخاشش فين معروف بالتكاشط وتواب وهي الغلا وااشحيك طبعا عثمان مكيعرفش فهادشي هي تابعها وهي اكيد بغات هي الفريع والغلا ميمهمااش كاع منين اجيو الفلوس
وقفو على مول محل كبير وحاط تواب الفريع ولدات فاتي تتشوف فالثواب لتكاشط وتعاود..تخير فهذا وتجبد هذا تا كفر عثمان بلاصة مول المحل وشد راسو وقال بنرفزة:راه تعطلتي واش هادشي كولو تقباب
فاتب؛واصبر ..شوف هادو راه تواب عروبيين(مخاطبة مول المحل)ارا ارا لي عندك زيين ونتا عاطينا هادشي
ضحك مول المحل وقال؛مطورة مع راساتك هههه عندي شي حاجة ولكن شويا قاسحة فثمن
فاتي:(بذكاء)هي ارا بعدا خص هس تكون شي حاجة زوينة وديك ساعا لعجباتني تنقص ههه
عثمان:ياربي صبر
ضحك البائع وقال:واخا الالة
جاب ليها احسن ثووب تتكشيطة شافتو وكنززات عليه ولكن قاليها الثمن للميترو تتصدمات وبقات عليه مني منك وتجبه وتسنطح مخليا عثمان حال فيها فمو وممشات تاداتو بثمن لي بغات..فرنسات وقالت:ياله زيد
خلص مسكين على نيتو وزاد تابعها وقال:اقسح وجه هو ديالك..ههههه
فاتي؛زاد فيه نص وبيديرها بيا انا لي خويا مخفي سنانو فهادشي
ضحك غثمان ولاح يدو علي كتقها وقال:وجهك قااسح سيزيتيه هههه
فاتي:اوا باش تعرف معزتك..واخا مقدية بزز ولايني مابيتكش تزندف
عثمان:هههه
دازو لمحل اخر وبقات تاني تشرط وتقلب تا لقات ثوب تجلابة وتالقفطان وتاوات تاني ورحعات معاه كيضحك عليها..مكيدخلش كل مكيدير هو اهز المياكي واخليها منها ليهم فران وقاد بحومة..
خداو ليها الثواب لي تحتاج ودازت بيه لواحد دخيلة فيها مالين البيجامات وارا ليك للعزيل..ختارت ثلاثة تالييجامات وهي الواعرين على ذوقها وتغزل فهادي وفديك وتخير...خلص وزادو تاني لجيهة الضبابط وقال؛لا لا هادو خليهم علي انا
فاتي:وتقوول مغتعرفش نتاا زيد قدامي
عثمان:بندخل سلعة جديدة وجي شوفيها وضوفي اش يجي مع هادشي
فاتي:اوا لهاكا واخا
عثمان:صافي مشيناا؟؟
فاتي؛لواه لبرد...زيد زيد باقي بنشدو الكولونات والبودياات وعاد شي صيكاان
هنا ضحكات زينب تاهيا وخبات وجهها بين يديها وعطاتها للضحك على راسها
مليكة:مكاينش لي كيخرج فعيشة الشيب قدك ههه
رقية:تمشي تعاود لمخها هي عااشت حياتها وباتنكدها علينا ههههه
فاطمة:حشووومة رااه مك ههه
زينب:خليها تاتسخط عليها هعه
رقية:الى هي سخط عيشة مرحبا بجهنم ههههه
ضحكو عليها كامليين عارفينها مقطعة الوراق كلشي عندها ضحك وتكركير..ومع مكتحشمش لي فقلبها فطرف لسانها ومكتخافش من غيشة بالعمس تتخرج فيها عينيها
خرجو لبرا على صوت حست لي تيقول لولاد رقية اسكتو..ردو العشا اطيب وتجمعو عليه كلاوخ بضحك تاع رقية وزينب ماجمعاتش فمها من ضحك معاهم..نشطات وفوجات
فلخر فرشوو كامليين وتنشرو حدا بعضهم ودراري مكسلينهم فالتلقان
رقية:اش بنشريو غدا
زينب:معرفتش..نبدا بالبيجامات هو لول وحوايج الداخل راه معندي والو
رقية:عطاتك اينا الفلوس
زينب:لاا ويااك تقوليها ليها عطاهم ليا عثماان
رقية:ايهااي على المديني هههه هاد عثمان خصنء نعرفوو
زينب"تا يعيط ليا ونعطيك تهضري معاه
مليكة:تانا تانا ههههه
رقية:نتي راه كلاتك على رجال ههههههه(ضحكات بجهد)ههههههه
مليكة:ايييي اناري بينوووض با
زينب:هههه سكتي راه انوض ليناا
رقية:امشي اعاود راسو تاهو هههه
ضحكو وتخشاو فبعضهم كيتعاودو واكركرو مانعسو تال الثلاثة عاد كل وحدة كوخاات فجهة
***
صباح جديد ملئ بالاخداث وجري علي نجري عليك..فاقت زينب مع العشرة هي وختها وبنت ختها ناضو جمعو دار وفطروو ودارو الغدا..دوزو نهارهم عادي تاللعشية فاش برد الحال عاد خرجو السويقة مجموعين كيتقداو معاها اش بغات
لقات زينب راحتها معاهم مابززو عليها ماوالو بالعكس كيعطيوها رأيهم وافتارحو ليها ومخلينها براحتها تتشري لي بغات وشحال عجبها الحال ملي شرات لي بغات..تتشوف الحاجة وتشريهل مضربش الحسبة للفلوس حيت عاطيها لي يقدها واوفيها
دازت للماكيااج وشرات لي خضها واخا معرفات فيه والو..الاكثرية شرات كريمات تتشوفهم واعجبوها وتعقل عليهم وها الفرصة جاتها..
ناضت جابت شالها وحابسى ضحكة الخجولة لي بتفلت ليها وختها هازا صندالة على ولادها بتنعسهم..خرجات من البيت وتلاقات مع مليكة عطاتها المياكي ودازت للصالون..طلقات الخامية تا تغطا البيت كولو..وسدات الشىجم وشعلات ضو
صاببات شالها وشافت فالمرايا تتليفون عاد كتبلت ليه:صافي عيط
متعطلش دغياا دوز ليها ابيل فيدو..شدات الفيديو وبان فالكامرة مكسل فبيتو غير بديباردو سماطي فلبييض ولايح ايدو على شعروو كيحك فييه اللور وعينييه مكمشين باين فيه النعاس..ولايني هي شافها توكض كيفرنس
سكتات ملقاات متقوول حرجها بلمدح ولغزل لي تيعطيها ديما..تيطله ليه للمورال.. وبغات تحيد الاحراج وقاالت:مبغيتيش تشووف لحواييج لي شرييت
عتمان:(حك عينوو ومتبع معاهااا )كاينة بوحدك
زينب:اه
عتماان:وحيدي شال نشوفوو بعدا شعرك ههه عاد نشوفو لحواييج
زينب:(حشمات)ويلي اعتمان منقدرش
عتمان:(بحب)وعفااك ديري ليا خاطري حالف تنشوفوو... هي نشووفوو سكتينا شوي بينما جيتيي متكونيش قاسحة تاني ههه
زينب:(تضور عيتيها)هئ وحشوومة عفاك بلاش
عتمان :معافاياش ههههه هانتي بطلعي لمي لقردة تانيي
زينب :(خافت من تقليقتوو)وصاافي خلي تال لمرة خراا
عتماان:داباا هي درووك منستاهلش زعمة
زينب تنهدات وقالت:راه ممشطاهش تنبان مشعككة هههه
عثمان:واخا ماشي مشكل..
زينب:(تنهدان)واراه حشمت اعثمان
عثمان:متحشميش احبيبي
زينب:وخة قطع ورجع عاود
عتمان:لاا بتحيديه قدامي ونشووف وازينب راني غير عتماان تاسااانو ديالك
زينب:(ضحكاات)ههه وخة
شدات التيلي بيد والتانية تاتحل بيها الشاال لي غير لاحتو علييها..جاتها فشكل وايدها بداو كيترعدو بحال الى بتحط حوايجهاقداموو عمرها حيداتو قدام شي حد برانيي من صغرها ...وهو مقابلها بلهفة كيتسنا بفارغ الصبر اشوف شعر لي سمع عليع متلف الناس
كتحيد فالزيف وتاتفرنس بحشمة عرفاتو متبعها مع رخفاتو سبقاات لقصيصة لي طاييحة تالحنيكاتها
بريق عينيك الجزء العاشر
محتوى القصة
التنقل بين الأجزاء