عثمان:(حبس كاع الماكلة وحاضيها)مشهيا شي حاجة خرا؟؟
فاتي:هاد.ساعة هي هاد طااجبن برااكا هههه(تتاكل)
ضحك بلا خاطر وقال:بصحتك الالة كولي ليجي راجلك ادير لينا الشوهة موكلاناكش هههه
ضحكات فاتي وضحكات معاها تا مباركة اما زينب راه كانت تتسرق الشوفات فسي عثمان لي كيضحك مع ختو واخا باينا فيه مرون فعقلو..كتشوف فديك اللحية الحرشة ف جهو والفيم لي كيضحك..ويدو لي محطوطة على كتف ختو وكيقرب ليها بطاطا واللحم وتضحك ليه..تحلفي ماشي هادو هوما لي عاد كانو ناويين اقلبووها..وتاهي جايبا فشوشها عليه..
تتشوف فعويناتو العسليين ولي شوفتهم تطيحك بلا هواك..كل ماتقدر تقول هو انه زويين بزااف..معمرها حققات فشي راجل تال ليه..لدرجة سهات فييه تا نطقات مباركة:زينب مكلتي والو
على جملتها تلفت ليها وشاف فيها حصلها كتشوف فيه..هز فيها حاجبو وقال:زينب كولي تتسناي العراضة
زينب:هاء لا لا شبعت الحمد لله
مباركة:مكلتي والو
زينب:لا براكا الله يخلف خصني نمشي(وقفات)الله يعاون
دازت من حدا مو بلا متعاود تشوف فيه هو لي بقا متبع ليها العين ومو تتشوف فيه وشوف فيا نشوف فيك اطاجين الحوت..تا خرجات وسدات الباب عاد.رجع كيهضر مع ختوو ناسبين وئام لي غارقا فدموعها فالبيت كتحس براسها منبوذة حيت واخا كيضربها قبل كيعيط ليها تاكل دابا محنش فيها وتا مها مقدرات دير والو
سدات الباب وتنفسات براحة شادا على قلبها..كتحاول تفسر هاد التوتر لي ولا كيجيها وهي معاه...عاد الصباح قررات متبقاش تشوف جيهتو حيت خلعها اابارح واليوم تاني تكرهات منو فاش كيغوت ودابا تاني عجبها فاش عنق ختو
**
مر اسبوع على اخر مرة تشاوفو فيها مع بعضهم..معمرهم تصادفو مع بعضهم لا فخرجة لا فدخلة ومع ذلك بقى عقل كل واحد مع لاخر..
عثمان دوز اسبوع كلو كيف العادة السوق والبيع والشرا وكيحاول انسى اش دارت ختو لي قاطع عليها الهضرة والخريج والدخيل وتا القراية حبسها منها..معمرو هضر معاها ولا حتا شاف فيها مكيسول فيها لا واش كلات ولا شرباات وتاهي معفرة عليه كضل فبيت مها فاش كيدخل كتسوط وتقول ماساطت لا تيلي لا والو..من غير فريع فاتي لي جات جلسات معاهم سيمانة على قدها وحمها خرجاتو فوئام ضل تنكر وتغاوت عليها وضور ضورة وتعايرها باش دارت ولوخرا كترد عليها الهضرة وتسبها وتجي فاتي تبغي ضربها وتفك مباركة لي بيناتهم
اما زينب راه دازت سيمانتها هي فالقرايا وفالسوايع..كتجيب ربعة جوج بنات وجوج دراري وتقريهن وبفلوسهم ولات تتحرك وتدمق من هنا ومن لهيه..بعظا الى مشات هي لفاك وجاها جوع كتاكل ماشي تبقى بجوع ولا لخرج شي بوليكوب تشدو متبقا تطلب شي حد على يخليه عندها وتحلس تدير فلملخصات فاقل مدة ممكنة ياش تردو لمولاتو وطول هاد الاسبوع شافت عثمان غبر ليه الاثر تاولات تتقول ياربي نتلاقا معاه
اليوم الجمعة دارت سيمانة وكانت راحعة من لفاك لابسة جلابتها الكرونة مع شالها وصبيبيط كحل لي عندعا..ووجها باين فيه العيا حيت ضلات النهار كامل تما وجايا مزال تخدم..دخلات مع درب حانيا الراس والهضرة كثيرة شي مجمع مع شي هنا جوج واقفات ولهيه رباعو واقفين ولهيه تاني عيالات درب مجمعين..كلها كيلغي بلغاه
وصلات باب الدار لقات لباب لول محلول ياله غتدفعو وتدخل تا تحل وهزات راسها باش تلقى عثمان لي حلو..شافت فيه وشاف فيها وتبادلو النظرات..هو بنظرة ذكية وهي كيف عادتها نظرة خجولة محترمة..
رمش جوج خطرات بالحساب وبين على بتسامة وقال:زينب(سكت كيشوف فوجهها)لباس عليك؟؟
زينب:(بتاسمات)الحمد لله اخويا ونتا؟؟
عثمان:(حل ليها لباب تذخل)هي بحرا جيتي
زينب:(دخلات تحت نظراتو)اه عاد
عثمان:(شاف فوجهعا)كتباني عيانة؟؟مريضة؟؟
زينب:حم شويا..
عثمان:اش ضارك(باهتمام كمش عينو فيها)
زينب:لا هي العيا تنهاار
عثمان:ممم دخلي دابا وكولي ورتاحي(بابتسامة)
زينب:اه واخا
سدات عليه بواخا وكتسناه ادوز اخليها دوز وسيد حلف لداز مخليها واققا وكدور فعينيها لي ذبلالين بالعيا..طول فيها الشوفة وخرج نفس وقال:شحال متلاقينا..علاش زعما؟؟
حركو راسهم وبداو كيحفضو تاني..واحد كيقرا نص بجهد ولاخر كيصايب تمرين وحرك لاخور وابدا اتناكر معاه.لحاصول ربعة وااصداع فداار..وفاضمة تتفك فيهم وتقول هذا رصا
اما زينب راه كي ناضت هازا السباط فيديها بانت بتسامة فرح على وجهها معرفاتش تفسرها..عاد سيمانة كانت نافراه ودابا قلبها كيضرب حيت شافتة وكتحس براسها فرحانة هي هاكاك..نسات يومها المتعب والعيا تطوبيس ومكرهاتش هي تكا وتخمم فيه ميخربقها تاواحد بغات تخطف لحظتهم بزربة قبل مايفوت وقت باش تبقا مستمتعة بيها
مشاعر بريئة جدا لفتاة لم تجرب العشق قط
حيدات عليها حوايجها ولبسات بيجامة فالغوز طويلة فايتا المؤخرة بسروالها وجمعات شعرها سفنجة مخليا شي زغبات لور مطلوقين..ومشات للكوزينة..تتسخن فاتاي وتفرنس..تعض من الخبز وتضخك تاكتوحل ليها..اش هذا اش كنحس كيفاش كلها أسئلة كيطيحو فبالها ياله كتبغي تجاوب راسها كطيح صورتو فبالها وهو معوج عنقو فيها..حسات فنبرة صوتو انه باغي اعرف مالها لاش عيانة اش كدير..كون ما الوقت والمكان الغير منا سبين كان ممكن اطولو فجمووع ومتعرف دنيا اش مخبيا ليهم
كملات ماكلتها ومسحات فمها وخرجات مبتاسمة وعندها طاقة كبيرة تخدم ..جلسات حدا دراري وبدات تتخدم مع كل واحد وعاطياه وقتو وتبتاسم ليه ولي مفهمش كتحط يديها على راسو وتبقا تلعب ليه فيه وفنفس الوقت تتشرح ليه تا كيفهم
ماهي الا ساعة ونص سالات معاهم..دارت شالها على راسها وخرجات معاهم تال لباب وصيفتاتهم مبتاسمة..دخلات للدار وتعجزات كضحك وتفرنس بوحدها..هي لقاءوشنو دار فيها قدر امحي صورتو وهو كيضرب ختو
دخلات تكات حدا فاضما مجمعيين واتعاودو تا دخلات اميمة مخنزرة تلاحت حداهم وريحتها تخنقك ريحة السنان على جهد..
فاضمة:فففف اش هاد الريحة نوضي دوشس
اميمة:فوتي ليا راسي هاد الساعة الله يرحم جدك
فاضمة:ياك لبااس مالكي تاني؟؟
اميمة:مماليش ففف(جبدات تيلي)هاد المشقوف كيعصب ولى تيطفا بوحدو خزييبت(شافت فمها بترجي)مي هضري مع باا اشري ليا شي تيليفون زيين هذا أه حفا ليه الباتري تيطفا بوكدو والشارج تيبقا فيه شوي
فاضمى:واش اختي تاشوفينا نييت تنضاربو مع الوقت باش نكملو مول الحانوت وتتقولي ليا تيايفوون..سيري سيري
أميمة:(مغوبشة)وشنو انا نبقا بلا تيليفون هاااه..هادشي طلبنا ليكم هي تيليفون رخيص
فاضمة:تاتخدمي وشريه
اميمة:(تعصبان)امتا امتا واش اعباد الله مقادينش علينا لاش والديينا لاااش
اميمة:واشوفي هو بنعطيه ليك ولاكن اه واقفا على لفلوس وانا نيت كنت بتنبيعو لشي حد ونزيد عليه ونشري شي واحد جديد..بيتي تشريه؟؟
فهمات زينب انها نبغاتش تعطيه ليها وانما غتبيعو حيت كون بغت تعطيه بتعطيه ليها قدامهم وعاد طلع معاها بلان حتا نخويه ونعطيه ليك
زينب:مم بشحال تبعيه ليا؟؟
اميمة:ليك نتي 500 درهم..هااه وشوفي راه زين واخا تشوفيني قبيل قلت اه تيططفا اه هي كذبت باش اشريوه ليا اما انا اه مصايب هي عدفتووو وبيت ماحسن أش قلتي؟؟
زينب:وانا بيت تيليفون ولايني معنديش عشرة لاف ريال كاملة
اميمة:شحال عندك؟؟
زينب:6000
اميمة:مممم واخا أريها تا تخلصي وكملي ليا واخا
زينب:واخا..نشدو دابا يااك؟؟
مداتو ليها:حيت بنت عمي غنثيق فيك هاكي هاهو
شداتو زينب بفرحة مقاداها فرحة وتتفرنس..تيليفوون واااو...معمرها كان عندها تيليفون وبصمة كانت شرات واحد هي ومليكة بنت ختها مشاركيين فيه ومخبينو على حسن لي نهار حصلهم شوههم وهرسو على جوج وتهمهم بالكذوب وطنز تاندمعم
ودابا هاهي عندها تيليفون بوحدها ديالها..تتقلب فيه بين يديها وتحل فيه وتسدو لقاتو مخوي وقالت:دابا ولا ديالي يااك هههههه هههه زويين زويين ديااي أجي فيه لكارت
اميمة:(باستغراب)لا حيدتها شري شي وحدا من عند دوك لي فلمصلى
تكات بلاصتها وتا لوخرا لي تتشوف تاعيات وضحكات من نيتها ...غريبة هاد البنت تتجيها حيت هي دارت تيلي حسن من القديم ولا تيبان ليها هذاك والو وماشي ديال تفرحي عليه
اما زينب راه هاديك هي دنيا ومافيها شكون بحالها عثمان وضحكتو وعاد تيليفون..مقداتها فرحة
وجلسات تتفنكش فيه من هنا ولهيه واخا راه خاوي المهم الفرحة مخلاتهاش تنعس تا طفا بين يديها وغفاات وهو على صدرها
لا زلت أتذكر تلك الحكاية
الحكاية التي بدأت في نونبر
وانتهت في ديسمبر
حكاية شهر..نسج أطرافها القدر
تعثرت بها كأنها قدر
**
لم اكن أدري آنذاك انها قدر
الا حينما التقيتك
واقتربت منك..تنفستك وعشت في حضنك
حكاية لبريق نبع منك وفيك
على اثر رمشة توتر
بريق هو حتما لم ولن يكون الا بريقك
#سكينة ايت الكبير
***
شروق الشمس لا ينتظر النائمين
شرقات شميسة دافية بعثاث السرور للكون..فاقت زينب على الصباح عينيها نعسانين مشابعاش نعااس بتاتا شافت فجنابها لقات محسن مكسل فتليق حال فمو ولوخرا فتليق تاهي مشرعا فمها..ناضت كتفوه مكرهاتش ترجع تنعس وتجر عليها الغطا ولايني قارياا
فطرات وناضت دخلات على مرات عمها فبينها لي ناعسة وكتحاول تحرك بشوي باش متفيقهاش..لبسات عليها كيف العادة نفس اللبسة وشافت فالمراية كنقاد شالها والشعر خارج من جنااب وهي تبتاسم حيت طاح فيالها نهار قاليها دخلي شعرك..دخلاتو واخا كيعجبها اخرج من الجناب..
سالات وهزات ساكها ومشات هزات تيليفونها لي ولى ديالها دارتو فجيبها وخرجات برفقة عمها اوصلها لبلاكة تاع طوبيس حيت تيكون الحال باقي مظلم..
دارت روتينها العادي وقلبات على شارج دارت مشقوفها فيه وتسناتو اشعل ومشات تعاون مرات عمها تا دخل العربي شاركهم للغدا وهوما فقط بثلاثة لاغير..حيت اميمة باقي ناعسة وكذلك محسن
ناضو بثلاثة جمعو للوقفة وهزات زينب سطولة وفاضمة الصاك ولوخرا تيلي هه..خرجو مع الباب للصغير وتحل لباب وتم داخل عثمان مدخل موطورو عاد جاي من الخدمة حيت سبت تيكون السوق عامر
شافتو ودق قلبها بجهد وحنات راسها حشمانة اما هو راه عينيه مشاو ديركت ليها..بتتسم وقال:بصحتكم
فاضمة:الله يعطيك الصحة اوليدي لباس عليك
عثمان:(عين فيها وعين فزينب)الحمد لله..زينب لبااس؟؟
هزات فيه عينيهاحشمانة وقالا:الحمد لله اخوياا
هز حاحبو وسرطها وقال كيشوف فأميمة:الله يعفوو نتي من هاد المشقوق هه
اميمى:واقول بعدا هي مبروك راه بدلناه زعما
شاف فيديها:وااه اوا على سلامتك هي لاخر تبيريما
اكيمة:عطيتو لزينب تقضي بيه بيدما تشري تيليفون
شاف فزينب لي تتسرق فيه شوفات حشمانة وسطول فيديها ثقلو ...بتاسم باعحاب وقاا:مزياان ياله سبرو بلا منشدكم بصحة وراحة
فاضمة:الله يعطيك صحة
دازت فاضمة سابقا وتبغاتها اميمة عاد زينب لي حشمات حيت دايزة من حداه..عيات ترمش وبان توترها لي مخليه ازيد اتعلق بيها وقال بصوت منخافض:بان فيك من دابا
فاضمة:عيطي وسلمي عليها ععه نوض نجيب النشير من سطاح
زينب:هي خليك انا نجيبو تتي سخفانة
ناضت كتفرنس باغا تهضر مع مها موحشااها بجهد
طلعات للفوق تتركب فنمرتها ودارتو فوذنيها مع لحلة تسطاح وجا صوت مها الامازيغي لي رقيق بحالها:الو
زينب:الوو إينااا
عيشة:اهلاان لمدينية لياس عليك
زينب:(بفرحة ولغتها كلها امازيغية)اينا ليااس بخيير
غيشة :بخير ونتي
زينب"الحمد لله
كملات هضرتها مع مها فلغا ولهيه واجمعو خسرات عليها الروشارج كاملة كتهضر معاها فرحانة والسطاح مضوي بلبولة تاع الزنقة لي ضارب ضو ديالها فيه كولو..
تتهضر وتجمع الحوايج بيد وحدا فالشبكة وتفرنس ..وفنفس اليلاصة كان هو تيكمي وحاضيها كي تضحك..
كان فالسطاح كيكمي تا دخلات وشهد على هضرتها كاملة لي مشد فيها والو ..حيت كلها شلحة مكايناش كلمة بالعربية..مافاهمش وتيبتاسم .طفا الكارو باش ماشموش وتحس بيه وهو باغي هي فين انفارد بيها واهضر معاها خلاها على خاطرها تا سالات..وضحكات بوحدها كي الهبيلة دارت تيلي فيديها وكملات جميع الصابون وناض هو ديك ساعة تيجر فكلاكيطو محسات بيه تاقال:بصحة الحمام ازينة البنات
هزات راسها مخلوعة حيت ديما تيجيها على غفلة تا طاح تيلي من يديها وقالت:هءء
عثمان:(بتاسم)مالكي هههه
زينب:(تصدمات وخافت وتخلعلت وكلهم تجمعو عليها)شتدير هنا
عثمان:ههعه داري واقلة لا(تحنى جمع تيلي لي تحل)
زينب:اه اه عرفت (توترات)سمح ليا مشتكش
جمع تيلي كيبتاسم واحقق فوجها وقال:بان فيك الحمام
تبسمات بخجل وحتات راسها وعاودات هزاتو:شكراا
عثمان:(شعل تيلي)ديالك ياك؟؟
زينب:اه باعتو ليا اميمة
هز حاجبو وقال:كيفاش باعتو ليك؟؟قالت بلي عطاتو ليك
زينب:(على نينها)لا باعتو ليا بعشرة لاف ريال
غوبش وقال:هذا بعشرة لاف متأكدة؟؟
زينب:اه والله..علاش
عثمان:(عرفها تشمتات فيه وطمر)لا لا هي سولت..(مدو ليها)هاكي بصحتك الالة
زينب:شكراا
عثمان:حم حم فيه كارتاا
زينب:هاء اه اه
عثمان:هي باش دويتي دابا؟؟معامن كنتي تتهضري؟؟
زسنب:هء علاه كنتي هنا(ولات حمرة)
عثمان:اه ههه ومفهمت والو الشلحة باش كتهضري؟؟
زينب:اه
غثمان:مزياان..معامن كنتي تتهضري؟؟
زينب:مع مي
شاف فيها وبتاسم باعجاب وعينيه كيضورو فكل ركن فوجهها..تامركها ونطق:
عتمان:مم قولي ليا أزينب كيغاديا مع لفاااك
زينب:صافاا اخويا ههه(حشمات وبدات تاتقاد فزيفها عمرها وقفات مع شي حد هك وعينيها غي كيدورو ليطللع شي حد تقفزها تاني
عطاهاا النمرة وكانت بقات ليها دقيقة من ورى الصوولد لي سالت هياا بااش صونااات طلعات نمرتهاا عندوو لقاتو داير صونيت عاديا لا أغنية لا جوج
عتمان:(خرج تيلي من الجيب)صافي هاهياا عنديي منبعد ونهضروو وخة
زينب:(هزات الشبكة مزنكة)وخة انمشي داباا
عتمان(بعد من حداها باش دووز وضحك)ومتغبرييش هههه
زينب"الله يعاون
دازت من حداه حابسة ضحكة وهو عينيه بياكلوها بالاعجاب..كتجيه مثيرة واخا تا حاجة فيها مكتبان باش ثيرو ..
فبعض الاحيان المثير ماشي هو جسد المرأة ولا لياسها او ريحة عطرها انما هضرتها وحركاتها وأكيد شخصية..الجاذبية لا تقتصر على الاثارة انما على أول كلمة تنطقين بها سيدتي.
نزلات كتزرب فدروج عاضا على شفايفها وبدا الحال كيتنادم معاها..دخلات للدار وجها غريب بحالا بدلتي ملامح الفرحة فيها..بدات تنتدب وتعاود وتقول:لاش عطيتو نمرو؟؟اش تيجيني؟؟تنقلب على شي صداع ولا شنو؟؟انا جيت نقرا مالي على ضسارة؟؟علاس تنقلب؟؟اش هاد الخفة؟؟دروك بيكون هي جربني وانا دغيا عطيتو نمرة
كاع الاسئلة والنديب والنكير لي ممكن تسمعو من شي حد سمعاتو هي راسها..كتمشي فدار وعقلها مامعاهاش..هي تتقول اه اه ولي خضر معاها تقوليه اه معارفاش علاش..
جلسات فبيت تلفازة حداها العائلة كلها من غير محسن لي ماشي وقتو اكون فدار..هازا تيلي بين يديها مكدير بيه والو معندها فيه تانمرة من غير تاع مها وتاعو هو..مشاعلاهش هي شاداه فيديها كدورو موسدة مرفقها وساهيا فتلفازة لي فيها قناة تمازيغت شادين فيها مسرحية شلحة وكيضحكو بيناتهم..وهي ساهبة ليست هنا تا قفزها تيلي ملي صونا بميساج تا قفزات:هء
ثراتها وبدا العرق تينزل من سنسولها بارد..وتتسؤط فريق وعينيها غادين من تسليفون لعمها لمرات عمها ليعيقو بيها..معرفات مدير كيفاش اعيط ليها وفيم بيعيط ولاش وعلاش اععع..كلشي قالتو وحللاتو فجهد قليل ديال الوقت تا سمعات تيلي فيبرا فيديها وهي تتقفز تا ردو ليها لبال ونطقات فاضمة:مالكي؟؟
بقات تتقلى فبلاصتها وتشوى وتشوف هنا ولهيه..زعمات وجبدات جيهة الميساجات ..كتبات ليه:سالام سمح ليا راه حدايا الدار
وعاودات مسحاتو خافت من ردة فعلو شويا عاودات كتبات:سالام
تنادم معاها الحال وعاودات مسحاتو وبقات معلقة صباعها مع الكلافيي تكتب ميساج لا متكتبووش تكتبو لا متكتبووش..تانطقات فاضمة:زيدو تعشاو
هزات راسها لقات العشا محطوط فوق طبلة امتا حطاتو وامتا جا معرفاتش..ناضت غسلات يديها ونظامات ليهم كياكلو الطاجين لي بقا من الغدا وشي بيضات مقليين..
كلات وعقلها كولو فتيلي دور ضورة وتشوف فيه ليعاود اصوني وحلف هو لصونا خلاها معلقة..ناضت غسلات الماعن وتبلي والو واش صونا تا فقدات فيه الامل..مشات تكمشات بلاصتها هازاه فيديهاوتشوف فيه بحالا تتثوليه صوني صوني الله يرضي عليك..
العربي:(وقف كيتفوه)ياله الله يمسيكم على خير
فاضمة:تانا بنعس..اميمة حلي لخووك
اميمة:ممم
ناضو بجوج لبلايصهم وكل وحدة شدات سداري شادا تيلي والهضرة بينهم مقطوعة فحضور التكنولوجيا..
زينب:(شادا تيلي)اميمة واش كيعطيو تا كونيكسيون؟؟
اميمة:فاش؟؟
زينب:فاتصالات؟؟
اميمة:اه اه تيعطيوها..
طلقاتها ومشات كتشارجي لواتسااب ومع بيكمل المية ووقف قالو ليها كونيكسيون سالات..مكرهاتش تجذب وتغوت عليها ديما زهرها مكفس..تفقصات معاه وحطاتو جنب مخدتها تاوسدات يدها تتحاول تقلب على نعاس لي تترطب فيه ازورها تا دازت ساعا كلها تفكير فيه واشنو ردة فعلوو
****
ونفس ااشيء عند عثمان لي كان نااعس عياان فبيتو عريان لابس هي شورط ومنشور فوق تاموسيتو لي تتهزو بوحدو حيت صغيرة وشي شخيرات صغار كيخرجو من نيفو على اثر راسو لي ممصايبش فالمخدة..مهلووك حيت السبت ولحد تيكون رواج وقليل فاش كيكلس وكيبغي اضرب فيه يدو تعويضا على الايام لي مدخلش فيها مزيان
كل واحد فيهم فين ناعس وكل واحد فيهم ونشو همو وشنو مخبي وشنو قدرو..كاين لي همها ولادها وكاين لي همها صاحبها وكاين لي باغي اعيش لاغير
والحياة لكل واحد فينا كتعطي على قد نيتو
****
صباح جديد على عثمان فاق مع الثمنية على صوت لالاغم فتيلي ..تقلب على ظهرو وحك جبهتو بتعب عاد ناض وجهو منفوخ بنعاس وتحت عينيه كذلك بحالا بايت كيضىب فجوانات حيت نعس على حنكو ليسر تا تكمش..هز شورطو لبسو وخرج من البيت كيسمع صقيل فالدار دخل لحمام غسل وجهو وسنانو وتوضا ومشا صلى الفجر لي معرفوش امتا اذن ولا حتى تيلي واش صونا ليه
لبس حوايجو البسااط ورش شوي من ريحتو عاد مشا لكوزبنة لقاها مجففة مكاينش حس الفطور..دار قهوة معطرة تطيب بغا يحل بيها عينيه ويديه كتبقشش فتيلي ياله بغا يكتب ليها ميساج وهو يصوني بنمرة براعيم جاوبو بصوت مبحوح مع اول كلام:الو
براهيم:صباح الخير اهيا
عثمان:(كيطفي على لبوطة)صباح النور اش كاين
براهيم:درك أعشيري اه سوق شوي واعمر.
عثمان:هاني جاي فطريق تلاح
قطع معاه ودار تيلي فالحيب وشرب قهوتو يالخف وخرج لخدمتو لي غيكون تابعو عليها نهار شااق جدا
وصل حل المحل وتيهضر مع براهيم لي خدام وكيف العادة الاحد كلشي بغا يتقدا وهو ليوم لي عند الاغلبية ميساليو فيه..كلشي باغي اشري وكلشي باغي اتاوا والعيالات المجبدات فالشطارة خاضرات..حل محلو وترزق عالله مع الكليانات
اما فالدار راه زينب ياله فاقت مع تسعود كتحك فعينيها وتفوه والزيف مقجوج عليها مع باتت بيه ملفوف على عنقها حيداتو ناضت تتجر فرجليها وتفوه والشعر حمر طايح على عينيها..دخلات لطواليط غسلات وجهها وتوضات وخرجات عند مرات عمها لي تتوجد فالفطو باستها فحنكها وقالت:صباح الخير ازين مستودرت ايتوالين(صباح الخير ازين لاش حادر العين)
فاضمة:ععععععع ايهاي هههه ضباح النوور
زينب:نعاونك؟؟
فاضمة:دي كلشي للطبلة واجي تفطري
وبالفعل بدات تتحول للطبلة وتحط تا جات فاضمة وجلسو كيفطرو هي بجوح بيهم وموراها جمعو الماعن كيجمعو وهي تناسات كليا امر تيلي حيت ممولفاهش فنهارها بتاتا
تا مشات تجمع البيت وشافتو وتفكرات عثمان..هزاتو وملقات والو من عندو كشرات ملامحعا وعرفاتو تقلق..ولاحت تيلي فتليق وجمعات دنيا مابقيش حلى ليها كااع
دوزات نهارها فالروتين والشقا والجموع مع مرات عمها..تغداو ومشاو تكاو كل وحدة واش كظير وهي هازا تيلي تتسناه وباقؤ عندها الرجا اعيط وهو راه معندو تا الوقت قاش ياكل بقا هي التعياط..من كليانة لكليانة وهاكا غاديا
وهي تتسنا كانت هازا عود رقيق تاع بشنيخة تتنقي بيه سنانها تا حفرات فضرستها مزياان تا عكاتها الصداع وناضت عليها..خرج منها شوي تدم ناضت دفلاتو وشللات فمها وخرجات خاشيا لسانها فضرستها
رارات بيها شوي ودموع فعينيها وتمسحهم ومرات عمها مخلات مدارت ليها ها صباغة ها لقزبور ها ها.ي ها كدا تا ردو فمها طنجرة تشعل عليها طيب..تتبرد عليها شوي وتنوض شوي
تميك عليها والصداع بااقي..حمقها معرفات راسها ياش تبلات موالفا كضرها مي كدير ليها شي حاحة كتفوتها وهاد المرة جهلاتها تاولات تتبكي فصمت وقدامهم وتاحد مسوكر ليها والو..او بالاحرى مرات عمها لي بقات فيها اما اميمة هازا تيلي وتاعطيهم فالافكار ديرو هادي تركو هادي
وصلات العشية وعثمات دخل من الخدمة مسخسخ يالمعقول..طلع ديركت لدارهم لقى مو وختو..خزر فيها ومشا باس مو ودخل دوش ووجد غداه رااسو وكلاه فكوزبنة..خرح منها وقال:مي انا فبيتي نااعس ميببرزطني حد
مباركة:واخا اوليدي
دخل لبيتو تلاح على سرير وهز تيلي صونا عليها مكتجاوبش مرارا وتكرارا مكتجاوبش صيفت ليها مساج والو..تاعيا ولاح تيلي على جنبو وتسند وخدا فكرة مسبقة انها هي سكتاتو بنمرة اما مغتحاوبوش ومغتغطيهش الوقت محس تا داه نعاااس ونعس مفاق تال العشا تعشى ورجع ركد مدار تا حاجة خرا
فحين زينب راه ولدات ليها الافعى فحجرها معرفات تنوض ولا تجلس..الجعرة والصعرة لي مافيها ركباتهم فيها الضرسة لي مزكااتش..مخلات مطلات ووالو..مشا محسن تال الحانوت جاب ليها فانيد تضرسة كيتباع بديطاي عند مالين الحوانت وتتهمد ساعة وتنوض تاني..كفراتها وتتبغي تبكي وتحشم منهم مكتبغيش تبرزطهم ..حدها كدخل لطواليط وتبقى تمشي وتجي كتراري بحالا فيها الوجع
صافي الصداع وصل طووب وعروق وذنيها كتحسهم كيزدحو مع الالام فالحلاقم لي حاسا بيهم بيتنفخو..عيات صابرة وبدات تاني تتبكي وتعاود فطواليط وتنخصص وشادا فمها بيديها
المووت المووت ولا الضرسة..
خرحات من طواليط تاني تتمسح فدموعها وتلقى ليها عمعا:برات شوي؟؟
لكن هيهاات نصاص الليل نوضاتها بهلا يطريه ليها كتزدح تاني ففمها..بغات تحمقها..ناضت حاقدة وحزينة فنفس الوقت دارت ملحة شللات بيها فمها ووالو..عاودات صباغو ووالو ومخلات مدارت بغات تحماق لدرجة ولات تتحط عليها ثلج هي تهمد غليها
بااتت داكشي لي بقا فليل وهي كتراري بيها وامشي وتجي فقاع دار فالظلام وتنخصص تعيا تحبس فيها وتخرج الشهقة من بين فمها..تنفخو عينيها بالبكا وولات عاشقة هي سويعة تنعس..
ضرسة الى ضراتك ها هز فردي تيري فراسك راه تتكفر بنادم بالمعقول..
مشات وجات بيها وبكات تا بحات فصمت وكل مرة فوضعية ولا ديك الضرسة زكات تا أذن الفجر وناض عمها اصلي وصقلات هي مباتش تبرزطو تا خرج وعاودات بدات تتبكي عاضا فالمخدة بغات طرطق..
رجع عمها وكبحات دموعها تا دخل انعس وعاودات بكات تاني عاود تا طلع النهار وبان ضو وهي باقي بلا نعاس بغات تخرج لفرماسيان ولايني متيحل تال تسعود وهي غريبة تالى قلبات بيرمانونص معارفاش هنا وحشمات تنوضهم اقلبو ليها على الفانيد تضرسة..بقات مكمشة تتمخصص وراسها ضاارها كتهمد ضرسة شوي وتنوض ساعتين..
وصلات التسعود وناضت ببيجامتها مقدراتش تلبس عليها باقي لوات شالها لعشوائية وعينيها منفوخين بالبكا وييدها مفرقاتش حنكها..فمها طاايب بكثرة الريوق لي طالقا..دخلات على مرات عمها لقاتها ناعسة هزات عشرين درهم فبزطامها وخرجات من البيت فاتجاه الباب تزنقة..حلاتو وخرحات وباقي محلاتش لاخر تا سمعان صوتو نازل من دروج وقال:زيينب؟؟
دورات وجهها عندو وعينيها حمرين وهو كذلك مفرطق بالنعاس..بتاسم ليهة وقال:ضباح الخير(محدو كيقرب وبتسامتو كتلغى ملي شاف عينيها)مالكي
حنات راسها كتشخر بمناخرها وتشهق..مالقات جهد وطاح عليها الضيم لاقصى درجة خلات هو قلبو احن ليها..تقدم تاني لعندها وقال بهدوء:وياله راه تضيعي الوقت..تنعرف واحد سيد هنا تيحيدها دغيا متحيس بيها
زينب:(شافت فيه)وبشحال؟؟
عثمان:لبسي حوايجك وياله اش دخلك نتي فبشحال
طاحت دنعة من عينيها:انا عندي هي عشرين درهم بوحدها😢😢
قالتها بطريقة خلات عينيه اطلع فيهم حنين ليها تشوفو تعرفو دايب فيها..حط يدو على كتفها وقال:ياله داباا
عثمان:الى كمل قوليه عثمان باك فواحد لعبة ودغيا الله يحفظك
شافت فيه وفزينب لي تتبكي فهمات بلان ضرسة وكيف لا وهي خدامة مع عيد الحكيم لي تيحيدهم..ماشي دونتيست ولايني مول السنان لي تيركب لفم واصايب لي باك للشباب واحيد ضروس
دور وجهو لزينب وقال مكمش عينيه:شويا دابا؟؟
حركات راسها بلا وحناتو عاضا غلى شفايفها..زفر وقال:اجي جلسي هنا اسالي نتي لولة دوزي
دازت للكرسي جلسات فيه وجلس حداها فواحد اخر والصقيل فديك دار..تاحد مكيهضر..حطات يديها على ركابيها شادا حنكها وتتدمع فصمت جهدها كولو مشاا..
وهو حداها مفرق رجليه وسوارت الموطور فيديه ورجليه ميهززها بحالا هو لي فيه الصداع..وكل مرة ادور اشوف فيها القاها تتنخصص وازيد اترينفا..
نطق بعد تردد:صافي سكتي براكا من البكا
زينب:(بصوت مخنوق)ضراتني بزااف هءهءهءهءه😭😭😭😭(نفاجرات باليكا وسط يديها)عءهءهءهءهءه
سكت ماعرف باقي ميدير حدو زعم ودوز يدو على كتفها وجرها لصدرو معنقها بجنب بيد ويد تيمسح بيها على لحيتو بقلق..دوز يدو على ذراعها وهي تتبكي حلفات لسكتات..معرفات لا واش معنقها ولا سيدي زكري..محساتش اصلا فحين هو راه باغي هي يخرح السيد اعتقو خلاص راه العافية شاعلة فيه
واخيرا خرج عبد الحكيم شخص غليض ولابس طابلية من تحتها سرول توب مع صندالة تصبع وقاميجة وقال مفرنس:أشاوا سي عثمان هذا.
وقف عثمان ووقفها معاه باقي معنقها من كتفها وقال:عبد الحكيم
تقدم عندهم وقال كيبتاسم:زارتنا البركة ياك لباس(شاف فزينب لي حانيا راسخا تتبكي)
عثمان:خويا حيد ليها واحد ضرسة العقل راه مشغبااها
عيد الحكيم:وكاان..هي لولة ياكما منفوخة اختي الى منفوخة منحيدهاش
زينب:لا😢
عبد الحكيم:واخا ياله معايا
دخلات معاه بعدما طلق منها عثمان وتبعهم تاهو ممفاكش..تكاها على بياص بيض وحل ليها فمها تيقلب فيه وقال:اي اي واا تحفرات نيت..اشهادي دايرا ليها
زينب:(حشمانة حيت مسندة قدامهم)صباغة
عبد الحكيم:(تيجبد فالمعدات)هادشي باش تتخرجو على راسكم لي لقيتوها كطليوها لسنانكم
حركات راسها بالايجاب وبالفعل جاب برا ضربها ليها فلحم ضرسا تا مبقاتش تتحس بيها باقي ودخل المعدات كي شافتو تخلعات وزيرات على راسها وعلى جلابتها..شافها عثمان هاكاك ومد يدو ليدياتها كيفك الجلابة من صبيعاتها واشدهم بيدسه تا ستاقرات يديه بالكامل على يديها وكيحك فصبيعاتها باش ترخى وتهدن وكانت احلى لمسة
***
شعور غريب يكتنفني وانا بجانبك
أشعر بدفء في مشاعري
وان سقف قلبي قد تغطى بالكامل
احس ان لمستك تلك قادرة على تدفئتي
في فصل غريب كئيب باارد لا حرارة فيه
لمسة عذبة أحيت دقات قلبي في وقت نسيت انه وقت الحب او العشق
لمسة كبريق الرعد في شتاء عاصف ..كبريق الماسة في مزاد حافل..كبريق عينيك في عيني ايها العاشق
لصقات يدو الضخمة فيديها الصغار ومبقات بغات تتطق..ملمس رطب حس بيه بين يديه وعرقانين..كيدوز صبعانو على صبعانها وكيشوف فيها مغمضة عينيها..سها فيها وظهرات بتسامة على وجهو حنونة..خلاتو ابقا مبلق فيها عينيه..تحت عينيها خالي من الهالات السوداء كيف لا وهي كتنعس فالوقت وتفيق فالوقت ومكاين لي يسهرها..وعاد.مكتعاني من حتى مرض بتاتا..وجه دائري وحنيكات طالعيين مع شفايف رقاق ماشي منفوخين..سنانها مستفين كلهم الا وحدا جايا عوجة عاطياها رونق خاص..وشفايفها بلون عادي بحال كاع البنات..وشفار راه عندها قياسها..باختصار دات الملامح ااسوداء..امازيغية بملامح سوداء.. مفاق من القلبة تا شافها حلات عينيها..دار ليها فاصمة داخل فمها وقال:على سلامتك
زينب:(حركات راسها بتعب)
جات غتنوض وعينيها كيتلسقو بحالا حيدتي ليها شي الم..وبالفعل راه مبقاتش تتحس بوالو..من غير يديه لي فيديها ولي شافتها وجراتها بزربة حشماانة
عثمان:(تحرج)حم صافي دابا شوي
زينب:مم
نزلات من فوق لبياص وعبد الحكيم تيحط فالمعدات وقال:ميكون بااس شوفيها كي دايرا
وراها ضرستها لي مسوسة نييت وعندها جذر طويل تخلعات وقلبات بوجهها بطريقة طفولية ضحك عليها عثمان وقال:ههههه اش كتاكلي بيها اش ههههه شو جذر gداش
حشمات ومقدرات تقول والو..هي تدور فعينيها حيت شادا بكلينيكس ففمها وساداه..
خرجو من البيت ومشا كيهضر مع عبد الحكيم وخلصو وتعمد انه اتوخر باش متبقاش عليه نخلص وكداا
تاوصل حداها وشافت فيه مترقبها مبتاسم..حركات راسها ومدات ليه عشرين درهم زعما خلص..ستغرب وقال:لا صافي كلشي هو هذااك ياله
زينب:(باصرار تتمد ليه الفلوس)مممم
عقد حجبانو وقاا:راه هضرنا واقلة..ياله
والو سيدة مصرة وبات تخسر ديك عشرين درهم..تازعفاتو ونطق :يا براكاا راه هضرناا..واش شايطا عليك ديك عشرين درهم..خبيها وهنيناا
ترعدات بلاصتها عاد كان زويين وهاهو عقد حجبانو..بقا فيها الحال وحنات راسها وسبقاتو وتاهو راه عقد حجبانو وتبعها..عدوه لي يبقا اتقاجح معاه قاليها سدي صافي تسد..
نزلو لتحت لقا موطورو ركب وقال:طلعي
طلعات وراه بصمت وشادا فيه بيد ويد ففمها..تاحد مهضر والحركة محركة فالدروبا الناس خرجو لاعمالهم..ها مول القزبور ها مولات الحامض
وصلها لقدام دار نزلات من وراه وشافت فيه ببراءة وحركات راسها..معرف ميدير معاها..حط ذرعانو على لكيدون تلموطور وحقق غيها شوفة وقال:متبقايش تعاودي الهضرة..gلت ليك صافي يعني صاافي..وعاد انا لي gلت ليك ياله يعني انا لي بنخلص..تفاهمنا(هز حاحبو)
جبد ليها كلينكس ومدو ليها وهي حشمات تدفل ونطق:يا دفلي
دفلات فيه وخباتو دغيا وشدات لاخر حطاتو على فمها وقالت بشوي:عمي فدار ومرات عمي بيخاصمو علي
عثمان:(ضحك)هههههه ااه وانا نفهم وطلعي لسطاح؟؟
زينب"ممم
عثمان:مديريش فبالك..سيري دابا رتاحي شوي ونعسي باينا مناعساش ونهضرو من بعد
حركات راسها باه ودخلات قدامو حشمامة منوو..وتاهو متفاوتش تا دخلات عاد دور موطورو لجيهة خدمتو ناااشط
اما هي راه راحتها راحتين..راحة الضرسة وراحة القلب..لي كيدير بوم بوم..حلات ليها مرات عمها مشوشة وقالت:الله ابنيتي الله واش هاد المشية فين كنتي(شافت كلينيكس)حيدتيها(دارت ليها الطريق)وديك ساعا فيقيني نمشي معاك
زينب:(بشوي)مشيت نجيب هي دوا وتلاقيت ولد المرا لي لفوق داني نحيدها
فاضمة:عثمان؟؟
حشمات وقالت:اه
فاضمة:الله يعطيه الخير..ودابا شوي
زينب:الحمد لله
فاضمة:نجيب ليك تاكلي
زينب:لا لا مابيتش
فاضمة:اوا تكاي تساراحي شوي
وبالفعل تكات وقلبها باقي كيضرب وعاد رحع معاها شنو دار معاها وكيفاش هضر معاها وفاش عنقها ..هاد الاخيرة هي تفكراتها وقفزات من بلاصتها ممصدقاش راه تلاوحات عليه فحضنو وبكات عليه...عوجات ففكها وفراسها تا شربات الفقصة وفالاخير ختماتها بنعسة عالمية مشعراتش تا غفااات فيها
عثمان راه وصل لخدمتو وحل حانوتو وخدا بلاصتو وبدا هو وبراهيم مجمعين وكيهضرو
براهيم؛ياخويا شهماتني شهماتني على داك الحمص الهاري خارج فنصاص الليل نقلب علييه
شاف ضحيكتها وقال كيتنهد :اخخ منك اخخخ..معاياش قاريا غدا؟؟
زينب:(بعفوبة)مع ثمنية
عثمان:(كيشوف فعينيها)مع الطنااش خارجاا
زينب"ااه
عثمان:(تردد اطلبها)تسنايني ندوز عليك
خرجات عينيها وستغربات لطلبوو وقالت:علاش؟؟
عثمان:على مولاه بييت عندك شي مشكل(عوج راسو معاها)
زينب:ولكن(حشمانة وبدات تتخلغ)راه ..لا لا سمح لياا لا لا(توترات)لا لا سمح ليا انا ماشي ديال داكشس..عاونتيني شكراا الله يخلف علييك ولايني لاش تجي عندي لا لا
بقات تتعاود فديك لا لا وظهر عليها توتر حين عقلها دوز ديك ندوز عليك ديركت نخرجو ونتقهواو ونتصاحبو وكدة ..ضحكاتو وقال:واش هبيلة هههه مال عقلك مشا بعيد
زينب:سمح ليا خصني نزل
جات بغات تدوز فيه وعتارض طريقها وقال بجدية:وايلي ازينب تقلقتي؟؟لتفهمنيش غلط ماشي برهوش باش نبقا نطنز عليك..
زينب:عفااك بنمشي
عثمان:ولله متمشي تتسمعيني..بيت ندوز عندك عندي منgول ليك وكاان..ماشي شي حاجة من داكشي لي فبالك..هي بردي
شافت فيه بحيرة:اش بتقول ليا؟؟
عثمان:مايصلاحش مهضرو هنا وفالسطاح كي الفرارج..غدا ندوز عندك ونهضرو ونشرح ليك..(حط يدو على صدرو)راه نيتي زوينة ماشي ولد الحراام ومبايناش فيا ولد الحرام
زينب:الصمت
عثمان:(شافها سكتات)صافي ازينب؟؟
زينب:واخا نتسنااك ولكن خمسة دقايق صاافي(حنات عينيها)
عثمان:يالالة هي دقيقة هههه قويسحة مع راسك
زينب"(تحرجات)انا جيت هنا هي نقرا ماشي نجيد الصداع للناس لي سكنوني عندهم..بيت نقرا وسافي حاجة خرا معندي مندير بيها اخويا
حس بيها تقلقات وقرب منها بجدية حط يدو على كتفها وقال:والله تا هي كنضحك..صافي مديرثش فبالك
زينب:واخا..هاني انا نزلت لتحت بسلامة
عثمان:(مسخاش)عندك واتساب ؟؟
زينب:لا
عثمان:ممم صافي واخا..بيناتنا التيليفون..غدا مع لوحدة واخا؟؟
زينب:ان شاء لله(بتاسمات)
عثمان:)سهى فيها)نزلي نزلي وكاان
دازت من حداه حانيا راس وتتشوف فيه من بين ثنايا شفارها..حشمانة وفنفس الوقت فرحانة بزااف ومعرفاتش لاش..القلب كيضرب بجهد واقول مضرب..وتا نظراتو راه كانت تخجل لي ميحشم
نزلات تتزرب نسات كااع الشبكة باش دارت السبة مخلياه تيفرنس بحالا معمرو هضر مع شي بنت ..متشوق غدا اخرج واهضر معاها..مدازش بزاف تا تبعها تاهو نازل ياله غيدخل لدار شافها طالعا كتزرب فدروج..وقال:مالكي؟؟
خرجات زينب من الكوزينة باقي مأثرة عليها نشوة غثمان مبتاسمة هي بوحدها وشعرها حمر مجموع جمعة مرخوفة عليها..توجهات عندهم والسعدبة متبعاها بعينيها باعجاب..تحنات سلمات عليها بخجل وقالت:خالتي بخير؟؟
السعدية:(كتفرنس)بخيير ابنيتي
جلسات حداهم شادا معاهم جموع وتتشارك ببعض الكلمات وبالفعل كي وصفات فاضمة السيدة لقاتها هاكاك..كتفايش وتعاود وتبخ وتشكر فولدها سيدي خالد
السعدية:اوا زغبي قرا تا حفى وخدم تبارك الله جادارمي تبارك الله وصلاة على النبي عليه منوو لكبار تالبلاد ولايني سعدو مكفس
جابت اخر حاجة ولي هي الخبز وبدات فاضمة تتخوي القهوة لكل واحد..غمزات السعدية باش تهضر..حمحمات هاد الاخيرة وقالت:زينب
هزات فيها راسها وعاودات قالت:عندي ليك شيهضرة ابنيتي
زينب:(باستغراب)نعام اخالتي
للسعدية:(مبتاسمة)انا منهار شتك فالحمام ونتي فبالي..عندي ثلاثة تالولاد وحوج بنات كلشي زوجتو الى واحد بقا بيا بلا زواج..تبارك الله قاري ومأدب والحشمة والخدمة وجدارمي من جدارميا لكباار..مفضلتو قدامك يابنيتي..مرضي مرضي وغزاال شهوة منو..وبيت نزوجو وجيت اايوم عندكم مكرهتكش ليه ابنيتي..عجبتيني زوينة تبارك الله وحشومية ومصيوية وباينا فيك دريوشة بنت النااس.
تضهشرات زينب وتصعقاات..لي هاربا منو لاصق فيها..كتكره اجي شي احد اخطب فيها بكثرة ماعقدها حسن فالرجال ..هدفها القراية والخدمة والزواج اخر همها..كتفكرتخدم تحقق حلم باها وتولي استاذة ..حلمها تدير طيسة قدام بنات دوار لي أغلبهن راه خرج من سادس بتدائي وأغلبهم مداير والو فحياتو من غير زواج
لدرجة ولى الزواج كيبان ليهم اقوى انجاز ..وكيتباهاو بيه
تعقد لسانها قدام نظرة السعدية البريئة ولي صادقة وبقات هي تتشوف اما مرات عمها راه تتفرنس عاجبها الحال
معرفات متقول وناضت من حداهم بوجه مخطوف منو لون..مشات للكوزينة وصقلات فيها مبقات خرجات..وجهها صفر..اكثر حاجة خافت منها هو مها تسيق لخبار الى عرفات غتجي تتجري تشوف الراجل وهي اكثر وحدة باغاها تزوج وتحيد نن القراية..راجل بحالو بيطمع مها لي كيبان ليها الزواج هو لي يخليها تهنى على بنتها
فاضمة:الحشمة الحشمة هههه
السعدية:ماشاء الله عليها ..انا دات ليا العقل واحصبلاه ولدي هههه
فاضمة:لهلا يحشمنا
السعدية؛اوا شنو السكوت علامة اارضى
فاضمة:انا منعطيك منحيد ليك..هي هي بنت لوسي ومها باقي فلحياة نعيطو ليها ونتشاورو مع البنت
السعدية:ماقلتي عيب..الدار راكي عارفاها انا دوز شي يوماين ونرجع انا ولدي ويكون خير
فاضمة:ان شاء الله
كملو هضرتهم على منوال اخر والسعدية مقداتها فرحة انها لقات اش بغات..وعزمات مع دار سي العربي تناسب
اما زينب راه كانو دموعها واصلين فين وفين..لفرحة لي فرحات فالصباح هجراتها فالعشية..ديما هذا هو حالها..مباغاش تزوج ومحاملاش تزوج بكاات تاعياات فصمت وباقي تتبكي تا دخلات عليها فاضمة لي ودعات سعدية وجاايا كتفرنس تهضر معاها وكدا تا تصدمات بيها لقاتها تتنخصص بحالا عندها العزو..دايرا وجهها بين يديها
فاضمة:(حطات يديها على كتفها مخلوعة)اويييلي ماالكي ياك لياااس؟؟لاش تتبكي
شهجات زينب فالبكا والشهقة ووجها رجع حمر..مخليا فاضمة حايرة ومخلوعة تتحرك فيها تهضرها ولوخرا عاطياها هي لبكى خايفة الهضرة توصل لمها وتسمعها عاود نفس الهضرة
فاضمة:ياهاد البنت قولي مالكي؟؟
دخل العربي على غفلة ولقاهم فالكوزينة ستغرب وعقد حجبانو باستفسار وقال بشلحة:ياك لبااس؟؟مالها
فاضمة:معرت ليها..دخلت لقيتها تتبكي
العربي:(كيحرط فيها)مالك ابنيتي ياك لبااس؟؟لاش تتبكي؟؟قلقك شي حد قاليك شي حد شي هضرة
زينب:هءهءهءهءه😭😭😭
فاضمة:(جابت لما شرباتها بحزن)لعار الى ماقولي مالكي راه طيحتي مني نص
زينب:هءهءهءه مبيت نتزوج 😭😭😭
فاضمة:😳😳😳😳
العربي:اشمن زواج؟(شاف فمرتو)علاش تتهضر؟؟
فاضمة:وعلاش ابنيتي الزواج راه سنة الخياة ونتي مغرفتك جبدات ليك راجل كامل مكمول ماخاصو تاخيير
زينب:هءههءهءهء مابيتش بيت نقراا😭😭😭😭
العربي:يا قولو اش كاين اشمن زواج
فاضمة:لالة سعدية مرات سي المحجوب الكباص الله يرحمو جات تخطبها لولدهاا داك جدارمي
العربي:(عقد حجبانو)ولاش اابكا؟؟ماباتش تزوج مغتزوجش شكون بزز عليها شي حاجة(خزر فمرتو)ياكما نتي؟؟
امبمة:قسما بالله ههههههههه لا والواعرة زادت تتبكي مبااتش تجوج هههع
مباركة؛ويلي شيطان كاين لي تيهرب من طاعة الله
اميمة:وهانتي تتشوفي..زمر راه شلحة جغاوية متتعرف لوالو..تا لبسها هو لخر مزمووت تتلبس طوييل تا مكتبان فيها والو..كون هي مزوينااشواعندعا واحد الفصالة تفهاي فيها
عثمان:واحد الكيكة يالالة زويينة كانت جابتها اميمة شي نرة وgالت لينا نتي لي صايبتيها ههه اش غنgوليك معندي منgول ليك من غير الله يعطيك صحة
ضحكات بشوي جات فوذنو ديركت بورشاتو وقاا:كضحكي ههه
زينب:عجباتك؟؟
عثمان:بزااف..طيابك بنين واقلة
زينب:واقلة ههه
عثمان:خصني ندوق حاجة خراا..اش تتعرفي طيبي
زينب:كلشي ههه
عثمان:اخليلي ضحيكة هههه كتعرفي لفتلة الشطبة هههه
زينب:هههه شويا ماشي بزااف هههه
عثمان:وايلي هههكيفاش هاد شوي تاني
زينب:الى كانت اينا واقفا علي تنعرف الى لا راه تنولي نخلط وصافي هههه
عثمان:ههههه هي انضحك معاك مكناكلهاش كااع هي سامع بيها هي أصعب حاجة ههه
زينب:ههه بالعكس زوينة وساهلة خص هي الكانة
عثمان:اوا شي نهار طيبيها ودوقيني منها
زينب:ان شاء الله ههه
عثمان:(كيفرنس)لاش كضحكي لالة زنوبة؟؟
حشمها بهاد الكلمة وفرنسات عاضا على شواربها وقالت كاتما ضحكة :لا والو ههه
عثمان:هههه ياله نخليك دابا بلا متعيقي وتبقاي تهضري بشوي واخا
زينب:واخا بسلامة
عثمان:ميعادنا غدا يااك
زينب:اه ان شاء الله
عثمان:بسلامة
قطعات معاه مبتاسمة حطات تيلي على قلبها لي كيضرب بجهد..فرحعا بهضرتو واخا بسيطة..خرجات من طواليط ومشات جلسات معاهم تا دازت ديد ليلة بخير وعلى خير..مافيها تا تغيير
&**
يوم جديد مغاير عندها هي ..احساسها مخربق وعقلها كولو مع الخرجة..غتخرج معاه ونفس الوقت خايفة..اي وحدة كتخاف من اول خرجة ليها..
كيغدوز وكي غتكون وبزاف تالاسئلة..لبسات عليها سروالها لي تكساب والشوميز الزيتية ودارت شالها وصباطها وخرجات هازا ساكها للكوزينة لقات عمها فطرات معاه كي العادةبفطور بسيط اشبع الكرش ولايني الشهية اوهو
خرجات رفقة عمها كيف كل صباح كيجر معاها تال حدا البلاكة تاع طوبيس لان الطريق خاويا..خلاها وركبات والرعدة شاداها..تفكر اش تتدير وكي غتكون واش غتقول واش بيقول وتعاود تلوم راسها لاش قبلات تخرج معاه ولاش كدا وبزاف تالافكار..رونوها طوال فترة صباحها
قرات زينب تال 12 وخرجات كترعد وراكبها احساس فشكل..جبدات تبلي ديالها لقات ميساج منو مع التسعود فيه:صباح نور زنوبة
بتاسمات بخجل بينها وبين راسها وكتبات ليه:صباح النور
ياله جات ترجع تيلي لصاكها وهي تشوف حسنا بنت جيرانهم فايت اورير جايا تاني كيف عادتها مصاييا لوجه طعريجة قول جايا للعرس..كتفرنس وجايا تتعوج فتركتها..غلااضت تا معرفاتهاش
مشات مع حسنا للتشيز تاع لفاك وجلسو ولوخرا هي هازا تيلي وتتسجل فالاوديوات وصافي وتلوح لزينب مرة مرة كلمة..غرضها ماشي تجمع معاها هي تونسها وتحس براسها جالسا مع شي حد ماشي بوحدها..وزينب مداياهاش فيها بتاتا..جالسا على نار وتتفرك صبيعاتها متوترة وخايفة من اللقاء وفنفس الوقت لصقاتها حسناء وخافا تشوفها معاه وتضرب ليها طر..
جبدات تيلي ديالها لقات منو مساح فيه:راه وقت الغدا هذا اشمن صباح ههه
بتاسمات وخلات ميساجو معلق..شاقت الساعة لقاتها قربات لوحدا وياله غترد تيل لصاك تا شافتو كيصوني وتسمع عند حسنا وقالت:ابصحة التيليفون ههه
وقفات قدام بباب تلافاك عامر بطلبة ومبانش ليها كتقاب عليه بعينيها ومكاينش..اما هو راه كان موقف موطورو فاص مع باب لكبير تلافاك لابس تيشورت بيض ودجين زرق وسبرديلة..مكمش عينيه من الشمش لي جاتوفاص ليه..وموكي ذرعانو على لموطور..تابانت ليه من بعيد واقفا مزيرة على صاكها..بتاسم وشد نمرتها ومع الصداع مسمعاتوش..وتاهو كانو مضركينو الطلبة..شافها جبدات تيلي وهو يضوني شداتو فلبلاصة وقالت:الو
عثمان:راني فاص معاك..
زينب:(قلبها بدا يضرب)هااء فين؟؟(صوتها مرعد)
عثمان:(بتاسم)شوفي فاص معاك راه قدامي جوج دراري نازلين من واحد طونوبيل بيضة
شدات فيه من خصرو وسكتات وتحرك هو بالموطور سااكت وتاهي وهي تدور فعينها خايفا اشوفها شي حد..تا كسر هو السكات فاش وقفو فواحد سطوب وقال:شكون ديك لبنت معامن هضرتي؟؟
زينب:اه حسناء ساكنا حدايا فايت اورير
عثمان"ممم صاحبتك زعما؟؟
زينب:لا (قربات ليه جيهة وذنو حيت صداع)هي بنت جيراناا
عثمان:تسحابني..ياله بنgول اش كديري معاها؟؟
زينب:علاش مالها؟؟
عثمان:والو ههه تانوصلو ونgوليك
زينب:فين غاديين؟؟
عثمان:هارب بيك عندك شي مانع؟؟
زينب:ههه لا حشومة
عثمان:اوا باش ميشوفك حد تاني ههه
زينب:ههه
سدات عليه بضحكيتها وتاهو سكت وطمر تا وصلو للمدينة وبضبط فعرصة البيلك حط الموطور عند الكارديان ونعت ليها بصبعو لسناك كبير تما سميتو بيك نييك وقال:ياله نتغداو فيه مكاين لي يشوفك
شافت فيه وقالت:بلاش مافياش جووع
عثمان:صايما ولا هههه(قاطعو شانطي)
زينب؛هههه لا
عرفها حشمات منو ومبغاتش تقل عليه ومحكرش قطعو الشانطي ودخلو للسناك ليفيه طبالي برا ولداخل وللفوق لي مغطي وكليماتيزي..بتاسم ليهم ااسرباي وطلعو للفوق فدروج مضيفين لقاو فيه جوج تناس فطبلتهم..حشمات زينب تا جرها من ذراعها بشوي وقاا:ياكما بارد هنا بزااف
عثمان:(حط يدو على كرسيها)فينما خهه اش كتعرفي ديري كاع
زينب؛كلشي ههه نوجد ليك كسكسو
عثمان:هههه هذاك الى صايبتيه وضرعتيه تديني بحوايجي ههههههه
زينب:(كيعجبك)؟؟
عثمان:الى غتهلاي فيا طيبي كسكسو هههه اوالحوت تاهو
زينب:(ببراءة)صافي نهار نطيبو عند دار عمي نصيفت ليكم شوي
عثمان:شكون حنا ههه
زينب:نتا ومك وختك تاهوما اذوقو ههه
عثمان:ذوقيني انا هاد الساعة بعدا ونحكم عهه
زينب:والله تيعجبك راه زوين وتندير فيه سمن تيجي حلو
عثمان:(حمقاتو بحركاتها)نتا لي حلو أخوياا نتاا
زينب:هم مفهمتش
عثمان:ههه لا والو..اوا صافي ها كسكسو عندك نتسالو ليك
زينب:صافي ههه نصايبو ونضيفتو ليك
عثمان:والله الى نيت شحال مكلتوو شي شهر هاكاك
زينب:وعلاش؟؟
عثمان:شكون بيوجدو الواليدة عيانة متتقدرش توقف
زينب:(بدون متحس)ووئام؟؟
شاف فيها وهز حاجبو وقال:هالعار تجمع هي فمها وتسكت متوجد والو ههه بقا ليها هي كسكسو
زينب:باقي صغيرة اصلان على طياب
عثمان:لوااه..ونتي ماباقيش صغيرة عليه
زينب:انا ماشي بحالها اناكبرت فلبلاد البنت هي تتصوم تيخسها تعلم الشغل تدار وتعلم تعجن وتطيب وبزااف
عثمان:مك لي علماتك؟؟
زينب:اييه ههه هي كانت تتفيقني فصباح مع لفجر تنوض نعجن ونسقي الما ونطيب الحريرة ههه عاد نمشي لمدرسة
عثمان:بزااف تاني ههه انا وئام راه الى نتقرا متنخليخاش تدخل للكوزينة بزااف باش تقراا
زينب:(بتاسمات بحنيو)سعداتها بيك والله هههه
عثمان:ههههه اييه هادشي كولو وشتي شوهة لي دارت
زينب:عقل صغر وصافي
غلقات غلى لموضوع مبغاتش تحكر عليه فيه وتدخل لي مايعنيها وقف عليهم سرباي حط الماكلة لي تتشهي وقال:بصحة
عثمان:الله يحفظك(شاف فزينب)ايناهو فيهم لي بيتي
زينب:بحال بحال والله
عثمان:ندوقوهم بجوج هههه
زينب:واخا
قرب ليها طاكوس وقال:كولي هذاك انا معنديش معاه
حشمات وهزاتو وبدات تتاكل وتاهو كياكل فالبيتزا..عجباتها الماكلة بنينة..مولفة هي هي ماكلة الدار كل نهار والى شي نهار كليتي فزنقة كتجيك بنينة الماكلة..تتاكل ودغمتها صغيرة وتندغها بشوي وتسرطها..هادشي حضاه هو فيها لي كيقرا فيها شي تفاصيل عجبوه فيها
طريقة باش هازاه فيديها ومع سخون حارقها فيديها وتتاكل فيه بشوي وباينا عاجبها..بتاسم وناض على غفلة وتبعاتو بعينيها فين مشا خافتو ازيد واخليها ههه والعقل واش قال ليها..شافتو ناض لطبلة لوخرا وجاب كلينبكس حيت محطوط تما..وجلس محسات بيه تا حيد ليها طاكوس من يديها ولامسات يدو يدياتها وطمر..دارو ليها فكلينيكس وقال:سخون علييك هزيه فهادا
شداتو بابتسامة عذبة وقالت:شكرا ههه
تبسم ليها ورجع كمل ماكلتو بهدوءمخليها ملهية مع ماكلتها لي حمقاتها..تا قربات تساليه عاد نطقات بعفوية:بنين ههه
ضحك وتلفت ليها وقال؛عجبك؟؟
زينب:اه زويين ههه ههه
عثمان:بصحتك الالة..كملي معايا هاد لبيتزا الله يحفظك
بريق عينيك الجزء الرابع
محتوى القصة
التنقل بين الأجزاء