جاتها لقوة ووحلات ليها الماكلة لي كلات ففم المعدة..ورجع توترها بعدما رتاحت نسبيا وطلقات شوي ونطقات:حم فاش
عثمان:(تلفت جيهتها وحط يدو على كرسيها ويد على طبلة)علاش تلاقينا؟؟
زينب:علاش تلاقينا(كتقولها ومضورة وجهها)
عثمان:حيت عجبتيني وصافي
صدمها ولا تحرجات لانها واخا مكلخة مي باينا واحد عارض عليها راه باينا عاحباه وقالها بطريقة حنينة مخلات ليها متقول..تعقد لسانها ومعرفات مدير حدها كدور راسها حشمانة وتجر الشال وتدخل الشعر من جناب وهو متبعها بعينه كيقرا تعابير وجهها ..تاعاود نطق:مبتgولي والو؟؟
ضحك وقال كيحك ذقنو:دابا مالكي كضوري فالهضرة ودخلي وتخرحي فيها..عهههه
تحرجات وحشماات وطلعات معاها الصهدة تا ماباقي قداات..وباانت فيها كتحس براسها مزيرة وبحالا كولشي كيشوف فيها حيت المكان لفوق صغير شوي وفيه طبالي قلال على عكس لتحت لي كبير
عثمان:زينب(بهدوء)شوفي فيااا
زينب"هننن
عثمان:(عاود)زيينب
حشماات وشافت فيه بخجل وقالت بصوت منخافض: نعاام
عثمان:كتعجبيني(بنبرة عادية)
زينب:هننن
عثمان:واكوااك معااك(زعم ومد يدو طلع ليها ذقنها تا جات عينيها السوداء فعينيه العسلية)كنهضر معاك بصح..كتعجبيني..متفهميش غلط..ماشي بيتك لتفلية انا معقوول ومعنديش مع دخول ولخروج من زنقة لزنقة تا زعامة على بنات الناس معنديش ومنزعمش نمشي عند وحدة ونgوليها تتعجبيني الى لكانت نيت عاحبااني..ونتي رتاحييت لييك..عندك راحة زويينة كنحش بيها فاش كنشوفك..حشومية وداخلة سوق راسك وهادشي لي عجبني فيك..ومني هضرت معاك حسيت برااحة شحال محسيتها
مجايش نخبر عليك انا هاد الهضرة كلها باش نكذب عليك ولا نطمعك ولا شي لعبة..انا دغري عندي كوود بيض بيض كحل كحل..وبيت المعقول ماشي تفلية
زينب:هنن
متبعا هي حركات يديه وحجبانو لي كيتهزو وينزلو فاش كيشرح ليها والجدية ديالو فالهضرة..تيهضر واحرك يديه مخليها بلا عقل..حركاتو كلها على بعضها مرجلة تتحس بيه راجل حدااها وهضرتو صادقة..يمكن حيت عمرها عطات فرصة لشي حد اهضر معاها هوكا او لا فقط رهبة
ضحكات من نيتها عليه حسات بيه عياا ومبقات هضراات حشمات بالمعقول وبلا قياس..ولات الهضرة بغات تخرج غتخرج مراجلة ومافيها معنى..وتاهو محكرش وقال :مبيتش نضحك عليك ومابيتش نستاغلك..بيت المعقول والحلال الى كتاب اما كثرة دخل خرج مافصالحك مافصالحي
زينب:هنن ولكن اناا...حم
عثمان:نتي أش؟؟
زينب:حم تنقراا
عثمان:والى تتقراي؟؟فين لمشكل
زينب:حم حم
معرفاتش كي تشرح ليه ولا اش توصل ليه..قبل كان لي كيقوليها زواج تتردو ومعمرها جلسات مع شي واحد فيهم واليوم عثمان هضر معاها بحلاوة اللسان والصواب جاها صادق وقلبهاضرب لهضرتو مقدراتش حتا تعطيه دوك الاسباب لي تتقول ديما..ولسانها تعقد..بغا اعاود اهضر وصونا تيليفونها..قفزات مخلوعة جبداتو مز صااك لقاتها مرات عمها وقالت بخوف:ناري لالة
شافت فيه بخوف وعينيها كذبل فيه لا اراديا خايفة اشفوها معاه وابداو اسولو وهي باقي تا مسخنات بلاصتها وندمات فلحظتها اشد الندم حيت خرحات معاه..
عاود نطق مخنزر محاملش البلان:يااطلعي خلااص
ستسلماات وجمعات الدمعة فعينيها مرضاتش اغوت عليها..ومملاحظاش انها كبرات الموضوع وهو مفاهمش انها اول مرة ليها..بجوجهم مقاهمين والو
تحرك بيها بزربو طالع ليه دم باصراارها وخوفها من اللاشيء لي مفهمووش..ناسي بلي ماشي بنت مولفا تخرج مع هذا ودااك
وتاهيا منطقاتش صقلات وراه ومتلاتش هضرات هي تتشوف فيه شاد بيها طوالة راجع بيها فحالها تا شافتو داز لبلاصة طاكسيات فعرصة المعاش..ستغربات وحسات بيه تاوقف وسطهم وقال:نزلي
نزلات مافاهما والو ووقفات حداه ووجهها حزين..ماعرفها ولش تتصنع الحزن ولا ملامحها هاكاك دايرين..زفر وقال:معنديش مع هاد لبلانات ازينب(نعت لطاكسيات)ها طاكسي تسوق يديك تال حدا السوق وسيري لدار موراها
حنات راسها بقا فيها الحال جامعا دمعة وتمات غاديا لجيهة طاكسيات حانية راس وقالت:بسلامة
ياله عطاتو بظهر باقي متفوتاتش معاه جرها بزربة تا قربات طيح عليه وجاو وجاهم قرااب..حاط يدو على مرفقها وقال؛مالكي؟؟
زينب:والو
خشا يدو فجيبو بلا متحس وفنفس الوقت مترقب عينيها لي نلفوه وشحال جاتو زوينة فاش قرب ليها..ملامح زوينين ووجه ووين بيض خالي من اي مسحوق تجميل كي خالقها الله وسبحان من خلقها زوينة فعينيه..ماشي داك زيين لفتان عندها حقها وحق نااس مالقاتو ولايني فاش كيرتاح الخاطر كيولي دك شخص ابان لينا اجمل ما في الكون ومابحالو حد واخا نكونو ديجا شفتنا بحالو وماحسن
حقق فعينيها وما يجول حولهما ..قليل من سواد الى مقربتيش ميبانش..وشفار حكليين والعوينات لووزة..حمقووه وهي راه توترات وحشمات من نااس..محسات هي بيديه قاست بديها جبدات فيها الاحاسيس لي عمرها حساتهم..لامسات يدو يديها..وخشا صباعو فراحة يديها حركهم بشوي وحط ليها فلوس فيديها وقال نفيقها من سهوتها فيه:هاكي باش تخلصي طاكسي
زينب:هااءلالا عندي عندي والله..(بغات تحطهم ليه فيديه صدق سيد مزير عليها يديه بحنية)
عثمان:متقصحيش فراسك تافهادي..براكا هي زعاف تاع داابا
طلق من يديها مساخيش جاتو رطبة وعجباتو فيديه..كلشي فيه كان خدام..عينيه كانو كيحفقو فوجها يديه كانو كيقيسو ملمس يديها وحنيتو ..نيفو مان كيستنشق ريحة جسمها طبيعية ماشم والو حيت مقريبش ليها واكيد شم ريحة النقا ولي اي راجل كتحمقو فالبنت..النقا ثم النقا..
مشات قدامو وبقا واقف حاضيها تاركبات فطاكسي وتحرك بينم عاد تحرك تاهو راجع للسوق بسرعة
اما هيره حطات يديها على قلبها لي كيضرب ويعاود..خلصات طاكسي من فلوسو..لقاتو حاط ليها عشرين درهم..وبقات ساهية من شرجم وتتخمم فحريرتها وندماات حيت غلطات وخرحات واخا خرحة بريئة وعجبها تاهو متنكرش ولايني ضميرها مخلاهاش تبقا بلا تأنييب
وصلات ونزلات وسط سوق شدات طريق للدار حيرانة وراءها تيخمم مسمعات لا غوات البياعا لا والو
فحين عثمان رجع للسوق بسرعة وبالو معاها...كتجيه حنينة وضريفة بزااف وكتحشم وتتسمع الهضرة..وفنفس الوقت كتكبر الموضوع على شي حاجة..شي لحظات كيراعي ليها انها ممولفاش كدا وكيعجبو هادشي وشي مرات كيولي اترينفا حيت مكتقتانعش ليه بسرعة وعلى العموم رسم بتسامة على وجهو وقلبوو مرتاح حيت صارجها ونيتو كانت حسنة معاها
حط الموطور عند الكارديان ودخل ناشك ماشط كيضحك مع هذا ودااك تالقى براهيم فحانوتو كيدوز ليه واحد صبااط..مزعجوش وخلاه تاكمب وتخلص عاد وقف علين وقال تيفرنس:أفين ألشاشي هانيا هههن
براهيم:(مد ليه لفلوس)نتا معامن جات العاود..فرنس ليا مع ؤاساتك وانا خليني من حانوت لحانوت بحالا فيا سهال
ضحك عثمام وضرب على كتفو وقال:عهههههه عذبتك هههه عبرت على والدييك هههه
رجع تيلي لجيبو وستأنف خدمتو اما هي راه حطاتها طاكسي وسط السوق وتوجهات للدار مرفوعة وعقلها كيدور واخمم وافكر..اش دارت؟؟واش هاد الخطأ دارت ..مع انه كان معاها ولد نااس مبسل عليها مقلل منها ما قلل عليها ادب..هضرتو كلها كانت عادية وتا صراحتو ليها راه عادية وعجباتها وقال المعقول وكانت صراحتو نقية
من جهة مترتاح ليه وتفكرات كي كانت تتهضر معاه مطلوقة من دقة لولة وهي لي حزوزية مكتطلقش مع الجنس الخشن..مكتهضرش معاهم
تافاش كانت عند حسن وكيجيو خوتو وولاد خوتو كبار حدها سلام بفمها وتدوز تا لماكلة مكتشركاش معاهم حيت حامضيين فهضرتهم وتتخاف تنطق بشي حاجة واقمعوها فراه كتفادى تحاك معاهم وتا لانها الرجل الوحيد لي لقات بعد باها هو خالها وعاد حسن يعني مكانتش عندها دراية بالرجال شنو كيقولو وكيفاش وكدا..وجاها عثمان حنين فهضرتو ومعقول..ناقش معاها مواضيع عادية الطبخ القراية ودارهم يعني مهضروش فالنووي ولا تكبر عليها ولا بان عليها..بالعكس كان معاها على طبيعتو تا فماكلتو مكانش متصنع كياكل عاادي بحالا جالس فدارهم وتا فاللباس مجاش لابش شي حاجة مفركعة جا عادي كي ديما
هادشي كولو دوراتو فمخها مزيان وتتهضر مع راسها وتندم فنفس الوقت..حاسا براسها تتخون ثقة مها وخالها لي خلاوها تجي لهنا وتقرا وشلا مطاح فبالها تا ندماات وقرباات تبكي
دقات فلباب تاع دار وحلات فاضمة وقالت:علا سلامتك
سلمات عليعا بالوجه وقالت:الله يسلمك الالة..
فاضمة:اجي نحط ليك تغداي
زينب:هاا لا شبعانة
فاضمة:كليتي شي حاحة فزنقة؟؟
زينب؛هءهذ اه اه كلت واحد لمسمنة شبعاتني
فاضمة:اااه اوا مزياان..تعطلتي ليوم؟؟
تفافات زينب فبلاصتها ومعرفات باش تجاوبها ونطقات:هء هي طوبيس هء فين اميمة
فاضمة:خرجاات
زينب:اه مزيان(بابتسامة توتر)نمشي نبدل علي
فاضمة:سيري الله يرضي عليك
مشات متوترة لبيت عمها ومزيرة على صاك ولى وجهها حمر بكثرة الكذوب..دخلات لاحت صاك فوق ناموسية وجلسات شادا راسها بين يديها تتخمم محسات هي بدمعة دازت من عينيها..قفزات موراها مباشرة منتافضة مضاربة مع عقلها..حلات لماريو وجبدات بيجامتها وبدات تتحيد فحوايجها تا بقات بديباردور لاصق مبين صدرها كولو وسمعات صوت مبساج من تيلي ديالها هزاتو لقاتو من عندو فيه :وصلتي؟؟
بقات شادا تيلي محتارة معرفات متكتب واش تجاوب ولا لا..من جهة بغات تجاوب كيعجبها لي يسول فيها وفنفس الوقت مبغاتش تزيد تكمل فهادشي خافت تضساار
عثمان:هي لي قلباات عليها..كنا هاانيين تاضبرات فالصدااع
مباركة:راه باقي صغيرة وغشيمة متتعرف والو
عثمان:هاديك تبيعك وتشرييك ومتخلي لمن تعاودها..راع تنعرفها مطورة
مباركة؛واخا هاكاك راه صغييرة(بحزن)دير هي بوجهي وخليها ترجع تقراا راه حالتها راجعا لور متتاكل مكتشرب كي نااس وتا تيليفون ماعندها تضل كي الحنش المقطوع ليه راسو
تلفت لمو مخنزر ماحاملش اهضر فاد الموضوع:ياك كانت مهنية وتتخرج وتدرج كي بات..لبس بلا منهضرو عليه تنشوفها مقزبة كي لفجر ونسكت ونgول ختي باقي صغيرة بتعيش وفلخر لقاها كيعبزو فيها فالجرادي(ضرب شبكة تالخبز لي حداه معصب)صدقت انا درووك لي ممزياانش هااا
مباركة؛(شدات راسها)لاحول ولا قوة الا بالله..صافي مقلت والو كمل ماكلتك..صاافي
ناض معصب وقال:بناقص من شي ماكلة..وهاكاك غتبقا تا يجي لي يديها غيرو راه مكاينش بلا صدااع
مباركة:(خرجات فيه عينيها)واش تسطيتي ختك باقي مكملات تا 16 مكودة وبيتي تجوجها😳😳واش هبلتي
عثمان:وملي مزال ممكملا 16 اش داها لجراادي اش داها لشي تصاحييب..حمدي الله للقيتي لي يديها..وحدة دايها واحد للجرادي اش بيكون دار معاها قراو اقرءان مثلا هااا...طارت فاطمة زهراء تا عياات وعمري لقيت عليها تا حاجة..وهادي جات بتلعب علي العشرة..واتكمش درووك وتحمد لله مقتلتهاش ..تاكل وتشرب تا يجي لي يديها ونبينا عليه السلام
مباركة؛غتندم غتندم
عثمان؛هاهو ناادم كون خليتها ليك نتي غتخسري عليها ساعة تسبان وسدات مدام وبتعاود تاني دير نفس شي..
مبارمة؛واش مافيك رحمة هااا راه ختك ختك..تضل علي بنتي هاديك بنتي ودابا محرر فيها العيشة
غوبش كثر ورفع صوتو معصب:وهي لي حرراتها فيا..درب كامل تيهضر عليها ومعامن مع ولد نجية وراقيه عند لبوليس ونشوفوه كي القمرة تيضل فالحباسات..جاتك هادي تسرط
مباركة؛عندك صح غلطاات ولايني ندمات..وانتا تا الهضرة قاطعها معاها
عثمان:هي تضرب على نمرتي عمر هضرتي تجي فهضرتها
مباركة:الله يهديك راه ختك هاديك متفوتهااش واش بيتو تقتلوني
عثمان:خرجي هاد سووق وتهنااي
ناض زاعف من حداها دخل لبيتو مقندش وبقات هي تتخمم تا سمعات تنخصيص تاع وئام نن بيتها وشدات راسها تاهيا جات بين ناريين
دخل لبيتو معصب عاد كان ناشط وضاحك وتقلب ليه البلان..تكره منها ومن فعايلها ومراضش ابال راه تيدير نفس لبلان
اما وئام راه كانت تتبكي فبيت مها حالتها حالة ندمات تا ماباقي قداات وهضرتو جرحاتها بزااف..مشات القراية مشا اللبس مشا الخريج والفلوس لي كيعطيها وتاهو مشا ..وداك لي دارت على قبلو مبقاش سول فيها تا بالمزاح وهو اصلا منهارو تيقوليها خوك راه عندي عزيز ومنقدرش نغضروو ومع ذلك تصاحب معاها
تكمشات كتبكي وتنخصص تاغفاات..
كملات زينب خدمتها على خاطرها كتحاول تشغل دماغها عليه..وسالات مع الثمنية خرجات دراري ورجعات جلسات وسمعات اميمة كتنكر :واه اصاحبتي هاد لبراهش عيقو مالهم على صدااع وااه
زينب:اه راه هير حيت صغار
اميمة:واصاحبتي غوتي عليهم انقصو من صداع ثقبو ليا مخي ولا طلعيهم للسطاح للبيت تصابوون
زينب:هااء لا لا صافي دابا نعود نهضر معاهم
اميمة:انا راه راسي تيضرني مخصني فريع بقا ليا هي لبراهش تاهوما نزيد همهم
جات فاضمة هازا صينية تأتاي وسمعات هضرتهم:اوا كون يادلي لالة ومالي كون تانتي درتيهم وترزقي ننهم..بعدا تديري طيسة
اميمة؛اوا صفات كاع معندي لخاطر للقرايتي بقاو ليا هي ولادنااس
فاضمة:اوا هي لسديتي فمك وحشمني
اميمة:دابا انا اش قلت راه هي باش نيت الى باتزيد الدراري وتيسع..السطاح مافيه حد وخاوي تطلع ليه وتزيد دراري واتزادوها لفلوس(بنفخة*مابقا حد انصح فهاد زماان
فاضمة:(شافت فزينب)بيتي تزيدي دراري؟؟
زينب؛واهو صراحة راه هي تنرد العيالات ومعرفتش واش نزيد ولا نحبس
فاضمة:الى زعما متتقرايش بزااف جمعي القراية والدراري منها نيت تربحي مزياان..عقلتي على فاطمة اش gالت ليك..قالت ليك يالالة شي وحدة تتعرفها بدات شوي بشوي تاولا عندها الهرج تدراري وتترد النااس ولا عليها الطلب وتدوزهم بكثر من ثلثلاف رياال
فاضمة؛طلعي للسطاح فيه داك بيت الصابون كبير فرشي فيه حصيرة وشي كراسا وطبلة وخدمي فيه
زينب(بحيرة)معرفتش دابا نشوف..وعاد واش مالين دار اقبلو نطلع
فاضمة:ويلي الى هي لالة مباركة ضربيها على حسابي..انا نهضر ليك معاها متقوليك والو
زينب:اوا صافي هضري معاها وشوفي
فاضمة:نشرب هاد جغمة تأتاي ونطلع عندها نسولها
زينب:بهاد زربة؟؟
فاضمو:ولاش نتعطلو اصلان بنطلع نشوفها كي بقات راه شحال ماشتها..ونشوف نيت وئام
اميمة:ولات حالتها يا مي..ضعافت ولات متحملي تشوفي فيها..متتاكل ماوالو
فاضمة:جلسات تا جابتها فراسها ..شتي طيراان اش تيدير لمولاه
اميمة:انا بيت ليه دقا داك عثمان..كان عزيز علي مابقيت تنحملوو...لكيدار لاخر ..خالي ضاربوها وحابسها على لقراية تاولات حالتها ..صافي ضربها اتسد غلى لهضرة عييق والله يحالا هو ممدوزش
فاضمة:هو رااجل لي دارها جات معاك كيت البناات..
زينب:(تتسمع ومخلوعة)
اميمة"ديك الهضرة كوليها ..راه تاهو بيكون دوز اميك عليها شوي
قاضمة:(تتخوي فاتاي)امولا نووبة تانتي شي نهار تاكلي شي قتلة من عند محسن
اميمة:حربوووش(خرجات عينيها)والله تانقتل موو بالله
فاضمة:نوضي تكعدي لنقتل والديك عصااا الماسخو لوخرا
بقات زينب بينهم تتفكر فهضرتهم وتعاودها فمخها..ختو راه حابسها وممخليهاش تخرج حيت لقاها م واحد وهي لي خرجات معاه معليها حكاام واقيلة هاكا قاليها مخها ..وبقات تخمم وتعاود تاكرهات راسها ولاش خرجات معاه
ناضت فاضمة حمعات صينية وخرجات عند مباركة تصادفات مع العربي لي دخل كن جامع وطلعات هي للفوق..دقات حل ليها عثمان حيت مباركة متتقدرش تنوض
فاضمة:السلام وعليكن
عثمان:وعليكن السلام..خالتي بخيير
فاضمة:اللهم لك الحمد
دخلات ومشات سلمات على مباركة وقالت:أ كيبقيتي الشارفة؟؟
ضحكات مباركة:هههه لبااس الشاابة هههه
جلسات حداها وقالت:اياختي الى مطلعت متنزلي هاا دوزي هي شي عشية نمشيو نسرحو رجلينا فسويقة
نباركة:مابقيت تنقد وكاان..تافاطمة زهرا مابقيت طليت عليها وهي واحلة فروحها ولات هي لي تتجي عندي
فاضمة:اوا ماشي مشكل العيا والشرف ضربناا هههه
مباركة:دااكشي(خوات ليها اتاي)هاكي شدي
شداتو وجغمات منو وقالت:الله الى ياله نضت عل طبلة شربتو مع للبنات وطلعت
مباركة:احسن مادرتي قنطت نييت
فاضمة:اوا شبديري..مباركة جيت نطلبك واحد طليبة وعلاه متريدهاش فوجهي
مباركة؛طلبييي ياختي
فاضمة:جيت نطلبك ياختي على داك لبيت تاع سطاح على قبل زيينب..كي شتي تدير سوايع لدراري صغاار تتقريهم وتتصور منهم شوي تالفلوس وبغات تزيد دراري وحنا معندها فين تزيدهم ونقزات اميمة gالت ليهم طلعو للسطاح..بنتي وانا عارفاها مقالتها تا نييت طلعو ليها دراري فرااسها وخفت شي نهار تنوض وتغوت وتبقا تعطي ليها الهضرة تا تبكيييها تاني
فاضمة:بالحرام ياختي..منبزز عليها شي حاجة..كون فراس مها كون جات تتجري والى عرفاتو جدارمي متفاك تتزوجها
مباركة:وبلي مالها سايبة ولاش كاين القانون
فاضنة:اححح وكاان...تجي تلوح عليها سخط وتزوج راه شحال من واحد رضاات
مباركة:تا ديك البنت معندعاش زهر كاااع..
فاضمة:وتgول..وعزيزة عندي بزتاف داكشي باش طلبتك
مباركة: ويلي بلا مطلبيني عطيه ليها تخدم فيه تاتكمل قرايتها وتيسر بنعزو فيها جوح ميتروو
فاضمة:الله يكبر بيك وكاان
ناض عثمان من حداهم عاقد حجباانو سمع حديثهم كولو ودار راسو مكيسمعش مع شاد تيليكوموند فيدو وتاهوما مدارو فرانات عاودو كلشي حيت عارفينو متيحكش وذنو معاهم ومولفهم
قصد بيتو عاقد حجبانو ونهار على نهار كيزيد اتغرق فيها..شد تيلي بين يديه وجلس على طرف سريرو كيحك على حنكو وتيلي كيلعب بيه متردد بين اعيط ليها وميعيطش..باغي يسولها علاش رفضاات وفنفس الوقت مباغييش
فالاخير دوز نمرتها وتسنا للحظات عاد جاوبات بالهمس كي ديما:الو
عثمان:(بخشونة)اهلان
زينب:اهلان عه
بتاسم وقال:ساليتي؟؟
زينب:حم اه
عثمان:نقدر نشوفك؟؟
زينب:هااء غين؟؟
عثمان:فينما..هي خمسة تدقايق وصافي
زينب:(تزيرات)لا سمح ليا منقدرش
عثمان:واخا ماشي مشكل..بنسولك غير على سي حاجة
زينب:علاياش؟؟
عثمان:بيتي لبيت تاع سطااح ياك؟؟
زينب:(حشمات)اه اه الى بغيتوو هي سوايع صاافي متلقاو لا رويتة لا والو
عثمان:ولاش مقلتيهاش ليا صباح؟؟
زينب:ها والو..هي مكنتشدايراها فبالي وصافي
سكت لمدة قليلة وعاود نطق:مزيرة فلفلوس تا بيتي تزيدي دراري
بتاسم عثمان لي سمع سميتو من فمها وقال:وديالاش نتي الالة البنات
زينب:معرت معرت معرفتش اعثمان..ندخل ونخرج من قهوة لقهوة حشومة وعييب ومنقدرش ..مجيتش باش نضور ولا نفوج جيت نقراا ماشي نتفلا..عارفا مغتعجبش هضرتي ولايني هادي صراحة..انا مديالش داكشي لي فبالك اولد نااس انا بنت درانا..فهمتيني؟؟
عثمان:علاش انا gلت ليك ماشي بنت داركم؟؟راه حيت بنت داركم تنهضر معاك لدابا كون كنتي وحدة خرا منطولش معاك ازينب..راه صباح مخليتينيش نشرح ليك اش قصدت وصافي اما نيتي صافية
زينب:(بحزن)نيتك صافيا؟؟سمح ليا اعثمان نتا ولد نالس وضريف ولايني انا مديالش تفلية والله..هي سمح لياا منقدرش نبقا نشوفك راه حشوومة وغيييب وعاار😢😢😢متربيتش على هادشي
سكت عثمان ملقا مايقول فهماتو غلط وتسحابهى باغي دخل وخرج ودوور..تنهد ونطق:صافي واخا سمحي لياا..فهمتيني غلط ماشي هذا قصدي راه هي...
تقطع الخط فجأة ولقاه الشارج..طفا من شارج دفل من شدة الغضب وناض كيقلب على شارجوور فبيتو وبكثرة التلفة كان فوق الناموسية وهو تيقلب فالمجورا تاتعصب بالمعقوول..عاد لقاه برونشااه وشعلو ودوز نمرتها فورا..صونا مرة وجوج وثلاثة ولا من مجيب..عقد حجبانو مع كل رنة وكل انتظار ليه..فالاخير ستسلم وحط التيلي اتشارجا وجلس كيخمم فهضرتها ولقاها بصح..ضارب ختو حيت تضور مع الدري فجرادي وهو مخرجها للقهوة..حس بهضرتها وفهم اش قصدات..ستغفر الله وناض خرج من البيت لقا هي مو بوحدها وقال:مشات لالة فاضمة؟؟
مباركة:مشات اوليدي..فين غادي؟؟
عثمان:طالع نكمي
مباركة:الى دايز لحانوت جيب واحد سبيجيك تسخانة لختك
برم حجبانو تاني وقال:ممم واخا صافب هادشي لي خاص
مباركة:هاد سااعة
خرج من دار زعفاان محامل ادوي مع حد. طلع للسطاح ديريكت شعل كارو وتكيف على خاطروو تاا برد وهضرتها تيدورها فمخو وافكر فشي حل..تاسالاه وناض نازل خارج اتقدا من الحانوت..جاب المقدية ورجغ للدار مبرد شوي
عثمان:ها سبيجيك..
هزاتو وناضت وقالت:ندير شوي تروز نتعشاو بيه
عثمان:لي بان ليك
رجع هو لبيتو مخرجش منو هاز تيلي وكيعاود اعيط ليها ومكتجاوبش صافي وسد على لهضرة مابقاش حكر..تا تهدن الخواطر واهضرو
ناداتو موو للعشا وخرج لقا طبسيل تالروز وحداه طبسيل صغير تزيت لعود ولمعالق..ووئام متكية على كتف مها باينا فيها مكوخة مريضة صفرة وتحت عينيها زرق ..مطولش فيها شوفة حدو تعشا بهدوء ومباركة كتوكل وئام وتبزز عليها ولوخرا كتنيني..شربات سبيجيك وناضت تنعس
اما زينب راه عيات تكابر متحاوبووش وكابراات ومجاوباتش خوفا على راسها وعلى واقعها قالت اللهم نفك الحريرة دابا ولا نزيد نتعلق بيه ونعسات تاهيا
صباح جديد بشمش جديدة ..غاديا وكتسخن..فاق عثمان كيتفوه واعاود ملامح وجهو مخربقين بنعاس وتحت عينيه منفوخ..جر صندالتو تصبع وخرج للحمام كيتفوه غسل عليه وسنانو ورجع كيمسح وجهو فاتجاه بيتو تا طاحت عينو على بيت مو محلول..مشا لجيهتو لقاها فايقا وجالس على سرير تتدير الزيوفا لوئام لي بايتا سخانة تضرب فيها
دخل مستغرب وتوجه لختو لي مكمشة فايزار وسخوونة..حط يدو عليها وتخلع وقال:لاش مفيقتينش راه سخوونة
مباركة:تنgول دروك تفوتها دروك تمشي ساعا والو..من 2تليل وهي هاكا
عثمان:(بدا كيحرك فوئام)وئام وئام تتسمعيني
وئام:ننننن
عثمان:فففف صباح الله..لبسيها بنديها لسبيطار
مباركة؛بلاش اوليدي ندير ليها شوي تالخل البلدي افوتها الحال
عثمان:(خارج)واش متتشوفيهاش كي دايرا اشمن خل ولا نعناع..لبسيها نديها لمامونية اضربو ليها برا تسخانة
مباركة:فين بتديها؟؟
عثمان:وامي وجديها فين بنديها(بنرفزة)فنظرك على لموطور
دخل لبيتو مغوبش وكيسب والعن على صباح مظنهاش تمرض وليل كامل وهي مهلوكة..لبس عليه بزربة وخرج لقا مو منوضاها ومسنداها على كتفها ولوخرا عينيها شبهمسدودين..
شدها وقفها ودوز يدو على كتفها وقال:ياله نمشيو للسبيطار
عثمان:بااز ليه معاها انا بلاصتو نردها من النهار لول
مباركة:(ميقات فيه)راه ختك الشريف
عثمان:احيت ختي مابيتش عشها يتشتت وهي لي غتشتتو بيديها..شحال جهد هاد سيد اصبر..مغرقاه كريدياات..ها الحوايج ها تيليفونات ها الماكيااج..بزاااف لقاتو داير ليها خاطر بزااف كون هي بعدا كان كيتخلص شي خلصة صحيحة..واخا ماشي مشكل
مباركة:وشنو متهلاش تاهيا فراسها
عثمان:الالة تهلى فراسها بصحتها ولي لبساتها تاتجي معاها مقلناش لا ولايني تاني ماشي تهلى فراسها وتنسا راجلها ودارها
مباركة ؛همرو تشكاا ليك؟؟
عثمان:واخد المرة..كان تفركع علي عليها ماخلى ماgال مكطيبش ليه تيجي من لخدمة كيلقاها شادا الناموسية باقي..ولدها تديه للمدرسة وتجيبو تغديه فشي سنااك ولا تدمق ليه بشي لعبة..حوايجو مانقيينش ديما تكيوقف عليهم عاد تدوزهم ليه دغيا ..الهضرة تتبيعها ليه وااه مالها على حالتها
مباركة:ويلي كااع هادشي فبنتي
عثمان:سيري جلسي عندها واحد سيمانة وشووفي والله تيبقا فيك..راه عايش بحالي زوفري
مباركة:اوا بعدا هو معمر دارو وداير فيها النفع تيلقا مرا تتسناه وولد اعمر ليه حيااتو كيتك نتا لي 28سنة لا ولاد لا مراا لا والو بقا حداايا انا غدا ولا بعدوو ادي مول الامانة امانتو
عثمان:متموتي الله يرحم باك تاتجوجيني(ضربها لكتفها)خخههه
مباركة:هههههه جوج رااسك هههه
عثمان:نجيبها بلا منعلمك امباركة هههه
مباركة؛واخا تجيبها من عند لكفار نقبل بيها خص هي تجيبها ضحك وباس يديها وفال:اوى زعمي معانا وياله خطبي ليينا
بجgات فيه وقلبات وجهها وقالت:اوا صفاات ططنز علي
عثمان :تنهضر بصح..بيت نخطب
شافت فيه بعدم تصديق:سير براكا مطنز علي
عثمان:بالمعقول الى بيت نتجوج
مباركة؛gول والله
عثمان:الله ههه
مباركة:(شدات فكتفو)gول واحق الله
دار راسو نايض كيضحك وقال؛اوا gاعلا ثيقي ههههه
جراتو تا تلاح حداها وقالت تتفرنس:لعار اوليدي متكون تضحك علي ..لبزيزيلة
ضحك عليها مزياان وقال:تنهضر معاك بصح..
مباركة:(بفرحة)اححح الله ياربي الله الحمد لله الحمد لله نعيش تانشوفك بدارك وولادك(باستو فراسو)الله يرضي عليك الله يرضي عليك انا راضياا عليك...شكو؟شكوون هادي؟؟تنعرفها؟؟كنتي معاها
ضحك وشد يديها باسها من برا ومن لداخل:الله يخليك تاج فوق راسنا هي نتي لي عندي(عاود باس يديها)دعي معايا يتسير ليا
تعشاات وتخشات فبلاصتها بحجة باغا تنعس شعلات تيلي ملقات تا شي تصال ولا حتى ميساج ..رتاحت نسيبيا وفنفس الوقت ضرها خاطرها عليه
طفات تيلي تاني ورحعات تكات تتقلب على نعاس تا غفاات اما هو راه حاير معاها بغا هي يعلمها بلي باغيها للحلال ومجاوباتش وخلاها تال غدا القاها فشي بلاصة وصارحها
ونعس هو الاهر على امل ان لي فبالو اتحقق وتقبل..وهي راه كتحلم مراهاش هنا فحين وئام متكية حدا مها طاير عليها نعاس..ومباركة راه مغمضة عينيها ونعاس مافيهاش تتخمم اش غدير للعرس واش بطيب واش تعرض..
كلها وهمو وملها علاش ناوي وكلها واش ربي مكتب ليه
****
أحاول ان لا اعانقك بيدي
ان اشتت حضني بعيناي
عسى ان تختفي شهوة العناق تجاهك بعيناي
***
صباح جديد..فاق كل واحد فيهم دار روتينو الصباحي ..عثمان الخدمة وزينب فاقت فستة ومشات للفاك قاريا مع 8..وتيلي ديالها طافي..
خل عثمان الخانوت وخرج سلعتو تادخل عليه براهيم وقال:افين الطبيعة
عثمان:جاابك الله أخاا
براهيم:(جلس حداه فكرسي)ياك لبااس
عثمان:خووك اناا بيتك توقف معايا
براهيم:فاش اعشيري
عثمان:ناوي نتزوج هههه
ضحك براهيم وقال:وايلي هههه وشكون هاد الزينة
عثمان:راك عارفها
براهيم:زيينب هههعهعه شتي ديك لبنت ننهار شتها وانا عارفها مكتاباا لييك(ضحك)هههههه اسيدي مبارك ومسعودد نهار كبير هذاا الله يكمل بالخير(تعانقو برجولة)
تصدمات زينب لدرجة فمها تشرع مابقاش بيتجمع ليها..سطل تالما تخوا عليها تصرفيقة من حيت لا تدري جاتها..تهزات بيها لارض وتحطات ومزال مغتيق واش بصح هضرتها..
معرفات مدير واش تنوض ولا تجلس ولا تبكي ولا تضحك..كلشي تجمع عليها ولسوء حظ عثمان اول ماطاح فبالها هو قرايتها وانها مغتقراش..نفس الافكار ونفس العقدونفس الفكرة ان الزواج غيحبسها على قرابتها ومغتحققش حلمها وان هضرة حسن ليها غتحقق وبالفعل لي قراو طفروه
سكتات معرفات متقول..من جهة كبر فعينيها وعرفاتو ماباغيش اتفلى وجا للباب وقصد الدار مباغي لا دخول لا خروج ومن جهة بقا فيها الحال والدمعا تجمعات فعينيها..معرفات متقول ومباركة عندها عزيزة
مباركة:فكري على خاطر خاطرك..متزربييش والله ابنيتي تنديرك فعينا لي بيتيها تحضر راه نهار لكبير عندي هو نهار اتزوج ولدي وملي gاليا نتي والله شاهد علي لفرحت وgلت ليه دريويشة وبنت النااس قسما بالله
طاحت الدمعة من عين زينب وحنان الراس مقادراش تجاوب..ونطقات مباركة:مالكي ابنيتي ياك لبااس؟؟
فاضمة:اودي ا مباركة اش بنا نgولو ليك..راه مكتبيش تجوج لي جا تتردو بات تقراا
مباركة:والى تفاهمات معاه اخليها تقراا
فاضمة؛الله وعلم اوا اش gلتي ازينب
متلاتش هزات الراس دموعها نزلو مدردبيين على خدها..معرفاتش اش تجاوبها..كبر بيها ومصيفت مو تخطبها وممخليهاش تحس انها كاي وحدة وقدرات تصرفو ولاكن عقلها ممتقبلش فكرة الزواج بتاتا..خايفا وخايفا..خايفا يكون مصيرها نفس مصير ختها لي خرجات من معمل الخياطة فايت اورير وتزوجات وخرجات على راسها..رجعات مطلقا وبجوج دراري وتا ديبلومها مخداتو..وعيشة مخلاتهاش تكمل وترجع بحكم مطلقة
افكار كثيرة خلاوها تولي تحرك راسها بنفي مبغااتش ورافضا الفكرة بتاتا..بجوجهم ستغربو تا نطقات كترعد:بييت نقرا هءهءهءه مابيتش
مباركة؛هااا
فاضمة:صافي صافي(دوزات على ظهرها)
مباركة:دابا اش قلنا؟؟
ناضت من بلاستها جلسات حداها وهزات ليها راسها المحني لقات وجهها عامر دموع وحمر وقالت:نفهم لا
مباركة:(بابتسامة بزز)فشي نهار اخر ان شاء الله(وقفات)الله يعاون
خرجات مباركة عكس كي دخلات..فرحانة وخرجات باقي فيها الحال..جايا برجى انها تقبل وان حلمها قرب اتحقق ورفضات..كون هي لي ختارتها ورفضات عادي اما هو لي ختا ها يعني عينو فيها وباغيها..مغتعرف باش تجاوبو
اما زينب راه عطاتها للبكا تاني..وفاضمة معنقاها تطبطب عليها وتسكت فيها..حسات براسها جرحاتها وغتجرحو تاهو..
فاضمة:مالك ابنيتي هاكا لي جا ترديه..سعدك زوين ومغرفتك كتجيب ليك هي رجال الملاح ونتي مباغاش..
زينب:مقدرتش هذهءهءه مقدرتش الالة ه بيت نقراا
فاضمة:وشكون gاليك مغيخليكش تقراي..كون هي جلستي معاه وعطيتيه شروطك لعدا
زينب:(دارت يديها على وجهها تتبكي)هءخءخءخ لا لا الى تزوجت بيه بيgلسني من القرايا..بنولي بحالي بحال رقية هءهءهء شوفيها هي.رجعات مطلقة وهضرة ناس من هنا ولهيه..ومي تاهيا رابطاها حداها هءهءهءه شافت الويل فزواجها والويل مورا الزواج(نهارت بالبكا)وبا بااا لي باني نقراا😭😭😭مبيتش نخيب باا باا تيموت ويوصي فقرايتي مبيتش نكون بحال البنات..نقرا تانعيا ونتجوج بيت نقرا ونخدم ونوصل😭😭😭😭
فاضمة:ففف لا حول ولا قوة الا بالله...الله يدير لي فيه الخير ولي بيتيه بيوصل ان شاء الله صافي نوضي غسلي وجهك نوضي..
ناضت زينب تترعد ودموغها شاقين طريقهم فخدودها..معرفات مدير..دخلات للطواليط بكات بكات فيها تا شبعاات..خافت من ردة فعلو اكيد غيتقلق وغيبقا فيه الحال..وممكن اقطع عليها الهضرة
اما مباركة طلعات للفوف مغير فيها لون..حل ليهاعثمان مبتاسم وقال:على لسلامة
مباركة:الله يسلمك وينجيك
دخلات للدار وجلسات فتليق والطبلة فيها اتاي والخبز والطاجين
عثمان:(جلس حداها عاد مدوش باقي فيه ريحة جيل دوش)امدرا الواليدة
مثيقش عثمان وبقا هي تيضور عينيه فوجه مو تيتسناها تضحك وتقوليه لا وهي تنضحك معاك وكدا ساعا ماقالت والو..يعني بصح يعني زنوبتو رفضااتو وبالفعل مابغاتش تزوج بيه
حرك راسو عاقد حجبانو وقال؛دابا هي بكات وgالت مابيتش نتجوج
مباركة:واش غنكذب عليك لنااا؟؟هضرة وحدا ومكتعاود هي صلاة على النبي..ممكتاباش ليك والى على لبنات راه عطا الله شوف شي بنت خرا
تعصب عثمان والشرار طالع معاه سخن فيه دم ولى كولو تيغلي..دار بناقص من الماكلة وناض معصب..لبيتوو مهضر موالو حدو ردخ لباب تا سمع رداخ قفز وئام من غرق نعاسها..مشا لتيليفونو ديركت تيدوز فنمرتها والعصب تدنبا ودين تجمعو فيه..كيفاش رفضااتو كيفاش واش سيدة خرجات معاه وتضحك ليه ومشا اخطبها فلخر تشوهو مع مو..شاف الفرحة تلغات فعينها ونو الاخر ضراتو هضرتها بزااف..مبغاتوش يعني معاجبهاش ولا كنت هي دايرا الخاطر..عيط مرة جوج ثلاثة ومكتجاوبش كانت شادا تيلي فيديها فطواليط وكتبكي وتعاود مكرهاتش تجاوبوووو..
كتب ليها ميساج فيه:جااوبي بلا خرااا
شافتو وضغطات على فمها كابحا شهقاتها..عاود عيط وتعطل باش اقطع وهي تشد الخط وحطات يديها على فمها وجا صوتو فوذنها بعصبية:علااش؟؟
تعصب وغوت عليها:واطلعي لنهبط نخلط مك وسطهم بلا خرااا
زينب:عفاااك لا هءهءهءه الله يجيب ليك ماحسن
عثمان:وااطلعي لتكفرييش ديلمي..عندك قسمين تطلعي ولا نتفاهم معاك
قطع عليها ولاح التيلي فوق النانوسية معصب.وجهو ولى حمر وبمعنى الكلمة مرضااش..عاود هز تيلي وخرج كيزرب فخطواتو ونفسو ممنتاظمش..اخلعك الى شتيه..طلع للسطاح ديركت حل بابو وردخو تا كلشي لي فدار قفز تسحابهم شي ريح تحركاات
فاضمة؛اهيا سلامة الباب تسطاح بقا محاوول نطلع نسدو
زينب:لالة نطلع نسدو انا بنشم الهوا
شافت فيها ونطقات:واخا سيري ابنيتي
ناضت زينب لي مكانتش معولة تمشي تشوفو مقادراش تشوف فيه..ولا حتى تهز فيه عينيها..
كطلع فدروج وقلبها كيضرب واعاود على جهد..لحالا غاديا بسرعة خيالية فالطريق..وعاد تبوريشة طلعات معاها من فرط التوتر ومن الخوف من مواجهتو..مقدراتش تكمل الدروج حدها قربات ااباب تسطاح طاحو دموعها شلال على خدها
مبغاتش تجرحو نصفها باغيه والنصف الاخر قضية اخرى فيها العقل والضمير والقراية وواجبها تجاه باها المرحوم
دخلات للسطاح وعينيها مغرغرين بدموع تتقلب عليه ملقاتوش..معرفات منين خرج تابان قدامها وجرها معصب من دراعها مقربها ليه وقال والخنقة فصوتو؛علااش؟؟غلااش هادشيي..كبرت بيك وجيت من لباب باش مضيعيش ومنمشيوش فالحرام ...جاي نخطبك ومصيفت مي(جهل عليها وولى تيترعد)ميي مصيفتها باش تخطبك وتجيبك بعزك..مابيتش نخلي الهضرة تبداا عليك وخطبت وفلخر تقولي لاا..هاا اش درت ليك؟؟فاش قصرت معاك..بسلت عليك هااا؟؟(حركها)هضريي
زينب:(كتبكب)سمح ليا هءهءهءه 😭😭
عثمان:هادشي لي تتعرفي لييه يااك هي تظمعي وضاافي ولايني انا لي ولد الق*** مكبر بيك وخاطبك اما بحالك بحال كاع البنات ساعة وتدوز وفلخر كل واحد اشد طريقو(طلقها تا كانت غطيح)انا لي منسواا بصلة تسحابني بنت النااس ومعندكش مع دخيل والخرييج(بالغوات)كون بقيت تنخرج مع اصل مك وندورك من قهوة لقهوة كان بيعجبد الحااال هااا
عثمان:(ضرب فصدرو)انا لي ولد الحراام اما منحاشيهاش ليك..تردي ليااا مي هاكك..كبرات بيك وجايا تال عندك وترديها وتبكي بحالا جايين غاصبينك فالزواج هااا
زينب:عفااك هي سمعني 😭😭😭 انا
قاطعها بحدة :تقادات الهضرة ابنت النااس الله بجيب ليك ماحسن
مخلاهاش فين تزيد تكمل خرج من السطاح قاطع هضرتها وقاطع حوارها..مخلي دمعتها تنزل سخونة تحرق الخد لي معرف هي السخونة من نهار باان فالظنيا
الريح اضرب شوي فوجهها وعينيها لمنفووخين وكلامو لحن كيتعاود فوذنها..جرحها ولجرح وصل للعمق وهو الاخر ماشي اقل منها..تجرح وضرو خاطرو من جيهتين..من جهة فرحة مو لي ضاعت وتلغاات وطمعها انو غيتزوج ومن جهة هي لي كانت عزيزة عندو وكانو اهتماماتو كيميلو ليها..والقلب كيحن ليها بلا شعوور
بجوجهم مجرووحين والقلب مكسور واخا باقي فمرحلة الاعجااب...هي تكسرات بهضرتو وهو تكسر كبريائو
ومابين الكبرياء والقلب هناك نفس اخر لحكاية أخرى خلقها الزمن
***
وقفات زينب شحال كتبكي فسطااح مقدراتش تنزل باقي..تبح صوتها باليكاا..وهضرتو كطلع وتنزل فيها ..بكاات جهد شي ساعة عاد غسلات وجهها ونزلات للتحت ولحياة كتستمر
اما هو نزل هز سوارتو ومهضر مع حد خدا موطورو ومشاا..معارفش فين المهم اغبر ليخرج العيب مع شي حد
***
شفت وصّلني هواك لوين؟
شفت غيّرني هواك لمين؟
شفت؟ واجهني اذا لك عين
شفت كيف الصد قسّاني وجرحتك؟
لا حزنت ولا ندمت ولا رحمتك
صرت نسخة منك طبق الأصل، نفسك
قد حفظت الدرس منك زين مازين
شفت وصّلني هواك لوين؟؟
نزلات زينب مهدودة ومكسورة كيف عادتها..ولى عندها سطاح مكان كتفرغ فيه بكائها وحزنها وتنزل مهدودة كثر..البكاء كيبرد الناس هي عاد مكتزيد تمرض فراسها وفصحتها..تاولات شاحبة
دخلات للدار حانية الراس دازت للطواليط ديركت مسحات وجها بالما وخرحات جلسات معاهم عادي مكتهضرش انما فقط كتشوف ..شي داخل شي خارح ومقدراتش تميز..تصدمات وهضرة عثمان ضراتها معرفات واش حيت عاملها فيومان مزيان ولا حيت ثبث ليها انه مباغيش تفلية ولا حيت حسااتو قريب ليها وحنين معاها
اما هو راه رجع للدار تادازت ساعات لقى وئام تتاكل وحداها مباركة تتفرح..لقا السلام وقال:كيبقيني؟؟
وئام:شويا اخويا
مزادش هضرة دخل لبيتو قلع حوايجو ولاح عليه فوقية ودخل دوش ليه اخفافو عليه عظامو وكلام رفضها وكذلك صورتها مفارقوهش تحفرو فبالو
خرج معصب كثر ولبس عليه وبقا فبيتو مخرجش تا العشا مكلاهش عيطلت ليه مو وقال لا..بقا متكي وكيخمم فيها..ومعصب مخرجاتش من بالو مع ذلك..لو أن شي وحدة رفضاتو ميتسوقكش عادي البنات هوكاك دايرين ولايني هي فشكل..عندو فشكل..هي كتاشفها هو مجابتهاش مو ولا ختو هو لي شافها وهو لي لمس فيها الصفات لي عجبوه هو وهو لي شاف فيها بنظرة مغايرة وترفضو فلخر
الرفض قدر اسيدر على نخو وانفر منها او بالاحرى كيبرد على راسو..بالعصب جبد تيلي بلوكااها ومسح نمرتها ولاح تيلي..تا سمع دقان وقال منيرفي:نعام
فاتي:(معجباتهاش هضرتها)خوياا الالة ومالي حسن ليا من كلشي وزين من كلشي وفعينيا تيبان زين من كلشي..ومتبقايش وقتما خرينا تحطي ليا حميد فالهضرة هذا شكل وهذا شكل اخر
وبلاصة مدافعي عليه تتدافعي عليها
وئلم::(تتجغم اتاي)انا مقلت والو هي مباتش صافي سدات مداام راه جاها قبل منو واحد ومبااتش
ناض براهيم والشك كيضرب فعقلو والفضوول جاه حال صاحبو مغير..وخلاه على راحتو لا لمكان ولا زمان مناسبين للهضرة
فحين هو راه بقا كيما خلاه وسبب رفضها مباش اطيح فبالو..فايام قليلة دارت معزة خاصة فقلبو وفساعات قليلة نفر منها وكيحاول اخرجها من بالو
فحين زينب راه فاقت معطلة وهادي لي معمرها كانت ليها لدرجة مشا عليها لحال لفاك وغضرها النعاس ومابقاتش مشات عرفات مغتلحقكش وذلك بسباب التعب لي عياتو البارح..اول واحد طاح فبالها هو عثمان ..مكرهاتش تشرح ليه وتفسر ليه..وتذكرات هضرتو ليها ..حشمات من تصرفها وفنفس الوقت رتاحت ..خافت تزيد فهاد العلاقة وتعلق بيه وتسمح فحلمها
عندها ان الرجل دخل لحياتها كيخرجو الطموحات من الشرجم
ناضت بثثاقل وتوجهات غسلات وجهها ودخلات على مرات عمها لقاتها تتعجن وقالت:صباح الخير
فاضمة:(بابتسامة)صباح الخير
زينب:تعطلت فنعااس
فاضمة:ماشي مشكل بنادم تيعياا..دوزي فطري
دازت بغير خاطر هي كتجر فرجليها وبالها ممعاهاش..فطرات شوي وجمعات لماعن..وبقات ملهية فالكوزينة
هزات تيلي ومشات ديركت لنمرتو ومحسات الى بصبعها كيدوز نمرتو..اصدمات وتروناات بغات تقطع وسمعات الخط مشغوول فهماتها راه بلوكااها..كمشات وجهها بحزن وحناتو..كانت شبه متوقعاها..خشات تيلي فجيب لبيجامة ورجعات لنهارها تكملو
عثمان كمل خدمتو هي بزز سد لحانوت ونهار كامل مبااع والو هي حال المحل وماعندو خاطر..موالف لي دخلات كيشوف معاها واقنعها واهضر دابا كيدخلو اشوفو واسولو على ثمن ومكيهضرش تا ديك شوفي لي عجبك ونتصاوب معاك مكيقولهاش وبالتالي الكليان كيمشي
داز النهار عندو صعييب سد هو وبراهيم قد قد وغادين فدروب السوق ساكتين وتا براهيم مباش احكر عليه
وصلو جيهة ماطرهم ونطق براهيم:غادي لداار؟؟
غثمان:لا للقهوة
براهيم:ياله زيد نمشيوو
مجاوبووش ركب على موطورو وزاد لقهوة كيعمروها فالمدينة..طول طريق مدواش مولفين تيضحكو فالطريق ..
دخلو للقهوة وجلسو واول مدار عثمان هي جبد كارو شعلوو..نطر منو بعمق وبقا ساكت تا نطق براهيم:أ مالك اهيا؟؟
عثمان:مايلا لدلمي
براهيم:اش وقع؟؟
عثمان:(عاود نطر)زينب مباتش تجوج بياا..
براهيم:وعلاش؟؟
عثمان:وشكون عرف؟؟(شاف فيه)صيفت مي تخطبها وقالت ليها لا
براهيم:هء متاكد؟؟ياك زعما خارج معاها وهضرتوو
عثمان:مجبدتش ليها زواج ولايني لمحت لييها وشو هي اش فهماات
براهيم:فيها خيير اخويا مالها بوحدها لي بنت..عطا الله البنات
عثمان:واش انا لي دوا تيقوليا عطا الله البنات..اسيدي انا مبيتش البنات كون بيتهم كون شحالةهذا تزوجت..وابيتها هي..هييي
براعيم:وايلي اصحابي البنت عاد عارفها ولصقتي عليها..اش فيها هاد سيدة؟؟
براهيم:ربي مكتبش وصافي..الزواج هي مكاتيب وبالايمارة شوف شحال من واحد كان مصاحب مع شي وحدة بسنين وفلخر متيديهاش حيت ممكتاباش وصاافي..يعني تا زينب ماشي فرزقك
عثمان:اودي ففففف الله يدير لي فيها لخيير..
براهيم؛شوف فشي بلاصة خراا
عثمان:(شاف فيه مخنزر)الى باقي جبدت حس زواج راني ز***..هنا سد الموضوع
براهيم:ففف لي بان ليك مع الوقت تنسى
عثمان:ايييه (شاف قدامو)الوقت الوقت
سكت براهيم وشدو قهوة بجوج عاصرين عليها تا لجهد الستة ونص وناضو كلها تفرق لدااروو
ركب عثمان موطورو ومشا لدارهم ديركت
ومن للصدف بانت ليه من بعيد زينب قدام الدار واقفا مع شي مرا معرفش شكوناهياا..تا زينب مبقاش شاف فيها .فحين هي كي وقف بالموطور تهز قلبها وتحط وبداو دقاتو كتسارعوو..كتشوفيه وهو مهضرش وتا شوفة مخسرهاش فيها..الشيء لي حزنها
توقفات على كلامها مع المرا لي جات تدخل ولدها لسوايع..وتا المرا سكتات تا يدخل هو لي مشافش فيهم
حزنات وبقات كتشوف فيه عالله اهز عينو بحالا تبادلو الادوار..قبل هو تيشوف وهي تحنيهم من الخجل ودابا هي تتشوف وهو مهازش عينيه وياريتو كان من شي سبب اخر..من سبب انه مبقاش قدر اش فيها
دخل بدون ميعبرها تا بنظرة..وتاهو راه مخنوق من جهتها..داز هاكاك عاابر
طلع لدارو مخليها تتهضر مع المرا ومرفووعة
المرا:اوا ان شاء الله غدا نجيبو ليك وتهلاي تهلاي اختي وتا الفلوس نجيبهم غدا
زينب:ان شاء الله اختي
مشات المرا وسدات زينب الباب وتنهداات بحزن..اش هاد الجفاء الغير مترقب..كانت كظن تقدر شي نهار تجي عينيها فعينيه ولايني للاسف مشافش فيها
دخلات للدار بانكساار فحين هو راه طلع لقى ختو باقي عندهم لقة السلام ومحس هي بانس واقف عليه بغا يعزو..هزو وبتاسم بزز وقال:خاالووو
جمعو ادواتهم بالصداع والغوات وضرب فيا نضرب فيك وزينب كتفارق مطلعاتهم تا شحفووها..هي حلات باب السطاح وتفكراات فاش تلاقات معاه فيه..حزنو ملامحها كثر..حلات بيت الصابون خلات لقات مرات عمها مفرشة ليها حصيرةفوقها جوج مانطاات وطبلة تالخشب صغيرة مضورةونطقات:دخلووو
دخلو وحطو ادواتهم وكيضاربو علل الكبلة زهي هي لا حشومة رصا حشومة..خريج العقل
مسالات معاهم تا مرضاات فرااسها وبدات تتخرجهم مع ثمنية
***
ليام كدوز وتمشي وتجي..والحال هو الحال تا حاجة متبدلات..زينب راه ولات ملهية بين خدمتها وقرايتها..تقرا نهار كامل وتجي تخدم مزال مع الدراري لي ولاو عندها كثار وفلوسهم بانو عليها..كل مرة شاريا حاجة ومرا مصيفتا لمها شي 200 درهم وتعيط ليها فبلاصة ترضي عليها وتتمنى ليها تيسير وكذلك مرات عمها منساتهاش..تتضور معاها مرة مرة بحكم ولاو عندها 20 تلميذ مخلطيين بين بنات ودراري وكل واحد فيهم 100 درهم يعني كنخرج فالشهر ب 2000 درهم واخا مكتشدهاش مجموعة كتشد كل مبلغ فنهاار بعيد على لاخر يعني الفلوس غاديا جاياا..مسلكا راسها..مرة تخلص بوليكوب مرا تخلص طوبيس وهاهي غاديا وكتجمع وتشيط باش نهار توقف عليهم تلقاهم..
اميمة راه حالها هو حالها تبليفون والضوران ولات مكتجي تال العشرة بحكم راه دايرين سوايع للناس لي مفحالهمش فالييسي من عند شي جمعية..وتضل تضور فين اله وعلم
ومحسن راهو من درب لدرب مرا مقرقب مرة سااحي كل مرة واش وضروري الطرير اتدوز كل نهار مع بااه..تا زين ماخطاتو لولة
فاضمة المرأة الحنينة لي تعذباات راها كتحاول تقاد تريكتها تاعياات ومبقات تتقول والو ولات هي تتشوف وتسكت وتتميل للزينب لي تتعاملها كي مها تماما
مباركة لي كتسايس مع مرضها وتحرك من هنا ولهيه وتصبر ولات وئام تتعاونها فالشغل تدار بحكم ماعندها مايداار لا تبليفون لا قراية رغم انها هضرات مع عثمان على القراية وضار فيها ضورة شيطانية وقلب عليها الهضرة وحلف مترجع ليها..
وتاهيا ساكتا وخرجات منها..هاد الاخير لي كيتعايش وصافي..رجع كيف كان..كيمشي لخدمتو واضحك وانشط مع صحابو السواقا واحاول انسااها لي كل مميقول نساها تا كتبان قدامو كيرجع افكرها من جديد..مكيشوفش فيها الله يجعلو القاها بلا حوايج تا شوفة ستخصرها وتاهيا مجروحة من قلة هتمامو..وتتشوفو مكيهزش فيها العين يعني مابقاش حاملها..شحال من مرة تفكرااتو وطاحت دمعتها كيبقا فيها الحال وعلاياش معرفاتش..هي لي رفضاتو وهي لي تتحسر
فحين هو رجع لحيااتو ومع الوقت كيتناسي واخا كل مرة ملاقيها فقنت..ادوز فطريق اتلاقاها مع مرات عمها ولا تتسنا طوبيس ومكيشوفش فيها او بالاحرى فاش كتشوفو هي مكيشوف فيها
ميقدرش انكر انها باقي فبالوو
ومابين النظرة والانكار
هناك عش تبنيه طيبوبتك في قلبي
عش تمكثين فيه بمفردك
متربعة على عرشي
ترفضين النزول كأنك الوحيدة التي تعد أنثى
***
فاقت زينب اليوم معطلة مسخسة وتحت عينيها فيه شوي تلحكولية بقلة الراحة بعد مرور شهراين على بدايتها للخدمة والقراية فنفس الوقت
شهراين دازت عليها عادية تا جديد مافيها الدار الخدمة القراية ونفس الروتين كيتعاود كل نهار..تفيق تفطر تمشي تقرا وتجي مسخسخة وتمشي تخدم مع التلامذ لي كل واحد كيلغي بلغاه وصافي
بانت ليها اميمة مكسلة فتليق اخر بحوايج باش جات البارح الدجين وديباردوور ووجها مجلخ بالماكيااج..وشافت كذلك محسن لي نصو فالارض ونصو فالتليق وكيشخر..حركات راسها وناضت ببثاقل وعظامها بكثرة ماتعطلات فالنعاس راه ولاو مخمولين وطايحين عليها..دخلات على مرات عمها للكوزينة وقالت:صباح الخير
فاضمة:صباح نورر
زينب:تعطلت فالنعااس ففف
فاضمة:تتباني عياانة ياك لاباس؟؟
زينب:معرفتش ولاو عظامي مهدودين علي واخا كنعس كنفيق عياانة
فاضمة:(حققات فيها)تا وجهك ولا مافيه لون..ياكما فقر دم؟؟
بتاسمات ليها ودازت للكوزينا عارفا راسها مغتصور منها والو ومن نهار فاش رفضات خوها وهيا تتشوفها وتكحل بالعما اي نعم مقالت والو مي تصرفاتها كتوحي انها محاملاهاش..ملقاتش مشكل مع مباركة لي متنفخاتش عليها وبقات معاها عادي ولقاتو مع وئام لي واخا دافعات عليها قدام فاتي الا وتقرصات منها
نطقات وئام :اشناهو؟؟لا اختي انا مغاديااش بيتي عثمان اخلي عشتيي
سمعات زينب سميتو وتسمعات زدحة فقلبها على جهد..وشحال توحشات تنطقها على جهد..مالقات جهد من غير تنفض افكارها وتنطق:ااه ونلقا زعما شي حاجة لمي تما؟؟
اميمة:اه فالداخل ديال المدينة عطا الله اابيجامات هي باله
زينب:(بضحكة)ههه ضافي نمشيو
اميمة:اوا قوليها لمي ونمشيو مع ديك جوج هاكاك
زينب:(على نيتها )صافي واخا
بقات جالسة حداهم مناضتش عادي كملات ماكلتها تتشوف فتلفازة لي مشعولة وومنتابهاش مع هضرتهم لي بالاصل قطعووها تسناوها تنوض فحالها وكيتغامزو بحالا تيقولو ليها صافي راه بيناك هي لهادشي غبري..تاعيااو وناضت اميمة جرات وئام ودخلو للبيت لاخر..عاد.حسات بيهم وحلات ليها دغمة..وحزنو ملامحها وكملات تفراجها ولفات معاملتها ليها..كتحاول تفهمها مكتفهكااش..المشكلة ماشي هي معاها راه مع كلشي..كتبغي مصلاحتها لا غيربغات فيك حاجتها راك حبيبها وزين تاعها مقاضي ليها والو معندها متكجدر بيك..مع مها وباها كذلك كلشي معاه هاكاك
داكشي باش مكتدبش عليها محناتش فواليدها تحن فيها هي
كملات خبزها وتكات تتفرج وتيلي هي مرمي ماعندها مادير فيه لا فيس لا واتساب تلهى فيه..كان كيحسابها تبلي غيشغلها ساعا مافيه لي يشغلها..
محسات تاغفاات من فرط تعب..منعساتش بكري ومفاقتش بكري وعظامها مسخسخين ونعساات وبالطبيعي فاش مكتلقا مدير كتنعس
غفاات ومحساات تا فيقاتها مرات عمها مع اذاان العشااء..ستغربات انها نعسات داكشي كولو ..
ناضت غسلات وجهها ووجدات العشا مع فاضمة تعشااووكلها تقلب لنعااسو فحين زينب طلبات محسن اجيب ليها روشارج..جابها شارجاات وتيليشارجات الفيس والواتسااب..وفتحات حساب باسم زينب زنوبة..مافيه حد بقات تتقلب على كروبات البنات وتدير طلب ليهم وتقلب..دخلات ليوتوب تفرجات فشي فيدواات تا ديشارجا تسلي لقاتها الجوج ونص..اواه سهرات تال دابا..حطات تيلي ودارت تنعس واخا مجاهاش..تاشمن وقيتة
مدازش بزااف تا فاقت على يد عمها للفاك..مكانتش بغاتوتمشي بحكم مشابهاش نعااس ولايني غلبات عجزها وناضت...غسلات سنانها ووجها بصابونة تالطاوس تالحليب تتخلي وجها زوين ونقي..دازت لبيا عمها جيدات حوايجها لي شرات من سويقة بخلصاتها...عبارة عن سروال دجين طاي هوت وشوميز فالاصفر باارد نازلة تال ركبةوكم ..زوينة ومبردة مع صهد مراكش..صايبات شالها ولبسات صباط زوين بلا فرجليها تاهو شراتو..وهزات صاكها لي كذلك جديد فالاسود دارت فبه مستلزماتها وخرجات تفطر مع عمها
وصلها تال حدا بلاكة تطوبيس وبدات رحلة يومها كتفوه لقلةةالنعاس ..وتتفكى فدراري لي تابعينها فالعشبة..مكرهاتش هي تنعس وترتاح من الخدمة لي واخدة ليها وقتها كولو..كتعياا ودراري كيبغيو الوقت والخاطر وشي كيلغي من هنا ومن لهيه
نزلات لفاك وقرات صباحها عادي
اما عثمان راه فاق كيف عادتو مبوق بنعااس ووجهو منفوخ بالنعاس..غسل وجهو وسنانو وداز صايب قهوة كحلة مدخلها معاه للبيت تيلبس واجغم منها..حط يدو على معدتو لي كتغرغر ليه على الصباح وفيه الحرقة ديالها..
هز سوارتو وتبليفونو ونزل لعملو كيقاد فكاسكيط كحلة على راسو ووجهو تببان بحالا مغوبش وهي فقط ملامحو هاكاك دايرا
وصل للسوق وداز كيحل حانوتو وتيخرج فسلعة عاد جا براهيم تاهو تيحل حانوتو وحط السلعة وجا عندو :اصباح الخير
عثمان:صباح الخيير هانيا؟؟
براهيم:حسن منك ههههه مالك مغوبش
عثمان:ضاراني معدتي ولات مطيرة ليا المورال
براهيم:سير اصاحبي دوز عليها
عثمان:مدوز علبها ووالو..واش الحرقة تالمعدة تتبرا
براهيم:الله وعلم اخوياا..فطرتي؟؟
عثمان:شارب قهوة كحلة بوحدها..ومكاامييش بيت هي نحل بيه عييني
براهيم:سير سير كمي ورجع انا نحضي ليك هنا
عثمان:احفظك(ضرب على كتفو)
خرج عثمان هاز باكي تالكارو وبريكة..بعد على الحانوت وخرج براسوق وكمى على خاطرو عاد رجع للحانوتو لقا براهيم كيتبايع ليه وخلاه تاكمل وحط ليه الفلوس فيديع وقال؛ها 150 درخم على الصباح ههه
عثمان:ههه احفظك..سعداتك عندك متعلم فالحانوت
براهيم:وبيتبني نخدم بوحدي..جيب تانتا شي وليد هاكا خدمو معاك راه فاش تتكون سامارش محيلتك لهادو ولا لوخرين
براهيم:اسي الحبس راه فيها هي دراري ماشي بناات..بيناتنا دراري وصافي..(شافو بيهضر)وياله انمي راه اوريكا زاهيا فصيف ورمضان مابقا ليه والو فيه تمارة وعاد العيد غنتسخسخو مزياان
عثمان:واخا صافي..امتا هادشي؟؟
براهيم:جمعة بنضلو تماا صافي..طالعين هي فالماطر
عثمان:واخا مشات
براهيم:تهلى
خرج مخليه جالس بوحدو فالمحل كيخربق فتيلي تاوقفو عليه كلياناا وناض كيتبايع معاهم واتشارا مطلع نهارو
مرجع تالعشية دخل الموطور وجا طالع للدار تلاقا بزينب فالدروج ناازلة هازا شبكة تاانشير..بجوجهم تلاقات اعينهم مع بعضهم..هي كتشوف فاابريق لي مبقاش فعينيه وهو كيشوف التعب فعينيها..شهراين وهو كيتصادف معاها ومكيشوفش فيها واليوم مقدرش اخون حنينو ليها..قدرات ففترة قليلة تكون محبوبة عندو..يمكن حن ليها لانه هو الاخر كيحس بالتعب من الحياة وباغي ارتاح
وشكون فينا مكيعياش فما بالك هو لي عندو مسؤولية مو وختو والدار والمصاريف والجرا من هنا ولهيه..كيبغي تاهو احط راسو على شي حد
اما هي راه قهرها الزمان..عيات بهاد لمفهوم وبغات ترتاح ..رمشات فيه بزربة شي ربعة تالمرات..وداز من حداها خافض عينيه كانها مكايناش وكانها عابرة..شدات فقلبها لي كيضرب وقتما شافتو عينيها او سمعات بيه..سيرتو كتخليها تبتاسم وتحسر فنفس الوقت..كينطابق عليها القولة ديال كنتفكر لماضي ونضحك ونجمعها دغية
نزلات لتحت قلبها تيقول بووم بووم وزغب لحمها شوك اما هو راه دخل مغوبش للدار لقى سلام ومشا باس راس مو ودخل دوش تاني ولبس عليه وخرج عندهم وقال:ميي كاين شي غدا
مباركة:كااين حقك فالكوزينة
ناض على وعدو سخنو وحطو تيتغدا وافكر فيها واعاود...نفس النظرة ونفس الحشمة ونفس الرموش..بدلات ليام هضرتهم تاولاو تا سلام تالله مكيقولوش ليها
سالا وناض لبيتو جبد علييه
دازت يام قليلة ووصل نهار جمعة لي فيه غتخرج اميمة وزينب..اميمة منين فاقت مع العشرة وهي تتوجد وتعاود بعدما خداو موافقة فاضمة..دوشاات وتعطراات ودهنات لحم بزيت جونسون تاع زينب..دارت مااسك لوجهها وتصبغ ضفار تا دخلات لزينب شك ولايني حتافضات بتخميناتها راسها..وصلات الجوج وناضت اميمة مزروبة تتنش على ضفارها:فففف نوضي نوضي لبسي بينا نتعطلو
فةضمة:جلسو بعدا هي كولو كسكسو وسيرو وزايدون المدينة تتكون سادا وقت الصلا
اميمة:اش امي تتعرفي نتي راه متيسدووش الى سدو شكون بيبيع مع الكور
غمقات عليها بهاد الهضرة وسكتاتها ونغزات زينب لي هي تتشوف والشك داخل لراسها..ناضو لبيت فاضمة جبدات زينب حوايجها ولبسات عليها عادي ومدارت والو ولوخرا راه لبسات وتزوقاات..راسما الحجباان وجارا العينين بالايلاينر والعكر مصابباا نييت ومغطية وجهها بديك بومادا حيت فيها لحبوب
اميمة:ديري تانتي شوي تالماكياج متمشيش صفرة
زينب:(تتصايب الشال)لا مولفا بلا بيه هي ياله
بقات حداها تا صايبات راسها وشدات الريحة وبدات تتخوبها عليها خلات البيت معطعط..
خرجو عند فاضمة لي هي تتشوف وتعوج فراسها..ودعوها وخرجو بجوح ومع وقياتة تصلا كتكون طريق شبه خاويا..واميمة كتبومبا مع راساتها
اميمة:(قربات ليها باش متعيقكش)لتندمنينيش حيت جبتك معايا ازمرة..زيدي بلا منتحاشم مع سيد وهو طالبني.
زينب:لا لا مغنمشيوش منقدرش(بخوف وعينيها دمعو)واش تسطيتي لا لا ميمكنش
اميمة:(زفرات بغضب)سري انا لي جايا معااك والله
نطق صوت موراهم كان دري لي نزل من سيارة لابس حوايج عاديين وهاز تيلي فيديه عندو لحية وباينا فيه ولد بابا ماما..
..:اميمة كاين شي مشكل؟؟(شاف فزينب لي سرعان ماقلبات عينيها)ياكما صاحبتك مبغاتش تخرج معانا
اميمة:(بضحكة صفرة)لا لا اويلي ههه بغات بغات هي كانت تتسولني وصافي ههه(جراتها من يديها مزيرة عليها)ياله نطلعو
بتاسم ليهم وزينب حابسا دمعة وخايفا ماعمرها عتباتها مع شي حد غريب من غير عثمان..حل ليهم باب السيارة داسيا لور وطلعو وزينب مزيرة على يديها..كانت موسيقى مطلوقة
منصف:الشرف ليا الغزالة..شكون هاد لفنون لي جايبا لينا معاك
اميمة:(بالفشوش)هادي ياسيدي بنت عمي ههه زعما متتشبهش لياا ههه
عدنان:(شاف فيهم من لمراية)لا هههه هي بيضة ونتي سمرا
اميمة:(بضحكة صفرا)هههه ياك
عدنان:زوينين بجوحات
اميمة؛مغسي
اما زينب راه لاصقا جيهة ااباب وعقلها واش تيقوليها الى هربو بيهم حلي لباب ونقزي..شفايفها نشفو وخافت..وطبيعي راها اول مرة تزطم مع شي راجل مورا عثمان
طلقو ديسك مجهد وجمعين بثلاثهم من غير زينب لي باقي مخلوعة تانطق منصف؛اميمة بنت عمك معجبناهاش؟؟علاش مكتهضرش معانا
اميمة:هه حدودية ههه
شافتهم زينب خارجين على برا المدينة وتخلعات وقالت بلا وعي:فين غاديين؟؟
منصف:هارب بيكم ههه
عدنان:ههههه
اميمة:هههه عنداك هي تخلينا وتزيد
عدنان:علاه انا نقدر نخلي هاد.زين كولو
زينب:(بهمس)سوليهم فين غاديين راه خرجنا على مراكش
اميمة:فضحتيني تفووو جلسي وسكتي
عدنان:(عاق بيهم)نمشيو هي نتغداو اوريكاا وصافي
اميمة:(تقلشو وذنيها بالفرحة)ههه يااي ورييكة هههه
زينب:(بصدمة)اوريكاا😳😳😳اويلي
ضحكو كاملين على ردة فعلها ونطق منصف:هاد بنت عمك اميمة فشكل هههه
شافت زينب فاميمة مخلوعة تترجاها بعينيها دير شي حاجة ولوخرا مستمتعة..كرهات راسها نهار لول فاش قبلات وجات معاها كااع..نفاق كذوب وهي عارفا بنت عمها ماشي انثوية وشوف كي تتهضر وتعوج فالهضرة
سكتات ماقالت والو وقلبها كيضرب بجهد خاايفا على جهد..وهوما مزكيين وكيحاولو اهضرو معاها ومكتهضرش..لي فيها كافيها..تادمعات ومسحاتهم وتعاود دمع وتمسحهم حاسا براسها غيقتلوها وكل مابعدو على لمدينة كلما خافت كثر
دخلو لوريكا وبدات تترعد خايفا شبهاتو ببلادها
وقفو الاوطو ونزلو دراري ونطقات هي بزربة:اميمة اش هادشي(طاحو دموعها)
تبعو اميمة ساكتين وهي تتبلحس على عدنان وتعاود..ومشااو ختارو طاجين ليىبغاو ولقاو ترحيب من العاملين فيه..بالكرم تالامازيغ تاوريكة..لي كانت عامرة وفيها الناس من انحاء المغرب كاين
من المناطق لي كيجيو ليها المراكشيين بزاف باش افوجو هي اوريكة وتتكون عاامرة بجهد..خداو طبلة وسط الواد وحيدو صبابطهم الا زينب لي هي مكيدة
جلسات اميمة حدا عدنان لي شاد يديها وكيهضر معاها ممسوقش ليهم وتاهي تتفرنس ليه..فحين منصف تيحاول اهضر مع زينب لي حانيا راسها وتتشوف وصافي..كيهضر وتجاوبو ببرود ساعا سيد حالف تيهض ها وما اجمل شي بنت معفرة على دري هي لي تتحلى ليه
خزرات فيها اميمة وكلات عل خاطرها وهي تتاكل هي من العرس للعرس الدجاج ولحم..كلاو ااثلاثي وغلقوو مزياان وبنت الهم جالسا على اعصابها لا غدا تغداتو لا راحة لقاتها لا حوايج شراتهم تخوراات وصافي
غير بعيد عليهم فنفس المطعم كانو ثلاثة تطبالي ملاصقيين فيهم خمسة تالرجال..براهيم عثمان وثلاثة خرين عاطينها للضحك والنكاات ومكاين هي ضحك وعاودها..وطبلتهم عامرة فيها طباسل خاويين من شلايض كلاوهم وطاجين كببير ممسوح شادين كيسان اتاي وكل واحد تبعاود نكتة واضحكو عليها هاربين من ستريس الخدمة
ولان المطعم فيه طبالي بزاف وشي حدا شي مبانوش ليهم ..تاناض براهيم صونا ليه تيليفون باسماء وناض اجاوبها باش متسمعش ضحك واحسابها مقصر تاني ..سالا المكالمة ومع غيضور مع قشع زينب..حقق فيها باستغراب وتاكان غادي ورجع شاف فيها كيتأكد واش هي ولا لا..شاف معاها اميمة وتأكد راه هي..ستغرب ورجع لبلاصتو لقا عثمان مترع فمو لضحك..تحنا حدا وذنو وقال:ساط عرفتي شكون كاين هنا؟؟
عثمان:شكون هههه عاود عاود نوبتك لمك هههه
شاف فيه براهيم وقال:اميمة بنت شي العربي
عثمان:(شاف فيه)وايلي
براهيم:والله..مع شي دراري
عثمان:(كيضور راسو)فين فين؟؟طيارة ياخوياا
براهين :ماشي بوحدها..معاها زينب
تعقدو ملامح عثمان ونطق:بنت عمها؟؟
براهيم :شكون فنظرك؟؟ زينب
تخربقو ملامحو وتصايب فالجلسة متجاهل الدراري لي تيضحكو وقال:متأكد؟؟فينهم
براهيم:راه لهيه فداك القنت لهيه
دور راسو كيقلب مبان لبه حد وناض وقف وقال:انا جاي
براهيم:(وقف تاهو)فين غادي اصاحبي؟؟دخل سوق راسك لتندمنييش
عثمان:(عقد حجبانو)براهيم مغتورينيش اش ندير
تحرك من حداهم وتمشا جيهة الناس لوخرين وعينيه كضور من طبلة لطبلة تيقلب عليهم تا طاحت عينو الى اميمة متكية راسها على كتف عدنان لي كيوكلها الفريت
بسرعة تحولت عينيه عند زينب لي جالسة ممرتاحاش باينا هي من رجليها لي جامعاهم وصاكها لي فحجرها مزيرى عليه مكتاكل موالو وحداها منصف تيهضرها صحا
حمارو عينيه وعقد حجبانو وركز الشوفة فيها هي بضبط من بعييد..معاودش شاف فاميمة حدو شافها هي لي باينا متوترة ولكن مشفعش ليها عندو انها خارجا ولوريكا مزال ومع عزارا..ياله غيتحرك جيهتهم جرو براهيم من ذراعو وقال بهدوء:عثمان بلا شوهة تاني راه وسط النااس..دخل سوق راسك
عثمان:(مغدد)حيد علي..ناس ولا لقلاوي..اش تدير هن؟من الحمارة لطيارة هااه
تنتر منو وكان غادي لعندهم وعاود وقف فطريقو وقال:عثمان مابينك وبينها والو باش تحاسب معاها..
عثمان؛(نخرج عينيه)كاعلا يكون بيني وبينها اش تدير هناا؟؟هاا
جا بغا يدوز وحبسو وقال:اصاحبي واخا سير هي بشوي متديرش شوهة خلي النهار ادوز بخير
داز فيه وتم غادي لعندهم وشاف اميمة نايضة مع عدنان مشادين وغمزات زينب..تصمر بلاصتو تسناها تا مشات رامقها بنظرات حقيرى طاحت من عينو وبانت فيها فتاخة كان عارفها مزاكيااش مي ماشي لدرجة تجي تال اوريكا
بقات زينب مع منصف لي جبد كارو وبدا تيكمي حداها..سرع خطواتو جبهتهم ماحسات بيه تاجر كرسي وريح حداهم ببرود..
هزات فيه زينب راسها ببرود مي هي شافتو شهقات وتفزعات من بلاصتها وبانو علامات الخوف فوجهها..خزر فيها وقال:لالة زينب اش تديري هنا؟؟
زينب:هااء عع ععثماان
منصف:شكون نتا؟؟
زينب:عثماان(تتفتفت وقفات)اش نو هاا تتا
وقف تاهو وخزر فيها وقال؛وريكاا؟؟وريكاا ازينب
منصف:(وقف)شكون نتا اخوياا؟؟زينب تتعرفيه؟؟
شاف فيه عثمان مخنزر وقال:غتهز اخويا داك الكويرو وتزيد فحالك
منصف:زينب كتعرفيه؟؟
شافت فيه بخوف وعينيها بيطيحو بلابزهم:اه اه كنعرفو
طلع فيها حاجب وهز سوارتو وقال:هذا هو
تحرك من حداهم بلا صداه بلا مشااكل..ماشي نيفو ديالو ابقا اتخاصم مع شي حد وفسرها انه صاحبها وناض مخليهم
اما زينب راه كترعد وعاصرة على واحد لبولة فسروالها..تزيد شوي تطلقها تحت نظراتو لي كلها قرطااس كيسكانيها كلها هي بعينيه بلا ميحرك راسو ونيفو كيخرج منو نفس سخون..عاد كان كيضحك ومفجج وهي تخرج ليه من جنب
قرب ليها تا نيت تانبان ليه وقال:اش تديري هنا؟؟
زينب:(شافت فيه بحزن)والله ماجييت هنا
عثمان:خيالك لي هنا يااك؟؟(عاود قرب)شكون جابك؟؟
زينب:مم..مم عثماان بعد عفااك ننن
خزر فيها وقال بحرقة وغضب:انا نبعد وهاد ولد الق*** لي كان مريح حداك هاانياا ياك؟؟والله نغتفهمي ليا بالله..معرفت منين نشدك..انا صادااني وهاد.ز*** مريحاا معااه
هزات صاكها ودازت بغات تمشي تخلعات سيدةوولات صفرة تا جرها من ذراعها وقفها بلاصتها وقال من بين سنانو:وليتي تتعرفي اوريكاا وتتعرفي فين تمشي وتجي؟؟تباارك الله علييك الالة الحادكة(زير على يديها)
زينب:(توعتات)عثماان عقااك خلينيني نمشي هءهءهءهءه
ياله بغا يهضر تا جرو براهيم على غفلة وقال كيبرد للوضع باش ميعيقوش الناس:عثمان طلق اصاحبي من البنت اه حشوومة
عثمان:(خزر فيه)دخل سوق راسك اسي(شاف فيها بغل)تنتسناك نتي تجاوبيني😡😡ياله
حركات راسها المحني ودازت تابعاه وقطرات من دموع نازلين من عينيها..تتشوف هي رجليه لي كيزربو مقدراتش تشوف فيه مزال بغات هي تفك..حسات براءها تحرجات معاه
شايفها فاوريكة ومع دراري وسط مطعم اش بيقول عليها؟؟ديركت بيسميها منهم..هادشي لي طاح فبالها ولي خافت منو طاحت فيه..عندها عزيز ومبغاتش تحاشم معاه..
تنهدات وسمعات صوتو الخشن:تسناي هناا نجيب زمرر
حركات راسها وهزاتو شافت فيه عاطيها بضهر ..شافتو قطع شانطي لعند واحد سيد شلح حاط الماطر ديال صحابو نييت لي جاو كلهم فوق الماطر حيت مبعيداش بزااف..مسحات دمعتها ورحعات تلفتات عالله تبان ليها اميمة لكن مشافتهاش..معرفاتو امتا وقف عليها وفال بلا ميشوف فيها:طلعي
قربات منو بشوي وطلعات..مكمشة على صاكها مشاداش فيه..تانطق وباينا معصب وخصو هي الفرصة فين اتفركع عليها :شدي فيا لتنقلي على وذنييك
كتماتها وحطات يديها عليه وتفكرات اخر مرة ركبات معاه..داها تغداو وكان غداءزوين خلاها تاخد معاه علبه ذكرى زويينة
طاحت دمعة من عينيها..من جهة لانه خدا عليها نظرة خايبا ومن جهة حيت تفكرات الغدا وعاد طايح عليعا الضيم بصبع لي طلعات معاها اميمة والحشمة لي حشماتها والثقة لي ثاقت فيها ولعبات بيها ..تجمع ليها كلشي مع ليغيكل وكملات القضية
كتمات شهقااتها وكيتسمعو هي تنفساتها لي مخنوقة فوذنو هو لي عاقد حجباانو..محساات بيه تاوقف فجنب طريق حدا واحد الربيع وقاا:نزلي
معاوداتهتش معاه نزلات تتمسح فعينيها وتنهد..بقا فيها الحال بزااف شو فين كانت وكي ولات..معولة تقدا وترجع صدقات مشات لوريكا وتشوهات معاه
وقفات بجنبو تتحاول متشوفش فيه..لكن كتغدرها عينيها وتتمشي ليه هو لي حاط يديه على لكيدون تالموطور وتيشوف قدامو كأنو كيجمع نفس باش اهضر..وعلى غفلة ضور وجهو لجيهتها لقاها تتشوف فيه ووجها عامر دموع..كيف تعودها ديما وسرعان ماقلبات وجهها
بريق عينيك الجزء الخامس
محتوى القصة
التنقل بين الأجزاء