ضحكات بخفة والخجل مسيطر عليها..تلفات مشات وجات فسطااح وليل وهي صوت الحشرات لي تيتسمع وصوت الذياب من بعييد لبعييد فجبال لا يقطنها احد.. فالاخير شدات لارض فواحد الحجرة وحطات يديها على حنكها ومالقات متقول من غير تفافي
عثمان:(بحنان)ماقولي والو..براكا هي انا نتوحشك وهي انا نفكر فيك ...والله ازينب مكتسنا منك شي حاجة..قلبي نن جيهتك نقي
تتسمع ليه وقابها تيدير زدكلاف بااق بربلاق..والفراشات تيلعبو فكريشتها بلا الماكلة لي قربات تخراها من فرط الفرحة..اش تبقول هذا واش عارف اش تيدير فيها راه سطااها بكليماتو ومع حنين صوتو خلاها تولي باغا تجاوبوو
اما هو شاف لا رد من جيهتها عرفها حشمانة ةنطق:نطلبك؟؟
زينب:حمم اهاه
عثمان:صيفتي ليا شي تصويرة ديالك نشوفها هعهه متخافييش هي نشووفها ماشي شي حاجة
زينب:حمم عااء..ضروري
عثمان:يا تصويرة يا تحي نتيي ههههه وارحمييناا
زينب:معنديش بزااف وكثار بلا فولار
عثمان:(فرنس)مزيانة للكوكب..اريهم بلا غولار نشوف الشعر لي معصب اميمة هههه
زينب:هااء لا لا بلا فولار لا لا انا معمر شي حد شافني بلا فولار لا لا حشومة
ضحك وقال:شحال ما جلست بنشوفو بنشوفو
زينب:هههه اوا تايحن الله
عثمان:(تنهد تيضحك)الله حنين فيا بقيتي هي نتي متحنيش زعما وتخلينا نديرز الحلال ههههه راه هذا الله معاكههههه
وهاهي اليوم صورتها بين يدييه احفق فيها تا يشبع نطق كيضحك:بزااف على زيين ههههه رقي راسك لضىبك ليا شي عين ههههه مسراارة تبارك الله
بقات عاطياها هي للضحك بخجل ومعرفات باش تجاوبو وهو كيمدح فيها وبقول:لبيوضية يا خويا ودوك شفاار ..اما الوجه تبارك الله سبحان من خلقك هاكا بووكوووصة خههه شهدي شهدي على راسك لندير فراسي شي لعبة
عثمان :زوييينة بزاااف ..انا بعدا ساايتي معايا راه غنطمع فشي تصويرة خراا
ضحكات تاني وعاود قال؛ههههه هي الله يدوز هاد شهر معاك على خير ههه
زينب:صاافي ههعع براكاا
عثمان:هههه هاهو ساكت ههههه سيري تنعسي ليل هذا ونوضتي علي المااجع هههه
ضحكات وقالت؛نمشي نعس حيت بنفيق توجد للصحور
عثمان:سيري ازين ديالي سيري..رمضان مباارك
زينب:علينا وعليك
بتاسمو بجوج وقطعو مع بعضهم فرحانين هي راه نقزات من الفرحة ودارت هلى راسها شي جوج مراات وهو راه رجع تيشوف فتصويرتها بحب ويزومي عليها..مكرهش اخرج عليها ادرها فكادر اصبح عليها وامسي
كل واحد رجع لمكان نومو وتكاو كيفكرو فبعض واعجابهم لي كيكبر فانتظار الحب بشغف
****
سحور رمضان بركة..كلشي مايض كيتسحر باش اقدر اشد راسو فالنعار لي طويل ومتعب..
تصلى الفجرورجعو ناس فحالهم كاين لي نعس وكاين لي يقرا القرءان..من بيهم زينب لي تتقرا فكتاب الله شي ساعة عاد نعساات
***
بدا نهار مشحر فمراكش الشمش تكل من بعيد وتقوليك والله تتشرب..ضاربا لعباد الله فطنطون تراسهم..ومع ذلك كلشي خارج..العيالتت الكبار خارجين اتقداو لكان شي حوت اتشرا ولا شي خضرة والى ملقاو ميديرو تينقيو القمح
اوا وشباب العاطل عن العمل راه نااعس ممسوقش متيفبف تا كيقرب اطلع اوذن المغرب ..
وعثمان راه نااض خااسر على صباح حيت ممسحرش وعاد مغيشربش قهوتو..ونوضو الصهد..دوش دغيا ولبس عليه وخرج للخدمة مغوبش خصو هي معامن وريقو ناشف من دروك باقي تا مباع
اما زينب راه عندهت رمضان عادي بدوزو فدارهم مبردة من غير فريع عيشة لي نوضاتهم مع تسعود تتعاير تحلفي عليها مصايماش
ملقاتش ميساج من عثمان بتاتا وتاهي وقراتو رمضان هذا
داز نهار صعييب ومشحف عند الناس مكمل عثمان تا صافي سالا ليه جهدو فالخاطر والعيالات مسالا ليهم
وصل المغرب واخيرا وفطرو الناس وبللو ريقهم وجا وقت الصلا..بعد الفطور طلع عثمان لسطاح اكمي باش ارد مورالو..تكيف كارو وشعل لاخر ودوز نمرتخا هي لي وقرها نهار كامل حيت تيكون ماشي على برجو
وهي راه كانت باقي على طبلة حداها عيشة ورقية وولادها كينقزو..شافتو فيبرا وجمعان نوضة وقالت:نمشي نتوضا قرب العشا
مدوا معاها حد حيت الحجة واقعية سرعات للكوزينة تا كان بيقطع عاد قالت :الو
عثمان:مكنتيش معولة تجاوبي
زينب؛لا لا هي نضت من حدا مي داكشي باش(بتاسمات)لبتس عليك كيدوزتي نهارك
عثمان:مابيهش ونتي؟؟
زينب:عادي..علاش مابيهش
عثمان:ممصرحش وشحفت مع الظهر هههه وعاد مكامييش
زينب:وعلاش منضبتيش للسحور
عثمان:غضرني النعاس ووئام مناضتش
زينب؛ومك؟؟
عثمان:مي عندها سكر متتصومش داكشس باش تنصوم هي انا ووئام
زينب:اااه(بحنان)حسن عوانك بتكون عييتي
عثمات:لا ماشي شي حاجة عادي ولفت..كون هي كامي ماشي مشكل ههه وعاد السوق كيرض العيالات هههه متيجيهمش الصهد ولا شحف
زينب:هههه سلاك وصافي..نعود نفيقك للسحور
زينب:زعما تص ني عليا؟؟
زينب:اااه نفيقك واخا
عثمات:مزياانة..صافي صوني علي تا نفيق
زينب:ههه صافي واخا..
عثمان:ونتي كيدوزتي نهار؟؟كاين شي فطوور(ساط دخان)
زينب:كااين هههه
عثمان:اش وجد زين ديالي ليهم ليوم
زينب:عادي المسمن والبغرير صافي ههه
عثمان؛تشمت حنا حدهم دارو خيز المقلة ههههه
زينب:ااه مع خالتي مريضة ماشي مشكا(تنهدتت)عرفتي شنو
عثمان:شنو
زينب:واخا صمت مع مي وختي والعائلة بلاصة با خاوية والله
زفر وهو كيطفي الكارو وقال:هذا قضاء الله..الله يرحمو
وهلاقة هاد جوج في تحسن كيهضرو نورا الفطور شحال وتا فاش كيرجع من جامع كيتعشا واعيط ليها واشدو جموع بسوايع وانعسو ساعتين واوذن وتصوني عليه..
داز شهر رمضان سريع عليهم بجوجهم كل نهار ادويو تا تعمقو مع بعضهم واخا باقي الحشمة عند زيينب وهادسي لي محمقو فيها..وصل العيد وفيه كيتجمعو الحباب والصحاب اصيلو الرحم واتلاقاو
ناض عثمان على الفجر على يد مو باس راسها وبارك ليها العيد..مشا دوش ولبس عليه جبادور ازرق مغلوق مخيط بالرمادي مع بلغة فرجلو..رش ريحتو تيباان قوووق ..ولبسات مو جلابتها الجديدة وبلغتها وشالها وخرجو فاتجاه المصلى لاداء صلاة العيد
قبل مايخرج عثمان صيفت ليها ميساج فيه"عيدك مبروك ان شاء الله العيد الجاي معايا هي الله يهديك علي وصافي"
توجه فوق الموطور هو ومو للمصلى والناس خارجا لابسة مزيان ومريحة بقلوب صافية باغا دوز العيد بعد شهر العبادة..
صلى مع مو ورحعو للدار ولي دازو من حداه كيسلمو عليه واباركو العيد..دخلو لدار ودهلات مباركة عند فاضمة باركات ليها العيد وتمنات ليها تيسير عاد كلعات للفوق لقاا وئام فاقت لابسة جبادور فالاسود ومصايبا شعرها ومطلعا شفارها بالماسكارا تالفوق تتبان زويينة..
دخلات مباركة ديركت للصالون لقات فاتي ضاربة جلابة بالبوردو مضايرااش ومعرية شعرها طالقا سالف لي رداتو قهوي بارد والماكياج على حقو بلا ذهوبات لي لابسة ومعاها راجلها لابس جبادور فالبيض وحداهم عثمان ضايرين بطبلة عامرة بالحلاوي مشكليين صايباتهم فاتي وعاد الصواني منقوشين والكيسان تالفريع فيهم اتاي والبغرير والمسمن والكيكات وزيد وزيد..وانش لابس حوايجو تالعيد مبوكصاه موو
طار على مباركة بغاها تهزو ضحكات وقالت:مقدييتش شاااي ههههه
فاتي:دوز تجلس خلي مي عليك
انس :لا هزيني
مباركة؛وامريضة اوليدي
ناض حميد عندها باس راسها وبارك ليها العيد عاد هز انس مبعدو عليها ناضت تا فاتي سلمات على مها ونضامات ليهم فطبلتهم تيهضرو واضحكو ووئام دايرت ليهم عرض الازياء بحوايجها
صونا تيلي تعثمان بميساج حلو وقراه لقاه منها كاتبا ليه:ان شاء الله
فرحااتوو بزااف يعني راه مرادهم اتحقق..بغا يكتب ليها معرف ميكتب ليها حدو تيفرنس للتيليفون تانغزات فاتي مها وتغامزو عليه..فالاخير كتب ليها:امتا بترجعي ها العيد سالا
رد تيلي حداه وهز كاسو لقا فاتي تتشوف فيه زغما اش تما ضربها راسها وقال:صبغتي تاني شعر
فاتي:معلوووم هههه
اما عند زيينب راه تاهوما فاقو بكري وصلاو الفجر وبقاو تيوجدو فالفطور واحطز هادي وديك وهي ورقية مخلاو ماوجدو على قد فياسهم..دارو جوج كيكات واخا سمعاتهم عيشة طرير باش اقتاصدو ولايني تصدات ليها رقية لي لابسة اابيجامة لي جابت ليها زينب وكذلك عيشة لي حناو ليها يديها ورجليها بحنة تضالا طلسوها ليها حيت الى محناتش بتشرن
مجموعين على طيلتهم الصغيرة لي فيها القهوة والمسمن والبغرير والكيكات والفاكية مشكلة تيفطرو بوحدهم واهضرو واضحكو تا جبدات عيشة بوجمعو وقالت:ايييه الله يرحمو فهاد نهاار
زينب:امييين ياربي
رقية:شتك مدمعتيش هاد العيد ههه مولفا كل عيد تدمعي
عيشة:تبكي على عمرك الكافرة..بيتيها تبكي(طبطبات على كتف زينب)تلاعنداك ابنيتي..متبكيش هاني انا كاينا وختك وخالك كلناا هناا
عثمان:(تشتت بالضحك)هعععععهههههه بااازز والله ولفتييه هاااه
زينب"هههههههه وشنو فين بتشوفني هههه
ضحك وقال:تاتجي ونهرب بوالديك ههههه ضحكتيني والله
زينب:بسحتك الله يخليك ديما ضاحك
عثمان:بجوج ياربي..هي حني عليناا خلاض
ضحكات وقالت:عثمان خصني نمشي بيتسناو فيا غند عمي
عثمان:واخا الالة سيري..نهضرو فليل واخا
زينب:اه اه ان شاء الله..
قطع عليها خلا كمية من الاحاسيس ضارباها فقلبها..كيفاش بيرتابطو ومفهماتش فالاخير تبعات مها لي فدار خالها
لقاتها عامرة بولاد خالها وبناتو ورجالهم وعيالاتهم يعني العائلة كلها كجموعة باركات ليهم العيد وتجمعو على الفطور من جديد اضحكو وانشطو ببساطتهم ...ضحكات معاهم وفوجات تا شبعات..
جا ولد ختها كيضور عليها تعطيه تيلي حيت مولفاه تعطيه ليه انفرج فالفيدوات تا يعيا وارضو ليها..عطاتو ليه وتشغلات مع الناس تضحك وتعاود معاهم..وتناسات التيليفون لي كان ياسين تيلهب فيه براا ومعاه دراري صغار لي بحرا مالقاو فاش اتلاهاو كلشي مجموع عليه وتينفرجو فالفيدوات واضحكو واعاودوه..تا كلعو ليه واحد حيت مباش اعطيه اتفىج ومشاا تيجريي بيه وياسين تاابعووو وداخلين بين الحقول تا وصلو للواد وهو يطلقوو ليه تما ولاحو وبدا تيهرب عند موو اما ياسيين زاد تيبكي واعاود..وتجمعو عليه دراري منهم خوه ومع دار خالها قريبة للواد دغيا ساق خوه لخبار وجارو تيبكي واتنخصص..داه تالبيت ودخلو عليهم تيبكي وحالتو..قفزات رقية من بلاصتها عندو شداتو تتقلب فيه :مالك اش بيك لاش تتبكي(شافت فيحيى)مال خوك
زينب:(هزاتة وبعداتو وهو معنقها تليبكي)ويلييي برااكا
تدخلات مرات خالها وعيالات ولدها تيجروهم بغاو اضربوه على هاد الفعلة لي دار وحيت التليفون تيبان ليهم غالي بغاو اتفقصو اما مولاتو شربات الفقصة ووصلات ليها المعدة..اش دير وكي دير تهضؤ معاه ومنين تجيب نمرتو وتا حد معندو نمرتو والى عيط ولقاه مشغول اش بيقول..خافت من عصبيتو ومعندها كي تعلموو
خرجات دري مقلقة مي كالقات مدير كيبقا دري صغير ومعارفش وعاد زادها صوتو لي تيبكي واحلف ليها بلي هزو ليه..جلساتو فحجرها تيبكي وتاهي طايح عليها ضيم قربات تبكي معاه..كي دير تهضر مع عثمان وهي معارفاش تا تمرتو وعاد ولفاتو وبقا فيها تيليفون حيت مشا ولاكن ماقات مدير
كمداتها وسكتات ومقالت لمو والو تاسكتاتو وطلقاتو العب اما رقية راه تتغوت فالبيت وسلخات ولدها لاخر بدون سبب المهم تبرد سمها كون ما نااس لي فكوه منها وكينعلو فشيطان..
بتاسمات وباست راسو ومشات مخلياه كيداعي معاها..هي دهلات لدارهم لقات قباضة الرواح واقفا تتسناها تجي..شافتها زينب وهي تخرج عينيها وباقي مهضراتش نطقات عيشة لي عينيها بيخرجو بسم والغوات:دابا انا هضرتي زايدة نااقصة ياااك ..لاش مشيتي سلمتي على داك اليهودي لاخر لاااش..دويت معاك وتبريت منك على لهضرة معاه ولايني نتي متديري هي لي قاليك رااسك وكلت علييكم الله تريكة نااقصة الى بيتيه سيري عييشي معاه ونساي واش عندك مك..انا نضل نخدم وندمر نفيق فصباح نحلب البقرة ونبيع حليبها باش نقريك ونتي تمشي تسلمي على لي مضيعك فحق بااك..ليواكل ليك رزقك..مدايرا باعتبار لا انا مك لا كلامي(بدات كتبكي)هءهءه خرجتووو علي وكلت عليكم الله..متعرفو بنادم تهد ولا عياا ولا تيهز ليكم الهم المسخووطاات وكلت عليكم الله..كون ولدت شي عزري بحال العيالات كون داير ليا الهييبة خزييت
بدات زينب تتبكي مبغاتهاش تبكي وهي ماشي بكاتها زينب انما فقصة رقية حيت غوتات عليها زقللات منها قدام الناس وملقات فين تبرد سمها بانت ليها زينب لي كي الحيط الى سبتيه ميجاوبكش..وفشات فيها غليلها وحتى تصرفها جرحها حيت تتتهضر مع عمها وهي مباغاشتهضر معاه..
عيشة ترملات جوج مراات وفعنقها هي البنات يعني هي لي خصها تجري وتجاري تال اخر يوم فعمرها..هدفها ماشي تقريهم اوصلو انما اتزوجو واتسترو باش هي ترتاح..وفاش تفركعات عليها رقية حسات براسها مدارت والو فحياتها وقالت ارا نفرغ اش عندي
جات رقية لي سمعات الغوات من الفوق كانت تتنعس ولادها لقاتها منشورة فالارض دايرا فيها هبل تربح ولكن راه وصلات ليها لعظم ..وزينب تاهي تتبكي..عاوناتها تا وقفوها وهي سخفاانة ومشات تجيب الما وسكر وزينب تترعد وتبوس يديها وراسها وتطلب ااسماحة..ندمات اشد الندم انها مشات هضرات معاه
اما عيشة راه تتبكي..جات رفية عطانها الما والسكر ببرود وقالت:تتبقاي تمبشي تا كتسمعي لي مبعجبك..ياله هاكي شربي وتكمشي شوي وديها فصحتك
بدات عيشة تتحل عينيها على بوسات زينب فراسها وفيديها وبكاءها ورقية تتنكر عليها:اش مشا ليك تشوف عمها والا عمتها..تتقلبي ليها على جهنم راه عمها عمها ياهاد المرا
عيشة:(بتعب)بيت ليك شي مصيبة..عمها منيين..من نهار مات خوخ عمرو مادخل علي تا اابيض ااااه اربيي
زينب؛(باست راسها تدمع)سمحي ليااا والله منعاود بالله منبقاش نهضر معاه
عيشة؛(تتهضر بزز)الله يرضي علييك مابيتكش تهضري معاه حيت شلاهبي وكلا ليك حقك..حقك لي كون بقا كون عايشة مزياان
باست راسها ويديها وقالت:صافي منبقاش نهضر معاه هءهءهءهء(حطات راسها على صدر عيشة لي مسندة)سمحس ليااا
عيشة:الله يرضي عليييك الله يرضي عليك
زفرات رقية بقلة حيلة ودازت من حداهم مخلياهم فالبيت وحدة تتبكي ولوخرا هي تتشوف تادازت شي ساعا عاد ناضت زينب لقات مها نعسات باست راسها وخرجات مهدودة من البيت تتمسح فوجهها..داكشي علاش تغاضات نهار كامل طاحت فيه..البكا نهار العيد هو لي تتهرب منو وهاهي بكاتو..
دازت للكوزينة لقات رقية تتنقي الدجاج..شافت فيها وقالت:نعسات؟؟
زينب:(بصوت باح)اه
دازت غسلات وجهها وشللات فمها وحيدات شالها وريحات حداها بنفس ضيق مافيها لي يدوي تا نطقات رقية لي تتريش دجاج :عنداك ديري بهضرتها رىه واحد البوحاطية منها ماكاين
زينب:(بانزعاج)الله يهديك مشتيهاش كي سخفاات
رقية:انا لي تنعرفها..راه بوحاطية..متنديهاش هليها قبيلا هي طلع ليا دم وضرت فبها..شوفي تيليفون غدا نعطيك باش تشري لاخر واخا
زينب:لا لا مكاين لاش نرجع للمدينة ونشري واحد اخر
رقية:ولدي لي لاحو انا لي نخلصوو
زينب؛ياودي بلاش..مبقاش فيا تيليفون(بحزن)مشات فيه نمرة عثمان ومحافضاهاش
ناضت زينب بلا خاطر جابت ليها اش بغات ولدات تتعاون فيها هازا الهم لعثمان والى عيط اش بدير
اما عثمان راه مورا الغدا فرع تيليفونها بالاتصالات تيعيط واعاود زالقاه طافي تا تعصب وتجنن هي بوحدو..عيط عاود تاني وتيلقاه طافي وبداو الافكار تيتسللو لعقلو بانها بلوكاتو ولا طفات عليه نمرة باش ميبقاش مبرزطها بزواج
فاخر المطاف لاح تيلي على الناموسية معصب ومخنزر بيخرج ليه عقلو عليها..تشوش ومعرف ميدير معندو عندمن اسول عليها ولا يعرف خبارها..ومجاتش انزل اسول عمها..قال مع ىاسو فالعشية اعاود اعيط لتكون فبلاسة مافيهاش ريزو وداكشي لي كان بقا كيتلاهى مع الناس لي تيجيو اباركو العيد واعطيهم وقتهم واخا عقلو كولو معلق عندها..تاصلى العصر عاد عيط ليها تاني ونفس ااشيء طافي..وهنا تعصب بالمعقول وكفر عليها..تاعيط ليه براهيم اتقهواو وخرج عندو باقي بجبادور تلاقاو فقهوة فالمدينة لي عامرة بمناسبة العيد
جبد كارو كيطميه وبراهيم حداه تيشرب فقهوة وقال:وا تقدر تصاحبي تكون معندهاش ريزو
عثمان:متكفرنييش تانتا راه العشية كاملة ةانا تنعيط وزايدون بتغدا عند خالها وترجع ودارهم كلها فيها ريزو
براهيم:اوا مبقا ميتقال تاترجع وتفهم منها
خزر فيه خصو هي معامن:نتسناها انا تاتدوز العطلة عاد نفهم قففف
براهيم:(ضحك)هنهههه تتعرف داك المثل ديال عمرو حبى نهار حبى طاح فلبير هي ديالك هههه عمرك طولتي مع شس وحدة نهار طولتي وطحتي هههه طحتي فيها شلحة مقطرة هههه خرجات منك الزيت العنكورية
تعصب عثمان حيت تيستافزو بهضرتو وناض قايل:سرر مي انا لي جاي نتقهوا معاك
شدو براهيم تيضحك جلسو وقال:اصاحبي هي ضاحكينن ههههه واكون تشوف رااسك ههههه هادي الى مديتيهاش راه معطاوكش
عثمان:غندييها غندييها بحرا مابدات تترطااب وتفهم شوي اما هي هضرة جوج لا
ضحك براهيم وبقا مكلعها عليه تاعصبو ورحع للدار فحالو وتيليفونو محيدش من يديه كيكتب ليها ميساجات مرة اتعصب عليها مرة ارطب معاها والاتصالات الغير متوقفة ..عياا ومرض فمخو مفهم اش كاين..والافكار تيقولو ليه وقعات ليها شي حاجة
تعصب وطلع ليه دم على حالو ولى مهانيش جالس ةهاز ليها الهم مفرقاتش راسو ولو دقيقة..اعيط عشرة تالمرات فنص ساعة
العافية شعلات فيه تيليفونو مكيدحيدش من وذنو تيعيط واعاود واعاود..دار حتمال وقعات شي حاجة لمعا ولا مات شي حد مي شاف سقيل لتحت كون شي حاجة كون علماتهم فاضمة حيت مولفا الى مات شي حد فبلادهم تتقولها لمباركة وتخلي ليها الساروت..يعني حيد فكرة الموت
كل اتصال ليه ليها كيخليه ازيد اتعصب ودمو اغلي..تحط بين العافية وعصباتو كون لقاها قدامو اشدها اصبنها هضرة
اما هي راه تتقلي فبطاطا على قلبها فالكوزينة وملامحها مكشرين ودارهم عامرة..عندمن تغداو جاو اتعشاو بطلب من عيشة..
العيالات تاع ولاد خالها مجمعين حداها فالكوزينة بالشلحة مع رقية هلى الرجال وعلى العيالات تدوار وهي مرفوعة تتخمم ليه
تحط العشا للرجال فيه فروج كامل وفوقز البطاطا مقلية مع شلاضة صايباتها زينب..عاد تعشاو العيالات بضحك ونشااط وختموها فلخر باحواش كيضربو بيناتهم واغنيو وصوت ااشلحات الرقيق مسموع من غير زينب لي جالسة فالكوزينة تتغسل لماعن بغات تلاها بيهم وتنفارد براسها معندها كانة لوالو
غسلاتهم والعيالات باقي تيغنبو مشاو رجالاتهم وهوما باقي مجمعبن حيت شحال متجمعو وتيبغيو افوجو على راسهم فلخر صدقو بايتين عندهم
فرشو لفوق للعيالا الصفارات لي عاد.مزوجين وكلشي نعس فقنت واحد والكبار لتحت بقاو على لحتيت شحال والهضرة عااد نعسو ولالة زنوبة العافيا شاعلة فيها تتفكر فيه اش يدير الى عيط اكيد بيكون عيط
وعثمان لي بحالا فيه سهال لي خرجو من البيت لي دخلو لبيت لي داه لكوزينة..ومع العيد وهو مولف الحركة ومولفها اهضر معاها فليل وتونسو..غيرات فحياتو شحال من حاجة
فالاخير دخل لبيتو متمني ليهم ليلة سعيدة مباغيش اتعشا..مخلي فاتي تتحرك فراسها وتعاود
فاتي:هاد لولد عندك مغير والله
مباركة:معرفت ليه..رمضان كولو دوزو ناشط وتا صباح كان بخيير
حميد:واقلة شي وحدة هههه
وئام:باينا من طياارة هههه شي مرات تيبقا سهران معاها مجمعيين
مباركة :مصااب هي يكون بعدا مع شي وحدة واجمع راسو اتزوج وادير دارو
وئام:ههههههه منظنش..
فاتي:كون هداه الله كون شاف مع نوال صاحبتي غزاالة وفنة وقاريا وواعية تعاون معاه على زمان..خدامة فسونطر دابيل ومستاعدة وعاون معاه..وغزالة فنة
حميد:ديك لي تتجي كي طغريجة عهههه
مباركة:(ضحكات)هههه الله يجيب من يقول الحق
بجقات فيهم فاتي وقالت:ياكيتكم فففف مديالش اهضر معاكم بنادم
مباركة:ادخلي اتا سوق راسك هههه تعشاو تعشااو
تعشاو بالفعل وقصرو شوي وكلها مشا لدارو
اما عثمان راه خدا وقت كثير باش اغفى وهو تيفكر فيها
***
طال الغياب والمسافات طويلة
المسافة بينك وبين من تحب تخلق قصص حب اخرى
لكنها حتما تخلق اشتياقا من نوع اخر
اشتقتك حد النخاع..اشتقت لتلك الرنة الحنونة في صوتك
التي اتخدتها موسيقى لنومي
طال غيابك..وطالت معه راحتي
***
نهار جديد..ثاني عيد ومكاين تا جديد..صبح عثمان كيصوني عليها تاني ونفس النتيجة..زفر بعصبية ولاح تيلي وناض من بلاصتو معصل على صباح غسل وجهو ومشا برك حداهم تيفطر تانطقات وئام:عثمان مغنسافروش هاد لعيد
عثمان:(كيجغم فاتاي)معرت فين
وئام:نمشيو لشي بلاصة موالف تتسفرنا هاد لوقيتاا
مباركة:اييه اوليدي توحشت ختي زهور بيت نشوفها
عثمان:نقطع ليكم تمشيو غدا عندها
مباركة:ونتا؟؟
عثمان:مالي انا؟؟
مباركة؛متمشيش معانا اوليدي
عثمان:فين عمرني مشبيت
مباركة:واهي قلت مابيتش نخليوك بوحدك
عثمان:هي سيرو جلسو معاهم شوي وجيو
وئام:مممم واخا صافي ههههه نمشيو لبحر
عثمان:ولكن(شاف فيها بنحذير ودار صبعو ورا وذنيه)ها وذني منك هااه ولا هااه راه خبارك توصلني
وئام:(غوبشات)باااز والله تا بااز
ناضت من حداهم طالعا عليها مخليا مها تتفطؤ معاه ونطقات:عثمان مبرزطاك شي حاجة اوليدي
عثمان:لا علاش
مباركة:من لبارح فالعشية ونتا ماشي على برجك
عثمان:(باس يديها)مكاين والو الله يهديك
مباركة:اوا صافي..هانتا منمشي تانوجد ليك كلشي صافي
عثمان:واخا
فطر وناض رجع لبيتو تاهو رجع عيط ليها ووالو واعصاب عاد مزايدين اطلعو..اما هي راه نفس حالو وكثر ولات مهمومة وهي ساكتة عياات من كثرة التخمام وملات فالدار
دوزات نهارها مكفس مكدير والو فحياتها من غير تفكر فيه وعرفاات بقيمتو عندها..كات مفاجي عليها وعايشا على انه بيعيط ليها وتجمع معاه
***
وهاكا دازت السيمانة كاملة ..اعصاب فغضب فاشتياق جامع وفحزن اعمق..بجوح ليهم عايشين فناار كتشوي..كيضل اعيط ومملش ووالو وهي تتضل تحاول تفكر تمرتو ووالو..
سافرات مباركة ووىأم قطع ليهم وبدا تيوصي فيهم..عطا لمو الفلوس باش تقضي ودور مع وئام لي زنزنات ليه على راسو..اما فاتي راه مشات سافرات عند عجوزتها يوماين تدير صواب من تما لشمال مسافرة
وهو بقا فدار بوحدو كيلاهي راسو باشما واتلافا مع براهيم فالايام الاولى لاغير حيت من بعد سافر مع مرااتو وبقا هو بوحدووعاد مزاد تفكيرو بيها
الدار متياكلش فيها تيضل فالقهوة اكمي وارجع انعس وهاكا دايزا
اسبوع مر واليوم السبت وزينب على نفس الحالة هي تتخمم ولات بحال المقطوع عاد عرفات بحق عثمان فاش كيقوليها تنتقطع فرمضان تاهيا راه تقطعات
كانت جالسة فالكوزينة مربعة رجليها مريحة فوق خنشة معمرة بالحشايش لابسا بيجامة بوردو صبفية طويلة واصلة جيها الركبة وشعرها جتمعاه للفوق وحنيكاتها رجعو منفوخين وكيتهزو وقتما بتاسمات وتا صحيحتها رجعات بالوصفة لي تدير ليها عيشة..وعاد الصيام كيريح النفس والجهاز الهضمي وكيتنقا..
جالسة وهازا فيديها صينية صغيرة مدورة كتنقي فيها النافع وعينها حفاو ولكن صبىات حيت غتديهم ليه على حساب المعدة عاد حداها ميكة تالكامون بطحنهم بجوج...تادخلات عيشة تتنهج وقالت؛واكوااك على شمش
فحين عيشة كدات الحمام تحت اشعة الشمش وظهرها تحنى وولاد بنتها تيلعبو حداها وتجري عليهم بالعواد
زند الحمام وسخن ودخلات رقية هي لولة غسلات لولادها وخرجاتهم لزينب لي لبساتهم وغداتهم ونعساتهم
خوضات عيشة الحنة المدقوقة باليد مع تخالطها ودارتهم لزينب مع زيت العود للشعر رقدات ليها شعرها وخلات ليها شوي لعضامها..
خرجات رفية مزنكو من الحمام لابسا عليها وتتمسح فوجهها لقات زينب لي قابلاتها تاغسلات وقالت؛بصحة
رقية؛اعطيك الصحة ياله دخلي تانتي
بتاسمات ليها وبالفعل دخلتت لقات الحمام كيشوي حيت على شكل هرم وعاد منو الشمش ومكدي مزياان..حلات شوي تالخامية ممبيناهاش وجلسات تتعمر الما فتافضنا صغيرة وتشلل لحمها..طلات الحنة مع الصابون البلدي للحمها واراك للوسخ لي خرج منها..كيتفسخ ليها جلدها تا رجع حمر..ووجها تزنك..شللات واراك ششعر لي فيه الحنة وتعلك بيها منزلاتها منو تا سخفاات تما
طلات عليها رفية وقالت:سخفتي؟؟ندخل نزلو ليك
زينب:(سخفانة)فففف لا لا بتعرقي..اري ليا هي نشرب
مشات جابت ليها شريبة ومخليا ليها منين تنفس شربات ورتاحت ورجعات تتغسلو تاني تا تغسل مزيان وبقات فيه ريحة شامبوان زوينة..دوزات صابون وشللات وطرفات الحمام عاد شدات الفوطة ولبسات حوايجها فداخل الحمام مع مكاينش فين حيت جا قدام دار دوار كامل اسوفها..خرجات حمرة وكلها تتقطر بالعرق ..دخلات للدار لقاتهم بيحطو الغدا تغدات وجبدات عليه تالعصر عاد ناضت دارت كاسكروط وخرجو لارض تاع مها جلسو فيها شوي وهي بالها هي مع عثمان ومتشوقة لغدا
رجعو مع المغرب لدار وبداو تيوجدو العشا بجوجات تا دخلات عيشة وقالت:سيري جمعي حوايجك
زينب:واخا
طلعات للفوق وجبدات صاك اخر صغير فالكحل دارت فيه لي غتحتاج وخلات الباقي ومنساتش الخلطة ديال عثمان لي كي شافتها بتاسمات..توحشااااتوووو بزاااف خلى فراغ فيومها
بعد العشا تجمعات هي ختها شوي وكمخوو تاني فانتظار يوم جديد فالحياة
تسدات ترانزيت ومشات زينب مودعة بلادها الحبيبة وعينيها على مها لي رجعات ادراجها
تنهدات وهي تتفكر فاش كيتسناها متخلعاتش من الامتحانات كثرة مامخلوعا من ردة فعلو..وبالفعل وصلات للسوق ودازت شافت علي لي وقف عليها تاركبات وشدات طريق لايت اورير..منين غتشد طوبيس لسوق ربيع..
وماهي الا مسافة الطريق كانت دخلات لايت اورير وجاها جوع وقالت تصبر تاوصل لدار..طلعات لطوبيس جبدات قرعة تالما شربات وبللات ريقها وتحرك طوبيس قاصد مدينة مراكش وقليب عندها كيقول دق دق دق
كتفكر انها قربات تشوفو واقدر متشوفوش..اقدر ميهضرهاشواقدر اهضرها واخاصم عايها..بزاف تالافكار راودوها عليه فلخر تفائلات وبتاسمات انها بتشوفو
وصلات لسوق ربيع ونزلات هازة صاكها تتشوف فمراكش كي خلاتها كيبقات بصهدها وبكثرة ناسها..زيرات على ساكها ودارت يديها على جبهتها من شمش مراكش الحارة..توجهات لباب غمات باش تركب فطوبيس وديركت لسيدي يوسف
تفنات تحت واحد شجرة وبقات تتسنا شي طوبيس تاتم جاي واحد طلعات ليه لقاتو عاامر تيشوي والصهد صبراات وصبرات حيت قربات توصل واخيرا وصلات لحدا تانوية موسى بن نصير ونزلات..
نزلات من الطوبيس شحفانة تاتقااد فزيفها لي عواااج وحناكها حمريين بالزمت تاع الجو حضناات صااكهاا وعينيها كيقلبوو وباينة فييها بات غير امتا تشووفوو كتزرب فلمشية بحال الا تابعها شي حد وهي يدووب بغات امتا توصل وتشوف موطورو حدا دروج باش تفرح تاني
دازت من سوق غلا غلا من هنا ولهيه بعد سيمانة تاع العيد بداو ناس تيرجعو لعملهم عادي..
مداتها فحد وخطوة على خطوة مساابقة هي مع دقات قلبها لموطوور لي سمعات حسوو ضور تشووف وتقلب ويتهز قلبها وتلقاه ماشي هوا وترججع تزرب حتى مبقاتش كدوور وخة تسمع وعرفات بليي ماشي غير هوا لي عندوو موطوور
دارت يديها من جديد على عينيها من الشمش لي ضااربة فيها نيشاان مكمشاهم وكتنههد وشدها لعطش وفمها يبس بشحفة سمعات حس لموطوور ورااها ومدرااتش محساات تفرانا قدامها وسط السوق حابسهاا تاتخلعات ورجعات باللور وتهز قلبها مع شوفتوو لحارة والشمش حاارة كانت غتبول فسروالها من لخلعة
اما هوا سكت لموطوور كيطلع فيها ويهببط ولاقي حجبانوو ولكاسكييط كحلة على رااسو كيشوفها كيفاش صفاارت وتلوونات وبدات تفتف وهوا شلا مجامع ليهاا
تزنكات ودخلات زغبة نزلاات من تحت الزييف لي ترخاا وهوا كيديماريي فلموطوور قبل متشد فييه بزعفة ديمارا ترجعاات اللور بلخلعة غوتات بشوي:ااااه
عتمان ضور ايدو بالزربة وشد درااعها وشاافيها شدات فتيشورت ديالوو بخوف وايدو على دراعهااا شافيهاا وقال منيرفي خصو هي منين ادوز ليها:ياك تنقوليك شديي فياا
زينب-سسمحلياا نسييت
بقا كيشووف فعينيهااا وبدات ناروو كتطفى
فكلما أردت الإبتعاد عنكِ قليلاً
أيقنت أني أقتربُ منكِ أكثر
فما ذلك السر الذي يجذبني إليكِ
أهو بريق عينيك أم حديثك المعطّر
فخذيني معك إلى أي أرض تشائين
فحيثما نكون معاً دربنا على الحب يزهر
****
تحرك عثمان من وسط الناس منيرفي وهي موراه شادا فيه بيد ويد مزيرا على صاكها وشالها ترخا بيهرب..وهو راه معصب وفنفس الوقت بحالا خويتي الما على العافية لي شاعلى فقلبو عليها
كان خارج هي يتغدا فزنقة حيت دار ماكاين حد وداز من وسط السوق تا رمقها من بعييد..فلول مصدقكش دغيا شاف وقلب عينو ولكن بزربة وبسرعة البرق دور راسو اتأكد من اش شافت عينو وبالفعل لقاها هي..وياه على ثلاثة تدقات ضرب قلبو فاش شافها غاديا وسط الناس وتتزرب فالمشية وباينا عياانة محسش تا وقف عليها مخنزر تفكر اش دارت
بقا غادي بيها تا خرج على سيكتورهم بمرة ومشا جيهة الواحة فين مكاين حد حيت تقريبا وسط نهار مكاين حد..تيحس بيديها على خصرو تتحرك تتبورشو ومطمر..
دخل الواحة ووقف الموطور تحت واحد شجرة ونطق بصوت غاضب:نزلييي
تنهدات بخوف ووكلات امرها لله ونزلات كقاداش تهز فيه راسها..زعامة رمضان كاملة فالهضرة تلاشات فاش شافتو معصب هاكاك
اما هو راه نزل من الموطور وسند عليه وهي واقفا حداه حانا راسها..طلعها ونزلها وكمش عينيه وشحال توحشها وشحال زيانت..
عثمان:(مخنزر)هانيا؟؟رتاحيتي؟؟بردو ليك وذنيك مني؟؟
زينب؛(بصوت منخافض)ماشي داكشي والله
عثمان:(بسخرية)متنفهمش والله.(جرها من ذراعها وصاح فوجهها)اش قاليك راسك تا طافيا علي القلاوي ومخليا ديلمي كي الحمار تنعيط ونعيط..عاجب ديلمك تذلييني
شافت فيه بحزن تتمسكن عليه بشوفاتها مقاصدا والو هي تتحاول تهديه بنظرتها وفالمقابل عاطيهاهو نظرة حادة وجامدة ياله بتنطق وعاود قال بالغوات؛ولايني انا لي ز**** درتيها بيا المرة لولة وعاودت ذليت راسي ورجعت مدوييك
زينب:(بصوت شبه متقكع)ماشي كيما تيحسابلييك..لاح ليا ولد ختي تيليفون فالوااد وااحق الله(شافتو سكت وجمدو ملامحو بحالا كيتسناها تهضر وزعمات تاهي تشرح ليه)فاش عيطتي ليا فالعيد.دخلت عند دار خالي وبدا علي عطيه ليا نلعب بيه خرجو برا ولاحو ليه شي دري فالوااد والله...قسما بالله متنكذب مابقاش عندي تيايفوون وتا نمرتك ماحافضاهاش اما نعلمك من عند ختي
سكت كيطلع صدرو وانزل..جاوباتو بصراحة وملامحها مكيدلوش انها لفقات شي كذبة..كيف لا وهو عارفها خبز ربي فطبكوو..مهضرش ماقال والو بقا هي تيحنزز فيها وحجبانو معقودين..
رجع بلور شوي وبعد عليها كيمشي واجي كانو كيحاول ارجع راسو كالم..عطاتو سبب مقنع وتيقها حيت مكتكذبش..
عثمان؛ممم بااز والله ت باااز..خليتيني كي الحنش المقطوع لبه راسو..كفرت عليك وعقلي بغا يخرج معرفتك مزيلنة ولا لا
زينب:مقصدتش..هادشي لي كان
بقات حانيا راسها مقدراتش باقي تشوف فيه اما هو راه برد.نوعا ما وتفكر شوقو ليها..سكاناها بعينيه من راحة لي بانت على وجهها والحنيكات لي تنفخو والوزن لي بان راه زاد عليها..تنفخات وتغنجات ولات تتضخ بالانوثة بالنسبة لي كان شايف صحتها قبل..بانت الراحة على وجهها والهالات السوداء قلالو ومع تزنيكة تشمش..عشقها
نطق بصوت كالم:توحشتك
سرطات ريقها وكلامو تيطيح فوذنيها قربات سيدة تفافي ليه بلاصتها..تزنكو حناكها والعىق نازل مع سنسول ظهرها تتفرك يديها مع بعضهم..هاد الكلمة ديجا سمعاتها ولكن عندها وقع خاص معاه فاص..يمكن فتيلي كانت تتخبي خجلها وتسكت ولكن دابا واخا تانسكت متقدرش تخبي خجلها..
مداتو ليه مستسلمة نهائيا يمكن حيت رتاحت مفسيا مورا ماعاودات ليه علاش وتهنات وفرحات انها شافتو..
ياله ديمارا وقال:ياشدي لتقلبي
بتاسمات ومدات يديها شدات فيه وتاهو بتاسم فرحان بشوفتها وتحرك فاتحاه المدينة مجمع معاها:كي دوزتي السيمانة تلقاي ناشطة حيت مفرعتش ليك راسك
ضحكات بخجل وقالت جيهة وذنو حيت قريبة ليها:علاش تتقول هاكا؟؟
عثمان:وامعرت ههههه بردو ليك وذنيك
زينب:لا هههه ولفت نهضر معاك
عثمان:كون تشوفي انا..كفرت بجهد..طلع ليا دم
زينب؛سمح ليا
عثمان؛هادي دازت المرة جايا منعقلش علييك هههه
سكتات موراها مخليا السكات هو ختام هضرتهم تا دخلو للمدينة وداها لنفس السناك فاش تغداو داك نهار..حط لموطور عند الكارديان وهز صاكها ورمق سيقانها لي مزير عليهم سروال واخا لابسا شوميز طويلة تال الركبة..ميك وتمشا حداها وقالت:داك لي تغدينا فيه
عثمان:اااه(منزل لكاسكيط على شمش)عحبك ولا نبدلوه
زينب؛لا لا مزياان
شافها مكمشة عينيها على شمش وجا من جنبها سابقها بخطوة باش تدرق على شمش وقال:بتحكاالي هههه
كب ليها الما وعطاها تشرب وهي تيشوف فيها بشي شوفات لو كنتي حجر اذوبوك..مكمش عينيه وداير نصف بتسامة..كيحقق فليديات لي عمرو وتنفخو وفالوجيه لي ولى مبوكص كثر من القياس..
شافت فيه وقلبات وجهها بتضحك وقا:هي شوفي هاني مضورهم هههه
ضحكات وقرب هو جر الموني وقال:اش بيتي تاكلي
زينب :هااء لي كان ماشي مشكل
عثمان:(بنص عين محقق فالموني)الحجر مزياان
ضحكات وقالت:ختار ليا لي بغيتي
بتاسم وحرك راسو بمين شمال شوي تالعقل لي بقا ليه بطيرو ليه..حك لحيتو وقال:مكتاكليش الحار؟؟
زينب:لا
عيط لسرباي وشد على ختيارو عاد تلفت ليها حاط يدو على كرسيها وليد على طبلة وقال:ياله عاودي ليا نسمع
زينب"شنوو
عثمان:اشمن صدااع
زينب:(باحراج)بلاما تشغل راسك..هي مشاكل دار
عثمان:بيتنعرفهم عندكشي مشكل هعه صبري بعدا
شافتتوجبد تيليفونو ودوز نمرة شي حد صونا شوي وقال:أداك دحش
حطات من يديها تاهيا وجبداتهم من ساكها فسوبيرا كبيرة وقالت بحنان:هاهوما شربهم مع الحليب على ريق وقبل ماتنعس رله انفعووك
بتتسم معرف ميقول حداتهم ليه..اش هاد الاهتمام كولو والحنان خلاتو مشوكي فيها..عارفها حنينة ودايزا ليها الحنانة بزااف مي بهاد تصرف بينات ليه بلي راها عسل ..مسح يديه وشد سوبيرا بيد ومد يدو بدون شعور مسك يديها صغار بين يديه تابورشها متصوراتهاش منو..وتلاقات سخونيتها مع سخونيتو عطاتها اابرودة فجسمها..
قربها لفموو وباسها من لداخل بووسة طويييلة وقال:لهلا يخطييك علي
حسات بصهدة طالعا معاها وعينيها بغاو يخرجو من بلاصتهم..ديك شوفةباش كان تيشوف فيها مانت كتبين ليها بلي كتختاصر عندو العالم..بانها العالم لي متخيلو..حمارو حناكها وتوترات بزربة معرفات مدير
ويديها بين يديه الكبار وعلى دفء فيهم حسات بالانتماءليه
اما هو راه بلاصتها فقلبو عاد مكتكبر وتزيد..يكفي انها تفكرات انه ضراتو المعدة وكلفات راسها باش توجدهم ليه وتجيبهم خلات معزتها تزيد فقلبو وميندمش انه يكمل معاها حياتو
بتاسم ليها وبقا محتاضن يديها فيدو وعينيه كيشوفو فيها بعشق وقال:لهلا يخطيك علي
زينب:حمم(تتشوف فيه وفيديهم تحول نظرها من ليه ليديهم)شنووو
فلتات ليها بتسامةخجولة..بغات تجاوب وتعقد لسانها..كمية من الحشمة سيطرات عليها..معرفات تجر يدها ولا شنو دير كتافات انها تخليها خاصة فاش شافتو محتاويها باصرار بين يديه..حدها حكات على جبهتها بيديها لوخرا وفهم هو راسو وطلق من يدها وقال بحنان:كولي بتبرد ماكلتك وخبي هذا عندك تا نكونو غاديين وعطيه ليا
حركات راسها بالايجاب وخباتو فساكها ورحعات لاكلها لي مع فاتو كي داز..رغم ان لي طلب ليها بنين وعجبها..لكن لذة لمسة يدو كلام اخر
وهو بدورو محكرش عليها حدو كيشوف فيها كي تترمش وتعاود متوترة فالاخير خلاها تاكل على خاطرها تا سالات عاد شاف فيها كيمسح فمو وقال:بيتي شي حاجة خرا؟؟
حركات راسها بنفي ورمشات بزربة تا ضحك وقال:مالك هاكا مالكي ههههه(تقاد فالحلسة حاط يدو على فمو)معرفت مندير معااك والله هههه
ضحكات بشوي وقالت:شنو درت
عثمان:دارت لياا معااك..شنو دابا مبيهديكش الله تخليني نجي لدار
زينب:هااء داار..فين
عثمان:غينما بيتي..بيتي حتا نطلع تال عند مك معنديش اشكاال
فرنس ليها عاجبو الحال وقال بهمس وهو مقرب ليها؛نعطيك كلمة الرجال معمر شي حاجة تخسك معايا ولا نبكييك نديرك تاج فوق راسي..تا مي متلقايش معاها المشكل الله يعمرها دار
زينب:(بابتسامة حانيا عينيها)حم ان شاء الله
عثمان:هي هو ابنت الناس عندي عليك شرووط
زينب:(ضحكات)المرا لي كتشرط ماشي راجل هه
عثمان:هههههه تشرطي الالة نسمع ههههه
وينب:هههه والو
عثمان:لا هي قولي
زينب:(بترجي)قرايتي اعثمان..مبيتهاش ضييع..با كيموت ويوصي علي نقراا مبينش نخيبو
عثمان:راه متتعاود هي صلاة على نبي..هضرة وحدا بتقراي قراي ماحابسكش
زينب:اه بنقراا
عثمان:ولايني بشرط..متبدل فيك والو كي شفت كي تبقاي..ماكياج فزنقة لا اللبس قصير لا
زينب:(رمشات بحشمة)اصلا متنديرهمش هادو
عثمان؛(ضحك)هههه عرفت هي خفت اسخن عليك راسك هههه وعاد حاجة خرا
زينب:شنو
غثمان؛هادي ضرورية والى جينا نشوفو رىه طلب ماشي شرط..مي ازينب..معمر شي نهار تجي عندي وتقولي ليا عزل ليا ولا سكني بوحدي هادي هي لي عمرها تكون مي هي ليىمنخليش بوحدها..
زينب:ولش بنقوليك عزل
عثمان؛اا الله وعلم..الوقت والزمان هذاا..هذا هو شرطي..مغتلقاي معايا تا مشكل..ولكن مي خط حمر..انا ديري فيا لي بيتي عايريني ولا ضربي كاع ولكن مي خط حمر..اصلا متلقايش معاها مشكل دريويشة كثر منك
بتاسم وبقا تيشوف فيها شحال واخيرا تحقق مرادو وقبلات انها تشاركو الحياة الزوجية والحياة الابدية..واخيرا ديك لي شادا دار فقلبو وسكناتها قبلات عليه ..برد من حيهتها ونوى معاها الخير
عثمان:(بابتسامة عذبة)حشمي من كلشي الا انا..انا هو لي بيتك تطلقي معايا فالهضرة ولي خصاتك انا لول نعرفها ولي ضراتك انا لول نسيق ليها لخبار..كيما عاطيك واحد البلاصة فحياتي عطيها ليا تانتي
لمسات فكلامو الصدق وحركات راسها تترمش بزربة تتبان كي شي بنت صغيرة تتنبها مها..بتاسم وقاا؛ياله مشينا
ركب هو وطلعات موراه بعدما خشات المشقوف فجيبها تتفكر اشمن كذبة تطلق..
مشا بيها مسافة الطريق وحطها بعيد على السيكتور نزلات مد ليها ساكها وقال مساخيش:مسخيتش..
ضحكات وقالت:خصني نمشي
غثمان؛مكرهتش نديك معايا هههه
زينب:ههههه
عثمان:سيري سيري قهرتينا هي بتفرنيس مشتنا والو معاك..فليل نعيط ليك وياويلك متجاوبيش نزل نحيح على مك تما
ضحكات وقالت:صافي واخا
بتاسم ليها وقال:ديركت لدار
حىكات راسها وتمات غاديا وهو بقا واقف تا شافها عاودات دارت وقالت:ويلي نسيت العشووب
ضحك وشد ليها صاكها تا جبداتهم شدهم بحب وقال:شكرااا
زينب:بصحتك الله يشافيك
عثمات:امييين
بتاسمات لبه ومشات فاتجاه الدار وقلبها كيقول زدرقلاف اما هو مرتاح وفرحان رحع للسوق بزربة ناااشط وماشط
أناديك بشوق يا حلمي
اتشبت بك بكل جوارحي
عساك ان تكون معجزتي
**
غاديا فطريق وكتبتاسم وتعاود هي راسها..ممثيقاش انها زعماات ونفس الوقت مندماتش لسبب بسيط وهو انه كيتعامل معاها راجل ومبين انها مفضلة عندو وعندها مكانة كبيرة
دخلات مع الدرب لي دوزات فيه وقت لا بأس به..نفس الديور ونفس الناس نفس العادات..شي جالس قدام دار واخا الحرنة وشي شاد الشراجم والعزارا المسااليين قبهم راه مقنتين تحت ضليلة تيلعبو كارطا
وقفات باب الدار المعلومة ودفعات الباب بشوي باش تدق بشوب بعض الدقات..تاتحل لباب وحلاتز فاضمة بوقفنها البسيطة ووجهها البشوش بيضة وقصيورة لابسة بيجامة طويلة قهوية..وعكافة..شافتها وبتاسمات تا بانت ضرسة عقلها وبادلاتها الاخرى بنفس ااشيء..محسات تاجراتها مبتاسمة عنقااتها بحنام وقالت:اهلااان اهلاان اهلااان بزيينب
زينب:والله الى بخير..نتوما بخير كيدايرا اميمة ومحسن وعمي
فاضمة؛كي خليتينا كي بقينا
زينب:فيناهم؟
فاضمة؛باقي ناعسين حاشااك ههههه قرب العصر ايأذن ههه
زينب:هي العطلة هادي
بقاو مني منك باجموع وهضرة تجبد لوخرا..على الحال والاحوال تاناضت تبدل عليها ولبسات بيجامة مستورة ورجعات جلسات حداها..تاخرجات لالة اميمة عاد فايقا مبوقة بنعااس وكلها منفوخة مع شافتها مع شهقاات وقالت:هيييه امتا جيتي
زينب:ههه عاد شوي
ناضت عندها سلمات عليها بحرارة وقالت:لباس عليك؟؟
اميمة:(تتحك عينها وتفوه)الحمد لله..ونتي بلا منسولك..(طلعاتها ونزلاتها)باايناا بخيير
فاضمة:وا العمى..سيري غسلي كمارتك عاد جي
كشات من حداهم تتبركم وتعوج ففمها صدماتها..سيدة ربات صحة وولات زوينة مع الحنيكات..
غسلات وجهها ورجعات حداهم كي جلسات هازا تيايفون ووجهها باقي تيقكر بالما بلا داك النفس الخانز من فمها:اوا فين غبورك شتم معمرك سولتي
زينب:خسى ليا تيليفوون اختي داكشي باش
اميمة:ممم مزيان غلاضيتي
زينب:الراحة اختي وصافي..
اميمو:ممم مزيان
خرج تا محسن تاهو سلم عليها فرحان بيها وجلس مجمع معاها شوي بيظما فطر هو وختو عاد خرج تاني مخليهم هوما فدار كيهضرو واميمة بتفركع تعرفها اش دارت تا غلاضت..وهي كون جاتها فاص بتقوليها
اميمة:ممم وافقك لبلاد كون عرفت هاكا بتجي كون مشيت معاك
مباركة:(كضحك باش متبنيش ليه راه مريضة)واوليدي الله يهدينا..لباس عليك نتا بخيير
عثمان:خليك مني انا..اش ضارك؟؟السكر تاني
مباركة؛مرضي اولدي معندو دوا..شرف شرف هههه
عثمان:(تعصب)وامي لطنزيش علي..مالكي اض ضرك
مباركة؛سلامة معاك اححح سكر اوليدي طاح لياا وهلكني
عثمان:فرطتي امباركة فرطتي..اش تنوصي انا
مباركة:وا هي زلقت..
عثمان؛ومشيتب للصبيطار بعدا
مباركة:داني راجل خالتك اوليدي..الله يخلف عليه معنديش شي حاجة خايبا خصني هي نرجع لريجيم
عثمان:(زفر بقلة حيلة)كديري شي حوايج والله تا باااز..
مباركة:تعشيتي اوليدي؟؟
عثمان:(تعصب)واش وقت العشا هذاا..نتي لي مهمة دابا..غدا غداا تجييو
مباركة:ان شاء الله..سير الله يرضي على ولدي تعشا غداونصبحو تما
عثمان:تهلاي فراسك امي
مباركة:(بتعب)الله يرضي عليك
عثمان:اميين
قطع معاها وزفر بتعب..من مشكلة لمشكلة كل الكشاكل تهون وهمها كيخف الا مرض مباركة
واحد ميت ليه باه راه مو عي لي عندو وهي الواليدين عندو..
ناض بتعب وغضب توضا وصلى جوج ركعات بيدما اذن العشا عاد خرج صلى ورجع للدار لي رد البال بليرراه مكرفسة والديها..ظخل لكوزينة لقا جبل تالماعن مكركر..زفر ومشا على وعدو كيجمع فروينو باش متجيش وتلقا تمارة..غسلهم على وعدو وسعدو وحجبانو مقطبيين طالعا عليه بالمعقول..جمع الكوزينة على طريقو الرجال هي مدمقها ممتولاش..
عاد خرج حل شراجم تهوا در من ريحة الكارو على قبل وئام لي تضرها الريحا وعيا وهو يتكا علل تليق شعل تلفازة وهز تيلي ديالو صيفت ليها ميساج:نعستي
مجاوباتش دغيا تادازت عشرين دقيقة عاظ صيفتات ايه:عاد تصايبت بلاصتب ونتا
عثمان:باقي تنتفرج
زينب:تسنيتك تعيط معيطيش
عثمان:(كيكتب وحجبانو معقودين)كنت تنجمع دار غدا بتجي مي وختي
ضحكات زينب بشوي خايفا تسمعها اميمة وكتبات ليه؛جمعتيها كاملة الحادك
دار بتسامة جامبية وقال:لوااه..غسلت هي الماعن هههه
زينب:مزياان..الله يجيبهم على خير
عثمان:هي يجيو بعدا..مي مريضة
زينب(فلبلاصة)علاش؟؟اش بيها
عثمان؛طاح ليها سكر..وعيانة
زينب:اااه اوا الله يشفيها ويعافيها ميكون عندها بااس
عثمان:اميين
شافتتوتيهضر بلا خاطر وقالت:عثمان متقلقش راسك راه بيفوتها الحال
عثمان:يادلي بيفوتها ولكن تتخرج مني فاش تتمرض مرضها صعييب
زينب:ناس الكبار هوما هادوك..تيعياو هي الله يحسن العوان مديرش فبالك
عثمان:اكون خيير
شافتو بالمعقول طالعا عليه وهي تنوض من حداهم قاصدة طواليط ودوزات نمرتو بعد تردد وجاوبها فلبلاصة:مالكي
زينب:(بحنان)مقلق؟؟شوف مديرش فبالك ربي كبير بتكون هي عياات من سفر
مشات للبيت لاخر حطات كتوباتتها وحلاتهم وبدات تتجبد فلبوليكوبات والوراقي عاودات ملخصات ومفاهيم من جديد كتباتهم بدون كلل حيت قرايتها فيها الحفاضة بزااف
دارت ملخصاات كلشي من حديد باش تبقا عاقلة..دوزات شي ساعة فداكشي بلا متمل تا صونا ليها تيلي بميساج فيه:نعيط ليك
حطات الكتوب وقالت:واخا
ناضت لطواليط جاب الله ملقاتش عمها دخلات ليها وتسنات شوي وهو يعيط شدات الخط وفال بصوت باح باينا عاد فايق:تاسانو
بتاسمات وقالت:صباح نور
عثمان:صباح الحب ازين..رتاحيتي شوي
زينب:الحمد لله ونتا
عثمان:مزياان..اش نفيقك بكري
زينب"مضت تنحفض تندير ملخصات جداد باش نحفض فيهم
عثمان:مزيان..
زينب:ونتا
عثمان:انا دروك تجي مي بيجيخا راجل خالتي
زينب:اااه..فطرتي
عثمات:عاد ناوي طلعي فطري معايا(بمزح)؟؟
زينب:ههههه انا فطرت هي بصحة هههه
عثمان:متونسينش زعما هههه
زينب:لا خهه حشومة
عثمان:هههه هيوتنضحك معاك ياله سيري كملي حفاضتك
زينب:واخا متسناش تشرب داكشي(حمحمات بخجل)
عثمان:(بتاسم)واخا
قطع معاها زناض من بلاصتو كيهضر فتيلي تاني مع المتعلم لي عندو فالمحل ولي جاب باش اعاونو وكلفو هو ابقا بوحدو اليوم حيت عثمان مغيجيش
دار روتين عادي شرب داكشي لي عطاتو ودوزو بزز مكيحملش الحليب..فالاخير رحع ريح فالبيت وكل مرة اعيط فتيليفون مو اسول وئام فين وصلو..لابس شورط ولفوق هي ديباردور بيض..
تا وقفات طونوبيل لتحت ونزل كيزرب بكلاكيطتو حل لباب لقاهم هوما لي جاو..مشاف جيهة حد من غير وجه مو التعبان لي بان ليه من شرجم سيارة..تخطف فيه لون وعاود رجع ليه الغضب بسرعة
حرك راسو وشد فيديها وهي تترعد السكر لاعب ليها على الدم..عجزات عليه وياله بطلع درجة لولة عياات محسات بيه تا هزها تاشهقات ..طلعها للفوق حيت مخلي لباب محلول ..دخلها وداها لتليق تكاها فيه وهي تتنهج وتتذكر الله عياانة
عثمان:اش هاد الحالة أمي
مباركة:فففف جيب ليا نشرب اوليدي ويكون باارد ريقي نشف
تا دخلات وئام هازا اابكاج ومعاها محمود راجل خالتهم كبير فالعمر..حطو كلشي وترمات تتنهج وقالت:فغفف عيييت
عثمان:(مردش ليها لبال)فطرتي أمي؟؟
مباركة:مقديتش اوليدي..شربت زلافة تالحريرة
عثمان:شربتي دوااك؟؟
حركات رلسها بالايجاب وقالت:دابا افوتني الحاال
عثمان:(بنرفزة)الى باقي مشيتي لشي قنت بنتفاهم معاك تتندمي جد.مي لي تنخليك تمشي..تاتلقاي مابيتي
ضحكات مباركة وسط تعبها وقالت:ههه مجوج بيا ليمااك هههه
وئام:(بنص عين)مردش لينا كااع البال بااز لبنادم
دار شافيها وقال؛اش بنشوف فيك..هي سيمانة لي غبرتي ههه
وئام:مشييي
جرها من شعرها ودارها تحت باطو وقال:هاا مشي لمك انا خوك ولا صاحبك هههه
ضحكات وقاىت:طلق هههه
محمود:هههه
نتابه ليه عثمان وناض سلم عليه وشكرو حيت جابهم ومتحركش من حداهم تا ناض محمود رجع فحالو واخا عياو اشدو فيه..رجع عثمان حدا مو كيسول فيها على حالها وشنو وصلها لحالتها وباللو مهانيش
بقا عثمان حدا مو معنق وئام بيد وكيطمنو عليها تانعسات وناض هو قال:تبعيني نتي لكوزينة
وئام:ياله جييت مفيااش
رجع جرها من شعرها بشوي وقال:تغوتي نحر مك ياله وازيدي
زئام:ااحح ااهعععع تفووو لاش جبت لاش
جرها للكوزينة وبزز عليها توجد معاه الفطور لمو حيت خصها تعجن..وبالفعل وجدو الفطور بجوج وسالاو ومشاو حاطينو فالبيت حداها وبداو كيفيقو فيها تا فاقت وكلوها وشربات دواها ورجعوها تنعس
هز تيلي ودوز نمرة فاتي باش تجي تقابلها حيت وئام مغتعرفش..وقال:نوض نطل فالحانوت واحد ساعة ونجي
وئام؛صبر تاتجي فاتي
غثمان:مغتجي تال ديك جوج وعلمييني
وئام:خليتي ليا باش نعلم..اجي مال تيليفونك تاهزيتي ديالي
عثمان:(نايض ابدل عليه)بعتووو
دخل لبييت خلاها بتاكل راسها وتتغدد عليه..تبعصبها بهاد البرود عندو..لبس عليه وخرج لحانوتو ديركت لقا المتعلم مع شي عيالات متدخلش تا كمل وعطاه الحصيصة وقال عثمان:وامدخل البينكاا هااا
عبدو:هههه اوا تنتعلموو منك ههه
كان شاب باقي صغير عندو ديك 16 لعام وغلييض خرج من المدرسة وكيلاهي الوقت واديباني فلوس وباينا فيه ولد النااس ودريويش
عثمان؛(زفر)عييت معاها الله يهديها..بقاي معاها واخا
فاتي:متحتاجش توصي راه مي هادي ياله سير بنوجد الغدا
قطع معاهغ وتنهد لتعب..
اما فدارو راه كانت فاتي جالسة تتنكر على وئام لاش محبستيها لاش منبهتيهاش ووئام عاطياها مشي
وفالبيت كانت مباركة ناعشة وحداها حميد تاهو كيلعب فتيلي هو وانس وناقصين ااصوت
جمعان فاتي الدار من اول وجديد تتنكر متتحملش تشقا وطيبات ليهم الغدا..تغداو وجميد تيشكر فطيابها وهي عاد.مزايدة تطلع للفوق عارفا طيابها زوين ولكن مكيدوقو الا مرة فشحاال
فلتحت كانت زينب كتحفض من صباح تربي ومرة مرة تطل على تيلي عالاه تلقى اتصال ساعا والو..حفضات علاش قدات وعيطو ليها للغدا ومشاات تيتغداو بثلاثو بيهم تانطقلت اميمة:رجعوو دار وئام
فاضمة:(تقدمات سلمات عليها بالوجه)فاطمة زهرا بخير ابنتي
فاتي:نحمدوه ونشكروه
تقدمات تا زينب تتسرط ريقها تحنات سلمات عليها ولوخرا مطلعا حاجبها ونافخا ريشها وتتشوف فيها من التحت..مهضراتش زينب كتافات تسلم على وئام واميمة وباست راس مباركة لي بسيف باش كدوي
جلسات فاضمة نتسول على الحال والاحوال ومباركة تتجاوبها بشوي حيت عيانة..وفاتي تتشوف فزينب وتطلعا وتنزلها
فاتي:وا الله يعاونك ولكن نصيحة مني انا..راه فهاد البلاد واخا تقراي تاتعياي الى معندكش مك فالعرس راه متخدمي مديري والو
زينب:كيفاش مي فالعرس(قالتها ببتسامة)
فاتي:واعاودو ليا عليك قراية متسحابنيش بتكلخي فهادي..ولايني معليش انا نشرحها ليك(حطات رجل على رجل)مك فالعرس هي عندك شي معرفة صحيحة ولا راه متحلميش تخدمي
زينب:ولكن راه كونكورات دولة تاع تعليم مافيهمش داكشي
فاتي:(ضحكات باستهزاء)اشنااهووو؟؟كلشي فهاد لبلاد بالمعرفة والى كاع تقبلتي بيرضووك منين جيتي تقري فشي ثلث خالي من دنيا مافيه لا ما لا ضو بحال عندكم..فيه هي البشر لاغير
اميمة:اربي لما قوليها ليهم..تيضلو فاضحيني بالقراية
فاضمة:ولاكن القراية زينة حنا لي مقريناش مطيسناهش
فاتي:كي شتي نيت حنا لي عارفين وواعيين راه طفرناه..نجيك من لخر المرا بلاصتها تزوج وتبرع فخير راجلها اما القراية(شافت فزينب)ماعندها فاش تنفعك هي تزوحي حسن ليك ليفوتك الكار
زينب؛هاء باقي الحال..وقتما جا رزق مرحبا
فاتي:اوا رزقك جا تال عندك والحمد لله صدتيه ومعرفنا علاه ولا كيفاش..
دازت من حداهم وحلات الباب مخلياهم معجبين حست ناضت على غفلة..هي سدات الباب ودارو دموعها سررر على حنوكها...نزلات تتزرب للتحت وتتبكي..ممصدقاش اش سمعات..من ختو يعني الهضرة صحيحة..معرفات باش تبلات وولات دنيا تتبان ليها تضور..متيقاتش علاش هادشي كولو
دخلات للدار ومشات للطواليط خافت اظخل شي حد وبدات تتبكي وتشهق..دايرا يديها بين وجهها وتتبكي وتنخصص...صدمها وصدمتها كانت كبيرة
صدرها طالع نازل بشهقة والدموع دغيا عمرو وجهها..ممصدقاش اش سمعات..
فكات شال عليها ورجعات تتشهق تاني وتنخصص بوحدها..لي رتاح ليه قلبها تيقلب اتزوج وهي زعما لي عطاتو قلبها ورتاحت كعاه
شويا ها تيليفونها تيصوني فصدرها عرفاتو بيكون هو..جبداتو شافت الابيل وبقاا تابكي بغات تقطع وبغات تجاوب تستفسر منو ولكن صدمتها مخلاتش ليها الحيل ولا القدرة باش تجاوب
قطع وعاود صونا وهي تتنخصص وتشهق ودموعها نازلين بغات طرطرق..عاود تاني صونا من جديد تا عصباتو وحبس من تعياط ..رجعات تيلي لصدرها وحطات وجهها بين يديها ورحعات لدموعها ماهي الا دقائق حتى سمعات الدقان مجهد فالباب..قفزاات وناضت تتفتفت وقالت:بللتي
عرضات وجهها بزربة للروبيني غسلاتو ونشفاتو وصايبات شالها على راسها بشوي..نشات بيديها على وجهها واخا باقي فيها البكية وخرحات من طواليط وقالت بصوت منغنغ:شكوون
مجاوبها حد ومع العلم الباب محلول مسدود هي ديال الزنقة..حيدات الخامية وشافتو هو لي واقف مخنزر وعاقد سبعة فربعة ياله بيبدا اهلل عليها ساعا صقل ملي شافها تتبكي..وعقد حجبانو اما هي خرجات عينيها لي عامرين بدموع وفور ماشافوه بداو تيطيحو طيحات ليه العجب
عتماان وشد جبهتوو مكرهش ينزل يصبن ختوو على هدشي لي حطاتو فييه عيا يبرد وينيي مقضا والوو ورجع قال:يهاد لبنت سكتيي من لبكا سكتييي
زينبب:(بصوت باح وعينيها تيبريو بدموع)اصلا كنعرف هي نبكيي يا كنتا لي قلتييها هء ءه تقت فييك ا عتمااان
عتمان(جرهااا على غفلة معصب تشهقاات وزداها مع لحييط بلقاات عينيها فييه ودمووعها نازليين بلا صووت و خنزر فييها)شوفيي فييا واش تنبان لييك ماشيي راجل بااش نلعب ب بنات النااس هي جاوبيني كيتنبان لييك ولد لحرام؟؟
زينب مع نفسوو لي كضرب فيها وسخونيية لحموو وصلاتهاا بلاا قفزهاا ملي كيغوت حتى كتغمض عينيها ضربت الطم وقالت تتفتفت:ولكن خخ
عتمان:(قاطعها)ختي ولا زمر دغيا عطيتيها لبكا بلا متفهميي اش وقع ....سوليني وقولي ليا افلان واش هدشيي بصح ماشيي تشعلي فديل مي لعافيية ونتي تاتبكيي ضراتك شي حاجة من جييهتييي جيي قوليها فوجهيي ماشيي تطلع لميي لقردة ونبدا نفرع لبيباان على لبشاار بااش نلقااك تاتبكيي
هبطات رااسها كتشهق وتمسح فعينييها ودموع مزاال هواادييين وهو زفر النفس مغدد وشفاتووو حالتها وبكاها وقال :تت ففففف زيينب (برد وصوتوو نخاافض)شش صافيي
هز ليهاا راسها بصبعوو من دقنها وليد لخرى هزها بعد ايدها على حنكها وبدا كيمسح دمووعها بضهر ايدوو بحنان وعينييه بيااكلوو وجها
عتمان:بنكوون ولد لحراام لبدلتك نتي..(سكت تيشوف فوججها) راه وليتيي عيني باش تنشوف ازينب(سكتات تاتشهق وترخات مع لمستو وتكالماات)عرفتي نتيي شنوو ها... نتي لمسرارة تاعتي (ضحك بتقاالة بلا صوت )ششش صافيي
بورشات وكرشها ترونااات بكميية لكلام لي تقال دابا شداتها الساكتة... وحلات ليها لهضرة فحلقها اما قلبها معالم بييه غير الله عينييها ولاو كيرمشوو دغيا حطات ايدها بجوج مسرحاهم على لحييط ليفشلو رجليها وتجيي كالسة
كمية من الرجولة تدفقات قداامها.. محاصراها ممخليهاش تشوف فشي بلاصة خرا
هز لييها وجهااا وتقابلوو لعينيين.. عينيه تابتيين فيها فيهم نطرة حنونة.. قرب وجهوو ليهاا تولاو مشاركيين نفس واحد..تقدم بشوي باسها فجبهتها لاعب على توازنها وهوا شاد حنااكها ومسييطر علييها هابط بشفايفوو فوق حواجبها وعينيها كيرجفو مغمضيين طبع قبلة علي عويناتها بججوج وكل عيين عاطيها حقها... حط جبهتوو على جبهتها مغمض عينيه وساط نفس سخوونة من نيفوو
بعد اييد من حنكها ونزلها تاشد يدها وطلعها بشوي حطهاا على قلبوو وقال:هاد لقلب راه فيه هي نتي
زينب:(كتشوف فااص لايدها لي فووق صدروو كتسرط فرييقها لي نشف ولبوولة باغة تنزل مع رجليها)ععع ..عتمان بيشووفنا شيي حد
عتمان:يشووفنااا لي باايشوووف وااش مسمعتينييش ولااا وكنبغييي طواسل مك..وتنبغييك ازمر
بريق عينيك الجزء السابع
محتوى القصة
التنقل بين الأجزاء