فاضمة:والى قالها راه بصح نييت داك سيد معقول ومعمرنا شفنا منو لعييب..
زينب"اه داكشي
فرنسات فاضمة:ودابا هي شس عراسية
زينب:هههه اه هههه بيت نقولها ليك نتي لولة عاد نعلم ايناا
فاضمة:اش بنقوليك انا منزيدك هي الخير والاحسان..وكون كانو نااس خايبين منخليكش..هو مو الله يعمرها داار مرة تعذبات مسكينة الى مقالت زينة متقول والو..
زينب:وخواتاتو
فاضمة:اودي وئام راه تتشوفيها بحال اميمة طاايشة وجيب يافم وقول متتسوقكش ولاكن مربية..تتحشم مني انا بعدا ولايني فاطمة زهراا ماعندي مانخبي علييك راه شاطا ماطا من دوك سبتياات القدام راه كلشي عندها بنفخة وتنطاار وحاسبا راسها معرت اش
زينب:نااري(بخوف)عنداك تكون قبيحة معايا
فاضمة؛لا لا هي ماشي شي خايبة ضريفة ولكن قااسحة بزااف..اودب نتي اش بيتي فيهم هوما..شوفي المهم لي هو الراجل الى كان معاك هو مزياان ماعندك منااش تخافي..نتي نقية وجاب ليك الله زهر نقي لي نصحك بيه احال ميمتك قرااي ومتفرطيش فيها راه دنيااا هادي
زيني:ااه اه نقىاا تاهو مبانيش نجلس
فاضمة:ونتي فين هضرتي معاه
خرجات زينب عينيها وتلونات عاد عاقت اش قالت..وبدات تدخل وتخرج فلهضرة معرفات باش تجاوبها..وهي تنطق فاضمة تضحك:ههههههههه واشوف ليك البنت هههه هضرتو ودويتو وحنا لخرين لي نعرفووو تسيق عيشة لخبار تدفنك
زينب:خءءء لا لا هير هوو
ضحكات تاني وقالت:اودي راه هاد جيل ماشي بحال جيلنا..كنا حنا ديك ساعة متنشوفو رجالنا تاليلة العرس تا كيدخل علينا للبيت ههههه(حشمات)دابا كلشي ولا بالعلالي ..تيزكيو الامور عاد اجيو اعلمو والديهم خههه
زينب:(تحرجات)لا لا ماشي هاكاك والله..مهضرناش بزاف دوينا شي مرات فتيايفون وشرح ليا وقاليا باقي باغييك وصافي..وملي شرطت عليه اش بيت قبل
باس راسها وغطاها ومشا ارتاح ليه مع راسو وطاح دودة حيت عيا مع دار بزااف اما مباركة راه بقات مبلقة عينيها تا دخلات فاتي هازا كاس تالحليب دافي تتنهج مع ثقلات
رجعات جلسات حدا مها والسم تيتقطر منها:مزيان تبارك الله صمنا تا صمنا ونفطرو على بصلة..ترضاي؟؟ترضاي تظهلي لدارك وحدة مباتش ولدك فلول ؟؟علاش زعما عاد بااتو؟؟
مباركة:داك سوق ماسوقكش هو باها وانا ماعليا هي نمشي نخطب ليه زنجيبها ليه
فاتي:(خرحات عينيها)والله لكاامت ليكم بالله..هاديك هي لي مدخلش عروسة لدار باا..صفاات على قلة الينات هو غزاال وتيفتن واجيب وحدة بحالها..نم الكحل متتعرف تا تلبس منهار جات وهي بلبسة وحدة حقضتها بيها..ووجهها صفرر
بقات مباركة هي تتشوف ففاتي لي تتهضر بحقد على زينب بحالا واكلة ليها رزقها وقالت مصدومة:اش هاد الهضرة افاطمة زهرا؟؟رجعي لمولاك اش دارت لييك لبنت فين عنرها دوااتك كااع
فاتي:(رفعات صوتها)متنحملش لي تيففص ليا مي..متنسايش هي لي رداتك وخيباتك ومباتش ولدك..وخسرات فيك الفرحة وتجي درووك تقبل؟؟
مباركة:شوفي مايجيك ملييح وسمعيني هاد سوق خرجيه ودهلي سوق جواك ديها فكرشك وفهمك وراحلك وولدك..وفوتي عليك خووك لي باها اجيبها سوقو هذااك..
فاتي"انا هادشي مموافقاش عليه..وديك لبنت ماهيا من سهم عثمان ماهو من سهمها..وتضل ساكتة مرتاحيتش ليها
مباركة:اش اتا مشا ليك الى سكتات ولا هضراات
فاتي:دوز على لواد الهرهوري مدوز على سكووتي..مزيان تبارك الله كبرنا شان لبووجعراان ترجل ولدك تاعياا وفلخر طيحات ليه شلحة كوااريه وخلاتو اعاود اطلبها مرة خراا
مباركة:(مبقاتش قدات تستحملها)متنسايش الالة الفاهمة تا نتي مابيتيش حميد نهار لول ورديتيه ولا نتي بناظم وهي لا
مباركة:لا لا هذاراه فاات لوحم لهيه..بزااف وااه واناهيا تختي لي بيتي لخووك
فاتي:هءهء غزلان صاحبتي..هي لي تصلاح ليه
مباركة:ديك المونيكة..تتقلبي على خليان العش..نجيب لولدي بنت تضل خارجا كي طعريجة خص هي لي يضرب فيها..تا صواب مافيها بحالك بحالها مقابلة خي كمارتها ويديها..نوضي فحالك(تغطات)سيري تنعسي لتفقصنيش
فاتي:(تتغبن)يااك بااك امي يااك تتجري علي😢😢😢واخا سريي وعقلي عليها الى متخرج فيك الشيب راني بنت الحرام..الى متلوحك لبراا وتحكم فيه كي باات راني منسوااش
شافتها غمضات عينيها يعني مشي وناضت من بلاصتها تتمسح فدموعها لي على سبة بسباب الحمل وجنها جاها على زيينب متتحما تشوف فيها ومعارفاش علاش حيت مدارت ليها والو
خرجات برا معسات حدا وئام ودمعات شوي
****
الصباحات التي تبدأ معك
تستحق مساءا بحضنك
***
فاقت زينب بكري كيف عادتها مرتاحة قضات روتينها الضباحي ومشات للمحل ناشطة بعدما كتبات ليه ميساج فيه صباح الخير..وهو الاخر ناض وشرب قهوة وخرج لخدمتو وكيهضر معاها ميساجات
دوزو نهارهم عادي تالعشية والاتصالات مقطعاتش بيناتهم..رجع عثمان فالعشية مسخسخ للظار دخل لقاهم كلهم تاحميد..سلم عليهم وريح عياان
مباركة:عياات اوليدي؟؟
عثمان:بجهد..ضربني اابرد واقلة
حميد:اابرد فشهر ثمنية
عثمان:(كيقيس فراسو)اححح واقلة مع تندوش ونخرج
فاتي:ضاربك الله وكان(قلبات وجهها منفخة)
شافيها بنص عين وسكت معرف مالها ومعندو خاطر اعرف..تانطقات مو:نوض اوليدي تكا وكول ليك شوي نصيفت وئام تحيب ليك سبيجيك
ناض هاظ سوارتو وقال:لا متخرجش انا نزل نجيبو
وئام:نننن
خرج من دار يادوب كيحل عينيه ونيفوو مسدود بسخانة..عرف راسو شرب البرد..خدا سبيجيك من الخانوت وتم راجع ياله حل لباب لقاها خارجا من داار..تعجب وقال:مخداماش؟؟
هزاتوعينيها فيه مع مشافتوش وقالت:هء خلعيتين لا سيدة مولات المحل مرضات مها ومشات تشوقها تالغدا وترجع
عثمان:(بابتسامة)مزياان ترتاحي شوي
شافتو ماشي على برجو وقالت:مالك؟؟
عثمان:عيان شوي
زينب:(بقلق)مالك؟؟ضربك البرد
عثمان:ممم واقلة(عطس)الحمد لله
زينب؛رحمك الله..فرطتي؟؟هانتا طلع كول زشرب شي كينة وافوتك الحال
وراها الساشية وقال:نشرب هادي ونعس(عاود عطس)
زينب:(تخلعات عليه)لا لا بزااف..رواح دابا فهاد صهد
عثمات:ههه واش فيها؟؟سيري تساراحي وكاان
زينب:بلاتي بلاتي شوف الى عندكم المخينزة ديرها مع الحامض..ولا عرفتي شنو قهوة مقطرة مع الحامض وافوتك الحال..ولا حسن نقلب على لخل لبلدي عند لالة ونعطيه ليك ذهن بييه تيحيد سخاانة
بقا واقف مكوانسي تيشوف فيها كي تتهضر..فتات عليه ربعة تالوصفات دقا وحدا ههه ضحكاتو وبان فيها بريق الخوف عليه مكرهاتش هي لي تقابلو..ضحك وقال :اوا وشكون ادير هادشي كاملو؟؟
زينب:هاااء اه اه شكون اديرو..عانتا الخل دهن هي رااسك افوتك الحال ومتبقاش تدوش فداار
زينب:هءءء(شافتو قرب وتخلعات)الله ينجيك اش هاد الفال؟؟
عثمان:(باقي مبتاسم وعينيه ناعسيين معسلين بالمرض)فال زين الى بنقابليني فييه
زينب:هءء
عثمان:ههههههه تتطرطقيني بصحك هههه
قرب ننها معسلين عينيه وجرها من راعها تا جات قريبة ليه..عينيهم فعنين بعضهم وتلاقا بريق عينو مع جمال رموشها..مع تنفساتو الغير منتظمة وعاد هي تترعد مبقات عرفاش اشدير خافت اخرح شي حد وفنفس الوقت قلبها كيقول زدرقلاف
زينب:هءء عثماان
عثمان:(غمض عينيه وحلهم بحالا وعا)غبري لناكل مك هنا
خرجات فيه عينيها مستغربة من كلامو لي مفهماتوش ولكن ملامح وجهو باينا فيه سرح فيها سيد ومكرهش اشدها تماا ميطلقها..ولى على سبة معاها هاه ولا هاه تيقرب منها وانعل الشيطان
زينب:هء هء سير شرب دوا(بتوتر)ونعس نعس صافي
حرك راسو بالايجاب وطلع بعدما غمزها مخليهل تبيض فعينيها..
دخل لدارو لقا الماكلة محطوطة بدا كياكل وعينيه معسليين وفاتي شاعلة فيها العافية وهي تتسوط بصهد تاعيات ونطقات تتصطانع البرود:عثمان سمعت شي هضرى اخويا
عثمان:(كياكل)اشمن هضرة؟؟
فاتي:بصح بتزوج
توقف عن الاكل وقال:ان شاء الله
حميد:(فرح)واايليي اوا مبارك ومسعوود
عثمان:براك الله وفيك اخويا
وئام:هههه شكون هادي
مباركة:زينب
فاتي:بصح اعثمان؟؟
حرك راسو وقال:ممم اه
فاتي:ومالك اخويا مبانت ليك هي هاديك
هنا دور عندها راسو وقال:علاش مالها؟؟
فاتي:(بنفخة)كلها مايلة..واش تخويا وحدة رافضاك فلول ومباتكش وجرات على مك وتعاود تمشي تخطب فيها
نقز حميد:ونتي اش مشا ليك
خزرات فيه وقالت:دخل سوق راسك نتا
عاودات رجعات لعثمان وقالت تترطب الهضرة"لاش اخويا تكبر ليها الشان وهي رافضاك..نتا زوين ودرب كولو تتعجبو شوف ليك شي وحدة من مقامك وتجي معاك
عثمان:(عقد حجبانو)ياكما انا وزير ومفراسيش..مالها زينب؟؟كيجاتك؟؟
فاتي:فففف ماملهاش..محاملاهاش..ماشي هي لي تليق ليك ولا تجي معاك
عثمان:علاش بسلامة؟؟(عطس)
فاتي؛هاكاك..ماشي من مقامك وصافي..ديك سيدة بداك سكات لي فيها ساكتل على شي موصيبة..وحدة مباتكش فلول علاش تبيك موراها مغتبيك تاتكون نيت عندها شي سبب
عقد حجبانة كثر وقال:سمعيني مزيان افاطمة زهرا وديري هضرتي فوذنيك مزياان..انا جيت قلت بنتزوج ماعليك هي تفرحي وتسكتي..اما شكون هس ولا علاش هي ماشي شغلك هذااك..انا لي بنتزةج بيها وانا لي بنعيش معاها وهاديك لي معاجياكش انا عاجبااني ومرتاح معاها(هز حاجبو )شي حاجة خراا؟؟
خزرات فيه وشعلات وهي ترفع صوتها:واش حماقيتي مبانت ليك هير هاديك تاخدها..على قلة الينات..كلها مافيها كرام تزيين وعاد مضبعة وهي تدمع مالك على حالتك..الى نتا بدير فراسك ضحك والله منخلييك ديرو
حمر فيها عينيه ممصدقش هضرتها..اش تتخرج على فمها واش تتهضر من نيتها..نطق مخنزر:نهار تعاودي بحال هاد الهضرة غنسا واش نتي لي كبر مني(هز سبيجيك)هضرة الحبسس
زاد وخلاها تتبخ بوحدها وعينيها بيطرطقو بالغضب..تعصبااات بجهد وموضوع ماستاحقش..
حميد:(بجدية)شهاد الفعايل؟؟اش مشا ليك نتي لي باها يجيبها
مباركى:سيري ياهاد البنت الله يعطيك الحلاقم تولي تهضري بصبع ان شاء الله اشكوو متتبيش تدخلي سوق جوااك..
وئام:ضاهر ليا وحمك جاك عليها هههه
خزرات فيهم كاملين وقالت:سعداتكم ببرودية قلبكم ولايني ياربي تحضرني نشوفها دايراكم تحت السبااط ونتشفاا فيكم..راه قالوها(تتهضر بجهد باش اسمعها)دوز على لواد الهرهوري مدوز على سكووتي..
مباركة:(بعصبية)دخليي سووق راسك وهاديك عي لي بتكون ليه مرااا
فاتي:اوا اختي سيري خطبيها ليه بوحدك اما انا والله لحطيت يدي فهادشي واخا نعرف نتعلق من شفاري
ناضت تتبخ دم وتسوط هي بوحدها ومعرفوهاش لاش تديؤ هاد الحالة كاملة..وعلى زيني عاد..بقاو شي تيشوف فشي فلخر نطق حميد:الحمل لي داير ليها هاكا واقلا ولات على سبة
شرب عثمان سبيجيك ودخل للبيتو تيحاول اتجاهل هضرة لالة فاتي لي بخات فيه سم..خلاتو اتنوا وادخلوه شكوك حول علاقتهم من هنا المستقبل..خاف على زينب مم ختو..عارفها دريويشة وختو تطيير تقدر تقول ليها شي حاجة
تلاح فسريرو بعدما بدل عليه حوايجو بقا بشورط بوحدو..جر ايزار خفيف ونعس من فرط السخانة ونيوفو مسدودين
اما فاتي راه تضرب فالماعن وتحط وتضرب معصبة منو وتتنكر جنونها مباوش زينب طارت معزة نزلات معزة ماباتهاش
اما مباركة مخنزرة وتتفرج تتفكر كيدير تعيط لفاضمة تا شافت فوئام وقالت:وئام نزلي لتحت عيطي ليا على لالة فاضمة
وئام:اش بيتبها؟؟
مباركة:نزلي بعداا
ناضت تاهيا على نيتها نزلات لتحت وكلمات ليها فاضمة لي طلعات معاها نيت...
دخلات مبتاسمة وقالت:شارفا
ضحكات مباركة وقالت:الشابة هههه زيدي زيدي
مشات سلمات عليها وعلى حميد وناض هاد الاخير اخليهم على خاطرهم..
بقات هي وئام ومباركة وهي..وبدات مباركة تتهضر بعدما شولات على الحال والاحوال:اوا شبنقوليك..عيطت ليك تاني هاد المرة على ود زينب تاني ههههه راه لصق عليها عثمان وعاود تاني وصاني علييها تهضرو معاها
حركات وئام راسها لي سمعات نض الهضرة وناضت عند فاتي للكوزينة لقاتها تتغسل لماعن وقالت:عييتي متغوتي وتنبحي وهاهي دوات مع فاضمة وبيمشيو اخطبووها
فاتي:امشييو والله انا لحطيت قدامي معاهم مزياان تبارك الله نمشي نخطب فديك الزمرة لي تا الهضرة متتخرج ليها مسكدة
وئام:أبااز اختي ههه تتقهريني فاش تتقولي لا زين لا مجي بكري واش عمية؟؟ولا كتتشوفيش..واهي كلمة شلحة تعطيم العربوون شتي شلحات كي دايراات بزين
فاتي:(بنرفزة)سيري الله يرحم باك فحاالك لتعصبينيش تانتي..الى زوينة بزعطاا عنداك هي تجي تشكااي علي فاش تبورد علييك هي ديري بايباي لخووك احبيبة هاديك بتجي بدير فيه مابغاات..خوك خوك نهار تحي مرات خووك متيبقاش خووك
وئام:مالي اختي انا حيط قصيير راه تانا بخبيزتي..وزايدون مابيني وبينها هي الخير والاحسان نهار تبورض علي نعطيها علاش تتقلب..مشات معايا مزسان نكون تانا مزياانة..خوي رااسك افاتي راه بغاها هي بغااها
فاتي:تبييهم الموت بجوج خظييت(بهصبية)دابا يرجع على كلاميي
وئام:مسحي مسحي هههه
خرجات مخلياها بتاكل راسها فحين لوخرا رجعات عند مباركة لقاتها باقي مجمعة مع فاضمة من هنا ولهيه واهضرو فدين والدنيا وشوي تنميمة
اما سيدي عثمان المفضل راه ناعس والسخانة عاطيااه شحط مفاق هي على لبرد لي جاه حل عينيه بمشقة الانفش وناض بثثاقل وعظامو ثقال عليه باغي هي بنعس مي البرد والتبوريشة لي فلحمو مخلاتوش ابقا..جاب مانطة وتغطا بيها ورجع نعس تاني جهد شي ساعة تا فيقو تيلي تيفيبري..حل عينيه بصعوبة ومقادرش اهزوو..مد يديه شاف نمرة لقاها هي..دوز الخط وحطو على وذنو وقال بصوت عيان :الووو
عثمان:زنوبتيي..راه مواقع والو..نعس نولي بخيير مديريش فبالك
زينب:ممم واخا ياله سير ترتاح
عثمان:بسلامة
قطع معاها وتلاح تاني نعس مكمش فالمانطة وغط فنوم عمبيبق تيقلب على الراحة
اما هي راه ضرها خاطرها عليه ومكرهاتش تطل عليه وتشوف مالو..اش ضارو وتداويه..بحكم انها بنت البلاد.كتعرف تصرف فهاد المواقف ..وعندها ديما حلول بيتية الى تريطات كااع راه بتدمق بالعشووب..بقات شادا تيلي فيديها وتمشي وتجي فطوااليط تاعيات وخرجات وجهها ممرتاحش بتاتا عليه..مقلقة وحاسا براسها ناقصاها شي حاجة
مخنوقة ومرضو واخا خفيف محبوس فحلقها..
وبان فيها القلق تاسولاتها اميمة:مالكي
زينب:هء والو
مباقيش سولاتها وتلوخرا مهضراتش بقات هي تتشوف وتسها وتخمم فيه..هازا الهم وعقلها منعاهاش بلا قلبها لي كيضرب على جهد
**
يمكن ان اعرف الانتظار
انه وقت كنت فيه انت بين مقامين
وانا انتظرك..انتظر وانتظر وانتظر
ثم انفجر
انذاك كنت غير مدركة لما هذا العنفوان ولما هذا القلق
***
خرجات فاضمة من عند مباركة فرحانة مقاداها فرحة نازلة وتفرنس..دخلات لدارها لقان العربي شاد القناة تمازيغت فيها شيخات زيان وحداه زينب واميمة..
جلسات مبتاسمة وقالت:العربي شد ليا نمرة عييشة مت زينب
تصايبات زينب فجلستها وقالت:علاش الالة؟؟
فاضمة:الخير الخيير..اوا ارى نتا
مد ليها تيليفون نوكيا وقال:هاكي عطيها لزينب تشدها ليك وتكايسي راه فيه هي عشرة درااهم
فاضمة:نحمدو الله ونشكروه..واسمعيني مزياان رله معنديش تعبرة(تعبئة)راه زينب جاو فيها شي ناااس وبيناك تجي لهناا
خرجات زينب عينيها غيرمصدقة اش قالت وتا العربي نقص تلفازة واميمة حطات تيلي وبقات تتشوف فيها اش تتقول..فحين هي كملتت:اييه جي جي المعقوول ان شاء الله..هي جيي
عيشة:(بفرحة)صافي هاد لياام نزل ههه ياله الله يعاون سلمي عليهم
فاضمة:مبلغ ههه الله يعاون
قطعات معاها ورداتو تيلي لعربي لي كان تيشوف فيها تيتسناها تشرح
فاضمة:(ميتاسمة)مالكم تتشوفو ياك لبااس؟؟
العربي:شوفي نتي؟؟اشمن زوااج
فاضمة:البنت جاها رزقها فوقنا..
شاف العربي فزينب لي بحالا شديتي سطل تالما خلطتيه بصباغة حمرة وكبيتيه عليها..كلها حماارت وتزنكاات حمشاات بالمعقول اما اميمة هازا حاجبخا تتسنت تفهم..
ناضت زينب بدون متحس هربات من حداهم حشماات وحشمتها ماليها حدود..مصدقاتش انها تقولها قدام عمها..دخلات للكوزينة وشدات حنوكها لقاتهم سخنووو دغيا باقي ممصدقااش ومحسات تا فلتات بتسامة من فمها تلاتها ضحيكة صغيرة..بسبب الفرحة العامرة لي فقلبها
معمرها ظنات انها غتحس بخاد الدردكة لي فقلبها دابا ولا بهاد الفرحة لي مصاحبا حياتها هاد الايام
قطع عليها مخلياها تتبيض عينيها فسطاح بوحدها لي ضارب فيه بوطو تضو مضويه كولو..اما هو راه نااض لبس عليه تريكوه وجر كلاكيطة وخرج من بيتو حمررر بجهد وعينيه ناعسيين..لقاهم مريحين كيف خلاهم حرك راسو وخرج بلا ميهضر عارفينو مكيحملش اهضر فاش تيفيق
طلع للسطاح بشوي هليه ونيبوفو مسدودين..لقا الباب محلول وهي غادية جايا فداك سطاح عبرااتو وكملاتو فالعبير لابسا بيجامتها صيفية مستورة ومصايبا شالها كيف ديما..بتاسم عاد نطق بصوت بلح:الالة تالبنات
زاد قرب ليها تولاو مشاركيين هواء واحد وكيهدر وايدوو مكنززها بييها فيديها والتاانية راه فوجها سارحة ونطق:هي لي جا من قلبك عسل(قرب وجهوو مغمض عينييه والادراك مبقاااش عندوو هايم فيها وتلفاتو رطوبيية وجها لي معرفها اش تدير ليه..محس براسو تا طبع قبلة حنينة عكسات دفء شفايفو على جبهتها.. وهضر بصوت تقييل ممحيدش وجهو من حدا وجهها:وهدريي خلااص غنبقااو هناا هههه
بحالا شي سطل تاع لما تكب عليها ونازل مع ضهرها كيجريي بلا قلبها لي كيتسمع سرفقلاق وداتها تتررعد مزال مستوعبات لبوسة فجبهة تحط فمو على عينييها بعدما فقد الامل انها تجاوبو...باسها فعين اليسرية تاغمضاتهم بلا يطريه ليها..وعاود لعين لخرى ونفسوو بحال شي جمرة كتسرط فالرريق لي نشف
حلاات عينييها بدون وعي هزاتهم فييه هو لي ساارح معاها من عين لعين لشفتيها ديركت.. باسها فحنكها وقربها ليه خلات احاسيسو الرجولية تنوض عليها..كيف لا وهو شحال مدار شي حاجة ونن جهتها فهاد الاواخر كتحرك شهوتو..وعاودها فلااخر وقاد وجهو مع وجها وحل عينوو لقاها كتشووف فيه دغيا هبطاتهم تهز ليها وجها عندوو وقرب ليها كثر طامع ف شفايفها متعطش بحال الى عمروو دااق من قبل.. وتمسحاات الدنياا من لعيالاات من قبلها... بدا كيقرب ليها بشووي وكيقيس بعينيه في شفايفها ..صغاار كيفاش يكون طعمهممم وكيفاش اجمعهم اخاف يضرها
اما هي حسات بييه كيقرب ونفسوو متساارعة وهي تشدها البولة ازيد خطوة وحدة ولا حركة تنشر ليه تما وتبولها.. كيبغي اهز وجهها عندوو باش اتسحكم فيها مع قصييرة علييه وكتعكس بلطافة زعما فهم راسك.. تافهم راسو وبقا قاضيها هي شوف فالفم ومنبوسش..ومع ذلك مسخااش فقط الشوفة خلاتو ابقا متعطش..مع هزات عينيها تلاقات مع فموو سرطات ريقها وبحرووف مقطعة قلبها قرييب يسكت قالت:ننن عثماان نن قوليك
سيد كلعات ليه سخانة وجاتو عليها يبوسها ولبااس..باغيها ولبااس.. متشووق لشفايفهاا ولا متعطش هي تعاودها تانيي.. مه زيرها حطات ايدها على صدروو مهربة وجها علييه حييت هربات ليها الضحكة من هدرتوو
زينب:(حشمانة)وااالو هه مقلت والوو عتمااان وصاافيي
عتمان-احح على عتماان كي خاارجة من فمك..ناكل مك عليييها ههههه
ضحكات بخجل ونزلات راسها وقالت:عفااك رراه بيخاصموو
شافيها بشغف وفال:هذاا الله..نطلقك اليوم ومن بعد منعاودش لييك
طلق من يديها مساخيش وهي تنطق ببراءة:رااك سخوون
عثمان:(ضحك طانز)ههههه على جهد
مدات مجابت وبدات تترفع يديها بغات تقيس جبهتو وحشماات ..تتهزها تال عند خصرها وتردها تاني حشمات تحط يديها وهو عايق بيها تاعيا وهز ليها يديها دارها على حنكو وقال:هاهياا
بتاسمات بخجل ويديها كداعب لحيتو لي ياما تخيلت شكلها واش حرشة ولا رطبة ساعا صدقات حرشة وغرقات فيها يديها تا تسحلاها هوو وبقاوهي تيشوف فيها تحلفي عليه واكل مخ ضبع فيها
وتاهي نسات راسها وبقات تتخربق فيها بصباعها ونطقات؛شىبتي دواك؟
عثمان:ممم شىبتوو نرجع ناكل ونعس صباح نفيق مزيان
زينب:عندكن ليمون
حرك راسو :ممم كاين
زينب:عصر شوي وشربو ونعس زويين
عثمان:منعصركش نتي ونشربك هههه هذاا الله
ضحكات ونزلات يديها وقالت:الله يشافيك..نمشي؟؟
عثمان:سيري ازين سييرر..هذا حالنا هههه
بتاسمات ليه وقالت:رد لبال لراسك نعيط ليك غداا
عثمان:انا نعيط لييك مع صبااح
حركات راسها بالايجاب وحنات عينيها وزادت مساخيااش بييه تتزرب تهرب من عينيه ونفس الوقت مباتش تمشيي
نزلات بزربة مخلياه حال فيها فمو تاوعا وتبعها هو الاخر فحالو ..وبجوجهم فلوبهم كدق فالمية..خاصهم حاجة وحدة هي اتجمعووو..تحت سقف واحد بحياة وحدة وحضن واحد
***
يكفيني يا سيد الحرائق
أنك خنت اللهفة
واطفأت جمر الدقائق
#احلام
***
رجع عثمان لدارهم ريح معاهم شوي وراسو حارقو كلا شوي وشرب كينة وقال:فاطمة زهرا كاين ليموون؟؟
حركات راسها وصفلات..هز هو العصير جغنو وناض من حداهم توضا وصلة العشاا وكتب ميساج لمحبوبتو فيه:نحسب نهارات باش تولي معايا فسقف واحد
حط تيلي ورجع نعس كيقلب على الراحة..وكذلك ومثال بالنسبة ليها رتاحت فالنوم ونزاحا المشاكل على قلبها
***
صبااح جديد بشمش مفعمة بالحيوية..فاقت زينب مع ثمنية ياله تتفوه وهي تسمع دقان فااباب ناضت باستغرااب تلاقات مع عمها ياله بيحل تاهو وقالت:شكوون
العربي:بيكون هي المسخوط تاع محسن عاد داخل
زينب:لا لا هاهو ناعس
حل العربي باب الفصيل ومشا لباب زنقة ومع حل مع تفاجأ كانت عييشة بلحمها وشحمها مصبحة عليهم على الصباح..لابسة جلابة حمرة وصباط قهوي فيه تقاشر كحليين وهازا صاكها كبير دايرا خرقة من تحتها كتبان زيف حياتي فالزرق
عبشة:كاين شي فطوور
العربي:(متفاجئ)اهلان اهلان لالة عيشة
قرب باس ليها راسها وتاهيا باشتو لييه وقالت؛سي العربي بخيير
العربي:نهار كبيير هذاا دخلي
دهلات تتفرنس عاجبها الحال وفرحانة حيت واخيرا بنتها قبلات تزوج..شافت زينب لي واقفا قدام الباب مصدومة فيها دغيا جاات وهي قبل كتعيط ليها وتقوليها مي جي نشوفك توحشتك مي جي نشوفك وتقولبها ممسااياش دابا فاش سمعات زواج جات تتجري
متنكرش انها بقا فيها الحال حين حسساتها بحالا تتقول ليها بيت نتهنا منك وخفتك تبدلي رأيك..مع ذلك دارت بتسامة خفيفة على فمها ومشات لعندها عنقاتها بحب وقالت :على سلامتك
جات فاضمة لي سمعلت الحس وشافتها سنغربات ومع ذلك بتاسمات ليها ومشات ترحب بيها وتحط وتهضر ..جمعو على شحاال فلخر ناضت زينب توجد لفطور وعقلها مرفوق تا شعرها مجمعاتوش..تتشوف مها دغيا صبحات عندهم لهاد درجة بغات تفك..وحدات فطور عادي وخرجات تتحط فيه بزربة مع خصها تمشي للحانوت ومها مكاين هي يامرضية يالحادكة وهي تتبتاسم ليها
سالتت فطورها ناضت لاحت جلابتها عليها وشالها وجرات كلاكيطة تاها باست مها وفاضمة وخرخات ..هي تفاوتات مزيان جبدات تبلي دوزات نمرتوو تسنات شوي عاد جاوبها بضوت باينا فيه ناعس:الو
عثمان:مسيي عليك ومصبح عليك ومنبرااش هههه لا لا شوي الحمد لله
زينب:مزياان..الله يشافيك بقا بالي معاك
وهو تيهضر معاها شاف فحجرو لقاه منفووخ شيد بايت كيحتلم بيها بكثرة ماشعلاتو البارح وقال كيضحك على راسو:كون شتي اناا ههههه
زينب:هء علاش
ضحك عاود تاني من جديد على راسو شارب الفقصة..ولى على خير يامو احلم راسو ناعس معاها..قدامو ومدار والو معاها وفايق هاز علامو عليها..مسح على وجهو وقال مبدل الموضوع:غادية للخدمة؟؟
عثمان:بييه فييه هههههه قوليها قاليك نسيبك الله يحفظك هههه اليوم قبل من غدا نجيوو
زينب:(تفزغات)اويلي اعثمان دغياا..حشوومة
عثمان:حشومة المصيبة هو هاد المنكر لي درتي فيا(تيشوف فحجرو)منسمحش ليك علييه هههه
زينب:(مفاهما والو)اش درت؟؟
عثمان:هي سكتي خليني نكمدها..شوفي الى كثرت غداا نمسيو على مك باش ندركو للخطبة لكبيرة ونجمعو ورااقك دغياا
زينب:وااا(تلفات)ولاش زربة
عثمان:(بجدية)عاجباك هاد الحالة؟؟نتلاقو فسطاح هاكا..خير البر عاجله..ندركو وديك ساعة مكاين لي يهضر معانا
ستسلمات ليه وقالت:واخاا..وابرا بعدا هي شوي
عثمان:(بابتسامة)برييت الالة بريييت..اري شي بوسة ونوض كي العود
خرجات عينيها وباا متحس قطعات عليه خلاتو مشتت عليها بضحك معرفات مادارت المهم هربات من هضرتو..سيد زعم ولى باغي بووسة اويلي هذا ولى كيخلعها..اما هو نات بضحك وحط تيلي ناض كيطنز على راسو..الجنابة على الصباح وكون هس برد
دوش عليه وصحصح شوي..صبح على موو باش راسها وريح حداها وقال؛شربتي دواك؟؟
خرج عثمان قاصد خدمتو بنفس طيب نااشط عارف راسو قرب اتجمع شملوو مع محبوبتو لي بات ليل كامل وهو تيحلم بيها
بغاها نفسيا وجسديا وروحيا..حل حانوتو عاد جا المتعلم وبداو نهارهم
اما زينب راهي الاخرى حلات المحل وجمعاتو وباشرات عملها بنفس مضطرب مقدراتش تفوت قضية ان مها جات بزربة ملي سمعات الزواج
غير بعيد عنهم كانت عيشة مريحة كتنقي اللوبيا لفاضمة لي تتعجن وتتقرقب معاها نااب
عيشة:اوى كملي..عندو هي محل بوحدو
فاضمة:هاد ساعة عندو للمحل وداار..وراه زعنا معيش دارهم مزياان
عيشة:وزعما هاد نااس تاع العشرة؟؟هو راه بيت نزوجها ولكن ماشي لمن ولى تصدق تاهيا راجعا ليا بحال لوخرا
فاضمة:لا لا كوني هانياا..نقرة صافية تا مو الله يعمر ليها داار دريويشة متلقاش معاهم مشكل
عيشة:(بغرحة)اوا مزياان عذا هو الجهد باش متبقاش تاني جالسة تا تبدا عليها الهضرة..تزوج تاهيا وتستر راسها
فاضمة:وايييه
سكتو موراها مالقاو مايقولو او بالاحرى تقادات الهضرة حول موضوع الزواج تاتناص النهار وفاقت لالة اميمة على خاطرها وسلمات عليها بالوجع وقالت:لالة شتك دغيا جيتي؟؟
عيشة:اييه كي شتي زينب دواو فيها شي نااس وجيت
اميمة:(بتعفار)نمممم
الفوق كانت فاتي مريحة حدا مها لي تتسبح بتسبيح والاخرى تتشوف فتيلي ووئام فالكوزينة تتطبب الغدا وانس كيعلب
مباركة؛بنمشي غدا ندوي مع مت زينب راه جات
فاتي:(بلا مبالاة)مشغلييش ديريو لي بيتو رأيي ولا زايد ناقص فهاد داار
مباركة:مغتمشبش معايا؟؟حشوومة راه خوك لي بيخطب معندكش منو عشريين
فاتي:(حطات تيلي بتعفار)خوياا كون نيت با ريي كون تشاور معانا نعرفو بعدا هي شكون نجيبو لييه..مشا قاصد وحدة معارفينها منين جايا ولا لاش هاد زربة
مباركة:ياهاد البنت(تتحاول تسابس معاها)راه زواج هذا وعارفا خوك كي داير واش كون مكانش عارفها وقاريها بيبي اتزوجها..وزايدون البنت غزاالة مستي من العزبات هير هي..صواب ومصوابة والزين وتبارك الله عندها حقها
ضرب فيها واحد تخنزيرة من داكشي وقال:لي شتوه ساكت ساكت على خزيت خص بنادم اكون بحالكم يااك؟؟بيتوها تهز لبنديروتغني باش تجي على كانتكم(رفع صوتو شوي)تكون كي مابات هذاك مسوقكمش
طلع ليه دم وضرب فيها تخنزي ة وقال:واخا الالة افاطمة زهراا...بلااش متمشييش باقي ميي
مباركة:(تدخلات)صافي صافي..هاديك لبنت زوينة وعاجبااني وانا لي بنخطبها ليك ولي مباش بلاش
ناض زاعف حاقد تيكون راشقا ليه وزوين تكطلع عليه وعاد فاش قالو عليها ديك الهضرة تعصب
زدح باب بيتو بعصبية ودخل كيردخ فالماريو كبحيد حوايجو مغوبش وهنا عرف راسو ولت نقطة ضعفوو..متحملش شي واحد اقولها فيها خايبا عارفها زوينة دريويشة وترسمات ليه فبالو انها مزياانة والله يعمرها دار
ياله قلع حوايج لفوق وبيبدا البس وهي تعيط بحالا عالما عليه..هز تيلي لقا اسمها بالمسرارة زفر بقلق نباغبش اجاوبها منبرفي كيخاف اضور فيها فالاخير رد عليها وقال:الو
زينب؛كيفااش؟؟لا لا حشومة نكمل معاها سيمانتها حشومة نخليها معلقة
عثمان:(تعصب ونطق بنرفزة)وعاجبك مدخلي تال العشا؟؟لتبسلييش تانتي راه عيقتي..خدمة الليل لا
زينب؛(لمسات فصوتو انه معصب)مالك اعثمان تتهضر معايا هاكا؟؟
عثمان؛هضرة وحدا راه سمعتيخا قوليها اخر نهار هو هذاا وشدي لارض
زينب:ولكن هء
قاطعها بحدة كيزفر:زيينب ففف طالعا علي نعيط ليك من بعد ونهضروو
زينب:هءء واخا
قطع معاها خلاها هي تتشوف داير كي زمان دغيا تيتقلب..لاح تيلي وبدل عليه حوايجو وخرج للكوزينة تيقلب ماياكل ووجدو راسو مدواش باقي عارف الى رجع بيدوز ففاتي واعطيها لاش تتقلب وتصدق طايحا وهي حاملة اللهم فضل اسكت
اما زينب راه مفهمات والو تيكون معاها مزيان شوي تيتعصب مكرهاتش تقولها لمولات المحل ولكن حشمات وقالت تكمل معاها سبمانة وتعلمها تقلب من جديد على بنت بلاصتها واخا ولفات المحل ولكن طلبو كان هاكاك
سالا نهارها قبل لعشا بشوي وطلقاتها السيدة بكري ومشات تتجر فرجليها للدار..مع دخلة لقاتهم مريحين كاملين الا محسن والعربي..سلمات عليهم وجلسات عيانة
زينب:اححح عييت
فاضمة:نوضي طرفي وكولي ونعسي
عيشة:اييه وبراكا عليك من هاد الخدمة راه وليتي مرات راجل
كانت باغاها على الاقل تسولها واش باغاه مرتاحة معاه عاجبك كي بيعيشك وهي مكلفاتش راسها بتاتا..
صوناوتيلي فصدرها تاقفزها عرفاتو هو..حبداتو لقات اسطورتي..جمعات نفس وسداتها مباتش تحاوبو هاكا بيعيق وبيبدا عليها مالكي..مجاوباتش تاقطع وعاود تاني عيط مرة جوج وضيفت ميساج فيه:جااوبييي
فالاخير ردات عليه تتحاول تكبح راسها..نطقات بصوت باح:عثمان
عثمان:فين منتي؟
زينب:كنت مع ايناا وصافي
عثمان:(بشك)مال صوتك؟؟
زينب:والو..بريتي؟؟
عثمان:مال صوتك؟؟
زينب:راه والو(شخرات)
عثمان:واخا طلعي نشوفك فسطاح
زينب:عفااك لا والله منقد مي كايناا
عثمان؛واهي كلعي دغياا نشوفك شوي ورجعي
زينب:(بترجي باينا فصوتها)عفااك
عثمان:معافاياش(باصرار)طلعي نشوف لاش تدمعي تاني المسا الله
زينب:(طاحت دمعتها وهي تترجا فيه)غفااك تالمنبعد ونهضرو
عثمان:(بحنية)عفاا حبيي طلعي نشوف مالكي..شوي ورجعي
زينب:هءء(طلقات شهقة خفيفة)
عثمان ترينفا وقال:تطلعي ولا نزل
زينب:حرام علييك هءهءهء(عضات على يديها كاتما الشهقة)
صدماتو ولى هي حال فمو..تتبكي من نيتها سيدة قولي عندها العزا خلات عقلو اتبلوكا وباينا فيها مريضة فراسها..محس تا قال:خليك انا نزل
زينب:(وقفات بزربة)صافي صافي انا نطلع
عثمان:هي دروزك
قطع معاها ورجع تيلي فجيبو وخرج من بيتو قاصد السطاح وعقلو كيضرب تخماس فاسداس كيفاش تتبكي؟واش تقلقات منو؟قلقها شي حد؟؟انحر هذاا لي دارها..عندو عزيزة من غير انه كيبغيها كيكره لي يقلقها
وقف عند باب سطاح تيتسناها وعينيه مفكسين فدرووج وهي راه جمعات نفس ومسحات القليل من دموعها وخرجات عندهم وقالت:لالة نطلع للسطاح
عيشة:(بتخنزيرة)ضوري ضورة ودمعيي
فاضمة؛سيريي
خرجات ماباقيش تلفتات وطلعات تتزرب للسطاح مخنوقة ومناخرها تسدو بالبكا..عينيها عمىين وحنوكها ولاو بحالا خاويا عليهم سطل تالما بكثرة دموع..مع طلعات جيهة دروج للسطاح بان ليها واقف بشورط وتريكو وجار كلاكيطة فرحليخ..شافها هاكاك ونزل عندها هو الدروج لي بقاو وعينيه مكمشين نفاهمش الوضع..شدها من ذراعها وقال:مالكي(حقق فوجعا)لاش هاد لبكا؟؟
زينب:هء والو..اش بيتيني
جرها من ذراعها ودخلها للسطاح بلا ميسد ااباب وقال:مالكي؟؟(حط يدو على ذرعانها بجوج محني ىاسو عند وجهها)مالكي؟؟قلقك شي حد؟؟
زينب:(كاتمة شهقتها)هء
عثنان:واهضري(كيحرك فيها)تخاصمتي مع اميمة؟؟
زينب:هءء(حانيا راسها مبغاتش تفركع قدامو)
زير عليها ونخضها وقال بعصبية:اواا هضريي
مقدرات دش باقي تصبر..هضري كانت كلمة كافيا انها تعطيها ضو باش تنفاجر بكاءا..كيما سكتي تاع مها بكاتها تا هضري بكااتها..ترغدو شفابفها بزربة وحبسات البكية متخرجش غوتة ساعا خرجات دمعات حاارين طاحو على قلبوو كي العافية..ياله بيهضر محس بيها تا قربات ليه ويديها كيترعدو بغات تعنقو وفنفس الوقت كتبي تراجع..تاجرها هو ولاحها فحضنوو ديركت ودور يدو على كتافها مزيرها عندوو..ولاول مرة هي متخجلش ومترددش انها تضور يديها على كرشوو ودفنات وجهها فصدروو وطلعات العنان لدموعها بتعب
معرفاتش شنو لي خلاها اليوم تبكي وهي مدوزة نهارها مزيان مابيهش يمكن انهم عاودو جبدو ليها باها من جديد والعرس وانها غتعرس ومها لي قمعاتها وعاد كون عيشة جات على وجه السرعة
زير عليها عثمان لي ماعارف مالها وخلاها فحضنو معنقها بحبب وذقنو على راسها من لفوق..وحدهم فسطاح وضو تاع الخشبة تضو لي ضارب فيهم..متمسكة بييه بجهد ناسيا حشومة وعيب وما غيرها من المفردات لي دارت بحسابهم تاولات نفسيتها زيرو
عطاتها للدموع بحالا حليتي روبيني تالما وخليتيه مطلووق كيبغي هي يبعد اشوف مالها تيلقاها باقي تتبكي وتزير عليه مباتش تفرق عليه..حضن ولا احلى بحالا متكية فوق مخدة تاللواط هههه(واتشبيه هو عندي😂😂)..طلقات دموعها ومكبحاتهمش وفصدرو خواتهم وفحضنو طلقات شهقاات تا كيترعدو كتافها عصبوه وغددوه ومحنوه..داك القلب عندو القاسح لي تيصبر واتحمل جا تال عندها وصقل وتحدو ليه
ولكل رجل نقطة ضعفوو..عثمان نقطة ضعفو الوحيدة هي مو..مو تمرض اطيح تاهو ودابا زادتو زينب تاهيا ..تتبكس هي بدموع وهو قلبو ابكيهم دم..كيزير عليها وقتما شهقاات وذقنو مفرقش راسها..كلها تجنترات بالبكا جهد ثلث ساعة وهي تتبكس وهو معنقها ومقال والو
تا بدات متنهد فحضنوو وتخفف من شدة البكاء عاد.دوز يدو على ذراعها بلطف وقال بهمس:شوياا داباا احبيبة؟؟
زينب:هءهءهءهءه
حاول اجرب ابعدها شوي عليه اشوف وجهها لكنه لقاها مكنززة عليه ماباتش تطلق تفهم رغبتها وبقا محتاضنها وزير عليها دليل انه باغيها ترتاح..
رد لباب بشوي وصقل تاهو تيتسمع هي صوت شهقاتها لي نقصات حدتهم
جرها عثمان لجيهة كرسي مخليها على راحتها وتاالهضرة ماهاضرش باش متبرزطش حدو كيدوز على ظهرها وشحال جاتو قليولة بين يديه..قد وئام فشكل واخا فالحقيقة لا مي حاتو صغيورة بين يديه..
جلس فوق الكرسي باقي محتاضنها وجلسها فوق رجليه مخشية راسها فحضنو محاملاش تخرجو وباقي موعااتش اش تدير..فقط هيانة وتتحس بعينيها تيتلصقو بالدموع مكرهاتش شي نعسة عالمية
اما هو راه كيدوز على ذراعها بحب وساكت تا شافها تهدنات وقال بصوت هامس:زينب..زنووبتي
حركات راسها بالايجاب ومحسات بيه تاطبع قبلة على خدها بلطف..ووقع الاحتكاك بين خدها وشفتاه لي هروها بالموسطااج..باقي مستوعباتش تحل الباب
تحل لباب على غفلة وهو كيبوس حنكها وكان مندامج تا تحل لباب وهو يحل عيينه اما هي شهقاات وعلى شوي طيح كون ماشدها مزيان..تلفت ولقاها وئام واقفا مبرقة عينيها مصدومة من اش تتشوف..خزر فيها وقال:ياك لبااس؟؟
تخلعات زينب وياله بتوقف وهو يزير عليها ونطق لختو:مالكي
عثمان:الى كنت ابنت الناس بنتزوج بيك باش نديرك ديكور فداري ونبقا نتفرج فيك هي بقاي فداركم..نهار جيت عندك وقلت ليك كنبغييك راه قصدتها..الى معنقتكش فاش تبكي ومبستكش فاش تبكي اش تندير فحيااتي اناا...خليك من هضرة شكراا كولييها..مابيناتناش شكراا بيناتنا حاجة وحدة لي نبيها منك
زينب:(مبتاسمة)شنو هياا
عثمان:الحب..مابيت منك والو من غير بغيني كيما اناا..عصبي وكطلع علي دغبا ونقدر نخرج شي هضرة ماشي تال هيه ولاكن راه تنمووت فجد تااع مك
زينب:(زلقات ليها ضحيكة)ههههه جدي ماات
عثمان:ههههه تنمووت فييك نتي هههه تنتسكاا على والدييك ههه ديال الواحد ادير فشي طرف تالخبز وهااام ياكلك ههههه
ضحكهااا وقالا:هههه الماكلة هههه
عثمات:الحب عندي معنفج لحسك ههههه سيري سيري وكان
زينب:واخا هههه
عثمان:سمعينا ضحيكة نشووف ههه
ضحكات ليه فوذنو وقال:ياله سيري داباا الله يخليك ديما ضاحكة
زينب:اميين
عثمان؛على راسك اختي ههههه
قطع معاها مبتاسم وتاهي كذلك ومرتاحة..عرفتي فاش تضرك معدتك وكتقل عليك وكتقياا وترض كلشي تا كتخوا وتتحس براحة هاديك هي راحتها..احساسها فشكل خوات كلشي ورتاحت وبكات ومبقا فقلبها والو والاروع انها لقات منو عناق حار وكلمات زوينة باش ابردوها..دار جهدو وكثر باش تسكت ومتبكيش وعارفاه ادير كثر
هنا عرفات راسها مندماناش انها قررات تزوج بيه وتصبر معاه لقساوة الخياة لي كتسناهم بجوج
بجقات فيها مباركة وسكتات مابقاتش جاوباتها مافيها لي يتصادغ معاها
داز نهار عادزي عند كل الحيبان رحعات زينب تتغدا وعلمات مولات المحل انها غتغادر واخا تقلقات فلول ولكن فاش علماتها بلي زواج فرحات ليها وصبغتاتها وضورات معاها بخميسن درهم..شداتها زينب فرحانة ورجعات للدار وقبل دازت للحانوت تقدات شنو خاصها للحلوى لي بتصايب..شرات كلشي المقادير تا من الخمارات شراتهم باش متعيقش على دار عمها
دخلات للدار عازا فييدها المقدية لقات سالام وجلسات
فاضمة؛شكداكشي
زينب؛هي باش نصايب الحلوة وصافي
فاضمة:ويلي راه كلشي كاين فالحانوت نجيبووه حنا
زينب:(بابتسامة)لهلا يخطيكم علي وصافي..عمي مسكين قاسخة عليه الحانوت لي تيلقاها عامرة كل نهار نزيدو بهمي
ناضت من بلاصتها راسمة بنسامة خجولة على محياها متحمسة تبدا توجد شنو تحط لمو ومحتارة باغا توجد كلشي دقة وحدة..
كلات وبدلات ودخلات للكوزينة فرشات تقدية وجمعات شعرها بمقبط بقاو خصلات نازلين على عنقها عطاوها زيين خاص اشوفو عثمان احوال
بدات هو لول بمسمن دارتو خفيف ضريف وصغيور وطيباتوو ودارتو فطبسييل عاد تبعاتو البغرير..كل بغريرة يا بغريرة ومع الحماس طلع من يديها زوين..وعيشة وفاضمة داخلين خارجين عليها للكوزينة اما اميمة راه معششة لفوق عند عايلة العريس
مجا فين اوذن العصر تا كانت كملاتهم..بقا ليها هي الحلاوي..دارت كيكة تالشكلاط كبيرة بالخف تعلماتها من يوتوب من وصفاات ام ياسر لي شدات من عندها شحال من حاجة..ودارت صابلي حلو مغمس فشكلاط نصوو..
باختصار دارت جهدها وحاولات تحط شي حاجة زوينة تليق بيهم
فالاخير لقات راسها الخمسة ونص سالات..نهجاات حاطا يديها على جنابها وتاد شافت الاعصار تاع لكوزينة..ووجها لي كولو دقيق والعرق وفيها ريحة زيت..
اميمة:مباركة وفاطمة زهرا(هزات حاجبها)كلشي على فاتي ههههه تسليم منها
زينب:علاش؟؟
اميمة:هههه دابا تعرفي علاش هههه
ضحكات وخرجات مخلياها غارقا فافكارها..نفضاتهم ومشات تتغسل داك لكركور تالماعن لي خدمات بيه دوزات فيهم ساعة تا مشقوفها نساتو وتا عثمان محركش ديجا عالماه بلي بتكون كطيب
فبرا كانت مباركة لابسا جلابتها على غير عادتها فاش تتنزل عند فاضمة..فالحمرمهاها خريقتها وبلغة فرجليها مكحلة العيين ومعاها فاتي لابسا جلابة فالاسود جايا على طايتها مع حاملة تتيان قرطاسة وعينيها مخدومين مع عكير خفيف ومارياج تاعها هازا بزطامها فيدها ومطمرة
دخلاتهم فاضمة للبيت الكبير تترحب بحالا عمرها جاو عندها ولكن الفرحة
دخلتتهم على عيشة لي مريحة فصالون كي القايدة لابسا نفس بيجامتها مبدلاتهاش وتتفرنس بلطافة..قربات عندها مباركة ببتسامة لطيفا وسلمات عليها بالوجه وكذلك فاتي لي تحنات بلهلا يحزقو عليها سلمات عليها وجلسو
مباركة:كي دايرا الالة بخيير
عيشة:اللهم لك الحمد الالة..كيبقيتي شوي
مباركة:نحمدو الله ونشكرووه
فاتي:(تتحقب فمها)نتي هي مت زينب
فاضمة:اييه هي عييشة مرات لووسي
حركات راسها ونطقات عيشة مازحة:نتي هي خت العريس ياك
فاتي"(هزات حاجبها)تايتزاد ونسميوه سعييد هه
فاضمة:(تحرجات)كيغاديا مع الحمل؟؟
فاتي:بخييير
نحرجات عيشة وصقلات اول قمعة وبداية المباراة ام مباركة مكرهاتش تشد بنتها تردها لكرشها..حدها نغزاتها برجليها باش تسكت
مباركة:اوا الالة عيشة كاين شي صعد فالبلاد
عيشة:لا لا لجو مبرد هنا لي صهد تبارك الله
مباركة:الله يطعمنا حلال
فاتي:اوا فيناهيا زينب نشوفوها
فاضمة:حشماانة شي هه
فاتي:اوا يادلي زين تيحشم على زينووو
قلبات وجهها وحسسات عيشة انها جات هي بزز تاقطبات حجباتها اما مباركة مالقات فين دير وجهها وتنغظ من تحت الطبلة ونطقات:عيطوو لمرات ولدي نشووفها
مياركة:الحمد لله(شافت فعيشة)تباارك الله راك والدة زيين
عيشة:الله يكبر بييك ههه واخا متتشبهش ليا
مباركة:لا تتجيب منك خههه
عيشة:تتشبع لباها الله يرحمو هههه زوينة بحالو
عل هاد لهضرة هزات فاتي حاجبها وبجقاات بلا متشعر جاتها هضرتها حامضة تانطقات مباركة:اوا الالة عييشة راه غرضي بااين..جيت الالة طالباك راغباك فبنتك لالة زينب لولدي عثماان الى جات على خاطركم والى قبلتو علينا
عيشة:مرحباا بيكم..منلقاوش محسن الى عي بات انا منبزز عليها
مباركة:لا لا باات ان شاءالله..راه معندي منخبي عليك ولد واحد لي عندي وسط جوح بنات وشهوتي نزوجو من شي نقرة صافيا بحال بنتك..منفضلوش قداامك راه يديرها فعينيه
عيشة:نتونا مالين الخير..انا عندي هو يتهلا ليا فيها راها دريويشة ومافيها صدااع
مباركة:عارفيين لي كاين ىاه تعاشرنا معاها وعمرنا لقينا فيها العيب تبارك الله ربيتي وعرفتي اش ربيتي
عيشة:الله يكبر بييك
مباركة:اوا شنو نقولو وافقتو هههه
فاضمة:شوفو العروسة هههه
شافت مباركة فزينب لي حداها وقالت اش قلتي ابنتي
سكتات زينب وقلبها كيتعصر عليها وجها حمر مقدراتش تهضر باقي..عراقت كلها وخافت وترعدات المعقول تيخلع ههه ونطقات مها زاربة:اوا السكوت علامة الرضى
مباركة:ياادلي ولايني مكرهتش نسمعها من فمها باش نرتاح
فاضمة:دوي ازينب
زسنب:حمم اه
مباركة:اوا الله يجعل كلشي مبارك مسعود..الله يدخلك علينا بزايد الرزق(شافت فعيشة)نديرها فعيني مايخصها تاخير معاياا
عيشة:عارفا لي كاين..هبر هو واش بتعيش معاك
نقزات فاتي لي تاقلب منين تدخل:علاه فين بتعيش
مباركة:حم اه معايا..دار هي لي لفوق كبيرة ومتيسعة لبيت لمخير تشدوو ودار دارها
عيشة:الله يبارك..مزيان
فاتي:ولايني عندنا شرووط
ضارت فيها مباركة راسما بتسامة بزز وقالت:ويلي ؤاه العروسة لي تتشرط
فاتي"(دارت فيها صاحبة حق)اييه ولايني ت العريس اولا الالة عيشة..
عيشة:اييه عندك الحق
فاتي:السكنة الالة بتبقا عايشا مع ميي يعني ماعمرها تقول لا نبدل ولا نخرج نعزل
عيشة:ولاش تعزل وتبارك الله نتونا ناس باينا فيمم الله يعمرها دار
مباركة:(ببتسامة وقرصات بنتها)الله يبارك فييك..زينب بخال بنتي ان شاء الله الله يحيبنا فصواب
عيشة:اميين
ناضت فاضمة تحط الكاسكروط وزينب مزيرة على يديها حشمانة منهم بزاف وهضرة فاتس تتعاود فعقلها باينا من طريقة هضرتها مباغاهاش وتقرصات منها ومع ذلك سكتات وجلسات ولي سولها تتجاوب على قد سؤال
تحط كاسكروط وعمرات طبلة بالذ ما طااب وبداو كيتشاركو الطعام واهضرو فشلا مواضيع وفاتي وزينب ساكتين تانطقاات مباركة تباارك الله هاد لمسمن زي ديال زينب
عيشة:اييه هي لي مصايباه(بتفاخر)طيابها منعاودش لييك زويين ويدها بنينة
مباركة:اه دايقاه تبارك اله زويين
فاتي:شكار العروسة مها وختها والحزارة جاارتها هه
عيشة:(مفهماتش)هء
فاضمة:(لحقات الوضع)مباركة نسخن ليك كاسك
مباركة:اوهو براكاا
زينب:(بخجل)خالتي كولي من داك المسمن درتو مسوس على قبلك
مبارمة:الله يدير بحسابك براكاا علي دايرا ريحيم مع سكر
بريق عينيك الجزء التاسع
محتوى القصة
التنقل بين الأجزاء