بقدر مشرب بقدر ما المشاعر ديالو تاججات وبدات كتبان المشاعر الحقيقية الي ضاغط عليها او بمفهوم واضح مباغيهاش تخرج وكاينة ليه فالباطن ديالو ...مشاعر حقيقية ...
تصرفات دارها وهو مبلط مدوخ ومفيه ميتقاشح هزها حطها حداه وتلاح حداها ...مفيه ميتقاشح وراسو مزير وثقيل الافكار الي فيه كثيييييييييرة ومخربقة ليه مع شراب ...معصب متوثر اضطر يزيد في لادوز ديال الشراب على الي مولف غير باش يطمس الغضب ديالو وميخرجش على سيطرة ....وهادشي فطبعو جد جد غامض ميقولش ليك باش كيحس متعرفيش على اش ناوي ؟ ....ولاااش هاد التوثر كامل ونسر موسكو لا يعرف توثر او خوف ...
زااد خشها فيه ونطق الجملة الي من ضمن الجمل الي فالخاطر ديالو والي مكيفصحش عليهم ابدا ...
مزال ساعة على تسلل خيوط النهار ...كان خاشيها فيه ومضور ايدو على كرشها ضاغط عليها ملصق ضهرها مع كرشو وخاشي وجهو فعنقها ...حتى بداو صباعو كيتحركو وعينيه كيرمشو ...حجبانو كيتعقدو ويرسمو خطوط وتجاعيد بيناتهم ...حل عينيه لقا راسو خاشي وجهو فعنقها وصوت شخيرها صغييييور كيتسمع منخرها مخنوق وحالا فمها باش كتقلب على نفس ... طلعت معاه ريحتها حتى غمض عينيه...هز راسو لفوق ...تفكر شي تشاش ملي دار وكيفاش دقات عليه الباب وشي حاجات معقلش عليهم كيحاول يتذكر شنو دار واش قال ...حتى ناض بشوييييي وقف ...
حط صباعو على جبهتو حكها بحركات دائرية ...عينيه مجبدين ...مخربق ...شاف فيها لقاها حالا فمها بطريقة مضحكة ...وجهها ماشي هو هذاك عينيها فحال منفوخين ...غوبش وشحال حاضيها ..عرف راسو هو الي جابها ولكن الصورة ديال البارح مكاملاش باش يفهم ...دار ايديه على خصرو حتى عض شفايفو بقا شحاااال عاضهم وحجبانو معقودين قبل ميغطيها و يضور ويتوجه لدوش ....
اصبح الصباح ودخلات مشيشة حلات عينيها...حتى توگضات عاد ناضت بزربة كتقلب لقات راسها غير وحدها ...خرجات من البيت كتجري حناكها مزنگين دخلات لبيتها ومشات كتحري غسلات وجهها وبدلات حوايجها وخرجات كتجري هبطات لكوزينة ...كتحك فعينيها ومنخرها بطريقة اكثر من دي قبل ...
بدات كتوجد الفطور ولات حافضة الكوزينة وبدات كترتبها على النضام الخاص ديالها ...ملقاتش مشكيل فالكبر وخا المطبخ كبير ولكن ماشي لدرجة خيالية فقط اكبر من مطبخ ديالهم فدارهم ...والفيلا كلها صغيرة ماشي كبيرة ...
وجدات كلشي حطاتو فطابلة الي كتفطر فيها والي من قبل كانو الخدم كيفطرو فيها ولكن ملي خواها وبقا فيها غير هو وهي ....جلسات كتفطر حتى تم داخل لابس تيشرت گري مزير عليه والعرق خارج منو وشورط كحل ىايرماكس فالگري لابس تقاشر كحلين ...جاي لاوي عليه فوطة وجهو حمررر بكثرة جري وصدرو كيطلع ويهبط ...تكا كيف العادة على حيوط الباب ...مبقاش كيحنحن غير كيوقف كضور لعندو ....
يامنة "وجهها مزنگ كتفكر نعست حداه البارح وخا عارفاه راجلها ولكن كيبقى الخجل سيد الموقف عندها ..." : صباح الخير 😳...نكب ليك قهوة ديالك ؟
فؤاد "ربع ايديه عاقد حجبانو ومصغر عينيه فيها " : علاش باقي كتحكي فعينيك ؟
يامنة "هزت كتافها " : م ماعرفتش
فؤاد : باقين كيحرقوك ؟
يامنة : اه وبزاف ...
فؤاد "حك لحيتو مرة مرة كيصغر عينيه ويعقد حجبانو حاضي تفاصيلها " : هاني جاي ...
يامنة : وخااا ...مشات جابت كاس وطفاية ديالو ولات كتعرفو شوي بشوي وبدات كتحفض مدام قاليها هاني جاي اذن تكب ليه قهوتو وتوجد ليه ماكلتو ...شوي حتى جاها اتصال من عند نجود ...هضرت معاها حتى دخل وهي تقطع ...
تم جاي داخل بلباس ديالو قميجة گري مغلوق وسروال كحل وصباط كحل ...جاي كيعقد فالمگانة وريحتو الي كتحمق من شمة ديالها يطيحك قبل متشوفيه بديك طولة وتگضيرة وديك الهيبة الي عندو ...جاذبيتو خاصة ...مخنزر وعاقد حجبانو ...هضرتو مخنزرة ...وحنيتو مخنزرة ...جلس فالكرسي ضور رجليه حط رجلو فوق فخدو ....مدت ليه كاس ديال القهوة وطفاية ...
فؤاد "شاف طفاية " : غير حيديها "مكيبغيش يكمي حداها وخاصة عينيها ضارينها حيدتها وداتها وهو حاضيها كيشوف فعينيها الي تنفخو وغادين وكيتغمضو ...خنزر وعقد غوباشتو حالتها معجباتوش "..
جيتي فبالي امبارح وتمنيتك معايا جيتي فبالي امبارح وتمنيتك حدايا طول الليل وانا سهران نفكر غير فيك ...
بدات كضحك ....
فؤاد : شنو كاين ...
يامنة "حطت الفون وجهها تزنگ " : والو غير اغنية كتعجبني ...والله والله ...
فؤاد "داير صباعو تحت حنكو متكي عليهم وجهو ...شرب جغمة ديال القهوة كحلة وحط الكاس وهو يغفلها وهز لفون دخل لاغاني واتساب ماشي المحادثة ...سمع مقطع من الاغنية عوج فمو باستهزاء وهو يحطو ليها ...كمل وناض جمع الوقفة بقشش فالفون ديالو ومشا خرج من الكوزينة ...
شوي جاها هي ميساج دخلات تشوف لقاتها نمرة ديالو دخلات الاوديو وهي تطلق اغنية كالينكا ...غير سمعتها وهي تفكر تشلقيم الي شلقمها فالدريبة هههه ...خرجت عينيها وحناكها طلبو شرع طلع معاها نمل من صباع رجليها ...
شقلب ليها الاحاسيس الملعون
صباح مدينة ازرو ...
ناعس مجبد فناموسيتو ...لابس تيشرت وشورط قصير حاط رجلو المهرسة على مخدة باش مهزوزة ...هاز ايديه لفوق ورجل ناشرها لهيه وطاويها ...حال فمو مرة مرة كيبدا يتمتم ...في هاد الجهة يوسف ناعس مزال مفاقش ...
في الجهة لاخرا فالبيت عند صهيب حتى هو مكرشخ مجبد عريان من لفوق وغير بالبوكسر ناعس ...نص مغطي ونص ممغطيش ...مجايب لدنيا خبار حتى تحل عليه الباب وتم داخل الجن لكحل ديال الياس الي فايق بكري ناشط وليس بالباكر فوقت عادي كانت تمنية ديال صباح غير هما الي صبحو ناعسين ...
صهيب : الحمار حبس ..."وقف الياس تيفرنس وجمع ضحكة دغيا باش يحافض على البريستيج " ...
الياس .: احم شنو ؟
صهيب "حيد عليه المانطا وناض من ناموسية شعرو مشعكك حيث مطول الفوق ...تيحك فعينيه ويتفوه ...هز فيه راسو عين مغمضة وعين مسدودة وحاجب طالع ولاخور خاسر ...كيحك فكرشو ..." : العوراج مفاقش ...
الياس : مقدرتش نفيقو بغيتك تمشي معايا نفيقوه ...
صهيب "حبس كيرمش فيه واحد العين مضارب معاها باش تحل " : دابا ازرافة بيتي تزيدني لمدفع وماشي هنا المشكيل المشكيل غاتحطني فخنشوشو ؟ ...
الياس : عههههه وراه دغيا ينوض ...خفتي منو ؟
صهيب "كيشير بايديه ويدفع فيه " : حيد حيد خلني لبس تيشرت وشورط ونمشيو نفيقوه مالو غايخلعنا ..."خنزر فيه وغوت " ...حيد من طريقي السلوگي ...
مشا لطواليط دخل ليها غسل وجهو وحك سنانو وخرج نشف ومشا لبس تيشرت وشورط ...خشا فرجليه كلاكيط ديال صبع ....لقا الياس واقف كيتسنى فيه ...دفعو بايدو ومشا خرج توجه لبيت ديال يوسف هو وياه ...حلو الباب ودخلو عليه ...لقاوه حال فمو تيشخر ...
صهيب : وخا سير عالله ...ناض من حداه وخلاوه كينوض معافر مع رجلو الي تقريبا ولات بصحة جيدة باقي ايام وغايحيد الباندة بمرة ...مشا دخل لدوش يغسل ويلبس وصهيب داز لبيتو بدل حوايجو والياس سبقو لتحت لقا الحاج خرج ديك ساعات كانت عندو سفر غايغيب ايام عليهم ...
صهيب "خبط طابلة " : تا برب الى الوليدة تتفهمني عارفاني باغا نقنت شي خوينزة اححح تنبغيك اميمتي ..
نجود"خنزرت فيه " : الله يمسخك السلگوط كون تحشم
الياس ويوسف دارو ايديهم على عينيهم وفمهم حابسين ضحكة ...
صهيب : دابا منين غانضبرو فالنمرة ...
نجود : نعيط لبنتي يامنة تعطيها لينا ساهلة ...
الياس / الى خليتينا نموتو عزاب ...
يوسف : شنو سميت دوار الي فين كاينين ؟
صهيب : دوار المصاصط هههههه
الياس : 🤣🤣🤣🤣
نجود : خرجتي ليا من جناب يا هاد البرهوش ...
خلاها فالكوزينة وخرج هز الفيستة دار الفردي ورا ضهرو لصقو مزيان حتى فيكساه ...ولبس الفيستة وخرج ركب فطوموبيل ،،طار حتى تهزت سيارة ...مشا طاير ...ركن سيارة ودخل الريسطو...طلع لفوق حتى لقاه واقف كيشير ليه ...توجه لعندو وجلس نيشان دار رجل فوق رجل ...خرج الگارو من الباكية وشعلو ...بدا كيكمي ...
فؤاد : لا رد ...كما الگارو حتى كماه وحطو فطفاية مطفاهش وهو يهز الملف وناض ...
ايلاف : لك شو رح تعمل وين راح تبقى بالاوطيل ؟ البنت صغيرة عمرها سطاش سنة ...
غير قال هاد الجملة وهو يضور فؤاد مع ضورة مع تخنزيرة لو كان قرطاس كان جابو ميت فالبلاصة ...عض على شواربو ومشا طاير لعندو شنق عليه قجقجو و هز داك الكارو طفاه ليه فضهر ايدو حتى غوت ...مكانوش ناس حيث ايلاف خذا داك الفوقي ليه باش يعطيه الملف بيناتهم ...اصلا الريسطو ديال ايلاف يعني الامر سهل عليه ....دفعو بجهد حتى تلاح ...ومشا مشربن ...
بعد سويعات وكانت تقريبا وقيتة العصر ...تسمع صوت سيارة ديالو ...تحل الباب الكبير ودخل ودخلات وراه سيارة فيها زوج رجال من البوديكارد ومعاهم بنت شابة ...ركن سيار قدام الباب وخرج دخل لداخل اليفلا والبنت تابعاه هازا شكارة فايدها ...
اول شيء دخل لمطبخ ملقاهاش وهو يضور لعند هاديك حبسها بايدو باش تبقى تسنى وطلع هو لبيتها بلا ميدق دخل كيقلب عليها ملقاهاش يلاه بغا يدخل لدوش يشوفها حتى تحل الباب وخرجات لابسة بينوار ودايرة فوطة على شعرها شاداها بايدها وكتشوف لتحت ...وشادا فالحايط ...غير شافت رجليه وهي تهز راسها فيه ...باقي فيها الما وحنيكاتها حمرين بسخونية ...ولكن المشكيل الاكبر هو ملي هزت فيه عينيها ....بذاك المنضر عينيه خرجهم ورفع حجبانو....
فؤاد "عينيه خرجو حتى شد ليها فكتافها " : شنو هادشي ؟؟؟
يامنة " خافت " : اا معرفتش كيضروني بزاف ودخلت عمت قلت غايتفشو والو اهى اهى كيضروني ...مبقيتش كنشوف مزيان اهى اهى ...كضهصص وتقلب فيه حتى شداتو فكتفو كيبان ليها ولكن ماشي مزيان عينيها تقريبا بغاو يتسدو ...
هو كيقلب فيها وعينيه خارجين بانت ليه فداك المنضر تلف ...جرها وباسها فجبهتها وغفلها هزيها بين دراعو ...حتى حطها فوق ناموسية وخرج عيط لبنت الي كانت هي طبيبة حتى طلعت ودخلها لعندها ...حيد الفيستة والفردي حطهم فبيتو وخرج لعندهم طوا كمايم قميجتو وربع ايديه الي عروقهم مورمين …
واقف كيشوف فيها كتفحصها ومخنزر وحجبانو معقودين ...تعصب حالها معجبوش ...تصرفاتها الي كدير وباش كتعبر على الالم كيخليوه يتجنن ...حتى فحصتها طبيبة ...وتقابلت معاه هضرات بروسية بلغاتو
بالي عندها حساسية ربيع ولكن واحد اللقاح كيخرج من شي شجرة هو الي دار ليها هاد الاعراض كتبات ليه دوا وقالت ليه باش ضرب ليها شوكة ...ولكن خاصها توقف ...
مشا لحداها وبدا كيقاد ليها فالبينوار ...
فؤاد : وقفي ...مد ليها ايدو ...
يامنة "وقفات وهي تقشع شوكة كتقاد فيها طبيبة ...بدات كتبكي وهي تزير على دراعو " : نننن اهى اهى عفاااك لااااا ...
فؤاد "خنزر فيها " : شنو الي لا ؟؟ "بدا كيهز ليها فالبينوار وهي تبدا تبكي وتزير عليه ...
يامنة : عفاااك الله يخلي ليك ماعز عليك كنخاف غادي تحرقني الله يخليك اننننن هى ...
فؤاد "حط صبعو على فمو بمعنى ششش "...
يامنة : واعععع اهى اهى الله يخلي ليك ما عز عليك "بغات تبدا تجذب " ...ندير ليك الي بغيتي الله يحفضك الله يخليك عمري مدرت ليك شي حاجة كنسمع ليك… الله يحفضك عفاااك كنموت منها كنمووووت والله مباقي نحك عينيها هانتا ندير الي كان غير شوكة ..."ميلات وجهها بحزن ومنضرها كيقطع فالقلب وهو غير مكيزيد يتزير "....
فؤاد " قربها لعندو وحط صبعو على حنكها كيدوزو عليه بحركة خفيييييييفة حتى بدات كتسكت وكتشوف فيه " : شش صافي صاافي ...
يامنة"كتنين " : انن ع عفاك ...
فؤاد " هز ليها وجهها بايدو وهبط بوجهو حتى لعند وجهها وقرب لشفايفها غمض عينيه وحط شفايفو عليهم ...حل فمو حتى خشا شفايفها بين شفايفو كيجررررررر فيهم بشوييييي ويعاود يجر ...ضور ايدو على ضهرها كيحك فيه ذهابا وايابا بحركة بورشتها ويحك ليها فيه ...كتهبط ليها دمعة كيلحسها ويدخلها مع البوسة ....معرفتش بالي كملات طبيبة ضربات ليها شوكة وحطات لوغدونونص وجمعات لوازمها وخرجات خلاتهم ...خدامين ...
فؤاد "فصل القبلة وجرها عنقها وخشا وجهو فعنقها باسها فيه ..وهضر فوذنيها بصوت خشن خفييييف .": صافي سيري نعسي ....
كاااالينكا كالينكا كالينكا مايا ....
توت صغير، توت صغير، توتي الصغير!
في الحديقة، توجد توتات عليق صغيرة، توتي العليق الصغير!
آه، الطفلة الجميلة، العذراء العزيز
أحبّيني!
تووت صغير توت صغير ....
توت صغير في شفتيك يا طفلتي الجميلة ...استخرج عسله من هاتين الورديتين الصغيرتين الممتلئتين ...جسد بالغة وعقل طفلة وسن مراهقة جميلة يا طفلتي يا زوجتي يا كاتيوشة قلبي ...
ليل الليل وحلات الضلمة على البلاد ...منغامس في المكتب ديالو الي لتحت ...مقابل مع الماك ديالو بتخنزيرته المعلومة وغوباشتو الي كتصنع تجاعيد كثيرة بين حجبانو ...داير صباعو على لحيتو كيحك فيها ...ومركز مع شاشة قدامو ...
هز ايدو حطها على ساعتو لقا الوقت قريب يصبح الحال مبقاش ليه بزاف ...طفا الماك وهز الفون ديالو وخرج من المكتب في طريقو مشا لمطبخ هز قرعة ديال لما وكاس ومشا طلع لفوق نيشان لبيت عندها ...ملي ضربات شوكة وهي ناعسة مجايبة لدنيا خبار ...كان خصها تبقا ناعسة باش عينيها يرتاحو من الاشعة ويساعدوها على انهم يتفشو دغيا ويرجعو لطبيعتهم ....
حط لقرعة والكاس عند راسها ...شعل بضو تيليفون على وجهها حتى تاكد من عينيها بالي مزادوش تنفخو اكثر ...دوز بصبعو على حنكها حتى هبط لشفايفها ...بقا شحال كيشوف فيهم تفكيرو مستقر عليهم ...رجع غطاها وخرج من البيت مشا لبيتو يرتاح شوي ....
اشرقت شمس يوم جديد ...
عينيها بداو كيتفشو تدريجيا ...حلت عينيها وناضت من الفراش ...مشات لطواليط قضات حاجتها حست بشي حاجة هابطة منها وهي تمشي تاكد لقات بالي العادة الشهرية ....
مشات لبلاكار الي فدوش حلاتو لقات فيه باكيات فوط صحية كانت سابقا لقاتهم وراتهم ليها الخدامة قبل متمشي باش عرفتهم ...جبدات فوطة حيدات الكيلوط ودارت واحد جديد فيه الفوطة صحية ولاخور صبناتو بايديها ..خرجات ومشات جبدات بيجامة سخونة شوي ...
لوات عليها بينوارها وسداتو مزيااان كان بالقب هزاتو شوي على عنقها ...مشات لبسات تقيشرات فرجليها وخشات ايديها فجيابها ...فاش كتجيها كتحس بالبرد ....خرجات من البيت كيف خرجت لقاتو جاي ...لابس تيشرت كحل مكتوب بالبيض وسروال قطن بيض سليم عند رجلين ....
فؤاد "جاي خاشي ايديه فجيابو كان جاي لعندها اصلا ...وصل لعندها ": مزيان ليوم ؟
فؤاد "قرب ليها حتى قرب هز ليها ذقنها بصبعو حتى تقابلت معاه ...مغوبش ومصغر عينيه فيها ...كانو عينيها بداو كيتفشو ..." : شوفي فيا ...
يامنة "هزت فيه عينيها "....
فؤاد "باش يحضي عينيها واش تنفخو مشات عينو نيشان لون عينيها الاخضر والحمورية الي ضايرة بيهم ولمعة الي فيهم عطاهم جمالية من نوع خاص " : كيحرقوك ؟
يامنة : ا لاء ...
فواد : شربتي دوا ؟
يامنة : اهاء حتى نهبط نفطر عاد نشربو ...
فؤاد : لا كاين واحد قبل دخلي شربيه وجيبي معاك دوا وهبطي ...
يامنة : وخاا ...
فؤاد" بقا شاد ليها فذقنها وهو كيهضر وهي كتجاوب حتى بقا كيشوف فيها ...طبطب ليها على حنكها وهبط راسو حتى باسها فجبهتها ومشا هبط خلاها تجيب دوا وتبعو لتحت ..." ...
مشا هو هبط لتحت لمطبخ وهي دخلات جابت ساشية ديال دوا الي كانت عند راسها ...والي جابها ليها فاش كانت غاطة في النوم العميييق ...هبطات لتحت ودخلات المطبخ ...
كانت جايا على اساس توجد الفطور كيف العادة ولكن لقات المفاجئة !!! ...جالس على كرسي حاط رجل طاويها وحاطها فوق فخدو ..وطابلة فيها لفطور واجد وكلشي محطوط ...
يامنة "كتشوف فالطابلة وكضور هنا وهنا مستغربة امتا تصايب هادشي وشكون صايبو لا يعقل يكون فؤاد هو اصلا مكلتو قليلة بقا غير يوجدو ههه " ...
فؤاد "هز فيها عينيه " : شربتي دوا ؟
يامنة : اه شربتو ...
فؤاد : فطري وشربي دوا لاخور ...
لقات كاس ديال لحليب محطوط قدامها ...وهي تكوشر "خصرت سيفتها. " ...بدات كتاكل بشوي وتنقب والكاس ديال لحليب مقاستوش ...كان هو ناض لبالكون كيكمي باش يخرج دخان لبرا ...كملو ورحع لقا الكاس كما هو عليه ...
يامنة "جمعت ايديها بترجي " : عفاااك منقدرش عليه ...
فؤاد "خرج فيها عينيه ورفع حجبانو بمعنى هضرت منعاودش " : يلاه دااابا ...
يامنة : وننن اااافففف ...محست غير بالخبطة ديال طابلة حتى طارت ونزلت ...اممنن
فؤاد "مخنزر فيها " : اش درتي دابا ؟؟
يامنة "خلعها" : و والو والله مدرت شي حاجة ...
فؤاد "عض فشفايفو ودار حركة بعينيه بمعنى منعاودش نسولك "
يامنة : والله مدرت شي حاجة منفختش عليك اهى غير مبغيتش لحليب مكنقدرش نشربو دابا حتى لمرة اخرا غادي نتقياه عفاك ...
فؤاد"بقا كيخنزر فيها وهي كتفتف شحاااال … خبط ايدو مع طابلة ثاني ....خبط طابلة خبطات متتالية وكل خبطة الطابلة كتقولي غاتقسم على زوج حتى كيتهزو الكيسان ويتسمع تقرقيبهم ...
بجهد حتى غوتت ....ضرب ضورة وخرج من الكوزينة خلاها غاتموت فحوايجها " ...
شافتو خرج بهاديك طريقة حست براسها فحال زادت فيه ... وهو تقلق وتعصب وهي تضغط على نفسها وتكات على داك الكاس ديال لحليب شرباتو بزز من خاطرها ...
وهي تمشي شربات دوا الي محطوط ليها فالساشية ...وناضت وقفات ...جمعات داكشي الي محطوط وجمعات دنيا حطتهم غير تما ريتما يتحلو عينيها مزيان وطلعات لفوق لبيت ديالها ...بقات شحال وهي جالسة بغات تمشي عندو ومتمشي وخافت من ردة الفعل ديالو ...يلاه غاتخرج حتى تحل الباب بجهد ودخل مبدل حوايجو ومخنزر .....
فؤاد "كيهضر ومكيشوفش فيها " : متخرجيش لبرا جردة ومطليش من بيتك حتى نجي ...سمعتيني ؟؟؟؟
يامنة "كتجاوبو براسها " : اننمم واخا ...
فؤاد "قرب حتى قرب لعندها هز صبعو بغا يتحلف ...عض فشفايفو بجهد حتى بغا تسقط منهم دم ...ولا رجع ضار باش يخرج حتى ...
يامنة : سمح ليا نفخت عليك ...
فؤاد "وقف ضور راسو مخنزر .."
يامنة " حسات بيه تقلق نيت وهو عمرو خصر ليها خاطرها وخا صعيب ...وهي من عادتها كان باها الى تقلق كتبقى مقلقة حتى يرجع كيف كان معاها كتمشي تعنقو ولا تبوس ليه راسو حتى كيرضى عليها وكان كيتقلق منها غير الى مشرباتش دوا او شي حاجة هي متقدرش عليها ولكن فمصلاحتها ....دلات شنايفها وهي تمشي تجري لعندو شداتو من ايدو وضارت لعندو " ...
يامنة "كتشوف فيه بعينيها مدمعين ومدليا شنيفانها وشاداها تنخصيصة " : سمح ليا والله مقصدت نتافف عليك والحليب شربتو والله تا شربتو مكدبتش عليك ...
فؤاد "مخنزر ومكيشوفش فيها ..." : مزيان ...
يامنة "حدرت عينيها وهي تحيد من قدامو " ...
فؤاد " بقا واقف شحاااال وهو يرجع ضار لعندها " : : شربي دواك وديري شنو قلت ليك ضد مكنبغيهش بقاي كيما نتي احسن ليك ...مغايخصك خير ......
يامنة : وااخا ..
خرج من البيت وخلاها وهبط ...
هبط من عندها مشا خرج من الفيلا وركب فطوموبيل ...كسيرا نيشان الوجهة فين غادي ...كان مزير مع اقتراب موعد الحفل المقام بتل ابيب واقتراب موعد عقد اكبر صفقة مهمة عندهم ...والي الغرض منها غادي يبان فالاجتماع ...والي هو الغرض بيه يعجبو شنو فيها وينالو رضى ديالو هو لغرض هاد الصفقة والي غايتكشف عليها اثناء الاجتماع ...
خدا طريق طااااير طوموبيل كتهز ...كان معصب وزاد ...اعدى حاجة عند فؤاد رمسيس هي شي حد يرد عليه الهضرة يتافف ولا يغوت عليه ...فشي حد كان اخرتو جابها او جندخو ميعقلش عليه ولا يعقل على دقة فين جاتو ...كل مكيتفكر كيزيد يتنيرفا وسرعتو كتزيد ....بقا غادي منير حتى وصل لواحد الفيلا بعيدة على موسكو باميال ...من بعد ساعتين وهو فطريق عاد وصل ....
كانت فيلا صغيرة شوي ...ديال واحد من رجال المافيا واحد الرؤوس الكبار في روسيا ...دخل عند الباب حلو ليه قبل ميوصل ...دخل طاير فرانا بجهد حتى ضارو رجال الي تما كيشوفو ...
خرج من سيارة ...لاح الگارو الي جاي كيكمي فيه سيجارة تابعة لاخرا ...ودخل ...
لقاهم مجموعين كيتسناو فيه وهو مجاهم حتااااا قالها ليه راس راسو ...حتى اطمان على يامنة وتاكد عليها عاد خذا طريق ...
جيفيتوف "شرع ايديه " : اوو علاش تعطلتي اولدي ...
فؤاد "مخنزر كون لقا يفرشخ شي حد وراه يتسنى هذا الي غاتحفى ليه جرية ويجي فطريقو " : لا رد ...
ايلاف "عرفو ماشي تالتم مهضرررررش وخا عاد كلا سلخة منو وملاموش حيث عارفو عائلتو ومرتو شي حاجة مقدسة ميدخل فيها حد " ...: نبداو...
كانو هما خمسة ديال رجال ...جيفيتوف روسيا ...واحد اسمو سامويل من كلومبيا ولاخو من ايطاليا اسمو روبيرتو ...كلهم رجال كبار فالسن الا فؤاد وروبيرتو وايلاف ...وروبيرتو اصغرهم ...
تطلق داطاشو ...وبان الغرض ديال صفقة ولي غايتكشف عليه مورا الحفلة ...
جيفيتوف : كاينة حفلة شرفية هي اللولة بتنضيم ديال شمعون فرتهايمر عاد من وراها الاجتماع الي غايكون فالعنوان الي غايعطينا ...
والحفلة الثانية الي غانضمها انا غاتكون من ورا الاجتماع سري وعليه غادي نعطيو تاريخ استلام السلعة ... متافقين ؟
كلشي قال اه الا فؤاد غير مخنزر وحاضيهم ...
روبيرتو : المهم يكون داكشي هو هذاك ...
جيفيتوف : راه شمعون هذا طبعا غايكون هو هذاك ...
فؤاد " كيسوس فوق فخادو بصباعو " : المهم يعجبني ماشي شغلي فهذا الي نتا عندك هو كلشي ...
روبيرتو : شمعون منقدروش نقولو ليه لا معجبناش حيث اصلا هو غايجيب الصح ...
فؤاد : نتاا هضر عليك نتا ...
روبيرتو : فؤاد صحبي تهدن حتى يدوز كلشي مزيان هادشي را مهم عندنا اكبر صفقة غادوز فتاريخ ومسالة انك تعامل مع شمعون راه اكبر شرف لين...مزال مكملش هضرتو حتى لقا فؤاد عند كمارتو ....حط صباعو زوج على قرجوطتو ورررك عليهم ...حتى ناضو لوخرين وقفو ...
فؤاد "رااااسو سخن ...عاض على سنانو حتى كيبان راسو كيفيبري " : ش ررررف ليك نتاااا ...تعجبني مزيااان متعجبنيش ممزيانش ليه هو ...
فؤاد "بقا موررررك عليه حتى كانت روحو غاتخرج ...عدوووه ليهود وزادو كملو عليه بالقيمة الي عاطينها لهاد الشخص الي هو ممسوقش ليه ولا معتابرو ...دفعو بجهد وهو ينوض تم غادي ...حتى تبعو ايلاف لبرا ..." ...
ايلاف : فؤاد ...
فؤاد "هز ايدو باش يوقف " : نشوفك لهيه "على تل ابيب " ...
ركب فسيارة وانطالق طاير بيها لوجهة لفيلا ...رجع معصب باغي غير معامن ...مسافة طريق حتى كان رجع لفيلا ودخل ...طلع نيشان لفوق لبيتو ...مشربن صدرو كيطلع وينزل ...في حالتو لو جا اي شخص قدامو يفرتك ليه راس ...وفي حالة شي حد رد عليه الهضرة او وقع الي دارت ليه يامنة مغايعقلش حتى يلقا راسو خلطها ولا خبطها مع شي حايط ولا فلارض ...جمع راسو وحاول يضبط اعصابو حيث عرفها انها ماشي من نوع الي كيقلل الادب ونضرا لسنها وشخضيتها ...راه معجزة وتساهل معاها ...وهذا ان دل عن شيء فانه يدل على انها امتالكات اعصابو هما لولين واصبح كيدير ليها حساب ....
دخل حيد حوايجو ودخل تحت رشاشة هابط منها ما باااارد ...حس براسو سخن بزاااف ...دوش وخرج لوا عليه فوطة لتحت ...مسح وجهو وراسو بالما ...شوي حتى ضور وجهو تفكرها ...خرج حفيان وهكاك لاوي على نصو الفوطة وجاي كيمسح حتى دخل عليها البيت ...ملقاهاش وهو يدخل لدوش
كانت عاد داخلة ل دوش باش تبدل فوطة صحية يلاه غاتجبد من البلاكار حتى دخل عليها وبالخلعة والحشمة دخلاتها وسدت بجهد حتى غوبش ...
من صفات طبعها انها جد خجولة فهاد المواضيع وكيف معروف على البنت المغربية ديال زمان ...فاش كتجيها العادة شهرية كتكون فخبار غير امها او اي شخص من جنس النساء ...والى قالتها لراجل وخاصة باها او خوها ...تربات على حشومة وعيب يعرفوك فيك العادة ...
فؤاد "خنزر فيها حتى ولات تفتف ...مشا لعندها وهو يمد ايدو لبلاصة فين خشاتها حل البلاكار حتى بان ليه الفوط الصحية ...سدو وضار لعندها لقا وجها ولا بيض وحادرة راسها " : كليتي شي حاجة ؟
يامنة "جاوباتو براسها بنعم " ...
فؤاد "تكا ايدو على لحايط ودار رجل على رجل مكالي " : هزي راسك شوفي فيا ...
خرج خلاها غارقة فحوايجها ...مشا هو لبيتو لبس حوايج باش كيبقى فالدار ...معندوش مع كترة الحوايج ...لبس بيل صماطي وشورط وخرج ...هبط لتحت مشا لمكتب ديالو ...اما هي فا كيف خلاها مشات بدلات وطرفت حالتها وخرجات زادت عليها بينوار سخن من لاخور وتلوات فيه ...وهبطات لتحت دخلت لمطبخ تشوف شنو دير ...حتى قررات تصاوب عشا خفيف دغيا ...شوي وهو يتم داخل ...
فؤاد : كتحسي ب شي حاجة ؟
يامنة "ضارت لعندو " : لا مفيا والو ..
فؤاد "عض طرف شفايفو مصغر عينيه فيها بانت ليه مرة مرة كتحاول تغمض عينيها ...يعني وجع العادة بدا ...زاد تعصب من نهار حطت رجليها فهاد البلاد وهي كتعاني وصابرة عمرها تشكات ...صبورة لواحد درجة فشكل..." : مديري والو اجي معايا ...
يامنة : فين ...
شاف فيها وهي تحدر راسها ومشات لعندو ...سبقها وهي تبعو حتى دخلها لصالون وشير ليها باش تجلس فوق الفوطوي الي تما شعل ل LED ...هز الماك ديالو دخل ليه وهي عطاها ريمونت باش تبقى تبدل وتفرج ...
يامنة "ببرائة " : والعشاا ؟
فؤاد "كيطابي فالماك " : مجاوبهاش ...
ضارت كتفرج واحد ساعة تقريبا ...حتى دق الباب ودخلو ليه الماكلة ...هزها فبلاستيكات ودخلها حطها فوق طابلة الي تما ...
حيد منهم داكشي وحط ليها بيتزا والموناضة ...
يامنة "بفرحة " : بيييتزااا 😍😍...شكرا ...
من بعد ما حط داكشي وقادو ليها ...تلاح فوق الفوطوي وهز الماك ديالو حط المخدة تحت باطو والماك فوق مخدة اخرى محطوطة فوق فخادو ...
فؤاد "شاف فيها كتهز فالبيتزا ...هز ايدو وحطها على شعرها عنكشو ليها ..." وضار خدام فالماك ...خلاها تا بدات تاكل مرة مرة كتشد تحت كرشها كضور كيبان ليها راه كيشوف فالماك وكتكمد كرشها ... جاها جوع رهيب وخا فيها الوجع ....كلات وشربات الموناضة ...وهي تجمع داكشي يلاه بغات تنوض باش تمشي
فؤاد "بغات تبدا تحرك باش تنوض وهو يزيرها بايدو وقربها لعندو ضور ايديه على كتافها وجرها خشها فيه حط ايدو تحت كرشها وبدا يدلك ليها تما يدلك "
يامنة : اكحكح اهم ..
فؤاد : ششش ...
يامنة "جاتها لبكية وهذا الله معاه " ...
فكل مرة كطيح كتلقاه هو فجنبها ...فكل مرة كتحس براسها وحيدة كيكون هو السباق باش يحسسها بالي ماشي بوحدها وبالي معاها راجل يعول عليه راجل الي كيخافو منو رحال جات يامنة ولا كبان فعلا سيد رجال ونعت سيد رجال يستحقه وعن جدارة واستحقاق ...
ماحدها مزيانة معاه ماحدو كيعاملها كملكة فدارو ...
دازت الايام ورجع تشغل عليها ...حتى وصل اليوم الي غادي تحط فيه يامنة ثاني رحلة ليها وهاد المرة فبلاد واغرب بلاد واكثر بلاد نايض عليها صداع داخليا وخارجيا من كل انحاء العالم ... ...اسرائيل وبالضبط تل ابيب ...وااه من تل ابيب ....
يااامنة يامنة ياا يامنة ....الطفلة الصغيرة الي حكم عليها القدر تربط برباط عائلي كلل بالزواج ...حكم عليها القدر انها تزوج فسن صغيرة بولد عمها ...الشاب الطموح الصنديد الصعب المراس والمزاج ...القدر الي حكم عليها تخرج من دوارهم الي تربات فيه وتربات وسط ناسو لمدينة اخرا غيييير وبعيدة بكلمترات على بلادها ....وتحط رحالها بمدينة ازرو ...لتبدا رحلتها الثانية والي استقرات فيها ...وهي بلاد روس ...
شكون قال غادي تلاح هاد لوحة ...ولو مكان الشخص الي تزوجات بيه معندوش مواصفات فؤاد ؟ لو كان شخص اخر ؟ ...تواحد فينا معارف شنو مخبي ليه الله وكل حاجة مخبية لينا الا وفيها حكمة بااالغة من عندو سبحانه جل جلاله ....
بعد استقرارها في بلاد الروس الي بعيدة كل البعد على المجتمع الي عاشت فيه وحتى بدات كتولف هاهي غادي تسافر سفر مؤقت لبلاد اخرا ...والي معارفاش فيها تاحد !! ...
فاش فاقت من نعاس وكيف عادتها بدلات وطرفت حالتها ...حتى تحل الباب ودخل بلباس الرياضة الصباحية الي كان كيقوم بيها في الصباح الباكر ...دخل لقاها عاد خارجة ...
يامنة "بابتسامة " : صباح الخير ...
فؤاد "قرب ليها لقا عينيها ولاو طبيعيين تماما وحالتها مزيانة اسبوع وهي مداومة على دواء وهو مراقب حالتها رغم انشغالو " : لبسي حوايج الخروج ووجدي شي حاجة متدي معاك ...
يامنة : غادي نخرجو ؟
فؤاد : تت غادي نسافرو يومين ونرجعو ..
يامنة : وااخا واش غايكون البرد باش ندير بالحساب ....
فؤاد " تم غادي ضاير ونطق " : هما الي غايديرو بالحساب ..."خرج من البيت وخلاها كتشوف مفهمت والو " ...
مشا هو البيت دخل لدوش نيشان حيد حوايجو ودخل طلق عليه رشاشة ...هابط الما داااافي على الجسم صلب ديالو الي شوفك فيه يقشعر لها البدن ...مابين عنقو وكتافو كاين تورم ...هابط الما على شعرو الي محسنو تقريبا كلو ...مرورا بعينين نسر الي عندو ...حجبانو ديما معقودين وخنزر كثير شي الى كان كيفكر وشي حاجة كتعصبو شاغلة بالو ...
صدر عريض وكتاف عراض ...قليل فين كيبتاسم ...اما ضحك عندو ممنوع سنانو كيبانو غير لا عض عليهم ولا تجنن ...غيرته على عرضه وشرفه اعصار ...دغيا كيفور ...عندو نيشان ومفيش ياما ارحميني ...رجل شرقي في زمن اصبح فيه الرجال معدودين ...
كيهبط ليه الما على جسمو ...متكي بايديه على الحايط ...مغوبش كيفكر فالسفرية ...معندوش سوق فاشنو كاين واش غايوقع ولكن اهتمامو وتفكيرو في شخص الي انضاف ليه كفرد جديد معاه فمضطر انه ياخذها معاه حاليا ولفترة مؤقتة في سفرياته ...
كمل دوش وخرج نشف راسو وجسمو كامل لوا على نصو الفوطة تقابل مع مرياة لافابو ...جبد من البلاكار ديودرنت رشها عليه ....قلب لحيتو واش خاصها تحسن كانت هي هاديك حكها بايدو وسد البلاكار وخرج ...لبس حوايجو ..
قميجة فالابيض وسروال فصالة كحل ...لبسهم وعقد صدايف القميجة ...جبد من المجر صمطة ديال سروال خشاها وضورها وسدها ...جبد ساعة اليد ديالو سواتش جلد اسود ...قادها ومشا لكوافوز جبد جيل دوزو على شعرو وخا محسنو مزيان ... قبل ميلبس صباطو هز واحد الفاليز عندو فالبيت خرج مشا لبيت عندها لقاها لبسات ...كانت لابسة سروال دجين وفوق منو توينكة طويلة فالبوردو ...
فؤاد "طلعها وهبطها " : حلي هادي (الفاليز ) وهزي منها داكشي هو الي غاتلبسي ملي تكوني خارجة ...حطها ليها فوق ناموسية وضار خرج مشات حلتها وهزت منها ماتلبس لقات فيها جليلبات مطويين ومعاهم زوج قفاطن ...هزت وحدة منهم حلتها كانت فالبيج مطروزة بالصم نحاسي ...ومعاهم كولونات وبوديات ...والمشكيل ماشي هنا المشكيل هو جلابة عريضة شوي ههههه
بقات غير كتشوف وتقلب مصدومة ...معرفتش منين جابهم ويكفاش عرف قياسها وكيدار تا جابهم ...الي عارفة انه خاصها تلبس وتوجد قبل ميجي يخنزر وتخرا فحوايجها غا من تخنزيرة ...هزت جلابة لولة الي حلات ...حيدت هادوك الحوايج ولبسات بودي وكولون كانو سخان ...عاد لبست جلابة ومشات طلقات شعرها جمعت خصلات لورانيين ...عاد لبسات صباط موكاسان كان عندها اصلا فلون جلابة ...طلات فالمراية ..عجباتها وخا عريضة شوي ولكن رغم ذلك جليليبة رويقية وزوينة وكتلبسيها كتباني محترمة ههه ...هزت صاك فالمارون ...كيتلبس طويل فجنب ...
دارت فيه الفون ولوازم واتخوس ديال لوازم الاخرا مكياج وتخربيق وريحة الي جاب ليها قبل متخشيها رشات منها وجدات كلشي وجلسات كتسنا فيه شوي ...حتى دخل اول شيء ...
فؤاد "كيلعب بشفايفو مطلع حاجب ومنزل لاخور زعما بغا يبدا يدير فسكانير " : وقفي ...
يامنة "وقفات ...وجا حتى لعندها كيشوف فيها عارف راسو اش جايب ولكن مسالة توقف عندو هو فيها حاجات اخرا ممكن انبهار اعجاب…شوف هو اش عندو " ...
فؤاد : لوي شال على عنقك وهبطي ...كان هو لبس فيستة على داكشي الي لابس ومقاد ووجد ...هبط لتحت سبقها وخرج لعند باب الفيلا ...جبد السيجارة وبدا يكمي ...من بعد ما جر جرة حط سيجارة بين صباعو ودار ايديه على خصرو ...ايد حطها على لفردي قاسو ...هز عينيه كيشوف بعييييد هنا وهنا ...حتى طلعات معاه ريحتها ...لقا راسو بدون ميحس ضاير لعندها ....
يامنة "جايا بشوي حنيكاتها مزينگين الفجيلة حتى وصلات لعندو مبتاسمة "...
فؤاد "كيشوف فيها مصغر عينيه ...شفط من الگارو ولاحو بعيد قبل ميقرب ليها قاد ليها شال مزيان على عنقها ...هبط باس ليها حنكها وضور ايدو على كتافها لصقها مع جنبو ومشا هو وياها ...يلاه غايقربو لسيارة فانتضار يدخلو يجيبو لفاليز ديالها ...حتى قشعات الكلب ...
يامنة "عينيها ولاو فيهم القلوبة والوحش ولا كيبان ليها مش " : هوووو ..."ضارت لعندو قبطات ليه فايدو الي كتبان قدام ايدها غير بالة وشادة فايد شي بنية صغيورة ...كيبانو ايديها بلقين وسط ايدو السمراء . "
فؤاد "حذر عينو لايدها الي كتنغش ليه فايدو بدون شعور... هز عينو فيها لقاها كتشوف لهيه وضحك مقاداها فرحة " : غانمشيو ماشي دابا ...
يامنة : عاااافاك "بصوت رقيق " ...پازهالويستا ....
فؤاد "رفع حجبانو من الكلمة الي نطقات " : شنو؟؟؟ ..
يامنة : بازها لويستا ...
فؤاد "ضار جيهة البوديكارد شير ليه باش يطلق الكلب وضار لعندها هبط لوذنيها حتى تبورشات ونطق" : پاجهالويستا (عفاك ) ...
كانت كلمة بالروسية هي تعلمتها من غوغل ومعرفتس تنطقها مزيان ...تم جاي الكلب كيجري فاش يمشي لفؤاد مشا لعندها نيشان وبدا كيلعب معاها بدوك الحركات وهي كضحك من قلب قلبها ...وفؤاد مربع ايديه وحاضيها ...
يامنة "هزت فيه راسها " : معرفتش اشنو سميتو ...
فؤاد "شير لكلب مشا كيجري رجع فين كان وضار حل ليها الباب " : ڤلاد ...
يامنة : ڤلاااد هههههه .."ركبات وسد عليها وضار هو لجيهتو سد الباب وديمارا انطالق نيشان لمطار موسكو فين غاياخذو طيارة الخاصة فاش جات اول مرة من المغريب ...
بعد رجوعه من السفر ...على راس طاولة وبجانبه ابنائه ...ومربيتهم ...وامهم الثانية ...رجعات الحالة طبيعية لعائلة رمسيس كما كانت ...فا ماحد كلشي كستقر عند فؤاد ويامنة وخا معالمينش عليهم الا انه كيما كان الحال مكاين حتى حاجة خايبة ...كانو دراري هبطو حوايجهم وداروهم فكوفر سيارة ...ولبسو ونضاو روسهم ...اجلو سفر حتى يجي الحاج ...الي بلغوه وطلبهم باش يمشي معاهم هو والحاجة نجود ...ومرفضوش كانت فرحتهم اكبر ...
الحاج : نتيسرو اوليداتي ..
يوسف : على بركة الله ...
الحاج : لو نديو شيفور يعاون الياس لا ...
غا قال هاد الهضرة حتى وقف ليهم الياس كي العمود وخبط طابلة حتى قفزو مغهمو والو ...
الياس : تا بربي انا هو شيفور ... ...ياك الوليد غانديو طوموبيل لكبيرة ياك ديال ستة البلايص ...
يوسف : الله يسمخ ملتك الحمار مالنا اش كاين تبت لارض ولا نخلي حبك فدار نسد عليك ...
ناض الحاج وناضو دراري كانت نجود لابسة وموجدة ...خرج الحاج وخرجو كاملين ركبو فالسيارة ...تقاد كلشي فبلاصتو ...الياس هو الي سايق وحداه الحاج ونجود لور حداها صهيب ...وورا نجود مسرح يوسف ...الي حيد جبيرة فداك الاسبوع بتوصية من طبيب براحة تاكة ليها مؤقتا ...
انطالقو وكانت الوجهة باحد القرى التابعة لمدينة مراكش ...
في الطريق ....
نقز الياس ...
الياس"حاس بالفخر انه هو الي سايق بيهم " : بحول الله ورعايته غانضرب من ازرو حتى لمراكش بدون كلل ولا ملل نتوما غير ارتاحو ليا
الحاج : ان شاء الله نتا ديها غافطريق اولدي وميخصنا خير ...
صهيب "حبسو " : اش تدير البغل لميمة خليه بلاتي غير نعس را عينيا مغيسين الو هو غايشقلبنا فالفيراجات انا غالوحكم فالسد نيشان غير مرتاح ومشد من عندو مكنبغيش نسوق فنبوري ..
يوسف : وخا يلاه صهط ...
صهيب "ضار باش ينعي وعاود رجع لعندو " : شوف الى تشقلبنا متفيقونيش غا سيرو لسبيطار تنفيق ولحق عليكم ...
بعد مسافة ديال طريق حتى كانو وصلو لمطار موسكو ...خرجو من سيارة وهي غادية بجنبو محاوطها وملصقها معاها ...ممفارقهاش ..عينيه كيلوبو هنا وهنا ...حتى دخلو لداخل ...او شيء عطا الوراق لواحد من رجالو باش يشوفوهم البوليس قبل ميمشي لعندهم ويتاكدو ...
المطار كان عامر وضغط كبيييير عليه خاصها تبقى فجنبو باش متجلاش ليه ...لانها معارفاش تما لا لغة عندها ومعمرها عتبات فيه من نهار حطت رجلها اول مرة ومطار كبير ...بنادم كان كثييييير على غير العادة كانت العطلة ديال ربيع عندهم وكان تصادف عطلة ... ...كاين الي كيسافرو باش يحتافلو ولا اعمال ولا دراسة ...
بقات لاصقة فيه حتى
واحد شوي حتى جا شي حد كيجري بدون قصد منو كانت فايتاه طيارة ومشافهمش حتى دفع يامنة بجهد حتى طاحت ...
كانو ناس كيجريو يجريو ...
يامنة : ااااي ..."طاحت على جنبها " ...
فؤاد جا بغا يشدها وهي طيح ليه ...ماعرف باش تبلى ...خفض هذاك من سرعة ديالو باش يقوليها سمحي ليا ويرجع محس حتى لقا فؤاد شانق عليه وعطاه بروسية حتى تلاح ...شربن عليه ...طلع فىق منو بقا يعطيه فيه يعطي وناس جات كتجري باش تفكو هز فيهم فؤاد عينو فحال جمر ...حتى كحزو ....
الولد بغا غير يقول سمح ليا مخلاه ...جخلط ليه الوجه والملامح ...حتى ولا وجهو حمررر ...ضار ضورة لقا يامنة طارت ....
فؤاد "كيضور ...عينيه خرجو مبقاش لقاها ...صااافي طلعات الحمرا عندو ..رجع عطا لهذا براس حتى داخ ...وناض كيجري يقلب عليها ...والو طارت " ...
المطار كان كبير وعامر ...خربقوها ناس الي تجمعو مبقات عرفت فين هي كتكحاز وتكحاز حتى لقات راسها تجلات ...وسط بنادم كتقلب عليه بعينيها ملقاتو ...حتى جاتها البكية وطاح عليها ضيم ...
يامنة "هزات راسها بجهد وعينيها هابطين منهم دموع ... لقات واحد الولد طويل ومگضر ...عينيه خضرين وملامح ديالو كحلين ...لابس تيشرت وسروال دجين ودرعانو موشومين ...
هو."شافها لابسة جلابة " : نتي مغربية .؟
يامنة "بفرحة لقات الي يفهمها ممكن يعاونها " : هااا ؟ اه اه حتى نتا ؟
هو "حط ليها كلينيكس فوق حجرها وجلس حداها " : نعم انا مغربي مئة بالمئة ولكن معايش فالمغريب هههه ونتي ...
يامنة "مبغاتش تعمر معاه بغاتو غير يعاونها " : عفاك عاوني راني تلفت عليه اهى اهى ...انا غاديا مسافرة ...
هو : فين باش نعاونك تمشي لبوابة ديال طيارة تلاقاي بيه ...واش شي حد نتي معاه ؟
يامنة : اه مع راجلي...
هو : هممم اوكي فين غادين ...
يامنة "حدرت راسها " : معرفتش عاد غايقوليا ...
هو : هانتي بقاي هنا انا غادي نمشي عند موضفة الاستقبال تعيط بسميتو هو يجي حتى لعندك ...
يامنة "بفرحة " : اه اه عفاك غايتقلق عليا ...
هو "بقا كيشوف فتفاصيلها وحركات ايديها وعينيها الي لونهم الاخضر ولا مشعشع بالحمورية الي ضايرة بيه ...بقا ساهي فيها " : احم اوكي ...مهم تشرفت بمعرفتك ...غادي نمشي نعلمها ومن تما غادي نمشي عندي حتى انا طيارة ...شنو سميتو باش نقولها ليها ؟
يامنة : اممن فواد رمسيس ...
هو : اوووه ...اوكي ...
يامنة : كتعرفو ؟
هو "هز عينيه كيشوف فالناس " : وشكون الي مكيعرفش فؤاد رمسيس فموسكو ...
خلاها وناض مشا لعند موضفة الاستقبال ...علمها بالاسم والمكان ديال يامنة حتى جا فؤاد كيجري عروق نواضرو تنفخو وعينيه محنزررررررريييين لا حول لهم ولا قوة ...مشا لعندها ...قالت ليه مكانها مشا كيجري ويدفع فبنادم ...حتى لقاها كالسة دايرة ايديها على حناكها وكتبكي ...
يامنة "طلعات معاها ريحتو وهي تدور بجهد شافتو ...ناضت بسرعة لعندو كتجري تلاحت عليه عنقاتو " : فؤاااااااد اهى اهى ...خفت خفت ...
فؤاد "شدها من كتفها قابلها معاه كيشوف فيها مخنزر "
يامنة : واحد الولد جا لعندي مد ليا كلينيكس ..."عاودت ليه "....هي كتعاود ليه حتى ناض على وقفتو ...مشربن اصلا ...ديك ساعة كانت طيارة طلعات وحدات مسارها والمضيفة غبرات من حداهم هي والبوديكارد زوج ...اما ايلاف فسبقو فطيارة اخرى قبل بيومين ...شدها من ايدها ووقفها جرها وراه دخلها لواحد البيت كاين فطيارة صغير شوي فيه ناموسية ...دخلها ...
فؤاد "قرب حتى لعندها عينيه حمرييييييييييين ...خبط ليها فكتفها خبطات خفاف متتاليات " : جمعتي معاه ؟؟
يامنة "خلعها حتى بدات تقفقف فالهضرة وتمتم " : لا لا لا والله غير باش وريتو و ...
فؤاد : وريتيه ؟؟
يامنة : الااا اهى اهى بغيت نقوليك غير عطيتو سمية حيث مكنعرفش لغة خفت تجلا عليا والله اهى اهى ...كتهضر حتى غوت وهي تقفز ..
فؤاد : ماااااااا تهضرييييييش معامن كان ...بقاااااااي فبلاااااصتك غادي نلقااك نلقاك ....
يامنة "حدرت عينيها وكتبكي " : اهى اهى ..
فؤاد "خبط الباب ديال البيت بايدو حتى تحفر ...وهو مخنزر ...بالخلعة غوتات وتكمشت ...بقا يخبط يخبط يخبط حتى بغا يشلخو " ...
يامنة : اممننم اهى اهى واعععع مضربنيش والله مقصدت غير خفت عفاااك اهى اهى اعء ...اماما ماماماما ....اهى اهى ...
فؤاد "ضار لجيهة لاخرا حط ايديه ورا. راسو ...كيغمض عينيه باش يتهد يتهدن ....بقا هكاك قبل ميقبس برجلو واحد الكرسي حتى تلاح عالحايط تشلخ ...ضار لعندها جرها ولصقها معاه ...كيشوف ليها فوجهها وفمها الي كيترعد "..
خشات وجهها فكرشو كترعد ...وقلبها بغا يخرج بالخلعة ...
فؤاد"هز ايديه لفوق كيشوف فيها وملامح ديالو مشربنيين ...بقا شحال وهو كيشوف فيها كتنخشش فيه فكرشو بالخوف ودعقة لقات غير كرشو قدامها ...معرفتش بهاد طريقة راه تهدن ونسا راسو ...حس بتبوريشة حتى غمض عينيه وهبط بايديه حتى هزها بجهد ...
يامنة "غوتت " : ماما لا اهى اهى ...
لوا ليها رجليها على خصرو وخشا وجهو فعنقها باسو ليها ...مغمض عينيه وحجبانو معقودين ...شي مرات احاسيسنا هي الي كتزيدنا نتصرفو تصرفات لا ارادية ومعارفينش بالي هادوك تصرفات راهم فعلا وبصح باغين نديروهم وهما الي ضاغطين عليهم وطافيينهم بزز باش ميخرجوش ولكن الى وصلت لنهاية كيخرجو لعلن ...وهادشي الي وقع لا لفؤاد لا ليامنة هو فطبعو مكيعبرش عن احساسو بالكلام لكن كيعبر بالافعال ...ولكن فالاخير صافي مبقاش قادر يصبر واطلق العنان لاحاسيسو الي كان كاتمها وداير بالاعتبار انها مزال صغيرة على هادشي ....
وهي كتصرف بعفوية ...
فؤاد "تنهد ليها فعنقها شحال " : متهضريش مع تاحد مكتعرفيهش ،،هضري معايا غير انا ...متشوفي فحتى حد من غيري انا ...متقربي لتاحد من غيري انا ...نبقى فعينيك غير انا ....تفاهمنا ؟؟ ...
فؤاد "باسها فعنقها بوسات متتاليات وهي كتنخشش فيه حتى حس براسو بدا يسخن ههه ..خرج نفس سخوووونة بزاف من فمو ونطق" : كاتيوشا ...
فعلا لصبر حدود ...قد مكان الواحد صبار غايجي واحد النهار ينفاجر وكل على حسب ...وفؤاد راه احسن الصبر ملي كتم احاسيسو مخرجهاش لعلن راه فوق صبر...فطبعو
معندوش صبر قليييل صبر سريع الهيجان والغضب ...معندوش تهديد المعيور نيشان تطبيق ...صبر حتى صبر فالمشاعر ديالو وهاهو كيخرجهم واحدة تلو الاخرى ...والغيرة على شرفو بشكل عام متحكمة ليه فاعصابو حتى مكيبقاش قادر يتحكم ولا يسيطر عليهم ...
بقا هازها لاوي ليها رجليها على خصرو ...وخاشي وجهو فعنقها ...العنق الي كيلقا فيه ريحتها الدافئة والمميزة عندو ...والي كتجذبو لعندها بواحد شكل رهييييب ...كانه كيشم في فراولة طرية حلوة ...
فؤاد "طلق نفس سخووون على عنقها حتى قفزت وتخشت فيه بتبوريشة الي طلعت معاها ...ونطق بالكلمة الي معناها الحقيقي اسم فتاة كانت تنتضر حبيبها الجندي لياتي من الحرب ...ولكن معناها بالنسبة ليه هو ك فؤاد رمسيس وهي حبيبتي ...": كاتيوشا ....
يامنة "بقات ساكتة حدها كتلم دموعها وترجع نفسها وترجع دقات قلبها الي تسارعو ..." : هخم...
فؤاد "حط حنكو على حنكها وهز ايدو كيتلمس بيها شعرها بواحد طريقة كدوب فشكل ...قبل ميحطها ...قابلها معاه وهز ليها راسها لعندو ...مسح بصباعو دميعاتها الي دازو وعينيها مكيشوفوش فيه ...حتى مسحهم ليها وهبط باس ليها جنب فمها بشوييييي ..." : ارتاحي هنا ..."قبل جبينها ومشا خرج خلاها فالبيت ..." ...
كيتعمد كل مرة يتصرف معاها بتصرفات ويخليها حتى تولفهم ويدير تصرفات جداد بلا ميعلمها بيهم ولا يقول بالكلام ها اش كنبغي وها اش خاصك تولفي ...يعني بصريح العبار فؤاد عندو الكلام قليل ولكن التعبير بالافعال ...
قبل متحط الطائرة دخل لعندها وخرجها جلست فالمقعد بجنبو ....محاوطها بدراعو ...قاد ليها سانتيغ مزيان وليه فانتظار هبوط الطائرة ...
ماهي الا ساعات وهما طايرين فالجو ...حتى تحطت الطائر بالاراضي ديال مطار بن غوريون الدولي بتل ابيب ...
فؤاد "كيحيد سانتيغ وليها حتى هي " ...
يامنة "نطقت بسؤالها ليه حيث لحد الان مسولاتوش مع المشكيل الي وقع مبقاتش سولاتو " : فين حنا ؟
فؤاد "كيقاد فالقميجة باش يلبس عليها الفيستة " : يافا ...
يامنة : اشنو هي يافا ..
فؤاد "مباغيش يقوليها تل ابيب وقاليها يافا لان مدينة يافا وتل ابيب اندمجتا وتل ابيب عاصمة اسرائيل ويافا كانت قبل متاسس تل ابيب الي دمجوها معاها واحتلوها اليهود واصبحت يافا_تل ابيب ...كيعيش فيها اغلبهم يهود والباقي مسلمين ...ولانه ممعترفش بشي حاجة اسمها اسرائيل قاليها المدينة الاصلية وهي يافا ..." : فلسطين ...
وقف ومد ليها ايدو حتى وقفات وخرجو من طيارة لاراضي الفلسطينية المحتلة ...
هبطو من الطيارة عطاو الوراق وكيف ديما هي بجنبو لاصقة ليه فيه ممحركاش....عطاو الوراق على شحال… اصلا جاتهم التعليمات من الفوق باش ميعرقلوش ليه ...بطلب من حيفيتوف الي وصا عليه حيث عارفو دغيا كضور ليه نقشة ويصدق مخلط ليه العباد وهو جنونو ليهود ...وخا لا علاقة ليه بالسياسة ولكن هو مكيخملهمش عارفهم اش كيسواو ...في العالم الي فيه هو لا غير ...
كان البرد شوية بحكم البحر الي متواجد تما ...
يامنة "وهما غادين خارجين ضورات ايديها على دراعو وشدات ليه فايدو كمشت فيها حتى خفف المشية وحذر عينيه شاف فيها " : خفت يوقع الي وقع صباح ونتوضر "دلات شنيفاتها ...كتشوف فيه بعينيه فحال هامتارو هههه ..." ...
فؤاد "بقا كيشوف فيها ...زاد حتى هو شابك صباعهم وضغط عليها مزيااان ورجع شاف قدامو حاضي بعينيه وزوج من وجالو تابعينو تاهما حاضيين معاه ..."
خرجو لقاو فاستقبالهم ايلاف الي كان واقف قدام باب المطار متكي على طموبيلتو ...
ايلاف"كيشوف في فؤاد مقادرش يشوف فيها احتراما ليه " : حمد الله عالسلامي ...
فؤاد "شير ليه براسو " : سوق نتا ...
ايلاف : حاضر ...حل ليهم الباب بالكونطاكت وحلو فؤاد حتى دخلات يامنة ودخل هو جلس حداها لور ...جابو ليهم الفاليز داروهم فالكوف وانطالق بيهم ايلاف لطريق الاوطيل الي غاتكون فيه الاقامة وغايكون فيه الحفل البسيط الي مقام قبل الاجتماع ...
راكبين لور هي متكية عالزاج كتشوف فالمدينة ...وهو ملاهي مع الفون ديالو ...كيبقشش فيه ...شوية حتى هز عينو فيها ...كيشوف فيها كتلعب فزاج كتكتب فيه وترسم قلب ...حك بشوي ليها على دراعها باش ضور لعندو ...
فؤاد "كيشوف فتيليفون ومضور ايدو على كتافها لصقها مع جنبو ...هز راسو شاف فيها باسها فراسها ورجع كيبقشش وصباعو كيلعبو فشعرها اما هي بقات كتشوف فشرجم وحلفت لا هي ضارت ...حتى وصلو لعند باب الاوطيل ...كان فندق هيلتون يافا ...المطل على ساحل البحري ...
وقفت سيارة حتى نزل فؤاد وتبعاتو يامنة حطت رجيلاتها على الاراضي الفلسطينية ...حتى جات حداه ...هزت راسها بان ليها البناية قد الخلا شاهقة ...بقات تهزو حتى تطوا ليها راسها لور ورجعو فؤاد فين كان هههه ....
فؤاد "معنقها بجنب ...طل على ايلاف الي اكد ليه ان الحجز باسمو واسمها ...ومشا دخل هو وياها حتى لعند موضفي الاستقبال ..." ...
هي : اوكاي "شافت فالحاسوب ...تاكدت من سمية وعطاتو المفتاح على شكل بطاقة الكترونية " ...حجزك تم عن طريق ايلاف نعوم ...جناح للمتزوجين ...طابق الرابع رقم 39 ...نتمنى لكم اقامة مريحة ...
شد من عندها الساروت ...طلع راسو بتخنزيرة ...وجر يامنة الي مفهمتش مزيان حدها فهمت گود مورنينغ وهيلو حيث قراتهم فالسنة الي خرجت منها ...دخل لمصعد وضغط على رقم طابق ...دار ايديه على خصرو عاض فشفايفو كيفكر ...حتى ضار شاف فيامنة الي مشابكة صبيعاتها وكتشوف لتحت "...
فؤاد "كيعض فشفايفو وكيشوف فيها بنص عين مطلع حاجبو واقف بطريقة رجولية مفيوووزية ..." : شوفي فيا ...
يامنة "هزت فيه عينيها ببرائة " ....غير شافت فيه وحيث عارفها غير تشوف دغيا تهرب بؤبؤ عينيها عليه ...شافت فيه نيشان مفلتش الفرصة وهو يغمزها ...
وصلات العشية وهما شادين طريق ...وصلو لجوايه مراكش ...خداو الوجهة لفيلاج فين كاين دوار ...هاد المرة وجع ساق صهيب الي خدا على الياس طوموبيل ..كلشي كان فايق الا واحد الي من طريق وهو يشخر ...حتى وقفو يتغذاو وعاود رجع نعس ...وصلو لفيلاج وخداو الوجهة لضورة ديال دوار ...مسافة طريق ديال البيست وهاهما حطو رجليهم ثاني فالدوار الي جابو منو فرد جديد انضم لعائلتهم عائلة رمسيس ...
وصلو عند الباب لقاو فاستقبالهم كيف عادته ...الرجل الصبور الاب الحنون الي توحشاتو بنتو والي مغايشوفها مع دار خوه الي جاو دابا ...واقف كيتسنا فيهم يوصلو ومتمني تكون معاهم ولكن مع الاسف ...
وقف صهيب بالسيارة الي ملي دخلو لدوار والناس حاضياهم ...هالي كانت تصبن وقفت تشوف هالي غادي سارح الغنم كيضوف كل واش دار ...
الحاج "كيضحك " : هههه اهلان خويا ونسيبي العزيز ..."تعانقو ...عاد جات نوبة نجود سلمت عليه ودراري تاهما ويوسف الي باقي عين مسدودة ولاخرا تقلب على فين هما باقي مدندن بنعاس ...دخلو لدار ولقاو الميمة زينة ... بدفينتها (تكشيطة ) البيضاء مزوقة بالاحمر وشال فالاحمر فوق زيف حياتي ...الي شاف نضرتها وعينيها الخضرين يشوف يامنة ....
سلم عليها الحاج ونجود وهي فرحانة مقاداها فرحة ...ودراري كلهم سلمو عليها وباسو راسها ...دخلو لبيت الي فين كانت كتنعس يامنة وجداها قادوه ليها البنات وفرشوه باش يجلسو فيه ...
فؤاد "خشا ايدو تحت ودنيها ...كيحك بصبعو على حنكها ": تغذاي مزيان الي جا متحليش ليه غادي يجي الغذا دابا ...متحلي لحتى حد واخا يكونو الي فلوطيل ...
يامنة : واخا ...
فؤاد : جبتي دواك ؟
يامنة "جاوباتو براسها " : اهاه جبتو ...
فؤاد "طبطب ليها على حنكها " : مزياان ...
واحد شوي جابو روم سيرفيس الغذا حل عليهم دخلو ليها وبقا حتى تاكد انها بدات تاكل عاد هز الفيستة لبسها ...
فؤاد "هبط لعندها باسها جنب فمها وعضها بشوي فشنافتها تحتانية من جنب " : تغذاي مزيان ...
يامنة"بخجل..." : وخاا ...
خرج من لوطيل ...لقا قدام لوطيل ايلاف كيتسنى فيه ...غير ركب وهو يديماري لوجهة فين غادين كانت مسافة بسيطة حتى كانو قدام واحد الفيلا ...ركن سيارة ...حلو ليهم البوديكارد الباب ودخلو ...وصلوهم حتى لعند صالون فين كاين مجموع ...جيفيتوف والرجال الي كانو قبل فاخر اجتماع ...ومعاهم واحد ...الي هو نائب ديال شمعون ...اسمو دافيد دحوم ...
بداو الاجتماع الاولي بيناتهم وعرضو الغرض علاش جايين يتساومو عليه ريتما تدوز الحفلة وعاد الاجتماع الي غادي يكون فيه شمعون بدل النائب ديالو ...بقاو ما يقارب ساعتين وهما مجتامعين ...كيهضرو الا فؤاد الي كان كيكمي واحد تابع لاخور وكيشرب فالويسكي مصغر عينيه فدافيد كيقرا فتعابير وجهو وطريقة هضرتو ...
كمل الاجتماع وخرج بزربة هو لول ركب مع ايلاف وطار بيه لوطيل ...طلع بزربة لجناح عندها ..حل الباب ودخل كيقلب عليها بعينيه ....اول مرة كيحس براسو موحشها ...شعور امتالكو هو بنفسو معرفوش كيفاش غير انه داخل ملهوف باش يشوف ويطمان عليها ...قلب هنا وهنا حتى دخل لبيت لقاها في سااابع نومة ...معنقة مخدة وناعسة حالا فمها ...دخل لدوش ...
حيد الفيستة والفردي حطو من قبل حطو فالمجر سد عليه ...حل صباط وحيدو ...حل صدافي القميجة حيدها بقا غير بسروال ...حط ايديه بزوج على جناب لافابو ...خشا راسو تحت روبيني طلق عليه الما باااارد ...هز راسو ...الما هابط ليه من راسو حتى لصدرو ...كيفكر...ملامح ديالو غير عادية ...مضغوط من جميع النواحي ...ولكن سيدة تفكيرو هي كاتيوشا ديالو ...مكرهش ميديهاش معاه الحفل باش متكونش الاعين عليها ...مكرهش يشوفها غير هو وميطمعوش فيها ولا حتى يفكرو ...
ساس. راسو من تفكير وهز فوطة مسح بيها شعرو وخرج من دوش ...لقاها باقي ناعسة ...خرج هكاك عريان من الفوق ...مشا لصالون هز الماك وشعلو ...
اما هي ضربتها الفيقة على صوت الهاتف ...كان هو سابقا دخل ليها الويفي ديال لوطيل ...تطلقات ليها الانترنيت ...حلت عينيها ...ضورت وجهها هزات شافت لقاهتها راوية ...
يامنة "كتحك عينيها " : راوية ...
راوية : حبيبة ديالي ياكما كنتي ناعسة ؟
يامنة : تت ماشي مشكيل ..
راوية : لباس عليك احبيبتي امورك هانية ؟
يامنة : الحمد لله ونتي ...بقاو يهضرو ويسولو فبعضياتهم ...حتى وصلو بهضرتهم وراوية ولفت فيامنة تعاود ليها ومتعاود لحتى احد باش توريها اشنو دير وتفهمها وتكون بنت قريبة لسنها الي غادي يساعدها احسن من انها تعلم من ناس اكبر من سنها ويمكن ميتواتاوش مع طبع فؤاد ...
راوية : كيغير بزااف غير انا ختو خاصني منعتبش ومنديرش وهادي وبزااف ...فاش يسولوك ثاني على داكشي قولي ليهم مخلانيش نوريكم ... ...بقات تهضر معاها حتى سالاو الهضرة وقطعات ...حطت الفون وهي تنوض كتشبح ورجعات تكاااات شحال حتى تم داخل داير ايديه فجيابو وصدرو عريان ...
يامنة "تفافات " : اااا
فؤاد : ارتاحيتي ؟
يامنة "كترمش " : هاا اه الحمد لله ...
فؤاد قرب حتى لناموسية فين كانت جالسة وجلس حداها ...وهي تنوض وقفت باش تمشي ...حتى شدها من ايدها وجلسها فوق رجليه ...
فؤاد "كيشوف فيها ...حادرة عينيها وفمها كيترعد قلبها حس بيه غايوصل لعندو ...حط ايديه تحت بيجامتها لعب ليها فكرشها حتى تهز قلبها ...بقا يطلع ليها
حتى حبساتو ...
فؤاد "خنزر فيها " : ششش
فيها يطلع يطلع حتى حيدها ليها بقات غير بضوني ...وسيرفيت عندها سروال فحال كولون ...طلع بصبعو فدراعها طالع طالع طااالع حتى كحزت بتبوريشة ...حط فمو على دراعها الي بيضيييييييين باسهم ...وطلع لعنقها كيبوس فيه ...حتى وصل لحنكها باسها فيه ...اما هي قلبها كيزدح واحد سخانة طلعت معاها ...حتى غمضت عينها ...
فؤاد "كيبوس وحجبانو معقودين ...عينيه مغمضين ...هز راسو كيشوف فيها …ضور وجهها لعندو ...قرب بزااااف لعند وجهها ...حط شفايفو على شفايفها ...قبل ميحل فمو ويخشي شفايفها وسط فمو ويجرهم جرة طويييييلة ...وايديه كتلعب فدراعها ...
فصل القبلة وحط جبهتو على جبهتها ...كيخرج نفس سخونة من فمو ومنخرو ...هز فيها عينيه ...
تكا عليه محاوطها بدراعو منخششها فيه ...كتبان وسط منو فحال بنية صغيورة فوق حجرو ...
هبط ثاني كيبوس فشفايفها وحنكو مرة مرة كيقيص حنكها كيحس بيهم سخااان ...خشا ايدو تحت من ضوني ولعب فكرشها قبل ميجمعها بجهد حتى قفزت ليه فوق حجرو ...فصل القبلة وبقا حاط شفايفو جنب شفايفها وكيهضر بصوتو الغلييييض بشوي ...
فؤاد "هز عينيه مخنزر " : مبغيتش الي بيناتنا مزال تعاوديه لشي حد "ضغط ليها على كرشها حتى قفزت " تفاهمنا ؟
يامنة الجزء الثامن
محتوى القصة
التنقل بين الأجزاء