زواج في الجحيم الفصل الثاني

في حضورك يختفي القمر خلف الخسوف، وتتوارى الشمس من شدة الكسوف

في حضورك.. تهاجر الكلمات وتنتحر القصائد في محراب الحروف
في حضورك.. اسجن في وحدتي، وببعدك اموت من قلة حيلتي ..

فرفقاا بروح اذ تعذبت وبنار عشقك.. احرقت..

مكدبااتش الطبييبة ملي قاالت ان الحيااة عباارة عن مسرح ضخم .. حناا فييه فوق الخشبة...كنجسدوو ادواار ختااريناا حنا ..بل تشبتناا بيهاا وتمسكناا بتقمصهاا .. شحاال صعييب تكوون كتمثل دوور ميلقييكش بيك .. بل مموافقش علييه .. مكرهتييش متقمصوش .. لكن ماشي بيديك .. نتاا غير بيدق وسط ديك اللعبة اللي هي الحيااة .. لعبة فييهاا ياخاسر ياا راابح..

ياتربح كراامتك مقاابل موتك .. ياتربح حياتك مقاابل كراامتك .. مكينش البدييل ولا حناا لمفيناا منقلبوو على البديل .. مكيهمش المهم .. انهاا لعبة فالاخير ..

حالا عيينيها فلماا وكااتماا نفسهااا وبمرارة وحزن فعينيهااا .. مستسلمة للموت ..طالقاا جنااحهاا كيف الحماامه المسجوونه .. غاادياا مرفرفة نحو الحرية .. بغاات الخلااص .. بغاات الدفئ بلغاات السكيينة .. الموووت هوو خلاصناا من الدنياا ..هو دفئناا من بردهاا .. هو السكوون والطمأنينة .. هوو نهااية الدور .. ونهااية اللعبة ..

بشووية بشووية يدييها لكاانو مطلووقين عن قصد .. ولاو مرخيين .. ووصلات لقااع تاع لبيسين ..بعينيين مغمضيين .. بجسد مهزووم .. ومكبل برووح معذبة .. حلاات عينيهاا بضعف .. وبدمعة حزييينة .. تفكراات مهاا .. تفكرااتهاا فاخر لحظة .. لمن غاتخليهاا اروح ..

شكوون غايحن فييها .. يااك صبرك كلوو غي على قبلهاا .. يااك سكووتك كللو باش تحمييها ..

ياك سنيين ونتي صابرا على قرف رااجلها.. كلشي على ودهاا .. بااش متعدبش .. يااك كتمتي احسااسك .. وخبيتيه بضحكة فوجهها .. نااكراا معاناتك .. يااك صبرتي وصبرتي . وطلبتي الله من محنتك يخرجك ..

علاش نسيتي بلي الله ديماا وااقف معك . واكبر دليل هوو لا شيطان ولا ولدو قدروو يمسو منك شعرة رغم محاولاتهم ..

ربي فضحوو فدك الليلة وربي غيفضح وولدو قرييب .. متستااهليش تمووتي كاافرة من وراا هد الصبر كاامل .. ماااشي نهاايتك .. تستااهلي ماا احسن ..

لاا زاالت تلك الكلمات القاسية .. بل الجارحة .. التي أرسلتها لي عالقةً في ذهني .. وأرددها في كل لحظة ..

لا زالت تغرز في قلبي وجعاً .. مع كل حرف ٍأفكر به ..

لكن .....لاعليك..كن ظالماً كماشئت .. وأنا سأبقى .. كما اناا .. لن تهزمني كلماتك .. ولاا افعالك الخبييثة .. سأتمرد .. سأدافع عن نفسي بكل قوة .. حتى لو هزمت .. سأهزم بكرامة .. لن استسلم .. لن انحني من لان .. لن انحني ..

جمعاات كل قووتهاا محاولة تسبح وطلع لللفوق .. لكن بلاا نتيجة .. نساات امر مهم .. ان الموت .. ماشي باختيارهاا .. فينماا بيتي تمووت ترحب بيها .. وفينما تراجع تودعهاا .. لمووت بين يدين الله ومفيد غيرو ..

كتسبح محااولة طلع للفوق .. بلا امل .. لبيسين مغارقش جهد تلاته ميترو .. لكن بالنسبة لواحد مكيعرفش يعووم .. كأنو طاايح فبئر ..

مبقاا كيباانلهاا واالو من غيير الحيااة .. بغاة تعيش ..بغاا تفرح .. مبقااتش بغاا تموت .. مبغااش ..مباغاااش تخلي مهاا راسهاا ..

مبااغاش الله يغضب علييها .. ندمااات وبزاف على تسرعها ... لكن الندم لو كان كيفيد .. نص النادمين كاانو .. صححو اخطائهم ..

بهيستييرية لدات تضرب فالماا برجليهاا ويديهاا حالا فمهااا كتغووت باسموو فوسط الماا ..

كاانت خمسة دقاايق كاافية تخلييهااا .. تحبس .. ونفسهاا يتقطع .. وعيوونهاا يتغلقوو..وجثتهااا تنزل وفالقااع تبقا ..

هل هي نهاية حياااتها .. ام بداايتهاا من يعرف .. في طفوولتها ..دااقت الويل .. وفي شباابهاا .. شربت الويلاات ..

كم للقلب ان يصبر .. كم للقلب ان يتحمل .. حتى هو داق درعا .. كم للتنفس ان يتمرد .. حتى هو رفع العلم الابيض ..

حتى رووحهاا ترييد الدهااب ..حتى روحهاا تخلت عن جسد ..بعيوون الشياطين .. تدنس ..

فلتشهدي يا نجوم كم حظهاا قلييل .. فلتشهدي .. بجنااح مكسور .. ودمع مدروف ..بفؤاد موجوع ..اشهدي عن قبح الدنياا .. وقسااوتتها ..

حتى الموووت .. ترييدهاا .. ماا هذاا الظلم .. اشهدي عن طفلة بريئة لم تفرح .. اشهدي عن دمعة يتيمه لم تجف .. وبقلب حزيييين .. نستخف ..

حل عييونو برعب ..هازهم للسماا .. تنهد بانكساار هاز يدو بالم ماسح جبيينو .. سلسلة تالكوابيس..تباات تاابعااه وملاحقااه فنعااسو .. اش هد العدااب اش هد الالم ..

تنهد باسى ودور رااسو فالغرفة..كاان قرييب يصبح الحال .. الجوو بااقي مظلم .. ستغرب هاز حااجبوو مباانتش لييه ..

هز رااسو فالساعة كانا وصلات لخمسة تاع صباح ..

بدعر ناض من فرااشوو ..حااط يديه على صدروو بألم ..

فكرةة وحده جاات فباالو هي الهرووب .. اكييد هرباات وستغلاات لوقع .. وبريشهاا فلتاات ..

نااسي وناافي ان الهرووب اسهل مايكوون ..

لو روح بات تهرب كانت داارتهاا ونتاا بصحتك .. لكن هرووبهاا كيسااوي موت مهاا .. فاكييد عمرهاا تهرب ..

وقف بلحفاا ..لابس صورفيت بلكحل وصدرو عريان شاد صدرو بيدييه ..وعيوونوو كتقلب علييهاا ..

كان لحائط الزجاجي محلوول ..والهواا كيدخل منو .. ضور رااسوو بستغراب لنااحية لبيسين ..

مكمش وجهوو ..احسااس غرييب تمللكوو كيقوولييه سير لتمااك ..تمك كاايناا رووحك ..تماك قلبك غينتظم بدقااتو .. بلا هوااه مشا فاتجااه لبيسين .. ومع كل خطوة مع كل دقة سرييعه من قلبوو..ومع كل ثاانية قرب ..مع كل نفس تقطع لو..

وقف قدام لبيسيين هاز رااسو بستغرااب .. حتى كتباان لييه .. كيبانلييه شعرهاا الكحل الطويلل ..طاالع متمرد فوق الما .. وهي طاالعاا للفوق .. كتباان جثه هامدة على كرشهاا ويديهااا مشتتين ..

دقاات قلبوو تسارعااات وخوف رهيب تشكل فعينوو .. بلما يفكر زوج مراات تلاح فلبييسين ..كيجدف ناحيتهاا..

كاانت جثة هاامدة مغمضة عيونهاا بسلاام وشعرهاا مشتت فالماا ... وصل عندهاا وبلهفة هزها من خصرهاا شاد وجهها اللي ماال لزروقية .. بين يديه ..

كاانت زرقةة زرقة ريحة الدم مبقااتش كضور فوجهها وشفاايفهاا ماايليين للبيوضية ..

امكن هداا نوع من السلاام .. السكينة الابديةة ..

محمد:(شد وجهها بين يديه) رووح .. رووحي ..(بهيستيرية) م ماالك ..

كان الصمت .. لا جوااب ..لقاا الهدووء ..

شدها من خصرهاا مكمش وجهو بألم .. تخطاا جرووحوو والمو .. تخطاا كرهو وانتقاامو .. نفاا جبرتوو وطغياانو ..نسااا حقدوو وخبثو ..فهد اللحظة كاان قلبوو كينطق خوفاا ورهبة..على رووحوو ..

خرجها من لبيسين بصعووبة .. كاانت ثقييلة مع الماا .. وحتى صحتو مكانتش تالهييه ..

حطهاا فالارض .. وبخوف نزل راسو كيسمع لدقاات قلبها ..

محمد:(بخوف) علاااش علاااش .. (كيسمع دقات قلبها) لااااا لااا تنفسي (بصوت عالي) تنفففسي كنأمرك مكنطلبكش ..روووح ( بصوت عاالي) روووح ..

شد وجهها بين يديه بدمعه ناازلة من خدوو وخشااه فصدروو هزز رااسو للفوق وباعلى صوت نطق

محمد:روووووح ... لااااااااا ..

صوتو المؤلم ..كاان عاالي فحال شي اسد مات لييه شبل تاعو ..صوت بااكي ومنهززم ..صووت محسر قدر يخترق الغرفة بل لفيلا بلي فيهاا ..

حلو باب بيتوو بجرية فاتجاههم .. تاابع مصدر الصووت .. حتى كيتفاجئ بخووه معنقهاا خااشيهاا فصدروو وكيبكي ..

هز حااجبوو مغمض عييونو مصبر رااسو وكمل طرييقو ناحية خووه ..

كاان خااشي لها فصدرو .. مزيرهاا عندوو وبكل قوتوو كيدفييها ..

قرب منوو رؤوف بلا اي تعبيير كيبين ندموو .. ولاا شفقتو ..

جلس القرفصااء وشااف فخوه مصطاانع المبالاة ..

رؤوف:(شاف حالتهم لعامرة ما ولارض لفازكه فهم ) واااش لاحت رااسهاا؟؟...

بستغرااب كيسول .. كأنو الامر هامو .. او كانو من النااس لكتهمهم حيااتهاا..

قرب من محمد كيبعدها عليه ..

رؤوف:طلق طلقهاا راك كتخنقهاا ..

محمد:(مزير عليها كيحرك راسو بالنفي) لاااا حضني مغيخنقهااش ..انا الاوكسيجين ديالها ..

رؤوف: راه غاتمووت طلق منهاا ..

محمد: (تبسم بألم) خ خليها نااعسة فحضني .. هي غي نااعساا هدو عوايدهاا خليها ..

دفعو رؤوف وجبدها من حضنو حاط ظهرها فالارض ..شاف ف محمد لكان جالس ومكالي بيديه من الدفعة لدار لييه .. محول عيونو نااحيتهاا..

رؤوف: تنفسهاا ضعييف اصاحبي توغض ..(حطيدو على صدرها) فيييقيي ..

كاان كيبرك على صدرهاا بعنف لدرجة جسمهاا كيتهز مع يدو الضخمة .. بالفعل هناك فرق بين لمساات الدي يصطنع الكره والدي يكره .. صدقاا هناك فرق بين لمسة محمد ولمسة رؤوف ..

محمد:(دفعو) بعد منهااا هي غي نااعسة كتفهم ..(شد تاني راسها حاط جبينو على جبينه) غي فييقي وغندير لبغيتي فيقي ووريه بلي نتي غي ناعسة (نزلاات دمعة من عينيو)قلت لك فيقي (بالغواات) هداا امر امرر ..

كانو مجمعيين زوج خداامات كيطلوو حدا البااب .. بتعجب كيشوفو ف محمد ..كيباان فهد الوضع كييف شي مريض نفسي .. دخلاات نور حتى هي كتطل .. بستغرااب دخلات راسها من لبااب .. حتى كيبانو ليها بوضعهم .. رؤوف طايح حدا ركابيها .. وهي فالارض ومعنقها محمد .. ..

مشات عندهم كتجري ناحيتهاا .. ممتيقااش والدمووع تحصرو فعينيهاا .. غير قبل شوياا كاانت معهاا وهضراات معهااا ودباا هي فهد الوضع ..

محمد:(باقي حاط راسها فوق صدرو) يلااه فييقي .. لبرد عليك ..فيقي باش تلبسي ..

رؤوف قدامو حدا ركاابيهاا هاز حاجبو معاجبو حال .. وبلما اي تعبيير ...

شاف ف نور اللي كانت واقفاا بعييدة عليهم .. كتحصر على هد البنت وعلى محاينهاا والمصايب لفوق راسها..هدشي غي معارفاش كلشي .

رؤوف: (ببرود) عيطي لاسعاف شكتشوفي ..

هزاات رااسها ب اه ..وخرجات كتجري ضاربة لخدامات لخرينات بكتفها مخلياهم يكملو تفراج ..

محمد:(شاف ف رؤوف) خرجو علياا لاش هاجميين ..موااقع واالو هاعي غتفييق .. (زير علييها) شش خلبهاا تنعس..

وقف رؤوف بغضب كيشوفيه والشرار خارج من عينييه ..

رؤوف:واش مكتفهمش ..وبعد منها (نزل على ركبتو كيدفعو) شوفهاا كزرقة راه غتكون ماتت ..

خرج عيونو بصدمه محرك رااسو ب النفي ..مضورو لجيهتها حاط جبينو على جبينها ..

محمد: هدا غي كيخربق يااك .. (غمض عينيه) غي كيكدب ..

خدااها فحضنو ناافي دك الفكرة بل ممصدقهااش .. بهمس كيهضر فخدهاا وبرهب معنقهاا حاابس تنفسهاا..

صووت الاسعااف جااي من بعييد .. توقفاات حدا الفيلا ونزلو الطاقم الطبي .. جااريين البيااص ..حل عليهم لعساس ..وبجرية غاديين فاتجاه الفيلا ..

كانت نور وااقفاا قرييبة ليهاا وجامعا يديهاا وعينيهاا بكره فاتجاه رؤوف كتشووف ..

هو اللي كان كيشوف فخوه بستغرااب .. هاز حااجبوو متساائل علاش هد الخووف ..

كان محمد جالس ومعنقهاا كااتم نفسهاا بين احضاانو ..هي اللي ولاات زرقة ومغمضة عيوونهاا الكريستالية بسلام .. مرفرفة بروحهاا الضرييرة براا الجحيم ..

دخل الطاقم الطبي .. مع الخدامات موريينهم الطرييق .. وبسرعة كاانو قدامهاا .. قرب منها واحت الممرض هاز يديهاا كيقيس نبضها ..

هز عيونو ف محمد لحابس انفاسهاا بين ضلووعوو ..

المسعف:بعد سيدي خليناا نديرو خدمتنا ..

محمد:(بنفي) ل لااااا مغنطلقهاااش لاااا (غوت ) لااا..

المسعف:(شاف ف شريكتو) النبض ضعييف .. كنظن المريضة عندها دبحة قلبية ..

هز عيونو بصدمه من وراا اخر كلمه سمع .. وبنفي حرك رااسو ..ضامهاا بين يديه ..

محمد:اش كتخربق ... بعد منها (زاد زيرها) هي غي نااعسة ..

المسعف:( قرب منو) طلقها اسيدي النريضة كتموت .. راها كتموت ..

نزلاات دمعة حزيينة من عيوونوو .. كأنو رجع لييه عقلو .. وكلمة وحده هي لبقات تردد فودنو .. راها كتموت .. وااش هدي نهاايتهاا .. واش هداا عقااب من عند الله على افعاالو ..

واش الله كارهو لدرجة يبعدهاا عليه ... ولا الله كيبغيهاا بزااف وبغاا يهنييهاا من عذاابو ..

دمعة سخوونة تبعووهاا دمووع منهمريين فخدوودوو .. وااش هي غتسمح فييه .. وااش لهد الدرجة ملات من الحياة ..

وااش صاافي مبقااش يقد يشوفهاا .. مغيسمعش صووتهاا ..

شااف بترجي فالمسعف مخرجهاا من حضنوو حااط رااسهاا للارض ..

محمد:مغادي يوقع لها والو يااك .. (بترجي) هاااا ..

هي مغديش تمشي .. هي غي بغاات تخلعني حيت اناا كنبكيهاا ..

قرب منو رؤوف شاادو كيهدن فيه بينما نور والخدامات .. واقفين تاهما قراب لهم .. والمسعفين كيهزوهاا فوق البياص ..

محمد :(شد فرؤوف) هي لدوااتني يااك .. هي كانت خاايفا علياا ..

هي مغتمووتش يااك .. هي غتبقاا ديماا معياا ...

حرك له راسو ب اه هاز حاجبو .. كيشوف فالمسعفين جارينها خارجين بيها ولاوكسيجين ففمها ..

حط يدو فوق كتفوو مصطنع الحزن ..

رؤوف: مديرش فراسك هد الحالة .. (تنهد) فالاخير نتاا مكتبغيهاش .. وهي بنت ديك خطافة الرجال .. هانتا غتهناا منهاا بلما تبدل مجهوود ..

دفع يدو بقسوة .. كااتم غضبو ..

شنو يقوليه .. كلامك كولو صح وانا اللي غاالط .. ينفي هضرتو ويقولييه قلبي كيعشقهاا ولسااني ..

مبااغيش يبوح بهدشي ..

عدبتهاا وكنتعدب معهاا .. بعدت منهاا وكنحتاج لحضنها .. كنبكييهاا وقلبي يبكي علييها .. ونفكر فيهاا وعقلي ينفيهاا ..

بغيت نتاقم منها كنتقم من راسي .. بغيت نحميهاا وكنأديهاا بنفسي .. كنغوت علييهاا .. ..

ونسا راسي ونجي نطبطب علييهاا .. ولفعايلي نااسي ..

الورد موزع بجمييع انوااعوو فانحااء المكان .. ريحة جميلةة عاطيااهاا كتجذب انتبااه كل من شمها ..

ميمكتش تشمهاا وتبعد منهاا .. ريحة طيبة كتخلييه مهووس بقربهاا .. الشجر بكل انوااعو ماالي المكااان .. والجوو مبهج كيخلي نفسك ترتااح و سعادتك تباان ..

كانت جاالسا وسط الوروود بشعرهاا الكحل المطلوق على كتافهاا .. ببسمة باارزة خدوودهاا المورديين .. مرحبة بحريتها بفرحة مبينه سناانهاا بهيام .. ضحكة كاانت مختفية فزمن الجحييم .. عينيهاا الزرقاات .. الكبار ..

مغمضيين ببسمتهاا كتلعب بالورود ...وتهزهم .. تا لسماا وتلوحهم بفرحة .. لاابساا كسوة بيضة تاع لعروس ..

وقفاات عليها نعمة بتوبها الابيض وبوجها البشوش .. مبسمة ليهاا .. بتقاسيم وجهها الحنوونة ..

عينين كريستااليين بشرة بيضاء . حورية بشرية .. افضل اسم ممكن نعتوها بيه .. طالقا شعرها الكحل وبفرحه مالياا عينيهاا كتششوف فيها .. هي اللي كاانت جالسا بين لورود .. كتأملها بحنيين .. وبشوف عينيهاا مدمعين ..

روح: مااما (بحنين) نتي هناا ..

نعمة:(تبسمت) هدي بلاصتي .. من زمان وانا هنا .. شاردة وحايرا بين زوج طرقاان ..

واش نرجع مين جيت ولا نكمل طرييقي ونبكي وعند اللي خلقني .. نجي ..

روح: يلاه نمشيو اماما .. خلينا نكملو طريقناا .. منرجعووش ل ورا .. نكملو طريقناا للقدام ..

نعمة:(تنهدات) شحال صعيب تكوون باغي حاجه . .ولمكتابه لك حااجه خراا ..

لو كان بمقدوري كنت غادي نرجع لور وابدا منزيدش لقدام ..

لو كان بامكاني نرجع .. كنت غنرجع نصحح اخطائي .. باش نصفي ديني ونعتق رقبتي .. ونمحي دنبي .. ودك ساعه يمكن لي نمشي مكمله طريقي بسلاام ..

لاازم نصلح لهدمت .. عاد يمكن لياا نكمل طريقي . ونتهتا من هد القنطرة فين راني محبوسة .. (تبسمت لها)

حتى نتي باقي عندك بزار تالحوايج معلقة .. كيخصك ترجعي مين جيتي .. كيخص روحك تبقاا نقية .. باش متعدبييش فحالي..

مماك ابنتي معدبة معدبة بزاف .. بين الماضي والحاضر مسجونة .. بين دنبي وثوبتي راني مرهونة ..

روح:(كتبكي) بيت نبقا معك هئ هئ ظلموني بزاف اما ..هناا لقيت رااحتي .. هناا كاينا حياتي .. هناا كايناا نتي ..

نعمة:للاسف انا مكاينا لا هنا لا لهيه . انا ف مفترق طرق .. حاصلة وماشي بيدي لاختياار..

روح: ولكن انا بيت نبقا معك .. توحشت صووتك هنااا سمعتوو .. توحشت حناانك وهنا فين لقييتو قلبي استنزف طااقتو .. وصبري مل من صبرو .. انا تهديت وعييت .. وللصبر مبقيت بغيت .. بيت نبقا غي حداك (تبسمت ) بيت نبقاا بعييدة على كاع لكيأدوني .. مبقيتش قادرة على الدموع ..

نعمة: حتى تمك انا كااينه .. وحتى تمك كاين حناني .. غتلقاي رضايا معك .. وكاين تماك نصفك الثاني .. كااين لانسان لكينبض ليه قلبك ..

روح: ولكن هناا كاين خلاصي .. وخلاص معاناتي ..

هنا كاين سلام اللي فتاقدتو فحياتي ..

نعمة:عمر السلام مكيكون بالهروب .. الى بيتي السلام الابدي .. والخلااص الكلي .. كيخص تسامحي مع نفسك .. تحاربي مبادئك ..

وتوقفي فوجه محاينك ..بلا هروب بلا دمووع .. بلا ضعف بلا خوف ..

روح: اناا مضعييفااش .. وليني مراارة الفرااق اصعب ..

نعمة:( بحنان) لكن حلاوة الوصال اجمل ..

روح:بيت نبقا معك ..

نعمة:ادن غتبقاي معلقة بين حياتك وموتك .. بين حزنك ويأسك .. سعادتك وفرحتك .. بين دنبك وثوبتك ..

روح:اشمن دنب .. اناا مدرت واالو ..

نعمة:فكرتي تنهي حيااة ماشي ديالك .. فكرتي تبدلي مصير ..مكتوب لك .. معندكش الحق حتى تختاري واش تبقاي هناا ولا لاا .. بل مكينش البديل اما تكملي طريق اما ترجعي بلور ...

روح:الى كملت طريقي غتكوني معيا؟؟ ..

نعمة: لوكان قدرت نكمل طريقي .. مغتلقاينيش هنا .. للاسف انا ماشي محظوظة فحالك .. نتي ممكن تختاري اما ترجعي مين جيتي .. امتا تمشي لعالم تاني .. انا رهينة بين العالمين .. (تبسمت) ..

روح: ادن نمشي .. نمشي حسن ليا اما ولا هد العدااب ..

الاسعااف غادية على طول الطريق بصوتها المرهب اللي كيخلي كل منسمعوو يتبورش لحمو ..ودقات قلبو تتضاعف ..

كان جالس حداها وشاد ليها يديهاا بعجز .. مقابلهاا .. بل بحب كيشوفيهاا ..

كانت فوق الباياص معريين لها صدرها .. مركبين ليها سلوكا دتخطيط .. ولاوكسيجين ففمها ...

كان جالس حداها فالاسعاف كيفرك لهاا يديها لباردة مدفييها بلمستو ... وشحال خايب الندم فوقيتاا متنفع الندامه ..

فداك الصباح الاسود كيتسمع غي صوت لاسعاف .. كان داخلها السكون والهدوء .. فقط همسات محمد كيطلب الله سرا يكون هدا حلم وغيفيق منو وصوت دقاات قلبها .. فالجهاز ..اللي بشوية بشوية..تحلو من خط متوهج لخط مستقيمم ..تسمع صدااه فودنووو .. وبصدمة طلق يديهااا مخلي المسعفين .. كيجهزو لصدمة كهرباائية ..

ربماا هو ضعف .. ربما خلاص .. ربما خوف .. لا احد يعرف .. ولا احد يريد دلك .. هو فقط طرييق للتخلص من مصير مدفوون .. وغروور مبثور .امام كبريااء .. رجل ملعوون .. وحياة العن منه..

داك النهار كان الشمس بزاف .. اللي يشووفو ميقولش قبل فليل كاتت شتا كتصب بديك الغزارة .. ..

امكن الطبيعه ... غضبات دك الليلة ..وامكن غضبات داك الصباح .. وسخونية ديك الشمس كتعلمني .. بلي حيااتي كلها غتكوون .. حزيينة ..

تمنيت لوكان فدرت نرجع الوقت .. ونرجع الماضي كنت غادي نفضح الشيطان .. ومكنتش غادي نخلييه يتمادى .. عمرني كنت غادي نكتم غوااتي .. وندير يدي على فمي .. كنت غادي نفضحو غنعاود لما كلشي .. كنت فبلاصة منسورت على راسي فالحمام غادي .. نقتلو .. كنت غادي نتمرد على لمستو الشهوانية .. كنت غادي نبين لناس مدى خبثو ..

للاسف ..ميمكنش نبدلو مصيرناا وميمكنش نخططو لقدرناا .. حناا غي عباد ضعااف .. تحت رحمة الله .. حنااا علينااا الصبر والايماان ..

تمنيت لوكان يرجع بيا للوقت للماضي .. ابدا مكنتش غادي نمشي لعندو .. مكنتش غادي نطلاقا بولدو ..مكانش قلبي غيطيح رهينة بيت يدو .. مكاانش احسااسي غيتحناا لقيود عشقو ..

مكونتش غنكوون فهد اللحظة .. كنكتب معااناتي .. كان ممكن نخرج ماما من لحبس بطريقة خرا ..

كان علياا نغوت نطلب ..نبكي ونشكي .. ندير كلشي الا نمشي عندو ..

مشيت عندوو على امل نشووفو ونطلبوو ..قلت مع رااسي رغم صفاتو لخبيثة ممكن يحن فمرتوو وميقدمش شكوى ضدها .. ظنييتو انسان بقلب .. ظنيت ممكن نلقا جانب مزيان فيه ويحن فشريكة حيااتو ... لكن للاسف .. كيف ديما ظني كيخيب بناس وبنار لخدلان كيتحرق ..

ببتساامتو الخبيثة قابلني ..وبكل جرأة طلب مني نسلمو راسي وميقدمش شكاية ..

كنت شرييدة بزاف .. كنت تاالفاا .. كنت بلا عقل .. ماما لي لمفروض توريني طريق .. بين المجرمين محبوسة وبسبابي .. باش تحميني .. دنيا سوادت فعيني داك النهاار .. حسييت فدك الوقيتا باليتم الحقيقي..لمست مراارة الوحدة .. مراارة الضعف .. الم الفراق .. تأنيب الضمير ..ومع كاع هدشي .. كرامتي ..مسمحاتش لياا نوافق على عرضو ونتماتل لابتزاازو ..خرجت من عندو منكسرة .. ماا تسجنات باش تحمي شرفي .. وانا مغنلبيلبهش امنيتو ..

فدييك اللحظة للي انا خارجه من عند الشيطان .. تلاقيتو .. كانت اول مرة تجي عيني فعينيه .. اول نظرة غرقت بيهاا .. فاموااج عيونوو .. كانوو جداباات بزاف ..

لدرجة جبدوني ونسااوني علاش جيت نساوني فين انا .. اش واقع ليا ولا اش كيتسنااني .. ابتساامتوو فوجهي وهو .. كيتخطاني باش يدخل لشمبر عندو .. كانت اول قيد من قيود عشقو .. لسجنات روحي .. وقدرات تخلي كبريائي يتحنى ..

كانت هديك لحظة دخوولي للجحيم ..

مكنتش كنظن بلي لعيون اللي بلهيبهم جدبووني هما نفس العيوون اللي بقسوتهم خوفوني ..

شكون كان يقول بلي لانسان لاسرني من اول نظرة هو نفسو ولد الانسان لكسرني من اول خطرة ..

صدقاا حيااتناا عباارة عن لعبة ...

هي لعبةة .. لعبة خاصة بالشيااطين .. ممكن يستغلووك وينتهازو نقط ضعفك باااش يجبرووك تمتلي لاوامرهم وبخضووع تاام .. تنفدي اهداافهم ..

انا روح الايماان ..اناا ديك اليتيمة اللي طمعاات يكون عندها اب .. وتحرمات منو .. انا ديك اليتيمة اللي دنيا مرمدااتها وبمراارة الاستغلال عطاتها ..

اناا هي الانثى المغلوب على امرهاا .. اللي قاسات تعدبات وعانات .. وحتى حد محن فيهاا .. انا هي اللي تبعثرات انوثتها .. وبين يدين الكلاب .. تكسرات ..

اناا ديك الزهرة اللي بقسوة يديهم دبلوني .. حتى لامتا غادي نبقاا ساجنه روحي .. ومعدبة فاطلال الماضي .. اكيد مغيجي نهاار غادي تحرر روحي المعدبة .. وكيف الحماامة المسجونة غطير مرفرفة بعيد فالسماا ... هارباا من سجنهاا وجحييمها.. فاتجااه خلاصهاا ونعييمهاا ..

زعماا ممكن يجي نهاار ونتحرر .. مكنظنش محد ماما مريضة غادي نبقاا هكا مكسورة بلا جناح لكن غير ماما تصح غادي نخرجو انا وياها من هد الجحيم ..

قلبي كيبغيه بزااف .. وعقلي لسماحو رافض يتحناا .. لسااني لقسوتو رافض يعترف .. شنوو اللي لقا قلبي فقلبو وخلاه ينبض ليه؟؟

مشفتش الحناان منوو .. علاش اقلبي حنيتي فيه؟..

ملمستش دفئ فكلماتو علاش اقلبي نبضتي لييه؟..

مشفتش فعيونو حب ليا علاش اقلبي عشقتييه؟..

زعما ممكن يجي نهاار ويتبدل مكنظنش .. الحقد هو نقطة سوداء فقلوبنا فطريا .. كفااش ممكن يتبدل وانااا خديت باه ..

تمنيت لو كان يعرف بلي باه اقبح خلق الله .. بكفييه الم الخدلان .. تمنيت لو نقدر نقوليه .. باك شيطاان خبيث .. لكن قلبوو كيهمني .. احزاانو كتوجعني .. والموو كيجرحني ..الالم اللي فقلبوو كبيير بزاف ..

مرارة الخدلان والتخلي بقاا معششة فداخلو .. كفااش نقدر نألمو ونزيد على جرووحو .. ونقوليه الشخص اللي تخلى علييك .. هوو ماشي غير انسان اناني .. مفكرش فيك ..

انما هو شيطان خبيث .. غالباا عليه نزواتو الخبيثة.. وطمع فبنت اعتبراو فواحت لوقيته باها ومصدر امانها ..

كانت جالسا حدا البيسين .. بانكسار كتقلب فالمفكرة .. وتقراا ورقة بورقة ... عبارة بعبارة ولا نقول جرح بجرح والم بالم ..

مكدبووش اللي قاالو ان الارواح المعذبة كتحس ببعضها .. نور خير مثال .لانثى انتهكت لحرمة تاعها فكفاش مغاديش تحس بيهاا ..

بحزن مسحات دمعتهاا .. ونااضمن لارض معنقة المفكرة خارجا من لبيت ..

كتفكر كفاش قادرة تعيش بهد الاحزان .. كفااش قدراات تتحمل لئم الدنياا وقسوة ناسهاا ..

شحال قد القلب ميصبر .. اكيد ماشي نهاار غادي ينهاار ..وهاهي روح هي وروحهاا فرييسة لكتمان لاحزاان ..

غاديا فالكولوار معنقة المدكرة بحزن . فاتجاه لبيت فين كتنعس ديال لخدامات ..

وصلات قدام لبيت وهي تهز المفكرة حطاتها فخصرها ونزلات عليها لميني شوميز تاع لخدمة .. حلاات لباب ودخلاات .. كتخطط كفااش غادي تقدر تعاوونهاا وكغادير ..

هي اكثر وحده عانات الحرماان وقاساات اليتم والوحدة .. مغترددش حتى تاانية انهاا تعاوون انثى مهمشة فحاالها .. لكن كفااش .. بشمن طرييقة .. وكغديير .. تنهداات كدعي معهاا على لاقل تكوون بخير عااد تشووف كيفاش تمد يد العون .. سورتاات بيتهااا .. الامان واجب .. رؤوف مااشي اهل للثقة .. والخدامات لكاينين فلفيلا غيرها كبارات فلعمر .. اكيد هي لغتكون فريستو ومغتخلييهش يتماادى معهاا هي مااشي روح ..

خصووصاا ملي قرات المدكرة وقراات احزاان روح .. واقراارهاا بفعاايلو ..

تنهدات مطول كتفكر فييهاا .. وكتمنى تكون بخير .. تكات فوق الناموسية بلبدلة تاع لخدمة جالدا المفكرة .. ورجعاات تفتح سلسلات المااضي .. وحبر الاحزاان ..

بعمق تنهداات بملامح قريببة للبكااء .. بدات كتقراا ..

كنظن بلي نهايتي فهد الحياة غتكون سعيدة .. معرفتش مي عندي احساس بلي غيجي نهار وضحك دنيا فوجهي .. ممكن يكون حدس ممكن يكون وهم ولا حلم .. مهم كااين احتمال ..كاين احتمال انني نتحرر ..

بزاف دناس غالطين فالمعنى الحقيقي تاع الحرية .. كيحساب لهم بلي نتا حر بمحرد متخرج .. ضور تتسوق .. تسافر .. تحقق طموحاتك .. الحرية معاانيهاا كتيرة وعمييقة ..

روحي حرة كتخرج كتشم الهواا .. ممسجوناش بين ربعة تاع الحيوط ..

لكن حريتي مرهوونة .. احلاامي مسجوونة.. اهااتي مكتوومة .. قلبي مجرووح .. ولقيوود عشقو مقرووح ..

كان جالس فوق الناموسية .. كاىز على سناانو حاط يدو فوق ركبتو ..

صورة محمد ترسخات فباالو ومفارقااتش تفكيرو .. كفاش كان خاايف علييهاا .. وكفااش تحوول من دك الانساان المتكبر اللي مكيبينش المو لانساان مدمر حزيين لا ومن لفوق دمووعو داايزين .. هدشي حيروو .. حط يدو على عنقوو كيمسدوو ليل كاامل منعسش .. ودباا مضطر يمشي يتبعهم لكلينيك .. على لاقل يفهم شواقع وينهي شكووكوو ..

قاطع تفكيرو تيلفونو لكيصوني .. كان محطوط جنبو بسرعة هزو....وببغل هز حااجبوو .. فتح الخط وبغضب نطق ..

رؤوف: شنو باغي ..

هدي هي صباح الخير الواليد (بتهكم)..

رؤوف: على سلامة مين تفكرتي بلي عندك ولادك ..

جاوبوو بثمالة..

خاصني لفلووس .. خووك نسااني ضبر على باك اولدي ..

رؤوف:با مات نهار لتخلى عليا .. نهار لفضلتي دك لقحبة على ماا انا .. ونهاار لربيتي ديك القحبة دبنتهاا فلوقت لرميتي فيه ولادك ..

ودباا مين شرفتي وهرفتي وساسوك جاي تسول فينا لا وزوينه جاي طلب لفلوس..

دبااا بلا هد المواعظ الخاوية ديالك .. راني محتااج للفلوس ..

رؤوف: ماشي مشكلتي انا ليجعلك طلب وتسعا فزناقي مغنحنش فيك..

جااوبو بسرعة مقاطعوو..

راني باك المسخوط ..

رؤوف: با مات ليرحمو سير قلب على ولدك ومتبقيش تصوني عليا ..

(بغضب) انا ساخط عليك دنيا واخرة..

رؤوف :(مستهزئ) هه صباح الخير انا لسخطت عليك لاول ومن سنين .. مني تخليتي عليااا ..ومفكرتيش فياا ..

قطع الخط بغضب لايح تيلفون فالنامووسية .. مصرين يفكرووه فالمااضي .. برااكاا غي عايش مع وحده فينما يشوفها كيتفكرر مهاا ويتفكر بلي هي بنت اللي خرباات عائلتهم هاهو جاا تاني وبغاا يدخل لحيااتو ..

نزل حااجبو بستغرااب .. مفكرش بل مسولوش مين جاب نمرتوو .. الجديدة كل مرة يبدلها يلقاه صونا ليه وعرف نمرتوو ..

قطع بغل راامي تيلفوون حداه .. الصباح بداا يطلع .. وهو باقي جالس بين القراعي تاع الشراب فزنقا .. مفرق رجلييه وبثماالة حاط راسو على باب تاع الدار فين جالس ..

عيونو كحلات سوادهم سواد الليل .. مظلماات كيف قلبوو الخبيث.. ولحيتو الطويلة البيضة المتخللها شعيرات بالاسود .. كتعطيه وقاار واحترام ..

بمجرد متشوفو ممكن تحني راسك خجلا واحترااما ليه ..

شكلوو اسموو .. هيبتو .. تقاسيم وجهوو اللي نوعاا ما حنيينه .. كتخلي كاع ليصادفووه يغلطو فيه بل يقدروه ..

الرحمة والثوبة والمغفرة هي من صفاات الله عز وجل لكن احيااناا حنا كانسان .. تقديراا لله عز وجل كنسميو سمياات تيموناا برب الخلق ..

كنسااو انهاا ممكن تدنس توسخ .. الى الاسم متعطاش للشخص ليستااهلوو ..

كيفماا غلط وسماا رؤوف لشخص ابداا الرأفة وااش كاايناا فقلبوو ... سماا محمد لشخص معندووش درة صفاء روح محمد .. حتى هوو مكاانش حسن منهم .. بل خبث منهم ..

هو الشخص لوث اسم من اعظم الاسماء ..

عبد الرحميم الصديقي .. انساان اناني ..

استغلالي وانتهازي .. الحقد اللي فقلبو والكره قدر يدنس اسم كان من افضل الاسماء .. شخص خالي من رحمة .. انساان غالبااه نزوااتو مخليااه وحيد فقوقعة سيئاتو ..

فعمرو 55 سنة .. فهد العمر امثالو .. كيغسلو دنووبهم كيطلبو موتة مستورة .. وكيديرو جهدهم باش يكونو قدوة لولادهم وحفايدهم ..

هو انسان كيبغي رااسو لدرجه كبيرة .. لدرجة نسااا مسؤوليااتو نساا ولادو .. نافي واجبااتو ..

مرحب بنزوااتو .. كييف العطشاان تابعهاا .. تروي لعنة شهوتو وتسد نفسو الخبيثة .. ..

وقف بعجز متكل على لحيط .. هز تيلفونو حجو فجيبو .. كان لابس كوستار بلكحل موسخ ومقطع وشوميز بلومارين مفكوكه من لعنق .. وقف كيسوس حوايجو ..

ومشا فاتجااه المجهوول بغضب كيتماايل .. وحييد .. لا ابن لا زوجة لا سند .. لا سمعة .. لا قييمة . لا اصل .. لا اخلاق .. غريب امره هدا الرجل . لا يمتلك شيء ومع ذلك يظن نفسه .. هو كل شيء ..

كان جالس قدم غرفة العملياات وبنكسار حادر شاد راسو بين يديه .. عقلو فقد عقلوو ..

كيتفكر كفااش كان قرييب يخسرهاا .. كفااش قلبهااا سكت وفاخر لحظة نبض و رجع للحياة .. واش بصح قلببهاا مل من المعاانااة لدرجةة يسكت .. واش روحهاا معدبةة لدرجةة انهاا تخلى على جسدهاا ..

بدمعه مؤلمة ناازلة على عيوونوو تفكر ديك النهاار .. تبسم وسط حزنوو وهو متدكر منظرهاا المغري وهي ملوية فداك ليزاار ..

وشحاال حركاات فكياانو حتى قبل ميعرفهاا شكوون ..

كانت اول مرة يشووفهاا .. كان مشاا يزور عبد الرحيم من بعدماا وصلاتو الخباار من للمركز بلي مراتو ضربااتو ..

ديك اللحظة تلقااهاا خارجه من عندوو ... اسرااتو بنظرتهاا البريئةة .. وبنار دمووعهاا حرقااتوو..

كاانت فااتنة بمعنى الكلمة وسط بكااها .. كاانت جمييلة وسط عرااها .. كاانت متفجرة بالانوثة وسط معاناتهاا ..

دقاات قلبوو تزاادت وتعاالات من حضرتهاا وبستغراب شاافيهاا .. مدوز عيونو الكريستاالية عليهاا .. كاانت كتبكيي بضعف وملوية فداك الايزار لبيض .. ببسمة مرييرة قابلااتو.. وعطااتو المسااحه مين يدخل للغرفة .. مغاادرة مخليااه تابعها بعينيه .. ببسمة ولههاانة ..مرااقبهاا حتى غبراات على الانظاار ..

__الماضي__

دخل محمد عند عبد الرحيم لكان حال عينيه بعجز ملويين ملويين لفاصمة على راسو ..وحط يدو على راسو .. وشبيهة الابتساامةة باايناا فوحهوو .. وعلاش لاا فهو خلا روح تعااني الامرين ..

وعطااهاا زوج حلول واحد كفس من التااني ..

اما تلبي رغبتوو وتنقد مها .. اماا تحافظ على راسهاا وتخسر مهاا .. كلن مبسم بشر رغم عجزو والموو فهد اللحظة .. متأكد بلي روح غتختار مهاا وغادي تلبي لييه رغبتو ..

كان محمد وااقف قداامو ..

حاط يدو فجيبو وكيشووف فييه .. حول عبد الرحيم عيونو ناحيتو وبتهكم نطق ..

عبد الرحيم: جااي تشفاا فيا متلا .. وتقولي تستاهل هاهي لمراا لختاريتي عليناا كانت غاتصيفطك للموت..

محمد:(ببرود) ولو نكرهك .. ميمكن نبدل حقيقة انك والدني .. وانا ماشي واحد عاق حتى نشمت فيك.. ( هز حاجبو) ..

شكون هدك لخرجات من عندك دباا ..

عبد الرحيم:هه هديك ختك ..

محمد: همم كتقصد لربيتي فبلااصة متربي ولادك .. ( بخدلاان ) هاهي جازاتك وكانت غتصيفطك للموت ... (هز حاجبو) عاود لياا اشنو وقع .. باش نقد نعاونك ..

عبد الرحيم:هدشي مكيهمكش ..

محمد:سي كيهمني .. (تبسم) مرااتك عندي فالمركز .. وفيدي نغبرهاا فالحباسات..

عبد الرحيم: لجهنم لكحله نتا وياها ( بغل) خلي عليك غير روحي ..

محمد: مزال مهضراتش ومعطاتش اقوالهااا .. خدم عقلك ورفع عليها شكوى (تبسم بغل)..

عبد الرحيم:انا اللي والدك ماشي نتا اللي والدني .. عارفك بلي بغيتي تنتاقم منهاا .. وجاتك لفرصة (تبسم) شحال غتعطيني باش نقول لبغيتي ..

محمد:مغانعطيك والو .. هي حاولات تقتلك .. ونتااا كيخص تهضر على حقك ..

عبد الرحيم:نوو كتبقا مراتي (بشر) غنساا بلي مراتي فحاالة ولدي لمحقق تفكر بااه (بتهكم) وضور معااه ..

محمد: نتاا متستااهلش حتى هد الزيارة..

عبد الرحيم: مجاوبتنييش ..

عطاه بالظهر..

محمد:دوونك غنمشي لعند بنتهااا ونتقايض معهاا

وقف ضاير عندوو ببسمة مستفزة ...

محمد: قلتي هديك روحك .. (تبسم) دووونك غاندي ليك روحك ..

عبد الرحيم :(باعلى صوت) مغتقدررش هي ديالي كتفهم (بصوت اعلى من لاول) دياااااااالي ..

خرج من لغرفة ببسمة مرييرة خاشي يدوو فجيب لكووستار .. وبغل كارز سناانو هاز رااسو بعجرفة وغادي فالكولوار تاع المستشفى ..

وشحااال تمنى يلقااهااا دباا بين يدوو .. يشفي غلييل من مهاا .. خرج من الكلينيك .. فاتجاه الباركينغ ناحية لوطو تاعو .. حتى باانت لييه .. كانت جاالساا تماك .. بمنظرهاا الحزيين حادرة رااسهاا ..وبفقدان امل .. مكمشة وجهها .. هز حااجبوو بغل ولبسمة ترسماات فوجهوو ..

شكوون كان يقول ان البنت اللي فور ما شافهاا قلبو دق .. وبسمتو ظهراات ..

هي نفس لبنت لطول عمرو كارهها .. كاره مهاا وكاره اسمهاا..

ويظل يتمنى غي يطيحو بين يديه .. وهاهي الاقدار جاابتهم لعندو .. ببسمة خبيثة شاف فيهاا ..

وشحاال تمنى هد اللحظة ..

__الحاضر__

تنهد مطوول بدمعة حزيينة نازلة على خدو .. تمنى لو كان كانت اقداارهم مختلفة .. وكانت حيااتهم غير هد الحيااة..

تحلات غرفة العمليات خرجات الطبيبة كتحيد القفازات من يديهاا ..وقف برهبة مقرب منها ..

محمد:كيبقات علاش تعطلتو . اش وااقع لهاا فهميني ..هي بخير يااك (بيأس) عفااك جاوبي ..

الطبيبة:تفضل معيا اسيدي للمكتب نهضرو

محمد:مفهمتش شنو واقع (بحزن) بغيت نشوفها قبل..

الطبيبة: نو دبا غنحولوها للعناية المركزة تفضل معيا اسيدي نشرح لك الوضع ..

بريبة شافيهاا تابعهاا بنكسار غادياا فلكولوار .. وصلات للمكتب تاعها وحلاتو مرحبا بيه بيديهاا ..جلسات فوف كرسيهاا مشابكا يديهاا كتشوفيه هو لكان جالس بهلع مترقب نظرااتهاا وبخووف ناافي اي خبار خايبة ممكن تقوليه

الطبيبة:(شادا تحاليل بين يديها) بون ميسيو؟؟..

محمد: الصديقي ..

الطبيبة: مسيو الصديقي .. المدام ديالك تعرضات لدبحة قلبية حااادة .. الشي اللي خلا قلبها يسكت زوج مرات اثناء العملية ..

بخوف دق قلبو وبدمعة حزينة قاطعهاا..

محمد:اواا ..

الطبيبة: (دارت نظاظر كتقرا فتحاليل) فصراحة امسيو الصديقي .. مراتك كتعاني من مشكلة فلقلب

محمد:(ببتسامه مريرة) كااين شي غلط هي باقا صغيرة ..تم انها عمرهاا تشكات من شي مرض .. (بتوسل) غي خطأ طبي هداا اكيد ..

الطبيبة: (حدرات عينيها كتقرا تحاليل) مسيو الصديقي .. تسارع دقات القلب .. هو نوع شائع من اضطراب النظم القلبية اللي كيتسمى ب (اضطراب نظام القلب) بحيث كينبض القلب أسرع من الطبيعي .. ولو يكون الانسان مرتاح .. بمعنى مدارش مجهووود بل معياش راسو

من الطبيعي يرتفع معدل ضربات القلب .. أثناء ممارسة الرياضة متلا .. أو كاستجابة فسيولوجية للإجهاد أو الصدمات النفسية أو المرض .. اللي كنسميوه ب (تسارع القلب الجيبي)...

ولكن في حالة تسارع دقات القلب .. كيدق القلب أسرع من المعتاد .. في الحجرات العلوية أو السفلية من القلب أو في كليهما في حالة الراحة.. بمعنى امسيوو الشخص العادي ولا نقول السليم صحياا .. مكيتعرضش لهد لحالات من تسارع دقات قلبو الا الى مدار مجهود بدني بينماا الشخص اللي عندو مشكل فالقلب .. فكيعااني ولو يكون مرتاح راحة تاامة ..

محمد:المعنى .. فهميني شمن نوع من المشاكل هدا (بترجي) ماشي شي حاجه خطيرة ياك..

الطبيبة: سمع امسيو الصديقي .. كيتحكم في معدل ضربات القلب إشارات كهرباائية ترسل عبر االانسجة ..

وبسبب شذوذ في القلب كينتج علييه إشارات كهربائية سريعة.. الشيء اللي كيسرع من معدل ضربات القلب ..

اللي كيتراوح عادةً من 60 إلى 100 ضربة في الدقيقة .. في حالة الراحة.. ممكن مييسببش تسرع القلب .. في بعض الحالااات أي أعراض أو مضاعفات .. ولكن فحالة بقات الحالة بدون علاج ..فراه يمكن يؤدي تساااررع القلب لتعطيل وظائف القلب الطبيعية ... الشيء اللي كينتج علبه مضاعفات خطيرة ..

كفشل كلي للقلب .. او سكتة دماغية .. توقف مفاجئ للقلب ..

محمد:من هدشي كاامل روح صحتهاا مزيانه يااكي .. هي بخير همم (بترجي)

الطبيبة: ممكن تساعد العلاجات فحال العقاقير أو الإجراءات الطبية أو الجراحة .. في السيطرة على سرعة ضربات القلب .. أو لا معالجة الحالات الأخرى التي تسهم في تسارع القلب ...

مسيو الصديقي .. ملي كينبض قلبك بسرعة كبيرة ..

فراه مكيضخش الدم بفعالية كبييرة لبقية أجزاء الجسم ..

الشي اللي كيؤدي لمنع وصول الأكسجين .. إلى الاعضاء والانسجة ..

الشي اللي ممكن يتسبب في ظهور علامات وأعراض .. ذات صلة بتسرع القلب اللي كيسبب .فقدان الوعي..ارتفاع سرعه ضربات القلب..الاغماء..

ومن خلال هد التقارير لقدامي .. كنستنتج ان مراتك امسيو الصديقي عانات من هد الاعراض بسكوت بل ستحملاتهم وما استشرتش اخصائي فالقلب والشرايين ..

محمد: كااين علاج يااك .. روح غتصح

الطبيبة: فصراحة امسيو .. كنتوقع فالمدى القريب غتكون عرضة لسكتة قلبية .. الدبحة القلبية كانت بسبب انقطاع الاوكسيجين فشرايين القلب .. لكن من بعد هد التحاليل ومن ورا العملية .. كنستنتج ان حالة قلبهاا ضعيفة بزاف .. فالمدى القريب ممكن تتعرض لسكتة قلبية قاتلة ..

محمد:(بصدمة) والحل ..

الطبيبة: للاسف القلب مبقاش قادر يؤدي وظائفو .. قريب ومع المدة مع الاجهاد مع الازمات مع المشاحنات عطغادي يفشل فشل كلي . . مراتك محتااجه للزراعة امسيو وفاقرب وقت ..

محمد: اه اش كتسنااو ..بداو العملية من دباا ..

الطبيبة: عملية القلب امسيو ماشي اي عملية .. كتكون خطييرة قبل كيخصك تسني على اوراق .. تخلي المستشفى من اي مشكل يوقع للمريض .. ولاهم كيخص قلب .. يكون منطاايقة الانسجة ديالو مع مدامتك امسيو ..

محمد:(بنكسار) رووح غتبقاا عايشة يااك مغتخلينيش ..

الطبيبة: الاعمار بيد الله اسيدي ..

يتبع ..

زواج في الجحيم الجزء الرابع (الفصل الثاني)

محتوى القصة

التنقل بين الأجزاء