حبيبي الأصم الجزء 270

اسد شرب كاس ديال الما يسرط هاد السؤال لي طلع ليه الخز وتحنحن وقرب لمايك وعدنان متكي لور كيلعب بستيلو وكيشوف قدامو كيتسنى يشوف اش غايقول ..

اسد : لا ... كان بعيد غير على الصحافة ... مكاينش شي حاجة لي تبعد الخوت اولا لا اسي عدناااان .. 

عدنان شاف فسه ماتوقعش منو هاد للجواب وتنهد بدا الدقان ديالو عاوتاني واشار ليهم غير بآه براسو مع ابتسامة مزيفة 

- جيد جدا الله يدومها اخوة يارب ...سؤالي للسيد عدنان .. ودابا بعد رجوع للاخ ديالك من الغيبوبة وغايرجع للعمل ديالو كيف للاول .. واش غاترجع تبعد تاني من عالم لبيزنيس ولا غاتبقا مدير فالشركة كيف ما الاول وتقاسمو للادارة .. لان كيف كنعرفو كاملين نتا درتي مجهودات .. ولارقام القياسية والبورصة شاهدين على هادشي ... واش غاتنسحب من مجموعة الروكان اابحرية فخطرة كأن شيئا لم يكن من بعد المجهودات كاملة ؟!! ( اسد كيشوف فيه بعينين بحال لقرطاس كيقوليه شي عقل هبط لسقو مع الحيط وكلسو على هاد الميكرو ويرجع يلوي فعنقو ويتحكم فراسو ) 

عدنان : ياس اوفكورس ... لان انا عندي خدمتي وحدة اخرى .. ونهار كلست على الكرسي ديال اسد مكانتش نيتي وعمرها تكون انني نكلس فيه ديما .. كان فقط نعوضو على ما يرجع .. 

- ناعم اسيدي حيت الاغلبية لي كنشوفو فهاد الحالات مكيبغيوش يسمحو فالادارة بسهولة وخا كيرجع المدير كيبقاو يطلبو تعويضات كبار وكيولفو المنصب والنجااح

عدنان : هادشي مكينطبقش على لخوت ..الان نجاااحو من نجاحي .. الى شفتو ناجح بحالا انا لي ناجح ( اسد جات الضحكة غير كيضور فراسو ) وانا متاكد كون يطرا ليا نفس الشيء كان غايدر تاهو معايا نفس التصرف .. ومغايخليش الادارة ديالي يدخل عليها البراني لي يخرب شنو بنيت ... ويبقى واقف ليا على اموري حتا نرجع ... وحاجة اخرى رجعت الامانة لمولاها مكيعنيش انني صافي غانعطيه بضهري ..نو فوقتاش ماحتاجني غانكون فجنبو واقف معاه وباغي النجاح للمجموعة ... ماشي بضروري نكون على كرسي المدير باش نمد يد العون 

اسد : ( كيغزز فسنانو غير بينو وبين راسو وقرب راسو ليه غير بيناتهم ) يدك خليهااا عندك حسن مغاتهرس على ربعة وباركا من النفاق ... 

عدنان : ( تحت سنانو تاهو ودايرين راسهم ضاحكييين ويدنام معجب باخوتهم لهلا يركبكم ) النفاق نتا لي بديتي بيه وان غي كنكمل حلال عليك وحرام عليا.. كالم طوا ورخف على راسك شوية زشرب ليك شي كاس دالما ...

- وغاتخلى على مجموعة الروكان من بعد كل ماقدمتيه ليها بكل هاد السهولة وكلنا عارفين اش كتعني مجموعة الروكااان فالسوق واش كيعني تكون شريك للروكان 

عند لامار 

اسد : ( ضور راسو بجنب كيتغزز غير مع راسو ) واش هذا كيقلب عليا

عند لامار

لامار : اش هاد لاسئلة دزببببببل 

عندهم

عدنان : هه! ( دار وااحد ضحكة منيرفية ) الى كان الروكان كاع بنفسو خويا وكنشوفو كل نهااار اش غاندير انا بالمجموعة ؟ كيف سبقلي ووضحت .. المجموعة كانت امانة ورجعات لماليها الاصلين ما انا غير بديل مؤقت واش نفهموها ليكم بالخشييات ؟ ...والشركة كانت ناجحة بيا ولا بلا بيا كانت متصدرة الارقام ماشي حتر جيت انا .... 

- ونتا اسي اسد واش غاتسمح بانسحاب الاخ ديالك بهاد السهولة من بعد كل مجهوداتو ؟

اسد : ( تنهد مطول ) اكيد .. ( شاف فيه مكررره ) مكرررهتش غير امتى يخرج عليااااا 

رتاج : ( وحل ليها العصير بزقاتو كامل ) اويييييلي شكايقول هدا

لامار : اساااااد؟؟؟؟؟؟؟ 

سفيان : تسطاااا هدا ولا مالو 

يونس : نووو ؟ 

- نعام اسيدي ؟ مفهمتش ؟؟؟

اسد : ( كيشوف فعدنان لي كيشوف فيه ماعرفو اش بااغي يقول .. ورجع ضار عنهم ) لي بغيت نقصد هو انا باغيه يخرج من عندي ..ومايتقيدش فواحد لكادر لي ماشي من اختيارو ... حيت من وحنا صغااررر كل واحد فينا كان عندو احلام وطموحات خاصة بيه .. والحمد الله وصلنا لداشكي لي بغينا .. كل واحد فينا حقق اش كان باغي ودخل لمجال لي كان كيحلم به ... دونك انا غانبغيه يرحع لداكشي لي كان كيتمناه من صغرو ولي كيلقا فيه رااحتو .. ماشي يببقى معايا فمجال ماشي من اختيارو .. وغي مرغوم يكلس فيه .... وكون كان تاهو مجالو بحري واحلام بحال ديالي .... غانكون سعيد انو يشاركني الاداارة اكيد ... فين غالقا حسن من خويااا ( حط يدو على كتف عدنان زعما محبة وصحافة كيصورو باش يكون عنوان الصورة هي مدى تفاهم الاخوة ومحبتهم لبعضياتهم والواقع هو راه مزيييرررر ليه جنووووون طالعييين معاه كيبردهم فداك الشدة ورجع ضار عنهم ) شي سوؤال اخرررر 

- نعم اسيدي...عرفنا ان عدنان كان بدل بزااف ديال الاسس فالمجموعة والنظام دالتسيرر .. شفنا هادشي فالاخبار والجرائد ... حيت كانت الشركة تعرضات لتدهوورر كبييرررر ولاكن منبعد شفنا المؤشرااات طلعو بسرعة قياسية ...واكتشفنا فاخر مؤتمر تقام بعد غيبوبتك انه دخلات معاكم شريكة جديدة لي هي صاحبة ماركة انايدا لتجميل وهادي بدون علمك .... واش نتا راضي على القارارات لي اتخدها اسيد عدنان لشركتك ... 

اسد : لا مراااضيش ( وسعو عينيهم تاني وعدنان بدا ينشف لعرق على جبينو كيلعب باعصابهم كيف بغا ) .. انا ماشي راضي .... وانا متأكد ان اي حاجة دارها الا وكانت فمصلحة المجموعة .... 

- طبعا كسؤال اخير للقناة ديالي ونعطي فرصة للاخرين ... انا عارف ان هادشي ممنوع وقرينا جيمع للشروط.. ولاكن ميبقا لفضول كينتابنا .. اشنو كان سبب الحااادث ديالك ... واش هادشي قدر مقدر او جريمة ؟ 

اسد : مضضضسرش بزاف ... لحد الان متمالك اعصابي ...حياتي الخاااصة مكندخلهاش فالخدمة 

- اه حاضر اسيدي من حقك سمح لينا ... 

عادل : حاولو عفاكم تمشيو على الشروط لي عندكم وماتعداوهاش ... اسئلة خاصة ممنوعة ... 

بداو تاني كيطرحو فالاسئلة وهوما كيجاوبو كانت اغلبها غير على لبيزنيس .... ولسد وعدنان مثليين دوك للاخوة السعداء لي مابيناتهم تامشكل ..تاسلاوها بالتواقيع ديال انسحاب عدناااان من للادارة ورجعها لاسظ تحت التصوييير.... وتسالمو باليد وهوما مثلين الاخوة لي مكاينش بحالهم ..... وسلاااا المؤؤؤتمررر وساااالات ايضا المسرحية .. ورجع كل واحد للمسافة لمعهودة ديللو ... وخرج وكل واحد بوحدو ....

يتبع...