لامار : حمد الله لي هذا داير عقلو بعدا ... نوضي نتي يلاه نديك لكيلينك ... فففففف تا اسبرو معرفتو فين هوو كاع ... اش هاد المصايب ياربي ..
طلعات لبيتها بانوليها ناعسين بجوج ... ومشات لبسات سيرفيت بالخف وهبطات لعند حياة .. داتها دغيا لطموبيل وحياة كتغوت بلحريق ... ومشاو لكيلينيك ولامار خايفة تكون بصح مهرسة اش غاتقول لخالتها وحياة غير متكية راسها وعنقها وكتبكي بالحريق وبالهضرة لي قال كتفكرها كيفاش غايعيشها الحجيم ؟ .... دخلوها لكلينيك و دارو ليها البانضة فعنقها والحمالة ... ودواو ليها الجروووح فوجها ولامار كتقول ليهم غير اكسيدون ... تحت عنيها كولشي زرق وعضامها كولهم مدكدين...
لامار : معندهاش شي كسر ياك ادكتور
دكتور : لااا ولاكن تحاول فهاد الفترة متحركش عنقها باش متأدي لكسر ودير ليه ترويض مدة شهر انا غانكتب ليك عدد لحصص باش يبرا ليها ... ترتاح فهاد المدة وتخلي لابنوض حيت اي حركة ممكن تكسرو ... وبنسبة لجروح الاخرين مع الوقت غايبراو .... خودي ليها هاد الدواااء غايخخف عليها الالم...
لامار : شكرا ادكتور نخرجها ؟
دكتور : اه يمكن ليكم تمشيو ومن غدا تبدا حصص ترويض ...
مشاات لعندها لقاتها كتبكي ..
لامار : حيااااة صافي باركا ... دابا لي درتوه درتوه وسفيان انا غانقول كولشي لخوه ... هو لي غايتفاهم معاه
حياة : بغا يععععدبني الاماارررر قالي ممنوع لخروووج
لامار : تستااااهلي بالله حتا تستاااااهلي .... واش هادي فعلة يديورها ؟ ها ؟ غير قولي ليا فين كان عقلك ... ديسكوو والشراااب اصاحبتي ؟ ومعامن مع واحد بحال سفيان ... هذاك راه ماشي بحال يونس ولا اسد هذاك راه بللللدي فعععقلو ... وننساو حنا سفيان ... اوا وماماك كون كانت هنا وشافت داخلة فداك لحالة ؟مغاتسكتيلهاش لقلب ...
حياة : ( كتشهق ) ك كون كان هاد ديسكو شي حاجة قبيحة بزاف . رتاج علاش كتمشي ؟
لامار : علاش كتقارني راسك برتاج ؟ هادوك هاكاك حياتهم واخا يعرفها باها عادي عايشين بحال الكور .. نتي لااااا .. بوحدك ماماك وبابااك عقلتهم بحدهم ... وتربتي فمحيط لي ديسكو عيب و شووووهة ... وتلاقيتي مع واحد سبحان الله نفس العقلية لي تربيتي فيها مجابلكش الله شي واحد لي بعيد على عاداتك نتي حياتك كاملة كتماشاي مع داك للعقلية ومأضابطيا معاها وهاكاك كتفكري تانتي ونهار جيتي عند سفيان صافي تقلبتي عاد بالك تعيشي حياتك .. عيشيها ملول بلا متعلقي بيه وبلا متخليه يتعلق بيك ونتي كنتي تابعاه كي ضلو سيري عيشي حياتك داك ساع شكون حيد ليك .. تاربطتي لولد بيك عاد بانوليك ديسكويات طول حياتك ونت محترمة ونهار بغاك باحترامك واختارك لحلال عاد بغيتي تخرجي على طريق وتمشي تسكري... اما كون جيتي منهار لول هاكا كتلبسي بهاد شكل وتمشي لديسكويات تشربي .... مكنضنش كان غايبغيك ؟ اولا !!! راه هو بغا حياة لولا رجعيها ليه مغايضربكش نتي سرقتيها منو ودابا كتبكي راه نتي لي معدية عليه نهضرو فالحق كتشعليلو العافية تحت التبن وترديه هو قبيح .. ايه معندوش لحق يمد يدو عليك ...ولاكن راه ماشي غير واحد لي يسمع الهضرة راه بجوجكم غالطيييين احياة ....
حياة : اش غاااانديير الامار اش غاندير ماخلا ليا تاشي حل اخوووررر
لامار : لحل لي عندك هو تأضبطاي معاه ... راكم غاتزوجو وزواج ماشي لعب ... سمعي ليا انا اكتر وحدة عارفة هادشي وفاهمة اشكديري وعارفة نتجية ديال هاد االافعال حيت كنا كتررر منك ولاكن خديت درس وكنتفكر راسي كيف كنت كون مدرتش عقلي يمكن كون قتلني ولا قتل راسو ... ديما كنعالجو غلط بغلط.. لااا ....سفيان انا كنعرفو ماشي هوايتو يضربك ولا را باغي يضربك ... غير هو ملي كيتعصب مكيحس براسو اش كايدير واعصابو قباح ممكن انا يضربني ومايردش لبال .... ونتي عارفاه هاكدا وبفمك احياة نهار لي ضربك فشركة قلتي ليا ماشي شغلي العصا انا بغااااه وعاجبني ومولفاه وغانبقا شادة زكير ...يعني نتي باغا الدق ونتي كديري ليه بالعاني علاش يضربك ؟ بلاصة ماتربيه بداك طريقة باش مايهزش يدو .. بيني لو بلي نتي متستاهليش العصا ... ماشي كديري علاااش .... وماشي غي هو قسما بالله وندير انا بحالك ويجي يلقاني سكرانة يمكن يهرسلي رجلي ويدي ....علاش ضربك شحال هادي ؟ ياك هو كان باغيك منهار شافك عمرو علا يدو عليك ؟ كان كيدر ليك بحال بنتو ... ونهار لقاك تفلستي لي بدا يضربك ... شمتيييييه بغا وحدة جبتيلو وحدة اخررى .. صافي ديري داكشي لي كيقول ليك ... راه غير خوفو عليك بلي راك باقا صغيرة وكيخاف يلعب شي واحد بعقلك ... راه والله مغايفوتك ...غير ماتكرهيهش فيك .... الان الغلطة دهاد ليلة راه تانا معجبتنييش احياااة ... وكون يعرفها اسد غايجي فصفو ماشي فصففففك ... ( حياة زادت فالبكت ولامار تنهدات ومشات عنقاتها ) وصاااافي باركا ... مغااايعاودش تيقيني لدارها مرة اخرى غايخسرني انا بعدا فخطرة ... يلاه نوضي نمشيو لدار ترتاحي
حياة : ماتخلينيش عفاااااك ...متخلينيش بوحدي غايجي يديني لدارو يشد عليا ....عنداك تخلييييه عفاك الامار الى تحبست غانموت
لامار : ( ماشين وكيهضرو ) صاااافي ماتخافيش ...راه غير ساعة غضب يمكن قالليك هاكاك سفيان واخا صعيب راه حنين ....دابا نساي لموضوع سمعتي طبيب اش قال خصك ترتاحي (ركباتها فطموبيل ومشات لفارماسي جابت ليها دوا وانطلقو لمنطقة )
لامار : ل لا ... ل لاااا ... لا بزاااااااااف عليا هادشي لا بزااااااااف
جا صباااااح جدييييد .... اسد بدا يفيق على شي تنوووعيش وشي حد كينتف فلحيتو ... فاق مطلع حاجبو مدعدع بنعاس لقاها قسم لي راكبة عليه وكضحك غير شافها تببببسم وتجبدو عينيييه وهزها عندووو كيبوس فيها صباح كيطلع ليه من داكشي ملي كيفيق على ضحيكة ديالها غير هو هاد صباح ماااااانعرف ... وشاف جيهة لامار مالقهاش
اسد : كيف وقع لماماك فاقت بكري ليوم
تفكر بلي عندو سفر لرباط وشاف لساعة هادا هو الوقت وناض هاز بنتو .. كيبروصي سنانو ومكلسها على لافابو تاهي عنها بروس صغيرة رطيطبة ديالها كتبغي دير بحالو زعما .. وخرج يصلي بالكشاااايف معاها مرة تقلدو مرة دخل تحتو .. عاد مشا لديريسنغ فايقة بواحد شعكاكة من داااكشي ..مشط ليها ولبس ليها حوايجها و لبس تاهو كوستار فالكري انيييق جدااا مع شوميز كحلة .. كيبان فغاااااية الفخاااامة .. والكلاص كيزيدو هبة على هيبتو ... وهز القطة ديالو وهبط ملفاتو فيدو ... يلاه هابط فدروج وهي تبان ليه لامار واقفة كتهضر مع رجاء على لفطور .. شافتو وابتسمات ليه ورجاء مشات ...
لامار : صباااح نور ( مشات تعلقاات فيه عنقاتو باستو هو و بنتها ) اسدي و بنتو فاااقو ....
يلاه غاتهضر ورتاااج داخلة بعجاجتها كتتبكي وعندها فاصمة صغيرة فجبهتها ويديها فيها بانضة ... وواضح هربانة ... لانها خلاتو تامشى يخلص فصباح باش يخرجو وهي تهرب ليه غير شافت لامار مشات عنها وجهها صفر وكولو كدمااااات شي من سفيان و شي من تصرفيق عدنان ... لامار غير شافتها وهي تووووقف
اسد : ( ناض وقف عنها ) شكون هدا ؟؟؟ شكون دار فيك هادشي ؟؟؟؟؟
لفوق ...
حياة كانت كالسة فسريرها كتبكككي تاتنفخو عينيها وجها فااااازك وعنقها كيحرقها ... وهي تسمع حس شي طموبيل وتنفضات بالخلعة وناضت عضااامها كلهم صابحين كيحرقو مشكلين .. غير شافت من بالكون سفيان لي داخل وقلبها بغااااا يسكت ولبسات بانطوفتها دغيا وهبطات كتجري فدروووج هربانة شادة البانضة دعنقها بيدها
حياة : لاااااااماررررر لااااااامار
اسد كان يلاه كيسول فرتاج تا سمع لغوات دلوخرااا فدروج جايا كتجري وعنقها مهزوز وتاهي قبح من رتاج وجهها كولو زرق وجات تخشات فلامار
حياة : جا .. جاااا .. جا الامار جاااا غايديني اخختي
اسد لا هاد المرة رجع لوووووررر كيشوف معاهم صعقوووه ... واش اكسيدون ولا شنو هادشي ؟ اشمن رموك دخل فهادو .....ومناش هربانين .. لامار كلسات وشدات على راسها ... تادخل سفيان مع لباب تاهوو تحت عينيه زررررق مناعسش ليلة كاملة باقي بنفس الحوايج وسوارتو فيدو وحياة تخبات فلامار كتبكي ..... وهي يدخل موراه عدنان لي جا طاير عرفها غاتكون جات لهنا .. تاهو كيييينهج كتر من سفيان ... ورتاج نقزات ورا ضهررر اسد تخبات لي باقي فصدمة ديالو ...... وسفيان وعدنان شافو فبعضياتهم بمعنى استعد لهاد دروووووووس الحسنية لي غاااااااتسمع داباااا موحال يسسسسكت حتى لغدا وشوف تشووووف ......
اسد غير شافهم داخلين فداك المنظرر ... صافي عرررف ان هاد الحالة لي واقعة لبنات وضنها اكسيدون وشي كاميون دخل فيهم ... عرف دابا ان الاخوان المصونين لي دخلو فيهم ... وبقا كيشوف مع لبنات معطوووووبين وكيبكيو خيفانين وشاف عند خوتو....
وعدنان كيشوف عند رتاج وكيتفكر ليلة لبارح ملي شدها من شعرها وغوتااات بججججهد وشحال كلات ديال التصرفييييق منو ... بدون تبرير منو علاش كيدير هاكا وبدووون ماييينطق بحتى كللللللمة ولا يعاتب وبدون مايهضر غير كيضرب ويهرس فشنو تما ويبرد نار الصور لي شاف .... ورجع لتخها فوق واحد لفوطوووي تماا وبعد عطا بضهرو شاد على قلبوووو كينهج
رتاج : ( بصوت شبه مسموع بالشهيق والبكا ) ب بعد مني ... ا ا انا اش بيني وبينك ... ع عطيني تيقار خليني نعيش حياتيييييي
عدنان : ( ضار عنها عينيه بحال ناار ) تعيشي حياتك ؟؟؟؟؟؟ اشمن حياة ؟ ... تقحححبين ؟؟؟؟؟؟؟و البيييييرااااااان
بقات كتبكي وهو ناض شعل كارو كيمشي ويجي وكل مرة يشخشخ حاااااجة مع الحيييبييييط وكارز على داك الكارو
عدنان : انا غانورييييك التقحبين بشحال طايح .... باغا تخرجي ليها ديكيت ... باغا تايلعبو فدييييلمك .... ( شاف عنها بنبرة حادة ) شحااااال من واحد بااااسك تما شحال من واحد لعععب بفمك كيف بغاااا ( رجع عنها هاد المرة معصب كتررر وعينيه كومر كيتخيييل كيبوسو فيها ) دوووووي .... شحال من واااااااحد ( جبد ليها شنايفها عندو بيدو ) لعبووووو بيهم كيف بغاااااو ياااااااك .... داباااا هاااادووووو قاااسوووووهم وحيدن اخرين من غييييرررررررري ( كان غايحط عليهم الكارو يحرقهم بدون شعووررر وهي تفلللت منوو وناضت هربات شادة على فمها )
رتاح : بزااااااف عليك انا مااااااااشي قححححححبة
عدنان : ( باقي فنفس كلستو كيرمش ورجع شار عندها كيشوف بهدوء وهاد الهدوء كيخلعها ابدا ماشي مططططمن ......وهي كترمش فيه كيفاش هااااادئء ...... تاقفزات من الغوتة ديالو ) قححححححححححبة .... لي كتمشي لديسكويات وتجي سكرانة فنص ليل قححححبة ... لي تعطي فمها يلعبو فيه المكبوتين قحححححبببببة
كمش داك الكارو بين يديه شاعل وناض عندها وهي لسقااات مع الحيط ..عينيه بقوة مكيخلعو بقوة ماباين فيهم حززززن كبيييررررر يلاه غاقرب وهي هزات يديها غطات وجهها خيفانة وهو بقا كيشوف وتنهد حيد ليها يديها بشوية على وجهها كيشوووف فيها ديريكت فعينيها ممممددددة وهز جوج صبعانو كيدوزهم على وجهها .......ونبرة صوت منخفضة بسيف باش كتسمع وعينيه دبااااالو ....
عدنان : علااااش كديري فيا هادشي علااااش ... عارفة راسك شنو كتعني ليا وكديري راسك مكتعرفيش ... ديريني تحت تراب وسيري ديري لي بغيتي .... ( ضرب يدو مع الحييييط بجهد تاغمضاات عينيها كتبكي هو واسد طبع واحد دايرين بحال المد والجزر مرة هااااااادئيين ودغيا يتقلبووو يسعرووو ويرجعو يهدنوووو تاني عكس سفيان ويونس لي كينوضو ديريكت ويتهدنو ديريكت وهضررر بحححححدة مغززززف وهي كتحول عينيها غي بشوية تشوف ليدو لي ضربها مع الحيط ) قتتتلييييني وسيري عيشي حياااتك ...غير ماتخليتش نشوووووفك بعيني ..... ماتعدبنييييش ( زاد ضربة اخرى فالحيط وهي زادت فالشهيق ) انا ماحارمكش تعيشي حياتك ... كندير فهادشي كامل باش ورا مووتي نتي تعيشي حياتك عادي .... باش متعدبييييش ... باش تقولي مايستاهلش نبكي عليه نمشي نعيش حيااااتي ... بااااش تقدري تبغي رااااجل اخور من غيري وديري عائلة ... كندير فهادشي كاااامل باش منعلقكش بياااا كتر ..... ( رجع ضرب فالحيط وعينيه تغرغروو ديال بصح ويدو سالت بدم ) ولاكن حتى نتي رحميييييني على الاقل وصبري هاد الايام لي بقاو ليا وماديريهاش قداااااام عيني... غيييييرتي مغانسسيطرش عليييها ... حبي ليك مغاااانسيطرش عليه .... ( زااااد ضررربة اخرى ويديه كتسيل بدم طبعات فلحيط وهي غاتبول فسروالها ) ماااشي قدااااااام عيني ارتااااااج ......
تنهد ورجع هبط راسو لقاها باقا كتفحص فيه ودفعها وناض وقف
عدنان : باقي عايش ماتخافيش .. مزال مغانعطيك داك الحرية لي كتقلبي عليها ( مااال تاقرب يطيح وشد فالحيط وهي ناضت بزربة عندو كتبكي )
رتاج : عدنااااان متخلعنيش عليك .... ( طاح الارض وكلس كينهج وهي غوتات ) عدناااااااان ( هبطات عندو على ركابيها وهو كالس فالارض كينهج وشدات وجهو عنها ) عفااااااك اعدنان حل داك الباااااب خصك تمشي لكلينيك عفااااااك
عدنان : ( حط يدو على فمها ) ششششش ... مكرهتش نموت دغيا ونتهنا ... من هاد العداب لي عايشو من جيهتك ومن جيهة خويا .... ياريتها الموت هادي .. راها رحم من هادشي لي معييشيني فيه
رتاج : ( جاية عندو ) مااااشربتش بخاطري واول مرة كنشرب فحيااااااااتي بسيف ما غايأثر عليا هاكاك ...
عدنان : ( يلاه وصلات عندو دفعها ورجع وقف مزيان فاتو شوية الحال ) بعدي لهيه ....
رتاج وقفات فبلاصتها وهو مشا لفطوي وكلس شاد على راسو كيرد شوية وعيو وهي كتشوف فيه ممممدددة غير ساكتين شافتو بحالا غايغمض عينيه وخلاتو يرتاح تاباش تحل لباب معندهاش سوارت راهم فجيبو ... كتمشي وتجي مرة تكلس ... ومرة مرة كطل عليه ... عارفاه الى قلبو عطاه الضعف خصو يرتااااااح باش يقدر يوقف تااني .....وبقات غير كاتمشي وتجي وتغزز فشفايفها شي نص ساعة على داك الحال ( هاد الوقيتة لي جات فيها لامار لدار طلعات حياة )
رتاج : عدناااان
عدنان : ( حل عينو )
رتاج : عيطني سوارت عفاك .... حل هاد لباب .... خايفة توقع ليك شي حاجة
عدنان : ( شاف عندها ) باغا ترجعي عندهم ممم ؟؟؟؟؟ باغا نحل لباب وترجعي لتقحبيييين ديالك ماشبعتيش قاطعليكم سفيان السهرة ( ناض وقف وهي بعدات رجججججع متووحش تاني ) مخليك فراحتك قلت رتاج ماشي من هاد نوع ... رتاج مغتمشيش لواحد اخور قدام عيني ... رتاج ماشي هاكا بغات تعيش حياتها .. لابغات تعيش حياتها غاتسافر مع صديقات محترمين ... غاتلها مع خدمتها ...غادير مستقبلها .....ماشي الحياة عندها هي ديسكويات والقصاااايرر ... ولاكن ملي كتفكري بحال هاكا ...بررربي ماحدي عاااايش غاتبقاي قداااام عيني .... ( قرب عنها ) شفتي تفرقي هاد الوجه لا .... معااياااا غاتعييييشيييي فداااار ... وتحت عيني غاتبقااااي ... وغاتخرجي مراقبة وغاااادخلي مراقبة .... وسيري داكساع عيطي لبييران وزوامل والمكبوتين يجيو عندك ....
عدنان : ( ضرب الكرسي برررجججليه وجاي لعنها وهي هاربة عرفات راسها شعلاتو تاني ) لي بيني وبيييييينك كبرررر من هااااااادوك لي كيعرفو غير يقولو كنببغيك بالفم ...... واااااش باغا غير الشفوووووي ؟؟؟؟؟؟ الااااالة انا كنبغيييييييييك ( بالغوات وعصبية ) عدناااااان راه كيبغييييييك ... صااافي ؟؟؟؟؟؟؟ ( رتاج غير كتبكي )
رتاج : دابا كنبغيك وغدا غاتقولي نتي ماشي من مستوايا حتا تعالجيني ...حبك كيبان غير من طناش دليل لفوق ..ومن طناش دليل لفوق كولشي مشبوووه ... باش تعرف الى حبك مكييييطمنش .. كون كان مزيان كان غايبان فالنهار ... ماشي غير فليل ... فخبارك .....بلي حبك عاهر .....
عدنان غير كيشوف فيها كتشعل فيه شوية بشوووووية بهضرتها بحالا كاديماريه وهي تعصبات ديال بصح ماحاساش براسها اش كتقول
رتاج : ( بعععصبية) راه بسبااب هاد اللعب بمشاعري لي وصلت انا لهادشي كامل.. نتا سباااااب فكووووولشي ... مرررضتيييييني ..مابقيتش عارفة البيض من الكحل معاك .... ( شعلات حتى هي ) .... واش نتا دير لي بغيتي وانا لاااا .... دابا نتا عندك ديسكوووو ماااشي شرف ... اوا علاش كدددددخل ليه.. علاااش كتكمي ... علاش كتتشرررب ؟؟؟ نتا علاش كااادير هادشي ( كتقرب عندو ) لاسولتك دابااااا داك الشراب شنو ممكن يدير ليك .. غاتقوليا غير غايضر ليك القلب ويضعفو .... ويلا قتليك الشراب شنو ممكن يدير ليا .. غاتقول غايضر ليك شرفك .... شنو هااااااد المعادلة ؟؟؟؟؟؟؟؟ علاش ماشي بحال بحال ......يااا ايما حنا لعيلاااات الى شربنا ااشراب معندناش قلب لي يضعاف ويتضرر ... و يااا ايماااا نتوما رجال لاشربتوه معندكمش شرررررررف لي ييتضررررررر.... نتوما لللي بلاااااا شرررررررف ماشي حنااااااا ..( عدنان كييزير على يدوووو ) وماااااادخلش فياااااا وماتترفعش يدك علياااااااا وخرج من حياااااااااتي ..... نتقححححبن ولا نمشي عند دراااااري ولا نبوووووسهم مااااااااشي سووووووووووقك
بدات كتنهج كتشوف عندو كيفاش ولااااااااا ااااااااح على عينيييين كيفاش كيشوف فيها ويديه مجموعين وكررز على سنانو جاي عندها وهي تهرب بلوورررر مشافتش الكرسي طايح مورهااا وتعكلات فيه وطاحت على حافة البييرووووو على جبهتها حتى تسمعات ددددقة بججججهد وطاحت الارض تلتخ ليها رااسهاااا .... ووهو وقف فبلاااصتوووو
عدنان : رتاااااااج .... رتاااااتج
ضرب الكرسي دغيا برجلووو ومشا هبط عنددهاااا كيضرب فيها تيفيييق ودم كيسيل من جبتهااا دغيا غيباااااات ....
عدنان بقا كيشوف فيها وكيتفكر ليلة دلبارح ... وشاف لعند اسد لي عينيه ولاو بحال النار صافي عرفو الى راه شععععل بلبيااااان ... كيشوف فييييهم ومزير على يدو... وباينة تاهوما مانعسو ماشافوه .. وجمع النفس ديالو مزيان وزفرها على برا وشاف فيهم
اسد : شي واحد فيكم يهضر ويقوليا اش واقع ....
سفيان قرب منيرفي مكيشوفش فيه وحياة شافتو قرب وهي تزيد تخشا فلامار وعدنان كلس شاد على راسو عيان حمد الله غير لي لقاها هنا ماعرفها فين مشات ...
سفيان : مواقع والو .... تكعدي نتي يلاه ...
حياة : ل ل لا مغااانمشيش معااك .. ل لاماااررررر ختي راه غايديييييني
لامار : شششش مغايدييكش تهدني ... بعد من البنت .... ( شاافت عند اسد ) اسد راه خوتك لي دارو فلبنات هاد الحاااالة ... شوف اش داااارووووو ... ياك اعدنان يااااك .... حساااابتني نتا زعمااااا بععععقلك .... شوفو كيف رديتو لبناااات .... ديت حياة لبارح لكيلينيك مالقيت مانقول كولشي كيسول مالها مسكينة كنقول ليهم اكسيدون .... شوووفووو ااااش درتو فيهم .. ونتا زعما لي عرسك غدا ياحسرة ...
اسد رجع لور وكلس فبلاصتو وربع يديه كيشوف معاهم .. وسفيان غير كيطلع فيه عينيه يشوف فيه كيلقاه هاكاك كيهبطهم .. ورجع كلس تاهو ... واسد بدا كيفيفري ليه تيل فجيبو لقاه عادل
اسد : وي .... أجلو حتى لعشية ... ( كيشوف فيهم ) مشغول هاد صباح ....
اسد : اهاه .... دابا نتوما لي درتو هاد الحالة فالبنات .. ( كيشوف معاهم ) ممم مزيااان مزياااان ..... ( شاف لعند حياة هي لي كتبان مضروبة بزاف ) شكون هرس ليك عنقك نتي
حياة : ( كتشوف فسفيان لي مغدد كيطحن فسنانو وكتشكي كيف شي بنت صغيرة ) سفيااااان اخووويااااا
سفيان : سفيااان اخويا ياااااك ؟؟؟؟؟ لا قوليليه حتى شنو درتي لهاد سفيان باش ضربك .... سولها على السبب ....
اسد : ( شمر بنيفو وعوج عنقو مزيان وسكد الكلسة ) كان فايمكاني نسول على السبب لي وصلها لهاد الحالة قبل مانسولها على شكون دار فيها هادشي .... ولاكن انا لي كنعرف ... هو مكاااااينش شي سبب فدنيا لي غايخليك دير هادشي فبنت ناس باقي معندكش عليها حق الزوج ..... ( بالغوااااات تاقفزات لامار ) شووووف فياااا راه معاااااك كنهضررر ( شاف فيه سفيان ) باااااك راه عيشني فإعاقة طول حياااااتي .... ومدرتش فيه هاد الحالة لي درتي نتا فهاد البنت .....( بحدة ) كاين شي سبب غاتكون دارتوليك كبر من هاكا ؟؟؟؟؟؟؟ ...
حبيبي الأصم الجزء 281
محتوى القصة
التنقل بين الأجزاء