حياة : سفيان شوووف فوووجهي ... شوف فعنييااا وقوليا بلي صافي نتا باغي نتفارقو ؟؟؟؟ سفيان عارف راسك اش كتقووول ؟؟؟؟ انا حيااااة..حياااة اسفيان ...انا داك البنت لي باقا صغيرة وعاد حلات عينيها على هاد الحياة وحلاتها عليك نتا اول واحد بغيييييتك من اول نهار شفتك فيه نهار خويتي عليا الشراااب عقلتي ؟ كنت غانحماق غير تشووفك ... انا داك البنت لي اخيرا فرحات وقالت غانتزوج براجل لي كنبغيه وتبدل قدري ومغانتزوجش بشارف يكرفصني بحال خوتاتي ......انا حياااااة اسفيان واش نسييتينيييي.... راك عارف مزيان بلي انا ماشي من داك نوع ....ونتا لي وصلتني ندير هادشي كااامل ... نهار عريت انااا عريت على قبلك ... ونهار مشيت لديسكو تاهو على قبلك ... نتا عارف بلي هادشي ماشي هوما احلامي .. من حلمي غير رااااجل ماشي متسلط ومايهزش عليا يدو ويخليني نحقق داااتي .... راك كتهضر فلحظة غضب راجع نفسك وماتقررش ونتا معصب راك غااااتندم ... مادمرش كاع داكشي لي بنيناه ... سفياااان رجع خاتمك ليدك وكنواعدك الى نتا تبدلتي معايا نتا غانتبدل معاك
سفيان : اه يعني نتبدل .. نخليك ديري لي بغيتي ونشوفك ماشية لهااوية برجليك ومانهضرش .. ياك ؟ اوا انا ماعمرني غانكون هاكا ... والخاتم غايبقا عندك نتي حتى تبدلي نتي عااااد انا غانتبدل ... حيت انا كنهز يدي حيت نتي كديري ... ونهار مغاتبقايش ديري انا مغانبقاش نهز يدي .. يعني راه نتي لي خضك تبدلي لولاا ...
خلاها وزاد لطموبيل وهي واقفة جامدة متبعاه وعينيها كلهم دموووع والخاتم فيديها ... خيبة امل كبييييييرة فعينيها ليه ... عمرها كانت كضن منو يسالي كولشي ببساطة ... كانت ديما كضن انها دير لي دير عمرو غايتخلا عليها .. خاب ضنها و خاب املها وكوولشي ... علات راسها لسما هي ماشي من النوع لي تلوح راسها على واحد واصلا هادشي لي دارت راه خرجات على شخصيتها وبزاااف ... مسحات دموع عينيها ولاكن دموع قلبها باقين كيينزفووو كيف دم الشريان ... عاضة على شفتهااا ومزيرة على عينييهااا وهو ركب فطموبيل وكيتفادا يشوف لعندها ... تنهداااات عميييييقة وشافت لعندو وتاهو قلب عينيه لعندها رامقاه بواحد نظرة ديال خيبتي ضني فيك ... واحد نظرة ديال حرااام عليك .. حشوومة هادشي لي درتيه فينا ... واحد نظرة ديال غير رجع ليا وقول ليا كضحك معايا ... باقي عندها امل تكون غير مزحة من مزاحو المعتاد ... ماميكنش يكون هادشي بصح ... واش صافي صفحة سفيان تطوات ؟ سمعاتو كلاكصووونااا والصوت فيقها من اسئلتها ... ومشات ببرووود لطموووبيييل مرفوووعة ... ركبات معاه وانطلق واحد مكدوي مع واحد وهي حاطة راسها على زاج ومزيرة على داك الخاتم فيديها ... وعينيها دباااالو .... تالقات رااسها داخلا لمنطقة ... وصلات لدار شافتو وقف كيتسناها تنزل ... يلاه بغات ضضور تهضر معاه شافتو قالب راسو واحتفظات بداك الكلمات لنفسها واحتفظات بما تبقى من كرامتها .. ونزلات .. غير شدات لباب هو رجع مارشاريار ومشا وهي متبعاه بعينيها جاتخا الضحكة على راسها لي كانت كضن يمكن غايديها لدارو ويهضرو ويتصالحو كيف ديما ... ولا يهضرو فشي بلاصة ويرجعو مفاهمين من بعد هاد نهار طويل لي دوزاتو مخلوعة عليه ومن بعد القتلة دالعصا لي كلات وعنقها باقي مفدوع .... فلحظة رجليها طااااحو الارررض و طاحت فبلاصتها على ركابيها لي تجردو كتتتبكي بجججهددددد و كتشوف لسمااا ولكارد غير كيشوفو فيها منظرها كيمزق ... وهي كتبكيييييي بصوووت مرتفع وحرقة كبيييرة بحالا كتشكي ل لله وجعهااا من خلال الصرخات ..... وتفكررر فرحتها كيفاش بكاتها نهار ركب ليها الخاتم وخطبها كيفاش كانت كضن بلي الايام السوداء شرقات فيها الشمس ... كيفاش كانت كضن ان غير السعادة لي كتسناها وغاتهنا من جحيم باها وهضرة ناس الدوار .. بالفرحة بكااااات نهار خطابتها حيت مكانتش متيقة راسها وفلحظة كتلقا كولشي سلا و كاع فرحتها تحولات غير لحلم جميل دابا فاقت منو .... كتبكي وتشكي الله زهرها ... طيشها ... كانت كضن راسها مع واحد عمرو غايتخلا عليها وهو علامن تفشش و دير كاع اش كانت محرومة منو مع باباها ... كانت كضن اخيرا لقاااات اب ....وفجأة كولشي تلاااااشى .... واحلامها زجاجية مابقى منها غير الفتات كيجرحووو فيها كل مااازطمات عليهم بالتفكير فيهم ....
عند اسد
لامار وبنتو ناااعسييين ...وهو كيمشي ويجي فارجاء الجناح ... ومرة مرة يرجع لبيسي يعاود يقرا داك تقرير مزال كيضن انو فقط يمكن مقراش مزيان ولا يمكن تنساو عليه لحروف .... شوية شد داك البيسي وخرج لبالكون واقف وكارز بيديه على الحديدة وقال بخفت بدون شعور
بدا كيشوف لسمااا وكيحاول يستوعب فكرة ان خوه الشقيق الوحيد لي عندو .. كيحتضر .... فجأة كيلقا داكرتو سافرات بيه لبعض الاحداث لي بدات كتأكد ليه شكوكو ...
🔙🔙🔙
عدنان : فخبارك ان خوك فنص ليل كيولي عقلو مرفوع عليه القلم !؟؟؟؟ ... فبلا متفاجأ من القرارات لي غاناخد فصباح حيت كلهم كنخطط ليهم فالنص اليييل .. وفنص ليل .. عرفت و فهمت اني مخصنيش نبقا نأجل التوبة و الاعتدار .... حيت ربي كاع مغايأجل ليا موتي .... وانا عارف ااني الى مت ... مكنضش واش غتسامحني ...
اسد : ماااالكم نتومااااا غي لي قرررررب يموت عااااد يتفكرني ويتفكر اش دار فيا و نبانليه فلبلاااان يجي يتسامح معايا ويجبد ليا فداك ولد القحبة دالماااااضي ؟؟؟؟؟؟. كتفكرو اسد غير فالاحتضار ؟ الشهادتين انا ؟؟؟؟؟ عزرائيل ؟ ياكما قالولكم عليا كفن ؟ كنابلكم تاتبغيو تموتو ؟
عدنان : الى مت اش غادير اسد؟؟
🔛🔛🔛
رجعات سافرات بيه داكرة لنهار لي تضرب فيه فالباطو من طرف رجال اسد برصاص لقلبو ... اذن هو بسابو دابا كيحتضر .... ولاكن علاش مخبي الامررر ... وعلاش مقالش بلي راه كيموت ومريض بزاف ... عللاش مقالش بلي راه ابسسسط ازززمة ابسط حاجة تطرا تخلي قلب عدنان ينبض بسرعة يقدر يمووووت فيها ... فقط لانبض بسرررعة سواء خلعة او فرحححة او اي شعورر يقدر يقضي عليه .. علاش مقالش بلي هو لهاد درجة ولا ضعيف ومعرض لمموت فاي لحظة ... حتا الفرحة تقدر تقتلو فما بالك الخلعة او التوتر ... غمض على عينيه وضاررر كيمشي ويجي مزال مابغاتش دخل ليه لعقلووو الى خسرو غايحماااق مافيهاااش.... كلس على واحد الكرسي تما وغرس راسو بين يديه .... مستحيل يخلي خوه فهاد الحالة وهو الوحيد لي بقا ليه .... اكيد كيتعدب غير بوحدو وساااكت ... مستحيل يبقا كالس ومربع يديه ... والا راه السيناريو ديال ماماه غايتعاود من جديد ... وغايفقد عدنان وهوما باقي ماتصالحو ... وغايحس بندامة من جديد كيما حاسها دابا وكان كيتمنى لو انو عنقهاااا وقاليها مسامحك قبل ماتموت .. كدالك حاس غايوقع ليه مع عدنان ... رجع وقف معصب من راسو على هاد الافكار وكيقول عدنان مغايوقع ليه والوووو ...ونااض بزززربة دخل لديريسنغ كيلبس فواحد تيشورت وتيليفون شادو بين كتفو وودنو كيصوني فيه ....
اصبحنا واصبح الملك الله ....
جا صباح جديد ... لامار عاد كتفيييق كتحل عينيها وتعاود تشدهم فلخر استفاقت بالكامل وتقلبات لقات بنتها ناعسة حداها مكمشة واسد بلاصتو خاوية وباينة مانعسش فيها كاع .... علات حاجبها وناضت من الفراش خرجات لبالكون مابانتش ليها طموبيلتو ... ومشات لتيل ديالها لقات مخلي ليها مسج فواتساب
اسد : صباح نور حبيبتي ... سمحيلي مشيت بلا منعلمك عندي خدمة ضرورية ففرانسا .. متخافيش ماتجي فين تبغي تغداي حتا نكون معاك ...
لامار : فرنساا ؟؟؟؟؟؟ شنو عندو ففرانسا ؟ ياك عمرو دار شي صفقة تما ؟ ومكنضنش عندو شي حاجة تما كاع ؟ شنو داه لفرنسااا ؟؟؟؟؟
بدات كاصوني عليه لقات غير لابواط فوكال ...وردات عليه غير فالواتس
عادل : خلي حتى يجي ويشرح ليك معنديش شي حاجة اخرى نفيدك بيها
قطعات عليه عارفاهم مايقدروش يخرجو اخبارو .. وبقات شادة تيل
لامار :اشمن دكتور هذا ... اشواقع تاني ؟
لامار لبسات حوايجها ... وتا قسم فاقت لبسات ليها كسيوة ديالها وهزاتها مشات كطل على لبنات لقات شيماء ناعسة فوق سرير و حياة مكيناش ... طلعات حاجبها ومشات كتقلب فبالكون وحلات دوش يلاه غاتشدو حيت مابان ليها حد وهي تلمحها كالسة فالارض وشعرها ساااررررد وحوايجها ساردين باينة كان مطلوق عليها الرشاش وعينيها من تحت كووووحل وكتشوف فمنحى واحد
بدات كتنوضها ونصلات ليها دوك الحوايج الفازكين ولبساتهاا بيجامة سخيخنة مقطنة وهي غير جسد بلا رووووح وداتها سخووووونة طلعات ليها الحرارة بسباب داك الما لي باتت تحتو ... ونشفات ليها شعرها هي كالسة على لكرسي كتشوف فراسها فلمرايا وعقلها باقي فداك الجرف ولامار كتمشط ليها وقسم كتلعب حداهم .. ضفرات ليها شعرها وطلقاتو قدامها وضوراتها عنها بالكرسي
لامار : ماديريش هاد الحالة فراسك ... انا مكنكدبش .. نهار قتليك مكتخلاوش راه مكيتخلاوش ... ماتقيش بيه ... معرفتش شنو خلاه يتصرف هاكا ... ولاكن واخا الخاتم حيدو ... نتي واش يقدر يحيدك من قلبو .. مستحيل غيكون غير بغا يعاقبك بطريقتو وصافي
حياة : ( بدون حياة ) متعطينيش امل كااادب واحد اخر تاني ... عفاااك ...
لامار : انا مكنعطيكش امل انا كنفسر ليك الامور ...
حياة : ( شافت ااارض ) قاليا .... قاليا هاد الخاتم غايبقا عندك .. حتى ترجعي ليا حياة
لامار : اوا شتي ها اش قلت ليك .... يعني دارها ليك غير بالعاني باش نتي تبدلي .... وحتى الى متبدلتيش تيقني اول مشكلة يلقاك فيها تلقايه جاي عندك بلاااا عقل.... خليتيلي ليه خيار واحد هو هذا .... حتا انا واحد نهار دارها ليا اسد .. ومشا وخلاني حاملة بقسم وقالي نرجع نهار نلقاك تبدلتي ...انا كان الامر صعيب عليا نلبس شخصية جديدة اما نتي لا .. بغاك ترجعي غير كي كنتي .... اش فيها ؟
حياة : ( شافت ببرااااءة بينات لامار انها فعلا باقا صغيرة ) ي ياك لارجعت كيف كنت .. مغانبقاش عمو ؟ مغايخلينيش ويشوف فالبنات لعريانات ؟
حياة : مابغاش نلوح راسي عليه كتر من هاكا اه انا مابغاش نتفارق عليه وغالوح راسي من السطح لداراها بصح والله مانعيش موراه مزال راه هو الهوا لي كنتنفسو ... ولاكن راه حداه مغانبين والو راكي عارفاني ...
لامار : ملي تلقاي حياة فاقت عطيها الفطور ودوا راه طالعة ليها السخانة ... ويلا لقيتها تزاد عليها الحال صوني عليا
طلعات لفوق وهي تشوف رتاج داخلة كانت بحوايج سبور وكاع عرقاانة دايرة كاسك رقيق فعنقها وهازة قرعة دالما
رتاج : صبااااح نوووور
لامار : صباح الرشاقة... اوا شفتي ماشي غير ديسكو لي كينسي الهموم ... كون داك ليلة لبستو السورفيت ومشيتو تجريو حدا لبحر وتنعلو شيطان مكناش غانوصلو لهادشي كامل .... ياك بحال الجرا بحال الشطيح نفس شي غير نتوما عزيز عليكم خلا دار بوكم
رتاج : لا صااااافي هادا ولا غير كيخربق ... كيفاش يخلي لبنت من بعد داك الوعود كاملة ....
لامار : ميمكنش .. لا ميمكنش .. ويلا كان بصح دارها راه غااااايندم عليها بزاف ... مهم طلعي نتي دوشي ومرة مرة طلي عليها راها مريييضة بايتة فدوش كتبكي مسكينة ....
رتاج : ( شافت لساعة كانت باقا تسعود دصبح ) ففففففف ولايني مكيحشمش هذا ... مال هاد الكنس دالرجال مالهم ... والله تاخصهم لي يعطيهم نخااال ومايكبروش ليهم يلاه يتقااادو تفووووو .... انا بعدا والله لاباقي حاشيتولو ... فين اسد بعدا ؟ غايعرفها تاني غايرجع يحبسو
لامار : اسد مكاينش فقت مالقيتوش وباينة مانعسش ... خلا ليا مسج كايقول فيه راه ففرانسا... وملي سولت عادل قاليا مشا يشوف شي دكتور ما دكتور مافهمتش علاش
رتاج : نن .. نعام ؟؟ ( حطات قسم قلبها بدا يضرب ) ك كيفاش ؟ م متأكدة
حبيبي الأصم الجزء 288
محتوى القصة
التنقل بين الأجزاء