بقا يلعب مع قسم وهي وجدات جوج فناجل دالقهوة وعمرات بيبرون دبنتها بلحليب عطاتها ليها وعطاتو فنجالو وكلسات حداه
لامار : غاتكون كتسول راسك دابا علاش جيت على صباح ياك
سفيان : لا بالعكس ... عادي دارك هادي مرحبا فاي وقت
لامار : ماتنافقنيش اسفيان ... ( مجاوبهاش ورجعات لور ) هي تما مريييضة ونتا هنا كتر منها ..... مالكم دايرين فراسكم هاد الحاااالة ؟
سفيان : امور خاصة دابا نحلوها بيناتنا بلا متدخلي
لامار : (حطات فنجالها وقربات لعندو ) سفيااان ... حياة امانة عندي .. ماحدك مزال ماعاقد عليها انا لي مسؤولة عليها لاوقعات ليها شي حاجة .... ومن حقي نتدخل ونعرف اش واقع واش باغي دير فداك البنت .... حياة باقا صغيرة على تستوعب ليك هادشي وتحملو ... راه فاي لحظة تمشي دير شي مصيية فراسها ... ( علا فيها عينو ) تصووررر ليلة كاملة بايتة تحت الرشااااش مزيرة على خاتمك فيديها تالتسعود دصباح .... لقيتها طايبة بسخاااانة ومع دالك ففمها غير سفيان خلاااني ... كتقول الى دارها بصاح نلوح راسي ... واش حسابتك مغاديرهاش ... واش حسابتك هي قد الفراق
سفيان : واااش نتي صافابا ؟؟؟؟ اشمن فراق الله يهديك ... باغيها غير دير عقلها
لامار : خايف غير تخسرها بمرة وتولي طلب السلة بلا عنب تولي تقول مصاب غير ترجع ليك وكيفما بغات تكون تكون ...
سفيان : دابا اش هاد الهضضضرة هادي على صباااااح ... واش بالك لي دارتو هي مزيان ؟ واش غانبقا انا ديما كنوكلها فالعصا شي نهار نقتلها .... واش غانبقا تابعها لبسي حوايجك احياة ماتخرجيش بوحدك احياة مسسسحي داك العكرر دالشيخات نبقا انا تابعها من بار لبار ....
لامار : ولفراق فنضرك هو الحل ....
سفيان : اه هو الحل ... حيت هو لي غايخليها تعرف قيمتي .... وشنو كيعني تعيش بلا منكون معاها ... وتولي تخدم عقلها وتعرف بلي التصرفات لي كتسميهم هي عليهم تسلط كولهم خوووف عليها وعلى مصلحتتها ...ماحدي معاها وكنفشش فيها ونبين ليها بلي دير لي دير عمرني نفرقها...عمرها غااااتقاد ولا تشوف الامور من الزاوية القبيحة .... ولاكن ملي غانبعد عاد غاترجع لعقلها ..داكشي باش خليك بعيدة حياة انا قاد بيها ... حيدت الخاتم من صبعي مكيعنيش خرجتها من حياتي .. غير مدخليش
حبيبي الأصم الجزء 289
محتوى القصة
التنقل بين الأجزاء