لامار : سي عيط قبيييلة كان طالع لطيارة شوية ويكون هنا ...
بقات رتاج كتلعب برجليها وتزير على صبعانها واش غايكون عرف زعما بمرضضوو .... واش غادير شي حاجة تقنع عدنان بالعملية ...
لامار : شيماء ماشفتهاش فاش سخفات ؟
رتاج : شيماء غير مشيتي نتي تاهي هبطات موراك مشات لدارهم قاتلي توحشات ماماها وتاهي راه اقتنعاات بداك الكدبة ديال القراية ... وقاتلي دابا ترجع ...ونا غير دوشت دخلت لبيت دحياة لقيت لخدمات شافوها سخفانة فالارض وكيعيطو ليك .. يمكن كانت ناضت وطاحت
لامار بدا يصوني ليها تيل
لامار : وي اريج
اريج : فييينكم فقت مالقيت حتى حد ..
لامار : غير خرجنا احبيبة مابغيناش نصدعوك
اريج : اش ندير مع يونس داابا من قبيلة هو كيسول على دراري و على العرس لي مبان منو والو وسفيان مكيجاوبوش . كنقوليه غير تانا ماعارفاش ودابا هبط كيسول على اسد وراه تععصب باابيااااان
لامار : خلي تايجي اسد ويفمهو حسن راه مسافر مي قريب يوصل ....
اريج : داكشي تاهو كيقلب عليه .. مهم نخليك نهبط عندو نشغلو بشي حاجة على مايجي اسد نقوليه نفطرو على برا
لامار : داااكوغ سيري شغليه ... ( قطعات وشدات على راسها ) اوووووف امتى غانتهنااااااو من هاد الكلينيك سكناااا فيه من موصيبة لووخرا
رتاج : الامر سهل غير بنادم كيعقدو .. صااافي هي بغاتو وتقبلاتو بعصبيتو وهو خصو يتقبلاها بطيشها ويهنيونا تاحد ماكامل .... ولاكن كيف قلتي مندخلوش فعلاقتهم باش مايتصالحو ونبقاو حنا فالعيب .... يالاه يالاه نهبطو لتحت نفطرو راه مازال فين تفيق ...
هبطو لبنات لتحت كيفطرو ... وسفيان كيمشي ويجي فشوومبر ... كل مرة دخل عندها ممرضة ويبقاو يشوفو فيه بجنب كيكون عاطي بظهرو وهوما كيتمنضرو فدوك العضلااااات والظهر المفتووووول وحركاااتو .. غير كيضور كيهبطو عينيهم ... بقا تما معاها مرة يكلس حداها مرة ببوس فيها مرة يوقف تاني يضور دازت شي ساعة ونص وهو على داك الحال... تاااحس بشي تخرشيش وضاااررر دغيا بانتليه هي كتحرك مقبحة سيييفتهااا وقرب لعندها
سفيان : حياااااااة ؟؟؟ حياة كتسمعيني
حياة بدات كتحل عينيها بشووووية وتششدهم مدوووووخة وعيااااانة ... وهو شاد فيديها كتحس بيه مزير عليها ...وحلات عينيها شافت لعندووو مخسرة سيفتها باستغراب كتسآل فين هي ؟ واش سفيان هدا ؟ واش كتحلم ؟ ..
حياة : هههه تأجل ههه ضحكتني وخا مافيا لي يضحك .. قولي تلغاا فخطرة
لامار : كون تلغا ماتلقايهش كالس حداك دابا
حياة : ( شافت عندها ) واش هاد السيد عندو شي انفصام فالشخصية لبارح عاد قاليا مابقيتش باغيك مالو دابا
رتاج : ( جرات كرسي تاهي كلسات حدااها وملامح الجدية على وجهها اصلا رتاج غي كدخل لايطار العمل ديالها كتولي جدية ) شفتي احياة نهضرو واقعيين وعلعموم ونسدو هاد الموضوع .. لاكنتي باغا تحاولي تفهمي هاد الخوت كيفاش كيفكرو غير تراجعي راه مغاتقدريش ... هادو من نوع لي هضرتهم تبين ليك بلي نتي ااخرررر هم عندهم وبلي ماباغينكش .. ولاكن افعالهم كتبين ليك بلي نتي اهم حاجة عنهم وبلي مكاينش لي يبغيك قدهم..اذن نتي احياة واش باغيا الشفوي ولا لي ييبين ليك ويطبق ؟
حياة : اكيد نبغي لي طبق ولاكن ماشي لهاد الدرجة
لامار : رتاج عندها الحق انا نهار تعلمت نقرا العنين اش كيقولو قبل من نسمع اش كيتقال وليت كنفهم الاومور بوضوح كتر ... حيت شحال من هضرة كتخرج غير من اللسان الفوق والقلب كيقول حاجة اخرى ... ماتكدبيش على راسك نتي عارفة سفيان كيبغيك ... وحتى نتي غاتسطاي عليه ... تقلقو على بعضياتكم تخاصمو ولاكن عمركم تشكو فحبكم لبعضياتكم
حياة : راه هو بفمو لي قالي الفراااق اختي
لامار : هو راه قال هاد الهضرة غير تهديد ليك حيت لقاها اخر حل بقا ليه معاك ...باش تعرفيه الى تاهو كدير مجهود باش تبدلي ومايهزش يدو عليك .. يعني نتي لابغا سفيان حاولي تبيني ليه بلي تبدلتي وغاترجع المياه لمجاريها مكنتيش باغاه هاديك حاجة اخرى
حياة : راه نرجع ماعنديش مشكل ... ولاكن مابغيتش نبين ليه بلي قادرة نخضع لكاع قراارتو لاناض يهدنني بالفراق ...
لامار : سمعي ليا ... نتي مغاتمشيش تلاحي عليه هادي ماشي ديالنا ... خليه هو لي غايرجع عندك ودفعي كبير كيف بغيتي ... ولاكن رجعي كيف كنتي وحبسي عليا هاد الطيش دوالو راه تانا معاجبنيش ... ومغايبقلو ليك لا سفيان لا ماماك لا باباك ... غاتقابلي قرايتك وغاتبلسي محترم كيف كنلبسوو حناا كامليين ماشي قلنا ليك ديري اللتام غير هاد العرا وصدر و الفخاد مكاين لاش .... ودابا تلقايه هو لي غايرجع عندك حيت غايشوف حيااة لي باغي رجعات .... وهكدا مغاتمرضي لا نتي لا هو ... اما هاد زكير غير كيضيعو بيه الوقت ...
رتاج : انا متافقة مع لامار .. مادمتنا باغين داك الشخص وعارفين انو كيبغينا ولاكن خايفين على كرامتنا ... نبقاو تايقين فحبو ولاكن مانلوحوش راسنا ... نتسناوه تايجي راااسووو عاد نتواضعو ... وهاكا غانرحمو هاد القلب شوية من العداااب ونرحمو عينيننا ... شدينا زكير بما فيه الكفاية ومانفع بوالو... وماتسوليش سفيان شنو كيدير هنا .. حيت كون كنتي فبلاصتو تانتي غاتجي بلا عقل لعندو .... ماتكدبيش على راسك راكي فرحانة بوجوودو
حياة : ( طيحات راسها ) كتقولولي نسامحو ؟
لامار : على نتي زعما مامسامحاهش ؟
حيااة : ص صراحة اه ... يعني صافي خدا عقابو وبسابي سمع الهضرة من خوه ... وبحال داك الهضرة مكاينش لي يتحملها حيت حاسة بيه وعارفة معنى يكون باك شماتة ... لاقالها ليا اسد وشبهني ببابا غانحماق ...
لامار : بلاصة ماتبقاو تدقوو فاغلاط الماضي خليوهم درس ... نتي تعملي من غلطك باش ماتعاوديش ديري داك التهور وتصرفي بلا عقل حيت شتي النتائج كون مجاش سفيان اش كان غايطرا فيكم ... وهو يتعلم من خطأو مايعاوش يضربك والا راه غاولي بحال باه ...
رتاج : دابا هااااد الموضوع نطويوه كنضن حياة فهمات ... وباركا راه طيبنا البنت ... غاترجعي تعيشي حياتك عاااادي جدا ...وسفيان راه مغايسمحش فيك مزال غاتلقايه جا تالعندك ... غير بيني ليه حياة لي كيبغي رجعات ليه .. وداك ساع لاضربك عاااااد نسميوه واحد مكيسواش ... ( دقة فالباب ودخلو الممرضاات هازين الفطور حطوه ليها )
لامار : تكااادي باش تاااكلي ... اجي اماما خلي خااالتو تفطررر ( هزات قسم لي مشغولة فتيل درتاج )
حياة : ( كتشوف فداك بلاطو ) ففففف والله ماعندي منين يدوز شهيتي مشدودة
رتاج : راني كتبت ليهم يجبوليك فاتح الشهية راه ضاروري خصك تاكلي راه غايقيسك فقدر الدم الله يستر ... شدي بعدا شربي غير حليبك
حياة : ععععع معنديش معاه هاكااا ... بغيت قهوة
لامار : اشمن ققهوة ... شششربي لاغاتشربي ...
حياة : والله مكككيعجبني .. صافي ناكل غير لاصالاد " صلاد فروي "
حياة : ( فمها عامر ) صافففي صااافي شششبعت واش قالولك خنشة كتعمرها
سفيان : شتي لامابغبتيش تاكلي مرة اخرى غانشد عليك فصندوق قد هااكا صغيييور غير نتي والماكلة والحلييييب ... حلي دااااك الفم كتعرفي تحليه غير على دودودوودو
حياة كتاكل وكتجيها الضحكة وماباغاش تبين عزة نفسي هو كيكول فيها وهي مرة مرة طلع معاه عينيها وريحتو فنفيها مكرهاتش تلاح علييه توحشاتو ... فنفس الوقت كابتة راسها باش ماتمرمدش كرامتها كأنثى
ورتاج ولامار فزاج كيشوفو فيهم
رتاج : والله تااااكتسطا عليها بالله
لامار : قالي قبيلة هاديك بنتي
رتاج : خصو غير يحاول عليها مسكينة .. تاهي كتبغيه ... مصاب يساليو هادشي دغيا ونفرحو بيهم
وصلو لدار وطلعها ديريكت لبيت لي كانت ناعسة فيه ماطلق منها تادارها فالفراش عاد خرج لقا لامار ورتاج فاالكولوار مع اريج
اريج : شي حد يفهمني مال البنت
رتاج : راه قتليك طلعات ليها السخانة دينيها ليكلينيك
اريج : وعلاش تاحد مكيقوليا شي حاجة .. سفياااان ( مشات سلمات عليه بلابيز عنهم عااادي )
سفيان : على السلاااامة ... فين يونس
اريج : خرج .. معععصب ديال بصح حيت تاواحد مكيجابو وحاس بلي مخبين عليه شي حاجة راه غايتسطا ... راه واقلة مشا عندك لدار ... لابقيتو كتخبيو عليه هاكا والله لارجع مزال لمغرب انا كنعرفو
سارة : هههه مالكوم ضرتوو بياااا .. راكم عارفين كنت مسافرة عاد جيت ... توووحشتكم والله
اريج : انا قلت صافي تزوجتي ونسيتينا هههه
سارة : ههه منيتك نتزوج بلا عائلتي ... كيف بقيتي نتي شوية كيف غادة مع الحمل
اريج : هااانااا ... يلاه عرفت عندي جوج دليدات
سارة : اووووه مبرووووك يترباو فعزكم ( شدات على يديها ) تستاااهلو السعادة ... تا يوووونس يستااااهلها وغايكون احسن اب تيقيني
اريج : معنديش شك فهادشي
سارة : فييين قسوووووم
لامار : كانت غير هنا غاتكون تحت شي طبلة .. قسووووميييي ... اجي خرررجي فين راك خرررجي هااا عمييييتوووو سارة جاااات ( خرجات راسها من تحت طبلة وهزاتها سارة )
سارة : لفااااارة ديالي ... تووووحشتك الخانزة ... تلاقيت مع سفيان خارج مرفوع ماردش ليا تالبال ...
لامار : اودي غير خليها على الله ... قولي لينا نتي كيف دايرة امورك فين وصلتي مع عمران
سارة : ( بضحيكة ) مهم على ودو جيت .. عملني بلي غايجيب عائلتو ويخطبني منكم
اريج : يوويوووويوووووووي مبرووووووك مكنعرفش نزغرت غير سمحي ليا فرررررررحت ليك والله الله يكمل عليكم بالخيير
لامار : الف مبروووك احبييييبة تستااااهلو ... مزيان بداي حياة جديددة مع عمران ... هاهو جاااا لي كان فمكتابك والقدر ديالك ونصيييبك ونصك التاني .. مكانش على بالك ياك
سارة : والله اختي مكان على البال هههههه معاه عرفت شنو هو الحب الحقيقي ... الحب النقي لي مفيهش كراااام ديال الشر ولا الخديعة ....
لامار : كل واحد ربي وشكون مقسم ليه وعسى ان تحبو شيئا وهو شر لكم ... يعني شحال من مرة داكشي لي كنكونو ومهووسين بيه ومراض بيه كيكون شر لينا وحنا ماعرفينيش كيتعماو عينيا على الحقيقة ومكنبقاو نشوفو والو من غير الهوس ديالنا ... ونهار بريتي ها ربي وراااك حبك ديال بصح شكون هو لي بغاااك فاقبح حالاتك شكون لي يستاهل تحاربي على قبلو .... وكون عرفنا ربي شنو مخبي لينا ورا دموع والمعاناة غانبكيييو بالفرحة ... والله تافرحت ليك اختي .... ربي يدوم حببكم ...
سارة : اميييين عندك الحق ... ( هبطات راسها ) قبل مانجي ...مشيت للمنطقة لقديمة .. وبقيت كنشوف فدار القديمة لي كنت ساكنة فيها معاك داك الايام ... كلست حداها مدة كنسول فراسي .. انا شكون كنبغي ؟ .... وكلقا فقلبي غير عمران .. تأكدت ان هو الحب الحقيقي ماشي الهوس ولا المرض ... واول مرة قديت نشوف داك الدار بدون مانمرض ولا نتعصب .. بلعكس عاااااادي عاد حسيت براسي تخطيت كولشي .... وقادرة نعيش حياة جديدة ....
اريج : هادشي لي خصو يكون .. حتا نتي تستاهلي منبعد كل اش داز عليك ... وربي مكيضيعش عباااادو
لامار : هي نوضووو نوووجدو معاش غايجيو ؟؟؟؟
سارة : قاليا حتى ليل ... غايجي غير هو و والديه وختو ...
وصل بطموبيلتو قدام واحد الفيلا وكلاكصونا هو يحل واحد الراجل البيبان ودخل اسد تاوصل حداه وهبط الزاج وداك العساس عرفووو
اسد : عدنان لداخل ؟
العساس : اه اسيدي كاااين ...
دخل اسد وباركا طموبيل ... والعساس مشا كيجري فتح لباب لكبيرة دالفيلا واسد بقا فطموبيل كيشوف فدوسي لي بين يديه ... ويتفكر هضرة دكتور الفرنسي ......
دكتور : كيف كتشوف اسيدي هادشي لي كاين ... راه حدرنا باش مانخبرو تاحد بحالتو .. وفنفس الوقت متهرب من العملية
اسد : انا راني خوه ماشي شي حد برااني ... دابا ملخرر وبلا قوة الهضرة ... كاين العلاج ؟ غايتخطا هادشي
دكتور : ( حيد الصناطات وتقاد فالكلسة ) شوف اموسيو اسد ...راني شرحت ليك وعاودت .. نسبة نجاح العملية ضئيييلة بزاااااف ... خصو يكون قوي لاقصى درجة ... صماماتو تلفو بالكامل ... شبه مستحيل ننقدوه من هاد الحالة .... شبه مستحييييل امسيووو اسد
اسد ناض وضرب واحد الكككرسي برجججلووو معصصصببب
اسد : انا راااااه معنديييش المستحيييل معنديييش ( قرب عندو ) هذااا راه خويا .. خويا الوحيييييد لي شقيييييقي ... هذاا بيني وبينو شي حواااايج لي تاواحد ماغايقدر يعرررررفهم ... هذااا نصي هذاااا لي الى غبت انا يقدر يعوووضني وتاحد مايحس بالفرق ... شبييييهي توأمي تقدر تقول عليه لي بغيتي هذااا راه أنااااا . انا ننننفسي ...بغيتو يعييييييييش ...
دكتور : راه مابيدي تاشي حيلة امووسيوو
اسد : كوون كنتي نتا لي خوك ماشفتيهش كتر من عشرين سنة ونهار تشااوفتووو تشاااوفتو اعدااااء ومزال لحد الان ماقدرتيش حتااااا تسلم علييييه ولا تقوليه واش نتا بيخييرررر وتسول على اموورووو ( حمارو عينيه ) كون كنتي نتا لي غاتعرف خوك غايموت ونتا باقي مدرتي معاه تاشي دكرى زوينة كنتي غااااتجبد هاد الحييييلة من قااااع الارض غير هو يبقااا عااااايش .... ومكنتيش غاتقولي ماكينش حل ... هااااااد الحل انا بغيتك تجبدو لا كااان اكتشفوو ويلا مكانش اخخترعوووو .. مهم جبد لياااا الحححل لي يخلي ليااا خووووويا عااااايش
دكتور : تتتهدددن عفااااك .. راه الامور كلها واضحة ... وحتا الى لقيت هاد الحل راه موسيو عدنان راااافض فكرة العملية والعلاج
اسد : هاديييك ماشي خدمتك .. خدمتك هي تلقا ليا حل يتعالج بيه عدنان ... واش غايجي العملية ولا مغايجيش داكشي خرج سوقو ... اما باش نجيبوليك تقتلو ليا فالبلووووك راه مكاين لاش ... كنفضل نشوفو قدامي كيحتضر على نديه لموت بيدي
دكتور : مؤخرا هضرات معايا واحد الدكتورة تاهي مختصة فامراض القلب والشراايين وكتقوليا كاين امل النجاه فالحالة ديالو ... كنضن مهتمة بحالتو بزاااف ودارت دراسات واجتمعات غير على قبل حالتو فامريكا .. تسنيتها تسيفط ليا التقارير لي خرجو بيهم ومزال ماسيفطاتليش .. كضن عندها شي حل لي يعلي النسبة دالنجاة من بعد مكانت 2 فالمية تقدر بسبابها تولي 40 فالمية ...
حبيبي الأصم الجزء 290
محتوى القصة
التنقل بين الأجزاء