كانو هادو الكلمات الي نطق ونطقهم بحروف متقطعة ومرعددددين بالعصاب ...جن جنونو فاش شافو حط ايدو عليها وهي هاربة وهو تابعها !! سنا على الموت ديالو بايديه وبكامل ارادته ...يعني مضلموش مجبدوش ...هي داخلها البيت مكبغييييش يعيشها رعب وتشوف خدمتو تاع بصح كيدايرة قدام عينيها ...مبغاهاش تشوف شنو غايصرا ليه ...
غادي وشاد فايديه بزوج الفردي الي وجدو على اهبة الاستعداد وجاي باغي يضغط عليه ....
ديفيد "بدا كينوض وشاد ورا ضهرو عينيه مغمضين من الالم تاع الدقة ...ضور راسو بان ليه قباض رواح جاي عينيه حمررررين " : ف سي رمسييس ...
فؤاد "تمشا تالعندو هز رجلو وعطاه بدقة حتى تسمع صوت دقة مع غوتو ....مكيهضرش حط عليه الفردي يلاه بغا يضغط عليه حتى سمع غوات ايلاف "
ايلاف : لااااااااااا فؤاااااد بلييييييييز ماتعملها من شان الله ..."كيوقف فيه بايديه وكيقرب شوي بشوي وكيوقف فيه ...." ...كلشي عندك حق فيه مااااتنسى مرتك مرتك بحااااجتك ....
يقرب ليها معند حد الحق يمد حتى صبعو ليها ...فكرت هضرة ايلاف يامنة بحاجتو دابا غاتازم الوضع ومرة اخرا كيفكر بحسابها ...لو كان اعزب بسرعة يفضيها معاه ولكن حاليا او لان الوضع اختالف ف عنقو انسان بريئ مكاين فين يعطي راس لا طرات ليه شي حاجة
تفكر نهار قتل وقتل وهي معاه تضرب ورجعها لمغريب وقاسا عاد رجع ليها ورحعها ....غمض عينيه حتى غمضهم على جهدهم وحيد الفردي ...
ناض فؤاد ولكن ماشي بهاد سهولة ضروري يفرشخ مو ويخلي دماياتو تشرشر ...بقا يعطيه يعطيه يعطيه حتى ولا وجهو كامل دم وايديه مشتتين وحوايجو شي تلاح وشي تشرگ حتى ولا يسوط نفس خارج منها تشاش ....
خشا الفردي وراه ...
فؤاد "وهو غادي " : لوحو فشي خلا تيجي مولاه ...مشا نيشان لبيت الي فيه يامنة خرجها منو شابك صباعهم
فؤاد "مخنزر فيها " : ماااتشوفيش وراك ...ودارها وراه وهي غاديا وجهها صفر ....مضارتش وراها حتى طلعها وطلعو خرجو وسط ناس غادي بيها لبرا ....حتى وقفو جيفيتوف ...
جيفيتوف / مالك فين غادي ؟
دار فيه فؤاد واحد شوفة حتى كحز لور ...
فؤاد "هز صبعو في وجهو " : انااا الي نقول شنو بغيت وشنو مبغيتش "غوت تا قفز جيفيتوف ومرتو وماريا وضارو ناس كيشوفو " سمعتييييي ...
تم جاي داني هاز كاس فايدو ...
داني "كيشوف فيه مبغاش يهضر معاه غير كيشوف راسو فيه مية مطرقة ومطرقة مفضل يبعد عالنزاع والخصومة حتى يوصل لمبتغاه انه تكمل الصفقة الي بالنسبة ليه اهم من انه ينشيها معاه ..."
جر يامنة بجنبو عنقها ومشاو ...هادشي كان امام مراى ماريا الي دمعة نزلت ليها كتجري وكارزة على الكاس حتى تشخشخ ليها فايدها ....
جان داني لعندها جبد مشوار من تما وحطو ليها فوق ايدها الي تقمشت بزاج ....
ماريا "شافت فيه من نهار ليلة الي دوزوها حميمية مع بعض وهي مكتشوفش جيهتو اصلا من سالاو صفقة غبر كان كيتاصل بيها ولكن مكتجاوبوش ...نترات ايدها من ايدو " : متقيصنييييش ...انا عارفة راسي ماشي صغيرة ...
داني "هز ايديه باستسلام " : اوكاااي از يو لايك ( الي بغيتي ) ...هز الكاس كيشرب فيه ومشا تكوانا فجيهة اخرى ....حتى جاه اتصال من بعد ما لاحض غياب النائب ديالو دار اتصالاتو وعيط لرجالو قلبو عليه حتى لقاوه مرمي فواحد الخلا كلو مشلخ ...وعرف ان فؤاد الي دار فيه هاد الفعلة ...
داني "واقف عند راس المساعد ديالو كرززز على ايديه وضحك باستهزاء قبل ميهز عينيه قدامو كيشوف ويهضر...بالعبرية " : باكاروف ايت حاموتاڤ شيمولاخ ش…ششي مممم "كرررزززز على ايدو حتى بغا تسقط منها دم ...هز رجلو وقبس حجرة حتى طارت لهييييه ..." اااااععععع وخا اولد البلاد واااخا
غادي طاااااير فطريق حتى كتهز طوموبيل ...عينيه مخنزرييين فطريق ممشورش ابدا ولا حاس باشنو كيدير تقول رجليه ماتت على الكسيراتور ....غادي مورررك ومداريش بديك الي حداه قلبها بغا يخرج ووجهها صفار وبياض جميع الوان طيف دازو عليه ...وكتهضر وتناجي فيه وهو مهناااش معاها ...
ضار بجهد لعندها بخوف عليها اول مرة تغوت ....ضار شاف فيها كتبكي بهيستيرية بواحد الطريقة اول مرة يشوفها وهنا حس فعلا انه مكانش في هاد العالم ...نقص فالسرعة تدريجيا طلق سينيال وركن على جنب حتى وقفو سيارات رجالو تاهما ...حل شرجم شير ليهم بمعنى مكاين والو ....
فؤاد "حل سانتيغ وقرب ليها حط ايدو على حنكها حتى بعدت حيث قفزت " : شش صافي صاافي ...
يامنة : اهى اهى نقص عفاك والله مدرت شي حاجة هو الي وقف ليا فطريق اهى اهى ...
فؤاد "كيحك ليها على حنكها من نطقات عليه بلا شعور العصب الي فيه عض على سنانو ومحسش حتى ضغط ليها على حنكها بجهد " ..
يامنة "تالمت " : ااااه اهى اي ااااي ...
فؤاد "فاق وانتابه ليها لحنكها الي ولا حمر حيث كان مزير عليه " : شش صافي غزالي حسيتش صافي ..."مد ايدو حل ثلاجة ديال سيارة جبد منها قرعة صغيرة ديال ماء معدني ....حلها ليها " : هاكي شربي اغزالي ...
يامنة : اهى اهى "شدات القرعة ايدها كترعد شافها كترعد ولا هو عطاها تشرب بايدو حتى تنفسات حل زاج دخل ليها الهواء ديال سيدي ربي عاد بدات كتلتاقط انفاسها ...
شاف فيها ممرتاحاش طلق واحد تنهيدة مخرجة انفاس سخووووونة ...تكا عالكوسان وهز راسو كيشوف في سقف السيارة حتى حس بصدرو رجع لتوازن ديالو وانفاسو بدات كتنتاضم ...رغم انه فرغ غليلو فيه ولكن مشبعش مكرهش لو تيرا فيه وسط راس المهم دقة الفردي تكمل ليه ....
ضور. راسو ناحيتها لقاها مشابكة صبيعاتها بتوتر ...مد ايدو وجرها من دراعها من بعد ما حل ليها سانتيغ ....
فؤاد : اجي عندي ااجي ...
عاونها حتى ناضت وبحركة هزها من كتافها وضارت حتى لعندو حطها فوق منو معنقاه ...دار فوق سانتيغ وديمارا سيارة خشا وجهها فعنقو ...وانطالق بيها هكاك فوق منو ....
غادي فطريق ومرة مرة كيسوط ...مرة يوقف فاشارة المرور ويحدر راسو عندها يبوسها في راسها ولا حنكها ويمررر ايديه على ضهرها ...
اما هي فا اخيرا تهدنت وسكتات كتسمع لقلبو الي كيضرب بجهد وصدرو الي قاااصح كيطلع ويهبط ...هادشي بالعكس جاب ليها راحة حيث حسات بالامان مخشيا فيه الاحاسيس كتوصلنا احيانا باصرفات بسيطة بحركات بسيطة كتخلينا نحسو بطرف لاخور اشنو هو بالنسبة لينا .....بقات مخشية فيه حتى ضربو مسافة طريق ووصلو لفيلا .....
فؤاد "ضور الفولون حتى ضار ووقف بلاصا ....حدر راسو لعندها بضبط عند ودنيها " : شش يامنة ..."كيمرر ايدو على شعرها .." يامناااا ...
افيييين اولد كرشي القصصية راه يامنة سرحااات عجول لاخرا علاه الي لقا صدر فحال صدرك غاينوض والله اولدي وخا نعرف ندير راسي ميتة لا نضت ليك ...😂😂😂
هادي هي حياة النسر نسر موسكو حياتو مليئة بالاكشن والغموض ديما هذا هو حالو من نهار بدا حياتو فهاد العالم ومن نهار حط فيه رجليه وهو شاب صغير ...مبقاش قادر يخرج منو ...المافيا الي هو فيها مافيا كتبيع الاثارات خارج قانون دولة بالملاييير ...كاين اثاراث مطلوبة دوليا ...وكاين الي عليها الاعين ....وكاين الي كتكون نادرة والي فاز بيها ليه النصيب الاكبر ...
هاد نوع من المافيا ممكن نصنفوه من احد اكفس الانواع اكثر من اصحاب المخدرات وبيع الاعضاء البشرية ...بحيث كيجيبو شي اثر من الاثارات او الماسات او حجر كريم باهض الثمن مطلوب دوليا وبلاصتو هي المتحف لكن المتحف كيتعرض لسرقة على يد هاد المافيا وكيتقاتلو عليه باش ياخذوه ويبيعوه لشي حد اخور بالملايير وكيقسموه بيناتهم ....وكاين بزاااف ...تجارة الاثارات ثمنها باهض وعقابها قانونيا مكلف وكبير ....
فؤاد نضرا للخبرة ديالو هو وايلاف فهاد المجال البق ميزهق معاه كيعرف لغة العيون سريع الانفعال ...الحاجة قبل ميتافقو عليها حتى كيفليها مزيان ....نضرا لتخصص ديالو علم الاثارات ...عارف امتا تصنعت وفين تصنعت وعلى يد من تصنعات ...والوقت بضبط وكيفاش حتى تصنعات ....
ادق التفاصيل كيعرفها كان الشغف ديالو هاد المجال وذكاء ديالو خلا اعين المافيا عليه حتى دخل تدريجيا ليها وكيف قال هو بنفسو بلادنا ممعاوناناش حتى كلقاو. راسنا يا وسط ولاد ناس يا وسط ولاد لحرام ...ونتا وشنو هزات ليك مغرفتك فهاد الحياة ....والواضح ان فؤاد قلة المال مساعداتوش باش ميكونش فهاد العالم وربي كتب عليه هاد طريق ....
كل مكيتعصب كيحاول يجمع راسو على ودها كيحاول محسسهاش بالخوف في حياتو ...كيحاول يخليها ديما تحس بالمان على حسب قلة راحتو والقلق وتعب ديالو ....المهم هو كاتيوشا حبيبتو ميقيسهاااش الضرر ...كيتقاتل باش تبقى هي فرحانا ومداااريش انه كياكل دق من جيمع النواحي ....
دازو ايام وايام وهو تشافى تقريبا من الجرح الي فجنبو وتلملم ليه حتى حيد سبارادرا بمرة ورجع لرياضة القتالية ديالو والفيتنيس ...وهي بدات ادها كتعافى تدريجيا رخا دازو ليالي حميمية بيناتهم ولكن كانت قليلة شوي حيث لو جات عليه هو لو كل نهار صباح وعشية ينعس معاها وميكرهش ....
مزاكيش من البحث ديالو ابدا لا هو لا ايلاف حتى كيقربو وكيرجعو لنقطة صفر ولكن هو ابدا ممستسلمش وضاهر ان الي ضربو لعبها صح وعرف كيفاش يتسغل الموقف وضعور يامنة في حياة فؤاد شتتات ليه تركيز ديالو فالوضع الحالي ...اجل اجتماعات السرية ديالو والصفقة حتى يقرر اينا وحدة فيهم اللنسب ليه هو
لانهم ميقدروش يتحركو الا لما كان هو بحكم خبرته عارف تفصيل دقيق لكل اصر غايتباع او يتشرى وعارف الحقيقي من المزور ....اجل هادشي حتى ترجع ليامنة عافيتها بينما حيدات الجبيرة والي ليوم الموعد باش تحيدها ...
يوم جديد يوم غير كل الايام ...حلات عويناتها على بوسات خفيفة فوق دراعها الي كانو عريانين بحكم كانت لابسة بيجامة ضوني وشورط ساتان فالابيض بالدونتيل من جناب ...شعرها مخربق ...نعسات حتى فاقت على قبلاته ...
بدلات حوايجها الي عاونها فيهم طبعا وجدات ووجد حتى هو هز داكشي الي خاص وخرجو بزوج فاتجاه السيارة طلات على فلاد هو اللول الي ولا مزيان وقادر ينوض ويجري شوي ...وامتاتل لشفاء ....طبطبات عليه وركبات فسيارة الي انطالقات بيها لاحد المطاعم الروسية ....
كيف وصلو ركن السيارة قدام المطعم او ريسطو ...ركنو رجالو وراه وضار هو حل عليها الباب وخرجات هازا راسها كتشوف فالمكان كانو قدامو ريسطو روسي مئة بالمئة ...كان صباح الباكر وكانو قطرات الندى كيهبطو والحال شوي بارد ...دخل هو وياها من بعد ما استقبلهم المسوول ووراهم بلاصتهم الي كانت لفوق فتيراس ...
فيها فوطويات وقدامها طبلة كتشوف فالمدينة لتحت ...كان ريسطو غزال منضر ديالو بهيج وكيعطي روح ونكهة روسية بامتياز ...جابها ليه باش تكتاشف موسكو اكثر وتعود عليها بكلشي فيها حتى بطقس ديالها ودرجات الحرارة الي كتوصل لدرجات تحت صفر ناهيك على ثلوج ...
طلب من سيرفور اشنو يجيب فضل يفطرها على ذوقو فطور روسي بامتياز ....حدو سولها اشنو تشرب ...
يامنة : قهوة بحليب مرغوية بزاااف ...
فؤاد : كابوتشينو ؟
يامنة : اه هذاك عجبني ديك المرة ...
فؤاد "غمزها حتى تزنگت تاني وقلبها لتخنزيرة شاف فهذاك قاليه شنو بغات ومشا ...ضور هو ايدو وحازها بجنبو معنقها منخششها فيه ...كيهضر ويبوس " : غزالي يا غزالي ...
يامنة "زمت فمها بخجل كضحك " : هههه
فؤاد : شوفي فيا ..."شافت فيه " ...شكون قلتي انا ؟
يامنة "تتلولب فعينيها ورحعات فجلة من جديد " : اممم ؟
فؤاد "خنزر فيها " : يامناااا ...
يامنة "تتقولها فيها البكية " : ر رااجلي الحبيب ...
شوي جاب ليهم النادل الطلب ديالهم والي كان عبارة على اكل او فطور روسي اطباق رئيسية ديالو روسية ...حطهم قدامهم ...وبجانب ديالو طبيسلات زيتون فرماج ذهن وجبن مخلط بزعتر وزيت زيتون وفرماج احمر وعسل ومربى التوت وخبز وكرواصون لكن الي اثار انتباهها هو الاطباق الرئيسية والي بقات كتشوف فيهم منهم طبق داير فحال شكل الباطو ...
خبز فوسط منو انواع الجبن مذابة فيه وفيهم بيضة اومليط ممخلطاش هكاك فحال العين المح والبيض و بجانب ديالو طبق اخر فيه قطع الخبز كل وحدة واشنو فوق منها وحطو ليها كابوتشينو وهو قهوة كحلة بلا سكار كيدوز بيها الكارو الي ضروري هو لول قبل ميفطر ...
يامنة "كتشوف بفضول شيرات ليه بصبعها " : شنو هذا ؟
فؤاد "طفا الكارو وبدا يشرح ليها " : هذا الخبز الي وسط منو هادشي اسميتو خاتشابوري ...هذا فيه ( داكشي الي ذكرت ) وهذا اغزالي اسميتو بليني هادو فحال شكل بان كيك الي كتعرفي غير هما كيتصايبو بطريقة روسية وفوق منهم هادشي الي كتشوفي ..(كان فوق منهم زبدة وعسل ....كاين نوع المالح كيكون فوق منو كافيار او سمك السلمون والجبن المنسم او....)
يامنة "باعجاب " : اااه صافي ...
فؤاد : دوقيهم الى عجبوك نزيان معجبوكش نوضي ليك على حاجة خرا ...
يامنة : واخاا ...بدات كتاكل ولحسن الحض عجبوها بزاف وجاها مذاق مغاير ...ومكاين ماحسن من ان الواحد يكتاشف مداق ونكهات جديدة ومختلفة ....كملات فطورها وشربات قهوتها داز صباح عندها مريح لنفس ونفسيتها رتاحت ...كملو وخرجو من ريسطو وانطالقو مباشرة لكلينيك الي خذا ليها موعد فيه باش تحيد جبيرة ....
دخل من بعد ما عرفوه راه جا دغيا عند الاستقبال بلغو طبيب الي خلا ليه المكتب محلول وصل دغيا دخلوه ...سلم على طبيب وابتاسم ليامنة باحترام بلا ميشوف فيها ...عطاه فؤاد الملف طبي ديالها الي جا من المغريب ...قلبو وطلب منهم
باش يديرو راديو جديد ...وداكشي الي كان دغيا داروه من بعد دقائق خرجو ليهم ودارو في الضو الي كيعطي اشعة باش يدقق ليهم الملاحضة ...لقا ان الكسر جبر ليها ( وشوف شحال من ماتشات دوزت وجبر وانا الي تهرست من ايدي عاودت الجبص جوج مرات تشا را نحس حاضر عندي احمادي ) ....
مشا معاها حتى حيدو ليها جبيرة وعطاها فترة ديال ترويض كل نهار يدير ليها ترويض يا هو يا ياخذها لمركز خاص ....كملو وخرجو من الكلينيك وانطالق بيها فاتجاه الفيلا ....
وصلو وطلعات ديريكت لفوق هو مشا المكتب ديالو عيط لايلاف يلحق عليه لفيلا ويدخل لمكتب وصاها متهبطش حتى يمشي ايلاف ....اول حاجة نصلات حوايجها ودخلات لدوش طلقات رشاشة حتى عمر البانيو ...دارت فيه زيوت معطرة ومنها كيرخي ....عندها تما وباندوش ...
ودخلات وسط منو دارت شنو قاليها طبيب بضبط كيف شرح ليها فؤاد ...حتى كمدات ايدها مزيان وخا باقي مكتقدرش تحركها طبيعي مع الگبص كتبلوكا الايد واحد الفترة ...حتى داز الوقت وناضت وقفات غسلات شعرها ....
كانت بغات تحك حيث ليها شحال محكات مقضياها غير تدواش كل نهار وبحكم هي مهرسة فؤاد مفيه نفع فالحكان ...غاتصبر حتى تولي تحرك ايدها مزيان عاد تضربها لراسها بحكة تاع الغدايد ....نشفات راسها وخرجات
ذهنات لحمها بكريم وايديها ووجهها وخذات واحد البومادة كتبها ليها طبيب باش ذهنها على حسب ايدها وتماصيها مزياااان ....كملات ولبسات دوبييس ديال ولبسات فوق منهم بيجامة كولون والفوق على شكل ضوني كانت فالبلوغوا والكولون في الاسود وعليه كتابة فلون الفوق ...
نشفات شعرها بسيروم الي ولفات ديرو باش يبقى شعرها محافض على شكلو وميتاترش بقوة تدواش الي هلكها بيه اسي فؤاد رمسيس ...
كملات وهو يصوني ليها الفون كان رقم غريييييب ....
يامنة "على نيتها مشافتش رقم كيحساب ليها واتساب سارة او راوية او شي حد من دار " : الو ...
هو : ههههه مدام يامنة رمسيس ...
يامنة "خرجات عينيها .....جات بغات تقطع حتى قاليها هاد زوج كلمات " : سولي راجلك على سڤيتلانا دوبريڤ ...."وقطع "
قاليها هاد زوج كلمات وقطع هي بقات كتشوف مفهمات والو شكون هادي واشنو علاقتها براجلها ...وعلاش قاليها قوليها ليه واش داها ولاش مشات ههههه ...
حتى دخل هو كان لابس شورط كحل وبيل سماطي فالابيض ...مشا عنقها وخشا وجهو فعنقها شبع ملتها قبلات متوزعة بين عنقها وفمها ووجهها حتى سخن ...
يامنة "كيهر فيها " : هههههه اي ااا اه...
فؤاد : ششش زگااااي ...
يامنة : واااكتهرنيييي ...
فؤاد : داااكشي الي بغينا ...
يامنة : اااح ...اهههههه
فؤاد : نتي الي اح ...
يامنة : فؤاااااد "بصوت حنين " ...
فؤاد : نعااام اغزالي ...
يامنة "تقابلت معاه ونطقات " : شي حد صونا ليا فتيليفوني مشفتش رقم انا جاوبت نيشان حيث مولفة غير دار ولا البنات ولا نتا الي كتعيطو ديما ...جاوبت وهو يهضر معايا واحد ...
فؤاد "عقد غوباشتو وطلقها بتخنزيرة " : كملي ؟؟
يامنة"تخلعت من شوفاتو " : امم وقاليا سولي ر راجلك على وحدة اسمها "كتفكر حيث جاتها سمية معكلة متفكرتها حتى سخفت " : سف في سفيتلانا دوبريف ...
فؤاد : اري تليفونك ..."مداتو ليه شاف رقم رسلو عندو وهز الفون عيط لايلاف " ...
فؤاد : غادي نرسل ليك سمية شوف ليا ديالمن ورقم شوف ليا ديالمن وخا غايكون غير رقم ماديال حد ولا مشري ومليوح ...مهم حاول تجيب ليا في اشمن بلاصة كانت هاد المكالمة بلاش منمشي لعند دراري نشوفو فين كاين وشكون بضبط واشمن بلاصة عيط تصرف نتا من عندك ...
ايلاف : تمام ...
فؤاد "ضار شاف في يامنة الي كتشوف " : مالك ؟؟؟
يامنة : شكون هادي ؟
فؤاد "رفع حاجبو " : علاش كتسولي ؟
يامنة "حدرت راسها " : واغييير سولت ..
فؤاد "عض على شفايفو بتفكييير كيهضر ويشوف قدامو" : دابا نعرفو شكون دابا نعرفو ..."صغر عينيه بواحد طريقة كانه عرفها شكون هي وماعرفها وفي انتظار التاكيد يحن مولانا " ....
...............
في واحد المكان فحال طبيعة خضراء ضايرين بيها جبال الثلج ...كانه في الدانمارك او هولاندا او ...طبيعة فشكل ...فحال جنة ...جاي داير ايديه فجيابو وكيشوف قدامو بنفس نضرة ديالو وتخنزيرة المعتادة عندو ....الابتسامة وتقول خاصك ملف الهجرة الى امريكا يتقبل ليك عاد تلمحها ....
وقف على راس الحافة ديال انحدار الارض ...كانت كلها ربيع وورد والمعاز كيضورو تما والبقر نوع اروبي فاش كتشوفها كتكون اكيد انك فاحد الضواحي او البوادي الاروبية ...لمحها جالسة بجلبابها والقب الي على راسها ...عيالات زمااان الي كيديرو النگاب او الحايك ....
كيشوووووف فيها ومصغر عينيه كانه كيتاكد ...حتى ضارت لعندو ...
فؤاد "صغر عينيه حتى صغرهم قبل ميخرجهم مضهشر " : الولييييداا ؟؟
مينة "اسم ام فؤاد " : ولدي الحبيب
مشا قرب ليها وباس ليها راسها وايديها ...ميمتي يا ميمتي ...
فؤاد "هبط باس ليها رجليها بواحد طريقة يقشعر لها البدن ...كيبوس ويعاود كيشم فريحتها الي فارقها من كانت عندو خمسطاش العام ...حتى بدات تنوض فيه بديك العضمة وديك الطولة والتگضيرة والهيبة فاش كتكون الام كتولي طفل ": تاج راسي ونور عينيا يا ميمتي ..."على عينو دمعة بغات تشق طريقها"
مينة "حطت ايدها على حنكو ونزلات نقابها كانت امراة بيضاء البشرة عينين كبار ومشفرين وكحلييييين وحجبان غلاض ...ولون عينيها كحل " : ولدي يا ولدي قسات عليك الايام ومغرفتك هزات المرار شربتي من كيسانها كتقلب على الحلاوة وملقيتيها ...
فؤاد : هذا هو المكتاب ربي كتب ولازم نرضا بيه اميمتي الحنانة ...
مينة "بضحكة بشوشة " : ههههه وربي كبير متقنطش من رحمتو ربي كيعطينا سباب وحنا نتبعو ....الحلاوة ضايرة بيك ومفتاح الفرج قرب لعندك شوف جنابك وجمع شتاتك وربي غايسر طريقك ...المكتوب ما منو هروب وليني لكل مكتاب حكمة كبيرة ....شفتي لهيه "وراتو جبتل ثلوج " هذاك لون قلبك ...ولكن الثلج مغايكونش طبعك ...
فؤاد "باستفسار " : كيفاش ...
مينة : هذاك طبعو هو الي جاي ...قلبو ثلج وطبعو مثني على طبعك (دوبل ) ...سميتو سمية من اسماء سورة من ذكر الحكيم "حطت ايدها على قلبو وبدات كتقرا القران حتى بدا يحس برااااحة ..." يس والقرآن الحكيم انك لمن المرسلين....بدات صورتها كتلاشا ونطقات بسمية ومشااات...
مينة : ياسييين اولدي ياسييين ....
على اثر هاذ الاسم ضرباتو الفيقة حل عينيه بجهد عالسقف كيشوف يشوف حتى عقد غوباشتو وحس بداكشي الي مبغاش يحس بيه ...
يامنة الجزء 32
محتوى القصة
التنقل بين الأجزاء