يامنة الجزء 43

وشحاااال توحشات لمسات ايديه وشحااال توحشات حركات ايديه ....بوسات ديالو ...كلمات الغزل الخاصين بيها ...والي ضروري مكيمزجهم ببوسات لمسات عضيضات همسات ...متحركاااتش خلاتو هو يهضر ويتصرف كيحمقها بهاد الحركات الي كيدير ...عضات على شفايفها مبتاسمة فقلبها فرحة كبييييرة لداخل ديالها كيرقص على انغام رجوعو رجوع راجلها السند الامان الحب العشق الي بدات كتحل عليه عويناتها وتربى على ايديه وتبان شخصيتها فكل ازمة كيمرو منها كتعطيها درس تزيد تعلمو وتكسب خبرة ...

فؤاد "بقا شحال حاط ذقنو على كتفها كيهضر ويبوس في عنقها ..." : متوحشتينيش. ؟ 

يامنة "ضحكة خجولة " : هههه بزااااف ...

فؤاد : ومالك ساكتة ...

يامنة : ممتيقاش مبغيتش نضور باش متمشيش 😞...

فؤاد "ضورها لعندو تلاقاو عينيهم لاحضات وجهو الي تبدل وباين عليه العياء وتعب ...قبل مايميل رسو بجنب ويهبط لشفايفها حاط شفايفو على شفايفها كيف العادة خاشيهم بين شفايفو كيبوس بشويييي حتى غمضات عينيها وشد ايديها ضورهم على عنقو منغامس معاها فالقبلة الهادئة الي قرب يرجعها عنيفة من اشتياقو ليها مكرهش يغزز ليها شفايفها بين سنانو حتى لعن شيطان وفصل القبلة رجع باسها بوسة خفيفة ..." : اجي ...

شذها من ايدها وداها حتى لناموسية وجلس جلسها حداه قابط فايديها بزوج ...هزهم حتى باس كفهم ...وشاف فيها ...

فؤاد : علاش مبغيتيش تاكلي ؟ 

يامنة : هاا ؟ كناكل علاش ؟ 

فؤاد : الي سمعت دابا مع الوليدة كيقول العكس ...

يامنة "حدرت راسها بحزن " : مقدرتش كناكل غير على ود الدواء باش ناكل بخاطري مقدرتش ...

فؤاد"هز ليها وجهها بصبعو " : شوفي فيا ..."شافت فيه بعينين ذابلين " ....قلة الماكلة ماشي هي الي غادي ترجعني ...التقليقة اه من حقك ولكن الى طولات مكتنفعش اغزالي ...نتي مبقاش عندك الحق دابا تقلقي حيث ماشي وحدك معاك الي معندوش ذنب فهادشي ( عنكش ليها كرشها ) معاك ولدي ...الي وقع كان لابد منو ....

يامنة : علاش مقلتيش ليا بالي هي الي لقيت انا وبا ؟ 

فؤاد : ديك ساعة معرفتهاش واش هي حيث فاش وصلتها لمراكش خليتها حية حتى وقع الي وقع وعرفتها تقتلات ...

يامنة "هزت ايدها وحطتها ليه على ذقنو خشات صباعها فلحيتو الي زادت كثافة ومخربقة مغوفلة ...كتقيص فيها ...وطلع لوجهو وتحت عينيه ...خلاها على خاطرها تقيص فيه ..." : عيييتي ؟ 

فؤاد "خرجها من اعماقو مصحوبة بتنهيدة " : بزاااااف ...

يامنة : فيك جوع ؟ 

فؤاد : الى كليتي نتي ناكلو بجوج اغزالي ...

يامنة "ابتاسمت " : تبغي دوش ..؟ 

فؤاد : حتى لدار ...

يامنة : اينا دار ؟ 

فؤاد : دار لهيه فازرو "شاف فساعتو " ...نتحركو من بعد متهبطي تاكلي وطلعي جمعي حوايجك باش نمشيو ..."شاف فيها بعينين هااايمين " ...قتلني شوووق من جهتك ابنت الناس ....

ابتاسمات ليه وهو ينوض مد ليها ايدو عطاتها ليه نوضها وجرها حتى عنقها بجهههدددد مضورة ايديها على خصرو وهو محاوطيها بدراعها خاشيها فيه مغمضين عينيهم كيشمو فريحة بعضياتهم بكل اشتياق كيتنفسو من بعض ...باسها فجبهتها وفمها ورجع حاوطها بدراعو فجنبو وخرجو من البيت هبطو لقاو الكل مجموع فالصالة متوسطاها زينة جالسة فلارض مفرشين ليها وقدامها صينية زوج برار اتاي واحد فيه نعناع وثاني غير اتاي وحدو ...وصينية المجامع ...حتى دخلو عليهم

نجود "شافت القرحة فعينين يامنة وراحة فعينين فؤاد معنقها بجنب حنيكاتها مزنگين حيث معنقها قدامهم " : بنتي هههه على سلامتك ...اجي گلسي تاكلي ليك شوي ...

فؤاد "حك لحيتو " : تاكل مزيان ماشي شوي ...

دخلو جلسو هي بجنبو وهو عند راس ودراري بجنب يوسف صهيب يوسف الياس نجود سارة وزينة الي خدامة تقلب فالبراد ...

زينة : سارة بنتي سيري نابي على زهور تجي تبدا تنصب فالعشا ...

نجود : لا تعذبيها شاي الحاجة انا نديرو ...

زينة : ولواه منعذبوكش معانا ماهي خصلة زينة نعذبوك ...

فؤاد "حنحن " : مكاين لاش اميمتي حنا شوي وغادين نتيسرو ان شاء الله ...

زينة : ابليييمين منتوما محركين الله اولدي طريق الليل مزيناش اولدي ارتاح ليك عاد دخلتي ووجهك باين عيان تقولي كنتي محبوس ( مكدبتيييش اميمتي ههه ) راك عارف منبغي ليك اولدي طرقان ليل الليل ديال ماليه يمشي يضربكم جن طريگ ...

صهيب : ههههههههههههه اوالله مكاين شي جنون قدنا حنا ..."شاف في فؤاد لقاه كيشوف فيه بواحد نضرة ديال ديال هو خاف منها صراحة هههه " ...احم انا الي جن ماعلينا ...

زينة : لا تردوهاش فوجهي دار تقدكم والى مقداتكم نهزوكم بين عينينا ...بركو وخا غير تالغذا ...الله يرضي عليك اولدي ...

فؤاد "ديما كيحشم منها مكيبغش يخسر ليها خاطرها فبحال هاد المواقف ...حك قرفادتو من لور ...ملقا ميقول " : مفيها باس ...

نجود "ناضت ": ايوى عيطي لزهور تجي تعاوني نوجدو عشيوة دايزها الكلام ...شافت في يامنة ونتي ابنتي كولي مزيان نتي وراجلك را باين عليكم العيا بجوج ...ومشات هي وسارة الي سبقتها تعيط لزهور ولوخرين ...

فؤاد "شاف في يوسف " : يوسف عطيني تيليفوني الي عطاك صهيب ...

يوسف "جبدو من جيبو " : ايييه ولكن ديرو يتشارجا راه طافي 

صهيب : نسيتو مدرتو ليك يتشارجا جبت معايا نيت شارجوري ...

فؤاد "ناض " : انا طالع لفوق نديرو يتشارجا ونهضر تما "شاف فيامنة " ملي تسالي طلعي عندي ...

يامنة : وخا كول بعدا عاد طلع عفاك شوف وجهك كيف ولا وحالتك ضعافت ...هانتا كاين مسمن الي كيعجبك بزبدة بلدي وبغرير وفحال كيكة الي كنضايب ليك الي كتعجبك ...كول وطلع ( من نيتهم بعفوية ههه نسات راسها ) ...

فؤاد "خشا تيليفون فجيبو وكلس " : وخا ...

في واحد القنت فين محيوز واحد الحزب الي جاتو البكية وتنخصيصة ومقادرينش يعبرو لا يخنزر فيهم ههههههه ...

صهيب "بالهمس " : ااااح على الفجلة والشاف ...

الياس : هاوشوني فجواج اخوتي 😿

يوسف : نوضو نخرجو يضربنا البرد حيث راااه بزااف اصحبي نوووض قبل متغرب. شمش ...

صهيب : نوضو نووضو ...

كلاو ما قسم الله اتاي والبغرير والمسمن وزيتون كحل ومشرمل وخبز الخباز ...ومالد وطاب من الگوتي البلدي الي غير كيوذن العصر هالي كيطيب قهوة كحلة معطرة وهالي يدير اتاي ونسمة البادية عاطية ...كتشم ريحة العواد شاعلة فيهم العافية ولا ريحة الخباز المحمي بروت البقر ...(الروت ديال البقر كيتستعمل في الغرس ولا كيحميو بيه الخباز فين يطيبو الخبز ) ...وصوت البقر والكلاب تنبح ...وصوت الكرويلات جايين والي غادين وصوت البراهش كيتغاوتو وصوت التقوقيع ....

لبسو كبابطهم ...واستاذنو يخرجو يضربو دويرة مع راسهم وطبعا الياس حاضر معاهم وخا هكاك كيبقى معاهم صديق فينما كانو ممكن يكون معاهم ...تكودسو مزيان ( لبسو سبرديلاتهم ههه ) ...ونعاماس ما غايشدو طريق الفدادن بمعنى الاراضي الفلاحية ...وغادين فاتحين حديثهم الي كالتالي نعماس ...

صهيب : واش قطعتي البيي ؟ 

يوسف : هضرت مع منصف يقطع لينا سيمانة جايا باش مكان غذا يعطيني تاريخ معاش ...

الياس : علاش متديونيش معاكم ...

يوسف : نتا حسك باغي تلصق فحلاقمنا ...ثلاثة راه مجاتش نتا عاون هنا وحنا لهيه ...انا اصلا غا غادي معاه مال راه خدمتو هو ...

صهيب : بغيت تمشي معايا نتاكد من شي حاجة نجيب معلومات تعاوني باش نجمعو دليل براءة فؤاد وتانتا الياس مغاتبقاش بلاش غانكلفوك تبقى فشركة منها سطاج ترجع تكملو ومنها حضي رزقكم ونعطيك شي معلومات جيبهم ليا وحتى خوك راه غايخدم بطريقتو غير هو انا كمحامي خاصني نتحرك ميمكنش نخدم من بلاصتي ...

الياس : صافي كون هاني ...

غادين كيهضرو حتى حبس صهيب ...

صهيب "ودنيه قلشو مع دخلو بزاف والهضرة مركزين محسوش براسهم فين دخلو حتى كيسمع غير شي اصوات ...ععععع غغغغعععع اعععععععع .": ي يو ي دا الياااس ...

يوسف والياس كانو خاشين وجاههم فتيليفون حتى هزو فيه راسهم ...

يوسف : مالك ؟ اش واقع ؟ 

صهيب : و و وااش كتسمعو اش كنسمع ؟ 

يوسف "طلق ودنيه ...مزال مضاروش بجنابهم حيث داكشي الي فجنابهم كان مخبي وسط زرب هههه ": اجي فحال صوت شي كلب باغي ينبح ...تانتا غايكون بعيد لا جا شير عليه بحجرة معندو ميدير ليك ....

الياس : واااااااااااااعااااااااو ولااااو وراه ربعين كلب اخوتي ربعييييين ...

يوسف : شااااا "ضار وهما يبانو ليه صاروفة وديك صاروفة ديما كيكون فيها اكثر من عشرين كلب ولا عشرة المهم كيكونو اغلبهم تابعين شي كلبة هههه ..." : م عندهم ماا و لا ...ناري لاااا ..

صهيب : خويا جيبني تالكلاب نعطيك كلوتي وعند الكلاب منعقل عليك ...

الياس : وعلااااااااق ...

يوسف : لاااا حبسو ولااا غايتبعوكم الحمييير ...

معامن نتا لقاهم فرتحو والكلاب تابعينهم ...

مابقاوش عقلو لا على يوسف لا شكو هما الرجلة راحت في كلام فاحش ولكن راه كانو كلاب معرية على نيابها وصاروفة قداش هي ...تابعاهم ويوسف تبعهم تاهو كيشري رجعو رجليهم كي روايد ....

صهيب "وجهو ولا بيض عينيه خرجو وهبطو وفمو محلول كيدفع فراسو باش يجري ويغوت " : وتاااااااااا عتق اصحبي عتااااق ولااااو ...

الياس : ايماااااااا ربعين كلب اناااري غايعجبوهم عضامي اناااري اش داني لشي دوااار اش داااني ....

يوسف "تاهو تيجري ويغوت بصوت خفيف زعمااا راه تيغوت " : ااااا هااا يما يما سلامة سلااامة...ضار لعندهم لقاهم مشتتين تابعينهم " ....ررر رششش رششش "كيشير عليهم بايديه "...تانا كش كش…

صهيب : وااااااععععاااااار ربي عااااااااعاااو تا تصب اولد الحمارة تصب وااا هادو واش كانو يتسناو فينا ...

الياس : ايما يمااا يمااااا ...معرت لديلمهم كانو دابرين اجتماع مغلق ودخلنا بدون استئذان ...

يوسف : اغا سمحو لينا هاد المرة مندقو منقربو لا باقي جينا جيهتهم غا ندبو لينا الحناك ...

الكلاب خدامة شي يعرعر وشيينبح وشي يخرخر ...

عععععععع ععععو عو عو اغررررررر ....

يوسف "مع ضار يشوف بان ليه كلب جاي كيجري معري على نيابو كاملين كتبان ديك تستيفة ديال سنانو ونياب خارجين وعينيه منيرين ...." : واااا سلامة سلاااامة ناااري لا وقفت ليه بربي ميخلي فيا عضم صحيح ...

الياس "ضار شافو " : وناااري سنانو مخززين ...خاصهم ليباگ ولد الكلبة 

صهيب : تا لدليلموك حضيتي سنانو باقي عند موك تركيز ....

بقاو يجريو حتى قربو يسخفو دارو فجري كتر من فيراري على هاد الحساب رجلين ولاو كيضورو ماشي كيجريو ....مفكهم غا واحد جاي بكرويلة شير عليهم بالحجر من بعيد وهو يتشتت المجمع حتى عيط ليهم قاليهم بالي تفرتكو ....

عاد حبسو كيلهتو طاحو على واحد الحجر كلسو عليه بانو ليهم علقو ...

صهيب "كيقلب عالسرفل شاد فصدرو " : نااري على ولاد لحراام ناري ...

يوسف / اربيييي الي يتبعكم اليييي يتبعكم تفووو. كون غا واحد واربعين اربعين ...

الياس "هاز راسو كيلتاقط انفاسو " : قل قل كون ربعين كون حوايجنا فسما اوووففف ...

صهيب : دابا رجعتو لكلامي كنتو ضحكو عليا ملي تبعني كلب ...راني عارف الكلبة مهم كيدايرين هنا ...تفوووو ...

يلاه كيلتاقطو نفسهم حتى سمعو تخرشيش وهو يخرج واحد خور حتى لصقو فبعضياتهم ...

يوسف : لا هادو ميتهناو تايديو خبارنا لشيخ قبيلتهم ..

الياس"جاتو البكية " : الله ياربي نمشي نخدم مع خوك ميتبعني كلب ...

صهيب : ياربي اش هاد العشية ياااربي ...

ما كحالت عليهم حتى قرب بدا يشمشم فيهم ...

صهيب : سلامة سلامة سلامة وااربي ياربي يااربي ميغفلنيش راه لا غفلني يجي لمي جهل ...

الياس "حاضيه ومطلع راسو وعينيه فالتين فيه نفس قطعوها " : اممممنمم ...مكاينش حجرة هاد زمر راهم ديال لخلا ماشي مربيين غا جاعرين منعرفش نروضهم ...

يوسف : كون نعرف مكاينش حجرة ...اففف غا تهدنو تهدنو ..."حدر يوسف ايدو باش يهز حجرة يضربو بيها حتى خرج مولاه هاز جويجة (بندقية صيد ) فكتافو ...

مولاه : متخافوش ههه هذا سلوكي ديال صيد مكيدير والو كيجيب غا الي صيدناها يشميمها ويجيبها ...

الدراري : هااا ايوى شتي تايهوديت 😐...

دازت ديك العشية كي الرعب على دراري وصلو لدار كيلهثو ...طلعو لفوق لصالة يرتاحو وخلاو العيالات كيوجدو العشا وفؤاد طلع و تلاح ينعس ويرتاح ويرجع ليه دماغو باش يفكر ويخطط ويشوف شكون الي قتل البنت الي طلبات المساعدة منو او الي وصاه عليها صاحبو ...بقا يخمم حتى غمضت عينو ...

وصلات وقيتة العشا ونزلو ...طلعات يامنة لفوق لعندو دخلات لقاتو محيد القميجة عريان من لفوق ساد شرجم وناعس على ضهرو داير ايدو على عينيه وناعس مغوبش ....حتى جلسات حداه وهي تحد ايدها على دراعو كتفيق فيه ...

يامنة : فؤااااد ...فؤاااااد ...

فؤاد "حل عين وساد لاخرا طلع فيها حاجبو واشار ليها براسو بمعنى نعام " ...

يامنة : هبط تعشا ...

فؤاد "قرب ايدو شاف فساعتو لقاه فات العشا ...حك وجهو وحل عينيه حتى توگض ...شاف فيها ..." : عطيني نلبس ...

يامنة "ضارت تتشوف بانت ليها قميجتو ديالو ...جات بغات تمدو ليه حتى غفلها وجرها حطها فوق منو مفرق ليها رجليها بقات غا تحنزز اناري كيدار ليها ؟ " : نااري ...

فؤاد : مالك ؟ 

يامنة : غير خلعتيني ...

فؤاد : ششش "كيدوز بصبعو على حنكها وشفايفها " مزال كتخلعي ...

يامنة "بخجل " : شوية هههه ...

فؤاد : شوية يعني كاين امل متبقايش تخلعي مزال ...

يامنة : اااه هههه ...

بقا يلعب بصباعو فحناكها قبل ميجمع ايديه ويحطهم على حناكها باغجهم حتى خرج فمها وقربها ليه حتى هبطات لعند وجهو وحل فمو جر ليها شفايفها بمصة حتى بقا جاااااااااااااررررهم في الاخير جرهم بسنااانو مغزز عليهم وعاود رجعهم شدهم حتى غفلها وخشا لسانو كيضور على جناب فمها من لداخل مازجهم بشفايفها وايدو لاخرا كطلع تحت بيجامتها ...حتى حست بيه بدا يسخن ...وحتى هو حي وطلقها كتنهج حناكها مطبعين ....

يامنة : ه هبط نتعشاو ..

فؤاد "نوضها وحطها وناض هو هز تيشرت لبسو والقبية لبسها خلاها مفتوحة مسدهاش ...جرها بجنبو هكاك حناكها مطرطقين بسخونية وهبطو لتحت " ....

لقاو العشا واجد كيتسناو غير فيهم ...العشا الي داروه بحب وفرحة بالخروج ديالو ...وخا البقية معارفينش مهم كاينة فرحة ويامنة رجعت ليها ضحكة ...هنا تاكدات جداها مسكينة ان الوحم جاها على راجلها ....كان العشا عبارة 

على طواجن كبيرة ديال لحم على شكل طنجية ...وشلايض الخضرة مصلوقة مخلطة بطون وصوص مايونيز ...وفريت وزيتون فطبيسلات صغار وشلاضة مطيشة وبصلة والخس ...كانو زوج طابلات كل طابلة بطاجينها والمرافقة ديالها ...والموناضة ...طابلة فيها رجال فبيت ...وطابلة فيها العيالات فالبيت الي مقابل معاهم ....

فؤاد كان جالس الوسط كيشوف فالباب ديال البيت الي فيه العيالات ويامنة حتى هي حدا نجود الوسط جاو وخا فارقهم البيوتة الا انهم مقابلين مع بعضياتهم ...تحط العشا وسماو الله بداو كياكلو ....وفؤاد مرة ياكل ومرة يشوف فيامنة ويحك لحيتو هاد الحركة كدل على انه مشتااااااااااااااااق ....

كانت كتاكل وتضحك معاهم … هزات عينها نيشان فعينيه الي استغل الفرصة عض على شفايفو بطريقة جذااابة رجولية وغمزها ...حتى حدرات عينيها مزنگة ووحلات لصهيب الي قشع اللقطة 😂😂

بفرحة عارمة برجوع زوجها حبيبها بو ولدها الي فكرشها من بعد ما رجع السند الي كيحسسها انها هي مولات المكان ودنيا في ايديها ومعندها مناش تخاف ملي رجع الجناح الي كدخل تحتو ويلگا عليها ...عطات لراسها وعد انها تفرحو وتنسيه الي داز عليه تفرحو كيف مكيفرحها ...ومكيخسرش ليها خاطرها يغوت تا يعيا وعمرو مد عليها ايدو ...

في هاد الفترة او هاد الاسبوع الي داز والازمة الي دازت عليها وعليه هو اكثر ورغم ذلك مفكر فيها وموصي عليها وتبقا هي ضاحكة وفرحانة على حساب تعاستو وحزنو هو والي جرا ليه ماشي ساهل ....خلاها تفكر وتبحث وتوگض مع راسها بحيث فرجوعو يلقاها وتفرحو باش ينسا همومو الى هو جبل وقاصح راه كيبقى انسان في الاخير ...والى هي حنينة ودرويشة وسكرتية وحشومية فراه خاصها تحرك وتقوم بيه ...عالاقل تفرحو كيف ماهو مفرحها ....

فؤاد "من بعد ما طلعو دخل البيت باش يرتاح ...كان كيحل فصدافي القميجة ..." ...

يامنة "حطات ليه مايلبس من بعد مايدوش ...تيشرت بلومارين مكتوبة فيه نايك بالبيض وقبية فنفس لون والماركة ...وسروال ديالهم وبوكسر كحل وتقاشر بيضين ..." : هادو هاهما باقين جداد من داكشي الي خديتي من المول فمراكش ...نمشي نوجد ليك دوش تغسل ؟ ...

فؤاد "جاوبها براسو بواخا " ....

تمات غاديا وهي ترجع عندو ...

حطت ايدها على دراعو وهو يضور عندها كيشوف فيها ...قبل متهز رجليها وتجرو لعندها تعنقو تعنيقة كبيييييييييييييييرة فحال الي لقات باها ولا منعرف اش ....تنخششات فيه وحطات راسها على كرشو ...

فؤاد : توحشتيني بزاااف كااع ؟ 

يامنة "جاوبات براسها قبل متنطق " : بزاااف ههههه ...

فؤاد "قابلها معاه " : متبقايش تقلقي الى طرات شي حاجة ...خاصك تعلمي ايامنة بالي هادي هي حياتي الى دخلت نخرج والى تعطلت نخرج نخرج ...نتي عارفة مجال خدمتي ...من هنا لقدام يقدر تخفف القضية ...ويكون خير ....يقدر نغيب عليك ويقدر نكون حداك ولكن عمري منخليك حيث نتي "ميل راسو حتى باسها في فمها ودوز لسانو على شفايفها " عمارة داري وقريب غاتولي "حط ايدو على كرشها " ام ولدي ولا بنتي الي جاي فطريق ....

يامنة : ههه ان شاء الله ....

فؤاد"باسها ومشا دخل لدوش وهي تهبط عند نجود كتجري عيطت ليها جرتها لبعيد ..." 

يامنة. : ماما "حشمانة " بغيت نطلبك عفاااك ...

نجود : امري ابنتي خبار الخير ...

يامنة "بقات تحنزز فيها مقدرتش تقولها ." 

نجود : هضري ايامنة اش كاين ؟ 

يامنة "تشجعات وهي تقرب لعندها وهضرات حذا ودنها" : ملي نكونو لهيه ! 

نجود : ههههه هاكا نبغيك فرحتيني ...وخا كوني هانية ...

يامنة : شوفي كيفاش تقنعيه نمشيو غير انا ونتي ...

نجود : هو صعيبة وليني ميخسرش ليا خاطري غير تهناي الباقي عليك نتي دابا ...

داز العشا وتجمع ...وتحط اتاي وتشرب ..وجلسات ناس وجمعات ...وكل طلع ينعس دراري فصالون والعيالات لتحت ...من بعد ما هضرات مع نجود ونسقت معاها رجعات طلعات يامنة لعندو باش تشوف شنو خاصو وينعسو...حتى دخلات لقاتو ناعس كيهضر فالفون بالروسية عرفات انها الخدمة ...حيدات الفوقي بقات غير بالبودي حيث البرد ودخلات تحت الغطا الي كان سخون ومانطات بايير باقين جداد ....كمل تيليفون وضار شاف فيها هبط لتحت اكثر وسلت ايدو جرها ضورها على جنبها كيهبط فالبودي على كتافها كيبوس فيهم ....جامع شفايفو وكيبوس براس حتى كيطلع لعنقها ...وايدو الي شاداها من كرشها خشاها تحت البوذي ....

يامنة عرفاتو موحشها بزااف وهادي الوقيتة يقدر يقلبها نعاس ماشي غير مداعبات ...الى استمر هاكا غادي تزير ...شدات ليه ايدو الي فوق كرشها وهو يشدها وشابكها مع ايدو وزاد تبتها على كرشها وخشا وجهو فعنقها كيلحس فيه براس لسانو ...ويطلع لودنها يجر ليها شحمتها حتى ساط عليها نفسو سخووووووون ....ونطق ليها بهمس ذوبها ...

فؤاد : زدتي زيانيتي فعيني ورغبة فيك غاديا وكتزيد انور عيني ...

طلع شوي حتى ضار على وجهها كيهبط حتى وصل لشفايفها وهادشي هي باقي لاصقة على كرشو ومؤخرتها نيشان على المعلم ....

حتى بدا كيمص ويعض فنفس الوقت وصدرو كيطلع ويهبط حتى نسااات راسها وكشااات معاه ...هبط لبين صدرها من بعد ما طلع ليها لبيجامة لفوق وحط لسانو على راس بزازلها ...ضربها ضو وهي تفيق وشدات وجهو بين ايديها ونطقات ...كتشوف فيه بحب وهو بعيني مشتاااقين ...

يامنة : وخا نطلبك ؟ 

فؤاد : مولات شي مكطلبش ...شنو ؟ 

يامنة : هههه وخا تاجل حتى نمشيو غذا..."عقد غوباشتو وطلق ليها تخنزيرة ..." ...الااا والله والله حتى بغيت ندير ليك شي حاجة ...

فؤاد "هز حاجبو " : الي هي ...

يامنة "دلات شنيفاتها " : هي مفااااجئة "حدرت راسها " ...

فؤاد "بقا شحااااال كيشوف فيها " : المعنى ؟ 

يامنة : غادي تعجبك ملي حبستك يعني راه حسن من هاكا ...

فؤاد "عض فشفايفو وخا تفقص ولكن بغا يسايرها على قد عقلها...بقا حاضيها بشي نضرات حتى تفافات ولات تقول غايلصقني مع الحايط ...شد وجهها بين ايديه وشاف فيها مزيااان " : محدك كتجمعي وتجمعي فهاد ليام امرتي ...من هنا لداك الوقت القديم وجديد الى فديتو فيك مااانتي فخير ....

"جر ليها شنيفاتها بشفايفو حتى غززهم ليها باش يبرد شوي غدايدو ..."خاطرك درتو ليك ...ونتي محنيني ...ومول الخيمة كيجمع ليك ...

رجع باسها وناض لدوش ييرد هههههه 

يتبع ...